رواية مولانا العاشق الفصل الخامس والعشرون 25 - بقلم زهراء العراقيه

الراوية

إنــ الله إذا أراد قلبـاً لقلـــب ، قــال لـه : "كـــن فيكـــون "
‏
‏حتــي لــو كـانـت المسـافـة أرضـاً وسمـاء،،
‏فـاتـركوها على مؤلف القلوب

همست بصوتها الناعس

" صالح .

ما التفت الها وسد الكنتور من شافها ما مطلعه الملابس من مكانهم  بس مخليتهم على صفحه وملابسها ابصفهن

حست هي وفهمت ليش واكف اهناك ..
نهضت وهي يادوب شالت جسمها   من مكانه

" ارجعي نامي والتاف راد يطلع ..

همست بضيق
" صالح !!!

لزم يدة الباب وكال

" اصبحين على خير

"اهههاا فهمت

استوعبت ابسرعه وهج
و كالت بمرارة
"تعال صالح هاي غرفتك ...اني حروح بغرفتي

حسستة وكأنه مصاير شي غير سوء تفاهم بسيط

" لا لا كملي نومج

"لا حنام بغرفتي .

ابتسمت من باوعلها مندهش من ردة فعلها الاعتيادية

  'تصبح على خير صالح

خطفت من يمة  لزم هو معصمها

'وهج بالله عليك لا ازعلين   انت بنت رائعه حلم كل رجل عظيم لكني..... لكني
تلعثم

واشر  على نفسه وهو عاقد حاجبة ويباوع للفراغ يحاول ينتقي كلمات  توصلها  من غير ماتخدش احساسها

كملت هي عنه كلامة بنبرة ودودة

" ماكو داعي تبرر اني الي اقتحمت حياتك واكيد يكفني انك قبلت بيه ب بيتك هذا جدا يكفيني ..  انطيتني اسمك ..

"وهج!!!!!

" لا تخلي بالك. مصار شي ..اساسا اعرف هي مستحيل احد ياخذ مكانها . لهذا اني حطيت ملابسي  يم ملابسها على امل مشاركتها وهي متوفية ! .
لا تخلي ببالك تصبح على خير مرة ثانية

طلعت وسدت  الباب وراها  تاركه صالح مرتاح نفسيا من تقبلها للموضوع وهو  كال  الصبح  افهمها كل شي ..

دخلت لغرفتها و نزعت قناع البرود واللامبلاة وكفت كدام مرايتها وهي معتصره كفه حيل ودموعه يجرن سيلان على خدها
 
اصعب شي هو جرح.الحبيب وماكو اي شي يوجع اكثر من ابتعاده وفراكه فصعبة من أنطيته الحياة قدم الك الموت ، ومن بنيت عليه احلام هدمها بلمحة بصر ، ومن انطيته گلبك ووجدانك انطاك وحدة وظلام ..

.

بدت العصافير ازقزق على اشجار حديقة صالح وشمس بداية الصيفية تضرب عليهن

صحت وهج متكسرة من نومتها الغير مريحه على الارض حكت شعرة ومطت اديها وهي تتثاوب   ،باوعت للساعة شافتها ب 7 ونصف اكيد صالح طالع هسه  ، الافضل تدخل تسبح واتريح اعظامها  ، حطت شالها على راسها
ووكفت امام المرأة  مفكره بأمرة تخلع الحجاب كدامة لو  تظل لابستة ! ، من طلعت شافت الريوك  محضر، ابتسمت كل ظنه صالح هي بعدها بيرتا  ، غسلت بس المواعين   لأن  البيت جان يبرگ ، معدا الغرف المتروكة ، حاولت تلهي نفسها بالقراءة  .اهنا رن تلفونها جانت اسيل صديقتها
فرحت واخيرا حست شخص يخصها يسأل عنها

"الوووو يا بذاته يا سماوية ههههههه

ابتهجت وهج من كلام صديقتها اكيد هاي طريقتها بالمعاتبه

"لج احنه ذراعة اليمين ما كدرنا نوكعه وانت اخذتي الجمل بما حمل هههه غبية ولج طول الوقت وياج بالدوام اتوسل بيج اعرفه منو ما اتقبلين تاليها يطلع ابو عيون خضر لج والله هيبة ويخوف اشلون وكع .. هاهاهها
بس اويلي هذا عود البارحة هم بستيه هههههههههههههههههههه

"خلصتي    الله يساعد لسانج زين ماتعب

"لج والله زعلانه اني عود

تغيرت نبرة وهج وصارت حزينة
" اسيل اني محتاجه اسولف الج كل الصار وياي مو عبالج اني مرتاحه لازم اشوفج
.....

الساعة ب 2 رجع صالح وبيده اكل جاهز

لكن اجته روائح.طيبة من المطبخ ..  دخل وشاف گدورة على الطباخ.   ظل مندهش معقوله اخوه سمح لبنته او مرته تجي بعد الي صار ؟ زين وهج وينها ..حط الاكل وراح يدور عليها ..
"يا وهج ..
اجاها صوتة من ورة الباب .فتحت اله وجانت لابسة صاية عريضه ، مع شال بصلي منطيها رونق خاص 

" ها صالح

" منو اجه اليوم

" محد اجه بس اني طلعت الصبح ورحت لاطفالي اسفه ما اخذت منك اذن بس انت جنت_____

"وهج.انت ما مقيدة بيه على راحتج ..

اغتاضت من داخلها لكنها ماضهرت غير ابتسامه طفيفه .

" حلوة ملابسج بالعافية.

باوعت لنفسها وكالت

" ها شكرا .. دقايق اغير ملابسي جنت اقيسهم واجيك .

" وين

باوعتلة مستغربة سؤاله

وهو انتبه لزلة لسانه

" للمطبخ صالح.طبخت النا غده ونشالله يعجبك

حك لحيته وابتسم وراح .
هي هم ضحكت  شنو وين عباله تجي ؟
،
ارتاح من كالت بس اقيسهم  لأن من داخل ضاج من فكرة تحجبها كدامة

غيرت ملابسها وطلعت كانت لابسه ثوب بسيط ولافه شعرها كبايه . واخيرا اخذت قرارها ما تتقيد  وياه . حتى لو ما  يحسبها زوجه اله هي تحسبه كل شي .. صبت الاكل مجانت مبالغة يادوب الهم تمن مع مرم فاصوليا بيضه (يابسة) شي قليل وعلى بصل الان تعرف كل شي يدخل بيه اللحم ما ياكله صالح نباتي
  
دخل وهو يباوع للطاولة

" اها هاي صدك يعني طابخه ؟!!!!

"ممم لعد شنو ما مصدك شكلك

"والله مبين طعمة طيب بالمناسبة الاكل الي جبته

ابتسمت وكعدت كدامه وقاطعته

" اكيد ضميته بالفرن ما ذبيته الان التبذير حرام هههه

شال الخاشوكة بايده وكال وهو مبتسم

"ليش اضحكين

"هههه اذكرت  الشوربه الي سويتها  الك

"اهااااا ليش اتذكريني كانت .....

"اي جانت شنو

كالتها وهي عاقده حاجبها

" جدا جدا

'ايييه

رفع راسه وهزة بطريقه كوميدية

"  طعمها لا يطاق

ابتسمت على شكلة
" مممم بس هسه راح تغير رأيك

"بسم الله الرحمن الرحيم

وبدا ياكل وهي هم من غير ما تباوع اله  ولا تنتظر أطرائه اضاهر واخيرا فهمته صح 

ما خلص ماعونة  لكنه شبع

"الحمدلله .. عاشت الايادي وهج

"صحة وعافيه .. اخذ ماعونه و صفاه هو وهي هم كامت صفت اكلها  .

  " صدوك.صالح العصر راح اروح لاسيل لبيتها

" تمام اوصلج بطريقي ...

ومرن اشهر  وهي اتحاول تظم زواجها عن اخته كل ما تتصل بيها  او تروح الها، ماتدري ليش مجانت راغبه تعرف . ماتدري هي خايفه على مشاعرها  لو  خايفه لا يصير الفراق واتكون اختها على حق لان صالح ابد ما فكر او طلب منها اتكول لأختها اخاف مايريد يعلن زواجه اكثر  .. والحيره اهلة انقطعت علاقتهم بيه بس غيث جانت تعرف بعده على صلة بخالة...

والحيرها اكثر العقد البينهم ،وضح الها صالح الحل الامثل حتى تكدر تكعد ب البيت من غير ما يمس سمعتها شي ، اااوف لو اسيل الي ما معترفه بكلام صالح ورافضة استسلام وهج لغربته ودوم تقره براسها اتحاول تتقرب منه زين هي دومها قريبه منه اتحاول على قدر الامكان اشاركه ببعض الامور الي يحبها وهي هم حبتها كقراءة اشعار مولانا  جلال الدين الرومي وبعض الشعراء الصوفيون وطمست بعشقهم  قبل لا تخلص واحد بيهم !هي الثانية

وحس صالح بالتغيير الملحوظ بيها مو ذيج القطعه البيضة الفارغه انملت بحروف المعرفة جانت على الدوام هادئه ساكنه سماتها مطمنه ما عدها مكان للكره   تتعامل بسلام مع الكل رغم.هو يعرف كلش زين المشاكل الي مسببتها وفاق  الها  ،وكل يوم مطلعة اشاعة عليها بالعمل وعرف هذا الشي بالصدفه من سمع اسيل تحاجيها ...

...
بيوم راد منها كتاب وگف يم بابها ما دگه من سمع صوت أهاتها

جانت اسيل على التلفون

اسيل
"يحبي كافي لا تبجين

" اشلون ما اضوج هاي مشهره بيه
ورجعت تبجي وكملت

"بس اريد اعرف امنين عرفت وفاق بأمري ومنو كال الها جنت مسيحية

"اوف والله مادري انوب ملفقه عليج كلام الله يخرب بيتها وهج حبابه كولي لصالح

ضلت وهج على الخط بس تبجي ما جاوبت اسيل

صالح راح لغرفته يغير ملابسه

وهج " ما اكدر اسيل اخاف يطرده واسبب اني باذيتها

" يا واتعوفيها تأذي بيج

" حسبي الله يلا باجر نسولف اني هسه تعبت حيل

"يلا يحبي ولو ادري ما متصله بيج ولا مخابرتج بس ردتج تتحركين واتكولين لصالح هاي زودتها

بعد ساعه اجه اتصال لوهج

ردت وهج على امل العاملة ..

سدت الخط بعدها وهي اعصابها تلفانة صالح شنو يسوي اهناك وليش مقابل وفاق وهي تعرف كلش زين هاي عينها منه ؛ رغم يقينها صالح ما يمكن تشغل بالة اي وحده لكن مجرد تخيل صالح و وفاق مسدوده عليهم باب هذا الشي قاتل بالنسبة الها ..ضلت اتروح وتجي بالغرفه ..

"الووو

اسيل بتعجب
" ها وهجتي

"اسيل الحكيني
"خير يا ستار لج قلبي وكع بستي______اني شكو

ابتسمت وهج رغم غيرتها وحزنها على مزح صديقتها وهي باتعس اللحظات

" اسيل وفاق وصالح بالمكتب ووحدهم 

ابتسمت اسيل وعرفت اكيد سامع بالكلام الي اطلعه وفاق على وهج لكنها ما نبهت صديقته الساذجه

وكالت " اي وشنو

"لج وحدهم

"لا الشيطان ثالثهم
وضحكت اسيل

اتنرفزت وهج.
"لج لا اتخليني اروح اكتلها

"ممم وفاق صحيح جبيره لكنها والله عليه جسم

" اسكتي اسيل

" اي وشكو بيها رجال ومن حقه

"لج كاااااافي هسسسه شسوي

" مممم هي من زمان بينهم قصه حب قديمة بس مصارت قسمة

حطت ايده على گلبها وهج
"كولي والله

" بكيفج لا اصدكين خلي الرجال يضيع منج خلي جلال الدين الرومي يفيدج هههههه

" اه اسيل شسوي

" الي كتلج عليه

بضجر
"اوف باي

وسدت الخط بوجه اسيل الي ضحكت على جذبتها اذا صالح يباوع لوفاق هههههه يلا كذبه بيضه حتى هاي الثوله تتحرك وما اضيع الرجال من ايدها..

رجع صالح متأخر الان جان عنده عمل بعد ما علم وفاق درس ما تنساه  دخل وهو ما يعرف ليش كان قاسي جدا مع وفاق وهذا مو من طبعه لكن دموع وهج افقدته صوابه ..

من وصل للصالة شافها كاعدة وحانية ضهرها على ايديه الي ثانيتهم على حجرها واتباوع اله بنظرات كأنها  سكاكين

"السلام عليكم

ردت السلام بحده

"وعليكم السلام .وين جنت صالح
" نعم !!!!

" " وين جنت صالح

اهنا وكفت كدامه وهي على نظراتها

رغم هو مستغرب سؤاله ... يكره اي احد يسأله لكنه جاوبها ببرود وهو يخطف من يمها

" عندي اعمال

" اها

التفت عليه وباوع الها  بحده من التمس الاستهزاء بصوتها

وهي عدلت وكفتها بعد ما جانت متخوصره ..
وتركها وراح لغرفته ...

وهي نار وشبت بيها من اتهرب من سؤالها
...
حمت عليه كلش وانوب كلام اسيل يموت شنو يسوي  من يلتقي مع وحده اله معرفة بيها سابقه ..
راحت تركض

فتحت باب غرفتة حيل ودخلت  علية بدون استأذان وانصعقت على اطرافها اجمدت على اصفر وجها من الخجل والدم كله نشف من شافت كدامها صالح وهو هم انشل واعيونه الخضره ذبلت وجفل من شافتة وهج وهو خالع ثيابة !!!!!
ابسرعه سدت الباب وشردت لغرفتها وقفلتها على روحها ، من الفشله ضمت نفسها جوة الاغطية وحطت المخده على اعيونها حتى الي شافته ينمحي من مخيلتها ، بليلتها نست  الغيره  ووفاق وضلت كل ساع تتذكر وتحمر اخدوده من الخجل العذري  .  هو مكان مفتول العضلات بشكل رياضي  لكن جسمه كان مربوع على نحيف وعنده خصر نحيف  وصدره عريض بيه الشعر الاسود الخفيف جانت معالمة الرجولية طاغيه وبشده كرجل في بدايه عمر الاربعين، جان رجل صلب مفتون بكل مقومات الرجال الحقيقين واجمل شي حبته وهج هو خجله هذا ،  ما  يدل على انه الاخر ما عارض جسمة على النساء مدام الحياء موجود ..  ساعة تضحك ساعة اشيل هم اشلون  باجر اشوفه .

اما صالح كمل لبس كان عاري الصدر من دخلت عليه وهج فقط شورت رجالي  هاي العفريته رجعت لجنانها ليش ثايره اليوم .. ابتسم بخفه وهو يذكر نظرتها اله اول ما دخل البيت او اشلون هجمت عليه مثل البوة الهايجة ..

الصبح كالعادة هو ماهو وهي اتعمدت ب 9 الا طلعت حتى تتأكد هو ما هو بالبيت

 
على الموبايل خابرت اسيل بيومها محبت اتروح للدوام

"اسول اختصري

"لازم اشرح الج بالتفصيل

"اوف رصيدي يوشل

" فدوة الي

و ظلت اسيل اتعلم بوهج اشلون اتحاول تغري صالح واتقربه منها اكثر واكثر 

"عااا كافي اني من كلامج خجلت مااا والله اخاف اني اصلا من موقف الغرفه ومن شافني نايمه اتمنيت الموت ولا رفضه الي

"لج عوبه اذا هو ما شايف مفاتنج اشلون ما يرفضج ، والله اي رجل يوكع لو هسه مدري منو

" اوف شسوي معندي خيار ثاني

" ومثل ما كتلج نبره صوتج غيريها اشويه اتماوعي  اوي و ياي ومن هذا الكلام

مدري ليش اتذكرت وهج اول ما وعت على الدنيا فعلا كانت تحجي بهذا الاسلوب لكن اشلون اتغيرت الى اكثر جديه ورزانه
ماتدري ذبذبات شخصية بيرتا جانت مسيطرة عليها ومحاها صالح بيده ....

اجتها بيومها اسيل واخذتها وأشترت الها اثواب مثيره  .. لكن وهج عجبها ثوب من غير ما اشوفها اسيل اشترته ماتدري ليش اتخيلت نفسها  مع صالح وترقص اله بالعراء مثل الرؤيا الي شافتها ..

واجه الليل ولبست وهج احد الثياب الي اختارتها اسيل الها جان لونه احمر بلون الدم
طلعت كأنها  غجرية بيه ، جان من فوك مفتوح ضاهر صدرها ومن الوسط حصر مبين شده خصرها واسفله هم  ، وطويل وعريض من جه ركبتها ومفتح من جوة، حلت شعرها وخلت حمره، جان صالح طالع  حضرت اغنيه لحاتم العراقي جانت صاخبه حتى اول مايدخل اسحبه وتركص كدامة مثل ما علمتها اسيل وكل ما يتقرب وقت جيه صالح الارتباك يزيد على وهج  ... بعد نص ساعة دخل صالح ...وشاف الي شافة

يتبع