رواية من حضرتك عشان قلبي تذله الفصل الثاني 2 - بقلم ام عوض

صحيت جود من النوم وهي مبتسمة ما ظنت انه ابو محمد كذا ظنت كل ظن السوء فيه وهو انسان طيب ومافي زيه قامت ولبست طرحتها ونزلت تحت وهي تشوف لو في احد من عياله موجود بس مافي احد بذا الوقت والبيت ساكن وهادئ جدآ
نزلت وقعدت تشوف البيت وتذكرت يوم قال لها ابو محمد انه الحين هاذا البيت صار بيتس تصرفي فيها مثل ما تبغين
البيت كبير مرة بنسبة لابو محمد وعياله لانه البيت يكفي لعائلة كبيرة مع احفادها
دخلت المطبخ وقعدت تحضر الفطور وهي باقي جديدة على البيت وصعب عليها تتاقلم بسرعةة
تذكرت خواتها في هاذا اللحظة وابتسمت وقالت بداخلها والله لو اقولهم عن ابو محمد وتعامله معي ما يصدقوون معقوللة هو انسان طيب وحنون لهدرجة وانا ظنيت انه ابواب الجحيم انفتحت بوجهي والله انها ابواب الجنة مب الجحيم
الحين قلبها وعقلها عند خواتها وشصار عليهمم

هيام قامت من الصبح بدري وبدأت تنظف البيت اساسآ ما جاها نوم وهي تعرف انه البيت وسخ مستحيل تنام وهي تدري انه وسخ كذا ما تحب الوساخة ابدد البيت كبيير فيه كثير غرف مقفلة وما تدري وين مفاتيحها نظفت المطبخ والصالة والغرفتين الي مفتوحة وكنست الحوش
واخيرآ خلصت ظهرها وجعها من الصبح نازلة تكنيس بالبيت وتنظيف انهد حيلها
صحي تميم وهو يشوف ارجاء البيت اشلون نظييف ويلمع ابتسم وهو يقول بداخله والله البيت بدون الحرمة ما بسوا بيت
وفرح انه اختياره لهيام صحيحة وما غلط يوم فكر ياخذ واحد من بنات ياسر والاكثر انها تفهمته وصدقته بعد
صحيح كانت خايفة اول ما جت وهاذا تصرف طبيعي من وحدة مثل هيام
هيام لفت عشان ترجع تدخل وانفجعت يوم شافته واقف عند المدخل شهقت بفجعة ومسكت قلبها وهي تقول :فجعتني
تميم تقدم خطوة :اعتذر ما قصدت
هيام :لا ولا يهمك، بس مو متعودة اكشف على احد عشان كذا
تميم :لا تخافين. انا رجلتس وحلالتس
هيام ابتسمت وهي تحس الخجل الي فيها بدا يختفي مو طبيعي الراحة الي بدت تحسه تجاه تميم
الي لسه امس كانت خاييفة منه واليوم تغيرت كل هاذي المشاعر الاكثر الي ريحها انه حلف لها باليمين من اول ما دخلو البيت لانه عارف انها خايفة منه
تميم :انا طالع اجيب اغراض من الدكان
هيام : طيب
تميم راح عند الباب وقبل يطلع لف لها وقال :قفلي الباب زين
هيام :ان شاءالله
تميم خرج وهيام قفلت الباب
واول ما طلع تميم شاف سعود توه جاي
وسعود جا عنده وهو يقول : ما قلتلك لا تطلع من البيت تدري لو شافك احد من رجال علي وش يصيير
تميم :رايح الدكان ما يصير شيء
سعود :اسمع مني وانا اخوك خذ حرمتك واطلع من الديرة والله ما انام اليل من خوفي عليك
تميم :مو انا الي اهرب يا سعود واترك ديرتي عشانهم
سعود :لو مو خايف على نفسك خاف على حرمتك يا تميم تكفى اسمع مني واطلع من الديرة
تميم :يصير خير بعدين
سعود :الله يهدييك يا اخوي الله يهدييك
تميم مشى عند الدكان وهو ما يبي يسمع كلام سعود ويترك الديرة بسبب علي الي لاحقه وين ما راح وحالف لو شافه بيذبحه وياخذ حق اخوه
رغم انه تميم دفع الدية والقبيلة سكتت اما علي قال بنفسه انا ما بيرتاح قلبي لين اذبحه بيدي
وسعود يقنع في تميم كثيير بس تميم رافض يطلع من الديرة ومصمم

صحي عنان الصبح بدري وقام بشويش وهو رايح لغرفة جويريا امس ما قدر يروح عندها بسبب ثامر الي اصر عليه انه ينام عنده وهو قبل ينام ثامر
هو الي غفي بدون لا يحس
فتح الباب بهدوء شافها نايمة باماان ومو حاسة على الي حولها ابدد
تقدم خطواات وهو يقول بداخله هاذي هي المهبولة الي صوبت ولد عمها بكتفه وقدام الشيبان والرجال كلهم صارخت وبدون خوف على عمها عشان خواتهاا
شكلها وهي نايمة ما كان يوحي ابد انها قوية لدرجة ترفع المسدس على عمها
عمره كله ما سمع وحدة من الديرة رفعت المسدس على رجال اول مرة يشهد بموقف زي كذا والاصدم انها تجرأت وصابته وحاولت تذبح نفسها بعد عشان عمها ما يزوج خواتها
قال بداخله عجيبة غريبة هاذي البنت والله
قعد فوق السرير وقرب منها وهو يلقي عليها نظره قريبة وهو يحس فيها شيء قويي يجذب الواحد لهاا شموخها و قوتها يخلي الواحد يلتفت لها وهو يدينه مليانه
فتحت جويريا عيونها ببطئ وفزت من مكانها يوم شافت عنان والاكثر اشلون قريب منها كذا
جويريا تبعد عنه بسرعة وقالت بسرعة :انت ميين وكييف تدخل عليي كذاا
ضحك عنان لانها باقي ما تعرف انه ذا زوجها :انا رجلتس شبلاتس نمتي وصحيتي ونسيتي
جويريا ناظرت فيه من فوق لتحت وهي توقعت تشوف واحد شايب وعنان مو كبير حييل
عنان :انطقي يالقوية البارح وقفتي قدام الشيبان ولا قدر يوقفتس حد من خلق ربي
جويريا تذكرت واستغربت اشلون عرف باللي صار بالمجلس
عنان قرب منها :تدرين ليه خذيتس؟
جويريا بإستغراب :ليه؟؟
عنان :ابي اكسر راستس و اوري العرب انه الي محد قدر لها انا قدرت عليها
جويريا جاها ضحك من كلامه :والله انت تضحك حيييل صدقني اكسرك انت واكسر راسك ولا تقدر علي
عنان ناظر فيها لوهلة وهو مبتسم وبعدها قام :معلينا مو ذا هو موضوعنا الحين
جويريا تركز معه وهي مبتسمة ابتسامة مستفزة:اييه و وش هو موضوعنا؟؟
عنان :موضوعنا قوانين عناان تسمعينهاا وترزينه باذنتس لييين تحفظيينه، اول شيء تحطين امي فوق راستس وتحترمينهاا وتعاملينها احسن معاملة وكلمتها هيي تمشي على الكل وان قالت لتس سوي شيء تسويينه بدون اي كلاام،، وثاانيآ ملابي مشااكل بينتس وبين حنان ولا بين خواتي لأني اناا اذا عصبت ما يحصلل طييب،، وثاالثآ اناا يوم ارجع يكون كل شيء جااهز ما عندي اني اقعد انتظر فااهمة ؟؟؟
جويريا تناظره نظرة وكنها تقول وانت تتوقع اني بسوي كل ذا
عنان كمل :ونظرتس هاذي ماابيهاا تفهمين؟ وابييتس لا رجعت اليل القاتس جااهزة ببدأ يوم عندس ويوم عند حنان
جويريا كانت مبتسمة وتحس انه يمزح معها
عنان :والحين روحي جيبي لي ملابسي بلبس واطلع لشغلي وابي ارجع وتكوني في كامل زينتس مثل العرووس
جويريا ناظرت فيه اشلون جدي واشلون يامرها وناظرت للدولاب وناظرته وضحكت
وبعدها مشيت عند الدولاب و تطلع ملابس دوامه وجت وقفت قباله ومدت له
عنان ابتسم :عفية علييتس  كذاا ابييتس
ومد يده عشان ياخذه من يدها وهي قاصدة طيحتهم بالارض
عنان ما استغرب ابدد وهو يستجمع قواه عشان يضربها
جويريا ابتسمت له ابتسامتها المستفزة
وعنان ضربها كف من قوتها طاحت بالارض كله بسبب ابتسامتها المستفزة
جويريا توقعت الكف منه هي تدري انه لو ما سمعت كلامه وش يصير نبهتها حنان بس هي قاصدة ما تسمع كلامه كذا مزاج فيها ما تحب تسمع كلام شخص يحب يمشي كلمته على الكل
قامت مرة ثانية وهي تبعد شعرها من وجهها وهي مبتسمة :صدقني لو تضربني الحين لين بكرى ما بسوي الي تبيه شكلو مو سامع عني انت والله مهبولة وراسي يابس
عنان طلع برا الغرفة وهو يقول بداخله بتتربى بعد يوم او يومين من الضرب
هو عنده كل الحلول بالضرب مافي تفاهم بس اذا مشيت معه مثل ما يبي يكون معك احسن شخص

تميم وسعود رجعو من الدكان وسعود للحين ما تركه من خوفه عليه
سعود :انا الحين رايح
تميم :لا وين تعال تفضل
سعود :ما ازعجك من اول يوم يالعريس خذ راحتك
تميم ضحك:تعال ادخل وافطر معي وبعدين امشي ولا بزعل
دخل سعود بعد اصرار من تميم
دخلو للمجلس وتميم راح للمطبخ وهو يعطيها الاغراض :جهزي الفطور صاحبي جا وبيفطر عندي
هيام تطلع الاغراض من الكيس :ابشرر ما طلبت
تميم :الله يبشرتس بالخير
ورجع عند خويه وقعد
سعود رجع فتح نفس الموضوع :اسمع
تميم :خلاص يا اخوي قلتلك طلعة من الديرة انا مب طالع اموت بديرتي ولا اهرب
سعود :يا تميم افهمنيي
تميم :خلاص قفل على السالفة
ولاحظ بجيب سعود المسدس :وانت لييه ماخذ مسدسك معك
سعود :من خوفي علييك لا هجمو يكون في بيدي شي ادافع فيه عليك
تميم ابتسم وطبطب في ظهره :والله يا سعود انت اخوي قبل تكون صاحبي انت سندي بعد ابوي الله يرحمه بس تكفى لا تجيب هاذي السيرة مرة ثانية
سعود ابتسم له :ما يطيح تميم دام سعود سنده
هيام دقت الباب لانها جابت الفطور وتميم قام ياخذ الفطور منها.

جويريا نزلت تحت شافت حنان توكل ولدها واول ما شافتها كشرت مهما كانت طيبة وحبيبة الضرة ضرة ولو جرة
قام ثامر من مكانه وراح عند جويريا وهو يقول :انتي هي الشيطانة الي قالت لي امي عنها
جويريا جتها ضحكة من كلامه وناظرت لحنان الي صدت وجهها عنهم وهزت راسها :ايه انا هي الشيطانة وانتبه تحتك معها لأنها اذا عصبت الشيطانة ما يصيير طييب
جت ام عنان تبي تشوف زوجة ولدها الجديدة الي ما قدرت تشوفها امس
جويريا عرفت ذي ام عنان لانه نفس نظرته يشبه امه بكل شيء
ام عنان سامعة عنهاا كثيير واساسآ ما كانت راضية ابدد انه ولدها يتزوجها بس عنان اصرر ناظرتها نظره من فوق لتحت :انتي هيي الي سمعت عنهاا الوااجد؟؟
جويريا : في اغلب الاحيان يقولو عني اشياء مو حلوة بس ايه انا هي
ام عنان جلست وحنان صبت لها قهوة :سمعت عنتس انتس شيطانة تطيحين النجوم من زود قوتس
جويريا ضحكت وما ردت
ام عنان ابتسمت :فبيت ابوتس كان هاذا اما الحين فبيتي انا ماافي طيب يا روحي
جويريا عرفت انها متسلطة وتحب كلمتها تمشي علي الكل مثل ولدها عرفت قدامها وحدة المفروض تاخذ حذرها منها لانه نظرتها واضح فيه الحقد والخبث
قعدت جويريا وهي تصب لها القهوة وتشرب بهدوء
بس في شيء فيها يستفز الواحدد ابتسامتها بكبرها مستفزةة
جت اخت عنان خلود وهي تبي تشوف زوجة اخوها الجديدة الي يا من سمعت عنها حيل واكثر الي حمسها يوم سمعت عن الي سوته بولد عمها
بس اول ما شافتها تحطمت
وجويريا استغربت اشفيها ذي
خلود :الحين هاذي الي طولها شبر ونص يقولون قوية وشيطانة ؟؟
ام عنان بصوت عالي :خلصتيي من المواعين
خلود تقعد :خلصت خلصت يمه و روزا الحين تشطف ونخلص"وبعدها لفت لجويريا" الحين بالله انتي كم عمرتس؟
جويريا :عمري 25
خلود :الحين انتيي هيي الي قالو دخلت المجلس وبيدهاا السلاح يووه صرتي مشهوورة بالديرة والله كلن صار يعرفتس
ام عنان قرصتها بمعنى اسكتيي واكرميني بسكوتس
خلود تمسك مكان القرصة:اييي يمه اسأل بسس
جويريا بفخر :ايه انا الي رميته بالرصاص "وقالت وهي تضحك وتمزح" تبين اعلمتس اشلون تصيري مشهورة زيي هههههههههه
ام عنان رجعت الفنجال بالصينية بعصبيه :هاذا النااقص تعلمين بناتنا يصوبوون عيال عمامهم قومي قووومي لا بارك الله فيتس واذلفي غرفتس يا الي ما تستحين على وجهتس
جويريا عارفة من اول تدور عليها زلة عشان تقومها قامت وقبل تمشي لفت وجهها لخلود وهي تغمز وتقول :اعلمتس بعدين معليتس
خلود انصدمت وهي تمسك ضحكتها من عصبية امها
ام عنان قامت من مكانها :تفوووه عليتس يا الي ما تستحين على وجهتسس هين بس يرجع ولديي والله لا اطلعتس برا بيتيي يا شيطانةة من اول يوم كذاا بعدييين وش يصير تقوم القيامة كل يوووم
وجويريا طلعت غرفتها تدري من اليوم بدت المشاكل بوجهها من ام عنان الي واضح عليها انها بلا كل المشااكل
قعدت فوق السرير وهي تتنهد لمصير خواتها الي للحين ما تعرف وشصار عليهم

بعد ما سعود طلع من عند تميم وهو يوصيه انه ينتبه لنفسه
رجع للمجلس وشاف هيام تشيل الاكل.
بعد ما شالت الاكل جابت الشاي وقعدو اثنينهم مع بعض
واول مرة يقعدون مع بعض ب رواق زي كذا
هيام ترددت تسأله بس قررت بالاخير تساله وتريح فضولها :تميم
تميم :عيوون تميم
هيام استحت وقالت :معليش على التدخل بس في عندي سؤال
تميم:تفضلي
هيام:انت كيف ما ذبحته والكل يقول انك انت الي ذبحته وشافوك بعيونهم وانت تذبحه "وسكتت شوي" لا تظن اني مو مصدقتك بس بخاطري اعرف
تميم مو منزعج ابد من سؤالها ومن حقها تسأل وتعرف : ما بفهمتس غلط وحقتس تعرفين الصدق وصدقيني مب متضايق لسؤالتس
ابتسمت هيام لانه ما فهمها بطريقة غلط
بلع ريقه تميم وهو يرجع يفتح ذكرا ليلة خذت منه حريته وحياته واصدقائه :كنت راجع البيت ب وقت متأخر في ليل وشفت حمد اخو علي واقف مع واحد شفتهم من بعييد وكذذا حسيتهم كنه اشدت الكلام بينهم ومقدرت ما اتدخل واصلح بينهم واهدي الوضع وياليتني يا هيام ما سويت ومشيت في دربي بعيد عنهم شفته طلع مسدسه وذبح حمد قدام عيوني طاح الرجال بالارض حزتها ما عرفت وش اسوي رحت عند حمد بسرعة وانا اصحيه ودفاع عن نفسي ورفعت مسدسي عليه عشان ما يأذيني بس هرب هو بسرعةة وتركني مع حمد لوحدي
ولين حزه ما جا علي وعيال عمه كان المسدس بيدي وقالو انا ذبحته اتهموني وقالو محد غيرك حلفت لهم باليمين حلفت لهم وااجد بس محد صدقني محد صدقني منهم الا سعود اخوي وصاحبي. وسندي دافع عني ورفع المسدس بوجههم عشاني وانا من يومها يا هيام ما شفت النور بحياتي كلهم ظلموني واتهموني ظلم وصار عمري ماله معنى مثل السجين بس بدون ذنب
هيام تقشعر جسمها وخافت :ططيب والي ذبحه مين هوو
تميم تنهد :عمه
هيام انصدمت :وشهوو عمه؟ ؟؟
تميم :ايه
هيام حطت يدها بقلبها بخوف وهي مو مصدقة انه عم يذبح ولد اخوه
تميم شاف نظره الخوف بعيونها وطلع من جيبه مسدسه وحطه بيدها :خذي
هيام بصدمة وهي يدينها يرجفوو:وش اسوي فييه
تميم :انا ادري عاجلآ ام اجلآ بيعرف علي اني رجعت بيت ابوي وبيجي هو وعيال عمه عشان يذبحوني واذا حاولو يأذونتس دافعي عن نفستس بهاذا طيب
هيام ضعيفةة ما تقدو تشيل السكين ف اشلون لو مسدس يدها يرجفوو وكلامه انه بيذبحه خلاها تبكي
تميم :وان صار لي اي شيء لا تخافين وراتس صاحبي سعود يحميتس ومستحيل يخليتس ترجعين لبيت عمتس الظالم
هيام قعدت ساكتة وهي الدموع بعيونها من كلامه من اول يوم كلامه لاخره
وتميم قوا قلبه وهو ما وده يقول كلام زي كذاا لانه هو مو واثق ابد انه لمتى عايش ودايم يقول انا حياتي ليلي لاحق على نهاري

رجع عنان من الدوام وام عنان طبعآ ما قصرت راحتت وقالتله عن كل شي واضافت شوية من عندها
ام عنان:دامك جبت العلة فوق راسناا ربها وخلها تكبرر عقلهاا ولا عااد تحتك وااجد معناا قولها وعلمهاا ولا تخليهاا ترفع صوتها على امك وجنتك
عنان :هين بس يا جوير وانتي معليتس امي ما عاش ما يرفع صوته عليتس
طلع لغرفتها وفتح الباب معصب ومجهز الكف الثاني لها بس انصدم يوم شافها لابسةة ومتكشخةة وحاطة مكيااج وهوو يكرره شيء اسمه مكيااج وممنوع يدخل البيت حدكم بالكحل وبسس
بس كانت حاطة مكياج وشكلها يجنن بالمكياج محد يحط مكياج وما يكون حلو حتى القرد يوم تحطي له مكياج يصير حلو
كان يبي يعصب عليها ويهاوشها بس نسي هو ليه كان جاي عندها
جويريا :هلا سمعت كنت تناديني
عنان انصدم حتى كلامها تغيرو :هاه ايه ايه كنت اناديس

نهاية البارت
يالله مع السلامة بنوتاتي اشوفكم بكرى
تشاوو❤️❤️✌️