رواية من متى و الغصـن يختـار الطيـور..!! الفصل السابع عشر 17 - بقلم Nis2reen~<

18))من متى والغصن يختار الطيور؟!
،

‏بين السلوم.. وبين عشق جنوبيه..
الحظ تردى بـ( لوجين) واعتزلهـا..!!

،
،
حالة استنفار في المستشفى، واغلب رجال القريه كانوا متواجدين والكل يبي يتبرع لمشعل بالدم بعدما طلب عزيز منهم الحضور..الكل يبي يفدي احسن شباب القريه..
وهناك في الممر اللي يؤدي إلى غرفة العمليات.. جالس على الأرض لاف وجهه بشماغه ومنهار..
عزيز اقبل من جهة المختبر وشاف اللي جالس ولاف وجهه بشماغ و حاول يوقفه ويكلمه/عُمر..!! عُمررر
عُمر ماكان يقدر يرد/
عزيز عقد حواجبه وهزه/عمررر وش فيييك.. مشعل بخير ليش تبكي،اللحين بتشوف ،مشعل قوي ما تذبحه كم رصاصه!!
عمر انقهر اكثر من "انهيار عزيز "اللي واضح من تفاؤله انه مو بوعيه.. . ابعد عزيز عنه وطلع.. ماقدر يتكلم ويرد عليه..
،
،
،
،
الخبر انتشر بالقريه...
بوعلي اتجه لبيت اخوه بو مشعل وكان خايف من ردة فعل اخوه اذا عرف ان ولده الووحيد بين الحياة والموت"!!
دخل ابو علي لأن البيت ما ينتسكر ونادا بصوته/با بو مشششعل... يا فيييصل
،
داخل..
ام مشعل خافت ما تدري ليه قبضها قلبها وراحت لزوجها/بو مشعل اخوك يناديك برا
بو مشعل ترك الجريده من يده وقام/ليه ما دخله عزيز!!
ام مشعل/وانا وش دراني عنه.. اطلع له الرجال يصرخ برا وقلبي قارصني.
بو مشعل بدون اهتمام/جهزوا لنا قهوه وارسلوها لنا
ام مشعل تبعته/طيب طيب..
،
تحت
بو مشعل نزل تحت و اتجه للباب الداخلي وفتحه وحصل بو علي قدامه/هلا بو علي. تفضل تقهوى
بو علي تردد/فيصل انا ما جيت ادور قهوه بهالوقت
بو مشعل خاف/بو علي تكللم وش صاااير
بو علي/ولدك مشعل...
بو مشعل خاف من الصدمه وحاول يستنطقه/ايوه.. وش فيه مشعل؟!!
بو علي/تعرض له واحد اليوم الصبح وهو رايح الدوام.. و صوبه بعدد من الرصاصات
بو مشعل وهو يحس بضياع وخربطه وفقدان شعور/مات صح؟
ام مشعل كانت قريبه وسمعت السالفه وصرخت صرخه مكتومه ودخلت. .
بو مشعل وكان يناظر اخوه بنظرات تفسيرها انه بدأ يهذي/هو ما مات صح
بو علي رحم شكل اخوه ومسكه/لا وا انا خوك بس حالته حيل خطيره، حولوه لمستشفى كبير في أبها..
بو مشعل تركه ومشى/وش تنتظر تعال ودني لولدي
بو علي/طيب قول لأمه واهله
بو مشعل/تعااال بس وش تنتظر..
راحوا وهم مسرعين..
/
/
نزلت من فوق تركض بعدما سمعت صيحة أمها/يماااه شفيك خوفتيني
ام مشعل وهي تندب حظها وتمسك راسها بيدينها/مششعل راح فيها يا زينه.. اخووك صوبوه برصاص اليوم اااااه يا ولدي
زينه ما صدقت وصرخت باسمه/مممششششعععللل اااا
،
كانت واقفه عند مرايتها وتتجهز للنزول تحت.. سمعت زينه تصرخ باسم مشعل وانقبض قلبها وخالجها خوف.. نزلت ركض وهي خايفه واتجهت لهم/خير يا جماعه خوفتوني وش فيه مشعل
ام مشعل ما قدرت تجاوبها،كانت منهاره/آآه يا حسرتي عليك يا ولدي
لوجين زاد خوها وهي تشوف انهيارهم، وقربت دمعتها/تككلللموا وش صاير.. وش فيه مشعل؟
زينه وهي تنهد وتمسح،دموعها/صوبوه برصاصات اليوم وهو اللحين في ابها بين الحياة والموت..
لوجين انهارت وجلست على اقرب كرسي وهي تحاول تتوازن،من الدوخه...
زينه اتجهت لها تمسكها/لووجين وش فيك
لوجين حاولت تصحصح من الدوخه/دوخه بسيطه
ام مشعل كل يوم تزيد شكوكها، بس حاليا مافيها تسوي مشكله وولدها هو الأهم...
لوجين بكت بصمت وهي مذهوله ومو مستوعبه الخبر!!
وتذكرت شي مهم وقامت واتجهت لغرفتها واخذت عبايتها وطرحتها ونقابها بسرعه .واخذت،شنطتها ونزلت وهي تكلم عزيز وتسأل عن اسم المستشفى/.
،
تحت..
لوجين كانت متجهه للباب وطالعه تبي تروح مع السايق.
ام مشعل استغربت/لحظه انتي وين رايحه؟
لوجين وعيونها تلمع دموع/اخذت اسم المستشفى من عزيز ورايحه لزوجي
زينه/لحظه انا بعد بروح معك
ام مشعل وهي تحاول تتماسك وتروح لغرفتها/وانا بعد.. انتظريني البس.

طلعت لوجين وتنتظرهم بالسياره وهي منهاره..
وطلعوا بعدها كلهم...
/
/
/
/
في المستشفى.. ،
الكل متواجد ..اهل وقرايب و اصحاب مشعل واللي يحبونه جايين يتطمنون عليه ويتبرعون له بالدم..
ام مشعل وهي جايه وتشوف عزيز من بعيد/عززيزز
عزيز اتجه لها/هلا خالتي ام مشعل
ام مشعل وهي منهاره/ولدي وش فيه يا عزيز قووول
زينه كانت جنب أمها وتحاول تمسكها لا تنهار/تكفى يا عزيز طمنا
لوجين كانت معهم وتنتظر الاجابه/..
عزيز وعينه بالأرض والعبره خانقته/ادعوا له ربي يلطف بحاله..
ام مشعل بخوف/شقصدك؟
عزيز تنهد وهو يتكلم/مشعل انصاب بعدد من الرصاصات بأماكن متفرقه بجسمه ونزف كثير... والدكاتره مو متفائلين ابداً..
لوجين مغصها بطنها مغص قوي بس ما بينت وحاولت تبعد شوي عنهم لين يخف ألمها..ماقدرت تتكلم من شدة الألم،..
محد انتبه لها وهي تروح. وتختفي.. الكل مشغول بمشعل.. ،

جلست في مكان استراحه نساء ومافي غيرها وثنتين
ظلت وهي تدعي ربي يلطف فيها.. ولا يعذبها( ياربي رحمتك.. يا رب مالي غيرك لا تحرمني من مشعل وولده بيوم واحد يا رب طلبتك يا رررب)
لوجين حست انها بتموت من الألم قررت تقوم وتروح.. خايفه احد يدري بها وهي مب مستعده.. ومشعل غايب عن الوعي وما يندرى عن حاله...
وقفت لوجين و حست الدنيا تدور فيها وطاحت من طولها..
الحرمتين اللي كانوا في الانتظار معها قاموا يسعفونها/يا اختي يا اخت..!!
وحده من الحريم لاحظت شي والتفتت على اللي معها/انا بروح انادي الممرضات وانتي خليك عندها..
راحت ركض.. ،
/
/
/
/
عند غرفة العمليات... ،
بعد مرور ساعه وساعتين..
ام مشعل لاحظت عدم وجود لوجين وتذكرت انها ما شافتها معهم من وصلت واتجهت لأبو مشعل/فيصل
بو مشعل كان واقف ومنهار/نعم
ام مشعل/انا من جيت ما شفت لوجين هنا.. وهي جايه معنا
بو مشعل/هالبنت ما وراها الا المصايب.. وين راحت يعني
ام مشعل/شدراني وين تروح.. ما احترمت وضعنا ولا الظرف اللي زوجها فيه...الله يستر مدري وين تروح ومع من بعد!!
بومشعل مو ناقص توتر/اقسم اني لأوريها الويل ان شفتها تلعب من وراء ولدي وتستغفله
ام مشعل/انا هالايام شاكه فيها
بو مشعل/وشووو؟
ام مشعل/اذا تأكدت قلت لك..
بو مشعل شاف الدكتور طلع واتجه له/الدكتور طلع خليني اسأله عن ولدي..
زينه كانت جالسه والحزن كاسيها ما تفكر غير بعزوتها واخوها اللي مالها غيره أحد.. الدنيا سودت بوجهها..
/
/
/
/
/
في غرفة الأشعه.. ،
لوجين كانت تبكي/دكتوره وش فيك ليش ساكته؟
الدكتوره كانت تدور بالجهاز على بطن لوجين وتحاول تلاقي شي/اشش خليني اشوف شغلي،انتي نزفتي كثير واحتمال انو كيس الجنين نزل منك وسقطتي..
لوجين جتها صدمه/بليز دكتوره قولي غير هالكلام..
الدكتوره ماقدرت تكمل وألتفتت عليها/يا بنتي اهدي شوي بس شويه،
لوجين كانت منهاره وارخت راسها على السرير وهي فاقده الأمل وابعدت عيونها عن شاشة السونار بفقدان أمل..
الدكتوره كملت شغلها وهي تدور/ايوه بعدما سكتتي وهديتي راح نشتغل
لوجين نزلت دموعها بسكات.... وتركت أمرها لله..
/
/
/
/
/
/
بعد ساعه..
عند غرفة العمليات.. *
لوجين تو وصلت وهي تلفت تدور أحد/وين راحوا؟
اتجهت لباب العمليات وناظرت تبي تشوف احد.. وصوت من وراها/اخذوه للعنايه المركزه
لوجين ألتفتت على الصوت وهي خايفه/عزيز!... كيف صارت العمليه ووش قالوا عنه
عزيز بألم/شالوا الرصاصات.. كانت بأماكن خطيره بجسمه ووحده بجانب الرئه والثانيه جانب الكبد وثنتين بذراعه ..يبي لها وقت علشان تطيب
لوجين وهي تضم راسها بيدينها/أرربعه يا ويل قلبي عليك يا مشعل
عزيز خنقته العبره/ادعي له وأنا اخوك
لوجين بلهفه/وين غرفته؟
عزيز/هناك روحي ولفي بآخر الممر وبتلاقين العنايه بس ترى ما راح يدخلونك عليه ممنوع..
لوجين/مشكور عزيز..
راحت وتركته..
عزيز وبقلبه من همومه جبال على اخوه ورفيق دربه"مشعل" جلوسه هنا ما راح ينفعه.. وما راح تطفي النار اللي بقلبه غير لمن يلاقي اللي تسبب في محاولة قتل مشعل.. القصه معاد ينسكت عنها... وش هالثأر اللي رفض ينتهي..!!!
/
/
/
/
خارج غرفة العنايه المركزه جالسين..
لوجين شافتهم بس اتجهت للزجاج اللي يفصل بينهم وبين مشعل.. ناظرته وقلبها يتقطع من الحرقه عليه..
بو مشعل شافها واتجه لها وهو مكشر ووقف جانبها وبصوت منخفض/وين كنتي فيه؟
لوجين ما قدرت ترد..بلعت ريقها وعينها على مشعل/الله يقومه بالسلامه
بو مشعل وهو يكبت صوته واعصابه/بتعلميني وين كنتي فيه والا اشوف شغلي معك..
لوجين بدون تلتفت عليه/كنت بدورة المياه
بومشعل شك فيها اكثر/مع من؟
لوجين ألتفتت عليه،بعدما سألها هالسؤال الوقح وخزته مقهوره لأنها صعب تقولهم وش فيها ومشعل بغيبوبه/..
بومشعل/يعني ما راح تقعدين 3ساعات في دورة المياه لحالك..
لوجين تركته ومشت بدون ترد عليه. لأنها لو بترد بتغلط عليه وبتخرب كل شي هي تحاول تبنيه في هالعايله..
بو مشعل اتجه لبنته زينه/قوومي ألحقيها وخلييك معها لا تروح منا ومنا
زينه تكره تصرفات ابوها وامها وشكهم الدائم في لوجين بس مضطره تطاوعهم وما تراددهم/ان،شاء الله يبه
راحت زينه... *
ام مشعل اقبلت من بعد ما راحت لوجين/شفت ان شكي كان في محله..
بومشعل وكان وده ان شكوك زوجته تكون كلها غلط وتكون بنت اخوه عند حسن ظنه/وش شفتيها تسوي
ام مشعل وهي تحرك يدينها دلاله على مصيبه/شفتها طالعه من الطوارئ ..وعرفت لك وش اخرها البنت كانت صدق تلعب بذيلها من ورانا.. حتى وزوجها طايح بين الحياة والموت تخونه!!!
بو مشعل جمع اصابع يده بقبضته وضرب بها ع الجدار بغضب/وش قصدك يا مرره
ام مشعل وهي تزيد النار حطب/سوااد وجه..وش تبي اكثر من كذا!!
بو مشعل/كلها ايام واعرف كيف اتخلص منها.. خليني بالاول اتطمن على ولدي
ام مشعل والشر بعينها/انت عارف انها ساحره ولدك ومن دخلت حياته وهي تتحكم في تصرفاته..هالموضوع حساس بالنسبه له.. ويمكن يضعف وما يسوي شي..
بو مشعل طلع وتركها وفكره مشوش/...
/
/
/
/
/
في مكان استراحتهم.. ،
واقفين عند الباب..
جابر وهو خايف ويتلفت/يا غبي وش جابك لهنا!!
حسين/ههه بقية الحساب يالحبيب والا ناوي تجحدني
جابر/بس ما اتفقنا ما عاد اشوفك بهالمكان والا ماتفهم يا غبيي
حسين/اللي افهمه ان لي عندك فلوووس ولازم تدفعها غصب عنك..
جابر بنظرات خبث/بس مشعل ما مات
حسين/ما اتفقنا على كذا..بعدين ما اعتقد انه بيفلت منها.. الرجال حالته حرجه وشبه ميت
جابر وهو ملاحظ ان في سياره تراقبه من بعيد/روح روح اللحين وبعدين نتواجه بمكان نحدده سوا..
حسين وهو يتلفت/علامك خفت
جابر/انا حاس ان هذيك لسياره البيضاء تراقبنا.
حسين حفظ شكلها/انا كأني شفتها ببيت عمك بو مشعل.
جابر ركز شوي وخاف/مافي غير عزيز اكيد هو.. لو شك فيك ما راح يخليك دقيقه وحده
حسين خاف/قصدك هذاك الولد
جابر بنص عين/ايهه هذاك واظن ان جريمتك بتصير مكشوفه..وانت خلال هاليومين او هالاسبوع بالكثير بتكون في الباي باي..
حسين بلع ريقه من الخوف/ما راح اكون لحالي هالمره.. وراح تكون انت معي
جابر بخبث/بس لا تنسى انه معك فرصه تصلح غلطتك.
حسين مسوي ما فهم/شقصدك
جابر/انت عارف زززين وش اقصد
حسين لمع الشر بعينه وهو فاهم قصد جابر/...
/
/
/
/
/

بالليل،
واقفه لوجين بحسرتها بالبلكونه الخلفيه للبيت اللي تطلع ع المزارع.. دموعها ما توقف مع بكاء صامت وهي تحس بالبرد يسري بجسدها.. واحساس بالغربه وهي تفقد وجود مشعل حولها وقربها.. اليوم اللي كانت تتمناه يجي وتفارق مشعل وحياته.. قتلهاا من الوريد!!.. هاليوم بس تأكد لها عشقها له...ولسان حالها يقول;
[[إي والله اني [آخافك وآمنك ]واني
احبك من اول آلدنيا ليآ../ آخرها

قل للزمن يبتعد.. لا يبعدك عني
وقل للمشاوير تووقف لا نسافرها !

وانقذني ارجوك من تخميني وظنّي ،
تعبت اكبّر وساويسي واصغرها ]]

*بوسط هواجيسها وافكارها الحزينه صوت الريح جاب لها صدى صوته يناديها.. تبسمت ووجهها مبللته دموعها وانفها الاحمر من كثر البكي.. مسحت دموعها وهي تلفت تدوره.. وطلعت من جيبها جوالها وناظرت الشاشه وتذكرت صوته وغيبوبته/آه يا دفى صوتك.
بهاللحظات هبطت يد قويه على كتفها وتلفها بقووه/ومن هو يا خاينه هاااه
لوجين وكأنها فقدت القدره ع الكلام/ءء
بومشعل ضربها كف ما توقعته/هذا عني ..
وضربها كف ثاني/و هذا عن ولدي اللي بين الحياة والموت
لوجين مو مستوعبه اي شي،حتى الكفوف ما حست بوجعها من ألم روحها/..
بو مشعل انقهر انها ما بكت وما دافعت عن نفسها/أمما شرف العايله راح انظفه بطريقتي الخاصه..و ليش خاصه.. طريقة اي رجال شريف عنده غيره على عرضه.. يا قليلة الشرف..
لوجين هنا تكلمت لأن هالموضوع يجرح العرض/لا يا عمي لا تقول عني كذا
بو مشعل ما عاد يطيق منها كلمه سكر فمها وحدها على الجدار بكل قوّه وصرخ فيها/ولا كللللمممه شرفي اللي لطختيه ما هو رخيص يا بنت ماجد...بكره اتصرف معك وأوريك الويل...
تركها بعدما دفها ع الجدار بقوه وتف بوجهها ومشى...
لوجين وهي تحس بألم في ظهرها اتجهت لغرفتها وتقفلتها وهي تحس بوحده عمرها ما شافت مثلها..
غسلت وجهها بدورة المياه وطلعت وجلست بنص السرير تبكي وتجمع حولها الاغطيه وتحاول تدفي نفسها ..
/
/
/
/
/
/

في ملحق القصر..
بنص الصاله.. واقف عزيز وبيده (مسدس ربع) اعطاه اياه عمه وهو مذهول من الكلام اللي سمعه ،مو مصدق ومصدوم بنفس الوقت/عمي انت اكيد تمزح.. او أنا في كابوس مزعج
بو مشعل بصوت زجر وحواجب مقطبه/أنا ما قد مزحت علشان تظن انها مزحه... بكره بالكثير تكون صرفتها.. فااهم
عزيز/بس يا عمي انت شلون متأكد من هالشي.. يعني علشان زوجته السابقه ما حملت معناته عقيم!!.. هذا ظلم
بومشعل بحسره/كان ودي انه صدق وتكون حامل من مشعل لكن... أنا شفت تقارير المستشفى اللي لقيتها في سيارته بالصدفه وتأكدت من المكتوب فيها.. بس ما كنت اقول له شي واجرحه.. والايام اللي راحت كانت رايحه جايه مع ولد خالتها زياد.. وهذا اللي خلاني متأكد..
عزيز عصب وولع غيره وبانت بملامحه العصبيه/لو كان هالشي صحيح يا عمي ذبحتها ما تكفيني فيها..
بو مشعل/ابيك بكره تبشرني بدمها
عزيز وهو يضغط بيده بقوه على المسدس/لا تشيل هم يا عمي .
بو مشعل/يعني اعتمد.. والا اسوي شغلي بنفسي
عزيز،وهو للحين مو مصدق كلام عمه/اعتمد..
بو مشعل/كفو..
/
/
/
/
/
/
/
يوم الأحد ....**
هو يوم الإجازه الرسميه في كندا طبعاً..الجو مشمس،ودافي.. وقفت لمياء على البلكونه وهي تتبسم بسعاده/يا جمال هالصباح يا رب ارزقنا الجنه
روبين من وراها جايبه معها القهوه/هههه كل يوم تقولين هالجمله..شرايك تهاجري هنا وتستقري
لمياء التفتت عليها وهي تصغر عيونها/تخيلي بسس اترك جِدّه مااااقدررر هههه
روبين/خلاص شربتي من بحرها هههههه
لمياء/يا زين بحرها
روبين/تعالي اجلسي لا يشوفك جارنا "سعود" ويقعد يقط حكي ماله داعي.. ترى نظراته لنا كل يوم تحرقني..
لمياء جلست/ماله حق يناظرنا باحتقار.. ما نزلنا متكشفات.. كلنا نلبس محتشم نفس المسلمات هنا.. بالطوات بنيه طويله واسعه وحجابات بيضاء وانتي بعد تتنقبين وش يعيب علينا.. و من الجامعه للبيت ..
روبين/الله يسامحه.. ماحب احد يناظرني بهالنظره
لمياء استرخت/اتركينا منه كل واحد حر في نظرته.. بس صبي لي قهوه بالله
روبين وهي تمد عليها فنجانها/طييب شرايك نطلع اليوم نتمشى
لمياء/ودي بس أنا وعدت اخوي ما اطلع بغيابه
روبين/وانا بعد مشكلة ان ولد اخوي المحرم في مونتريال
لمياء/مشكله والله..
روبين/طيب نطلع للحديقه العامه تراها قريبه في هالحي
لمياء/بتصل في زياد وان وافق رحت
روبين/تكبرين السالفه وهي كلها مشوار صغير
لمياء/لأني وعدته.. مابي اخلف وعدي وهو اللي كفلني عند بابا علشان البعثه
روبين/اوووكي سوي اللي يريحك
لمياء اخدت جوالها/...
/
/
/
/
/
/
/
صلّت الظهر وضلّت على سجادتها ودعت ربها كثير وألحت في دعواتها لسلامة زوجها.. وفكرت انها لو صلّت استخاره في امرها ومشكلتها مع عمها وزوجته.. ربي بيكتب لها النجاة منهم والخير لها.. كانت تحسن الظن بالله كثير وهالشي ريّحها ..و حياتها بهالبيت علمتها الصبر تحت الضغوط النفسيه وساعدها تتجاوز مشاكلها..
قامت تلبس وتتجهز تبي تزوره..
حست براحه يشوبها القلق من تهديد عمها لها..
،
،
،
،
في المستشفى.. ،
الدكتور المشرف على حالة مشعل كان يتطمن على حالته ولكنه ما شاف شي جديد على صحته!!
طلع وهو خايب.. ولقى بو مشعل قدامه ..
بومشعل/هاه يا دكتور بشرني عن مشعل اليوم
الدكتور/راح اكون صريح معك.. حالته مستقره يعني مافي جديد.. دعواتك له
بومشعل هز راسه وصد وتركه بخيبة أمل/..
الدكتور مشى..
لوجين اقبلت وشافت الدكتور ووقفته/بليزز دكتور طمني عن مشعل فيصل
بومشعل شافها تكلم الدكتور وعصصصب/..
الدكتور/شرحت الوضع لأبوه...مثل امس يعني مافي تحسن دعواتكم له.. عن اذنك
لوجين شافته راح و اتجهت لغرفة مشعل وقلبها يشتعل من خوفها على حياته تناظره من وراء الزجاج العازل وبخاطرها تقول ( سلامتك يا حياة الروح، سلامتك يا حبيبي)
من وراها ابو مشعل/يا بنت تعالي... وش جابك هنا؟
لوجين ماعاد تقدر تحمل نزلت دموعها غزيره و كانت مقصره صوتها وتترجاه/بربك يا عمي تقولي وش شايف علي؟.. وش جاك مني؟ وليه انت كارهني؟..بربك تقول
بو مشعل ما يطيق فعايلها وكل كلمه تقولها ما يسمعها/اول شي جاوبيني بالصدق.. وش كان بينك وبين زياد
لوجين تلعثمت وصدت من خوفها على زياد لان بو مشعل ينخاف منه/
بومشعل/جاوبيني ليش ساكته
لوجين بضيق/وش جاب سيرة زياد اللحين يا عمي
بو مشعل وبقلبه حقد/جاوبيني.. هو فعلا كان خطيبك مثلما قالت ام مشعل
لوجين تكره هالطاري/كان بينا خطبه شفهيه و مشروع زواج انتهى بعد زواجي من مشعل وهذا كل شي
بومشعل انقهر/وكل هالوقت تروحين وتجين معه وتتعذرين ببنت خالتك هااه!!
لوجين انقهرت لانها ولا مره حاولت تسوي اللي يفكر به عمها/عمي وش قصدك
بو مشعل/قصدي ان ولد خالتك خبيث وانتي اخبث منه.. لوجين انصعقت ويدها اليسار على جبينها من هول ما تسمع /الله يسامحك
بومشعل بعصبيه زايده/الله لا يسامحني ان خليتك عايشه بعد هالكلام... تعاااالي معي
لوجين خافت/ويين عمي ووين
بومشعل مسك يدها وجرها جر /تعااالي ولا تسوين فووضى بدون داعي
لوجين مشت معه منعاً للاحراج، ولانها بمكان عام/...
،
،
عند مواقف السيارات... *
توه عزيز موقف سيارته وشاف عمه وهو يسحب بنت واكيييد هذي لوجين ترك سيارته واتجه لعمه ويحاول يوقفه/عمممي
بو مشعل التفت عليه/عزيز ابعد عني احسن لك معاد اتحمل راح اذبحها بنفسي
لوجين بينهم وسااكته بإستسلام وكأنها تنتظر موتها/..
عزيز بعصبيه/عمي لا توصخ يدك بها.. خلها علي تكفى
بو مشعل/كيف برتاح منها قلّي كييف؟
عزيز/عمي السلاح معي بسيارتي خلني اخذها للبيت اللحين وبعدخا نخلص عليها الليله بعدما نرجع من الزياره.. انت خلك اللحين عند مشعل والليله انا وياك بالمزرعه..
لوجين تناظرهم وهم يتكلمون عنها وعن قتلها ببساااطه ومو قادره تفتح فمها بكلمه وحده.. حتى مواقف السيارت مافيها غيرهم وعامل نطافه يكنس من بعيد.. بو مشعل سحبها لسيارة عزيز وفتح لها الباب/اررركبي يالخاينه
لوجين ركبت وهي تتألم من جرجرته لها /..
ركب عزيز السياره ومشى بسرعه وهو ساكت ومو قادر يفكر..
لوجين كانت ساكته طول الطريق ودموعها مبلله وجهها ونقابها، عمرها مافكرت يجي يوم وتكون بهالموقف!!

كل شي تساوا بعيونها بعدما قال لها الدكتور ان حالة مشعل ما تغيرت.. اكيد ماراح ينفذ من هالرصاصات.. اكيد اذا هو مابعد مات وتبهذلت هالبهذله اجل لو مات وش كانوا بيسوون فيها!!..
عزيز اخيراً نطق/لوجين وش سويتي بنفسك وفيني
لوجين بنبره مبحوحه/عني ماسويت لك شي يا عزيز.. لكن عن نفسي ذبحتها.
عزيز ودمعه يلمع بعيونه/حديتيني على أسوأ شي وهو الموت
لوجين ببرود قاتل ودمع دفاق/مافيه أسوأ من الظلم للعرض النزيه يا عزيز..
عزيز رنة بأذنه جملتها/محتار من اصدق ومن اكذب
لوجين/عند الموت يتساوا كل شي.. الصدق والكذب يختلط وما يتبقى غير حقيقة الموت
عزيز احتار اكثر وسكت...
،

وصلوا القصر عزيز ولوجين.. بعدما طلعت ام مشعل وزينه ورايحات للمستشفى..
عزيز وقف والتفت على لوجين/انزلي
لوجين استغربت وناظرته/هنا!!
عزيز/اسمعيني ززين ولا تقاطعيني
لوجين سكتت تسمع/..
عزيز/انزلي ولمي اغراضك اللي تبين تاخذينها معك.. واطلعي للملحق بسرعه.. علبال ما اجهز لك حجز لـ( جده) تكونين خالصه مفهوم
لوجين مو مصدقه كلامه/عزيز انت مصدقني؟

عزيز وهو يتذكر جملة مشعل( لا تتهور يا عزيز وفكر دووم قبل كل شي تسويه علشان ماتندم ترى الرجال ماتحكم من الظاهر)../لوجين انا ما اصدقك وما اكذبك.. لكن اخوي مشعل للحين عايش وانا متأكد لو انه بوعيه اللحين ما راح يرضى اني اقتلك.. ولو كنتي تستحقين القتل هو اللي راح يقتلك مو أنا يا لوجين.. فهمتيني؟ انا مستحيل اطعن اخوي بقلبه وانا ادري انه... (تردد انه يقولها ان مشعل يعشقها وسكت ما قال)... ..اخاف ان صحى وعرف انك ميته يروح فيها..
لوجين كبر في عينها عزيز وابتسمت/اصيل يا عزيز
عزيز وبقلبه من همومه جبال/خلصي بسرعه الوقت مو من صالحنا..ابي اسفرك بسرعه اذا لقيت حجز
لوجين نزلت وراحت تسوي اللي قال لها عزيز... ،
رن جوال عزيز ورد بسرعه/هلا عُمر.. لا لا ماني مداوم اليوم. عندي معلومات اعتقد انها بتساعدنا نكشف القاتل اللي ترصد مشعل.. وان شاء الله ينمسك...
/
/
/
?
/

خارج اسوار القصر..
واقف ويترصد خطوات عزيز وهو يتبسم/وهذا انت بتروح وطي يا عزيز ههههه وش عليه هذا بسبب لقافتك لازم تدفع ثمنها..اان ما كان اليوم ..بكرااا
مشى وراح بعدما شاف عزيز طوول...
بهاللحظات شاف عزيز طالع بسرعه.. ورجع ولحقه ..
عزيز لاحظ وجود احد وراه وحاول ما يرتبك.. هذا نفس اللي يلاحق مشعل ويراقب البيت دووم.. عزيز تأكدت شكوكه عن حسين ..بس ينتظر يوصل لوجين المطار لأنه لقى لها حجز ملغي في طيارة جده.. يعني من حسن حظها...

نزلت المطار وووصلها لصالة المغادرين وهو في عجله/يلا يا لوجين اتركك هنا ..لازم امششي
لوجين بقلب مكسور/يشهد علي ربي ماحبيت اكون هاربه يا عزيز..
عزيز/انا وانتي مضطرين..
لوجين وهي متردده/ومشعل؟
عزيز/مشعل تحت رحمة رب العالمين وان ربي قدره وعافاه بيجيك اكيد أول ما يصحي من هاللي فيه لا تخافين
لوجين بلعة ريقها من خوفها لا يصدق اهله/وان ما جاني يا عزيز؟!
عزيز مالقى جواب/حاولي تنسينه احسن.. اعرف مشعل ما يترك حاجه إلا عايفها.. واعرفي انه بيكون قتالك
لوجين خافت اكثر لا يتركها مشعل، نبرتها تقطعت/عزيز.. قوله اني انتظره لو طول غيابه..قوله تكفى يا عزيز لا تخلي الظنون والعواذل تلعب به وتقهره مثلما ابعدتني عنه وقهرتني..
عزيز تقطع قلبه واستغرب جرأتها في الإفصاح عن حبها واهتمامها لمشعل/ليش توصيني وكأنك فاقده الأمل فيه
لوجين وهي تنزل الغطا على عيونها اكثر وتصد/مدري ليه اقولك هالكلام لكن هواجيس قلبي تحدني على البوح يا عزيز
عزيز/وحدي الله وانا اخوك...و روحي لطيارتك.. استودعتك الله واحفظي مشعل زين
لوجين فهمت قصده وراحت وتركته.. و قلبها متعلق بهالمكان... ودعت أبها تحت زخات المطر وكأن ابها تبكيها...!!
،
،
،
،
،
رجع عزيز وكان المطر حييل غزير بهذيك الليله.. وفيه صخور ترتمي على الطريق من شدت وقع المطر والرياح الشديده على الجبال..
رن جواله ورد بسرعه/ايوه يا عمر.... مسافة الطريق وجايك خلك في مركز الشرطه.. كلها دقايق واكون عندك
حسين كان بسيارته يمشي وراه وخايف من شدّة المطر/متى اتخلص منك واروح من هنا وارتاااح من هالموال
عزيز سكر جواله وهو يحاول انه يسيطر على سيارته ويتحاشى الصخور اللي بالطريق.. ولكن من شدت الرياح والانزلاقات والصخور المعيقه انحرفت بسيارته عن الطريق و عمل حادث...!!!
،
،
،
،

رجعوا البيت.. ،
زينه كانت مستغربه عدم وجود لوجين تحت/غريبه وين راحت لولو.. ما شفتها بالبيت اليوم ولا شفتها بالزياره
ام مشعل/اكيد نايمه.. ومطنشه زوجها والا رايحه مشوار من هنا والا من هنا..
زينه/يا شششين سوء الظن يمممه.. أنا رايحه اشوفها اكيد بغرفتها..
ام مشعل بلامبالاة /وانا رايحه غرفتي ارتاح..
،
،
راحت زينه لغرفة لوجين وتفاجأت انها مفتوحه ومحد فيها/لووجييين.. ووينك؟
محد يرد!!
اتجهت زينه للدولاب ولقت ان نص الاغراض مشيوله ... والتسريحه رايحه اغلب الاغراض اللي عليها.. ماعدا عطرين من عطوراتها/لووجيين وين ررحتي..
فتحت جوالها واتصلت بسرعه في لوجين وحصلت جوالها "مقفل"/يا حسرة قلب اخوي.. صدقت كل هواجيس امي وهربت لوجين ..
نزلت زينه تركض/يممممااااااهه الللحححقييي..
/
/
/
/
/
/

**مدينة جِـــدّه:
نزلت المطار.. وهي تناظر حولها وكأنها غريبه تمشي وهي تكلم نفسها(هالمدينه جوها الليله ماهو جوي..كنت اعشقها كانت لي سكن .. ليه احس هواها الليله يخنقني؟!!)

ضاقت بها الوسيعه وهي ما ودها تروح بيت اهلها اللحين!! تبي تختفي عن الانظار.. وعن كل العيون لفتره وعن عمها وجبروته.. بس مالها بد من بيت أهلها عزمت أمرها وركبت ليموزين واتجهت لبيت اهلها..
دخلت وهي تنادي ومتوجسه وخنقتها العبره( آهه يا بيت اهلي يا حلاتك ويا حلات اللي ساكنينك.. بس،وين اهلي؟)شكلهم برا!!
قالت بخاطرها هذي فرصه اخذ مفتاح بيت جدي الله يرحمه واروح له بدون احد يدري... اهم شي ما احط ابوي في مواجهه ثانيه مع عمي ويقتله بسببي...عمي لازم يفهم ان ابوي ما يدري وين هربت ..اعرف عمي فيصل مافي قلبه رحمه..

طلعت لوجين لغرفة مكتب ابوها وشافت شماغه معلقه على الشماعه ودمعت عينها وراحت تاخذها وتضمها وتشمها وتبكي بحرقه( ليه تركتني هناك وما سألت فيني ليييه ليييه يبه) تركت الشماغ مكانها بعدما باستها وتبسمت(تبقى حبيبي لو انك في النار ترميني يا اغلى رجال عرفته)..

*اخذت مفتاح بيت جدها ابو أمها* لانها تعرف وين حاطينه.. وطلعت مستعجله قبل يرجعون..
/
/
/
...

بعد يومين ع الاحداث السابقه''

يومين والدنيا مقلوبه على لوجين والكل يدور عليها...
بو فيصل كان مقهور من اللي صار والمشكله ان عزيز نايم بالمستشفى و بغيبوبه تااااامه وحالته حييل حرجه..!!
وهو محتار.. جاء عُمر وجلس جانب بو فيصل/شده وتزول يا عمي
بوفيصل/والله يا عمر معاد بقى براسي عقل.. اثنين يروحون مني مره وحده... هذي ضربه قويه
عمر/قول لا اله الا الله وخلك مؤمن..
بوفيصل/لا إله الا الله..
طلعت الممرضه من غرفة مشعل وهي مستعجله وراحت ..
عمر فز واقف/وش المشكله يا نيرس ؟!!
بو فيصل خااااف وما قدر يتكلم/...
لحظات وجاء الدكتور ومعه الممرضه ودخلوا غرفة مشعل/...
عمر/يا دكتور قول وش صاير!!!
الدكتور اشر لهم بيده وهو يدخل الغرفه يعني الحقوني..
دخلوا كلهم والخوف بادي عليهم..
/
/
/
/
/

كندا* *
بالليل والكل نايم والحي هادي...
روبين كانت جالسه على طاولتها وتحاول تنهي بحث بين يدينها...
فجأه سمعت صوت الجرس يرن وما يفصل و الباب ينضرب بفوضويه..!!
روبين هنا خااافت من جد وراحت تصحي لمياء وهي ترجف/لمييياااا.. اصحييي بسررعه قوومي..
لمياء قامت مع هالازعاج وهي تحاول تركز وتبعد اللحاف عنها وتقوم/خيرر رووبي ايش صار
روبين وهي قلقانه/ماني عارفه ..بس خاايفه
لمياء اخذت حجاب الصلاه اللي يغطي كامل جسمها واخذت معها عصى ضخمه حاطتها جنبها للضروره واتجهت للباب/تعالي نشوف مين؟
روبين بكت/لاااا من جدك تبين تفتحين الباب أنا خااايفه
لمياء/يا غبيه ما راح افتح.. بس أسأل وراح نكلم الشرطه لا تخافين.. يلااا
روبين/يلاا
اتجهوا للباب وتكلمو/Get out we call... i
صوت من الخارج قاطعهم/يا بنات تكفون افتحوا الباب فزعتكم انا جاركم سعود..زوجتي حيل تعبانه ومالي هنا غيركم
روبين ولمياء طالعوا ببعض مستغربات ومو مصدقات كلامه/... !!!

يتبع.. ،