رواية مولانا العاشق الفصل الثاني والعشرون 22 - بقلم زهراء العراقيه

الحظ الوحيد الذي أؤمن به هو حظ الالتقاء بالقلوب الطيبة .. فالذين نحبهم هم حظوظنا السعيدة في الحياة ...

الراوية
دك الباب صالح طلع ابن المرة الي عمره  9سنوات

الطفل
"هاا عمو

هالمرة الطفل جان نظيف و لابس ملابس ثكيلة مبين توه طالع من الحمام ..  طلعت وهج ورة الطفل
" ها يا عمي بعدني ما خلصت من اخلص اجيك روح انتظرني بالسياره

اتقربت من الباب اهنا وصارت كدام وهو يباوع الها بأندهاش   لأنها  سوته عمها وهم على لبسها
هاي وهج ؟

جانت خالعه سترته ولابسة ثوب قديفه اسود ومغطيه راسها بحجاب على شكل عصبة لونه اسود من حجت وياه بدت اتنزل بردن الثوب بعد ما جانت رافعتهم

مسحت اديها المبلولات بثوبها وكملت
"  امهم مريضة خطية البيت مكلوب كلاب والاطفال ظالين

باوعلها بنظرات مندهشة وكال
"عمك ؟ و تنظيف ؟ أنت وهج؟!!!!

رفعت حاجبها الايمن وكالت
"اي لعد شعبالك اني ست بيت نادرة جنت بس غير فقدت ذاكرتي اصلا نياز كالت الي كنت امهر طباخه و انظف البيت اخليه يبرق
ضحكت من كملت جملتها لأن تدري العكس هو الصحيح

ابتعد هو عن الباب وراح جاب المسواك من السيارة واجه وبيده الاكياس
الطفل اخذ منه كم كيس وهي اتقرب منها
ومد ايده بالاكياس البقية حتى تاخذهم
اترددت وهج خافت ايدها تلامس ايده الخشنة او اصابعها اتلامس اناملة اووف

"وهج شنو القضية اخذيهم

نزلهم كدامها
" فعلا عندج حق اسف نسيت

وراح للسيارة

صفنت هي،  يووه الى متى تبقى هي كدامه مثل الكتاب المفتوح اشلون  فهم اضطراب مشاعرها ابسرعة هيج ؟

اخذت الاكياس ودخلت ،مكان الامر سهل عليها لكن جاهدت ان تساعد المرة كانت كل ما تمر من يمها تتخيل نفسها بمكانها هي مرة مثلها  ... باست الطفلة  بحنان الي جانت واكفه يمها تنطيها الاشياء حتى اتحطهم بالثلاجه من كملت اخذتها كعدت اتمشط الها شعره.. سوت الها تسريحه جدايل مجانت تعرف نفسها هيج ماهرة ؟ ماتدري مهارات بيرتا مغروسه بذاكرتها ما اتروح هي اشتغل قبل  باحد الصالونات بأحد الايام وهم انتهى عملها بالطرد
انتهت واخيرا من تنظيف البيت والمطبخ الي جان يضج بالاوساخ حست بآلم بضهرها لكنها ما كلت او تكاسلت راحت كعدت بالمحام واخذت تغسل الملابس بايده

"اوف اشلون افرك ؟؟ اووه اني قضيت عمري في بيت شيخوختي اشمر الملابس بالغاسله وهي اشوف شغلها
مسحت جبينها وبدت تفرك بالملابس

بدت اتشر بيهم بالسطح والجهال وياها
يضحكون وفرحانين رغم البرد اصروا يساعدوها جانت تسوي حركات بوجها مضحكة او تحول اعيونها وتقلبهم واضحكهم شالت الطفله بايده ونزلت من الندرج همزين صالح جايب اكل جاهز مع المسواك جان احتارت اشلون تطبخ .. صبت الاكل وكعدوا الاطفال ممصدكين راح ياكلون شي غير البيض الي اتقليه الهم امهم
صحت وهج الأم وجابت الها الاكل بالكوة اكلت لكمتين الام زياده لمرضها المزمن صاحبته البارده هدت حيلها ..

بدت تتبادل وياها اطراف الحديث والمرة تتجاوب وياها بتعب كل ظنها هاي بت اخ صالح ،عرفت اشلون توفى زوجها بشكل مختصر مدعوم بسيارة ولان هو الغلطان ما اتحاكم الي قتله هي ماعدها غيره وظلت ضايعه بهاي الدنيا لولا الشيخ الصالح وعطفه على ايتامها جان اتجهت لغير طريق من الذل الي شافته .

مسحت دمعتها وهج وشكرت الله على انه هي هم من وكعت احتضنها صالح وما تركها بالطرقات ... انطت المرة الضرف وجانت هي بمنتهى السعاده طلعت من البيت و ناسية التعب من الفرحه الي بقلبها ،كعدت يمه وأبتسامتها ماليه وجها

صالح " وهج !!!!!!!

"اشبيك ليش اتباوع الي هيج بيه شي

" لا لكن اعتقد انت  سعيدة رغم التعب

"هههه اي اي حقك من اسوي هذا الشي
بنفسك.كلش حبيت عمل الخير ..  اوف صالح اني ضايجه من نفسي حيل

باوعلها بنظرات متسألة

" 24 ساعه اني بمكان يضم اعداد هائلة من الاطفال المحتاجين لذره عطف واني جنت .جنت بس اقضي واجبي من تظيف الطفل ورعايته واحسب الوقت حتى ينتهي وقتي .. اثاري اكو اهواي امور غير الرعاية والتنظيف . اني كنت مغفلة

" وهذا الي على الدوام اقصده من اكول ساعدي غيرك بلعندج ..

"اااي فهمت .. اكول يلا شنو متاني ترة نجوان و وافاق راح يخنكني على هذا التأخير ههههه

" اكيد تردين انروح

"ايي صالح اريد اروح

ابتسم هالمرة ما توسلته اتضل ببيته .

"متاكده

" صالح اي  شكو ؟

"بهذا مضهرج

وباوع للامام تاركها اتباوع لنفسها وتنتبه هي بعدها بملابس المرة وعصبه وكأنها فراشه مدرسة
"هااااا هاي شنوووو

نزلت من السيارة مستعجلة و صالح ابتسم بخفوت عليها

رجعت اله ومدت راسها من الشباك
"ترة شفتك تتمضحك عليه ..

وراحت للبيت
رجعت اله وجانت لابسه سترتة وغاطه بيها بس امتونه اشعرضهم كانه كلندايزر

"يلا
مشت السيارة
وسألت وهج
" اكول انت اشلون اتعرفت على هاي العائلة

تنهد بأسف من اذكر ان ابن اخوه كرم هو الي دعم والدهم فبقى يساعد عائلتة من غير ما يعرفون حقيقة قرابته من الي قتل والدهم من غير قصد

" صالح وين رحت

" نعم وهج . انسي القصة مطولة جدا

"اها

..
وصلها
وكال
" محد راح يحاسبج

"مممم ليش شنو سويت انت

"مالج علاقة بس روحي

نزلت من السيارة وراحت من غير ما اتباوع لوراها جانت تمشي وتهرول برجليها بطريقه مرحه تقدم رجل واتاخر رجل واديها بجيب سترت صالح.

هز راسه مبتسم على خفة دمها وانطلق هو،
مرت من جانب الحارس سمير جان اسود البشره بس اعيونه اتبصبص بالليل لدرجه اخترعت وهج من شافته بالاول .

،

نظره اجه يحول اسيل من دخلت عليها وهج بهاي الستره السودة

"سلااام

"سلام!!!!!! لج هاشنو وين جنتي يم الحب

" مممممم اي اسيل جنت وياه

وضلت اتلف حول نفسها واتكول
"احببببه احبووووووو اسوله حموت من العشك

"ههههه اضاهر اموركم عدله عيني وهاي شنو سترته اه يحظي يارب ماتحن عليه بواحد يلبسني سترته بالهبرد .ندفى سويه

"يااا نسيت انطيها اله

"ههههههه عيني عيني

اكيد كنتو تتمشون على الرصيف لو بسيارته ومممم وبعد ما باسج بحب وشغف بالسياره نزلتوا تاكلون لبلبي ولبسج سترته واتمشيتوا وهو محتضن كفك بحنان وحب اااه ريتني الكه واحد عمي حتى لو ربع واحد

ضلت صافنة وهج على مخيلة اسيل الي طالعه زايد بالرومانسية... وضلت صارت تضحك بصوت لدرجه اختنكت من الضحك من اتخيلت صالح يبوسها بالسياره بدل النصائح و الاعمال الي سواها وياها

"ههههههه ههههههه هههههههههه

مطت شفتها اسيل وكالت بسخريه

"اشبيج ولج 

"اااه لج انت شنو من افكار عندج خليتيني اتخيل هاهاها

"ليش هو ما سوة شي من الي ذكرته

"لا سوة لبسني سترته!!! ههههههه

اسيل "اوصفي الي شكله

وهج " ماكو داعي يجي يوم واتعرفيه

"اها طويل لو قصير

"ابصراحه انت اتعرفيه لكن ماكدر اكول الج الا بعد ما اسقطه بشباكي مثل ما وكعني هو

"اهااااا لهسه مامعترف الج .. زين دقيقه دقيقه اني اعرفة ؟؟؟؟!!

"اممم اي

كالتها بخوف "غيث ؟؟؟؟

"عااا لا اكيد

"والله ؟

"والله اشبيج.لج

"لعد منو اني اعرفه ..

"هههههه عمرج مراح تتوقعيه

"اهاااا عرفته
وهج اندهشت ما ظنت هيج ابسرعه راح اتعرفه

"منو ؟

"سمير الحارس

"هههههههه ههههههههههه ههههههه
نزعت السترة وحطتها على فراشها وكالت

"صدوك اسوله اريد اتعلم اطبخ

"هااا اي عيني حتى من يخطبج.حبيبك المجهول ما تتفشلين هههههههه
من باجر اخليج ترحين لاسماء الطباخه ههههه راح تخبلج

"ممم ليش

"هي الطباخ مالتنا وكل جمعه تنطي دروس بتعليم الطبخ للطالبات اذكر من اتعلمت على ايدها شبعت كتل بالجفجفير مالته

" ههه ميخالف المهم اتعلم ...

ثاني يوم

وكفت اسماء امام وهج وكالت
" اي هلا بيج مدامج صديقه هالمنعولة الصفحه اسيل اعزها كل يوم تعاي اعلمج واني اطبخ

"اوك حبي شكرا حتعبج

"هههه اتعبيني شنو اني الي راح اسوك عليج ههههههه
ابتسمت وهج بذعر من هاي اسماء السمينة كلش

،،

باحد الصبحيات اجه غيث بزيارة مفاجائه للدار ..
جانت وهج منهمكه مع الاطفال بعد ما تركت الحاضنه تبع الاطفال دون عمر السنه دخلت على صف لرياض الاطفال الي تترواح اعمارهن من ثلاث الى خمس سنوات ..
"هوووش ليش بس تتعاركن
اني اعلمجن ..

اهنا غيث كان عامل تفتيش مفاجئ. ركضت احد العاملات وكانت تمشي من يم الصفوف واصيح ترة استاذ غيث اجه اتحضرن الا وهج ما سمعتها .جانت فاتحه موسيقى صاخبه ..

اجت استاذه افاق مع استاذه اخرى بينما اسيل جانت عدها حصة ودزو عليه ماتدري ليش بالادارة ...دخلت وشافت استاذ غيث جالس .. ما استغربت جيته ولا من دز عليها سلمت بكل احترام مهما يكن تفضل هي تشتغل عدهم وساكنه تحت خيمتهم

وافقت اترافقه مع ست وفاق لصفوف .

جانت واكفه وهج كدام الاطفال ولابسه بنطرون ضيك مع بلوزة صوفية وحذاء رياضي ورافعه شعرها على شكل ذيل حصان ورافعه اديها لفوك راسها واصفك.والبنات واكفات سروات يصفكن مثلها ويقلدن حركاتها على الموسيقى الحماسية ....
اهنا انزعجت مسامع غيث من الصخب فترك الصفوف البقيه وراح متوجه للصف الي بيه وهج

وهج صفكت
"وهيا هيا
بعدها مدت اديه على جوانبها وثنتهم وهزت امتونها وصدرها والبنات يسون نفس الحركه ويضحكن متونسات بهاي الرقصه المرحه اهنا انفتحت الباب وضل مادخل غيث لكن اسيل ضلت تبلع ريكها بخوف على مستقبل صديقتها وهي اشوفاه ترعص وترعص الاطفال 

وهج
"وهزوو متنكم هييج

دخلت وفاق وطفت صوت المسجل

واخيرا وهج باوعت الهم وهي بالجرم المشهود نزلت اديه وهي ممستوعبة انو رجل غريب شافها ترعص
ضلت تبلع بلعابها وحانيه راسها مستحيه بينما غيث تمتم
" هي هاي الطرق الي تتبع عدكم لتربية الاطفال بهذا العمر الهرج والرقص المبتذل

جان يحجي ويباوع لوفاق الي متعرف شنو تكول لكن ازداد سخطها من هاي وهج.
وكفت وفاق يم وهج وهمست
" شنو اتخربطين انت

غيث
" شنو شاهدتج ست وهج .؟؟؟
اخدودها حمرن وماتكدر تنطق

اسيل
" طالبه كلية لغات

"واضح جدا

وهج
"استاذ اني ما..

" بلا تبرير اني اعرف اشلون اخذ الاجراء الصح .

وهج " لكن

"تعاي وراية لو سمحتي

وراح للأدارة وهي وراه  مع اسيل تمشي
دخلت بعدة
اسيل باوعت لوهج وهي خايفه لا الاجراء الي يتخذه هو طرد وهج منا
.
" ممكن اتركونا وحدنا
استغربت وفاق من طلبه لكن لب امرة وراحت والي وياها هم راحت واسيل رادت اتروح وياهم وهي مستغربه طلبه .. وكفت يم الباب واتباوع لوهج

وهج بنظرات تترجى اسيل اضل لا اتروح

غيث " اسيل ضلي انت هم

وكفت يم وهج وكأنهن مذنبات

" الي صار مراح اسكت عليه

اسيل " اعتقد ما صار شي لكل هذي المبالغه

وكف امام اسيل بغضرسه وتكبر وهي امامه
واكفه بكل ثقه وتحدي بينما وهج صفنت عليهم كأنهم راح ياكلون بعض

وهج
" يا استاذ غيث اني ما اتبعت اسلوب مبتذل والرقص يعتبر رياضه

باوع الها باستصغار

اسيل
"اي وهم يساعد الرقص  التقليل من حدّة التوتر والضغوط النفسية المتراكمة وينطي الطفل الاحساس ً بالسعادة والثقة، ويطوّر من مهارات الطفل بالاتصال والتواصل الفعال مع جسمه، فيحسّن من مزاجه ونفسيته.
كالتها ومطت شفتها بحركتها المعتادة عليها وثنت اديها على صدرها

باوع لأسيل بوقاحه
"اها لعد تعالي نرقص سوة حتى تطور مهارتنا

باوعلته اسيل مستنكره كلامه وطريقة الساخره منها

بينما وهج بدت علامات التعجب من طريقه كلامهم مع بعض .

فكالت وهج محاوله اتخفف من حده الجو بينهم
" وهم اله فوائد صحيه وأهمها تنشيط الدورة الدموية

اغتصبت ابتسامه من ضل يباوع اله

"روحي وهج لشغلج

خلت وراحت وهج ومتعجبه من هذا موطبيعي !! تركته مع اسيل وراحت

،
دائما نصدر قرارات بالانسحاب اذا لاقينا التجاهل من الطرف الي نحبه . لكن وهج تزداد تمسك وتشبذ بيه كل ما حاول هو يتهرب تتمسك بيه اكثر ؛ جانت كل ما سنحة الها الفرصه اتروحله ؛وهو هم بطل يعارض مجيئه والاغرب كل ما ازوره تلكيه موجود بالبيت ..!!!

بيوم من الايام طلعت الصبحية تشتري لوازم شخصية لنفسها ..لكن الاشواق اخذت اقدامها امام عتبة بيتة. ما حاولت تدك الباب الان متيقنه هو هيج وقت مستحيل يكون بالبيت
اهنا طلع جار صالح الفضولي ومن شافها واكفه يم البيت رجع دخل ما خلاهه اشوفه وما راح لمشوراة في سبيل يشوف شنو يصير . هو شايب داخل بالعقد الثمانين وماعده شغل وعمل غير مراقبه الناس والكلام العصريات مع شياب المنطقه على الرايح والجاي ..

اما وهج تنحت عن الباب رادت اتروح لكن اقدامه ما مطاوعاته اتروح وما اشوفه..صارله اسبوع ما زايرته وهو ابد مايفكر ولو يطمأن عليه بالتلفون ... هي بس الي تشتاق اله هي بس الي حايره بحبة هي بس الي تعاني ، اهنا اتفاجاءة من انفتحت باب صالح وطل هو عليها جان كالقمر الزاهر بثوبه الابيض و سبحته المنورة اديه .اكتفى بابتسامه مرحبة بيها وهي بدى عليها الخجل من موقفها واكفه خلف بابه مثل الشريدة

"انت هناااااا

" السلام عليكم ورحمة الله وبركاته

وهج
"وعليكم السلام انت اشعجب اهنا بيهج وقت

"ادخلي بالاول الان خلف الابواب اذن تتصنت

مافهمت قصده .وهو كان يباوع لباب جاره الي الي مبين من جواها  رجلين واضحه من الفتحات الي بيه .

دخلها ودخل ، ضلت صافنه وهج من شافت على الطاولة الي ب الصالة كوبين جاي فارغات ويمهم ترمز شاي و بعض الكعك
"كأنك منتظر احد يزورك واني اجيت بوقت غير مناسب
كالتهت وهي ضامه تحت ابطه جنطته ومدنكه راسها
الابتسامه البشوشه بعدها على وجهة ما راحت وكعد كدامها واشر اله تكعد
من كعدت اتعجبت من شافت الكعك الي تحبه
بدت تاكل منه  وهو صب  الها جاي
وكال وهو يصب من غير ما يباوع الها
"وهج اني عندي موضوع لازم اصرحلج بيه ما يتحمل الكتمان بعد

كحت وهج وطلع من حلكها نثار الكعك الصلب (كعك ابو الدهن) على وجه الشيخ صالح من سمعت اخر عبارة كالها

..  بيرتا  ....

وخر راسه من كدامي  وترك الترمز من ايده ورجع بكعدته للخلف ونكث من لحيته المهيبة نثار الكعك عنها اني استحيت من نفسي لكن انتبهت اله اشلون ابعد نثار الكعك الرطبة من لعابي  بأيده رغم ان علبة الكلنس جنبة! من غير ما نفسه تقرف  بعدها راح ورجع بيده كاس ماي جلس جنبي مو امامي هالمرة وبيده كلاص ماي مقربه الي . بدت حواسي تفقد سيطرتها عن القيام بمهامها ما اعرف من قربه لو من الي راح.اسمعة اخذت الكاس من ايده وكان كفي يرجف رجف لدرجه الماي صار يتبده منة كوة  اخذت رشفه منه وحاسه العيون القرمزية ما  نزلت نظرها عني ليته يكول اللي بداخله وما اضل بهاي حيرتي لكنه ما كال ؟  باوعت بعيونه بلكت اقرة بيها شي ..جانت مليانة بالغموض ما اعرف هذا الراس شنو يشيل بفكره اوف ضعت بنظراته المظلمة ما الها تفسير .

صالح
" وهج

نزلت نظري عنه منتظرة شنو راح اسمع منة

" انت الج مكانة خاصة بقلبي ؛ لدرجة احس بيج واعرف اني متغلغل بداخلج .

صعد الدم احسه ادفق كله براسي  وكأني  اعاني من تحسس بكفوفي ما ادري ليش من شدة توتري بديت احك بكفي الايمن واحس ان الدم ما يجري بيه  مااعرف يمكن كلها اوهام لكن رجلي اليمنه نفس الحاله احسه اشنجت وتوقف الدم يسري بيها
كلت بصوت مبحوح ما اعرف اشلون  طلع

" عرفت ...

وفعلا عرفت الطريقه الحلوة ببدايه الكلام دائما نهاية مرة

غمضت اعيوني احاول اجرع آلام و مرارة الخيبة

" صالح اني . ما طلبت منك شي

" وهج اسمعيني

"انت الي اسمعني كافي اتحسسني بضعفي اعرف  اني مجرد  وحده حبيت اساعدها مثل ذيج الارملة او اليتيمة

ادموعهطي جرن بغزارة وحرارة على خدي لكني ما سكتت وكملت 
"واعرف هم اني اههههه ما اليق بواحد مثلك

الراوية

وكفت وهو هم وكف بان فرق الطول الي بينهم تلاقت حبات البن الي تلون اعيونها بورق أشجار  غابات الأمزون الي تلون اعيونة الي ذبلهم الحزن و قساوة الدهر

ما رد.صالح عليها وبس يباوع الها مكتفي برؤية شكوت اعيونها منة ...

وخرت نظرها عنه وكالت
" واعرف  انت مستحيل  ترتبط

اخر كلمة همسته همس

" وما اعرف الطريقة الي اتوفت بيه مرتك لكن مدامك محتفظ بملابسها يبقى گلبك اسير لأحزانك  لكن    لكن   هذا    لو بيدي جنت اقتلعته
حطت ايدها على گلبها وشمرت نفسها على القنفة

همس

" تعاي وراية

وراح لغرفتة وهي راحت وراه لازم اسمعه مهما صار  اكيد عنده مبرر لجفاه

فتح الخزنة  وطلع منها كم صورة ...
حطهم بحجرها
وكال وهو معتصر كف ايده

" كل من بهاي الصورة فاركوني

تنهد بعمق وهو يذكر اشلون كان حاله قبل سنوات والي وصلت بيه الحاله  بذيج الفتره احساسه بفقدان رشده لولا عناية الرب جان ما صحى  من غيبوبة الحزن ..

" يا وهج الفراق حزن كلهيب الشمس ، يبخر الذكريات من القلب ليسموا بها الى عليائها ، فتجيبه العيون بنثر مائها ، ويشتعل القلب بلهيب حرارة الدموع

جانت تقلب بالصور واعيونها الي بدت تمل من الدموع تبكي ..

تركها وطلع وهو يتسأل  اشلون انطاه گلبة يفطر گلبها

طلعت بعد اشويه .. اخذت جنطتها من الصاله وشافته  كاعد و يباوع للسبحة بتركيز

" اني رايحه .. بس لا يكون بظنك مراح ارجع ..ما أوعدك بهذا الشي راح ارجع اعرف نفسي ..

اغتصبت ابتسامة من بين ادموعها صار وجه باكي على ضاحك.وراحت

هي بس ليلة  وحده ورجعت وهج على طبيعتها المرحه يمكن الان معتادة على جفاه وما أتاثرت كلش  اصلا لو صار العكس وصارحها بالحب جانت أتفاجاءت اكثر ؛

بهاي الايام انشغلت عن صالح حتى بأستراحتها
اتروح للاطفال ومرات اتنام يمهم !! ...بيوم سمعت وهج اجت بنوته جديده الهم ومن عرفت امها وابوها اتوفوا بأنفجار وعمتها الي جابته لهنا راحت اله اكيد حالتها النفسية تعبانه .  ضلت صافنه على  الطفله جان بيها شبه من بت صالح الي دوم تتمعن بصورتها بغرفة مكتب ابوهة انكسر گلبها اكثر عليها من شافت وضعها جانت مكورة حول نفسه وتباوع الهم بريبة منهم حاولت وهج التقرب منه لكنها ضمت نفسه اكثر وتبتعد عن وهج وكانها وحش

" اني اسمي وهج انتي شنووو اسمج يا حلوة

،
اما نياز .   كانت تطمن على اختها بالتفلون وهم وهج بين فترة وفترة ازورهم  جانت تعاني من الوحده  لان ماكو احد يعوض مكان بيرتا حتى وهج ما عوضت لان علاقتهن شبه الرسمية وهج ابد ما متعوده عليها ولا بينهن اسرار ونزار جان طيب ويحبها بس هي تدري بيه يخونها وصار اوهاي يشرب وهي ماتكدر حتى اتعوفه لأن  هو حاويها هي واخوها وحامل  فأحسن شي اظن هي لازم اسوي هو التطنيش وتسوي نفسها ما تعرف شي ..

،
اما اسيل اتغيرت صارت اكثر مرح واكثر حياة دومه مبتسمه وتشاقه وكثرت طلعاتها خارج السكن  

ب الليل

كانن مسنحات على اسرتهن والضوه مطفي
اسيل بصوت ناصي
" جوجو  اذا اتقدم الج واحد جاهز مجهز ومن مستواج ويموت عليج بس انت اتحبين واحد ثاني مو من مستواج و امه ما اتريدج وشغله زواجكم متعطله صارلها اسنين شنو تختارين؟

وهج بحيرة من سؤال اسيل

" اها اهنا راح يصير صراع بين القلب والعقل

"ممم انت شنو راح تختارين

" اهههههه القلب اكيد.لو بينا حظ احنه النساء ومشينا خلف عقولنا  جان صرنا  هسه احنه بخير وسلام

اسيل
" على رأيك يختي ....

...
غابت شمس وهج وفات شهر كامل ما اجت اتوقع صالح ردة فعل  منا على اخر نقاش صار بينهم
لكن بالحقيقه  مشاعر الامومه الي خلتها ماتكدر تجي اله رغم شوقها اله لكن كل وقتها مع البنت الي اتعلقت بوهج بشكل ملحوظ

...
كانت وفاق تحجي براس الست نجوان على وهج على انه ماعدها خبره بالتربية وعلقت الطفله بيها لدرجه اتنام يمها بالليل وهذا اكبر خطأ
نجوان جانت تسمع الها وساكته حيره بين اختراق القوانين او تخلي الطفله تتفعم بالحب من قبل وهج اليتم مر ..لهذا ما سمعت كلام وفاق المسموم وتركت وهج تخترق القوانين

اما اسيل زادت عن حدها بالطلعات والدخلات ..

بيوم فرغت بيه وهج وراحت لصالح
ومن بعد ذاك اليوم رجعت وهج تتودد لصالح لكن هالمرة ما طامعه بشي منه ولا تحاول تكسب حبة  .. وطلبت منه يدرسها وهو وافق مرحب بالفكره هي لازم تدرس عن  دينها اكثر واكثر ..  ضلت بين يوم ويوم ازورة بوضح النهار الان ماتكدر تجي بالليل اولا خطورة عليها ثانيا الان هذا الشي ممنوع .. لكنها ضلت مستغربه من صالح هي ابد ما تنطيه موعد على جيتها لان ماتعرف ضروفها فما عدها وقت محدد لكن اشلون هو دوم يتواجد بالبيت ؟!!!!

بيوم راحت مستعجلة وهج لصالح جانت الساعه ب 10 الصبح
ضلت صافنه على صالح الي اجه يتمشى بالشارع مستعجل  واستقبلها

"  كون ما تأخرت عليج ؟؟؟
رمشت بعيونها وهج وباوعت مستغربه

"شنو انت اجيت على مودي اشمدريك ؟؟؟؟

ما جاوبها وطلب منها تدخل ابسرعه لا احد يشوفها لكن مع الاسف شافنها جاراته جانن جايات من السوك وضلن وحده تسأل الثانيه هاي منو هو ماعده مرة باللبيت ونسوان عائلته كلهن ملتزمات بالحجاب ؟؟  لعد هاي منو

...
جانت اتباوع اله ومنتبه لكل كلمة يكولها..
جان الطابع الجاد مغطي على وجهة وهو يحجي
وما منتبه للعفريته الي حاطه اديها تحت اخدودها واتباوع ...
رفع نظره راد يأكد عليه نقطة بالشرح . شافها اتباوع لعيونه وهايمة بيهم تقائيا من اطالت النظر بيهم هو ابتعد عنها وكعد كدامها مدري خاف منها او من نفسه ؟
همست بصوت يأسر الگلب ويخلب اللب ويأخذ بمجامع الفؤاد

" صالح عيونك بحر واني غركت بيهم تبتعد و تجنبني عبالك هذا يفيد ما تدري يزداد
اعجابي بيك  صالح تدري اني دوم احلم بيك

سد الكتاب بتوتر

قطبت حاجبه وهج صحت من هيامها وكالت بسرها صالح خجل لو يتهيأ الي هو بس ضااج !!!

حك خشمة الطويل الحاد

"  اليوم كافي هيج يلا تاخرتي

"  مصارلي ربع ساعه يمك

بعدين ارجع اشرح مراح اقاطعك .وعد
ابتسمت لكن الصراحه  راح تخلف بوعدها  لأن وجه وهو متوتر وخجل  حيل عجبها

رجع يقرأ ويشرح من غير ما يباوع الها لكنه مو بنفس تركيزه الاول وهذا واضح عليه.

" صالح باوعلي وانت تشرح ما فهمت شي

"ليش !؟
باوع الها 

غمزت اله وكالت " ياريت عيونك كتاب حتى اطول النظر بيهم بحجة القراءة

غمض اعيونه يستعين بالصبر هو راح يفقد رشده جان صوتها مثل السحر الحلال والماء الزلال صافي ونابع من گلبها العاشق بطريقة تثير مشاعر أي بشر كأن من يكون حتى لو كان القديس الراهب بهاي الحالة مايكدر يكمل وياهه سد الكتاب مره ثانيه ووكف
وابسرعه شافت اديه ترجف وكفت هي هم خايفه عليه
" صالح بيك شيك

واتقربت عليه
هي اتقربت  يمه وهو ابتعد عنها بطريقه مخيفه

"صالح اكو شي

" لا تتقربين وابتعدي ابتعدي على كد ما اتكدرين ابتعدي عني ياااوهج ابتعدي ابتعدي
صاح باخر جملة كالهت
خوفها  ؛ ليش اتحول هيج عصبي ؟

"اسفة صالح حروح للبيت ا اقصد للدار وبعد ما اجي

رد واعيونه تجدح غضب عارم
" يكون احسن يا وهج ..

سكت من اندك الباب وعافها وراح يفتحه اخذت جنطته وراحت دخلت لغرفته  وارادت اتلم نثار اشلاء گلبها وتعوف  عالم صالح ؛ صارت بس الاوجاع تحصد منه

طلع فتحه صالح جان غيث واكف وكوة ساند نفسه وهندامه مبعثر

صالح" طب ابني ليش بهذا المظهر

دخل غيث كبل للبيت

" خسرتها صالح خسرتها

كعد صالح يمه وحط ايده على ضهره وكال

" منيه

" حب عمري خالي حب عمري

جان شبه الباكي
"ما اعرف اشلون جرحتها هيج

وكأنه ناقص صالح كافي عليه الحرب الي مقيمه بين رغبته و رفضه من داخل !

كعد غيث يشكي لخاله وخاله بالة وفكره مع الي اكيد كاعده تبجي اشلون سمح للحظه غضب  هيج تجرحها ياريت غيث يروح حتى يطيب خاطرها هالمرة مراح يطلعها ودمعتها بعينها

" هسه روح غسل وجهك وارتاح وبعدين افهم منك التفاصيل ..

راح غيث يغسل وصالح كبل راح للغرفه اول ما فتح الباب شافها كاعده شاحبه الوجه
وكفت رادت اتروح

"بعده غيث

ما اهتمت كل الي اتريده تطلع منا بلا رجعه !
اتقربت منه بس هو كان هو واكف ساد الطريق لكنه تنحى من اتقربت حيل وطلعت هي وما اهتمت خاف غيث يشوفها..وطلع هو وراها
وصلت لباب الشارع

"وهج ...

ما باوعت اله وطلعت
رجع صالح لغيث الي هم مدمر  ..

،
دخلت وهج وجانت تحتاج ذيج الصديقه الي دوم تبجي بأحضانها لكنه من دخلت انفجعت من شافت الوضع  جانت  على سريرها اسيل وتبجي بحركه ومعتصره باديه المخده والغرفه كله هوسة ومنفشه

وهج" لج اشصاير .....

......
بالليل جانت اسيل حاطه راسه على صدر وهج وتحجي الهت قصتها الي صدمت وهج
طلعت اسيل لقيطه ما عدها نسب ومو  يتيمة وغيث ابن اخت صالح حبها وعشقها من زمان لكن ماكدر يواجه اهله وضل حبهم  سري ومن صارح امه ما قبلت وجنت وسد الموضوع لكن ما فقد الامل وضلو على علاقه هي و غيث يزاعلون اشهر من وره هاي السالفه ويرجعون لبعض لان مايكدرون يستغنون عن بعض ..اخر مرة انفصلوة بيه طولت سنتين ؛ ورجعت الة بأخر فتره وبنفس الوقت اكو شاب مثلها لكن يتيم ومو لقيط عرض عليها الزواج وهي رفضت على مود حبها لكن اليوم غيث كسر كلشي بينهم من اتهور وطلب منه يزوجها بالسر . حتى خاله رافض يكوله وعرفته هو نفسه يستعر منها .. وعرفت قدرها عنده لهذا انهارت

مسكينه يا وهج رادت حضن دافي ياخذها بذراعاته  من قساوة صالح ما لكت وضلت هي تواسي تركت اسيل من نامت وراحت للطفله الي اسمها امنة
اسطحت يمها وهي اتحاول تخفي شهكاتها
حتى ما اصحي البنية لكنه حست اكو ادين صغيره بدت تمسح دموعها واطبطب عليه ووهج تبجي اكثر

" منو مات امج لو ابوج
سالت الطفله  كل ظنها الي يبجي بس الي يفقد اهله لان ابد مكانت تبكي قبل اليتم

" ااههه اثنينهم اثنينهم

كانت تقصد صالح بأثنينهم

اتغيرت اسيل وما قبلت ابد اشوف السيد صالح لان تعرف جاي على مود غيث لكن خلاص هي فهمت مو من حقها تتزوج واحد ابن ناس مصيره يتركها ... وانطت خبر للولد الي متقدم اله يجي ويخطبه من ست نجوان  .وتمت الخطبه بيوم واحد وبعد اسبوع تم الزواج ...
كانوا طالعين من القاعة لبيت العريس مكانت الزفه كبيره بس المعارف  المقربين
جانت لابسة طرحه مال محجبات وطالعه جميله جدا بالفستان الابيض

وكف غيث على صفحه كان مدهور  الحال ابد مو ذاك غيث وجان صالح واكف خلفه لابس لبسه الاسود بأسود

يتبع