رواية من حضرتك عشان قلبي تذله الفصل السابع والعشرون 27 - بقلم ام عوض

مشت الايام بسرعة ويمر شهر ورا شهر والايام ماشية بسرعة وصراع جويريا مع ام عنان للحينها موجودة وكرهها ومشاكلها مع حنان الي للحينة موجودة مهما صارو خوات وحنو على بعض يبقو ضرايير وعلى كل صغيرة وكبيرة يتهاوشو خاصة بعد ما جابت حنان ولد ثاني زادت بينهم المنافسة والهواش على كل شيء
قاعدة جويريا وام عنان وخلود وحنان بالحوش والجو مرة يجنن وفي صوت رعد بالخفيف
ام عنان تقوم:خلي ندخل شكله بيمطر
خلود تقوم بسرعة :رايحة اخذ الملابس لا يتوسخو وارجع اغسلهم
ام عنان :ايه قومي بسرعةة يا بنت يا ويلتس لو طاح منتس وحدة بالارض
وقامو كلهم وثامر راح يلعب بالمطر الي توه بدا ينزل
حنان :تعال ثامر لا تروح تلعب لا تمرض
جويريا تقوم :خلييه يلعب يا شيخة تبون المطر بس تهابونه كيف ذي
حنان :بيمرض تراا بعدين انا الي اقعد عنده مب انتي
جويريا :ثامر حبيبي العب العب امك تبالغ
وقامت هي بعد :انا بعد جاية معك
ام عنان :يا ويليي ارجعيي لا يصير بالولد الي فبطنس شي من الرعد ترا مب زيين
جويريا :توك صرتي تخافين علي
ام عنان:انتي روحي معلي منتس حفيدي فبطنس ترا
جويريا :اف ما يصير شيء
وبدا المطر ينزل بشكل اسرع
وثامر وجويريا يلعبون
ام عنان لفت لحنان :وانتي روحي خذي ولدتس وحطيه بحضنس لا يموت من الرعد
حنان :حاضر
وطلعت فوق لغرفتها تركض
بهاللحظة اندق الباب بقووة
ام عنان :افتحي الباب لاخوتس يا خلود  بسرعة
راحت خلود تفتحه بسرعة وهي مو مغطية نفسها وانصدمت بشخص ما تعرفه رجعت قفلت الباب بسرعة
خلود :يمامي  واحد معرفه
ام عنان :يمه منهو يجينا والدنيا مطر قولي له مين
خلود من ورا الباب :مييين
فيصل :جوييرياا موجودة ابيها انا ولد عمها
خلود ناظرت جويريا :ولد عمتس
جويريا استغربت وقربت من الباب بخوف :فيصل وش صايير اختي فيها شي
فيصل :الحقييني اختس بتولدد
جويريا ضربت صدرها :وشش وينها الحين طييب
فيصل :بالبييت مو راضية اخذها المستشفى تقول ابي اختي
جويريا ضربت خلود :روحي جيبي عبايتي بسرعةة
ام عنان :يويلي وين بتمشيين والدنيا مطر تستهبلين انتيي
جويريا :اختي بتولد تبيني اقعد عندتس واقابلتس يعني
خلود جابت لها عبايتها :خذي
لبستها بسرعة وطلعت لفيصل
ام عنان قعدت وهي تضرب رجلها :بتجلطني هاذي طلعت مع ولد عمها
خلود :يمه اختها بتولد وش تسوي يعني

طلعت السيارة بسرعة وهي تقول :بسرعة يا فيصل بسرعةة
وفيصل يسرع بالسيارة وهو متووتر ما قد مر بموقف زي كذا قبل والتوتر واصل الفه
دقايق و وصلو البيت ونزلت جويريا بسرعةة وتركض وهي ناسية انها حامل اهمشي عندها اختها الحين
دخلت البيت عندها وشافتها عند الباب واقفة وماسكة بطنها بآلم راحت عندها بسرعة وهي تمسكها
هيام :جويريا تكفيين بموت من الوجع
جويريا متوترة :شوي يا روحي تحملي الحين ناخذس المستشفى
ودخلت الغرفة وهي تدور عبايتها ولقتها واخيرآ ولبستها لهيام الي شوي وبتموت من الوجع
وطلعتها للسيارة وركبتها
جويريا :فيصل بسرعةة للمستشفى بسرعةة
وفيصل حرك السيارة بسرعة والدنيا مطر مو شايف الطريق زي الناس
هيام تشد بيد جويريا الي ماسكة يدها :تكفى بسرعة يا فيصلل
فيصل :طيب بس شوي ونوصل
وهو اصلا من الربكة لخبط بالطرق وراح طريق مب للمستشفى والمكان ضباب شوي من المطر
فجاة بدون لا يحس فيصل بغى يضرب السيارة بالعامود بس وقف بآخر لحظة
جويريا مسكت نفسها :بسم الله وش صار
فيصل وقف شوي يسترجع انفاسه الي انحبست
هيام شدت ف بطنها بآلم :تكفون بسرعةة مو قادرة اتحممل الوجع
فيصل رجع شغل السيارة بس عيي السيارة تشتغل
جويريا تناظر فيصل :وش صاار
فيصل يضرب الدريكسون بقوة :الله ياخذذذك
ونزل من السيارة الي خربت بوقت مو وقتهاا
جويريا تضرب الكرسي :مب وقتهاا مب وقتهاا
هيام :يا ربيي
جويريا :تحملي شوي يا روحي شويي بسس
احترت فيصل شوي بس تأخر راحت عند الشباك وهي تطل وتناديه :فييصل
فيصل جا عندها :خربت السيارةة وش نسوي الحين
جويريا :يا ربي وقتها تنخرب اختي بتمووت يا رجال سوي شي بسرعةة
فيصل :بحاول اصلحه
جويريا :بسرعة يا فيصل بسرعةة
راح فيصل يحاول بالسيارة
وجويريا عند اختها تحاول تهديها بس هيام مو قادرة. بتموت من الآلم على شوية بتولد بالسيارة
وقفت سيارة عندهم ونزل منها شخص وهو يقرب من فيصل وهو يقول :تحتاجون مساعدة؟
فيصل ما عرفه لانه كان متلثم :لا شكرآ اخوي
نزلت جويريا بسرعة يوم شافت السيارة وقفت عندهم
الرجال :انت متأكد ما تحتاج مساعدة
جويريا قالت بسرعة  :ايه نحتاج مساعدة تكفى خذنا لاقرب مستشفى
الرجال مشى لسيارته بسرعة وهو يقول  :بسرعة . اركبو السيارة واوصلكم
جويريا ما صدقت وبسرعة نزلت اختها من السيارة
فيصل جا عندها :جوييرياا ما يصير رجال غريب عننا
جويريا :تستهبل اختي بتموت وانت تقول رجال غريب سري بس
فيصل وقفها مرة ثانية :ما يصير يا بنت الحلال
جويريا ضربته كف وبعدته من وجهها وركبت السيارة
وفيصل اضطر يركب معهم بعد ما قفل سيارته
وعلى طول لاقرب مستشفى وهيام بالسيارة تحاول تكتم شهقاتها بس ما قدرت
وصلو المستشفى ونزلو ودخلو هيام قسم الولادة وجويريا وفيصل والرجال واقفين برا
الرجال واقف شوي مسافة عنهم وهو عرفهم من هم بس هم ما عرفوه بحكم انه كان متلثم وما تعرفو عليه

محمد دخل البيت بسرعة وهو حاط شماغه فوق راسه عشان ما يتبلبل بالمطر وتفاجئ يوم شاف الهنوف بالحوش تلعب بالمطر ومبسوطة ابتسم لها ب حب وتذكر يوم كانو بالسيارة وطلعت تلعب بالمطر وكيف المطر جمع بينهم لو ما كان مطر هذاك اليوم كان رجعو ولا حبها ولا هي حبته
الهنوف لاحظته واشرت له بمعنى تعال العب تحت المطر وهو هز راسه ب لا
الهنوف قربت منه وهي تسحبه :مب بكيفك تعال العب يا شيخ ترا المطر ما يجي كل يوم
محمد :بتمرضيين يا بنت ابوتس اسمعي الكلام لا يصير زي ذاك اليوم
الهنوف :معلييه يا رجال
محمد يتأمل فيها ومستانس لفرحتها بالمطر
سمعو صوت ابو محمد توه جا من برا والهنوف تخبت بسرعةة
ابو محمد يدخل لداخل بسرعة :ادخلل يا محمد لا تمرضض بعدين
محمد :هاه ايه توي كنت بدخل
ودخل ورا ابوه والهنوف طلعت مرة ثانية وهي تضحك
جت اسيل بسرعة :يمه يمطرر
الهنوف :ايه توك تدريين
اسيل نزلت تحت المطر :اللله جوي ذا الاجواء والله
الهنوف :وانبعد والله
جت جود وهي تقول :بناات خذو الغسييل
اسيل ضربت راسها :يمه الغسييل تبللو اكييد
جود :بزارين تلعبون بالمطر وناسين الغسيل بسرعةة خذوها
راحو الهنوف واسيل يشيلونهم وهم يتحلطمون

طلعت الدكتورة وهي مبتسمة وراحت عندها جويريا بسرعةة :بشري
الدكتورة :ابشرك جابت ولد
جويريا فرحت :الله يبشرك بالخير يا ربب طيب واختيي بخير
الدكتوره :بخير الحمدلله صح كانت ولادتها صعبة بس الحمدلله بخير
جويريا :الف الشكر لك يا ربب وينها اختي نقدر نشوفها
الدكتورة :توه بناخذها لتنويم تقدري تشوفين ولدها توه خذوه للحضانة
جويريا فرحت ومشيت للحضانة وقابلت فيصل الي كان منتظر بالممر
فيصل :بشري
جويريا :هيام جابت ولد والحمدلله هي بخيرر
فيصل :الحمدلله
جويريا :تعال انا رايحة اشوف الولد
مشو اثنينهم و وقفو عند الزجاج الي ممنوع يدخلو للداخل وشافو ولد هيام الي توه يلبسونه ملابسه وقعدو اثنينهم واقفين وهم مو مصدقين هيام ولدت وجابت ولد كانت مشاعر حلوة تجمعهم مع بعض
فيصل متأثر اول مرة يشوف ولد توه طالع من بطن امه :صغير مررة
جويريا تلمس الزجاج :يا عمري صغير يدينه مرة
طلعت الممرضة الي كانت تلبسه ملابسه :هيام ياسر؟
جويريا :اييه
الممرضة مدت لهم الورقة :جيبو هاذي الاغراض ضرورية حق الولد
جويريا خذته :ابشري الحين نجيبهم
فيصل :هاتي انا اجيبهم
جويريا مدته له وهي للحين عيونها في ولد اختها الي اسر قلبهم
وفيصل مشي وجويريا للحين تتأمل فيه ولمست بطنها وهي تقول يا رب قر عيني بطفلي انا بعد
وهي مو مصدقة انها هي حامل وبعد كم شهر بتولد وتجيب طفل صغير

دخل معاذ البيت وقعد وهو يقول :نوور جيبي جوالي الثاني
جت نور وهي بيدها جواله الثاني :خذ
معاذ :وشتبين اطلب
نور وقفته بسرعة:لا لا تطلبب
معاذ استغرب:لييه
نور ابتسمت :احم اليوم انا طابخةة
معاذ قام بدهشة:صدقق انتي نوور؟؟ اليوم طابخةة؟
نور :ايه اشبك منصدم والله سويت كبسة وقسم تهبل انا مصدومة اني انا سويتهاا
معاذ :جيبي جيبي  بسرعة تحمست يشيخةة
نور :ابشر يا عييني
معاذ :يا حياتي انتي والله محظوظ ارجع البيت والاقيك طابخة ليي
نور وهي بالمطبخ وتعلي صوتها :بتاكل اصابعك وراها صدقنيي
سفرت السفرة وقعدو اثنينهم
ونور متحمسة يذوق ويعطي رأيه
نور :هاه شرايك
معاذ منصدم :انتي مسويتها؟؟
نور:اييه اشبك منصدم والله اني اعرف اطبخ شفتت
معاذ :والله حلوو احللى من حق المطاعم
نور فرحت:صدقق
معاذ :صدقق وصدقين والله
نور :والله اني طبااخة
معاذ :اسمعيي
نور:سم
معاذ :سمم الله الي ما يحبونتس، اسمعي ابيتس تسوين نفسسه بكره بعزم ربعي
نور وقفت :وش؟ اسوي بكره نفسه؟
معاذ :ايه اشبك. انصدمتي هاذا الطبخ الزيين والحلووو مب طباخ المطاعم الي يسوونه من طرف يدهم هاذا انطبخ بكل حب وحنان
نور مقدرت على كلامه الحلو :معرف والله وش حطيت واندري ما بيطلع نفسه
معاذ :تستهبلين كيف ما تدرين وش حطييتي
نور :والله حطيت كل شيء قدامي وناسية وش حطيت مو متذكرة غير انييي حطيت دجاج واحد.
معاذ :هاذا وتقول  طباخة
نوور:بسوي بس لو ما طلع نفسه مالي شغل
معاذ :طيب طيب
نور :يالله كل
معاذ قعد ياكل :والله فناننة حرمتيي
ونور تسوي نفسها مستحية

عنان دخل البيت وراح لغرفة حنان على طول وهو يشيل ولده الصغير ويبوسه
دخلت وشافته حاضن ولده ويهز فيه ابتسمت من منظرهم وقالت :جيت
عنان له لها وابتسم :ايه جيت، وينه ثامر
حنان:تحت عند خلود
عنان باس ولده وهو مبتسم
حنان :احط لك عشى؟
عنان يقعد فوق السرير :لا لا يروحي تعشيت
حنان راحت وجلست جنبه وهي تلعب ولدها الي بحضن عنان
عنان باس ولده بوسة اخيرة وحطه بسريره وهو يقول :انا رايح انام تأخر الوقت
حنان وقفت عنده وهي خايفة :اا نسيت اقولك
عنان:اشفي
حنان :جوييرياا مب هنا
عنان رفع حاجبه :وين راحت؟
حنان :ولد عمها جا واخذها
عنان انصدم:وش تقوليين
حنان خافت منه :والله مدري بس جا واخذها وطلعو مستعجلين
عنان شال شماغه من فوق السرير وطلع وهو يتصل على فيصل يسأله وينهم وهو معصب ليه تطلع بدون لا تقوله ومع مين مع ولد عمهاا

جويريا بعد ما تأملت ولد هيام لوقت طويل قررت ترجع عند هيام وتشوف كيفها راحت وسألت وينها ودلوها على غرفتها اول ما دخلت سمعت هيام تصيح وتقول وينه ولدي
جويريا خافت وراحت عندها بسرعة :هيام حبيبتي اشفيك
هيام :جوييرياا وين ولديي ويينه
جويريا :لا تخافين ولدتس بخيير واهو بالحضانة
هيام تقوم:تكفين ابي اشوفه
جويريا تقعدها :اقعدي وين رايحة انت نفاس لا تقومين وانا الحين رايحة اجيب ولدتس
هيام :بسرعة جيبييه ابي اشووفه يا جويريا
جويريا :انتي اقعدي وانا رايحة  اجيبه يروحي
ولفت وطلعت من الغرفة راجعة للحضانة عشان تاخذ الولد عند امه
واول ما وصلت عند الممرات لمحت عنان جاي و واضح عليه معصب
استغربت
عنان يوم شافها عرفها جا عندها ومسكها من يدها وهو ياخذها على جنب وقال بهمس وعصبية بنفس الوقت :لييه طلعتيي من البييت بدون ما تقولين لي هااه
جويريا :خير وشصاير يا عنان
عنان :وتسأليين بعدد يجي ولد عمتس البيت وياخذتس في اخر اليل وتقولين وشصاااير وشتبين يصير اكثرر
جويريا حررت يدها منه وقالت :اكيد قالولك الموضوع بالشكل الي هم يبونه وانت صدقت طبعآ ،ترا طلعت من البيت مستعجلة عشان اختي هيام كانت تعبانة وبتولد
عنان وقف بإستقامة وقال:صدق؟
جويريا :ايه ولا ليه اطلع من البيت ،ايييه معلييه خلك كذا وصدق الي يقولونه لك عني وتعال عصب علي
عنان :والله ما كنت ادري ما قالتلي حنان عشان اختس
جويريا لفت وجهها عنه :اذلف بس
عنان وقفها :وين رايحة ترا والله ما كنت ادريي زعلتي مني معقولة
جويريا :ايه بزعل ليه ما ازعل كل ما قالو لك شيء صدقتهم
عنان :خلاص ترا والله ما يهون علي زعلتس
جويريا تمشي عنه :اذلف
عنان يلحقها :جوييرياا خلاص ارضي  ترا الناس قاعدة تطالع انتي بس قولي وش يرضيك ترا ما كنت قاصد
جويريا وقفت ورفعت اكمامها :يديني فاضية هالفترة وخفيفة
عنان :وشتبين ذهب؟
جويريا :ايه
عنان :خلاص ابشري من عيوني
جويريا ابتسمت :اجل خلاص رضيت الحين تعال اوريك ولد اختي
عنان :ما بغيتي ترضين
جويريا :تعال بس
وراحو اثنينهم عند الحضانة و وقفو قدام الزجاج
جويريا أشرت للولد :الولد هذاك ولد اختي تصدق صرت خالة
عنان :ياه صغير مرة
جويريا :اييه صغير مرة فديته قلب خالته
عنان ناظر لجويريا:عقبال ما نناظر ولدنا انا وانتي
جويريا لمست بطنها وهي تبتسم :ان شاء الله قرييب
عنان حضنها وهو يقول :صح جربت شعور اني اصير اب بس احس كنه اول مرة
جويريا ابتسمت :زين انت تبي ولد ولا بنت؟
عنان استغرب من سؤالها بس قال:كل شيء من الله نعمة اهمشي الخلقة التامة
جويريا ابتسمت وهي تقول بداخلها ان شاء الله اجيب ولد
الممرضة شالت الولد وطلعت برا
جويريا شالته عنها :هاتي انا باخذه عند امه
الممرضة :هيام ياسر؟
جويريا :اييه
الممرضة مدت الولد لها وجويريا تضحك ومبسوطة ناظرت لعنان :احس بشعور حلو يا عنان اف معقولة تجتمع كل البرائة في طفل صغير
عنان ضحك عليها :اول مرة تشيلي ولد؟
جويريا :لا مب اول مرة بس ولد اختي غيير
ومشيو لغرفة هيام الي كانت تحتريهم على الجمر
اول ما دخلت الغرفة طاحت عين هيام على ولدها وعيونها كانت تشرح الشوق الي كانت مخبيته له
جويريا مبستمة وحطته بحضن هيام الي قعدت تبوسه وتشم ريحته ودموعها بخدهاا
جويريا تطبطب عليها بإبتسامة
هيام تبكي :من ريحة الغالي يا جويريا هاذا من ريحة الغاليي هاذا ولد تميم المظلوم شوفيه كيف صغيير وبريء مثل ابوه
جويريا مبتسمة :اييه
هيام قعدت تبوس يده وهي تغمض عيونها بشوق تعب تسع شهور تاهت كلها قدام هاذي اللحظة
جويريا قربت منها وباست جبين هيام :يتربى بعزك يا رب ويكون لك العوض الي يجبر قلبك يا رب
هيام :امين الله يسمع منك يا جويريا الله يسمع منك
ورجعت تتأمل في ولدها الي نايم ويحرك يدينه بتعب

جا فيصل وشاف عنان
فيصل قرب منه وهو يسلم :هلا والله
عنان قام :اهلين
فيصل :جاي تاخذ حرمتك
عنان :لا
فيصل سكت لانه ماله داعي لوجوده دام كذا
عنان :مبروك الولد
فيصل ابتسم :الله يبارك فيك لو تشوفه بس صغيير
عنان ضحك:شفته شفته الله يحفظه يا رب
فيصل :امين يا رب
وهنا تذكر فيصل الرجال الي وصلهم وهو نسي انه يشكره حتى لف وراه ما لقاه وقال بداخله الله يجيزيه الخير ساعدنا وما قصر
طلعت جويريا من الغرفة وجت عند عنان :عنان هات جوالك
عنان :ليه
جويريا :ببشر خواتيي
عنان طلع جواله ومده لها
وهي راحت على جنب واتصلت اول شيء على جود

فبيت ابو محمد
دق التيلفون وجت اسيل رفعت السماعة :الو
جويريا :الو جوود
اسيل :جوييرياا هلا والله يروحي كيفك
جويريا :بخير الحمدلله، هااتي البشارة
اسيل بلهفة:ولدتيي؟
جويريا :بلا غباء يا بنت باقي واجد هيام الي ولدت وجابت ولدد
اسيل صرخت بصوت عاالي :تكفيين ؟؟قولي والله جابت ولدد مو مصدقة يعني صرت خالةة اناا
جويريا :لا صدقيي صرتي خالة اخخخ لو تشوفينه يا اسييل يهبل اسم الله علييه صغيير
جت جود من صراخها :خيير وشصايير
اسيل :تخيلي جوود
جود :وششش
اسيل :هيام ولدت وجابت ولد
جود :صدقق
اسيل :اييه
جود بعدت اسيل وشالت السماعة :الو
جويريا :جوود هاتي البشارة هيام ولدت وجابت ولد
جود :طيب كيفها هيااام هي بخير والولد بخير كلهم بخير
جويريا :معليتسس كلهم بخيير
جود :يا قلبيي هيام ولدت ومحدن منا جنبها
جويريا :معليتس كنت معها
جود تمسح دمعتها :بوسيها لي يا جويريا وباركي لها مقدرنا نكون جنبها
جويريا :معليتس تعالو بكره
جود :متى بيخرجونها
جويريا :مدري والله بس يمكن بكره
جود :طيب حنا جايين بكره
جويريا :طيب يقلبي اشوفكم بكره على خير
جود :ان شاء الله بس ما أوصيك لا تتركين هيام لوحدها
جويريا :معقولة توصييني هي بعيوني
جود:الله يسلمك يا جويريا ما تقصرين بس لا تتعبين انتي بعد حامل
جويريا ضحكت:حريصة
قفلت منها وبعدها اتصلت على نور وتقولها الخبر وهي مبسووطة

اذن الفجر
وهيام ما نامت ابد بس تتأمل في ولدها ودموعها على خدها وتتمنى لو تميم كان معها
اخيرآ نامت وجويريا شالت الولد من حضنها بشويش وقعدت تهز فيه بشويش عشان لا يصحى
و بهاللحظة دخلت الممرضة وهي تقول :هاتي الولد عشان الابرة
جويريا :يعني لازم؟
الممرضة:ايه لازم
جويريا مدت الولد له :طيب بس جيبيه بسرعة قبل تقوم اختي وما تلقاه
ما كملت كلمتها وصحيت هيام وهي تناظر ولدها الي بحضن الممرضة وقالت بخوف :وين بتاخذونه
جويريا :معليتس شوي ويرجعونه
هيام سكتت وقالت :طيب بس بسرعة
جويريا طمنتها وطلعت الممرضة

وكانت عيون سعود بالولد الصغير
مشيت الممرضة للحضانة وهي تحط له الابرة
وسعود واقف ورا الزجاج ويتأمل به دمعت عينه وهو يقول بداخله هاذا ولد تميم هاذا ولد اخوي
كانت تلمع عيونه وهو يشوف ولد تميم
خلصت الممرضة وشالت الولد عشان ترجعه عند امه و وقفها سعود اول ما طلعت من الغرفة
وباس الولد وهو يحاول ما يبكي قدام الممرضة
وشم في ريحته وهو يحس كنه ريحة تميم اخوه
كان يتمنى ما تخلص هاذي اللحظة بس مشيت الممرضة عنه وهو مسح دموعه بسرعةة
ه
نهاية البارت
اشوفكم ب وقت ثاني ان شاء الله