رواية مولانا العاشق الفصل الثامن 8 - بقلم زهراء العراقيه

صالح
بانت علامات الحيرة على وجهي   من طلبها العفوي.. لكني ما استجابيت الها

جلست على الكرسي وهي على سريرها
مطروحه على ضهرها ومطلعه كفوفه من الغطا ولازمه الشرشف  ...
كنت  منتكأ ورافع راسي للسقف ومظلل   ايدي على  جبيني اول مرة احس بحيرة حول اي موضوع ...

الراوية

بصوته المثير والانوثي
"صالح

كان بسبات عقلي افاق منه ما مستوعب الصوت الي موجود بيته والطريقة الي أصيح أسمه بيها
.مشكلة أقتحامها لحياته راح تسبب اله صراعات مع الذات ؛ بالله النظر ويغض بصره عنه لكن صوتها هذا كيف يخفي اثر صداه المثير عن مسامعة...
من شافته صافن واعيونه على الكنتور وما جاوبها
علت صوته اكثر
" اهه صالح اشبيك ما تسمع ارجوك رد
جبرته يصغي الها من طريقة كلامها
بخشونه
" نعم
" اه اشبيك ضايج
"شنو تردين اختي
رفعت راسها وباوعت ممصدكة
" اني اختك!!! .........لعد ليش نكرتني  هاااا
" ما نركتك جميع المسلمات اخواتي مدام ما بينا وثاق الأقران
اتسعت اعيونها بعدم فهم ورمشت اله عدة رمشات
"مافهمت
" راح اتفهمين كلشي لكن هسه لازم اتنامين على ما احضر الك وجبة أكل
" ممممم اوووك تمام تمام  لكن اريدهااا مابيها شوربة مممم واريد ......  خبز اسمر و نواشف
ودارت وجها وغمضت اعيونها.. 
فرك اديه ويحاول يصبر نفسه على هذي المستفزة
بس طلع
صاحت
"ويين تعااال حباااب بس انام وانت بعدهااا رووووح..
رجع بقلة صبر حط الكرسي وكعد
" انت بعيد تعال يمي
"لا اله الا الله
قرب الكرسي  اكثر
'بعدني خايفه لا تجيني الوحشه
" نامي عندي اعمال
' اوك حنام بس تعال اهنااااا واشرت على سريرها
تنفس بعمق محاول يكتسب هواء يصفي رئتيه لان حس نفسه ذاق منها
" نامي واني ما راح اخليك اتخافين
" ما ما تعال بعدين شنو اخليك شايفني ولد !؟
" يا الله ....... راح انشد أبتهالات  واني بمكاني...
وفعلا هو ينشد بصوته الرخيم العذب كأنه عندليب حر وهي  دارت وجه عليه وبدت تغزوه بنظراتها المتفحصه.دتخزن صورته بالها...

اما هو بس شافها نامت.. اتقرب عليها غطاها اكثر وطلع  يحاول يعد الها اي شي لانها بعدها بوعكة صحية مو مال  يوكلها جاهز حرصاعليها
رن تلفونه وكان المتصل اخوه

" وعليكم السلام ورحمة الله وبركاته
اشلونك ابو  أكرم
"اني تمام بس انت وينك واشلونك

"الحمدلله اني بخير مدامك انت والاهل بخير
" ابو عائشة اليوم معزوم عدنا على الفطور تعال لا تتأخر

"هااا اجيكم اليوم
سكت صالح واخوه ضل يلح عليه عازمه على الفطور وهو ساكت مفكر ب الي عنده وين يوديها اذا طلع..
"تعذرني اخي والله عندي امور بالبيت لازم اتولاها
" شنو نوعها هاي الامور لا تكلي هم دراسات
ضحك صالح يعرف اخوه كلش زين كره الدراسه بسببة من كثر ما مشغول بيها عنهم
"لا لكن بعض الامور ما اكدر اطلع
" يلا على راحتك عاد هم زين من امور بالبيت مو خارجها
تنهد صالح وكال
" هالايام مشغول اخي اعذرني
وسلملي على الاهل وبالاخص ندى..
"هو اكو غير ندى اتلح عليه اعزمك
" الله وحده يعلم انها مثل بنتي
ودعه وانهى الاتصال

.....
ندى بلهفة "ها بابا قبل
" لا والله ما قبل هذا عمج مشغول
"اوف يعني بس بداية رمضان اجه عصرية وراح حتى ما فطر انوب حتى من انعزمة يكول مشغول
ابو اكرم
" اكيد عنده طلعه من طلعاته السريه
تنهد وباوع لبنته الي واكفة يمه وهو جالس على الجلسة وبيدة تلفونة كمل حديثه وياهه وكال
" والله خايف يتحول درويش نقال هذا عمج
راحت من يم ابوها
وهي ضايجة
ندى
"  اوف هسه لو بس قبل يجي

ابو اكرم" ندى كولي لامج اتحضر الفطور من وقت راح ناخذه ويانا ونكبس عليه اريد اشوفه بعد شنو حجتة
طارت من الفرح ندى وراحت لامها تخبرها بأن اليوم راح يرحون لعمهم...
وخابر ابو اكرم اخته واخت صالح هم اتجيب ابنها وبتها وتجي لبيت اخوهة صالح يلتمون يمه وما يتركوه بوحدته
 

عد الاكل كان عبارة عن تشريب دجاج و دجاج مقلي ابتسم من طلع بعدة يجيد الطبخ لأن هو  من كان بالجيش عسكري تعلم الطبخ من صديقه وكانوا دوم يطبخون سوة الان اكل الجيش ما ينوكل.
اما من كمل دراسات بالازهر في القاهرة  كان يعيش  ببيت صغير مع خمس اشخاص وايضا يلبي خدامات نفسه بنفسه.....لكن صارلة مده ما مجرب الطبخ يمكن من انهى دراسة لليوم. 

....
الاكل محطوط اقبالها وهي عاقدة جبينها واتباوع للأكل بعدم رضا..
كامت من مكانها.    وطلعت من غرفتها وهي حاملة الصينية شافته كاعد يقرأ قرأن
ما اهتمت لأنشغاله وكالت
"هاي شنوووو هاااا اني ما احب السوب وما احب الدجاج مقلي افضله مسلوق 
" صدق الله العظيم...
" اهذا جزاء تعبي معك
" شنو يعني  ...
تعاي اجلسي امامي وحطي الاكل يمي...
كعدت يمه وحطت الصينيه على الارض
" بنتي
"شنو بنتك هاااا ترة انت صغير عليه
" اقصد اختي
" مو كلت مو اختك
" يا أمراة
بشقاوة زايدة
" اني مو أمرأة
ابتسم بثقل ضاهر  اللطف الي بشكله الرجولي
"لعد شنو انت
" هاا  اني امرية
" يا امرية وما جزاء الاحسان الا الاحسان
"يعني شنو
قبل لا يجاوبها باوعت للكتاب الي بيده
" وهذا شنو تقرة بيه
" القرأن الكريم
" ها هسا يلا جوعانه شاكل..
"الي موجود
" ما احبوووا انا
" لهجتج اذكرني بشخص
"منووو
" صديق موصلي. 
"رجال انا اذكرك برجال    !!!!!
" نعم
"حلوووو؟
" الجمال جمال القلب
"يعني حلو
" قلبه جميل ؛ وشكله يشبه قلبك
"يعني يخبوول
" كان قصير القامه اشعث الشعر ابرص الوجه
"عاااا هاي شنو
كامت وكفت معترضه
" قصدك قلبي قبيح
اصلا هو عبارة عن شي احمر شفت صورة بالمشفى.  يعني مابيه حلو وقبيح

ابتسم بخفوت على تحليلها البسيط لوصفه.. وشال المصحف وراح يتحضر حتى يروح للجامع لكن استوقفته دكت الباب..
.
باوع الها وكال اذا احد دخل وياي انت ادخلي بالغرفه الي اخر الممر واغلقي الباب تمام
اتخصرت وكالت  معترضه ليش  هااا
مو عندي غرفة

الباب دكت حيل....
.

ابو اكرم "عرفته طالع بس كال باللبيت حتى يتخلص من انتقادي لكثر طلعاته

ندى" لا بابا عمو ما يكذب

كرم الابن الاكبر لاخو صالح عمره 23
كال
" هسه نطلع الجدوره من السياره لا

كنان الابن الوسطاني عمره 19
" ها بويه
الاب "خل نحاول بعد
طلع صالح للحديقة من سمع اصواتهم رجع و
دخل  بيرتا بالغرفه الاخيرة المتروكة حتى لا يشوفها احد وطلع بعدها فتح الباب
ندى" هااا عموووا كتلهم عمو اهنا محد صدكني..
سلمووا عليه ودخلهم
بيرتا تسمع اصواتهم ومقهورة حيل من تصرفه ليش حبسها هو مو كال هي ضيفه.؟؟ ليش ما يريد احد يشوفها.. وبدى الشك يسري بعروقه
اهنا انفرشت السفرة وانحط بيها ما لذ وطاب والارياح المشهيه بس الي توصل لجيوب بيرتا الانفيه بدا لعابه يسيل.. 
جلسوا على سفرة الافطار

ندى' كلشي اتوقعك تعرف بس مال طلعت تعرف تطبخ هاي ما توقعتها. ما مسولف الي من قبل

ابو اكرم "كلشي اتوقعي عمج يسوي

واتوقعي هم وكف وطبخ وتعب مو اله ينطيه لوحده
اهنا الشيخ صالح غص باللبن من كال اخوه وحده هو يقصد وحده فقيره لكن صالح غص مرتبك من تحليل اخوه الصحيح اه لو يعرف هو حاط وحده غريب ببيته..

فطروا وشبعواوبريتا تندمت لو ماكلة الاكل الي اتقدم الها افضل ؛ اهنا انفتحت الباب ودخل صالح حامل بيده صحن.. اكل

همس 'اعرف تحبين النواشف لكن هذا الصحن اخذيه بس يسد جوعك

كان فيه رز وشعريه وحبشكلات  وفوقه سمكه و خبزة اخذته منه وبدت تاكل بشراهه من كثر جوعها اما صالح طلع وسد الباب.. 
ندى "عمي وين وديت صحن الاكل شفته بيدك قبل لا تدخل

صالح " كيف شفتيني
"هااا
" اقصد مربي قطة اهنا وخطيه أراعيها   والرفق بالحيوان واجب أنساني
رغم استغرابها قطه تاكل تمن؟ لكن ردت عليه بحماس
" صدوووك خل اشوفها عمووو اموت على القطط
اهنا بيرتا من سمعت حديثهم حطت الصحن على الارض وثارت.  شبها بالحيوان هذا فوك ما حابسها ورضت الا تطلع واتفشلة
وكفت يم الباب.. 
"لا عمو تعاي اروايج اشياء أهم
" ممم يلا عمو شنووو شنووو موتني الفضول اخذ بنت اخوه وراح اجة ينفضح اما بيرتا جبنت وماكدرت تطلع الان زارت بالها فكر وخيمه من وجودها بيت هذا الرجل الي حتى مايعرف اسمها!

جلست بمكانها بهاي الغرفه المتروكة كأنها كانت لطفله لانه مليانه صور باربي....

اهنا شافت فأر طفرت من مكانه مسرعه للباب فتحتة وطلعت تركض بالممر ناسية توصيات الشيخ
كانوا النساء تغسل الصحون اما الرجال يسامرون اطراف الحديث بغرفة الضيوف وصالح تركهم وراح لغرفته يجيب فد غرض
واهنا شاف بيرتا تمشي بالممر
" انت هنا..

" صاالح فارة فارة
دخلها ابسرعه لغرفته.. 
ما فهم سبب خروجها ولا راد يفهم بس حرص عليه وكال
" لا اتفتحين أي خزانه ولا اتلعبين بأي غرض ولا اتفكرين اتنامين اهنا واشر على سرير

"واللهاي  شنو عبالك خفية لو اطير
اخذ تلفونة وطلع محذر الها لا تتجاوز خصوصيتة.  لكنها عبس.   اول ما طلع راحت للخزانة الي حذرها من ان تفتحها.  قاتلها الفضول ليش نهاهة عنها !!!!!

.........
تعويض لكم أحبتي