رواية مولانا العاشق الفصل الرابع والثلاثون 34 - بقلم زهراء العراقيه

الراوية

لا الناس تعرف ما أمري فتعذرني
ولا سبيل لديهم في مواساتي
يرسو بجفني حرمان يمص دمي
ويستبيح إذا شاء ابتساماتي
معذورة أنتِ إن أجهضت لي أملي
لا الذنب ذنبك بل كانت حماقاتي
أضعت في عرض الصحراء قافلتي
فبقيت أبحث في عينيك عن ذاتي

هي وكعت وهو لكفها  بحضنه بكل شوگ ولهفة ظمها  وصل  يشم  بريحته عنگها  بالواقع مو ملابس . !
طلع من ورة البناية وهي بين اديه
جانت نياز تضحك وية غيث ومن شافت بيرتا
"يا شصاير
ما رد صالح وراح للشقة شايلها و ونياز وغيث خلفه وكبرئيل يمشي يمة

فتحت باب الشقة نياز دخل صالح وهي بعده و غيث ظل يم الباب ما دخل
دخل بيها صالح لغرفتها وخلاها على السرير

رادت تدخل نياز
"اشبيها بيرتا
رد ابسرعة
"ما بيها شي مجرد اغماء بسيط
وسد الباب بوجهة !!!!!

رجعت للصالة نياز صافنة على  غرابة الموقف
بوراها اذكرت الرجال الي واكف برة .. طلعت شافته منتكأ على الحايط ويدخن ويدندن  بصوت خافت التفت شافها واكفة
" اهلا اتفضلي
وقدم اله جكارة
"مادخن
بس ليش مادخلت !!

" هههههههه شعندي داخل صالح و زوج اختج اني شنو موقعي بعدين اخاف نزعج الاخ نزار

همست
"نزار!!
وبينت عليها الضوجة ..
،

جان حاط ايدها على خشمة يتنفس مسك جسدها قبل لا يروح، جان يريد يشبع ريتة بس لا أنفاسه شبعت من ريحتها ولا عيونة قرت بشوفتها ما اخذ اكتفائة .  باسها من جبينها مرة ثانية وظل منحني عليها وهو يتنفس عطر شعرها و سحره ..........
بصوت شجن
" اول مرة اغمى عليج ياوهجي حبا بية من قربي  بس هالمرة أذيتني من وكعتي خوفا مني،،
تنهد مغتصب الصبر والتماسك .وكمل

"على كل حال اتمنى ما يغلبني شوگي ويجيبني الچ زاحف !!
طلع صالح من الغرفة
كال لغيث الي واكف يم نياز يسولف
"يلا بينا ...
.،،

بعد اشويه من الوقت فتحت اعيونها وهج شافت نفسها على سريرها
ابسرعة كامت مفزوعة
"وينه وينه هذا خطفني نييياااز
اجتها انياز تركض
"اني اتعرضت للاغتصاب اغتصب عذريتي هذا الداعشي ااااه
ولزمت راسها متألمة
ثنت ادية على صدرها نياز وكالت
" يا عذرية ست وهج اقصد بيرتا انت زوجتة بعدين منو هذا الي خطفج محد اجه !
كالت ممصدكه
"شنو !!!
وكفت کدام نياز وكالت متعجبة
"هذا الشيخ الي اتكولين زوجي اجه واخذني

" يا انت حلمانه ديلا امشي نتعشى امشي

مشت ورة اختها وهي قربت تتخبل
"لج من وكفنا ننتظر كيكوا هو اجه واخذني !
ببرود مستعار ردت نياز
"محد اجه واحنه مانزلنا وانت نايمة وتوج صحيتي

اشرت بسبابته وكالت
"جذابة ...
وراحت لكيكوا
" اكلك مو اجه هذا ابو لحية وخطفني
"شنو مافهمت
"عاااا انت هم رح اتخبل
نياز "حبي انت حلمانه يلا ناكل 

وطلعت مع اخوتها الي يضحكون بصمت على شكلها ..
كالت لنفسها
"هذا كله حلم . همزين عاد اوف حتى بالحلم مرعب   !!!!!

بطريقهم ل اي فندق
جان يباوع من جامة السيارة وصورة وهج كدامه وهي مطروحه بثوبها الاخضر وهام بخياله وكال
عجبا لهجرك ياحبيب الذات
من بعد عشق ذوب الجمرات
وصرت اهفو لوصلك هائما
لاجل حبك وجهت مساراتي
ومالقيت سوى جفاك مكابرا
يسمو  كجاهل  وأد البنات
ابتسم غيث وراقت الة كلماتة من يهيم ولا اروع شاعر..

؛

كعدت بيرتا الصبح وهي كلها أمل اليوم تخلص من كل الي صار بيها من قصة زواجها ومن هذا الرجل الغريب و واضح هي بدت تنسى بلال . ياترى شنو صار بيه !؟
ماتدري بيه ماجر شقة بالعمارة المقابيلهم
ماتدري ليش عدها رغبة تعرف أخبارة . دنكت على مداسها لبسته وراحت للحمام . ومن طلعت بدأت تلم بملابسها الي البارحه شمرتهم من رجعت من الخارج . التافت للجهة الثانية مال سريره شافت شي اسود مرمي
" هاي شنو !؟
شالتها .
"جاكيت رجالي
اهنا اجه ببالها صالح من حطة عليها البارحه ....!!!

جانت مكة ابنها بحجلتة واخوها هم كاعد ياكل  ونزار يلعب بتلفونة ويشرب جاي وياهم على ميز الطعام ..

" كلتو الي حلم موووو لعد هاي شنوو ؟؟؟؟؟؟

وكعت  قطعت التوست من ايد نياز وارتبكت
مابين مبتسمة بالشعور بالذنب من جذبتها ومابين متعرف شنو اتكول

كبرئيل " هاي مال نزار

"لا عيوني مو مال نزار
كالتها بثقة
بين ما انياز اتباوع لكبرئيل الي اضاهر عجبة الكذب وكالت مجبورة
" اي لنزار  اشجابها عندج !

"ههههه ضحكتوني نزار نزار انت من اشوكت
تحمل كتاب اصغير وياك مثل هذا . !؟ 

وطلعت قرأن صغير جان بجيب السترة !!!!
غصت بالجاي نياز واجتها نوبة ضحك طويله
وكبرئيل كام اخذ القران والسترة منها بعصبية وحطه بجيب السترة واخذها ودخل لغرفتة؟
،
وبيرتا اتخوصرت
نياز " اشبيج اتباوعين الي هيج اني شعليه زوجج واجه يشوفج.

نزار عرف راح اصير عركة كافي عليه همومة  اخذ مفاتيحة  وراح طالع من الشقة اما كيكوا علق الجاكيت بحرص بكنتورة بعد ما باسة وسدها واخذ طوبته ونزل يلعب جوة افضلة
من عركة بيرتا

" عيوني يعني فوك ما ورطتيني بهاي الزواجه اجيبي لهنا يزعجني اي ليش !!!

نياز " وجع خرعتي الطفل شالت طفلها خلته بغرفتها ورجعت لبيرتا ووكفت كدامها

" اني شعلية هاااا
علت صوتها بيرتا حيل
" لج اني مريضه مو بعقلي
واشرت على راسها
"هذا الدماغ مطان بمكانه اشلون ازوجوني

"هههه انت الي شردتي الة، انت الي حفيتي وراه حتى الرجال مجان يريد ،،بس انت جنت اتموتين عليه

" وانت شكو ادافعين عنه وبحركة

هدأت نياز من حدة كلامها وردت
" بيرتا انطي الرجال  فرصة و يسوع اذا عرفتيه راح اتحبيه اكثر واكثر ..اني اعرفج

بيرتا وهي اتمط بشفتها بستهزاء
"اهه مو جنتي تتعاركين وياي لان احب مسلم

" لج يا بلال هذا ثقي حببني بدينة وبالمسلمين اجمع لج لا اضيعيه من ايديج

بيرتا  طانت قافلة عليه كلش وعقلها مدا يستوعب اصلا هي طانت مرتة بيوم من الايام

" اكو ناس ما احبهم من اول نظرة لكن هذا ما اعرف ليش لا احبه ولا اكرها  بس اخاف منه صدكي البارحه اغمى عليه بس لأنو اتقرب عليه وباسني

ابتسمت نياز بخبث ونظراتها صارت لعوبة

"ليش هو يعرف يبوس ؟ اويلي هم متدين وهم عاشك عبالي بس يصلي اوف لو اني انت

وكعدت على القنفة تتمضحك وهي تتخيل هذا الرجال الوسيم..... ما منتبها لاختها الي راح ترتكب جناية بيها هسه وهي متخوصرة وتهز برجلها حيل
باوعتلها نياز بنظرة خطافيه وكالت "شنو جان طعمها
صاحت بيرتا بعد ماكدرت اسيطر على اعصابها

"لج انت مضروبة براسج هااااا اشحده يتقرب عليه هااا  .

"يا انت مو كلتي وخليتي هرمون الانحراف يسري بدمي

"لج هذا الوحش المريب باسني من كصتي يمكن وبعدها ما حسيت بشي

"ثوول حتى ثول

" ثول يثولج لج طلكيني منا خلي نزار يساعدني ويرفع قضية عليه اذا ما يقبل

اشبيج صفنتي الووو نياز  .دا اكلج خل نزار يساعدني

نياز " منو يساعدج ؟ ههههههه ضحكتيني

"هاي اشبيها

" ما بية شي بس لمعلومج نزار مفلس على الحديده

رمشت بعوينها وكالت ممستوعبة شي
" شنو انت ما تردين تساعديني  صدكي ارجع الكم كل فلس اصرفوه

"هههههه منو وين يمعوده انت اضحكين على نفسج كلشي مراح اترجعين

"من اشتغل

" ههههه يادوب الي تاخذيه يكفيج

" هيج صارت يعني تتخلين عني

' يووه لا اتخلى ولا شي بس نزار انسي موضوعه هو اني غاسلة ايدي منه .

ضاجت بيرتا من موقف اختها ليش ما اتريد اساعدها ليش دوم تتخلى عنها اوووف دومها قاسية وياها  شنو بعدها اتغار منها.!؟؟؟

....ومرت أيام ....
كان كاعد صالح بوسط اطفالة واخيرا كدر غيث يطلعه من البيت وطلعاته الغريبة . من سمع باحد الأولاد مريض اجه لكن ما كو واحد بيهم مريض وعرف هذي كذبة من كذبات غيث الي يدعي هي كذبات بيضة !

..
كانت تحجي  بالتلفون وبيرتا تتصنت عليها

نياز " والله حقج علينا
" اي حبي بيرتا صعبة
ها لا ما اعتقد الها رجعة لبغداد اتعرفين بوضعها
اوك راح انطيج سنابها الجديد
والله بعدها شالعة كلبة للرجال .
اي  حبي اسولة . مع السلامة .

اخترعت نياز من التفت رادت تطلع من المطبخ وشافت بيرتا وراها

" منو هاي اسولة

" اعز صديقاتج من جنتي وهج

"اها وعندي صديقات

"اي وياريت تحجين وياها خوش ابنية

"اوك عود بعدين  اريد اقص شعري . يعني بس سلفيني كم فل..

نياز " صدك تحجين ماعندج ولا فلس !؟؟؟

حكت باديها وكالت
"ممم لا معندي حوبي حبابا
" لج اني عود اريد اخذ منج طلعتي امفلسه اوووف امنين اجيب هسة اني

"يا اشبيج شنو نزار وين راح ما تاخذين منه

هزت بيدها بستخفاف انياز
"شو اسكتي انت

؛؛

بين النايمة والصاحية بيرتا وسمعت اصوات عراك ..كعدت شافت اخوها باسبع نومة واصوات نياز ورجلها عالية . طلعت ..

نياز ' روح منا روح لربع خل يفيدوك

"لج تعاي كتلج محتاج  وسحب سنسالها من ركبتها وهي ظلت اتحاول  تاخذه منه الى ان دفعها على الارض اذاها

بيرتا " لك انت شنو

ووكومت اختها من مكانها

"سكتي انت فوك ما محتملج !

بلعت ريكها بيرتا وصارت غصة بكلبها بس ماردت عليه وخرت نياز ادين اختها عنها وكالت

"انت فعلا ما تخجل اتعيرها وتدري كلش زين هاي الاشهر كلها الي كعدتها يمنا هي الي تصرف عليك وعلى ابنك يا عار بعدت شقة بغداد وصرفتها على اقمارك.

عصب كلش نزار من كلامها
" اني عار يا ثولة . تعاي

وسحبها من شعرها وصار يضرب بيها بقوة جان فاقد بسبب افتاقده للمشرزب ذب ظيمة كلة بيها وبيرتا اتحاول اتبعده ما تكدر اهنا صحى كبرئيل من شافه هيج شال بطل مشروب فارغ من المعرض و أراد يضرب بيه راس نزار
لزمت ايدة اختة

"لك انت شسوي

طبعا اهنا صياحات نياز من الوجع عالية
ما صبر كبرئيل دفرة على ضهره حيل برجلة
كام نزار عن نياز وراح لكيكو ضربه حيل مهما يكن يبقى رجل و كبرئيل ولد.
اما بيرتا اضرب بضهر نزار يعوف اخوها ونياز تمسح الدم عن وجها ...

الصبح ..
كبرئيل يبجي  ..كام من سريره وكان تعبان طول الليل ما نايم . طلع جاكيت صالح وحظنة كأنه يبجي باحضان هذا الاب الروحي . اما نياز بغرفته تبجي وحايرة بوضعها ... وبيرتا كاعدة وطافح الكيل اتريد صرفه وتطلع من العراق بس مو وحدها لازم اخوتها وياها. لكن الاحلام ابد.ما تحقق وانتي نايمة على سريرج وتتأملين كذا شي لازمها اصرار وأرادة وسعي ، كل هذي الامور ماتعرف اشلون تبتدي بيهم بيرتا

....
بمكتب الادارة في المعمل كان كاعد امام مكتب غيث

صالح " فعلا احنه بحاجة الى سيولة
غيث حك كصتة بحيرة وكال
" والحل يا خال
ضل يحك بلحيتة وكال
" اضاهر بيع ارض المنصور اثر علينا

"اكيد يا صالح وياما نصحتك بمثل هذي الأزمات  احنه جنا نرهن الارض وانفك الازمة . اهه وازيدك للشعر بيت التبرعات الي تجي لمراكز الاطفال بحالة تردي جنا نسدها من الربح اذا قلت المساندات !

تثاقلت الهموم على صالح
"اكيد راح اصرف انت بس سجلي المبلغ الي بحاجتة
"راح تداين او تاخذ قرض ؟

"القروض للمحتاجين يا غيث هي دولة بحاجة وقفتنا مو ندين منها ..

"لعد؟
" على الله المستعان .. في امان الله
...
نزل من سيارتة كدام بيتة القديم اراد يودعة قبل لا يعرضة للبيع !!!!

باوع للخرابة بحزن و هو يتذكر حيطانها قبل لا تنهدم و طيف بنتة يلوح الة بوسطها

" من باجر رأح يختفي اثركم

عتف المكان وجان مرتاح حيل عجيب اثاري اكو اماكن لذكريات آليمة تطيب بعض الجروح،  اذا اتخلص منها صاحبها ،،،،من باجر راح تتنظف القطعة من اثار البناء والخرابة تنشال حتى يعرضها للبيع
؛؛؛
بعد فترة

خابر صالح غيث وخبرة هو اتصرف

"بس كول من وين جبت المال !؟

" اكول  غيث هسة مشغول بعدين اتصل بيك

" الو !! الو !!!

الساعة ب12 بالليل الا رجع صالح للبيت . شاف سيارة غيث كدام باب بيتة
انحنى صالح على الجام ودكه
باوعلة غيث الي كان كاعد بسيارتة  و يدخن . طفى الجكارة ونزل ورد بيدة الباب

" وين جنت صالح قلقتني

"اعتقد انت مو زوجتي !

"ههههه خالي انت الي يرافقك عمرة خسارة . تعال فهمني يلا .

دخلوا للبيت
؛؛
كال بصوت قلق غيث ما مصدك
" بعت البيت !!!! صالح انت تحجي صدك  ترة اعصابي تلفت

" اقصد الخرابة يا غيث بيتي السابق

تنفس بأريحية
"اهاااا تدري نسيت أمرة وانت هم كلت بعت بيتي كل ظني هذا البيت

تهند صالح بأسى
" يا غيث هذا وطن امي .... اكو واحد يبيع وطن امة ،

" اي خيرا ما فعلت يا صالح . بس ليش هالمرة ما كلت الي

" ما يحتاج كافي عليك المسؤوليات  الي على عاتقك ..

رجع على القنفة بأريحية غيث وكال
"تدري مرات أسأل  نفسي لو ماعندي خال ثري مثلك . هسة شنو وضعي ، انتظر كل راس شهر الراتب ويخلص اول ثلاث ايام  ههه جنت هسه ما اكدر  على شراء حتى ملابسي
وحرك طرف جاكيته  بايدة يضحك وية خالة الي رد علية
" كول لو خالك  ما عند امي ثرية
ابتسم وكمل
"جان هسة خالك شايل الناي ويسرح بغنامتة

"هههههه بهاي لحيتك ما يرهملك الراعي . مجدي باب المعظم هههههههه

ضحك   على مداعبة غيث اله ..

" اي اضحك يا خالي الدنيا ماتسوة

"صدقت

....
جانت نياز مسوية جلسة غسل مخ اجتها بالكلمة الحلوة وبالعين والاغاتي لاختها حتى تقنعها

"اي يا بيرتا شنو كلتي

"ما اعرف ما اعرف

" لج فكري

" لج والله صعب صعب

" انت اذا رجعتي لزوجج مشاكلنا تنحل واكدر اطلك من هذا نزار ومو بعيد هو يساعدني ويشوفلي شغل اكدر اربي ابني بعيد عن نار ابوه
حبابه فكري بينا

"اااه ثقي ما اكدر ما اكدر اعاشر واحد مثلة لج انت انت ما اشوفيه اشلون شكله

جانت تحجي واتاشر على نفسها بحركة

"لا لا نياز ما اكدر ازوجة مااكدر

"ادري لزكتي بماكدر .. انت زوجتة شنو ما اكدرين تزوجيه ؟

" لج كلشي ما اذكر اشلون اكون زوجتة هااا بعدين صعب صعب

"ليش صعب يعني لأن  من غير ديانة عادي انت اصلا مو متدينة ومتأكدة بس تزوجيه اقصد اترجعين اله راح يأثر بيج تلقائيا واصيرين مسلمة ومو بعيد تتنقبين

وسعت نظرها بيرتا على اختها
"جنيتي ؟؟؟

واشرت بيدها بحركه على عقله بمعنى اتخبلتي

"اني هيج تافهه

" واكبر تافه هم لا اسوين نفسج 24 بالكنيسة انت من اتعمدتي لليوم مداخله هههه

"لا دخلت بعرس بلقيس وبعرس سوهان وبعرس

"كافي كافي اي حتى اتهزين وتتكشخين علينا
هاي السوالف
ما علينا هسة .
انت مو جنتي عادي عندج تزوجين بلال وهو مسلم شنو الفرق

"عاااا شنو الفرق بلال صح كان مهذب وملتزم لكن مجان متشدد وشاب يلبس مثل الشباب مو هذا يخوف .

" اصدكين اذا كتلج صالح اقل تشدد من بلال . وارجل منا بعد

رجعت كعدت بيرتا وصارت اكبال اختها

" ثقي حبي مثلة مراح تلكين .
همست
"ليش هيج واثقة
" راح اصارحج بشي بس لا اتعصبين
"كولي
الفضول اشتغل عند بيرتا
" مصاريف كبرئيل والمدرسة الأهلية  ومصاريفج وحتى اني اصرف على روحي وابني من نفقة صالح عليكم
رجعت وكفت بيرتا  منفعلة

"شنووووووووو

"انت انت انت اشلون اسمحين لروحج هاااا لج واني وين كرامتي من هو يصرف علية واني ما اريدة
هزت اختها من امتونها
"كافي عوفيني اشبيج جنيتي وشنو تفرق عندج  نزار لو من صالح هااا

"لج تفرق اني ماريدة ماريده اشلون يصرف عليا

"اههه  واني هم ماريد نزار وهياتنا كاعدين بشقتة

كعدت ولزمت راسها حسته راح ينفجر . اتقربت منها نياز وكالت برقة

"فكري باخوج الي من ينام يحط جاكيت صالح يمة ارحمي يتمة واخذي وياج وخل يرجع وياج لبغداد
صاحت منفعلة
"انت شنو اتكولين هاااا
' بيرتا تدرين انت لو ما صالح جان هسة تحت التراب

"كافي عاد
"احجي صدك ما اشاقة اتعرفين المبالغ الي انصرفت على حضرة جنابج لج ايام وليالي هو مساهر وياج اهناك بالغربة

"شنو

"مجان يقبل اكول الج حتى لا يزعج جنابج او ينجرح شعورج من اتعرفين الي ما اطيقه هو من راعاج ورجعج النا

"ااووف كافي كافي

"فكري بينا بيرتا  اذا رجعتي كلنا اسحبينا وياج . باوعي لوجهي المورم الله يخليج

باوعت لاختها بعتب وكالت

" واني لج مااكدر اعيش وية واحد ما اعرفة لج اتعرفين شنو يعني ازوجه

" ميخالف اتنازلي على مودنا

"شنووو انت فعلا انانية على حسابي

" لج فكري بينا كلنا مو بس اني حتى انتي عاجبتج هاي العيشة

""يووه كافي عاد . كلمن يدبر حالة اني اصرف واعيل نفسي وانت هم شوفيلج صرفه لا اضحي ولا اضحين  اوك ...

يتبع

مساء الفل اشلوووووونكم حيل مشتاقة الكم كد شوك صالح للعفريتة اليوم يم اهلي وكنكت وكلت خل اذكركم بكم بارت اليون حنشر اكثر من بارت بس اريد منكم على كل بارت تتفاعلون