رواية من حضرتك عشان قلبي تذله الفصل السابع عشر 17 - بقلم ام عوض

ابو معاذ توه راجع من عند نور ومعصبب
نادي بصوت عالي :معاااذ
جت انايا وامها من صراخه
معاذ :هلا يبه بشر رضيت تجيي؟
ابو معاذ :لا بارك الله فييك وكمان تبغاني ابشركك بعد سواد الي سويته
معاذ:وشسوييت والله مو مسوي شيء
ابو معاذ رمى العصا الي بيده : الله يفشلك  ولا بارك فييك من ولدد قايلها كلام ما ينقال وتقول مو مسوي شييء
ام معاذ :وش مسوي طييب تكلمم
ابو معاذ :ولدك الجحش قايلها انه البيبسي اغلى منها تفوو يا الي ما تستحيي هاذا الكلام  الحيين ينقاال
معاذ توه يستوعب السالفة
ابو معاذ :هاذا اخر تربيتي فيك يا حماار تفشلني وتسود وجهيي في اخر عمري الله يسود وجهك
معاذ قال بسرعة:يبه تكفى ابيهاا ساعدني سوي ايي شيء والله احبها وابيهاا
ام معاذ ماسكة ابو معاذ لا يضرب معاذ :استهدي بالله يا ابو معاذ ما يصير
ابو معاذ :روحح والله ماني بدافع ريال واحد لو تبيهاا وتحبها تدفع لها وتاخذها من اول وجديدد فاهمم
معاذ:يبه من وين لي يبه تككفى
ابو معاذ :مالي شغل فييك الكلمة وهي وحدةة تبيها تدفع لها مهرها من اول وجديد، اذلفف من وجهيي لا بارك الله فيك تفووه بس
معاذ ناظر لامه:يممه تكلمي
ام معاذ تأشر له انه يسكت لا يزيد الطين بله
ومسكت رجلها وتطلعه برا قبل يمد يده عليه وهو رجال شكبره
سالم :قوية هاذي ترا معقولة تطلع منك، افااااا بسس طحت من العين يالكبيير
معاذ مو ناقصه سالم :اذللفف بسس
سالم طلع برا وهو يضحك عليه
ومعاذ قعد بمكانه وهو يفكر الحين وش يسوي ومن وين له الفلوس في بحسابه بالبنك فلوس بس مو مليون متوهق وش يسوي
انايا قربت منه وطبطبت عليه بحنية :لا تخاف بتقدر ترجعها
معاذ سكت وهو مبتلش الحين كيف يرجعها

بعد ما نامت جمان طلعو محمد والهنوف برا
الهنوف :محمد
محمد لف لها :و وش بعدد
الهنوف :جوعانة، روح جيب شيء اكله والله ميتة جوعع
محمد :طيب اقعدي وانا رايح اشوف وش اقدر اجيب
الهنوف :جيب كبسة او مندي طيب
محمد :وين بتاكلين المندي والكبسة بتاكلينه هنا من جدتس
الهنوف :عادي اشفيها
محمد:لا صدق مو صاحية
الهنوف:خلاص جيب اي شيء المهم اكل
محمد كان بيتكلم بس قطع عليهم الممرضة وهي تقول :لو سمحتو ما تقدرو توقفو هنا و وقت الزيارة خلصت تفضلو
الهنوف:بس المريضة لوحدها ما يصير
الممرضة:لو سمحتو اطلعو ولا تاخروني عن شغلي
الهنوف تنهدت وطلعو هي ومحمد برا
محمد :هيا المستشفى وطردونا وين نروح الحين
الهنوف قالت بسرعة :لا نروح فبيت جمان مافيه مشكلة المهم ما نرجع الديرة الحين خلي جمان تطيب شوي وبعديين
محمد :تبين الحرامي يذبحتس؟
الهنوف :عادي انت معي ما اخاف
محمد ناظر فيها للحظة
الهنوف توترت من نظراته وقالت بصرامة:خير مضيع شيء؟
محمد :خلي نمشي ونرجع بكرى
الهنوف :طيب

ابو فيصل معصب :بترجعييين وغصب عنتس فاهمة ولا لاا
نور ساكتة ومصرة ما ترجع:ما ارجعع
ابو فيصل يمسك راسه:انتي صاحية؟ تبين تفضحينا بين العربب بترجعين له ومن بكرى فاهمة ولاا لا انا ما اصدق اخلص منكم وانتو راجعيين
نور قامت:ما ارجع وان ما بغيتني اقعد عندك اروح اقعد عند اي احد المهم ارجع معززة ومكرمة فبيته غير كذاا انا مب راجعةة لو يطق راسه بالجداار
ابو فيصل بينجن منهم طلع وهو يصارخ ويقول :بترجعيين يعني بترجعيين
فيصل وقف قدامها :انتي صاحية يا نور؟ منجدتس اقولتس صاحييية؟؟
نور :ما عندك خوات وما بتفهم الي اقصده، انا بنت ياسرر ويخسى الي ينزل من قيمتيي وان يبغاني يدفعع غير كذا معنديي لا انت ولا ابوك لكم كلمتكم عندي بعد كلمتي
فيصل ناظر فيها وقال:الله يهديتس يا نور الله يهديتس
وطلع برا
و جود قربت من نور :انتي مو من جدتس تبين يدفع مليون مرة وحدة
نور :ايه يا جود اذا بيدفع ارجع له
جود:وان ما دفع؟؟
نور :اتطلق منه واتزوج غيره رجال الديرة يا كثرهم
جود تضرب نفسها:وتقولينها بكل سهولة كذاا يا ربي صبرني على المهابيل هذول
اسيل وقفت:ايه والله الحق مع اختس ،خير يقولها انه البيبسي اغلى منها ترضينها لاختس يعنييي؟
جود قعدت وهي تقول :يا ربي وش ذا معرف اخذ هم مين منكم
هيام شدت بكتف نور بحنية وهي تدري الي سوته صح

بعد ما فضي المجلس تقريبآ
قربت ام عمار من جويريا وهي تقول :ييه عليتس صدق الي سمعته عنتس
جويريا :وش؟
ام عمار :لا تصدقين المدح الي طحته فيتس قدام الحريم انا داريتس عنتس وعن بلاويتس انتي ولدتي بيدي انا واعرفتس وانتي صغيرة
جويريا :انا ولدت بيدتس؟ صدق ما قد قالت لي امي
ام عمار :اييه وحافظتس زييين اسأليني انا عنتس
جويريا :طيب ليه طحتي مدح فيني قدام الناس دامتس تعرفيني
ام عمار :هي خربانة خربانة ما تفرق لو جيت تكلمت انا وسمعت عن سواياتس في ام صلاح يا الي ما تستحين ذا الكلام ينقال اجلل
جويريا :عشان تعرف تحط راسها براسي والي ياذي الي احبهم يا ويلهم مني
ام عمار :ماالت عليتس وعلى احبابتس"وقامت" وينها روزا بس
قامت وجويريا شمقت وهي تقول حتى ذي ضدي اعوذ بالله
راحت ام عمار عند روزا وهي تقعد جنبها وقالت:يا حلوتي يا روزا ويا زينه زيناه نصيبتس خذيتي الزين وقهرتي الحسودين
روزا ابتسمت
ام عمار ببتسامة وسيعة  :هاه بشري يمه مافي شيء بالطريق
روزا توها اخذت رشفة من الموية وشرقت يوم سمعتها تقول كذا
ام عمار قربت منها وهي تطبطب عليها :اسم الله عليتسس
جويريا قامت لها :اشفيتس وشصار لتس
روزا تمسك قلبها :بخير بس شرقت بالموية
ام عمار :عادي يروحي تصير ، سلامتس سلامتس
روزا سكتت وهي ما تبي تجاوب على سؤال زي كذا
جت خلود من برا :اشفي
ام عمار:جت الملسونة ماافي شي اختس شرقت بالموية
خلود قربت من روزا :سلامتس يا روحي
ام عمار تناظر خلود :وانتي ما جوتس الخطااب
خلود صدت وجهها عنها وقالت:لاا
ام عمار تكش عليها :مالت عليتس من يخطبتس وانتي لسانتس هالطوول
جويريا :بعدها صغييرة على الزوااج.
خلود :ايه صح كلامهاا انا صغيرة بعدني، وان تزوجت بتزوج واحد يطقع فلووس
ام عمار ضحكت :انتي لو يخطبتس حارس ابو ماهر كثير عليتس وتبين واحد يطقع فلوس
جويريا و روزا جاهم ضحك ما قدرو يمسكو نفسهم
وخلود انقهرت وطلعت برا الغرفة
وجويريا لحقتها وهي تقول :تعالي يا زعولة وين رحتيي
خلود وقفت:ما تسمعينها وشتقوول العجوز
جويريا:معليتس بتتزوجين واحد يطقع فلوس زي ما قلتي
خلود :وتضحكوون علي بعدد
جويريا :والله مقدرت امسك نفسي تضحك العجوز هاذي
خلود لفت وجهها بزعل :الحين انا خلود الي نص عيااال الديرة يتمنون نظرة مني تقولي انه حارس ابو ماهر كثير علي فذمتس هاذي كلام ينقال لبنت باول عمرها زيي
جويريا :صح كلامتس لا تزعلين واضح مسكينة ما تقصد
خلود :والله لو مو خايفة من خيزران امي كان رديت
جويريا :الا صح وينها امتس وجيهان بعد
خلود :مدري عنهم روحي شوفي وينهم
جويريا مشت عنها وهي رايحة الحوش تشوف وينهم
واول خرجت للحوش تفاجئت وهي تشوف عنان وجيهان قاعدين مع بعض ويضحكون
عصبت لانه عنان قالها هي عنده شغل وما بيرجع الا في ليل والحين هو قاعد مع جيهان ويضحكون
بلعت ريقها بغيرة واخذت نفس وراحت عندهم وهي ترسم ابتسامة بوجهها وتناظر لعنان :مو قلت لي ما بترجع الا في ليل؟؟؟
عنان مبتسم :ايه بس خلصت شغلي ورجعت بدري
جويريا :ما شاء الله وانا اخر من يعلمم
جيهان قامت وهي تقول :ليه في مشكلة يروحي؟
وهنا جويريا طارت عيونها وهي توه تستوعب انه فستانها اكمامها صغيرة وهي بلا حيا ولا محيا لا لابسة طرحة و ولا شيء
جويريا :عرفنا انتس قليلة ادب بس مب لدرجة تلبسين مفصخ قدام زوجي
جيهان :نسيتي انه ولد عمي
جويريا:كيف انسى وانتي كل شوية تذكريني انه ولد عمتس
طلعت طرحتها وغطتها وهي تقول :احترمي نفستس ولا عاد اشوفتس قاعدة ويا رجلي وان صار ولقيتس عنده ما يصير طييب
ولفت تطلع لغرفتها وهي منقهرة من حركات جيهان
لحقها عنان وهي مبتسم ب شر
ودخل وراها و وقف عندها وهو مبتسم
جويريا تصر بسنونها منقهرة من جيهان :لعنبوها من بنت عم امحق بنت عم تجي تتفصخ عندك وانت عاجبك الوضع
عنان :غرتي علي؟
جويريا :كم مررة اقوةلك مااا غرت عليك من زينك عااد بسس
عنان:والي سويتيه قبل شوي كيف تفسرينه؟
جويريا :ماله تفسير الا انه بنت عمك قليلة ادب وانت اكثر منها ايه على شوية. وتبوسو بعض قدام خلق ربي
عنان قرب منها وهو مبتسم : اعترفي انتس صرتي تحبيني وتغارين علي
جويريا :انت ناظرت نفسك يوم بالمراية؟ تبغاني احبك ب راس المربع ذا
عنان ضحك :مدري ليه تنكرين
جويريا لفت وجهها عنه تبي تمشي
عنان يضحك:لين متى تنكرين يعني نشوف لين متى تصبرين يا بنت ياسر

ابو محمد يحتري جود برا عشان تطلع
واخيرآ طلعت وركبت معه السيارة
ابو محمد :تأخرتي
جود :الله يهدي خواتي يا ابو محمد بيجلطوني والله بيجلطوني
ابو محمد:خير وش مسويين
جود :اسيل تقول ما تبي زواج تبي كل شي يتم زينا بالخب والدس و نور جاية بيت عمي وتقول لرجلها لو ما تدفع مليون مانيب راجعة
ابو محمد انصدم :وش تقول هاذي لييه
جود تنهدت :هو رجلها قايل لها انه سعر البيبسي أغلى منها وهي الحين حاطة براسها انه بتخليه يدفع لها المهر مليون وبعدين ترجع له
ابو محمد :وشذا الكلام هاذا كلام ينقاال حقها تطلب مليون وفوق المليون ملونين بعدد
جود تمسك راسها:وانت بعد يا ابو محمد انت بعدد ،انا خايفة صدق يطلقهاا
ابو محمد :ايه ويطلقهاا هي غنية عن رجل ما يحترمهاا وان طلقها فهاذا خيرة لهاا
جود تنهدت وسكتت
ابو محمد :واذا على اسيل براحتها ولها الي تبيه ولها المهر الي تطلبه و والله ما يصير الا الي تطلبه وبكرى انا رايح واكلم عمتس واخطبها لولدي وليد
جود :ان شاء الله

الهنوف فتحت الباب ودخلت ناظرت وراها شافت محمد متردد يدخل
الهنوف:اشبك مستحي ادخل
محمد دخل:مو مستحي
الهنوف ضحكت:تذكرت الي صار هههههههههه
محمد ضحك لضحكتها :اخخ للحين الضربة الي اكلتها اتذكرها مر شريط حياتي قدام عيوني
الهنوف :تبي اجرب عليك مرة ثانية؟
محمد:مو بعيدة عنتس انتي تسوينها
الهنوف:معليك ما اسويها الحين دامني وعدتك وعطيت كلمتي لك مو بس انت الي كلمتك وحدة
دخلو لداخل ومحمد حط الاكياس الي بيده فوق الطاولةة
والهنوف جت قعدت وفتحت الاكياس و فرشت السفرة
وبدأت تاكل وهي جوعاانة من امس ما اكلت شيء
محمد توه يقعد:شوي شوي لا تخلصين الاكل وانا للحين ما اكلت
الهنوف :اقعد وكل إن خلصو مو شغلي وقتها
محمد قعد وسمى بالله وبدأ ياكل
طاحت عينه على الهنوف وهي تاكل وقف بمكانه وهو يحس كل ما ناظرها تصير معه صراع بينه وبين نفسه انه يبعد عيونه بس غصب عنه يناظرها ويطول النظر فيها كنها لوحة جميلة
الهنوف تاكل ولا حاسة عليه همها بطنها بنتنا
محمد نزل نظره بسرعةة وهو يقول لنفسه اصحى اصحى شصارلك يا تييس هاذي وحدة بزرة وهربت من زواجهاا
يحاول يقنع نفسه بانه ما يحبها وهو ناكر بداخله ذا الشي

في ليل
زين اخذ بطانيته ومخدته وحطهم فوق الكنبة يبي ينام وهو ساكت غير عن عوايده
روزا توها دخلت وهي بيدها جيك الموية قالت:بتنام؟
زين:ايه
روزا:وين تو الناس
زين :نعسان
روزا حست كنه فيه شيء حطت الجيك فوق الطاولة :فيك شي؟
زين ابتسم :لا مافيني شيء بس احس راسي مصدع من الشغل
روزا اول مرة تشوفه هادي كذا :طيب اجيب لك دوا؟
زين :تكفين لو قصدتس على الاعشاب وذا الخرابيط مابي
روزا:لااا ويين، اعطيك حبوب
زين:طيب جيبي
روزا راحت وطلعت من الدرج حبوب وحطت له موية وعطته :تفضل
زين:شكرا لك
روزا:العفو
شرب زين الدوا وروزا اخذت كاسة الموية من يده :الحين كيف صار
زين:طيب احتري يروح الحبة في بطني وتعطي مفعولها
روزا:للحين مصدع؟
زين مستغرب من اهتمامها فيه عجبه الوضع انها تهتم فيه :ايه للحين مصدع
روزا :اسويلك مساج تريح شوي
زين يغمض عيونه بتعب :طيب
روزا راحت عنده و وقفت ورا الكنبة وبدأت تدلك له راسه وهو فرحان
زين:اخخ يدك فيهم سحر صدقيني وينتس من زمان عني
روزا ابتسمت:كل ما امي راسها صدع دلكت لها راسها وريحت
زين:خلاص كل يوم سوي لي
روزا :لا يا شيح احلف واصدقك
زين:والله
روزا :والمقابل طيب؟
زين:عشتوو وصار في مقابل بعد انا رجلتس ولا نسيتي
روزا:من وين لي انسى وانت كل شوية تذكرني ادري مانيب ناسية
زين :زين كل يوم ارجع من الدوام تجيبين سطل موية وانا احط رجولي فيها وانتي تدلكين لي راسي
روزا :ايه ايه
زين مغمض عيونه ومسترخي

الهنوف تقعد وهي تتأفف :يقهروون ليه مافي زيارات بعد الظهرر انا ابي اقعد عندهاا مابي اتركهاا انا جيت عشانها
محمد :طيب يبدا الزيارات من الساعة 6 الصبح روحي وافرحي معها
الهنوف تثاوبت :انا نعست بنام
محمد :نوم العوافي
الهنوف قامت ودخلت الغرفة عشان تنام بس اول ما دخلت قعدت تناظر ارجائها لانها تخاف وهي ما قد نامت لوحدها بالغرفة اختها عنود كانت تنام معها
راحت وقالت يالله ما يصير شيء لو نمت لوحدي
تسحطت فوق السرير تبي تنام وهي تدري انها ما بتقدرر تنام وهي لوحدها تلحفت وغمضت عيونها
وما يمر دقيقة وحدة وتفتحه وهي تتخيل اشياء بعقلها وتوسوس نفسها وترجع تغمض فجأة سمعت صوت قامت بسرعة وهي تطالع حولها مافي شيء بس الصوت كان جنبها و واضح
هي مب خايفة من الحرامي
هي خايفة من الجن وذا الحاجات
قامت من مكانها وهي تدري لو تموت ما حتقدر تنام لو لوحدها شالت مخدتها ولحافها وطلعت برا شافت محمد توه مغمض عيونه فوق الكنبة
راحت وفرشت لها بالارض ومحمد صحي على صوت حركتها
محمد :وش خفتي؟
الهنوف: ما خفت  بس مو حلو النوم بالغرفة
محمد رفع حاجبه لها بدهشة :شدخل مو حلو
الهنوف تتسطح :يخي خلاص انطم ابي انام
محمد تنهد :طيب طيب انطمينا
الهنوف غمضت عيونها وعلى طول نامت لانها ما تقدر تنام لوحدهاا والحين محمد موجود معها بنفس المكان عادي تنام وهي مرتاحة
محمد لا إرادياً منه رجع لحظة التأمل حقته ما يدري ليه قاعد يصير معه كذا انه بس يبي يتأملها ويتذكر الي سوته اليوم وكلامها وحركاتها كل شيء فيها يذكره باشياء جميلة بلع ريقه وغمض عيونه بسرعة عشان ما يشوفها ويبطل يناظرها ولف وجهه للجهة الثانية بسرعة

نهاية البارت
رجعتت لكممم من اول وجديد بعد ما حذفت الرواية لفترة مؤقتة والحمدلله صححت الخطأ الي صاار
وبعديين
تعالو تعالو بسس بعد ما نزلت اني بحذف الرواية في ناس طلعو لي من تحت الارض ما اعرفهم ولا قد عمري شفت حسابات يقولون لا تحذفين ومدري ايه يعني كل هالفترة تقرأون وانتو ساكتين بدون تصويت وبدون تعليق حرام عليكم انا اتعب ما يستحق تصويت وتعليق واحد😭حرام عليكم

يالله مع السلامه اشوفكم بالبارت الجاي باذن الله
تشاوو✌️