رواية من حضرتك عشان قلبي تذله الفصل الثالث والعشرون 23 - بقلم ام عوض

مرت شهر بدون اي احداث مهمة
معاذ جاي والدنيا مب سايعته من الفرحة كنه توه يعرس دق الباب وهو خلاص شوي ويطير من فرحته
جا له صوت نور :ميين
معاذ مسك قلبه :افف لتسء وحشة يا صاحبة الصوتت
نور تخصرت يوم سمعت صوته :وش بغييت؟
معاذ:بغيتس انتيي
نور :تدل دربك الي جيته؟
معاذ :جااي ومعي الي طلبتيه
نور وقفت زي الناس :صدقق؟؟
معاذ بفرحة:اييه صدق وصدقيين
نور تمسك قلبها :من وين لكك يويلييي لا يكون سرقت بنكك
معاذ:لا لا اخذت قرض وش اسرق الله يهداتس
نور :الله يسلمك بس كيف بتسدده بعدين فكررت؟
معاذ :معليتسس انتي وجهزي اغراضتس وتعالي نمشيي الكل يحتريس بالبيت
نور :الحين.؟
معاذ :اييه
نور :لا لا مب الحين ارجع الظهر وخذني الحين ما اقدر
معاذ :وش يصبرنيي الحين لين الظهر ابيتس الحيين
نور ابتسمت :لهدرجة مشتاق ليي
معاذ :واكثرر
نور :فديتكك والله اني احبك
معاذ قرب من الباب :والله كننا حبايب نكلم بعض من ورا الباب افتحي الباب خلي ادخل واضمتس
نور مسكت شعرها الي مو مرتب وشكل جلابيتها وعضت شفتها بفشلة وقالت :لا دامك احتريت شهر تقدر تحتري لين الظهر ارجع الظهر وانا رايحة اكشخخ لك
معاذ :تكفيين افتحيي مشتااقة لتس والله
نور:اذلف يالله ترا شوشتيي طايرة لسماا تبي تشوفني كذا يعنيي،ترا  بتشوف عبسية قدامك
معاذ :عاديي بكل حالاتس تهبلي نسترجع ايام زمان
نور :هاهاها اذلف بسس ترا لو شفتني الحين بتهون
معاذ :تعالي افتحيي
نور راحت وهي تقول :موعدناا الظهرر
وراحت وهي مستاانسة ومو مصدقة انه قدر على المليون وجمعها عشانها

عند اسيل جت من المطبخ وهي جايبة لها مكسرات شافت وليد قاعد ويحوس في جواله
راحت وقعدت بمسافة شوي عنها ومسكت الريموت وهي تبدله لقناتها
و وليد مد يده عشان ياخذ وهي سحبت الصحن بسرعةة
اسيل :والله ما تاخذ جبته لنفسيي عندك رجول تقدر تروح تجيب لنفسكك ولا معنددك
وليد تنهد :يا ربي حتتى على ذي تصغرين عقلتس
اسيل :ايه اصغره والله ليه هاذا مب حقك انا جبته ولا لا
وليد :خلاص كلي واسكتي مانيب ماخذ منتس
اسيل :زييين
جت جود يوم سمعت اصواتهم وهي تناظر اسيل بنظرات تخزز
وليد قام وهو يقول :اشوفكم على خير انا قايم للدوام
جود :الله يقويك يا رب
وليد :امين
وقام وطلع
وجود قربت منها :انتي ما بتعقلين يعني يا اسيل
اسيل :وشسويت الحين يعني
جود :لا قولي وش ما سويتي ، الرجال منجنن منتس منجنن مب كافي انتس حارمتيه من حقه وكمان تجي تكرهينه لحياته
اسيل تناظر حولها لو في احد :استحي على وجهتس هاذا كلام ينقال بالصالة
جود :لا والله انتي الي استحي على وجهتس يا روحي الي تسوينه ما يرضي احد والرجال صابر عليتس ،والله يا اسيل والله لو غيره طلقتي من زماان
اسيل سكتت شوي وبعدها قالت : طيب وش اسوي والله اتقرف من الرجال
جود :حبة حبة تتعودين عليه
اسيل قعدت تاكل وهي تتأفف

الهنوف اول ما صحيت طلعت الصالة يومها كلها يمر وهي حد محمد ما يمر يوم وهي مو مقابلته
طلعت الصالة وهي تناظر حولها هو نايم ابتسمت ب شر وقالت خلي اخوفه وشعليه
راحت حبة حبة عنده وهي حريصة ما تطلع اصوات عشانه ما يصحى قربت منه وهي مستعدة تبي تصرخ الا هو الي فجعها بصرخته
الهنوف مسكت قلبها :وجعععععع فجعتنيي
محمد :هااه كنتي تبي تخوفيني وانقلبت الصرخة عليتس انتي
الهنوف للحين ماسكة قلبها :كذا يخوفون؟ بغيت انجلطط بسبتك
محمد :سلاامتس ما تشوفين شرر، وانبعد كان بيطيح قلبي كذا ما فكررتي
الهنوف تقعد :خلاص خلاص كليتني، اسمع شسمه ذا
محمد :وشهو
الهنوف :ودي نطلع اليوم
محمد :وين
الهنوف :اممم عادي اي مكان يشيخ بس طفشانة
محمد :وين اخذتس اخاف نضيع
الهنوف :رجال شكبرك وتضيع
محمد :ترا هنا مو مثل الديرة نعرف من بيوت الناس هنا الطريق صعبة انبعد عييت احفظه
الهنوف :ايه تعذر تعذر
محمد :ابشري اليوم ماخذتس مكان يهبل
الهنوف :ابيك تشتري لي ايس كريم
محمد :بتمرضين
الهنوف :عادي
محمد كان بيتكلم بس قطعه جواله قام عن الهنوف عشان يرد
وهي قعدت بمكانها وتناظر فيه وتقول بداخلها والله احببببه يا نااس فديته هو وطيبته وحنيته هاذا ملاك مب انسان
وهالفترة الي قضوها مع بعض كانت كفيلة لها انها تعترف بينها وبين نفسها انها تحبه
ابو محمد :الو السلام و عليكم
محمد:وعليكم السلام يبه اخبارك علومك
ابو محمد :بخير الحمدلله وانت كيفك يولدي اخبارك
محمد :بخير يبه بخير
ابو محمد :وشصار
محمد :ف وش يبه
ابو محمد :انت ليه رحت المدينة؟
محمد استوعب  وكنه توه يصحى من حلمه الي كان عايشه وقال بصوت هامس :عشان ارجعها
ابو محمد :طيب وشصار لقيتهاا ابو زين بس يسألني وانا معرف ش رد علييه صارلك شهرين من يوم رحت ولا قدرت تلقاها هاذا ومعك عنوان بيتها وجامعتهاا
محمد بلع ريقه وهو يدري انه بطي الوقت كثير وهالمرة مافي مفر ،جمان وطابت ورجعت جامعتها بعد اهو كان يعطي اعذار بس الحين مافي مفر قال بصوت كله حزنن :ايه لقيتها
ابو محمد فرح :صدقق؟؟ متى لقيتهاا و وين والله يولديي كنت عارف انك بتلقاهاا ودامك لقيتها انت اليوم راجع الديرة قبل بكرى
محمد ما قدر يرد على كلامه وقال :طيب
ابو محمد :والله اني رافع راسي فيك يا محمد ابو زين عرف يختار لهاذي المهمة والله
محمد سكت شوي :طيب مع السلامه يبه
ابو محمد :مع السلامة يولدي
قفل من ابوه وهو يحس الحلم الي كان عايشه توه صحي منه اهو طاح بحبها وهو جاي يرجعها لاهلها ما يدري ومتى صارت عليه المهمة هاذي صعبة بعد ما كان محتري على الجمر انه يرجعها ويخلص بس قلب كل شي عليه هو
الهنوف لاحظت من وجهه انه فيه شي قالت وهي رافعة حاجبها :اشفي محمد وشصاير؟
محمد ناظر فيها وهو يقول لو رجعتها كيف اصبح يومي بعدها وانا تعودت كل صبح اصبحه بوجهها كيف ارجع لحياتي بعد ما عشت معها العمر
الهنوف قامت من مكانها :اشفي محمد لا تخوفني
محمد :لا تخافين مب صاير شي
الهنوف :طيب اشفيك كذا
محمد اخذ نفس  :تجهزي اليوم راجعين الديرة
الهنوف كانت تدري بيجي يوم الي بيرجعونه بس متدري ليه صعب عليها الحين
الحين ما تقدر ترفض ولا تسوي شي هي حلفت له انه بترجع معه بالطيب وما تقدر ترجع عن كلمتها
الهنوف لفت وجهها رايحة الغرفة :طيب
ومحمد قلبه بيتقطع
دخلت الهنوف الغرفة وهي ذابحتها الغصة
جمان كانت عند المراية تلقي اخر نظرة لنفسها بس لاحظت لها وقالت :اشبك الهنوف؟؟
الهنوف تصد وجهها :مافي شيء
جمان قعدت جنبها وناظرت في عيونها الي مدمعة :اشبك الهنوف ليه تبكين
الهنوف لفت وجهها لها وهي تبلع ريقها عشان ما تبكي :راجعين الديرة يا جمان
جمان ناظرت فيها شوي وبعدين حضنتها وهي ما تدري وش تقولها متقدر تمنعها هالمرة ولا تسوي شي
الهنوف :ابي اقولتس شي يا جمان
جمان :وشهو
الهنوف قالت بخوف :احس اني احبه
جمان بعدت عنها بسرعة :تحبي منهو؟
الهنوف وهي مو مصدقة نفسها اصلا انها صارت تحبه :محمد
جمان :صاحية انتي؟ محمد محمد نفسه ما غييره
الهنوف هزت راسها :ايه
جمان :هاذا جاي يرجعك الديرة يالغبية وانتي رحتي حبيتيه مب صاحية والله
الهنوف :وش اسوي قلبي حبه كذا ظنيته خشن وعصبي بس مو كذا هوو
جمان :ليه طلع نعوم يعني
الهنوف :لاا بس طلع حبيب وطيب ،والله سرق قلبي يا جماان اول مرة احس بشعور حلوو زي كذا ما وديي افترق عنه ابيه جنبيي دايمم
جمان سكتت بحزن لها
الهنوف :ودي اصارخ واقوله لا ترجعنيي لو رجعتني اشلون بقدر اشوفك
جمان :طيب هو يحبك؟
الهنوف تنهدت:لا اكيد ما يحبني تهقين يحب بنت هربت من عرسها يعنيي
جمان طبطبت عليها
الهنوف ناظرت الساعة :قومي روحي جامعتك تأخرتي واجد
جمان قامت :يوم برجع من الجامعة بلاقيك؟
الهنوف قامت :ما اتوقع
جمان تنهدت وحضنتها :انتبهي لنفسك يروحي واتصلي علي دوم طيب
الهنوف ضحكت بخفة :هاذا اذا كنت عايشة
جمان شدت عليها وهي خاييفة عليها

روزا فبيت حمولتها لانه ام زين قالتلها انها تجي لانه في حريم جايين عندها ويبون يشوفون حرمة ولدها دخلت وسلمت عليهم والكل حبوهاا وهنو ام زين عليها
جلست روزا وهي مبتسمة
ام جاسر :والله يا ام زين تنحسدين عليهاا ما شاء الله اخلاق وادب وسناعة وين تلقين احسن منهاا والله هالايام صعبب تلقين بنات مثلهاا
ام زين ابتسمت :وانتي صادقةة زين انها صارت من نصيب ولدي والله اننا محظوطين فيهاا
ام خليل :والله صدق كلام ام جاسر اسأليني انا حرمة ولدي مب فالحة بشيء غير تقعد وما تسمعين من فمها كلمة زوينةة ويا ليل ويا صبح كلها يمشي بصراخ متعبتنا حييل الله يهديهاا
ان زين :الله يهديها يا رب ويهدي الجميع
الكل :امين
ام جاسر لفت لروزا :بشري مافي حمل؟
روزا ابتسمت بفشلة وقالت :لا يخالة للحين
ام خليل :وي مب حامل ،ايه والله اول ما دخلتي ظنيتس حامل
روزا :لا يا خالة للحين  ،صدقيني لو حامل ليه اخش عليكم
ام جاسر وقفتها :قومي اشوف
روزا متفشلة منهم
ام جاسر :صادقة ام خليل انتي اكشفي وشوفي انتي حامل يعني حامل
روزا سكتت وهي تدري بسوالف الحريم وكيف لو اصرو
ام زين صدقت من كلامهم وفرحت :ان شاء الله بكرى بتجين نروح الدكتور
روزا قالت بسرعة:لااا ما يحتاج والله
ام زين :لا خلاص دخل الشك بقلبيي وما برتاح لين اعررف بعدين هاذا خبر زيين
روزا ابتسمت وهي بداخلها تقول وش ذا البلشة لو يدرون بس انه لا قرب مني ولا قربت منه

نروح عند بطلتنا جويريا الي ذوبت قلب عناان بدلعها وحلاوتها وصايرين زي العسل على السمنة يحبهاا ويدللها وما يرفص لها ايي طلب
لدرجة الكل منصدم وش الي قلب عنان كذا فجأة بعد ما كان يضربها صار فجأة يحبها ولا يرفض لها اي طلب وكل طلباتها اوامر عنده
طلعت من غرفتها وهي تعلي صوتها :الله يحفظكك يا ربب ويقوييك
عنان قرب منها وباسها ونزل تحت
وهي نزلت وراه عنان راح باس راس امه :وشلونتس يمه
ام عنان تناظر جويريا :بخير مافيني شي
عنان راح عند حنان وهو يلمس بطنها :كيف صحتس يروحي ان شاء الله مو متعبس
حنان تبتسم :الحمدلله بخير مو متعبني كثير
عنان ابتسم لها وطلع لشغله وجويريا قفلت الباب من وراه وجت جلست عندهم
وكل وحدة منهم تناظر الثاني بكره ويشربون شاهي
خلود وسطهم تناظر الكل وهي مبتسمة ومبتلشة وسطهم قالت وهي تغير الجو:يمه اليوم بروح الدكان بشتري شوية اغراض ناقصتني
ام عنان :وانتي كل يوم والثانية ناقصتس اغرااض
خلود :يمه وش كل يوم الله يهديتس، تذكري متى اخر مرة طلعت الدكان ما تذكري صحح هاذا لانتس حابسينيي بالبييت زهرة شبابي ذبلت وانا للحين قاعدة بين اربعة جدراان
ام عنان :اسكتيي صرعتييني خلاص روحيي بس مب لوحدتس
جويريا :انا برووح معها
خلود :وناسة تعالي بنفلها
جويريا :اجل مشيناا
وقامو اثنينهم على طول
ام عنان تاخذ رشفة من الشاي :محدن عزمها عزمت نفسهاا

نور تتجهز وهي طاايرة من الفرحة
هيام واقفة عند الباب :انتي متأكدة انه قلتس جمع الفلوس يا خوفي يكذب عليتس
نور :اييه اهو قالي اكيد ما يكذب ولا بأي عين يجيني ويكذب بعد
هيام مسحت دمعتها الي طاحت :يعني انتي بعد بتروحي وتتركيني لوحدي
نور راحت عندها وهي تمسح دمعتها :لااا مين قال بجي عندس كل يوم واونستس
هيام ابتسمت لها وهي تقول :الله يسعدتس مع رجلتس يا ربب
نور :امين يروحي
هيام :يالله تجهزي وتكشخيي انتي اليوم تعتبرين عروسة
نور استحت:وانتي صادقة
هيام :يالله يالله ما باقي على الظهر كثير
نور راحت عند المراية :ايه والله صدق كلامتس
بعد شوية كذا اذن الظهر ونور جاهزة ومبسوطة بترجع لانها مشتاقة لمعاذ
اندق الباب وفزت
هيام :اكيد رجلتس هاذا يالله قومي
نور تلبس عبايتها :يالله
دخل عمها وهو ينادي :نوووور وينتس يا نوور
نور :هلا
ابو فيصل :رجلتس جا برا يالله اطلعي له
نور :يالله الحين طالعةة
ابو فيصل :اسمعيي مرة ثانية ما ترجعين فاهمة ولا لاا ترا باب بيتي يعذرتس
نور شمقت:معليك ماانيب راجعة
ابو فيصل :زيين يالله بسرعةة
نور شالت شنطتها وباست اختها وطلعت وشافت معاذ توه يدخل سيارته ويوم شافها رجع بخطواته وهو جاي يحضنهاا
نور ضحكت :خلااص مو لهدرجةة
معاذ للحين ضامها ومغمض عيونه :اخخ اشتقت لتسس يا قلبي
نور بادلته الحضن وهي مبتسمة ومبسوطةة :يا جعلني ما انحرم منك يا رب
معاذ :امين امين
نور تبعده بفشلة:خلاص معاذ شوف الناس تناظر
معاذ:خلها تناظر حرمتيي حلاليي
نور :طيب خلي نوصل البيت بعدين خذ راحتك
معاذ يبعد عنها :ايه والله باخذ راحتي وفوق راحتي بالبيت لك شوق ثاني تعالي اركبي السيارة
نور قعدت تضحك وركبت السيارة
وتحركو لبيت ابو معاذ الي الكل كانو منتظرينهم ومجهزين لهم استقبال
اول ما وصلو سالم براا يرش عليهم ورد وكنهم توه معرسين :هلاا والله هلا واللله ب نور البيت هلا والله بحرمة اخوييي هلا بأم طلال
نور قعدت تضحك:اهلين فييك
معاذ :تعالي ندخل يالعروسس
نور ضحكت ودخلو لداخل
معاذ يسوي لها طريق عشان تدخل : هلااا هلا بمصنع البيبسي هلا والله ادخليي يالعرووس
نور ضربته بخفة وهي تضحك
وابو معاذ يهمس لام معاذ :الكلب للحين ما تاب
ام معاذ قعدت تضحك وراحت تسلم على نور :هلاا والله نورتي البيييت
نور :منورة بوجودتس يالغاالية
بعدها نور راحت باست راس ابو معاذ :هلا عمي كيفك اخبارك
ابو معاذ :الحمدلله بخير يبنتي انتي كيفتس اخبارتس
نور :الحمدلله بخير
وانايا تزغرط وترش عليهم بالحلويات :هلاا بحرمة اخويي هلا
نور باستها :هلاا بكك يروحيي اخبارتس
انايا تبوسها :صرت بخير يوم شفتس
نور:يروحي انتيي
ام معاذ :تعالو ندخل
دخلو كلهم لداخل والكل مبسووط برجعة نور الي دخلت الفرح لقلوبهم

بعد ما راحو الحريم من عند ام زين جا زين عشان يتغدا هو وابوه وياخذو غفوة ويرجعو
قاعدين كلهم بالصالة بعد الغدا ويشربون شاي
ام زين تذكرت الي قالوه الحريم وقالت بإبتسامة :يمه زين
زين لف لها :هلا يمه
ام زين :ابيك بكرى تجي بدري
زين:ليه يمه؟
ام زين : عشان تاخذني الدكتور انا وروزا
زين  يشرب :سلامات اشفي
ام زين مبستمة :لا تحاتي كل خيير "وناظرت لروزا بإبتسامة" بس شاكين انه روزا حامل
زين شرق وهو يشرب شاهي
ام زين طبطبت عليه :اسم الله علييك يا حبيبي صحة صحة
زين لف لها وهو يمسح فمه :وشش قلتي؟؟ روزا حامل؟
وناظر لروزا
روزا تتاظره وهي مبتسمة بفشلة
ام زين :اييه يمه يمكن حامل بعدين ما حسبت كم صارلكم متزوجين شهرين يمكن
زين ناظر لروزا وهو ما يدري وش يقول الحين
ام زين:زين كذا تعال بدري ولا تنسى
زين :يمه ما يحتاج
ام زين :الا يمه يحتاج انا من يوم سمعت وانا الارض مو شايلتني ودي اليوم نروح قبل بكرى
زين ابتسم :طيب يمه
ام زين ابتسمت:الله يحفظك يولدي
زين:امين يا رب
وقامت تشوف زوجها
روزا بهمس :اقنعهاا ما نروح
زين :ما سمعتيها وش قالت
روزا :ايه سمعت بس لا رحنا هناك يقولون لا مو حامل تخيل كيف تزعل وهي الحين فرحانة زي كذا
زين :وانتي صادقة بس مقدر اقولها لا اخذكم
روزا :عادي تعذر سوي الي شيء
زين سكت وهو يفكر

جوييرياا وخلود طلعو للحارة يلفلفون بين بالدكاكين
جويريا تهمس لها :اسمعي بنت وينه دكان اخوتس
خلود :يا شيخة شتبين فييه خلي نلفلف بالدكاكين الثانية نشوفه كل يوم هو
جويريا :مالت عليتس انا ابي اشوفه
خلود تمسك راسها:انا ليه جبتس معي ودي اعررف
جويريا :شسوي اشتقت له حبيب قلبي
خلود :انقلعي روحي شوفيه لوحدتس انا ما بجي
جويريا :لا يا ذكية وان سالني عنتس وش اقوله
خلود :افف منتس يا جويريا افف منتس لازم تروحين له يعني
جويريا :ايه لازم لازمم
خلود :امشيي قدامي
جويريا ابتسمت عشانهم رايحين عند عنان
وصلو وجويريا تناظر الدكان :الله هاذا دكان اخوتس؟
خلود :ايه وله دكاكين غيره بعد
جويريا :ما شاءالله وانا عبالي ريشه منتوف طلع في عنده خيرات الله، والله شكلي بطلع ذهب من عيونه
خلود لفت لها :هييه خيرر شرا لتس ذهب بما فيه الكفاية وشتبين اكثرر
جويريا :انتي شدخلتس فيني، رجلي ولا لاا
خلود :تعالي ندخل
جويريا :يالله
دخلو لداخل وجويريا تناظر الدكان
جا عنان يوم لاحظ انه ذي خلود والي جنبها جويريا همس لهم :انتو وش تسوون هناا وش جابكمم
خلود :طلعنا السوق وحرمتكك اصرت تجي تشوفك على اساس انها ما تشوفك بالبييت هاذا وامس طول اليل عندك بالغرفة
جويريا تقرصها :شدخلتسس يالملقوفةة انقلعي شوي هناك بكلم زوجي
خلود تأففت بقلة صبر ومشيت شوي بعيد عنهم
عنان يناظرها وهو مبتسم :اشتقتي ليي هاه
جويريا قربت وهي تلعب بازرار ثوبه :ايه اشتقت لك
عنان عض شفته من دلعها :شكلي بقفل الدكان واجي البييت بعذر المرض
جويريا :تدري وش وديي
عنان :وش
خلود ناظرت فيهم تبي تسمع وشتبي
جويريا لفت لها :انتي اذلفي هناك اعرفتس تروحين تقولي لامتس كل شيي
خلود مشيت عنهم وهي تقول اندري وش بتطلب ذيي الحين
عنان :قوليي وشتبيين وأبشري والله
جويريا :ودي في بناجر ذهب
عنان :ابشريي والله ابشري
جويريا بزعل :جت عبير ذاك يوم وكان يدينها مليانة ذهبب وانا شوف يديني كيف فاضيية يليق في حرمة عنان كذا تكفى قول انتت
عنان يمسك يدينها :والله ما يليق على هاليدين الا الذهبب
جويريا بدلع :شفت حتنا قلت كذاا
عنان :فديتسس والله ما اشبع منتس

نهااية البارتت

تشاوو