رواية من حضرتك عشان قلبي تذله الفصل الخامس والعشرون 25 - بقلم ام عوض

انايا واقفة عند الباب وتهز رجلها محترية هنادي تجي
واخييرآ اندق الباب وفتحتتها على طوول
وسلمت على امها بسرعة وسحبت هنادي على جنب
انايا :هنودتيي ما قالولتس انتي احتريس هناا
هنادي تضرب يد بيد :قولي وشتبيين اندري وراتس شي
انايا بهمس :اسمعي ابيتس تكلمين ادهم
هنادي :ليه
انايا استحت:تقولين له انت تحب انايا ولا لا وشوفي لو صددق
هنادي :لا والله خفيييفة وشذا
انايا :لاا قوليله بس يعني تلمحين مو تجيبين طاريي واني انا قلت لتس
هنادي :وانتي حبيتيه على طول من بعد ما صحيتيه من النوم وطلع مب اخوتس
انايا :اييه والله اقعد افكر فييه داييم واحس فجأة صار مزيون بعيني بعد ما كان قرد
هنادي :يا شيخة وشتبين في زواج الاقارب بعدين تجيبون بزران نفس وجيه عماتس وعمانتس تزوجي من برا يا بنت تجيبين بزران وجيههم جديدة
انايا :عادي نورث وجيههم للجيل القادم ،يالله تكفييين روحي قوليله
هنادي استسلمت :طييب بروح اقوله
انايا نطت من الفرحة :ويلوموني بحبتس
هنادي تلبس طرحتها زي الناس :يالله انا رايحة
انايا :روحي وانا احتريس هنا
راحت هنادي وجا معاذ وهو يقول بهمس :انايا يا حبيبة اخوها اسمعي
انايا :هلا
معاذ يناظر مافي احد: ابيتس تروحي المجلس وتجيبين نوور وشذا انا زوجها ولا هم ،ما شبعت منهاا للحين
انايا :لا والله وامي اذا سالتني وش اقولها ؟؟؟
معاذ : صرفيهاا يالله تكفيين ابي حرمتيي
انايا :طيب وش المقابل
معاذ :حتى انتي صرتي تبين مقابل ،خلاص اجيب لتس هدية من المدينة بس روحيي
انايا :ابشرر الحين اروح اناديها كم معااذ عندي اناا
معاذ :فديتس يالله بسرعةة
راحت انايا وأشرت من الباب لنور بمعنى تعالي
ونور فهمت عليها وقامت لها قالت بهمس :خير شتبين
انايا :رجلتس يحتريس برا روحي له
نور :يحتريني انا وش يبي ذا ؟
انايا :مدري عنه يقول ما شبع منتس
نور :طيب لو سال احد عني قوليلهم راحت الحمام "وانتو بكرامة"
انايا :تم
طلعت نور وهي تطالع لو في احد غريب وطلعت للحوش وهي تناظر يمين يسار ما شافته
فجأة سحبها معاذ لورا الحوش محدن يروح هناك
نور :بسم اللله فجعتنيي
معاذ يضمها :يويليي لتس وحشةة يا نوور
نور تبعده :بعد يا معاذ لا يجي احد ويشوفناا عييب
معاذ بعد عنها :كيفي حرمتي وحلالي
نور ابتسمت له وقال بقهر :الحين ودي اعرف امك ليه عزمت عماتك حنا باقي ما شبعنا من بعض
معاذ :وانتي صادقةة امي كذا تحب تعزم عماتي وعماتي على الله ما يصدقوون يجون على طول
نور كانت تبي تتكلم بس سكتت يوم سمعت صوت ابو معاذ ينادي معاذ
معاذ :يا ربيي حتى هنا لاحقييني
نور :رووح شوف وش يبغى منك
معاذ :طيب لا تروحين احتريني هنا تمام
نور:طيب طيب
وطلع لابوه وهو يقول :هلا يببه هلاا
ابو معاذ :اسممع
معاذ:اسمع يبه
ابو معاذ اشر لسالم :خذ سالم وروحو اذبحو الذبايح وسلموها للمطعم عشان يطبخوهاا استعجلوو لاني نسييت اقولكم اول
معاذ :طيب يبه يالله سالم مشيناا
سالم يقلب بالمفاتيح:الحيين ابغى افهم شدخل الخرفان ينذبحون بسبب غلطة سواها ذا الحمار
معاذ :امشي لا اصقك الحين بالعقاال هااه
ابو معاذ :امشي امشي بس واهو صادق والله ما غلط
معاذ تنهدت وطلع هو وسالم
وابو معاذ رجع المجلس
وطلعت نور من مكانها ورجعت المجلس وهي تقول حتى الخمس دقايق ما خلونا بحالنا حرام عليهم
انايا يوم شافت نور رجعت هي طلعت من المجلس وراحت عند هنادي :هاه بشري وشقاال
هنادي :الصرااحة
انايا :ايه الصراحة الصراحةة
هنادي :لمحت له وقلت ما تبي تعرس وكذا
انايا :اييه وشقالل طيب
هنادي :قال حاط فباله بنت وهي من القرايب
انايا فرحت :انا انا ذيي
هنادي :وقال اهي مهبوولة وبس فالحة تهاوش البزران
انايا بفرحة وسيعة :انا والله انااا
هنادي ابتسمت لفرحتها :ايه يحبتس يا بنتت صدمتيني والله
انايا صرخت :ونااسة والله
هنادي وقفت باستقام:بس اسمعي يا ويلتس تقولين له او تلمحي اهو قالي لا تقولين لحد
انايا :معليتس صمآ بكمآ عميآ ،بس قولي وشقال عني ما مدحني وكذاا
هنادي :والله قال حبتس عشان هبالتس
انايا :معليه اهمشي حبني يا ربي مستانسةة ادهم يحبنيي
هنادي ضحكت لها :تعالي ندخل المواعين تحتريس ترا
انايا :تعالي والله بغسلهم وانا مستانسة

ام زين حطت يدها بصدرها :واخذها معه للبيت
ابو زين معصب :شفتيي هاذا كله يطلع من محمد العاقل الي كلن يمدحه
ام زين مصدوومة
و زين قاعد بدون اي كلمة
و روزا عيونها في زين وهي تقول بداخلها معقولة يحبها هو
لانه من يوم جا وهو ساكتت ومتضايق
ابو زين :زين
زين لف لابوه :هلا يبه
ابو زين :خذ حرمتك وامشي بيتك
زين ناظر لروزا وقال وهو يقوم :حاضر يبه قومي روزا البسي عبايتس
رورا :طيب
ام زين وقفته :اسمع زين حبيبي
زين :هلا يمه
ام زين :اسمع حبيبي لا تضييق صدرك عشانها والله ما تستاهلك هي وشوف ربي زرقك في روزا الي من يومها ما قصرت ويااك ،معنك انت مقصر بحقهاا واجد مو تهجر حرمتك عشان الهنوف وتضيق صدرك
زين ابتسم لامه وباس راسها :ان شاء الله يمه
ام زين:روح يمه الله يحفظك
زين :امين يمه
مرت شوية وجت روزا
وطلعو اثنينهم راجعين لبيتهم وزين ساكتت
لين ما وصلو البيت ودخلو
و روزا فصخت عبايتها ودخلت المطبخ وهي ساكتة ومنقهرة
و زين دخل الغرفة وقعد هناك
روزا طلت عليه وقالت :احط لك العشا ؟
زين ناظر لها :لا مب جوعان بدري للحين
روزا لفت وجهها عشان تمشي بس وقفها صوته زين :تعالي اقعدي هنا
روزا استغربت منه بس راحت وقعدت هناك وهي ساكتة
زين :اسمعيني ترا والله اني ما احبها ولا ابيهاا لا تفهميني غلط
روزا :ما فهمت غلط
زين رفع حاجبه :والله؟
روزا :ايه
زين ابتسم وسكت
وروزا قامت من مكانها وراحت فتحت الدولاب عشان تبدل
زين مسك راسه :افف راسي صددع ايييي يا راسيي
روزا طنشته ودخلت الحمام "وانتو بكرامة" وهي تدري ليه ذا التلميحات عشان تسويله مساج

جويريا دخلت المطبخ عشان تشرب موية
جت لها حنان من ورا وهي مستحية منها ومن الي سوته لها اليوم
وقالت بصوت هادئ :جوييرياا
جويريا لفت لها :هلا
حنان تلعب باظافرها وهي مستحية :ما ظنيت بيوم اقولتس كذا بس شكرآ لتس يا جويريا لولاك كان الحين انا فبيت عمي وبعيد عن ولدي
جويريا ابتسمت :معليتس سويت الي علي
حنان بتردد:بسألتس سؤال
جويريا :تفضلي
حنان :انتي طيبة معي ،مرضت واهتميتي فيني واليوم دافعتي عني ليه سويتي كذا وانا كذبت عليتس لو غيرتس والله ما يسويها يشوفها فرصة ويطردني برا البيت
جويريا ضحكت بخفة :لأني يوم اطالع عليتس اشوف فيتس اختي هيام
حنان ابتسمت لها
وجويريا مشيت عنها

عند الهنوف تناظر برا لو في احد ولا لا وطلعت بخفة عشان محدن يسمعهاا
جت اسيل من وراها وهي تناظرها بإستغراب وقالت بهمس :وين راييحةة
الهنوف انفجعت ومسكت قلبها :الله ياخذذ ابلييستس وشتبيين منيي فجعتينيي
اسيل :وين رايحة تبين تنحاشين مرة ثانية هااه، اصبري بس اعلم عليتس يا الي ما تستحين على وجهتس محمد وقف قدام الكل عشانتس كذا تجازينه يا الشيفة
وقفتها الهنوف :لا والله فهمتييني غلطط ابي اشوف محمد واكلمه وش بيسوي وبس والله انه قلبي فبطني من يوم جيناا
اسيل :هييه خير تشوفينه وتكلمينه رجلتس هوو ؟؟
الهنوف :يا ربي
اسيل :خلص تمام روحي وكلميه بس ترا مااالي دخل لو شافكم احد انا ماا شفتس ولا شفتييني تفهمين ولا لا
الهنوف :ايه والله محدن بيدري فديتس طلعتي حبوبة بس دليني وين غرفته البيت كبير وضعت انا
اسيل اشرت له :هناك باليمين اول غرفة
الهنوف تروح :حبيتس والله اموواح
وراحت بسرعة وهي تمشي بشويش عشان محدن يحس فيها
واخيرآ وصلت الغرفة وقبل تفتح الباب فتحه محمد واانصدم منهاا
الهنوف ابتسمت :محمد
محمد بخوف ناظر برا لو في احد ودخلها بسرعة :انتي وش تسويين هناا في اخر اليل تدرين لو شافتس ابوي وش يسوي؟ يذبحني انا وانتي سواا
الهنوف :خفت علييك
محمد :ليه تخافين علي بيذبحوني يعني
الهنوف :والله ابوي مب صاحي عادي يذبحني ويذبحك
محمد :معليتسس محدن يقرب منتس وانا راسي يشم الهوا والله اخذتس غصب عن ابوتس بس خل ابو زين يوافق
الهنوف :وانت مجنون تبي موافقته لا اهو ابوك ولا ابويي وبعد الي سويته مع ولده لو تطق راسك بالجدار ما وافق
محمد :يعني انتي بعد تبيني؟
الهنوف اسكتت لوهلة :يعني ايه ابيك
محمد :اخخ منتس يا بنت ابوتس جبتي راسيي والله ما ظنيت اني اجي ارجعتس ونهايتي تكون اني ارجعتس وانا ابيتس و واقف ضد الكل عشانتس بعدد
الهنوف تلعب بشعرها :وانبعد والله ما ظنيت احبك وانا الي كنت كارهة وجودك بالمدينة
محمد يتاملها ومبتسم :فديتس والله
والهنوف تغطي وجهها بشعرها
محمد :يمه فديت المستحية بس اسمعي هاه
الهنوف :وش
محمد :ما ابيتس تكوني عصبية مثل ابوتس ترا انا ما احب العصبيين
الهنوف :شدعوة انا مب عصبية ترا
محمد :لاا والله العصبية فيكم وراثة
الهنوف :لا والله
قطع عليهم صوت اسيل وهي تدق الباب :بسرعة يا بنتت سالم جااي
محمد انفجع :بسرعة بسرعة تخبي
الهنوف :ويين اتخبى تستهبل انتت بطلع براا
محمد :طيب بسرعةة
الهنوف وقفت للحظة ولفت له وهي تقول بعيون صادقة :تحلف لي انك توقف قدام الكل عشاني وتسوي كل شي ء عشان تاخذني؟؟
محمد ابتسم :والله اني احبتس وبوقف قدام الكل لين تصيري نصيبي وقفت قدام ابوي وابو زين من باقي
الهنوف ابتسمت له وهي متاكدة انه ما بيخذلها
اسيل :بسرعة يا بنتت قبل يجيي
الهنوف :جاااية يختيي جاية
وطلعت برا لها
ومحمد سند نفسه بالجدار وهو يقول اخخخ يا الهنوف اخ منتسس

طلعت الهنوف مع اسيل برا ومشيو
اسيل :اقولتس اطلعي وللحين قاعدة بالغرفة وش تسوين في داخل
الهنوف :وش نسوي يعني بالله نتكلم اكيد ما نتباوس
اسيل :طيب امشي بسرعة لا يشوفنا وليد
الهنوف :ومنهو وليد ذا بعد
اسيل :اخووه
الهنوف :اهااه

دخل وليد عند محمد وهو يقول :انت صاحي وش مسويي مقوم القيامة بالحارة ابو الهنوف معصبب وعلى شوي بيذبحك
محمد قعد فوق السرير :هاذا مو فالح الا يهدد
وليد :بعدين انت شبلااك وين محمد العااقل كلن يمدح فييه
محمد :يخي الواحد يطفش من كونه العاقل دايم وين العيب بالموضوع البنت وحبيتها مو بيدي وابيها على سنة الله ورسوله وين الغلط لا الحرام ولا عيب بس هم مكبرين الموضوع واجد
وليد :طيب تبغاها ما قلنا شي بس اخطبها من ابوها زي الناس مب تاخذ البنت فبيتك بعدين وينها هي الحين هنا؟
محمد :ايه اخليها تروح عند ابوها ويذبحهاا
وليد :يخي شدخلك اب وبنته وهي الي سوته مب قليل ترا محدن سواها بالديرة كلها تبغى يمشو الموضوع لها كذا سهالات
محمد :لا والله حتى ولو ابوهاا محدن يمسها وانا موجود وغصب عنهم اتزوجهاا صح كلامك انها غلطت والي سوته مب قليل بس احبها يا ناس احبهاا
وليد :الله لا يبلاناا
محمد تذكر :ايه صح، انت تزوجت مبروك والله
وليد :يا شييخ قال مبروك قال اي زواج والله مجنونة
محمد :احا وش مسوية
وليد :والله انها مب صاحية
محمد :هي اخت حرمة ابوك صح؟
وليد :اييه
محمد قعد يضحك وهو يتذكر جنان الهنوف :الله يعينك
وليد :ويعينك انت بعدد

روزا طلعت من الحمام وهي تنشف شعرها
زين اول ما شافها حط يده براسه وقعد يقول :اخخ يا راسيي اخخ يا راسي مصددع
روزا تجاهلته ومشيت للمراية ومسكت المشط تمشط شعرها
و زين مستمر يقول راسي يا راسي
روزا اخر شي طفشت منه ولفت له معصبة :وانتي علامك تقول راسي يا راسي زي العجايز صرعتنيي
زين :والله بموووت من وجع الراس يا يمه هااه شوفي لخبطت باسمتس حتى
روزا تناظره :خذ حبة بنادول وتصير زين
زين قعد يضحك :زين ولا مبايلي
روزا لفت وجهها مرة ثاني :هاذا وانت مصدع بعد
زين :لا صدق والله مصددع، تكفييين تعالي سويلي مسااج
روزا:اذلف بس
زين :يالله امون عليتس يعني؟
روزا:ايه تمون
زين :افا بس امون علييتس
روزا قامت:انا نعسانة. وبنام لا تطلع صوت واذا بغيت تتفرج التلفزيون وطي الصوت يا ويلك لو تصحيني
زين :و راسي طيب
روزا تأفتت وراحت عنده :بس خمس دقاييق والله اني انا الغلطانة يوم اني عطيتك وجه وسويت لك مساج
زين يغمض عيونه :والله انتس طيبة. وحبيبة ومافي منتس ثنتيين وامي صااادقة والله انتس ما تقصرين
روزا ابتسمت :هي قالت كذا
زين:ايه قالت كذا وهي تمدحتس دووم عندي وتوصيني علييتس
روزا :يا حبيبة قلبي محد يحبني منكم غيرها هي فديتها عمري
زين ضحك وسكت

في صباح اليوم الثاني
صحيت جويريا ونزلت تحت شافت ام عنان تشرب شاي الصبح ومتربعة بالحوش زي كل يوم
خلود توها تجي من المطبخ :هلا والله
جويريا :هلا فيتس يقلبي انتي وينه عنان طلع لدوامه ولا للحين
خلود:لا طلع طلع تعالي اشربي شاي معنا
جويريا تناظر في ام عنان :اخاف ازعج خالتي حبيبة قلبييي
ام عنان :لا لا اقعدي يروحي قعدتي عندنا شهوور الحين صار يضر يعنيي
جويريا قعدت وحطت لها فنجان شاي :يا قلبي انتي من يومتس طيبة وحبيبة
ام عنان :اشربي وانتي منطمة والي صار امس ترا مانيب بناسيهاا معليتس الايام قدامنا تراا واذا حنان ما طلعت من البيت مب يعني خلاص بنطم واسكت لا يا حبيبتي اهي ما طلعت لانها عندها ولد وفبطنها ولد ف عشان كذا اما انتي من وين لتس واذا بغيت اطلعاس طلعتس من البيت بسهولة انتي بس اصبري علي وبتشوفين وش بسوي
جويريا قعدت تضحك :ترا خالتي والله ما يسوا والي صار امس انسيها ترا مب شي مهم قدام الجاياات، ترا ما شفتي ولدتس ، خاتم في اصبعي يعشقق الهوا الي اتنفسه تهقين يعني انه يطردني من البيت؟
ام عنان بضحكة :ترا هاذي البداية والله لا يغرتس اهو رجال ومن طبايعه كذا حتى حنان بالبداية كانت مثلتس الحين شوفيها يا حسرتي عليها ما تقدر تنطق وكاهو امس نطقت وشفتي وش صار
جويريا :لا لا حنان شرق وانا غرب حبيبتي نحن نقول ما ينقال علينا
ام عنان ضحكت وقامت :انا رايحة اتسدح شوي ارييح من وجيه الي تسد النفسس
جويريا بهمس :نومة اهل الكهف ان شاء الله
دخلت غرفتها وجويريا لفت لخلود :اسمعي
خلود :وش نسيتي تقولين لها شي
جويريا :لا ابي منتس خدمة
خلود :يا لييييل تفضلي قولي اسمعتس
جويريا :ابيتس تنادين لي ام عمار
خلود :يا ويلي لييه
جويريا بهمس :ابيها تكشف علي شبلاني ما حملت للحين
خلود تناظرها بدهشة :هاذي الي تقول لاااحقين على الهم والغمم بعدين ترا ام عمار تعرف بذا الحاحات اشلون تكشف عليكي الموضوع عندتس وعند عنان
جويريا ضربتها :هاذي الي امها تقول بنتي مو متزوجة لا تخربوها تعرف كل شيء والله ،يالغبية تعطيني اعشاب واشياء مب الي فبالتس
خلود :اهااه توي فهمت طيب وبعدين وش يصير
جويريا :انتي مالتس دخل بألي قلته وابيتس تروحين الحين وتنادينها لي ومابي حدن يدريي تدخلينها المجلس بدون ما احد يشوفتس ابي احمل اليوم قببل بكره
خلود تمد يدها : وش المقابل
جويريا :عشتوو وصار بيننا مقابل من متى والله
خلود :يالله اخلصيي
جويريا :يختي معندي شي وشتبيين
خلود:اف يالكذوبة عندس ذهب واجد تحسبيني مدري
جويريا ضربتها :تدرين بكل شي يالسوسة حاطة عينتس على ذهبي يا ألي ما تستحين ،بسرعة البسي و روحي قبل تنزل حنانو والايام قدامنااا بيجي يوم وتحتاجيني وبكون حدتس
خلود :طيب طيب
ودخلت داخل تلبس عبايتها

اسيل طلعت برا وهي تطالع وتدور جود مو موجودة استغربت ودخلت المطبخ برضو ما لقتها طلعت الصالة وهي تقول وين راحت ذيي شكلو انحاشت بسببي انا والهنوف
شافت وليد توه طالع لدوامه وقفته بسرعة :وليد اسمعع
وليد وقف وهو يقول بتكشيرة :نعم وش بغيتي؟
اسيل :وي وليه مبوز علي مسوية لك شيء
وليد :لا وتسأل بعد
اسيل :معليه ،شفت اختي وينها صحيت وما لقيتها
وليد :صدق مو موجودة؟ حتى ابوي صحيت وما لقيته
اسيل :يمه لا يكون انحاشو اثنينهم مع بعض
وليد يطلع جواله :وش انحاشو تستهبلين انتي
اسيل :طيب دق بسرعة خايفة على اختي
قبل يدق وليد دخل ابو محمد مع جود
واسيل راحت ضمتها :وين كنتي خفت علييتس
جود ضحكت :وي خفتي علي ليه بزرة انا
اسيل :مب بزرة بس صحيت وما لقيتس قلت اكيد انحشتي
جود :لا مب صاحية ليه انحاش بس رحنا المستشفى
اسيل خافت :يمه اشفي تعبانة انتي فيتس٠ شيء
وليد تقدم :يبه خير
ابو محمد ابتسم :معلييه كل خيير بس بيجيك اخ يا وليد
وليد واسيل ناظر ببعض بفرحة :صدقق
جود ابتسمت :اييه
اسيل ضمت جود :يقلبيي مبرووك
جود:الله يبارك فيتس يروحي وعقباالتس
اسيل ناظرت وليد وضحكت بفشلة :امين امين تعالي اقعدي وريحيي بعد اليوم ما تمسكين ولاا شي انا بسوي كل شيء وانتي لا تقعدي وتريحين صح عميي
ابو محمد الي الفرحة مب سايعته :اييه صح كلامتس يا بنتي
وليد منصدم ومستانس بعد :يبه يعني يصير عندي اخ غير محمد ما اصدقق اخيرآ بيكون في اصوات اطفال بالبيت
ابو محمد ضحك عليه :ايه ايه يبه
اسيل :يوه ما اصدق متى تولدين ويجي الولد واعضعض فيه
وليد :هيه خير تعضين اخوي اذلفي بس والله ما تمسينه
اسيل :مثل ما هو اخوك يصير ولد اختي ترا وانا حالفة. اني اعض بزران خواتي كلهمم
وليد :والله ما تعضيينه
جود :خلااص اعقلو خلي يجي الولد بخير وبصحة وبعدين تهاوشو
ابو محمد يضحك عليهم :وليد
وليد :هلا يبه
ابو محمد :قم معي نروح نذبح ذبيحة ونوزعها والله هاذي بشارةة
وليد :وانت صادق يبه يالله
ابو محمد وقف :و نادي محمد بعد خله يجي معنا
وليد :ابشر يبه
وراح يناديه
طلعت الهنوف بعد ما طفشت داخل الغرفة قررت تخرج مسكت طرحتها ولبسته وطلعت
شافت اسيل وجود بالصالة يسولفون ويضحكون
اسيل اول ما شافتها قالت :شرفت الهنوف
جود لفت لها :تعالي اقعدي يروحي
الهنوف:طفشت بالغرفة لوحدي قلت اطلع وارفه عن نفسي
جود :زين سويتي
اسيل :تخيلي جود حاملل
الهنوف لفت لها :صدقق؟ مبرروك يا خاالة تقومين بالسلامه يارب
جود لفت وجهها :وللحين تقولي يا خالة ناديني جوود مب يا خالةة.
الهنوف :بس عيب اناديس جود كذا حاف
جود :معليه مشى كل العيب وقفت على ذي
الهنوف :طيب ابشري يا جود اقولتس جود بس قلتو لمحمد انه بيجيه اخ
اسيل :هيه هيه خير شدخلتس لوقلنا له ولا لا
الهنوف :لا بس كذا سالت يعني
اسيل :لا للحين ما قلنا له ابوه بيقوله
الهنوف ابتسمت :طيب
واسيل رحعت ضمت جود :يممه ما اصدقققق
وجود تضحك عليها

نهاية البارت

يالله مع السلامه حبايبي اشوفكم بكره وبارت اليوم ترا طويل