رواية من حضرتك عشان قلبي تذله الفصل التاسع والأربعون 49 - بقلم ام عوض

يوم الخميس
زواج انايا وادهم كثير من مشاعر الحلوة تحسه انايا مخالط مع الشعور بالخوف ما تخيلت انه هذيك المواقفة البايخة توصل بانهم يتزوجون
والمواقف هاذي بتصير ذكريات يقولونها لعيالهم بالمستقبل عنهاا
نور راحت انايا  للمشغل عشان تجهزها
دق جوال نور وطلعت برا
واول ما ردت جاها صوت معاذ وهو يقول :نور وينه شماغيي الي شريته اخر مرة تكفين دورت كل مكان وما لقييته
نور :وانا شعرفني وينه
معاذ انجلط :نوور لا تمزحيين والله ابيهاا ما عندي شماغ جديد غيرهاا وانا شريتها عشان البسها بالزواج بسرعة باخذها للكوي
نور :شوفها بالدولاب
معاذ : مو موجود دورت بالدولاب والشنطة مافيي
نور :واذا جييت ولقييته
معاذ :يووه نور بلاها حركات امي الحيين
نور :انا متاكدة انها موجودة بالدولاب دورها زيين  وبتلاقيهاا داييم تسوي كذاا ويوم اجي القاهاا موجودة  دورها زين الحيين واذا ما لقيتها لا تتصل فيين وتزعجني ترا وراي شغلل مانيب فاضيية لك
معاذ :نوور والله مو لاقييته
قفلت نور بوجهه
و حطت جوالها بشنطتها ومشيت عند انايا وهي تقعد عندها بإبتسامة
انايا متوترة :نور تكفين احس قلبي بيطلع من مكانه
نور:اسم الله عليتس وعلى قلبتس بعدين ابي افهم ليه متوترة مو انتي الي تبينه للرجال؟
انايا :ايه ابييه بس خايفة اشلون اتصرف اشلون بيكون معي
نور:معليتس ان شاء الله يكون زين
انايا هديت شوي ورجعت ناظرت فيها وهي تقول:طيب واذا
نور قاطعتها وهي تضحك:خلاص يا بنت الحلال خلي الادمية تعرف شغلهاا بنتأخر كذا
انايا :هاه خلاص
نور تضحك عليها ومو مصدقة انه هاذي المهبولة بتتزوج

رجعت اسيل من الدوام وهي مهدود حيلها رمت الشنطة فوق الكنبة وشافت الهنوف قاعدة وتاكل حبحبة
اسيل :خلاص يا بنت الحلال بتصيرين بقرة لو بقيتي تاكلين كذا
الهنوف ناظرتها بنص عين :وانتي شعليتس منيي اهمشي انتي ما تكرشين والباقي معليتس منه
اسيل تقعد:وانا صاادقة لي يومين اجي واشوفتس تبلعين انا الي مالي دخل انغثيت ما احب احد يبلع اربعة وعشرين ساعة مو ناقصني اني اقابل بقر بالبيت
الهنوف :يا لييييل انتيي وقلتيهاا  مالتس دخلل والله مو باقي الا تمنعيني اني اتنفس بعد
جت جود :خيير خيير من صباح ربي تتهاوشون خلو الواحد يصبح على رواق مرة وحدة
الهنوف :الملقوفة هاذي قوليلها مالها دخل فيني خليها تذلف من وجهيي كل ما اشوفها يتلوع كبديي
اسيل :اقوول تدرين كم من الناس محروومة من شوفة هاذي الوجه الحلوو؟؟ اسكتي احسن لتس
جود تقعد :شسالفة
الهنوف :حاطة عينها على اكلي وشربي هاذيي
اسيل :جوود والله لي يومين بس اشوفها تبلعع وتبلعع
جود ناظرت ل الهنوف : وهي صادقة
الهنوف تحط الصحن فوق الطاولة :لااا كذا واااجد يعني تقعدو تحسبون وش اكلت و وش ما اكلت
جود :بالعافية عليتس يا عيوني بس انتي عادتآ ما تاكلين حدتس وجبة وحدة باليوم ويا دوب تاكلي والحين ما شاء الله يعني اخاف فيتس شيء
الهنوف :مافيني شيء وش يكون فيني يعني
جود شهقت: لا يكوون الي فباالي؟؟؟
اسيل والهنوف ناظرو فيها بإستغراب:وششهوو؟
جود :لا يكون حامل يا بنت وما تقولين لنااا
الهنوف :هااه وشهو حامل؟؟؟
اسيل :لا مو بكيفها تصير حاملل انا بحمل قبلها
الهنوف حطت يدها فبطنا بفرحة :يمه صدق انا حامل يعني؟؟؟
جود :انا الي اسالتس مو انتيي
الهنوف ناظرت في جود :مدري والله
جود :مهبولة صدقق اشلون ما تدريين
الهنوف :والله مدري
جود :اجل قوليي لمحمد يجيب لتس تحليل حمل وحللي وشوفيي
الهنوف :هاه؟ تحليل حمل؟
جود :اييه
الهنوف : يممه استحيي يا جوود
جود تكش عليها :مااالت عليتس في احد يستحي من رجله
الهنوف سكتت
جود :قومي اتصلي على رجلتس خله يجي ونروح المستشفى انا بجي معتس مقدر اقدر لين اعررف
الهنوف :الحيين؟
جود :اييه
الهنوف تقوم :طيب
وقامت بسرعة وهي تدعي انه صدق
جود بصوت عالي :امشي بشوييش يا بنت بسم الله علييتس
اسيل :يمه يعني صدق حامل وبتجيب ورع
جود:صبر خلي نعرف
اسيل :مصدق هاذي بتصير ام مو لايق عليها والله
جود :لا يا شيخة
اسيل تضحك:والله

جويريا تطالع الحنة الي بيدها بإبتسامة وتنفخ عليهم
وقاعدة فوق السرير
ناظرت لشموخ :صبر يا يمه خلي تخلص جدتس وبعدها اقولها تسوي لتس فديتس والله ما يليق الحنة الا ف يد شمووخ، شموخ الي تزين الحنة مب الحنة فديت شموخ يا ناس فديييتهاا
ورجعت تنفخ في يدها وكل شوية تلمسهم اذا نشفو ولا لا
رجع عنان من السوق وهو بيده علبتين مر من غرفة امه وسمع صوت امه وسلطانة بالغرفة ومعهم خلود والحرمة الي جاية تحنيهم
عرف انهم يتحنون ف طلع فوق اول شيء عند حنان
دخل وشافها تكوي فستانها ويوم شافته ابتسمت وقالت :هلا عنان رجعت
عنان ابتسم :اهلين فيتس
حنان : اسمع عنان كويت ثوبك وشماغك وعلقتهم بالدولاب وجاهزين
عنان قعد فوق السرير ومسك يدها وقعدها جنبه:تعالي اقعدي ومعليتس من ثوبي وشماغي
حنان استغربت وناظرت للعلبة الي معه بإبتسامة :وشذا الي معك؟
عنان قدمه لها :تفضلي جبت لتس الي يليق عليتس
حنان فتحت العلبة وانهبلت من جمال الطقم وما عرفت تنطق من فرحتها وقالت :شكرآ لك يا عنااان بس ماله داعي
عنان : لا لا وش ماله داعي انتي حنان انت ام عيالي تستاهلين طقم وطقميين وزيادة عليهم بعدد
حنان باسته وهي تقول :الله يخليك لي يا ربب
عنان ضحك:اميين يا رب ويخليتس لي، انا الحين قايم اعطي حق جوير وبعدها راجع للدكان مرة ثانية وراجع العصر عشان البس
حنان مبتسمة للحين :طيب
قام عنان وهو متوجه لغرفة جويريا وهو يرسم ابتسامة عريضة بوجهه
دخل وشافها قاعدة فوق السرير ومتحنية وتنفخ على الحنة الي بيدها ويوم دخل حست عليه ولفت وابتسمت يوم شافته :هلا والله ب نور عيني هلاا، تعال شوف
راح عنان عندها وهو يناظر يدينها
جويريا بفرحة:يهبلون صحح؟
عنان :انتي الي تهبليين يا جويير مب الحنة الي تهببل
وقعد جنبها وجويريا قالت بسرعة :انتبه مو تخربهم
عنان :لا تخافين
جويريا :وشذا الي بيدك؟؟؟
عنان مده لها:هدية لتس
جويريا بفرحة :هدية  لي اناا
عنان :اييه لتس انتي
جويريا :افتحها افتحهاا
عنان ضحك على حماسها وفتح العلبةة لها وكان داخلهاا سلسال ذهب من نوع الثقيل والغلا واضحة عليها
جويريا سكتت لحظات وهي تشوف السلسال وتغيرت ملامح وجهها
عنان : وش ما عجبتس؟؟؟
جويريا ابتسمت :لا طبعا عجبتني اشلون ما تعجبنيي
عنان ابتسم : هاتي  احطها برقبتس واشوفهاا
وقرب منها ولبسها السلسال وهو يقول بفرحة:حتى السلسال يوم لبسيتهاا برقبتس تحلتت
جويريا ضحكت  وناظرت لنفسها بالمرايا :صدق
عنان :اييه
جويريا :شكرآ لك يا عنان
عنان :العفو يا عييني تستاهلين اكثر والله
جويريا ابتسمت وقعدت تناظر السلسال بالمراية
عنان قام:انا راجع الدوام اشوفتس باليل
جويريا :الله معك حبيبي
عنان رمى لها بوسة وطلع
وجويريا وقفت لثواني وهي تطالع السلسال بالمراية وهي تقول بداخلها لا ان شاء الله الي فبالي مو صحح لا موو صحح
وخطفت السلسال من رقبتها بقسوة لين نزعته
وناظرت فيه واضح ثقييل شدت فيه بقبضتها بقوووة
ورمته بالارض بقسوة وقامت من مكانها وهي تحاول ما تتشكك
توجهت لغرفة حنان ودخلت
حنان كانت تقفل باب الدولاب وانفجعت يوم دخلت : بسم الله ،،فجعتيني اشلون تدخلين كذاا تبين تجلطينيي يا بنتت
جويريا بحدة:عنان جاب لتس انتي بعدد؟؟
حنان استغربت :وش جااب لي مفهمت
جويريا : ذهبب
حنان مستغربة :ايه
جويريا سكتت وهي تبلع ريقها
حنان : وشفيتس وشصايير
جويريا ناظرت فيها وسكتت لحظات وهي تفكرر وتقول لا مستحيل الي فبالي صح
حنان:قوولي وشصايير لا تجلطييني
جويريا :ولا شيء بس كذا سألت
حنان ابتسمت :تحسبين بس يجيب لتس انتي لا يعيني انا حرمته زي ما انتي حرمته يجيب لي انبعد اكييد
جويريا مشيت عنها  :انا في وش وانتي ب وش يا شيخة
طلعت برا وهي تقول ناوي على شيء عشان كذا جاب لنا هدايا غالية يريح ضميره  يجي من ورا عنان والله يجيي
نزلت تحت وهي تحس فكرة تجيبها وفكرة توديهاا ومو قادرة تفكر ابدد
دخلت المطبخ وشربت موية لانها نشف ريقها وهي تفكر بالموضوع
دخلت سلطانة جاية تسوي شاي وتلاقت مع جويرا الي ما لاحظت عليها يوم دخلت
سلطانة استغربت منها واول شيء جا ببالها انها عرفت بالسالفة اكيد حبت تتاكد قربت منها وقالت :جوييرياا؟
جويريا لفت لها :هلا عيني
سلطانة تطمنت انها ما تعرف :فيتس شيء دخلت المطبخ وما حسيتي علي
جويريا حطت الكاسة فوق الطاولة :مافيني شيء يقلبي
سلطانة حطت يدها فوق يد جويريا :قولي يروحي
جويريا ناظرت فيها وهي مترددة تقولها ولا لا :مدري يا سلطانة مدريي، احس في شيء قاعد يصير وانا مدري عنه 
سلطانة بلعت ريقها :شيء مثل وشهو؟
جويريا قعدت فوق الكرسي :مدري والله مدريي يا خيتي توه قبل شوي جا عنان و وجاب لي سلسال ذهب ثقييل واحس ورااه شيء مستحيل جابه لي كذا من طيب خاطر احس في وراه شيء او بيسوي شيء
سلطانة انصدمت انها شكت لانهم كانو حذرين محد يدريي فقالت بسرعة:مو شرط وراه شيء عشان يجيب لتس هديةة هو بالنهاية رجلتس ومافيها شيء لو جاب لتس وانتي ام بنته بعد ويمكن جابه لتس عشان تلبسينه بالزواج وتكشخين فيه
جويريا سكتت وهي مو مقتنعة باللي تسمعه
سلطانة:صدقيني مافي من الي تفكرين فيه اطلعي وغسلي الحنة الي بيدك وتجهزي للعرس بعدين تندمين انه قضيتي يومتس وانتي تفكرين ومن أصله مافي شيء
جويريا تنهدت :وانتي صادقة شكلي بالغت شوي
سلطانة ابتسمت لها
جويريا :انا طالعة اغسل الحنة واسوي شعري
سلطانة ابتسمت لها وهي تحمد ربها انها قدرت تقنعها
رغم انه جويريا ما زال الشك ب قلبها

جت الدكتورة وفزت الهنوف :بشري يا دكتورة انا حامل ولا لا؟؟؟
الدكتورة قعدت وهي مبتسمة :من متى معتس هاذي الاعراض
الهنوف :انتي شتبين بالاعراض الحين قولي حامل ولا لا
جود:بنت خلي المَرة تتكلم
الهنوف متوترة وخايفة بنفس الوقت :بموت لين اعرف
الدكتورة ضحكت عليها وعلى ردة فعلها :ايه حامل مبروك عليك يا قلبي ومن شهرين بعد
الهنوف ناظرت الدكتورة :صدقق من شهريين؟؟؟
الدكتورة:ايه
جود ناظرتها بفرحة وضمتها :مبرووك يا عيوني
الهنوف بفرحة:الله يبارك فيتس
جود :ومن شهرين بعد وانتي مو حاسة يالمهبولة
الهنوف :اييه "وتذكرت محمد وقالت بحماس" انا رايحة اقوول لمحمد
جود :شوي شوي يا بنت انتي الحين حامل مو زي قبل عشان تجرين تفهمين امشي  بشوييش
الهنوف :ابشريي
ومشيت وهي الفرحة مو سايعتها ومتحمسة لردة فعل محمد
طلعت برا ومشيت عند محمد بخطوات سريعةة :محمممد
محمد لف لها :الهنوف وينتس تأخرتم وااجد
الهنوف فرحانة الفرحة طالعة من عيونها :محمد
محمد :وش وينها جود خلي نمشي
الهنوف :صبر بقوولك على شيء  اشبك مستعجلل
محمد  مستغرب : وش
الهنوف :انا حامل يا محمد
محمد قعد يناظر فيها لثواني
الهنوف بلهفة وفرحة :اييه
محمد واخيرآ استوعب :انتي حاامل؟؟
الهنوف :اييه يا محمد حاامل ومن شهرين بعدد
محمد :شهريين بعد
الهنوف هزت راسها بفرحة:ايه
محمد حضنها لصدره وهو مو مصدق وبعد عنها بحماس وهو يقول : صدق صدق حاامل
الهنوف :اييه حاامل
محمد بحماس :تعالي نروح ما اصدق نوصل البيت وابشر ابوي يا الهنوف الله يسعدتس زي ما اسعدتيييني يا ربب
الهنوف :صبر تجي جود يااه ما اصدق للحيين يا محمد
محمد :والله انا الي مو مصدق للحين
جت جود وهي تقول :وين رحتي وتركتيني مع الدكتورة لوحدي خذي هذول دوا كتبته لتس الدكتورة
الهنوف :جيت ابشر محمد
جود لفت لمحمد :مبروك يا محمد
محمد بفرحة:الله يبارك فيتس هاتي انا بروح اشتري الدوا و رااجع
جود ضحكت وعطته الورقة :طيب وحنا نحتريك هنا
محمد راح وهو مو مصدق للحين والفرحة واضحة من عيونه

مرت الساعات بسرعة
وجا اليل
تجهزت جويريا ونزلت تحت وهي ماتبي  تحسس احد انه فيها شيء بس بنفس الوقت تقنع نفسها انه مافي شيء بس باقي نوع من الشك بقلبها
شافت ام عنان متجهزة بعد ومتكشخةة
جويريا :الله الله وشذا الكشخةة الي  يشوفتس يقول انتي العرووس عقباال ما نشوفتس انتي عروس
ام عنان الي الابتسامة شاقة وجهها :معليتس قريب
جويريا ما صدقت :صدقق
ام عنان :ايه
جويريا :انا بحلمم ولا علم صادقةة انتي يعني خلاص بفتك منتس ومن شرتس؟؟؟
ام عنان قعدت :ايه بتفتكين منيي بس معليتس جاية كل فترة بالنهاية هاذا بييت ولدي
جويريا :عادي عادي تعالي الله يجيبتس بس صدق خلااص موافقةة؟؟
خلود جت وهي تلبس حلقها : على وشهو موافقة
جويريا بفرحة:هااتي البشاارة يا بنتتت امتس موافقة تتزوج ياا خلوود 
خلود انصدمت :هااه صدقق يممه؟؟ انتييي موافقة؟؟؟
ام عنان :اييه موافقة ليش صدمتيي مو من حقيي
خلود قعدت جنبها :بس انا مو مواافقة
ام عنان :بكيفتس هو ولا بكيفتس انا بتزوج ولا انتيي
خلود :يمه تبين تاخذين عم هاذي تراه عصبيي واخاف عليتس منه لا تاخذين منهم يمه ترا هاذي العايلة كلها عصبية
جويريا تناظر خلود :هاذي لها اسم يا قلبي بعدين وشفيه عميي طيب وحبييب واذا على العصبية ترا امتس بعدد ما تقصرر
ام عنان :لا بكيفتس انتي ولا بكيفها هيي انا موافقة انتي شعلييكم منيي قومو بسرعة اذلفو من راسيي صدعتووني
جويريا :تعالي تعالي خلود امتس المفروض تروووق هالاياام وما نخليها تعصب وشفييتس هي عرووس
خلود :ليه عشان تخافين تغير رأيهاا مو
جويريا :ايه خايفة تغير رأيها بعدين ليه مو موافقة انتي بعد ايام انتي بتتزوجين وامتس تقعد هنا لوحدها ترضين امتس تقعد هنا لوحدها الاحسن لها تتزوج وتشوف حياتها يالغبية استانسي بعدين عمي صاير حبيب هالفترة تراا
خلود ناظرت فيها وبعدها مشيت عنها :انا رايحة البس عبايتي
جويريا :ايه زين البسي قبل يجي عنان
وقعدت تضحك وهي مو مصدقة بتفتك من ام عنان واخيرآ

هيام حطت اخر لمسات والقت نظرة اخيرة لنفسها وقامت راحت للمطبخ لانها حطت الفحم فوق النار حطت بخور عليه وشالت المبخرة ومشيت للغرفة عشان تبخر سعود الي كان يلبس شماغه
هيام قربت منه :هات ابخرك
سعود اخذ ساعته وقعد يلبسه وهيام قعدت تبخره واول ما رفع عينه لهيام تصنم بمكاانه اول مرة يشوفها متزيينة زي كذاا وهاذا شيء جديد علييه
قعد يناظر فيها بدون لا يرمش حتى وهو يقول معقولة هاذي هيام بلع ريقه ولاول مرة سعود يناظرها زي كذا وبشكل ملحوظ الا انه ملحوظ ما لاحظت هيام لنظراته وقعدت تبخره وهي مو دارية عن نظراته لها
خلصت وحطت المبخرة فوق الطاولة ولفت هي للمراية تلقي نظرة اخيرة لنفسها
وعيون سعود ما بعدو عنهاا
هيام واخيرآ رفعت نظرها للمراية وطاحت عينها على سعود من عكاس المراية وهو يناظر فيها بأعجاب واضح علييه
توترت من نظراته  ولفت له وهي تقول :نمشي؟
سعود نزل عيونه واخيرآ :طيب
هيام بلعت ريقها اول مرة تلاحظه وهو يناظرها كذاا وابتسمت وهي تتمنى انه علاقتهم فبعض تتحسن وتزين ويعيشون حياتهم بالحب

وصل عنان وام عنان قامت بسرعة :وصلت يا يمه
عنان مبتسم على شوية وينشق فمه من الفرحة :ايه يمه وصلت بسرعة البسو بنمشي
ام عنان :ايه يمه الحين بلبس عبايتي "ونادت بصوت عالي" خلوووود البسي عبايتس بسرعةةة
جويريا طلعت من المطبخ :عنان وصل
عنان وقف بمكانه يوم شافها
جويريا :هلا حبيبي يالله نمشي
عنان قرب منها :نمشي ايه نمشي بس وشذا الجماال بتغطين على الكل بزينتس والله
جويريا ابتسمت :صدق
عنان :ايه صدقق بعدين وين السلسال الي جبته لتس في صبح ليه ما لبستيه
جويريا  سكتت لوهلة :حطيته
عنان اختفت ابتسامته :ليه انا شريته عشان تحطينه البسيه ولا ما عجبتس عشان كذا ما لبستيه
جويريا :لاا مب كذاا بس السلسال ثقيل و واضح غالي مابي البسه والحريم يقصوني عين
عنان ضحك:ما تبطلون انتو الحريم من هاذي العادة
جويريا :معليه انا طالعة البس عبايتي قبل نتأخر
عنان :يالله بسرعةة
طلعت جويريا ومرت لغرفة حنان عشان تشيل بنتها
حنان :تعالي خذي بنتس وش انا مربية لبنتس عشان كل مرة تروحي تجين وتحطينها عنديي
جويريا :امها بالرضاعة انتي تحمليهاا
حنان :طيب بنتي بالرضاعة ما قلنا شيء بس انتي موجودة هنا بالبيت نزليها معتس مو تخلينها عندي
جويريا :ايه لا تطوليها وهي قصيرة وبسرعة البسيي لانه عنان وصل
حنان تدور عبايتها :يالله قاعدة البس
وجويريا بعد راحت عشان تلبس عبايتهاا
لبسو عباياتهم وطلعو كلهم حنان كانت بتركب بس جت جويريا وهي تجري
وبعدت حنان وهي تقول :انا بركب قداام نسيتي اخر مرة رحنا زواج مدري من وانتي ركبتي قدام يالله اذلفي واقعدي ورا مع مريمووه
حنان :مو بكيفتس تسمعين بعدين ما اذكر زواج من ركبت قدام وتكذبين بعد يالكذووبة ضفي وجهتس اركبي ورا
وكانت بتركب بس رجعت مسكتها جويريا :والله ما تركبيين قدام تفهميين
عنان يمسك راسه :بسرعة وحدة منهم تركب قدام وخلصوني ترا من غير شيء متأخرين
جويريا :تكلم يا عناان ترا هيي اخر مرة ركبت قداام مو عدل تسذاا
نزلت ام عنان وهي تصارخ :اذلفو اثنينكم اركبو وراا ناويين تجلطووني انتمم حتى بالزوااج تسوون ذا الحركاات بزران انتو بزراان بعدووو بسس
ركبت ام عنان قدام وحنان وجويريا ركبو ورا وهي يخزون فبعض وكل وحدة تقول بسببك
وعنان حرك السيارة متوجهين زواج انايا وادهم

روزا تتمكيج قدام المراية وزين حاط رجل على رجل وياكل تمر الي سوتهم ام زين لروزا
زين:تصدقين روزا هاذا التمر يهببل تكفين خذي الوصفة من امي وسويلي زيه باخذ لخوياي يجربو مرة حلوو
روزا :اصلا امك سوتهم لي بس لو تدري من الي يخلصهم
زين :ثاني مرة لو جت سوت قوليلها تسوي شوي زيادة
روزا لفت له وهي ترمش لانها حطت ماسكرا :حلو؟؟
زين مشغول وياكل :ايه والله حلوو قولي لامي
روزا صدت بوجهها :انا ويين وانت وييين يا رجاال
زين :طيب وش كنتي تقصدين
روزا : ولا شي ولا شيء قم البس بسرعة يا زين ترا تاخرنا لو رحنا بتشوف حنا اخر الناس
زين يقوم :وانتي صادقة والله بسرعة جيبي المبخرة وانا رايح البس
روزا قامت وزين راح يلبس ودقايق و رجع زين وروزا قعدت تبخره
وزين يناظر لعيونها وهو مبتسم
روزا استحت
زين:روزا
روزا :عيون روزا
زين:وش حاطة لعيونتس
روزا ما صدقت:حاطة ماسكرا حلو صح
زين:ايه حلو بس يصقعو في جبينتس ليه
روزا ضربته :بسرعةة خلي نمشي قبل اذبحك
زين ضحك :والله يهبلوون
روزا :صدق؟
زين:اييه والله
روزا قعدت تبخره وهي مبتسمةة
دق جوال زين وفز يوم شاف اسم ابوه:يويلي اكيد يقول وينكمم بسرعةة قومي البسي وانا رايح السياارة
روزا :يالله يالله الحين جااية
هه

نهاية الباارت
جاهزين للنهاية ☹️
باقي بارت او بارتين ونودع 😭😭
اشوفكم بالبارت الجاي ان شاء الله
تشاووو