رواية مولانا العاشق الفصل العاشر 10 - بقلم زهراء العراقيه

الراوية

صار العصر والشيخ ما جاي للبيت...

ملت من الانتظار بيرتا...وكامت طلعت بالحديقه تنتظره...

كان هو انهى بعض الاعمال ورغم انشغاله الكبير لكنه اتذكر طلبها وراح للأسواق.. 
ضل يتأمل البضائع

كانت هذه الاسواق هي الارقى بالمدينه لهذا اغلبيه النساء ازورها بين حين واخر  وكذلك بسبب أقتراب العيد  .. واخيرا بعد البحث دخل لأحد البوتيكات كان عارض ازياء نسائية منزلية.. 

وكف جنب اثواب بسيطه ومستورة..
وبده يقلب بيهم حتى يختار لون مناسب الها

واهنا سمع وحده اسلم عليه

دار وجهة شاف... ام احد الطلبه الي يزورة بالمسجد

" السلام عليكم شيخناااا

اهنا ايده اتسرسحت عن الثوب بسرعه وكأنها لقفته بالجرم المشهود كونه معروف عازب

"والله شيخنا اشكرك ابني بعد.ما نصحته صار يجي للبيت من وكت وكل فرض بوقته يأديه بارك الله فيك وكثر من امثالك

" الشكر والفضل لله وحده والله يهدي الجميع .

ضلت تشكر منه وبعدها راحت..  اجته احد البياعات
" اتفضل اخي اي خدمه اقدمه الك

هو ارتاح من اجته زاحت عنه حمل الاختيار

" مرحبا اختي ممكن ازحمك بس اريدك تختارين لبنتي ملابس على ذؤقك
"اها كم عمرها بنوتك شيخنا
كالتها لان مبين من ملابسه شيخ

"  اي يعني من عمرك واختاري اصغر قياس بالملابس النسائية لانه ناعمه  البدن

كالت تم وظلت اتباوع اله بستغراب كبير..... ما يبين عليه عنده بنت من عمرها !!!!!!
"شنو نوع الملابس مثلا بيت طلعه مناسبة
" كل ما ذكرتي وياريت لو اكثر من قطعه
"اها تمام
" اختي انتظري بلازحمه اريد كل اللوازم الي تحتاجه  البنية.   كح وتعثر بالكلام. من عاد اخر جملة وركز عليه
"  كل ما تحتاجه البنيه فهمتي قصدي

فهمت البنية قصده وراحت تلبي طلبه..

  واختارت على ذؤقها عده غيارات والبسة انيقه واشترت من البنطايل والقمصان والتنانير وحطت علبة عطر وبعدها راحت لقسم الالبسة الداخلية..  بعد مدة وجيزه رجعت البائعه وبيدها عدة اكياس وكالت اتحب اتشوفهم لكنه رفض وطلب اتحاسبه..
طلع من البوتيك واعيونة بالارض من يمشي لان المكان كان مزدحم بالنساء حتى لا يضايقهم  .

"اهووو ماما انت شنو يعجبني واريده اتكولين فاضح هههف
سكتت فجاءة ندى من شافت عمها وبيده اكياس.. لماركات نسائية !!!!

" ماما هذا عمووا
باوعت زوجة اخو صالح.واتعجبت من شافت صالح طالع من محل البسة نسائية وبيدة اكياس.....!!
راحت ندى فرحانة اله..
"عمووو اشلونك
باوع الها وضلت اعيونة الخضر اشع توتر من الموقف

سلمت عليه هي وامها وهو بدى  التوتر عليه فاضح وبدت حبات العرق تنزل من جبينة
وكان شنو اتكول ندى هو يرد بأبتسامه باهته..
قضت عليه من سألته ام ندى
" شسوي اهنا!!!
وخجلته اكثر طريقه سؤالها الفضولي ونظرتها للأكياس
ندى هم أنتبهت الهن توهه
وضلن يباوعن اله منتظرات أجابه
من احراجه  قرب الاكياس لندى وكال.
"حبيت افرحك بيهم 
" اخذت الاكياس ندى وفرحت حييل

ام ندى "يا ابو عائشه والله كلفناك
" لا تكلفه بينا ؛ ونظر لندى وكمل
"هذي عيديتك مقدما..
ما صبرت ندى وهمه واكفين بدت اتباوع للأكياس  وفرحانه لان عمها ذكرها وفتحت كيس منهم الله عطر يخبل    
"لج يمه عيب
فتحت اخر
انصعقت البنيه من محتواه وشهقت بصوووت ما متوقعة عمه يجيب اله هيج شيي
هو قطب حاجبه وكال
" اني أستودعكم في امان الله
وهرب من يمهن وهو يمسح العرق عن وجهة

بعد ما راح .... كالت ندى
عزة هو وين يعرف قياسي لهلدرجة عمي يحبني حتى دواخلي يريدها اتعيد هههه
الام نهرت بتها
ندى !!!!!!
•

رجع للبيت وكان محمل بالاغراض اول ما دخل شافها حاطة كرسي و نايمه بالحديقه   .

صالح " أصحي ليش نايمه اهنا؟

فركت اعيونها بكسل وباوعت اله أبتسامتها شقت وجه من شافته واخيرا رجع..
" انت اجيت واخيرااا
بلعت سعادتها برجعتة، ورجعت لطريقته بالكلام من اتريد.تستفز احد
" ممم جوبت الي كوتلك.عليه وباوعت للأكياس الي بيده....

" تعالي ندخل جوة اهنا حارة
" ي صحوح اخديداتي حارات
"ليش نايمه اهنا
" ها جنت جنت
واخيرا لكت حجه
ها البق هلسني تهلس جوة فطلعت برة

رد عليه بتقطع بالكلام

" برة
والتبريد مشتغل اكو بعوض
واهنا جنب الاشجار ماكو بعوض

" شنو ما مصدكني
" لا مصدكج  لان اكيد انت اهنا مو بأنتظاري يلا تعالي

مشت خلفه وهي تعمل حركات بفمها معترضة على أستهزائه منه

.
رجع صالح من المسجد بعد.أن ادى صلاة المغرب.. سكب لنفسه افطار بينما بيرتا كانت بغرفتها تلبس وتخلع بالملابس الي جابها الها وما كانت مستوعبه هذي الملابس الانيقة ذؤق هذا الرجل الي جالس برة  ماتدري الموقف الي انوضع هو فيه من راح لنفس السنتر وطلب من نفس الموضفه (البائعة) الي اجت اجن من طلبة للمرة الثانية  .

"ياي يجنوووون كأنو صمم على شاني ممم اخبووول اجنووون نيااااااه  ممم خل اروح اتعشه وياه بهذا لبسي
طلعت من الغرفه ببنطرونها الزيتوني وقميصها الابيض المخطط بورد زيتوني      
ولفت شعرها  الاحمر على شكل ذيل حصان.. لكته جالس جنب الشباك بالهول وياكل بتأني
" احم احم

من غير ان يرفع راسه  جاوبه
" وجبة عشائك. على الكاونتر 
  ضاجت لان ما باوع اله وشاف انيو لوكها الجديد.
"ليش ما اكل وياك
" مراح اتحبين أكلي..
انتبهت شافته ياكل  بربع رغيف خبز شعير مع كم وذره لحم شواء وكاسة لبن
كالت بسرها
"ياااي هاي اشبيه الخبز اسود.اوي بس لا عشاي هم هيج
راحت عنه تتفقد عشاهه همزين طلع أكل جاهز
وعجبها حيل  تاكل واتفكر بيه عجيب هذا الرجال. هو غني بس ليش يبخل على نفسه وليش وياهه كريم حيل؟؟  لك حتى اقراط ذهب جايب الها مع الملابس زين ليش ويه نفسه هيج... حسبته بخل ماتدري هو واصل اخر مراحل الزهد لدرجه اول ما دخلت هي عليه شم عطره وما رفع نظره عليه  ابد حتى التمتع بالنظر مرفع نفسه عنه...

بعد العشا

اندق الباب
قبل لا يطلع للباب طلب من بيرتا تجلس بغرفتها وما تطلع منها
وهو راح فتحه طلع أخوه ابو كرم

دخله للبيت بعد ما رحب فيه. 

ضاجت بيرتا من الوحده الشديده الي تحسها كل ناسها وعينها بالحياة هو هذا الرجل غريب الاطوار  وهو دوما مشغول..  زين ليش هي تثق بكل كلمة يكولها ليش مصدكته.. اوف هذا يفوق تحملها خل تطلع تصنت شنو يحكي مع اخوه صارله ساعه..
وكفت خلف باب مكتبه  وحطت اذنها عليها بلكت تسمع شي
سمعت صوت واحد غريب وعرفته مو صوت صالح صوت اخوه
" وشنو الي يمنع من أنك اتكون داعية هذا العرض كلش مغري وانت عندك جميع المؤهلات وتكدر تضهر على المحطات
" ابو كرم العرض رفضته
"شنووو يعني بلغتهم لو بعدك
" بلغت القناة اني رافض
رد.ابو كرم بنفعال
" ليش

"  وتسألني ابو كرم غرض البرنامج المتاجرة بالدين
رد بكل جهل

" لا متاجرة ولا غيره هو مجرد.تلقي الي تعلمته لكنك دائما رافض التطور

" ههههه اي تطور هذا تقصد الشهره وكسب مال بطريقه مخجله من اضهر اخدع الناس ببلاغتي

" لك اني مدير القناة شخصيا طلب مني اكلمك يعني الناس مقدريك.حيل  وين الخداع بالموضوع
" من اضهر واستخدم اسلوب التسقيط بمراجع مذهب اخر هذا خداع لعقول البشر

"هااا كول هيج يعني انت لان امك شيعية رافض الفكرة وانت تعرف كلش زين الثغرات و الكفر الي يتبعه مراجعهم ما اعتقد هذا خداع اذا اضهرت فسادهم

تنهد بنفس ضيق صالح الحديث مع اخو عقيم وما يحب ينقاشة بأي شي الآن لا يجدي أي نفع الله اعلم كم عرض عليه صاحب القناة من مبلغ حتى يريد يتاجر بأخوه بهذا الشكل...

طبعا هذا شي مو غريب عليه لان بالسابق راد يوكف ضده بالمحاكم.لما اتوفى والده والارث طلع كله من حق صالح و ابو كرم واخته وما الهم أي شي لأن الثروة كانت لوالدة صالح الي اتزوجها والدهم.بعد وفاة اام ابو كرم تزوج من شيعيه غنيه وأنجبت اله صالح... وربت اله ابو كرم واخته.... وضل ابو صالح يشتغل بأموالها  داخل وخارج العراق... وبعد ان توفى ابو صالح صارت الصراعات من قبل ابو كرم معترض .. ولكون صالح ما يحب العداء بعد وفاة امه اتنازل لأخوه بمعمل  وقطع اراضي اعتبرها ابو اكرم خوفا من ان صالح يخسر امامة بالمحكمة لكن بالواقع صالح يعرف كلش زين هو الربحان لان ارثه من أمه وارثته ابا عن جد لكن ما يريد يوكف  بالمحاكم ضد.اخوه ....

انتهت الجلسه بينهم الى زعل ابو اكرم من اخوه وطلع من المكتب زعلان وهرولت بيرتا لغرفتها من سمعت بيه راح يروح....
  طلع من مكتبة صالح سد الباب خلف اخوه ورجع للداخل... مفكر بكلامه :-
داعية..  هو فعلا داعيه للخير و الدليل وافق يجتمع مع الشباب المحلدين ويدعوهم الى التوبة والأجر هو نظرة الله اله الراضيه... اما الشهره والمال ما يعتقد هذا أجر بل نقمه على البشر..
راد يطلع عنده بعض الاعمال لكن اذكر شي..
وكف امام غرفتها...
" يااا ساكنه في هذه الغرفة

اعتدلت بجلستها بيرتا
هذا شنو يريد؟
" من أهم الدروس في التربية هو عدم التجسس على الغير

وكعت المراية الي بيدها كانت تتمعن بجمالها بيها من سمعته عااا هذا اشمدريه هي كانت خلف الباب؟؟؟
حسته طلع من سمعت صوت للابواب تنقفل وغزى الخوف روحها... 

الساعه 10 بالليل حطت راسها على المخدة محاوله اتنام

"يلا  نامي ولج غبره نامي ماكو شي

خيالها صار يألف أشياء ما اله وجود

" يووومه هذا الصوت من الكنتور.  جني ساكن فيها لو شنوووو ......ماكدرت تغفى لحظه....

بعد.اذان الفجر الا سمعت صوت الباب
" يوووومه
وكامت من سريرها

"  شييييخنا الداعيه وين كنت
باوع لوجها من احس بصوتها الخوف
شافه شاحب
" لا تكولين كنت تتخيلين وجود الاشباح بس

" اي 
صالح لا تعوفني وتطلع عاد بس بالليل ضل يمي..
اتعداها وراح يتمشى لغرفته وبيده سبحته 
واجاهل خوفها

" اني مكدرت انام

وكف بمكانة من كالت هيج ومن غير  ما يلتفت عليه كال
" أظن هذا افضل عقاب الج 
مضغت لعابها بغصة وحسه وتيرة أعصابها راح تنفجر من معاملتة الها
اتخصرت وكالت
" اهاااا لأن اجسست عليكم يعني انت لازم اتحاسب على كل غلطه هيج اموت ناقصه عمر .

" محد يموت ناقص عمر

" اي بس عقابك.قاسي عليه عاد.انت من عاقبت نفسك البارحه كنت تكعد وتس...
دار وجهة عليها واعيونه الخضر تجدح شررر كأنها احد اشارات المرور  من تضوي
ما كدرت اتكمل عبارتها من شدة حدة نظراته
"كنت تجسسين عليه؟؟؟؟؟
" اني اني هاااا
خلت وشردت من امامة وقفلت الباب على نفسها
بالحقيقه هي ب الليله السابقة هم مكدرت اتنام وراحت اله للغرفه كانت الباب مفتوحه اشويه وشافته واتعجبت من شافته كاعد وهو طردها حتى ينام !! ؛ متوجه على القبله و يدندن   بأدعيه مافهمت منه شي  غير هو يستغفر من الرب لأن أذنب..
....

الصبح صار وعدى وصار الضحى وهي خايفه تطلع من الغرفه...هذا غير وجع الي براسها...
اعد اله الريوك وهي ما اجت كالعاده.. !

دك الباب عليها وماردت حسبها خايفه منه.. 
ابتسم ضاحك على تفكيرها شنو اتحسبه  راح يأذيه هاي؟
طلع الى اعماله تارك اله مجال لتاخذ راحتها

رجع العصر  وجايب معاه اكل لبيرتا خاف بعدها ما ماكلهة.  اتعجب من شاف الصحون بعدها في مكانها وماكو شي متغير ...
دك بابه و ماكو جواب منها
فتح الباب على مهله..  شافه مطروحه على ضهرهه ومغمضه اعيونه
" لحد الان نايمه أصحي.. 
زين بس اكلي شي وارجعي نامي
انت.  يا أخت انت
ماكو أي جواب منها
دخل للغرفه واتكلم بصوت اعلى ما اتحركت حتى !!!!
بعد أن تأكد انها غير طبيعيه حمله وراح بيه للدكتور المتابع لحالتها

في المستشفى.
..
كان خارج الغرفه وينتظر الطبيب يخرج  حتى  يطمن

من خرج بلغه أنها صحة بدنها جيده لكن تدهور حالته اذا تعرضت للضغط فذاكرتها بعدها في فترة نقاهه..  وطلب الطبيب من صالح ان تبات
بيرتا اليوم بالمستشفى تحت المراقبه....

..
فضل يبات هو هم وما يتركها لكن اكو فكره اتعبته جدا ومايعرف ليش اذا عرف اصلها شنو الي راح يتغير لكنه بعده كال اكيد اذا مو الي في بالي فهي عدها عائلة ويمكن تبحث عنها.عسى ولعل هي مو مثل ما مفكرها
ضل واكف يمها ويتأمل هذي البراءة هم في يوم دنست نفسها ؟    لازم يتأكد.حتى لا يجني عليها بالعيش في حياة جديده هو يفرضها عليها مبنية على ظنون سرابية

طلب من الطبيب ان يحضر طبيبة من قسم النسائية!!!!
وابلغ الطبيب ما يدور في باله... وقدر هذا الشي الطبيب يمكن صح تطلع البنت عدها اهل او مخطوفه قبل الحادث...
اجت الطبيبة ودخلت للغرفه الي نايمه بيه بيرتا بسلام او القيلولة الي اخذها عقله
.
وصالح بالخارج  يمشي شمال و جنوب  بالممر واديه خلف ضهرو شابكهم ببعض   شعور داخلة قوي يتمنى ما اتكون هذي البنت عاهرة خلاه يدعي تطلع البنت ما ضايعة ...

....
يتبع
كم متابع معي ؟؟؟؟؟؟ رايكم بالشخوص