رواية من حضرتك عشان قلبي تذله الفصل الرابع والعشرون 24 - بقلم ام عوض

خلود كانت بالدكان تلفلف وهي تبي جوييرياا تخلص بسرعة عشان تلحق تلفلف ف باقي الدكاكين وهي اصلآ مو محتاجة شي بس تبي تاخذ لفة وتغير جو
قربت من قسم المشروبات وهي تاخذ حبة عصير وتقرا وش مكتوب وما حست على نفسها وطيحته بالارض وانسكر
انفجعت و ضربت خدودها وهي تقول يويليي الحين من عنان يويليي مننه اكيد الحين بيعصبب عليي
قرب منها واحد وهو يبعدها ويقول :حصل خير اختي بعدي لا تنجرحين
خلود تضرب خدودها :يويلي يويلييي من عنانن بيذبحني الحيين
ضحك زبير وتوقع انه ذي اخت عنان وقال :لا تخافين بقوله اني انا كسرته
خلود لفت له بسرعة :صدقق
زبير :ايه لاا تخافين
خلود :شككرآ لك والله شكرآ لك
ولفت تركض قبل يجي عنان واول ما مشيت جا عنان لانه سمع صوت كسر
زبير :اسف والله مسكته وطاح مني بالغلط
عنان ضحك :معليك حصل خيير
وخلود تسمعهم من ورا وتنهدت براحة انه ما عصب وهي تدري لو عرف هي مكسرته كان عصب
جت لها جوييرياا وهي تدورها :وينتس انتي اختفيتي
خلود :موجودة هنا الفلف بالسوق لين تخلصي غزل ويا رجلتس واخييرآ خلصتيي
جويريا :يالله خلصت تعالي نطلع
خلود :يالله
جويريا وهي طالعة اخذت معها حلاوة وهي تقول :باخذه لثامر
خلود :لا تاخذي ترا كل يوم ياخذ وشبعان من الحلاوة
جويريا :عادي اخذه لي اناا
خلود :تعالي تعالي بس يالبزرة واسمعي وشصار معي
جويريا :وشصار
وطلعو اثنينهم برا وخلود تقولها وشصار معها

فبيت ابو معاذ الكل مبسوط برجعة نور ومو مصدقين انها رجعت
اجتمعو اخوان وخوات ابو معاذ الي ما يصدقون على الله عشان يجون خاصة خواته
والكل اجتمع عندهم
وانايا اول ما سمعت انه ابو ادهم جا راحت على طول لمجلس لانه مافي احد غريب غير عمامها وعيالهم
وسلمت عليه وباست راسه
انايا :كيفك اخبارك عمي عساك بخير
ابو ادهم :الحمدلله بخير يا بنتي انتي اشلونتس اخبارتس
انايا :الحمدلله بخير دامني شفتك، وينهاا بنتك ما اشوفهاا
ابو ادهم :طلعت تلعب مع البزران
انايا همست له :شرايك عمي اخطب لك كذا وحدة على ذوقي
ابو ادهم قعد يضحك :لا لا زين كذاا
انايا :اسمع مني يعمي عشان بنتك تزوج وان بغيت تتزوج مو تروح عند خواتك ويختارون لك وحدة ام كرش وتمشيك على كيفها لاا ابي اختار لك وحدة رزينة طيبة و حبيبة
ابو ادهم يضحك :ابشري لا بغيت اتزوج قلت لتس انتي وبسس
انايا قعدت معه وهي مبسوطة تسولف وتمزح مع عمها ابو ادهم عكس عمامها الباقين صارمين وما يعطون وجه
دخل ادهم بهاللحظة مع سالم وطاحت عينه على انايا الي قاعدة جنب ابوه وتسولف وتضحك ابتسم وهو يحس انه منجذب لها كثيير بالمواقف الي مره معها انجذب لها كثير ناظرها لوهلة وبعدها لف نظره مرة ثانية يوم لاحظ انه سالم جنبه الي لو لاحظ عليه يا ويله غيور على اخته

نروح عند محمد والهنوف الي ركبو السيارة وهم ساكتيين كل واحد يسأل نفسه وشصار فجأة؟؟
ولا واحد فيهم وده يرجعون بس مجبورين
محمد وقف السيارة قدام محل ايس كريم ولف لها :اي نكهة تبين اجيب لتس؟
الهنوف الي كانت سرحانة ولفت له :هاه
محمد عرف انها بالها ابد مو معها :اقولتس تبين اي نكهة اجيب لتس
الهنوف : نكهة وشهو؟
محمد :ايس كريم
الهنوف رجعت نظرها للشباك :مالي نفس اشتري لنفسك
محمد تنهد بخفة :في صبح قلتي تبين وشصار الحين
الهنوف :ما عاد اشتهيتها
محمد  لف وجهه لطريق و حرك السيارة وهو ساكت ما يبي يزيد عليها ويزيد على نفسه لاول مرة ما وده الطريق يخلص وده انه يمطر زي المرة الماضية ويعلقون ولا يروحون الديرة ما يدري كيف فجأة صار كذا وحبها هم رسلوه عشان يرجعها مب يحبها ويرجع مسك راسه الي صدع من كثر ما فكر بالموضوع كثير افكار تجي وتروح وهو يقول انا بسلمها للي بيذبحونها بيدي كيف واشلون انا لازم اسوي شي بس وشش انا عطييت كلمتيي ومستحيل اتراجع عنهاا
وده انه الهنوف الحين تقوله لا ترجعني وتعارض مثل المرة الماضية تعصب وتكسر بس هي متقبلة بامر الواقع ساكتة ومستسلمة
طريق طوييل مدتها خمس ساعات خلصت كلها وهم الثنتين ساكتين كل واحد يكلم ويناقش نفسه بداخله

كل ما يقربون من الديرة تزيد دقات قلب محمد
صار يقدر يشوف البيوت الي حفظها وهجرها من شهرين عشان يروح ويدور الهنوف ما وده يدخل للحارة ما وده ابدد بس الطريق خلصت بسرعةة واهو للحين ما توصل لحل
غمض عيونه و و قف السيارة
الهنوف لفت له مستغربة :ليه وقفت
محمد نزل من السيارة وراح عند باب الهنوف وفتحه
الهنوف مستغربة :وش تسوي انت ؟؟
محمد :انزلي
الهنوف نزلت مستغربة :اشفيك يا محمد انهبلت ليه وقفت السيارة ؟؟
محمد مسكها من يدينها و وقفها قباله وهو حالف انه ما يخسرها مثل ما خسر هبة
الهنوف توترت منه ومستغربة بعد اشفييه
محمد :بنرجع لهم بس والله ما يمسون شعرة وحدة من راستس
الهنوف سكتت وما تكلمت وتطالع بعيونه وتشوف القوة والشجاعة
محمد ما توقع بيوم انه ينطقها بس نطقها وقال :انا احبتس يا الهنوف مو مستعد اخسرتس و والله ما يمسونتس دام راسي يشم الهوا اوقف قدامهم كلهمم ولا افقدتس
الهنوف انصدمت وقعدت تناظر فيه لوهلة مو مصدقة محمد بعد يحبها وهي تظن انه شعور بينها وبين نفسها طلع شعور متبادل بينهم
محمد  ناظر فيها لوهلة وبعدين مسك يدها وهو يطمنها بهالحركة انه   محد بيأذيها
ومشي رايح للحارة الي اول ما دخلها الكل تعرف علييه وصارو يقولون محمد رجعع محمد رجعع ومعه الهنووف
وهو يمشي وماسك يدها ولا مهتم لأي احد متوجه للديوانية الي متأكد هو انه ابو زين موجود هناك الحين
والهنوف ترجف من الخوف بس بنفس الوقت متأكدة انه محمد ما بيخليها وفرحانةة انه محمد اعترفلها بحبه مو مصدقة الي صار ابدد
وصل الديوانية ودخل لداخل و وقف بشموخ وسطهم
اول ما شافو الشياب قامو كلهم واعتلت الفرحة انه كان قد كلمته ورجع الهنوف
محمد :رجعت الهنوف مثل ما وعدتك يا ابو زين
ابو زين ابتسم :عرفت اني اخترت الشخص الصح يوم اخترتك واليوم اثبتت لي يا محمدد
محمد صد وجهه عنه :لا ما اخترت الشخص صح يا ابو زين
ابو محمد تقدم وهو يقول بصوت عالي :نادو لابو الهنووف بسرعةة
و زين كان يناظر الهنوف وعيونه كانت تشرح الي يقوله وكنه يقولها وش ذنبي عشانتس هربتي يوم زواجي وش ناقصني عشان تهربي ونظرة كلله عتااب
دخل ابو الهنوف وعلى طوول هجم على بنته وهو يسبب ويلعن :جيييتي اخيرآ هااه يا بنت ال***نهايتس راجعة ليدي والله لاذبحتس واعلقتس بالحارة
بس محمد وقف على طول قدام الهنوف وهو يصارخ :والله ما تمس شعرة من راسهاا
الكل انصدم من تصرف محمد الي خبى الهنوف ورا ظهره
ابو محمد :وشذا الكلام يا محمد عط البنت لابوها وخل نمشي البيت بسرعةة
محمد بصراخ :لا مانيب معطي البنت لهم انا سويت الي قاله لي ابو زين ورجعتها بس والله محدن يمس شعرة وحدة من راسها وانا بتزوجهاا بس ما بتزوجها والا وانت راضي يا ابو زين
ابو زين وقف بصدمة منه انه محمد العاقل يقول ذا الكلام :وشتقول انت صاحيي عط البنت لابوهاا وامشي بيتك يا محمد واعقلل
محمد :الي عندي قلته والباقي عليك انت يا ابو زين وانت بحسبة ابوي وفوق راسي بس اسف الا هالمرة مقدر
ومسك يد الهنوف وطلع برا تحت انظار الكل الي منصدميين انه محمد قال هالكلام
وابو محمد لحق ولده
محمد دخل البيت وهو للحين ماسك يد الهنوف ما فلتها والهنوف ما صدقت الي شافته محمد وقف قدام الكل وخالف كلام ابو زين
دخل ابو محمد معصب وصارخ باسم محمد :محمممددد وييينه ال*** الله لا يباارك فيييك وينكك
جت جود خايفة :اشفي وشصاير يا ابو محمد
ابو محمد :ويينه الي ما يستحيي
جود استغربت مين يقصد
وابو محمد دخل المجلس ولقاه هناك ومسك نفسه بالصعوبة قدام الهنوف وقال :اطلعي برا
الهنوف ناظرت لمحمد وهو طمنها بنظرته واشر لها تطلع تركت يده وطلعت وقفت برا وهي خااييفة ومتوترةة
وجود انصدمت يوم شافت الهنوف وجت اسيل جنبها وهي تخزها بمعنى مين ذي

ابو محمد بصراخ :وش الي قلته بالديوانية انت صاحيي تخلف بكلام ابو زيين يا الي ما تستحيي فشلتني الله يفشلك ولا يباارك فيييك
محمد :يبه طول عمري ما خالفتك ولا خالفت ابو زين بس هالمرة غير يببه انا ابيهاا ولو عطيتهاا لابوها بيذبحهاا
ابو محمد :انتت شدخلك بيذبحها ولا يدفنها ولا يحرقها شدخلكك هو ابوها حرر فيهاا
محمد يمسك نفسه لانه الي قدامه ابوه :يبه انا احبهاا كيف تبغاني اعطيها لابوها وانا ادريي هو وش بيسوي فيهاا قسم اذبحح نفسي قبل اعطيها لابوهاا يبه تكفى افهمنيي
ابو محمد سكت وهو مو مصدق انه الي قدامه ولده العاقل الي ما كان يخيب ظنه ابد
وبرا الهنوف كانت تسمعهم وهي خايفة
طلع ابو محمد برا الغرفة وطلع برا البيت
وجود مو فاهمة وشسالفة
اسيل بهمس :فهميني من ذيي
جود :مدريي والله علمي علمتس تراا
اسيل :اساليها طيب
جود :اسكتيي
محمد طلع
والهنوف لفت له بسرعة وقالت :محمد
محمد لف لها ورجع نظره لطريقه وقال لجود :جهزي لها غرفة بتقعد عندنا
ومشي
وجود حطت يدها بقلبها وهي تقول بداخلها لا اكيد مو الهنوف ذيي ذا الي راح عشان يرجعها لا مستحييل بيجلطني محمد وبيجلط ابوه
اسيل قربت وهي تقول :تكلمي وخلصييني يا بنت منهو انتي
الهنوف لفت لها معصبة :انتي اسكتيي صرعتييني والله
ولفت عشان تمشي وشافت جود قدامها وقالت بعصبية : وانتي اسمعييني يا خاالة انا قليلة ادب و معرف لا اطبخ ولا انظف ولا اخلاقي زينة وارد عليتس لو انه عمرتس عمر امي بس والله هيا حلفت ولدتس ماخذته يعني ماخذته وهياني قلت لتس عشان ما تبداين في شغل الحمواات هااه
ومشيت من عندهم
اسيل تناظرها مصدومة :هاذي مهبولة ولا وشهو
جود منصدمة من كلامها :الظاهر كذا والله تعالي ننظف لها غرفة جت لي غيرتس تجلطني وجت لتس انتي سلفة الله يصبرني والله
اسيل :الله يعيين مو بهينة والله

جويريا :حتى بالدكان كسرتي
خلود :اسكتي طاحت مني بالغلط وش اسوي
جويريا :بس والله عجبني الرجال زين انه مسك التهمة عنتس ولا تعرفين اخوتس بكل زلة يهاوش
خلود بأحلام :احس اني حبيته يا جوييرياا
جويريا تناظرها مصدومة :لا لا مررة خفيفة والله اخف من الريشة لا تعرفين اسمه ولا عمره ولا اهله وحبيتيه ما شاء الله
خلود :ايه انتي شعرفتس بالحب هاذا يسمونه الحب من اول نظرة
جويريا :لا والله قالت حب من اول نظرة قالت تعالي تعالي بس نرجع البيت قبل عنان يرجع وما يلقانا ويعصب
خلود :يالله
وتوجهو للبيت الي اول ما دخلوها  سمعو صوت ام عنان تهاوش وتصارخ
خلود :بسم الله وشذا الصوت
جويريا ترفع اكمامها :الفزعةة
وراحو اثنينهم للمطبخ
ام عنان ترمي الصحن بالارض بعصبية :والله ما تنطبخ اليوم الا الجريش تفهمين ولا لاا
حنان مسكت راسها لانها اخر فترة ضغطها رافع وام عنان تدور مشاكل :يا خالتي يا حبيبة قلبي انا ما قلت ما بطبخ الجرييش بسوي معليتس بس انا نفسي بالكبسة قلت اسوي لي
ام عنان مبالغة بالموضوع :والله ما تطبخين الكبسةة تسوين لتس وحدس يعنيي خلي نسويها في ليل احسنن
جويريا جت :خير خير وشسالفة
ام عنان :مانيب ناقصتس انتي الثانيية
خلود راحت عند امها:يمه هدي ما يصير كذاا تصارخين على حنان وهي حامل
ام عنان :وخييير يا حبيبتيي مهي بأول وحدة تحمل ولا هي اخر وحدةة حتى الشجر والطير يحملونن مب هيي بسس تمشينا كلنا على كيفها بس لانها حاامل
حنان صدعت وقالت بصوت عالي:خلاااااص ما بسوي لا كبسة ولا غيره انسد نفسيي زييين كذاا ارتحتييي؟
بهاللحظة دخل عنان وسمع صوت صراخ حنان
واول ما شافوه عم الهدوء
ام عنان مسكت راسها وهي تسوي نفسها تبكي :تعال يا عنان تعاال شوف يا عنانن
عنان قرب وهو يقول :اشفي وشصايرر
ام عنان اشرت لحنان :شفت حرمتكك الي تقول عنها العاقلة والرزينة تصارخ عليي يا عنان تصارخ علي ترضاهاا لامك فذمتك ترضاهاا
عنان لف لحنان :تصارخين على امي يا حنان؟ امي بحسبة امتس تصارخين عليهاا
جويريا ابتسمت مبسوطة بداخلها انه بيعصب الحين على حنان
خلود قربت وهي بنفسها خايفة :هدي يا عنان واسمع وش تقول
ام عنان بعدت خلود :انتي اذلفي توقفين مع الغريب وتتركين امتسس والله ما عرفت اربييي"ولفت لعنان" اسمعنيي يا عنان والله انها صارخت عليي وخلود والملسونة هاذي بعد شاهديين تقدر تسألهم
عنان ما سالهم لانه هو دخل وسمعها وهي تصارخ قال وهو يمسك نفسه عشان ما يضربها لانها حامل :تطلعيين وتشيلين كل اغراضتس وتذلفين بيت عمتسس مالي حرمة ترفع صوتها على اميي تسمعيين
حنان انصدمتت :وش تقوول يا عناان وين اروحح والله عمي بيذبحنيي يا عناان
عنان مشى عنها وهو صاد وجهه عنها
ام عنان ابتسمت ب نصر
وخلود ضربت خدودها
وجويريا انصدمتت انه صح ظنت بيعصب بس ما توقعت يطردهاا
حنان قعدت تبكي :تكفى يا عناان لاا وين اروووح "ولفت لام عنان" تكفييين يا خالة ابوس رجولتس قوليله لا يطردنيي مقدرر اروح بيت عميي و ولديي ثامرر وش يصيير فييه  تكفيين يا خاالة كلمييه
ام عنان ناظرت فيها بشفقة وقالت :تستاهلين وهاذا نهاية الي ذيلها يطول ومعليتي ثامر ولدناا بعد
ولفت وجهها وطلعت وخلود لحقت امها وهي تقنعها انها تقنع عنان يغير رأيه
وجويريا وقفت مصدومةة وهي تناظر حنان قعدت بالارض وهي تبكيي وحالتها مرة تحززن تذكرت اختها هيام بهالحظة لا إراديآ منها راحت عندها وقومتها من الارض
حنان :تكفين يا جويريا قولي لعنان تكفيين قوليله اهو يحبتس ويسمع منتس قوليله لا يطردنيي وين ارووح معندي احدد  والله العظيم عمي بيذبحني لو رحت عنده بعفشيي و ولدي ثامرر وش يصير فييه وين ارووح وانا حاامل
جويريا :قومي انتي معي ومعليتس انا اكلمه
وقومتها من الارض وصعدو اثنينهم لفوق
وعنان اول ما شافها قال بصراخ :للحيين انتي هنااا قلت لتسس ضبي اغراضتس واذلفي بيت عمتس ماا ابي اشوفتس و ولدس ما بتشوفيينه بعدد
جويريا وقفت قدام عنان وقالت بصراخ  :ما بترووح مكاان تفهم ولا لااا
عنان انصدم منها :وش تقولين انتيي يا جوييرياا
جويريا :الي سمعتته ما بتطلع حناان لانها ما سوت شي عشان تطلع وانا كنت واقفة وشاهدةة امك الي بدت معهاا واهي تدري انه حنان ضغطها رافع هاليومينن قاصدة ومتقصدةة عصبتهاا عشان تصير الي تبغاه وتطلعها من البييت بعدين انت من متى تصدق امك هااه امك ما قلناا شي ونحطها بعيوننا بس امك يا عناان كذابة وانت تدريي بعدد شكثر تكرهني وتكره حناان ومن الله تبيهاا عشان تطردنا من البيت
عنان صرخ :جوييرياا انتبهي لكلاامتسس
جويريا قربت منه :رضييت ولا ما  رضييت هاذا الصددق وحناان ما بتروح مكاان تفهم ولا لا
ومسكت يد حنان ودخلتها لغرفتها
وعنان وقف برا مصدوم منها وبنفس الوقت يفكر بكلامهاا واهو يدري انه امه كذابة وتكرههم هم الثنتين وتسوي اي شيء عشان تطردهم
تنهد لانه هو ما صدق يتحسن الامور لفترة ورجعت المشاكل من اول وجديد ومثل كل مرة امه هي الي تسوي مشاكل

وبالغرفة جوييرياا قعدت حنان وهي تدور حولين الغرفة وتقول بداخلها تخيلي لو طلقتس انتي ويا حنان وش بتسوين يا جويريا ، تخيلي يسويها لا لا لا ما يسويها اكيد
شبكت يدينها فبعضهم وهي تقول لو خليته الحين يروح عند امه بتعبيه زيادة وينقلب الموضوع علي اناا وحنان
لفت لحنان وهي تقول :اسمعي زيين ما تنزلين تحت تقعدين بالغرفة وانا نازلة لاني لو تركته عند امه عجوزة النار بتعبيه زيادة وهاذا الشيء مب زين لا لي ولا لتس فهمتيي
حنان هزت راسها وهي تمسح دموعها  :طيب
وجويريا طلعت من الغرفة وهي تدور بعيونها لعنان
شافت خلود توها طلعت من غرفة امها
راحت عندها بسرعة :اسمعيي وينها امتس
خلود :بالغرفة
جويريا :تسمعيني زين ما تخلينها تطلع يا ويلتس لو طلعت فاهمة ولا لاا وانا رايحة اشوف عنان
خلود :كني سمعته دخل المجلس
جويريا :زين زين روحي عند امتس بسرعةة
ونزلت هي واخذت كاسة موية وهي تقول يا ربي وش الي خلاني اصارخ وحنا تونا سمنة على عسل
مشيت للمجلس وهي تلقي نظرة وش يسوي شافته يمشي بالمجلس وهو يحط يده براسه و واضح عليه يفكر
راحت عنده وهي مغيرة تعابير وجهها
عنان شافها و وقف مكانه :خيير نسيتي تقولين شي وجيتي تقولينه
جويريا مدت له كاسة الموية :لا جبت لك كاسة موية
عنان لف وجهه عنها
جويريا مسكت يده وقعدته :تعال اقعد يا حبيبي ترا والله ما يسوا الي صاار استغفر ربك بعدين ما فكرت بالمسكينة حرمتك بتطردها من بيتك واهي حاملل وين بتروح بيت عمها الظالم حرام عليك والله حرام عليك المفروض تحطها بعيونك وتكون لها ابوها وامها واخوانها مب تصدق امك وما تصدقهاا
عنان اقتنع بكلامها وتنهد تنهيدة طويلة
جويريا مدت له الموية :خذ اشرب يا رجال وانسى الي صاار صدقني ما يسوا ولا تضييق صدرك
عنان اخذ كاسة الموية من يدها وشرب شوي وحطه بالارض :وانتي صادقة بكل كلمة قلتيها يا جويريا والله صادقة امي الله يهدييها من يومها كذاا
جويريا :شفت انت تسرعت وجرحت حنان ابيك تقوم الحين وتطيب بخاطرهاا ترا والله مسكينة من اول تبكيي
عنان لف لها وهي مصدوم منها يوم تكرهها ويوم تحبها ما فهمها هو :انتي الحين تحبينها ولا تكرهينها ما فهمت عليتس
جويريا :اذا طاحت بمصيبة انا اعتبرها اختي واساعدها بس ايام الثانية هي ضرتي وما احبهاا
عنان ضحك عليها
جويريا :ما بغينا نشووف ضحكتك والله
عنان ابتسمت ومنصدم من نفسه كيف غيرت في مزاجه وهو كاان معصب مررة :انتي وش سويتي فيني يا بنت والله فيتس شي مو طبيعيي
جويريا قربت منه وقالت بهمس :ساحرتك على قولة امك
ضحكو اثنينهم
عنان :اذا على هاذا فأنا اتفقق وبقوة انتي ساحرتيني صدق
جويريا :يالله قم عند حنان ابيك تطيب بخاطرهاا
عنان :ابشري
قام عنان وقامت جوييرياا بعد
وعنان طلع فوق
وجويريا ناظرت لباب غرفة ام عنان وهي مبتسمة
وتقدمت بخطوات وفتحت الباب وهي مبستمة ابتسامة نصر
ام عنان لفت لها :جاية تزيدين الطيين بلة ولا اشلوون هااه
جويريا :يوه لا والله جاية ابشرتس
خلود :امحقق بشاارة قوولي وشعندتس
جويريا ب نصر:حنان ما بترووح انا اقنعت عنان وطلع الحين يطيب بخاطرهاا
ام عنان انصدمت :تكذبين يالكذووب
جويريا :لا والله ما اكذب عليتس
خلود منصدمة :وش قلتي له عشان بطل
جويريا :افا ما تخابرون فيني اقدر اقنعه بشي مستحيلة
ام عنان قامت وهي تحط يدها بقلبها  :انا قايلكمم ساحررته والله ساااحرتته بيوم وليلة ينقلب ولديي "وضربت نفسها" يا ربيي اشلوون جت هاذي الشيطانة ودخلت فبييتيي والله بمووت بسببها بتجلطنيي والله بطردتس من البييت يا جوييرياا
جويريا :والله ما تطرديني لا بغيت اطلع من البيت طلعت برضاي ودامني موجودة ترا ولدتس يمشي بأمري اناا ،اليوم قنعته ما يطرد حنان ما تدرين بكرى ب وش اقنعه
ام عنان انصدمت منها :اذلفي من غرفتيي يا الي ما تستحين على وجهتس اذلفيييي روحي جعلتس ما تشوفين الهناا والضناا اذلفييي
وجويريا لفت وجهها وطلعت فوق وهي تقول بداخلها ما تمشي الا بالعين الحمرا عجوزة الناار
وتذكرت انه عنان اقتنع بكلامها وبسرعةة ابتسمت لانها قدرت تجيب راسه وهو راسه يابس وكبر بعينها واهو صار يحبها يوم عن يوم وكلامها صارت اوامر عنده قدرت على ام عنان ونفاقهاا
كلها فررح وسعادة

نهاية البارت
اشوفكم على خير بإذن الله
وترا بارت اايوم طوييل 2785 كلمة
وصحح نسيت اليوم دخلنا 31 الف😭😭❤️❤️❤️مبسووطة لتقدم الدائم ان شاء الله