رواية مولانا العاشق الفصل السابع 7 - بقلم زهراء العراقيه

صالح
امشي بالمنطقة ما تركت فرع او دربونة او شارع  ما بحثت عنها بيه، طبعا اهنا ابو الدمام (المسحرجي)
بدا يدق على طبلة ويفتر  بالأزقة وكفت يمه وفركت صدري تعبان  حيل من اليوم المطول يمكن الليله القبلها نمت  ثلاث ساعات ولهسه ما ذايق طعم النوم.. إيست كال خل ارجع من حيث ماأتيت مشيت وهم وراية طريق طويل.وكانت اعيوني تتفحص الطرقات حتى اذا موجوده اشوفها . 
سألت نفسي ليش اني أحساسي يكول هي تستحق المساعدة و بعد  ما تركتها اتروح وخلصت منها صوت قوي بداخلي خلاني اندم وأبحث عنها .

جائز الله عز وجل عنده حكمة ورساله من عثرة عليها اني من دون الناس . وكفت بمكاني الفكرة الي طرت علية هسه خلتني   أصرف نظر عن موضوع الرجعة للبيت وبدل من أن ارجع أرتاح وأسحر رجعت انجرف بالطرقات أبحث عنها

.
بيرتا
تعبت من الوكفه  يم الباب ومن مر المسحرجي من يم بيت الشيخ ختلت  خلف شجرة الرول

((الي زراعها صالح من فترة طوويلة حتى  تظلل الاطفال تحته))

وكل ما يمر احد أتخبى لحد ما اقدامي هاجن عليه من الوجع تأففت من حظي البائس اعرفه هذا اذا طلع مايعود الا بعد ساعات..  خفت لا يطلع الضوة عليه وما يجي اووف  مع هذا  خليتة براسي  ما اتركه الا بعد ما يساعدني مبين عنده نفوذ ويكدر يساعدني.   اووف بس  هو شيخ ومتشدد اخاف ما يقبل اووف هسه اني شخسرانه اكيد مراح يقتلني اقلها اذا عرف مسيحيه يطردني ع الاقل اجرب بلكت يشوفلي شغلة شريفة بدل الضياع الي كنت بيه
ضياع ..يا غبرة مو انتي ضليتي  اتحلمين بالشهرة والمال اههه
اوووف اني تخبلت رسمي الوم نفسي
تعبت ....حيل تعبت

الراوية

بعد مرور ساعة.. 
ما رجع الشيخ بدت تسمع صوت المؤذن يصيح أشرب الماء وعجل..  كالت خنب حظي هذا اكيد طلع ياكل بشي مكان ويسحر ويمكن ينام برة.  شنو الحل!؟  باوعت  للحاوية مال بيته. و اجته فكره غبيه وراح اجربها هي تعرف تمشي مثل عارضات الازياء بتألق أي؛ تعرف ترقص اي تعرف ترقص على الجليد هم اي لكن تعبر حياط لا ؛ قررت تطفر على بيته واذا الباب  الداخلي مغلق ع الاقل تنتظر بالحديقه... 
جابت الحاويه الصغيره.....
وصعدت عليها
"اوي لا اطكين ترة اني وزني ريشه اووي اهنا شافت ظل شباب يردون ينحدرون ع الشارع الي فيه بيت صالح كبل نزلت وختلت خلف الحاوية بعده رجعت اتريد اتنفذ فكرته.....

راح للسوبر ماركت مسرع اشترة بطل ماي و بطل عصير وجبن وصمون وجلس على حافه الشارع ياكل..
خلص اكل بعده اذن الاذان وهو وراح مسرع لاقرب جامع يصلي.  هو كان اول سحور رمضاني يقضي عباده وصلاة مستحبة وتراويح منا من يأذن.  هسه قضاه بالشوارع مثل الشريد...!!!!

رجع للبيت بعد ما أيس وشعر بالذنب اخاف كانت اتريد تهتدي وهو رجعها من اتخلى عنها للطريق العاطل..  كان الجو بدى يكشف والشمس اتريد تبزغ   .. حط المفتاح بالقفل فتح الباب لاحظ الشرشف الي اخذته معاهها بيرتا ساقط على الارض يم الحائط

ترك الباب وراح شال الشرشف وضل يتلفت يمنى ويسرة مشى خطوتين للأمام وبعدها رجع للخلف وهو يتلفت هم ما شافها  فتح الباب ودخل وبيدة الشرشف ومحتار بأمرها معقوله هي رجعت رمت الشرشف لأن اله ورجعت راحت؟؟
سد الباب وبدى اله هذا الامر مو منطقي كان رمتة من البداية.  معقوله انتظرته وراحت لو أصابها شي؟ يا الله اعني على ما أبتليتني فكري وجسدي تعب والسبب هذه المجهوله.  راد يدخل للبيت.. لكن من رفع راسه للسما مناجي الله عز وجل أن يكون راضي عنه وما غضب عليه لان رد إحد عباده
رجع نزل راسه واهنا لمح على يمنته
المنظر وحده مريب للعقل.  ركض اله ما مستوعب الي صار اله.  كانت ساقطة على الارض ودماء طالعة من راسها وجسمها مكشوف.. حط راسها على قلبها ولزم وريده  ابسرعة غطاها من غير وعي منه بالشرشف وشاله حط بسيارته وركض من عرف بعدها تنبض الحياة بعروقها .

رغم ان المشفى بعيد  عليه لكن ماعنده حل لازم ياخذها الها لان مايكدر ياخذها لأي مشفى غيره لان ببساطه محد يقبل يعلاجها من غير مستمسكات وخاصه هي حالتها مو طوارئ لا مبين خطيره.لهذا اخذه للمستشفى الخيري الي هو أحد المساهمين و الممولين فيه ......

حس بالأسى من الطبيب خبره بحالتها...
الضربة كانت قويه على الفص الصدغي من قشرة المخ و الفص الامامي الجبهي من المخ  لانه من صعدت على الحاوية وكأنها  الرجل الوطواط رافعه الشرشف صعدت على الحايط رادت تصعد عليه وعلى مهلها اتحاول تنزل واذا ماكدرت ترجع للحاوية لكن انزلقت قدمها وسقطت كلها على  ضهرها على بوري مال حنفية قديمة نافيه الشيخ وتارك البوري القديم  وسقطت واتذى راسه ما اكتفى بهذا الشي القدر حتى يمحو ذاكرتها سقطت على جبينه طابوقه اتحركت من عثرت هيه  ... خلت الطبيب يؤكد اذا طلعت سالمه  وصحت  تصحى فاقده للذاكره!!! 

بعد مرور أيام..
تركها الشيخ بالمشفى مع فائق العناية..  وبين يوم واخر يزورهها ويدعي لها بالشفاء واتكون الاحتملات خاطئه..  وطولت كم يوم غيبوبتها

'
بعد ايام

دخل للغرفة الي يرقد بيه جسد ذيج البنت  طبعا هو لا خبر شرطة ولا اي احد بموضوعها وحاول يخليها سر والسبب هذيانها من اول ما لكاهها عرف هي متورطه بشي وخاف لا اتروح بيها البنية. الاحسن هو يحافظ عليها لحد ما تصحى.  
اه هو بس لو يعرف ليش جاي يحاول يقدم اله كل هاي المساعدات هاي بغداد والعراق مليان عاهرات ليش هاي مايكدر يتخلى عن مساعدتها كل ما راد؟ .. 

سحب كرسي وجلس يمها. كانت ملاك مطهر بثوب المشفى الابيض وجها كان مثل جلد الوليد  شفاف وشفاها مزرقه  لكن شعره كان بعده متوهج بلونة الاحمر.   كانت مثل فينوس بملابسها البيضاء إله العشق والحب...
بدة يرتل أياته مبعد جميع الافكار الي في باله.ودعى الله ينجيها اذا كانت صالحه وتستحق الحياة ا و  ان  ياخذ روحها ويريحها من دنس نفسها بهاي اللحظه بالذات بدت اعيونها تنفتح..  واعيونة هو اتسعت من شافها اتفتح وتغمض...  اقسم على نفسه يساعدها.  هو يؤمن برسائل الله اله وهذي احد حكم الله من خلاهه بطريقه وبفكره ...

اجاها الكادر الطبي وهو وكف على صفحه.يحمد الله على  كل حال.
تركوهها ترتاح ... بعد ساعتين دخلوا اله وبيومها الشيخ ما ترك المشفى يريد يعرف حالتها شنو    ...

وكف يمه الطبيب من كانت هي صاحيه بس اعيونها على صالح من دون الحاضرين الممرضات والطبيب استغربوا نظراتها اله... 
الطبيب " انت منو؟؟ شنو أسمج؟
صالح صار يدعي الله اتكول اسمها.. 
حط ايده على حلكة واتوتر من يمه.. 
بيرتا باوعت لطبيب بهفوت بعدها  انتبهت على سؤاله عصرت اعيونها بقوة من كرر عليها السؤال.. اتحاول تتذكر أسمها.. لكنه ما توصلت لشي..
صالح " انت شنو اسمك
كالها بنبرة ترجي. اشلون يكدر يساعدها اذا ماتعرف نفسها؟؟
" ما اعرف
باوعت الهم بحيره.. من نفسها 

ما ضغطوا عليها حتى ما تنثار اعصابها

..............بعد ثلاث ايام.................
صحتها كانت عال العال ولازم تخرج من المشفى بس وين اترووح؟؟
وين ياخذها صالح؟؟؟
  كان هو صارله يومين ما شايفها لان عنده مشاغل وهي غارقة  بغربه عقلها . عن هذا العالم الجديد..

اول ما شافته دخل اعيونها برقن.. .
"السلام عليكم اشلونها اختنا
اتربعت على السرير وكالت..... اني بخير انت ليش عفتني؟؟؟
"اني واشر على نفسه شنو تذكره هي؟؟
" اي اهئ خليتني اهنا وحدي
ونزلت راسها وكالتها بطريقه كسرت خاطره
"عفتني وحدي..
" انت اتعرفيني منو..
"اي.. 
" منو؟
" الي طلعتني من الحفرة
قرب الكرسي عليها وكعد.وكله انصات والاهتمام طافح من وجهه
"اي حفرة؟؟؟؟
سكتت
الح مرة ثانيه

" أي حفرة؟؟؟؟؟ من وين طلعتج اني .

حكت وهي منزله راسها وبديها ترسم دوائر خيالية على الشرشف
" انت طلعتني مناك وما خليت الكاع تبلعني
" وين مناك
باوعت اله وشافته اشلون بالغ من الانتباه ذروته
ويلعب بلحيته بس يريدها اتكمل
ابتسمت من شكله وكالت
"  اي شنو نسيت انت طلعتني وجبتني لهنا
"من وين طلعتج؟
ردت على سؤاله بسؤال
" شنو اسمك؟
رجع على الكرسي وانتكأ  عرفها ما شايفته بهذا العالم

"اسمي صالح...
" واني؟؟
هز راسه بعدم معرفه
" من اعرف اني الا اكدر اجاوبج
"اشوكت تعرف
" العلم عند الله
"منو الله
اهنا صفن بوجهة..  كانت اتباوع اله ومن كثر البرائة الي بوجهة كأنه طفله ..

ابتسم  يمكن هذا احسن الها رجعت مرة اخرى ورقة بيضه كما خلقها الله اول مرة    ... ويمكن رسالة هو يمليها من جديد...
" راح اتعرفيها منو لكن بالوقت المناسب

عرضوها على طبيب نفسي واكد الهم أن حالتها جيده بالنسبة لبعض الحلات فهي تذكر كيف تكتب وتذكر بعض الاشياء البسيطه لكن ما تذكر كيف اتعلمتها؟؟

واجة اليوم الي لازم يخرجها بيه من المشفى ..
وقرر صالح الي الكل يشهد اله في بعض الاحيان بغرابة تصرفاته ياخذها لبيته..ويكمل الرسالة الي اجته. .. هو رجل جدا روحي و يؤمن بالعلاقات الروحية  وصدك بحلمها او هذيانها من شافته هو يطلعها....

بالسيارة
صاحت فجاءة
"صالح صالح
" نعم
وهو وملتهي بالسواقه
"هاي شنوووو واشرت على محل ايس كريم فيه تجسيم لأيس كريم كبيره
" هاي ديكور للمحل
" يعني شنو ديكور
" الديكور هو واجهة ومنظر جميل للأماكن
"يعني شنو منظر!!؟
ابتسم من كثره أسألتها هو هذا الانسان خلق عجول   وفضولي لازم يعرف كلشي عن أي شي
جاوبها وهي هم ما سكتت كل اشويه ومادة راسه من بين المقاعد لانه جالسه بالخلف وتسأل وهو يجاوب برحابه صدر. 

وصل للبيت ودخل بيه وهي بالسيارة نزلت وكانت لابسه الصايه الي لبستها بذيج الليله مال مرته وحطت الممرضه شال على راسها طالع نص شعرها منه. 
نزلت هي واتباوع للبيت الكبير وانذهلت من جماله
"  اني شصير منك؟؟
سد باب السيارة ورفع راسه للسماء طالب من الله الرشد.شنو يجاوبها هسه؟؟
"خل ندخل  ونرتاح وبعدين  نتكلم
مشت امامه وهي مسطوله
" اني دايخه
فتح.الابواب بسرعه
ودخلها لغرفتها طلب منها تنطرح اتنام وترتاح
راد.يروح هو
وقفته هي بسؤاله
"دخلنا يلا كول اني شصير منك؟
" انت كنتي ضيفه وبعدها صار الحادث  ماكدرت اعرفج انت منو
"اريد انام
" نامي
وراد يطلع
"وين رايح تعال نومني اخاف  وحدي  !!!!!!!

يتبع
منو بيرتا ؟؟وشنو جانت تشتغل برأيكم