رواية من حضرتك عشان قلبي تذله الفصل الثاني والعشرون 22 - بقلم ام عوض

وليد نزل شنط اسيل واخذها لغرفتهم ودخل وشافها قاعدة فوق السرير
دخل هو واخذ شناطها وحطهم جنب الدولاب وهو ساكت وبنفس الوقت ما يبي يتكلم ويخليها تتوتر وبنفس الوقت هو متوتر ومستحي اول مرة يتزوج ويدري الي قاعدة قدامه حلاله وحرمته صارت
شبك يدينه فبعضهم وهو متووترر بس شافها مو معطيته وجه واستغرب منها حتى ما ناظرت فيه
تنهد وهو يقول بداخله يا خوفي عمها غاصبها علي وهي ما تبيني دخل الحمام "وانتو بكرامة" عشان يتروش يبي يصحصح
واسيل ناظرت باب الحمام "وانتو بكرامة" وهي تقول اكيد الحين لا طلع بيصير الي قالته لي هيام يععع والله ما يصييير خيير
وراحت فتحت شنطتها وهي تطلع الي جابته وتحلف ما يقرب منها

جود حطت علبة الخاتم الي جابه لها في الدولاب وهي تقول بداخلها ربي لا يحرمني منك يا ابو محمد والله عوضتني عن كل شي ذقته بحياتي
ولفت له وهي مبتسمة
ابو محمد مستانس مرة انه زوج ولده وليد وهو حلمه انه يشوف احفاده حوله يلعبون:تدرين
جود :وش
ابو محمد :ودي كذا اشوف عيال محمد و وليد حولي يلعبون ما شريت البيت الكبير ذا الا عشان عيالي واحفادي يعيشون فيه واصوات البزران مالية البيت
جود ابتسمت :ان شاء الله يا ابو محمد بتشوف عيال وليد ومحمد ان شاء الله الله بيهديه ويتزوج ما بيقعد العمر كذا بدون زواج وبكرى تشوف هو بنفسه بيجي عندك ويقول زوجني
ابو محمد مبتسم للحين :ان شاء الله
فجأة قطع عليهم صوت صراخ
جود حطت يدها بقلبها لانه مافي احد بالبيت غيرهم هم و وليد واسيل من يصرخ
ابو محمد قام وهو يقول:خير وشصاير
جود :اقعد اقعد  انا بروح اشوف
طلعت برا وهي تدري اختها اسيلل وراسها كيف يابس
راحت عند غرفته لانه الصوت من عندهم
وطلع وليد وهو ينحاش من الغرفة وهو لاف المنشفة بخصره
جود انصدمت يوم شافته كذا ولفت وجهها بسرعة
وليد :لا صدقيني اختس هاذي مب صاحيةة والله مب صاحييةة
وانحاش لغرفة محمد
وجت اسيل وهي بيدها الخيزران وتصارخ :تعاال ياا قليل الادب تبي تتفاصخ عندي يا اليي ما تستحييي على وجههك تزوج الثانية وتفصخ عندهاااا
جود مسكت فمها :اسكتييي الله يفشلتسس يا اسييل فشلتييينااا عند الناس فشلتيناا الله يفشلتسس
اسيل :ماا شفتييه يبي يتفصخ عندييي قليل الادببب "وصرخت" تعاال اياا ما تستحي على وجهكك معندك خواات تخاف عليهم
جود سحبتها للغرفة وهي بتنجلط منهاا
وقفلت الباب :اسكتييي يا اسييل اسكتيي والله يا ويلتس منييي يا اسييل يا ويلتسس كذا تفشلييني الله يفشلتس يا الي ما تستحين على وجهتسس تضربين رجلتس تضربين رجلتس يا الي وجهتس مغسول بمرق
اسيل :ترضينها لأختس يعني
جود :اسكتيييي "وضربت نفسها" يا ربيي انا وش خلاني اخطبس له يا كثر بناات الديرةة العاقلات تركتهم وخذيتس انتيي اخر عمري تفشليني كذاا يا ربيي منتسس
اسيل صدت وجهها عنها
جود مسكتها : اسمعييي تقعديين هناا وما اسمح لتس حسس تفهمين ولاا لااا انا رايحة اشووف في بلوتس وش سويتيي
اسيل سكتت :فهمتت
طلعت جود وهي متفشللة ما تدري كيف تقابل وليد ولا كيف تقابل ابو محمد
راحت وهي مستحيييية ودقت باب غرفة. محمد لانه دخل هناك
فتح الباب وهو لابس من ملابس محمد الي اطول منه
جود ما ناظرت فيه حتى مستحية من اختها الغبية : والله ما ادري وش اقولك بس سامحنا يا وليد ترا اختي بزر ما تفهم
وليد :والله اختس هاذي مب صاحية تضرب رجلها لا هاذي ما صارت تراا
جود سكتت متفشلة
وليد :حتى اني ما قربت منهاا تراا رحت اخذ لي ملابس وانام وهي جايبة لها خيزران
جود :معليك والله يا ويلها مني سواد ليلها بتعقل وغصب عنها بس تكفى لا تقول شي لابوك بطيح من عينه واختي تطييح بعد
وليد :محشومين ما اقوله ولا بجيب طاري، بس علمي اختس انه ما يصير تسوي كذاا  خلها تعقلل
جود :ابشرر ابشرر ما طلبت والله
وليد تنهد منها ودخل لداخل وجود تتوعد في اسيل
رجعت لغرفة اسيل الي كانت قاعدة فوق السرير وتحرك برجلها بملل
جود راحت وشالت الخيزران منها بعصبية :وجايبة معتس خيزران لبيت لرجتس يا الي ما تستحين فشلتيني عند الرجاال
اسيل ساكتة ومصدية وجهها
جود :نامي بسرعةة ولا بالخيزران ترا هاه
اسيل تسطحت وهي تقول :تعالي نامي معي
جود :لا يا حبيبتيي انتي الي تضربين رجلتس وتخلينه ينام لوحده مب انااا
ولفت وجهها تبي تطلع :حسابتس عندي في صبح هين يا اسيل هيين
وطلعت برا وهي ما تدري كيف بترقع السالفة لابو محمد
دخلت الغرفة. وقال هو بخوف :وشهو صاير
جود ضحكت وقال :لا تحاتي اسيل شافت فار وصرخت
ابو محمد ضحك:خفت انه صاير شي
جود قعدت وهي تبتسم :لا تحاتي لا تحاتي

زين اشترى اسورة ذهب لروزا وهو يقعد يتخيل فرحتها بالهدية ويبتسم
وصل البيت واخيرآ ودق الباب بس مافي رد
دق مرة مرتين ثلاثة بس ما تسمع شكلها
دق بقووة واخيرآ جا لها صوتها وهي تقول :جايةة
فتحت الباب :كذا يدقوون الباب يا زين  دقه زي الناس بتكسره
زين :لا والله مب صاحية لو ما دقيت الباب زي كذا انتي ما تسمعين لي نص ساعة ادق
روزا :يويلي ما سمعتت
زين :اخذتس الطبيب يكشف عليتس اذنتس فيها مشكلة يمكن
روزا :هاهاها ما يضحك
زين ابتسم :معلينا الحيين جبت لتس هدية
روزا صدت وجهها :ايه حلويات
زين :لا لا مب حلويات
روزا لفت له مرة ثانية :وش
زين حب يستهبل معها شوي وطلع من جيبه قلمه وهو يقول :جبت لتس قلم تكتبين به عن حبتس ليي وتكتبي شعر
روزا اخذته من يده :شكرآ لك
زين :يعني عادي عجبتس؟
روزا :ايه عادي قلم اكتب به
زين ضحك :لا امزح معتس جبت لتس "وطلع من جيبه العلبة الصغيرة" جبت لتس هاذي
ابتسمت روزا واحذته من يده وفتحته ويوم شافته انهبلت :هاذي لي؟
زين مبتسم :لا لابوي
روزا ضربته بخفة ومسكت الاسورة وهي مبسوطة فيه :جددد شكرآ لك تهببل والله
زين استانس لفرحتهاا خاصة اول مرة بعد زواجهم يجيب لها شي ويعجبها هالكثر
فجأة اختفت ابتسامتها
زين:وشبلاتس؟
روزا :ترا ما كنت اقصد انه تجيب لي ذهبب "ومسكت راسها" افف احس اني مصلحية
زين :عادي يا بنت الحلال حتى ولو كنتي تقصدين الذهب فداس والله
روزا غطت عيونها وهي ترجع الهدية لزين  :لا لا مقدر اخذها
زين :يا ربي انتو البنات محدن يفهمكم والله
روزا :احس اخذت عني فكرة غلط
زين :لا ما اخذت عنتس فكرة غلط صدقيني
روزا :صدق؟
زين :ايييه والحين خذي هديتس
ورد الهدية لها مرة ثانية
روزا ابتسمت وهي فرحانة بالهدية كل الحريم كذا يفرحون بالذهب لو نفسيتهم بالحضيض

عنان متسطح فوق السرير ومتغطي بالبطانية
وجويريا جنبه تحش :ترا صدق يا عنان مع احترامي الشدييد لامك بس هي ترا والله كذوبة تكذب واجد
عنان ضحك :ادريي
جويريا :حتى انت ولدها وتدري انها كذوبة الناس كيف ما تعرفف بس هي مستمرة تكذبب وتفتن علي عند النااس وانا مسكينةة ما سويت لهاا شي
عنان رفع حاجبه لها بدهشة :مسكينةة؟؟ لا لا هاذي معلييش مقد اوافقس الرأي فيها
جويريا :صح اني شوييي شيطانة بس والله اليوم شفت بعيونك حنان وش سوت فييني وانت شاهد اني انظلمت اليووم
عنان :ايه اليوم انظلمتي فعلآ
جويريا :ترا حرمتك هاذي تغث والله من صباح ربي تجي كذا "وقامت من مكانها  وهي تحط يدها بظهرها زي حنان وتمشي زيها وقعدت تقلدها  بالكلام" ايييي ظهرييي وجعني كثيير امس
وراحت قعدت فوق السرير مقلدة حنان
وعنان فاطس ضحك عليها :حرام عليتس لا حملتي بتعرفين وقتها وش تقصد
جويريا :من قال اني ابي احمل انا بستمتع بحياتي بعدين لاحقين على الهم والغمم
عنان :البنون زينة الحياة الدنيا ترا وبعدين انا حاالف اجيب تسع عيال ولا ليه تزوجت ثنتين
جويريا :لا يا حبيبييي تسع عياال، اسمعع حدي انا بالواحد راضي ولا منتك راض بكيفك ، انا اجيب واحد وبسس
عنان :خلاص ابشري واحد وابيها مثلتس انتي قويية
جويريا :ابغى اجيب ولدد قوي مثليي انا واعلمه الي ما علموه الامهات لعيالهم
عنان :والله؟
جويريا :اييه
عنان قعد يضحك عليها
َجويريا راحت جلست جنبه بحماس: اسمع ابيك تجيب لي جلابية تهبببل ابغى اروح عند اسيل وانا متشكخةة
عنان :من عييني هاذا قبل هاذا
جويريا ابتسمت :تسلم لي عيوونك
وعنان جالس ويتأمل فيها وهو يسأل نفسه معقولةةة هاذي نفسها الي رمت ولد عمها بالرصاص هذاك اليوم لا ما اصدق والله
وفعلآ لجويريا شخصية ثانية ورا شخصيتها هذيك شخصية نعومة ومحبة بس ما توريه لاحد الا للي تحبهم
وهي بعد بنفس الوقت مصدومة انه عنان يطلع منه كل ذا بدايتهم مع بعض ما كانت مرضية لها بس هو ذايب فيها الحين وكنه مو شايف غيرها
عنان :ما اصدق والله
جويريا :وشهو؟
عنان :انتي نفسها جويريا ذيك
جويريا :لا مو نفسها بس جويريا لها شخصيتين ما تظهر لك شخصيتها الثانية الا اذا حبتك
عنان مو مصدق للحين انها اعترف له :ومحظوظ اني شفت شخصيتس هاذي
جويريا تقرب منه بدلع :وانشهد محظوظ
عنان ابتسم وهو يبعد شعرها من وجهها
قطع عليهم لحظتهم صوت ام عنان تصارخ وهي تقول :ايييه ما نزل من الصببح من عندهاا انا قايلكمم ساحرته ساحرررته هاذي الشيطانةة الي ما تستحي على وجهها
عنان تنهد من امه، جويريا قامت من مكانها
عنان قال بسرعة :اقعديي ولا تسوين مشاكل يا جويريا
جويريا :افااا بس  ما بسوي مشاكلل بس بدقها الدقة وارجع
عنان قام هو بعد :وانا رايح عند حنان اليوم ليلتها ترا
جويريا كشرت :اقعد عنديي خلها تولي
عنان يلبس ثوبه :وديي اقعد عندتس لين الصبح
جويريا قربت منه تقفل ازرار ثوبه :طيب قبل تمشي الدوام مر عندي
عنان :لبى عيونتس الي تذووب
جويريا بعدت عنه وعنان طلع برا وتوجه لغرفة حنان
وهي نزلت تحت وهي تتمخصر بمشيتها
ام عنان :واخييرآ نزللت ما بغينا نشوف رقعة وجهها والله
جويريا قعدت جنبهم :وشذنبيي ولدتس ما يبيني ابعد عنه ولا انا كان ودي انزل والله
ام عنان دقت بالخيزران وهي تقول :انتبهيي  لكلامتس يا بنت ابوتس عندي بنت مب متزوجةة تراا ولا نسيتيي
جويريا تناظر لخلود الي ماسكة ضحكتها :معليه تتعلم يخالة تتعلم
ام عنان :اسمعيي يا جوير ،جيهاان وطرديها من البييت وما قلنا شييء، بس لا يطول ذيلتس وااجد هااه ، في بنات غير جيهان وان بغيت اعرس ولدي عرسته بالوقت الي بغيته ف انتبهي لكل حركة تسوينها لأني لا عصبت تدرين وش يصيرر فاهمة ولا لاا
جويريا قالت بإستفزاز :جربيي وشوفي وش يصير
ام عنان قامت واخذت خيزرانها معها :نشووف
وجويريا لفت نظرها عنها بتشميقة

في الصبح

ابو معاذ قاعد ويشرب شاي الصبح وجنبه ام معاذ
وانايا بعد جنبهم قاعدة
دخل معاذ واول ما دخل ابو معاذ لف وجهه عنه وهو للحين معصب منه
راح معاذ وقعد جنب ابوه :تكفى يبه تعال نروح نرجعها
ابو معاذ :معك مهرها؟
معاذ :لا
ابو معاذ :لا جمعته بالوقت هذاك تعال وقولي نروح
معاذ :والله معنديي يبه معندي من وين ليي
ابو معاذ :معندي كلمة غيرها
معاذ ناظر لامه :تكفيين يمه قولي شيء
ام معاذ :وش اقول يا معاذ وش اقول كلن يدري الي سويته غلط ودامك سويته ولا فكرت بالعواقب تحمل ولو تبيها جمع فلوسها
معاذ تنهد وقام من عندهم
وقامت انايا وراه وهي توقفه بنص طريقه :معااذ
معاذ وقف :هلا يروح معاذ
انايا سكتت شوي وبعدها قالت :اذا تبي خذ الذهب حقي وبيعه ورجعها
معاذ ابتسم وهو كله حب لانايا الي حبيبة وقلبها طيب مع الكل حتى وهو غلطان وقفت جنبه
قربت منها وباس جبينها ب حب :لا يا قلب اخوتس خله ذهبتس عندتس
انايا ابتسمت له
معاذ مشى من عندها وهو للحين مو عارف وش يسوي بس الي يعرفه انه لاازم يرجع نور لانه ما يقدر بدونهاا

قام الكل للفطور واسيل للحين ما طلعت من الغرفة
جود راحت لغرفتها وهي تقول :تعالي افطري معنا ولا مالتس وجه تقابلين فيه ابو محمد و ولده
اسيل قعدت بممل :وانتي بدأتي شغل الحموات من اول يوم اصبري علي اتعود عليتس على انتس عمتي
جود :لا يا شيخة قومي يالله والبسي وتعالي ننزل ابو محمد يسأل عنتس من اول
اسيل قامت :طيب
جود :و خذي هاذا
اسيل مسكت العلبة منها :وشهو ذا
جود :هاذا هدية ابو محمد شراها لتس تكشخين فيها لو يدري بس عن بلاويتس كان شرا لتس سلسال ابو ريالين وكثيرة عليتس بعد
اسيل فتحت العلبة :الله يهبلل يمديني ابيعه وادفع رسوم الجامعة
جود ضربتها في راسها :من يومتس غبية، ابو محمد ما شراها لتس عشان تبيعينها شراه لتس عشان تكشخين فيها بعدين وليد اهو الي بيدفع لتس كل شي انتي الي عليتس تدرسين وتنجحين وبسس يا الدلخة الي ما تفهمين
اسيل توها تستوعب :صدقق هم بيدفعون كلل شي وبدون مقابل
جود :اييه
اسيل :والله صدق حلو وينتس عني منزمان تخطبيني له
جود :والله كنت انتظرس تعقليين بس شكله استعجلت
اسيل :لا لا تكفين ما استعجلتي وخلاص ابشري بكون زينة و زوينة معه
جود ابتسمت :هاذي بنت السنعة دلليه وحبيه وحطيه  تاج فوق راستس
اسيل رفعت اصبعها :بس والله اخذ له الخيزران لو رجع تفصخ عنديي هاذا الناقص يجي يتفصخ عندي والله
جود مسكت راسها :قومي قومي البسي ولا ويلتس
اسيل قامت تلبس
وجود مو عارفة كيف تفهم الغبية انه زوجها هو وهاذا حقه الشرعي

قامت الهنوف من النوم وتوجهت لصالة على طوول وهي رايحة بحماس وقفت بمكانها  محمد مو موجود بمكانه استغربت وين يروح يعني راحت الحمام "وانتو بكرامة ودقت الباب" محمدد انت بالداخلل؟
ما سمعت جواب
الهنوف :ترا بفتح الباب لو مفصخ تستر
برضو مافي جواب فتحت الباب وهي متأكدة ما بتلقاه داخل وفعلآ ما شافته بالداخل استغرببت ما قد محمد طلع وين رااح
جمان طلعت وهي ماسكة مكان الجرح وتمشي على مهل
الهنوف راحت عندها بسرعة وهي تساعدها :ليه طلعتي وحدس خليتس بالغرفة
جمان:جاني عقدة نفسية من الغرفةة يشيخة
الهنوف راحت قعدتها فوق الكنبة
جمان رفعت حاجبها :وينه؟
الهنوف بخوف :ما ادريي
جمان استغربت زيادة من خوفها :وانتي شبلاك خايفة
الهنوف قعدت جنبها بخوف :اخاف صاير له شي ولا اهو ما يطلع بدون ما يقولنا مو
جمان :افرحي يالغبية يمكن رجع الديرة
الهنوف مسكت قلبها :يرجع الديرة؟؟ وبدونيي ؟ لا لا مستحيل
جمان لفت وجهها عندها :هاتي اشوف وشعندك خايفة علييه وتقولين ما يطلع بدون ما يقولناا وشعندك هااه
الهنوف كانت بتتكلم بس سمعو صوت دق الباب
وقامت الهنوف تفتح وشافت محمد وتنهدت بإرتياح وقالت بعصبية :ويين كنتت
محمد استغرب منها وهو بيده اكياس :اشفيتس معصبة رحت الدكان اشتري
الهنوف :طاح قلبي فبطني عبالي صاير لك شيء ولا الحرامي ذبحك
محمد دخل وهو يضحك :خيالتس وااسع
جمان:على طاري الحرامي ترا مسكوه امس دريت
الهنوف :الحمدلله بغيت انجلطط بسببه
محمد دخل وحط الاغراض فوق الطاولة
الهنوف رافعة حاجب :وشهو ذا
محمد  :صحيت وانا مشتهيي مرقوق وابيتس تسوين لي يالله
الهنوف قعدت تضحك :اناا تبغاني اسوي مرقوق؟
محمد :اييه
الهنوف :ترا انا معرف اقلي بيضة تبغاني اسويلك مرقوق تستهبل انت
محمد :انتي متأكدة انتس من الديرة؟
الهنوف :معليك انبعد منصدمة
محمد يرفع اكمامه :طيب تعالي ساعديني
الهنوف :هااه اساعدك؟ وش اسوي طيب معرف
محمد يطلع البصل من الكيس والطماطم :تعالي قطعي البصل
الهنوف :لا يا حبيبي انا ما المس البصل ترا ريحته خايسة وتلزق باليد
محمد :طيب قطعي الطماطم وانا اقطع البصل
الهنوف :اف طيب معنه الطماطم تنقط موية بس معليه احسن من البصل
جمان تلف لهم :طيب فهموني وشهو ذا مرقوق
محمد :اكلة تاكلين اصابعتس وراها صدقييني
جمان:وشهو لحم؟
محمد :لا لا مب لحم ولا دجاج
جمان :طيب وشهو فهموني
الهنوف:هاذي اكلة تفتفتي الخبز وتسوينه اكلة ترا تهبل مررة احسن من اللحم والدجاج والله
جمان :يمه حمستوني اكلها
محمد :تحمسيي ترا تهبلل والله احسن من الهمبرغر حقتس الي تاكلينه كله زيت وشوية خضار ويعطونس ياها بعشرة ريال
جمان :لا يا شييخ
الهنوف :والله صدق كلامه صدقييني
جمان :اف لهدرجة حلوو
محمد :واحللى من الحلو والله

استوووب
نهاية البارت 
احب اقولكمم شيي في ختام البارتت والله تفاعلكم يهبببل يا بناات 😭😭شكررآ لكم صدقق احبكم كلكم والله 🥺🥺🥺❤️
يالله اشوفكم بكرى باذن الله

تشاوو✌️