رواية مولانا العاشق الفصل الثلاثون 30 - بقلم زهراء العراقيه

الراوية
عندما ذهبت بقيت رائحة عطرك تملأ المكان
وأصبحت غرفتي حزينه وماأصعب أن تحزن الجدران وتحول كل شي للسواد حتى الأنوار أصبحت دخان !
لكن دموع صالح أبت أن  تنزل ضلت لؤلؤة عينة تتوجه بنظرها لذاك الجسد القابع على السرير

***
تركة الطبيب صافن على وهج  وراح !

واكف صالح كدامها خائر القوى ويسمع دكات گلبها الضعيفة ،  وكف صوت العالم بأسرى وبقى بس صوت دكاتها المابيها  نفع شنو فايدتها  اذا الروح هامت عن الجسم. الله وحده يعلم هيي بيا عالم مخلد   !!!!!
هناك صوت ضئيل داخل صالح يكول لا للحزن لا للجزع لا بد اكو امل حتى لو جان وهمي حتى بعد ما اكد له الطبيب صارت تنحسب من اعداد الموتا سريريا   لازم هناك امل من شوفت عينها تلمع بنور برائتها  مرة ثانية
...

احتار غيث اشلون يصرف فات اسبوع كامل بعد ما اكدوا الهم انها ماتت سريريا والموت لمثل حالته راحه  لكن صالح مجان يسمع بس لذاك الصوت الضئيل ...

كاعد صالح بأتجاه القبلة بالفندق اجه  يمه غيث وكعد وربع
" يا خال طول انتظارنا لشي وهمي
يا خال ريح نفسك وريح وهج

التفت صالح منطي نظرة غضب لغيث . وعافلة الغرفه كلها وطلع برة

فرك غيث جبينه وهو ضايع الافكار . صالح مو برشدة يظن بهذا الاصرار  يرجعها ما يحجي ولا يسمع احد وظال هايم يمها يترجى اتصير معجزة واتكوم من جديد تطلب يغركها بعشكة اكثر واكثر  ،

كعد يمها . يتأمل الشحوب الي بوجها كأنها تعاتبة بهذا نحولة واتكله ليش عجلت برحوتي يا صالح . جاب قطنه وبلها ماي ومسح بيها شفايفها اليابسة
دخل الطبيب عسى ولعل يقنعة هالمرة يرجع لبلدة وماكو فائدة من هذا الانتظار لكن كانت طريقتة عالمرة اكثر جدية وهو يبلغ صالح بطريقه اكثر علمية لحالة وهج مؤكد انها تحتاج معجزة حتى بس تفتح عيونها ...

بعد يومين

غيث توسل للشيخ ايمن يخابر صالح ويقنعه ...  مجان صالح يرد على احد لكن من سمع بيه عمه اخذ التلفون من غيث .  همه جانوا سوية بالفندق

" وعليكم السلام ..
كاله بصوت واضح عليه التعب
حتى ما نطق شي بعد هذي الجملة ..
ضاك صدر الشيخ على حالة صالح وغصبا عنه حاجاه بموضوع مرتة

اخر جملة من ايمن آلمت صالح بالاعماق

" لا تعذب روحها يا صالح اعرف الاختبار صعب والفراق جرح نازف لا بلسم له لكن ريح البنت لا تخليها تتعذب  ماعدنا  حق الاعتراض يا ابني على حكم الباري .

غلق التلفون صالح وضل محني الراس يحارب عثرات اليأس متأثر بكلام الشيخ، لكن هو يريدها بحاجتها مايكدر يرجع لظلمتة من جديد صعب كلش .

غيث " ها صالح  انت زين ؟

جاوب غيث وهو على كعدته
" اخذ بت خالك.غيث وارجع للعراق
" نعم !!! وانت ؟
" ما الك علاقه . وجودك انت وندى مااله معنى.  جبتكم حتى اتعينوني بعد العمليه ونرجع بوهج .لكن كل التوقعات خابت

" صالح ما اعوفك واروح . كافي اصحى من باجر خل نحجز ونرجع للعراق

اهنا حط غيث ايدة على كف صالح مترجي يتراجع  عن الانتظار ...
ابعد كفه صالح وكام مبتعد عن غيث
" باجر ارجع غيث ، واني راجع اكيد لكن مع وهجي
' يا وهجك !!! صالح كافي ماتت تعرف شنو يعني

" كافي  غيث

وشرد كالعادة كان محتاج حتى  يلم شتات نفسه  مثل ما يكولون   .

غزته وحشة بالقلب جبيرة مو مشابه من خسر مرته الاولى !!!!
جانت هذي الليلة تشبه لليلة فقدة لأمة !! من كثر شعورة بالظلمة حس نفسة اختنك و كأنْ الكون لازك ب حنجرتة  ..
سرع بالمشي وبعدها ركض بالممر طلع من الفندق بكل سرعته شارد من الظلمة الي بدت اطارده  ..
جانت ليلة حيل عتمة هاجرها الگمر مثل ما هجرته   مرتة وغارت روحه .
كان الجو معتم بارد خالي من الدفو ظل  يمشي من غير انتباه
وكف يم احد الجسور  على نهر  ودخل  بيه ... خلع عبايته وفرشها مامهتم للمارة وجلس .

"أسألك ياالله أن تبغضني !!!!
  فيارب سأمت نفسي وذاقت بي أرضك

كان يحجي وهو  رافع رأسه  للسما كانه يخاطب احد ..

"  هل لي ان اتنازل عن مقدار حبك ؟   واسترجع شمسي منك ؟  هل لي أن انزل عن مقامي عندك لتبلني ببلاء السقم هذا والشقى وتعوضني عن ما صبرت في جناتك،

بدات عيونة تلمع بالدموع وهو يتنازل من مكانته عند ربه بنية صادقه وگلب خلصان

" ياااااااااارب يااااارب ارحم ضعفي وقلة حيلتي واستجب نجواي .....لم اعد اتحمل فقد امي وابنتي مرة اخرى !!!!!! يااارب 

انسند على ديه على الارض وهو محني جسمه غير مهتم بكفحات البرد تعبان من الشعور بالعجز .
....
كان يتمشى  بين الرده الى ان وصل للغرفة الي ينام بيها جسد المحبوبة  .. كعد يمها وشمر عباته على الارض .. 
مسح دمعتين جانت على باب مدمعة وكال وهو مبتسم باچي !!
" شنو سويتي بيه انت     ردتي اتعرفين مقدار حبج؟
نكث بادية وكال
" هذا  حالي  اذا اسمعيني .. هذا حالي وهجي 
قلب محطم وروحه هشة و بصيرة ذائبة 

تركها وراح للفندق ..
صحى غيث على صوت خطى صالح . الي دخل للحمام  . سبح وغير ملابسه الى دشداشة بيضة واخذ سجادته وسبحتة وراح .. !!!
عايف غيث مستغرب من تصرفاته بنص الليل ورجع للمستشفى الي بصف الفندق تقريبا .
ورجع  لوهج فرش السجادة وبدأ يصلي من انهى الصلاة .
رفع اديه وهو كاعد" ياارب  ارجوا منك واعلم انك لا تخيب رجائي اما معجزتك بتحقيق مطلبي أو ان اموت بسجدتي ف وعزتك لن ولم اقوم منها الا وان تحقق أملى او يدفن هذا الجسد الضعيف

سجد وهو يسبح

ثاني يوم الصبح . جهزت نفسها ندى واجه غيث اخذها حتى يرحون يشوفون خالهم بالمستشفى 

وهم بالممر
ندى " اول مرة اشوف عمي هيج ضعيف

" عمك مو ضعيف بالعكس قوي لدرجه متماسك ورافض ان يستسلم
.

وصلوا لغرفة وهج  
 
ندى " وين عموا ؟

غيث اتوجهت اعيونه خلف سرير وهج . شاف ضهر خالة وهو منحني

"عمووو
باوعت ندى لغيث وكالت
"ديصلي !
"اها اتركيه على راحته . تعاي خل نتريك.برة
ابتسمت ندى اله وراحت وياه .

الضهر..
ندى بذعر وخوف
"انت ما سمعت الممرضه شنو كالت من البارحه هو على هاي سجدته غيث الله يخليك سوي حل

وهو الثاني هم خايف
" شسوي ندى ؟؟ مو كدامج ساعه نتوسل
وهو ولا يمنا

" ااااوف راح اخابر بابا

"تعاي انت  هو  بيته ورانه حتى تستعينين بيه . لا تقلقيه واصبري. عسى ولعل عمج يتعب ويكوم برغبته لا نضغط عليه

ضلت تبجي وغيث يسكت بيها .مدري يحتار بيها لو بخاله المجنون.
...

بالليل ندى كاعدة يم خالها وتتوسله يكوم لكنه مكان يسمع ومستمر  بالتسبيح

"عمي  الله يخليك لخاطري انت مو تحبني؟ حباب
مل غيث من التوسل واخذ ندى بعصبية وراح ..
تارك خالة على وضعة ..

الصبح . بعدها نفذ صبره راح غيث  يصيح لكادر الممرضين كانوا يشوفوه لكن ما الهم علاقه بيه الان حالة انسانية يظنوه بسبب فقده لمرته .
اجه غيث هو والممرضين محضرين ابرة مخدر لصالح حتى يكوموه بالقوة .!!!

كانوا يتمشون بالممر وصالح على سجدته

بدت تطلع لسانها تبل بيه شفتها البيضه مثل القطن واجوفنها تتحرك بينما صالح بدت دموعة تطلع كأن گلبه حس  بالمعجزة الصارت
رفع راسه عن الارض من حاول يكوم فقد توازنه وكعد على الكرسي وهو يباوع لجفونها الي تتحرك محاولة  تفتح ببطئ اهنا دخل غيث وظل صافن على خاله الي كاعد  و رافع اديه يدعي .  انتبهت احد الممرضات الى تغيير خفقات قلب وهج بالجهاز وباوعت لوهج الي مفتحه اعيونها صافنه على السكف بذبول
كان يبجي لان تلآم مع قضاء الله و صار عبد عنيد  وفرح من فتحت وهج للدنيا مرة ثانية

،
تهللت مشاعر الفرح والسرور عند اهل وهج والكل اتحمد على سلامتها حتى اهل صالح رأفتا بحالة تمنوا لو تصحى وفعلا صحت ورجعت للحياة لكن صالح الي  غزى الحزن اوصاله وهو يحس نفسه خيب امال ربة من ما تقبل البلاء بدل الاحساس بالفرح ظل يطلب السماح والمغفرة !

مجانت تكدر تحجي ولا تتحرك  كل الي يدل على انها صحت هو عيونها الي تباوع للفراغ
رفض صالح  المكان بعد ما نقلوها لغرفه الراحه ، جان حريص على انه هو يقضي الها كل متطلباتها كحمام واكل وغيرها من الامور ..

ثقلت ميزانيتهم اصلا لو لا ثراء صالح مجانوا كدروا يسون الها هنا الاسعار خيالية .. لهذا سارع غيث بالحجز .. وبلغ صالح باجر يتم السفر .

جانت نياز بانتظارهم لأنهم راح يوصلون لاربيل .
وهي هم اجت ويه اخوها فقط لهنا لشقة نزار اللي اهنا . وهو ما قبل حتى يوصلها

نقلوهه  لمستشفى ب اربيل وهو بقى يمها اما نياز كانت اتزورها ساعة وترجع .... وغيث راح ينفذ الي طلبه منه خاله بالتوكيل الي عندة . وفعلا تم بكل سرية !!!

اما وهج بدت تتحسن اشويه اشويه كدرت اتحرك اديها ..
دوم يشوفها صافنه عليه لكن اكيد اتريد تحجي واتعاتبة وهي ما تكدر لهذا اطارده بنظراتها ..
دخلت نياز للغرفه الي نايمه بيعا وهج  جانت تعبانه الان توها جايه من العلاج الطبيعي .
صحت على صوت نياز وهي اسلم على صالح الي يمها   ويتامل بيها

وهج حاولت تحجي اتحرك حلكها لكن ماكدرت تنطق وحست بتعب

نياز " حبي ريحي نفسج يعمري

اصرت وهج الا تحجي اهنا انطا صالح ورقه وقلم محاول يهديها
كوة حركت ايدها ونياز لزمت اله الورقه وكتبت عبارة يادوب تنفهم الان ايده ترجف ..
اخذت الورقه نياز وضلت صافنه عليها واعيونها متسعة وباوعت لصالح مادة اله الورقه .. اخذه منه
" من هذا ممرض  ام دكتور ؟؟؟؟؟؟؟؟

يتبع

عود صدك اجه النت عدكم لو بس اني رجع من غير برنامج
والله عدكم حظ لان باجر ينتهي اشتراكي وزوجي جان  رافض الاشتراك  لأن النت ضعيف ع البرنامج