رواية من حضرتك عشان قلبي تذله الفصل السابع والأربعون 47 - بقلم ام عوض

وصلو نور ومعاذ واخيرآ
نور تتأفف:اف توني بادية بالدوام مو معقولة اخذ اجازة احس مقدر امشي يومي
معاذ:طيب هاذا عرس اختي مو حيا الله عشان ما نحضر  بعدين مو انتي الي كنتي تطفشيني اننا نجي الديرة وشصار الحين
نور:هاذا زمان ايام كنت اقعد لوحدي وطفشانة اما الحين في عندي شغلل مابي اهمله
معاذ بملل:طيب طيب تعالي ننزل مشتاق لاهليي
نور تنزل :يالله
نزلو اثنينهم ودخلو لداخل وابو معاذ وام معاذ كانو بإستقبالهم بالحوش وكانو فرحانين   فيهم مرة لانهم من زمان ما شافوهم
انايا حضنت اخوها :معاذوووه  وحشتنيييي
معاذ ضحك وبادلها الحضن :هلا والله بعروستنا الحلووة كبرتي وصرتي عروووس ما شاء الله
انايا استحت وسكتت
معاذ قعد يضحك :وصرنا نستحيي  لا لا هاذي مب اختييي انايا صدقووني
ام معاذ  مبتسمة له:تعالو ندخل ليه واقفين هنا
معاذ :انتو ادخلو وانا بدخل اغراضنا ولاحقكم
ام معاذ :طيب  يولدي
ابو معاذ :ساااالم يا سااالم اطلع جيب الاغراض مع اخووك
وجا سالم بسرعة :متى جوو
ابو معاذ :قبل شويي بسرعة روح ساعد اخوك
سالم :طيب يبه

دخلو كلهم لداخل و نور ابتسمت لانايا وهي تقول :مبروك يا عرووس
انايا استحت :الله يبارك فيتس
نور :متى العرس ما شاء الله؟
ام معاذ :يوم الخميس باذن الله
نور :الله يتم لتس على خير ياا انايا تستاهلين والله
ام معاذ ابتسمت :وانتي اخبارتس  عساتس طيبة واخبار الشغل
نور:الحمدلله والله طيبة والحمدلله الشغل تمام
ام معاذ تناظرها بتدقيق اذا حامل ولا لا
ولاحظت نور لنظراتها وسبب لها توتر بس حاولت تبين لها طبيعية وقعدت تبتسم لها
ام معاذ :اقول نور
نور تتمنى ما تسألها :هلا خالة
ام معاذ مبتسمة :مافي شيء بالطريق؟
نور ضحكت بفشلة وقالت وهي تسوي نفسها ما فهمت:مفهمت
انايا ضحكت واشرت لها بمعنى تقصد لو انتي حامل
نور عرفت مافي مهرب:لا للحين بدري
ام معاذ ابتسمت :لا يا يمه وش بدري انا بعمرتس كنت جايبة معاذ وسالم
انايا :يمه الحين مو زي زمان الحين غيير
ام معاذ :وش غير يا يمه كله نفسه بعدين تندمي يا يمه
نور ابتسمت بفشلة وسكتت

رجعت ام عنان من بيت جارتها ودخلت البيت بحماس وهي تدور بعيونها على سلطانة
ومن حسن ظنها محد كان موجود بالحوش وسمعت صوت حركة بالمطبخ ناظرت الدرج اذا في احد نازل وتطمنت اكثر ودخلت المطبخ وهي تقول بهمس :سلطاانة
سلطانة لفت لها وقالت:اهليين يا خالة مريم، رجعتي اسوي لتس شاي قهوة؟؟
ام عنان :خليتس من الشاي والقهوة ذلحيين وقوليلي انتي عندتس عمام ولا خوال اي حد قريب منتس
سلطانة استغربت :ايه عندي عم واحد بس مو موجود  راح اميركا من زماان وعندي ثلاث خوال واحد منهم ساكن في الرياض والثاني بالدمام والثالث موجود هنا بالديرة قريب بيته بس ليه تسألي
ام عنان :جبت لتس على فكرة يا سلطانة ابصم لتس على العشرة انها زابطةة
سلطانة:وشهوو؟
ام عنان :خلي يرجع ولدي وانا اكلمه في سالفتس واقوله انه جابرتس خالتس عشان تتزوجين
سلطانة :لاا اصلا خالي هاذا ما يكلمنيي ابد
ام عنان تضربها بخفة:نقص علييه اندري مب حقيقي
سلطانة:ايه وبعدين
ام عنان :انتي من يومتس مهبولة اقولتس بيعرس عليتس هالمرة زاابطة صدقيني اهو معجب فيتس من اول يوم جيتي فيه بس هو خايف واذا قلت له انه خالتس يبي يعرستس لواحد شايب ما تبينه وقتها اول شيء يطرحه علي انه يعرس عليتس هو بس يبي سبب عشان يعرس ومعليه حنا بنعطيه هاذي السبب
سلطانة :زين ابي اقولتس شيء
ام عنان  استغربت:وش
سلطانة تلعب باظافرها :بنتي تعبت امس وابي اخذها المستشفى و   ومعندي فلوس
ام عنان :تقصين علي يالكذوب؟
سلطانة:استغفرالله اكييد ما اكذب عليتس
ام عنان :زين زين بعطيتس بعدين مع اني ادري انتس كذوبة بس معليه صدقة
سلطانة ابتسمت  ب وناسة لانها وافقت تعطيها
ام عنان :قبل تمشين مري علي بعطيتس الفلوس
سلطانة:ايه بمر

الهنوف نزلت وهي تركض :جوود جووود
جود :هلا عيون جود
الهنوف :عرس منوو يوم الخميس سمعت انه في عرس احد بس ما دريت حق من؟؟
جود:هاذا عرس اخت زوج نور
الهنوف:وحنا معزومين؟
جود:ايه اكيد معزومين
اسيل نزلت الكتاب :طيب دام زواج اخت زوج نور اكيد بتحضر مو
جود:ايه اكيد بتحضر
اسيل:يمه لها وحشة نور من زمان ما شفناهاا عاد والله صرت احبها اكثر وحدة من  خواتي
جود :لا يا شيخةة وانا وين بترتيبتس
اسيل :والله لو بالترتيب اول شيء نور وبعدها جويريا وبعدها هيام وبعدييين انتيي
جود :المشكله اني اكثر وحدة صبورة عليتس هم ما يتحملونتس يوم واحدد .
اسيل: نزل قدرتس عنديي لانتس  صرتيي تحبين الهنوف اكثر مني
الهنوف :اهاااه طلعت السالفة، كذاا ذلحين بس الصراحه يحق لتس تغاريين فعلا تحبني واحبهاا وموتي حرر و قهررر
اسيل :حبكم القرااد  ان شااء الله انا اكتفيت ب حب وليد حبيبي مالت عليكم وعلى حبكم
الهنوف :طيب جود قوليلي اقرب الناس لقلبتس
جود :مين يعني يا روحي معروفين هم خواتي و رجلي وبنتي من لي غيرهم الله يحفظهم لي يا رب
الهنوف تخصرت :وانا ويين
جود : انتي اختي جمعتء ب كلمة خواتي يا عيني
اسيل تضحك :ترقعها ترا
الهنوف :لا تفتني بيننا يا فتاانة ادري فيتس غيرانة. وتبين نتزاعل بس والله ما نتزاعل الا بحلم العصر مالتس
اسيل :وصدقو نفسهم هذول

في ليل
هيام بفرحة :صدق
جود :ايه صدق وبكره ان شاء الله قالت بتجي بيت عمي وانا واسيل رايحن بكره عندها  وبنقول لجويريا بعد  وانتي بتجين؟
هيام:ايه ان شاء الله بجي ليه لاا
جود :اجل موعدنا بكره تعالي بدري خلي نشوفتس طيب
هيام:ابشري يعيوني

وقفلت منها وهي الفرحة مو سايعتها لانها ما شافت نور من زماان ومشتاقة لها
سعود نزل الكتاب وهو يلمح فرحتها الي حلي وجهها :اشوف وجهتس نور
هيام :اييه لانه اختي نور جت وبكره خواتي كلهم بيجتمعون عند عمي باذن الله وكنت بقولك اذا بتاخذني؟
سعود :اخذتس طبعآ ليه ما اخذتس
هيام فرحت اكثر :انا بقوم اجهز اغراض ياسر
سعود ابتسم :طيب
هيام قامت وجهزت اغراض ياسر
وياسر قاعد بالارض بالارض ويلعب في العابه وتوه بدأ يحبي ويتشقوة

سلطانة لبست عبايتها عشان ترجع بيتها
جت لها ام عنان وهي تعطيها فلوسها الي طلبتهم بالخب والدس عشان ما يشوفها احد :خذي بنتس للمستشفى لا تمرض زيادة
سلطانة مستانسة : شكرآ لتس
ام عنان لفت عشان تمشي :دسيهم لا يشوفهم حد
سلطانة :طيب
مشيت ام عنان ولفت سلطانة عشان تمشي بس وقفها صوت جويريا وهي نازلة تناديها باسمها
سلطانة وقفت وهي تدس الفلوس الي بيدها:هلا
جويريا قربت منها :قبل تمشين بقولتس على حاجة
سلطانة:تفضلي
جويريا سكتت شوي وبعدها فتحت قبضة يدها ومدت لها الي بيدها :خذي
سلطانة استغربت :وشهو ذا ؟
جويريا :ذا سلسال الذهب مالي خذيها وبيعيها وخذي بنتس للمستشفى
سلطانة انصدمت اشلون عرفت هي ولجت بالكلام :ا انتي اشلوون؟
جويريا قاطعتها  :خلود سمعتس وانتي تطلبين من ام عنان فلوس واندري هي طماعة ما تعطيتس خذي هاذا اعتبريها هدية مني لتس
سلطانة معرفت تتكلم لانها اصلا هي كذابة بنتها مو تعبانة و ولا شيء بس كانت تبي فلوس
بلعت ريقها بقلق
جويريا ابتسمت:خذيهاا
سلطانة اخذته من يدها وهي تقول :شكرآ لتس والله شكرآ لتس ما ادري اشلون اوفي حقتس علي
جويريا مبتسمة :معليتس اعتبريني اختس وانا والله اني اعتبرتس وحدة من خواتي واعز
سلطانة ابتسمت لها
وجويريا :يالله روحي بيتس قبل تتأخرين
سلطانة :مع السلامة اشوفتس بكره
جويريا :مع السلامة حبيبتي
طلعت سلطانة وفتحت قبضتها وهي تشوف السلسال نفس السلسال الي كانت تبي تسرقه بهاللحظة فعلا حست نفسها حقيرة جدآ لانه جويريا صح قد نفسها وقوية بس فيها نوع من الطيبة
اما هي لا
تحاول تسرق رجلها بينما هي تهتم لامرها وتراعي ظروفها وتتفهمها كأم
ضمت السلسال بكفوفها وكملت طريقها

وبنفس اللحظة عنان رجع من دوامه وشافها ماشية ورجع تذكر الي صار اليوم
ويحس انه الي قاعد يصير معه مو طبيعي كل مرة تطلع له بالصدفة في شيء غريب بنسبة له
دخل البيت وشاف الحوش فاضي عرف كل شخص بغرفته توجه لغرفة ام عنان ودخل ورمى السلام وراح باس راس امه :وشلونتس يمه عساتس طيبة
ام عنان:طيبة طيبة يا يمه وانت كيفك ما شفتك الظهر اليوم
عنان:ايه ما كنتي موجودة
ام عنان :ايه رحت عند ام صويلح يا يمه
خلود تفرش الالحفة :افرش لك انت بعد؟
عنان:لا بتعشا واطلع عند حنان
ام عنان :قومي يمه خلود وجيبي عشا لاخوتس بسرعة اكيد تعبان ولدي حبيبي.
خلود :طيب
وقامت وطلعت عشان تجيب له عشا
وعنان حط راسه فوق رجول امه لين خلود تجيب العشا وهو مغمض عيونه
ام عنان ناظرت الباب وهي تتأكد مافي احد وقالت :يمه عنان!
عنان مغمض :هلا يمه
ام عنان :ابي اكلمك ب سالفة مهمة قم
عنان فتح عيونه وهو مستغرب :قولي
ام عنان :انت يوم بغيت تتزوج جويريا وش قلت لي؟
عنان عقد حواجبه :وش قلت ؟
ام عنان :قلت لي انه انت ما تبي تعرس  ،بس عشانها يتيمة وشفقت على حالها مو؟
عنان للحين مستغرب :ايه!!!
ام عنان :زين وانا ابيك الحين تعرس على وحدة يتيمة ومسكينة
عنان قعد وهو يقول :يمه تكفين انتي تدرين اني يالله يالله قادر على حنان وجويريا ومو ناقصني مشاكل زيادةة تبين اجيب الثالثة وازيد الهم على نفسيي
ام عنان :انت اسمعني قبل يولدي ترا هي  مَرة مسكيينة ويتييمة والحيين  خالها ناوي يزوجها لواحد شاييب وهي لسه صغيرة حراام يولدي اشفق بحالها
عنان تنهد :ايه ومن هيي؟
ام عنان ابتسمت بداخلها :سلطانة
عنان سكت شويي يرمش بعدم التصديق :مين سلطانة قصدتس على الي
ام عنان قاطعته :اييه سلطانة الي تشتغل عندنا وانت تدري عندها بنت صغيرة ،تخيل اليوم طلبت مني فلوس عشان بنتها مريضةة وهي معندها فلووس خالها شخص ظاالم ما يرأف بحالهاا ولا بحال بنتهاا يا يممه وانا ما ابيك تتزوجها الا عشان وضعهاا خلها تنام بالمجلس اي مكان عاديي يولدي
عنان سكت ويحس انه الي يبيه بداخله ومو معترف فيه كله قاعد يصير له ولصالحه
ام عنان استانست من حيرته وسكوته لانه واضح عليه علامات الرضا :هاه وشقلت يا يمه
عنان صحي من افكاره وقال:افكر يا يمه وارد لتس خبر
ام عنان استانست :ان شاء الله يا يمه وخذ وقتك وانت تدري الرجال ما يعيبه الا جيبه وانت ربي رازقك من واسع فضله بس لو تزوجتها ما تدري وش الي يتغير بحياة هاذي المسكينة
عنان:ان شاء الله يمه ان شاء الله
قطعت عليهم خلود وهي داخلة وبيدها صينية اكل
وام عنان سكتت والفرحة واضحة بوجههاا
وبعد ما تعشى وخلص قام من عندهم وطلع فوق شاف النور من غرفة جويريا عرف انها صاحية ودخل عندها قبل ينام ويشوف بنته
وشافها تغير لشموخ وتلعب معها ويوم شافته ابتسمت وهي تقول:واخيرآ جيت
عنان ابتسم لبسمتها :ايه
وراح قعد فوق السرير وهو يمسك يد شموخ
جويريا :وينك تاخرت خفت عليك
عنان: كان في شوية شغل وقلت ما اطلع لين ما اخلص منهم
جويريا :ايه زين
عنان :انا رايح انام نعساان قلت امر عليتس قبل
جويريا :ايه زين سويت
وقربت من شموخ وهي تطبع بوسة بخدها وهنا تذكرت بنت سلطانة وحزت بخاطرها
وعنان لاحظها وقال:شبلاتس؟
جويريا لفت له وهي واضح الضيق من ملامحها :اليوم سلطانة طلبت فلوس من امك
عنان:ليه
جويريا :عشان بنتها مريضة وتبي تاخذها المستشفى واحس حزت السالفة بخاطريي مسكينةة صدق
عنان :طيب عطيها انتي بكرة وقولي انه راتبتس هاذي حق الشهر ذا عشان لا تنحرج
جويريا :ان شاء الله
عنان ابتسمت وحضنها لطيبة قلبهاا :فدييتس يا جوير فديتس والله اني احبتس فدا لتس عيونيي يا نظرهاا
جويريا سرحت فيه وهي مبتسمة :فداك حيااتي بزينهاا
عنان ضم يدها ليده :لو الف الدنيا كلها ما الاقي مثلتس
جويريا ب ثقة :ايه لانه مافي للقمر شبيه
ضحك عنان :فديتس انتي وثقتس
جويريا :يحق لي
عنان :وانشهد يحق لتس وزيادة.
علت صوت شموخ وهي تلعب
وناظروها اثنينهم وجويريا بعدت عنه :اشبها ثمرة حبنا تصارخ هاه يا روحيي
عنان قرب وباس شموخ : فدييت بنت ابوهاا
جويريا :عنان ما تحس انها صارت تشبهني زيادة عن قبل؟
عنان يناظرهم اثنينهم ويقارن بينهم :يعنيييي
جويريا ضربته بخفة :قول الصدقق تشبهني ولا لاا
عنان :تشبهتس بكلل شيء صدقييني حتى بالطباع احسها بتطلع مثلتس
جويريا :يويلي لو تطلع زيي يا عنان  ابيي كل ما دخلت مكاان يقولون هاذي بنت جويرياا يعرفونهاا من نظره عينها انها بنتيي
عنان ضحك:لهدرجة معجبة ب طباعتس؟
جويريا بفخر:اييه
عنان :والله لو تطلع شموخ مثلتس مدري وش ابي من الدنياا  لكون اسعدهم من الناااس  واندري ما يليق اطبعاتس الا  بنتس وما يجي شبيه لتس  غيرهاا
جويريا قربت من شموخ :تسمعين يا شمووخ ما يليق اطباعي الا فيتس انتيي يا ويلتس لو تطلعين على جدتس ولا على ابووتس
عنان ضحك عليها وقام :يالله انا رايح انام يا قلب ابو شموخ  نعسان وشوي اطيح من طولي
جويريا :  بسم الله عليك، طيب روح حياتي
طلع عنان وهو وده يقعد عندها اكثر بس نعسان وما يقدر يقعد زيادة وبنفس الوقت كلام امه للحين باذنه مو راضي يطلع من راسه دخل غرفة حنان وكانت النور مقفلة مافي الا ضوء خفيف داخل من الشباك راح والقى نظره لقصي وشافه نايم ببراءة
وبعدها راح عند ثامر وباسه
وبعدها توجه وتسطح جنب حنان الي كان واضح عليها التعب وهي نايمة لانها ما صحت حتى يوم دخل واضح عليها مو نايمة زين
وانتهى اليوم.

وجا اليوم الثاني
اجتمعو هيام وجود فبيت ابو فيصل
وجود تلعب مع ياسر  :يمه حبيب خالته كبران بسم الله عليه
وهيام شايلة اجوان :اقول جود
جود:هلا
هيام :اجوان تشبه لتس انتي ولا ابوها؟
جود ضحكت:مدري بعضهم يقول ابوها وبعضهم يقولو امها
هيام :ما تشبه لتس انتي وااجد تشبه لابوها
جود :بس الصراحة ابو محمد مزيون يا هيام شفت صوره وهو صغير يهببل يا بنت
هيام فطست ضحك : ايه رجلتس هو اكيد يهببل بعيونتس
جود :ليه رجلتس مهوب مزيون بعينتس
سكتت هيام وهي مبستمة:يعني ايه اكيد مزيون
جود :زين ليه تطقطقين علي اجل
هيام:هههههه ما اطقطق يروحي امزح معتس
جود :اندري تمزحين يا قلبي
هيام ضحكت
جود :الا اقولتس
هيام :وشهو
جود:وينه عمتس من يوم جيت ما شفته
هيام:طلع قبل تجين بشوية وقال انه رايح عند عنان
جود:يمه وش يسوي هناك
هيام:علمي علمتس ما قال لي التفاصيل بس قال رايح هناك
جود :بديت اخاف لا يكون صاير شيء وحنا مندري
هيام:ان شاء الله مو صاير شيء وان جا سألناه

جويريا نزلت وهي تسمع اصوات رجال بالمجلس استغربت من يجيهم من الصبح
طلت للمجلس وشافت ثامر يلعب كورة قدام المجلس
جويريا :ورررع ثاامر تعاال هناا
جا ثامر :لبيه
جويريا ضحكت:يا زين لبيه من لسانك، كنت بسالك منهو بالمجلس
ثامر: ابوي وشايب
جويريا :طيب منهو ذا الشايب ما عرفته
ثامر :لا معرفه
جويريا :روح كمل لعب حبيبي واذا طلع ابوك خله يمرني
ثامر: طيب
رجع ثامر يلعب وبهاللحظة اندق الباب
جويريا :ثامر حبيبي افتح الباب
ثامر راح يفتح وهو يتأفف وجويريا تضحك عليه
دخلت سلطانة
وثامر رجع يلعب وهو يقول بعصبية :الحين لحد يخرب لعبيي
جويريا :العب وانت سااكت لسانك شقد طوله
وبعدها لفت لسلطانة وهي مبتسمة:هلا سلطانة اخبارتس
سلطانة:طيبة الحمدلله عسى ما تأخرت
جويريا :لا لا وين بدري للحين
سلطانة ناظرت لثامر :وش يقول ثامر
جويريا ضحكت:معصب لاني قلت له افتح الباب ملسون طالع لامه
سلطانة:لا حرام عليتس مب ملسون
جويريا :وين ما شفتيه  لا عصب وش يقوول بس بيني وبينك طالع لجده اكثر وزين كذاا
سلطانة استغربت :ليه زين
جويريا :ايه يا حبيبتي حنا ب زمن اذا ما كنتي ذيبة بياكلتس الذياب عشان كذا زيين
سلطانة ضحكت:وانتي صادقةة والله
جويريا ضحكت وبعدها تذكرت وقالت:ايه صح اشلون صارت بنتس عساها صارت طيبة الحين
سلطانة:ايه صارت طيبة الحمدلله وتوي راجعة من المستشفى صحيت بدري واخذتها
جويريا  ابتسمت :زين سويتي يا قلبي
ومشيت جويريا عنها وسلطانة شبكت يدينها فبعضهم وهي بقلبها تردد من الي تسويه بعد الي صار امس وتحس ما قاعد يطاوعها قلبها تتزوج عنان وتطعن جويريا في ظهرها وهي الي ساعدتها وبسببها توظفت هنا وبنفي الوقت في رغبك كبيرة بداخلها انها تتزوج عنان وتجي تعيش في ذا البيت كفرد من افراده مو شغالة
ومشيت للمطبخ وهي تتنهد

خرج ابو فيصل من عند عنان
عنان قفل الباب وتوجه لغرفة جويريا وهو يناديها
جويريا توها طلعت من الحمام "وانتو بكرامه" وهي تنشف وجهها : تعاال هنا انا بالغرفةة
دخل عنان : انتي هناا
جويريا :ايه هنا اشفيك تناديي
عنان :توه عمتس كان بالمجلس وقال خواتس اليوم كلهم عنده قومي تجهزي عشان اخذس
جويريا :ايه قالولي خواتي انه بكرة نجتمع هناك
عنان :طيب تجهزي بسرعة
جويريا :يعني ذلحين هو جا بس عشااان يقولك جيب جويريا فبيتي؟
عنان سكت شوي وبعدها قال :لا مب عشان كذا
جويريا :اجل لوش؟؟؟
عنان : لف نظره عنها وقعد فوق السرير : عشان يخطب
جويريا حطت المنشفة فوق التسريحة  وهي مستغربة :وشهوو؟؟ ؟ "وضحكت" يخطب من؟؟
عنان :يخطب من يعنيي امي من غيرهاا
جويريا فطست ضحك :تككككفى خطب امكك؟؟؟ لا والله مو مستووعبة يا عناان عميي وامكك وقسممم لايقييين هههههههههههههههه
عنان عصب :خلااص انا حدي معصصب ومو داري وش اسويي وانتي تضحكيين
جويريا :اييه صدق الساالفة تضحك والله ما اتخييلهم سواا لانهم صدقق صدققق ثنائي روووووعةة
عنان :اسكتي بسس لاني اصلا ما بقول لها لاني داري مو موافقةة
جويريا : وششهو؟؟؟ ما بتقوول لها! لا  لااا حبيبي مو بكيفك هاذي امك ولازم تقولها بعدين مو كاافي انها قعدت فوق راسكم لين كبرتو بعد ما مات ابوكم خلوها تشووف حياتهاا
عنان سكت وما تكلم
جويريا قربت منه وهي تحط يدها برقبته :يالله لا تووقف قدام نصييبها يا حبيبي بعدين امك صغييرة وحلووة حرام يضيع عمرها خلوها تشوف حياتها وهااذا حقها ما يزعلل ترا
عنان تأفف وقام :انا رايح السيارة انزلي بسرعةة
جويريا :يا ويلي وش الحق انتظرنيي يا ويلك لو تمشيي
ومشيت بسرعةة لدولاب وهي تطلع لها جلابية مزينة وحطته بكيس وجهزت اغراض شموخ بسرعةة
ولبست عبليتها بسرعةةة ونزلت لعنان قبل يسحب عليهاا
هه

نهاااية البااارت
اشوفكم بالبارت الجااي