رواية من حضرتك عشان قلبي تذله الفصل السابع 7 - بقلم ام عوض

اول ما وصل راح يدق الباب بقوةة
فتحت له هيام وهي تقول:بسرعة يا سعود بسرعةة
دخل سعود يجريي جلس عند تميم وهو يمسك جرحه الي نزف مرة كثير
سعود يقومه :قوم اخذك المستشفى بسرعةة
تميم متوجع من يده مرة قام معه وسعود ماسكه
وفجأة استوعب سعود انه مسدسه ما جابه معه من الاستعجال ومستحيل يطلع فيه بدون مسدس يمكن يهجمو عليهم او يسوو اي شيء
هيام عرفت انه يدور مسدسه و مدت له المسدس الي تميم عطاه لها:خذ ذاا
اندهش يعود ليه مسدس تميم بيدها لكن ما كان عنده وقت يسالها او يستفسر
اخذه سعود من يدها وحطه بجيبه واخذ تميم للمستشفى وهو خايف عليه وهيام بعد راحت معهم وهي تبكي وخايفة انها تخسر تميم

معاذ قاعد بجواله ونور قاعد قدام التلفزيون الرسمية الي بينهم قااتل
معاذ يبي يفتح معها سالفة بس مو عارف وش يقول وش يسولف حتى اخر شيء طفش وحط الجوال وهو يقول بصوت عالي:خلااص يا شيخةة طقت معي تراا
نور مستغربة:وشسوييت؟
معاذ:سولفيي تكلمي معيي وشذا الهدوء الي بيننا تقتللل تراا
نور ضحكت وقالت:انت ما تسولف وشدخلني اناا
معاذ:معندي سوالفف وان جيت ابي اسولف معتس يجيني سوالف بايخة وانطمم
نور فطست ضحك :بالله؟
معاذ بداخله يقول اخخ يا زين ضحكتها
نور:طيب سولف خلي نكسر الحيا الي بيننا
معاذ يقعد زي الناس :قولي شنو تحبين شنو اكلتس المفضلة وشنو لونتس المفضل، متزوجين وحنا ما نعرف غير اسامي بعض ،حتى عمرتس معرفه والله
نور ابتسمت ابتسامة وسيعة وقالت:امم احب الكشخة الاا اموت في شي اسمه الكشخة واكلتي المفضلة الجريش و لوني المفضل كحلي
معاذ :ماشاءالله وانتي صغيرة شوشتس طايرة والحين تحبين الكشخة
نور طلعت عيونها :شوشتي طايرةة ؟
معاذ :ايه ما تذكريين
نور :ضف وجهك بسس،، قال شوشتي طايرة قاال من وانا صغيرة كشخة ترا
معاذ:ومين الي كان يرمي الصراصير على البنات
نور انصدمت انه يتذكر ذي التفاصيل استسلمت وقالت :ذا زماان خلاص راح الاهم اني الحين كشخة
معاذ يضحك:اجل ليه تجحدين
نور ضحكت معه وهي تحس الحاجز الي بينهم بدا ينسكر شوي شوي

طلعو الرصاص من كتفه وتميم يشد بيد سعود كل ما زادت عليه الآلم وهيام يزيد صوت بكائها كل ما شافته يتألم وقلبها طبوول خوفآ عليه مع انه الدكتور قال انه الجرح مو خطير وجت على الطرف
سعود شاف هيام تبكي ف قال لها:هيام اطلعي برا بسرعةةة
هيام طلعت برا وهي للحين تبكي وتلوم نفسها انه بسببها صار كذا ،رغم مالها دخل ،ربطو كتفه بالشاش وسعود قالهم انه كانت حادثة هو كان ينظف المسدس وبالغلط اطلق عليه والدكتور اصلآ ما دقق كثير وراه اشغال ثانية وما حب ينشغل معه
اول ما طلعو من داخل الغرفة فزت هيام من مكانها وراحت حضنت تميم وهي تبكيي
تميم بادلها الحضن وهو يطمنها انه بخير :لا تخافين يا روحي انا بخير
هيام بعدت عنه تطمن عليه :تحس ب وجع؟
تميم:ما احس بالوجع وانتي جنبي
هيام ضمته مرة ثانية وهي ما تصدق انه شوي وكانت بتخسره
طلعو من المستشفى و وصلو البيت نزلو وسعود وصل تميم عند غرفته وخلاه يرتاح بسريره
سعود :مرتاح احط هاذا المخدة وراك؟
تميم :لا بخير زين كذا
سعود قعد جنبه وهو يحس توه يصحي من يوم جا من الخوف ما عاد شاف قدامه شيء ولا استوعب لشيء :اه يا اخوي خوفتني عليك ظنيت للحظة اني بخسرك بغت الدنيا تسود في وجهي
تميم ابتسم:لا تخاف انا بخير يا اخوي، انا بخير بس للحين الخوف بقلبي
سعود :تخاف وانا اخوك ؟
ضحك تميم:صدقني مو خايف على نفسي كثر ما اني خايف على هيام "وتنهد تنهيدة من كل قلبه" اخخخ يا سعود اخخ والله حبيتها حبيتها يا سعوود وانا قليل حظ حبيتها ،وانا دنياي ما تمد لي الا من ايام سود، احس يوم اني حبيتها انتفحت ابواب دنيا كلها وانا صادتها حبيت الحياة فيها ،حبيت حياتي وصرت اهاب الموت بعد ما كنت اتمناه ، المصيبة مب هنا يا سعود المصيبة اني مب دايم لهاا، اندري مستقبلها مب معي اخاف عليها من بعدي وش يصير لها مالها حد والله مالها احدد
سعود سكت عن حالته الي صاير هم وفكر دايم له
تميم سكت لوهلة وهو يناظر لسعود ومد يده و مسك يد سعود :ابي اطلب منك طلب
سعود :ابشر قبل تقول
تميم :هيام لا تتركها وحدها من بعدي هيام يا سعود، هيام وصاتي لك عليهاا ،هياام لا تتركها وحدهاا
سعود كان يشوف كمية الحب الي يكنه لهيام الي صارت بلسانه دايم وبس يوصيه عليهااا الحب كانت واضحة بعيونه :ابشر وانا اخوك، انت الحين ارتاح

جويريا صحيت بدري بس عشان تكلم عنان ب ذا الموضوع طلعت وهي تحتري برا عشان يطلع من غرفة حنان
واخيرآ طلع وحنان تعدل له ثوبه وشماغه ،جويريا كانت واقفة ،ويوم لاحظو عليها قال عنان:خير واقفة هنا انتي ؟
جويريا :ابي اكلمك بموضوع
عنان يعدل كمه :تكلمي
جويريا تناظر حنان:مابي هاذي الملسونة تسمع موضوع بين وبينكك
عنان رفح حاجبه وهو يقول بداخله خير وش وراها ذي وناظر لحنان بمعنى ادخلي ،حنان دخلت لداخل وهي تعطي نظرات لها
وعنان راح عندها :خير وشصاير
جويريا واضح ماهي طايقته من نظراتها :اختي
عنان بستغراب :اشفيها؟
جويريا :معرف عنها شيء وابيك تعرف لي وينها
عنان :وانا من وين لي اعرف لتس وينها !؟
جويريا :مدري بس اسأل عن زوجها تميم
عنان ببرود:طيب بسال واشوف
جويريا :زيين
عنان يناظرها:عشاان كذا اشوفتس صايرة حبيبةة واسمع عنتس كلام زيين
جويريا تسوي نفسها مستغربة :سمعت عني كلام زين؟؟؟ وش هو طيب؟
عنان يناظر تمثيلها وكيف مسوية مستغربة:والله ودي اصفق لتس
جويريا سكتت لانها ما تبي ترد عليه ويرفض انه يعرف لها وين اختها
عنان :يالله انا ماشي
جويريا :زين
نزل عنان وطلع ، وام عنان وبناتها كانو قاعدين بالحوش
ام عنان:شعندس تودعي ولدي
جويريا جت عندهم وجلست :رجلي واودعه اشفيهاا
ام عنان:لا والله بس مو من عوايدس
جويريا يالله يالله ماسكة نفسها ابتسمت وهي تقول :لا خلاص صرت حبيبة معه
ام عنان :معليناا قومي جهزي نفستس جايينا ضيوف ويا ويلتسس يا ملسونة لو تسوين مشاكلل فاهمة ولا لا
جويريا بدون نفس :طييب
ام عنان :والحين روحيي تجهزيي ولا تنكدين علي
جويريا قامت وهي تقول هين بس يخلص سالفة هيام لا اوريتس نجوم الظهر يا عجوزة
طلعت لغرفتها تتجهز وحطت كحل الي تزين عيونهاا وكل من حط عينه بعينها ضاعت علومه من كحلها

معاذ يصحي نور :اصحي يا بنت الحلال
نور تفتح عيونها :هاه
معاذ:قومي تجهزي بنطلع
نور:وين؟؟
معاذ:باخذتس السوق
نور قامت على طول بفزة وفرحة :صدقق
معاذ:ماشاءالله صحصحتي اول ما جبت طاري السوق
نور تقوم:يالله نمشي
معاذ:روحيي البسي بسرعة
نور راحت الحمام"وانتو بكرامة" وغسلت وجهها وطلعت تلبس عبايتها وقالت يالله نمشي
معاذ يضحك عليها :متحمسةة ماشاءالله
طلعو اثنينهم وتوجهو للسوق
ونور مرة فرحانة بالمدينة وعاجبها مرةة

هيام نامت بالصالة لانه سعود كان عند تميم وما خرج من عنده صحيت من النوم وعلى طول قامت تروح تطمن على تميم شافته نايم لانه امس ما نام لين اخر اليل
وسعود حاط راسه جنب تميم ونام واضح عليه ما كان يبي ينام بس غفي
وشافت المسدس محطوط فوق الطاولة
لبست طرحتها وراحت شالت المسدس وهي بداخلها تقول المسدس لازم تكون معي لا رجعو والله اذبحهم ولا اخليهم يذبحون تميم
وهي طالعة صحي سعود ولف لتميم وهو يتطمن عليه شافه نايم وابتسم له
لف وجهه عند الطاولة وما لقى المسدس
قام بسرعة وهو يدور حوليه بس ما لقاه ،طلع برا وشاف هيام توها نازلة الصالة وهو يدري ما غيرها الي اخذته لحقها بسرعة وهو يقول بحدة :هاتي المسدس
هيام لفت له وغطت وجهها بالطرحة :ما اعطيك
سعود:مو مأمن لتس انه يكون معتس وانتي ما تعرفين له لا تطلقين بالغلط ويتأذى حد، هااتي المسدس
هيام بعناد:قلت لكك ماا اعطييك امس كان بيذبحونه تخيل رجعو والله لا رجعو اطلق عليهم ولا همني منهو يموت اهم شي لا يأذون تميم
سعود سكت وعرف راسها يابس ومستحيل تعطي له :طيب خليه عندتس بس لا تطلعيينه الا لضرورة اما غير كذا لا تطلعينه
هيام:طيب
سعود صعد لفوق وهو يقول الله يهديها خايف انه بالغلط تصيب احد
لانه تصير كثير حوادث زي كذا

جويريا طلت من الدرج وهي تسمع ام عنان ترحب في ام الهنوف و ام زين
صعدت مرة ثانية عشان تلبس لانها للحين ما خلصت
ام عنان:يا هلا والله نورتوناا تفضلو تفضلو
دخلتهم للمجلس وقعدو كلهم سوا
ام الهنوف ناظرتهم ببتسامةة :جايين نعزمتس عرس الهنوف وزين
ام عنان:ماشاءالله ما شاء الله، متى العرس؟
ام زين:يوم الخميس ان شاءالله
ام عنان:الله يسعدهم مع بعض يا رب
ام الهنوف وام زين:اميين يا رب
دخلت روزا وهي جايبة العصير وهي مبتسمة
ام الهنوف تناظر في روزا :عقبال بنتس ان شاءالله
ام عنان سكتت شوي وبعدها قالت :ان شاءالله
دخلت جويريا وسلمت عليهم
ام الهنوف ناظرت فيها :هاذي حرمة ولدتس الثانية
ام عنان:ايه
ام زين:ماشاءالله ربي يحفظها تهبل عرف يختار
ام الهنوف لجويريا:كم عمرتس يا بنتي
جويريا :عمري 25
ام الهنوف:ماشاءالله"ولفت لروزا"وانتي كم عمرتس يا قلبي
روزا ناظرت لامها وبعدها قالت بضيق :عمري 30 يا خالة
ام الهنوف مسكت قلبها :يووه صقيتي ال30 ونصيبتس بعده ما جا يا ام عنان بنتس لا تضييع خذيها عند الشيخ لا تضيع منتس
ام عنان سكتت منقهرة وبعدها قالت :ان شاءالله
ام الهنوف :عاد انا بنتي الهنوف الله يحفظظها من كلل عيين وحسدد من يوم صقت ال15 صار باب بيتنا يندق كل يوم يخطبونها بس صار النصيب مع زين الله يحفظه حسب ونسب واخلاق ومال وجمال
ام عنان ناظرت لجويريا وهي متمنيتها ترد عليها
جويريا من الله تبيها فقالت :روزا ما ينقصها شيء ماشاءالله عليها كاملة مكملةة جمال وسناعة وطيبة ،و مندري يمكن تأخر نصيبها خيره لها وان شاءالله ما تتزوج الا ولد شيووخ وعز وكرم وبتشوفو وقتها قولو جويريا قالت
ام الهنوف لوَت بفمها وبعدها قالت:ان شاء الله
ام زين :وينها حرمة ولدتس حنان ما نشوفها
ام عنان:راحت بيت عمها الحين بعد شوي تلقينها جت
ام زين ابتسمت :الله يحفظها حبيبة وسنعة ماشاءالله
ام عنان ابتسمت

جا عنان من برا وجويريا اول ما سمعت صوت الباب ركضت تشوف مين شافته عنان طالع فوق
لحقته بسرعة ودخلت معه لغرفة حنان وهي تقول:وشصار طمني
عنان لف لها وعيونه علقت عليها :هاه
جويريا :تكلممم لا تخوفنيي
عنان صحي على نفسه :هاه شسمه ذا وشصار ب وش؟
جويريا انرفع ضغطها من فهاوته:انت شارب شيء شكلك مو صاحيي،، اقوولك وشصار عرفت شيء عن اختي هيام وتميم ، وينهم وين راحوو
عنان تذكر :اييه ، رحت بييته بس ما لقيته وبكرى اروح بيته الثاني يمكن انتقل هناك
جويريا خايفة :يا ربي وش يصبرني انا الحين لين بكرى شكلي بموت بأرضيي لين ما اعرف وشصار فيهاا
عنان مو سامع كلامها ابد وقال :بعييد الشر عنتس
جويريا ناظرته نظراته غريبة مو عنان نفسه ابدد
عنان :انتي وش حاطة بعيونتس يا بنت ناوية تذبحيني
جويريا توترت من نظراته وكلامه اول مرة يصير معها موقف زي كذا وهي بالنهاية انثى كلام زين يجيبها وكلام زين يوديها
عنان قرب منها :صدقو الي قالو تطيحين النجوم من السماء وانشهد تطيحين النجوم والطير كلهم سوا
جويريا كل ما يخطي خطوة يقرب منها هي ترجع خطوة ورا
جويريا قالت بتوتر :عنان وخر
عنان يقرب منها وهي توترت زيادةة ،بس بهاللحظة دخلت حنان للغرفة ،وعنان على طول بعد عنها
وحنان اول ما شافتهم صارت عيونها تشتعل من الغيرة وانصدمت بنفس الوقت انه بغرفتها
حنان ناظرت فيهم بإستغراب وكنها تقول تزوجت وما قلنا شيء بس تجي تبوسها بغرفتي هاذي ما اقبلها
عنان :وينتس جيت ابدورتس ما لقيتس
حنان عيونها في جويريا :رحت بيت عمي
عنان :انا داخل الحمام جيبي المنشفة
حنان:ابشر
وعنان دخل الحمام
و حنان راحت عند جويريا بسرعة ومسكتها بعصبية :لااا انتي زودتيها كثيير يا جويريياا زودتيها كثيير ،تزووجتي رجلي وما قلتت شيء اماا تجين وتبوسينه في غرفتيي هاذي كبيررة اكسر راستس والله فاهمة ولا لاا
جويريا ابتسمت ابتسامتها المستفزة:شفتي يا قلبي الي يحط راسه براسي بيندم وااجد ،قلت لتس بس ما سمعتي مني اليوم بسته في غرفتس بكرى بنام معه في سرييرتس
حنان تنرفزت من نبرتهاا وابتسامتهاا رفعت يدها عشان تضربها بس مسكتها جويريا بسرعة وهي تصر بسنونها:يدتس اكسرهاا لا رفعتيها علي فاهمة ولا لاا
رمت يدها وطلعت من الغرفة
وهي تقول بداخلها يا ويلي جت بوقتها ذي حنان الحمدلله رديت لها وعطيتها القرصة عشان لا تحتك معي
وبعدها تذكرت عنان ونظراته
ابتسمت وهي تقول صح عصبي وله كلمته
بس خروف ب شوية كحل يضيع علومه
لو اني اعرف العبها صح والله لأاخليه خاتم في اصبعي
مشيت وهي تقول خلاص من اليوم ما عاد اعصبه ولا اغثه واسحبه لصفي و هين يا حنان باقي ما شفتي مني شيء
نزلت وجت قدامها خلود :وينتسس لي ساعة ادور عليتس
جويريا :خير وشصاير
خلود:سمعت انتس رديتي على ام الهنووف
جويريا :ايه بس كان رد محترم
خلود:ليه وشقلتي لها
جويريا :ما برد قلبي عليها
خلود:معليه اهمشي رديتي يا شيخةة مو مهم رد محترم ولا رد قليل ادب
جويريا :لا انا ابغى رد قليل ادب
خلود تطبطب عليها :معليتس ،معليتس المرة الجاية ،بس علميني وش قلتي لها وهي وش قالت
جويريا جلست تحكيها وش قالت وهي مستانسة

رجعو من السوق ونور اشترت كل السوق ما خلت شي والا شرته
دخلو سوا وهم شايلين الأكياس
نور بحسرة :اخ والله ندمانه ليه ما شريت هذيك الشنطةة افففف الحين وش يخليني ارتاح ليتني شريتها وما خليتها بخاطري
معاذ يحط الاغراض بالارض:ما شاء الله كل ذاا وتقولين ليتني ما خليتها بخاطري فلستيني يا بنتت
نور مو معه ابد وتهوي نفسها لانها جاية من برا :افف حرر مرة افتح المكيف
معاذ صد عنها وراح يشغل المكيف ،نور قعدت بالارض وهي تطلع اغراضها ولفت له:تكفى جيب لي كاسة موية عطشتت
معاذ يناظرها هذيك النظرة وهي ولا مهتمة له كنه خدام عندها بس ابتسم يوم شافها تطلع الاغراض ولا مهتمة له حتى ما خلاه بخاطرها وراح عشان يجيب لها موية
قامت نور وهي تمسك فستانها وتشوفه على نفسها بالمراية
ومعاذ لف لها وهو يمد له الموية وهو يشوفها ماسكة الفستان على نفسها
نور لفت له:شراييك حلو؟
معاذ:هاه ايه حلو مرة
نور حطت الفستان على جنب واخذت كاسة الموية منه و شربت الموية :شكرآ لك
معاذ :البسي الفستان ابي اشوفه عليتس
نور:الحين؟
معاذ:ايه
نور تناظر الفستان مفصخ وهي ما قد طلعت قدام معاذ الا بالجلابية :خليها بعدين الحين خلي ارجع الاغراض لمكانها
معاذ :تخلينها بخاطري يعني؟
نور سكتت وهي تبي تطلع اي عذر لكن من نظرات معاذ استسلمت وقالت:طيب
دخلت الحمام"وانتو بكرامة" ولبسته وناظرت نفسها بمراية الحمام"وانتو بكرامة" مرة مفصخ بنسبة لهاا
ماله اكمام ابد وطويل لين تحت الركبة
نور تناظر نفسها وهي تقول الحين كيف اطلع له والله استحيي انا وش خلاني اختار ذي الي مفصخةة
معاذ يناديها من برا:يالله ما صاارت
نور اخذت نفس وحطت يدها عند فتحة الصدر لانه مرة واضح
وطلعت
معاذ شوي وياكلها بعيونه ونور استحت زيادة
معاذ شافها حاطة يدها بصدرها لانها مستحية والا فيه دودة يبغاها تبعد يدها :هاتي يدتس
نور :هاه ، لا لا كذا مرتاحة
معاذ مسك يدها وهو يتأمل بالفستان ويسرق نظرة
نور توترت:اا انا رايحة ابدل
معاذ سحبها معه :تعالي شوفي نفستس بالمراية
راحت نور و وقفت قبال المراية وهي تتامل بالفستان ومعاذ وراها ماسك نفسه
فجأة حسته ب يد تحاوطها من خصرها
وحست بانفاسه بقربتها
وو بعدين صار شيء مالكم دخل فيه
ومنتظرين اكمل بعدد قلة ادب عييني عينك🔪🔪

نهاية البارت
اسمعوو بنات بسألكم سؤال انتو اخوانكم او اي حد يقرب لكم تعرفونه يقراا روايات لأنه في شباب يجوني ويمدحون ويقولون قرينا روايتك وحلوة ومن ذا الكلام واحس كذابيين ما قرو ولا شيء بس يبون يتعرفون 😭😭💔وبعضهم يحلف يقول والله قريته على السريع😂
وبس والله اتمنى تفيدوني

تشاوو✌️❤️