رواية منطقه13 الفصل الثاني والخمسون 52 - بقلم مريم السعدي

ثلاثة أيام وطلعت من المستشفى. كنت بحلم، كنت بأمل مولود من جديد. دراستي كنت أقرأها بواهس فرح وأكتب اسمه بكل صفحة أحفظها. أسينات كانت خليلتي، حكيتلها كل شيء وكانت دوم تصفن: "يولو، شلون تنجمعون سوه وهو مجرم وابن حرام؟ "معليه هو شنو ذنبه؟ أسينات -كنت مرتاحة لوضع كوني مدرسة. لِضُل براتب أحسن من المنية والعيب والشعدج هناك. يومية. سلام كان يومين خفر، يومين دوام عادي، يومين استراحة.

كنت ويا ضل من الظهر، رجعتنا من الدوام لليل وقت يرجعني الخط. سلام، وقت اللي يعرف بيه موجودة، يوصل بيته ينام بصالة بيتهم. أمه خطية تدز الغدا لهناك. كنت بالبداية أبقى ببيت خالهم بالغرفة اللي سووها لنا أنا وضل، بس رقية ما قعدت، كلما تنزل تسبني. لو تجيب بنت خالتها اللي رايدة سلام يطبون يمنا. ويقعدون يضحكون علينا من أدرسها، ذيج كانت مدرسة متوسطة. كلما أحكي تصيح: "غلط بابا، تدريسج غلط! وأنا ألبس وضل تباوع بالوجوه.

مرة مرتين ما أرد عليها، تجرأت قامت كفختني بالكتاب ونترت: "مو دا أحاجيج؟ سقطتي البنية. تعاي خالة أنا أدرسج، على راسي! ما تحملت، انتفضت أصيح. والزيد سباعيتي وجود سلام ببيته. قمت أرجف عصبية. "مالج حق تتدخلين، تفضلي اطلعي بره. أريد أقعد وحدي وياها." جاوبت رقية: "لا والله صدق، حتى خوش تجرلج أخبار سلومي، مووو؟ بعد عاشرتي ترباية الـ... وتخبلت طلعت من الغرفة ألبس بحجابي بعصبية والتلفون بيدي، تقصدت أحكي يم باب بيت سلام. "ألو؟

ها عمو تعال عليه. لا لا ما أريد أبقى، تعبت من المشاكل." طلع سلام من بيته عاقد حاجبه، صفن عليه وهمس: "شكو؟ نترت: "أنت لو تخلي حد للمشاكل ولكرامتي، لو تعذرني. أنا شبببعت ترى. تستغل فرصة عدم وجود خالة وتجيب بنت خالتها تحير شتسوي بيه! بقى صافن بوجهي وأنا أتنفس سريع، ميتة نار. طب راسًا. للبيت بهدوء، صاح: "ضُلة بابا! "نعم بابا؟ "جيبي جنطتج وكتبج وتعاي." طلعت وراه. "هلو سلام شلونك؟ "هله هله بنت عمتي."

أخذ الجنطة من ضل وأنا جريت عيني، قالت: "وين ماخذها تدريسها غلط؟ هو غمض عينه ولزم راسه همس: "بلا أمر عليج، ضل مرتاحة هيج؟ "سلام عيوني، أنتِ ضل تخسر مستقبلها هيج." نتر: "يالله ضللل! جمدت حتى أنا اخترعت من رعدة صوته. طبت ضل ببيتهم، همست: "أسونة، ندرس بيتنا ونقفل الباب." هزيت راسي. طبيت لبيت فريدة وهي تفور. شفت سلام فات لبيت أهله. أدرس ضل وبالي يمهم، نار صارت بقلبي لأن يمهم.

لزمت راسي أقلب بملازمي بعدما كملت ضل دراستها ودا ترتب غرفتها قدامي وأنا أوجه. شلت التلفون خابرته، مدري شدا أسوي. دق دق دق، رد بتعب وصوته مال نوم: "ألو؟ "ألو هلو أبو ضل." "هله كولي." "آآ ممكن آخذ ضل يمي؟ "ليش؟ "مو شوي دتضوج وبنت عمتك هنا شكلها حتبات ويا رقية." جر نفس همس: "شسويلها يعني؟ أنتِ شوكت تروحين؟ "إذا هاي هسه أروح، كملنا دراسة." "دخليج لليل تكدرين حتى تنام ضل فد نوب." سكتت. "ألو؟ "إي أوك." "محتاجة شيء؟

"لا لا، ها هي." سكت وسده. ارتاحيت إنه مو يمها نايم. بقينا أنا وضل نسولف ونضحك، سويت حلويات أنا وياها وهي مكيفة. "هسه خلي النوتيلا عالكيك." "كلها أسونة؟ "إي كلها حتى نقسمه." "إييي ههه، شوكت نكدر ناكلها؟ "تبرد فد ساعتين وباجر الصبح أكليها بالريوك." "إييي! " قالتها مكيفة، مسحت النوتيلا عالكيك مكيفة. اندقت الباب، لبست حجابي. ضل صاحت: "تعال بابا." طب أبوها، وجهه مطبع مال نوم، عاقد حاجبه. "هاي شنو الريحة؟

"باوع بابا كيكة سوينا أنا وسونة." "بابا جايبينها تدرسج البنية لو تسويلج كيك؟ "بابا كملنا." نصيت راسي، عيونه صارت عالكيكة ودار وجهه همس: "السايق بالباب ترى إذا تردين تباتين." "لا لا مليكة خابرت عشرين مرة." "ضُلة غسلي إيديج." باوع لي ودار وجهه: "دا نتعبج." "لا ماكو تعب." ضل تفرش أسنانها وتباوع لي. باوعت لسلام يباوع ويحك بطرف حنكه وينصي. ضل طلعت وراي متعلمة تأشر لي باي. وأنا أشيل بملازمي. دا أطلع همس: "أسينات."

التفتت: "نعم؟ " نصى راسه. همس: "بحنكج نستلة حتطلعين هيج." راسًا وقفت عالمغسلة غسلته فشلانة. وطلعت وضل شالت ملازمي وتشاورني: "كولي لبابا أجي وياج يم مليكة حبابة." التفتت عليه ابتسم. "عادي آخذها؟ والله باجر نرجع." نتر: "لاااا! " وخزر ضل عرف هي قالت لي. رجعت لورا مبوزة. صعدت بالسيارة أأشر لها باي وطلعت السيارة. ثاني يوم طبيت، كان هو طالع. راسًا طبيت بيت سلام وطبقت سيارة بنت عمتهم راسًا قفلت الباب علينا.

ضل توها تنزع حذاءها شافتني ضحكت وخلت إيدها على حلكها. سديت البردة وطبيت. بدلت وسبحت وجت يمي تحجي لي عالصار بالمدرسة. كملت وسكتت همست: "جوعانة." ضحكت من قلبي: "هسه يجيبون أكل." همست: "أنا وبابا الصبح أكلنا الكيكة." فتحت الثلاجة وأتفاجأ نص البايركس طاير. "ضل شكد أكلتي؟ "والله أسونة بابا كمل هذا أنا بس مربعات اثنين." ابتسمت، رجعته وجابوا الصينية. توني أقفل الباب، رقية جفتت. غمضت عيني بتعب بنفاذ صبر.

قالت: "إييي شونه حمودي والـ... ما جاوبتها. نترت: "خرس كون خرس! تجيني نوبات، أتمنى أحرق قلبها بسالفة إنه رجلها متزوج، بس أستغفر الله وأسكت. بنت خالتها طبت وجرت نفس. "ضُلة تعاي شوفي شجبتلج؟ تقدمت ضل مرتبكة، طلعت لها لعبة وضل فرحت. انغزت من يمي تشاورها تقول لها: "من يجي بابا شوفياله." وأنا نار وتشب بيه. نترت: "يله ضل تعاي تغدي." رقية -"أنتِ ليش بلا كرامة تحبين تذلين نفسج؟

النوبة جايبتلي حجاية على أبو أختها تدرس ضل ويتصدقون عليها بجم فلس خطبة يتيمة. ما تستحين! ما جاوبتها وضل تباوع بالوجوه. "ترى اللي دترسمين عليه عالي عليج." قالتها بنت خالتها. باوعت لها ابتسم. هزيت راسي: "وقريب عليج مووو؟ " جريت عيني. قالت بعصبية: "حبيبتي ابن خالي مو غريبة وأتلطش بيه بحجة أدرس بنته. عيب عليج. شكو عليه رجال يتونس ويشمرج ويرجع لنا. ما تجيبين غير سمعة أخوتج وأبوج بالكع."

ما جاوبتها وألملم بغراض ضل مال مدرسة. قالت لرقية: "باوع هاي شايفة روحها بنت عمته هي هم على أبو أختج من أبوج بطرانة." ما اهتميت، ضل بلسان جاوبت: "خالة بابا ما يقبل هيج تحجين." ونترت بيها بقسوة: "معللليج انتتي عيييب حجي مال كبار." التفتت عليها مزنبرة. صيحت عليها: "اطلعععي بررره! " ودفعتها. هي ضلت صافنة. "وخري لجج! "أنتِ اللي توخرين وتطلعين منا يالله، دا نريد ندرس شهاللزكة! "صدق ما تستحين؟ صدق ما عندج أم تربيج؟

وأخوتج يـ... "احترمي نفسسسسج زين وخليلج كررامة. حتموتين عليه وممهتملج! ضحكت من قلبها: "منو ممهتم عزيزتي؟ هههه." دفعتني بقسوة وجهها انقلب. "سلام إلي ولا تتصورين تكدرين تاخذيه. العشيرة كلها وياي وأنتِ خليج ويا حمودي." جاوبتها بثقة: "هالنشوف." بقوا صافنين بوجهي. رقية همست بنصر: "شكتلج؟ مو كتلك طموحها أكبر من التدريس وضل." وطلعوا. بقيت صافنة أرجف وضل صافنة. قفلت الباب ووقفت لازمة راسي. شحجيت أنا؟ شخرطت هيج؟

مدا أسيطر على روحي. حسيت بإيد ضل تجرني. "أسونة تعاي ناكل." هزيت راسي. قعدنا تغدينا، شوي وسمعت صوت خالة أم سلام فاتت للبيت الجبير. بقيت بمكاني وأعصابي ترجف. شحجيت أنا؟ شخرطت؟ ضل انتبهت علي ضايجة، كلسا وتسولف وتمسح بوجهي. "ندرس." كملنا دراسة، شوي صافنة همست: "نسوي فد شيء طيب؟ هزيت راسي: "ميخالف شنو تريدين؟ " أعدل بشعرها وقلقة حيل من اللي راح يحجوا ومن اللي حكيته. قالت: "بيتزا مثل ما سوينا بيتكم."

هزيت راسي. فتحت الثلاجة ما بيها مواد. راتبي قبل كم يوم استلمته وخليته بالجنطة. باوعت لها: "امشي نجيب شغلاتها." كيفَت ضل. طلعنا راس الفرع سوبر ماركت جبير وأخذت كل شيء نحتاج. ورجعنا. بقت الخنقة براسي والقلق اشتغل وفكري طايش. همست ضل: "أسونة أذب اللعابة بالزبالة؟ التفتت عليها: "ليش حبيبتي؟ "لأن أنتِ ضجتي، ما أحبها، خلي تولي." "كيفج." طلعت ذبتها بالحاوية ورجعت تبتسم. ضحكت على سوالفها. قفلت الباب ووقفت يمي.

"أنا أخلي الجبن." "أنا أخلي الزيتون." وخليتها براحتها، ابتسمت: "هاي أنتِ سويتيها مو أنا." ضحكت: "باجر أنا وبابا ناكلها." هزيت راسي. حضنتها. إحساسي إنه دا أستغلها إرضاءً لأبوها كلش آذاني. حضنتني بصورة أقوى مني همست: "تحبيني؟ هزيت راسي: "كلش." كملنا وتنتظر بالفرن على أعصابها حدما استوت. أكلت مثلث واحد وفرشت أسنانها. صارت بـ 9 ونص همست: "تأخر بابا." "أنا حأروح ضُلة." "تعوفيني؟ "بيبي هناك."

هزت راسها. أريد أنام بغرفتي. حضرت هدومها ولبست. دا أطلع اندقت الباب. توقعت السايق. فتحت البردة وفتحتها. سلام صار بوجهي. راسًا قال: "ها تباتين؟ أروح لأهلي عادي." "لا لا دا أروح بس تأخرت أنت وضل ضلت تنتظرك." "إي والله ازدحام، يالله الله وياج. نامت ضُلة؟ "إي." "ماشي مشكورة." "أهلًا." طلعت سديت الباب وصعدت بالسيارة. كنت كلش شايلة هم، أكيد حيكلوله، أكيد حيحجون. غمضت وذبيت همومي على الله. بعد جفصت. حجيت لمليكة كل شيء.

استغربت من همست: "إذا شفتي يحبج ورايدج، راغبلج، تمسكي بحبج لا تضيعي أسينات ترى تندمين." "مليكة غلطت، غلطت من حاولت أستغل ضل لصالحي." "ما استغليتيها، أنتِ مراعية الله بيها ومو بإيدج من حبيتي أبوها." غطيت وجهي بتعب وتمددت. وراء كم يوم من رحت، طبيت من وقت. فتحت باب بيت فريدة. ضل توها نزلت من الخط صاحت: "أسووونه عشرة من عشرة! "عفية بالشاطرة." طبينا نضحك وأتفاجأ بسلام نايم بهول بيتهم بطرك الشورت الكابوي على بطنه.

كانت أول مرة لي أشوف جسمه. ارتبكت، درت وجهي وضل تضحك. باستة، رفع حواجبه اثنينهن. همس بتعب: "ها بابا جيتي؟ خجل من شافني وأنا الغبية أباوع وأدير وجهي. رفع تك حاجب. وجر تيشرته. همس: "رايح بيت أهلي، أخذوا راحتكم." طلع وأنا قعدت عالقنفة كلش كارهة نفسي. ضل أخذت طابع راسًا قفلت الباب وجت تركض تسولف شلون المعلمة أثنت عليها وأنا صافنة. سكتت جان تقول:

"أسونة اليوم الصبح حمينا البيتزا بالمايكرويف وصارت تخبل. من هاي التجر كملناها كلها حتى بابا قلي أطيب من مال مطعم كتله أنا سويتها." ضحكت وحضنتها فرحانة كانت كلش. وبلشنا دراسة ووعدت نفسي أركز على دراستها. فترة مرت وإحنا بهالحال. سلام أكثر من السلام ما يقول، وقام يومية يسأل ضل: "شتريدون أحيب؟ لا تطلعون للسوبر ماركت عيب تشتري من فلوسها." وهي تحضر شنو تحب ومن نكمل نسوي أنا وياها. لعبتها المفضلة كانت. وصلنا نص السنة.

بالعطلة هم مستمرة أجي وقامت نوبات تبات يمي. فجأة يوم من الأيام خليل موجود ببيت خالة وطبت أم سلام لبيت فريدة. كنا نغسل مواعين أنا وضل وضل ترجع وتسولف. نوبات صديقتها تجي يمها وتكون قبل بيوم مسويين كيكة وهي كلش تكيف. طبت همست: "هلاو أسونة." "هله خالة." بوستها وضل مكيفة همست: "بيبي ضُلة، تعوفينا نسولف حجي مال كبار؟ " صفنت ضل. وهزت راسها: "إي." قالت: "أسونة حأروح يم عمو خليل ألعب باللعبة مال تلفونه." "أوك حبيبتي."

قعدت يم أم سلام وبدت تحجي عن سلام وبهذلته. وتعب وحزنه على مرته. وأنا صافنة. "شساف منها 3 سنين توه متعين وكله خفارات. عود من استقر. وتعلعلت المسكينة. وكضاها من طبيب لطبيب من دولة لدولة ما افتهم منها شيء." وأنا أهز راسي قلبي يدق سريع. تلمست شعري تتبسم: "يمه أنا ما أريد تخجلين مني. أدري بيج حلوة وصغيرة وتنحبين وكلية. بس ابني والله ما يتعيب وردة." نصيت راسي إيدي ترجف.

همست: "يمه اقبلي بيه وصية فريدة هاي وخلي يرتاح. فدوة والله أخاف عليه من الحرام ولو هو ما يدوسه." بقيت منصبة. "إذا ما تقبلين كيفج ما أريد أحرجج. فكري شكد ما تكدرين. أنا حجيت ويا خليل قلي: لو عندي بنية ما أفوتها. وكتله عليج صفن قال اسألوها." هزيت راسي. باوعت لها: "شقلتي أنتِ؟ بس وافقي والباقي عليه." بقيت أباوع بوجهها شكد بي حنية. محجّيت ساكتة وسمعت صوت سلام بصوته الخشن. يا الله!

راسن حرّيت حجابي ووكفت أباوع لأمه مرتبكة، همست: فوت يمه. طب رفع زوج حواجبه باس راس أمه، همس: اليوم يمنا. جيت أشوفهم خاف محتاجين شي. باوعلي ورد باوع لأمه رافع تك حاجب: ضُلو وين؟ همست: يم خليل تلعب بفونه. شعجب؟ باوع لأمه وباوعلي نصبت راسي وترهصت أشيل بغراضي، همس: معليج مني داخذ هدومي وأروح لأهلي يم أخوج. لا لا أروح بعد. براحتج. يحجي ويباوع لأمه. طلعت أعصابي ترجف خابرت السايق ورجعت. بالليل خابرت أمه:

يمه أسونة أني حاخذ ضُل أطلع لكربلا وي عمج أبو سلام، فكري هاليومين من أجي ردّيلي الخبر. ماشي خالة. لتزعلين مني. لا خالة ما أزعل. سدته وحجيت لمليكة ومليكة تنك: وافقي وافقي ثولة تندمين. لج أخسأ أبد مو يمي. حتلو مصيره يحن، وإذا ميحبج يكوم يحبج، لج وافقي. تنهدت بيومها أجه حمزة هم حجه ويايه: خالة فاتح موضوع وياهم. أخذني حمزة لغرفة قاسم وهو وقاسم يحاجوني ويحمدون بي. حمزة: أني قبل كتلتج، سلام ميتفوت صح لو لا؟ هزيت راسي: صح.

قاسم: أسينات والله ذهب سلام لا مكسرات لا شرب سيده، والكل تخاف منه وتهابه. هزيت راسي ونصيت. أنتي كيفج بعد. بقيت أباوعله لحمزة، فهمتي؟ همس: معليج من رقية وبت عمتي تره ذني بخرطن لروحهن. أخاف منهم. مالج دخل شحده اليفك حلكه. هزيت راسي ونصيت. أنتي عندج اعتراض عليه عن حياته عنه كرجل؟ لا لا والله. هو وين اكو من سلام كالها قاسم وباوعلي: والله غير تعيشين ملكة. هزيت راسي. حمزة: هاا؟ أسينات: ها هي كيفكم. قاسم: أخابر خالي يعني؟

كيفك خابره. حمزة: مرت خالي تنتظر فون مني. كمت وطلعت من غرفة قاسم كعدت يم مليكة أحجي وبجيت مدري ليش ومليكة حضنتني تضحك. دك تلفوني أبو ضُل كلبي رجف، مليكة صافنة وأني صافنة وأتردد. جاوبي جاوبي. رديت: ألو؟ مرتبكة. الو هله أسينات. هلو أبو ضُل. رايد منج خدمة. كول بلعت ريقي توقعت على ضُل. كال: الموضوع الحجت بي أني وياج، ارفضيي من يمج نهااائي، لأن طلعت روحي صار يومين هي وأبويه. جفلت صافنة حلقي نشف وأحس قطرة دم ماكو بجسمي.

دتسمعيني؟ ارفضي وخلصيني. سكتت، همس: يله فيماللا. وأني ساكتة. أسينات نتر: ها؟ فيما ألا. أي. سده ولطمت على وجهي، حجيت لمليكة صفنت كالت: هسة تحجين لأخوتج كوني بسع. كمت طبيت لقاسم جان ديسولف وي خالة ومرته لخالة، وحمزة كاعد بصفه، مفتوح سبيكر. وصوت مرت خالة كالت: لك يمه هو يريد بس يكول البنية متريد خاف متقبل ليش أظلمها. باوعولي وابتسمو كال قاسم: كوليله موافقة بكامل إرادتها هو وين اكو من سلام.

صفنت شحجي بعد طلعت مخبوصة، حاولت أخابره مكدرت أخجل. طلع حمزة الفجر من الغرفة ديروح شغله وأني منمت لزمته حجيت كلشي. لزم راسه صافن: هاي شلون قضية بالله. همس: هاليومين ارتاحي لتروحين بيت خالي، وإذا أصرت مرت خالي كوليلها تدز ضُله يمج خوش. أوك. حدما نشوف شلون، دأفكر أحجي وياه وي مرت خالي، أكولهم ضغطنا عليها، لو هو يحجي بس الظاهر حاجي وأمه لجت وأبو وهو تعب وكلج من يمج. يمكن.

لتضوجين كلبي، هو أنتي منو يرفضج، أنتي واحد يتمنى منج الرضا. فدوة لعينك حمزة الله ومحمد وعلي وياك. مليكة: أحمد يوميه يخابر كم مرة ويسأل ويتطقس دتدرسين تخضري مبقه شي عالتمهيدي. أي والله جاهزة. يله أجي الخميس وأبقى، تردين شي أجيبّلج؟ لا لا. ماشي كلبي آمنت بالله ورسوله و12 إمام. الله وياك. جنت أقره هواي وعيوني عالشباك، أسينات تدري قهري وتشجع: اقري حتى تنجحين وهو إذا يحبج يجيج يجيج. راح يبين متأكدة. إن شاء الله.

أبو الماطور فترة اختفى ورد رجع كل يومين يمر مرة، وأني بس أسمع صوت الماطور أفز أبقى أنتظر وهو رقبته تنلوي عالبيت يثكّل ويروح ويرجع يفتر ويروح. كم مرة شفته سأل ولد يوقفون بالطرف أشرلهم على بيتنا، واحد منهم كال: ليش عمي تريده بشي؟ جاوب صوته سمعته: والله عندي صبغ أريد يصبغلي. جاوبو: سافر للعماره. وهز راسه وطلع. بس لا عباله أني وياه. بس لا عباله سافرت وميجي بعد. كملت عطلة أسينات ورجعت تداوم.

أسينات: أربع أيام مرحت بيت خالهم وأخابر حمزة مغلق، قاسم ممر بعد خجلت أخابر أسأل شسوو، علاقتي بس بحمزة كلش قوية. تالي خابر خليل رديت راسن. ألو. ها أسونة شلونج. هلاو أنت شوك زين؟ أني الحمد لله أكولك راح أمر عليك. ها؟ أي بدلي وهاي حتى شسمه نروح لهم. أوك. بدلت راسن وكشخت وأسولف لمليكة اللي بس صافنة. نزلت بدكة تلفون خليل. طب للبيت سلم على أمه وديطلع، شافتني نترت: وين رايحة أنتي؟ يمه ويايه. وين غير أعرف؟

أوهووو يوم لبيت خالي دزتني مرت خالي. معيب تروح وهمه خاطبيها ورافضين. صفن خليل عليه تقدم: صدك لج المن رفضتي سلام مو قاسم كال قبلت؟ ااا بعدين أفهمك. طلعت طلع ورايه ومرت أبويه تصيح: عيب خليل عيب توديها عيب بركبتك يمه، ميصير هسه يكولون يدللون بأختهم. وهو يهز راسه: عود الله يسهل يوم لا ما أخذها. لعد وين موليه وياك؟ يبوووو ولطم على راسه باس أيد أمه:

أبوس أيدج أبوس راسج حلي عني داوديها للطبيب، داوديها للسوك، داوديها للعزه بس عوفينا. وطلع وجهه أحمر يخرب ضحك. صعدت بالسيارة وطلع راسن، جر نفس همس: باعي هسه احنا حنروح لمدرستها دوامها ظهري وو شسمه، وعود نلاكيها بالطريق، وأني أكولج هاي وأنتي تحايلين عليها أصعد ويانا نوصلها ونروح للبيت خوش. عفية خليل أخجل والله عيب. ها عيب لعد شلون؟ باوع إذا تريد حتى تشوفها أبقى واكف بالباب حد وكت جيتها وشوفها وراها طب لأمها خوش.

أي زين خوش حجي تنهد مبتسم. وكفنا براس فرعهم وعيونه عالجامّة الجانبية مضيّقها ساكت ويجر نفس وره نفس، يعدل بشعره وياخته، طلع عطر من الجكمجة وتعطر ورد كعد عدل. طبو جهال للفرع لابسين صداري، باوعلهم وباوعت أني بس همست: خاف بت خالتها و... قاطعني: لا لا دوامها صباحي ذيج. أصابعه على شفته وينتظر تعب وباوع للساعة نتر: أي ساعة وحدة خاف رجعت ومشفناها. خليل من ساعة 12 وثلث هنا احنا. ها يعني بعد وكـ... وسكت. صفن عالجامّة

ونفسه تسارع همس: أسونة هاي. التفتت. لتندارين لتندارين. أوك كعدت عدل. فاتت من يمنا بثكل، شلون كشخة لبسها، أحسن صداري الموسم وأحسن بوتبن وأحلى قميص وأرقى جنطة تلمّع منصية راسها، وهو بس نفس خنس همس: خليل. هو فاك حلقه صافن. نترت: خليل حتطب ومتلحك تشوفها. مثل الفز راسن فتح الباب مال سيارة، تعدتنا بكم خطوة هي. وكف حتوصل للبيت، نزلت أني هم همست: أنتي زمرد؟ التفتت عاقدة حاجبها، همست: نعم. وارتبك خليل.

شافته فكت عينها ووجهه انصبغ أحمر. خليل ابتسم يفتح أيده ويسدها يبتسم، كلسا يريد يحجي ويسكت. باوعتلي وباوعتله. همس: أختي هاي. هزت راسها تبتسم همست: تفضلو. فدوة تخبل، تقدمت وراها والتفت لكيته بمكانه، رفعت رجلها حنجلت خطوتها مو صحيحة بي نوع من الكُزل بس كلش بسيط، التفتت هو صافن عليه. فتحت الباب رجعت كالت: تفضلوا. صاحت: يوم. عاد طبينا الطرمة، التفتت عليه: خليلو شوي قوي روحك. هه تطشرت. ميصير عيب يا عيني المرة تحب النجر.

مو بالله يحجي وعيونه عليها من دتطب المطبخ، رجعت طلعت مالت: آسفة أني طالعة ماكو فيروز تكول بالسوك. تعالوا تفضلوا. طبيت وهي هم طبت من باب الصالة الكعدنا بيها، قبل فترة جانو مبدلين الأثاث وخليل وجهه حيطك فرح. كعدت بهدوم المدرسة كالت: بس أقدملكم شي. نتر راسن ووكف: كلشي ماريد تعاي زمرد بس حجايتين وأروح. وكفت تبتسم ميتة خجل وتباوعلي. نزع سواره يبتسم: هاي الأمانة وصلت. تقربت أخذتها منه، رجعت باوعتله تلاشت ملامح وجهه،

الابتسامة راحت همست: أنطيك الأسود لأن هذا جلح، ونزعت من أيدها سوار ناعم حيل بلك أسود بسيط مثل اللاستيك بي، بقه يباوع لأيدها ويباوع بوجهه. أخذه ولبسه: هههه أقلها مبين ناعم ههه ما أنزعه بعد. وأني بعد ما أنزع هذا. ولبست سواره. رجعت تلاشت ملامحه من أباوعله، هي مسيطرة أكثر منه، وهو يباوع بعينها دايخ عاقد الحاجب ومضيق عينه وجهه أحمر. كالت بصوت ناصي: ألف شكر إلك لولاك نضيع. بلع ريقه ويمسح عرقه. ونصه رد كال: يا صف خامس؟

لا لا سادس امتحنت بدور الثاني وياهم ونجحت. ابتسم هز راسه. وباوعلي مثل التذكر أني هنا. كال: ااا أسينات أختي سنة أولى تربية بنات. باوعتلي كالت: أمي هم تريد أصير مدرسة. جاوبت: تصيرن إن شاء الله. طبت أمها كالت: هلا هلا هلا شلونك يمه، اليوم عدنا خطار والله متطلع إذا متتغده، هله يمه أسينات ليش مجبتي ضُل وياج؟ نصيت شكد واحشتني الله يدري، مجاوبت أشرت لبنتها بعينها وارخصت وعيون خليل عليها. شوكت جيت؟ توني

أكول صار نص ساعة نط خليل: تونا. تونا حجية شلونج أنتي؟ وباوعلي رافع حواجبه. ابتسمت. وبقت تسولف وخليل مرتاح حيل، صبو الغده، زمرد مطبت بعد، كملنا وطلعنا وأني ماخذه طريقة الكبة منها تخبل مسويتها. الطريق كله يغني ويضحك. ها نمشيلك عليها خليلو؟ باوعلي يضحك وهز راسه: خل تكمل السنة وأكعدلها عالدرب كعود. ههههههه حبيبي الله يهنيك. يخليج إليه أسونة كليبي أحببببج أحببببج. ههههههههه. وصلنا بيت خاله. وين شو هنا؟

مرت خالي تريدج ويهز ركبته. صفنت عليه خليل. شش نزلي معليج بأمي نزلي. نزلت بخجل لمحت سلام وضل جايين مشترين، هدت أيد سلام وجتني تركض. وتصيح باسمي. سلام بقه يباوعلي صافن بلعت ريق خايفة وطبينا للبيت. همس سلام: السلام عليكم. جاوبت ونصيت، خليل يضحك ويجق أصبعتين: وين جنت يمصخم لتكولها والله خزيتنا. شبيك سيدي شبيك كلبي لك غير أني وباسه أموت على ربك ورجع بايه أموت على مذهلك عمامة عمامة ورجع باسه. دفعه:

دوخررر عاد اوكف عدل لتتموع لك. سلام تره احنا بالبيت مو بالواجب والللله. أحجي وين جنت؟ يابه رحنا أدينا الواجب وتغدينا عدهم هيج يعني تعارف ومذا. صخم الله وجهك ولك اثثكللل. أكولكم شنو السالفة هاي تكول اثكل أنت تكولي اثكل ششفتوني شسويت عمي شمسوي يابه. لا يابو أحجي شفتها؟ أي أي أي لك أي أي أي. من طاح حظك. فرّ بيده، باوع لي رافع تك حاجب، وظل حاضن رجلي. خليل: فوتي يم مرت خالي تريدج. سلام: خير؟

قالها وهو يباوع لخليل ويباوع لي. خليل: ما أعرف، قالت جيب أسينات أحاكيها. أسينات: طبيت للبيت، وظل وياي. دأسد الباب شفت عيونه عليّ يباوع لي بشك. طبيت يم خالة. هلّت ورحّبت بكل هدوء بيّ. وبدت تحجي، والله ابني ماكو منه، وهيج جان مدَلل فريدة، وهيج جان يسوي يسفرهم رغم ممنوع عليه السفر. وآني خانسة. قالت: انتي وافقتي وراها رفضتي؟ باوعت بعينها. ميلت راسها قالت: تدرين آني شكد مار عليّ تجارب؟ هزيت راسي.

تدرين كمت أفهم الصادق من نظرة عيونه؟ نصّيت راسي. هو خابرج مو؟ هو كالج لتوافقين مو؟ بقيت منصية. جرت نفس. ضل صارلها كم يوم بس تتنحس وتبجي، ويرزل بيها، تنام تبجي ويصيح يكول عوفوها. يمه انتي يتيمة مثلها، راعي الله بيها، وصية أمها نفذيها. هزيت راسي. ما أكدر خالة عذريني. هزت راسها تنهدت.

ماشي بس ظلي وياها نفس قبل، مو طمعوا بيها واستغلوها علمود الأب، وآني لو أموت ما أخلي وحدة منهم تدخل. فريدة تختلف عنهم، إلا البقية كلهم نفس الطاس. نصّيت راسي. متقبلين؟ باوعت لها. اذا هو طلب مني أجي غيرها مستحيل، عزة نفسي متتحمل خالة افهميني. حقج يوم حقج. واجه صوته. يووم. ها يمه؟ وباوعت لي بس دقيقة. طلعت وضل بحضني نايمة وتلعب بموبايل بيبيتها. شوي ورجعت طبت قالت: خو ما تأخرت عليج؟ عادي خالة مغريبة. آني وكفت،

ضل جلبت تتوسل بهمس: حبابه ابقي، الله يخليج ابقي. وتباوع عالْباب خاف أبوها يجي. وطب سلام. قال: أخوج ينتظر. خزر ضل، وضل خاتلة وراي. باوعت له بتوسل: عفيه خل آخذها يومين وأجيبها. جر عينه بقسوة ونتر: لاا، لتعلّميها عليج. فكيت عيني، "أعلمها عليه؟ " بقيت أباوع بعينه، يباوع بعيني ويباوع للمطبخ خاف أمه تجي. يعني شنو قصدك؟ عيني دمعت. فكيتها على وسعها بغضب: شنو قصدك بهالحجي؟ مدري شلون كدرت أحجي. رفع تك حاجب قال:

ترى سمعت حجيكم انتي ورقية وبت عمتي وعرفت نيتج. بهتت ملامحي فاكة حلقي، بلعت ريق وهو يباوع لي باتهام. جر ضل بنترة وباوع لي، جر عينه وطلع. رخت رجلي. ليش آني كلت؟ بقيت أراجع روحي وتذكرت حجايتي. ابن خالي ينأخذ غيري وآني جاوبتها: نشوف. ضربت على كصتي وأعض بشفتي، طلعت ركض لخليل ورجعت للبيت أحجي لمليكة وأضرب على فخذي. مليكة بس صافنة بوجهي. همست: ألف من يتمناج، شيلي من راسج ويطبه طوب. دموعي نزلت، وألوم بروحي بخجل. نترت بيّ:

شكد ماخذة منه رواتب؟ بلعت ريق. مجموعة بالديلاب. تلميها كلها وتدزيها بيد حمزة وتحجين كلللشي كلشي إله، فاهمة؟ هزيت راسي. نزل حمزة وكعدت وياه. حجيت كلشي وميتة بجي. وهو حضني. وعليمن البجي أسونة عمري وملازم. خلي يولي ماريد حتى فلوسهم. تعبج هذا ماله علاقة بهالشي. لخاطري خل أرتاح. هاهي أوديها. والله مو قصدي شي بس غثوني وجاوبت. هز راسه: ميهم ميهم. حضنني يضحك وطلع للهول، مليكة تراجع وأحمد يأشر لها تحل الأسئلة. قال:

متطلعون شوي؟ اختنكت ترى. أحمد رفع راسه عكد حاجبه: شبيها أسونة؟ ماكو شي تدلل على أخوها. وباس راسي: ها تطلعون؟ مليكة: باوع لي أحمد، نطلع؟ اي اي. هه، كامت تحب التخايم العينتين. بيومها طلعنا تونسنا حيل. لأن سوه. من دنرجع خابَر خال حمزة عليه راد باتري لسيارته. أخذ له حمزة وباوع لي همس: من ننزل أذب البطارية وأطفر. هزيت راسي: أوك. وصلنا لبيتهم، واكفين بالباب وطبك سلام، من أحقر الصدف جانت. نزل أحمد سلم عليه ورجع صعد.

لح عليه: تفضلوا. وأحمد يرد: مستعجلين والله. والتفت عليّ يباوع، راسًا باوعت كبل رافعة راسي همس: شلونج أسينات؟ ما رديت عليه. نغتني مليكة بصفي. جاوبت من دون ما أباوع له: أهلًا. والصدفة الأحقر من طبكت سيارة بت عمته ونزلت منها رقية. التفتت على أحمد ابتسمت. لبسها. الراقي وكشختها والعلاليك الشايلتها. ومليكة فكت حلقها. رقية ما شافتها. بس شافت أحمد صاحت: هلاو حمودي. قال: هله هله رقية. باوعت لمليكة همست: جذذب هاي رقية.

والله وكت، والله فاكة حلقها صافنة، طلع حمزة وسلام بعده واكف، سلم على حمزة. حمزة سلم من ورا خشمه، جلب بيده سلام: شنو زعلان لك؟ لا عليمن أزعل؟ وباوع له رافع تك حاجب: الميسوي لي قيمة وحساب أحس له مموجود. سلام صفن، صعد حمزة. سلام نتر: شنو قصدك؟ تعال تعال. أحسبها شلون ما تحسبها فيمالللا. أطلع أبو شهاب. وطلع أحمد. بقى يباوع لي ويباوع لسلام. همس: الظاهر الوضع مشحون. حمزة: شوي اسكت. مليكة باهتة غير عالم بصدمتها بشوفة رقية.

وآني أحس كرامتي انردت لي.