تحميل رواية «مراهقة والاربعيني» PDF

#مراهقة_و_الاربعيني

،،،،،،، بقلم زينب ماجد ،،،،،،،،

الحلقة_31

بدلت وكعدت ابجي .. طبت نور عليه وتصبر .. ولا تهتمين وكلهم هيج.. وابو حرب ورده بس اعصابو ومن هلكلام ..

شويه وفاتت الحجيه.. كالتلها نور وينو 

-جا جماعتو وطلع يمهم كعد.. ليليان يمه ليش ما لابسه جبتج ... لابسه هاي ضيكه وضهرج مفصل وامتونج و صدرج..

انه ما حجيت كدامو بس حقو وتستاهلين..

-اي طبعا استاهل .. ابنج قابل راح توكفين وياي ضده.. اكوم انام احسنلي..

-ولج يمه ما راضيه بضربج بس حگو يعصب انتي شايفه ملابسج لو لا ..

- حجيه يرحم والديج تركيني والله ما بيه حيل.. كمت فرشت وتمددت ابجي بفراشي.. بجيت وخويت لحد ما نمت. 

ع العشا كعدني حرب .. كتلو ما اريد.. وبقيت بفراشي.. نايمه لحد ب2 بليل كعدت بلعومي مجرح من كد البجي..

كلها نايمه والبيت مطفى وضواه خفيف.. مشيت بالمطبخ شربت مي.  لكيت بالسله اللي ع الطبله سميري مال جهال

دنت نفسي عليه.. كضبتو وكمت افتح مثل الكبسول واخلي بحلكي.. ما احس اله صراع ضرب ايدي وزت السميري مني ويكولي

-شجاي تسوين يولي من كل عقلج انتي

-دنك شال السميري .. جان يكول .. وجعه كاعده تعلفين بهذا وانه عبالي جاي تشربين دوا تأذين نفسج..

-درت منو وضحكت خرب عبالو اريد انتحر ..خخخخخخ.. مشيت وعفتو ..

طلعت بره .. احس الجو يتنفس ومو بارد حيل .. طلع وراي .. يكلي فوتي لا تتمرضين..

ما رديت ولا كأنو موجود.. سحب ايدي ودارني الو.. دحك بوجهي.. اشرتلو على راسو وكتلو هدن

-مسودن انه ؟

- ما اعرف  بس انته نفسك الجان الظهر يغلط ويضرب.. وهسه وقت الهديت لازم احجي وياك واتقبلك واكولك سمعا وطاعه وادخل مو ..

-لا مو هيج.. انه نزلت بس اشوف منو جوه..

-انته عندك انفصام انصحك تتعالج تركتو وجرني حيل

-هلكلام عيب وما ....

-ما تريد تسمعو مرت لخ.. ما تقبل احد يهينك يجرحك يغلط عليك بس انت تحلل كلشي النفسك..

كل الاسويه تكولون ليليان عيب .. بس ولا مره شفتكم خفتو العيب لو استحيتو..

-راح اعتبر الكلام ما سمعتو ..

-السمعت والما سمعت متهمني.. يصير الصبح.. تخابرلي امي ولا تسمعني ولا اسمعك..

-سالفة اريد امي واريد ارجع لا تفكرين بيها.. واذا فكرتي راح تجبريني على موضوع انه ما رايد اجبرج عليه..

بس لو طلعتي من هينا لا تعتقدين اطلعين بنيه.. وتنهان رجولتي بيج.. خليني صابر عليج.. وانسي سالفة الرجعه ..

-ما فهمت ..

-مو مشكلتي .. انه العندي حجيتو وبراحتج..وفوتي جوه بساع اريد اقفل..

-تركتو وطبيت.. رحت لفراشي .. التوم يبجون.. واني شابعه نوم.. فتح الباب راد.يدخل.. نسى نور هينا..

دحك التوم يتباجون.. تراجع بساع وسد الباب وكاللها اخذي راحتج خويه.. وصاح.. ليليااان..

-ما رديت ولا طلعت..

نور:- يولي الرجال بالباب كومي ..

-ما رديت عليها.. هي لبست حجابها وكالتلو ابو حرب فوت خويه.. ما عدنا شي..

فات هو بعصبيه .. جر الموبايل من عندي وصعد.. ما حجيت.. بس بسيطه.  وكت اللي يدحك بلا مستحى ويريدني اتجاوب .. يجيبلي موبايل

وكت الما اريدو يمن بي وياخذو مني.. هسه لو يصير ذهب مو مبايل هم بعد امد ايدي عليه ولا اريدو..

نمت الصبح.. وكعدو.. ما طلعت  اسوي ريوك ولا كمت اشتغل واني اريد حجه يحجون.. حتى صدك اهج واشرد منهم..

بس محد حجه.. لان هو عصبي ومتوتر وهسه تصالحت ام سعد ما ادخلت ابد.. نور لمت البيت وام سعد سوت الريوك..

مرت سعد رايحه لبيت اهلها.. بقيت بالغرفه.. ابد ما طلعت على كد الحمام .. للظهر يلا طلعت للمطبخ.. بس دحكتو طب بسيارتو للكراج...

رجعت للغرفه.. فات هو .. نور صبتلو غدا.. سائلها عليه.. كالتلو ابد ما طلعت حتى ام سعد ضاجت بس ما حجت. 

ردها .. ولا تطلع ولا تشتغل .. انه ما اريدها تشتغل.. احسن واليضوج ما يعجبو محد جابرو ع العيشه هينا..

وصاعد نايم.. اني طلعت اتغده .. ويوم كامل ما دحكت بيه وحتى وجهو ولا كابلتو ..

لثاني يوم.. جت هيام.. شافتني مطنكره والوجوه مختلفه وصراع عطله وكالب وجهو ..

جت كالت يولي شصاير شكو.. بس لا مطگوگه چتله .. عمتي من يمها حجت وكلامها دفاع لصراع وتنطي الحق الو لان لابسه هيج..

بس هيام ما قبلت.. كالتلها حرام عليكم يمه حتى الكفار ميسوي سوايتو شجاه متكليلي..

هو اليدافعلها من الناس ويحميها وهو اليطيح حظها تره ما صايره .. على مود لبس وشصار.. هي لبست وانتهت ..

يعني لو كتلها شراح يصير .. خو بدل هلطك يكعد وياها ويحجي.. انتي لا تصيرين وي ابنج عل الباطله يمه حرام عليج البنيه يتيمه..

-يمه انا ما وياه وما رضيت بالطك بس هو يغار وهي تعرف ما يقبل باللبس الضيك..

-وما منع بنتو لو هاي صايره ملطشه الكم ياهو الاعصابو كابه جاتلها  

-يمه ذااااك هو اخوج روحي احجي وياه انه شعلي منكم .. لبست نظاراتها وفتحت القران..

هيام همت نفسها وكامت.. هو كاعد بالهول يدحك اخبار.. كالتلو ابو حرب من كل عقلك انت طاك ليليان هيج ..

شسوت يخوي زنت شفتها وي واحد.. شسوت گلي ..

-ام علي سدي الموضوع رحمه لاهلج..

-اشو ما اسدو.. واريد اعرف هلبنيه بهلبيت شنو مصيرها .. ام سعد كبت ضربتها انت عصبت ضربتها وتالي شنو   ملطشه عدكم..

-عجل ترضين بلبسها هذا جدام هلسرسريه وانتي كل الزين تعرفين زلمهم شنو من عيون عدهم وشلون يدحكون ع النسوان..

-اي وهي شعليها بعيونهم.. هذا ما حجي ابو حرب .. الطايح حظو ويدحك لو تلبسها غطا الكعبه هم ما تسترها من عيونهم..

خاف ربك خويه .. البنيه لا هاذ طبعها ولا هاذ لبسها .. مسيحيه ولبسها سفور وجت يمك لبست الحجاب و الجبه كلها خاطر ترضيك وانت ما راضي

شتسوي بعد وترضى.. تره مللتها .. ما تريدها وما تناسبك كول ليش اتعبها واتعبنا..

- ام علي سدي الموضوع

-لا ما اسدو وكافي خاف ربك .. فوك الاهاين السم السمعهتها من خوات مرتك تجي انت فوكهن..

-ومنو محاجيها

-سألتها انت منو محاجيج منو غثج .. لو هي بس طك..

خليصان حاده اسنانها على هلجاهله وتهين بيها جدام اليسوه والما يسوه وهي تسكت خوف منك ما تقبل ترد..

انت فهمني شرايد من البنيه..

-هي كالتلي احد.غاثها وما حجيت  مو كتلها اليسمعج حجي كليلي اردو  وانعل واالدي

-خويه رد نفسك عنها بالاول وعوف الناس هي ما تتأذى من الناس بكدك..

-هيام انه اكرهااا ؟؟! .. ليش تخليني اطلع عن طوري .. كلهم كوا....يد الواكفين.. ولج انه كاعد وعمي يحجي وهي منزله راسها وهم ما نزلو عيونهم عنها

ول يابه ما عونت عمي يخلص كلامو حتى اكلها كومي يلا.. ولج شبت النار بضلوعي وهي كاعده وهم يدحكون

اروح اسويلي مصايب ابيت عمي واكلو عمي ولدك يدحكون بمرتييييي.. ولج راسي اشتعل انتي تفتهمييييين لو لااااااا

اكومها من كدامهم .. تجي  ادنك كبالهم بنص الشارع تخليني احترك بهدومي ولج زين مني ما حركتهااااااا والله ..

-وهي شذنبها بيهم

-لا تكليلي شذنبها كل الزين تعرف انه ما ارضى بهلبس .. طبيتو لبيت عمي دحكتكم واحد واحد.بس هي ختلت مني وما شفتها

يعنيييي شنوو.. هي تعرف انه ما اقبل هلتختلت مني.. وغيرت ملابسها بساع بس طبت لييييييييش؟؟؟؟ تعرف انه ما راح اقبل

.. لا تكولين ما تعرف انه هذااااا الذابحني تعرف ما اقبل وعاندت.

-يا اخي احجي وياها ليش تضرب .. تره اعتقد تقتهم لو كلتلها هذا ممنوع  هي ما صغيره ..

-رحم الله والديج.. خوش كلمه.... ما صغيره مو.. عجل شكالت العقلها من لبست هيج  وطلعت وتختلت مني..

-يا عيني احجي وياها .. ما يحتاج ضرب والله..

خويه ارحم عمرها وطيشها .. مو بكد جهالنا.. ما يغلطون ونتحمل ونعلم وتوكع وذرة السانه من الحجي ويااااااهم..

باجر حلا تتزوج والتاخذه مثلك بدل ما يحجي وياها يضربها وما يعلمها .. تقبل انت بهيج تصرف وي بنتك ؟؟؟؟

يتيمه من تضربها وما الها احد يردك.. شكبر ادموعها يم الله..

ليليان:- ما سمعتو بعد رد عليها سكت  وهي ضلت تحجي.. وفك على حجي هيام.. كام يحاول يكسر الزعل

بس اني ما فكيت.. اسبوعين اتختل منو هو ينزل اني اسوي روحي نايمه .. هو يكعد بالهول اني افوت للغرفه..

يجي للغرفه... اطلع للحمام لاي مكان المهم ما انجمع بيه بمكان شكد حاول راد.. ابد ما رديت ولا حجيت وياه..

نزل الموبايل وحطو على فراشي.. ما فتحتو ثاني يوم بس طلع نظفت غرفتو وحطيت الجهاز على فراشو ..

3 مرات يودي وارجعو بنفس الطريقه.. عرف اني ما اريدو..

طلع للسوك.. جابلي ملابس صيفيه وحتى ملابس خفيفه لوقت النوم تراكات قصيره ثوب قصير.. حتى ملابس داخليه متسوكلي

وياهم عطور وشامبوات وكلشي احتاج.. وصايه مثل اللي انعجبت بيها ونفس الموديل .. بس قماشها اثخن وما بيها ردن ستريج..

حلوه تجنن عجبتني بس ما خذتهم ولا خليتهم بكنتوري.. شوفتنياهم الحجيه ورجعتهم بالعلاليك..

خليت العلاليك على حطتهم.. عرف ان ما اريد شي منو ولا اريدو..

صار يتحجج وقت الاشتغل يوكف بالمطبخ.. ويبقى ينتظر الفرصه اللي تخلي يطخني بيها..

لو يشمر حجي يضحك لو يسوي روحو مشتهي شي وهو يطبخ ويتأمر جيبي وودي بس كون احجي وياه..

وما ريحت كلبو ولا حجيت اخلصلو كلشي واني ساكته الكلمه ما تطلع..

جا من الدوام راد غدا.. سويتلو .. كال صعدي للغرفه.. حطيت الاكل ع الطبله وطبيت للغرفه ما صعدت

ادري بغرفتو ياخذ راحتو وما يستحي ولا يتكبر من شي..

من شافني ما صعدتها اتركها واصعد وما اكل... لشويه واني بالمطبخ عجبني اجرب حلويات الهي نفسي..

جا الحجي ابو ثرب طاكه براسو ومشتهي بيذنجان مشوي.. وكال اني اسوي وهو حط البيذنجان مباشر ع النار خله الدخان مالو والي. 

ويدندن وعاجبتو روحو واني اختنكت من الدخان.. رحت لعمتي كتلها عمه فدوه احجي وياه والله اختنكت ما اتحمل دخان هسه حبكت الا بيذنجان. 

احنه نشويلو بس خل يطلع المطبخ هسه نظفنا وماكو شي ما وصخو.. ... حجيت وصراع صار وراي طاب للغرفه   ردتني الحجيه.. منكم الو عاد هو يرد من احجي وياه. 

صراع:- هو الحجي شجاي يسوي ؟

الحجيه :- يشوي بيذنجان..

-وكل هدخان.. تركنا وراحلو ..

كلو: يابه بدينك شجاي تسوي ..

الحجي:- ما تشوف اشوي بيذنجان

-حجي بربك اختنكنه دطفي

-وانته شعليك..اصعد الغرفتك واقفل بابك ما يوصلك دخان..

-ادري بس انه بالبيت ما تكول ناس عدهم ربو ما يتحملون دخان..

-هااا هينا مربط الفرس كول مرتك تضايكت وجاي تفزعلها ..

هو كال هيج وصراع تخبل وكام يدفر وحرام بالحرم يا انه يا هاي الطبخه وعصب.. عاد الحجي دحك صراع ومعصب

طفى الطباخ... وطلع برا البيت زعل..

صراع :- ليليااان..

- سمعتو صاح رحت وكفت كدامو . 

-اختنكتي من الدخان مو..

-درت وجهي منو ورحت اكمل الاكله..

-طلعيلي بيذنجان اكبار...

-طلعتلو من الثلاجه وحطيتلو ع الكاونتر.. جا تقرب مني.. عود يريد يفتح الجراره بطلع سيخ..

زين اذا اني كدام الجراره وهو وراي شلون تنفتح واحنه واكفين.. بقيت واكفه بمكاني ادحك وين يريد يوصل..

اخذ نفس.. وحط ايدو على خصري ويكلي شو شويه وهو يلطش نفسو ..خوش دروب .. بس ما تنفع..

بعدت ايدو وخرت من يمو .. هو تنهد.. واخذ 2 سيخ وحط بيهم بيذنجان وطلع يشوي بره بالفحم  ع المنقله. 

اني لملمت وساختهم وكعدت اكمل.. شوي وطب صراع شاوي البيذنجان ومشيشهم بالسيخ .. اني واكفه اكلي وهو وكف وياي ثرم بصل وحط الطاوه وكعد.يطبخ الاكله..

و كل شوي يطخني متعمد.. ابد ما ريحت گلبو وتجاوبت.. وكأنو ما موجود..

كمل الاكله وحط عليها كمون وزعتر .. سواها صدك تشهي.. وعزل الماعون.. وكال حطي كبال الحجي ع العشا انه طالع ..

ابتسمت.. رغم زعلانه منو بس احب حنيتو مو بس وياي وي الكل يعصب ويگلب الدنيا بس يعتذر بغير طريقه ويصلح غلطو وما يحب احد يزعل منو..

صبينا العشا بليل جا الحجي متضايق.. كعد.. حطيتلو ماعون البيذنجان كبالو .. شو هذا ابو ثرب بساع فرح

وكال اااااالله هاي انتي سويتيها عفيه عفيه سباعيه.. وكعد ياكل.. صراع مدنك مبتسم وما حجه وهو ياكل..

بليل خلصنا شغل ودخلنا.. ردت انام.. صراع يحوص شلون يخليني اصعد فوك.. عاد شافلو خوش شغله..

مشتري ملابس صيفيه كومه وطب عليه  وكال صعدي وياي اريد اضم ملابسي الشتويه وابدل الصيفي..

بالله هذا وين اروح منو.. صعدت وياه دخلنا الغرفه.. بدل كبالي .. درت وجهي عنو.. وفتحت الجياس مال الملابس ..

تقرب مني .. ولطش نفس ويدنك ويكلي حياتي ما هيج.. استغربت .. حياتي اول مره يكولها.

ابتعدت منو.. تنهد وهو يصفط ويدحكلي صفح .. بنظرت واحد يكول تره تعبت كافي عاد...

بس ما ابطل .. دام يضربني اني ما اكف .. وهم اضربو واغثو بس بغير طريقه ما اضربو الو اضرب گلبو ..

هو يصفط واني احط بالكنتور اصلاً هو مخلص الشغل بس هيج حجه جايبني بس حتى يتحرش..

ما كلت شي لحد ما خلص كلشي لملمت الغراض وردت اطلع.. كضب ايدي وسد الباب..

-تره مو حاله هاي كافي.. يحجي همس.. ومد ايدو فتح شعري ويلعب بي ويشم بركبتي.. ول يابه شلعتي گلبي حرام عليج

بعدتو حيل.  وطلعت حتى قراصتي ما خذتها بقت يمو .. اوووف اذا ما اطلعلو گلب ..

ثاني يوم.. كعد الصبح وي الصلاة.. كاللها يمه انه راح اطلع.. العرفتو عندو واجب طالع اسبوع ومحظر جنطتو واني ما اعرف.. حتى ما وصاني عليها

بس كاللها كعدي ليليان تكوم تسويلي ريوك جوعان اكل گبل لا اطلع.. عاد كعدتني ما كلت لا.. كمت

نزل هو بملابسو العسكريه الاسود.. وبسطالو ... وعطرو اوووف منو..  كال صباح الخير..

ما ردت اطوخ وياه وهو مسافر .. رديت صباح النور بس واني دايره وجهي..

-مو احجي وياج.. صبحت تره مابيها شي لو صبحتي علي

-صبحت ورديت والله بس شكلك ما سمعت..

-كضب ايدي.. ليليان ليمتى انضل هيج كافي.. اعرف قسيت وغلطت وساعة عصبيه شسوي والله من فتي بطولج انه خيلت عليج ونزلت عيوني ما عرفتج..

من مشيتي ودنكتي يلا عرفت انتي .. وشاط راسي والله .. ما اتحمل احد يدحك بيج انتي مالتي وحدي

-اكعد تريك..

-ليليان كافي ابوس راسج بالله تعبت.. يولي مسافر اسبوع مدري ارجع مدري لا اطلع وانتي زعلانه اموووت ما اطيق زعلج بالقران..

-بعدت ايدو.. وكتلو ترجع بالسلامه.. وفتت للغرف..واسمعو يتنهد يكول ربي صبرك والله تعبت ..

تركتو ودخلت للغرفه.. كالت هاا حجيتي وياه..

-اي

-عفيه بنيتي كسبي رجلج تره الزعل ما زين يبعد الگلوب..

-مشيت لفراشي وما رديت..

من سافر اني انتقلت لغرفتو اكمل شغلي وانام واكعد بيها .. كم مره يخابر الحجيه يريد يحجي وياي واتحجج وما ارد..

ما اكرهو بس طلعت روحي من كد اذيتو .. لو اسوي بيه ربع اليسويه بيه جان من زمان طلكني وما تحمل  

بس اني لازم اتحمل.. ما اضربو ولا اذي .. اقل شي يقبل اسبو .. لو اسب ابوه.. ؟

عجل شلون اقبل يسب ابويه الميت وارجع اسامحو بلا كلشي.. تعبت ما تصيرلو جاره .. عاد خلي هيج يتمنى رضاي احسن. 

بهذا الاسبوع قررو يخطبون نور مرت عابد لنائل.. حتى يلم جهال اخو ويصيرون ابيت اهلهم..

ما يقبلون جهالهم يعيشون عند النسابه.. اهل اخلاص كتلو ارواحهم بس رادو حلا تعيش عدهم بعد موت امها ما قبل صراع..

قاعده عدهم بزرهم ما يعيش غير عدهم.. ف كالو عيب نسابتنه تصرف على جهالنا عود مثل الغرب نوديلهم مصرف نائل يلم جهال اخو ونستر عليهم وعلى امهم..

واتفقو على كلشي وكالو ما نسوي حفله ولا شي نعقد عليها ونجيبها للبيت.. وبس ..وانتظرو صراع يجي حتى يرحون يخطبون..

كالو باجر صراع يجي.. فكلت بليل انظف غرفتو واعطرها واسدها حتى من يجي الصبح يرتاح بيها..

كملت شغلي الظهر وصعدت شغلت التلفزيون .. ونمت ما حسيت.. شوي وحسيت شي يكعد ع التخت..

ردت اكوم.. بس من سوه احم.. وهو ينزع بسطالو عرفتو صراع.. احس شكد مشتاقتلو بودي اكوم احظنو .. ما بيدي ما اكدر اكرهو..

وهو بملابسو العسكريه فتح البطانيه وتمدد نام يمي وخلى راسي على ايدو .. اني حسستو نايمه اشخر..

بس اني محتاجه احظنو .. لو شكد ما اضوج وانقهر منو .. بس بحظنو راحتي.. حط راسي بصدرو وغمض عيونو وهو يبوس بكصتي خفيف ويشم بيها..

ويييي ضعت بحظنو.. صح تعبان وعركان.. بس كد ما جسمو مشبع عطر وما ينطي نفسو يتوسخ ابد ما تطلع منو ريحه مطيبه  

وحتى وهو تعبان عطرو يجنن .. بحجة نايمه غمرت راسي بصدرو.. بس هو ما كدر ينام ويغفى وما سابح..

كام على كيف.. سويت نفسي كعدت.. وفتحت عيوني.. هو شافني .. خلى ايدو عليه.. وكال

-لا تنزلين خليج نايمه بس اسبح..

-بعدت البطانيه.. ونزلت من الجهه الثانيه.. هو تنهد بتعب.. وشال راسو .. كال ليليااان..

-درتلو هااا

-حظريلي الحمام والملابس تعبان والله..

-هزيت راسي.. حظرتلو ونزلت..

هو سبح ونام ما كعد غير للصلاة ورجع نام وراها.. جرها لثاني يوم.. ع الريوك كالولو نريد نخطب وكذا وحجوله السالفه ..

ردهم :- بيها الخير ان شاءالله..

الحجي -ما نسوي حفله  ونعزم بس نعقد. عيب من الوادم

-يا وادم يابه خلي العالم تفرح والشباب تتونس حجي .. ليش ما تسوون.. المات الله يرحمو لو حزنا ما نرجعو هو يفرح بفرحنا ومن يشوف عائلتو فرحانه. 

هذا اول عرس لنائل لا تقصرون وياه وتنقصون فرحتو على حساب حزن اخو المات..

هو حجه هيج لو هاي الجهال صاحت هيييييييي كلها كامت تصيح وتركص وراح يصير عدنا عرس

والنسوان كامت تتراطم وحده باللخ ويا صالون ويا فستان.. هيام.. لبست عباتها وكالت خل اطلع الحك اتسوك  لبناتي وطلعت للسوك اشترت الها والبناتها ولحلا ..

اني ما ردت شي لان صراع مشتريلي فساتين.. وكلبو البيت فوك تحت ينظفون... العصر كالت هيام انه اروح للصالون التروح هلا بيها..

حلا كالت اروح .. ومرت سعد.. وخوات صراع من ام سعد.. عاد كلت للحجيه.. اريد فلوس اروح ويه هيام للصالون..

كالت ذاك رجلج فوك وروحي طلبي منو انه شكو فاتحتلج بنك يمي..

ابتسمت اعرف قصدها تريدني اصعد احجي وياه واكسر الزعل.. عاد عفتهم ورحت لحجي

كتلو عمو فدوه اريد اروح وي هيام وابو حرب نايم انطيني فلوس .. خطيه ما كال .. طلع 3 ورقات وانطاني..

عاد دزيت حرب على صراع  كتلو كول لبابا ليليان راح تروح وي عمه هيام للصالون.. شويه ونزل وكال ام علي انه اوصلكم..

لبسنا اني وهيام.  وحلا .. ورحنا وخوات نائل ام سعد اخذتهن..

وصلنا للصالون وحجابج نزلي وعينج لا ترفعيها وشعرج وطولج يبوووووه الف توصا وصى وبس عليه  

حلا بس كاللها ستري روحج بابا.. ويمي يتأمر.. نزلنا.. ردت انزل.. صاح يولي فلوس ما تردين..

-انطي للحجي 3 ورقات اخذت منو ..

-حدري شنو الحجي .. هاااه ليليااان شنو انه طرطور واطلبين من ابوي.. ما رديت نزلت وكتلو باي وسديت باب السياره..

ونزلنا للصالون وما درتلو .. حفيت وسوتلي شعري تسريح معالج وصبغتو .. صار يجنن وسوتلي تنظيف ومساج للبشره..

طلعت نانسي عجرم واكعه عليها الزاويه الا شويه. 

رجعنا للبيت وهو شافني حافه وصابغه.. فار طلعت روحو ويحجي وي هيام و محترك دمو .. يكلها

انه هيج وطاكه روحي من عيون العالم مو انوبه حافتلها ومدري شمسويه بوجهه هاي بالله وين اوديها..

هي ضلت تضحك على غيرتو.. دخل لغرفة الحجيه اني واكفه ع الكنتور اعدل بملابسي وعلي ابن هيام نايم على سرير الحجيه.. مكنك..

شو هذا زكح بيه.. كالو الف مره اكلك لا تزين جهرتك حلوه من الله عود انته ليش ما ترد..

الولد ضل صافن .. كالو خالو والله مامزين اصلا دا اكبر بشعري اريدو كفشه..

-انته دزين مره لخ وشوف شسوي بيك.. بالقران اشوه وجهك هذا الفرحان بي..

علي ضل صافن.. صراع طلع وصفك الباب وراه.. واني اضحك.. اندار عليه .. ويكلي خالو وياج لو وياي..

-انته معليك اطلع منها..

-عمي انه اصلا طالع من البيت كلو.. لا احصلي رزاله من خالو والله ما بيه لرزايلو..

-كلكم ما تتحملو بس اني مبتلي بي گلبي

-دسكتي عيني ام الكلوب لو ما خالو مشتعل جده من وراج. 

-اندرتلو  وتخصرت.. هلله وانت شدراك..

-ثلثين الولد علخال وانه اشبه خالي هلسوالف ما تعبر علي .. بنظره اعرف كلشي

-عوذه منك ومن خالك تف انوب اثنين ... اطلع منييييي 

-دصبري خل اكلو واشوف شلون تف

-لك علي لاااا والله يطيح صبغي الله عليك اليوم حافه ومعدله وجهي والله مابيه مكياج ازرك اهئ اهئ اهئ..

-ههههههههههههههههه اروح منج سوالفج ما بيهن خير ..

-ديلا عيني انشتاين سوالفي ما بيهن خير

كملنا نفسنا وتجهزنا باجر بس انظف البيت حتى عكبه العقد والعرس..

كلما تعشينا ونمنا من وكت.. هيام راحت البيت .. لان صرنا ازدحام.. واني الحجيه اطرد بيه طلعي فوك نامي ما تكفي الغرفه.

كتلها صعدي انتي نامي وخل نشيل سريرج ينامون بيه 3 بمكانج.... غمتني وتكول فلشج كون عود هم تردين يم راس يابس..

طفينا ونمنا.. من ال7 طب النا صراع يدفر ويضحك ويكول يلا كعدو كومو باجر عرس.. خلاها كلها تطفار

وهو نام ع التخت و تمدد على رجل الحجيه.. ويكلها اوووف يا يمه والله تعبت..

اني كاعده بفراشي.. والم بشعري..  .. هي تكلو يتعب عدوك يمه من عمري على عمرك..

- اسم الله عليج يمه بس شسوي اكو ناس شگد گلبهم اسود..

-عجل يمه تحسب گلوب الناس كلها مثل گلبك الطيب

-والله يا يمه شخص شگد احبو واداريه يقابلني بالصد .. وتعبتني حيل

الحجيه ما استلمت ابد.. كالتلو  يمه هي الدنيا مصالح وكلها ادور مصالحها..

-يمه طبعي عصبي وما بيدي وما ارضى بالاعوج.. بس مشكلتي وي هذا الكاتلني.. ويأشر على گلبو..

عاد الحجيه كالتلو .. يمعود روح الله يغث اليغثك ويفرفح كلبهم بجاه هاي الصبحيه وفاطمة الزهره البريه..

كعد من حظنها بساع ويكلها  لخاطر ربج يمه لا تدعين ماكو احد غاثني شسالفه ..

اني هزيت ايدي ما عاجبني وكمت.. لبست حجابي وطلعت منو.. ردت اروح للحمام صاير ازدحام..

عاد صعدت فوك هو صعد وراي.. صاح ليلياااان..

-ردت افوت كضب ايدي.. يولي مو اصيح ليش ما تردين..

-شتريد..

-وتالي كليلي شلون .. تبقين هيج..

-شبيه

-سألي روحج صار فوك الشهر زعلانه وعجزت بيا طريقه اراضيج دكافي

-غلطان ما زعلانه .. ودا اشتغل واخدمك وما مقصره بشي شرايد بعد...

-دحكي يولي تره النفس عزيزه وما تهون اذلها كدامج ... وصبري عليج بدا يخلص.. لا تشوفين لهسه منطيج وجه..

تره بالله العظيم لو لبستج برجلي ابو ابوج لو يجي ما ادحك بوجهج.. ان رضيتي وان زعلتي طبج طوب باقرب حايط رگعي راسج.. مو انه التذلني مره افتهمتيي

زت ايدي من ايدو حيل ومشى للغرفه بعصبيه.. فتت للحمام وطلعت نزلت جوه.. واني افكر بي الضاهر صدك طوختها وياه..

خل الين وياه باجر عرس ونفرح شمحصله اني من الزعل.. دا انزل دحكت اخلاص اجت هي وامها وابوها متحلمه بينا خلوص ام حثل..

حتى ما سلمت عليهم رحت للمطبخ.. هستوني دا احظر بالريوك.. نزل هو وجهو ما يكصو السيف..

كتلو الريوك راح يجهز لا تطلع.. ما رد.. صفك الباب وطلع .. نوال كالت هذا شبي .. ليش هيج سد الباب جان تكسرت...

-شسوي اعصابو كابه من الصبح.. اخذ سيارتو وطلع.. سد باب الكراج. 

بعدنا هسه دنحظر وما نحس الا وصوت قوي هز البيت علينا كلنا تصارخنا واني كعدت بمكاني وخليت اديه فوك راسي وصرخت يمااااااااا

الثريات والمراوح تحركت بالسكف من قوة الصوت.. 

.. طب الحجي يصرخ شنو هذا انفجار قريب .. نائل نزل يركض ابو حرب ووووووين..

-طلع هسه ..

-خررررررب .. دفر الكاونتر كسر العليه كلو .. وطلع بالكراج يخابر

جت الحجيه تركض .. وليدي وينو  يمتى طلع احجيييي

-عمه هسه والله هسه طلع..

نائل:- مغلق ليييييش .. افتح افتح لخاطر ربك افتتتتتتح.. اول مره بحياتو مغلق ليييييش

الحجي :- ولك انته بس كلي الانفجار وين

-سعد.طب من بره كالو الانفجار ع الشارع بالسيطره خوما اتأذيتو  ..

الحجي:- ولكم اخوووووكم دحكووووو اخوووكم وينو

الحجيه :-يمه عمى بعيني وليدي وينو ما صار ساعه نايم بحظني وينو حاجوني ..

-اني حاطه ايدي على حلگي وابجي واگول معقول يصير بي شي وهو طالع زعلان مني لا والله اموت ما اتحمل .. 

كاعده بمكاني وابجي واصرخ وحاطه ايدي على حلكي وهم كلهم طارت كلوبهم وطلعو بالشارع يدحكون وينو..... يتبع

☆☆☆☆☆☆☆

#زينب_ماجد#مراهقة_و_الأربعيني

،،،،،،، بقلم زينب ماجد ،،،،،،،

الحلقة_32

كانت هذه الفتره .. فتره سيئه جدا على اهل الانبار.. ناس جاعت ..ناس ماتت.. ماكو احد يسمع ..ماكو احد يعيل احد..

وما واكع بيها غير الفقير

ساحات الاعصامات مليانه .. عالم فاضت بيهم الحاجه وطلعت هوست تريد حقوقها..

شباب بلا عمل .. كهرباء ماء صحه بيئه كل هذه يحتاجلها المواطن حتى يعيش وكل هذا ما كان متوفر..

فطلع الفقير بحركة دم.. يهوس ويطالب بحقوقو من أناس كلبهائم يكاد لا يسمعون ولا يعون..

الفقير ما يعرف شنو اندساس وشنو كمية المباغته اللي دتصير .. كل همه حقو لكن للاسف كل شيء كان مباع ومسيس وما وكع بيها الا الفقير..

جنت اشوف نائل و صراع يتعاركون ودوم بينهم نقاش حاد سياسي..

ونائل جان يريد يطلع يتظاهر وصراع ما يقبل .. يكلو هذي نار ما نحصل منها غير الرماد... و الله يكول قو انفسكم واهليكم نارا وقودها الناس والحجاره..

وماكو ثمن لهنار غير ارواحنا وحياطين بيوتنا..

... فترة انتشرت بيها الفتنه انتشار واسع .. حتى اخر الايام صراع و ابوه واخوانو ما گامو يروحون لصلاة الجمعه.. يفضلون الصلاة بالبيت افضل..

انوبه صار استهداف للعساكر و الاماكن التابعه للدوله .. سيطره مركز قياده تتفجر ..

جنت ادحك الحجيه تكلو يمه ابو حرب اكعد واترك دوامك.. ما بينا حيل نخسر بعد والله ..وكل عسكري صار مستهدف..

بس ماكان يرد.. ومو بس ما يرد.. وكأن ما يسمع.. هذه عادة ابو حرب تطنيش اي حاجه ميحب يسمعها

.... بيومها طلع الحجي وولدو وعمتي يدورون على صراع .. توهم طلعو .. وگب الانفجار الثاني...

اني جنت كاعده مكبصه على رجليه و ابجي.. من قوة الانفجار.. كعدت على حيلي للكاع وحطيت اديه فوك راسي

والزجاج مال الشباك كلو تناثر فوكي .. كمت اصرخ من الخوف .. لان للحظه حسيت البيت راح يوكع ونندفن جواه..

فمجرد ما اختفى صوت الانفجار.. سندت ايدي للكاع اريد اكوم .. دخلت كزازه بين الابهام والسبابه.. الدم كام يتناثر من ايدي..

بس الخوف كان اعظم.. طلعنا من البيت كلنا نركض لان حسينا راح يوكع فوكانه.. كعدنا بالكراج كلنا نتصارخ نسوان وجهال..

وبيهم اللي ماد راسو من الباب يدحك شنو الصار.. وناس كاعده على حيلها وتبجي وتدعي الله ينجينا ويعديها سلامات ويحمي ولدنا..

واني بين الخوف والندم والأنكسار ومشاعر ملخبطه ودموع تتجاره ودم يتناثر من ايدي وكأن ما احس بي.. ضياع

شويه وطبت الحجيه و سعد..... الحجيه تولول وتبجي على ابنها.. و سعد زكح بينا وفتنا جوه..

واني عيوني ع الحجيه اريد استفسار منها بس الكلمه مدتطلع بس ادحك وابجي..

دخلنا جوه هم فاتو للهول.. واني فتت للمطبخ ابجي .. معقوله صار بي شي .. وين راح وليش خطو مقفول..

لهناك واجه نائل والحجي .. كالو:- هاا ما اجه..

جاوبو:- لا ما بين

يخابرون عليه والگلوب نار..

شويه وانفتح باب الكراج ودخلت سيارتو .. كلها طلعتلو وهو نزل بساع صاح هااا كلكم بخير كون واحد منكم طالع..

حظنتو الحجيه وكامت تبجي.. وحلا هم حظنتو وتبجي حيل وحتى اخلاص حظنتو وتكلو ما تتصور شكد ضل بالنا جان متنا

.. كال الهم :- يابه شجالكم كولو يا الله.. ما بيه شي ... انه الضل بالي عليكم

زكح بيه نائل وين جنت يخوي متكلي خطك ليش مقفول طلعت ارواحنا..

-يولي الموبايل طريتو بحايط غرفتي گبل لا اطلع جنت معصب .. وانه طلعت منا.. سمعت الانفجار واندرت رحتلو..

نقلت جثث بسارتي ورجعت.. عرفتكم راح يضل بالكم.. حظنو وتحمدولو ع السلامه.. وطبو ..

واني اباب المطبخ ادحك عليه ودموعي تجري ... دحكتهم فاتو جوه.. اني فتت للمطبخ وابجي ومخليه اديه على وجهي..

فات من الباب الثاني.. واجه .. دحكني وجان يكول عصفورتي شبيها تبجي.. واخذ وجهي يريد يشوفني..

اني حظنتو حيل وكمت ابجي بصوت عالي..

-ول يابه كل هلدموع لخاطري عجل شكد تحبيني يولو وساكته هههه..

جر الكرسي وكعد.. وكعدني على رجلو واني من كل عقلي حاظنه راسو بصدري وابجي بقوه.. وهو يضحك ويهدي بيه

دحك اديه كلها دم.. كال شو شو دا اشوف ايدج شبيها.. وخرت واخذ ايدي.. يدحك بيها وكال

-ول يابه هاي بيمن ذابحه ايدج.. ليش هشكل الدم ينضح..

نوال و حلا و اخلاص واكفات يدحكون.. اندار لحلا كال الها :-  باباتي من الخانه اللي بالحمام المعقم والگطن و الشاش بالعجل ..

راحت تجيب وهو يدحك بوجهي ويمسح بدموعي ويبتسم ويكول بسج.. طاح حظج الا بانفجار يلا ترضين علي .. طلعتي مانج سهله يولي..

واني ابجي ابتسمت.. جان يحجيها بضحكه ويكول : دبسج بجي يولي لا يگوم يطافر علينا خنن ..

خليت ايدي على وجهي وكمت اضحك.. ونوال هم تضحك وتكلو يابو حرب والله عليك سوالف..

واخلاص عاكسه ايدها ع الكاونتر وادحك بلا مستحه واني كل هلحجي منتجيه على رجلو كاعده..

اخذ من حلا الشاش والمعقم.. عقم ايدي ولفها وتيبها .. دحك الحجي اجه للمطبخ.. بعدني من رجلو..

وسأل:-  هاي الجام تكسرت هيج من الانفجار ..

والحجي استلمو اسئله ع الانفجار وانفتح موضوع سياسي .. ونائل وسعد دخلو يشاركون بالحجي ويتناقشون ع الانفجار..

خلصو حجي.. صراع حجه وي سعد :- اتصل برحمن ابو الجام خل يجي يرمم الشباچ ..

ودحك على نوال كاللها؛- خويه  نظفي انتي والبنات المطبخ گبل لا يجي الولد ابو الجام.. هاي ايدها مجروحه. ودحك عليه..

-يويلي شكد فرحانه بطولو وهو يصرعنه بأوامرو وواكف بنصنا.. ادحكلو واني مبتسمه...

كرص خدي بضحكه وفات.. كعد وياهم..

طبعا عادة العراقيين بهيج موقف من يصير انفجار .. ننخبص ونبجي وندعي واحد يكوم يضرب باللاخ..

وره ساعه تمر نمسح الدم ونصلح النهدم ونرجع طبيعيين وكان ماكو شي بس كل شوي نكول والله خطيه الاستشهدو والنجرحو ..

ونبقى نترحم للي مات وندعي للنجرح يكوم بسلامه وترجع الحياة تمارس بشكل اعتيادي جدا.. حتى الخوف والرهبه ما تضل وكأن ما صار انفجار

ويمكن هذا السر البينا اللي خله العراق رغم كل الانفجارات عايشين ومتفائلين واليكعد بيناتنا ما يحس عدنا هم ولا كأن خسرنا كومة شهداء..

نظفنا المطبخ .. وجا الولد صلح الجام ورجعت احلى من گبل وسوينا اكل ع السريع لان ما تريكنا والظهر گرب ..

خلصنا الاكل وكلها هبت تنظيف للبيت.. والولد بالاستقبال بعدهم على نفس النقاش السياسي بس اصواتهم طالعه.

كاعد.امسح بالهول و اخلاص و شيماء كاعدات.. جان تحجي بصوت ناصي تسمعني بي..

اخلاص:- يولي والله وتعرفين تمثلين حتى انه صدكت بدموعج الا شويه عفتي ناديه الجندي بالدرب على تمثيلج..

-منكم نتعلم خلوصه حبيبتي .. بس شوي كومي خل امسح الوصخ الجواج..

اكوم بيهن وهن يجرجرن وشيماء تگلها شتترجين منها .. ساقطه نغله بلا اصل .. 

-سمعتها كالت هيج.. كمت على حيلي وطريت الوصله بالكاع.. وكلت اني على شو متحمله سموجن .. عندي زلمه اكلو وهو يرد عني ما كاعده هينا حتى انهان وهو موجود..

اندرت ردت امشي .. جرتني ام سعد.. وكالت كضبي السانج يولي عرس وما بينا حيل مصايبج .. استجني شويه..

-عجل كضبي السان بتج وبت اختج حتى اني اكضب لساني وما اكلو ..

-تخزر بوجهي واندارتلهن.. بالله عوفنه من هاي الما تستحي تروح تسويلجن تمثيليه ويجي ذاك يصركع روسنا .. خلنا نخلص ونعدي عرس اخوجن على خير..

هزن اديهن.. فات صراع.. دحكني واكفه ادحك عليهن ومخصره اديه.. وهن يهزن بديهن

-ها ليليااان اكو شي ..

-هن انخرسن بساع .. كالتلو اخلاص لا ابن عمي جاي نتشاقى وياها..

-كتلو انكسر ظهري وهن ما يكومن امسح يا شقى هذا..

صراع:- بت عمي لو تمسحن بدالها لو تكومن بلا شقى ماصخ تره ايدها متأذايه ما بيها حيل لشقاجن

..حجاها واندار ما انتظر ردن منهن بس بساع كامن وينافخن.. اني مسحت بساع ورحت للحمام اشطف..

فات صراع يغسل ع المغسله.. واني مدنكه ع السطل اغسل بوصلة المسح...

صفر وطلع صوت خفيف ويكول ..

-يول عصفورتي طلعيلي فوگ شويه ..

-اندرتلو واني مدنكه.. ابتسمت.. متشوف عركانه وعدتشتغل .. انهد حيلي والرب

نكث اديه من الماي واندارلي.. ول يابه عمت عيني .. عصفورتي تتعب ليش .. والله لنعل شيب اهلهم..

كمت وكفت كدامو.. اضحك واكلو لا تگرب عرگانه والله..

- اخ يابه شلون تشعلني بنارها وانه روحي خلصانه.. وتگلي لا تگرب 

-هههههههههههه

-ششششش يول فضحتينا ..يمكصوفة الرگبه  هاي من ابعيد وانفضحنا عجل لو نگرب شلون..

-هههههه اي اطلع بس اكمل لا يفوت واحد ويشوفنا والرب عيب

-ويفوت وشنو يعني خايف من احد انه..  يولي حلالي انتي ..

-عجل خل اضحك براحتي دام هيج.. ههههههييييي .. وضحكت ضحكه مصريه

-لا يا طايحة الحظ على هسالفه هاي .. اشرد اشرفلي ..

-هههههههههه .. كملت شغلي وسبحت.. ورحت امشط بغرفة الحجيه..

شويه وكالو جت اسماء .. تصير بنت ام سعد.. بس هاي عادتها من تجي هي ورجلها واطفالها يباتون ويبقون ايام.. ما وحدها تبات الا رجلها وياها يجون ويرحون سوا..

صراع عدنا يتضايق من رجلها .. وعادة صراع عندو نظره للبشر يحللو ويقرر يرتاحلو لو لا..

وهذا ما يرتاحلو يكول.. گلبي ما يرتاحلو عيونو ادحك بحريم خلگ الله..

ف من اجو رأسا فات علينا جو ونبهنا ان ما نطلع كدامو ولا نقدملو شي  .. محمد او علي او اي واحد من الولد يقدملو شنو يحتاج

وحمام او وضوء .. يطلع بره للكراج ما يدخل لجوه ابد.. وهاي اوامر صراع .. بوجوده شحدو اللي يخالف..

حتى الكراج كال لا اطلعن .. هذا الكلام الي و الحلا و لنوال وهيام و بناتها.. گلنالو تم على امرك..

بقينا بالبيت انظف ونشتغل والغدا وهوستو والناس بزدياد.. لل4 صراع بدل وكال انه عندي شغل اطلع ...

... كالتلو الحجيه استر علي واكعد يمه.. كاللها الكاتبو الله نشوفو حجيه لا تخافين.. اودعناكم..

حجاها وطلع.. بس اشو من طلع والولد دخلو بالهول كعدو الحجي دخل رجل اسماء للهول .. اسمو عادل..

وفعلا مثل ما گال صراع عيونو ادحك ولا تبطل .. وابد ما مريح.. بحيث تقيدنا لا اكدر اطب ولا اكدر اطلع..

وهيام تخزرني عود لا تمشين كدامو بس شسوي غير اشتغل .. ما بيدي اضل اصعد انزل اروح للمطبخ..

باجر عرس وحساب الشغل معروف.. هوسه.. الحجي كال انه اخذلي نومه شويه من رخصتكم.. وبقى كاعد وي ام سعد والبنات..

شوي واستغربت شيماء تكلو فوت خويه قابل انت غريب ع البيت.. البيت بيتك.. اني واكفه اجلف ع السنك..

فتح الثلاجه يشرب ويدحك.. غسلت اديه نزلت اردانات كلابيتي.. وردت امشي .. جان يكول بصوت ناصي ..

-ول شهل طول هذا يابو لو اگضبو..

-اني من حجه كن كلمتو مثل واحد وبزني بظهري .. شردت من المطبخ بساع ودخلت لغرفة الحجيه..

دحكت بوجهي الحجيه وكالت:- يولي شجالج .. شبيج لونج مخطوف..

-حجيه بربج صراع مو كال عادل رجل اسماء ما يفوت للبيت .. شو فات

-حجه وياج شي ؟

-لا بس اتقيد وتعرفين صراع اذا يعرف اني ماشيه گبالو والله ليسلخ جلدي واني الاتحاسب

-ول لا تولولين انه هسه احاجي علي ياخذو للاستقبال وتفض لا تكبريها..

منا اسماء وخواتها لو سمعنج يسولج سالفه گضبي السانج يولي..

-هسه اني شحاجيه غير صراع هيج وصى .. وتالي اني الاكع بيها.. دصيحي علي بسرعه حجيه فدوه..

-والله سالفتج ماهي خاليه يولي مسمعج شي.. ؟

-اكوم منج اصيح علاوي احسنلي .. طلعت الغرفه ودحكت اميمه بت سعد .. كلت الها اميمه صيحي علاوي ابن عمه هيام فدوه..

راحت تركض .. صاحتو واجت هي وياه.. كتلو الحجيه تريدك..

دخل وهي وصتو يطلع عادل للاستقبال ..وهو گال الها  :- جده اعرف خالو صراع ما يقبل يفوت جوه وكتلو نكعد بالاستقبال

بس خاله شيماء ما قبلت تكلي قابل هو غريب اخونا هذا.. وفات .. هسه اذا الح يسوولي مصيبه وامي التكع بيها.. شوفيلج غيري جده يرحم اهلج..

عاد اندارت عليه .. وكالت:- يولي نائل فوك لو طالع..

-لا يمكن فوك..

-صيحيلو

-طلعت من الهول الحقير الخنثه عادل كاعد ويدحك.. صعدت لنائل لكيتو  بالحمام.. عيغسل وصافن..

-نائل

-بعدو صافن

-هيووو نائل وين صافن عيني

-هيو بعينج يولي شرايده. 

-غمزتلو .. هاا هااا

-شال ايدو من المغسله ونكثها بوجهي صار طفار المي عليه .. دكول استحيت بعد تزت مي شكو

-ههههه لج يول شرايده..

-لا صدك صدك نائل فرحان.. مشى لغرفتو واني امشي وراه  

-بشنو افرح

-باجر عرسك..

-شكد فطيره انتي .. وليش ما افرح عجل راح يذبحوني لو يزوجوني

-لا يعني قابل تتزوج مرت المرحوم

-انه ما فرحان اتزوجها بس هو عرس والفرحه راح اجيب ولد اخوي ابيتنا واصرف عليهم بلكن يرتاح بكبرو و يطمئن عليهم..

-همممم وغيرها ..

-غيرها طلعي منا يا حشريه خاطر ابدل اريد اطلع

-وسد الباب بوجهي .. رجعت فتحت الباب صاح هاااا .. كتلو قابل جايه اخذ رأيك فرحان لو لا ..بس اجيت اكلك الحجيه تريدك

بس دحكتك صافن و نسيت السالفه بس صدك الحجيه تريدك..

-اي دروحي بس ابدل وانزللها كليلها جاي..

-اكيد..

-شلون راح اكتلها .. وهم عليه .. صفكت الباب و ركضت منو .. واضحك..

نزلت هذا العقده رايح للاستقبال هم زين.. دخلت للمطبخ.. هيام تريد تصعد هي واخلاص يغسلن السطح..

مشت و شيماء دحكت بوجهي وتكلي طلعي لملمي الحديقه وكنسيها..

-صراع ما يقبل اطلع بالكراج

-دحكي عيوني ما نشتغل عند الخلفج لو عد صراع .. حالج حالنا تشتغلين ويانه ما دشوفين طايح حظنه بالشغل

سالفة صراع ما يقبل.. هاي ما توكل خبز .. طلعي يلا بساع ونفذي الكتلج عليه ..

... هفففف امري لالله شسوي.. لفيت الحجاب عدل وطلعت انظف بالحديقه.. شويه وشفت عادل طلع من الاستقبال..

انخبصت بالله هسه اني وين اروح .. و شعلي بي .. يطبو طوب ..خل اكمل.. وكفت اكنس.. جان يلزم ايدي..

نكثت ايدي من ايدو بساااع..

طرلي الرقم  ويغمز ويكلي خابريني يحلوه..

عفت كلشي وانخبصت طبيت اركض للبيت.. اندعمت بنوال كالت على كيفج يولي شبيج تركضين..

-ما بيه شي بس طلعي كملي تنظيف الحديقه بمكاني فدوه.. حجيت وردت اطب لغرفة الحجيه..

طلع نائل منها.. عفت الغرفه وصعدت فوك بسرعه.. هيام واخلاص يغسلن بالسطح.. وكفت كتلها ام علي بس شويه..

اخلاص:- كاعد نشتغل مو وكتج..

هيام:- ها ليون شكو يولي اريد اخلص

-بس تعاي خزرتها.. زتت الصونده من ايدها وگالت الها .. اخلاص كملي ثواني واجي بس ادحك شرايده. 

جت يمي اخذت ايدها وركضت ع الدرج نزلت لغرفة صراع.. وهي تصيح يمعوده شبيج شجالج شكووو ..

دحكت ماكو احد.. انداريتلها .. ام علي فدوه خلصيني وكليلي شتصرف

-شكو يولي شصاير

-هذا عادل رجل اسماء يتحرش بيه مساعه يكلي فدوه لهطول واخ لو اگضبو وهسه طرلي الرقم من جنت بالگراج انضف الحديقه .

-عزه بعينج ان شاءالله يولي صراع مو وصاج ما اطلعين اكبالو ولا نصل الكراج شطلعج

-انتي ما دحكتي يفتر بالبيت براحتو وشيماء الحقيره عندت بس صعدتي الا اطلع انظف عجل شسوي من وراكم بس طايح حظي ..

الليله لا بقى الوضع هيج حتى ما انام وامن على نفسي هذا ما يتأمن وخايفه منو

-خبري صراع وخل يتصرف

-لا يمه عزاا  غير يذبحني والرب ما يبقي بيه عظم صاحي

-عجل شلون يولي .. ذن الچلبات حادات اسناهن عليج ويردلج سالفه وراح يورطنج وي هذا ويعرفنو طايح حظو ..

السكتي يورطنج اكثر والحجيتي يزتنها براسج وانتي التخسرين وانه ما اكدر احجي كلها تصيحني وتعابيني لو حجيت وتهمتو .

خلي صراع يتصرف .. لا يورطنج اكثر يول لو يصورنج وبعدها ما نكدر نسوي كلشي وصراع لو سمع لو وصلولو شي عنج والله يذبحج ومحد يخلصج منو..

-عفيه شگلو اخاف انتي خابري

-يول غبيه لا تصيرين .. انه ما اكدر اخابرو بس صراع وافكارو وتعرفين هسه يكول ليش انتي تحجيلي اذا هو متحرش بيها ليش مو هي .. وليش تضمضم وانتي التحجين

وهو شكوكي يشك بأظافرو و يروح يطلعلج سالفه وتكبر .. كصري الشر و خابري وليني الكلام وياه وحاجي مثل التتنخين بي وتتوسلين  ينقذج وانتي خايفه

حتى لا يضل عليج شك لو يحسبلج حساب كليلو وخل تطلع من السانج وهو يتصرف ..

وخل اصعد انه لا تجي اي المصگوعه تروح تسمعنا وتسويلنا سالفه..

-تركتني وطلعت   يربي شسوي والله اخاف احجي لصراع يروح يعصب وابتلي..

بس لا .. اذا سمع من غيري مو بس يعصب يشيل سلاحو ويرميني والله .. ارحم نفسي واني اكلو اتحمل القليل من اعصابو ولا اكلها كلها ..

نزلت لغرفة الحجيه.. هي كاعد تقره قران.. مديت ايدي بجيبها .. اخذت الموبايل هي صفنت بوجهي. 

كمت اريد اطلع هي كاطعه القرايه وادحك.ما رديت عليها.. اخذت الموبايل وصعدت فوك..

دخلت بغرفتو وفتحت الموبايل.. بقيت ادور بالاسماء.. بساع لكيتو ابو حرب ..

دست اتصال.. يااا بس لا مغلق.. هو كاسر موبايلو.. رن.. اي همزين يمكن مشتري..

شوي ورفع الخط .  الوووو ها يمه..

-الو هااي اني

-ليون هاي انتي .. هلا حياتي كولي ..

-اااا انته وين

-لا يكون اشتاقيتيلي يولي كولي هسه بالحرام ازت البيدي واجيج طاير

-لا بس ...

- ليليان شبيج اكو شي ..

-تعال محتاجتك

-شبيج بويه ..شنو المحتاجتو كولي

-اكلك بس الله عليك لا تعصب تره والله اني معليه ...

-يولي لا تكفريني كولي شصاير ..

-بس اوعدني ما تعصب عليه

-تحجين لا بالله اطيح حظج دكولي شكو .. قلقتيني ..

-بس اسمعني .. لا تصيح هذا زوج اسماء والله حقير اني مالي شغل بيه وهو كام يتحرش واني خايفه حيل

-وهو منييييين شافج انه مو گلت لا تقدميلو شي ولا الكراج توصلين

-هو فات بالهول كاعد .. الحجي دخلو و شيماء شدت وياي الا اطلع للحديقه انظفها كتلها صراع ما يقبل ضلت تغلط عليه وترزل .

اني شسوي شبيدي فدوه تعال تره والله خايفه  

ضل يسب ويغلط واني گلت ما تفوتين كبالو ونبهتج ما اطلعين الكراج لو اكبر كو... يكلج طلعي تكليلو رجلي ما يقبل كلت لو لاااااا

انتي ما تردين والا تسويلي سالفه والا تسويلي مصيبه .وانتي وانتي واذبحج لو نزلتي جوه تنتظريني بالغرفه لبين ما اجي .... و سد الخط بوجهي..

اوف ربي اني شكو اذا رجل اختو حقير وبلا شرف..

بقيت بالغرفه ما طلعت للمغرب .. مليت وهو ما بين.. عاد نزلت .. لكيتهم يصلون .. رحت لهيام كتلها صراع ما جا

-لا انتي كلتيلو

-اي وضل يلوم عليه والله اني اللي راح يطيح حظي واني الاكلها..

-لا تخافين يولي ما يسويلج شي بس الخبر مو هين يسمعو واحد.يتحرش بمرتو ابيتو تلكينو عصب .. السكك ياكل ويشرب ويدنس عرضو بلا مستحى ..

...بقيت بالخوف ساعه اروح منا وساعه اجي منا ..

سألت علي على الاسمو عادل .. گال طلع وي خالو نائل للكوفي.. سوينا العشا ادحكهم ياكلون واني ما الي نفس اكل ..

خلصنا ونظفنا ولا صراع ولا نائل ولا هذا الحقير . 

واكفه بالمطبخ ع الجاي .. ودحكت صراع فات من باب الكراج ونائل كاضب عادل متشوه وجهو كلو دم وعينو مطفايه وكو يمشي بيه. 

مثل واحد.مكتول بحلبة مصارعه.. منتهي

اني دحكت صراع فايت .. لو خرطت العافيه طفيت الجاي وطكيتها ركضه لغرفة الحجيه..

سمعتهم انخبصو برجل اسماء واسماء تصرخ وتبجي .. واخاف اطلع بس ادحك من الباب .. شفت علي فات .. صحتلو .. شكو شصاير

-هلصعلوك متحرش ببنيه متزوجه ورجلها كاضبو ومتكاون وياه .. وجابوه خالو صراع ونائل ..

حجه وراح.. اني الخوف ذبحني كامت دموعي تجري .. وادحك من الباب خفيف..

شفت صراع طلع للهول.. صفكت الباب بسرعه ودخلت اطكطك بأديه من الخوف وابجي ..

فتح الباب وفات.. اني دحكتو والوجه معصب والحواجب معگوده.. مشيت حظنتو بسرعه گبل لا يحجي وكمت ابجي .. وكتلو والله هو الحقير اني معليه. 

مسد على راسي وحجه :- خلص كفي هلدموع اخذ جزاتو وربيتو عدل ..

-والله اخاف منو يخوف

-وعليش هالخوف بويه ..غير امو داعيتلو بالهفي اليوصل صوبج وانتي على ذمتي .. والله لحرك عشيرتو وعشيرة اهلو ..

باجر من الصبح ينگلع لاهلو ولا تهتمين  ..

رفع وجهي .. باس كصتي وكال بسج يلا وروحي غسلي وجهج.. وسويلي لكمه تره جوعان..

-شلت راسي من صدرو.. دا اروح.. اندرارلي .. ليون منو يعرف بهسالفه

-محد بس حجيت لهيام وهيام كالتلي كولي لصراع هو يتصرف .. حتى للحجيه ما حجيت

-احس ولا تحجين ابد.. وذن الحيايه بنات ام سعد لو صخرنج على شي .. طنشي واذا تعدن وياج علميني وانه اردهن عنج لو اخلي هيام تتصرف وياهن. .

بس لا تردين عليهن. 

-تمام.. طلعت اغسل وهو جا يغسل انتبهت لاديه كلهن دم ويغسل بيهن.. نشف اديه وزت الخاولي عليه ويضحكلي وطلع..

ابتسمت واطمنت خلص الخوف هووف الشكر للرب .. رحت للمطبخ سويتلو اكل وجا محمد اخذلو الصينيه. 

اني رحت لميت ملابسو من الحبل وفتت لغرفتو .. كويتهم.. وعلكتهم.. واكو الو ملابس نازعهم العصر..

خليتهم بالسله... جيت اسد الكنتور وبقيت ادحك على ملابسو وحتى وهن مغسولات العطر بعدو يفوح منهن والخانه متروس عطر بس تعال وشم..

تركت السله على جنب وكعدت بالكنتور مالت وحاظنه دشداشتو واشم بيه .. اووو كن حاظنه العافيه يربي شكد احبو ..

لو صاير بي شي ورايح من اديه كان متت والرب اني ما اطيق فراگو .. شكد يتعبني ويعذبني بس هلحجي بعيد عن كلبي ..

حبو فطره وگلبي يدكلو بدون استأذان..  مثل الطفل اليرتاح بريحة امو اني هيج ارتاح بريحتو .. اذوب وابقى اجر نفس واشتم براحتي واتنفسو ..

حاظنه بدشداشتو وهايمه بيها ما احس الا باب الكنتور تحرك   وهو وكف كدامي واني حاظنه ملابسو وابوس بيها ..

دحكتو لو تخربطت احوالي هو عاقد حواجبو ومبتسم ويكول ول يابه شجاي تسوين. 

يربي غير اكوم انخبصت ومن غبائي عود اريد اكوم جريت ملابسو وسندت حتى اوكف.. تالي وكعن الملابس كلهن ووكعت وياهن بنص الخانه..

هو ضل يضحك ويكهكه .. ههههههه ومدلي ايدو ويكلي حدري يولي حدري لشوف..

خذت ايدو واني ادحك للهدوم كلها تكومت .. عفتو وكتلو باجر اني المهن واعلكهن..

ومشيت بسرعه اريد اطلع.. سبقني بخطوه وحط ايدو ع الباب وقفلو ..

-ماكو طلعه من هينا الا تكوليلي شسالفتج تبوسين وتحظنين بهدومي..

-اااااه ما ما ادري هن وكعن وحدهن ..

-تقرب مني اكثر ويكلي يولي مو بس هدومي توكع جدامج .. انه بكبري وبعمري  وكعتلج  

-ااااا شو بس اروح.. حطيت ايدي على صدرو اريدو يوخر ارتبكت من قربو .. جان يدفعني للحايط ويبوسني من شايفي. 

بقيت متصنمه ما انطيت اي ردت فعل وكأن تجمدت.. اول رجال بعمري يوكف وياي بهلوكفه ويتجرأ يبوسني بهشكل..

ابتعد مني .. ومسح على شعري ويكول بدل اهدومي حدري وبوسيني انه حلالج يابه..

بقيت جامده بلا اي حركه واني ادحك بعيونو ..

-لازم عجبج الصار ...

-اي .... اااااقصد لا لا .. ااا لا يعني مو لا بس...

-يولي شو حدري انه محترك الخلفوني من وره فهاوتج.. سحبني من شعري ولف ايدو الثانيه على خصري ..

وتهت وياه بغير عالم.. ما اعرف اذا بوكتها احس لو اسمع لو اتنفس .. كل هاي ما حسيت عليهن واني بين اديه..

ضيعت كلشي وكأني فتت بغير عالم......يتبع

☆☆☆☆☆☆☆

#زينب_ماجد#مراهقة_و_الأربعيني

،،،،،،،، بقلم زينب ماجد ،،،،،،،،

الحلقة_33

مندمجه وياه بموقف ما اعرف شلون اعبر احساسي بي.. بين اديه.. بصوت انفاسو .. بحرارتو ولهفتو..

ما حسيت غير وهو يكعدني ع السرير ويبتعد لحتى يجك سحابة التراك.. وقتها حسيت على الموقف الاني بي..

كمت بسرعه.. جر ايد... وييين .. حدري..

-لا اروح

-يولو وين رايحه تعااي

-لا الحجيه هسه تسأل ما اكدر خل انزل

-انه رجلج لحد.يسأل ولحد يصيح .. ابقي شبيج..

-لا الله عليك خل اروح.. حس عليه توترت وارتبكت .. تنهد اخذ نفس.. ومشى برهاوه واجه يمي ..

-لا تخافين .. مراح ائذيج ولا اجبرج على اي شي ما تردي ..

-ما اعرف شحجي بقيت بس منزله راسي للكاع وابلع بريگي .. سحبني لصدرو حظني حيل واخذ نفس حسيت بنفسي اصعد وانزل مع انفاسو..

رفع راسي .. باس كصتي .. وكال براحتج حياتي

-هزيت راسي تمام .. خل انزل ..

-هوسه جوه الليله نامي يمي..

- ما اعرف اذا دحكت ماكو مكان اجي افرش هينا ..

-تقرب ويهمس .. يولي تفرشين هينا عجل وصدري المن ينفرش ..

-ما اعرف اجاوب بقيت بس اتعرگ واحك بگصتي من الارتباك..

-هههههه اموت ع اليخجل انه.. اخذي راحتج حبيبي شوكت ما يعجبج تعاي هاي غرفتج..

-تمام.. مشيت منو فتحت الباب وطلعت.. بس شطلعت مثل الواحد المضروب 16 راشدي..

مسطوره بين احساس بالتوتر والارتباك والحب والنشوه .. ضايعه بين كل هلمشاعر..

نزلت واني اصفن وللان افكر واتذكر الموقف واحس بيه.. لأول مره احس اني احب رجال من صدم وحب حقيقي..

فتت للحمام.. قفلتو ورحت للمرايه .. دحكت وجهي .. يويلي .. شصاير بوجهي... مثل اللي ضاربني تحسس  

حلكي وحنجي وركبتي كلها حمره.. لحيتو توها طالعه و شواربو حيل يأذون بس ما كنت احس بيهم هسه يله من شفت الاثار. 

غسلت وجهي وطلعت.. لكيتو نازل .. كاعد بالهول دحكت عليه.. غمزلي وابتسم.. ضحكت ودخلت للمطبخ..

يربي كل الرياجيل هيج ينحبون ويخبلون لو بس صراع.. جنت اكول عنو شايب لانو اكبر مني بهوايه و عُربي لان يلبس دشداشه

هسه صرت احب العرب كلهم من وراه .. اني احبو .. لا احبو شو الا اعشقو.. واكفه وادحك على الشباك مال المطبخ

مضلل وبليل يكوم ما نشوف البره الا نفتح الجام.. يصير كنو مرايه.  واكفه واحجي وي روحي ومستمتعه. 

واسمع اخلاص تتشاقى وياهم بصوت عالي ودخلت للمطبخ تضحك وتكول والله يابو حرب والله عليه سوالف .. تريد تحرك بكلبي

اندرت الها .. وكلت.. اكولج خاله على طاري سوالف ابو حرب المتخلص .. هذا الاثار البوجهي و رگبتي شلون اوخرهم عيب لا احد يروح يشوفهم استحي..

اني گلت هيج وهاي خزرت بوجهي وزكحت بيه .. لا صدك الاستحو ماتو يا قليلة الحيا ..

حجتها بعصبيه وطلعت بساع من المطبخ.. ها ها ها تستاهلين خلوص ام حثل.. عدلت حجابي و طلعت من المطبخ..

كلهم كاعدين بالهول .. والحجيه يم صراع بس فرق هي بالكاع و هو كاعد ع التخم.. والمكان الوره الحجيه فارغ. 

حطيت ايدي على راس الحجيه وكتله بس شوي اكعد وراج.. كعدت وصراع ثاولها مندمج بسوالفهم ويضحك..

بس صدك سوالفهم وشقاهم حلو.. والحلو من يذكرون مواقف مضحكه على ايامهم گبل والكل تصير تتذكر وتضحك..

ونص من حجيهم اليحجوه بلهجه عربيه اصيله ما افتهمو .. واسئلو وهو يترجملي ويعلمني على كلماتهم القحيه..

شويه و گالت الحجيه يمه گومي فرشيلنا جوه خل انام باجر ورانا عرس والساعه 1 .. حتى صلاة الليل ما صليت ولا قريت قران. 

گمت فرشت بالغرفه لهيام وجهالها واكو بنيه يمكن اول مره اشوفها تصير بت سعد.بس عايشه عد.خوالها .. جت اليوم ومندمجه ويه بنات هيام..

كامو طشو وفرشت لبنات ام سعد بالهول .. وما كفاهن بيهن نامن بغرفة الحجي .. وبغرفة الحجيه. 

كاعد افرش .. جان حلا تكول لابوها .. بابا خل انام بغرفتك.. غرفتنا ما بيها مروحه عاطله ..

كال الها .. صعدي بويه گاضبكم انه.  بس لا تهوسون ولا توصخون..

اني فرشت وكملت .. وصعدت لغرفة صراع..

جان حلا وكفتلي بالباب تكلي شكو وين جايه..

-وانتي شعليج ماكو مجال انام جوه وجيت هينا انام.   ادحك اخلاص كاعده على الفراش وتكلي ماكو مكان عيوني وين تنامين انه وبنات اختي هينا نمنا ..

... يمه شگد ما تستحي وعينها صلفه.. ردت احجي دخل صراع متوضي ويمسح على راسو ووجهو ..

ويكول شكو يابه .. شسالفه..

حلا :- بابا مو نطردها بس ماكو مكان تنام .. وهي معانده..

-عليش المصايح بويه صوتج .. نامي منو كاضبج .. المكان واسع ..

اندارلي وكال نامي ع السرير  ..

-اللي يعجبني اخلاص ولا استحت .. تمددت ونامت وحجابها فوك راسها..

رحت للتخت.. تمددت.. هو صلى ركعتين قبل النوم. وشغل مكيف على درجه ناصيه و تمدد يمي..

اني دايره ظهري .. مد ايدو وسحبني الو.. اندرت لوجهو.. باس گصتي وهمس .. بردانه لو زين الجو

-ما اعرف حظنك دافي ..

-ههههه اوف منج..

كضب حنجي وباسني... اووو عمو ميصير مو كاعدييين .

-يول منو عمج   انه ؟

-لا بس يعني شكلك استحي..

-صراع ..

-ابو حرب

-ينعل عشيرتج وينو حرب وفوتي بنصنا دحكي ما بيني وبينج حتى الهوى ما يفوت.  جبتي حرب بنص شكو

-عجل شكوووول .. ما تطلع والله ما متعلمه

-هششش نصي صوتج.. شال راسو دحك.. انوبه  غطانه.. كولي صراع

-ههههه الا اكول

-ويلي يابه كلشي معقدتها دكوليها ..

-صراع ههههه

-يروحلج فدوه هو وعشيرتو ..

-ههههه....... دا اضحك وقاطعني وهو يبوسني حتى لا يطلع صوت.. جان تعطس اخلاص عطسه كلت وكعت البنكه علينه من الصوت

مو عطسه انفجار.. الغرفه ظلممممه..  كف البطانيه وكال الها :- بت عمي اطفي المكيف خاف بارده..

-بكيفك ابن عمي

-تركه وما طفاه.. كتلو هاي ما تستحي نايمه هينا  

-هششش صوتج .. معليج بيها كل واحد ونفسيتو ..

-وهي بلا احساس ومستحى

- ول يابه اليوم انه مستفاد  انتي غردي وانه اسكتج بطريقتي واخلص من لغوتج..

-ههههههههه ... وبقينا لحد ما اني طفيت وغفيت وحدي هو بقى يشتم بگصتي ويبوس ..

ما حسيت غير بصلاة الصبح.. هو رافع اديه ووجهو للسماء ويدعي وانوبه ركع..

كعدت على حيلي اخلاص ماكو .. رجعت راسي وكمت اغفي هو خلص الصلاة ديسبح بالسبحه..

واخلاص طبت تريد التصلي المؤمنه..

هو تركها وجا نام وحط ايدو وجهو.. تقربت ردت اخلي راسي على صدرو خزرني واشر بعيونو عليها  

بقيت راسي يمو وحظنتو.. جر البطانيه وتغطى حتى لا تبين ايدي من حاطتها على بطنه  

.... يربي شكد متحس هلمره هاي ماكو هيج طاقه.

كملت نومي لساعه وكعدو .. كل شوي احس واحد طالع واحد فايت للغرفه وصراع نايم.. وهذا ذبحو ولا تضل تروح وتجي وصوت الباب يسمعو وخو نايم..

فشال راسه دحك اخلاص تعددل بحجابها وحلا تشيل بالفراش.. عاط بيها عيطه بحلا خلاهن كلهن تشاردن ...

وصاح وراهن.... والله لنعل شيب الخلفو اليصل الغرفه.. كلااااااااب

انقفلت الباب .. واني من صوتو حتى لو بعد بيه غفوه شويه طارت..

هو نايم على بطنو واني بصفو على ضهري وماد ايدو حاظن بطني ونايمين.. تحركت وردت اكوم..

مثبت ايدو حيل على بطني ما اكدر اكوم.  ردت ابعدها تحرك واندار بصفح .. ودخل ايدو جوه راسي وسحبني الو .. ورجع غفى ..

اندرت عليه.. وصرت ادحك بوجهو غافي .. مديت ايدي العب بشواربو .. راد يعض ايدي ومبتسم..

ابتسمت ومديت مره لخ.. كضب ايدي ويكلي يولي الا الشوارب لا تهينيني بيهن..

-ليش

-عيب الحرمه تلعب بشوارب الزلمه ..

-عود شنو يعني ..

-اني افهمج شنو يعني .. جر الغطا وخلاه فوك روسنا.. واخذ راحتو مثل واحد عطشان صبحيه  

بس حسيت لمساتو اكثر جرئه صارت.. وخرت الغطا وبعدت راسي منو وكتلو اريد اروح

-ول يابه وين رايحه

-بس انزل تلكاهم ديصبون ريوك واليوم عرس لازم نفضها   

-تركيهم خل نعرس وحدنا .. .

-لا عمو ..

-اويلي يابه هم رجعت كالت عمو .. كف الغطا  من جسمو وكام..

كمت .. عجل انت ما تكلي بويه بابا و باباتي ..

-اي اني يصير بس عمو لا ..

-وشنو الفرق .. تقرب.. لف اديه عليه وكال

-من اكول بويه لو باباتي لو بنيتي مو معناها ما احبج... حرك اديه وكام يلم بشعري ويكمل.. بس يعني الواحد. اذا حب شخص من كل گلبو يكلو بابا

لان الابن وحدو يطلع من روحك ..  وينبني منك .. فيصير اعز شي لانو منك.. وانتي مثل الورده الطالعه من گلبي ..

ول يابه لو بس تعرفين هذا شيسوي من يشوفج ويأشر بعيون على كلبو.. من اكلج بابا مو معناها ما اريدج بس لان احسج طالعه من روحي اكلج باباتي..

-زين يصير اكلك بابا ..

-ابتسم .. من اول يوم دحكتج عرف ادورين بيه اب اكثر من رجل ..

-اني عشت محرومه من كل هلمشاعر .. بابا مات واني عمري 12 ..  واخويه ما جان معوضني حنان بابا .. وماما جانت قاسيه حيل ومتعصبه  

وانت اول رجال اتشوفو عيني .. بعمري ما حلا بعيني رجال لو تمنيت احد غيرك .

اني ما اريدك بس زوج .. اني اللي مضيعتو اهلي .. حظنت صدرو واخذت نفس بقهر..

-يولي اهلج شنو والله انه امج وابوج واخوج وكلشي تريدين.. سريني ما اضرج.. شيريني ما اخيبج بس لا تخالفين الاكلج عليه..

من البسج حجاب مو لان اريد اظلمج والله ولا حتى انتقص من دينج ابدا..

بس احنه عدنا شرفنا نسوانا .. وحدتهن مثل الالماسه ما نكدر نخلي الرايح والجاي يدحك بيهن.. الا نظمهن ونخليهن تحت عيونا على طول حتى نرتاح ونأمن. 

وانتي عندي الماسه نادره .. ما اريد احد.يدحكج ولو حتى بنظره وحده انجن والله عگل ما يضل براسي..

من اگلج لا تسمعين اغاني مو معناها جاي افرض عليج حلال وحرام ديني.. بس انه اعرف ذن ما يفيدنج بس راح يخلنج تتذكرين وتتحسرين وتبجين  

وانه انجن بدموعج  ما اتحملهن...

كاعد.يحجي.. حلا صاحت من وره الباب .. بابااا ..

-ابتعد من صدري .. اندار وكال الها فوتي بابا..

فاتت:- تكول جده تعالو تريگو

-نازلين ..

-اندرت حظنت ظهرو وهو داير للكنتور.. سحبني باس راسي .. وكال :- نزلي تريكي لبين ما اسبح بساع وانزل ..

-تمام

-نزلت منهم .. كلت صباح الخير نص رد ونص لا رغم كلهم كاعدين..

-رحت للحمام اغسل .. يا عزززا .. ركبتي صايره فلم هندي .. اليكول بيه مرض مو الليل كله يشم ويبوس بيها..

غسلت وطلعت.. هم صابين.  شو فاتت من اخلاص وتنافخ وتصيح وين الله و يطم المايستحن

اندرت عليها وكتلها اصلي للرب لو انطمو ..  بس اعرف العار ما ينطم.. اندارتلي تخزر واالكاعدين انتبهو ..

ام سعد :- بدا اسمومج من الصبح يبث عيب استحي المره خطاره صارلج ساعه خاتله فوك وهي التشتغل جوه..

هيام:- حدري ليون كعدي.. كعدت وصحت حرب يكعد يمي حتى احجز مكان يمي لصراع..

شويه ونزل توه سابح ومبدل تراك ومعطر.. ضباح عليهم كلهم ردو .. ودحك يمي اشرتلو يكعد..

جا عصر ظهري بضحكه وشال حرب وكعد وخلاه بحظنو ويبوس بيه..

كملنا الريوك وفضيناه و ام سعد واخلاص بودهن ياكلني .. دخلت هيام واني اغسل وهمست لفي حجابج على ركبتج ولا تخلين واحد.يدحكج..

اني الشال شادتو ليوره وركبتي كلها طالعه من كالت هيج رجعتو ولفيتو عدل.. كالت عفيه عيب يطب واحد من الولد يدحك ركبتج هيج بساع يشمر تفكير..

-بس ما اني هيج سويت والله صر.......

-هششش ول غبيه نعرف مو انتي .. سكتي ..

-سكتت .. وكملت شغلي بس طلعن روحي بالبسامير مالتهن..

خلصت شغلي وغسلت ملابسنا وصعدت شريت.. ونزلت..

دخلت للغرفه مال صراع هو كاعد.يدقق اوراق.. رحت خليت الميز مال الاوتي اجيت اشكلو شو البلك هذا المثلث ماكو

مدري ياهو الشالعو.. دورت شي اثبت بيه الاوتي بالكهرب وادخلو ماكو..

تذكرت الطوقه السوده اللي براسي جريتها.. ودخلتها بنقطة الكهرباء حتى ادخل البلك.. وما احس صعقه كهربائيه شلت ايدي واني ما لابسه انعال ووطنيه..

صرخت بساع .. وزتتني  وييين .. هو من لهفتو طفر السرير وجه كضبني

-شجالج يول شبيج .. تكهربتي

-اااخ ايدي انشلت اوووف .. وافرك بيدي..

-شووو ادحك..  بيمن تكهربتي

-بس دخلت هاي الطوقه شو كضبتني ذبحتني .

-ضربني على راسي وكال يول غبيه انتي اكو واحد يدخل حديده بالكهرباء غير يموت..

-اتي متوجعن ورهبة الكهرب بجسمي وهو ضربني ضليت ابجي.. رد اخذني لحظنو ويكول

- ول يابه لو صاير بيج شي انه وين اولي وين اطي وجهي .. غير اموت بالقران.. غير اديرين بالج يا بويه..

طولي وياه اقل من كتفو .. وحاظني حميت اكثر وكمت ابجي بالزايد.. اخذني للتخت كعدني وجر مي انطاني ويسكت بيه..

-دحكي ليليان.. خل اگلج شغله   اول مره انطق بيها.. بالقران الكريم بعمري ما حبيت مره ولا دنكت راسي لمره .. ولا دخلت كلبي وحده ابد..

كل العشت وياهن ما عاشرن غير جسمي واخذن منو.. محد اخذت من گلبي شعرايه.. ومو بالسهل احب

بس يمج ما اعرف اختلف الموضوع... بعمري هذا وحبيتلي وحده كلشي ما تفهم .. بفهاوتها بغباءها بفطرتها ابراءتها  

انه لاكي بيج اشياء ما لاكيها بالنسوان كلهن.. بتي هاي من ادحك بيها ما احس ابرائتها مثلج..

الله زتج علي هديه يعوضني بيها وبنيه حليوه اربيها على ايدي .. يول من اگلج بتي .. انتي بتي صدگ ما اجذب

جيتي لهلبيت طينه كلشي ما تعرفين الكلمه ما تعرفين شلون تكوليها .. ويوم عن يوم اشوفج تتعلمين وتكبرين گبالي

يول من ادحكلج مو بس اشتهيج.. لج احس كل عاطفه بكلبي تشتغل بيج... انه البعمري ما حاب اول مره اجرب الحب وياج والله ..

لا تكليلي انته رجلي.. انه اهلج مو رجلج .. انه كلج .. انه فراشج انه خوفج انه راحتج.. كل احساس بداخلج انه  

وكل ما بگلبي انتي ..

-يحجي واني كاضبه ايدي .. وصافنه بي

-تقرب مني اكثر .. ليليان انه احبچ والله احبچ

-حجاها وتقرب يبوسني......

لهناك يلا حسيت على نفسي .. من ايدو تصير ثكيله ويكوم يتجرأ اكثر بساع احس منو وابتعد..

وهو ما يضوج يبتسم وعادي يعديها .. اكوم اكمل كوي

-كام من السرير كعد.. وكال انه اكويهن عنج ارتاحي

-تمام .. فتحت بابا غرفتو .. امشي واحجي وي نفس   معقوله هذا الرجال مالتي وحدي .. اني مو بس اعشقو .. اتنفسو  .

احساس اول حب عشتها وياه.. اول كلمات مغازله من رجال اسمعها منو واتقبلها .. اول بوسه او حظني يحتويني..

هو اول شي بحياتي كلو واحلى شي.. وياه احس ساعاتي وايام بلون وردي ..

نزلت منو وام سعد دحكت بوجهي لو تخبلت.. ما ادري شلون تحس لو تعرف .. بس بسبب شواربو وجهي كلو يتحسس ويمكن من هاي تعرف

بس حيل شدت وياي .. والناس بدت تجي وعزيمه وعرس ... خبصتني خبص .. وين ما ادير وجها صاحت ليليان وطليان. 

والولد صارو بالاستقبال و الكراج والبيت انترس نسوان وشغل دك بدا من ال9 ..

ب12 ونص صبينا الاكل بس احس هلكت. كل هذا وترفض نتغده بس اني ونوال الازيد تعبنا الباقي بس مرور الخطار وبس اسمهن واكفات بالمطبخ  

هيام باقيه بين اهل العروس و احنه وشنحتاج وشيردون.. ما متواجده..

انوبه غسلت الستكاين وصبينا جاي وجا محمد وعلي ينكلون .. شويه وطلع نائل .. كال  منو صب الجاي

كالتلو ام سعد نوال..

-فشلتونا يابه الستكاين زفره تلعب النفس..

-اندارت علينا منو غسلت المواعين

حجت نوال .. ليليان غسلتهن بنفس السفنجه الغسلنا بيها الجدوره..

-هو كام يحجي وفشلتونا وجاي ما ادبرون.. وام سعد .نزلت رزايل كتلو جيبهن ما صار شي هسه اغسلهن..

تركني وراح.يدردم ويحجي وهي ما خلت سب وغلط ما سبت وغلطت وهيج من ابوج وهيج من اخوج ..

اندار راسي منها واختنكت تروح كدام النسوان وتكلهن مرت صراع هيج ثوله وهيج فشلتنا وهيج شلت حالي

واني ابجي وانظف ..علبة الجاي والطرشي نفس الشي واني مغثوثه.. شلت الطرشي وفرغتو بالجاي ..  ابجي و دحكت شمسويه

اووف ربي شيخلصني من السانها .. كتلها نوال دحكي شسويت.. صاحت بساع كلبي بالزبل وخل انطلع جيس الزبل دام ما موجوده..

دا ازت الجاي بالزبل وفاتت فوك راسي وهي تخبلت هجامة البيوت الله لا يفوتج على بيت عامر وغلط وسب عليه..

وطلعت للنسوان تشهدهن وتكلهن دحكن ثولها هلمصلاويه ما فالحه بس تصعد تبوس وتنزل مطكعه غير هسوالف ما تعرف ..

كمت ابجي بالمطبخ حيل تعبت.. راحن كلهن يبدلن وحتى نوال راحت تبدل لبناتها وجهالها واني حاكمتني اغسل واعدل بالمطبخ

وصراع ما طلع وكلهن خاتلات جوه وحتى لو متواجدات كن تريد تنتقم مني.. بس اني تصخرني

كتلها اريد اصعد ابدل كلهن صعدن.. نزلت عليه غلط وفشار يكش منه البدن.. اخر شي تعبت .. صحت على محمد.كتلو كول لصراع ليليان بالمطبخ تريدك..

شويه وجا هو .. وهي واكفه.. انفجرت بوجهو .. وكتلو كلهن صعدن يبدلن بس اني لا ما تقبل شنو اريد ارووووح..

-صعدي يابه منو كاضبج ..

-احجي وي مرت ابوك لعبت نفسي

-خزرني وكال صعدي وهي تكلو بعد ما مخلصه شغل وين تصعد..

-ام سعد اذا احتاجيتي العرس عرس ابنج وخواتو موجودات خل يجن يعزبن بعرسو شرايده من هلجاهله

خل تصعد تبدل حالها حال البنات..

-حجاها ومشى لان مشغول.. اني ردت اصعد كرصتني كرصه من زندي حسيتها شلعت جلده مني ...

ضليت احك وامشي ما حجيت بس دموعي تجري .. اخذت ملابس من الكنتور وصعدت سبحت و رحت لغرفة صراع

اخلاص وخواتها وحلا وياهن... ديمكيجن.. كتلهن بس شويه ابدل ..

حلا وكفت وتخصرتلي .. وتكلي خاف مصدكه روحج وعبالج صايره مره لابويه والغرفه الج..

-اريد ابدل يا مره .. ابقي انتي بس اخلاص فدوه طلعي ..

-والله حبيبه كاعد امكيج روحي شوفيلج غرفه..

-ذن شحجي وياهن.. بهلاثناء طب صراع دحكهن بلا حجاب بساع طلع وضرب ع الباب ..

هييييييين اريد ابدل يولو طلعو .. حلاااااا

-كلهن تراكضن ولملمن وعافن المكياج وطلعن ركض..

-دخل هو ويصيح هيريني ليليان حدري

-والله ابتلي بنفسك كلها تجهزت الا اني .. كعدت بالكاع وكضبت ذيال كلابيتي وكتلو اطلع شويه الله عليك بس ابدل

ضحك واندار وكال بدلي بويه  مو يمج.... نزعت وشلت الكلابيه من راسي .. جان الكه واكف يدحك ويضحك

جريت الثوب بسرعه لااااا فدوه اطلع عيب والله 

-يول سابحه ونازعه كبالي وتكليلي عيب.. شو حدري ...

-شنازعه يمعود متشوف باقيه بالثوب الكصير (اتك) دعوفني مووووو وكتك والله عيب وخررررر

-هششش حدري اليوم الا اعرس گبلهم ..

-شتعرس دعوفني راح يرحون والله .. عوووفني .. خرب .. طارني ع التخت  ويضحك ومانعني اكوم واني ادفع بيه ولا كأنو يسمع..

جان يندك الباب وبلا انتظار الرد تفوت اخلاص وهي تحجي ... وتكول .. بس المكياج.. هي دحكتنا بهلوضع  ورجعت سدت الباب حيل

-احسن هيج شافتنا دكووووم . ما تستحي انت

-يولي عوفج منها هاي ما تستحي خليج وياي ركزي

-قربو كلو بركبتي هلرجال مو محروم نسوان.. محروم مال  رگب يمكن بعمرو ما شايف ركبة مره..

ذبحني  .. كوه دفعتو مني وكمت كتلو عليك الله لا تتقرب .. ضحك واندار .. يبدل ..

واني كعدت بين التخت والميز بدلت .. والمكياج كبالي .. ردت احط صاح ممنوووووع ...

-كلهم حطو والله

-حتى يكولون عليهن حلوات .. ولو واحد كال عنج حلوه .. بالحرام لكص ركبتو وركبتج  

-ايوووووو عجل شتريد يكولووون

-تره طلعو بدلي بساع..

هو دار وجهو يعدل.. اني خليت كحل ودا احط حمر.. جان يكضب ايدي وكال هااااا ..

-بس شوووويه وقربت احط..

-ممنووووع .. ودنك خربطلي الحمره سوه وجهي مثل المتبديه بيها مرگه .. دحكت نفسي لو جيت ابجي شيغسلني هسه..

دحكت عليه متورط مثلي يمسح من وجهو ويكول احترك شيب الخلفج شيخلصني هسه. 

مشورب ومحمر ليش ربي ليش هاي تاليتها من وراج

-اني ادحك عليه وميته ضحك.. شفت كلينكس مبلل مسحت بي.. شو  مسح بساع.. كتلو هاك هذا يفيد وتوب مني مره لخ معليك بيه..

اني وهو كوه نحجي من الضحك ونعدل .. وهم كامو يدكون على موبايلو .. كتلو بايك موبايلي واني اكول مشتري جديد  حرامي اريد موبايلي  ..

هو ولا منتبهلي باقي يرتب بنفسو .. كملت كلشي بس ما حطيت ما اعرف بس كحل وخفت من الحمره لا هم اتورط..

هم حركو الجو عليه.. كمل قبلي وكال طالع .. ركضت قبلو قفلت الباب .. كتلو بس تطلع يعوفوني ... الا وياك..

تخصر ووكف كال يلا خلصي يولي تأخرنا .. واني اعدل بالحجاب .. تقرب هو واني درتلو بس تكضبني ما تلوم الا نفسك والله.. وهو يضحك بصوت عالي ..

دكو الباب حيل انخبصت وهو ما يرد يكلي كملي بساااع اريد اولي..

لفيتو و طلعت .. كال هيج بفستان ترحين عجل الجبه وين..

كتلو جوه..

-يلا عجل خل نلحك..

-نزلنا البيت كلو طالع بس الحجيه ونسوان كبار كاعدات..

-فتت للغرفه ادور جبه ماكو .. وهو يلا يلا .. اندرتلو ...خل اطلع هيج الله عليك والله مستور وما بي شي ..

ابتسم  .. وكال يلا بس فضيني العالم كلها ولت وانه منتظر مدام زقجه ..

اخذت ايدي بأيدو .. وطلعنا .. ولد عمو واكفين واحد زتلو البرنو .. جان صاح بيهم ديرو وجهوكم لا اطشركم بالله... حرمتي تريد تفوت

كلها ضحكت ودارت وجوها ونص السيارات رايحه.. واني صعدت وياه.. وهم يعيرون بي ..

هاي تاليتك ابو حرب .. نسوان بصدر سيارتك.

وهو يسوق ويكلهم ما تحليها الا نسوانها يابه ... يمشون ويدكون هورنات وبيهم اليرمي. 

وهو يسوق وكل شوي كرص خدي ويضحك .. ويكلي بعد هم تحطين حمره ولج..

هههههههه هو وراك تبقى حمره..

سبق ووصل لسيارات الكبار شفت هيام و بناتها وحلا واخلاص.. ملت راسي ولوحتلهم بيدي ..

هيام ضحكت وودتلي بوسه بالهوى .. وذن كالبات وجوهن.. وصلنا لبيت نور ..

لابسه فستان ابيض عادي  ما قابله افستان عرس.. دخل نائل عقدولهم والنسوان تركص..

گبل لا يطلعون اني طلعت .. وصلت للسياره .. وصراع يمي جان يرفع سلاحو ويرمي وكلها ترمي وياه..

بساع خطرت على بالي لما خذوني من الموصل وبنفس الوكفه هاي واكف ويرمي... كعدت بالسياره ..

ورغم صوت الرمي ..ورغم اني احبو بس ظليت ابجي لبشاعة الموقف التذكرتو وخليت اديه على اذني

ردت اصعد السياره .. جا الحجي كال روحي صعدي وي النسوان.. خل الزلم تصعد ويا  ابو حرب...

تركت السياره.. وبقيت ادحك يا سياره بيها هيام.. جا صراع حط ايدو وراي وكال امشي لخاطر ربج لا تبطنشين بالشارع كلها زلم ما ادحكين  ..

وصلني لسياره جبيره .. وكف وراي يسدلي ومدلي ايدو سندني حتى اصعد.. صعدت وسد الباب وراي

كلهن صاعدات..وهيام كاعده يمها خالة حلا.. ووين ما اكعد.تجي وحده تكلي عفيه هذا مكاني..

عاد علي كاعد ليكدام يم السايق .. كال حدري ليليان لا تظلين واكفه.. وخزرني لان السايق يدحك بمراية سيارتو..

كعدني ع الكرسي الصغير اليم الباب وضل واكف كبالي.. مشت السياره واني ادحك ناس تغني وناس تحجي..

شلت راسي العلي.. شفتو يدحك لبنت سعد العايشه عد خوالها  اسمها حنين وهي صدك حلوه... صحت احمممم..

-وسم

-بكلبك..

-لا خو بكلبج شبيج تحمحمين

-لا هيج على ناس طايره عيونها .. وادحك بغير عالم..

ضحك وكعد ع الدكه مال الباب كبالي وكال بربج شلونها..

-لك من درت وجهك عليه دارت وجههه علينا يمكن هي هم احمممم ...

-لا بربج صدك جاي ادحك..

-اي والرب بس لا ادير وتفضحنا.. جريت الموبايل من جيبو وسويت نفسي اصورو .. وصورتها اشلون ادحك بيه..

هو دحك الصوره غير طار من الفرح وصار لونو احمر وعرك .. يربي شكد حلوين ههههه

خله ومسح الصوره بساع.. كتلو ليش .. جان يكلي عيب ادحك ابصورتها .. حتى حرام

-لك انته صراع مخلفك وناسيك.. هههههه نضحك واشوف اخلاص تحجي وادحك عليه ما اعرف شتحجي .

المهم وصلنا للبيت .. وام سعد تبجي على ابنها و سونها مناحه هي وبناتها ع المرحوم..

والرياجيل الحديقه والكراج ترسوه.. صعدت بدلت كلابيه ونزلت للمطبخ كلعاده خدمة بنگلادش ابلاش ..

بت سعد وكفت وي امها بالمطبخ ساعدتنا .. وعلي رايح راد للمطبخ عود يخدمنا ويودي ويجيب

الجهال من تفوت تفتح الباب وتتركو مفتوح.. علي جا ولكا الباب مفتوح واني و حنين  بت سعد نغسل

لو هذا تخبل كام يغلط ويكول الا تكفرني زلم ماليه البيت قفلنننننننن الباب .. ويخز بحنين هاي بساع قفلت وتصنمت يمي

ضحكت .. كتلها الظاهر حالج من حالي ..

-يعني شنو

-يعني حيطيح حظج من وراه تره هذا بلوه مثل خالو

- خجلت ودنكت وتكلي انه احب عمو صراع اموت عليه

-همممم وصلت ..

شويه وسمعنا الزلم ركصت جوبي.. فتحنا الشباك وضلينا اندحك .. وهذا علاوي الططوه واكف كبالنا ..

خرررب دنطيني خاشوكه خل اطر راسو بيها .. دحك عليه وخزرني .. وصاح سدي الشبااااااج..

اوووف ما كافي كلها صاعده فوك ادحك وبس احنه كاعدين نشتغل وفوكاها جانا هذا المصروع الجديد..

حنين طلعت مني وهم صعدت فوك بقيت بس اني ونوال تروح و تجي..

كفو العشا وخلصنا هوستو وهم زين سفري مو مواعين بس كل هذا وما نفتك السنك تكول مكبره ما يفرغ ..

كملو وطبو جوه وناس طلعت.. صراع دخل من باب المطبخ..  دحك بيا كال هاا تعبتي ..

دا اريد احجي طبت هيام.. كالتلو ابو حرب عندي موضوع وياك..

-خير

-خالة حلا ام وسام.. هم فتحت الموضوع وياي على سالفة حلا ...وكتلك كبل اسبوعين وما رديت جواب

-ام علي مو وكتها سدي الموضوع..

-شعدنا مو وكتها يا خويه كم مره ام وسام تخابرني .. دتعال خل نحجي

-ام علي كليلهم ما عندي بت للزواج وسدي السالفه رحمه لاهلج تعبان

-خويه كل ما فتحت السالفه تكلي تعبان.. بس تعال اكعد.. ترفض ليش البنيه لا طالبه ولا عدها شي توگف قسمتها ليش شعندك امبقيها ومتحمل مشاكلها زوجها

-شهلحجي ام علي بتي هاي شنو مشاكل شنو ازوجها بعدها صغيره تكبر والله كريم..

-خويه البكدها تزوجن هاي ليليان اصغر منها ..

-وتقيسين بليليان يا ام علي ما مشيبه كلشي ما تفتهم..

-صفنت بوجهه هاي عليه 😨

- خويه لا اول وحده ولا اخر البكدها هواي يتزوجن وكضبن بيوت .. دمشيها يا ابو حرب

-ان شاءالله خويه ان شاءالله

-يعني  اخابرها باجر انطيها موافقه

-لا كليلها صراع ما عندو بنيه للزواج

-يا ابو حرب متكلي زتالي تره ما زين لكل داك بابها وخاطب تكول لا

-عافها ومشى ..

-بالله هذا شتحجي وياه..

ليليان:- يمكن تعبان تركي هسه

-ولج خبلني بكل وقت ينهي الموضوع ويصيح تعبان ويكول لا ويمشي

الولد ما غريب .. وهي رايدتو .. وعد خالتها ما بعيده عليش يرفض بعد..

-تركتني وطلعت.. فضينا البيت .. و رحت لغرفة الحجيه .. هيام راحت وكالت للحجيه الظهر اجي ولازم اخذ رد من ابنج احجي وياه. 

وطلعت.. صراع من سمع بهذا الموضوع كاللهم تعبان وطنش وصعد نام.. وحلا تفتر وتتسمع على كل سالفه بهلخصوص .

ثاني يوم كملت تنظيف جان تنزل حلا.. وحجت وياي

-ليليان احجي وياج شويه

-بشنو تحجين..

-اخذتني فوك.. للغرفه وكعدت وياي وحجتلي على وسام وعود هي تحبو ويريد يخطبها وابوها رافض وتريدني اقشمره واتقربلو واحجي وياه بلكن يقبل..

كتلها اشوف..

بقت تتوسل وتتلوك واول مره احسها طيبه من تحجي.. خلصت نزلت منها واني متردده احجي وياه

لان اعرفو ما ياخذ كلام من احد.. صوتو براسو..

جا الظهر من الدوام هيام موجوده والحجيه هو فد واحد يقره الوجوه وما تعبر علي بساع عرف عدهم سالفه  

بس فتح الباب وكال ها اللله يساعدهم.. كالولو هلا بيك..  رادت هيام تحجي اول ما كالتلو ابو حرب

قاطعها وهو يكول ليليان صعدي برديلي الغرفه و حظريلي الحمام ..روحي طالعه ومالي خلك تعبان اريد ارتاح..

بسمار الهن ان ما اريد مناقشه ما بيه حيل اثنينهن سكتن هيام والحجيه..

صعدت كبالو شغلت المكيف و طلعت منشفه.. نزع ملابسو درت منو .. اتقرب مني ...

باسني يم اذني وهمسلي.. لا تنزلين  اسبح واجي

-  هزيت راسي .. نزلت بسرعه صبيتلو الاكل وصعدتو .. لكيتو يصلي تركتو بالكاع..

كمل واجه تمدد ع التخت وكال حدري...نمت بحظنو.. صرااع

-عيونو

-ليش تتهرب

-عقد حواجبو .. من شنو ؟

-ليش ما تريد بتك تتزوج ..

-مو كد زواج والولد ما اثق بي ..

-شعرفت عنو

-ما ارتاحلو

-بس هي تريدو

-هي حاجيه وياج وكايلتلج تحجين وياي

-اي ..

-ههههههه باس كصتي .. ليليان اريد منج حاجه..

-وهي ..

-دك موبايلو ..

لحظه

-فتح خط وحجه .. وكاعد.كبالي ومكيف مشتغل وباااارده حيل صارت مو مال مكيف الجو بس هو يشغل ..

تغطيت بالبطانيه .. اتاني واتاني يجي وهو بعدو يحجي وي واحد بالدوام.. اخر شي غفيت   

حسيت عليه وهو ينام وراي رفع راسي ومد ايدو  .. بقى يبوس بكتفي وبركبتي .. طار النوم من عيني..

نفسو تعالى وصارو وضعو  وحركاتو ما اعرف اشلونها يصعب شرحها.. بس حيل تضايقت منها

شوي و كن ايدو تمشي على بداية رجلي ويريد يبعد ثوبي

فزيت بساع وكعدت.. شرايد

-سلامتج..

-كمت وين وين

-ما اريد ابقى يمك..

-يولي نامي ما احاجيج 

-دا انزل من السرير وكال

- رجعي ..

-ما اريد

-مو على كيفج.. كلت رجعي

-ما رديت ردت اطلع  

-ليليان لا تعاندين وكتلج ما اذيج..

-عفتو وطلعت  

-نزلت هيام جوه كعدت يمهن.. نص ساعه ونزل هو الحواجب معقوده الوجه مكلوب الشرار تطلع من عيونو ..

كعد وداير وجهو مني .. هيام رادت تحجي شافتو هذا حاله سكتت.  بس الحجيه فتحت الموضوع وياه ..

وهو استغلها فرصه كام يغلط ويسب وما ازوج واليفتح وياي الموضوع يحسب الله ما خلقو وضل يكسر ويدفر

طلب مني مي... رحت اجيبلو .. وهو يصرخ وييييينج ويحجي وي امو ويتكاون على الموضوع وهيام والحجيه يحجون..

ما كفن منو بقن يحجن وياه ويكللو هذا ما وضع كل ما نحجي تعصب وتقلب الموضوع

...واني ادور على ماي بارد.ماكو بس حار.. وهو يصيح انخبصت جبتلو حار ..

هو شرب وعرفو حار .. طر الكلاص بالحايط ونزل سب وغلط وصياح وثوله وما بيج خير ونعال ما تسوين ووووووو

كل هذا بس لاني ما قبلت ابقى يمو .. هو ما يستحي .. اني اشنو ذنبي ..... يتبع

☆☆☆☆☆☆

#زينب_ماجد#مراهقة_و_الأربعيني

،،،،،،،، بقلم زينب ماجد ،،،،،،،،

الحلقة_34

بسبب حياتي السابقه اللي كانت مغلقه وما اطلع بيها غير على الافلام المصريه اللي اشوفها بالختله من امي..

وكنت اشوف القبل بين الفنانين .. كل اعتقادي هذا الشي اللي يصير بين اثنين متزوجين..

عمري مفكرت بعد هلشي شنو ممكن يصير.. كان اجرئ شي ممكن يفكر بي عقلي ان المره تخلع كدام زوجها ..

هذا اللي كان مستوعبو عقلي.. ومحد مستوعب ان اني ما  مستوعبه غير هذا الشي..

الكل كان يعتقد ان اني افهم.. لان بجيلنا نادرا ما يلكون وحده ما تفهم واذا ما فهمت يكولون عليها جذابه او عياره ..

وكلشي تعرف بس تثول نفسها.. لكن والرب هذه كانت الفكره.. عمري مسألت ولا تعمقت بهلامور لان عشت ابيت ما يحجي بهيج شي ابدا..

عيبببببب مستحيل نطرق لهيج شي .. يحيى شكد كان يغلط بس عمري ما سمعتو يفشر بكلام قبيح..

صديقات ..ماما كانت تمنعني اخالط..

وبابا كان فقير عمري مشفتو يتغزل بماما او يبوسها او او او ... كنت اعتقد هذا الشي هو اكبر شي ان يصير بين المره والرجال.. ولازم ما كدام الناس عيب..

بس لهنا وانتهى مدى تفكيري ..

لا صراع ولا اهلو ولا اي احد كان يعرف ان هذا عقلي واني ما اعرف حتى اطلب احد يعلمني..

اهلو ما عدهم عاده يدخلون بهيج شيء ابدا.. اما صراع فكان معتقد ان اني اخاف او استحي او بعدني صغيره واتعزز ..

فكان شوي يلين وياي و يعصب .. كنت حيل اتضايق منو من يعصب لان بعتقادي كل اللي اكدر علي دا اسوي فقط استحي احد يشوفني

هذه كانت اهم نقطة غباء بحياتي .. لاني ما كنت افهم.. ومحد يكول ما تفهم البنت مذنبه بكل شيء والرجل لا غبار عليه..

الكل كان يطالبني بحقوق .. لكن محد فهمني او فهم عقليتي وحاول يتوصللها..

.....بيومها كسر الكلاص وكام يغلط ومعصب .. وطلع بدل وراح.. ما جا غير بليل .. دحكني فارشه جوه..

صفن.. هز ايدو ترك علاكة الحلويات وطلع..

تركتو ما حجيت وياه.. يريدلو حجه حتى يعصب شسويلو .. لثاني يوم الصبح ساعه 7 طلعت حظرتو الاكل..

نزل هو بملابسو العسكريه السود.. دحكني واكفه اجهزلو.. جر الكرسي وكعد بدون ان يصبح بعدو مطنكر..

فتحت باب المطبخ.. وطلعت للحديقه .. صاح يوليييي .. رجعت هااا

-وين طالعه

-للحديقه اشم هوى

-كعدي تريكي

-ما اريد

-والله فوكها انتي الزعلانه

-درت وجهي عنو

-مو احجي وياج

-سألت حتى ارد.. شحجي

-بعد.بعد صيحي لميهم

-تره بشر احنه مثلك.. من تغلط وتسب نتضايق .. ما تقبل احد.يسب ابوك وهو هيانو جوه.. وانت ليل نهار تسب بأبويه وهو ميت.. وتريد عادي اتقبلها واني الممنونه والله ليش.. لان اني بنيه وانت رجال مووو

-هز راسو .. وكام.. حط الموبايل ع الطبله وكال:- هذا موبايلج  انه طالع .. عود ادعيلي اتفجر وتخلصين مني ومن همجيتي ..

-الله وياك.. جاي يمشي من حجيت دار وجهو عليه .  حجه ...ادب سز وطلع..

هزيت ايدي كلنا ما عدنا ادب .. بس الك عفنا الادب والمستحى ..

اخذت الموبايل ودخلت جوه كمت ادحك بيه.. لحد.ما كعدو فضينا هوسة الصبح.. كملت وصعدت بغرفة نور

كضبت الها الجهال اثنينهم يردون رضاعه ومن يبجون يثولوها ف اخذ واحد. ارضعو ممه والثاني هي ترضعو..

دحكت بالغرفه.. اكلج نور انتي ونائل عادي

-يعني شنو عادي .

-يعني زوج وزوجه  

-لا .. بس ورق هو هينا ينام ع القنفه واني ع السرير ..التوم يمي لو بسريرهم.. من انزل جوه ينام ع السرير ..

-نائل طيب خوش ولد

-كلهم ولدنا طيبين ابو حرب هم ما قاصر معدل ..

-بس عصبي وما ينفهم 

-كلهم اعصاب يولي منو البيهم ما اعصاب

-مو مثل صراع

-اي صراع اكثر منهم بس تره شايل گلب ريت الناس كلها مثلو يمعوده..

-اي جان طاح حظ العالم..

-هههههه يولي يحبج والله مبين بس انتي هم شوي بحبحيها وياه. 

-شسوي

-شنو شتسوين غرفتج فوك وانتي تاركتو ونايمه جوه

-غرفتيش يمعوده وكت اليحبني غرفتي ووكت اليعصب طلعي برا وارجع جوه   عليمن خليني جوه احسن وكت اللي يريدني يصيحلي ما طايره..

-والى متى هيج تبقون

-اني شعلي غير هو

-لا شنو شعليج .. صعدي ملابسج وحطيها فوك بغرفتو وشوفي شلون يطردج بعد.. انتي المخليه يروحج خطار عندو

-يمعوده اروح ازت بروحي عليه كوه .. ما اريد..

-بكيفكم هاي حياتكم بعد الله يوفقكم ويصلحكم 

نزلت منها كملنا شغل الظهر وردت اصعد اشر الملابس.. دشداديشو اكثر الاوكات ما يحب انشفها تنغسل وتنشر بدون تنشيف والشمس حاره بساع تنشف  

فطلعت سطلة الملابس للسطح وبقيت اشر وشمس حاره وهن كلهن مي تنكعت وعركت بنفس الوقت..

كملت شلت السطله ونزلت من السطح.. دحكت صراع جاي من دوامو ودا يمشي لغرفتو.. شافني .. صاح

-ليليااان

-اندرتلو هااا. 

-حدري هينا

-مشيت يمو.. فتح باب الغرفه ودخل بمعنى فوتي وسدي الباب..

دخلت .. كام ينزع بملابسو العسكريه.. وكال ابقي هينا اسبح واجي ..

-عندي شغل جوه

-سمعتي شگلت

-واني هم كلت عندي شغل

-ما عندج شغل غيري افتهمتي

-اريد انزل

-يولي تعاندين انتي لو شنو

-شرايد..

-تفهمين شرايد..

-ما بالغصب .. اني اريد انزل احظرلك الاكل

-متسمم ما اريد.. جرني من ايدي ودفعني للسرير كعدني.. كعدي هينا كتلج

-اكلك تره مو على كيفك وكت اللي تريدني تسب اهلي وكت اللي تهدأ لازم اهدئ وانسى كولشي وكأن ما صار ..

-والمطلوب

-المطلوب تعتذر عن السب والغلط اللي غلطتو .. بس على مي حار جبتلك گلبت الدنيا وحركت اهلي وهسه هادي وتريد نفتح صفحه ما اريد...

-هااااه وتردين انه اعتذرلج

-اي وتوعدني ما تعيدها..

-هههييي .. لج مو انتي التعلميني وتكليلي اعتذر واطلب السماح من وحده سز مثلج

-عجل خل انزل

-كلت كعدي

-ما اكعد.. هميت اريد اروح وهو كضبني من شعري

-ناويتها على شر انتي مو

-انته لا تحبني ولا شي تجذب عليه بهلكلام تريدني بس وقت الاجي ابالك .. لو صدك تحبني ما تأذيني وخر مني

-انه جذاب طلعت

-دوخر دفعتو حيل جر و دفعني وكام يحاول وياي .  ادفع بيه اريدو يوخر ماكو كتلو والله اصرخ والم الناس عليك

حط وجهو بوجهي ويحاولةيسكتني واني ادفع واضرب واريد اكوم.. اخر شي من قلة حيلتي .. عضيتو باطراف اسناني من يم اذنو خليت الدم يجري منو ..

رفع ايدو ضربني راشدي دفعتو مني ودفرتو برجلي وكمت بساع.. ردت اوصل الباب ويكلي تضربين يولي لا ما اعلمج..

راد يجرني اني جلبت بالباب.. فتحتو وردت اصرخ.. حط ايدو.. حس اكو واحد بالممر .. سد الباب وتركني ..

عوفني ما اريدك والله ما اريدك اصلا صارت تلعب نفسي منك.. انت ما تحس ..

هو يمسح الدم من ركبتو ويتنفس ويهز راسو بس عيونو حمر والغضب باين بوجهو ..

مشى وحدر يمي اني بساع رفعت اديه فوك راسي وغمضت عرفت راح يضربني..

جر ايدي وطرني بالكاع وكال طلعي برااااا .. وتحلمين بعد ادحك بوجهج والا اعلمج..

لا ما كسرت خشمج وعلمتج الله حك واجيبلج مره هينا ادللها وتذلج واعيشج خدامه والله .. وبعدها خل تلعب نفسج مني براحتج   بس صبري علي..

طلعي برا .. كوووومي طلعي برااااااااا..

كمت بسرعه طلعت برا .. وكعدت بالحمام ابجي .. جا دك الباب .. ما رديت.. ضرب الباب منو هينااااااا ..

فتحتو وما دحكت بوجهو طلعت بسرعه هو فات وصفك الباب وراه.. نزلت للغرفه اخذت ملابس الي.. الحجيه تعدلت..

-شبي صراع

-هو ابنج مصروع من يومو

--من قهرو يول احترمي نفسج    ما كافي عليه الوضع الخطر بالانبار وتهديد الموت على العساكر انتي تزيديها فوكو ..

-لا تخافين عليه كلشي ما يصير بيه

-يولي كضبي السانج ولا تتجاوزين عليه لا بالقران اتصرف وياج بالمايعجبج   احترميي

-اخذت ملابس وسديت الكنتور حيل وطلعت منها.  رحت للحمام. بقيت ابجي لحد ما تعبت..

كملت وطلعت .. سعد جاي ينقل بغرفتو وصوت عالي .. ونوال ودعتنا قبل يوم وراحت للبيت وهو بقى بس ينقل بالغراض..

دخلت للمطبخ.. فتحت التليفون وجنت اتلهى اطبخ.. اسةي اكلات حلويات. اطلع من الموبايل واطبق بيهن الينجحن وبيهن اليفشلن واشمرهن..

والمواد اخذ فلوسها من عمتي ما تحجي شي تحب اتعلم واصير ام بيت..

بس هي فرحت لما جت نور للبيت ورجعت ويانا تسميها خفيفة الشمايل .. وفعلا نور كانت خفيفه

بلحظه ادور تلكاها كافه كلشي عشا وبيت وغاسله.  هي هم ضعيفه وحركتها سريعه ..

ما توكف تخلي اكل ع النار وتروح تمسح وترجع تكلب وترد تكمل تنظيف يعني من اطفي الطباخ شغلها كلو خلصان لان ما توكف ولا تصفن تستغل الوقت وتخلص بساع وتصعد للتوم مالتها  

ما مثلي حاجه حاجه اخلص .. ما اعرف انخبص..

ف وكفت اسوي داطلي واتلهى بيه وانسى . نزلت نور هي والتوم كعدت بالمطبخ يمي وتسولف وتلعب بالتوم واطعمهم..

طلعت ام سعد.. شو دحكت بوجهي .. وتكلي هو بس هذا الفالحه بي .. بلا اصل جابوها من الموصل ما نعرف گرعة ابوها منين..

اندرت على نور..تهز براسها عود مشيها ولا تهتمين.. طلعت كتلها شتقصد هي على شنو تغلط..

-ابو حرب ما يكعد راحه اذا ما يطكع وجهج وهاي يمكن طاكها الجفاف هليام هلطلع الحركه بيج

-عجل مو عدها رجال .. اني شكو مخليه راسها وياي وحاسدتني عليه وهو شلونو فدوه الله ..

-يول رجال بي سكر خلصانه روحها وهاي تصغر بنفسها .. جانت مشيبتني من جنت وي عابد.. والله مطلعه روحي لله ..

من انزل اسبح الصبح يبوووه حتى الحمام تهجمو عليه وعابد جان ما يحجي يصف وياها..

-كبر غير زوجتو ليش ما يدافع..

-الله يرحمو حملت وياه ضيم ما ينحمل غير النسوان اللي يلعب عليهن ويطلع وياهن  

-مو سووه علينا قديس .  الا شوي كلت يسوع ماكو منو من كد ما مدحو بيه وهو مسكط .

- الله يرحمو يمعوده اذكرو محاسن موتاكم.. جان الفلس حصره عليه كلو بيد ام سعد.. ويقطر علي تقطر..

يستلم ابو حرب راتبو خطيه  يوزعلي حالي من حال هيام و حلا ويكلي صبري خويه هذا رجلج شتسوين لابد يوم ينعدل بعدو طايش..

وهسه اجيت اول يوم عد نائل انطاني مفاتيح الخزنه مالتو وكال ديري بالج عليهن ومخوله شكد ما تحتاجين انتي والتوم حلالج  

عود هذا لا حاسبني مره ولا رايدني.  يمكن الله رحمني وغير حياتي من جحيم عابد.

...دنحجي و رجعت فاتت ام سعد.وتغلط وتحجي وبلا حيا وساقطه ونغله وهيج من ابوج يل ما تستحين وهيج من اخوج يلعرمه..

عاد درتلها كتلها وانتي شكو خاله تره ما جايه من الشارع رجلي هو على شنو حاميه حمامج..

اني كلت هيج ونزلت عليه افشار ونور وكفت بنصنا .. كتلها احترمي نفسج احسنلج عيب عليج تحجين هيج..

شو زادت بالاكثر وصياحها زاد وانه الما استحي وانتي اتعلميني العيب.. اليوم لا ما اربيج اليوم واليوم..

جت عمتي تصيح واتفزع بينا وهي تصرخ.. فات الحجي وهي كامت تبجي وتحجي وتكلهم تالي عمري هاي الما نعرف اصلها منين تهين شيباتي  

عمي هم نزل غلط وصياح عليه وكال ينزل زلمتج و يتفاهم وياج انتي الضاهر ما تستحين وما الج رداد..

عمتي تهدي بيهم تعرف صراع عصبي اليوم تريدو يسكت اخذتهم للهول تسكتهم وام سعد تكول يا انا يا هاي المصلاويه اليوم بالبيت. 

اني تركتهم وبقيت بالمطبخ اكمل ويلفتي واكفه يمي وتكول ما كتلج اتركيها ليش تندكين بيها .. هسه تسويلج مصيبه..

شوي ونزل صراع.. وسمعت اصواتهم علت.. صاح ليليااااان.. كتلها نور كملي دا اشوف شيريد انوبه

نزلت ارداناتي ومشيت.. هو كاعد ومبدل وكاشخ ولاف غترتو وما هامو اكبر واحد..

كال... حدري .. يحجي بهدوء بس اعرف غضبو بداخلو .. ادحك بام سعد تبجي وتمسح بشيلتها..

وعمي حارگ الجو شلون متحاجيه وي مرتو يخاف تصير مثل ذيج وام سعد تنطرد فكام يدافع بقوه وطلعني من الكلجيه  

صراع:- شحاجيه وي ام سعد..

-ما حاجيه شي والله كل ما انزل تغلط وتفشر عليه وتكلي ما فالحه بس بالقلة الحيا وكلام يسم البدن عيب احجي..

الصعدت يمك والنزلت هي ما الها علاقه .. ابويه شعلي وتسبو.. تسب وتغلط وتتحجج عليه بالكلمه

الحجي:- مو هي عدوتج وتتحجج كلبه احترمي نفسج. 

صراع:- بوسي راسها بساع

-ابوس راسها واعتذر تمام ما عندي شي وياها بس قبل هاي  حجيها والسب مالها يوميه عليه وعلى ابويه شلووون

يعني اني حجيتلكم الموقف كلو ليش ما تحاسبوها شنو ذنبي من اجيت لليوم ما اسمع منها حجايه حلوه. 

-دحكي يولي  تنزلين تبوسين راسها ورجلج فوك راسج وكلمه زايده بالقران انهيج..

-دنكت بست راسها وكتلها حقج عليه خاله اعتذر.. بست راس الحجي هم.. ووكفت كبالو ..

وكتلو تأمر بشي بعد عمو .. وتعمدت اكلو كلمة عمو اليضوج منها اللي تحسسو شكد اني صغير وهو جبير بعمرو ..

فرك ايدو وكال انگلعي من وجهي.. عفتو ومشيت دخلت المطبخ دموعي وحده وره اللخ ..

خلصنا العشا وصبينا وفتت جوه .. جت سلفتي نور .. كعدت يمي وحط ايدها على رجلي

-خايبه كومي اكلي هي تهين وتصيح وانتي حارمه روحج من الاكل عليها .. تسوى .. دكومي لا تخليها تأثر عليج وتستشفي بدموعج  

لخاطري كومي حبيبه وغثيها بضحكتج وكأن ما مهتمتلهم.. مسحت دموعي وكالت يلا كومي

... حسيت كلامها صدك وقنعتني هاي اذا شافتني حزنانه تستقوي عود اني اعتذرت منها..

كمت وياها.  بس ما اشتهيت اكلهم بليل .. صبيت كلاص جاي وسويت لفة جبن واجيت كعدت وياهم واخذت الريموت اگلب. 

حرب رادو افلام كارتون بقيتو.. توني اريد اكل.. اندار عليه صراع.. محفظتي و الموبايل بالحمام كومي جيبيهم..

كمت رحت جبتهم وانطيتهم الو.. كعدت ..

-هذا الموبايل ما بي شحن .. كومي شحني بساااع

-اخذت نفس.. وگمت .. موبايل الحجي ع الشحن.. شلتو وحطيت موبايلو..

رجعت..

-وينو شو ما دحكتج صعدتي حطيتي

-خليتو على شاحنة الحجي لبين ما اخلص عشا

-كومي صعدي خلي على شاحنتي بسرعه

-اي بس اكمل عشا

-تاكلين سم كلت صعدي

-اختنكت حيل وهم كلهم يدحكون حتى فشلت منهم.. صعدت حطيتو على شاحنتو .. شفت الشحن مالتو 95 .. عرفتو عيخبث وياي

نزلت .. كعدت.. كال كومي صبيلي جاي.. كرهني نفسي لان يصخرني لما اكعد ما يحجي واني واكفه. 

الحجيه:- يمه خلها تاكل البنيه شجالك شليت حالها..

نور:- انه اصبلك كعدي حبيبه

صراع:- كعدي نور.. .. ادارلي.. شحجيت .. 

-گمت صبيتلو جاي وانطيتو .. واندرت مشيت لغرفة الحجيه.. صاح وييييين

-اريد انام..

-كعدي تعشي

-ما اريد...

-اشو تكعدين وتكملين عشاج كلو واذا ما نفذتي اعرف اشلون اتصرف وياج..

الحجيه:- يمه سممتها يا عشا هاذ

-سهمج الراحه يمه لا تدخلين. 

-كعدت.. كوه اتجرع الجاي حسيتو مثل السم لو باقيه وما طالعه وياهم ولا هذله...

ما اسمعهم شيحجون بس عيوني احس احتركت اريد ابجي وما اكد والعبره خنكت بلعومي.

ما اعرف شيحجون وهو كال:- والله هو هيج ينراد.. حرميتين تخليهن بالبيت وانت الملك .. يتسابقن عليك وهن الممنونات. 

اندارلو عمي وضحك ويكلو ها ابو حرب تريد تتزوج.. جاوبو وشكو بيها الله حلل 4..

سمعتو هيج كمت بسرعه من الاكل وفتت بغرفة الحجيه .. حطيت راسي ع المخده وكمت ابجي بحركه..

حسيت حيل هاني كدامهم ومتعمد.. شويه وفاتت الحجيه.. صاحت ليليااان ما گمت ..

كعدتني غصب عني وكعدت كبالي:- شصاير بينكم يولي و ابو حرب يهدد بزواج ثاني 

-ما صاير شي ..

-لا والله صاير كولي ولج ابني واعرفو لا هدد وحط براسو ينفذ .. وتخسرين كلشي يخايبه احجي  

-على اساس هسه اني شرابحه هااا شو بس بس الذل شفتو عندو

-شردين تربحين  كاس لو تاخذين جايزه.. رجال يحبج ويقدرج ويخاف عليج   والف وحده تتمنى مثلو ومثل عيشتج. 

طاكج الجوع.. مدور وراج شمسوي وتكولين شمحصله هي التتزوج شتريد تحصل يعيني يجومها ويخدمها

المسلسلات والافلام لا تخليهن يأثرن على عقلج يمه .. الموصل كايمه كاعده واهلج ما نعرف مصيرهم وين ترحين هااا..

شيلي فراشج بساع وصعدي بغرفتج يلا

-ما بكيفج انتي غبيه وجاي تخسرين كلشي بغبائج لا تخليني استخدم وياج الگوه كومي يلا

-ما اكوم شنو اطرديني

-اي اشو اطردج يلا بساع كومي تنامين بغرفة زلمتج ولو فتت بليل ولكيتج لابسه هدوم البيت ونايمه عذا الله كتبو عليج يا ليليان. 

اصعدين مثل النسوان تغسلين وتتعدلين وتنامين بفراشج وتنتظرين لا تعتذرين منو بس ابقي بغرفتج ولا تسمحيلو يمليها بغيرج. 

يلا يلا بساااع كومي

-حجيه الله عليج عوفيني والله ما الي خلك. 

-كلت صعدي وفوك ابجي براحتج انه راسي يوجعني ما بيه هوسة البجي مالج  

-حجت هيج.. كمت بساع وكتلها ما اكول بس الله ياخذ روحي واخلص منكم ومن حكمكم

طلعت من الغرفه ابجي.. صعدت.. فتت للغرفه.  هو واكف يدحك بالموبايل 

-شرايده

-ما حاجيتو ..

-مو احجي وياج

-طلعت فراش من الخانه وجاي افرش كضب ايدي ..

-اكفي اكفي .. منو سمحلج تجين هينا .. برا يلا

-وخر ايدك .. نكثت ايدو من ايدي..

-دحكي لج .. لا تخليني اكسر راسج والله طلعي منا

-ويييييييين ارووووووح اكتل روحيييييي انته تطررررد وامك تطرررررد .. وين امشييييي

-لا تصرخين لا انعل اهلج والله

-لا تنعلني ولا انعلك.. اتركني .. احرك روحي واروح يم ابويه هواي ارحملي. 

عفتو ومشيت بسرعه جرني .. لا تتخبلين كعدي..

وخرررر مني..

كضبني بثنين اديه ودفعني للتخت وطلع وقفل الباب.. عدلت الفراش وكعدت ابجي بجي لحد ما تعبت ونمت واني اشهك..

حسيت بي يحط شي يم راسي و زت الغطا فوكي..

شميت ريحة اكل.. لكيتو جايب لحم بعجين ومخلي يم راسي.. اندرت وما اكلت و كملت نومي..

كعدت الصبح وهو يبدل يطلع للدوام.. ما رديت ولا اندرتلو .. بقيت متمدده بفراشي

طلع.. وره شويه سمعت سيارتو طلعت الكراج وانسد الباب كمت نزلت.. نور كاعده .. بقت تحجي وياي وتهديني وتصبر بيه...

شوي تغيرت نفسيتي .. اجه الظهر هو .. سويتلو غدا وصعدتو.. ما يحجي وياي ولا اكل .. داير وجهو عني. 

ما اهتميت كلت براحتو.. تمددت بفراشي ع الموبايل.. وهو بتختو هم يدحك بالموبايل..

شوي وكام بدل وتعطر وتخشخ وطلع  .. اني هم تركت الموبايل وگمت سمعت ابن نور يبجي  

رحت يمها مفرفح .. تريدو ياخذ الحليب صدرها ما يقبل بس يبجي.. الحجي وصراع و نائل ماكو. 

ام سعد رايحه لبتها من الصبح بس عمتي بالبيت وهي مريضه رجليها ما تعينها تمشي وتاخذو..

عاد كالتلها يمه انتي تندلين السوك.. والدكتور بصف السوك.. اخذي حلا وروحي شوفي الوليد شبي واتركي احمد يمي..

صعدت لحلا نايمه ما تقبل تكعد سهرانه بليل وهي اصلا حيل تضايقت من ابوها رفضت اعتكفت بغرفتها. 

عاد كالتلي ليليان كومي وياي ..

-ما عندي شي بس صراع خاف ما يقبل اطلع

-ما يكول شي والله دامج وياي ومضطرين اطلع وحدي صعبه والشارع كلو رياجيل انه وياج ثنين نسوان محد الو دخل بينا. 

انداريت على عمتي .. كالت خبري رجلج واخذي شورو وطلعي لا اطلعين بدون حسو..

خابرتو .. اول مره ما رد.. ثاني مره انطاني مشغول .. كل عقلو اتوسلو لو اريد ادلل عليه بالموبايل

عاد كمت لبست الجبه و الحجاب وكلت للحجيه من يجي كوليلو.. 

اني مجمعه مصرفي من صراع يم الحجيه اخذت منها فلوس وطلعت وي سلفتي .  رحنا حجزنا عد الدكتور ونزلنا السوك..

اشتريت كلشي احبو .. علبة مكياج صغير ودشاديش صيفيه و وسوارات وهلسوالف والحجيه اخذت الها قطعة قماش وحلا ملفع.

رحنا للدكتور بعدو ما واصل سرانا. موبايلي بالبيت و نور شحنها صفر.  وجا المغرب حتى رجعتنا صعبت  

بألف يا الله فتنا وانطانا وصفة العلاج وطلعنا كالت بعد ما الحك اشتري علاج انطي النائل وهو يجيب خل نرجع. 

وكفنا تكسي ومشينا .  بس هذا ابو التكسي لزكه استلمنا اسئله انتو من يا عمام دليم جبور .. ويدحك..

نور ما ردت ولا اني رديتو.. بقى بس يحجي وحدو.  دخلنا الفرع وكلنالو ذاك البيت.  شو كال هاااه انتو من بيت ابو حرب .. ابو حرب شيقربكم..

نور:- عزه العزاني انوبه طلع يعرفنه 

وصلنا الباب ننطي كروه وما ياخذ ويكول مو عيب اخذ من اهل ابو حرب.. عاد نور زتت الكروه ع الكشن ونزلنا

دنزل الغراض. دحكنا نائل شايل احمد ديفتر بالفرع  وصراع طلع من البيت   .

كال دخلن جوه نحنه انزل الغراض وراح سلم على السايق ووكفو وياه

طبينا الحجي تلكتنا وين صرتن متكللي الولد فرفح من البجي .. اجه صارع لكاه يبجي خبص الامه وطلع بي يسكتو واجه الحجي يريد يسكتو وما يقبل

عاد نائل جا واخذو يفرفرو بالفرع حتى يسكت..

نور:- عمه والله ازدحام كوه طلعنا من الدكتور حتى علاج ما لحكت اجيب.. هي حجت وفات نائل

كضبها رزايل ودحتي بالسوك ما فكرتي ابنج فرفح گلبو وجهازجن طافي و ما تحسن وووووو صف وعد ..

خطيه هي ما ردتو ابد.. بس وجهه صار احمر.. كعدت نزلت حجابها وطلعت صدرها وكامت ترضع بأبنها ومدنكه..

ونائل اعصابو تفور عاد كعدتو الحجبه وكالتو ما تعرف الدكاتره قابل بيدها غير الوليد مريض. 

شرب مي بس بعدو يزت بالكلام ويرزل ..

شوي وفات المجنون مالي ..

اول شي استلم نور طلعتي ما كلتي ابنج وجهازج مغلق وما مهتمات لاحد..

عاد كتلو .. ما هيج والله هي خطيه جهازها طفى واني تاركتو بالبيت..

هو واكف واديه وره وكاضب سبحتو .  اندارلي وكال انتي احسابج يمي ما ناسي يولي ..

شلون اطلعين بلا علمي.. كوا..... كاعد هينا انه. 

-دحك جهازك دكيت عليك مرتين وما ترد شسوي

-ومن ما ارد تنجبين وتكعدين اطلعييين بلا علمي شنوووو مو بعينج احد انتي . 

-ما طالعه اتونس الطفل مريض وكعدت تتوسل ابتك معتكفه بغرفتها وامك مريضه وما تكدر تطلع وحدها ونخابر عليكم محد يرد.. شنسوي

... الحجيه كامت تهدي بيه.. عاد كال اي وانتن عفتن سيارات الدنيا كلها وصعدتن وي هذا  المسقط .

اكيييد كعد يسأل ويدحك وانتي بلا خجل كلتيلو انه مرت ابو حرب وصخمتي وجهي .. وكام يصيح

-ما كتلو وبعدين اعذرنا ما ندري بيه صاحبك ساقط ونصعد وياه لو نعرفو صاحبك حتى ما نصعد..

شو جاوبتو وهذا هد ويكول وتجاوبين ولج تراددين بوجهيييي اليوم لا ما اربيج ساااااقطه ..

وكفو  نائل والحجي يفزع بينا وهو يصرخ ويغلط ويسب .. دفعو نائل للاستقبال وسدو الباب وصوتهم طالع..

والحجيه تخزر وتكلي كتلتيني بلسان اخخخخ لو اكصو ونرتاح ولج مو هاي وياج شكد حجه وسأل ورزل ردت لو بس انتي اتجاوبي على كل اسألتو

ما تعرفين تنلصمين ما تعرفين تكصين السانج وتسكتين رجال مشورب واكفه بعينو وتجاوبين وتراددين شنوو..

عاد عفتها ونور كامت للمطبخ واني رحت وياها .. عاد كالت حبيبه مسحيها بوجهي ترزلتي من وراي

كتلها يلا يمعوده هي بيها وبلاياها يوميه مترزلين تعودنا...

فضيا العشا مگليات شلون ما جان وصبينا.. الحجي ونائل اجو ويسولفون ويضحكون بس صراع ما طلع من الأستقبال

عفتو ودخلت للمطبخ احط الجاي على نار هادئه حتى بعد العشا نصب.. دخلت نور .. كالت ليليان احلفج بعزاز گلبج فوتي على رجلج صالحي وخل يجي ياكل

-نور ما يحتاج هو يهدئ وحدو..

-لا لخاطري والله اضل اكل بنفسي واعتبر مكاونكم بسببي

-لا مو بسببج بس هو هليام عصبي مدري شبي

-ولج المره هي التمتص غضب زلمتها وابو حرب طيب والله بس روحي احجي وياه لخاطري..

-عاد مشيت للاستقبال.. دخلت جان يخابر شافني .. نهى المكالمه

-ليش ما تكوم تتعشى

-تزقنبت ليكدام ما اريد

-تقربت وكلت حبيبي لتكبرها

-رفع ايدو .... لا تگربين

-والله مو شغلة اكسر كلامك بس....

-طلعي برا

-صراااع لتسوي هيج بداعتي

-گلت طلعيييييييي برااااا

-خجلني بصوتو خلاني بنص اهدومي هسه شيكولون عليه راحت تتوسل بي .. اني اصلا صوجي اجيت هو هم يتحاجى .. اليكول الله خلقو وكسر القالب مدري على شنو شايف روحو ..

تركتو وطلعت .. كملنا عشا وتنظيف وكعدنا بغرفة الحجبه طلعنا الغراض وكمنا نشوفها للحجيه  

فتح الباب واحنه كاعدين ودحكلي ...

-ثواني واشوفج فوك .. اندار يطلع ورد كال.. والغراض اللي اشتريتيهن هم جيبيهن..

.... كمت لميت غراضي بالعلاكه  الحجيه كالت لا تراددي لو شما يحجي سكتي ..صعدت.. هو ماكو .. حطيتهم ع التخت ..

كعدت انتظرو بس نص حيلي نزل والخوف ماكلني اعرفو لما ما يقبل يتعشى ويحجي وي احد يعني اعصابو واصله حدها.. ومجبوره اواجهه

.. فات هو كن غسل.. دحكتو.. كال :- اي ست الحسن شوفيني بالله شنو الغراض المهمه النزلتي علمودهم وكسرتي كلمتي..

-ما على شي والله كتلك ابن نور جان مريض و....... ما انتظرني اكمل طش الغراض ع التخت.. جر العلبه مال المكياج دحك بيها گلبها وطرها بالكاع بلا اهتمام.. سواهم طحين

جر السوارات.. كسرهن بادي وزتهم وراه.. مشى جاب المكص من المجر وكصص الملابس وصله وصله.  واندارلي اي وبعد شجايبه..

كمت وكفت.. خلصت

-طلعي شعندج بعد خل نشوف وياج الغراض المهمه..

-بردت گلبك هسه من كسرت كلشي  .. عفتو وردت اطلع .. جر ايدي وكال

:- صايره گويه يولي كن مالج رداد..

-لا گويه ولا ابد بس انته صاير ما تنحمل... تكرب وعيون مخزره من الاعصاب..

-شفتي يولي ادب سز شلون سلفتج ما راددت زلمتها ولا رفعت عينها بعينو.. بس العتب مو عليج انه المطي الما عرفت اربيج.. ودفعني

وخرتو وكتلو والله كلمن يعرف نفسو

تقرب.... شلوووووون شنو عيدي

-بعدني ما حاجيه جابني بچف وردو بالثاني وكام يغلط ويسب ويشمر عليه بالغراض ويضرب بيهن ما خله كلمه ما حجاها ..

اني ما حجيت بعد بس الدموع تتجاره واحس خدي نار من قوة ايدو .. واذني تصفر..

شال العطر وضربني بي.. جا بيدي .. وانطر بالكاع بس احس اصبعي انقلع وصاح طلعي برااااااا

عفتو ونزلت .. الحجيه متمدده نايمه و حلا كاعده تخابر بخالتها وطافي الضوه . كعدت ابجي

ما انبلعت وياي ابد.. احس حيل تضايقت واصبعي انشل من الوجع وخدي للان مشتعل نار واذني تصفر

شنو فرقو عن الارهابي .. يفجرني ويخلصني اني اريد اموت واخلص.. اكوم ارجع لاخوي وانجب عندو ولا هلذله..

كمت علگت الضوه وفتحت الكنتور طلعت الجبه لبستها .. حلا سدت المكالمه وكالت شكو ليليان الساعه 12

ما رديت عليها تعدل الحجيه وكال يا خايبه وين موليه بهليل ستري على روحج واكعدي..

جريت الجنطه خليت الموبايل و الملابس لفيت الحجاب وطلعت.. كامت الحجيه وحلا وراي وستري علينا ودنيا الليل

كتبها والله ما ابقى احجي والدنوع تجري.. صعدت لغرفة نائل .. فتحت نور الباب وضربت خدها ولج وين موليه يا

نور صيحيلي نائل بسرعه..

-ولج والله تصير بوجهي عديها فدوه وستري علينا ..

طلع نائل .. ها خويه وين

-امشي وصلني لبيت هيام اني باجر من الصبح اخابر اخوي يجيني .  ومعليكم اعيش وي ارهاب وي اي بشر كعده هينا بعد ما اكعد..

-خويع دكولي يا الله ساعه 12 خل يطلع الصبح والله كريم

-ما ابقى والرب تاخذني هسه لا والله احرك روحي وتبتلون بيه..

نزلت واني ابجي واكلهم اذا ما تاخذوني ازت على روحي نفط واحركها واخلص والله..

طلع الحجي وام سعد.. كال بويه وين وجهج بهليل كعدي..

ماكو قفلت الا اطلع يتوسلون ويدفعون بيه للغرفه  ويحجون واني دموعي تجري واكلهم قسم بيسوع ما ابقى هينا .. اروح لهيام وباجر اخوي يجي ياخذني

نزل صراع وهمه هوسه كال .. شكو شديصير هينا

الحجي:- ولك بويه هجتت مريتك بهليل دحك ليش هيج وياها.. ما تخاف الله انته

صراع:- انجبي وامشي فوتي جوه يلا بساع بلا كلام..

-والله ما بكيفك ملطشه عندك اني بس تضرب وتغلط وتسب .. تودوني لهيام ومن صباحيات الله اطلع لاهلي. يلا

صراع:- تعوذي بليس وفوتي لا اطلعين اعصابي تره متحملج  گوه بالقران

-ما مجبور بيه اريد اهلي

الحجي: بويه اخذيها مني والله باجر انه بيدي ازتج لو الف ارهابي بس صبري الليله. 

الحجي حجاه هيج وصراع زكح ...قندرتيش هاي وتتوسل بيها .. عندي مره تتشرط انه.. انعل ابوها لابو الساس الطلعت منو ..

وكام يهد ويصرخ ويغلط ويسب.. الحجي صرخ بنصنا

ولكم ياااااااااااازي عاد كافي ما عيشه هاي بس مكاون الله و اكبرررررر عليكم..

-احجي وي ابنك بس يضرب ويكفخ بيه ليل نهار .. مو هذا نائل تفهم الموضوع وسكت بس هو من ذيج لساعه لهسه يكفخ.. عبالو المراجل بالضرب ..

سمع هيج لو تخبل كام يصرخ بكل صوتو  ول يابه حرام بالحرم اليوم اذبحها  لكم هاي البكد قندرتي تعلمني المراجل .. اليوم انعل عشيرتج بت الحرام .. اليوم اعلمج المراجل على اصولها.. وووو

كلهم بوجهو ويدفعون وما كدرو عليه .. كضب راسي من بينهم ويجر بيه وسحلني شطح للسياره..

وعمي يتوسل ويكلو بصلاة محمد عليك لا تاذيها والحجيه تتوسل بيدو..

دفعهم فتح باب الكراج . وصعد.. داس وشحط السياره بينا........يتبع

☆☆☆☆☆☆#مراهقة_و_الأربعيني

،،،،،،،،، بقلم زينب ماجد ،،،،،،،،

الحلقة_35  (ال100 ناقه 🐪 😆)

مشى بالسياره واني الدموع بعيوني جمدت من الخوف.. وادحك بعيونو و ع الطريق وين راح ياخذني..

وهو يكول لا ما ربيتج وعلمتج حك الله .. سبي عشيرتي واحد واحد.. انه الج..  الله كريم

يحجيها وكوه مسيطر على اعصابو .. حيل خفت منو.. وصلني لباب بيت هيام.. نزلني و دك الباب برجلو دفر..

طلع علي بساع فتح الباب دفعو وفات بيه جوه.. وهو يكول فوتي مدام..  هيام طلعت متفاجئه بعدها ما سأئله وهو كال هذي الكلبه تبات الليله هين لبين ما يطر الصبح ويجون اهلها ياخذوها

ورجعه لعندي تحلم ترجع بعد..

-ابو حرب وين خويه بس اكعد.نتفاهم.  شصاير غير اعرف.

طلع بلا ما يدحك وراه.. اخذ سيارتو وراح.. اندارت عليه هيام.. ولج شصاير فهميني..

اني بس ابجي وامسح بدموعي..

-غير افهم شصاير دحجي ليش هيج صراع عصبي وما يريدج شمسويه شمصخمه وما يريدج ابيتو ..  

علي:- يمه لخاطر الله وكتج ما ادحكين البنيه تبجي واعصابها تلفانه تلحكين تعرفين كلشي

دخليها جوه انطيها ماي ارتاح واعرفي السالفه بعدين  

.. اخذتني هيام وفوتتني جوه ساره فرشتلي وعلي كاعد يمي وهيام تلوب  انطوني مي شربت ودرت وجهي ونمت بس ابجي ..

للصبح هيام كعدت وياي سولفتلها السالفه كلها وهي نزلت عليه غلط وطلعتني صفر .. وتستاهلين وحيل بيج وما ادخل

وج تالي اخوي مو رجال وانتي تعلمينو المرجله .. لو ما السانج ضاربج.. مو هاي نور وياج ليش ما تنضرب مو نوال جانت شو ما راددت

جيتي طينه شوكحج بساع اخذتي اللسان والوكاحه .. تستاهلين وكل اليجرالج من ايدج..

تريدين اهلج روحي ولا ادحكين وراج اذا اخوي مو رجال ومرجلتو بس ضرب.. ما وكفت بعينج من يوكف بنص عمامو ويدافعلج. 

ما صار بعينج حبو وخوفو عليج وانه الاكول تتحمل تالي بس كبت اعصابو كلبتي علي ..

هسه جايه تتضايقين لو ضربج .. ولج اخوج باعج برخص المي وانتي مالج ذنب وزتج علينا مكسره ضلوعج..

ما حجيتي .. واخوي الطعنو بكرامتو وين ما يكعدون يكولون يمشي براس مراهقه وعاشكلو مراهقه ويعايروه بيج

هاي تاليتج يولي تهيني گبال اهلو.. بكدج هو بعمرج وتوكفين تراددين وياه..

سوالف المراجل هاي والرجال ما بالضرب عد رياجيلنا ما تمشي ليليان فزعتلج مره وكلت خطيه ولمتو لان ضربج بلا ذنب

بس هسه لا والله تستاهلين .. لا بمسلسل تركي احنه ولا تعيشيلي كلام الرايح والراد.. هذا واقعنا حبيبه ترضين بي اهلا وسهلا ما ترضين براحتج  

محد يجبرج... روحي دوري اليناسبج اذا اخوي ما رجال وما تكدريلو .. محد يموت وره احد..

.... كلام هيام كان مثل الكف الضربني وصحاني على اخطائي .. اني اعرف شنو يغثو واي كلمه تسم بدنو واعرف ماكو نتيجه

ومع ذلك استخدمت الساني وكأني اريد اثبت حظوري بلساني وما اخلي يتعدى عليه بس اللي صار اني اللي تعديت حدودي. 

ثاني يوم علي رايح لبيت جدو و صراع كايلو تاخذ كل غراضها هينا حتى تروح وي خالها راح يجيها  

جابهم علي... كابلتهم وبجيت ما اعرف اشنو اريد.. اهلي لو هو .. وقت اعصابي جنت بس اريد اطلع

بس من هديت احس فراگو صعب .. اني احبو وغلطت وياه ما اكدر اروح وانسى كلشي مستحيل ..

هو اول رجل لمني واحتواني وشفت وحسيت وياه جثير شغلات ما حسيت بيها گبل ..

بقيت يومين عد هيام .. لا خالي جا ولا صراع سأل ولا واحد منهم خابر.. ابد .. ضليت بنار وفكر يروح ويرد..

كعدت وي هيام وبقيت ابجي واكولها ما عرفت اتصرف شسوي هو يغث   وبقيت بس ابجي

عاد كامت تهدي عليه وانتي طايشه وعنادج و مزاجج بهيج عمر يصير وابو حرب ان شاءالله يتفهم وبس يهدأ احجي وياه بس كون تتعلمين. 

..خطيه ساره وعلي ما فارگوني كعدو وياي وضحك وحلويات رغم عدهم امتحانات .. علي راد يسويلي فيسبوك. 

بس اعرف صراع ما يقب لان كال ممنوع اي برنامج تواصل ينزل بموبايلج نت و يتويوب وخط كافي عليج   غيرها ممنوع .

بس شفت هو ماكو .. گلت خل اسوي واشوف شنو هلفيسبوك.. سوالي صفحه وسماني اسم مستعار ..

(مشاعر بريئه ) سميتو اول اسم فيسبوك وحطيت صورة بنيه حلوه وعلمني ادخل كروبات  

التهيت شوي .. انوبه كالي اذا حافظه رقم وتردين بحثينو بس حطي هينا وهو يطلع اسمو 

حطيت رقم صراع.. بساع طلع صراع ال***** اسم عشيرتو.. دحكت بروفايلو .. يعلم لدى وزارة الدفاع العراقيه. 

وصورة رتبة عسكري ويمها سلاح.. بقيت اقلب بصفحتو فارغه كلشي ما ينشر بيها بس يغير بصور الشخصيه. 

راسلتو .. ودزيتلو طلب.. ما رد.. ولا قبل الطلب. 

عاد بقيت اضيف وامشي بكيفي.. لهناك تذكرت رقم ام ساره صديقتي بالموصل.. عصرت مخي وكتبتو ودست. 

طلع اسم اخوها.. راسلتو .. نص ساعه ورد عليه كتلو اني ليليان ساره وينها.. كال تزوجت صارلها 5 اشهور

كتلو صدك شكد فرحتلها.. بس اريد رقمها.. كال رجلها ما يقبل انطي رقمها بس عدها صفحه ع الفيسبوك.  راسليها..

انطاني اسم صفحتها بأسم زوجها.. راسلتها وكتلها اني ليليان جرجيس ردي فدوه حيل مشتاقتلج  

ماكو رد.. بقيت افتر شوي وتركت الموبايل.. ونمت .. كعدت على صوت الجهاز وهو يرن.. عبالي صراع..

فزيت بساع شفتو اسم زوج ساره.. بساع جاوبت هي كالت الو.. اختنكت وكلتلها الو ساره اني ليليان وهي انفجرت بجي. 

ونص ساعه بس اني وياها نبجي ومشتاقين لبعض هي تكلي مشتاقتلج واني اكلها مشتاقتلج  

كملنا البجي وسألتني اشلون عيشتج هناك .. شلون رهمتي وياهم..

-ساره متعرفين شكد صعبين .. لج الجنت اخاف منو وكعت بي ..

-عربي ولابس دشداشه ما..

-مو دشداشه ساره .. القصه هي عقلياتهم و وضعهم تخيلي مخلصتها بس حجاب و كلابيه وحمره ما يقبل احط..

-اوووف اشنو هذا ليش هكذ ..

-شسوي

-ليكون شايب

-عمرو 43

-عااااااااأاااااا تحكي صدق ؟

-اي والرب . 

-شايب هذا

-لا انجبي ما شايب يخبل .. غير لو تغشعينو

-هااا تحبينو

-اي كثير

-لكن اشنو المشكله

-اتركج مني احجيلي عنج  

-ما في شي مهم من تزوجتي وبقيت وحدي ابد ما حبيت اكمل ولا عندي قدره اطلع للمدرسه عاد قبلت باللي خطبني وتزوجت وهسه حامل

-حبيييبتي الف مبروك. 

-قلبي يوم الالك..

-الا اكولج شخبار الموصل بالي حيل مشغول والاخبار نار

-نحنا انتقلنا من الجانب الايمن للايسر من تزوجت  بس الوضع ما تمام حيل صعب ويوم عن يوم يصعب اكثر

-شنو داعش ذوله انوبه

-هم نفسهم الدوله الاسلاميه ويحيى وياهم وبس الله اليستر من الجاي .. الحياة حيل صعبت والنس بخطر وخوف ..

-يعني ماكو طريق نجي للموصل

-يا طريق الموصل حاليا اشبه بنار جهنم.. اليوصلها يحترق ..

بقينا نسولف عن وضع الموصل حيل صعب واستحاله اكدر ارجع .. زين شلون ارجع ووين ارجع اذا الموصل ما اكدر ادخلها..

لثاني يوم جت الحجيه العصر .. اني گلت جايه ترجعني.. شو طبت سلمت وما ادحك بوجهي وزعلانه ..

نزلت اني بستها وسلمت عليها. هي استلمتني رزايل ما تستحين وتالي شيباتو انتي تقارنينو باخوه وتهينين رجولتو ..

واستلمتني.. تالي كتلها شلون ..

-انه معلي بيكم كعدي وسكتي واستري على روحج

-يعني ما جايه تاخذيني

-لا يمه اخذج ليش انتي وزلمتج تتجازين هاي اذا بقى زلمتج انه جايه على بنيتي ما جتني هليام وجيت اشوفها..

.. حيل تضايقت وما اعرف شتصرف .. عاد كمت فتت جوه اخذت الموبايل وخابرتو كلت احجي وياه واعتذرلو بلكن يلين. 

ما ردت .. رجعت اتصلت هم ما رد.. و20 مكالمه ابد ما رد.. اخر شي انطاني رفض ..

كمت الوب بمكاني بالله هسه اني شحصلت من راددتو .. لا واحد.من اهلي اجاني ولا اني ابيت رجلي كاعده..

بقيت روحي معلكه لا هين ولا لهين .. شويه وطلعت الحجيه ما كعدت يمعا هواي لان حيل مثكله عليه وتزت بالحجي. 

وحكو يتزوج وما اجبر ولا احجي وياه وما الومو رجال تعب وتريد التداري التحس بي ..

ما رديت بقيت جوه لحد.ما راحت طبت هيام.. كتلها الله عليج خابري واحجي وياه اني ميرد عليه. 

-اتركي ليليان خلي تهدئ اعصابو

-تلكينو هدأ صار 3 ايام.. خابري

-لا ما هادي وتلكين كلامج واهانتج تاكل وتشرب وياه وما جاي يبلعها

-واذا خطب وتزوج شلون ؟

-براحتو والصوج صوجج عاد شنكدر نسوي هو قرارو براسو .. نحجي وياه وياه بلكن يلين بس ما نكدر نفرض عليه هو اعرف..

ضليت اكل بروحي بهلايام.. مر اسبوع وهو لا خابر ولا سأل ولا واحد.من اهلي اجه الوضع بالموصل صعب وخالي ما كادر يجي ياخذني

لازم على مطار بغداد ويجي للرمادي انوبه يرجع لبغداد ومن المطار طياره لاربيل.. والوضع ما تمام ما كادر يجي..

وحتى وضع الانبار هم سيء بس الرمادي شوي احسن من باقي المناطق .. الا الفلوجه نار هي والگرمه راحن ..

سمعتو رايح لبغداد.. لو روحي كامت تلوب اكيد رجلع لزوجتو ذيج اللي اسمها ام مصطفى ..

بقيت لا اكل ولا شرب بس الوم بنفسي شكد اخابرو ما يرد.. اخر شي كام يطلعلي (لا يمكنك الاتصال بهذا الرقم حاليا)

كلت لعلي شنو معناها كال حطج بلائحة الرفض .. كتلو يعني شنو ..

-يعني اي رقم مزعج تحطينو بهاي اللائحه بعد ما يكدر يخابر ابد..

-حيل تضايقت واحس النار تشب بجسمي من كال هيج.. ليا مرحله وصلت نفسي..

بقيت 3 ايام واني گاطعه الاكل حتى تمرضت.. سمعت هيام خابرتو وحجت وياه  

يكلها ام علي قفلي الموضوع ليليان صفحتها انطوت ما اريدها.  ولو سمعت رادتها لبيتي منج اتبره والقران. 

لا تعيدين تاريخ وجدان وتذلوها كبالي وتخلوني اكرها واستصغرها .. خلوها تروح وبدربها السلامه تلگه غيري جثير عاگلين وما يضربون ما مثلي قليل مرجله. 

كالتلو حشاك بس هي صغيره وتعرف طيش هلشباب وعديها .. ما سمع كاللها ابد.. ما تصيرلي مره ولا ترجعلي..

... اني اسمعو هيج يحجي وما يريدني واهلي ماكو وخالو ما يجي كرخت روحي فد نوب كمت ليل نهار ابجي..

ساعه 1 و ما غافيه عيني.. بس ابجي وصوتي طبك وحيلي راح كد السهر والبجي وقلة الاكل..

كمت وهيام نايمه يمي دحكت موبايلها .. جريتو وطلعت.. خابرتو رد بسرعه لان رقم اختو والوقت متأخر..

-ها خويه هيام بيج شي

-اني ليليان..

-اخذ نفس وسكت..

-لا تقفل الخط الله عليك..

-بس يتنهد وما يحجي..

-غلطت وعرفت غلطي واعرف غثيتك وهنتك بس والله ما علقصد .. احسبني حلا وغلطت الله عليك كافي والله تعبت.. كوه احجي واني ابجي جاوبني بكل برود

- والمطلوب

-ما عرفتك هيج حقود انت مو تكول تحبني ليش هيج وياي والله اسفه ما قصدي

-مع السلامه

-لا تقفل الله عليك.. بس اسمعني .. تنهد بخلك طويل

بس اسئلك سؤال انت وين .. ومنو يمك الله عليك جاوب

-انه ابغداد.. واليمي انتي مالج دخل بيهم .. ومن الاخير رجعه الي  لا تحلمين ترجعين .. وبس اشوف طريقه ارجعج لهلج وانعل اليوم الشفتج بي .

وهسه انكلعي عندي شغل

-اني كال شغل ونجنيت .. كتلو يا شغل هااا يا شغل انته وين.......سد الخط بوجهي

اكيد يمها رجعلها اكيد.. يربي شسوي تعبت .. كمت افتر مثل التطلك بالبيت والوب ..

لوجهه الصبح يلا كعدت.. بس كعدت لا اشيل ايد ولا رجل .. المرض داكني دك.. حاولت عيام تعالجني بدوا باكل ..

كل خلك وواهس ما الي .. لثاني يوم اني على نفس المرض.. عاد خابرت هيام على عمتي وكالتلها مرت صراع حيل مريضه

حدرو شوفوها شنو ترجعوها ميته. لا تاكل ولا تشرب انه شكدر اسوي..

عاد العصر اجت الحجيه .. كعدت يم راسي وكالت هيج احسنلج يخايبه من انتي داكج المرض وهو داك صدرو يريد يتزوج

شنو الحصلتي من السانج شفادج.. شفادتج الافلام والمسلسلات التركيه والرجال ما يضرب والرجال بس يبوس

ولج يمه هذا ما واقعنا احنه بالعراق اصحي.... انهجم بيت المسلسلات الشيشت النسوان على زلمهن وكامن يحطن روسهن بروس الزلمه ويتاكونن وياه..

وج يمه احنه مجتمعنا ما يقبل بهلكلام ليليان .. شوكت تردين..

هي تحجي واني بفراشي نايمه.. كالت كومي بدلي.. كمت لبستني هيام وعدلتني وكعدنا .. دقايق ودك هورن بالباب

كالت كومي.. طلعتني صراع واكف يسلم على هيام من شافني دار وجهو لامو كاللها يلا يمه صعدي

-ابو حرب هاي مريضه اخذها وياك خناك داروها

-شال فلوس وكاللها رجعه لبيتي لا تضنين ترجع اخذيها طبيب لحد ما يجون اهلها وياخذونها..

ضلن يتوسلن بي هو طنش وطلع بالسياره وكاللها يلا يمه.. وما قبل اركب وياه.. شكد استحقرني وذلني بهلموقف..

دخلت واني ابجي بالزايد.. ويوم يومين يمر وهو ما جا...

اجه علاوي كال لامو بيت جدو صالح عد بيت جدو اهلج.. طالتلو منو جاي بيهم كاللها بس جدود وجده و عمتي اخلاص..

اني سمعت هيج.. لو انجنيت بالزايد.. هسه يوافق عليها ويكسرني ويعرفني اموت لو وافق عليها..

وصلت لحاله ما اعرف شاصرف بيها.. كمت دكيت عليه.. رن .. معناها فاتح رقمي من القائمه..

رن رن .. شوي و رد.. وكال خير يا طير .. حجه وهو مرتاح وصوت الضحك يمو احس الدم كام يفور بجسمي

-فرحان مووو.

-شرايده ما عندي وكت

-هااا بس لخليصان عندك وكت مووو .. انتي ليش تسوي بيه هيج وشنو غايتك..

-بت عمي مالج غرض بيها وما عندي غايه متاني واحد.من اهلج يجي ومحد يريدج حتى ملو من كد ما ادك عليهم واكلهم تعالو اخذوها

-هااا .. اختنكت.. اهلي ميردوني وانت ما تريد ترجعني ولا تجي ولا ترجعني ما اريدك.. بس اذا صار بيه شي لو سمعت اعرف انت السبب وحوبتي بركبتك..

مثل ما طلعت باخوك ومات بيومو .. تطلع بيك.. قفلتو .. وگمت ابجي حيل

لثاني يوم اريد انتحر واخاف من هلخطوه .. اخاف ما اموت وابقى عاله ولا اني هيج ولا اني هيج واتعلعل اكثر من هسه..

بقيت للظهر بفراشي .. احس حيلي باد كلشي بيا تعب .. الموت جان اهون اليه من وضعي..

نايمه واندكت الباب ما اهتميت عبالي علي اجه.. وما احس الا صراع بملابسو العسكريه طاب علينه. 

بقيت ادحك بوجهي شكد.مشتاقتلو بس اريد ابجي واحظنو.. هو سلم وكعد واندار عليه.. وكال يلا كومي خالج جاي فد شويه راح ياخذج..

ما حجيت شي .. جابتلي هيام الملابس وليستني وكوه كومتني.. كاللها ما راحت طبيب لا انوبه يحسبوها علي مره ويكولون اموتها ...

ما سمعت كلامو مشيت كبالو.. بس عيوني وارمه المرض ماكلني كن بلا روح.. صعدت وياه السياره. 

هو ما كن شايفني جا وصعد ودعهم وحرك.. واندار عليه .. كال شبيج ..

-اني مو كال شبيج مثل تانكي مي بعيوني وبزيتو وانفجر دموع..

-اريد افهم على شنو تبجي

-ما رديت..

-ادكين وتخابرين وميته .. عليمن بويه مو انتي ما ترديني مو انتي الركبتي راسج وكلتي اريد اهلج وهل جايين اهلج اليوم وترحين وياهم بعد عليش هلبجي ..

عجل مو انه رجال ما انحمل والعيشه وياي مره.. هذا انه بويه لا مهند ولا بطل افلامج السخيفه.. انه رجال عربي وهمجي واضرب وما اسمع من احد كلمه مرادد

وهاي اطباعي ما اتغير .. ما عاجبتج بويه درب السلامه منو كاضبج .. المراجل خليناها لاخوج انه لا رجال ولا ابد...

خلصي مني وروحي لاهلج. 

هو يحجي واني ما اجاوب بس ابجي..

وكف السياره وانطاني مي.. كال شربي وغسلي بويه ..

-ما اريد..

-عجل شتردين

-ما رديت

-تردين تظلين وما ترحين وي خالج

-احس انزل من كرامتي لو جاوبت بقت بس دموعي تجاوب .. سكت وشغل السياره واني الف فكره تاخذني وتردني..

شلون اروح واني احبو ما اكدر اعيش من دونو تعلمت عليه وعلى كل اطباعو .. ما اكدر اتركو ابد..

بس ما اكدر احجي واكول ما اريدك..

وصلنا للبيت دخلت كبل لغرفة الحجيه واني بس ارجف وكلبي يدك بسرعه ..

كامت الحجيه كالت خايبه شسوالج شو صفره

-ما سوالي شي ..

-عجل عليمن تبجين..

-ما بيه شي..

تركتني وطلعت مرت ساعه وساعتين وخالو ماكو وللمغرب وهو ما جا ولا خالي بين .. اخر شي مليت وتعبت ونمت بمكاني..

كعدت بليل مسطوره وراسي فد مره صداع.. كتلها حجيه خالو ما جا ..

-يولي يا خالج

-صراع كال راح يجي شو لا خالو ولا صراع

-ول شبيج صراع تعشى ويانا وطلع فوك نام وكال لا تكعدوها ..

-كمت على حيلي .. اخذت الموبايل الساعه 11 بليل .. خابرتو وانطاني رفض رحت للمطبخ..

حسيتو نزل .. اجه للمطبخ .. كال .. خير شكو ادكين

-من العصر شحنتني وراح يجي خالج وما بين وينو

-ليباجر يجي الدرب مسدود روحي نامي ..

-ما اعرف احسو يريد يضحك وكاضب نفسو كوه مسيطر..

بس ما اهتميت.. كعدت ع الكرسي ..

-تعشيتي

-ما اشتهي

-زين بس صعدي خل اخابر خالج اشوف بيش الساعه باجر يجي حتى اتحظر مملني واني يوميه ناطرو

-اختنكت من كلمتو .. وكمت صعدت رحت لغرفتو دا الكضب الموبايل فات هو ..

-اي ليون ان شاءالله بهل كم يوم استعدلتي وعرفتي غلطج عل التمام

-اندرتلو .. خالو يجي لو شنو .. خابرو

-خالج مل مني يوميه اخابرو واكلو تعال شو اليوم زكخ وكال خذها انت ربيها انه ما اريدها..

يحجي وكوه كاضب نفسو ما يضحك..

-شو خابرلياه شنو ميريدني. 

-ول يابه لو ما رادج انه اريدج والله حجاها وابتسم..

-انت شنو تلعب عليه

-من كل عقلج مصدكه انه انطيج لاحد.. شوكت تفهمين انتي مالتي وبس ..

-يعني انت ناصب عليه مووو تضحك وتلعب بعصابي .. دفعتو جرني وكضبني من ركبتي وبوسني

دفعتو وكمت ابجي بصوت عالي وهو يضحك وجرني لحظني ويكلي الله وكيلج لا خابرتو ولا خابرني ابد وما يدري بسالفه

كل القصه ردت اعلمج ادرس .. ول يابه حتى السانج اطويل اشتقيتلو ..

-وخر مني يلا وخر تضحك عليه.. وانفجرت ابجي حيل .. كضب راسي بثنين اديه واخذني الو وضيعني بأحساسو

لا كن بجيت ولا تألمت .. كأن احتييت من جديد بين اديه.....يتبع

☆☆☆☆☆☆

واجمل 100 ناقه لعيون 3 مليون 😍😍

واليغلس ع السحك ادزله ناقه ابلاش 😆

#زينب_ماجد

#زينب_ماجد#مراهقة_و_الأربعيني

،،،،،،،،،، بقلم زينب ماجد ،،،،،،،،

الحلقة_36

قربني منو واني من كل عقلي بعدني ابجي رغم تجاوبت وياه.. بس احس الفشله بعدها بداخلي

3 اسابيع ما اعرف اني لاهلي لو الو .. وكاعده على نار وانتظار وقلق وغيره وتالي يضحك عليه..

صراع:- مو كافي ليش تبجين

-انت جذبت عليه

-يولي والله احبج واعشق كل شبر بيج.. بس ليليان انتي تجبريني اذيج بتصرفاتج .

الف مره عدتها عليج.  كلمه اكلجياها تكولين امرك وتم وتسكتين اذا انه غلطان وما اعترفت وقت اعصابي من اهدئ اجي ابوسج واعتذر منج

بس اذا انه عصبي وانتي تعاندين شسوي ؟؟ يصير جدام اهلي تصغريني وتقارنيني بأخوي..

انه من ردت اقارنج بنور وكتلج شوفي ما راددت زلمتها حجيت گبالهم ؟؟ .. هنتج وخليت سلفتج تتعلى عليج..

لا .. عدنا غرفه ندخل نحجي ونتكاون و نفرغ كل البگلبنا وممنوع اي كلمه تطلع خارج الغرفه..

فهمتي.. ؟

-اي بس انت تضرب وتأذي ..

-ليليان وكت اعصابي لا تحجين لا تراددين حتى اضربج تجفي شري انه بنفسي ما اكدر اسيطر على اعصابي .. سكتي

ج ومن اهدئ حدري وحاسبيني على اغلاطي وحده وحده وكليلي ليش تغلط ليش تسب.. انه مو نبي وابليس يركبني وكت اعصابي شسوي

من اهدئ وادليني اخطائي انه اعتذر منج وابوس راسج هم.. بعد

بس مو انه راسي محترك واريدلي حجه انفجر بيها وتجين اطلعيلي لسانج متر وتردين اكضب اعصابي ..

مايصير لازم واحد يرفع والثاني يكبس.. وانتي حرمتي صح واجبي اصونج وما اكسرج بس هم واجبج تمتصين غضبي وما ترادديني..

اتفقنا ؟؟

-هزيت راسي .. اي ..

-لج يولي والله ما ينطيني گلبي ائذيج بس اخ شسويلج..

-توعدني ما تضربني بعد..

-دحكي حبيبي الرجال لو وعد لازم يوفي واوعدج هسه ويومين تثور اعصابي واضربج واكسر وعدي ما اكدر

ما اگلج ما احاول اكضب اعصابي اكثر بس انتي لازم تحاولين اكثر مني تمتصين غضبي وما تنطقين كلام يزيدني نار فوك ناري وتالي انفجر بيج..

-تمام .. قربت راسي وضميتو بصدره.. باسني بشعري وشد عليه وهو يتنفس حيل.. رفعتلو..

-ينطيك گلبك تتزوج عليه

-ههههه من كل عقلج.. شبيه مسودن.. ما تزوجت صار اسنين اجي هسه وانه عندي حوريه تتملعب على گلبي ..

بس ليليان والله انه بشر .. وج والله ما رايدج نزوه ولا قصة اريدج وقت اللي احتاج..

لو فعلا هيج غايتي ما اكعد انتظر اكو جثير نسوان واكدر اخذ شكو صابر عليج صارلي 7 اشهر..

بس انتي مرتي فهمي .. والله انه ما نبي هسه منيمج على ايدي وكاضب روحي منج بس ليوين ..

تردين احبج واجي يمج واخذج بين اديه ولا تتقرب اكثر .. ادري حكم فرعووون يابويه شسوي

-اشنو اكدر اسوي اكثر .. الاكدر علي عدسوي بس اني والله اخاف منك بذاك الوقت والله تصير جنك وحش ..

-هههه انه وحش والله عمي خلف الله عليج..

اخذ راسي باسني وحظنو وكال نصبر يابه شنسوي المهم انتي يمي وما زعلانه..

.. بقيت بحظنو نايمه.. لشويه حسيتو نام وايدو ثگلت على بطني .. سحبت نفسي منو بهدوء ونزلت نمت جوه..

للصبح بعد ما نامت عمتي وخلصت قران الفجر.. رحت للمطبخ فجر و حظرتلو ريوك يجنن وكمت افيك بيه وخلك طويل وصبح توها تطلع شمس 

فتحت فيروز وكعدت امط بأديه براحه.. وييي .. حبو جنه ومن يبتعد ادمر مو بيدي .. بس فكرة احنه متصالحين .. تخليك نشيط

رتيت الطاوله.. وصعدت على كيفي لغرفتو فتحت و فتت هو نايم وطبيعتو بس بالشورت ينام تضايقو الملابس ..

قربت وكعدت.. هو حس .. راد يسحبني .. تعدلت.. وكمت امشي اصبعي على حواجبو وجهو .. هو ارتاح للوضعيه بقى مغمض عيونو..

لعبت بشواربو فز وكضب ايدي ..

-الا الشوارب يول

-ههههههههههه

-حدري لشوف

-لا لا لا كوم ويايه كوم.. مسويتلك ريوك والجاي ع الني والساعه 6 ونص .. ساعه وتروح لدوامك خل اكعد.وياك..

-هلله هلله شو مدلل اليوم ..

-كمت من يمو .. وهو كام وراي وصلني للباب و مسك قفل الباب وكال اي شو ما كلتيلي ليش مدلل اليوم..

-واكف كدامي بطولو بس بالشورت .. خرب والله استحي غمضت عيوني وكتلو مشتاقتلك..

-بقيت مغمضه وهو ماكو ردة فعل منو .. فتحت لكيتو مايل راسو ويدحك بوجهي..

-رجعت غمضت .. بدل الله عليك..

-صار ساعه نايمه يمي ما استحيتي من وكفت يلا ..

-ما اعرف هسه يلا استحيت دروووح.. احجي ومغمضه وهو واكف يضحك..

-زين شرايج تسبحيني انتي

-فتحت عيوني حيل.. يا ما تستحي .. طراااخ .. ضربتو راشدي ودفعتو وطلعت.. وهو يضحك ويكهكه بصوت عالي

خرررب اني صوجي اصعدلو الصبح .. نزلت للمطبخ طفيت الطباخ وبعدو وجهي احمر .. شكد.زين بس تجي اوكات شو يصير ما يستحي ...

عاد بقيت التهي اكمل تحظير وانتظرو شوي ونزل لابس رسمي مو عسكري..

-صباح الخير .. ول يابه شهلصباح

-صباح النور .. وابتسمتلو.. بس اكول ليش ما لابس عسكري اشنو ما عندك دوام

-لا هناك ابدل .. الملابس العسكريه صارت خطره..

-ليش

-تنظيم داعش كاعد يترصد العساكر

-يعني شنو يكتلوك

-الروح بيد الله محد يكدر يگربلي اذا عمري ما خلصان..

-بس هيج راح اخاف عليك.. بطل من الدوام فدوه

-لو بطلت وانهزمت تعدمني الدوله لو انسجن .. ومو مرجله نشرد من الموت .. هاي ارضنا ندفع عنها لحد الممات..

-لا صراع هيج راح اخاف عليك والرب .. طيب خل نطلع بره العراق واخلص ما تگدر

-مستحيل اعوف كاعي واشرد شبيه..

-يعني شنو معقول ماكو حل الدوله ما تسيطر على داعش..

-هي انباعت لا دوله ولا مواطن ..  ظهر الفساد في البر والبحر بما كسبت ايدي الناس..

احنه الرمادي ارحم الفلوجه و الموصل نار ليليان..

-كال الموصل دمعو عيوني.. اخذني لحظنو وكال عوفي هلامور وخلينا بريوكج .. اييي شمحظره بالله..

-ابتسمت .. وفركت عيوني .. كتلو اكعد..

-بس طفي الغناء حرام

-ههههه ماشي

اكلنا اني وياه بأحلى صباح هو يوكلني واني اوكله.. وبقينا نسولف لل7 ونص .. كال انه لروح تحتاجين شي..

كتلو سلامتك.. باسني بگصتي وطلع.. دحكتلو وهو يطلع سيارتو واني مبتسمه.. الرب يحمي

خلصت يومي واني انتظرو .. واتذكر كلامو الي البارحه لما يكول لا تعانديني وكت اعصابي وتخلين اعصابي تنفجر بيج وتتأذين

واخذت وعد وي نفسي ما اعاندو ولا اراددو واحاول ابتعد عنو وكت اعصابو والومو من يكون هادئه حتى يعتذرلي وما يبقى يهيني..

خلص اليوم وهو ما اجه.. خابرتو اكثر من مره ما رد..

لليل يلا هو خابر .. كال حبيبي انه انذار وما اكدر انزل .. بقينا نحجي شويه وكال تعبان انام ومن اكعد اخابرج  

كتلو ماشي .. خليت الموبايل يم راسي حتى من يدك اسمعو وكل شويه افز ادحك الموبايل بي مكالمه لو لا وما الگه..

صلت عمتي الفجر وهو ممخابر .. عاد كلت خطيه تعبان.  وكملت نومي.. شويه وحسيت بطانيتي انفتحت وتمدد صراع وياي بالفراش  

اندرتلو .. اجيت

-لا بعدني بالباب منتظرج ...

-ههههه

-اشتاقيتلك

-مو اكثر مني .. وتقرب لوجهي..

الحجيه :-سبحان الله سبحان الله

- همسلي كاعده الحجيه..

-لا نامت بس يمكن كاعد تتحلم بالصلاة .. انتظرتك تخابر شو ما خابرت

-شسوي كوه فلتت من الدوام الوضع ما زين  وعكب باجر طالع واجب لتكريت

-بس مو خطر عليك لتكريت

-ول يابه اموت ع اليخاف عليه .. وتقرب

الحجيه :- لااااا اله الا الله

-ابتعد كتلو هاي الحجيه حتى بالحلم تتحلم بالله

-ما تعرفين سوالفها  جاي ادكلي على وتر..

جر البطانيه وغطة روسنا .. باوسني   والحجيه صاحت اااااااالله اكبر

كف الغطا وكاللها شني يمه وذني فد مره وگومي صلي بينا .. شسالفتج

-وانته ياهو يمك .. انه جاي اعبد ربي

-دكولي گوم اطلع وفضيها سوالف العريفي بطليها حجيه  

-عفيه بأبني النچر اليفهمها وهي طايره عجل كوم يشوفني طولك..

-بالله هم انني علي حجيه ما كافي مكضيها نواشف ..

-شجالك يمه اذكرنك رزن وثكيل وخةش زلمه شو استخفيت ورجعت اغو ادور محاظن.. كوم يمه عيب لا يكعدون جهالك يشوفونك بهلوضع زحمه..

..هذا الحجي تحجي وهي دايره ظهرها عنا  بس تحس بينا واني غاطه راسي بالمخده واضحك.. هو راد يكوم كال.. يحلوه يبنيه تجين يمي فوك شويه..

كتلو .. يلا دا انطي ايدي نگوم جان تصيح

- ولج كرصي روحج واستجني بمكانج واثگلي شويه..

- شلقضيه يمه انتي فوك ضيمي تعلاوه ...

كام وطلع وهو ينافخ ما قابل.. واني اضحك..

الحجيه:- يلفطيره لا ترخصين نفسج وتصيريلو متعه وانتي ما محصله شي.. خل يخلص شغلو وينزل يعقدلكم وكضبي عقد زواجج بيدج وصعدي حظني وبوسي براحتج..

صراع يحب الصعب والثكيل ثكلي روحج يثوله لزكتي بي من رجعتي لحد هسه مخابر طول الليل

-شسوي يمه غير هو تعبان واني احبو

-حبي محد كايلج لا تحبي.. بس لا تزتين روحج عليه.. يوم طلعي يمو ويوم كعدي خلي يتمناج ما يملج .. ولا تهملينو ويدور غيرج.. وازني

-تمام حجيه تمام .. وكمت يمها عجل يمه من تعرفين هيج ليش خليتي ام سعد تكون على الحجي

-يمه ياما ردت وياما رحتلو وداريت وتعبت بس رجال عن رجال ييمه يفرق ..

بيهم الصدك رجال وبيهم تخوط بلحاياهم النسوان..

تجيبين صراع وي الحجي.. صراع لا يمشي بشور احد ولا يخلي احد يگودو .. ويفهم الامور وهي مدستره ويعرف الكيد من الصيد ..

عمج فقير وام سعد مكونه عليه واركبتو من اول ما خذتو .. انه ما اعرف امشي حجايتي على زلمه.. شيكول اكلو تم على امرك..

جبت الولد وجبت البنيه واشتغل بالكاع وحالي حال الضيم وادور رضاه وهو ما بعينو غيرها .. عجل يبنيتي الما يريدني ربح شلي بخسارتو..

يم الله ما يضيع حك.. عرفي تصرفي يبنيتي ولا تخلين الزلمه يضيع من ايدج.. لا الين زين ولا الصلب زين..

الامام علي يكول لا تكن لينا فتعصر ولا تكن صلبا فتكسر.. وازني وياه بنيتي ليني وصعبي .. 

-تمام.. حبيت كلام عمتي وحبيت اخذ بيه.  بس هلحجي ما يمشي عد صراع..

من كمت ما اصعدلو والحجيه طلبت منو يعقد عليه محكمه ويضمن حقوقي .. ما عارض بس كال الها خل افضى ..

لان بوكتها انذارات هواي وعلى ساعه يخابروه ويروح.. ف من يجي يكلي طلعي حظريلي هدومي او صعديلي جاي او شوف شيطلب

ويستغل طلبو وياخذ راحتو .. ما مسوين شي غلط ولو الحجيه تكول لا تصعدين وهو يضوج يكلي طلعيلي ..

فمره اخذ كلام الحجيه ومره اطلعلو لان اني هم احبو واشتاقلو .. ما بس هو يريدني اني هم اريدو..

ام سعد حيل يغثها طلعتي لصراع فوك.. وما بطلت مني تغلط وتتجاوز اذا نزلت منو وتكول ما فلحه غير بالطلعه فوك وتنزللنا مطكعه..

اني ما ناسيتلها اشلون ذلتني ذيج المره وبست راسها.  فكمت من اغسل ملابس ملابسها ما اغسلهم..

جنت اكول حتى لو هي ما زينه ما اصير مثلها واغسل .. بس شفتها ما تستاهل اتعب روحي

فمن ادخل اغسل ملابس اعزل ملابسها وره الباب نور من تغسل ملابس نائل تغسل وياها. 

نور تغسل ملابس بين يوم ويوم كل يومين تلم ملابسها وملابس نائل و التوم وتشوف الحجي وام سعد..

بس صراع ما يقبل .. الشي اللي ينزعو اليوم باجر يريدو مكوي ومصفط بخانتو واذا ما شافو يكوم يحجي

بيمن ملتهيه وشياخذ من وكتج وتخلين ملابسي تخمخم ..  يريد كلشي بوقتو.. ما يتبيت شي بوصاختو..

فمن اغسل ملابس فد مره شعندي من ملابس الي للحجيه للحجي لحرب لحلا مرات هم اغسللها ويانه واخلصهم يوميه ما يبقى..

ف مره غسلت ملابس وعزلت ملابس ام سعد على صفحه.. طبت هي كالت عجل ليش عازله هدماتي شني بيه مرض..

-والله عندج جنه وتغسلج انه ما جنتج  

-هاااه تستنجسيني ولج نجسه انه وما تغسلين هدماتي

-بكيفي اغسل ما اغسل .. مو انتي تحاسبي

-ولج شو راجعه براس گوي لا عبالج الشور بيدج لو هذا بيت رجلج وصلاة محمد اهجج منا بظهريه حمره

-عود اليجي بيدج لا تقصرين بي.. اني كلت هيج وهاي شيلي السطله وضربيها بظهري صرخت ااااااااخ شبيييييج ليش تضربين ..

طلع عمي كال هاي ويامن يولي معليه حسج  

-احجي وياها ليش تضرب

-ابو صراع انه هيج زاته ملابسي وما تغسلهن شبيه جرب .. انه هاي المصلاويه البلا اصل تهيني وتصرخ علي..

-مصلاويه وتاج راس لكل واحد.ما يعجبو ما انه اللي تقللين من اصلي.. والبشر بخلاقو ما بنسبو ..

.. الحجي وهنت مرتو كام يعد ويصف جت الحجيه تستر ع الموضوع عاد ام سعد متعاركه وياها ودافعتها ..

وتكلها كله منج انتي التشيشين بهاي النغله علي وكامت ع الحجيه صياح ومكاون والحجيه فقيره لمت نفسها وطبت بغرفنها بس حيل تضايكت وكامت تلوم عليه لان كبرت الموضوع..

والحجي يصيح ويغلط بنص البيت وصايرلي فاندام ويهدد يجي ابو حرب لو لا يا المصلاوي لا ما خليتو يربيج ويخليج تتمنين الدخله لهين..

يعيرني بطلعتي منا ويهدد يكول لصراع.... وصراع بالدوام ما نازل .. عاد كلت خل اتغده بيهم كبل لا يتعشون بيه..

صعدت بحرارة دموعي وهو يصيح جوه ويعيط.  شلت الموبايل وخابرت .. هو كال الو واني انهديت بي ابجي..

وكتلو يعيرون بيه كلو من وراك..  ويهددون بيه يحجولك عليه حتى تضربني ..  اني تعبت ما اريد اعيش وياهم بعد.شوفلك حل

-يولي منو محاجيج بس كولي شبيج والله تعبانه والضيم فوك راسي

-بس اكلك تقبل كل ما يكومون يكولون عليه نغله مصلاويه بلا اصل ...

-ول يابه اكص السانو اليتعداج.. منو الحاجي عليج

-اسمع صريخ ابوك جوه اسمع .. عيهدد ويغلط لان ما غسلت ملابس ام سعد وهي شالت السطل وضربت ظهري وهدت ع الحجيه تكاونت وياها..

بالله لوين نضل هيج اني بعد ما اتحمل صراع فدوه

-هي تكاونت وي امي ؟؟

-اي تكلها انتي تشيشينها علي وما تخليها تغسلين ملابسي وضلت تغلط والحجيه ما حجت طبت بغرفتها ضاجت..

-اجي الظهر ويصير خير.. كعدي بغرفتي ولا تنزلين وانه اتصرف وياهم وانعل والديهم والله..

-سديت الخط منو .. وكتلها تستاهلين ام سعد العوبه والححي ابو ثرب يعيرني ويهدد يطردني من البيت ..

بقيت بالغرفه افتر اخر شي رحت نزلت اخذت الملابس شريتها وطبيت سبحت بس الضربه بظهر متأذيه ومجرحه.. من اغسل تحركني

طلعت و سعد جاي وام سعد مسويتلها فلم وكاعده تبجي

وسعد يكول سعله ولا نربيها وما تسوه دموعج ..وتروحلج فدوه وتخدمج وغصبا عليج  

-غصب عليه ابو فلس .. ما تاخذها يمك وتخلي نسوانك تخدمها لو تخاف تصرفلك فلسين زياده...

غميتهم وصعد ..

للظهر جا صراع.. سمعت صوت سيارتو .. نزلت بسرعه تلكيتو من الباب تعبان روحو طالعه..

اول ما دحكني  زكح.. انه مو كلت نزله ماكو شعندج هينا ..

-سمعت صوت سيارتك فاتت ونزلت على مودك..

-ضربتج

-اي بظهري..

-ديري بالله اشوف

-لاااا عيب ..

- ابتسم كوه وهو تعبان و يكول .. عجل حتى ما بيج فزعه دولي عليمن متعب روحي

-تخصرتلو .. عافني وفات الحجي منتظرو بالهول .. اول ما طب كال السلام عليكم..

ردو عليه.. قبل لا يحجي الحجي.. كال عجل امي وينها ..

الحجي:- نايمه بغرفتها ..

-منو مضايكها

-لازم الحجي جالك ليكدام..

-عجل من تعرف الحجي جالي ليكدام.. ما تعرف تكضب حرمتك يابه ..

سعد :- بس حرمتك..

-بالله سعد يواشك .. خلك ابيتك ولا تدخل..

الحجي:- مرتك وكحه يبو حرب و.........

-حجي صبر الله وصبرك لهين وكافي .. يازي عاد تعبنا .. امي وحرمتي ما اسمح لحد يتعداهن..

هلحجي تفهمو ام سعد خير على خير ما تفهمو حرام بالحرم اخلي عاليها واطيها .. وقسم بذات الله لو مره ثانيه سمعت احد كال عن مرتي نغله لو بالله اصل

الا اعلمو الاصل شلون يصير ...انتو وتالي وياكم .. غلطتي وياها ذاك اليوم ورغم هاي خليتها تبوس راسج وقدرتج ..

كلولي وتالي .. مره مشيبه حاطه عگلج وي جاهله بكد احفادج.. لكم ما عيب ما تستحون ما كافي ..

ابيع هلمهجوم هذا واهجولكم وارتاح.. ولكم صبرو علي بس اشتري بيت ما ابقى هينا والله .. اخذ مرتي وامي وجهالي واهج..

تعبت انه منين الاكيها من داعش والحكومه الطايح حظها والدوام لو منكم ومن البيت وين ارتاح كلولي ..

يحجي ويصيح وعصبي .. اخر شي دولكه يمو مال مي طرو بنص الهول وكال دنعل هلبيت الجايف الما بي راحه.. وصعد..

بس ولا واحد حجه سعد ابو فليس عود زعل طلع ويكلهم الضاهر صراع صار يمشي وره النسوان ويفزعلهن وما يريد طبتي

كالو الحجي اسكت لا يسمعك وينزل وتكب بينكم بويه عساها بحظها وابختها هلمصلاويه ...

اني طلعت من المطبخ فتت لغرفت الحجيه واسمعو يتفل وراي ويكول لا بارك الله بيج وجه الگراد..

ما اهتميت سديت الباب .. وكعدت يم الحجيه..

-انتي گلتي الصراع ع الصار

-اي اني خابرتو

-يولي خافي على زلمتج تعبان وادخلينو بمشاكل البيت ما كافي الوضع الصعب بشغلو .. انتي فوكو

-يمه عجل منو اليفزعلي .. ما سمعتي الحجي شلون يعايرني بسببو ..

-حتى لو بنيتي اتحملي وصبري لخاطر زلمتج تراه جثير تعبان ابو حرب ..

-تمام حجيه بس فركيلي ظهري والله ذيحني من الالم.. رفعتلها كلابيه وكعدت يمها وهي تفرك وتكلي هسه لو غاسلتلها هدماتها شصار

-اغسل كفنها وادفنها السعلوه .. تهي يا الله اخدمها فوك ما تغلط وتشتم بيه..

-دنحجي .. وفات صراع.. جريت الشال على رجليه خليتو لان هي ماده ايدها بظهري تفرك.  ورافع الكلابيه واني كاعده..

تگرب باس راسها وكاللها شلونج يمه..

-هلا يبعد بيتي شلونك وليدي

-تحت رحمتو .. الا ما ضايقتج هاي السگط

-لا يمه عيني بعين الله هاي شنو وتضايگني ..

-مدلي راسو ويكول يمه هاي اكو وحده بذاته بس تخابر وتجي تريدلها واحد يفزعلها .. لا سألت متغدي لا

-نسيت هيهيهي

- ضحك وضربني على راسي و يكول ثول الثولج حتى.. دكومي سويلي چاي 

-اگلك عود انته ليش ما تصخر بتك بس فوك معتكفه.. گادر بس عليه

-بالله تلام بيج من ترزلج وتضربج ببو زايد السانج شطوله

-لا والله شبيك والله ظهري يوجعني

-بالله شو يمه خل ادحك وين اليوجعها

- وخر ايد الحجيه ومد ليدو يحك .. ياااا وخرر شبيك.. واخزرو عود الحجيه منا

- عجل غير مرتي انه امرغلها ظهرها ..

الحجيه:- شو دخذها يمها واطلعو منين ثنينكم ومرغلها تمرغلك مالي غرض بس سدو الضوه  خل انام

-رحمه الله والديج يمه والله تفتهمين.. جر ايدي وگمنا .. جان تصيح وراه

-ساعه وتنزلي سالمه البنيه صراااع..

-وين اطي وجهي يمه حتى انتي وراي لا تخافين هي من الله يابسه

-ههههههه صعدنا.. وتمددنا ع السرير خله راسي على صدرو وايدي بأيدو

-اي من دحكتي طلعت عصبي ليش ما لحكتيني للغرفه

-عجل غير انته كلتلي تجفي شري من اني عصبي

-وهاي بساع سمعتيها ونفذتي لو كايل غير شي جان ما نفذتي

-شنو يعني شتريد

-يعني لو الله يهديج الليله وتباتين يمي

-اي

- شنو اي ترديلج فزعه وانتي فارغه املي عيني حتى من افزعلج اكول والله مريتي وافزع واكاون بحيل صدر مو هسه كلشي ما محصلين  

-وشتريد تحصل

-انتي ابقي الليله يمي ومعليج..

-لا عيني الحجيه ما تقبل

-من خذاج وخذا الحجيه وراج

-وين ياخذنا

-بتكسي للسوك ويرجعجن عجل وين ياخذجن هو انه اكدر بلياجن

-هههههه حبيبي .. بقى حاظني ويغفي .. للمغرب يلا كعد نزلت وي نور للعشا وهو راح يصلي. 

كاعد اسوي بالعشا خلصنا بس ننقل .. ادحك ساره تخابر.. كتلها نور بس شويه.. طلعت للحديقه اخابر النت يضعف هناك ويتقطع الصوت..

دخلت صبينا العشا وكتلهم ما اشتهي.. صراع كعد ياكل واني صعدت بغرفتو.. رفعت خط وضلينا نحجي بالنص ساعه ونسأل على بعض

وانطتني رقم ماما لان عجزت ادورو بجهاز صراع ماكو ما الكاه ومن غير جهازو ايست منو..

كالت دزيلي صورة المحروس استاذ شايب نغشعو

-ترحيلو فدوه لج .. غير يجنن

-اي يلا رسلي نشوف ونحكم

-قطعت الخط منها سحبت صور من موبايل صراع الو يخبلون وحده بالدشداشه والغتره ووحده لابس بيها قميص وجينز بعمان قبل لا نتزوج حيل حلوه

رسلتهم الها وخابرت .. كالت هلله هلله والله هلشايب حلو طلع بي شوفه..

-احلى منج يولي

-اي مبين احلى مني من صايره تحجين مثلو عينييي يولي ..

-هههههه من عاشر قوما صار منهم

-الله يديمكم حبيبتي لا بس صدك الله يحفظو حلو .. كثيغ يشبه حسام الرسام

-لاااا ما يشبهو بس طول وسمن .. زوجي احلى عيني

-القرد بعين امو غزال

-قرد بعينج يا قرده..

-ههههههههه بعثيلي صوره الج مشتاقتلج اريد اغشعك

- ما عندي هسه اصور وادزلج.. قطعت الخط ووكفت على المرايه فتحت شعري وصورت وبعثتها..

شو ما عدها نت.. يمكن الكهرب انقطعت عدها.. واكفه وشعري مفتوح واراسل .. دخل صراع

اني من خوفتي طفيت الجهاز بسرعه وكمت ادحك بوجهو ..

-شبيج

-مابيه شي ماكو شي

-شنو ماكو شي شو ادحكين بوجهي ..

-لا والله ماكو شي ..

-شجنتي تسوين بالموبايل

-لا ما اسوي ادحك على الفديوات مال الطبخ . حدر يمي اخذ الموبايل ..

-هلله وحاطتلو رمز .. بالله شو فتحي

-ما بي شي والله

-اي اعرف ما بي بس فتحي عاجبني اگلب بي ميصير 

- اريد اكضب الموبايل اديه ترجف حتى الرمز ما اعرف شلون اسوي .. اسوي وارجع اعيد..

تخصر وتنهد .. يلا فضيها ..

-احس الهوى انقطع.. صراع اگولك شغله

-لا فتحي

-شوف اني ...

-گلت فتحيييييييييي بسااااااع

-فتحتو وانطيتو ..

-ول يابه محمله فيسبوك و ماسنجر وانه يا غافل الك الله .. ما حذرتج تنزلين برامج..

-اي حذرت ..

- عجل ليش ما تسمعيييييين  ... رجع دحك بالموبايل دخل اول محادثه بأسم رجال .. زوج ساره وهو فتح عيونو حيل

-ليليان منو هذا المراسلتو ..

-الدموع كامت تجري .. بس افهمك..

-ول باعثتلو صورج .. حجاها وجابني جف على وجهي..

-بس اسمعني والله ما مراسله ولد.. كضبني من شعري ويصرخ منو هذاااااااااا ..

واني ابجي واتوسلو يهدأ ويفهمني.. يدور بالموبايل ماكو محادثات بس اتصالات وصور ..

كام يعت بشعري ويكلي احجيييييييي منو هذا ..

-صديقتي والله صديقتي

-ول صديقتج رجااااااال انتي شايفتني قشمرررر گبالج..

-خاله ايدي فوگ ايدو وكتلو انت كلت ما تضربني وتسمع مني .. الله عليك خل احجيلك..

-شسمع يول شسمع مكالمات بينج وبين زلمه ما اعرفو منووووووو انه كايل ما تحملين هلبرامج لو لااااااأ

حجاها وطرني بالكاع.. وكعت حيل ورجعت ليوره.. والم بشعري واگلو والله صديقتي قسم بمريم العذاء صديقتي .. صراع الله يخليك اسمعني..

- يتصل بالحساب وهو يفور يجي منا وي وح منا كعد يمي اني علكاع بين التخت والميز لامه نفسي وادحكلو بخوف .

وهو ع التخت وكل شوي يركل برجلو ..

-خابرها والله صديقتي من الابتدائيه بس باسم زوجها لان ما يقبل تسوي صفحة بنيه.

-بنت ********* غير ترد ماكو .. ولج يطلع رجال وناصب عليج بنت الكلب .  انه وين اطمج حيوااااانه.. كلت ما تراسلين لو لا ..

-والله گتلي وما مراسله غيرها والله بس هي صديقتي تريد الموبايل اخذو ما اريدو ما على طول اخابرها نت ضعيف بالموصل

-احجي وهو يهز براسو ويكلي انه الج الظاهر بعدج ما تربيتي ..

كاعد يحجي واتصلت ساره.. كمبص يمي وفتح خط وكال احجي.. كلت الو .. هي گال الو ها ليونه اسفه النت ضعيف ويقطع يولي شصاير بيج شكد متغيره

-ساره روحي هسه بعدين اخابرج..

- براحتج حبيبتي اني هم اروح اسوي عشا لرجلي راح يجي.. باي

-احجي وادحك بوجهو .. سد الخط وكال

-طلعي برا

-حبيبي والله بعد ما اعيدها..

-شال ايدي وكال طلعي مني لا تخليني انفجر بيج واكسر راسج طلعييييي مني ..

طلعت منو ونزلت بغرفة الحجيه جانت فارغه.. فرشت ونمت و ضليت ابجي بفراشي لحد ما نمت ..

ثاني يوم كعدت حزرتلو ريوك وردت اصعد اكعدو طلع كاعد.. كتلو صباح الخير ما رد..

بدل وطلع بلا ما ياكل.. ضليت الوم بنفسي .. واكول استاهل هو حذرني واني ما خذت .. لو صراع قبل كان ذبحني بس عداها وحاول كد.ما يكدر يكضب اعصابو مني وما يضربني قوي ..

هو حاول وياي بس اني اللي ما خذت كلامو .. حظرتلو الغدا وضميتو لحد ما يجي. 

ما جا .. لل9 بليل وماكو .. خابرتو مره مرتين . انطاني مشغول وخابر الحجيه   كال الها انه طلعت واجب لتكريت ما ارجع واحتمال باجر هم ما ارجع لا يضل بالج  

كالتلو ترد بالسلامه يمه الگلب داعيلك.. سلم عليها وقفل الخط.. صعدت لغرفتو وكمت اتخيلو بيها..

ذيج الليله شكد سمعت وعدت اغنية

يا كثر ما شلت في گلبي عليك ..

ويا كثر ما كلت ما اسامحك خطاك

من اشوفك ترجف اضلوعي تبيك

وادري هذا كله من حرة هواك ...

اخلق الاعذار من لمسة ايديك ..

والمس جروحي واثاريها دواك ..

حسبي الله على الهوى وحسبي عليك

الله ياخذني ولا انه خذاك .

ليله شكد حسيت بحبي الو .. كرهت نفسي لان عاندتو وحملت برامج هو ما يحبها ..

الليل كلو اخابرو وما يرد.. لثاني يوم هم ما جا.. احس روحي فرحت عليه بس اريد اشوفو..

3 يوم يلا نزل الصبح جانت هيام توها جايتنا.. اني بس سمعت باب الكراج انفتح وسيارتو دخلت .. رحت حظرتلو مي وخليت بي قوالب ثلج صغار

لان الجو جان حيل احتر وما ينحمل صار .. وجو الانبار جدا مزعج لان رمله واكثرو صحرا ف الجو حراره برطوبه تذبح. 

دحكتو فات من الباب الثاني مو من المطبخ .. وسلم وكعد يمهم حيلو مهدود من التعب وجهو مسمر..

طبيت للهول كتلو شلونك ابو حرب وقدمتلو المي .. رفع عينو وكال هلا .. واخذ المي من ايدي

شرب الكلاص كلو .. بس ما كال بعد.. رحت طلعتلو بيبسي وخليتو ع الثلج .. وقدمتو الو .. ما كال لا بس شافو كال اي والله جا بوكتو  

رغم ما يحجي ويايه بس من عطشو الحر مالتو طلعت منو .. وجهتلو المكيف عليه  

ورحت شغلت ماطور المي وحظرتلو الحمام لان مي التانكي يحمي ويصير حار تطلع روحك.من تسبح بي..

طلعت للغرفه اطلعو ملابس.. دخل هو دحكتو دخلت وراه هيام وتكلو ابو حرب والله عيب

-ام علي كتلج تركي الموضوع تعبان

-يا اخي ما يرادلها شي حرفي ا  و  ي  ... اي وتفض .. ليش تكبر الموضوع وكلما نحجي تسد السالفه

كلها ما معارضه.. الا انت كافي مشيها للبنيه..

-ام علي الولد ما خوش وما يحمل مسؤليه اعرفو .. وعيونو ع الرايحه والجايه يشلع گلبها وحلا ما تتحمل

-اگلك خويه لا اتعبني ماكو شاب ما يدور نسوان .. سعد ما دور انت ما دورت كبل زواجك نائل عابد الله يرحمو..

ما كلكم جنتو ادورن واتزوجتو وعين الله ترعاكم.. بعد.. واذا على حلا ف خويه الا اكلك هي رايدتو للولد

-شنو هلحجي هيام .. ممنوع.. اكسر راسها والله

-شتكسر .. ابن خالتها ورايدتو وجا يخطبها بعد وين الغلط.. لا تكبرها وفضها فدو اروحلك والله يوميه يخابروني..

-الله كريم هسه عوفيها بس ارتاح ..

-اكييييد

-گام منها ما رد عليها.. راد يتقرب للكنتور كتلو حمامك جاهز .. جهزتو..

اندار وطلع.. سبح ورجع .. ردت احجي وياه كال تعبان مو وكتج خليني بروحي..

-طلعت منو .  نام وما نزل لحد ما اجو خوال حلا وجدها وعمامو .. وكالو جايين على ابو حرب النا يمو حاجه. 

عاد صعدت كعدتو.. بدل وغسل وجهو ونزل..  كاعدين بالاستقبال وبس اصواتهم نسمع ويتوسلون بي يفض السالفه وينطي البنيه. 

اخر شي مل منهم وعرف بنتو تريد لان بقت مراقبتو واكفه يم باب الاستقبال .. عاد كال كبعوها يابه بيها الخير ان شاءالله..

هلهلت خالتها وكامت تهوس بعبايتها يمنا وحلا بودها اطير من الفرح دمعت من الفرحه.. فرحتلها خطيه تحبو

كالوله حدد يوم للخطبه.. عاد جاوبهم ع عندي واجب عكب باجر بسامرى .. اسبوع وارجع ويصير خير ..

خال حلا كاللهم عجل باجر يعقدون.. والله بس يروح اسوع ويرجع يبدل ويكول ما عندي مره للزواج ويتراجع

ضحك.. هو وكالو والله انه ما موافق بس لخاطركم ولخاطر الوجوه الطيبه وهو ابن خالتها بعد..

....وخوف من ان يغير رايو ويتراجع.. كالولو باجر نعقدلهم ما نريد لا خطبه ولا هوسه هي الوضعيه تعبانه مو مال عرس ..

كاللهم براحتكم بعد..

هو كالها وهم انخبصو يعني باجر خطبه .. ناس تخطط للغدا وناس للتنظيف وناس للبس وناس لبدلة خطبتها ومكياجها..

اني ما اهتميت الهم كلهم .. كل عيوني على صراع وهو كاعد ما دحك بوجهي ابد... بس تعبان حيل كوه كاعد..

كمل منهم .. وصعد.. صعدت وراه.. دخلت ردت افتح موضوع وياه.. شو اول ما دخلت كال سدي الضوه اريد انام تعبان..

سديتو كال علي المكيف وسدي الباب وراج.. اوووف من كمية التجاهل .. زعلو حيل ما ينحمل ..

مرات اكول كون يرجع يضربني واكرهو ولا يتجاهلني واني احبو واحس بتأنيب الضمير لان مزعلتو ..

طلع من يضربني ويرجع يعتذر بساع .. بس لان ينقهر ان هو اذاني فيرجع يصابح بسرعه.  بس من ما يضرب ويتجاهل يطول بزعلو وابد مو سهل

بحيث يخليتي انشوي على نار هادئه.. 

لثاني يوم .. هوسة خطبه معروفه لا دحكتو ولا ابد مدفونه بالمطبخ.. حتى ما لحكت ابدل .. جو ب2 ونص

اني ونور نغسل بالمطبخ ونسوي جاي .. بس دحكت حلا من جت من الصالون تجنن طالعه كأنها لعابه 

رحت للمطبخ شفت صراع يصيح وينتر وروحو طالعه .. دخن جكاره يمنه ومتوتر وضايج مو كن بنتو تنخطب كأنو مجبور على الزواج..

ويلوم بروحو شلون وافقت وشبيه وانه انطي لذول وهيام واكفه تهدي بي.. ادحك الايد مالتو ترجف من العصبيه..

بس يدخن ويمسح ع شواربو .. لحد ما صاحو سعد.. كالو ساعة السوده الشفتكم بيها .. زت الجكاره يالكاع سحكها وراح..

شويه و هلهلو وخالتها يركصون وخلوص هله هله مثل حصان الربل مدندشه ذهب وتركص وتهوس بالنص زين ما صار عدنا زلزال من الحثل مالها..

طلعو الرياجيل وهو فات ما اتحمل بعد حتى ما بارك البنتو .. رادن يتشكرن منو وكفن هو طنش وصاح ليلياااان .. صعدي وراي ..

يمه يفرحة گلبي من صاح بسمي ركضت حتى بدون نعال وراه ع الدرج.. فات للغرفه .. نزع الدشداشه طرها بالكاع طفى الضوه وتمدد وحط ايدو على عيونو ..

زين اني على شنو صاحني بقيت واكفه ادحك.. وهو امدد شال ايدو وكال ما تكعدين شبيج. 

كتلو اي.. كعدت على طرف التخت وهو على نفس نومتو .. لا ونام فد مره غط بنومتو زين اني شنو موقعي من الاعراب ..

عاد تقربت منو .. هو اني ميته عليه وهو نايم.. فتحت ايدو.. ونمت عليها.. حس بس ما تحرك بقى على نفس نومتو..

تقربت حطيت راسي على صدرو وجريت الغطا تغطينا .. حط ايد على ظهري وكمل نومو..

وهاي بس كعد المغرب.. بعدو زعلان جر ايدو من راسي و گام.. صلاة وكال حظريلي الملابس .. بدل وطلع..

ما رجع غير ب1 .. حتى لا احد يحاجي على الخطبه لو يباركلو لو يدحك بنتو  فرحانه بخطبتها.. ما اعرف ليش هيج متوتر من الموضوع.. 

ثاني يوم .. من الفجر نزل ونزل جنتطو وكال الها يمه انه طالع اسبوع .. من هسه اگلكم جيه لخطيب حلا ممنوع

كلش كلش انتي والحجي تكعدين يمهم ما تكومين لحد ما يطلع.. اسمع مختلي بيها والقران البيت اگلبو فوك روسكم..

گالتلو على امرك.. عاد ودعها اني گمت وياه للباب كال يله ديري بالج على نفسج.  كال هيج .. جلبت بركبتو وحظنتو

وكتلو والله حرام عليك تتجاهلني هلكد كافي عرفت غلطي بعد ما اعيدو والله. 

حظني .. وابتعد.. باس راسي .. ابتسم ابتسامه خفيفه وكال ما اوصيج ديري بالج على نفسج وعلى حرب..

كتلو ترجعلي بالسلامه.. باسني بخدي وطلع..

.. شو ثاني يوم وسريح علينه خطيب حلا .. اول بدايه كعدت الحجيه يمهم ..

ثاني يوم هم اجه .. كعدت يمهم الحجيه.. شويه وحلا اخذت خطيبها وصعدت فوك بغرفتها

الحجيه تخبلت .. رادت تصعدلها .. ام اسعد ما قبلت تكلها هم عاقدين وتحت شرع الله شعندج كاعده على كلوبهم..

والحجي حجت براسو السعلوه وما حجه .. بس الحجيه كامت تلوب .. كالت لو يسمع صراع يتخبل والله يموت ..

ادز عليها حرب .. ما تنزل حلا .. وتكل لحرب لا كلساع داك الباب علينا  عيب حبيبي..

عاد نزل وطلع الولد وكضبتها الحجيه رزايل .. تكلها شنو شعليكم انتو هو بحساب رجلي احنه عاقدين

مو هاي ليليان تصعد يم بابا وياخذون راحتهم وهو بعدو مو رجلها ليش ما تحجين لو بس عليه گادرين

والسانها شطولو.. عاد الحجيه كالتلها يجي ابوج ويتفاهم وياج.. بس ما ردت.. تعرف الحجيه اطمطمها.. وتخاف على صراع يعصب..

صار يوميه جاي الولد وصاعدين فزك وتنزل مطكعه الركبه ازرك... وبكل عين وكحه تترادد وي الحجيه لو حجت..

احنا حاسبين لصراع 7 ايام ويجي .. وخطيب حلا جا وكاعد بغرفتها.. واني بالحمام الفوك كاعد اغسل بيه..

ما احس الا صراع فوك راسي .. ها الله يساعدج..

اني دحكتو ورحت حظنتو بساع.. شفت الحجيه صعدت.. تذكرت خطيب حلا صفرت..

هو راد يدخل للحمام.. اندار ينطيني الساعه.. وكال شبيج لونج خطف.. كالتلو الحجيه شلونك يمه..

عقد حاجبو من دحك الحجيه صاعده.  لان هي ابد متصعد بس بالمشاكل لان ما بيها حيل

هو ما سلم بساع كال الها يمه شصاير ... اني من ثولي بقيت ادحك على غرفة حلا اكول اروح ادك الباب حتى تحس..

كتلو فوت حبيبي ماكو شي .. بس خرب عرضو شكد نبه ويفهمها بساع.. توجه لغرفة حلا وكال منو موجود..

ركضتلو كتلو محد.تعال.. كضبني من ركبتي احجي منو موجود.. كضبتو الحجيه يمه بصلاة محمد عليك اهدئ وهو بعدو كاضبني من ركبتي كتلو خطيبها بس صراع الله ع............

مجرد ما نطقت هو راح لباب غرفتها راد يفتح مقفول.. بلا اي تردد فورا بدفره وحده على قفل الباب كسرو.........يتبع

☆☆☆☆☆☆☆

#زينب_ماجد#مراهقة_و_الأربعيني

،،،،،،،، بقلم زينب ماجد ،،،،،،،،

الحلقة_37

مد ايدو يفتح الباب .. ما انفتح مقفول بلا اي تردد فورا دفر الباب على مكان القفل وكسر الباب..

هو دخل وحلا وخطيبها واكفين كل واحد بمكان.. بس حلا شعرها مكفوش  و الولد حزامو مفتوح..

اول شي سطر حلا راشدي.. وجر الولد من ظهر قميصو من يم رگبتو.. وجر بيه..

واني والحجيه جلبنا بأديه صراع فدوه اتركو .. اندارلي والعيون نار وصاح .. طبي جوووووووووه كلبه. 

تؤكتو ورحت منو ركض وبس الحجيه تهدي بي .. وام سعد جت وتجر و الحجي صعد. والولد كام يدافع..

هذا دافع لو دم صراع احترك.. ضربو كله وللكاع نومو وكع عليه بوكسيات وهم يجرون بي ..

اني واكفه من بعيد واطكطك باديه وابجي وما اكدر اسوي شي. 

كام منو و شالو من قميصو ونزل بيه كتل سوه وجهو فلم .. وطردو من البيت وگالو انعل شرفكم لو جيت ووصلت لهين ابن الكلب اريد اشوف كواااااا... منكم وصل هينا والله لنعل شيب الخلفوكم..

وضرب الباب وراه.. واني من من باب المطبخ ادحك عليه.. فات .. بكل عصبيه .. كال ذيج الساقطه وينها..

الحجيه نزلتها بغرفتها وقفلت الباب.. هو صعد ما لكاها نزل كال وينها.. كضبت قميصو الله عليك اهدئ

دفعني من كدامو وصرخ وينهاااااااااا وراد يفتح باب غرفة الحجيه شافها مقفوله كام يفتح باليده مال الباب حيل ويصرخ يمه فتحييييي الباب

الحجيه:- ما افتح روح اهدئ وحدر نحجي هسه لا تتوقع احاجيك..

-كام يدك الباب حيل ويكلها لا تخلين اكسر الباب والله طلعيهاااااااااااا ..

-ودين محمد يا صراع لو كسرت الباب لا انه امك ولا انت ابني اهج ويحرم علي بيتك ..

-يمممممممممممه اكلج فتحي الباااااااب .. لج ساااااقطه اكضبج لووووو لاااااااا

انه ما گلت فوت للبيت ممنووووووع .. ولكم مسودن انه احجيييييي وحدي كلمه الي بهلبيت ما تتنفذذذذ

والله لهججكم اليوم كلاااااااااااب ..

الحجي:- ولك هدي شوي شجالك الرجال عاقد.عليها اليسمعك يكول فايت من الشباك.. غير رجلها

-رجلهااااا منييييين .. كلب ابن 16 كلب يختلي ابتي ابيتي مكرن انه فاتحلي مكو..... هييييييين

-بويه هو عاقد عليها شرعا رجلها

-لا تخليني اكفر بشرعك ياااااااااا شرع .. خذها وانت نايم مثل رجل الكرسي جوه بيا كاع اطم راسي

تالي عمري ينكشر شرفي وانت ناااااااايم .. ما دحكتو وهو يصعد.. ما منعتووووووو

انه مخليك هين شنوووو تردون تموتوني انتم ..

يصرخ بكل صوتو شرايين ركبتو كلها طلعت احسها من كد العصبيه راح تنفجر ويطكلو عرج..

ابجي وادحكلو لا اكدر اتقرب ولا اكدر اتركو بهلحاله.  عاد صعدت خابرت نائل كتلو راح يموت والله الحكنا

كال انه بالطريق جاي كالتلي نور .. سديتو ونزلت وهو على نفس الصياح.. بس شايل البلازمه كاسرها ..

طبلتين طارهم بالكاع مسويهم طحين.. وبعد يصيح.. واكفه ع الدرج وادحك.. فات نائل وكام يجر بيه وهو يدفعو ومستمر بصياحو ..

اخذو غصب عنو ودخلو للاستقبال وصاح ليلياااان ماي لرجلج بساااااع..

اني ركضت اخذت بطل وكلاص وركضتلو ... دخلت صراع يفرك بوجهو ويصفك باديه ونائل يحجي ويهدي بي..

قدمتلو مي ما اخذ .. نائل اخذو وكال اشرب واهدئ خويه وغصبو يشرب شوي ..

انطاه الكلاص لنائل واندارلي.. انه شكم مره اخابرج ليش ما تكليلي هلساقط يدخل بيتي مخيلتيني على عمى عيني والماي جوااااي

-اني شعليه واكول من غير هيج الكل يكرهوني مو انوبه افتن..

صراع: وتاركتني مثل المطي اكلج شلونهم تكليلي بخير حقييييره

نائل:- خويه لا تلوم عليها انوبه رجعت على هاي شلها دخل وتحجي هم يكولون فتنت على بنتو وخلا يضربها ويسووها مرت اب..

كعد يحجي وياه.. عاد كام وكعد بالهول صراع وكالاهم انه كاعد هينا وارد.اشوف شلون تطلع بت وجدان لا ما اطمها بصف امها فلا اتسمى بسمي..

وبقى كاعد يشرب جكاير ويزت بالكلام ونائل يمو واني ونور انظف بالهول سوه الكزاز طحين بكل مكان وماكو شي بمكانو.. 

ساعه ساعتين صار العصر وهو بمكانو والكل كاعد مترقب يمو .. اني خلصت شغل سبحت وطلعت..

بردتلو غرفتو وطفيت الضوه .. ونزلت كتلو كوم لغرفتك.. ما رد.. حبيبي الله عليك اصعد ارتاح

-بعدي من وجهي لا تخليني ابتلي بيج والله..

عاد كومو نائل و نور كوه وصلوه للدرج.. وكال انه اذني يم الباب لو سمعتها انفتحت .. انزل واعلمكم التربيه شلون تصير..

راح للحمام كبل ما فات لغرفتو.. بقيت انتظرو شوي وفات سابح... بدل وتمدد ودار وجهو ونام..

خفت اتقرب منو لو انطق كلمه.  اعرفو مثل الجمر الابيض التحسو هادي بس تهيجو وتتگرب منو يشتعل ويحركك..

ولا اكدر اطلع او انزل جوه.. اولا يفز وينتبه ويرجع يتعصب لو يعصب اكثر ويكول انه ما هامج ما تكولين اگابل رجلي لا يموت اتركيني نايم ومو ابالج..

ف باوقات اعصابو احير شنو اسو .. اخاف حتى اتحرك من السرير ويطلع صوت وستفزو..

فنمت بمكاني واني داره وجهي عليه.  هذا احسن حل.. نايمين وظلمت الدنيا وصارة الصلاة وهو ما كعد..

خفت اصحي.. اندكت الباب .. فزيت من مكاني وفتحتو .. طلعت نور.. كالت بس خبري ابو حرب كوليلو اهل الولد.جوه يردون يعتذرون منك...

سديت الباب ودرتلو كاعد ومنزل رجليه من السرير .. ردت احجي هز راسو بمعنى سمعت 

حسيتو شوي اهدئ من نام  تقربت يمو وهو كاعد منزل عيونو بالكاع ويفكر.. حطيت ايدي على زندو وگربت بستو بخدو..

اندار يدحكلي..

-لا تسوي شي بروحك فدوه .. والله اخاف عليك.. من بعدك اضيع والله.. حجيتها وبجيت ..

شال ايدو وحظني بيها .. رفعتلو راسي الله يخليك فكر بيه  لو صار بيك شي وين انطي وجهي محد يفتحلي بابو واخويه بداعش مايرحمني والله..

-باس گصتي ... لا تحجي هشكل .. يمج انه ما اروح.. 

حجه وگام بدل ورتب نفسو  ونزل .. نزلت بوراه..

شو الوجوه مگلبه عليه.. هو فات للاستقبال واني ادحك بيهن وحدتهن تخزرني.. خالات حلا موجودات وخلوص وياهن وام سعد..

اخلاص:- بالله شستفاديتي من فتنتي على البنيه وكلتيلو خطيب حلا بغرفتها

-اني هيج كلت

ام سعد:- اي وتنكرين انه صعدت وبوجهو حجيتي هلكلمه و خليتي يدفر الباب

-ما اني والله سألو الحجيه..

-الحجيه ماكو كاعده هناك يم الرياجيل..

-والله مو صوجكم اني اصلا ردتو يدخل الحمام حتى ادك الباب وانبها

اخلاص:- ما حرام عليج بس تردين تتشفين بيها وتخلصين منها ... انكتلت هسه شستفاديتي من اسمومج..

-دحكي اخلاص اني لا سبب ولا جنت سبب واحترمي نفسج لا وقسم بيسوع اصيحو هسه واخلي يطردج من البيت

عاد اختها كالتلها سكتي منها رحمه لاهلج اخلاص ما عايزين لا تروح بيها حلا من وره هلمسمومه 

دا اريد ارد.. طلعت حلا من غرفة الحجيه وتگلي لا تتوقعين اعديلجياها بالقران لا ما طردتج من هلبيت على ايدي فلا اطلع انا بت ابوي ..

-دولي لج.. تهدد .. بيج خير اكفي كدامو مو جايه تهددين بيا من وراه..

عفتها ومشيت وهن يغلطن  ويتحسبن عليه..رحت يم باب الاستقبال .. هيام واگفه.. كتلها هلا جيتي.. اشرتلي اشش ..

ووكفت اتسمع وياها.. اهل الولد باسو راس صراع وتعذرو منو ويقسسمولو شهر وياخذوها بس يكملون تجهيزات بيتهم..

عاد گال الهم ما ادحك وجهو ابيتي منا ليوم العرس واذا شفتو..  لحد يلومني لو حطيتلو چيله براسو..

كالوله مثل ما تريد.. عاد جد حلا حجه وياه حتى ما يضرب حلا وگالو انه اريدها هليومين عندي

جاوبو صراع.. حلا مالها طلعه من هلبيت الا بيوم عرسها تنگص رجلها وما تطلع 

شويه واعتذر منهم كال الهم انه اترخص البيت بيتكم تعبان جنت بواجب اليوم اجيت.. اتعذر منهم وهم كلهم سلمو عليه وگامو ..

الحجيه طلعت گبلو هي وهيام وراحن للغرفه .. الحجيه طبت و هيام وكفت بالباب حتى ما يكتلها  

هو ما اهتم الكل الموجودين ولا الهيام.. صعد كبال بدون كلام.. اني رحت للمطبخ حظرتلو عشا وسويتلو عصير فريش برتقال.. ورتبتلو صينيه تفتح النفس وصعدت..

دخلت امدد ع التخت وصافن بالتلفزيون.. يدحك اخبار.. كتلو تعال تعشى .. هز راسو كام اني خليت الصينيه بالكاع ومستمر يدحك بالاخبار..

تنهد وكال بالله شتحجي لا دوله بيها خير لا شغل بي خير لا اهلك يريحون بالك وين اهج  من الله لا ينطيكم  

-حتى المره ما بيها خير مو .. وابتسمتلو

حجه وهو يمد ايدو للاكل ويكول .. :-تعرفين نفسج ما حاج احجي . 

-سكتت.  بقيت ادحك ع الاخبار كلها تخص الموصل والجيش .. الوضع نار

اصلا اليسمع اخبار تحترك روحو فوك قهرو.. ياكل وهو عين ع الاكل و عين ع الاخبار ومعليي..

ما حجيت وياه كلشي لان هم معصب ويسب بالحكومه و بالارهاب ومحروگ دمو ..

كمل راح يغسل واني نزلت الصينيه.. وصعدت.. هو راجع لنفس كعدتو بالكاع ومنتجي ع التخت  ومدد رجلي..

اخذت موبايلي ونمت على رجلو .. حط ايد على راسي وهو يدحك تلفزيون واني العب بالموبايل   

ما حسيت الا هو يشيل راسي من رجلو ويحط مخده.. واني غاطه بنومي.  زت مخده ثانيه يمي وجر الغطا من السرير ونام ع الزوليه وياي  وغطاني

ودار ظهرو للتلفزيون بعدو يدحك اخبار اني هم درت منو وكملت نومي..

لثاني يوم.. فتحت عيني .. جسمي مكسر من الكاع.. حسيتو ورايه.. اندرت .. ماد.ايدو على راسو وصافت..

جريت ايدو ونمت عليها وكتلو بشنو صافن..

-ليليان الوضع ما زين كلما جالو داعش يتمرد والعساكر بخطر .. اليبطل ينسجن او ينعدم و اليبقى يلاحكو داعش ويكتلو ..

لا دوله تحمينا ولا واحد يأمن حياتنا.. الخطوه الاخطيها من الباب ما اتأمل ارجع الخطوه سالم لبيتي. 

-لتحجي هيج حبيبي والله دوم ادعي الرب يحميك .. هز راسو بس ما رد..

بست كتفو وبقيت نايمه يمو .. وهو يتنهد.ويفكر.. گتلو كوم واترك كلشي على ربنا هو يرحمنا ويحمينا..

گمت منو .. هو كام كعد ع التخت.. لميت شعري وعدلت نفسي وطلعت..  غسلت ورحت للمطبخ احظر الاكل..

سمعت صراع ونائل يحجون ويسبون ويفشرون .. طلعت اركض .. لكيتهم على الاخبار..

ما اهتميت .. بس من كالو سقطت الموصل .. هينا نص حيلي .. يعني شنو سقطت الموصل ..

-وكعت بيد الارهاب اخذوها الدواعش والجيش انسحب كلو ولا جندي بقى على ارض الموصل سقطت  ..

الحجيه:- يمه اسم الله الستار ربي .. يمه وين نروح لا يوصلون الرمادي وين ننطي وجوهنا..

... ادحك ع الاخبار والدموع تتجاره.. مو فقط محافظه وسقطت لاا.. اللي سقطت هي امالنا وذكرياتنا واهلنا وحياتنا طفولتنا ولمتنا وقيمنا 

ادحك الجوامع والقنوات والاذاعات استحلتها داعش..وكامت تذيع منها ..

اندرت على صراع كتلو بالله عليك خابرلي امي..

-ليليان سكتي رحمه لاهلج

-صراع امي بالموصل وهي مسيحيه فدوه خابرها لا يكتلوها بس اسمع صوتها .. صراع الله يخليك..

-ولج شخابر حتى شبكات بالموصل ما بقى ... داعش استحلت كلشي ...

-زين خابر يحيى يطمني على امي

-ليلياااااان تنسين اسم شخص اسمو يحيى بحياتج هاذ داعشي تعرفي شنو يعني داااااااعشي

-بس اني اريد امي حرام عليك اريد اعرف هي وينها ..

نائل:- صراع خابر خالها دحك يمكن امها عد خالها و خل تطمن عليها..

-رفع الموبايل بحيره.. متردد يخابر يدحك بوجهي ابجي ويتنهد.. خابر الله عليك بس اعرف امي..

داس اتصال وخابر على خالو .. سلم عليه وحجه وياه على الاوضاع بالموصل.. خالو حالو حالنا يحاول يتصل بأمي ماكو

كل اللي يعرفه هي جانت ناويه تطلع الموصل على الاحداث بس ما جت.  وداعش طلب من المسيحيين اخلاء المدينه والمغادره فورا..

وانطاهم يوم واحد يتركون اموالهم وبيوتهم و فلوسهم ويتفتشون ع الحدود ويطلعون بس بارواحهم..

مئات المسيحيين طلعو من الموصل بيومها وحتى مسلمين شردو وتهجرو وطلعو من الموصل..

اول دخول داعش ع الموصل ما فرض قوانين راد يستدرج الاهالي ويعاملهم باللين .. ما قتل وذبح وفرض النقاب للمرأه وتقصير البنطلون وتطويل اللحيه للرجل ..

بس من شافو اغلب الاهالي رافضين دخولهم فرضو القوانين وقامو الحدود واخذو الناس قتل وترهيب

كنت منتظره امي تطلع من الموصل بس انقطع اثرها وصراع ما يقبل يتصل بيحيى و الخطوط تقريبا انقطعت والشبكات شبه ادمرت..

بوقتها حتى النت قطعوه ع الموصل .. بقى گلبي مثل النار على امي .. لا اني للسما ولا اني للكاع.. اتمنى بس اعرف خبرها..

حتى ساره صديقتي انقطع التواصل بينا رغم صراع كال راسلي ودحكي بلكت اطمنج على امج.. بس ماكو كن اختفت لان هي ما طلعت الموصل بقت ابيتهم..

گابلني صراع واني ابجي.. وكمبص گبالي وكعد..

ليليان   سمعيني يابه.. وضعنا ماهو زين واذا اطلع ما اتوقع ارجع.. سمعه هلچلمه مني ولا تنسيها

لو متت وصار بيه شي

-لا تحجي هيج ما بقالي احد لا تحجي هيييج..

-دحكي يابه واسمعي فدوه لعينج  ..لو متت ممنوع ترجعين لاهلج.. الج حصه بكل ما املك.. تكعدين وي امي ما اطلعين. 

لا تسمحين بعد.موتي يكولون مرت ابو حرب عد الدواعش.. صوني شرفي حتى بمماتي ولا تنزلين راسي ..

انسي عندج بيت واهل بالموصل انسيهم راحو.. هذا بيتج وانه اهلج.. لو متت كعدي ابيت ولا اطلعين ورجلج على رجل امي وهيام

... حظنتو وگمت ابجي .. ايام عشتها بالقهر من وره امي واهلي وناسي بالموصل .. لا اكل ولا اشرب ..

وصراع يا دوب نشوفو .. اكثر ايامو خفارات وما ينزل ... واني حالتي تعبت وفوك همي انوبه وجع صار بسني ما طبيعي

كمت اكضب راسي واصيح من الالم..  خابرت عمتي على هيام .. كالتلها العصر اجي اخذها للدكتور .

للظهر وطب صراع سلم بس ضايج والتعب هاد حيلو ونفسيتو تعبانه.. رغم صارلو اسبوع ما داخل النا..

بس كن ما طايق احد.. سلم وهو ماشي.. وكال صاعد انام اليكعدني يحسب الله ما خلقو..

اني جنت جوه كاعده شكد مشتاقتلو بس لا شفتو ولا شافني وما بيه اكوم من وجع سني احس بالموت من وراه..

هيام ما كدرت تجي العصر خابرت الحجيه كالتلها باجر اجي اخذها علي عندو امتحان فيزيا وهو درجتو مو قويه وبس اطلع يطلع يسرسح وي جماعتو ويترك امتحانو

يطلع باجر للامتحان واجيكم اخذ ليونه .. انطيها براسيتول و حبه مال التهابات بلكت تهدأ منا الباجر..

عاد ضليت اخذ بالحب مال الدوا وما يفيد.. اخذت فاليوم ونمت كوه لثاني يوم الصبح..

كعدت الم بفكي السفلي يموت كمت ابجي.. شديت راسي وافتر وابجي واخذ حبوب كن بالحايط ماكو اي مفعول

والحجيه تصيح.. يولي حدري اعزملج.. كتلها بربج يوووم هي مال عزامه والله جاي امووووت..

لل11 وطبت هيام.. اخذتني للمستشفى .. دخلنا شافتني الدكتوره..

كالت هاي يحتاجلها عمليه لان ضرس العقل يريد يطلع  لازم نفتح اللثه ومسحبو..

سمعت بيها عمليه.. سحبت بوش.. كتلها ام علي خل تكتبلي مخدر وحب ونرجع ما اسوي لو اموت

كلتها وطلعت وهيام تصيح يولي صبري عجل شلون تموتين من الوجع اتحملي ساعه ولا 24 ساعه ولج خبله. 

ابد ما رديت هي مال عمليه هو اني صايره فلم هندي.. عاد اخذتلي علاج ورجعنا للبيت

صراع كاعد بالهول وگالب الجهره ومعصب والبيت هدوء من وراه كلها تخاف يبتلي بيها..

دحكني فايته من بره ا گاضبه خدي وامشي ميته من الوجع..

حجه :- وين جنتي يولي طرطور انه عينا ما تحجين من اطلعين..

عفتو ودخلت للغرفه ما بيه احجي وابرر .. حجتلو هيام كل الحجي.. عاد فات عليه اني بعدني بالملابس والحجاب..

كال:- ليش ماسويتي العمليه وخلصتي من الالم..

-ما رديت سني موتني بس اون..

-كومي بويه انه اوديج

-اشرتلو لا ما حاجه .. روح روح

زكح: اكلج كومي بساااااع لا تضلين بس تونونين انه اخذج دكتور اختصاص يفتهم ويداويج بدل ما ضاله ميته هينا.. كووومي

-كمت وگفت هي فزه وهي وگفه .. عصبي وما يتحاجى و مابيه جفو خدي وحدو سايح من الالم

-انتظري ابدل وانزل

صعد بدل ونزل .. جانت بالوحده كال لل2 يفتح صبري شويه .. شافني ما اتحمل اكعد..

صراع:- كومي بويه اخذج افرج تبقين هينا تموتين..

-صعدت وياه يفر وينافخ ويسب بالوضع وساعه يدحك عليه وبالو يمي ويكول سهله سهله

وهم يرجع يسب بالسياسيين.. يمكن طبو الجنه كلهم من وراه كد ما يسب بيهم..

اني صايره فلم وهو يحجي بالسياسه بالله شفهمني وشحجي وياه.  .. عاد شافني ما رد.. سكت وكام يمشي وينافخ ويرجع يدحك ويكول هسه اخذج لليل يطيبج والله..

وصلنا الدكتور كوه اجه ودخلنا اول الناس .. كالو نفس الحجي اللي كالتلو الدكتوره والا عمليه  

كالو اي سويها الها.. اني اندرتلو وفتحت عيوني وصحت اااااااااا

-وجعاا هشششش خل يسويها واخلصي لا اطلعين حسج. 

-حتى ما اكدر احجي وادافع سني ذبحني وصروع يتأمر انوبه عمليه اهئ اهئ اهئ

دحكت الدكتور حظر ابرة البنج.. فتحت عيوني ...احس اطرافي ثلجت من الخوف .. وصراع كاعد بعيد عني واني متمدده..

جا تقرب.. وكال فتحي حلكج والابره بيدو.. كمت ابجي وكتلو اني بشاربك تكتور لا قوي عفيه. 

-ضحك الدكتور وكال ما اذيج.. وصراع كام وكف يمي ويضحك ويكلي صبري شويه ام شوارب بساع تفض. 

- غمضت عيوني واني كاضبه ايد صراع.. واعصر بيها حيل تبنجت بس من يشتغل احس بوجع حقير..

سويتها فلم مو عمليه ساعه كامله لا اكدر اصرخ ولااكدر ادفع الدكتور بقيت اعصر بأيد صراع واكرص بيها واشلع بشعر ايدو

وهو ما اسمع منو بس ردات فعل ششش اووو .. اخر شي كال كرصي بس بربج عوفي شعر ايدي هلستيني. 

اني كن ما اسمع واكرص اهلس حتى يحس بألمي .. خلص الدكتور العمليه واني الدموع تجري..

جر الكلنكس ومسح وجهي وسندني وكومني .. كتبلنا علاج وطلعنا للسياره .. كن فاقده سندت راسي ولا اني نايمه ولا كاعده..

بس مغمضه وفاقده.. سمعتو وهو يكلي هاا توجعج.. اشرتلو لا..

نزل يم محل مرطبات .. اخذلي علبة ايس كريم وصعد.. حطها بحظني ويمسح على راسي ويكلي خليتو يخليلج عليها كاكو ..

..للحظه حسيت نفسي ابنو حرب وعيشهي ويمازحو حتى ينسى  مو مرتو وشكبرني..

وصلنا للبيت .. جايين خطار عفيه بيت مكبره ياخذ ما ينطي ابد ما يخلا.. كلها ملتمه.. فوتني من باب الهول وصلني للدرج صعدني اول درجه..

اختل عندي التوازن كعدت.. كال هااا اصعدج..اشرتلو لا لا ودنكت.. صاح ام عليييي .. وهو بيدو علاكة العلاج و الموطه..

جت وهم يسألون شبيها .. هو ما رد هيام كالتلهم مسويه عمليه الثتها .. واخذت العلاليك من صراع ودتهم وجت اخذتني وصعدت وهو راح للاستقبال..

صعدنا.. اشرتلها منو موجود.. بيت عمي عزام و بيت صالح.. نفخت روحي واشرتلها يعني ام حثل وياهم..

ضحكت وكالت اي.. اهووو

نومتني وجابتلي كلابيه بدلتني و انطتني العلاج ونمت.. نص ساعه وفزيت على وجع اويلي احس وجهي مشلوع

كمت لحيلي افتر متت الوب.. اخذت الجهاز دكيت على هيام ما ترد.. دكيت على صراع.. رد بساع .. واني ابجي كتلو الحكني راح اموووت

خطيه قفل الخط وثواني وفات للغرفه. شافني منهاره من الوجع..  انطاني العلاج واني الوب ادفن راسي بالمخده واصرخ من الوجع وهو يحوم فوك راسي . 

عاد دحكتو طلع واني ابجي شوي وطب بيدو حبه مال مفاصل قويه .. كال شربي وهسه يروح بساع الوجع ..

شربنياها.  وانطاني ماي.  وكعدني بحظنو ويفرك بضهري واني الو.. شوي وفعلا هديت حسيت اختفى الوجع

وهو يبوس براسي ويحظن ويكلي هانت حياتي خلصتي منو .. بقيت نص ساعه نايمه على رجلو..

وصحيت كعدت.. كال هااا شلون صرتي..

-احسن..

-ننزل شوي تاكلين وتغيري جو الغرفه..

-يلا.. نزلت بس بعدني ثكيله من الالم وحلكي كن مضروب شرجي.. نزلت كافيين العشا..

ناس بالمطبخ ناس بغرفة الحجيه كعدت يم عمتي بالهول وخليت راسي على متنها.  وهو كعد يمي ..

عمامو اثنينهم كاعدين.. هو كعد يكللهم على مريضه و عمليه .. وصاح هلى حرب كالو كوللعمتك تجيبلها الموطه.. خل تاكل شويه..

الفتت خليت راسي على زند صراع وهو كاعد..

شو خلوص من يمها نطت على اساس تتشاقى وتكول شنو شكو سالمين ليووون تره لا اول ولا اخر وحده على شنو هلعياره حياتي هيهيهيييييي 

اريد ارد حلكي وارم.. عاد هو اندار وكال الها ليكون تدلل عليج بت عمي ..  مريتي وتمون تتدلل على گلبي

فجأه اختفت الضحكه من وجهه وتكلو ول شسالفه ابن عمي تره دنشاقيها

-وكت شقاج يابه المره شاكين لثتها بعمليه وتكليليها عياره ..

-الكل كان يحجي مع بعض بس شو صار صنطه وكلها انتبهت هي كامت تنطي الوان.. بس والله ثلج گلبي بردو. 

جا حرب انطاه علبة الموطه باسو بخدو وكالو جيب خلشوكه وتعال اكل وياها.  خطيه ركض ..

كام ياخذ شويه ويطعمني.. همستلو وين هيام هو نزل راسو ويقرب مني اذنو حتى يسمعني لان هوسه كاعدين...  كال راحت تردين شي

شفت خلوص ادحك بستو بخدو وكتلو تعبتك.. هو تفاجى وفتح عيونو وضحك  وعمامو ضحكو ويكلوله ياله شنو هلدلال ناس توكل وناس تبوس عمي ما تصعدون فوك..

هو ضل يضحك ويحك برگبتو من وره.. انوب همسلي وهو منصي..:- والله جاي على بالي اصعد اخلاص يمنا فوك..

اشوفها مفعولها قوي وياج  بكلمه غرتي وبستيني جدام عمامي عجل لو اصعدها يمنا شسووين ..

بلكن الله يهديج علي وتفض ..

ضحكت ودرت وجهي منو .. كعد حرب كابلنا وياكل موطه وياي لشويه والكل راح.. اني فتت كوه فرشت الي ولحرب ونمت..

وحلا نايمه بمكانها بس لا اني احجي وياها ولا هي تحجي ويايه والايام الفاتت اني مريضه ما تكربت مني .. ولا اني الي علاقه بيها..

صراع سحب الموبايل منو بس اخلاص تجي كل يومين تبقى العصريه وتروح.. وتخلي الموبايل عد حلا..

صراع يعرف بس ثاولها ما يريد يضغط اكثر مكتفي بخوفها منو هيج لا موبايل ولا هو يجي يشوفها

بس اني حيل اتضايق من تجي اخلاص.. تضل تستغل اي فرصه تحجي بيها وي صراع وتبقى هو يكللها بت عمي وهي ابن عمي..

تكول كاعدين باب الحاره مال اكضبهم راس براس طكت روحي منهم..

لا وتصير خيره وتنفرد بي عود تريد تقنعو يحجي وي حلا ويسامحها بس هو ابد ما يقبل لا يدحك وجه بنتو ولا تكابلو..

ف يوم دخل صراع لببيت من الدوام وكعد بغرفة الحجيه يحجي هو وياها.. كسر المخده و مدد وهو يحجي .. 

بعد شويه تكاسل ونام بمكانو كال بس صعدي بومبايلي ع الشحن .. طلعت كالت نور ما يصعد فوك..

كتلها ما يقبل تكاسل وما بي حيل يصعد.. البيت يضوج من ينام جوه لان ممنوع باب الحجيه ينفتح كلساع ومننوع صوت بالهول

لازم سكوت تام فيتقيدون ويريدو يصعد فوك.. خاصه غرفة الحجيه مزار ناس اطب وناس تطلع وين تنفع ينسد بابها وينام. 

واذا ما انسد معناها يكعد عصبي ويبتلي باللي فتحالباب وتصير هوسه .. ف كل واحد طب بغرفتو وسكتت البيت. 

وصعدت للغرفه مالتو حطيت موبايلو .. جان يدك .. دحكت الاسم .. كاتب بنت العم..

انطيتها رفض .. اتصلت وهم رفضت و5 مرات ارفض.. عاد. بعثتلو مسج.. (شكو ابن عمي تخلي بالي ليش ما تجاوب.)

بعدني اقره اتصلت.. من غبائي دا ارفض .. جاوبت .. وسديتو ع السريع بعثت مسج لاخ.. ( لايكون ضجت مني وجاي اضايقك بس حبيت استفسر على اللي كتلك عليه ليش ما تجاوب فدوه )

صفنت .. هذا شيتملعب من وراي .. والله لنعل الخلفوكم لابو عمامكم بت عمي وابن عمي . 

عاد بعثتلها مسج (بت عمي حسي على نفسج شويه واخجلي دشوفين جاي افصلو ليش تلحين)

بعثتها شو هاي هرتني هري بالمخابره فوك ال10 نرات انوب بعثت.. (شجالك ابو حرب ذيج الساعه شلونك وياي شغيرك)

بعثتلها ( والله هذا الموجود بت عمي والشغله البالج انسيها) رجعتلي الرساله (والله خلف الله عليك بس انت وعدتني وهسه تراجعت. واني ظاله عليك ما توقعتها منك ابو حرب)

عاد حذفت كلشي من رسايلو ونزلت.. بس شنو الشغله التريدها اخلاص من صراع لا وهو واعدها ومن وراي .. وهي ضاله عليه العوبه..

عاد والله نزلت وادحك عليه نايم.. واني من افكر بشغله .. انثول جبت مخده ونمت وتاجيه راسي بايدي وادحك عليه..

شجاي يلعب من وراي هذا لا انوبه يعرف وانكتل... بس والله لتغدا بيك گبل لا تتعشى بيه  

بيناتنه شبرين وامدده وياه طول بطول وادحك بوجهو.. كعد وشافني كبالو فز ..

-ها بويه سالمين مضيعه اهلج بوجهي. 

-عاد خجلت  وكمت بلا ما احجي ..

-ول يابه شكو .. يولي احجي شبيج.. 

طلع واني ادحكلو طلب جاي انطيتو وصعد يسبح واني بغرفتو.. افتر هله هله ويريد يطلع  اي مو هي بكيفو يتواعدون..

فتح باب الغرفه تخصرتلو.. دحكتو بالمنشفه درت منو بساااع .. لبس و جا يمي وهو يلبس بالفانيله. 

-شبيج يولي شو ما على طبيعتج اكو شي ..

-اندرتلو وتخصرت والله انت كلي شكو

-غير افتهم حتى اكلج يابويه شتردين.  يحجي وهو يلبس ..

واني متخصرتلو واثقه من نفسي.. كتلو وين طالع

-للنادي ليش محتاجه شي..

-احترت شلون الوفها علي واطب بسالفه عاد حجيت بصيغة تهديد وفتت بالموضوع وكتلو..

دحك لو عرفت ضام شي عليه لو لاعب بذيلك تحلم اسامحك..

-هو رافع ايدو يمشط بشعرو.. فتح حلكو وعيونو وكال هاي ويايه تحجين

-عجل وي خيالك..

-عقد حاجبو بتعجب وكال لا وتهددين .. طر المشط ع الميز وكال تعالي لشو بويه سالفتج ما خاليه. 

جر الطابويه وكعد.. وكال حدري لشوف فهميني شكو براسج..

-عاد هينا ضليت اصوصي خاف احجي والوصها على روحي ..  يربي شلون حطيت روحي بموقف بايخ

قويت روحي ورجعت تخصرتلو وكتلو شعندك شغل وي بت عمك

-شغليش هذا يولي

-والله ما اعرف  اسأل نفسك

-وانتي شدراج

-شدراني عيني من الموبايل الماسكت بشنو واعد الهانم بالله. 

شو هذا فز راح لاموبايل بحوش ماكو شي.  اندارلي يولي شمصخمه. 

-والله هسؤال ديرو النفسك وكول شمصخم من وراي.. احجي ومكفه ايد واهز برجلي مسيطره

شو هذا بساع اتصل.. اني فتحت عيوني واجيت احجي.. هو كال الو ها ام عمر خويه..

واني سحبت بوش  هااااا يعني مو اخلاص عزاااااااا .. شو هذا بساع خزر وعض ايدو ويسولي اشارة الانعل ابوج 👌👌

هنا مثل واحد وصب فوكي بطل زيت الاصت عدي فد مره عاد لازم اتصرف بذكاء وانقذ نفسي بس شلون وهو يخزر واشارة الانعل ابوج تشتغل .....يتبع

☆☆☆☆☆☆☆

#زينب_ماجد

#منقوووولة        

                                     #فوفة الحلوة

#مراهقة_و_الأربعيني

،،،،،،،، بقلم زينب ماجد ،،،،،،،،،

الحلقة_38

ادحك بوجهو بخوف يربي هاي مو اخلاص عزا بعيني ..

صراع:- والله خويه كمل روحي استلمي لان انه اليوم ما صارتلي طلعه للجوازات..

-يلفشله الشغله شغلة جوازات واني عقلي جرخ بغير سالفه والله اذا كضبني هذا ما يخلي بيه عظم صاحي..

يحجي ويخزر بيه ويكول بالله الكريم اسف جدا جنت نايم جوه والجهال الضاهر لاعبه بموبايلي ..

ويأشرلي عود اصطبريلي.. اني هينا كمت اتراجع خطوه خطوه نحو الشرده.  واريد اوصل الباب ودحكتو ضحك..

ويكول اسف بالله ما يصير خاطرج الا طيب.. اي هههه يمكن ..بعد مراهقه وابتليت بيها شسوي..

يحجي ويتقرب ويكول مراهقه وابتليت بيها هذا شراح يسوي بيه والله ليجرم بحالي.  اشرلي عود اكفي بمكانج ولا اطلعين.. هينا قريت على روحي السلام..

تمنيت اتبخر ولا اضل كدامو .. وهو يحجي :- سهله ان شاءالله سهله انتي صوريهم الرسايل و بعثيلياهم خاص .. .

لا شلون ما صار شي غير افتهم واحاسبها حتى لو مراهقه.. في امان الله هلا بيج خويه.. هلا بخيتي..

قفل الخط وكضبني من ايدو .. هينا حسيت روحي مثل حاجه زتوها من سطح وتكسر واطشر .. بخوف ادحكلو ..

-شمسويه ولج ..

-ما مسويه شي  

رن الجهاز.. وهو كاضبني من ايدي فتحو ولكه تصوير للمحادثه الباعثتها اني ...عقد حاجبو وهو يقره..

كمت ارجف كلت هاي بعد.. الله يرحمني  .. دحكلي بخزره

-يولي منو سمحلج اتفتشين بموبايل كم مره انه محذرج..

-والله بعد ما اعيدها

-انتي ما تستحيييين.. ما كلتي هذا شنو موقفو من بنت عمو من راسلتي من موبايلي شكال عقلج..

-عبالي اخلاص والله ما عبالي هاي

-ولج هااااااي شنو انتي شعليج بشغلي وموبايلي .. طر الموبايل ع التخت

. ويحجي ويعت بيدي وياخذني ويردني  .. يول انت ما عندج عقل ..  شلون هيج تفشليني جدام العالم وتصغريني

دحكتو حيل معصب كمت ابجي وحظنتو وكتلو ما اعرف ما عبالي هيي..

مسك راسي من شعري وجرني من صدرو وكال هسه انه شسوي بيج  بدينج انطقي شتصرف ويااااج. 

-اي اضرب اضرب شتسوي هو بعد اني صايره ملطشه عندك لو عندي اهل ما يخلوك تضربني بس شسوي مالي احد...

عقد حاجبو وكال يولي شتخرطين انتي.. ويعت بشعري

شفت البجي ما فاد وياه .. عاد حطيت عيني بعينو وخزرتو واني احجي واكلو بكيفي ما اقبل تراسلهم والله اذا راسلتهم اراسلهم بعد وارزلهم انت رجلي وحدي واللي تتقرب منك والله اكطعها وصل..

خف ايدو بشعري وحسيت عيونو تريد تضحك ويكلي خبله انتي يولو ..

.. شفت وجهو بي مجال ضحكه ..وكفت على رس اصابيعي وجلبت بركبتو وحظنتو وكمت ابجي واكلو والله انته اليه مالتي معليه   

ضحك وتغيرت كل ملامحو وهدأ لف اديه على خصري وحظني.. :- يولي شوكت تكبرين وتعقلين ذبحتيني

باسني جوه اذني وابتعد وكال دحكي هلمره راح اعديها  واكول جاهله بس قسما بالله العظيم يا ليليان لو شفتج مره لخ كاضبه جهازي محد.يخلصج من ايدي

كضبي مرة  اللخ وشوفي والله لعلمج النسوان شتجيب.. 

حظنتو وكتلو تمام.. بعدني وكضبني من حنجي ويكلي :- هو انه ما محصل منج غير التمام وماكو شي وياج ماشي تمام  

عقدت حاجبي .. ليش

ابتسم وتقرب باسني.. وابتعد.. اندار للمرايا عدل نفسو ودنك للجهاز اخذو .. داس بيه دحكو يشتغل   ..

اخذ الساعه لبسها وطلع وهو يلبس بيها.  هينا تنفست الصعداء وييييي خلصت جان متت الحمدلله الدموع جابو نتيجه 

نزلت بوراه.. طلع للكراج.. سمعتو يحجي وي نائل وصوت كلب بالحديقه.. طلعت وراهم شفت كلب صغيروني كاضبو نائل

وصراع واكف يدحك لحرب فرحان بي.. اني طرت من الفرحه على شكل الكلب كلو شعر ويخبل صغير..

كتلو نائل هذا المن..

-مال صديقي خلاه يمي نداري كم يوم لبين ما يرجع

-صراع كعد ع الكرسي كبالنا واني كعدت للكاع شلت الكلب وحطيتو بحظني.  وحرب واكف ويايه ويمسح بشعرو ويكلي لييان لا يعضج. 

-لا لك حلو ما يعض اني جان عندي جرو صغيرون بس من مات بابا باعو يحيى ..

كضبت ادينات الكلب واناغي وصراع يدحكلنا مبتسم هو ونائل والحجيه طلعت كعدت هم بالحديقه صيف والجو واكف وعصريه

احسن من كعدة البيت ..

اني من احب شي واكوم احجي .. اضل الوص واجفص وما اعرف شحجي احمى بساع   .

ف اناغي للكلب واكلو حبيبي حياتي

صراع:- لا يا مكصوفة الركبه على هلطلعه هاي حبيبج كلب ..  الله ياخذج بس

-اني اسمعو يحجي بس فرحتي بالكلب اكبر ومندمجه .. واكول ول عمري الحلو يمه ول ابويه  

اني كلت ابويه لو هذا نائل وصراع انفجرو من الضحك دحكت بوجه نائل واندرت ادحك لصراع ليش يضحكون

نائل:- والله يا خويه هاي مال ول ابويه سالفه ما زينه كلش.. ههههههههههه

ضحكت وتفشلت .. حسيت على نفسي شكلت وصراع ما عون .. رافع راسو ويضحك حيل ..والحجيه هم تضحك..

عاد ضحكت وياهم من فشلتي شكول بعد.. كام صراع وتقرب وهو يكول وتزعلين من اكلج بت الكلب هلطلع الكلب ابوج..

ما رديت بس تضايقت حيل وما بينت بقيت ادحك.بالكلب واضحك.. 

صارع شويه وراح.. وللمغرب اني و حرب وي الكلب نلعب واناغي.. ونائل وام سعد و الحجيه كاعدين ع الثيل يسولفون..

قرب المغرب نور صاحتني للمطبخ.. غسلت اديه وفتت وياها .. دا اسوي بالعشا جتي حلا متخصرتلي ..

-موبايلج وين

-ليش

-شعليج اريدو شويه عندج مانع

-غير اعرف شتسوين بي ذاك اليوم ابوج راد يكص ربگبتي لان مراسله صديقتي لا تسوين شي وتكع براسي

-هسه تنطيني لو لا

-يوووه روحي اخذي بعرفة الحجيه بس اي شي اكلو حلا هااا مو عبالج..

-دفتني وشوفي شسوي بيج..

-دولي

-هاي عليمن

-على الكلب عدنا كلب بابيت عدكلو ولي انتي منو يمج قابل انتي كلب

-ادبسز احجي وشوفي

-خايفه منج

نور:- ولج هسه انتي دسكتي .. لا انتي القويه وتبزين عينها ولا انتي الخايفه وساكته ..

-شحدها والله اكول لصراع عليها

-ليليان انسي هلسالفه وديري بالج حتى لو تأذيج لتوصلين لصراع تحملي شهر وتولي تتزوج لا اطلعين بالوجه الاسود..

-هم صدك.. يله شسويلها.. خلصنا العشا وتنضيفو ولل11 جا صراع والموبايل عند حلا  

حط علاكة الحلويات يم الحجيخ وسولف وياها شويه وكال ليليان صعديلي موبايلي ع الشحن

.. طبعا هاي حجه يصعدني بيها كبالو حتى يجي ياخذ راحتو ...اخذت موبايلو وصعدت..

ما خليتو ع الشحن كعدت العب بي.. دخل هو .. بدل وكمل واجه تمدد يمي واني عيني بالموبايل العب...

-عجل موبايلج وين اليوم محوله على موبايلي..

-العب وطلعت مني بلا ما اقصد.. عد حلا

-عقد حاجبو وحط ايدو على موبايلو وكال.. شيسوي عد حلا

-ااااا .. لا هيج تلعب بي شويه خطيه تلكاها ملت..

-كومي جيبي بساع كوليلها ابوج يريدو..

-انطيتو الموبايل وكمت رحت لغرفتها كتلها ابوج يريد.الموبايل ..

فزت بوجهي بساع.. :- كلتيلو عد حلا

-عجل اجذب

-يا فتانه يا مسمومه بس تردينو يضربني

-وشستفاد لو ضربج .. تره اذا تشوفين كل همج يضربني ويكرهني لا عبالج كل الناس مثلج.  وانطيني الجهاز والله خوش ..

والله خوش فوك شينو كواة عينو

-صبريييييي .. كضبت الموبايل مدري شمسحت بيه وزتتو بوجهي.. وكع بالكاع.. اندرتلها .. هزيت بيدي اخذتو ورحت ..

دخلت لصراع انطيتو .. اول شي دخل على برنامج اسمو انستكرام.. دخل بيه .. طلب تسجيل حساب

يعني ماسحه كلشي..

-اذا طلبت جهازج بالنهار لا تبخلين بي انطي الها تحجي وي خطيبها شوي بس بليل ممنوع..

-ليش شنو الفرق اني ما احتاجو بليل انام..

-مثل ما اكلج..

-زين ليش ما تنطيها موبايلها.  ..سحب ايدي وجرني الو ويكول لتعبين عقلج بهلسوالف فكري بيه وبس ..

ابتسمت... بقيت يمو شويه لما نام سحبت نفسي منو ونزلت.. نمت يم حرب..

ثاني يوم ب9 عادة اكعد رغم ام سعد والحجيه ب7 او ب8 .. ونور ب8 يوميه.. وحتى لو احد يحجي ما عدت اهتم.. تعودت على حجيهم فكمت اهم شي راحتي واتجاهلهم. 

كملت شغلي وكاعد امسح بالميز مال الهول.. نزلت حلا ومطنكره سبحان الله نفس طنكورة صراع..

كعدت ع الدرج وتكلي هيي انتي

اندرت .. هاي عليه

-اي .. روحي سويلي ريوك بساع يلا

-روحي نامي حبيبتي هاي بعدج تتحلمين..

-هدت تريد.تجين وزكحت الحجيه :- حلاااا خير ان شاءالله مصبحه ع الشر ...

-اي مصبحه ع الشر واذا ما تگوم تسويلي ريوك العب بيها طوبه والله

الحجيه:- ولج انتي شنو من بنيه لا عبالج ابوج ناسي .. ان شفتي هدا فما معناها نسى متحلفلج .. والظاهر جلدج يحج اليوم

-اي جلدي يحكني انتي شعليج

-ولج احترمي الا اكصو للسانج والله

.. اندارت عليه وتكلي فوتي سويلي ريوك..

-ما خدامتج اني افتهمتي عندج ادين حركيهن..

جت كضبتني من جتف دشداشتي .. زكح الحجي نائل ..

-حلاااااااا شديصير

-عمو اريد ريوك

-سم ذاك هو بالمطبخ وروحي سوي محد.كاضب عنج الاكل يلا تحركي..

-تركتني و مشت ما كدرت تحجي وي نائل ...تقرب هو وكال شبيها هاي

-تكول مصبحه اريد الشر

-عاد رفع صوتو وكال بكلبي شر ضامو عليج هلكدو اذا تريدين اطلعو تدللين حلا.. مشاكلج بهلبيت ما تخلص ادبسز ..

ما ردت.. بس ام سعد طلعت تكلو مكاون نسوان يمه مالك غرض منهن

-شحدها المره التتكاون بهلبيت اكسر ظهرها والله .. حجه وطلع..

ام سعد غمتني وتوكول حتى ابني شيشتي عياره ام السحوره..

ما رديت عليها.. خلصت ريوك حلا.. وطلعتلي .. ملابسي بالغساله شو ما تغسليهن..

ام سعد :- تتنجس الهانم من عدنا البلا اصل

-والله حبيبتي ما تغسليهن انتي اروح احرك الغساله بس على هدومج..

-بنت الفكر بس فالحه تفتنين علي يم ابوي ما ناسيتج اصطبريلي ما اطلع من البيت لا ما اهجج والله

-اليجي بيدج لا تقصرين بي حبيبتي

-بقت تمشي وتغلط بلا اصل .. اخت داعشي امج اخذوها داعش ...وووو حجي هواي .. بس شسوي اتحملها هلشهر..

طبت هيام تلهث حاره وجايه من الخياطه جايبه ملابس لعمتي.. حجت وهي تعبانه يولي شبي حسج واصل ليبره ..

-والله انتي محد حاجي وياج لا تدخلين..

-الحجيه تصلي صاحت ااااااااالله اكبر

هيام:- ولج انتي شو ما تستحين ولا تحشمين احد ادبسز..

-والله بكيفي اليعجبو اهلا وسهلا ما يعجبو ذاك الباب يفوت جمل..

هي حجت هيج و محتره وتعبانه نزعت نعالها وتولتها كتل وحلا تصرخ وتعيط وتغلط وتسب بيا..

سلفتي واكفه اباب المطبخ بيدها الجفيجير وتكول حل بيها شو السانها زايد..

-وعمتي مناك تصيح وتغلط عليها وتكلها هيام عوفيها لهطايحة الحظ..

وام سعد طبكت الباب وطبت لغرفتها ما ادخلت..

كتلتها كتله عدله وتغلط وتضرب بيها نتفتها.. كوه خلصتها من ايد هيام حلا صعدت تغلط وتبجي  وهيام تصيح عليها..

نور جابت مي لهيام.. وكعدت تشرب وتكول والله لا ما خلي يربيها وهينا كاعده يجي الخلفها لشوف شلون تطردني لهلكلبه..

مستسخه خالاتها الكلبه الف مره اگلها يمه لا تخليها تروح لخالتها تتعلم العرامه على اصوله تتوسل بصراع يقبل وخطيه وخطيه لما شدت راسها..

ما بالحيف بالله هاي بت صراع..

... انوبه اندارت عليه وكالت وانتي عوبه ما تعرفين تكضبيها تفركين حلكها من تغلط..

-اكلج هي تغلط واني الاطلع مو خوش عجل لو اضربها شصير ..

-عليمن تكاونت وياج ..

-حجيتلها السالفه وكالت بسيطه يجي الخلفها لو لا.. 

عمتي واكفه وتهدي بيها وتكلها لا توصليها لصراع .. وام سعد بس واكفه تتطمش كن مسرحيه گبالها..

.. وصدك هيام ما راحت .. كعدت بالهول وتنتظر صراع.. دخل الحجي .. ودخل نائل والاوضاع مشحونه..

وهيام ما تحجي .. سأل الحجي شكو شصاير .. الحجيه كالتلو ماكو شي ..

لل3 الظهر وطب صراع من دوامو.. حتى خطيه تعبانه ووجهو من الشمس مسمر .. كعد كال ليليان ماي بارد بساع..

اني محظرتلو بساع جبتو وجيت انطيتو .. اخذ الكلاص.. وهمسلي .. شكو شصاير الوضعيه ما تمام ..

-كتلو ماكو شي.. اندرت لهيام خزرتها بعيوني عود لا تكوليلو هسه .. هي فهمت لان تعبان.. صبيتلو غدا وصعد.سبح وارتاح ونزل

عرف اكو سالفه ما اطمن.. فكعد كال شصاير اكو شي..

-عمتي تعض باصبعها وتخزر بهيام.. عود لا تحجين.. بس هيام ما سكتت..

-دحك.خويه انه جيت من صباحيات الله طافحه روحي ع الصيدلي والخياط من وره امي ولازم ارجع لجهالي بلا غدا بس كلت انطيك خبر

لان اذا تبقى على امي يحترك بيتك وما تخبرك ولهينا وبس وصلت حدها ..

-هو كان منتجي ضهرو للتخم ولاف رجل على رجل.. بساع تعدل وكال ..خير ام علي شصاير

-دحك خويه انه ما على بنتك غلطت عليه..وحجت حجي اكبر من راسها انه ضربتها وخذت حيفي منها

بس انه على هلفاهيه ... وتأشر عليه.. الواكعه بيها مسبه ومعاير باهلها وهاي الثوله ساكته وبتك تتأمر تريد تخدمها

- ام علي اسألج بالله .. حلا شغالطه عليج

-انه خذت حكي منها وكتلتها وما قصرت بس بتك يحتاجلها تربيه

-هياااااااام لا اطلعيني عن طوري كلتلج كلمه وما اثنيها احجييييي

-اكوم اروح لبيتي احسن انه كلتلك خذت حيفي

.. اندار عليه... :- ليلياااان شحجت حلا على هيام..

-اني حجه لو احس گلبي وكف .. ادحك الحجيه وهيام يخوزرن بيه حتى ما احجي..

-احجيييييييييي..

- حلا غلطت عليه وهيام ردتها وحلا كالتلها الما يعجبو الباب يفوت جمل ..

-اني بس نطقت هو انتفض دفر الطبله كبالو وبسرعه لزم محجر الدرج وكل 4 بايات بطفره..

ركضنا وراه بسرعه وهيام صاحت غبييييه ليش حجيتي

-عجل تريدين اني الاكع بيها والله يذبحني

فتنا وراه وهي واكفه ع التخت وهو يخزر بيها ويصيح نزلي لا تعذبين گلبي

مسكتو هيام من كتافو وكالتلو بصلاة محمد عليك خويه .. المثل يكول حمر عين ورخي ايد.. لا هيج لخاطري

-نفض اديها من جتافو وزكح طلعووووو برا  والله اكتلكم وياها طلعوووو

وكفنا بالباب والحجيه تصيح من جوه:- ولك يمه ما بيه اصعد ابو حرررب لا هيج وياها راح تعرس وتولي اتركها..

وحلا واكفه ع التخت وتكلو والله بابا ما اني هي الحركت الفتنه ما سويت شي والله بابا

... رغم حقارتها شكد انكسر كلبي عليها وهي تتوسل بي وتگلو بابا..

وهيام ايد مكتفتها وايد على حلكها واندحك..

سحبها من ايدها .. وتولاها راشديات.. بلا مبالغة صوت الراشدي يفزز البدن احسو بوجهي كد قوة صوتو يرررن

دخلت هيام رادت تسحبها.. زكح بيها وكال الها ابتلي بيج والله.. يضرب ويكولها يولو العار ماتت وخلت على كلبي بمكانها ..

سحبها من شعرها وطلع بيها وهي تصرخ وتبوس بيدو.. كضبنا ويصرخ بينا.. زتها بغرفة عابد.. وسد الباب وقفلو وهو يلهث يتنفس سريع

وكال:- والله ثم والله اسمع نازله جوه لو طالعه من هلغرفه لا احط جيله براسها واخليها تلحك امها الما حوتها..

... حجه وراح لغرفتو .. ونائل طلع .. كال والله ردت اطلع احاميها بس حل وياها تستاهل خل يربيها..

نزلت هيام.. واني رحت للغرفه.. ردت افوت .. خفت عاد نزلت وره هيام.. تحجي وي روحها انه صوجي اعرف اخوي ما ينحجيلو

-شفتي ليش اني اتحمل وما اكلو هذا اخوج وهاي اعصابو لو ما طالعه منج جان كالو ليليان ..

-وانتي هم ما قصرتي الفاهيه سألج اسكتي الا تحجي امداج..

-شسوي اخاف والله ما شفتي عصبي ..

  لبستها عبايتها كالت اروح اتأخرت جهالي بلا غده..

-تاني اني اصبلج من عدنا.. حطيتلها بجدوره صغار وطلعتلها صفطة خبز وخليتو بعلاكه وراحت..

ادحك وين اروح.. اروح اصعد يمو لا يبتلي بيه انوبه.. صعدت فتت للغرفه.. نازع اهدومو

القميص يم الباب البجامه طارها ع الميز الفانيله بالكاع وامدد بس بالشور وايدو على عينو 

هو متمدد ويحجي بصوت ناصي ويتمتم ما اعرف شيحجي.. لميت ملابسو علكتهم وكعدت..

شال ايدو وحجه... فزيت من يمي عبالي يريد يضربني.. زكح هاي الكلبه الباب ما ينفتح بس للحاجه.. ما اريد ادحك طولها بالبيت ..

كتلو اي تأمر.. رجعت كعدت.. رجع مرت اللخ.. زكح.. وهم فزيت وخليت ايدي على صدري

-انه شاكيلج هااا مو اليتمادى وياج ويعيرج تعجيلي انتي ليش هلكد ضعيفة شخصيه..

-كعدت يمو وتنهد شسوي صراع .. يعني كل اليغلط اجي احجيلك وهيج تعصب وتضربها ..

هي هم بنيه يتيمه لو شكيتلك وانضربت بسببي وين اروح من الله.. شسوي اتحملها هي شهر ومعرسه.. احسن من المشاكل..

تقربت يمو .. وكتلو بس انت ليش هيج تضربها والله خطيه تره انت تأذي وهي جاهله وخالتها يقرن براسها..

حرام هي كم يوم ورايكه ظنك لليش هيج تقسي وياها واعصابك فايره ومأذيها ومأذي روحك..

اصعد هدد واتفاهم وياها لا تضربها بربك..

.. سكت.. ورد فتح ايدو .. وكال حدري لشوف .. تمددت يمو

-يولي من تالي تعقلين بيه

-ما اعقلك والله انته العقل كلو بس ماكو شي يصير بالضرب صراع ايدك تأذي وهي عروس حرام عليك والله لا تتشوه بيدك وين تروح

-باس كصتي وكال شيصير لو هي مثلج مو ثنينكم نفس العمر.. شو لليوم تموتين لو كضبت ثوبج وهي جن ماكو مستحى

-هي احسن مني والله بس غير تربية خلوص اللزكه شتطلع يعني..  مو زين ما طلعت فيفي عبدو ..

-هز راسو وضحك..

-والله انته تعرف خلوص شلون لازكتلك بلا مستحى

.

-حط راسو على راسي وسكت.. ما رد.. بقى يتنهد وياخذ نفس لحد ما حسيت بيه ثكل .. عرفت نام..

انسحبت منو وطلعت.. رحت فتحت الباب ادحك لا ميته.. مديت راسي هي صافنه.. ووجه احمر..

بس شافتني شالت واير وطرتو عل الباب قفلت الباب بساع وهي تصيح صبريلي لا ما اخلي يطلكج والله..

هزيت ايدي .. البنيه طاكات فيواتها اكثر من ابوها..

نزلت يم نور ضلينا نسولف وخلصنا شغل.. وبالفعل ما انفتح الها الباب الاكل يوصلها .. و بس بليل تروح للحمام. 

ثاني يوم.. صراع بالدوام .. الضهريه شطفت الكراج.  خلصت .. دا الف بالصونده.. وما احس الا شي انطر من فوك الباب

وصوت دراجه شحطت بساع.. تقربت جفيه (محرمه) سوده.. فتحتها بيها ورقه ملفوفه وداخلها شي..

فتحتها... طلقه ومكتوبه على الورقه ابو حرب..

خليت ايدي على صدري .. وصليت.. يارب احمي واحفظو .. شنو هذا ..

دخلت للحجي اركض..  دكيت الباب على غرفتو حيل واصيح عمووو عمووو .. اطلع شوف هاي شنو فدوه..

طلع واخذها مني .. فتح عيونو .. وزكح منيلج هاي

-انطرت من فوك الباب ودراجه ناريه تحركت بساع..

-شال الموبايل وخابر على صراع ونائل بسرعه.. والحجيه كامت تلطم زالليت كلو وكف على حيلو و

والحجي فار خطيه يروح ويرجع ويكول راح وليدي بويه.. شويه وفات نائل  محترك دمو ويكول غير يرد غير كون يببببببطل

للظهر .. جا صراع .. عمي انتفض كدامو .. ويصرخ بويه ابوس راسك استر علينا بطل وليدي

صراع:- كول يا الله يابه شلقصه .. ما يصيبنا الا المكتوب علينا ..

هو حجى هيج الحجيه نزعت شيلتها وكامت تصرخ وتشلع بشعرها.. انت تريد.تصخم وجهي.. انتي تريد تعزيني. 

يمه ابخت محمد عليك اترك دوامك يمه لا تكسر هلبنات البركبتك.. انه امداني ما تفكر ابمرتك وبتك وين يرحن ورااااك..

مالهن احد غيرك يمه.. فدوه اروحلك..

اني واكفه وابجي .. شسوي .. اعرف ما ياخذ كلمه.. وهو ما عندو غير كلمة الله كريم يمه ان شاءالله..

نزلت حلا ع الدرج ووكعت يم رجليه وتبجي وتكلو بابا اذبحني ولا تطلع فدوه لا تروح لا تيتمني بابا والله ما الي احد غيرك..

ابتسم ودمعت عيونو رغم زعلان منها جرها وباس راسها وكاللها لا تخافين بويه ما يصير شي ..

ما رد وما رد نائل يحجي والحجي و احنه نتوسل وهو يكل اي شبيكم ان شاءالله الله كريم يمعودين..

كاعدين كلنا كابلنا خاف يطلع والعيون عليه.. وهو كاعد ويانه بس الف فكره براسو..

شويه وخابر صديقو .. كالو جايك.. نائل وكف بوجهو كالو بدين محمد عليك اكعد

-شلقصه ناااااائل فيران احنه نختل ببيوتنه من الموت يا يوم خفنا المنيه حتى نخافها هسه..

ان جانا الموت هلا بيه .. احنه رجالو ..

تركو وطلع كالو لا تطلع بسيارتك انه اخذك.. ما رادد. وطلعو.. واحنه ندعي وناس تبجي وناس تصلي

حالة رعب رهيبه بذاك اليوم.. محد يعرفة لذة الامان الا اليفقدو..

... صارت 10 بليل .. وصراع ماكو ما اجه.. ب1 وماكو وكلهذا واحنه متنا خوف نخابر محد منهم يرد لا نائل ولا صراع..

لل3 بليل وعمي يخابر على موبايل نائل جان يكلو هذا الرقم لواحد تصوب اليوم بانفجار ..

صرخ عمي لو كلنا صرخنا وكمنا نتلاطم.. وهو يصرخ بينا خل افتهمممممم..

كالو بس كلي ولدي عايشين لو ميتين.. .. رد الاول زين بس الثاني حالتو حرجه......يتبع

☆☆☆☆☆☆

#زينب_ماجد#مراهقة_و_الأربعيني

،،،،،،،،، بقلم زينب ماجد ،،،،،،،،

الحلقة_39

كالو بس كلي ولدي عايشين لو ميتين.. رد... الاول زين بس الثاني حالتو حرجه...

الحجي كام يصرخ بويه ولدي راحو يابه تصخم وجهي وكام يصيح.. لبس وطلع بسيارتو ..

واحنه نتلاطم الحجيه تبجي وتكول حسبي الله ونعم الوكيل وام سعد كابلتها تصرخ.. وحلا تمشي بالبيت وتبجي بابا و بابا

ونور مخليه التوم بحظنها وتبجي..  اني ادحك عليهم ودموعي تتجاره..

مو تشائم بس والله احس ما محظوظه بشيء .. كلما جيت افرح .. انكسر .. كلما الكى سند.. يضيع ...

وكأن الله حاب يخليني وحيده.. لا ام لا اب لا اخ .. وحتى ما عندي اخت التجئ الها...

فرحت بصراع ورغم كل الشفتو منو متمسكه بيه لان احس بحبو من كل قلبو ما حسيت بي زوج بكد ما حسيت بحنيتو اب..

احس حبو الي مثل حب امي.. شكد جانت تأذيني وتضربني وتمشيني بشورها بس هي اكثر الناس تخاف عليه..

تصيح عليه وتهين بس من احد يصيح بيه تنتفض وتكون تكاون وتفزعلي.. صراع مثلها بالضبط ..

هو يصيح يغلط يأذي بس ابد ما يتحمل فكرة واحد يأذيني احسو يثور .. اني شديت ظهري بيه وكمت ما اخاف من واحد لان هو بوراي..

من اشوفهم يبجون .. احس احلامي دتتلاشى كدامي..  كل شي الي بهلدنيا ما بقى..

شگد جنت كارهه زواجي منو.. بس صرت احس وياه روحي بأمان.. وبلحظه فقدت كل هلأمان..

لا ساعه ولا ساعتين احنه نبجي للصبح نتصل بالحجي وسعد وماكو رد.. اخر شي علي ابن هيام راح للمستشفى بدون علم امو ..

لان هو يتخبل على صراع .. يكول هو ابويه اني ما شفت اب غيرو ..

فراح الو وخابرنه كاللنه خالو صراع زاتين عليه رمانه ذريه  وهو واكع على نائل حتى يحمي .. والاثنين متأذين ..

بس خالو صراع متأذي اكثر لان الشضايا نابته بظهرو  .. وخالو نائل رجلو متأذيه كلش ..

شصار بينا ع الخبر .. فرفحت ارواحنا ومتنا لا حيل ولا دموع بقت بعيونا .. ابجي وارفع راسي للسما واكوله ليش ربي ليش ..

من دون العالم العراقيين ما مرتاحين .. نخلص من مصيبه تطلعنا الثانيه .. ربي والله تعبنا ارحمنا كافي ..

ملينا انفجارات ملينا الموت تعبنا من التهديد والخطر يلف حوالينا بكل بمكان.. شبابنا تهجرت طلعت كلها هجت

وحتى الهجو اخذهم البحر وماتو وين نروح وين ننطي وجهنا من هلبلد والله تعبنا..



رغم همومنا وتعبنا .. واحدنا ما بي حيل يكوم.. بس الخطار والناس ما وكفت رايحه راده..

و ينراد حيل ووكف وخلك.تكعد.تسلم وتجامل وتخدم وانت كل حيل ما بيك..

تمنيت بس اشوفو لصراع .. لو اكلمو .. ما شفت منو شي ابد.. كل اليجي يكول زين بس مرت 3 ايام وهو ما بين وحتى ما خبرنا لو طمنا ..

بس الحجيه وام سعد يرحون احنه باقين بالبيت نتوسل الحجايه من الرايح والراد يطمنا.  وفوك كل هذا خدمه وكسران ظهر

كل اليجي يريد غدا وجاي وعشا وماي وواجب وما لازم تقصر ..احس والله حيل ما ضل بيه..

كل يوم اصعد بغرفتو اشبع بجي لحد ما انام واتمنى يطب يكلي ها الله يساعدج.. لو گواج الله..

احس حتى صوتو اشتاقيتلو وانتظر ساعه ساعه شوكت يطلع واشوفو..

مر اسبوع وهو ماكو.. بس نودي ترامز جاي للمستشفى .. وكلشي ماكو ولا صراع ما جا

بيومها جابو نائل وفرحو بي ويحظنون وفرحانين بي .  سلمت عليه بس الغصه ابلعومي تخنك..

طلعو اثنينهم ورد بلا صراع .. يربي والله تعبت شوكت يجي مو متت  ..

وره يومين گالو اليوم يطلع صراع.. ما كن خبر.  اوف .. كن واحد ميت وحيوه..

كالو عدليلو ورتبيلو غرفة سعد القديمه لان ما بي حيل يصعد.. وصدك رتبتها وعدلت سرير بيها .

واحس صرت نشيطه وحيلي رجع بس كون اشوفو.. وكل دقيقه تمر اكول هسه يفوت واكحل عيوني بشوفتو..

لل7 بليل يله سمهنا خورن سياره بالباب وصاحو الجهال جابو عمو صراع  .. كل  احنا فزينا. 

وكفت اباب المطبخ.. الرايجيل ولد عمومتو كلها واكفه.. نزلو من السياره كاضبينو كوه يمشي. 

شفت الحجيه وهيام تلكنو بالسلام وحظنو .. اني اجيت امشي .. والحجيه حاضنتو .. دحكلي وخزر واشر بعيونو فوتي جوه..

تراجعت صدك الكراج كلو زلم.. بس ما بيدي مشتاقتلو اريد احظنو ..

مشوه على مهل وفوتو من باب الهول وللاستقبال .. يلا المهم شفتو الشكر للرب على سلامتو ..

بقيت بالمطبخ عشا وجيب وودي وروح.. صبينا عشى  وفاتو اهل اخلاص .. كلت لا هله..

شوي وفاتت علينه اخلاص العيون حمر دم وكفت وتكول لهيام شلونو صراع ام علي ..

-كالتلو الحمدلله اخوي ذيب وطلع منها .. وجن خواتها هم يواسن ويحجن وي هيام. 

واخلاص ما بطلت بجي.. فات سعد كالتلو صراع وينو ابو محمد..

-هسه نفوتو بغرفتو وسلمو عليه بس نصب عشا..

-شكد مقهوره على صراع بس احترك دمي من شفتها تبجي عليه.. نائل اقرب الها من صراع يصير ابن عمها وابن خالتها..

الحقيره تتبجبج عليه  اليكول عبالك زلمتها ومصوب .. بالله اني وين اروح.. شلون يربي اشيل هلسجينه واحطها ابطنها واخلص..

بقيت بالمطبخ انظف اني و سلفتي .. شويه وصاحت هيام... ليليان غسلي وتعاي راح يطلع صراع..

والله غسلت ووكفت انتظرو.. هستوه طلع وكلهن كبن يسلمن.. اريدلي مكان اندحس بيه واسلم ماكو وهو متوجع وكوه يسلم..

واخليصان جلبت بركبتو وحظنتو وتبجي وتكلو لو صاير بيك شي جان كتلت روحي وهو يتبسملها ويكلها اسم الله عليج بت عمي..

اني سمعتو هيج ويمو وما دحكلي درت ورحت عنو .. والله تكتل روحها وهو اسم الله عليج بت عمي واني ذابحه روحي هينا مو صوجكم امداني كبر يطمني..

مشيت للمطبخ محترك دمي اغسل بالمواعين واشطف وازت بنتر .. عاد شويه وصاح سعد .. ليليااااان..

طلعت كن خاف البيت الناس رايحه.. بس بيت عمهم.. واخلاص حاطه على ايد على بطنها وما عاجبها ادحك من وره خشمها  

رحت لسعد بغرفتو القديمه.. كال خويه شجالج زلمتج طالع من الموت وانتي ملتهبه بالمطبخ حدري شوفي سلمي عليه..

يحجي ويلبسو بالتراك.. تقربت منو .. كتلو اجيت اسلم والله بس محد انطاني مجال.  تركو سعد وكالو صراع انا هينا بايت شتحتاج بس رمش تلكاني يمك..

صراع:- ما تقصر ابو محمد كفو منك..

-طلع واني درتلو .. كضبت راسو بين اديه وكتلو انت ناوي تموتني ليش هيج تسوي بيه..

-لج يولي مشتاقلج بكد رحمة الله.. حدري وسحبني لرجلو كعدني.. حظنتو وكمت ابجي حيل..

هو يهدي بيا ومسح على راسي واني ما سكتو دموعي .. حاطه راسي برگبتو وابجي..

تحركت.. صاح اخخ يابه اخخخ..

-سلامتك حبيبي بيه ولا بيك والله ردت اموت بغيابك ما تعرف شصار بحالي.. ما ناوي ترحمني انته. 

ضل يضحك بألم.. شلت القميص مال التراك مالتو وكتلو اشوف وين متصوب.. كضب ايدي وجرها ..باسها وكال

- والله ما بيا شي لا تخافين..

قربني الو.. وحظني واخذ راسي بيدو ويبوسني بلهفه احس هو مشتاقلي اكثر مني كد لهفتو..

اني احس غفيت يبوووه كن سبحت من همومي يمو.. وبهلوضع واندك الباب .. فزيت مثل الواحد.جان نايم ع السريع وكفت..

ضل يضحك.. وصاح فووت ..

فاتت اخلاص وبيدها العلاج واني الملم بشعري المحروس حتى وهو رومانسي يملخني من شعري .. مو بوسه تكول مكاون..

بس من شفت اخلاص اختلف الامر نزلت قراصتي .. وفتحت شعري عود الم بيه.  شو هي نصت وحظنتو

وتكلو ما تتوقع شكد عشنا رعب من سمعنا بالخبر جينا نموت.. هو طبطب على ظهرها ودحكلي .. عيني عليهم ومصدومه منها..

هو كاللها الحمدلله بت عمي بس شويه .. جرحي متأذي.. ابتعدت منو وتكلو سلامتك ابن عمي ان شاءالله بعدوينك..  وادحكلي وضايجه.  كن عرفت شجنه انسوي

نظرة وحده تريد تاكلني .. بالله هاي هم تستحي .. سلمت عليه وطلعت واني عيني على الباب واهز بيدي

هو ضحك وسحب ايدي ورجعني لحظنو ويكلي اي وين وصلنا ..

-صراع شصار وياك احجيلي ليش هيج يأذونك..

-يولو شلج بهسوالف شو تعاااي..

ورجع كمل .. دك الموبايل هو عصب و بوعدني بنتر ويكول هلكواو.... ما ناوين يخلوني ارتاح..

ضحكت وهو رد.. تركتو وشلت الملابس النزعها ولبست الحجاب وطلعت خليتهم بالغساله..

ادحك لوجهي عزااااا.. واني اكول هاي شبيها ضاجت.. اوف منك صراع ادري متحلفلي .. يربي حتى عيب من الناس شتكول ..

محد.يكول رجلها ما يستحي .. يطلعوني اني الما استحي.. بالحمام و كالت ساره .. خالو صراع يصيحج..

اخذتلو ماي بارد ورحتلو شرب .. وعدلتلو المخاديد تمدد..

-وين حدري يمي..

-اكمل ملابسك..

-اتركيهن نامي يمي

-صراع الناس كاعده بالهول .. وانت وجهي مسوي خريطه..

-يولي مرتي حلال منو يفك حلكو وياج غير اگصلو السانو ..

-سرير نفر ما يكفي..

-يولي لا تثوليها علي .. ما ادحكيني مسگط يعني بالج امين بس اغفى على ريحتج  ول يابه شبيج..

تقربت يمو .. وتمددت لفني بأيدو حتى لا اكع وحط راسو على راسي ونام...

حسيتو غفى وثگلت نومتو.. ابتعدت منو و گمت طلعت كن ماكو احد بس الحجي والحجيه وام سعد بالاستقبال اصواتهم.. رحت للحمام خلصت ملابسو وفتت لغرفة الحجيه..

لكيت هيام وبناتها ونوال وحنين بت سعد فارشات وامددات و اخلاص و حلا هم فارشات بصف بعض وضاربات عكس ومتمددات ويحجون..

من فتت دحكو عليه. 

هيام:- ها ليووون شلونو صراع

-لا نشكر الرب زينه صحتو ..

هيام:- ما لحكنا نكعد وياه عمت عيني

-اي والله تعبان بس تمدد نام..

-ما اعرف اخلاص شنو همستلخن كامن يضحكن..

عاد نوال كالت حقو الرجال يشوفلو بنيه صغيره وحليوه ليش ما يتسودن عليها..

بس حلا ما سكتت كاضبه موبايل خالتها وتكلب بي وتكلها خاله اشايفه من هاي ..

عيشتها بس فتنه وتنزل مطكعه..

هيام:- لج ادب سز بلا تربيه انتي شكو .. مره هي وزلمتها انتي شكو حاشره روحج وادحكين بوجهاا .. ملحكه علعرس وتطكعين..

حلا واني شكو وتكليلي ادبسز العيب ع الما تعرف العيب ومكيفه بهسوالف الطايح حظها عبالها تغورنه..

ليليان:- وانتي شكو منو حارگ حمامج زوجي  .. ما دخلتو ابيت ابويه وصعدت اتختل بيه بالغرف..

حلا:- هاي ويامن ولج

نوال:- يمعوداااات .. استهدن بالرحمن الرجال مريض شبيجن

هيام دارتلي وزكحت.. :- وانتي شعندج هينا ما ترحين لزلمتج تنامين يمو ..

-اي هسه اروح انام بس اريد اسبح متت..

ضحكت هيام:- اي روحي سبحي بالعافيه يستاهل ابو حرب..

اخلاص دارت وجها وتخزر ونامت وتكول ادب سز ..

.. اني بوقتها ما فهمت هيام شنو قصدت ولا عرفت اخلاص على شنو خزرتني.. كلت اريد اسبح لان ميته حر وبملابس الطبخ كلت اسبح حتى ارتاح..

فيما بعد فهمت هلموقف شنو قصدو بيه.. بعد ما طاح حظي..

.. اخذت ملابس وفتت للحمام سبحت ورحت للغرفه البيها صراع.. نايم بس يون من الوجع..

فتحت الغطا ونمت يمو.. هو يون ويصيح اخ يا يابه.. اني من التعب بساع نمت بلا ما احس

فزيت علي وهو يگوم مني نزل واني تكاسلت اكوم.. راح على مهلو يمشي .. كتلو اجي اسندك. 

-لا حبيبتي نامي ما يحتاج..

رجعت نمت .. شويه وفات بيدو سجاده.. كمت فرشتها عنو وكف يصلي بس كوه ينحني للصلاة حسيتها شده عندو

من كمل كعد.. ارتاح وانوبه اج يمي.. تمدد.. حط ايد على شعري وكام يمشي ايدو بيه  

-يولي سابحه شعرج رطب

-هزيتلو اي واني غافيه..

-بقى يلعب بشعري ويمشي ايدو على خدي وعيوني ويحجي.. :- يولي والله مشتاقلج ما تعرفين غاد شكد اتخيلج واحن الج..

ابتسمت..

-ليليان

-همم

-ما بيه اصبر بعد والله

-فتحت عيوني ..شبيك ..

-مو كافي 

-اتعدلت ردت اكوم..

-هاي وين شبيج لا تخافين

-لا بس اكوم اشرب مي

- يولي ليش خليفه شنو اللي موخوفج احجيلي حتى افتهم تره تعبت ..

-انت مو مريض

-مالج شغل بيه مريض او لا.. تره نص مرضي منج تعبت.. غير تكليلي من شنو خايفه..

-صراع انت ما اعرف شلونك تصير اخاف والله مثل ذاك اليوم تكضب قوي وتأذيني .. خل اكوم

-يولي بس هديلي روحج والج الصافي

-شتريد مو نايمه يمك بعد.شتريد صراع..

-يولي انتي جاي تثوليها علي .. دكافي مو والله مليت .. حتى الناس تسأل شيگلون عني مو رجال .. جاي تذليني انتي بس لان احبج  

-صراع بشنو اذلك لخاطر ربك عوفني. 

ردت اكوم منو .. صاح يول حدري شبيييج.. دفعتو و كمت.. صاح اخ يااابه.. وكضب كتفو..

رجعت تخبلت .. اذيتك بالله شو  .. كاعد تتأذى ..

هو كاضب كتفو ومغمض يعصر من الالم.. كمت ابجي واكلو شتريد ذبحتني شتريد ليش هيج يتغير حالك من اجي يمك..

-ول غبيه احبج والله حدري ..

تركتو وطلعت هو ضاج وكام يصيح وراي مو حاله هاي والله طكت روحي بس انه هيج الله باليني بيج..

طلعت صعدت بغرفتو.. تمددت وافكر شيريد.. اني انام يمو ووابوسو ومخلصه كل واجباتي وياه شغل تنظيف خدمه منقصره وياه بشي

كلشي اشوف المزوجات يسووه اسوي وما اقصر وياه واحسو يريد بعد.. شنو اليريد بعد اسوي ما اعرف شلون ارضي

ومن يتغير حالو واكوم منو يعصب.. حسيتو يريد شي اكبر من فهمي ... ودوم اسألو شتريد ما يجاوبني ويصير حالو ما اعرف شلون احسو يريد يفترسني

زين هسه اسأل منو واعرف شيريد.. لا عندي ام ولا صديقه.. وهيام والحجيه يصعب عليه اكلهم هو شيسوي واشرحلهم شي عيب..

بقيت حايره.. وافكر بيه.. والتعبني اكثر هو ضاج ودار وجهو عني.  اجي احجي وياه واكلو شتريد..

يكلي ما تحبيني لو تحبيني صدك وترديني جان ما تعزين علي روحج بس ما اعرف شنو تفكيرج و على شنو ناويه..

مرات اصل وياه لنقطه احس لا هو فاهمني ولا اني فاهمتو ..

مرات اكول خل اتحمل واتركو على راحتو.. وادحك وين يصل واشوف اشنو اللي يريدو..

بس ما بيدي والله من يتجرأ و احس بيه يتغير حالو .. وتصير لمساتو قويه واتأذى اخاف لا اراديا واصير اتذكر البنات بالمدرسه من يكولون الرجال يتغير حالو ويصير يكضب قوي وهواي بنات ماتوو

وحدها الفكره تهتز بذاكرتي واخاف وادفعو واشرد ابجي بلا ما احس..

اني ما تزوجت حالي حال البنات حتى امي تعلمني ليلة عرسي او انجبر بواقع ليلة عرس وافتهم..

اتزوجت ورحت لبيت رجال حسبتو حالو حال ابويه .. لا احد كعدني ولا احد فهمني شنو زواج..

انتركت اني وعقليتي شلون نفسر الامور.. واتهرب واشرد كلما اتذكر كلام البنات بالمدرسه واشوف هلتصرفات تصير بصراع انهزم فورا..

خطار رايحه وناس جايه وهو كالب وجهو عليه .. وما يحجي وياي.. ومن يحجي كام يحجي وياي بنتر ويكلي هاي فض صبري وياج وتبينلي انتي ما ترديني زوج. 

انتي حاسبتني اب..

مرات احاول اسأل هيام لان هي اقرب وحده ولو ما عندي وياها ميانه تبقى اكبر مني بهواي واخجل .. بس من قهري افكر احجيلها..

ولما احاول اجي يمها واريد اسأل يختنك السوال ابلعومي واستحي اكولو.. شكول تعاي هيام فهميني ليش هيج تصير حالو ويكوم يتجرأ وانزل من هيبتو كدامها بهاي السوالف

خصوصا هو دوووم يحذرني من يصير بيناتنا هيج شي يكلي ديري بالج تحجين شي البيناتنا يبقى بيناتنا ..

لو سمعتج حاجيه ومطلعتني ما بيه خير وما اكدرلج بالله العظيم ابتلي بيج. 

ف يفشل السؤال بداخلي وما احجي..

وره اسبوع من الحادث.. قل الخطار وصار نادر يجي واحد باليوم نستقبلو ورجع البيت على حالو وصراع كام لحيلو

وقله التقي بي .. لان كام يطلع ما يبقى .. ومن يرجع اينام.. لو بغرفتو على موبايلو..

الحجي والحجيه ملو من الحجي وياه بطل ..اكعد.. اترك دوامك.. راسو والف سيف ما يقبل ولا يرد..

وضع البيت رجع طبيعي .. الا وضعي كل ما جالو يتأزم و صراع كام ينفر مني .. حتى ما يسخرني ولا يطلب مني ..

واذا صدف وصار بيناتنا كلام يزكح ويأمر من وره خشمو.. واني شسوي اتحملو. 

عمتي انتبهت.. وجت يمي ..:- يمه ليون شجالو صراع ليش هيج اعصاب  شصاير بيناتكم

-بقيت صافنه شكوللها .. يربي اشكي واحجي.. لو شكو وهو محذرني.. عاد فات من الباب هو للمطبخ..

خفت بالزايد لا يسمع ومحذرني ما اشكيه يم احد.. وسكتت وانلصمت بالزايد وكتلها لا هو هيج كن وحدو بسبب الوضع شسوي

كعدت يمي اصبري وهو تعبان هلفتره ووضع الانبار ما يسر ودوامو صعب ومن هلكلام..

ايام شدت بيه حيل.. حلا شاده وياي وصراع ما يحاجيني وزعلان والحجيه شبيكم و ليش وليدي ضايج   اكلها سألي شبي وشيريد بلكت هو يفهمها شيريد..

لا  هي سألتو ولا هو جا وشكالها عني.. هو ما عندو سالفة يشكي من حرمتو يحسها عيب.. لو شكد ما يشوف مني يتحمل وياحسبني بنفسو او يزعل بس ما يدخل احد.بيناتنا..

وباقيه على هلحاله كارهه روحي .

بيومها جت مره تصير عمتو.. ام ابو خطيب حلا .. ما اعرف شلون خابطه بس هيج هي..

مره حبابه ولسانها عسل وابد متجرح بالكلام واول ما شافتني حبتني.. حطيت الجاي ع النار وكعدت اطعم ابن سلفتي ..

طب صراع للمطبخ.. اني مدنكه صافنه واوكل بالطفل... همس

-هييي يولي

-رفعتلو عيني

-منو موجود..

-عمتك اسمها صبريه. 

-هااا .. صفن ع الحديقه.  فرك سبحتو وفات سلم واسمع صوت السوالف والضحك بالهول..

خلصت اكل الطفل.. غسلتلو وحطيتو بالكرسي مالو .. ورحت صبيت جاي ومشيت اقدملهم..

هو كاعد ع التخم انطيت للحجي جاي واجيت قدمتلو.. نتر بيه كال :- تحركي جيبي الطبله بسااع

خليت الصينيه وحطيت الطبله كبالو وقدمت لعمتو والحجيه كاعدات بالكاع..

جان تكلي صلاوات على النبي خاله يا بخت وسام بيج شحلاتج.  عبالها اني حلا..

اندرت اطلع صراع بين عليه الانزعاج وكاللها عمه هاي حرمتي بتي حلا فوك..

بقت متعجبه وتكلو لا بصلاة محمد عليك.. وينها وينك يولي بكد ايدك هاي ..

واندارت علي .. ولج انتي شگد عمرج. 

هو خزرني وكال فوتي جيبيلي كلاص ماي ما خلاني اجاوب.. طلعت للمطبخ فتحت الفريز.. كضبني من ايدي

-يولي والله وصلت حدها وياج.. حاسبيج علي مره وانه كلشي ما محصل ..

-شتريد يعني

-دحكي لج هذا الوضع بعد.ما يصرفلي ... اخذج غصب اخذج كوه خلال هليومين هذا الوضع لازم يتغير الضاهر انتي مو مال عيني واغاتي شفتيني احبج كمتي تتعززين علي ..

يول والله لو اريد اندمج واكسرج ما ارحمج بس اكول خطيه واحبها بس ليوين .. اسمي بالحصاد ومنجلي مكسور......يتبع

☆☆☆☆☆☆

#زينب_ماجد

#منقووولة

                           #فوفة الحلوة

مراهقة_و_الأربعيني..

،،،،،،،،، بقلم زينب ماجد ،،،،،،،،

الحلقة_40

اخذت نفس.. تنهدت.. وما حجيت.. هو نكث ايدي وطلع عصبي .. وضرب الباب وراه..

بلعت ريكي.. رب اشنو اسوي .. اخذج واخذج وين ياخذني والله تعبت .. ما عفهمو اشنو اللي يريدو..

كملت شغلي ودخلت بالغرفه افكر.. دحكت بموبايلي.. اخابر ساره اسألها هي الوحيده يمكن تفهمني.. اني حافظه رقمها انطتنياه..

اتصلت.. خارج نطاق التغطيه.. ما متواجده .. النت انقطع .. والشبكات يمهم شبه مقطوعه..

گلت شسوي هذا اللي اكدر عليه .. اتركو هو يهدئ وحدو.. جا هو بليل .. اني متمدده بفراشي كاعد اتابع مسلسل خليجي..

انطى علاكة الحلويات للحجيه.. ونتر بيه ..

:-تحركي جيبيلي مي

رحت جبتلو واجيت .. سمعتو يسولف وياها على شغلو بالمول وهلسوالف ما افهمها.. انطيتو اخذ بلا ما يدحك عليه..

ردت اكعد.. اندار :- صعدي شغلي المكيف و حظريلي الحمام.. اريد ارتاح.. وهاج اخذي الموبايل خلي ع الشحن..

اوووف ربي.. مو مسلسل من يكعد هو يصير عليه سم.. كمت.. حطيتلو الموبايل .. بس الشيطان تربع بمخي .. وكلت ادور جهازو

دورت الماسنجر و الواتساب .. ماكو شي .. بس بالرسايل لكيت رساله منو لأم مصطفى.. كاتب بيها..

💬(عكب باجر اجي لبغداد ويصير خير)

دورت  ماكو رسائل قبلها بس هو باعث هلرساله ..  احس للحظه الدم صعد الراسي واشتعل .. اختنكت

فات للغرفه وهو ينزع دكم بداية قميصو..

-شجاي تسوين..

-شنو هذي

-شوو  .. اخذ الموبايل .. دحك الرسايل .. رفع حاجبو .. وغلق شاشة القفل.. طفى ..

-ما فهمت

-مو شغلج تفتهمين

-عكب باجر طالع البغداد ؟

-ما رد

-مو احجي وياك..

-حظريلي الحمام

-اني ما خدامتك حتى تريدني بس اخدمك وانت تخون

-ولا انه مجبور بيج اصرف واداري واحب وادافع واوفي وبالمقابل كلشي ما احصل .. الزواج اخذ وعطا..

-انت اشنو اللي تريدو

-تفتهمين كل الزين ما يحتاج احجي

-والرب ما عدفتهم اشنو اللي تريدو

-تغشمين نفسج..

-منو ام مصطفى

-گلت مو شغلج..

-ما تروح البغداد

-تأمرين امر خانم ويلا روحي حظريلي الحمام..

-انت جاي تستهزأ لو شمو متروح والله

-ليليااااااان احترمي نفسج واطلعي مني

-ماااا اطلع..

-اللهم يصبرج ياروح ...

حجاهاا واندار يطلع.. گضبتو من ايدو .. انت على شنو ناوي

-ما ناوي على شي يابه يواشج عني .. لا اله الا الله .. لك صدك بلوه هاي .. لا انطيك ولا اخلي رحمة الله تجيك..

.. نكث ايدو وطلع مزعوج.. يربي راح انجن.. نزلت جوه واني ضايعه بافكاري .. شسوي شلون اكدر امنعو يسافر..

رحت لفراشي كلعاده تغطيت وبجيت لحد ممليت وغفيت.. ثاني يوم.. كعدت ب9 .. هو ماكو ..

اشتغل وبالي مشغول .. شلون اخلي ما يسافر.. احسن حل اصعد يمو بليل وشيريد.يسوي خل يسوي حتى لو يذبحني اموت ولا ابقى بهلحاله..

خلصت شغلي وصعدت لغرفتو رتبتها وغيرت فراشها وسويتها تجنن.. هيج فجأه گب النشاط بداخلي وتحمست انو اتقرب واتحمل اللي يريدو..

خلصت غرفتو و نزلت رحت لنور كتلها تعرفين تحفين وجهي.. كالت اي بس جيبي خيط..

رحت جبتلها وحفيت وجهي ونظفت نفسي.. دخلت سبحت وطولت بالحمام بواهس تنظيف طلعت المع..

رحت لغرفة حلا اخذت الكاويه مالتها بدون ما تعرف ودخلت لغرفة صراع.. طلعت باليوتيوب اسهل طريقة كوي الشعر .. وكمت اكوي بشعري ..

خلصت .. ضميتو كلت بعدين ارجعو من تنام.. كعدت بغرفتو اتفرج وانتظرو يجي حتى اراضي واحجي وياه..

انتظر و انتظر وحسيتو تأخر ..  دحكت الساعه 5 العصر .. شو اتأخر ليش .. طلعت ردت انزل دحكت حلا هم ماكو رجعت المكوي وخليت منها كحل لعيوني

و نزلت جوه نور سوالف وحجي.. بس كل عقلي يمو وادحك الساعه وهو ما بين يوميه ب3 يفوت .. وين راح.. ردت اخابرو.. گلت لا هسه يفكر زاته روحي عليه واخابرو ويرفض ويعكر مزاجي. 

خليني هيج منتظرتو احسن.. صار المغرب وسوينا العشا .. وهو ما بين.. كلت اخلص تنضيف العشا واكول للحجيه تخابرو وتعرف وين هو وليش اتأخر..

فضيت البيدي ورحت للحجيه :- يوم شو صراع اتأخر ليش ..

-ما يجي اليوم

-ليش

-طالع بشغل

-وين

-لبغداد

-شنووو !!!!!!!

مثل جام خلصت كل يوم تلمع بيها وجا واحد برصاصه فلشها كلها.. هيج كانت صدمتي بداخلي والعبره اختنكت ابلعومي..

لا اكدر احجي واجاوب.. ولا اكدر ابجي كدامها واني اسألها ومتفائلها وفجأه وجهي يتغير كبالها..

بلعتها وطلعت.. رحت صعدت بغرفتو .. قفلتها و وابجي بجي بحرگه .. صدك احس تفشلت..

ادحك بروحي بالمرايا وشكد حسيت بروحي رخيصه.. واني محظره وفرحانه انتظرو وهو راح وما دارلي بال..

دحكت بموبايلي.. للحظه طكت براسي اخابرو بس اطلع كل حركة گلبي وانفجر بيه واسدو..

دست اتصال.. رن .. رن .. رن.. شجاي اسوي .. لو غلطت عليه واني بهلحاله يذبحني واجني على نفسي اكثر.. وما الي مكان اشرد الو

قطعتو بسرعه قبل ليرد.. ربي ليش هيج تريد تذلني ليش .. شيصير لو هسه عندي اهل والله ما ابقى ..

وين اروح والموصل نار ما تنطب..

فكرت اخابر خالو.. بس ما عندي رقمو .. تذكرت حنا ابن خالي .. يمكن اعرف صفحتو ع الفيس..

هو يحبني من زمان وما جنت احبو .. اخابرو واشرحلو حالي بلكي يجي ياخذني لبيت خال 

حملت الفيسبوك بسرعه.. فتحت البرنامج.. كاتبلي سجل دخول او انشئ حساب جديد..

هاي شلون سالفه ما اعرف لهيج سوالف .. شلون اسوي صفحه   اتبعت الخطوات وخربشت وكتبت اسم مشاعر بريئه..

وانطي موافق.. يكتبلي فيسبوك يتطلب اسماء حقيقيه لكي يتسنى للصدقاء معرفتك..

يربي شلون سالفه اووووف.. اكتب اسمي الحقيقي.. ردت اكتب واتذكرت علي من يكول بس ادخلين رقم على الفيسبوك يطلع اذا مسوي حساب

هللللو .. رقمي عد.صراع اذا عرف قبل لا يرد عليه حنا الا يذبحني والله..

واني اصلا شكو خايفه هو يخون واني اخاف .. طز

كتبت اللاسم وحطيت الرقم.. يكولي هذا الرقم مستخدم لحساب اخر.. وما يصير اسوي

اووووف الله... كعدت ابجي.. دك الموبايل بيدي.. دحكتو .. صراع .. عشتو كاتبتو ( دقات قلبي)

فطور رجليه احسن .. يا دقات .. ينعل يوم العرفتو والله ما رد.. انطيتو رفض .. رد خابر مره لخ بساع.. وهم انطيتو رفض. 

اكيد كاعد يمها الحقير الكلب .. تفو عليك يا خاين.. رد اتصل .. رفضت حيل ضغطت ع الشاشه بحرگة گلب..

اعرف لو اجاوبو واني هيج محترك دمي منو راح الوص واجفص بالحجي واتجاوز ويرجع وهم يشعل شيب الخلفني ولازم اسكت لان ما عندي مكان اروحلو

فما ارد احسن..

بعث رساله (يولي خبال مو انتي خابرتي عليش ترفضين )

اي ومرتاح ومتونس الحقير واني هينا دمي محترك من وراه..   رد اتصل .. مسحت دمعتي حيل ورفضت .. يل ما تستحي

بعث ( براحتج بويه الضاهر طباگاتج رجعن .. محتاجه شي ) 

عاد هينا صدك متت من يضحك وينكت ومرتاح واني مفرفحه من وراه كتبتلو ( يارب عساك ما ترجع )

بساع جاوب (مشكوره)

وبعد ما اتصل .. بس اني شنو حالي اتذكرو هو هاك واتخيلو كاعد.وياها وابجي ومحترك دمي.. للفجر يله نمت..

لل10.. اندكت الباب مال الغرفه.. كعدت بسرعه.. فتحتها.. صراع دحك بوجهي وعقد حواجبو .. وفات. 

تركتو ونزلت.. غسلت وجهي  وكفت وي نور تنظيف بس هي گالبه وجهه وتشتغل بسرعه.. لان كاعده متأخره ونص الشغل مخلصتو..

ما حجيت وياها .. وطلعت للكراج نضفتو وفتت للاستقبال .. دا انضف .. فات صراع..

تخصرلي ويدحك وعاقد حواجبو .. اندرتلو .. دحكتو بهلحاله نزلت راسي منو ..

من انه هينا .. وجهج وجه ابليس .. بس انه اطلع وانتي تحفحفين وتسرحين و لا وتتكحلين هم..

شقصدج ليليان

-شعليك هم حرام احف واحط كحل .. كضبني من ايدي حيل .. وحجه

-دحكي لج احترمي نفسج لا بالقران الكريم راسج يتكسر

-اي دوخر ايدك يلا

-صك على اسنانو .... ليليااااااااان..

-سكتت واني عاقده حواجبي وطالعه روحي منو.. ترك ايدي وطلع وهو يكول :- ادبسز ..

-كلنا ما عدنا ادب بس انته.. كمت امسح حيل بالطبلات .. اخر شي طريت الوصله وما كملت .. اشتغل عدهم يصيحون و يخون .. واني اخدم..

عفتهم ورحت غسلت ايدي وكعدت .. واتمنى منهم كلمه تطلع حتى صدك انفجر بيهم وغصبا عنهم يودوني لبيت خالي..

دخلت بغرفة سعد القديمه ع الموبايل.. صاحو على غدا.. كتلهم ما اريد..

صاح صراع ... ليليااااااان..

-ماتت ليليان وخلصت منك.. طلعت كاعدين عالغدا .. هااا

-حدري

- ما اريد شبعانه

الحجيه:- انتي حتى ما تريكتي يا يمه شالج مطنكره وحدج

-ما مطنكره .. بس ما مشتهيه

صراع:- شحجيت 

-ما بالغصب ما مشتهيه شلون يعني

-بالحرام راح اكوم واعلمج شلون ترادديييين كلبه.. كلت حدري تسممي .. تكولي امرك وتحدرين..

-كعدت وياهم ع الاكل .. بس احس بروحي تفور .. هو رفع راسو لامو وكال الها ..

-منو خدم الولد البارحه بالسهره من جو ع لعبة الريال

نور:- انه ليش

-ياسر فات ساعدج بالمطبخ لو ما وكف

-لا هو فات يم الحجيه يسولف وياها .. انه حظرتلهم الجاي والنراكيل وصعدت لولدي فوك..

-هز راسو .. بس مبين على وجهو الانزعاج.. وعرفتو ليش مزعوج..

مفكر اني جوه من جا ابن عمو ياسر وكاعد يم الحجيه.. وعبالو اني مبدله ومعدله نفسي الو ... بس اني جنت صعدت لغرفتو لما خلصت تنظيف العشا وسألت الحجيه..

بعد ما نزلت...

.. هو ياكل ويتنهد ومزعوج وخابص نفسو .. وما تحمل .. گام بسرعه.. وكال صعديلي الجاي

دحكتو كام.. رحت سويت الجاي وانطيتو لنور كتلها صعدي اني انظف مواعين الغدا انتي انطي الجاي لصراع وروحي لاطفالج اني اخلص الباقي. 

ما كالت شي .. اخذتو من ايدي وطلعت فوك ..

خلصت .. ردت ادخل بغرفة سعد.. لكيت نائل متمدد بيها .. هذا هم مثل حالي مهجر وما متفق وي زوجتو ..

الفرق بينا هو تارك الغرفه لنور وهو ينزل ينام هينا.. واني تاركه الغرفه لصراع وانام يم الحجيه..

هو دحكني فتحت الباب وتراجعت.. صاح وراي .. ليلياااان..

-هااا

-تعاي كعدي يابه اذا تردين.. ما عندي شي..

-فتت .. كعدت على صفحه وادحك بموبايلي .. وهو متمدد على موبايلو ..

فاتت نور.. دحكتني كاعده.. وكفت نائل :- محتاج شي ؟

-لا سلامتج ارتاحي..  ورجع يدحك بموبايلو..

اني مشغله يوتيوب .. والسماعات بغرفة صراع.. زت عليه السماعات كال حطيهن.. يمكن الصوت زعجو..

اخذتهم وخليتهم .. نور طلعت.. واني بقيت كاعد والمخده بحظني وادحك ع الموبايل مندمجه..

شويه واحس واحد طر عليه المخده.. دحكت.. صراع واكف متخصر .. نزلت السماعات.. ونائل يكول رجلج صار ساعه يصيح يولي..

دحكتلو :- شتريد

-خزرني وكال كومي

-كمت .. طلعت وياه.. سديت الباب وكتلو شتريد..

-هو ع الدرج ويكول صعدي

-ما اصعد عندك حجي كولو هينا

-اندار متفاجأ

-يولي تتگوين علي انتي لو شنو ..

-تركتو ومشيت للمطبخ.. لان غرفة ام سعد قريبه وهم كلهم بغرفهم.. جا وراي ..

-ليليان لا تختبرين صبري بالله العظيم اكسرج لو بقيتي بهاي افعالج

-شعندك ابغداد البارحه ..

-شغل انتي شخصج بي

-لاااااا والله ..

-لج احجي عدل وياي لا تخليني اضربج ... تخصر ... البارحه شجنتي تسوين من ياسر يم الحجيه

-ما اكول الا تكلي شسويت ابغداد..

-انتي شنو تحايليني جاي اكلج شغل ..

-هااااه وهاي الكح.... مالتك هم شغل .. بمجرد حجيت .. ضربني راشدي .. سكتت ودنكت واحس النار اشتغلت جواي

-من يمتى انتي صايره تفشرين كبالي وتحجين هشكل.. انه ارافگ كحا....  حيوانه..  

-تأمر بشي اريد انام تعبانه..

-عساج لا كعدتي ولي من وجهي..

-ردت امشي .. كضب ثوبي من يم ايدي.. وكال .. :- لو سمعت انتي داكه حنج وي ياسر لو ضاحكه موتج على ايدي

-جريت ايدي منو ومشيت لغرفة الحجيه.. فات هو وراي.. الحجيه متمدده.. تخصر وگال الها

:- يمه منو جان كاعد من جا ياسر

-شبيك يمه

-جاوبي يمه رحمه لوالديج لا اطلعين اعصابي انتي هم

-حلا و حرب

-وهاي .. اشر عليه

-ما ادري جانت بره.. حتى ما نامت هينا ليش شصاير ..

-اندار عليه .. وين جنتي ..

-ما رديت

-لج احجي لا اطلعين اعصاااااابي ليلياااااان

فزت الحجيه وكامت بساع:- اسم الله يمه الرحمن شجالكم..

ووكفت كبالو ..

-يمه هااااي الكلبه تريدني ابتلي بيها بالقران.. لج احجيييي راح ادفرج والله ..

-گمت على حيلي وصيحت...  بغرفتك جنت بغرفتك  وحتى ما ادري منو جا ومنو راح كملت شغل وصعدت ارتاحيييييت   ..حجيتها ونزلو دموعي ..

طلعت بساااع.. انعل حتى اليوم الشفتكم بيه يا حقراء ..  فتحت المخزن وكعدت بي .. ابجي..

ادحكو يروح ويجي من الباب .. سمعت خطواتو ع الدرج صعد.. واني مستمره ابجي بدون صوت والمخزن حاااار ..

رد نزل ويفتر.. لشويه فتح الباب دحكني كاعده بالظلمه.. فتح الضوه... هز ايدو طبك الباب وصعد بعد ما نزل..

اني بقيت ابجي.. لحد ما حسيت نور نزلت للمطبخ.. استحيت تشوفني كاعده وابجي.. مسحت دموعي وصعدت لغرفة عابد..

اول ما دخلت غرفتو .. لو ما انت كان اني عد اهلي ما كاعده هينا اتحمل مصايبك ومصايب اخوك.. الله لا يرضى عليكم..

للمغرب تفكير وبجي احس روحي اختنكت ما اكدر اعيش هينا اكثر حياطين هلبيت دتكتم على انفاسي..

اريد ارجع لبيت خالي وهو يرجعني لاهلي حتى لو داعش اموت وياهم يطبني مرض ولا ابقى انهان هينا  تعبت ما اكدر اعيش وياهم بعد..

كمت على حيلي .. مسحت دموعي.. فتت للحمام غسلت وجهي عيوني حمر دم صايرات من البجي..

مشيت لغرفتو .. فتحت الباب وفتت هو بيدو المصحف يقرأه قران.. وگفت كبالو .. صدق .. ورفعلي راسو ..

كعدت ع السرير.. انته تخاف الله صح.. وما ترضى بالظلم موو ..

دنك راسو يستمع ما حجى..

-جاوب

-شنو اللي تردي يابه

-اريد ارجع لاهلي .. راد يحجي.. ولا تكول داعش.. اني راضيه اموت

- يولي منو كال داعش يكتلوج .. استري روحج بويه واستهدي ..

-ما اريد.. زين وديني لبيت خالي .. بأربيل هم اكو داعش ؟

-اريد اكمل تلاوه ...كومي يابه مني

-زين انت تخاف الله ليش ظالمني

-بشنو ظالمج بويه .. كتيلي لا تضرب ومتحملج كوه على روحي .. تعداج واحد وسكتتلو ؟؟ .. طلبت شي وما جبتو .. بشنو مگصر انه  

تعبت وياج بالله العظيم واكول جاهله اكبر عقلي وياه واتحمل..

-اني ما جاهله

-عجل افتهمي بويه .. تعبتيني بالقران تعبتيني .  بوجهي تكليلي الكح.... مالتك.. ابوج يقبل تكوليها بوجهو ..

-اهلي ما يحجون هيج انتم هيج حجيكم ..

-لا تكليلي انتم .. احترمي نفسج واعرفي ويامن تحجين هيج..  بوجه الاكبر منج ما تزتيها عيييب ..

انتي ما تعلمتي من هلبيت بس هاي فلحتي بيها   مو هاي وياج مرت نائل .. لا سمعت حسها لا راددت لا حجت ..

ليوين تبقين بهلعقليه.. تربي عاد مللتيني .. عنادج وصلافتج كل ما جالها تزيد واكول خطيه ما اذيها   

-ما اريد اعيش هينا الله عليك وديني لبيت خالي .. بجيت

- استغفر الله العظيم واتوب اليه.. شناگصج هينا كولي .. الردتج مره عفتيني وشدتي التركتج برحتج بجيت وودوني لاهلج..

انطيني الحل وياج اشلون بالقران شليتي عقلي .. ولج يابه تعبان والله منين اتلكاها لخاطر الله رحميني..

-گمت منو .. واني دموعي بعيني طلعت من غرفتو .. يربي وين اروح.. ساعه احس ما اكدر بدونو وساعه ما اطيق اعيش وياه لحظه .

نزلت العيون وارمه.. وكفت نور ع العشا هي ما حجت وياي عرفتني ضايجه .. ما ادخلت. 

كملت حطيت الصينيه هو كاعد.. وفتت بغرفة سعد وكتلها حجيه ما اشتهي لا تصيحيني..

وكعدت .. ادحك بالموبايل .. بس النفسيه زفت والعيون كوه مفتحتهم كد ما كضيتها بجي  

مدري شكد مر وكت.. انفتحت الباب .. الضوه مطفي..  دحكت طول صراع والضوه بظهرو ما ينشاف شكلو..

فت الضوه .. جان لابس دشداشه وغتره ومعطر .. جاي من بره وبيدو علاليك.. حطهم يم رجليه.  ما درتلو عيوني بالموبايل وبالي مركز وياه  

... كعد يمي.. دحكت العلاليك.. كارتونة بيتزا و علبة ايس كريم.. حط ايدو على ركبة رجلي

-ليليااان..

-ما رديت

-يولي شرايده شنو القاهرج ومذبلج هيج بالقران ما عندي شي ..

- ساكته ..

-مو واحجي وياج..

-الله يخليك والله تعبانه وروحي طالعه اتركني ..

-احجيلي اشكيلي .. خل افهمج

-ما اريد عوفني ..

-تنهد.. بالقران ما اتحمل اشوفج هيج ذبلانه غير اعرف شبيج.. 

-عزت بنفسي اكلو جنت متحظرتلك وفرحانه شوكت اتلكاك وانت فشلتني وطلعت رايح لبغداد للمحروسه   .. ما حجيت ابد.. بقيت ساكته  

... ما حجه هو مسح على راسي وكال براحتج...تركني وطلع..

نزلت المويل وادحك للعلاليك وافكر .. ما اعرف اشلون اتصرف وي هلوضع يخون ويجي كن ما صاير شي ..

لا اني و  لا مشاعري لعبة عندو.. دا افكر قطع سلسلة افكاري نائل وهو يفوت.. تعدلت.. هو تراجع كتلو فوت نائل.. 

دخل.. اول ما فات صاح هااااه.. اي عيني بيتزا ليش لا  ... اااا اوياها موطه.. ابتسمت..

فتح الباب صراع .. ابو عين الفراغه مو الك..

-لك بابا انتو تكاونو شكد ما تكدرون ورحمه الوالديك كثرلنا المواچيل بالمصالحه.

تره احلى شي هو الأكل اذا رضت معدتك رضى عقلك وگلبك .. كعد وفتح العلاليك.. وصراع فات جر منو وكالو

:- يولو كوه جاي نتلوك وما ماشيه لا تخربها علي بكرشك رحمه لوالديك..

-لا يولي هسه تاكل وياي شحدها والله اكتلها ..

جر العلاليك من صراع .. وحطهم بالكاع وكال لو ما جيتي انتي خسرانه.. فاتت نور .. كالتلو هلا هلا تاكلون بيتزا واني اكل طماطه لاچعه يصيير؟

نائل:- حدري اكلي بويه براس المتزاعلين .. بس گبل لا تكعدين من الثلاجه قواطي بيبسي .. منو يشرب

ليليان تشربي .. وانت .. اي جيبي 4 قواطي. 

صراع:- امداج يلفاهيه البيتزا ب15 الف لحلك هذا الجايف ..

كف دشداشتو من الوسط وكعد كابل نائل ع البيتزا جت نور هم كعدت.. وضربتني على رجلي وحجت

-ولج الزعل ما يشبع كرش حدري يولي ..

وجرتني.. تقربت اكلت وياهم قطعه على ضحكهم وشقاهم.. وصراع يدحكلي بس ما دحكت بوجهو ابد..

نائل:- هاي الموطه بيها خواشيك بالله نور من يمج جيبيها خل نضوك طعمها طيب لو لا .

فات حرب انتجى على ظهر صراع وكالو :- بابا انطيني بيتزا.. اخر قطعه شالها وكالو هاك بابا اكعد اكل..

وانطاه خاشوكة موطه صغيره و زتلي وحده.. ويكلي اكلي طيبه والله.. اكلنا الموطه كل احنا..

وكمت غسلت .. ورحت لغرفة الحجيه فرشت الي ولحرب .. وتمددت.. فات هو يحجي وي الحجيه ع الشغل ..

اني عيني بموبايلي .. اخر شي قفلتو ولفيت راسي واندرت نمت..

ثاني يوم..  صراع بالدوام والحجي بلا ما يكول لاحد طالع من الصبح متسوك خطيه لان احتمال باجر  رمضان..

ام سعد اذبحها ولا الحجي يتسوگ.. حيل تضوج .. رغم الحجي عندو ومتمكن وهم كلهم ما بيهم الفقير .. بس هي نفسيتها هيج..

يعني كلما يكول الحجي راح اتسوك فلان حاجه الكم.. تسبقو وتروح لصراع تكلو هيج محتاجين. 

وصراع يجيب .. لا هو ولا الحجي يهتمون للصرف .. عدهم هو البيت بيتهم ما يتعاينو على منو يجيب ومنو يحط..

بس سعد جان يغلس على هلشغلات وكاضب ايدو وما يصرف .. بس محد حاسبو ..

ونائل الا احنه نطلب نكلو جيب ما يبخل ولا يحجي يجيب بس اذا ما نوصي ما يعرف احنه شنحتاج للبيت..

مو مثل صراع كل يوم سبت او جمعه يفوت للمطبخ .. ويكول شتحتاجون يابه اتسوكلكم..

انسجلو بورقه وننطي يجيب بالجمله ما شغله شغلتين..

والحجي نفس طبع صراع.. ابد ما بخيل وگلبو طيب بس مشكلتو يمشي بشور ام سعد وحيل يحبها ..

ف هم الولد بالبيت محد مضايقو الصرف .. بس احنه النسوان.. نحس ام سعد تتغالب وي صراع..

والحجيه تكول هذا مو حك هذا غلب ماكو فرق صراع لو الحجي يتسوكون ليش تتغالب وتكعها براس هلمكرود..

ف بيومها جا الحجي ومتسوك مسواك رمضان ما مخلي شي ما جايبو .. وبكثره ... ام سعد تخبلت.. وضلت تتكاون وياه

وهو يگلها عجل بويه شلون غير بيتنا ونصرف عليه قابل جايب لغرب انه .. عيال بيتنا ..بدل ما يوميه طالبين حاجه ونطلع واحنه صايمين جبتو هسه..

نور التوم مالها يبجون.  ذوله مشكله يبجون سوه ويسكتون سوه .. فصعدتلهم.. والحجي نزل المسواك بالكراج وكال فوتو..

وكعت الشغله براسي ساعه 12 وحاره تموز .. واشيل صناديك.. وام سعد تصيح وطالعه روها وتزكح بيه الفاهيه وامشي حيل واستعجلي.  ..

اخر شي ضل صندوك فواكه برتقال.. ردت اشيلو .. احس ظهري طك.. كتلها ما اكدر بعد تعبت ..

ام سعد :- ما على كيفج شيلي بسااااع يلا ما مثل البهايم بس تاكلين بروسنا

-ما صارفه من جيبج افتهمتي .. انتي هم تاكلين براس رجلي شو ما حجيت

-اجي انوم الصندوك براسج شيل بساع عرمه ..

الحجيه:- شبيكم يابه الجيران منا صدك جذب صياحكم لوين واصل..

ليليان:- يوم والله تعبت فوتت المسواك كلو بقى بس هذا ثكيل

-عوفي يمه هذا نوزعو المغربيه ثواب ..

ام سعد :- والله ما توزعين ثواب بروسنا .. احجي وي ابنج يجيب ويوزع .. شيلي يلا انتي فوتي بساع..

ليليان:- ما اشيل عندج جنه فد شويه تنزل وكوليلها تشيلو ..

همت عليه وكضبتني من هدومي حيل وتكلي اركع راسج بالحايط ساقطه  

دفعت دوخري شنو عبده عندج تركعين راسي بالحايط.. وما اشيلو لو تطلع نخله براسج هم ما اشيلو بعددد..

ام سعد :- والله اليوم ما تفوتين للبيت لا ما تشيلي وارد اشوف شلون تعانديني يل بلا اصل

-ما اشيل وشعندج لا تقصرين وخل اشوفج البلا اصل شلون ..

الحجيه:- ليليان يمه كسري الشر وشيلي .. ما بينا مصايب والله

-قسم بيسوع ما اشيلو .. وهاي قسمت ..

جت نور كالت شسالفه خاله انه اشيلو .. دنكت

. دفعتها ام سعد وتكلها لا الا هاي النغله تشيل واريد اشوف شلون تعاند..

كعدت على الدجه بالكراج وما كمت. هاي كالت لشوف شلون اربيج فاتت وقفلت الباب واسمع الحجيه و ام سعد يتكاونون

تكولها  هاي وكحه  وبلا تربيه وانتي مطلعه عينها ..

والحجيه تكلها حرام عليج يتيمه صالبتها بهلظهريه جاهله وتعاند لا تحطين عقلج وياها من يجي صراع اشكيها الو وهو يحاسبها..

تكلها لا والله اليوم الا اربيها..

ضليت بالشمس لل2 ونص ..

جسمي يصب عرك والوجه انطعن دم.. واحس الدنيا كامت ادور براسي من الحراره رغم كعدت بالفياي وكل شوي اروح لمغسلة الكراج اغسل. 

قوة الشمس ما ظل فياي .. وكفت تخصرت والدمعه بعيوني وادحك للبيت اختنكت.. انفتح باب الكراج.. اندرت صراع ..

بس شفتو نزلو دموعي.. راد يفتح الباب حيل من دحكني .. سدو وحدر يمي ..

-شبيج يلولو ليش هيج حالج..

-اسأل مرت ابوك قافله عليه الباب بالشمس بس لان ما شلت هذا الصندوك.. والله شلت المسواك كلو وهذا ثكيل انكسر ظهري ..

كتلها ما اكدر والحجيه كالتلها نوزعو وهي علقصد الا اني و ضلت تسب وتغلط على ابوي وتكلي نغلا وبلا اصل وتركوتني بالشمس تحركني..

مشا كبالي .. راد يفتح الباب وام سعد. من دايره وجهه تصب غدا و تحجي ..ضلي يلنغله لا ما اعيد.تربيتج واحركج بهلظهريه يل بلا اصل ..

هي حجت هيج.. وصراع تولى الباب دفرات حيل.. ويصيح.. لشوف منو يربي منوووووو كلااااااااب......يتبع

☆☆☆☆☆☆

زينب_ماجد

#نكات

من عصر الجاهلية

في إحدى المعارك سأل رجل من الروم احد المقاتلين العرب

قال له هل انت عربي

فقال له لا انا رياضيات

فضحك الجميع وتأجلت المعركة 😂

😂

😂

😂

قال اعرابي  لأبيه اصدقني القول يا ابي  هل كان جدي كريم  فقال له كلا لقد كان فازلين  فضحك الاثنين والثلاثاء والأربعاء والخميس عدا الجمعة لأنها عطلة

😂

😂

😂

سأل أعرابي زوجته ما تفعلين

فقالت اوزيل الغبار

فقال لها اوزيل ام كريستيانو

فضحك الجميع ثم طلقها لأنها كانت برشلونية

😂

😂

😂

يقال ان هناك امرأة حامل في ايام الجاهلية وقد ذهبت لأمها

كي تزف لها الخبر قالت ابشري يا امي ستصبحين جدة 

فقالت لها جدة ام الرياض

فضحك الجميع ومات الجنين من كثر الضحك

😂

😂

😂 عود اضحكوووو

ولا تسئلوني وين وهم لو مراهقه لان لو موجودات انشرهم اوك

ما اوصيكم عود علقوووا وضحكوووو

#روووعه

#مراهقة_و_الأربعيني

،،،،،،، بقلم زينب ماجد ،،،،،،،

الحلقة_41

انفتح الباب بسرعه و صرخ منو هاي البلا اااااااصل .. لج انتي بلوه شوكت تستحين على شييييبباتج..

بنيه بكد احفاااااادج مخليه عقلج ويااااااااااااها

-مرتك وكحه وعرمه وما مربايه وتغلط .. انه تكلي لو تطلع نخله براسج ما اشتغل ترضاااها تحجي وي امك هيج .. مخلصتها تختل وما تمد ايدها ويانه وتشتغل

-هاااااه عجل مكسور ظهرج موووو.. هذا سويتي   ودحك على الاكل اللي دتصبو شالو وزتو بالصينيه كلو فوك المواعين وشال المرك فوكو والطرشي طرو بنصو

هذا تعبج استلمييييي وطلعيلي بعد بشنوووو تعبانه خل اساعدج دام راسي فاضيلج..

الحجيه تجر بيه و اني واكفه على صفحه.. هي فرفحت من سفح الأكل الطابختو هي..

كامت تبجي وتدعي عليه وهو يصرخ :- بالحرام لووما سكتي اليوم اگلب الدنيا  فوك راسج..

وهي فاتت بغرفتها وفتحت بصدرها وزتت الشيله وتصرخ عسى ربي لا يهنيكم ولا تشوفون الراحه  .. اللهي نار وشرار يصيبكم وياخذ هوبتي من هلكح.. المصلاويه  

..هو يريد يهد عليها للغرفه واني والحجيه كاضبينو .. كتلو عوفها الله عليك ما اريد منها شي .. وامو تبوس بكتفو وتكلو الليله رمضان صلي على محمد يمه..

وهو يصرخ كعده الها بهلبيت ماكو .. تلم جوالاتها وتطلع وانعل الساس الاجتني منو ..

طلع الحجي من الاستقبال يهدي بيه وبويه احسبها عليه وميخالف وحسبة امك.. نفض ايدو منو .. وزكح بيه ..

-عجل من انته هينااااااا ما دحكت هلجااااهله تحت شمس تموووووز بهلظهريه ما خفت يصير بيهاااا شي ..

-والله بويه جيت تعبان صليت ونمت ما دريت بالمكاون مالهن.. اهدئ فدوه اروحلك وحتى هاي مرتك ابوس راسها

... تقرب مني .. صراع خزرني افوت جوه.. دخلت وهو يحجي ويصيح مفرفحه روحه ومصر هلحيزبون ما تبقى ابيتي ..

وذيج ختلت بغرفتها.. شويه وفات سعد .. دحك المطبخ مدمر دمار ووضعية البيت مدفره كلعاده من صياح ودفرات صراع.

سعد :- شنو الصاير شنو السالفه ليش هيج

-فوت شوف امك واسمع دعاويها بالله اليوم اقضي بيها .. 

فات سعد هلى امو .. وهي ادعي وتبجي وتكلو هاي انه انهان من وره هلمصلاويه الما تسوه بسوك النسوان فلس .. كتلت ابني وجايه تكتلني واطردني من هيناااا ال*******

صراع بساع انتفض وكام هد عليها وسعد والحجي واكفين بوجهو ويكلهم بس ناوشوني هلعجوز انه اتصرف وياااااه والعلمها منو التفشر عليها..

يحجي وشكو كدامو يشيل ويطرو .. ويدفعون بيه بس شقواتو..

سعد كضبو كوه وطلعو بره وسد الباب وباس راسو ويكلو والله حقك بس اهدئ نتفاهم..

-ما عندي وياك تفاهم..  تاخذها وياك ما تبقى هينا والله. 

الحجي كام ويكلو بويه لخاطر شيباتي .. امسحها بشيبات ابوك وعدي هسالفه ..

-وهي تصيح ما اطلع من هينا والله واريد اشوف منو يطلعني..

هينا الحجي و سعد كامو يصيحون عليها حتى يهدون صراع هي خنست.. اندارلي الحجي وكال ماي لزلمتج. 

ركضت جبتلو واجيت وهو يكلهم.. ولكم اطلعلي شويه الكاكم صالبيها .. انه وين انطي وجهي

ابيع البيت واطشركم وانعل اليوم الاشتريتو ولميت هلوجوه..

.. اني فتت لغرفة الحجيه وكعدت استمع وهو يصرخ.. اخر شي فتح الباب وكال حظري جنطتج.. انزل الكاج كامله

الحجي :- هاي شنو  ابو حرب سوالف نسوان تصير بكل بيت  لا تكبرها بويه لخاطري ..

- ابد اخذها واهج واعزل بيها وهذا البيت بعد ما يبقى .. ابيعو واخلص وانعل عشايركم.. وصعد فوك.. 

والبيت هوسه نور تنظف بالمطبخ و سعد والحجي بالهول يحجون والحجيه يمهم

اني طلعت جنطه صغيره خليت بيها تبديلتين ولبست الجبه والحجاب فات الحجي. 

-هيج احسن ولج.. لو كاسره الشر ومفوته الصندوك جان شصار ... يحجي وعين ع الباب وعين عليه

-شنو فوكاها جاي تلومي 3 ساعات اني بالشمس ما تحجي وياهااا. 

بس حط ايدو على حلكو  خزر وكال هشششش .. طلع دحك ع الدرج واندار  :- يولي وكحه المشاكل كلها من تحت راسج من يوم لفيتي هلبيت وحالنا ما يعجب يوميه مصيبه ..

-من اني مصيبه عجل رجعوني لاهلي ..

-نصي حسج لا بالقران السانج اكصو..

نزل صراع وبيدو جنطه.. والحجي:- يا ابني ما تسوى والله استهدي بالرحمن

الحجيه:- يمه لخاطري ابو حرب

.... سحب ايدي من بينهم بلا ما يحجي وطلع.. السياره بره ما فوتها للكراج.  صعدنا بيها وطلع

وهو متنرفز عصبي ويحجي.. وكف يم مطعم.. ونزل اشترى اكل .. دجاج ومقبلات وخبز..

وصعدهم وجا ركب ورحنا لبيت هيام.. كال فوتي دكي الباب لبين ما انزل الغراض. 

دكيت الباب بساع فتحت جنات.. بس دحكتنا بلا ما تسلم فاتت تصيح اجه خاااالو اجه خاااالو

فتت وهيام طلعت بساع تلف بحجابها   فات صراع تلكتنا بوس ومحاظن  .. ناوشها الاكل

وكالتلو :- صدك جذب يا ابو حرب والله جاي تهيني خيرك مغركني.. باس راسها وفات .. عرفتو تعبان ما بي يحجي. 

نزع حذائو وكال ليليان ناوشيني المنشفه وروحي وي ام علي عاونيها..

وهيام تغمز وتريد تعرف شكو شصاير.. فات للحمام وهي استلمتني واني ابدل سولفتلها كلشي واحنه واكفين..

كالت حيل وياهم طايحة الحظ هلعجوز ولا اتوب.. رحنا للمطبخ هي مسويه تمن وفاصوليه وصبت سفره وعاونتها..

هو طلع من الحمام لابس كلابيه خفيفه مال بيت.. لان بالصيف ما يتحمل يلبس التراك الضهريه حاره  ..

كعد ع السفره سم بسم الله وكعدنا ناكل وساره وجنات محاوطاتو منا ومنا وجنات كل شويه تبوس بزندو.. وهو يضحكلها ويشاقيها. 

شويه وگمت .. هيام صاحت وين ما اكلتي.. رديتها لا شبعت..

صراع:- جاي بدربج ولا خفيف راسي ثكلان..

-ما رديت.. رحت سويتلو جاي وصبيت وهيام وبناتها لمو السفره  هن غسلن الموعين وهي مسحت الغرفه..

وديت الجاي.. كالت بس تنشف الكاع شويه.. صراع حاط مخدتين وايدو جوه راسو وصافن بالسكف

تقربت يمو.. دحكني وتعدل كعد... اخذ الجاي وهو يدحك لعيوني .. هز راسو .. عرفني بعدني باقي ابالي وشغلة سفرتو لبغداد ما ناسيتها. 

قدمت الجاي واني كعدت..  فتحت هيام السالفه .. وهو يكلها ..

:- خويه مليت يوميه مكاون وياها.. شلي بدوخة الراس اعزل بيها وبحرب و حلا على العيد رايحه واكسب راحتي تريد امج تجي وياي هلا بيها ما تريد براحتها

انه متحمل ضيم لميعه عليش.. حتى البيت ما اريدو يابه بس خل افتك ..

هيام:- ما تكدر تبيعو واخلص منو

-ام علي الانبار بخطر والناس نصها طلعت تخاف لا على ساعة الساعه يفوتون داعش ونبتلي  لا بيع ولا ايجار العقارات كلها انسدت..

باجر اطلع بلكت الكالي بيت صغير اكعد بي شسوي..

وكله صوج ابيج راكبتو ومنزله رجليها على اكتافو عادمه شخصيتو

هيام:- ميخالف خويه  رجال جبير شيسويلها

-اتخبل من المره الوكحه الترادد رجلها.. وهي واكفه ولا هاها وجودو تصيح وتدعي وهو يتوسللها.  غير اكضبها واسحك راسها

يحجون وهم يشربون جاي.. واندارلي .. اي ليون شلون تطلع براسها نخله   .. هو حجه هيج وهيام شرگت بساع طلع الجاي من خشمها

وهو ضايج ويضحك يهز براسو .. ويكول انتي هم يرادلج ضب شويه السانج حيل فالت هليام. 

-وشمسويتلها .. فوك ما تغلط وتسب بأهلي وتضرب .. لا وتعيرني تاكلين بخيرنا اليكول جايبتو من بيت الخلفوها. 

هيام:- لا ما عوتنيها

-هو شعاونها هي اشتغلت .. خلصتها مكاون وي الحجي شلون يتسوك ونور فوك واني كلو شلتو

بقى بس هذا ثكيل تعبت ما كدرت اشيلو ..

شو صراع ضحك.. دحكتلو وكملت عاد عاندت وياها وما اشيلو ثكيل .. شنو انهد حيلي كلهم شلتهم..

هو غص بالجاي .. ضربت هيام بتها .. ولج غص ماااي .. .. كمت انا وياها اداعمنا بالباب رحت جبتلو مي ..

واسمعو يكوللها .. يولي هاي فطيره والله بس السان  وهيام تضحك..

انطيتو المي.. شرب واتمدد يريد.اينام واني اكمل لهيام.  بالتفصيل مو مختصر.  وهو كل شوي يضحك...

عاد شال راسو وكال :- يولو راح تضلين تنعوصين على راسي اريد انام..

هيام:- كومي ندخل جوه نكعد..

-طلعت وياها.. اكلج هو على شنو يضحك

-يولي خلي يضحك هذا من صغرو شايل الهم عمت عيني   ما شاف الراحه من وره هالحيزبون..

رحنا كعدنا جوه انسولف شويه وكامت للمطبخ تسوي حلويات عصرونيه (شكر لمه)  واني وبناتها ويانه..

كعد صراع العصر غسل وبدل واكل ويانه شويه ويسولف ويضحك.. صدك ونسه تونست بس ابد ما دحكت بوجهو..

هو يضحك ويدحكلي.. اخر شي كال انه اروح تحتاجون شي ..

هيام :- سلامتك خويه

.. اندارلي.. وانتي حبيبي تردين شي..

- لا .. تركنا وطلع ... للمغرب اعلنو عن رؤية هلال شهر رمضان.. اني كنت عند اهلي اصمو وي باجي ويحيى بس علمود اكعد ع السحور

ويحيى ما يقبل اكعد.. يكول هاي ما تصوم جذابه تريد بس تاكل ف اصوم حتى يخلوني اتسحر وياهم..

ما كل الايام اصومها .. اكثر الاحيان افطر وما اكول لاحد حتى لا يحيى يمنعني من السحور.. لان اعطش ما اتحمل

ف هينا.. حبيت اصوم وياهم عيب افطر كن جايه من غير كوكب .. اكل واشرب وهم ياكلون.. ف كلت لهيام اني اصوم.. ابتسمت وكالت ان شاءالله..

لليل جا صراع.. اني كاعده اطمش ع التلفزيون.. كعد يمي وكال .. :- ها ليون الله يساعدج..

-هلوو .. اندرتلو .. نروح

-عقد حاجبو ..وين

-للبيت

-متضايگه هينا

-لا بس عبالي نرجع

-لازم اشتاكيتي لرزالة الحيزبون  

-ابتسمت.  عصر خشمي ويكول لك بزون تموت على خناگك.  كومي فرشيلي تعبان والله اريد انام. 

طبت هيام:- كوم خويه فرشتلك بالغرفه .. اذا تريد نام. 

-اي والله .. اندار .. وانتي ما تنامين

-لا ما جايني نوم

-براحتج.

-راح نام واني بقيت وي هيام سوالف وضحك وتلفزيون.  لل12 ونص طلع من الغرف عاقد حواجبو كاعد من النوم توضى ورجع طبك وراه الباب حيل  

هيام :- كومي يولي مفجوعه فوتي نامي صراع تضايق ..

-كايمه.. دخلت .. المصحف بيدو يقرأ.. فرشت وردت اتمدد.. قطع ودحكلي..

-ول يابه لو تفرشين يم الباب مو احسنلج حتى بس احد يجيسج باب الفلته موجود ما اتعبين..

-صفنت بوجهو.. تركت فراشي ورحت تمددت بفراشو.. هز راسو وابتسم يكمل تلاوه. 

بقيت صافنه بالحايط.. شويه وفتح الغطا وحشر نفسو .. شال راسي ومد ايدو.. ونام..

-يلزعلانه كللنه بويه بيا طريقه ترضى.. حتى نراضيك..

-ابتسمت واندرت الو .. تحجيلي كلشي ..

-امري شحجي وانه خادم ..

-شسويت ابغداد..

-يولي والله شغلي ابغداد ما رايح اتونس انه

-هاااه وتنكر عجل والرساله لهاي  ام مصطفى ..

-لا يابه عليش انكر خايف منج   بس بالله مطلكها صارلي شهور بس خابرتني علىمود عملية ابنها ومحتاجه فلوس وخابرتني تبجي وتكول حتى لو دين..

سألتها شوكت عمليتو كالت بعد 4 ايام.. جاي احجي انكطع الخط دزيتلها عكب باجر اجي لبغداد ويصير خير..

من رحت مريت للمستشفى المنومه ابنها بيها انطيتها فلوس وطلعت.. وهاي الله وكيلج بعد لا شفتها ولا حجيت وياها..

من خابرتيني انتي بالله العظيم انه كاعد وي جماعه ما رديت.. اترخصت منهم وطلعت اخابرج.. شو لكيتج مطنكره..

لا وتكليلي عساك ما ترجع.. اكو وحده تدعي على رجلها هيج.  بشنو مقصر وياج انه وتتمنيلي الموت..

-اني احبك والله بس من اصير عصبيه اكوم اجفص. 

-زين جفصاتج ذن شوكت يخلصن..

-ليش اتزوجت ام علي

-احم غيرت الموضوع..

-شو محد.يدري بيها اهلك ولا واحد..

-زواج عرفي .. هي مره ارمله وانه رافض فكرة اجيبلي مره واحطها ابيتي تعبت من النسوان بس بطبيعتي مثل اي رجال احتاج. 

فتزوجتها وامها تدري بالسالفه .. اني اصرف عليها وعلى اطفالها.. بالمقابل هي .. زوجه بدون حقوق..

-بس هي ساقطه..

-هششش لج شو صاير السانج زفر..

-منك نتعلم

-كص السانج.. بويه انه رجال عريف وشغلي كلو فشاروغلط ومصايح وجنود .. والساني ماخذ بهلطبع. 

انتي من تفشرين ...

-بستو قبل ليحجي.. فتح عيونه حيل ورفع حواجبو ..

-ول يابه اليوم تتحرش.. شوووو .......

فاتت جنات بت هيام.. فز بسرعه.. ها خالو ...

-خالو انت تصوم

-عجل يابه كفار قريش يا خالو انه دروحي

-طلعت... رجع... طبت.. خالو يعني نكعدك ع السحور لو انت تكعد..

-كعديني خالو كعدين بس عوفيني يرحم ابيج

-طلعت .. شلون بلوه هاي.. جر الغطا .. وحس الباب انفتح .. شال الغطا ولكاها ساحله بطانيه..

-خالو جبتلكم بطاطيين ..

-من اشتعل شيب خالج ارييييييييد اناااااااام..

-خربت من الضحك.. وهيام مناك ضحكت وتصيح ولج جنااااات وين فايته عليهم شعندج تعاااي ..

قفلت الباب.. اني حطيت راسي بصدرو وبعدني اضحك. 

-ضحكي فطيره ضحكي خرب حظكم اي والله 

-بقيت حاضنتو  وغفيت .. هو باقي محروم الرگب يشيل بشعري من ركبتي ويشم ...

نايمين واندكت الباب .. هو فز بساع وكام بس اني تكاسلت غسل .. واجه يمي .. كعدني.. :- يولو تاكلين

-لااا

-عجل ما تصومين باجر لا ماكو سحور

-بساع فزيت كمت طلعت.. هو يضحك.. دحكت هيام شايله الصينيه هو كعد.. واني كعدت كبالو منعسه كلش عين مفتحه وعين مغمضه توني نمت وكعدوني..

-ول يابه ما تعرفين تغسلين وجهج كبال لا تكعدين

-دحكتو بتك عين .. لا والله ما اعرف علمني

-هههههه بالله شحجي وياها.. دصبي جاي بويه خل نتسحر..

-اخذت القوري واصب ما احس الا ضربه على راسي

-هااااا

-يولي دحكي شدتلوصييين

-دحكت صابتلو بصف الاستكان وغافيه واني اصب.. وهيام وجهالها يضحكون وهذا علي جرني تصنيف هو صراع..

.. تركت السحور وكمت .. صاحت هيام.:- يولي يتشاقون وياج حدري كملي السحور

-ما اريد.. رجعت جريت بطانيه ونمت بفراشي.. شويه وفات هو صاح

-اوووووو ردت طنكرت وتعال جيب اليصالحها

.. جا وحشر روحو بفراشي ونام وراي.. :- يولو شبيج تتمزعلين

-ما بيه شي.. بيه الموت الياخذني

- تغيرت ملامحو من الضحك للجديه.. يولي ليش ما تحجين عدل لا اعدلو الحلكج الاعوج..

براحتج بويه زعلي 

-سحب الموبايل مالتي وفتحو.. هاااااه ومحمله الفيسبوك.. انه شگلت

-لا تكبرها ما عرفت اسوي حساب .. ونسيت امسحو

-وعليش حملتي

-اندرتلو .. شو كلهم مسوين حساب بس اني ليش شنو تشك بيه

-لا يولو والله اخاف عليج بيه ساقطين جثير

-واني اشنو دخلي بيهم.. حملتو البارحه من وراك

-وليش بويه من وراي

-ما عندي رقم خالو واعرف صفحة ابن خالي كلت يجي ياخذني واخلص..

-تعدل وكعد.. شنو هلحجي ليليان.. شو جديد.. ابن خالج منو

-ما جديد.. ابن خالي كبل جان رايدني .. بس اني ما احبو .. فردت حسابو حتى يجي ياخذني منكم ويخلصني ..

جرني وكال كعدي احجيلي شدتخرطين

-والله حجيتلك بس الاعرفو .. بعد شنو احجي خلصت

-شسمو هذا ابن خالج

-حنا .. عمرو 21 سنه طالب جامعه .. وما احبو لان ابيض وعيونو زرك واحسو مايع.. ما قبلت اتزوجو

ماما جانت تريد تجبرني عليه بس من صارت سالفة اخوك.. اهلو منعوه يتزوجني وخلصت منو

-وهسه تردينو مووو

-لا .. ولا اريدو بس ردت يوصلني لبيت خالي

-امنع منج الموبايل ليليان.. شسويلج انتي..

-ليش ما خابرتو ولا جا والله ما عندي شي وياه   .. حسيتو زعل.. طر الموبايل على الفراش وكال لو جيت ولكيت برنامج بتليفونج اكسرو فوك راسج والله  

-صرااااع.. لحظه   زعلت

-دوخررري.. جريت ايدو.. اني صوجي حجيت.. كضبت ايدو.. والرب عمري ما حلى بعيني غيرك  ولا دحكت رجال ودكلو گلبي بس من ادحك طولك والله اكوم ارجف..

تنهد.. حسيتو رخى.. حظنتو .. بس ما اخذني بأديه.. رفعتلو راسي .. انت جيت وضربتني وشكيت بيه متحظره لغيرك..

بس اني تحظرت الك.. ما احب تزعل مني والله وجنت حاب اصير يمك وانت تسوي اليعجبك بس ما تزعل  

-دحك عليه وعقد حاجبو .. هاي شوكت

- بيوم الخابرتك.. واتفشلت لما كالت الحجيه هو ابغداد وجنت معتقده انت يم هايه   وخابرت ردت اغلط واطلع اعصابي لان ما تعرف شحسيت وقت اللي فشلتني وما جيت

-لو كايلتلي انه ما اروح.. جان حولت فلوس بالصيرفه وبقيت يمج. وانعل ابو الشغل

-هذا اللي صار  تراجعت وما خابرتك خفت اجفص ويكبر والزعل بيناتنا بس صراع اني احبك والله وانت ما جاي تفهمني

-شنو الما جاي افهمو .. ليليان جاي ادوس على نفسي واتركج على راحتج .. بويه غيري والله ما يتحمل بس انه اخاف اقهرج 

واكول مراهقه وطيشها يحكمها ساعه الين وساج وساعه اشد.. بس انتي مجاي تفهمين.  وكل ما جالج السانج يطول و ومشاكلج تطول وياه..

-شسويت

-شسويتي ؟!!! اقل شي موقفج هاذ وي ام سعد.. تتلاسنين وياها ليش.. كالتلج شيلي كليلها تدللين عمه بس اشرب مي .. افوت اصعد لغرفتي واسدها وما امشي بشورها بس بأسلوب 

واليحجي وياج كليلو خابرت صراع وهو يجي يتفاهم وياكم.. جان كبرررت؟!!! .. ترحين تتجاوزين وتكليلها لو تطلع نخله براسج وهي بكد جدتج.. يصير ؟!!!

انه ما اريد احاسبج اكول خطيه جانت مصلوبه بالشمس ما ازيدها.. بس السانج يابوي كصري  

...ديحجي دكت هيام الباب..  :- راح يصيح امساك خويه

-لا تصومين باجر .. تجوعين وينزل دمج..

-لا حابه اصوووم وياكم عفيه.

-ابتسم باس راسي .. :- عجل لحكي اكليلج كم تمره واشربي اي ..

ركضت للمطبخ .. اكلت تمر ولبن وشربت.. صاحو امساك.. كال انه اروح للجامع غاد اصلي ومناك اطلع لشغلي. 

.. اني تركتو غسلت ورحت نمت.. لثاني يوم فتحت عيني ب1 الظهر .. البيت هدوءءءءء .. لا ام سعد ولا صياح ولا ابد..

طلعت هيام من السحور مخلصه شغل وكاعده تطمش.. دحكت هاا صحي النوم..

-هلا

-شسوي ع الفطور

-بكيفج

-برياني لحم وباميا وشوربه وحلاوة حليب .. كافي ؟؟

-حتى لو بيضه بدهن كافي يمعوده..  قابل شكو

-لا يولي رمضان شلون يصير ..

-بقينا للفطور صبينا وكعدنا نصفن ننتظر صراع كال اجي بس ابد ما بين .. عاد كالت اكلو شكلو خالكم ما يجي..

لل9 يلا فات.. وبيدو علاكة باكيتات زنود الست وبقلاوه وكنافه.. اني مندمجه ابرامج رمضان. 

كال كومي صبي الحلويات .. كالتلو هيام..

-جيب خويه انه اصب بس شو تأخرت انتظرناك تجي ما جيت  

حجت وراحت للمطبخ.. وهو يحجي بصوت مسموع.. :- والله فتت على امي باركتلها تعرفين ما ترتاح اذا ما اتشوفني كبالها وتباركلي. 

هيام:- جان جبتها وياك

-تعرفيها امج تطلع.  تجي هينا راسي وعظامي واطلعلج الف حجه حتى ترجع..

-شلونهم ابوي شلونو 

-بخير بيت عمي صالح هو ومرتو واخلاص وحماج السكط فطرو عدهم اليوم..

ليليان:- اني اطمش بس اسمعو ... من كال اخلاص اندارت اذاني وحدها 180 درجه..

هااا ومن هاي ما جا والله وطابتلو يفطر ويتمضحك وي خلوصه. 

كمت ضجت.. فتت للغرفه.  صاح :- وييين حدري اكلي حلويات

-ما اريد.. فتت .. شويه وفات وبيدو ماعون بقلاوه.. اني على موبايلي.. جرو مني

. دحك بيه.. انوب قفلو وزتو وكال كعدي اكلي

-ما اريد

-يولي هم زعلتي منين ضايجه ولا تجذبين مايلوكلج الجذب .. حلاتج بالتغريد.. غردي بويه خل اسمع

- تعدلت و كتلو .. ليش ما جيت فطرت هينا حلتلك الكعده وي خلوووص موو

-بيدو البقلاوه وصفن ..:- شنو .. بالقران شاخطه.. واصلا الكعده يمج تكصر العمر وبس محاسب اكوم اشرفلي

-اي اي كوم روح لام اعطوب خلوص ام حثل

-اندار وحابس الضحكه.. ول يابه شدترطنين ابخت محمد عطوب شنو حثل شنو

-اي مو رحت اليوم كابلتها وتفطر ما عجبك تكابلني

-بالحرام عقل جهال.. ول يابه بالقران لا شفتها ولا شافتني .. فتت ما دحكت بوجه احد.. بست راس امي وكعدت شويه يمها وطلعت فطرت وي جماعتي..

-هااا .. ما حجيت تفشلت .. تقرب ..

-شلون وي غيرتج انه.. المشكله احبها ما اضوج منها  

-عجل تحملني مثل ما اني متحملتك بويه ..

-ههههههههههههههه شلون عيديها بربج   بويه

-بوووويه

-لك انه اللسان الطويل ميت بي شو حدري......

ابتعدت منو على اصواتهم يم الباب   تعدل وكتلو تالي حنضل هينا  

-لا اليوم دورت بيت بس ماكو لا بيع ولا شرا.. الناس خايفه والعقارات متوقفه يا ساعه اتفوت داعش والناس تتهجر .

-عندي بيت ابغداد نكعد غاد تقبلين

-لاااااااا ما اريد بغداد..

-هههههههه عجل صبري بس الكه بيت ونعزل.. والمشكله باجر انه طالع واجب

-وين

-لديالى

-وووو وشوكت ترجع

-فد 3 ايام 4 ..

-وصيت صديقي على بيت بلكت يلكالي وننتقل انه هم مليت ليليان ما بس انتي

-بس عفيه لا بيت جبير .. كلش كلش بيه 3 غرف .. حتى لا اتعب بتنظيفو ولا احد يلزك ويانه ويعيش لا بعت البيت هذا

-بيت اصغير ما اشتري عمامي وخطاري جثيرين   ولو واحد راد يجي وياي من اهلي قابل امنعو   

- عجل ما سويت شي نفس هذا الطاس وذاك الحمام..

-ليليان انه ما اكدر اترك ابوي .. رجال جبير منو يشل كبرتو غير انه ابنه الجبير.  اتركو السعد يشبعو ضيم بالتقحط مالو .. ونائل ما يعيش عندو..

هو اعتمادو علي انه ما اگدر اكسر بي.. ومتحمل حرمتو الوكحه كل هلسنين لخاطرو .. الا شجابرني اتحمل لو ما هو..

وانه اكدر اطردها واضل بالبيت بس مثل ذيج المره واحسو يتيم بلياها ما اتحمل.. قهر ابوي يوجعني

-اكلك هو انت منو مفكر بيك حتى تفكر براحة العالم.. كلمن عندو فلوس وبيوت ويكدر يعيش الا مشاكل وكعده على كلوبنا اني ما اتحمل مرت ابوك..

-والله عاد شسوي ذول اهلي ليليان وعار اليترك اهلو لجل حرمتو ما ترضى بيهم.. كطنه وشيليها من اذنج لو رادو ما اكلهم غير الهلا بيكم  

- عجل لتشيل ولتعب نفسك ولا ادور .. حجيتها وكمت طلعت بره .. شلون سالفه يربي ما منهم مهرب الحجي ما يكدر بلا صراع وام سعد لازكه بالحجي

هو بدل ونام.. واني بقيت اودي واجيب ابالي .. الله شورطني بهلعائله.  ما اخلص منهم..

لثاني يوم هو طلع واجب .. وره يومين اجه الحجي والحجيه حجو على رجعتنا .. ما حجيت حسيت السالفه فالته ..

كالو لهيام خابري صراع وقنعي ناخذ مرتو ويانه.. خابرتو ما قبل .. اخذا الحجي الموبايل وبقى يحجي وياه ويقنعو ..

وكالو بويه اخذها مني لو ام سعد تعرضت الحرمتك مرة لخرى انه بنفسي اطردها وما اخليها بعد بس بنفس الوكت حرمتك تكضب السانها وتحترم..

هو يحجي بالموبايل والحجيه وهيام اخذوني للمطبخ دك نصايح مغلفه  برزايل ..

اخر شي كالت الحجيه يلا لبسي .. كتلها صراع قبل اروح..

-مالج غرض بصراع .  لو حجيت انه واخذتج ما يحط علحجايتي حد.. كومي..

.. عاد بعد شسوي لبست وطلعت وياهم سلمنا وصعدنا للبيت والطريق الحجي والحجيه ينصحون وكن ماكو شي وتسلمين على ام سعد بلا مشاكل

ورجلج تعبان ولا تزيدين عليه .. ومن هلحجي....

دخلت ام سعد ونائل و نور بالهول سلمت عليهم كلهم وصعدت لغرفة صراع اطمش ع التلفزيون للسحور نزلت ب2

اني ونور حظرنا وكعدنا نسولف وكن ما صاير شي واني هم بيه حاله انسى الزعل بسرعه وانطلق بالتغريد على كولة صراع..

للصبح جا صراع .. اني بالغرفه نايمه.  هو دار وجهو عني ونام.. كلت هذا شبي .. بس لا زعلان..

تقربت يمو .. صراع صراع صراع

-ها ها ها بدت اللغوه لا حول لله

-شنو زعلان

-لا بويه عليش ازعل بس تعبان اريد انام

-عجل مد ايدك خل انام..

- يولو نفطر نامي عني خل انام عطشان  

-تقربت منو حطيت راسي على راسو وحظنتو وردت ارجع لنومي جان يكول

-اشتعل شيبهم

-منو ..

-فد ناس خلفو وحده ابتلى گلبي بيها

-ههههههه كمت اضحك واني ضامه راسي بركبتو  

-يولو ما تستحين تتحرشين بزلم العالم.. كضبي حالج بويه ويواشج عني

-ليييييييش هههههههه.. جريت ايدو غصب واندار نمت عليها.. باس راسي وغمض. 

ل12 .. كعدنا اثنينا هو راح توضى واني نزلت شكو شغل .. لفينا دولمه وجهزنا الفطور .. جا نائل العصر كال هاي عجينة كيلوين كباب ..

الكببچي بعد ما يلحك يصورها ويشوي .. انتو اشووها  

كلنالو ماشي .. ام سعد مريضه نايمه ما ادري شبيها غده مدري سرطان يارب .. المهم مريضه..

ف عمتي هي الواكفه ويانا ع الطبخ.  كالتلي ملحي عجين الكباب.. اني هم اخذت حفنت ملح من الكاسه و ودعكت بيه العجين..

جان تكول نور للحجيه.. عمه خاف تكولون منو كسر شيشة الشكر انه انكسرت بيدي بلا ما اعرف مو تحجون..

ردتها عمتي يلا ييمه شو هي اوادم جاي تروح بالجمله ونتحسرلنه شيشه  ..

-اي املج حتى تعرفون.. لا عمتي ام سعد.هم بعدين تحجي وهاي خليت الشكر بالكاسه..

...... اني كالت هيج فتحت عيوني حيل .. ااا نور يعني هذا شكر..

-اي عيني ..

-لا حرام اليوم انكص راسي رحت بيها.. وعجين كيلوين ينذب بالزبل .  غير ام سعد تكعد من مرضها وتلطم لطم حداد.. شيخلصني

كبل صعدت لصراع حافيه.. فتح الباب وهو نايم وصحت ....  صراااااااااااااااااااااع

اكعد الحك صرااااااااااااع ..

-هاااااااا شكووووو طبنا داعش... فز من نومو هي فز هي وكفه على طولو ..

-يا داعش مصيبه صراااع مصيبه .. ادحكلو  بس بالشورت ويركض بالغرفه..يريد يدور شي يلبسه اندار راسو وداخ وهو هسه كاعد.فاز من نومو ..

واني دنكت منو واكلو البس والله عيب ..

-ولج امي بيهاااا شي .. احجي شصاااااير .. جر البجامه ولبس ويكول ابوي بخير شجالهم...

-هو انت ما تفكر بغير اهلك .. المصيبه بيه بيه صراع مصيبه .

-بالقران راح ادفرج شبيج بويه احجي .. شصاير .. شفتو عصب ..

-كتلو الحكني الكباب راح

-شنووو

-خليت شكر بدل الملح ع الكباب 

-وانه شنو مكعدتني

-يول غير انته زلمتي انقذني الحجي يشويني بدل الكباب كووووم فدوه..

-ليليان تحجين صدك على هلفزه جان گلبي وكف اكو احد يسوي سوايتج. 

-مو وكت سوالفك والله بس الحكني لا يعرفون..

-دنزل انعل اليوم الشفتج بيه الله مسلطج على راحتي .. جان انجلطت مكوكتني عل  الكباب. 

نزلت منو .. حسيتو صدك عصب.. شويه ونزل وراي فات للمطبخ ..الحجيه واگفه .. وهو عاقد خواجبو مكعدينو من نومو كوه..

الحجيه:- يمه هلا بهلطول وراعيه.. من رحت سبع فدوات الطولك ييمه هسه تكحلت عيني من اشوف طولك بكبالي بالبيت..

بس فك العقده وابتسم وباس راسها وكاللها يحفظج الله يمه..

-اي للحجيه يضحك واني بس اشتعلو وانعلو..

صراع:- شنو الفطور يمه 

-عمت عيني يمه جوعان..

-لا سالمه عينج يمه  بس جاي اسأل خاف محتاجين شي

-خير وبركه يمه دولمه وكباب و شوربه ووحلويات وشوربه ..

-هذا الكباب شو ما مشوي..

-جابو نائل ما يلحك بعد..

-مد ايدو ع الكباب.. حاطيلو ملح.. اندارلي واشر عود كولي لا..

-كتلو لااا

-اشر ع الكاسه .. هاي .. هزيت راسي .. اي ... اخذ حفنة شكر ودعك العجينه وكاله هاي حطيتلو كامل بس اشوو ..

نور:- ياااا ابو حرب هذا شكر ما ملح..

-لااااا صدك.. يلا بعد انجازو ذبوها عجل..

اندار يغسل بصابون.. وصرخت الحجبه

الحجيه :- عزا العزاج ليليان يلفاهيه مو كتلج ملحي احسن هيج خرب..

-نسيت شصار يا امي  وبعدين ابنج خربه قابل اني..

اندارلي وهو يغسل اديه ومفتح اعيونه  حيل ودنك يهز راسو ..

والحجي فات .. عرف الكباب خرب كام يحوم  ويحجي شلوون كرش عريف شلتاغ اليوم ما ياكل كباب

وسمع راح ينذب .. صار كنو ابو غالب اباب الحاره يمشي ويحك بظهرو ابو كرش

والحجيه تصيح حرام والله حرام خرب هللحم..

صراع:- شصار يا يمه هسه انه اطلبلكم.. جان محمد ابن سعد عدنا بالاستقبال .. انطاه فلوس وكالو تروح ع المطعم تجيب كيلوين كباب مشوي وكلو لعمي ابو حرب بساع..

والشكر للرب عدت وما حاسبوني .. خلصو الفطور كلها طشت.. اني فتت لغرفة الحجيه اطمش ع المسلسلات. 

فات نائل جايب جرزات.. وخلا كبال الحجيه.. كالتلو .. عليمن كلفت حالك ييمه حتى ما عندي اسنون واكل

-هاي بعد ما اكدر اشتري الامي وانساج صرتي كبالي وجبتلج..

-الله يرضى عليك وليدي ويرزقك بولد يارب يشيل اسمك.. بس راسها وطلع..

صاحت ليليان كومي جيبيلج صحن اصبلج واكلي ودحكي .. رحت جبت واجيت..

وكاعده مندمجه اموت على برامج رمضان.  شوي وفات صراع من صلاة التراويح ..  جايب داطلي للحجيه.. شافها نايمه بس باس راسها..

واندارلي .. ها ام الفواين.. خلصن فواينج وكعدتي ادحكين

-مكروده شسويت.. لو ما انت تسوي المصايب وتكلي ام الفواين

-هااااه هيج صارت..

-حبيبي انت شو اكعد خل اسمع المسلسل ..

-زين عزمينا نكرز وياج وندحك..

-سويتلو مجال وكعد يمي.. جر علاكه وحطها بيناتنا وكعد يكرز و يدحك وياي ..

اني بيا عاده من اكرز واندمج بالتلفزيون اكوم اذب اكشور كدامي بالكاع اسويها هوسه وبعدين الم   ..

صراع يكرز ويحط بالعلاكه.. اندارت الحجيه .. كالتلو ها يمه اجيت

صراع:- اي يمه وهاي جبتلج داطلي اعرفج تحبي

الحجيه:- يااا ولج عزا العزاج هاي شمزبله يولي

... دحكت صدك شنو هاي شمسويه اني

الحجيه:- والله ما صوجج صوجي انه الصبيتلج

-شبيج حجيه هاي ما اني صراع يكرز ويشمر ما تصيحين بابنج كدرتج عليه..

ادحك عليه .. مصدوم وموكف الحب بحلكه.. نزل ايدو وكال ...يولي  اني !!!!!

-يله حبيبي ما صار شي الم وراك شسوي بعد

-يولي منو جاي يذب الكشور

-اووو حبيبي لا تكبرها عمي اني اني بس لا تضوج

-يمه والله ما اني هي .. ام الفواين انوبه هاي هم تنوميها براسي. 

الحجيه:- مكصوفة الركبه فوك زبالتج تجذبين وتزتيت براسو للرجال..

-عض اصبعو ويكول انه صوجي .. اخخخ احجي هااا احجي ام الكباب..

الحجيه:- يا كباب

-هااا احجي لو اسكت..

-خزرتو .. حبيبي خل اسمع المسلسل طار نصو وانته بس تحجي

-هاااااااه وفوكاها ... عجل دام المسلسل طار صعدي جيبلي تراك قيدتني الدشداشه..

-بس اكمل

-ماكو صعدي بساع ام الفواين

-صعدت جبتلو وانطيتو جان يكول ياريت لو تحميلي العشا تره ما فطرت خلصتها عصاير ولبن

-اووو بس اخلص المسلسل شبيك..

-شال الريموت وطفى.. صرخت لااااااا وكمت اتلاوى وياه وهو يرفع بالريموت وما الوحو .. واطفر اريد اكضبو

-ام الفواين بدل ما واكفه تتلاوين جان حميتي وخلصتي. 

-بس اخلص المسلسل فدوووه..

-ابد .. تلكي خلص روحي .. يحجي وراف اديه قرقرتو .. دفعتي كمت اقرقر بيه..

جرني من شعري ويريد يبوسني .. ياااااا وخر الحجيه منا . هي دايره ظهرها وهو يتكاون وياي ويريد يبوس

لحد ما باسني وبقى معلك راسو واني ادفع بي لا تنتبه الحجيه .

الحجيه:- جن خلصت المستحى قليلييين الادب.. حجت وهي نايمه ووجهه للحايط

-دفعني وهو يضحك.. عاد شردت من الغرفه من وراه   واضحك.. وافكر بالموقف خرب ببليسو.. شكد ما يستحي

فات نائل كال اذا الاكل لصراع حطيلي معلقه اكل وياه جوعان..

كتلو تدلل..

خليتلهم الاكل وبقو سوالف وضحك للسحور يلا طشينا ونمنا..

ثاني يوم.. كعدت الكليه مالتي اذتني.. لان اصوم واقطع المي والحجيه تصيح فطري .. كتلها لا عادي اتحمل

لشوي اجت نور وجايبه التوم ملقحتهم هي ونائل ويبجون.. عاد الحجيه كالت النائل خذها عد اهلها ذوله اليوم ثنينهم يصخنون وهينا صخره وعيال تريد..

خلها ترتاح عد اهلها.. ما مانع كال يلا.. لمت ملابسهاوملابس التوم وراحت..

تشكل البيت براسي وحلا ما تنزل ابببببد تكعد وي الفطور تفطر ولغرفتها ع التلفزيون .. وعدها موبايل سري شفتو صراع ما يدري بي

جايبتو من طلعنا اني وصراع عد هيام بقينا. 

بقيت بالمطبخ طلعت روحي من 11 ل5 على نفس الوكفه.. لان عمتي سوت مقلوبة دجاج و  كبة جريش وضلت الظهريه كلها بيها..

اخر شي راحت نامت وكالت فوري مي و اغليهم.. ام سعد خلصتها مرض كوه تطلع وبعد ما اندكت بيه من رجعت ابد.. مالها شغل. 

بقيت بالمطبخ شوي ورجعت الحجيه تتأكد.من الكبه فاتت حلا .. زكحت بيها الحجيه بس نايمه وهاي مريضه كليتها هايجه عليها..

وانتي عروس ما تتحركين .. باست راسها حلا وكالتلها لا تزعلين راح اسويلكم اطيب كاستر..

ابتعد الحجيه عنها بنتر وراحت نامت اني بقيت واكفه احظر الكاسات وي حلا يعجبني ادحك على تحظير الحلويات..

شويه وكالت ليليان ضلي خوطي بس تثخن صبي بالكاسات بس ابعث جلي.. وانطيني حجابج شويه..

اخذت حجابي وطلعت.. وبقيت اني احظرهم ومستمتعه من اسوي اصب الحلاوه. 

شو شويه وفاتت تركض لغرفة الحجيه وبيدها علاكه سوده وطلعت بساع.  ذبت الحجاب عليه وشالت جيس الزباله..

وكال اني اني اكمل بس طلعي بساع شمري هاي الزباله خنكتني.. انطيتها الجمجه  ولبست الحجاب وطلعت  

ذبيت الزباله وشفت الباب مفتوح.. جاي اسدو .. جان يفوت صراع حيل .. العصبيه حاركه عيونو  

بساع كضبني من ايدي .. شعندج هينا والعلاكه السوده وينها ..

-ذبيتها بالزباله شبيك

-شعندج ماده راسج من الباب .. حجه وهو يدور بالزباله ..

-ما مادتو جيت اسدو والله

-جرني من ايدي ومشى بيا للبيت وصاح يمممممممممه .. طلعت بساع كالتو يا ستار .. شصاير

ليليان جانت بره وماده راسها من الباب لو لا..

-والله يمه ما ادري انه فتت ارتاح

حلا:- بابا اني جنت نايمه ونزلت اسوي كاستر بس ليليان اخذت جيس الزبتله وكالت راح اذبها بس ما اعرف فتحت الباب لو لا

-بس حجت هيج صعدني جر فوك لغرفة عابد.. دخلني وكف اردناتو وكال..

-دحكي ولج تحجيلي شعدج طالعه وماده راسج من الباب وعادل شنطاج بيدج والعلاكه وينهااااااا

-يا عادل صراع ما مديت راسي والله

-لج هاي هم كشور لو كباب وتجذبييييييين انه دحكتج بهلحجاب ماده راسج وعادل رجل اسماء واكف ويحجي وياج..

ولج انتي ما تخافين الله بياااا شمسويلج وتردين تكسرين بعرضي ساعه تردين تشردين وي ابن خالج وساعه تواعدييييين اباب بيتي

احجيييييي شعندج وياه احجيييي............يتبع

☆☆☆☆☆☆☆

#زينب_ماجد

اسفة ع التأخير بس البارحة انتظرت ل2 ونمت لأن وراية دوام

#مراهقة_و_الأربعيني

،،،،،،بقلم زينب ماجد،،،،،،،

الحلقة_42

-صراع ما اعرف والله ما مديت راسي شبيك..

-لج انتي جاي تثوليها علي لو شلوووووون.. العلاكه وينهااااااا  

-شسوي بيها العلاكه غير ذبيتها بالحاويه

-لا تجذبييييين انه دحكت الحاويه ما بيها احجي شعدج وي عااااادل واكفه اباب بيتي  احجييييي لا تذبحيني احجي ..

-ما وكفت والله اني اجيت اسد الباب ما طلعت .

-ولج انتي جاي تجذبين علي .. انه بعيني شفتج..

كضبني من شعري حيل .. تحجين لو اذبحج والله

-اكلك ما طلعت دوخر ايدك وخرررر..

بمجرد ما حجيت .. جابني بكف  ما اجه على خدي صار بوجهي.. على خشمي خلى الدم يجري ..

وهو يصرخ صاقطه تخونينيييييي ولج اباب بيتي حقييييييره ويامن وي رجل اختييييي .. ويعت بشعري ويضرب راشديات ويصيح

احجي لا تجذبين علي احجيييييي

صايمه ومريضه  وخشمي نزف . انسليت من ايدو ووكعت..

ما فقدت بس بقيت بين الوعي و الاوعي .. احسو يكسر ويدفر يمي ويضرب بالباب.. طلعو الحجي من الغرفه...

وانقفلت.. بعدها هينا فقدت... ما حسيت غير على غرفه ظلمه حيل بس الضوه الليل الخفيف حيل من الشباك ... يكاد تحس ان انت بغرفه ممبين شي ..

اني من صمت عميت على نفسي اتأذت عندي الكلى .. كامت تجف.. واني عندي رمل والتهابات وصلايب ..

وهينا يعني ما اتحمل ابد.. لازم كل شوي حمام بسبب الرمل والالتهابات .. لو قطره تصير عندي بالمثانه لازم استخدم حمام لان الكلى متضرره..

فكعدت على وجع يذبح.. حاولت افتح الباب مقفول.. كمت احك رجل برجل اريد حمام ما اتحمل ..

كمت ادك بالباب واصيح ومحد يفتح.. وادحك بزوايا الغرفه بخوف من الظلمه..

كوه مشيت فتحت الشبابيك ما بيها بردات.. صوت الجامع يصلني خفيف يصلي التراويح..

ادحك للبيت جوه.. ماكو بيت الغرفه مسلطه ع الشارع شباكها ما ع الكراج..

احس الكلى راح تكف عندي راح اموت من الالم.. مشيت رجعت كوه ادك بالباب واصيح فدوه فتحولي بس اروح الحمااااام..

احس وجهي مدبك من الدم الجرى من خشمي .. و وجع كليتي ذبحني.. والعطش موتني احس حلكي مرار.. ادحك بغرفة عابد الظلمه. 

وابقى العنو الف مره على المصيبه اللي حطني بيها ومات .. لو ما وجهك يا نكس كان اني بخير عند اهلي..

كمت ابجي حيل الوجع بعد ما اطيق اكف على حيلي اريد حمام انحصرت حيل .. بالساعه ومحد فتحلي..

ما اتحمل .. بللت نفسي.. بس بنفس الوكت كرهت روحي حييل .. وضعيتي صعبت عليه ما اكدر اتحمل بعد..

كعدت ابجي حيل.. شنو ذنبي انضربت.. ما سويت شي والله اني ما طلعت... بقيت افكر بالسالفه.. وليش ضربني

اتذكرت يكلي علاكه وماده راسج.. كمت اجمع من حلا اخذت حجابي وكالت اطلع ابعث جلي وطبت تركض بيدها علاكه سوده فاتت لغرفة الحجيه..

وبعدها بساع نزعت الحجاب واطرتو علي وسخرتني ع الزباله بسرعه ما عرفت شنو الصار بس اكيد هي السبب

حتى جذبت كالت اني جنت نايمه ونزلت هسه اسوي كاستر نكرت هي طلعت وجابت علاكه بيدها...

شويه وكمت اسمع صوت مكاون هيام وصراع وصوت عالي ما كمت من وضعي الكسيف..

بس المكاون ما اسمعو عدل الكلمات ما تصلني بس الصوت العالي. 

.. لشوي .. سمعت طكة المفاتيح مال الباب جاي ينفتح   بقيت ادحك واني كاعده..

وصوت هيام وهي تصيح اي يمه ايييي.. وفاتت.. ظلمه.. حاولت تفتح ضوه وهي تصيح ليليان .. . ما انفتح الضوه عاطل والغرفه متروكه..

كمت ابجي وكتلها هااا ام علي

ولج وينج...جرت موبايلها من جيبها وفتحت اللايت.. دحكتني ابجي وهذا وضعي ..

انفجرت ابجي حيل وكتلها ما اني والعذراء حلا هي الطلعت وذبتها براسي ما اني والله..

-ول ماما اسكتي هاي شمسوي بيج حسبي الله ونعم الوكيل كومي يا امي كومي

-رادت تكومتي ما كمت.. الله عليج ستريني الكلى مالتي مريضه وما تحملت بللت نفسي..

كعدت كابلتني وبجت.. مسحت دموعي وكالت بالقران لا ما اهجم عليهم ما اطلع انه مره..

كومي يمه كومي.. وكفتني وطلعت تسب وتغلط عليهم وهي ماشيه .. جابتلي هدوم من جوه وصعدت وهي تتحسب عليهم

وتصيح الله يطلع حوبة هليتيمه ان شاءالله مع الاسف عليك هيج تظلمها .. ما دحكت الكح... بنتك شمصخمه براسك وتزت براس هاي المكروده..

وفاتت عليه.. مشتني للحمام.. نزعتني اهدومي.  وعلكت ملابسي وهو دك الباب حيل ويكلها ..

ما بس طريتي الكلمه ودرتي وجعج طلعي فهميني حلاااا شنو وشمصخمه.. .

تركتني هي وكالت سبحي.. طلعت من الحمام وكالتلو انزل وانه اعلمك ادروب بتك..

كمت سبحت اني وطلعت من الحمام.. اسمع حلا تصرخ والله ما اني طلعت هاي الحقيره تزتها بىاسي هاي عود انتي عمتي وتصدكييين..

نزلت جوه.. وهو متخصر وهيام تتصايح وياها والحجيه تهدي..

:- ازل ما دحكتني صاحت مسمومه حقيره انتي بس تردين تزتيها براسي وتخلقين عداوه بيني وبين ابوي ..

وهو كام يصره ويسكت بيها ويكلي صعدي فوك بسرررررعه.. ما درتلو.. مشيت للكنتور مالها...

هي بساع دفعتني وتكلي شتردين هااا شتردين.. درت وجهي لهيام وكتلها.. والله هي طلعت تبعث جلي وتركتني اصب كاستر

ودخلت تركض بيدها علاكه سوده صغيره ضمتها بالغرفه..

الحجيه:- صح ... انه اقره قران و دحكت فاتت ضمت علاكه صغيره سوده بكنتورها بس درت بال ما عبالي شي..

حلا:- ما عندي علاكه وهاي تجذب حقيره مسمووومه..

هيام وخري خل اشوف الخانه مالتج

-اكلج ما عندي علاكه بابا جاي يجذبون بس يردوها تكع براسي ..

بساع هو سطرها راشدي وجرها من شعرها.. فتحي الخانه بسااااااع كللللبه ..

هيام:- المفاتييييح وين

-ما ادري بالمفاتيح بابا والله جذابين لا تصدكهم..

طرها بالكاع وصاح هيام فتشي جسمها.. وطلع بره..

هي تتلاوه وياهن وساده نفسها حيل وتصرخ.. وهيام والحجيه يردنها تفك .. كامت هيام من شعرها تجر بيها وضرب على وجها حتى تفك ايدها من صدرها..

بس فكت مدت ايدها بجسمها هاي كامت تكمز ودفعتهن حيل ورادت تشرد وكع المفاتيح بساع من جسمها من جوه ثوبها  

دنكت جريتو بساع هي وكفت تتمالخ وياي وتكلي انطيني.. كضبتها من شعرها وكمت اصيح عليها حيوانه حقيره ترديها تزتيها براسي..

فات صراع جر حلا من شعرها وكاللها وين المفاتيح..

انطيتو لهيام.. وهي تكمز وتبجي بيد ابوها وتتوسل بيه وتبوس بيدو وتكلو بابا فدوه وبابا فدوه..

هو كاضبها ويدحك ع الخانه واحس النار تفور جواه.. طلعت هيام علاگه من بين اهدومها..

بيها رسالة و ساعه وگلاده ذهب ناعمه خفيفه بأسمها (حلا) .. رادت تفتح هيام الرساله جرها منها .. وما خلاها تفتحها.. واخذ حلا فوك..

الحجب وام سعد رايحين لبيت سعد زياره.. ونائل بره و مرتو عند اهلها.. محد موجود..

من اخذ حلا فوك.. الحجيه وهيام بساع صعدن وراه.. كبل لا يسد الباب وكفت الحجيه ..

كاللها طلعي يمه..

-بصلاة محمد عليك لا تتهور يمه.. ودفعت الباب هي وهيام وحلا كاعده بالزاويه..

جر اسلاحو .. وسحب اقسام..  ويكلهم بعدو عنهااااااا ..

اني دحكتو بهلحاله.. رحت لبدت بالحمام.. واسمع اصراخو يريد يكتلها ويكلهم ..اذا ما اكتلها هسه .. باجر براس رجلها تجيبلها واحد وتكسر وجهي ..

خلوني اعوقها واكعدها بيتي.. شويه وسمعت صوت نائل يتكاون وياه وصراع يصيح وكالب الدنيا ويكلهم ما اسويلها شي جيله برجلها واكعدها

هاي تسود وجهي وهي تصرخ وتبجي وهيام تحجي وكلهم يصيحون .. كوه افتهم عليهم  

نائل اخذ السلاح من ايد صراع ويكلو هاي كدامك هي اضربها ادبها بس لا تعوقها .. يحجون بصياح وكوه ينفهم..

وصراع يصيح ما افهم عليه كلمه.. شيصيح وشيضرب .. نهاها كتل خلا دم يجري من راسها..

الاعرفو الحجيه و نائل اخذو حلا ركضو بيها للمستشفى.. وبقى بس هيام وصراع لاول مره اسمع الصراخ بيناتهم مكاون ..

ما افهم شيتكاونون لان نزلو جوه واني اخاف اطلع وصراع عصبي .. ينهد بيه واتبع حلا للمستشفى كلت استر على روحي بالحمام..

هي تصرخ ما ابقيها عندك وهو يكلها طلعي منا وروحي لبيتج.. لا تدخلين بيا.. بس هذا الفهمتو..

فتحت الباب وكالت هيام امشي ليليااان وياي وجرتني سحبني هو ويكول فووووتي جووووا

وهي تكلو ما اخليها عندك والله انت مو ذاك اخوي صراع نفسو.. وحده حابسها ووحده للمستشفى وديتها .. حاسب اعصابك وشوف وين توصلك..

فات الحجي وصراع يصرخ .. شكد اشوفو عصبي بس مثل هليوم ما دحكت مثل اعصابو .. حسيت فعل حلا جننتو وما عيسيطر على نفسو ..

فوتو الحجي للهول هو ابتعد.منو واخذ موبايلو وطلع بسيارتو

.. هيام جرتني وكالت ما تظلين هينا  ..

-ما يقبل اطلع يذبحني والله

-امشي اكلج مالج غرض بيه..

الحجي:- وين ماخذه البت تركيها يهدئ رجلها ويتفاهمون

-ما ابقى ولا ابقيها والله ومنا وجاي تنسون عدكم بت اسمها هيام  

الحجي:- ولكم بويه شجرالكم شصاير غير نفهم لا صراع يحجي ولا انتم عليش متكاونين. 

-اسأل ابنك.. هاي اذا ضلو وجه يحجي بيه من وره بنتو الساقطه..

لميت ملابسي وغراضي وطلعت وي هيام.. حتى جنسيتي ومستمسكاتي اخذتهم هيام من خانة الحجيه 

مشينا البيتها وهيام تفور عصبيه وتمتم وي روحها وتشحط بيه .. احس رجليه بعد.ما بيهن يمشن..كتلها ام علي فدوه تعبت هذا حدي كليتي راح تكف.. ما اتحمل

:- ليليان امشي ومال تكعدي وصلنا كومي..

اخذتني مشي مشي لحد ما وصلنا.. كعدت بالكراج مالتها .. اخذت نفس شويه وساره جابتلي مي .. واسمع علي يحجي وي امو .. يستفسر

وهي تصيح عليه وتكلو مالك علاقه اطلع منها.. فتت اني وساره.. هي جانت محظره ابرة فولتارين.. بساع شالت ثوبي وضربتني وكالت هسه ترتاحين كعدي..

كعدت شويه ارتاحيت...صبتلي  اكل وكالت اكلي .. وكعدت يمي اطمش ع التلفزيون بس السوالف بكلبها وعاقده حواجبها..

اندارتلي.. واني اكل.. :- ولج اذا عندج ذرة كرامه لا تبقين هينا بعد.. ذوله ذيابه وانتي نعجه بيناتهم وطبيتي بوكر الذياب..

خلصي بروحج وروحي..

-وين اروح الموصل سقطت وامي ما بينه و اخوي داعشي ورقم خالي ما عندي..

-انه انطيج رقم خالج وخابري كليلو تعال اخذني ولا تبقين بعد.. يولي المن متحمله هلعيشه.. يوميه طكه ويوميه جتله.. روحي لهلج خلصي..

ولج بكد فردة النعال مخطوبه وادور معاشك وي رجل عمتها وتزت براسج مصايبها عجل الباقين شراح يسوون بيج..

صراع بنفسو ما يكدر يحميج منهن يركبلج مصيبه وبعصبيتو يبتلي بيج وانتي وياه تضيعون..

شردي روحي لا تبقين..

-بقيت صافنه بوجهه ودموعي تجري

-انه ما متضايقه منج بس كتلج الحكمني بي ضميري بعد بكيفج تبقين ترحين العليه كلتو..

-انطيني رقم خالو اخابرو ما اعرفو

-ان شاءالله..  اخخ يذاك البيت لو عتبت بابو .. ابن امي وابوي يكلي روحي لبيتج ولا تدخلين عجل شنتظر من الباقين بعد..

تحجي والدموع تجري بحركه وتمسح حيل .. مستهضمه من صراع شلون هيج محاجيها.. ما عرفت شلون اهديها كسرت خاطري

كتلها ام علي والله ما يقصد تعرفينو شكد يحبج بس هو وكت اعصابو كلشي يحجي وبعدين يتندم..

دحكت علهي.. ولج كل السواه وياج وادافعيلو .. انتي غبيه

-ما يعرف بحقيقة بنتو وهي زتتها براسي  عبالو اني ..

-هزيت ايدها ودارت وجهاا..

ما اعرف ليش ادافعلو رغم حاقده عليه حقد على الوضع الخلاني بي بالظلمه .. ساعه ابررلو بداخلي وساعه اكول الله ينتقم منو علسواه وارد اكول لا رب لا تسمع لا تأذي بس اني ما اريدو بعد..

رحت للغرفه نمت وافكر .. بعد ما ابقى على كولة هيام يوميه راكبيلي مشكله ساعه بايكه وساعه مواعده..

بعد شيسون بيه.. اذا مرتين وعدت سلامات الله يعلم بالثالثه شنو حالي.. لا ما ابقى بعد اخابر خالو واروح.

نمت.. كعدت الصبح.. هيام كاعده وجهالها كلهم نايمين .. احس من حزنها تريد تنفجر..

اندارتلي.  رقم خالج بموبايلي كومي خابري واحجي وياه.. كمت اخذت موبايلها وخابرت خالو دريد..

جاوبني وحجيتلو كللشي واني اشكي بجيت .. كال انا اجي باجر واخذج لا تبجين خالو ..بعد.مالج كعده عند ذوله الهمج..

سديت الخط منو وكعدت ويه هيام.. للظهر اندكت الباب فتحتو ساره.. طلعت الحجيه..

كعدت وي هيام وتحجي وياها ولا تشيلين بخاطرج ولج تعرفين معزتج عندو وحقو وهلساقطه ما خلتلو عقل يفكر بيه ويدحك الناس ...

وهيام راسها والف سيف بس الدموع تتجاره.. اندارتلها وكالتلها بنتو الساقطه شصار وياها..

الحجيه:- لفو راسها وجبناها .. صراع شاد راسو يريد يفسخ خطوبتها يكول هاي تنزل راسي احبسها بالبيت واكعدها.. لحد ما تتربى

وابوج ونايل ما يقبلون يكولون مشيها واستر عليها وما خلو لا ام سعد.تدري ولا قبلو تنزل من جو خوالها اليوم ..

حتى جدها ما قبل صراع يشوفها .. محبوسه بغرفة عابد.. والمفاتيح عد نايل ..  حجيت وي نايل ..

صراع حاير وما يعرف شيتصرف .. يريد يروح يكتل عادل ويتكاوم وي عمامو .. بس يخاف بنتو تنشهر وتتلطخ سمعتها وتطلق اختو.. وتكبر المشكله..

ولا يكدر يسكت ويعديها لعادل .. كتلو مره من تعدى ليليان ابيتو بس ما فاد وياه.. يريد يهد  بسلاحو وكوه كاضبو نايل..

الله لا ينطيها لبنتو شلتو وموتو راح يصير على ايدها..

...اندارت عليه الحجيه وكالت.. ليليان لا تزيديها على صراع انتي هم.. وج رجعي واحتوي والله وليدي راح يضيع من اديه من وراجن..

-شسوي يوم ما شفتي شلون ضربني البارحه وحبسني اني بعد ما اكدر اعيش وياه

-لا وانتي الثوله من جا وسألج ما عرفتي تكوليلو بتك خذت حجابي وطلعت وفاتت بيدها علاكه.. لو حاجيتلو يضربج..

-ما ادري ما اتذكرت .. بعدين عقلي جمع واتذكرت..

-بعديش بعد طاح حظج.. تبقين بهثول انتي بس السان ما براسج كل خير..

هيام:- هو ابنج يخلي الواحد يشوف دربو يا يمه..

-حكو عجل شتردينو .. يشوف وحده من حريمو واكفه بالباب و مصخمه وجهو وتردينو مترهي ويحجي ..

جا وسألها لو لااا ..  لا تضلين تزتين الثول مالها براسو لهلمكرود.. لو حاجيه ما جان كضبها ولا حجه وياها..

وكت المكاون السانها شطولو وكت العگل تكول نسيت وتلومن علي وليدي .. من عساجن لا تهنيتن تردن تكتلن ابني انتن.  ما كافي علي همو بدل ما تكليلها رجعي ولمي اخوي راح يموت

واكفه وياها وشاعله النار.. لو صار بي شي وغفت عينو منو الج هااا ما عيالج ياكلون وجهج.. ما يطيحون حظج وحظ جهالج ..

ما تفكرين انتي .. زتيتي كل زيناتو وزعلتي وياه ع الكلمه.. الله يبن ادم الما يصير بعينو ..

كامت ونكثت عبايتها وكالت.. والله لو صار شي بأبني محد يخلصجن من اديه.. لا انتن ولا بنتو الساقطه ..

طلعت من البيت عصبيه وتصيح الله لا ينطيجن شيبتن الرجال شيتحمل منجن بعد..

هيام ما حجت ولا كلمه.. بس صافنه و الدموع تجري وايدها على حلكها  .. بعدين كامت للمطبخ..

ساعتين وخابرت الحجيه .. كالتلها صراع ونايل متلثمين وهادين على محل  عادل مكسرينو وصراع ضاربو چيله برجلو .. وجايين..

واسماء خابرت على ام سعد.. كالتلها جماعه هادين على رجلي وكاتلينو ومصوبين رجلو .. وابوج طلع للمستشفى يشوفو..

هيام كالتلها حيل بي  ابو زايد.. سدت منها.  وكفت تحظر بالفطور .. بقت نص ساعه ويأذن..

اندكت الباب.. طلع علي ودخل .. كاللها يوم خالو صراع بالباب يريدج..

لفت حجابها وطلعت.. اني ادحك من الشباك.. واكف بالباب وجهو متعوب وابتسملها .. ويكول الها :- افوت لو ما الي دخله لهلبيت بعد..

هيام:- البيت بيتك ما هو بيتي هلسوالف شلك بيها بعد..

فات باس راسها.. كالتلو تفضل.. بس ابد لا ضحكت ولا رضت .. دنك ينزع حذائو اباب الهول..

اني فتت للمطبخ وادحكلو من الباب .. باس البنات وكعد ع الكرسي .. هي فاتت للمطبخ ما كعدت يمو..

هو يتنهد ويمسح على شواربو .. صاح :- ام علي لا تزيديها علي بالقران تعبان و ساعة عصبيه  فهميني..

هي تكلب بالاكل والدموع تجري.. كام جا وكف اباب المطبخ.. دحكلي ودحك لهيام.. اني فتت منو ورحت للغرفه..

وهيام ما حجت .. هز راسو .. فتح باب الغرفه.. درت عنو وكعدت..

-ليش ما حجيتيلي ..

-نزلو دموعي .. كمت امسح ودايره وجهي عنو..

-شكد.سألتج وردتج تجاوبين.. تسكتين ليش من انتي شفتي بتي فاتت ليش ما حجيتي ليش ما كلتي اخذت حجابي وطلعت .. ليش تعذبيني بيج..

-... ما رديت بس امسح بعيوني.. دنك باس راسي و وكف تنهد.. وطلع من البيت كلو ..

راح علي على امو  .. عود انتي ليش مكبره راسج.. اجه للبيت واعتذر شيسويلج بعد

-علي لا تدخل

-لا ادخل ونص .. جان هو واكف كلت هسه تمونين وتحجين وياه .. حتى بالجذب ما وكفتي على فطور وهو صايم .. انتي شنو ما عندج كلب

-علي اطلع منييييييي

-اني اصلا طالع منج ومن البيت كلو وخليج براسج هاااااذ .. لما يموت عود.كعدي هينا لطمي خدج وابجي واتحسري ..

وكتها اشوف منو ينفعج.. طلع وضرب الباب وراه حيل.. هي جانت كاضبه الصحن تريد تصب.. تركت من ايدها وكعدت بالكاع تبجي

وبناتها حطن روسهن عليها وكامن يبجن وياها.. وساره تكلها ماما الله عليج سامحي خالو والله خطيه .

وهي ندنكه راسها بنص رجليها وتبجي.. سمعنا اذان المغرب .. وكمتهن عنها وصبت والبنات فرشن سفره ونقلن الاكل..

اني ما صايمه بس هن ولا وحده منهن فطرت.. كاعدين ع السفره ووحده ادحك بوجه الثانيه والتلفزيون مشتغل اندحك عليه بلا اهتمام من قهرنا..

ل12 وعلي ما جا وتخابر عليه وهو ما يرد.. وتكول هذا من هسه ييبس علي راسو يجي واعلمو شلون يتمرجل علي

جا ب1 بليل هي صايره نار عليه.. اول ما طب تكاونت وياه.. وين جنت اخابر عليك ليش ما ترد

رادت تضربو كضب ايدها ويكلها ايدج لا تمديها يمه انه ما طفل جنت وي خالي صراع

-وانت شعندك هناك اذا انه ما اقوتلهم انت شمصخم وجهك

-انه مالي شغل بيج مو طفل وازعل لزعلج خالي من وراج ومن وره هاااي وكع وشلنا للمستشفى شتردييين مثل النسوان اكعد واكابلج  

-هي واكفه وتتكاون بس كاللها وكع ونقلنا مستشفى .. ضربت على خدودها .. عزا العزاني يمه اخوي شبي

-والله حاسبي نفسج عافها وفات للغرفه ركضت وراه ولك كلي صرااااع شبي

-صعد ضغطو ونقلناه للمستشفى .. وصار عندو تشنج بعضلات القلب ..

-وهسه وينو

-بالمستشفى الحجيه وخالو نائل وياه

-وانه ليش ما ادري ليش ما خابرتوني

-والله من وراج وكع تموتي وتبجين علي .. وخري يمه لخاطر الاه تره لو ما جده كالتلي ارجع لامك والله ما ارجع..

طلعت هي متخبله اخذتها عباتها وطلعت بليل وتبجي وتكول اخوي راح يمه عمت عيني..

اني خليت اديه على وجهي وابجي .. يربي شسوي وكع من وراي لو صار بي شي اني شسوي..

علي بالغرفه عصبي .. ساعه يغلط بوحدو وساعه يدفر بالباب وساعه يهدئ والبنات كاعدات يمي ويبجن وياي..

ل3 نائل وصل هيام للبيت.. كتلها شلونو صراع .. هزت راسها وطبت تبجي.. شربت مي وصاحت على بناتها يشربن قبل لا يمسك..

واني ادحكلها بس اريدها اطمني عليه.. وهي العيون حمر من البجي.. صلت وكعدت تقره قران وما بطلت بجي..

كتلها هيام الله عليج بس كوليلي هو شلونو..

-بالستشفى بعدو .. ما كدرت اشوفو نايم والردهه كلها رياجيل ما قبل نائل افوت.. انتظرت لحد ما ايست اشوفو ورجعت انه وامي

خلصنا وطفينا وفتنا نمنا بس يا عين تاخذ نوم وصراع بهاي حالتو ..

كعدنا ب11 الظهر .. هيام نضفت بساع وكالت اروحلو بلكن اشوفو .. گلبي نار عليه.. بهلاثناء اندكت الباب..

فتحتو هيام.. خالو رحبت بي وكعدت ابنها وكعدتو جوه.  وضيفتو .. كاللها ما جاي اتضيف جاي اخذ بنت اختي وامشي

كالتلو رجلها بالمستشفى يطلع ويصير خير

-اني جاي من اربيل على بغداد ومن بغدا لهنا .. ما اكدر اتحمل اصبر لما يطلع زوجها..

كافي صبرنا هواي .. تهمتو بنتنا بشرفها هواي واذيتوها .. مره اخوج المات وهسه ابو حرب..

لهنا وكافي وبنت اختي اخذها وياي عود زوجها من يطلع يجينا ويبريها ولو رضت هي ترجع وياه براحتها

الا هسه ما الها كعده ابد يلا خالو همي نفسج لازم نرجع لاربيل بسرعه..

بقيت صافنه.. بوجه هيام.  علي طلع خابر على جدو بسرعه.. وخالو يصيح يلا بنتي كملي..

ربع ساعه واجه الحجي والحجيه .. كعدو ويه خالو وحجو وياها وحرمتو وما يصير تاخذونها بلا علمو..

خالو عصب حيل وكالهم كافي لهنا وبس .. سترتوها نشكركم ولو ابنكم الاذنب وياها بتنا ترجع النا ويا دار ما دخلج شر..

وضل يصيح اطلع وياه.. لميت جنطتي ومستمسكاتي  والحجي كال روحي بويا هو من يكف على حيلو نكلو ويتصرف ...

اخذت جنطتي منهم وطلعت وي خالو من بغداد طلعنا لأربيل.. وعيوني ما هدو دقيقه..

شكد تأذيت منو بس احس گلبي تركتو هناك واجيت لأربيل... طبيت لبيت خالو ابجي.. جانت بنت خالو ميلان المتزوجه بالدنمارك هينا..

حظنتني خطيه وضلت تواسي بيه ومرت خالو كعدت وياي وهن يكولون اوووي شمسوين بيج.. اوووع شصاير وج عيني وين ذاك حسنج..

شنو محجبج شنو هلثوب هذا الملبسجياه.. وحتى لا يخلوني ابقى ابجي.. كومني للحمام وسبحت.. وانطوني تراك من ملابس ريتا

اتزوجت صار اقل من شهر وطالعه شهر عسل وملابسها مال قبل زواجها بخانتها باقيه..

لبست وطلعت ..  بالي كلو يم صراع.. وميلان مگابلتني..

-وج عيني ليول من كل عقلج ضال بالج على ذاك الهمجي العربي ويييع شلون متحملتهم .. باعي عيني باعي شمسوين بيج..

ابتسمت..  شسوي احبو

-حبتج لولو داده شحبيتي بي يا عيني  ... شكد عمرو

-43 سنه

-لا لا لا اكيد.عقلج ضارب مو معقول يمعوده بس لا ذوله مسويلج غسيل مخ.. دكومي لج عيني خل نطلع للمول ونعيش ونشوف الدنيا

ويضرب منه لاهله .. شلج بي ..

گمت وياها.. انطتني بنطرون ازرك و قميص احمر .. ومكيجت واني واكفه.. احس صدك جنت مدفونه..

دحكتلي .. واجت يمي حطتلي مكياج وتضحك ويايه.. سرحتلي شعري .. ولبستني طوك..

وكالت يلا ننزل..

-وحدنااا ؟؟؟؟

-لعد منو يروح ويانا .. قابل وين رايحين هو للمول نتونس شويه ونرجع..

- بس كون ما نتأخر فدوه دنيا الليل صراع لو يدري يذبحني..

-وانوب اسمه صراع وج حتى اسمه مال عرب شعجبج بي يحظي انسييي هسه اشوفج شباب اربيل تنسين مصروعج و اهله..

-بقيت صافنه .. احس ضجت من حجت عليه.. بس شسوي هوه اذاني .. خل اطلع اشم هوا واتنفس احسنلي متت عندو صار 9 اشهر ب4 حيطان..

كتلها الجبه مالتي وين.. اندارتلي مفتحه عيونها ..

-انتي من كل عقلج.. تلبسين هيج.. دولي عيني شحدج والله ما اطلع وياج..

-واطلع هيج سافره . هي هي .. غير باجر تلكيني جثه منصوبه براس الشارع والله.. صراع ما يتفاهم..

-رجعت وتكلي صراع .. لج راح اتقيء .. انتي شلون كدرتي تتأقلمين وياه شلون..

-ما ادري .. صح بابة عرب .. بس هو حباب

-حباب بعينج لو ما يوميه يكتلج انتي من شوكت ادمغتي عل الكتل هيج..

-من مات ابويا واستلمني يحيى تعودت يولي

-انسي هلمواضيع وخل نطلع ..

لبست وطلعت الباب .. بلا حجاب ولا عباه.. هذا ستايلي القديم ولبسي ما بي شي بس شو هسه احس روحي مصلخه..

لا واتلفت منا ومنا واكول هسه يشوفني صراع ويذبحني.. امشي خايفه والله نزلنا ركبنا سيارة خالو ساقتها ميلان

شغلت السياره وجان تصف سياره كبالنا ضواها  بعيونا واندك هووورن.........يتبع

☆☆☆☆☆☆

#زينب_ماجد

.#روووعه

#مراهقة_و_الأربعيني

،،،،،،، بقلم زينب ماجد ،،،،،،،

الحلقة_43

مخليه ايدي على عيوني اريد ادحك منو صاحب السياره..  طفى الضوه والسياره.. ونزل..

اووووو حنا .. تقرب وما شايفني .. وكف يم ميلان ..

_ها وين ..

انتبه عليه.. لا لا ما اصدك.. ليلياااان.. لك هلوووو.. واندار يسلم عليه..

فتح باب السياره ومد ايدو وسلم اني ما نطقت كلمه.. بس سلمت عليه من خدو..

-شلون اوووف شكد متغير هاي شصاير بيج..

-ابتسمت .. شسوي

-اطلقتي مو

-لاا بس اجيت هينا ارتاح شويه

- لا ممعقول بعدج عايشه وياهم بالعرب ..

-هم ما بالعرب عايشين بمدينه..

ميلان:- لك حنا راح تضل تحجي دنريد نروح..

-اوك اني لاحگکم اليوم الونسه الزينه عيووني..

-سد الباب وتبعنا بسيارتو .. نزلنا للمول .. شعري احسو يلعب على متني شكد مستحيه منو ..

سنين هذا ستايلي وب10 اشهر بس.. كدرت اتعود على ستايلهم هيج.. ادحك منا ومنا ول لو يشوفني صراع الا يذبحني والرب..

ميلان خل نرجع

-اووووه ليلو لا تعقديها تونسي و انسي ذولاك الناس.. عيشي حياتج يا عيني..

... افتر بالمحلات وي ميلان.. اني هم عند اهلي محبوسه ما اطلع .. والمفروض هسه طايره من الفرحه..

بس ابد مفرحانه.. احس شي ناقصني.. والاهم ان اني ادور بوجوه الناس مو بالملابس وابحث عسى الكى وجه صراع كدامي..

من المستحيل الكاه هينا بس اني ما كفيت بحث عنو بوجوه الناس ما اعرف ليش..

جا حنا وصاح ورانا.. انداريت.. دحكت لبسو .. قميص احمر وبنطرونو جينز محكوك ومضرب..

درت عنو .. ما مثل لبس صراع ولا بيجيبو بشوي .. اكره الدشاديش العربيه بس على صراع اعشقها وهو يتمايل بكتافو وكاعده عليه ومليانه بيه. 

نفتر ونحجي واني بالي مو يمهم ابد.. وكفنا بمحل ميلان تقيس ملابس عليها.. دحكت شكلي من فوك ليجوه بمرايا طويله

لا هذه مو اني .. مو ليليان ابد.. ادحك.وجهي كلو مكياج.  وشعري مشمور وملابسي ما اشوفها توالمني..

لا ما اكدر.. اندرت .. كلت لابو المحل اريد ملفع .. ما عرف شحجي.. تفربت مني ميلان وكالت كردي ما يعرف عربي شنو تردين..

-ملفع ما دا ارتاح هيج..

-عقلج ضرب يبنت.. اندارت عليه وطلبت منو بالكردي.. اشرلها لمحل قريب مال شالات..

تركتها ورحت للمحل حنا.. واكف بالباب .. تبعني .. مديت ايدي ع الشال..

-شنو تسوين بي

-اريدو .. عامل .. السعر 7 الاف.. طلعت فلوس من عندي.. حنا دفع قبلي..

لا عفيه هاك اخذ ما اريد عندي

-عادي واذا عندج اعتبري هديه

-لا ما اكدر بقيت شايله الفلوس وامشي وراه..

-ليليان لتكبريها شنو نسيتي منو اني

-ولأن ما نسيت منو انت ما اقبل .. اني متزوجه و زوجي ما حارمني من فلس عندي خير ما احتاج احد يدفع بمكاني. 

انطيتو الفلوس ومشيت.. شكد تضايقت منو .. تزوجت وما فك.. بعدو عندو امل اطلق وارجعلو..

رحت لميلان كتلها بس اريد حمام.. مشينا صعدنا للمطعم.. هم كعدو وهي دلتني على طريق الحمام..

مشيت قبل لا ادخل الحمام اكو طاوله وبنيه كاعده اطلع كلينكس مبلل وتمسح وجه طفلها ..

جيت طلبت منها.. ما فهمت كلامي كرديه.. بس عرفت اشارتي.. ضحكت وحجت ويايه بمعنى اخذي..

اخذت وابتسمتلها  .. سوباس

دخلت للحمام .. خففت المكياج كله بوجهي.. هييي احس هسه تنفس وجهي.. جنت احس وجهي محنط مو امكيج. 

كملت .. لفيت شعري وجريت خصله منو ضبطتو بيها.. ولفيت الشال بطريقه بسيطه ما ضبيتو.. بس ذبيتو على راسي .. اي هيج احسن..

طلعت كعدت يمهم.. حنا طالب نركيله و ميلان ادخن جكاره.. ضحكت .. من يمتى ادخنين..

-من اني هناك جربتها مره وادمنتها

-زوجج يقبل

-ليش شنو شعلي .. هو هم يدخن.. عادي .. ليش زوجج ميدخن

-اي يدخن ..

-ما يقبل ادخنين

-لا مو ما يقبل بس اني اكره ريحة الجكاير..

حنا:- من صدك هو يضربج شلون عايشه وياه..

- حرت شحجي.. اضوج اذمو كدامهم.. احس اقلل من نفسي مو منو..  هم تهموني ان اني خايتو فضربني

-وليش ما واثق بيج ويشك..

-مو هيج بس هو عصبي وينفعل بسرعه.. وما بس اني ضربني من عرف بنتو تاهمتني هم ضربها ونقلوها للمستشفى

ميلان -عزااااااا وي بنتو هيج

-هي مخطوبه وتحب غير خطيبها فضربها

-لا لا هذا حيوان اكييد..

-هو ما حيوان .. خوش رجل بس كل انسان بي عيوب وهو عيبو وقت اعصابو تتصرف ايدو قبل عقلو..

-شبقى للحيوان لعد اذا من يعصب يفقد عقله..

-اي يمكن هو حيوان بس من صنف الاسد.. لانو من يزئر يكسح كل اللي كدامو ..

-شكد.تحبي ولج شايب شحبيتي بي

-ما اعرف ..  حنا مدنك على موبايلو كن ما يسمع..

احس اختنكت من احجي بي.. شكد متأذيه منو .. بس السؤال اللي ما اعرفلو جواب ليش ادافعلو وليش هلكد احبو..

دك موبايلي.. جريتو من الجيزدان.. دقات قلبي.. فعلا احس دقات قلبي انضربت بأتصالو.. سويتو صامت وخفت ارد..

بعث رساله (يولي گلبج حجر بالله تعب گلبي بغيابج ما اتحمل زعلج شكد.حقوده حتى ما كلتي اخابر واطمن عليه)

ما رديت ..  رجع بعث ( عصفورتي اني طلعت للبيت تعبان والله خل ادز عليج هسه نائل وتعاي وياه ول يابه مشتاقلج)

عرفتو ما يعرف لحد الان اني بأربيل.. بعثت ( اني بأربيل واللي بيناتنا انتهى صراع )

اتصل بسرعه ... ما رديت رجع بعث (شنو باربيل ردي لا اگلب الدنيا والله)

قفلت الموبايل وما رديت عليه بعد..خلي يعيش الالم ما بس اني اتأذى منو..

طلبو عشا اكلت شوية مقبلات ما اشتهيت ابد.. خلصنا كتلها خل نرجع.. كالت يلا..

حنا لحظه لحظه.. اوكفو.. رفع موبايلو واحنه كاعدين حول الطاوله.  وصورنا كلنا .. انوب ميلان خلت راسها على كتفو وصورو..

كمنا وجرتني وكفتني يمها رفعت عيني ويكول كولن جييز .. ابتسمت.  صورنا. 

ميلان:- ابعثلي الصور فدوه حبيبي

-ماشي .. ليليان عندج فيسبوك

-عندي بس ممسوح.. اسمو مشاعر بريئه..

ميلان-عندج الرقم اللي سويتي عليه..

-اي

-هسه ارجعلجياه وضيفيني اني و حنا..

-اخذت موبايلي وهي تمشي ترجع بيه.. انوب وكفتنا كالت بس افعلو بس نطلع يروح النت..

اتصل بيدها.. دقات قلبي .. انطتو رفض وكملت.. جا الرمز على الخط.. وهم اتصل بس هيام ما صراع..

هم رفضتو .. وفعلت الفيسبوك بسرعه وكالت هاج هذا رجع.. انطتنياه واتصلت الحجيه..

رديت واني امشي .. هاا يوم

-يولي مفجوعه كايله لصراع انه باربيل

-وانتو ليش ما كلتلو

-يولي شنو من ابنيه انتي رايده تذبحين ابني توه طالع من المستشفى.. ما تخافين عليه انتي راد يموت..

امشي وناس تطلع من المول كوه امشي واكلها هاا شنو ما اسمع  

-يمكصوفة الركبه انتي وين

-ماما اني طالعه وي ميلاااان.. وكفت وسكتت لان سياره فاتت رادت تدعمني. 

ماما بس خل اوصل اللسياره احجي وياج..

صراع:- لج انتي وييييين طالعه..

يمه سمعت صوت صراع وكفت بنص الشارع وحنا ركض اخذ ايدي ويكلي ..

-ليليان من كل عقلج بنص الشارع دنطيني ايدج.. سحبني وهو يوكف السيارات ويمشي..

وذاك يكلي .. منو اليمج.. قفلت الخط بوجهو وركضت وي حنا فتنا الشارع وصلني لسيارة ميلان.

والحجيه تتصل وانوبه صراع.. قفلت الجهاز.. بس الخوف اكل گلبي ..

صعدت السياره ومشت ميلان وعلت صوت السياره وادحكت عليه..

-لج يمعوده دنسيهم شنو ذوووول عيشي .. اخذت مني الموبايل وزتتو وتغني وي صوت المسجل مال السياره. 

اني كل بالي يم صراع مريض وهيج اسوي بي شيصير.. جريت الموبايل وفتحتو..

جانت اكو ميزه بخط اسيسيل من تغلق الخط ويخابرون عليك وترجع تفتحو يبعث للي اتصل عليك.. الرقم مالتك ويكتب متاح حاليا..

فمجرد ما شغلتو .. شويه واتصل صراع .. نصيت المسجل حيييل وكتلها ميلان لا تحجين..

رديت..

-وين انتي احجي بساع

-اخذنا خالو مشانا ع الشارع

-الصوت مو صوت خالج

-لا صوت بنت خالتي

-السمعتو صوت ولد شاب لا تجذبين

-لا هي صوتها مثل صوت الولد بس هي هيج. 

ميلان وكفت السياره بساع.. درتلها وخزرتها حيل وسويتلها باصبعي هسسسس..   وهي تأشرلي اني صوتي ولد..

-ول انه شسوي بيج .. اطلعين بلا علمي ما تكولين رجلي بالمستشفىىىىىىىىى

- لا والله طلعت بحجاب وما خليت مكياج

-ول يابه بس لا صدك طالعه بلا حجاب .. بالقران اذبحج ليليااااااان..

-لا لبست والله.. اكلك صدك وبعدين انت شعليك.. اني راح اطلك .. روووح

-انه اجي واعلمج اشلون اطلكج.. بسيطه. 

قفل الخط بوجهي.. يلا هو يقفل بوجهي ولا يضل عصبي ويوكع ..

شويه واتصلت هيام.. كالت يمعزايه شسويتي ليش كلتيلو .. انه هسه عد اهلي والله لعب بالحجي والحجيه جوله شلون قابلين اطلعين..

كتلها عجل شنو يريدني تحت رحمتو

-ول هو ما يعرف انتي رحتي .. وبعدين تغشمين روحج متعرفين شكد يحبج وهو مريض والله

-اكول هيام مو انتي اللي كلتيلي اذا عندج ذرة كرامه روحي وبعد لا ترجعين..

-ول امي هذا كلام اول ونحنه ولد اليوم.. وصراع يحبج والله ما تعرفين شلون جن ويفتر بالبيت من عرف انتي بأربيل فرفحت روحو يعشكج يولي والله

-ما اعرف ام علي .. الحياة هينا غير وعند صراع غير.. بس المشكله لا اكدر ابقى هينا ولا اكدر اتحمل صراع وعصبيتو اكثر وارجع..

عدحجي سمعتو يكوللها.. كليلها من تطلع تستر نفسها وحجابها لو وكع من راسها اسحلها من اربيل شحط..

قفلت الخط منو.. قبل لا  تحجي..

اشنو اسوي.. اتركو واعيش حياتي هينا .. لو ارجع.. وصلنا البيت .. بدلت وكعدت بغرفة ريتا اني وميلان . 

شويه وفات علينا حنا كعد ويانه .. وكل واحد بينا على موبايلو.. وحنا كل شوي رافع موبايلو ومصور سيلفي انستكرام ويحجي..

ميلان كعدت تشوفني صورها و صور زوجها.. بالمسبح .. كتلها  زوجج ميحجي يقبل ادخلين بالمسبح وهيج يبين جسمج..

-لعد مو تشوفينه ويايه ليش ميقبل قابل شمسوين ذابحين لو مفجرين احد.. جاي نسبح ونستمتع..

... صفنت على صورهم تتباوس هي وياه ع البحر واني لو جا وباسني بالغرفه جوه البطانيه الحجيه تصير ااااااااالله اكبر وتأذن بروسنا.. ومصير ما نستحي

شكد حسيت فرق بين حياتهم وحياتنا..  عاد كالت عندج صور رجلج خل نشوفو..

كتلها عندي كم صوره بموبايلي وحده بالدشداشه والسبحه بيدو. ووحده عسكري وشايل سلاحو رشاشه كتفو ومنتجي ع السياره. 

اول ما شافت صورتو بالدشداشه.. كالت مبين عصبي ما توقعت شكلو هيج .. تخيلتو عُربي مبهذل ..

... اوو لج بالنظافه والقيافه ماكو مثلو فد شايف روحو ومعتني بنفسو ..

درت على صورة العسكري جان تكول اويلي اويلي لج هنا يذوب كلوب .. واخذت الموبايل مني .. اووي عيني باع الابتسامه الخفيفه يا ويلي ..

دحكت عليه .. ورجعت ادحك ع الصوره.

ولج هاي وين توصليله.. بكد زنده انتي ..

-هههه اصل شويه اقل من كتفو ..

-لا لا غيرت رأيي لج حبي حبي رجل والرجال قليلو

-هههههههههه جا حنا وشاف شكلو .. كال مبين ضارب مناسف و ثريد لحد ما مال .. وجهو عربي مبين املح

.. اخذت منو وكتلو ما املح اسمر من الشمس .. ما مثلك ابيض وعيونك زرك .. اندار ويكلي يروحي فدوه..

هزيت ايدي .. بقت هي تكلب بموبايلي واني اكلب بموبايلها.. وحنا عافنا وطلع..

هي نامت واني بقيت اكلب.. ردت انزل الستار اطفي الواي فاي حتى انام.. شفت اعلانات جايه بالاشعارات..

بس اعلانات اباحيه.. فضولي دفعني افتح الاعلان .. بموبايلي ابد ماكو هيج.. اول ما دخل .. صوره كلش سخيفه ويكلي تحميل..

طلعت بسرعه من ابرنامج وقفلت الجهاز.. واحس عركت وسخنت من الشفتو... بقيت مصدومه باللي شفتو..

ضل يدور ابالي .. اخر شي .. حاولت ابعد.هلافكار والصوره من بالي ونمت  

لثاني يوم.. كال خالو ترحين ويانا للصلاة بالكنيسه نأدي القداس مع البابا..

كتلو الله صار شكد.ما داخله كنيسه .. يمكن سنه..

-ليش رجلج ما يخليج ترحين

-ما كتلو فد يوم وحتى ما اعتقد.اكو بالانبار كنائس .. الا هو لا جبرني على تغيير ديني ولا على طقوس دينهم.. بس فرض عليه الحجاب..

-يلا خالو بدلي دنروح نحظر القداس

بدلنا كلنا لبست بنطرون كتان وقميص طويل شويه عن الركبه.. ولبست حجاب لفيتو على راسي..

ورحنا اول ما دخلت باب الكنيسه.. احس روحي رجعتلي.. شكد ارتاحيت وحسيت بطمأنينه..

...بسم الأب و الأبن والروح القدس الاله الواحد امين .. ضميت اديه كدام صدري وغمضت عيوني ..

دحكت على مريم العذراء.. اشتقت الى ديارك يا امي

مشيت شغلت شمعه.. وكعدت اصلي لربنا.. وقف البابا يؤدي القداس واحنا نردد التراتيل ..

مغمضه عيوني وادعي واصلي

اني لرافع يدي الى السماء ..

ويداي ممدودتان يارب العلى..

استمع صلاتي واستجب دعاي..

في وقت ضيقي بحثت عن النجاة..

فجئت اليك قائلا يا رب الحياة..

استمع صلاتي واستجب دعاي..

... اؤدي القداس واتذكر صراع.. وصوتو وهو يرتل .. (يس والقران الحكيم )ما اعرف شنو اللي عصف جوايه.. احساس بالانتماء لدينين ..

دين عيسى ودين محمد... احس هلدينين يجمعهم شي اكبر من الحب.. قلبي مع قلب صراع رغم كل الفروقات اللي بينا..

خلصت الصلاة وكملنا.. احس ارتاحيت حيل هموم مال سنه انزاحت عن ظهري..

ركبنا السياره و طلعنا للبيت .. وي ما صفينا دننزل صفت سيارة .. بيها صراع و الحجي و سعد..

دحك بيا بساع شردت انهزمت جوه.. خالو دخلهم للاستقبال رحت بدلت بسرعه ووكفت ع الباب استمع..

الحجي يحجي والكل ساكت.. وديحجون بموضوعنا.. وصراع ماكو صوتو..

كعدنا اني وميلان وهي تكلي هذا صوته.. هزيت راسي لا.. هذا الحجي ابوه.. حنا كون موجود ؟

-لا طالع ليش

-هم زين

نستمع و خالو حجى .. وكالو .. اسمع اخ دحام.. بنتنا انطعنت منكم هواي.. تهمتوها مره واجت عدكم شفتوها وعاشت وياكم وعرفتو اخلاقها وهم رجعتو  طعنتو بشرفها.. وشكيتو بيها

.. صراع كل الوكت ساكت بس من حجى هيج خالو.. رد..

-دحج يابه .. انت واثق من اخلاق بت اختك.. وتعتقد هي شريفه

-طبعا اني واثق من بنت اختي ..

-هه.. حك لحيتو.. عجل من انت واثق بيها وبشرفها ليش جيت تتوسل بس ستروها.. مو تعرف اخلاقها جان اخذتها لابنك ونهيت سالفتها..

ليش رفضت ابنك يتزوجها..

-سكت....

-فرك سبحتو...دحج يابه سالفة شكيتو بيها وطعنتو بشرفها .. احجيها لغيري .. انه ما مخنث وبنطروني نازل وحرمتي تخوني واكتفي بكم جف..

لعلمك لو شاك بيها ذره.. جان خلصت عليها ونهيت سالفتها واسأل عنا اذا ما تعرفنا.. شلون نتصرف وي الحرمه التخون  

انه ردت منها تبرير ليش واكفه بالشارع وهي نكرت.. رجعت عدت عليها اسؤال كم مره وما جاوبت ولا حجتلي شي ..

فضربتها تأديب مو شك.. لو شاك بيها ما استخدم جفي .. جان سلاحي اشتغل بدل عني..

جيت للرمادي ودخلت اخذت حرمتي من بيتي بدون علمي .. بأي حق بويه..

-ابو حرب احنه من البدايه اتفقنا زواج كم شهر وتفض..

-ما على كيف احد بويا .. انه الاقرر انهي لو ابدي .. الزواج ماهو لعبه حتى تحصرو بأتفاق..

حرمتي وعاشت وياي 10 اشهر وتكلي اتفاق..

-البنت هي ما تريد عيشتكم.  ملت وخابرتني تبجي

-لا تكلي البت.. المره  حرمتي.. ان بجت وانجرحت انه الاداوي .. ما اسمح لأحد يدخل ابيتي..

وهي مراهقه ما تعرف مصلحتها وانت لو عندك عيشه.. جان حويت امها.. ما انجبرت تعيش بالموصل وي واحد.داعشي على عيشتك..

اختك بنفسك ما كدرت تحوي اختك.. ولا ردت بتها وكت اللي طعنو بيها جاي هسه تكول البنيه بجت وما تتحمل..

شتتحمل عدك.. يومين وتهججها لاخوها لو ين توديها..

-انه ما متبري من اختي وطول عمري اصرف عليها وما متعاجز بس بشر وي بشر ما يرهم..

-دحج يابه احنه هم عدنا خوات .. وهم عدي ارمله ونايمه بهلركبه لا البالك بس انته المبتلي

يزين شاربو الزلمه لو زت اختو .. عجل وين تروح.. متعجب انت منطي بس افلوس.. وهي ما حملت عيشتك ورجعت لابن رجلها تتحملو..

وهسه جاي تكلي احوي بتها .. حرمتي ما الها كعده هينا... صيحوها..

-شوف ابو حرب هي ما بالغصب البنت تعبت من عيشتكم.  وانه اتحمل مسؤليتها.  وهي ما تايهه تره عدها عمام واهل ..

-ههه من هسه كلت عدها عمام ومفكر تزتها.. عجل وينهم ما دحكت منهم واحد جا وشاف حالها..

... بقى صراع يحجي وخالو يرد اتركها هينا وهي تقرر.. وصراع رافض ما الها كعده هينا. وارتفع الجدال بين صراع وخالو والحجي وسعد..

شوي وطك خشم صراع دم.. طلب كلينكس والحجي يكلو .. كلنالك يابوي انت مريض اترك البنت شويه اهدئ  

وخالو طلع قطن بسرعه.. ركضت للمطبخ وميلان وياي.. طلعتلي قطن.. رحت للاستقبال ما لكيتو..

كال سعد بالحمام انطي.. دخلت للحمام هو مدنك ع المغسله يغسل.. قميصو زيتوني ساده و البنطرون اسود..

شكد احس مشتاقتلو.. واني ادحك بضهرو .. انطيتو كطن.  كال لا وكف شكرا.. ورفع راسو بسرعه..

دحكني كبالو.. ها ام الفواين بينتي والله بيج كتله.. جر الخاولي نشف وجهو.. بس بيج بخت مشتاقلج..

مد ايدو .. سد الباب وتخصرلي.. هيج ليليان اتركيني واني بالمستشفى.. دنكت راسي..

...يكولون مليتي مني وما ترديني بعد وعيشتي ما تنحمل صدك..

-ما رديت.. تقرب مني حيل .. وكف كبالي .. رفع وجهي.. ادري اذيتج حيل .. وحيل بيا شما تسوين بس لا تحرميني منج..

يولو والله احبج اكتل روحي وتخلصين مني واخلص..

مد ايدو على جيبتو الورا.. جر محفظتو.. طلع منها 3 اوراق.. وخلاهم بيدي..

-اخذ هاي مصرف ابقي هينا كم يوم ادري نفسيتج تعبانه.. غيري جو.. وانه كم يوم واجيج تمام..

هزيت راسي.. كضب راسي بثنين اديه.. لا اطلعين بليه حجاب ولبسج مستور لا ضيك ماشي..

-ماشي.. رفع راسي ويدحك بوجهي.. 

-يولو لا تزعلين والله احبج.. دنك باس خدي ورجع يدحك بوجهي نزلت راسي منو.. رجع دنك يبوسني بلهفه  

حركت ايدي.. ومسكت خدو.. هو حس اني تجاوبت وياه.. لف اديه عليه وصعدني لمستواه.. واخذ وجهي بكل لهفه شكد بينلي شوقو الي ..

بعدت وجهي منو.. حس .. ورجعني.. ابتسم.. كضب خدي روحي وياي هسه.. والله خالج اكبر جذاب لو بيه خير ولج جان عاشت امج عندو..

-خليني هينا كم يوم..

-تعبانه..

-هزيت راسي .. اي

-باس خدي .. براحتج يابه .. انه كم يوم واجيج.. 

اندار غسل وجهو.. ونشف.. عدل ملابسو .. وفتح الباب وهو يكلي ما اوصيج بعد.. وحاولي لا اطلعين جثير.. وموبايلج دوم يمج مفهوم..

طلع .. وراح للاستقبال واني غسلت وفتت للهول.. ميلان تغمزلي .. ضحكت..

اتفقو وي خالو ما اعرف شنو وكالو انه راح اتركها هينا كم يوم ترتاح واجي اخذها.. رحت سلمت على سعد والحجي وراحو..

بقيت عند بيت خالو 5 ايام. ويوميه يخابر ما ارد.. ليش ما اعرف .. صح تقربت منو وبستو بس ما نسيت اذيتو وقت لما حبسني

موقفي ذاك ما انبلع وياي.. فهو يخابر واني ما ارد.. نطلع اني وميلان.  وجا زوجها وسافرت ع الدنمارك  

وبقيت عدهم بس حنا بالبيت .. عاد بيومها كليتي رجعت اذتني اخذت مرت خالو ورحت للدكتور..

خابرني هو .. كتلو اني بالدكتور وهيج وهيج حالتي.. ما حجه ليش ما تجاوبين ولا سأل نسى بقى بس يستفسر شبيج وشوكت عندج كلى .  وباجر اني يمج..

وصدك .. الظهر جا بطياره من بغداد على اربيل .. وصل ساعه 4 علينا.. رادو منو يبقى يبات..

كاللهم صايم والله لازم ارجع باجر كبل الظهر للانبار..

كتلو :- عجل وين نروح هسه..

-نطلع لبغداد نبات غاد وباجر من الصبح نغبش للرمادي بحيل الله.. اخذ الجنط مالتي وكال جاهزه. 

كتلو اي... بنطرون وقميص طويل .. هز راسو وكال يلا عود هناك امشي هسه امشي..

هم زين حنا ما جان موجود من جا طالع .. لو شايفو ومتذكرو .. يبوووه شيخلصني.. 

طلعنا من اربيل رجعنا البغداد بليل.. دخلني مطعم وهو فطر واني تعشيت.  ادحكلو وهو ياكل ..

اديه تحسهم شفافات من كد ما نظيفه   ومدنك ياكل .. رفع راسو.. ها صافنه بوجهي. 

-دنكت ..

-يولو بعدج زعلان شو ساعه تحجين وساعه اديرين الوجه..

-اخذت نفس.. ليش شكيت بيه.. مو كلت بعد ما اضربج..

-والقران حاولت اكضب اعصابي عنج بس انتي ثوله شسويلج.. يعني صيري بمكاني تلمحين واحد مثلي ولابس ملابسي وبسيارتي وصاعده اخلاص وياه شتفكرين

حتى لو تعرفيني ما اطيقها وما احبها ..ما تشيلج الغيره وتعصبين وتجين تحاسبيني  زين واذا نكرت وانتي متأكده لمحتي اخلاص بسيارتي . شتسوين..

يجي ابالج واحد متنكر بسيارتي .. لو بساع بالج يفكر وتلحين ع الحقيقه وما ارد عليج شيصير بيج..

-دنكت راسي مجرد فكره عصبتني وطلعت روحي لا ويجيب اسمها على السانها .. بدي اطر الخاشوكه بوجهو وهو يحجي باسمها..

كاعدين وهادين اخلاص شجابها بيناتنا لو حتى هينا لاحكتنيييييي..

-ليليان رحمه لوالديج بطلي ثول .. يولي تفكرين بالبدل الضايع..

.. ما رديت بقيت اكل.. هو رجع كمل فطورو.. خلصنا.. وكملنا طريقنا..

وصلني لعماره بيها شقق.. احم.. هاي احنه وين راح نضل

-بالشقه اليوم نبات.. وباجر الصبح نطلع.. ليش

-وهاي نفسها الشقه الجنت تجيب بيها ام مصطفى مووو..

-هز راسو وفتح الشقه وهو يضحك.. فات كبالي .. دخلت صحت هي لو لااا..

-على فكره غرفتي اللي بيت اهلي نفسها جانت تنام بيها وجدان والله..

تخصرتلو.. تمدد كبالي ع السرير وهو يضحك.....يتبع

☆☆☆☆☆☆

غلسو ع السحك 😐

#زينب_ماجد

اسفة ع التأخير بس بابا اليوم طلع من المستشفى وضيوف هواية وغسلت المواعين واجيتكم

#مراهقة_و_الأربعيني

،،،،،،، بقلم زينب ماجد ،،،،،،،

الحلقة_44

تخصرتلو .. وهو تمدد ع التخت كدامي ويضحك..

ما اكعد هينا امشي نروح للرمادي هسه

-يولي الوضع صعب .. ما تندخل بليل بس الليله وباجر من الصبح نطلع..

-تريدني انام على فراش جانت تنام عليه الساقطه مالتك.. تحلم..

-تغيرت ملامحو وتعدل من التخت..الساقطه مالتي شنو رجعتي تجفصين بالحجي.. احجي عدل احسن ما اعلمج شلون يصير الحجي...

-والله ما ابقى هينا وما اريد .. وكفت على صفحه وكلبت خلقتي وما حجيت وياه..

-تنهد وبقى ينافخ.. استغفر الله واتوب اليه.. لج بابا شيلي هلافكار من راسج وعديها بس الليله..

-لو جنت متزوجه كبلك وطلقت وجبت على نفس فراشي القديم تقبل تنام ؟؟

حجيت هيج فز من مكانه وجا رفع ايدو وزكح.. احترمي نفسج لاااا بالله اكلب خلقتج ...

دنكت وحطيت اديه فوك راسي وطلع هو متنرفز.. كعدت ع الدكه مال الزاويه .. وبقيت ابجي .. هم رجعتلو ورجعت لصياحو ..

ارتاحيت اسبوع ورجعلي .. بقيت كاعده.. شوي وفات بسدو بطانتين بجنط جديده.. ودوشك 2 اسفنج عالي..

طرهم كدامي و ومشى شال الفراش الكبير وتجاه على صفحه.. واندارلي تحركي لو هم تردين اخدمج..

كمت وياه شلت الفراشات وصفيتهم ع التخت هو فتح بطانيه جديده .. وفرشها ع التخت .. عدلتها وياها وثبتناها جو الفراش..

فتح البطانيه اللخ .. وجه المكيف علينا .. بدل بقى بملابسو الداخليه وتغطى ودار وجهو.. اني شغلت التلفزيون.. جان على ميز زغير كدام التخت وقريب..

تمددت يمو وانطيتو ضهري وجريت الغطى منو وتتغطيت.. بقيت اطمش ع التلفزيون وبرامج رمضان تجنن..

من ال9 لل11 هو نايم ما كعد ابد.. عرفتو تعبان من الطريق.. درت وجهي شفت محفظتو و الموبايل ع الميز من جيهتو..

نزلت واندرت اخذت موبايلو.. فتشت بيه ماكو شي .. بس اصدقائو المايستحون..

دخلت ع الفيسبوك مالتو.. كمت افتر بي ماكو بي غير رياضه وسياسه يجزع.. رحت على صفحتي قابل الطلب مالتي يعني اني صديقتو..

صعدت بصفحتي وجان اشوف حنا مسويلي اشاره بصفحتي وناشر صورنا من كنا بالمول يااااااا عزااااااااااااا

دحكت عليه نايم.. كمت حظرت حنا من جهازو.. وحظرت نفسي هم.. بعد لازم احذف الفيسبوك مالتي حتى يروحن الصور

فتحت موبايلي .. حذفت الفيسبوك كله ورجعت حطيت راسي ع المخده.. هم زين خلصت..

اندرت ادحك بوجهو.. هذا لو يدري صورتي ع الفيس الا يعدمني .. بس يلا انحذفو..

اتذكرت اني حذفت الفيسبوك ما لغيت الصفحه يمكن تطلع عنده بالماسنجر اني مسويتلو حظر ويفتح ويلكاها ..

ياااااااااا .. فزيت بساع للموبايل .. دحكت انترنيت ما عندي بس بموبايلو مكنك مدري منين .. كضبت جتفو ..

صراع صراع صراع ..

-ها ها اسم الله شبيج

-حطلي نت الله عليك حطلي نت.. انده بيه واشر على موبايلي

-ولج انتي طابك عندج شي هيج تفززيني علمود نت.. ما اعرف الرمز نامي..

-لا لا يمعود الله يخليك الله يخليك..

-اللهم صبرج ياروح.. كف الغطا منو وكام.. جر ملابسو و اخذ موبايلي .. وراح .. كنكلي واجه..

وطر الموبايل ع السرير وتمدد.. فتحت الموبايل هو يدحك.. درتلو على شنو ادحك...

-شمفينه ولج والله ما مرتاحلج..

-ماكو شي اني اريد نت.. حملت فيسبوك.. هو كال هاااااا شنوو هذا ...

انته بعدك ادحك.. تره انت هم عندك فيسبوك حرام عليك والله بس اني ظالمني..

-بالله شو ناوليني كلينكس بويه بجيت على حالج..

-هيهي ضحكت ..

-هز ايدو وانطاني غمه.. 

-ما اهتميت.. دخلت البرنامج شو هذا يطلب رمز.. هو اني اعرف الرمز شكد..

-اكلك تعرف الرمز مال فيسبوكي

-سارح بيه انه.. شعرفني بي..

-اذا ما تفتهمين بي شكو منصبتو..

-اكلك ذاك اليوم ما ادري شلون بت خالي رجعتلياه ع الرقم سويلياه..

- جرو من ايدي و ضل يحاول .. بعثولو الرمز ع الخط.. اول ما فتح الفيس.. جريتو منو .. بقى صافن بوجهي..

-بالقران وراج سالفه.. شمفينه ولج احجي

-ماكو شي ماكو شي رووح..

-انطيني الموبايل..

-كمت ركضت للحمام هو ركض ورايه.. قفلتو بساع كبل لا يدفع الباب..

-ولج اطلعين تحجيلي شمفينه لو لاا ليليان لو دريت والله ما ارحمج..

هو يحجي اني حذفت المنشور من موبايلي وحظرت حنا و ميلان.. وهو يدك ع الباب ورجعت حذفت الفيسبوك..

فتحت الباب تخصر .. انطيني..

-هاك..

-اخذو يدور.. ليش حذفتي

-ما اريدو

-شمصخمه احجي..

-والله مدام انته عصبي ما احجي   تريدني احجي وانكتل .. شنو كالولك عليه ثوله. 

-ابتسم.. يكولولي ليش انه واثق من ثولج مثل ثقتي بنفسي..

-يعني اني ثوله موو تقربت منو..

-عليج الله لا تكتليني شنو دحكتي امي ما هينا وتوليتيني حرام عليج تستفردين بيه. 

-ضحكت ودرت عنو ..

-اكبر جبانه

-اني وتقربت منو..

-اي .. واذا مو جبانه حدري تحاربي وياي

-هاااا وكمت هديت عليه وكع نفسو للتخت .. توليتو بوكسيات على بطنو وهو يضحك.. ويصيح عااااا من اضربو..

كضبني و من اديه وكلبني ع السرير ويجعص ابطني واني كمت اصرخ واضحك بصوت عالي..

حط ايدو على حلكي..

-يولي فضحتيني هسه شيكولون ابو حرب شجايب لشقتو ..

لفيت اديه على ركبتو .. وتستحي مني .

-لا بس مرتي ما احب يطلع صوتها   .. وتقرب مني اكثر.. تحبني..

-يحتاجلها سؤال  .. وتقرب يشم بركبتي

-حذفت الفيسبوك لان اني وميلان مصورتني لما كنا بالمول وناشره على صفحتها  

.. توقف بسرعه ورجع دحك عليه بعصبيه  

-ما ادري بيها والله وحذفت الصوره وحظرتها..

-نزل من السرير.. كمت بسرعه   شنو زعلت

-تعرفين تسمميني حتى وكت راحتي وياج. 

-ما ع القصد والله بس انت اكيد ما راح تنسى .. فكلت اكلك هينا خاف ترجع هناك وتبقى تحقق وياي كدام اهلك..

-لبس حذائو و طلع بسرعه وما حجه ابد..

-تنهدت يلا يزعل شويه ويرضى المهم كتلو.. قفلت الباب .. وخابرت مرت خالو توصي حنا يخذف الصور لا يشوفها رجلي  

كالت اني اكله يحذفهم لا تخافين.. اووه خلصت.. اخذت ثوب اصفر مال لولو كاتي قصير جوه الركبه بشويه ونص ردن..

ورحت سبحت وهو ما اجه.. دحكت من طالعين من المطعم.. هو اخذ سفري نفرين كباب شوي ووياه بطل بيبسي و مسلفن بصل شوي و طماطه شوي..

.. اعرفو هو يحب اكل البيت اكثر من بره.  رحت للمطبخ بيه زيت وملح وشغلات ما تفسد من الاكل..

اخذت طاوه غسلتها وغسلت الطماطه الشوي والبصل من السواد مال الشوي وثرمتو..

سمعتو فتح الباب.. هو بيه طبيعه يشجعني من اطبخ حتى لو مو طيب يكول عاشت ايدج يخبل .. لان اني اتعلم واخربط هوايه ما كلش اعرف الطبخ..

دخل للمطبخ.. انتجى ع الباب.. درتلو زعلت.. ما رد.. جا ساعدني بالاكل.. رش بهارات وخبط وغطى الطاوه ونصه النار..

اني واكفه احظر الجاي.. وكف ليش كلتيلي ..

-انت علمتني اتفاهم وياك وكت لما تكون هادئ.. احسن من ما اضم عليك وتعصب بعدين وهم نرجع نتعارك..

هز راسو .. اني حظرت الاكل وحميت الكباب البقى .. وصبيت صينيه وكعدنا ع التلفزيون ناكل..

ياكل ساكت.. وفجأه حجى .. شسم بت خالتج

-حظرتها

-اريد اسمها

-بلعت ريكي ما اعرف بالانكليزي... فتح الفيس وبساع راح طلع المحظورين.. طلعها..

فتح الحظر وفات.. كلب بصورها هواي ناشره صور الها ولزوجها بقى ينزل ما لكى ولا صوره..

ما حجه.. سكت..

-لو ما كايلتلي جان زعلت ومو بس ازعل اكسر راسج هم .. بس مدام عرفتي غلطج وحاسبتي نفسج اعديها بس لو ..

-ما تنعاد والله

-نشوف .. وبعد روحه لبيت خوالج ماكو افتهمتي.  لا عيشتهم ولا تقاليدهم مثلنا بت خالتج شاره صورها ع الفيس وخالج يعلقلها  

انه هذا الحجي ما يمشي عدي .. وكت اللي تضوجين من البيت نجي هينا كم يوم نستريح لحالنا وافرفرج وين ما تردين.. خوالج انسي

عود من تبين امج انه اخذج..

-ماشي..

-ما رد ابد.. كمل اكل وفات سبح.. وبدل تراك جايبو وياه.. وكعد يقرأ قران..

اني بقيت ع الموبايل اطمش.. شوي واجه حظني ونام وكال من تصير الصلاة كعديني

كتلو ماشي جانت الساعه 1.. بقيت ع موبايلي .. خلص شحن وشاحنه ما عندي اخذت موبايلو مفولو شحن..

شويه وبعثلو صديقو فايبر .. صار اشعار بنص الشاشه فتت بلا قصد دحكت مقطع ما حلو. 

بس جيت افتحو جر صراع الموبايل مني  ..

-شنو هلتصرفات .

-شبيك

-ليش ادحكين بهيج سوالف حرااام.. و بعدين شعدج تفتحين رسايل جماعتي ..

-ما اني هو انفتح وحدو

-لا تجذبين دحكت وانتي تفتحين فيديو ... شلج بهشغلات هاي .. 

-خجلت حتى اكف كدامو ويحاسبني على هيج شغلات.. دخلت للحمام كبل ..

هو بقى بالغرفه.. شويه ودك الباب.. ليليان طلعي

-ما رديت..

-شنو ضميتي روحج دطلعي يابه خل احاجيج انه رجلج..

-فتحت الباب و سحب ايدي وباس راسي .. ومشى كعد وكعدني يمو..

-دحكي حياتي .. هلشغلات مو زينه.  اولا حرام ثانيا تخرب تفكيرج وتوديج بمجال ما زين..

-سد.الموضوع والله اني ما ادحك على هيج شغلات ابد.. بس واني اطمش هي الرساله وحدها طلعت وبلا قصد فتت. 

-ليليان الى متى تظلين هيج خجلانه مني .. اني احرجتج فد يوم بشي ضوجتج ضايقتج  

-دنكت..

-اكول صغيره وما ارغمها بس كافي .. لا انه ابوج ولا انتي بنيتي .. من شنو خايفه وولليوم مانعتني اصير رجلج..

-كمت من كدامو .. مسك ايدي.. كعدي افتهم موضوعج.. ما احد.يمنا اذا ما ترديني مجبوره علي احجي ليش هيج تاركتني

10 اشهر انه احبج  واريدج وانتظرج تكبرين .. تتعززين علي ليش .. شنو البيه احجي والله ما اضايقج. 

-ما اعرف ..

-شنو ما اعرف ..

-شلون اشرحلك..

-شرحيلي لا تخافين شنو بكلبج كولي ..انه ما احب اشك بيج بالقران .. بس يابه انتي كولي اكو خلل ضامتو عني وتخافين اعرفو.. صاير وياج حادث شي وخايفه تحجين..

-يعني شلون حادث

-يعني فاقده عذريتج بشي .. انه بويه ما كاضبلج سلاح ومهددج .. جاي احجي وياج بهدوء واخذيها مني بالقران ..

لو شما صاير بيج.. انه ساتر الج.. بس احجي.. احجي لا تسكتين..

-ما والله ماكو شي

-عجل شبيج تخافين مني من ذاك الوكت لهذا الوكت انتي تتعززين علي..

-ما اتعزز والله اني احبك..

-عجل ليش؟

دنحجي اتصل صديقو .. قفل الخط.. واندارلي اني كمت للحمام كعدت.. رد اتصل صديقو .. هو جاوب وكام يحجي..

بعد.ما عرفت شي قليل عن الموضوع حسب فهمي .. خفت اكثر مما اطمئن .. بس شلون اشرحلو .. شكلو والله عيب..

فتحت الحمام.. هو ديحجي.. ويدحكلي.. طفيت الضوه و التلفزيون وظلمتها ونمت..

ونمت.. هو خلص مكالمتو بسرعه واجه تمدد يمي

-ليوون شو نمتي حبيبتي مو دنحجي .

-غمضت عيوني

-خايفه لو شبيج فهميني ..

-ما رديت بقيت غمضه عيوني حيل .. هو يحجي وصار يتجرئ اكثر ويحجي..

قفلت روحي وعصيت نفسي .. ما بيدي خوف ارتباك خجل .. ما اكدر اتجاوب اخاف..

بقى يحاول لحد.ما ضاج من الوضعيه.. كام من الفراش .. وزكح .. شبيج لخاطر الله شبيج غير افتهم وضعج..

تره بديت امل وتطلع روحي كافي تتعززين علي .. ادورين سوالف فاكسه ادحكين عليها من توصلين يمي تتمنعين..

بيج شي احجي .. ما رديت جريت الغطا وكمت ابجي.. هو زادت اعصابو..

..تبجين ليش ضاربج غاصبج بالله العظيم طكت روحي انطيني مهله صاخم موعد كعدي حاجيني فهمني ..

تره ما اول واحد جبير وياخذ صغيره بس ما كلهم مثلج بالقران لعبت روحي تبجين وما تحجين..

اكو شي وضامتو علي .. غيييير تحجي..

.. زدت بالبجي وما حجيت وياه.  بدل وطلع وصفك الباب وراه حيل وهو يغلط..

بقيت بفراشي .. اني بنفسي ما اعرف شنو هلخوف القوي بداخلي .. كلما افكر انرعب..

كلت ارجع واحجي لهيام هي تعلمني شلون اتصرف وياه .. اني ما اعرف واخاف منو

بقيت افكر.. صارت الصلاة الصبح وهو ماكو.. وره نص ساعه فات اني سويت روحي نمت. 

هو جا تمدد ونام.. نمت اني هم.. ل9 كعدني وكال تهيري نرد للرمادي..

فات سبح هو واني حظرت ملابسو وبدلت.. رتبت الشقه.. هو طلع بدل واخذ البطانيات صفطهم بجنطهم ورجعهم لجارو يعرفو..

ورجع اخذ الفراشات ورجع الفراش.. شال الجنطه وكال لبسي الجبه مالتج ..

لبستها وطلعنا بسياره للرمادي.. وصلنا اهلو قبل اذان الظهر.  فتح باب الكراج وبداخلي اكول رجعت لهلبيت لا هلا ولا مرحبا..

كأنما رجعوني للسجن.. فوت السياره ونزلت.. هو حط الجنطه بالمطبخ وصعد بلا ما يسلم على احد..

ام سعد.جانت موجوده ما سلمت عليها تعديتها فتت سلمت ع الحجيه وكعدت.. بقت تحجي وياي وتسألني على خوالي ومن هسوالف

شويه ونزلت نور هي والتوم مالها وفرحت بيهم.  جنت مشتريتلهم هدايه من اربيل .. ملابس .. لبستهم الهم.. وكالت يخبلون مشكوره..

طلعت للحجيه عسل وقماش .. وحرب وهيام وبناتها هم اشتريتلهم وصراع اشتريتلو ساعه بس نسيت انطيها اله..

عاد اخذتها وصعدت الو .. هو كاعد يقرأ قران.. كعدت ع التخت بلا ما احجي..

صدق ورفعلي راسو..

-هاي ساعه اشتريتها الك من اربيل نسيت انطيكياها..

-اخذها وكال شكرا..

-بس

-عجل شتردين..

-ولا شي .. من رخصتك..

-الله وياج..

-جاي اطلع وما احس الا حلا هدت عليه دفعتني وكعدت عليه ووكعدت ضرب وخراميش بوجهي

وتكلي رجعتي مسمووومه رجعتي ولي ما اريدج ولي.  اني احمي بنفسي و ادحك هاي هي نفسها لو غيرها شصاير بيها..

متزين شعرها وحواجبها صايره تخوف.  صايره جنها شبح.. دفعتها من فوكاي وردت اكوم وهي كاضبه بشعري عادي و زحكت دوخررررري ..

دفعتها حيل  وي ما دفعتها طلع صراع..صارت كرعتها على المحجر بساع صارت تنزف وتبجي وتصرخ ودخلت بغرفتها

هاي ليش هيج ..

-بس دفعتها جانت تضرب بيه دحك شفتي مضروبه وطالع منها دم وشعري صاير فلم..

مشى وراها وهي تكلو ليش هيج تذبحني بابا ليش موتني وخلصني ادفني يم امي ولا تخلي هاي المسمومه تحكمني..

من تحجي وتتوسل بي كسرت خاطري حتى تندمت هيج دفعتها.. شصاير بيها ليش مزينيها..

صعدت الحجيه كوه واخذتها بحظنها .. وهو واكف وهي تصرخ وتكلها جده فاتت من يمي تعيرني تكلي ام الزلم..

فتحت عيوني ورحت بساع.  والله جذابه اني ما كلت هيج .. طلعت من غرفة صراع وانتي تهجمتي مو مال واحد ينكسر خاطرو عليج يطبج طووب

حجيتها واندرت بسرعه.. هو  كضب ايدي ورجعني للغرفه.. وكضبني من اذني ..

-دحكي لو سمعتج حاجيه وياها لو جايه يمها .. بالقران اطيح حظج..

دفعتو مني وكتلو تصدك ما تصدك براحتك اني ما رحت يمها افتهمت .

كضبني من شعري لج لا تخلين اعصابي تطلع عليج مو انه الينكالي افتهمت ليلياااان..

-اي اضرب وارجع لنفسك ذاك .. انت ما تتغير وتطلب مني اتغير .. شكو جبتني من بيت خالو هااا

-دفعني حيل وتقرب يرفع ايدو ويهدد.. بطلي ملاسن لا لا انجبر اجرم بيج والله .. واريد اسمع حسج يعلى بهلبيت..

تركتو وردت اطلع .. كال ما خلصت كلامي

-ما اريد اسمع فكني رجعت لهلبيت عساني ميته ولا راجعتلك وراجعه لاهلك..

حجيتها وفتحت الباب هو راد يكضبني بس من طلعت ما راد يسمع احد مشاكلنا بس كال بسيطه انه اعرف شلون احاسبج..

نزلت لغرفة سعد.. لكيت نائل .. كال هلا هاي شوكت اجيتي

-هلا يمعود عساني لا اجيت

-ما حجه.. بس طلع مني.. شويه وفاتت نور..

-وين نائل

-ما اعرف طلع..... سدت الباب .. اني هم كمت طلعت.. دحكت الحجي سلمت عليه وبقى يوصي بيه.. وعفيه بنيتي وكسبي زلمتج ويلا بالسباعيه .

كمل عفتو ومشيت.. رحت للمطبخ لكيت نور تبجي..

-شبيج

-ما بيه شي..

-دحكت نائل فايت عصبي .. رجعت دحكت بيها هي اندارت عني .. وخدها احمر..

عفتها وردت امشي..

-ليليان من دخلتي هو يخابر لو لا ..

-منو نائل

-اي

-اي دحكتو يخابر وقفل الخط من فتت عليه وسألني شوكت اجيت وطلع ..

-هزت راسها وكالت هاهيه مشكوره

-تقربت منها .. يحجي وي وحده

-هشش عوفي

-انتي شاكه بي لو شنو

-لج هو يحب وحده قبل لا اتزوج.. وقبل ايام سمعتو يحجي وي الحجي يريد يخطبها.  مليت منو شسوي لبست وبدلت وتجهزت ويتركني ويطلع ما يريدني

بقيت كاعده يمها واهدي بيها واحنه نحجي نشتغل.. كتلها صدك نور حلا شبيها منو مزينها

-صراع من طلعت من المستشفى وحبسها نائل .. كالو هاي عرمه ما يفيد وياها حبس لو حبستها تضل تفكر من تطلع شتسوي وشتصخم. 

اتركني اعيد تربيتها واعاقبها زينها صفر وزين حواجبها وكاللها هذا درس الج حتى من تفكرين مره لخ اطينين وجهي

عقابج يكبر وياه..  وفتح عنها الحبس هي من خجلها من روحها .. حبست نفسها بالغرفه وليل نهار تبجي وموتوني وموتوني

تريد خالاتها .. وهو مانع خالاتها يشوفنها   بس البارحه اجت اخلاص لان هو مو هينا تكابلن وضلن يبجن..

...زين وتالي هاي زاته حركة ابوها براسي

-شعرفني ليليان انه كافي علي همي

-طلعت وبقيت بغرفة الحجيه.. شويه وطلعنا كلما نجهز اكل الفطور حتى ام سعد والحجيه كل وحده طبختها  

صبينا الفطور و كملنا .. صراع طلع.. اجا بليل .. كعد يم الحجيه   وجايب وياه حلويات. 

ما حجه وياي ابد.. صعد.. اني صعدت وفتت وراه وسديت الباب.. اندارلي ورجع يطلع ملابس بلا اهتمام

-اكلك انت مزين بتك اني شعليه احجي وياها..

-ايهيييي .. رجعنا

-شنو رجعنا اول ما دخلت زتت عليه تهمه واني فايته عليها و معيرتها واني ما حاجيه.

-شفتيني صدكتها 

-انت مانع خالاتها و  من وراك تجي اخلاص ويتكابلن حتى خوش يصنعن الهن فلم.. ولا تكلي ما تصدك.. اني معليه بهسوالف

-شوكت جايه اخلاص

-البارحه من انته ماكو

-تمام اني احجي وي الحجيه..

-تركتو ونزل هو قبل السحور .. فات حاسبها وكاللها من اكول ما يفوتن يعني ما يفوتن..

هي عرفت اني كايلتلو .. رجعت حجي عليه وحرام عليج والبنيه تزين راسها ادمرت نفسيتها تفتنين يم ابوها ما تخافين الله..

كتلها اني ما افتن بس حلا واخلاص يكرهني وهي ساعة الطبيت هجمت عليه هم يركبلي مصيبه بعد..

تركتها ورحت نمت بغرفة سعد.. وهم كعدو يتسحرون.. فات صراع ما تصومين..

-لا الكليه مالتي تتأذى ما اكدر .. تركني وطلع..

دحكت رقم يتصل على نائل.. ما اهتميت .. انوب كل شويه تندز رساله .. دخل نائل اخذ موبايلو وطلع..

طلعت وراه كعد بالحديقه ويكول .. ان شاءالله بالعيد اجي اطلب ايدج ويصير خير ..

.. شكد خاين تفو .. اندرت .. صراع وراي مكتف اديه..

-لا كملي كملي اخذي راحتج .. بعدو ممخلص

-انته شجابج تفتر وراي.. تركتو وردت امشي

-ول انتي شنو من ابنيه

-هذا ليش خاين

-شعليج

-اصلا كلكم خوناء ... حجيتها ومشيت

-ههههه لج يولي حتى جمع بالقواعد ممدبرتها شو حدري بويه خوناء هاي منين جبتيها .. لا هي جبناء ولا هي خونه شسالفتج انتي

-انته اصلا بس تحب تضحك عليه . روح بابا روح

-تركتو ومشيت.. وهو بعدو يسكت ويرد.يضحك..

... ثاني يوم .. هو راح للدوام.. ومر اليوم عادي..

بعدها راح واجب ل كركوك.. بقى اسبوع.. رجع كبل العيد بيومين ..

نور رأفت يريدها تروح لهلها تشتري وهي معانده الا هو ياخذها وياخذ التوم يشتري ملابس..

صراع وزع فلوس على الحجيه وهيام وجهالها وحلا .. بس حلا ما قبلت تاخذ حابسه روحها بالغرفه  

انطاني كتلو ما اريد متسوكه من اربيل .. ومرت هليومين يا دوب اشوف صراع رغم يصيحلي

تمظيف عيد من فوك لجوه .. وبس اني ونور وهي عدها جهال ومطنكره على رجلها وكل شويه تاركتني  

تكربست براسي.. صباحية العيد.. جانت غير شكل..

من جنا عد اهلي باجي تعايد ويحيى عود يجي يعايدني قشمر .. يكلي عيدج مبارك صخله ان شاءالله تكبرين وتصيرين بقره..

ونتعارك من الصبح على هلمعايده .. فاصلا ما اعرف اعايد.. وما جثير نعيد بهيج مناسبات..

ف من كعدت الصبح شفت خرب ركض كدامي يعيد جدتو.. اني هماتين ركضت وراه.. وعايدت

والحجيه خلتني اعايد ام سعد.. اجيت اعايدها مثل معايدة يحيى بس كلت لا تصير وسكتت وصرت حبابه

لل8 فاتو الحجي ونائل وذاك ابو دشداشة البيضه الماخذ گلبي .. صروعي

كلهم تعايدو .. شو اني كتلو عيدك مبارك حبيبي .. ما رد عليه.. ايووو شنو زعلان..

كعدو حجي وضحك وهو ما دحك بوجهي.. رحت دحست نفسي يمو ع التخم وكتلو كل عام وانت بخير . 

شو هم ما رد..

راح للمغسله يغسل وجهو ..  وكفت على راسو .. كل عام وانت بخير .. شو هم ما رد..

يااااااا هذا شجاه.. ل11 جت هيام وبناتها وضلو يوزعون عيديات والحجي انطاني عيديه ونائل.. صراع هم شو صار خوارده .. وكام يشيل وينطي  

وصلت يمو مديت ايدي.. كال خلصت ودار وجهو..

-والله محفظتك مليانه طلع. 

ما رد عليه فشلني كدامهم.. شنو ميته على فلوس درووح..

اجو خطار رحت للمطبخ نسوي جاي.. شو شويه وفاتت ساره بت هيام كالت خالو صراع يريدج فوك..

صعدت .. دخلت غرفتو..

-اي ليووون ليش ما تعايديني

-هااااااه والله عايدتك وانت ما ترد..

-ها صدك شو ما سمعت.. يلا ما صار شي حدري عايديني..

تقربت منو بستو بخدو وكتلو كل عام وانت بخير

-الخير يمسج خيه ينطيج العافيه ان شاءالله.. ولج هو هيج اليعايد يثوله ..

-عجل شلون والله دحكت كلهم يعايدون هيج..

-حدري اعلمج.. كضب ايدي ورجعني للسرير .. واستلمني عيديات مطكعه.. لا ويكول .. مو حكهم يكولون خلص الكيمر وما يلكون هذا الكيمر هينا بهلركبه يابه..

-محروم الرگب اريد عيديه ما تقشمرني هيج..

-ههههههههههههههههه

.. كعدني .. فتح محفظتو وانطاني 25 ..

-بس

-طر عليه المحفظه وكال لا ابوج لابو العيديات اني هم اريد عيديه. 

سحبني الو.. صحت هاااااا حجيه هااااااااا هو فز ..

كمت بسرعه كتلو تريدني الحجيه.. وشردت..

-انه الج شردي.. اصيدج لو ما اصيدج بسيطه..

نزلت هم كلهم كاعدين.. الحجيه بساع دحكت بوجهي وضحكت واندارت ..

رحنا كملنا الغدا وصبينا بعد الصلاة وكلهم سوالف وضحك .. شو الحجيه التفتت على صراع وتكلو يمه اريد اخ لحرب شوكت ناوي تخلف بعد.

هو دحك عليه وكاللها ان شاءالله يمه ان شاءالله قريب..

ردت كالتلو اي يمه اريدلي ولد ويكمل العيد اريد.عقد ليليان بيدي ..

هو هز راسو..  وكل شوي يدحكلي.. بيومها مثل الضوه الاخظر اللي انطتو الحجيه لصراع. 

لهناك نور راحت لاهلها و بيت سعد خابرو على صراع واصرو نتعشى عدهم ..

ف الحجيه وام سعد راحن وي الحجي واني صراع جان طالع اضطريت انتظرو لحد ما اجى المغرب ودخل يلا ويلا ..

مستعجل وطلعنا جان وحده جيرانهم واكفه ترش ابابهم.. هي تلاثينيه وتارسه وعليها جسم مثير حيل .. انوب لابسه كلابيه فيزون يعني تنجبر  ادحك

صاحت اشلونك ابو حرررب عيدك امبارك وعساك من عواده .. وهو وكف كاضب سبحتو وعينو ع الفرع ويتعايد وياها..

ومسكتو سوالف وضحك واني كاعده بالسياره.. كالتلو منو الوياك ..

جاوبها حرمتي والله .. سلمينا على ابو رائد اودعناج.  وجا صعد.. اني احس مكعديني بفرن كد ما كبت الغيره والحماوه بداخلي. 

لا وانوب حجه :- ينعل يومك ابو رائد على هلحرمه بويااااي الا تهد الحيل

.. درتلو متفاجأه.. اي وانت قصرت لو ماخذها بحظنك ومعايدها ليش من ابعيد..

-يولي غير بالفرع شيكولون ابو حرب يتحرش بيها ولو هي دهر صابها تستاهل الحجي..

-وما تروحلها يابه خابرها ما ترفضك..

-لو ما حرام متزوجه.. انه امشيها غير الا انام ابابها. 

-درت منو افور شجاوبو بجيت من الغيره واني دايره وجهي .. عاد تتوالمون ثنينكم بعرض الباب

-ههههههههههههههههههههههههه يولي  اتشاقى وياج والله استحرم ادحك بيها نظره .. بس هيج من لمحتها ودرت وجهي كلت اليوم احركج بيها

-توالمك وخر مني..

-الدنيا مغرب وساحه فارغه.. وكف سيارتو وجر وجهي.. لج انه غير لجهره الجايفه هم تحلى بعيني

-اني جهرتي جاييييييييفه.. جر وجهي وباسني اريد ابعدو .. كوه فلتت .. انت ما تستحي احنه بشارع

-يول هي بوسه وماكو احد بربج عطشان.. ورجعني .. مديت ايدي ودست هورن وهو يبوسني

فز  فزه طك بسكف السياره ويكلي كطعتيني خرب يومج حتى البوسه وياج ما راهمه..

... ضحكت واني اعدل حجابي.  وصلنا لباب بيت سعد.. هو عدل شعرو وشزاربو بالمرايا واني هم ونزلنا

لبيت نوال ما بيت ذيج الثانيه.. اكرهه مدري ليش احسها بواكة رياجيل. 

دخلنا وذاك الترحيب وذاك العشا بعد ما خلص صراع صلاتو .. وكعدنا ما شال عينو عني ..

احسو يريد يفترسني بأي لحظه.. طلعنا بالسياره بالجيه كال ليليان كافي منا ولهينا وصلت حدها..

من اليوم اطلعين يمي تنامين وهدومج كلها تصعد بغرفتي نومه يم الحجيه بعد ماكو افتهمتي نتكاون نتكاصب بغرفتنا نزله ماكو ..

ما رديت بس عرفت مرادو شنو.. اخذني فرفرنا شويه ورجعنا ساعه 12 .. كال بعد خطر نبقى اكثر..

دخل السياره .. وكضبني بالمطبخ .. دقايق وتصعديلي كل كلمه بعد ما اتقبل مفهوم..

كتلو اي. 

-يلا انتظرج..

-صعد.. بقيت افكر اصعد يمو .. مسكتني الخوفه اديه كامت ترجف مجرد ما فكرت بهيج موضوع..

تركت كلشي ونمت يم الحجيه ع السرير كتلها خايفه.  هي غطتني وياها ونامت..

لشوي واجه هو .. يكعدني اني حاطه راسي بحظن الحجيه كالتلو ها يمه ابو حرب شرايد من البنيه نايمه. 

-هاا نايمه.. زين..

-تركني وطلع بس من ضربت الباب حسيت بضربتو.. كلبي ضل يرجف منو.. 

كعدت الصبح بنات ام سعد كلهن هينا .. هو نزل ما يحجي وياي ورافع خشمو عني ..

كضب ايدي بالمطبخ وكال اعلمج شلون تكسرين كلمتي.. دفعني وطلع..

اخذت نفس.. شبيه الخوف ماكلني وما اكدر اخذ الخطوه واصعد يمو ..

بقيت اشتغل بالبيت وحدي ومحد وياي نور عد اهلها وحلا بغرفتها ... واني اشتغل.. وجهال بنات ام سعد طالعين فايتين موصخين البيت باحذيتهم

يلعبون بالحديقه والحجي ساكيها.. كطعو نفسي من التنظيف.. فات صراع بعد الصلاة صعد بغرفتو

اني مخلصتها ع الشغل .. جاي انصب .. وذوله تعبوني عاد طكيت بوجهم ودفعتهم واخذت واحد لامو

وزكحت.. تره مايصير عيج اذا مبيجن تشتغلن وياي كضبن جهالجن ما يصير هيج..

شيماء:- على كيفج يولي مالج غرض ما بيتج افتهمتي

-لا شو بيتي وبيت رجلي ونص .. واذا ما تكضبوهم والله اكتلهم..

-اسماء صاحت شيماء تركيها هاي السانها السان كح...

-والله حبيبتي من تشوفيني هيج عبالج مثلج ولو كلمن يشوف الناس بعين طبعو..

وهن كبن عليه احنه تكولين علينه كحا... وتناكزن فوك راسي .. الحجي طلع يهدي بيهن كالو هيج ضل يصيح..

نزل صراع كالو الحجي اكضب السان حرمتك عن بناتي الا بالله اطيح حظها..

صراع ما حجه اي شي بس كال ليليان صعدي وراي.

صعدت بس كل شي بجسمي يرجف منو.. لما يكون معصب هادئ اخاف منو اكثر..

فات للغرفه.. اندارلي يولي انتي مالج رداد..

-هن تجاوزن عليه..

-ضربني راشدي

-هاي برد كلبك من ضربتني..

-جاب الثاني.. ردت اتركو واطلع كضبني من ايدي وطرني للكاع وكضبني من شعري ويكلي اضاهر انتي مو مال عيني واغاتي ..

وبكل غضب رادني .. امتنعت وحاولت ابعدني نفسي منو وطمت ابجي واكلو عوفني اخر شي يكلي ولج ليكون انتي مو بنيه ..

كمت اصرخ رجعني لاهلي ما اريدك وديني لخالو وابجي.. جردني بكل غضب حط ايدو على حلكي وهو يكلي ارجعج ادللي بس بعد ما اتأكد منج. 

....بطريقه حقيره .. بلحظه نهى كولشي.. جنت ارجف من هذه اللحظه.. اخاف و احسبلها وافكر بخوفها. 

فعلا كانت مرعبه مع رجل شفتو ارعب من الوحش.....يتبع

☆☆☆☆☆☆

#زينب_ماجد

#مراهقة_و_الأربعيني

،،،،،،، بقلم زينب ماجد ،،،،،،،

الحلقة_الأخيرة

انتهى مني وبعدني عنو وكام.. وكعت ع الصفحه الثانيه.. لحظة فتور بألم حقير .. ماكو اي حركه او ردة فعل.. بس دموعي تجري بهدوووء..

حسيت بحراره نزلت عندي.. ما كمت .. احس جسمي كلو يوجعني ويأذيني .. ما اكدر اتحرك.. بس دنوعي تشكي حالي..

هو راح سبح ورجع.. دحكني بمكاني بنفس الوضع التركني بيه.. وحك الدم ع الكاع..

جا تفرب مني .. سابح و منشفتو على ركبتو غمضت عيوني منو لان ما حابه اشوفو ولا احس بي ابد..

-ليش هلدم ليليااان كومي ..

يخض بيه .. اني مهدود حيلي ونايمه جنب.. حطلي المنشفه وشالني من الكاع.. انتبه لجسمي كلو يرجف..

غطاني حيل وطفى المكيف والمروحه.. ليليان بس احجي وياي .. تحتاجين طبيب جاي تتوجعين..

.. ما يسمع مني غير واني اجر النفس لما ابجي..

-لج يابه بس احجي وياي .. يلعن يومي الله يلعن ابليس انه شلون هيج سويت بيها..

.. كام يفتر وتوتر.. ويرجع يكعد ع السرير .. يمسح على شعري  .. ويحجي

-اخذج للمستشفى لو تردين تنامين احجي بس كولي شجاي تحسين.. لا تسكتين..

راد يتفحصني ما انطيت البطانيه.. بس من لما هو يريد يجر البطانيه .. ايدو صارت عل الفرشه..

حس ابشي .. دفعني .. دحك الفرشه كلها دم .. كام يسب ويغلط على روحو .. ورفع الخط واتصل بهيام..

كاللها ع السريع تجين.. شكو شي بيدج اتركي وتجين ليليان جاي تنزف.. بعدين تفتهمين اكلج ع السرررريع..

تقرب مني.. ليليان ما قصدي اذيج بالله ما ادري شلون فقدت وياج.. حاجيني لتسكتين يابه بس احجي..

يمسح على راسي ويتوسل ويكول الله ياخذني انه شجرمت بهلطفله 

دقايق وجت هيام فتحت الباب.. ها ابو شصاير شبيها  

-ام علي البنيه تكربت منها وكامت تنزف قوي دحكي شبيها لا يكف دمها .. خل ناخذها..

هيام:- ليليااان بالله شبيج..

-عصيت بالغطا .. استحيت تشوفني كمت ابجي .. اريييييد اميييي.. جيبولي امي فدووووه..

هو انضرب على راسو حيل داخ.  دحكت الدم .. كالتو خويه خل ناخذها لا يصير بيها شي. 

حاولت تكعدني .. ما قبلت اشيل الغطا من جسمي.  كالت ما اكشفج والله بس البسج .. كومي وياي  

جرتني حيل ولبستني غصب.. هو صاح على شيماء تحظر العبايه والحجاب بسرعه..

كومتني .. والدم كام يجري على رجليه .  هو تخبل ويصرخ بهيام .. امشي راااااح تموووت ..

جت شيماء بسرعه حطتلي الحجاب على راسي ولبستني العبايه.. هيام اندارت لصراع..

كالتلو ابو حرب الغرفه اقفلها دم عذريتها بي لا تفتحها.. انه اجي واغسلها  .. هو هم قفل بسرعه  

ونزل كبلنا .. واني كوه امشي الوجع يذبح.. شيماء كاضبتني من جهه و هيام من جهه وتكلها شنو نزفت منو ..

كالتلها الظاهر هيج.. نزلوني الدرج كوه احسو شده.. الحجي والحجيه كلها تصيح هاا.  يربي والله فضيحه. 

وانوبه حتى نائل موجود بس غلس استحى يوكف .. طلعتني هيام والحجيه ركبت ويانه وهيام صعدتني وكعدت يمي  

وتمسح بدموعي وتكلي لا تخافين ماكو شي والله ولج كلما هيج وصارت سوالف ..

بس صراع متوتر واعصابو باينه بالاورده اللي تحس راح تنفجر بوجهو  .. ويفرك بوجهو و بركبتو ويدحك علينا من المرايا ..

دخلوني للمستشفى.. كالولها روحي لصالة الولاده.. اخذتني هيام ومشت وصراع والحجيه وكفو بره..

وصلنا اصالة الولاده .. كالتلها الممرضه .. بس المريضه تفوت ممنوع الوياها  

هيام كالتلها فدوه عروس ومتأذيه وتخاف زغيره ما تكدر وحدها .. هاي عندت اخر شي بفلوس فاتت وياي  

اخذتني ومشينا .. دكتوره تمشي بالممر وكفتها هيام.. كالت شبيها الحلوه. 

-عروس وبدخلتها نزفت.. والدم ما دا يوكف. 

-اخذيها للاستشاريه النسائيه بنهاية الممر..

-مشتني ومريت من ردهة الولاده .. وسمعت صريخ مثل صريخ ذوله اليحتركون.  نشفت الدمعه بعيني من الخوف

وهيام تدعي ربي يسهللهن بجاه الحبيب المصطفى..

... شبيهن

-كاعدات يطلكن خطيه

- خفت اكثر يمه صريخهن يكشش البدن مال ناس تتوجع حيل..

اخذتني للاستشاريه.. كالت خليها تنام ع السديا..

نومتني وتريد تفحصني خفت حيل كتلها لا هيام فدوه خل نرجع..

وهي تصيح بلا عياره عيوني من انطيتي نفسج ما استحيتي هسه جاي تستحين مني  

-حبيبتي تره هي عروس وصغيره وما تعرف فحص وهلشغلات غريبه عليها تستحي..

حاولت وياي كمت ابجي رغم الوجع بس استحي.. طنكرت وكال عجل ما افحصها يطبها طوب. 

جت دكتوره ثانيه .. كال شبيها الحلوه ليش هشكل تبجي  

كضبت بهيام حيل.. مسحت على راسي وكالتلي اهدي ماما خبيبتي لتخافين.. صح صعب عليج لانج بعدج متعرفين

بس لمصلحتج اذا تبقين هيج تتأذين اكثر وبالاخير من الوجع الوي تنجبرين تسوين هلشي.  يلا حبابه.

فحصتني بس دموعي تجري والوجع يذبح.. كمت اعصر باصابع رجليه واكضب بهيام حيل  

هي شهكت.  اوووي ليش هشكل هاي شمسوين بيها شنو معقوله عروس احجي تره هذا اغتصاب مو مال عروس . 

هيام:- لا بس هي صغيره ...... 

-صغيرتيش يا امي البنيه مأذايه هيج .. وين عقد زواجها.  .

-ما عاقده محكمه بس شيخ. 

-هلحجي ما يمشي امي .. البنيه متعرضه للتعنيف لا تقنعيني هي عروس ..  اذا ما انطيتوني بيها عقد زواج اكتب بيها تقرير اغتصاب واحولها  

وبعدين هذه تحتاجه  تخضع لجراحه مستحيل تبقى هيج..

بقيت ادحك بهيام وهي محتاره وتحجي وياها وتقنع بيها وتتوسل .. اخر شي كالتلها لازم اسويلها جراحه بس ما عدنا بنج اخيط بلا بنج  ..

كالت كومي خل نطلع اخذج دكتوره نسائيه على حسابنه العصر من تفتح احسن من هلربابه..

انطتني مسكنات و علاج التهابات وابرة للنزيف وطلعتني .. كال الها هااا بشري ..

-شبشر صخام الوجه يا خويه هو هيج بربك.. خل نطلع ونحجي برا..

طلعنا وهي تمشي بيه.. صعدنا السياره وهيام سولفتلهم وتكلو هو هيج يا خويه .. بنيه علكدها لا يمك ولا بكبرك هيج تأذيها..

-هيام لا تكفريني .. انه متقصد اذيها بس بالقران طلعت اعصابي اجيت باليين شرد.. بالعين واغاتي واحجي واغازل واتوسل وتشرد

ولج صارلي شهور لا يوم ولا يومين احجيلي كولي ماكو.. وصلت بيه الحاله اشك بيها وتخاف اعرف بشي وهي هلي حجيتلها كامت تبجي وتتختل مني.  شسوي..

-انت من تريدها ليش ما كتلنا يابه احجو وياها كعدو وياها تره جاهله هي..

غير اكعد واعلمها واجهزها واصعدها .. وغصب عنها ترضى بواقعك..

-اجي اكلج جهزيلي مرتي .. تركتها على راحتها كلت بلكن الله يهديها.. بس وصلت حدها وياها وهي تتشرد

... اندارتلي .. ليليان انتي ليش ما حجيتي ليش ما شكيتي .. رجلج ويحبج ويريدج تتشردين منو

-ما اعرف

-هو شنو اللي ما تعرفي

-ما اعرف والله كل ضني بالزواج الرجال يبوس مرتو تصير زوجتو مثل الافلام والله ما اعرف شي ..

ذاك اليوم بالانترنت عرفت شويه وخفت .. هو ضل صافن..

-يولي شنو ما تعرفين.. انه كل مره اجي يمج تتمنعين .. لو ما تعرفبن جان بقيتي وعرفتي للتالي

-اندرت على هيام.. والله جنت اخاف هو ما اعرف شلون يصير يتغير ويصير عصبي..

صاح .. هشششش ..

-سكتي ما تحجين هيج عيب..

-هسه انه وين اخذكم..

الحجيه:- يمه اطلع للدكتوره خل اطيبها .. ما صوج احد

. صوجنا كلنا .. لا انه العرفت احويها واحجي وياها ولا انت الكلت ولا هي الحجت .. امش يمه..

اندارت على هيام.  قفلتي غرفته لو لا تره ام سعد وجماعتها ما يرحمنو لو كضبن حاجه بيها من دم ابياضها..

-لا على بالي يمه كلتلو لابو حرب قغل الغرفه..

وصلنا لعيادة الدكتوره كالن ل4 تجي .. انتظرنا بالسياره هو راح جاب عصير ولفات  للحجيه وهيام والي لفة معلاك.. وكاللها هيام وكليها وشربيها صارت صفره نزل دمها 

ما اكلت ابد ما اشتهي بس كوه شربتني عصير .. لشويه اجت الدكتوره .. نزلنا و ونفس الدوخه والفحص شكد كرهت نفسي

نومتني وبنجت واشتغلت .. و هيام على راسي .. وجع حقير .. وبس دموعي تجري..

لحد.ما خلصت وكومتني كوه .. لشويه وفك البنج كمت ابجي بخبال متت من الوجع.. صعدتني هيام واني ماسكه هيها حيل واحك رجل برجل من الوجع وهو يدحك من المرايا..

وصلتني للبيت سبحتني بمي دافي وسمت على جسمي وانطتني منوم فاليوم قوي.. اخذتو ودخلتني بغرفة الحجيه الوب..

جانو يصلون المغرب واني روحي فرفحت لحد ما نمت بمفعول المنوم.. ما كعدت غير لثاني يوم..

كعدت فاتت الحجيه وفرحانه وتضحك وباستني وكالت ..منو المال ومنج الجهال يسعدكم ييمه ويبعد عنكم كل عين ما صلت ع النبي..

طبت هيام وهوست وهلهلت وفرحنا واليودنا يفرح ويانه.. وجت تبوس بيه وتكلي مبارك حبيبه يجعلها زواجة العمر..

بيومها الحجي ذابح 2 خرفان وعازم .. وفرحان والكل عرف زواجنا اني وصراع صار فعلي.. شويه و اشتغل الرمي بره وضحك بصوت عالي..

وفات الحجي يضحك  دحكتو نزلت رجليه وتغطيت.  باس راسي وكال دخلة المباركه بويه يسعدكم ان شاءالله طول العمر ويحفظكم. 

وشال ورقه وانطاني .. استحيت اجاوبو على شنو محتفلين. 

شو ذوله فرحانين شبيهم.. فوك ما جرحني و صخم وجهي واكلتها بخاشوكه..

كومتني هيام اغسل.. كتلها كون صراع موجوده.. ما اريد اشوفو على وجع البارحه الشفتو منو ..

-لا ما هينا والله بره وي الزلم واكف..

-اريد انزع الكانونه ذبحتني

-شلون مو كتبتلج الدكتوره 6 ابر تتحمليهن..

-لا بس انزع هايه  والله اذتني

-يله عجل نزعي انه احطلج غيرها اذا مضايقتج  

طلعتني  غسلتلي .. ام سعد ادحك من وره خشمها.. رجعت للغرفه

شويه واجت الحجيه جابتلي صينيه و كالت صراع شوالج المعلاك بيدو .. كعدي اكلي..

وجت توكلني .. عاد الصدك جنت جوعانه مو مال مستحه.. اكلت..  والحجيه خطيه بيدها تلفلي معلاك وكرفس بخبز وتكلي اكلي

يابه شبعت.. وتصيح عوضي يبنيتي عوضي.. تبلتني تبل.. لهناك وطلعتلي هيام ملابس..

كتلها منو بالبيت.. كالت بيت عمي صالح اجو هم وبيت عمي عزام..

-خلوص وياهم

-عجل شلون

-طبعا خليصان قائد الميدان.. كومتني للحمام .. ودخلتني .. اني سرحت جو الدوش بعدو الوجع بيه.. ليش هيج سوه بيا مو يكول احبج..

طلع حبو كلو كذب .. اليحب ما يأذي وهو خله الدم يجري كأني وحده مذبوحه .. حقير كل همو نفسو ما حسب احساب البنيه بيني وبينو يا دوب اصل كتفو..   

فزيت على صوت الباب جفلني .. فتحتو ..

هيام:- هذا شب دزتو امي شطفي بي يطيبج بساع وما يخلي عندج التهابات..

-تمام. 

غسلت وكملت وطلعت.. النسوان استلمني مباوس وكلهن يباركلي.. وانطني فلوس ..

واخلاص ما دحكت بوجهي سوت روحها مدنكه..

-تركتهم وفتت بالغرفه.. احس كتافي مهدودات ما بيه امشط.. ضليت كاعده.. اجت هيام كالت :- ها امشطلج..

-اي والله علواا ..

-كعدت ومشطتلي فرنسي .. كتلها صراع وين..

-ضحكت ..بالاستقبال العريس وي الزلم كاعد.. ليش لازم اشتاقيتيلو..

-لا بعد اخوج طلع من عيني ما اريدو ابد..

-هلي كلمه تفيدج ما بكيفج من بعد الصار راح تحبينو زياده ما تكرهي الله كال وجعلنا بينهم موده ورحمه..

-لا اريدو ولا اريد الموده مالتو  .. هو انتهى بالنسبه اليه

-حقج هسه مجروحه منو .. الله يداوي الگلوب ويصفيها والله ما لان اخوي بس يحبج وفرفح البارحه من شافج بالوضع..

بس بعد انتي صغيره وهو يحبج وانتي تتمنعين اتنرفز واخذ بقوه..

-فاتت الحجيه فتحت الخانه وانطتني سوار ذهب وكالت هذا بيضاج يمه ان شاءالله اترسين البيت جهال وباست راسي..

وسألت هيام ع النيشان كالتلها بخانتج يمه بعلكه وضميتو بالعلبه..

طلعتو القماش اللي بي الدم.. وي ذوله اشنو ما يستحون .. شلون ياخذون هيج شي.. والله عيب..

فيما بعد عرفت ان عمامهم يعرفون ان اني بايعه روحي لعابد وعلى هلاساس صراع سترني

بس صراع رغم يضوج من هاي الشغله سمح للحجيه تراوي بياضي للكل وتكلهم مرت ابو حرب طاهره وعفيفه وما مسها غير ابو حرب وهذا بياضها..

ام سعد بيومها حيل ضاجت وكامت تعارك ذبان وجها .. لان الكل عرف ان عابد جان باطل وكلامو عني جذب... وتبرأت من تهمتو وصرت مرت ابو حرب ايخسي اليطخ اسمي ^_^

.. بوقتها كعدت بالغرفه ابد.ما طلعت وخالطت احد.. بس امدده بتخت الحجيه وادحك ع الموبايل لان متوجه يصعب عندي المشي..

شويه و فات صراع جنت كوه لامه رجليه و كاعده ومنتجيه لضهر التخت... محد بالغرفه.. دنكت راسي منو..

جا باس راسي .. مبروك حبيبتي الله يوفقنا واكدر اصونج واسعدج..

-اختنكت .. عيباركلي على جروحي لو على شنو..

-مسح على راسي وطلع علبه حمره كبيره على شكل قلب الحب.. فتحها.. تخم ذهب (تراجي وكلاده و سوار ومحبس وحلقه وحجل )

اخذ الحلقه وقفل العبه خلاها ع التخت.. وسحب ايدي اليسرى من الموبايل وحط الحلقه بأصبعي.. باسها.. جريتها منو ..

رجع باس راسي وما حجه .. و طلع.. نزعت الحلقه وخليتها بالعلبه وطريت العلبه ع الميز بنتر..

بكل وقاحه عندو عيد ويبارك وعبالو يصالحني بكم قطعه صفره .. ما يعرف الالم و الشعور الرخيص الحسيت بي وياه. 

يجرح و يرجع يداوي ويريدني اطيب.. هلمره جرحي عميق ما اكدر ما بس جرحني جسديا جرح روحي واحساسي وكل مشاعري وياه واذاني حيل..

دخلت الحجيه.. كتلها يوم اني ما اريد ابقى هينا و ادحك وجهو والله ما اطيق .. خل اروح لبيت هيام..

الحجيه:- هذا بيتج يخايبه لا تضلين كل زعله وانتي طالعه.. اليبعد عن العين يبعد عن الگلب .. كعدي هينا وخلي يعرف غلطو ولا ادحكين بوجهو لحد.ما تصفى..

-بس يوم اني ما اريد اشوفو والله ما اطيق ..

-كعدي هينا ولا اطلعين وانه ما خلي يفوت هينا لحد ما يصفى گلبج..

..بقو بره هوسه واسمع اصواتهم و ما طلعت ابد.. اخلاص ما جت ولاوحجت ابد..

هو خلص العيد والتحق ما شفتو بعد.. ولا اني طلعت.. اسبوعين ما اطلع من الغرفه.  انزويت على نفسي بس موبايل . 

مسلسل تابعتو وكعدت حلقه وره حلقه ما حبيت ادحك ولا واحد منهم..

بس نور تضايقت وهي بيها عاده ما تشكي من شي تخلي على ايد الكبار هم يحجون..  فرايحه لام سعد وشاكيتلها..

وام سعد رايحه للحجي تكلو العروس ما ناويه تكوم شنو نحنا خدم عدها .. تتصرفون وياها لو شلون  

الحجي كام يحجي ع الحجيه .. وطلعيها وعلميها وشنو كاعده.. كالتلو احسبو هي ما موجوده.. شو حتى اكلها بس حلويات وزين لو اكلتلها لكمه مالحه. 

ما قابل الحجي وضال يحجي.. بيومها جا صراع.. ساكتين ما حاجين كدامو لان يجي من الواجب معصب روحو طالعه يريد راحه  

واليسمع صوتو كل اعصابو يزتها بي.. صاعد نايم.. ونزل ثاني يوم .. اني ما اطلع من هو جوه..

وحتى ع الغرفه ما يفوت .. بس يدز حرب اذا يحتاج شي.. ابد ما دحكتو.. ف سامع نور تشكي لام سعد...

والحجي حجاه وياه .. كالو هاي ما حاله كل التعرس تعتكف وبعد ما تريد احد.. صارلها اسبوعين وشويه بالغرفه وما تطلع تعاون احد..

صراع:- وشمضايقتكم كعدتها بالغرفه .. لا مأذيه احد.ولا واصله گرب احد.. اعتبروها ما موجوده بالبيت

اننه رجلها ما جاي تغسلي ملابس ولا تأديلي واجب وساكت .  انتم شلكم بيها بعد..

ام سعد :- بس هي چنه وحالها حال نور ليش ذيج تشتغل وهاي لا .. دلال زايد هذا ..

-اليعتبرها جنه غلطان .. دام البيت بأسم يعني بيتها والواحد.خر ابيته ياكل يشرب يطنكر .. وانه راضي انتو شكو بيها ..

اليعجبو يعجبو والما يعجبو ذاك الباب مفتوح..

محد عدنا بالبيت نور تخدم رجلها وانتي تخدمين رجلج وحلا تخدم جدتها و اخوها وانه راضي بزعلها ..

ولو سمعت احد.حجه حرام يا هلبيت افلشو عناد واخذها لبيت صغير ونكعد وعود بعدها حيرو وين تكعدون..

..... اني كاعده بالغرفه واسمعو.. والحجيه يمي وتكلي :- دحكي يخايبه شلون يحبج .. لا تخسري واكسبي وغيري اطباعو..

كل رجال مفتاحو عند مرتو لو هي ذكيه تعرف شلون تريضو.. وتعرف نقاط ضعو وتشتغل وياه صح..

مالج احد غيرو يخايبه تعبان وليدي لا هيج وياه صارلو يومين اجه ما دحكتي بوجهو وحتى اني مانعتو خاف تزعلين منو..

-يوم والله ما اطيقو من ادحك وجهو اتذكر وحشيتو وشلون كان حالو وعاملني بقوه وخلاني مجروحه ما اريدو فدوه..

سالفة تغزر بيه ما يخليني اشتغل اني اتمنى اتركو وارجع لاهلي لان صدك طلع من عيني..

... وما طلعت يداوم هو يوميه وما اطلعلو ولا اخدمو بشي .. بقيت معتكفه بالغرفه ما اريد ادحك واحد بيهم..

ونور حيل تضايقت من الوضع و كامت تزت حركتها بالتوم تصيح وتدعي عليها وتكول الله ياخذني واخلص من هلبيت ومن هلعيشه..

استخطيها .. هم حقها .. خصوصا بعد ما نائل مشى على خطيبتو وطلب ايدها.. بس اهلها شرطو الا بيت وحدها..

ونائل يريد بيت يطلع بس الحجي و صراع ما يقبلون .. يكلون يا تفتح بيتين يا تكعد وتسكت..

ونائل معصب ما طايق الدنيا .. اني اشوف هم حقو حبيبتو صار 3 سنوات يحبها تورط بسالفة اخو وتعلكة عائلتو بركبتو  

ونور هم حقها تريدو رجل الها ما بس لاطفالها هي هم بعدها صغيره.. .

وباقي البيت متورتر كلها مطنكره.. اني من صراع وصراع من شغلو ونائل من وضعو ونور من نائل ..

وام سعد كاتلتها الحركه شلون نايمه تكعد بالهول وتصيح نسوان ما عدهن حيا وبلا اصل ومن هلكلام مالتها الما يخلص ..

صراع وضع البلد حيل تعبو .. وهو الوحيد بالعائله وضعو حرج.. بوقتها انتشرت الفتنه والطائفيه باالانبار بشكل ما طبيعي

وكثرة مفردات الرافضي و المرتد.. الرافضي هو الشيعي .. و المرتد السني اللي بالجيش ويشتغل لصالح البلد..

لان داعش كانو يعتبرون الجيش صفوي ايراني تابع للمالكي.. وكل شخص بيه لازم ينقتل  

وصراع وضعو حرج بين كل هطائفيه.. يسموه رافضي لان امو علويه وباعتقاد داعش ان الرسول محمد ما الو ولد ونسب .. فكل نسب الساده هم روافض. 

فلهيج يسموه ابن الرافضيه .. والمرتد لان يشتغل بالجيش العراقي..

اخوانو كانو امهم وابوهم من نفس العشيره و العشيره معروفه و هم ما بالجيش ف ما عليهم خطر. 

الخطر بس على صراع وكثير تهديدات عليه .. بس هو ما يحجي ولا يكول يهددون..وحتى لو يعرفون يكللهم قول للرسول

(ولو اجتمع قوما على ان يضروك فلن يضروك الا بشيئا كتبه الله عليك )

وما كان يرد .. بس كانت اعصابو متوتره وما يتحمل صوت وكلمه بالبيت .. فوك هذا ما احجي وياه ف حيل متضايق

جانت بيومها الحجيه ما هينا.. والظهر كلهم بغرفهم.. بس حرب كاعد يمي على الايباد مالتو ..

فات للغرفه .. اول مره بعد 3 اسابيع مرت.. واني ما شايفه وجهو ابد .. كالو حرب بابا اصعد العب بغرفتي..

حرب حباب وابد ما بي وكاحه شتكول ينفذ.. سمع الكلمه و صعد..

اني لميت رجليه وعيوني بالموبايل .. تقرب يمي وكعد.. واخذ الموبايل من ايدي..

-ليليان خل نحجي

-ما اريد اسمعك .. ردت اكوم .. كضب ايدي ورجعني

-حقج بالله العظيم تكرهيني و تزعلين مني .. انه همجي وغبي وما عرفت احتويج وشتردين تكولين علي كولي ..

بس والقران ما جنت اعرف انتي ما تعرفين.. عبالي انتي تتعززين علي وما ترديني .. حاولت احجي وياج تتذكرين وانتي ما حجيتيلي..

زين لو حاجيتلي انه ما اعلمج ما افهمج.. اشوف صوتج وتصرفاتج من 7 المستحيلات يخطر ابالي انتي ما تعرفين  

بنات هلوكت اعرف كلشي تعرفن وانتي جنتي بمدرسه ودارسه واكو صديقات لابد يحجن  

شجاب على بالي 10 اشهور انتي عندي وما تفهمين شي.. ليش ما كلتيلي انته شتريد تسوي بيا ليش ما كلتيلي ما افتهم شتريد مني ..

ما طلبتي مني شرح واني قصرت..

-يحجي اني مدنكه.. وامسح بدموعي منا ومنا ..

-تقرب سحب راسي لصدرو .. لج بالقران احبج ومن تجبريني اذيج انه الاتأذه اكثر منج بالله العظيم..

-ابتعد من صدرو وما حجيت

-شنو التريدي مني احجي وانه انفذ والله بس كولي ..

-ما اريد شي

-اغيب من دوامي ونطلع لبغداد نريح كم يوم غاد الوضع ما خطر والاسواق عامره.  تتونسين بالمولات تغيرين جوه ما تعبتي صارلج اسابيع بهلغرفه

-لا ما اريد..

-اخذ نفس.. وتنهد.. براحتج بويه ..

وكام.. اجت الحجيه كتلها اجه حجه وياي وهيج وهيج كال..

كالت والله عليتي كلبو لهلزلمه شتردين بعد.. ما كافي عليه وضعو والخطوره الهو بيها..

-ما اكدر انسى يوم اللي سواه وياي صراع جريمه اشبه بالأغتصاب .. ما اكدر اسامحو وانسى بأسبوع و اسبوعين .. ما اكدر

تركتني وبقيت لوحدي ورجعت افكر بيه بعد ما نزعتو من گلبي .. واحس بجيتو وكلامو رجع زرع نبتة حبو

مثل شجره جامده بلا اوراق يطر عليها الربيع وتبدي شوي شوي ترجع تورق.. هيج گلبي وياه..

بعد فصل شتاء بارد صار بيناتنا .. احس بدا الجليد البداخلي يذوب وارجع اورد واغصن. 

بس ما مستعده اعطي ثمار ابدا.. 

ثاني يوم .. كان عطله .. كعد هو .. كالتلو نور اني اسويلك الريوك.. كايل الها :- مشكوره حاب انه اسوي على مزاجي ..

ف مبدع بالاكل وهو الو نفس طيبه بالطبخ لو جا على بالو..

سوه صينيه وكال لنور وديلياها بالهول .. فتح باب غرفة الحجيه.. هي كاعده تحجي وي هيام بالموبايل

واني كاعده من النوم بس بعدها صفنة الصبح بوجهي ومتمدده بفراشي وحرب يمي على ايبادو..

كال منو ما متريك يجي يتريك وياي .. ودحكلي .. ما رديت الحجيه كالتلو حرب لفتو بيدو ضميتلو من ريوك الصبح..

صاح جده اكلت..

اندارتلي الحجيه كومي اكلي وي رجلج.. جريت الغطا وغطيت راسي هو ما رد سد الباب وطلع..

جت الحجيه وشالت الغطا .. لو ما كمتي اكوم اكتلج.. يلا انتي مو مال عيني واغاتي

.... ما جوعانه هسه ادز حرب على بسكت واكل وي الجاي ..

-اي روحي كعدي وياه ع الصينيه وهذا البسكت عدي بس كومي بتي يلا سباعيه لا تضلين هيج تمطين وياه

تره الرجال صبرو قليل يثوله لا ينفجر ويشوف النسوان اشكال الوان بره ويروح من اديج كومي. 

.... اوووه.. كمت من الفراش لميتو وطلعت غسلت هو مدنك ياكل ونائل كاعد وياه ويحجي وي الحجي..

كعدت .. دارلي غيونو وابتسم.. حطلي صمونه كبالي .. صحت على حرب كتلو جيبلي البسكت من الحجيه وكلاص من المطبخ  

صراع:- تركي البسكت هذا الاكل كبالج يابه سندي ضلعج ضاله مصفره.. وصبلي جاي بأستكانو وخلاه كبلي وكال شربي ..

ضحك نائل كالو مطورين ابو حرب واخيرا واحد شاركك استكانك..

-لك استر عليه وصم السانك رحمه الوالديك تره كوه راهمه ويانه لا تخربها  

-هههههه ومن الحب ما قتل .. والله وكت تسوي ريوك بيدك وتصب باستكانك حتى يرضون..

-اني غلست على ضحكهم.. بقيت مركزه اسوي نفسي افتح البسكت واكل.. البسكت مطبك.  وبنصو كريمه. 

فطبعي اكل الكريمه البنصو وبعدين اغمس البسكت بالجاي واكل ..  صراع يتخبل من هيج لعاويص بالاكل ..

فياكل ويدحك ويتنهد ويدور ويرد يدحك.. اخر شي .. كال بويه دتلعوصين انتي هاي خيرات الله وانتي تلطعين بهلما بي حظ.. دكلي

.. ما رديت .. ردت اكوم..  كضب رجلي .. مالي شغل بيج كايم و اكلي براحتج..ف كام واني بقيت اكل..

و مر اليوم واني هم ما احجي وياه .. بس من طلع صعدت اول مره من بعد الصار لغرفتو..

دحكت المكان.. احس هيج نغصه تصير بگلبي من اتذكر وحشيتو وصكة اسنانو وقسوة ايدو على حلكي..

رتبت ملابسو و نظفت غرفتو طلعت فراشها ومسحتها وتركتها بلا فراش.. هو يحب يشم ريحة المعقمات والنظافه بغرفتو..

فتحت المكيف.. وسديتها وطلعت اخذت ملابسو وغسلتها.. ورجعت للغرفه..

أجت هيام العصر حجت وياي و سولفت .. واني قافله ما اريدو .. عاد كالت براحتج. 

اجه هو بليل ودحك كلشي منظف .. نزل كال منو منظف غرفتي ..

الحجيه:- مرتك ليش. 

-لا هيج دا اسأل.. اندارلي وابتسم.. عاشت ايدج..

-هزيت راسي..

-شال 7 اوراق و انطاها لهيام وكاللها ترحين وتاخذيها للسوك واشتريلها جهاز كامل .  واذا تحتاج بعد اصرفي وانه انطيج..

هيام:- مو تأمر ابو حرب تدلل ليون تستاهل الحلوه.  ..

-اني بقيت مدنكه راسي اجيت ابجي من المستحى .. يتصرفون وياي كأنما طفل ويردون يقنعوه بشي.. 

لثاني يوم ما رحنا لان اهل خلوص ام حثل .. عدنا ام سعد عازمه اختها واخلاص تريد تشوف حلا..

طبعا حلا كل هلفتره ابد ما دحكت بوجهي ولا سوت مشاكل لان البيت متوتر وابوها عصبي وهي اصلا نفسيتها تعبت حابسه روحها ابد ما تطلع..

رغم صراع انقهر عليها ورجعلها موبايلها بس بقت منطويه على نفسها وكفت مشاكل .. تستحي تطلع. 

وزواجها تأجل للوكت اللي يحددو هم اهل حلا ومنع خطيبها يجي بس يقبل تتواصل وياه   

ف اجو وانخبص البيت .. اني طلعت يم نور خطيه شلها دخل بحالتي النفسيه هي هم تتعب من التوم مالها..

ف وكفت وياها.. وبقينا نشتغل وتسولفلي .. نائل كاسر الحاجز بيناتهم ومتقرب منها.. لان هي قافله عليه الباب وتكلو لو ردت تخوني هينا اطلكني. 

ولو ردت تبقى وياي هسه تعتبرني مرتك.. والا اخذ ولدي وما تلكوني والله شذنبي اخوك جان يخوني ومات وجيت انت كملت عليه..

عاد منقهر عليها ومتقرب منها .. بس ما ترك خبيبتو وكال الها .. انتي مرتي بس ذيج هم احبخا لو اهلها وافقو ما اتردد اخطبها واثنينكم على ذمتي. 

عاد شتسوي وين تروح هم ينحسب عليها زواج.. والطلاق مرتين للمره بمجتمعهم ما زين..

فنجبرت تقبل بواقعو و حبيبتو وتدعي ابو البنيه ما يوافق وتترك نائل .. واني هم دعيت وياهم..

وكتلها لو ادري شغلتلج شمعه بالكنيسه .. بس وعد من اروح لبغداد اخلي صراع ياخذني كنيسه واشغل شمعه ..

تنور طريقج ببركة امنا العذراء ويسوع المسيح  

نور:- والله علواه تسويلي فضل من ترحين غاد شعليلي شمعه من بخت مريم العذراء يهدي عليه وعلى جهالي بجاه الحبيب المصطفى

-هههه يا رب..

-الا اكلج انتي صدك لشوكت راح تظلين ماده بوزج على ابو حرب وما تحجين وياه.. ولج والله ما يستاهل هلمعامله ويحبج 

دحكي اخلاص جوه تتمنى الفرصه منو حتى تتقرب .. ولج لو سوتلو شي ومل من زعلج وراح عليها يغير نفسيتو وهو تعبان شتسوين

والقران محد يخسر غيرج.. شنو اني ما عدي اهل واضل تحت نائل بس ولج المره ما الها غير رجلها.. 

شكد يصرفون عليج يوم يومين حتى لو طلعت امج وان شاءالله بخير.. هم ما تحملج يولي .. يجي اليوم وتكلج ازوجي ولا تضلين..

ساعتها ياهو التتزوجينو وشمدريج اليجي احسن منو .. ماكو انسان معصوم وهو صح بيه عيوب بس يحبج ويحترمج ويريد خاطرج..

لا دور عليج ولا مل منج وانتي شهور تتعززين عليه وصبر وصبر وصبر.. وتالي انتي خليتي ينفجر  

كسبي وصيري الكل بالكل هو وحدو يرفعج ووحدو ينزلج.. ليش من كال ممنوع تشتغل .. كدر واحد.من عدنا يحجي..

كمنا نشيل الاكل ونخلي كبالج ولا تحسبيها علي غيبه كومه حجيت عليج وغلطت لان ادللتي هواي

-هههههه

-اي والله امداج يخايبه لو غرب دلالج وين تلكينو.. مو بالحيف هاي العوجه تكون عليه وتريدو ..

تعبان هو  ابدل واعدل روحي واصعد.. انتي تنسين وهو يرتاح والله وتتغير حياتكم ليش مبقيه سفينتكم راكده وما تحركيها

كلو بيدج انتي تغيرين حياتكم وانتي اطميها  ..

-شسوي اشوف .. تبقى يم الرب ..

-هاي بعد انه حجيت وياج وانتي بكيفج. 

دنحجي واخلاص نزلت حلا من غرفتها و جايبتلها باروكه بس تكول صدك شعر حقيقي .. وراسمتلها تاتو ..

وكالتلها يعيون خالتج هي الدنيا كلها تلحك تراب رجليج وانتي حابسه روحج.. وكامت اطلع غراض وتكلها خل نسوي انه وياج بيتي فور

واليوم يجي خطيبج ويكعد ابو حرب وانتي تكعدين وسوالف حلوه وخلي غيرج يموت حركه..

... اني هزيت ايدي.. بس بصراحه فرحت .. من نزلت حلا خطيه تكسر خاطري حيل ادمرت نفسيتها..

اندرت صراع واكف اباب المطبخ يدحك ابنتو .. اخلاص بساع كالتلو ها ابو حرب نزلتها كلت تغير جو ..

هز راسو ومشى اخذها لحظنو هي انفجرت تبجي بحظنو .. وهو عيونو كامت تلمع بس ما بجى وهو يكللها ..

والله بويه ما يهون عليه حالتج بس عمايلج هن سبب عذاب .. تقبلين تحطين شيباتي بالطين.. شقصرت وياج انه وهيج تذليني

كل عمري انتي تأمرين وانه انفذ واكول ما احرمها يتيمه .. تجين بتصرفات مو زينه تخلين اليسوه والما يسوى يجيب سيرة ابوج..

هو يحجي وياها وهي ضامه راسها بحظنو وتبجي.. واحنه هم نبجي..

باس راسها وكاللها صيري سباعيه عفيه بنيتي.. هي هزت راسها  مسح دموعها ... وكاللها يلا ..

واندار .. شافني ابجي عليهم.. ضحك وكال صعدي اريد احجي وياج شويه..

... سكتت .. هو صعد واني خلصت المواعين بأيدي .. جت ساره .. كالت خالو يريدج..

كتلها اي.. صعدت لغرفتو دكيت الباب هو جان عندو اوراق يقره بيهن.. كال حدري لشو ...

تقربت .. بس ما انكر كل شبر بجسمي يرجف.. كعدت ع التخت .. دحك وكاله..

شنو اللي تعرفينو عن الزواج..

-سكتت..

-ما فكرتي فد يوم انتي شلون صرتي ما درستي .. لا تستحين احجي حسبي كن تحجين وي روحج وغمضي عيونج اذا تردين 

-جنت اعتقد الرجال من يبوس مرتو يصير جهال .. دريت احياء بس جان حفظي شفهمي ما اكعد.اطبق بعقلي وافسر الامور واشرحها

كل هم احفظ الماده .. حتى كد ما جنت ما انتبه للكلمات واقره  عن الاعضاء التناسليه بصوت عالي ويحيى كاعد يرزلني يكلي شنو هلحجي نصي صوتج..

وما اهتم ولا افكر انصي صوتي واكمل قراءه وحفظ.. ما تمعنت بالشرح وحتى هسه ما اعرف شلون الأمور ما متوضحه كدامي..

-سؤال .. قاريه قرأن...

-اي بالمدرسه

- سامعه بأية (نسائكم حرثًُ لكم فأتوا حرثكم انى شئتم)

-ما اعرف ما اتذكر..

-الله بقرانه شرح العلاقه الزوجيه باجمل وصف.. وكال نسائكم.. يعني الزوجه..

انه اليوم امي واختي وبنتي .. كل ذوله مو نسائي .. ولا يرجعولي .. تربطني بيهم علاقه.. لان بتالي امي مسؤله عن نفسها واختي كذلك و بنتي في يوم تتزوج وتروح تحت حكم غيري ..

منو المرأه الوحيده اللي راح ترافقني طول عمري وتضل تحت جنحي لحد ما اموت او لا سامح الله الطلاق..

الزوجه اللي هي انتي.. وصفها الله بنسائكم..  حرث لكم.. يعني كاع..

وصف الزوجه مثل الارض التربه للرجل .. والانسان ما يرتاح الا بكاعه.. شكد نا يمشي ويزور بيوت ويدحك..

مرده لكاعو ينام ويرتاح ووصفها بأية (لتسكنو اليها) يعني راحتي من الدنيا هينا.  وحط ايدو على صدري..

فاتوا حرثكم انئ شئتم.  وهي العلاقه الزوجيه اللي وصفها مثل الحراثه للارض..

اخذ ايدي قفلها وبأيدو مثل الموقف .. وكال يحرث ارضه حتى يرتاح وتصلح الكاع وهي نفسها

الحياة الزوجيه .... خجلت من وصفو وكمت اتعرك.. كمل كلام..

من تحرثها .. اكيد تخلي بيها بذور .. وهاي البذور تتفاعل داخل التربه وتنبت..

ونفس الحال بين المرأه والرجل.. والشي اللي صار هو نفسو اللي شرحتو الج بالقران والحراثه..

ان شاءالله بعد اللي صار انزرعت البذور بداخلج.. وهذا الشي هو اللي ينتج طفل عن طريق عملية التلقيح اكيد دارسه عنها..

-هزيت راسي..

-خفتي من الشرح

-لا

-شفتي .. لو انتي حاجيتلي اني ما اعرف كان شرحتلج العلاقه وبعدت الخوف من داخلج وطمنتج..

انتي خفتي ورحتي تبحثين بنفسج والشيطان شاطر صار يطلعلج مقاطع اباحيه كبالج زادت الخوف عندج ورعبتج.. واوصلج اللعين للي صار..

ما ابرئ نفسي من الخطأ اللي صار جرحتج.  بس انتي سبب مهم بهذا الجرح.. كم مره كتلج اعتبريني كل اهلج ولا تحجين لغيري واشكيلي كل البكلبج. 

انه عصبي واحيانا اقسي .. بس اتفاهم.. بطلي طيش حبيبتي واللي ما تعرفي احجيلي واني اشرحلج واللي يضايقج بس انطيني اسمه. 

هينا انتي مو خدامه البيت بيتج وبيت رجلج وانتي راعيتو.. لا تطغين ولا تهملين.. والكلمه الطيبه مع الناس حلوه. 

افتهمتي..

-هزيت راسي .. اي

-يعني يا حبابه اليوم تبقين يمي ؟

-لا

-لا الوج لابو اليحجي وياج امشي صارلي ساعه اثرد حجي تالي لا..

-كمت منو .  ضحك وسحبني لرجلو كعدي براحتج والله ما اجبرج البيت بيتج تصعدين تنزلين وين ما يعجبج..

-ماشي..

-باس راسي وكال اخذي راحتج..

-عفتو ونزلت وعقلي يفكر بكل الشرح اللي كالو وشلون مثلي ... هو نزل وراي كعد بغرفة الحجيه..

اني ع الموبايل وهو على موبايلو.. دخلت اخلاص وبيدها عصير و ماعون بيتي فور بصينيه وتكلو بن عمي ضوك وانطيني رأيك..

هو تعدل وكال الها اي والله.. اخذ قطعه وكاللها فد شي عاشت ايدج..

-عافيه بكلبك ابن عمي.. تركت الصحن ع الميز واندارت تضحك وطلعت.. هو راد يمد ايدو بعد وياكل

كمت بسرعه جريتها من ايدو.. دحك متفاجئ.. ها بويه شجاج..

-لو حاضنها بعد وكايللها اكلج يخبل مثلج.. وساحل روحك شويه ..

-اويلي يابه بدينا بالخبال..

-متاكل ممنوع.. رحت للمطبخ وديت الصينيه اخلاص كالت هاي ليش مو دياكل

-تعرفين ابو خرب ميحب الحلويات بس كال خطيه ما ردت افشلها تسلمين عمري اخذي حلوياتج. 

عفتها ورجعت..

هو يضحك ويكلي والله اشتاقيت لخبالج خدري يمي شويه وفتحلي بطانيتو ..

-ما اريد ما نعسانه..

-عجل اصيح اخلاص تنام يمي بالله محتاج حظن وهي شلونها مليانه ما مثلج يشبع برد الينام يمج  

تقربت يمه وتخصرت.. ضحك.. وسحب ايدي

-اموت ع الغيره من تشتعل بداخلك يحلو تصير تجنن..

دفعتو وكعدت.. مليانه .. حقك تريد قبقك ما اني الجبتني فاول ..

اني حجيت هيج وهو طك يضحك بصوت عالي ويكحكح  وصار احمر و غص .. كمت انطيتو مي.. ويكلي د حدري يمي وشوفي ..

.. ما اريد شكرا..

دنحجي و فاتت الحجيه.. كالتلو ابو حرب يمه عرس ابن عزام باجر صدك

-اي والله يمه واختصرها هي حنه هي عرس و بالحديقه.. ما جبيره لان الوضع ما زين بس خل يفضها صارلو 7 اشهر خاطب لا يفوت داعش ويتبهذل بعد وين ياخذها..

-مو عمك خابر و عزمنا كلنا ..

-اي روحي

-حلا تروح وي خالاتها تغير جوه

-يمه هم نرجع لخالاتها مو منعناها كم شهر وصارت زينه توبي يا يمه..

-حرام عليك يمه البنيه تعبت خلها بس يوم شصار لخاطري خل اروح وي جدها هسه  وباجر احنه من نجي من العرس نجيبها ويانه. 

-ان شاءالله

-وليليان

-شبيها ماكو روحها

-يمه كلنا رايحين وعايفينها

-يمه ساقطين وعرس يعني ولهد فايتين طالعين .. يرحون يدحكون عليها وهاي فاهيه ما تستر روحها.. وتخلوني اطك روحي

-اصلا ما اريد اروح واني ما فاهيه

الحجيه:- انتي بس سكتي ومعليج.. ابو حرب يمع وياي والله وما اخليها تمشي عني بعد..

بقت تحجي وياه اخر شي كاللها يله بس تتحملين مسؤليتها لو واحد.دحك بيها ارد عليج والله

كالتلو تم لامرك..

قبل اروح.. كمت حظرت ملابسي وغراضي الباجر اروح بيها وجهزت ملابس حرب ونمنا من وكت..

رحنا للعرس من الصبح اخذنا الحجي .. صراع كال من ارجع من دوامي اجي العرس ..

بقيت اليوم كله منزويه يم الحجيه.. ما حجيت وي احد ولا ضحكت وي احد لان اخليصان قائد الميدان مترأسه العرس وتضحك وتصنف عليه..

وصراع محذر ما اطلع الساني كدام غريب والاسن اذا اذوني حيل اشكيلو وهو يتصرف..

انوب شفت العروسه كابلتها وكعدت ادحك بيها .. شويه والبنات كلهن صعدن فوك لان الرياجيل دبچو چوبي وصوت الطبل والمزامير شعلوو  

الحجيه كالت دكومي يايمه لابده بسدي من جيتي لهسه دحكي البنات كلها تركص وفرحانه وتتمايل وانتي خجلانه ..

صعدي وياهن دحكي.. اني جنت انتظر واحد.يكلي بس استحي اكوم عاد مرت عمهم كالتلهن ولجن مرت ابو حرب تستحي اخذنها وياجن خل ادحك..

صعدتني بنت عمهم.. لكيتهم مطفين ضوه الطابق الثاني ويطمشن من الشباك ع الرياجيل..

كمت اطمش وياهم.. واشوف صراع كاضب راس الدبچه والسبحه بأيدو ويدبچ جوبي.. ومنطلق فرحان..

ابتسمت على ضحكتو وشخصيتو وهيبتو وهو يفر سبحتو ويقود الچوبي..

اخلاص:- ولج حلا دحكي ابوج  اخ بس طولو يسوه عشاير فدوه رحتلو

اني اندرت شلون تحجي هيج كبالي وبنات عمها يضحكن.. وتكلهن والله لو بس ليله وياه تسوى العمر يماااي غير اموت

بقيت صافنه هاي شكد.ما تستحي تريدو كبالي وتحجي بنومتو.. بس شنو كلامها جا مثل واحد وسطرني جف  

هي تتمنى ليله وياه وتسوي كلشي علمود يدحك بيها واني صارلي تقريبا شهر ما ادحك بوجهو وهو يتوسل

يعني لو طكت براسو ومل غيري يتمناه وبساع يرحب بي..وانه الاضل معلكه..

بقيت اطمش عليه وهو فرحان منطلق يدبج.. ومحترك دمي من هاي ام حثل

خلصو .. نزلنا .. شويه و وكف صراع بالباب وصاح هييين هيييين يابه وينكم هم يالله نمش لأهلنا صار الليل ..

كالتلو مرت عمو وين ابو حرب بعد وكت خل نزفهم .

- يفرك بسبحتو وردها.. ناخذ بياضهم يا عمه مباركين وشايفين الف خير .. تعبان والله لازم ارجع..

وينج بويه ودحكلي .. يلا صيحي الحجيه انه بالسياره منظركم..

رتبت نفسي ولبست الجبه وعدلت الحجاب.. اخلاص كالتلو ابو حرب ما توصلني بدربك لأهلي خاف هذا ثائر يروح ويعوفني ..

كاللها افااا حياچ  الله بت عمي صعدي..

منطلق مرتاح حظرتو ...بعد عوزو بس يبوسها ويتوسل بيها ...  بت عمي واقلد عليه بحلكي

كاعدين وزلوف جدتو كالت يا هذا ابو حرب .. وينك جده حدر اسلم عليك.. هو تقرب ويضحك وياها ويكلها هلا زلوف شلونج..

والله لاكيلج زلمه الا يرجعج شباب ويضحك وجا باسها من راسها  وابتعد وهي تضحك وتكل حدر خل ابوسك..

وهو يكلها واصله واصله مرتي ما تقبل تكتلني عود من اجيبلج الزلمه بوسي بيه براحتج.. انه عيب زلوف كعدي راحه .. ما دحكتي العرسان وهجيتي علينا بهليله ..

كل احنا ضحكنا وهي تكلو ولك حدر ابوسك جده.. هو يضحك رفع ايدو سلم وطلع..

يتخبل من واحد يبوسو بخدو لو يترك تفالو على خدو.. ينصرع..

.. طلعنا والحجيه لافتني بعبايتها وتكول لهيام سظي الحلا يولي لا يعصب وشيخلصنا وهو يدحك.من ابعيد ما شال عينو من عدنا ...

ونائل جا مشى ورانا ووصلنا للسياره مو تكول نسوان .. تكول خاطفينا ويخافون واحد يشوفنا..

كعدت الحجيه هي وحرب وجنات بالصدر واني وهيام واخلاص واخلاص وحلا وره .. انجعصنا جعصه من ذيج التمام..

اني كعدت على رجل هيام وراسي يم اذن صراع .. هو دحك علينا وكال ها بويه خيرجن نزلت السياره فشيتن التاير ما صار يومين من غيرتو ..

شغل السياره واحنه نضحك ورجع دحك علينا ويكول بوياي كلجن نسوان دسون رجيم صخام ضعفن مو فش والله فش ..

احنه خربانين من الضحك.. وهو يكول هوووع ولجن والله التطلع منها ريحه اطرها من الجام وانعل الخلفوها..

انشكت ابطونا من الضحك وانوب صاح فتحن الجااااااااااام اشتعل شيب الخلفوجن على هل لطشه..

نريد نحجي نكلو فاتحين بس ما يطلع خرف كمنا نبجي من الضحك.. دحملي ويكلي انتي ضحكي هينا وبوزي علي بس ترجعين وطيني حظي..

درت وجهي منو واني امسح الدموع مال الضحك من عيني.. ساق وهن يحجن .. وهو يسوق ويدحكلي..

واحس بأخلاص ما شالت عيونها عنا.. اني مقدمه نفسي وراسي يمو لان حصره .. ف كتفو كلش قريب عليه..

مديت اصبعي وكمت امشيها على كتفو .. بساع نصب ضهرو وسوه احم.. و الطريق كلو اتحرش بيه واسوي نفسي بدون قصد .. العب بياختو و الدكم اللي على زندو..

رجع راسو وهمس يولو لا نندعم رحميني.. خليت راسي ع الكشن يم كتفو وضحكت. 

الحجيه كالتلو هااا يمه حجيت..

-مو يمج يمه والله لو صايح بعلو حسي جان غلستي هسه بهمس سمعتي .. اوف منفولينج نوريه هم ما تكعدين راحه..

ضحكو.. وهو بقى يدحكلي.. ما مديت ايدي بعد.. جان يكولي اخذي راحتج معليج بيه اني احجي بكيفي .. لو اندعمنا الموت بيد الله..

ضحكت.. همس بأذنو لا نعسانه.. كام ياخذ نفس ويتنهد.. ويدحكلي بالمرايه..

حطيت راسي على قريب من كتفو .. وبقين مسنحه.. وصل اخلاص للبيت نزلت.. صار شويه مجال كعدت ع الكرسي..

انوبه وصل هيام لبيتها.. صار المكان واسع بس اني وحلا .. وصلنا للبيت.. فتح الباب ودخل السياره..

طفاها.. نزلنا وهو نزل كضب ايدي وكال .. صعدي لغرفتي.. ومشى للباب يسدو..

تركتو ورحت لغرفة الحجيه بدلت وفرشت الي و الحرب.. فات هو .. يحاجيني بعيونا عود ليش هينا..

ما رديت تمددت ع الفراش .. هو تنهد..رجع الباب وصعد ما حجه..

ثاني يوم.. جت هيام من الصبح.. مبين مخابرها موصيها..اخذتني للسوك..

واشترتلي ملابس كله جديد سيتات نوم كلابيات تراكات ملابس داخليه.. كالت لا تخلين بكتتورو شي قديم..

جددي وعيشو مثل العراسان بكلشي جديد.. واخذتلي عطور ومكياج وجنط واحذيه وكلشي يخطر على بالي 

رجعنا الظهر تغدينا واخذتني للصالون بالظهريه .. حفتلي وسرحتلي شعري و سوتلي مساج لوجهي

ورجعنا هو ما اجه بيومها الضهر كاللهم اتأخر بالدوام..

صعدنا الملابس كلها بخانتو وصفطنا مكياجي ع الميز ورتبنا كلشي ونظفتني من فوك ليجوه و مكيجتلي..

وبعدها مسحت الغرفه وفرشت فرشه مال تخت بيضه بس ضخمه وتجنن  ..

لبستني روب نوم ابيض طويل .. استحيت .. كالت ابقي لابسه الروب الفوكاه اذا تستحين. 

وعلمتني وحجت وياي شلون جانت وي زوجها وحتى اول مره اسمعها هيج تتجرئ وياي وتحجي وتفشر بضحك..

وحتى شكد جانت خوفه بكلبي ضحت وغيرت نفسيتي بحجياها وكالتلي لا تخافين لا عبالج مثل اول ..

كلشي بالبدايه صعب بس خلصت الصعوبه ولا تتوترين وياه ولا تتمنعين وسمعي كلامه..

ل8 بليل فاتت الحجيه هلهلت وباستني وكالت من عسى الراحه والسعاده تصيبكم يمه..

كالتلها هذا ورق ورد جوري احمر طشي فوك تختهم.. طشتو.. وبوسوني وطلعو..

بعد محد اجه .. اني بقيت بالغرفه ع الموبايل وانتظرو.. قرابة ساعه وجا هو فات..

رفع حواجبو من دحكني كبالو.. وكال اليوم البزونه شعدها يمي .. خجلت .. دنكت راسي..

جا باس راسي .. وكال ضوت الغرفه بيج حياتي  .. وراح فتح الخامه ودحك مكياجي ع الميز وملابسي .. ابتسم..

اخذ ملابس.. وراح للحمام.. سبح واجه.. كتلو اطفي المكيف خاف بارده.. تقرب مني..

-خايفه علي..

-بقيت مدنكه .. باسني بخدي وراح للميز رش عطر ورتب نفسو واجه .. تعداني وتمدد ع السرير وفتحلي اديه..

رحت تمددت يمو ومخبوصه بالروب اخجل منو .. وكاضبتو خاف ينفتح رغم هو طويل وحلو ما فاضح كلشي ما عروسات..

حط ايدو بأيدي بأيدو وكال .. شايفه الواحد محترك بنار وشابه بجسمو .. و فجأه بماي بارد ينصب عليه ويرتاح..

هذا شعوري هسه وياج .. ما فرحان لان رايد بيج رغبه بس وجودج بغرفتي يسعدني..

ابتسمت..

ما اكلج ما الي رغبه بيج.. انه احبج ولو ما احبج ما ارغبج.. بس ثقي بشنو انتي ترتاحين انه ارتاح..

من هليله مسكنج من العالم كله هينا.. واشر على صدرو ومسكني يمج.. ما احرمج مني بس لا تعذبيني وتحرميني منج..

بقى يحجي وياي بهدوء ووعدني ان ما تقربلي لحد.ما اني اريد بدون غصب وحجي هواي.. ويمسح على شعري لحد ما نمت وراسي على صدرو..

كعد الفجر للصلاة .. كعدت وياه .. هو راح يتوضى.. نزعت الروب ولبست ثوب قصير .. ورحت وراه..

مدنك يمسح رجليه.. رفع هااا..

-خل اصلي وياك..

-ضحك.. سحب ايدي باسني بخدي.. وقربني من البوري غسلت وجهي ونشفت.. وعاد الوضوء وهو يعلمني وتوضيت.

دخل للغرفه.. طلعلي حجاب وملبس الحج مالتو ابيضه.. لفني بيه ورتب الحجاب على وجهي

وكفت وراه اصلي رفع ايدو الله اكبر ورجع كتفها.. اني سويت مثلو..

ما اعرف .. حبيت اصلي واتقرب من الرب حتى لو مو بطريقه مسيحيه بتالي الصلاة كلها للرب ..

حبيت اعيش شعور الطمأنينه ب الصلاة واسوي مثل حركاتو واشوف شنو يحس من يأديها..

وفعلا حسيت نفسي ارتحت .. التفرب من الرب هي الراحه الحقيقيه.. ولو ردت تبدي حياة جديده لازم تطلب من الرب يساندك بيها..

هو بقى رافع اديه ويدعي بعد الصلاة واني هم.. كمل وكال امين رب العالمين ومسح وجهو .. قلدتو وكمت..

كتلو هاهيه.. لم السجاده وهو مبتسم.. واخذ ايدي للسرير.. رغم هو وعدني ان ما يصير شي الا بكيفي بس تبخرت الوعود كلها تحت قول (كلام الليل يمحيه النهار)

واندمجنا مع بعض .. بس ما كنت خايفه ابد.. بالعكس حسيت وياه بالحياة...

ومن يومها تغيرت حياتي وياه.. اخذت جانب اخر.. ذاك العصبي واليضرب كام يعلمني ويتعلم هو شلون يضبط نفسو وياي..

غيرني وعلمني اطيعو وتغير وصار مو كانو زوج لا اشوف بي كلشي اب واخ وام واخت واهل واصدقاء..

كلشي ما اعرفو اسألو .. وهو يشرحلي بطريقه يفهمها عقلي. 

الحياة ما تخلى من المشاكل بس نحاول شلون نضبطها بتصرفاتنا  ..

خصوصا اني ما كلش ارغب ساعات الليل .. فهو يكعد النهار كلو يغازل ويضحك ويحاول يتفهم اكثر حتى ما اتهرب منو بليل ونكون مرتاحين..

خلصت فترة خطوبتي اسميها.. وبدأ زواجي الفعلي مع حياة جديده و جديه..........نهاية الجزء الأول

                       ☆☆☆☆☆☆☆

الى هنا اختم معاكم الجزء الاول من رواية المراهقة و الأربعيني.. كانت قصه هادئه وصعبه مع هدوئه لان من الصعب ان تخرج بقصه قليلة الاحداث ومن داخل 4 جدران .. وتجعلها محط متابعه و اهتمام

والحمدلله كدرت اوصل الفكره .. اشتغلت بهذه الروايه على مشاعر ومشاكل ومساوئ وحلول و كل ما يخص المراهقه و الاربعيني..

بديت بعقده.. وانتهيت بحلها.. اتمنى الروايه نالت اعجابكم واشكركم جدا .. تقبلوا اجمل تحيه مني انا #زينب_ماجد

استودعكم الله ...❤

طبعآ هذي مشاركة او توعيه للعقول اللي متعرف شنو معنى الحب بفترة المراهقة والبعض يقولون انو هيج حب ميستمر....

ونشوف شنو كتبتلنة هلأنسانة الراقية وهي وحدة من متابعات القصة وهي وحدة هم عاشت نفس اقتباس القصة على ماا اعلم 😘😘

هااااااا ونسيت اكولكم

انو لازم تدعموني ب لتصويت وبلمتابعة اعرف  والله مقصرة وياكم كوووومة وكم مرة حبيت انزللكم قصص على ذوقي بس اكتب القصة ويصير ظرف ومكدر انشرهة وهسة راح اخيركم بين قصتين وهي

قصة الاشيب والرعناء وتكون كذلك حقيقية وااقعية والقصة مسردة من قبل اخت البطله

والخ...

قصة جسد انثى وتكون متكونة من جزئين

ها والاثنين حلوات😻😻كووولش

وهذي القصة بيهة شوي جرئة للعلم بس حلوة

تصبحون على خيررر☻

ولو هسة انتوا تكولون منين يجينا الخير من هذا سمايلج المفحم 😹