رواية من حضرتك عشان قلبي تذله الفصل الثامن 8 - بقلم ام عوض

جا يوم الخميس والكل يتجهز لزواج زين والهنوف
ام عنان طلبت النقاشة من الصبح عشان تجي وتحنيهم
قاعدين كلهم بالحوش
وحنان سوت وخلصت وروزا بعد سوت وام عنان توها تسوي وخلود باقي
جويريا صحيت متأخرة مرة غسلت وجهها ونزلت،وشافتهم قاعدين كلهم سوا ،جت قعدت معهم وهي ساكتة
خلود:بتسوين؟
جويريا ناظرت ليدها وبعدها قالت:لا مابي
ام عنان:خيير بتسوين وغصب عليتس وش بيقولون كلهم تحنو الا جويريا
جويريا اخذت نفس بقلة صبر منها:زين خلاص بسوي لا تعصبيين
ام عنان:قومي تروشي وبعدين سوي
اندق الباب وخلود راحت فتحت
خلود  بصوت عالي :يممه عنان جاا
ام عنان قالت للنقاشة تغطي وجهها عشان يمر وغطت وجهها وعنان طلع فوق وخلود نزلت وهي تقول:جويريا عنان يبغاتس
جويريا رفعت راسها بسرعة:يبيني اناا؟
خلود :ايه
جويريا ابتسمت وهي ترمي نظرات لحنان رغم انها تدري ليه يناديهاا يا انه يبي منها شيء يا انه كذا عباطة فيه يناديهاا ،وقامت من عندهم وطلعت له
عنان كان بالغرفة ينتظرها اول ما دخلت راحت عنده وهي تقول :خير ليه تبيني
عنان:عرفت بيت اختس وين
جويريا فزت من مكانها بفرحة :احلف وينه لقيتها ؟ هي بخيرر؟
عنان اول مرة يشوف فرحتها :لا ما شفتها بس دلوني على بيتهم
جويريا تقدمت منه ب ترجي :تكفى خذني عندهم تكفىى
عنان :لا وين الحين؟
جويريا :اييه تكفى ابي اشوفهااا
عنان:لا بكرى اليوم مشغول
جويريا عصبت :ليه ب وش مشغول ان شاءالله على اساس زواجك انتت اليووم
عنان :اهجديي
جويريا شمقت له وتوجهت عند الحمام
وعنان قال:لا تمشين وانا اكلمتس ارجعييي
بس هي ولا سمعته حتى
وهو انقهر وتوعد فيها

عند هيام تطمن على جرح تميم :الحمدلله صار احسن من الاول
تميم:ايه الحمدلله
هيام:جعل يده للكسر يوم انه رفع المسدس بوجهك
تميم ابتسم :بس اقولتس الصدق
هيام ناظرت له:قول
تميم:كبرتي بعيني يوم انتس وقفتي قدامهم وبكل قوة من وين جايبة كل ذا القوة
هيام سكتت شوي:انا مو قوية بس ما ادري فجأة جتني قوة يوم اني دريت انك بخطر
تميم باس جبينها:ربي ما يحرمني منتس يا رب
هيام:اميين يا رب

معاذ رجع البيت وهو ينادي نور بس ما لقاهااا عرف ذي من حركاتها انها تتخبى قبل يجي عشان تخوفه
معاذ بصوت عالي:ترا حفظت حركاتس خلاص اطلعيي
نور من ورا الباب :اذا لقيتني بتطلعني لمكان اليوم
معاذ :تمام كذا ولا كذا في طلعة اليوم
نور طلعت من ورا الباب :صدققق؟ ويين؟
معاذ:اخوياي عازمييني وكل واحد جايب معه حبيبته ابيتس تجين معي
نور تروح عند الدولاب:يمه وش البس الحين
معاذ:البسي فستان حق هذاك اليوم "وغمزلها"
نور تدور:لا لا هذيك مبالغ فيهااا مرة ابي شيى خفيف وحلو
معاذ :ابيتس تلبسين فستان ساتر اغار عليتسس
نور:فديييت الي يغاار يا نااس

جويريا طلعت من الحمام وهي لافة المنشفة على نفسها وشافت عنان قاعد فوق السرير
هنا عضت شفتها وهي تقول لاا هالمرة مافي مهرب منهه يا ويليي
عنان قام وقرب منها:وانا اكلمتس ما تديري لي ظهرتس وتمشيين فاهمة ولا لاا
جويريا :ابشر بسويها كثير
عنان يناظر فيها من تحت لين فوق :عنييدة وراستس يابس وهاذا الي يعجبني فيتس جبتي راسي يا بنت ياسرر يا ويل حالي
جويريا تدري بالرجال وفاهتمهم وحافظتهم ما يحبون الشيء الي تجيهم بالسهل قالت بإبتسامة:صدق؟ جبت راسك؟ بس المشكلة انا للحين ما حبيتك و ما بتجيب راسي بالساهل طبعي صعب وما يعجبني العجب وما يرضيني السلام وحده والي بيجيب راسي لازم يتعنى ،، قدها؟
عنان عض شفته السفلية
وهي يوم ما شفت منه رد لفت ورمت شعرها المبلول بوجهه
وهو مسكها من المنشفة وسحبها عنده
وبعدين صار شيء ما دخلكم فيه 🤝

حنان برا بالحوش وهي تناظر لغرفتهم كل شوية لو طلعت ولا باقي وقلبها يشتعل من الغيرة
خلود استغربت:وشفيتس واقفة هنا؟
حنان:هاه لا ولاشيء
خلود ناظرت لغرفة جويريا وفهمت عليها ومشيت عنها وهي تقول الله يعينكم اثنينكم هي تحب حنان اكثر بس بعد ما ساعدتها جويريا يوم طلعت الدكان بالخب والدس حبتها وهي بطبعها حبوبة مع الكل ومالي دخل بكرههم لبعض اانا احبهم اثنينهم

جا اليل وجويريا قدام المراية تحط لها مكياج
وهي تقول بداخلها والله شكلي صدق جبت راسه الرجال مثل المجنون الله يعينه
ايه والله انا انا وما اتحمل نفسي كيف بيتحملني هو ،
القت اخر نظرة وقامت وهي طالعة برا
واخيرآ التقت في حنان الي تبي تذبحها من غيرتها
جويريا ابتسمت ابتسامتها المستفزة :هلا بحنان حبييبة قلبيي
حنان ناظرت فيها بكره وما جاوبت
جويريا:ويي ،وشبلاتس زعلاانة؟
حنان :ما عاش الي يزعلني
جويريا :اهاه ظنيتس زعلانة مني يقلبي ،طمنتيني
مشيت من جنبها وقصدت تدفها من كتفها
راحت عند خلود وهي تدور حولين نفسها :شراايتس
خلود:تهبليين
جويريا :يالله متى بنمشي
خلود:خلي يجي عنان ونمشي
جويريا تقعد :لا يتاخر بس

ام معاذ وبنتها منتظرين يجي سالم وياخذهم للزواج
انايا تناظر ساعتها:ولدتس ذا تاخرر بتشوفين لا وصلنا نحن اخر النااس
ام معاذ:ايه والله تأخر، هاتي جوالي ابدق عليه وينه ذا لا ابوتس ولا هو مدري وينهمم
اخذت جوالها ودقت عليه وقالها بيجي ادهم وياخذهم للعرس لانه هو وصل العرس خلاص والمكان بعيد مب قريب عشان يرجع وياخذهم
انايا:وش يقول؟
ام معاذ:يقول شوي ويوصل
ما مرت دقيقتين ورجع دق وهو يقولهم وصل اطلعو له
وانايا ركضت قبل امها وركبت السيارة وهي تقول :وينكك من اولل نحترييك، ساحت المكيااج بسببك هاذا وانا مخططة اني ارقص واخلي الحريم يخطبونيي ،ماالت لا صارت من خطبة ولا هم يحزنون بينحاشو مني
وادهم ساكت وكااتم ضحكته
انايا تشوف نفسها بالمراية الي بيدها :اف منك يا سالم افف
دخلت امها وقالت :كيفك يولدي ادهم عساك بخير
وانايا نزلت المراية من وجهها وهي منصدمة انها سمعت اسم ادهمم وطاحت عينها بعينه ورجعت غطت عيونها بالمراية وهي تقول يا فشيلتي عندده تيسة انا والله تيسةةة داخلة وانا اقرقر وما اطلع منهوو
وذا ولد العم ما يطلعلي الا بمواقف الي تفشلل
وادهم حرك وهو كل شوية يضحك
وانايا تغطي وجهها زيادة من الفشللة وتتحاسى ترفع نظرها له 

ام عنان تحتري عنان يجي وياخذهم العرس :وييينه ذاا
خلود قاعدة:مدري عنه
ام عنان اندق جوالها وردت وقامت وهي تقول خلاص اجل بجي معكم
قفلت وهي تقول:اتصلت ام عامر تقول في مكان بالسيارة عندهم انا رايحة معهم وانتو تعالو مع عنان
خلود:يمه لو في مكان اجي معكم عنان تأخرر
عنان:يالله يالله قالت في مكان لشخص واحد وين نحطتس فييه
خلود:يمه عاادي اقعد بحضنتس او تحطوني ورا اهمشي اجي
عنان:اهجديي ولا الخيزران مشتاق لتس تراا
خلود قعدت وهي تتافف
ثامر قاعد معهم :خلاصص وينه ابوي
جويريا ضحكت:الحين بيجي انتظر شوي
حنان كانت تناظر في جويريا بنظرات وهي بقلبها نار عليها
جويريا طاحت عينها بعين حنان الي تناظرها بحقد وكره وابتسمت انها قدرت تحرق قلبها هي كذا لو احد دعس لطرفها تحطه براسها لين اخر يوم لها
جا عنان اخيرآ وهم يسمعون صوت السيار يزمر عشان يطلعون
خلود قامت بسرعة:يالله بسرعة نقوم
قامت جويريا وطلعت وفتحت باب السيارة على اساس تركب
بس وقفتها حنان وهي تقول :اركبي ورا هنا مكاني انا
جويريا ركبت وهي تقول:انتي راكبة هنا قبلي واجد الحين دوري انا
عنان ناظر فيهم وهو يقول :حنان اركبي ورا وبلا مشاكل
جويريا ابتسمت ب شر ،وركبو كلهم رايحين العرس
و روزا مو طايقة تروح الزواج بس مجبورة تروح لانها تدري نظرات الحريم لها الي يسألون عن عمرهاا ويقولون يا ويلي فاتها
وجويريا كانت قاعدة ويدها حاطته فجأة عنان مسك يدها وهي انصدمت بس بنفس الوقت ابتسمت
من حنان
وصلو اللزواج واخيرآ ونزلو وسلمو

بالداخل بغرفة العروسة بطلتنا الاخيرة
الهنوف واقفة وتقول لعنود :اقولتس ما ابييه تقولين لي هو ولد غانم، انا ماا ابييه ماا ابي اتزوج من وين تفهمين انتيي
عنود :هدي انتي لا يسمعنا احد الحيين
الهنوف ترفع صوتها اكثر:خلهم يسمعوون العروسة مغصووبة تتزوج والله بهرب ولا اتزوجهه اروح المدينة واكمل دراستي وادخل الجامعة وما يصير الي يبونه ونشوف غاانم شيخكم وش بيسوي ليي
دخلت ام هنوف الي كانت تسمعه صراخها :اهجدييي يا بنتت اهجديي سمعوتس العالم كله اقصري صوتس لا يجي ابوتس ويكفختس الحيين
الهنوف :خله يجيي ويضربني اكثر من قببل لاني ما عاد احتري شيء
ام الهنوف رفعت اصبعها :والله يا الهنوف ما يصيير طييب لو سويتي شيء يا ويلتس منيي ومن ابوتس "ولفت لعنود" امسكي اختسس ولا تغيب عينتس عنها فاهمة ولا لاا
عنود بخوف:ططيب
وطلعت امها والهنوف لفت لاختها:اسمعيي انا تكلمت مع جمان وهي بتحتريني عند قبة الصخرة وانا اروح عندهاا وانتيي بتساعديني
عنود انصدمت :لا مقدرر والله يذبحوني
الهنوف:لا لا ما يسوون لتس شيء انتي قولي لهم اني دخلت الحمام"وانتو بكرامة" وطلعت من الشباك وغيره ما تدرين وشصار فاهمةة؟
عنود:مقدر يا الهنوف اخااف
الهنوف:تكفيين يا عنوود
عنود ما جاوبت وهي خايفة من ابوها وامها
الهنوف :والله يا عنود ان رضيتي ولا لا انا هاربة اليوم يعني هاربةة ومخططة لكل شيء والقرار لتس انتي تساعديني ولا لااا

روزا كانت قاعدة جت سلمت عليها ام صلاح وهي تبوسها :هلا والله ب روزا وش ذا الجمال والزين ما عرفتس
روزا ابتسمت :تسلمين يا روحي
قعدت جنبها وروزا تأففت بداخلها لانها عارفة وش بتقول
وجويريا اول ما شافت في حرمة جلست جنب روزا راحت بسرعة عندها وجلست جنبهم عشان لا قالت شي بترد عليها جوهاا الهواش
ام صلاح:انتي كم عمرتس يا قلبي
روزا  اخذت نفس بملل :عمري 30
ام صلاح انصدمت وتحط يدها بقلبها :عمرتس 30 يا حسرتي عليتسس وينه النصيب عنتس انتي منصاابة في عين صدقيينيي لو ما تزوجتي الحين خلاااص ما بتتزوجين بعدين لازم تروحين لشيخ
روزا سكتت وهي اصلآ مو مستعجلة تتزوج بس كلام الناس يغث الواحد
ام صلاح :يا عمري فاتس القطار والله
جويريا تعدل قعدتها وهي منغثة منها  :يفوتها القطار احسن من انه تدعسها صح ولا لا؟ وانتي اكثر وحدة تدرين بذا الشي موو؟
ام صلاح ناظرتها بسغراب  : وش قصدتس يا روحي اني اكثر وحدة ادري؟
جويريا :الي اقصده واضح بنتس يا من راحت وجت الناس شافت علامات الضرب عليها شكلها ركبت قطار غير قطارها هههههههههههه
خلود صدمت وهي عيونها تطلع بصدمة ومستانسة انو ردت عليها
وانصدمت ام صلاح وقامت بعصبية :وحدة قليلة ادب هين بس يا بنت ابوتس ان ما علمت عليتس يا الي ما تستحين على وجهتس
جويريا جتها ضحكة وما قدرت تمسك نفسها
وام صلاح عصبت زيادة وقالت: يا الي ما تربيتي ببيت ابوتس الغلطط من اهلتس ما عرفو يربونتس
هنا خلود مسكت جويريا من يدها لا تقوم وتسوي مشكلة
جويريا قامت وهي تصر بسنونها :لا تجيبين طاري ابويي ولا ما يصير طييب فاهمة ولا لاا
ام صلاح بصوت عاليي :العتب مو عليتسس العتب على ابوتس الي ما عرف يربيتس وتبين ما نجيب طاريه بعد اهو غلطان ونص بعدد
جويريا هجمت عليها وهي تشد شعرها وكل شيء فيها وهي تسب وتلعن وخلود و روزا يحاولون يفكونهاا وهم متفشليين منهاا قاعدة تتهاوش مع حرمة كبيرة قد امهم
بعدوها عنها بالقووة
وام صلاح بصوت عاليي : وينتسس يا مرييم تشوفيين حرمة ولدتس وش تقوول يا فضييحتي بيين الناس ياااا مرييمم
جويريا ماسكتها خلود :اتركوني عليهاا العجوزةة المقرودةة روحيييي روحي زبطي شوشتك وبعدين تعالي تكلمي عن بنات النااااس وتربيتهمم شوفي ولدتس الي عيوونه بالبناات
جت ام عنان وهي منصدمة من الوضع :وشصايير؟
ام صلاح :واخييرآ جت شرفت بنت الحسب والنسب تعاليي تعالي شوفي حرمة ولدتس الي مدري من وين جبتيهاا وشتقوول
ام عنان ناظرت في جويريا بصدمة وهي متفشلةة
سحبت جويريا على جنب وهي تقول :فشلتييني الله يفشلتس لعنبوهاا من حرمة ولد ااصبري عليي يا جويريا والله حسابتس عندي بالبيت اليوم الخيزران لتس انتيي احترييها
روزا جت عند امها :امي اتركيها والله ما قالت شيء دافعت عني
ام عنان وخرت بنتها عنها بعصبية :وانتي وخريي عنيي، انتيي هيين يا جويريا هييين طول ذيلتس وااجد
جويريا ما حبت تزيد وتتهاوش معها بعد كانت تتنفس بسرعة بسرعة من العصبية
راحت ام عنان وهي تهدي الوضع وتشوف ام صلاح
جت خلود :بشري وش قالت لتس امي
روزا تضرب خدودها :يا ويلتس يا جويريا بتفتن عليتس عند عنان وبيضربتس ليتس سكتي ولا ردييتي
جويريا :خلها تفتن ويضربني ماا همنيي
خلود تقرب منها وقالت بهمس:الصراحةة ردتس عجبنيي بس من وين عرفتي فبنتهاا من وين يوصلتس الاخبارر انتيي
جويريا :سمعت امتس تكلم ام ضاري معليتسس كلهم فضايحهم عندي بس خل يحركو لسانهم وانا لساني جاهز الكلام تحته
خلود :يا جويريا ودي احب راستس والله
جويريا :بعدين الحين انا رايحة الحمام"وانتو بكرامة" اعدل شوشتي الي خربت بسبتها لعبوهااا
راحت وروزا قالت :يويلها منهم يا ربي كله صار بسبتي اناا
خلود :استانسي و روحي ارقصيي الي قدرت على ام صلااح وام طلال تقدر على اخوتس وامتس
روزا :بس مو متطمن قلبيي عليها
خلود تحط يدها بقلبها:معليتسس صدقينيي معليتسس
راحت جويريا تدور الحمام "وانتو بكرامة" ما لقته دخلت غرفة انه فيه بالداخل حمام راحت فتحت الباب وانصدمتت وهي تشوف وحدة لابسة فستان عروس وفاتحة الشباك تبي تطلع
الهنوف خافت وقفلت باب الحمام بسرعةة وهي تقول :تكفيين لاا تعلمين لاحدد احب راستس تكفين لا تعلمين حد
جويريا بصدمة:انتي العروس؟؟
الهنوف :اييه تكفيين لا تعلمين حد لو قلتي لهم الحين بيلحقوني قبل اطلع من الديرة ويذبحوني طلبتس لا تقوليين لحدد تكفيين والله مغصوبة مابييه
جويريا دقت الكف بالصدر :ابدد معليييتس والله تطمني ما اقول لحد بس وين رايحة لا يكشفونتس
الهنوف:لا لا مخططة وكل شي جاهز وجمان تحتريني عند الصخر الكبيرة وبمشي معها للمدينة
جويريا تناظرها بتهرب وهي بالفستان:وان شاء الله مو مخططة تهربين بالفستان وين عباتس
الهنوف : مو معي
جويريا:والله حبيبتي لو طلعتي بالفستان انتي مثل القمر في سما السود واضحةة
الهنوف :طيب خذوه مني من وين اجييبه
جويريا :صبر اروح اجيب عباتي وارجع
الهنوف قالت بسرعة :لاا
جويريا :لا تخافيين ما اعلم عليتس اصلآ ما اناا ضد الزواج والله صح عليتس انحااشي  وشتبين ب الهم والغم
الهنوف سكت لوهلة تفكر ولقتها تقدر توثق فيها :بسرعةة طيبب
طلعت جويريا وجابت عبايتها بسرعة وعطته لها وهي تقول :انحاشي وعيشي حياتس واتركي عنتس الهم
الهنوف قربت منها وضمتها :شكرآ لتس يا قلبيي والله بدعي لتس
جويريا ابتسمت :اي حد مكاني كان سوا نفس الشيء
ابتسمت الهنوف والتفت ونطت من الشباك وما انتظرت وانحشت تجري  بسرعةة
وجويريا طلعت من الحمام "وانتو بكرامة"
وقفلت باب الغرفة وقعدت هي داخل عشان تأخرهم

انحاشت الهنوف تركضض بدون توقف وهي تلهث تركض وهي تناظر وراها لو في احد شايفها كل ما تبعدت عن الاضواء والخيم يرتاح قلبها
وهي تركض ابتسمت انه محد شافها وقدرت تقريبآ تهرب
لفت وجهها لقدام وشافت في سيارة كانت بتدعسها بس وقفت في اخر لحظة
المكان كله صار غبرره بسبب السيارة الي وقفت فجأة بسببها ،كان بينها وبين الموت كم خطوة بسس
تسارعت نبضات قلبهاا بخوف
وطلع محمد من السيارة متروع  وهو يقول:انتي بخيير صار لتس شييء
الهنوف منصدمة :لا لا بخيير
ولفت بسرعة تبي تمشي قبل يجي حد
بس مسكها محمد وهو تشكك فيها :من انتي وليش كنتي تجرين كذا وكنه احد لاحقتس
الهنوف :تكفى اترك يديي والله بيذبحوني لو شافونيي
محمد:منهو الي بيذبحتس؟
الهنوف قعدت تناظر الخيم الي صارت بعيييدة مرة وهي خايفة احد يجي :اتركنيي
بس محمد شاد عليها وهو شاك انه في شيء غريب :قولي منو انتي
الهنوف من الخوف والتوتر عضت يده بقووة و
محمد تعور من عضتها القوية  وترك يدها وهي ما انتظرت وانحاشت ، وهو قعد يناظرها وهي تجري و استغرب مرة بس ما اهتم كثير رجع لسيارته وهو متوجه عند الخيم

الهنوف وصلت عند القبة وهي تلهث وتناظر وينها جمان
الهنوف تصارخ شوي بصوت عالي وينتسس يا جمان
ناظرت حوليها وشافت سيارتها توه جاي هربت ناحيتها وركبت معها وحركو السيارة وهي للحين قلبها طبوول

ام الهنوف واختها وعماتها عند الباب وهم يدقون
وجويريا تصارخ من الداخل وتقول :ساعدوونيي انا محبوسسة الباب مو راضي يفتتح
و بكذا تاخرهم شوي
تعالت الأصوات برا وحست شوي ويكسرون الباب
قالت بداخلها خلاص يفتح الباب احس شوي ويكسرونه والله واساسآ لين ذا الوقت اكيد وصلت هي عند الصخرة وركبت السيارة
مسكت المفتاح وفتحت الباب وسرعان ما دخلو كلهمم
وام الهنوف صارخت وهي تقول :وينها بنتييي وينهاا
جويريا :مين بنتسس انا جيت الحمام ويوم طلعت كان الباب مقفل وانحبست هناا
ام الهنوف راحت بالحمام وناظرت الشباك مفتوح ومافي احد ضربت نفسها هنا وهي تقول:رحناا فيها والله رحنا فيهاا يا ويليي يا ويلتسس يا الهنوفف
جو بعض الحريم وهم يقولون :اشفيي وشصاير
ام الهنوف تضرب نفسها :بيذبحونهاا الحييين والله بيذبحونهااا
جت ام عنان وهي تقول :وشصاير خيير
سهام عمة الهنوف:الحقينا طحنا ومحد سمى عليناا يا ام عناان
ام عنان:اشفيي
سهام:هرببت الهنوفف هربتت يا ويلاتس يا الهنوفف من ابوتسس وطييتي راسه بين العرربب
ام عنان انصدمت :وشهوو ؟؟؟لازم تقولو للرجال بسرعةة قبل تبعد عشان يلحقوهاا

وصل الخبر عند الرجال
وتغيرت ملامح ابو الهنوف وهو يسمع الخبر فضيحة الي لحقته بعد ما كان مفتخر انه بيزوج بنته لزين ولدد غانمم والحين وش يقوله انه بنته هربت
كنسل الزواج وكل شيء
سرعان ما انتشر الخبر وابو الهنوف للحين مصدووم ومستحي من ابو زيين ومو قادر يطالع بوجهه
كان زين قاعد بالكرسي وجنبه ابوه وهو مبتسم
جا واحد وقال شيء بأذن ابو زين الي تغيرت ملامحه وقام معصب من الي سمعه :وشهوو
حاتم :والله زي ما سمعت
ابو زين وقف معصب مو معصب لانها هربت معصبب لانه ابو الهنوف غصب بنته ولا ليه تهرب والاكثرر انه اول مرة تصيير وبنت تهرب ومو اي وحدة وحدة كانت بتكون زوجة ولده
قرب ابو الهنوف منه وهو مستحيي منه مو قادر يناظر بوجهه بعد سوات بنته
وزين بعد عرف وقام وهو منصددم انه هو ولد غانم يصير فيه كذاا مو مصدق ابد
ابو زين :كذا تسوي فينيي يا ابو الهنووف تغصب بنتك لولديي وتفشلناا كذاا يا فضيحتنا بين العربب يا فضيحتناا طحت من عينيي والله طحتت يا الهنووف
ابو الهنوف :والله حقك علي كبير وانا جاهز لاي شيء تقوله خذوو بنتي الثانية خذوها هي لكمم
ابو زين :اسكتت ولا كلمةة ما نبي شيء منكك بعد الي صاار وكماان تبي تعطينا بنتك الثانيةة انت ما تستحيي
وطبعآ كل ذا صارر والكل يسمعهم لانه خلاص الكل سمع بالخبر تقريبآ
قام شخص من بين الحاضرين وهو يقول :ولد غانمم شيخناا واليوم بيتزوج ان كان من بنت ابو الهنوف ولا من غيرهاا
قام واحد ثاني وهو يقول :اختاار اي وحدة تبيهاا وابشر بالسعدد زواجك منها يصيير واليووم
زين كان منصدم من الي صار ومن الي يصير
قامو كثير ناس والي يقول بنتي لك والثاني يقول اختي لك
وهو كل الي عليه يختار وحدة وبسس
وكان عنان من بين الي قامو
و زين ناظر لعنان وتذكر اخته روزا الي للحين ما تزوجت وقال :اخت عنان ابيها

نهاية البارت
للعلم تراا قصة روزا وزين حقيقية تماام
والباقي كله تأليف من مخي👍🌚
مع السلامة اشوفكم بعد بكري اليوم نزلت بارتين والبارت ذا طوييل
تشاوو✌️❤️