رواية من حضرتك عشان قلبي تذله الفصل السادس والعشرون 26 - بقلم ام عوض

خلود طلعت وهي تقول يا ليل من جويريا تبي فجأة تحمل
وهي ماشية سريع دقت في واحد وطاحو الي بيده وقالت بسرعة :انا اسفة. والله ما كنت اقصدد
زبير نزل عشان يشيل اغراضه بس يوم سمع صوتها على طول عرفها ورفع راسه لها بسرعة
وخلود عرفته وقالت :انت نفسه حق
وسكتت وهي مبتسمة لانها رجعت صادفته مرة ثانية
زبير قام وهو مبتسم ويطالع فيها
خلود توترت من نظراته ولفت عشان تمشي بس وقفها صوته وهو يقول :انتي خلود صح؟
خلود لفت له بصدمة :يويلي وشلوون  عرفت اسمي
زبير ضحك :انتي اخت عنان
خلود :ايه اخته انت مين
زبير :انا زبير ما عرفتيني
خلود سكتت شوي وهي تذكر مين زبير وتذكرته وقالت :انتت زبير ولد الجيران حق
زبير :ايه ايه
خلود :توي افتكرتك والله كيفها امك اخبارها
زبير مبستم :بخير والله وانتي وشلونتس
خلود سكتت شوي وهي تناظره كيف كبر وبعدين قالت :بخير والله وانت كيفك
زبير :والله بخير
خلود ابتسمت وسكتت وهي تحس نفسها متوترة قدامه
زبير :تبين اوصلتس مكان
خلود :لا لا رايحة بيت شسمها ذي يا ربي ايييه ام عمار
زبير :اهاه
خلود :يالله مع السلامه
زبير:مع السلامة
وراحت وزبير للحين يطالع فيها ومبتسم وفجاة استوعب نفسه انه في الشارع ما يصير ولف يطالع لو في احد
وخلود مشيت مسافة وهي تطالع الطريق مب طريقها ضربت راسها وهي تقول اخذ عقليي بس افف يهبببل والله
وكملت طريقها لبيت ام عمار

ابو محمد :يالله وليد خذ انت و وزع على كل بيت
وليد :ابشر يبه
ابو محمد :ومحمد تعال معي
محمد الي كان ماشي بس رجع :هلا يبه وين
ابو محمد :تعال
مشى مع ابوه وهو يدري وش بيقول
ابو محمد :يا يبه انت كبيير والي تسويه ما يصير وبنات الديرة شكثرهم نخطب لك وحدة غيرها عط البنت لابوها ولا تفشلني وانا ابووك
محمد :محشوم يبه محشوم بس والله اني لو ما تزوجتها ما بتزوج غيرهاا
ابو محمد :يا ولدي هي مب لكك واذا ابوها اليوم ساكت لا تحسب بيسكت كذاا اهو مب صاحي من بعد الي سوته براسه ناار يبي يذبحهاا
محمد :بضبط يا ابوي انت وقلتهاا بيذبحهاا تبغاني اعطيها لابوها واندري بألي بيسويه هوو ،لا يبه لا والله ما اسويها لو يذبحني يبه تبغى ذنبها بتصير برقبتي يعنيي
ابو محمد :افهمني يا ولدي افهمنيي لا ابو زين ولا ابوها بيوافقون هي ابعد لك من نجوم السما
محمد :معليك اكلمهم وان ما رضو برجع اكلمهم مرة ثانية ليين يرضوون وابو الهنوف انا اقنعه هو خله علي
ابو محمد تنهد:الله يهديك يا محمد الله يهدييك
محمد :انا رايح الديوانية تجي
ابو محمد يمشي قدام :امشي
مشيو للديوانية واول ما دخلو شافو ابو زين موجود وابو الهنوف بعد
ابو محمد و ولده :السلام عليكم
الكل :وعليكم السلام
قام ابو الهنوف وهو معصب
ابو زين :اقعد يا باسل اقعد
رجع قعد وهو ماسك نفسه لا يقول شيء غلط
ابو محمد قعد وهو ساكت
ومحمد تكلم :اسمعني يا ابو زين
ابو زين قاطعه :الي سمعته كافي وزياادة وانت اليوم بتسمعنيي
محمد :اسمعك
ابو زين :ما تاخذهاا الا بموافقة شخص واحد
محمد ناظر لابو الهنوف :ما بيوافق لو تنطبق السما بالارض
ابو زين :مب ابوهاا ابوها كلمته نفس كلمتيي
محمد استغرب :مين طيب
ابو زين:اذا زين وافق انا بعد موافق
محمد انصدمم :وشش وش يصير لها زين عشان احتري موافقته
ابو محمد :ولدد تكلم زي الناس عنه
محمد :وانا صادق يا يبه من يصير لهاا هاذا ابوها وهاذا ابو زيين لو موافقين محدن ياخذ بشور حد
ابو زين :الي عندي قلته والباقي عليك انت
محمد يمسك نفسه لا يعصب ويصارخ : و وينه زين
ابو زين :بيته تدله
محمد قام بسرعة وهو يحس نفسه معصب من الي قاله وكنه زين شخص مهم بحياة الهنوف عشان ياخذ بموافقته هو ومنصدم بنفس الوقت من كلام ابو زين
مشى وهو متوجه لبيت زين الي ما قد راح له بس عشان هاذا الموضوع يسوي المستحيل واهو حالف انه بياخذ الهنوف لو ايش يصير

جويريا اول ما سمعت دقة الباب راحت على طول تفتحته قبل يسمعون حنان وام عنان
جويريا تناظر يمين ويسار :وينهاا
خلود :جاية الحين
ودخلت وهي تقول بحماس :ما تصدقيين من شفت
جويريا :من؟
خلود :زبيير الي شفته ب الدكاان
جويريا :يويلي وين شفتيه
خلود:شفته وانا رايحةة والله عيونه كله حبب يا جوييرياا واضح يحبنيي قلت لتس حب من اول نظررة
جويريا :طيب اهو قالتس انه يحبتس؟
خلود :ما قالي بس واضح من عيوونه
جويريا :اجل والله اهنيه
خللود:ليه
جويريا :حبتس وانتي بومة وشوشتس طايرة
خلود :لاني الحين مستنانسة ما ب خرب مزاجي بسبتي ولا كان رديت عليتس الحين
جويريا :معليه يروحي جعلتس من نصيبه واهو من نصيبتس يا ربب
خلود :امين يا ربب
وفجأة تذكرت وضربت صدرها وهي تقول :خالة مريومة
جويريا :اشفيهاا
خلود :امه هي خالة مريومة يا ويلي يا حظيي
جويريا :لييه اشفي
خلود :امي متهاوشة معها من اربع سنواات يا ربي انا ما طاح حظي الا مع زبير الي امه متهاوشة مع امي والله ما توافق امي لو اطق راسي بالجدار
جويريا تطبطب عليها :معليتس يروحي معليتس بس ليه متهاوشين قولي يمكن نصلح بينهم
خلود:والله تهاوشو على طنجرة امي تقول حقها وهي تقول حقها
جويريا :اف طنجرة طنجرة
خلود :ايه والله طنجرة طنجرة
جويريا :طيب الحين الطنجرة مع مين من فاز بها
خلود:معنا موجود بالمطبخ
جويريا : كنت بستغرب لو قلتي معها هي، بس عاادي بسيطة نرجع لها الطنجرة
خلود :والله امي تطردني من البيت مع الطنجرة نفسها
جويريا :معليتس لا تشيلي هم وانا موجودة بتاخذينه يعني بتاخذينه
خلود :يا قلبي اندري ما تقصرين بس شلت هم حبي الي توه بدا
جويريا :طيب الحين وينها ام عمار تأخرت يا شيخة
خلود :انا همي وش وانتي وش لا تخافين الحين جاية
اندق الباب
جويريا :هاه اكيد هي
وفتحت لها الباب ودخلت ام عمار وهي تسلم عليهم
جويريا :ام عماار والله لتس وحشةة
ام عمار :ايه ايه وحشتس يالكذوب انطقي وشعندتس
جويريا :تكلمي بشويش عندي لتس موضوع خاص
ام عمار :وشهو
جويريا :تعالي ندخل المجلس وانتي يا خلود جيبي لام عمار حبيبة قلبيي عصير او شاي
راحو المجلس
ام عمار:انطقي
جويريا :اسمعيني انا لي كثير من يوم تزوجت ولا حملت تدرين وش المشكلة
ام عمار :وانا وش يعرفني
جويريا :طيب ابيتس تعطيني اعشاب وذا الحاجات اشربها واحمل
ام عمار :دورتس منظمة طيب
جويريا :لا والله شهرين ما جوني
ام عمار :طيب بعطيس اعشاب بس ما تشربينهم الا لين تحللي وبعدين تشربينهم لانتس لو حامل تسقطين
جويريا :طيب لا انا مب حامل اعطيني هي الحين تكفين
ام عمار :اسمعي الكلاام بعدين شوفي طالع لتس كرشة يمكن حامل وما تدرين
جويريا تطالع بطنها :يختي اندري اني مب حامل ليه مصرةة
ام عمار :زين ما اعطيتس
جويريا :يا ربي منتس زيين بقول لعنان في ليل يجيب تحليل واحلل
ام عمار :زين وان طلعتي مب حامل تعالي خذي الي تبينه من عندي
جويريا :طيب

عند محمد وصل بيت زين وعض بيده قبل يدق لانه ما يبي يعصب ويخرب الامور دق الباب
بعد دقايق فتح الباب واستغرب من وجود محمد عند بيته
زين:محمد؟
واستوعب على نفسه وقال :تفضل تفضل حياك الله
دخل محمد للمجلس وزين راح يقول لروزا انه تسوي قهوة
ورجع المجلس
محمد :وانا اخوك مافي داعي للقهوة ووالكلافة انا جاي اكلمك وامشي
زين :انتي ضيفنا والحق منا اننا نضيفك حتى لو جاي تكلمني
محمد :طالبك ولا تردني
زين سكت عارف وش يقول
محمد :اندري الي سوته الهنوف مب قليل وكبيير بس محدن عن الخطآ معصوم واهي معترفة انها غلطانة
زين :الخلاصة
محمد :توي جاي من عند ابوك. واهو قالي اذا انت موافق ف هو بعد موافق
روزا جت وقف عند الباب تسمعهم وش يقولون
زين سكت وما تكلم
محمد قعد يناظر فيه وهو يدري وش يدور بباله
زين :اعتبر انك ما كلمتني
محمد :زين اسمعني ولا
قاطعه زين :انت جاي تشرب عندي قهوة غير هالكلام معندي وانت اخوي وعلى عيني وراسي
محمد ناظر فيه وهو يدري ابو زين ليه قال الموافقة من عند زين لانه الهنوف تركته بيوم زواجه والحين موافقة زواجها بيد زين قاعدي رد لها بحركتها
قام وطلع من عنده وهو ساكت ويدري انه زين الحين منجرح من الي صار واذا هدي شوي يمكن يوافق ابو زين حطه بموقف صعب لا موافقة ابوها ولا موافقته هو
موافقة. زين الي كان بيصير زوجها بس ما صار نصيب
و روزا سمعت كل شيء من ورا الباب وهنا دخل الشك بقلبها وهي تقول لنفسها اكيد يحبهاا لو ما يحبها كان وافق وخلص انا غبية ظنيت انه بيوم يحبني ونصير سمنة على عسل واهو للحين مو ناسي حبيبة القلب الهنوف
ولفت تمشي للمطبخ منقهرة

جويريا مسكت التيلفون وهي مترددة تدق على عنان وتقوله يجيب مع اختبار حمل منزلي ولا لا اخر شي تنهدت ومسكت التيلفون ودقت لدكان عنان رنة رنتين وجا الصوت لها
جويريا :الو
زبير :الو
جويريا عرفت من صوته انو مو عنان فقالت:عنان؟
شوي وجا لها صوت عنان وهو يقول :الو
جويريا :الو عنان
عنان:جوييرياا؟؟ اشفي صاير شيء
جويريا :لا لا مب صاير شيء بس اتصلت عليك عشان شسمه ذا
عنان :وش
جويريا :تعرف اختبار الحمل؟
عنان استغرب :ايه اعرفه ليه تسألين ؟
جويريا :ابيك. تجيب لي واحد
عنان بفرحة :لييه انتي حاامل؟
جويريا :لاا مب حامل بس ابي اجرب
عنان:تستهبلين وشلون ذي؟
جويريا :انت جيب ومالك دخل
عنان :تشكين انتس حامل؟
جويريا :لاا بس ابي اجرب كذا
عنان ابتسم :علينا مستحيية
جويريا :لا مب حامل بس ام عمار قالت جربي قبل تعطيني دوا حق المعدة
عنان رفع حاجبه :مفهمت شدخل ذا بذا
جويريا :عنان خلاص مالك شغل بأشياء الحريم انت جيب وبس
عنان:ابشري والله من عيونيي
جويريا تلعب بالسلك :تسلم لي عيونك
عنان :يا لبى قلبتس يا جويريا
جويريا ب دلع :عناان
عنان :عيوني
جويريا :لا تتأخر طييب
عنان :ابشري من عيوني يا عيوني
جويريا :يالله مع السلامه يا قلبي
عنان :مع السلامة يا روحي

في ليل
فبيت ابو محمد جود و اسيل و الهنوف قاعدين ويتعشون والرجال يتعشون بالمجلس
جود قامت :الحمدلله انا شبعت اذا خلصتو شيلو الاكل
قامو اسيل والهنوف بسرعة وهم اثنينهم يقولون بنفس الوقت :اخر وحدة تقوم هي الي بتشييل السفرة
اسيل :انقلعي والله انا قمت اول شي
الهنوف :لا تكذبين يالكذووب والله انا قمت اول
اسيل :وتكذبين عيني عينتس بعدد حلو والله
الهنوف :هاذا وجهي ان شلتهم تشيلينهم انتيي
جود :الحين كل ذا بس عشان من يشيل السفرة وخرو بس انا اشيلهاا احسن لي من هوااشكم
اسيل بعدتها بسرعة عشان ما تشيله وقالت لهنوف :بسرعة شيلييهم
الهنوف :اذلفي ما بشيلهم
جود قربت وهي تقول :وخرو اثنينكمم بس
اثنينهم بعدوها وهم يقولو :لا لا خلاص اقعدي ونحن نشيلها
جود :اعقلوو
الهنوف واسيل شالوها وهم ساكتيين ويخزون بعض بالنظرات
و جود قامت وهي تقول :بزران قسم بالله
شالو الاكل وجا وليد وهو يقول:اسييل يا بنت تعالي شيلي الاكل خلصنا
اسيل :طيب
الهنوف شافتها فرصة وراحت عند المغسلة تبي تكلم محمد شافته يغسل ومعطي ظهره لها ابتسمت ب شر وقربت بشويش وهي ناوية تفجعه
بس سحبها محمد من وراها وهو حاط يده بفمها وانصدمتت انه الي عند المغسلة مب محمد
الهنوف بهمس :يمه انت هنا عبااالي انت الي عند المغسلة
محمد :اي انا يا المهبولة كنتي بتجلطين ابوي
الهنوف تضرب خدودها :يا ربي لك الحمد تخيل كنت افجعه
مر ابو محمد والهنوف تخبت ورا محمد وهو ما شافها
محمد :مهبولة من يومتس لا عاد تعيدينها يا ويلتس من ابوي ترا
الهنوف تمسك قلبها :اخ بغيت اموت تخيل ان ما جيت وفجعته يمه يا فشيلاه
محمد :انتبهي هااه ابوي عقاله يعور
الهنوف :ادري ب وجع العقال لا تقولي عنه انا اقولك عنه
محمد ضحك منها
الهنوف :طيب وشصار
محمد :كيف وشصار
الهنوف :اقصد يعني كلمت ابو زين و وش قال
محمد تنهد :ايه كلمته
الهنوف :طيب وش قال
محمد :قال هو موافق اذا زين موافق
الهنوف :وشهوو ؟واهو من يصير لي عشاان يوافق
محمد :مدري عنه
الهنوف:انا فاهمة عليه وش يقصد في هاذي الحركة
محمد :انبعد فهمت وش يقصد يبي يرد عليتس والحين محترين موافقته هو
الهنوف :لا والله اخر عمري اقعد احتري موافقة شخص لا اعرفه ولا يعرفني تعال نتزوج وطز فيهم كلهمم
محمد :لا يا شيخة انا عطيت كلمتي وما اخلفهاا
الهنوف :وانت بس تعطي كلمتك اشفيهاا لو تزوجنا بدونهم همم هااه
محمد :عشان امشي بالحارة وانا راسي مرفوع
الهنوف :يعني تستحي فيني
محمد :لا شدخل ما قلت كذاا
الهنوف لفت تمشي :طييب يا محمد طيب
محمد حاول يوقفها وهو يقول :لا والله مب قصدي كذا يا الهنووف تعالي الهنوووف
بس هي مشت وهو حط يده في جبينه وهو يقول البنات محدن يفهمهم والله

عنان يدق الباب على جويريا :بنتت وشصاار
جويريا :يخي اصببر يبغى له وقتت
عنان :ما اصدقق انتس حامل
جويريا :يا رجاال للحين للحين تراا
عنان :عادي كله واحد
جويريا طلعت من الحمام :اف تلفتت اعصابي واحس مخنوقة انا طالعة اشم شوية هواا ولا طلعت النتيجة نادني
عنان :طيب
طلعت جويريا برا ونزلت تحت تشرب موية لانه نشف ريقها جت لها خلود من ورا وهي تفجعها
جويريا ما خافت وقالت :ترا مالي خلق
خلود :افا بسس ليه مالتس خلق تهاوشتي مع عنان
جويريا :تفي من فمتس نتهاوش ما صدقنا متى نصير سمنة على عسل
خلود :طيب اشفي وشصاير؟
جويريا :احس ودي اخذ عنان واطلع من البيت مخنوقة من هاذا البييت يا بنتي
خلود :لا يا شيخةة وتتربعين فبيت لوحدس
جويريا :عيووونتس ما رحنااا للحين ناشبين لكم، بعدين وش اسوي فبيت لوحدي معليتس قاعددة هنا ومقابلة وجيهكم الي تسد النفس معلييتس
خلود :معليتس ترا صح امي عصبية بس قلبها طيب والله اليوم تهاوشتو بكره تشوفينها نست
جويريا :لا لا اكيد ما تتكلمين عن امتس ايه حنان الي حالها حال نفسها وطول اليوم بغرفتها ما تركتها المسكينة بحالها وبغت تخرب بيتها تبيني انا المسكينة اسلم منها
خلود :طيب امي وش اقول عنها
جويريا :لا تقولين شي
سمعو صوت عنان وهو ينادي جويريا
جويريا :هناا بالمطبخ تعال
عنان جا وهو فرحان :جوييرياا
جويريا :عييون جويريا
عنان يوريها النتيجة :انتي حاامل
جويريا تتاكد من التحليل :لا مب حامل
عنان :الا حامل شوفيي
جويريا مسكته النتيجة وهي تناظره :خطين يعني حامل؟
عنان :اييه
جويريا مسكت فمها :لا ما اصدقق
خلود تناظرهم منصدمة :يعني عنان سوا لتس تحليل وانتي ما تدرين ولا كيف مفهمت؟
جويريا :اسكتي انتي وجيبي لي كرسي انا الحين حاامل ولازم اريح يا ربي صدق عنان انا حامل؟؟
عنان يضمها :ايه انتي حامل
جويريا للحين مو مستوعبة :يعني بيصير عندنا بزر انا وياك ما اصدق
خلود :انا رايحة اقول لامي
جويريا :لا تروحين ترا ما بتفرح
خلود :بتفرح وغصب عليتس حرمة ولدها حامل مب شخص غريب
عنان :ايه قوليلهاا قوليلها
ولف لجويريا وهو مبسوط و مو مستوعب انه جويريا حامل

خلود دخلت الغرفة :يممه
ام عنان انفجعت:وصمغغ بشويش كسرتي الباب
خلود :معليتس من الباب تخيلي يمه
ام عنان :قولي وش عندس
خلود :جوييرياا حامل
ام عنان ضربت صدرها :امداها تحمل هاذيي
خلود :ايه يمه
ام عنان منصدمة لانه في صبح كانت تقولها معندس ولد وعنان بيطلقك وبنفس اليوم طلعت حامل :هاذي صدق ساحرة
خلود :يمه وين ساحرة الادمية صارلها كثير متزوجة شيء اكيد تحمل وش تهقين يعني
ام عنان قامت :بعديي من وجهي انتي
وطلعت برا وهي تشوف عنان حاضن جويريا ويشوفون التحليل وهم مو مصدقين :سمعت انتس حامل
جويريا بعدت عن عنان مبستمة :ايه يا خالة "ولفت لها التحليل" شوفيي
ام عنان قربت من عنان وقالت بدون نفس :ايه مبروك يتربى بعزك يا حبيبيي
و باست عنان
عنان :الله يبارك فيتس يمه
جويريا شمقت :وليه ما قلتي يتربى بعزكم
ام عنان :كله واحد انتي وياه واحد
جويريا ناظرت لعنان بمعنى شفت

نهاية البارت
يلا اشوفكم بالبارت الجاي ان شاء الله واندري البارت قصير مررة بس كنت مشغولة والله وما كنت بنزل اليوم بس مابي اخرب نظامنا وانا كل يوم لازم انزل بارت فما يصير اسحب
وشكرآ لتفاعلكم الحلوو ❤️❤️

تشاوو💗