تحميل رواية مرهم علي الجرح بقلم تقي محمد pdf

في بريطانيا

كانت قاعده في حديقه البيت الكان بشكل البيوت الانجليزيه القديمه 🏫

فارده شعرها ومنزله رجليها في المسبح والدموع في عينيها شديدة السواد طاقي عليها الحزن الشديد كانت تزيح في خصلات شعرها البتنزل على وشها من لحظه لي التانيه كانت لابسه في يدها اسواره سوداء مما زادا جمال كان لونا ابيض ووشها مدور وكانت قصيره ووزنها متوسط

الجو كان حلو وضبابي والوقت كان بدري شديد والجو حلو

طلع من البيت يفتش فيها لحدي ما لقاها قاعده جمب المسبح مشى قعد جمبها ولاحظ لي دموعا

قال ليها مالك!؟

قالت ليهو تتزكر تاريخ الليله بشابه ياتو تاريخ؟!!

قال ليها بشابه ياتو تاريخ؟

قالت ليهو هه اكيد ما بتتزكر

قال ليها انتي بتتزكري لمن جيتيني وانتي بتبكي وتشكي لي من عمك وانا قلت ليك سافري وانتي فكرتي فيها وجيتي هنا...

قالت ليهو اكيد بتزكر داك كان اسوأ يوم في حياتي!!

قال ليها ندمانه!! ندمانه لانك جيتي هنا

قالت ليهو لأ ماندمانه لاني جيت هنا .. هنا نميت نفسي جيتي هنا خلتني انسي الماضي وعزاب عمي لي بس ظهوروا تاني في حياتي دمر كل حاجه وبي سببو انا هنا

قال ليها ندمانه لانك هنا ولا لانك معاي؟!

عاينت ليهو بي طرف عينا وقالت ليهو ندمانه بس

قال ليها الليله زكرى زواجنا

قالت ليهو ما قلت ما متزكر

قال ليها كيف ما اتزكر اليوم داك كنتي غضبانه لو عليك تمحيني من الوجود.. وكانو ما انا الانقذتك من عمك...

قالت ليهو هه ممكن يادكتور تتزكر منو الكان السبب في اني اجي هنا!!؟

قال ليها لا لا ممكن تزكريني

وقفت على حيلا بي غضب وقالت ليهو عهد ماتلعب بي اعصابي احسن ليك انت السبب في الانا فيهو دا انت السبب جمودك وبرودك دا اكتر شي بكرهني فيك

عاين ليها بي حده واتحرك من جمبها خلاها واقفه

قالت ليهو عهد اقيف انا بتكلم معاك مية مره قلت ليك لمن اتكلم معاك تقيف وتتكلم معاي عهد!! دخلت وراهو لقت الصاله فاضيه سمعت صوت من المطبخ دخلت لقتو قاعد يعمل في قهوه مشت وقفت جمبو وقبل ما تتكلم خته ليها موزه في خشمها سكتا بيها كبه القهوه في كبايتين شال كبايتو وخته ليها كبايتا

طلعت بره لقتو قاعد جمب التلفزيون يحضر في فلم

قعدت جمبو وفتحت تلفونا فتحت الشبكه جاتا كميه رسايل تطاقش من كترتا شالت تلفونا ودخلت غرفتا كان بعاين ليها لحدي ما دخلت

اختارت ليها لبسه حلوه وطقمتها دخلت الحمام استحمت وجات لبست ملابسها عملت ميكب خفيف وختت تلفونا في شنطت يدها وطلعت

لقت عهد لسه قاعد قالت ليهو انا طالعه عندي تصوير

قال ليها ماتتأخري

قالت ليهو اتأخر ما اتأخر ما شغلتك فاهم

قال ليها روقي قولت ليك كدا لانو الليله متوقع ينزل تلج اكيد عارفه انو الليله اول ايام الشتاء

طلعت خلتو ركبت تكسي كانت حاجزاهو وقفت قدام محل كدا رهيييب ظاهر انو مكان تصوير

دخلت لاقاها واحد بريطاني

قال ليها Hi miss mozan

قالت ليهو Hi Ali

قال ليها? How are you

،،، am okay thanks and you?,,,, am fain very fain

مزن مشت خلتو دخلت لقت طاقم التصوير في انتظارها

جاها واحد بريطاني اسمو ديفد قال ليها Hi mozan

,,Hi Dived,,,are you ready?,,,of course,,,come on,,,,ok

جهزت مزن حالا واستعدت لي جلست التصوير

ديفد123......

كانت بتقدم برامج توعويه وتناقش مواضيع مهمه بي لباقه كان عندها القدره في انها تدخل في الموضوع بي قوه وحماس لغتها الانجليزيه كانت قويه ودا الخلاها يكون عندها عدد كبير من المعجبين في بريطانيا وامريكيا وعدد من الدول البتتكلم انجليزي....

كان قاعد في مكتبو بعاين ليها في التلفزيون كانت حلوه شديد وهي بتشرح وبتحرك في يديها كانت في منتهى الروعه قطع انتباهو صوت الباب كانت السكرتيره قال ليها اتفضلي كانت بت حلو من ملامحه ظاهر انها سودانيه

قالت ليهو دكتور الليله عندك موعد مع تلاته مرضى هسي عندك موعد مع جورج كان شخصت حالتو بالاكتئاب وبعدو في ساندي واخيرا انطونيو

قال ليها جورج جا؟

قالت ليهو اي

قال ليها خلي يدخل

قالت ليهو ثواني وادخلو ليك

السكرتيره طلعت وهو رجع يعاين لي التلفزيون اتنهد بعمق وتعب زاكرتو رجعت بيهو لي اليوم دا لمن جاتو وهي بتبكي كانت بتحكي ليهو عن معاملة عمها ليها بحكم انو ابوها وابوهو اولاد عم وانو العائلتين كانو اكتر من اصدقاء ما كان عندها زول تلجأ ليهو وقتها

كان بكرها من دون سبب ما كان بطيقا قال ليها طيب وقت كرهانه عمك لي الدرجه دي سافري!!...

وقتها هو خزلها هي كانت منتظره مساعده جديه منو ما كان متوقع انو هي حا تسمع كلامو وتهرب بالجد...

_Doctor!

Hi jorge How are you?

طلعت من مكان التصوير كان في ناس كتيره بره راجين توقيعها وناس عايزين ياخدو معاها سلفي وقعت لي دا واخدت سلفي مع دا بعدها ركبت التكسي واتحركت وقفت جمب حديقه كانت دايما تزورا بعد الشغل كان في باعه متجولين يبيعو فشار وفطائر وحلويات وحاجات كتيره اشترت فشار وبقت تتمشى وشويه تقيف تعاين لي الحديقه الجو كان حلو والغيم مالي السماء الجو كان مريح لي الاعصاب من دون اي مقدمات في زول ضماها من ورا وختا راسو في كتفها في البدايه اتخلعت اتلفتت لقتو دا عهد قالت ليهو خلعتني حرام عليك قال ليها الجو هنا حلو ولا انتي المحلياهو؟ تعالي نقعد هناك

قالت ليهو لأ انا ماشه البيت

قال ليها طيب ارح

اتمشو لحدي البيت

وبعدها كل زول دخل غرفتو

بره التلج بدا يتساقط والجو برد...

في غرفة مزن

طلعت ليها ستره من الصوف تقيله بعد ما بدلت ملابسها بي ملابس بيت طلعت مشت المطبخ عملت شكلاته بالحليب دافيه

طلعت بره فتحت التلفزيون وجابت الفشار وجات

عهد جا طالع لابس ملابس النوم لقاها مشغله التلفزيون مشى قعد جمبها وشال الكبايه شرب من الشكلاته

قالت ليهو بصدمه:عهد!! دي كبايتي

قال ليها عارف كنت داير اضوقا عشان لو سمحه امشي اكب

قالت ليهو بي غضب عهد كم مره قلت ليك ماتجي جمب حاجه تخصني نطتت فوقو وخنقتو

قال ليها يابت فكيني!! يابت انا بموت...دايره تكتليني...

،،،موت احسن زاتو كرهتني حياتي ماممكن معاك ياخ...

لمن شافتو ما بتحرك خافت

عهد!! عهد انت كويس عهد انا بتكلم معاك

كانت خايفه ووشها شحب مسكت تلفونا فتحتو وبقت تفتش في الارقام وهي بترجف

وينو رقم الدكتور ياربييي!!!

فجأه في زول سحب منها التلفون

اتلفتت لقتو دا عهد

كان بيضحك

من الصدمه نطت فوقو وحضنتو وهي بتكرر الحمد لله

ضحك و قال ليها مالك خايفه كدا معقوله خايفه عشاني ولا خايفه على نفسك من السجن!!

زحت منو وقالت ليهو عهد انت كنت بتهظر!! وانا كنت خايف دايره اموت من الخوف حرام عليك

مشت خلتو دخلت غرفتا وقفلت الباب كانت قاعده تبكي

سمعت صوتو من بره بنادي عليها: مزن افتحي الباب،،، ماتقول لي مزن انت انسان عديم المشاعر،،، افتحي الباب وخلينا نتفاهم،،، لا ما حا افتحو خليني في حالي

لمن ابت تستجيب ليهو مشى خلاها دخل غرفتو....

صباح اليوم التاني

صحت مزن على صوت ناس كتيره بره فتحت الشباك (نافذه لغير الناطقين بها🤣)

لقت الناس منهم البلعب بالتلج ومنهم الواقف يستمتع بالجو

دخلت الحمام استحمت بي مويه دافيه ولبست ملابسها ولبست ستره تقيله طلعت الصاله ما لقت زول طلعت الجنينه بره برضو ما لقتو قالت في نفسها معقوله لسه ما صحى فجأه جاتا كورة تلج في وشها وقبل ما تستوعب الاولى جاتا الكوره التانيه

اتلفتت لقتو دا عهد واقف يضحك فيها

عملت كوره بي يدها وجرت وراهو قالت ليهو ما حا ارضى الليله الا اضربك بيها في وشك يا كلب

عهد كان جاري وكل شويه يتلفت ويضحك عليها لحدي ما اتعتر ووقع اول ما رفع راسو جاتو كورة التلج في وشو والتانيه وراها

مسح وشو لقاها تضحك عليهو جراها من يدها لتستقر جمبو في الارض🤣😂

قالت ليهو عارف نفسي في شنو،،،، في شنو؟

نفسي اعمل رجل ثلج

قعد يضحك قال ليها لمن اقول ليك عقلك ما نامي ما تزعلي

قالت ليهو تصدق زمان كنت بشوفو في الافلام نفسي اعمل واحد زيو

قال ليها طيب ارح نعمل واحد دقيقه امشي اجيب جزره واجي

مشى جاب الجزره وجا لقاها عملت الكوره الاولى عمل معاها الكوره التانيه وختاها فوق الاولى وهي عملت الكوره الاخيره مدى ليها الجزره عملت الانف والعيون بالحجر

قالت ليهو صورني معاهو

صوره كم صوره كدا مع الرجل الثلجي وتاني اتصوروا سلفي

الصور كانت حلوه شديد

اتهابلوا سمح،،، قطع الحظات الحلوه دي صوت باب الحديقه عهد مشى فتح لقاها دي جارتهم ليزا بريطانيه

قالت ليهو Hi mohamed

,,, Hi liza how are you?

,,, am fain and you?,,, am good thanks

مزن: عهد منو في الباب

oh liza how are you?

,,,, am fain thank you,,, fit in,,, oh am sorry I can't.. am very Hastier...

اتكلمت ليزا مع مزن وسألتها عن احوالها واخر الاخبار ومشت

جا اتصال لي عهد من السكرتيره... الووو.... طيب...

شويه واكون في العياده .. مع السلامه.. مزن لازم امشي محتاجني في العياده دخل البيت غير ملابسو وطلع....

بلسان مزن

قاعده اسوي في شكلاته بالحليب تلفوني اتصل فتحت الخط والاسبيكر كان رقم غريب قلت اكيد ديل طاقم التصوير قلت الووو

جاني صوتو الما بقباني صوت عمي وهو بقول لي مبسوطه صح جسمي كلو بقى يرجف اتزكرت معاناتي والعزاب الكان بعزبني ليهو،،، منو معاي؟،،، قال لي ماعرفتيني يعني تمااام يابت اخوي بس والله ما حا اخليك وزي ما جبت رقمك هسي بعرف اجيبك ووقتها حتى راجلك ما بيمنعني فاهمه،،، قفل الخط في وشي وانا من الخوف ما قادره اقيف ليه ياعمي مصر تعزبني ما كفايه العملتو لي زمان

رجعت بي الزاكره قبل تمنيه سنين من الوقت دا كنت عايشه مع امي وابوي في امن وامان بالرغم من المشاكل الكانت بين ابوي و عمي في الورثة،،، جدي ابو ابوي كان متزوج مرتين وحده اسمها زهره ودي ولدت فارس ابوي بس اما مرتو التانيه وكان اسمها فايزه ولدت عمي عمر جدي كان مايل شديد لي ابوي وكان بحبو شديد ودا الخلا عمي عمر يغير من ابوي وخلا الحقد يتولد في قلبو وزاد لمن امو كانت تحرشو وتقول ليهو فارس احسن منك في شنو كان ادب واخلاق انت احسن منو وكان زكاء وتفوق انت احسن منو...

عمي فكر انو ينتقم من ابوي وبعد جدي اتوفى بدت حرب الاخوان عمي عمر كان داير الارث كلو ليهو عشان ينتقم من ابوي،، ابوي ما كان فارق معاهو الارث وكان عندو اخوهو اهم بي كتير من القروش والاراضي قام اتنازل ليهو وبرضو عمي لسه كان مواصل في عداوتو لي ابوي..

لمن ابوي وامي اتوفو بقى هو المسئول الوحيد عني امي ما كان عندها اخوان

عيشني اسوأ ايام حياتي كان معيشني خدامه عندو وعند اولادو ومرتو كمان كانت بتعزبني وتضربني من دون سبب ولمن عمي يجي تقعد تألف ليهو كلام عشان يدقني كنت مستحمله كل العزاب دا لحدي ما في يوم مرت عمي دهبها انسرق ولبستو فيني عمي وقتها حبسني في المخزن ومنعني من الطلوع وكل يوم يجي يقول لي احسن تتطلعي الدهب ولمن اقول ليهو انا ما سرقت يضربني بس بقدرت ربنا قدرت انفد واهرب من بيت عمي....

انا الراويه

قطع زكرياتا صوت باب البيت يفتح مسحت دموعا وكبت الشكولاته في كبايه سمعت صوت عهد بنادي عليها جا داخل المطبخ قال ليها مزن مالك ما بتردي بنادي عليك،،، ماسمعت،،، مالك؟!

قالت ليهو مافي حاجه

قرب منها شديد ومسح ليها دموعا قال ليها بتبكي ليه طيب؟!،،، مافي حاجه بس في تراب وقعت في عيني،،، قال ليها ممكن تكذبي وتخترعي اي حاجه بس ما علي،،، قالت ليهو ما خلاص قلنا مافي حاجه يادكتور،،، قال ليها عمك اتكلم معاك؟!

قالت ليهو كيف عرفت انت الاديتو رقمي؟!!

قال ليها معناها اتصل عليك،،، عهد انت الاديتو رقمي بتكلم معاك جاوب،،، قال ليها انتي مجنونه كيف اديهو رقمك انا اتوقعت بس توقع وما كنت متأكد منو اساسا

دموعا خزلتا وبكت قدرتا عهد ضماها عليهو وقال ليها خلاص ما تبكي كوني متأكده طول ما انا عايش ما بيقدر يلمسك اطمني قالت ليهو دق لي وهددني...

قال ليها هس خلاص انسي اعتبري نفسك ما سمعتي انا بتصرف معاهو

بقى يمسح ليها في راسها ويهدي فيها لحدي ما هدأت وزحت منو

قال ليها اديني رقم عمك الاتصل ليك بيهو

فتحت التلفون فتحت سجل المكالمات وقالت ليهو دا الرقم

شال منها التلفون كتب الرقم واداها تلفونها...

مزن: ح تعمل شنو يا عهد؟

،،، انتي بس ريحي بالك وخليهو علي الموضوع دا

🌺🌺🌺

صباح اليوم التاني

صحت مزن من النوم دخلت الحمام استحمت وجهزت نفسها طلعت بره سوت الشاي شربت وكبت شاي في الحافظه لبست معطف تقيل وطلعت الجو كان بارد والتلج لسه بنزل بس حبه حبه...

❤🇸🇩❤

في السودان كان قاعد بهيبتو المعتاده وخالف رجل على رجل ويديهو على ورق كان قاعد قدامو في المكتب قاعد يقلب فيهو ويقرأ باهتمام لحدي ما خلصو قفل الملف ورفعو في الرف فجأه وقعت منو صوره رفعها وبقى يعاين ليها مسافه اتنهد بتعب وقال وينك هسي يا حبيبتي اشتقت ليك كتييير كانت صورة بت والبت دي بالتحديد كانت مزن!!!

_اشتقت ليها؟!!

اتلفت لقى راجل عجوز ضخم البنيه ملامحو صارمه

قال ليهو بصدمه وتعتعه: ااابوي انت جيت متين يا حاج

_جاوب مزن بتعنيلك شنو يا حازم؟!

قال ليهو ابوي مزن بت عمي ما اكتر من كدا

_بت عمك؟! انت داير تستعبط على العموم كنت داير اساعدك وازوجكم لكن ما دام هي بت عمك بس يبقى...

قاطعو سريع وقال ليهو ابوي انت جادي؟! انا موافق!! بس انت عارف مكانها؟!!

_اكيد عارفو يلا نقرأ الفاتحه بالمناسبه دي

حازم ما صدق جرى حضن ابوهو وباسو في راسو وقال ليهو ربنا يخليك لينا يا ابوي ويطول في عمرك....

🌺🌺🌺

_يابنتي!!

اتلفت مزن لي مصدر الصوت لقت راجل كبير في العمر ملامح وشو ملاينه بشاشه

قالت ليهو: اهلين يا عمو

_كنت متأكد انك بتتكلمي عربي كيفك يا بنتي كويسه

مزن ابتسمت وقالت كويسه ياعمي وانت كيف؟

جا قعد جمبها (كانت قاعده في كنبه طويله من خشب كانت الكنبه حقت حديقه كبيره وحلوه شديد)

_انا في احسن حال نشكرو الا ما قولتي لي القمر من وين؟

مزن ضحكت وقالت ليهو من السودان❤ وانت من مصر صح؟

_ايواا الا قوليلي مالك يابنتي الدموع ماليه عنيك وملامحك واضح عليها الحزن الشديد..

قالت ليهو مافي حاجه ياعمي..

_الله من قبيل اعده وتبكي وكل دا ومافي حاجه يابنتي انتي لسه صغيره والي زيك بكونو عايشين حياتهم وفرحانين الهموم الانتي شايلاها دي يابنتي ما ادك شوفي انا ختيرت ووراي هموم اد الدنيا بس ما بخلي همومي تسيطر علي وتغير من طباعي برمي كل حاجه وبستمتع.. هو نحنا ح نعيش كم مره

مزن: معاك حق يا عمي... شكرا ليك كلامك من زهب بجد

🌺🌺🌺

قاعد قدام البيت ويعاين للساعه كان قلقان شديد عليها طلع التلفون واتصل لي المره التي لايعرف عددها

يجيهو صوت انو مغلق خوفو زاد اكتر واكتر ومرت ساعه ولسه ما جات قال في نفسو يا ربي مشت وين معقوله يكون... لالا اكيد لا ما معقوله يامحمد بس وين تكون مشت...

قطع حبل افكارو صوت باب الحديقه يفتح رفع راسو لقاها دي مزن

جرى عليها وضماها شديد قال ليها كنتي وين وليه اتأخرتي كدا... مزن انا بتكلم معاك...

قالت ليهو عهد عليك الله انا تعبانه ما تزيد علي عاين ليها لقاها تبكي ضماها عليهو اكتر وقال ليها بصوت هادي شديد خايفه؟!

قبضت فيهو شديد وقالت ليهو خايفه شديد ما دايره ارجع تاني بيت عمي...

قال ليها ومنو القال ليك حا ترجعي؟!!

قالت ليهو بعد ما نطلق اكيد حا ارجع هناك مافي مفر وخصوصا انو عمي بقى عارف مكاني وانا اساسا ما عندي زول تاني امشي ليهو...

قال ليها ياغبيه انا ما ح اتخلى عنك انتي بقيتي مسئوليتي ومستحيل اخلي يلمس شعره منك...

قالت ليهو انا ما دايره اكون مسئوليتك كفايه لحدي هنا يا عهد لازم كل زول يشوف طريقو انا خلاص مابقى عندي حاجه اخسرا كانت قرايتي والحمد لله خلصتها والانجازات الكنت بحلم بيها كلها حصلت ما عدا واحد بس ما مشكله اعتبر اني انجزتو انا بعد دا ما دايره حاجه من الدنيا بعد دا دايره امشي لي امي وابوي وانا مطمنه

لمن قالت كدا ضماها عليهو شديد وقال ليها ممكن تسكتي؟!!.. كفايه ما عايز اسمع ولا حرف خلينا ندخل جوه انا اتجمت من البرد

دخلو جوه لقتو عامل فشار وجايب تسالي ومقرمشات وفطائر

قال ليها في فلم حلو تعالي نحضرو مع بعض شويه تطلعي من المود الكئيب دا يلا

كانت دايره تعترض بس هو ما اداها فرصه جراها قعدها في الكنبه ومشى جاب الحاجات وجا فتح الفيلم كان فيلم درامي كوميدي رهيب

بالجد فرق عليهم وضحكو مع بعض واتناقشو فيهو وفي النهايه مزن نامت قبل ما ينتهي الفلم زاتو🤣

قعد يعاين ليها مسافه قال في نفسو بوعدك انو ابقى ليك السند والضهر البتتكلي عليهو وح انسيك الوجع دا كلو انتي ما بتستاهلي دا كلو...

شالا وداها غرفتها وغطاها وطفى النور وجا راجع لي الفلم بس بالو كان بعيييد....

🌺🌺🌺

صباح يوم جديد يطل على ابطالنا...

صحى من النوم على صوت كركبه كان نايم في الكنبه جسمو كلو بقى مكسر عاين جهة الصوت لقى دي مزن كانت تعمل في الشاي

لمن شافتو ابتسمت ليهو وجات قعدت جمبو في الكنبه قالت ليهو قوم يا حبيبي عملت الشاي يلا نشرب سواا

قال ليها بعدم استيعاب تماا... دقيق انتي قلتي شنو؟!

قلت ليك يلا نشرب الشاي قبل يبرد يا حبيبي مالك فيك حاجه

قال ليها نشرب الشاي ويا حبيبي لا انا ما مصدق انتي كويسه ختا يدو في جبهتها وقال ليها حرارتك طبيعيه معقوله انا جنيت ولا دا حلم!؟

بلا يحس ليك بي ضربه طاخ في ضهرو صحى مفزوع ويتلفت لقى دي مزن كان بيحلم قال ليها مالك يابت انتي جنيتي قالت ليهو اسوي ليك شنو اذا نومك تقيييل امسك تلفونك دا من قبيل يدق كرهني ياخ

شال منها التلفون وحمر ليها مسافه قال ليها اساسا كنت متأكد انو حلم لانو لو كان حقيقه الا واحد فينا فوت زحي كده من وشي خليني اقوم مشت خلتو وهي بتقول اصلا الحسنه في ناس كدا ما بتنفع

ردا على التلفون لقاها دي السكرتيره وقالت ليهو انو عندو موعد مهم بعد ساعه قفل منها وطلع غرفتو استحما وغير ملابسو واتعطر وجا نازل لقاها قاعده تحضر قال ليها انا ماشي المستشفى عندي موعد مهم ماشي وجاي ما بتأخر

قالت ليهو ممكن طلب..

،،، طلب؟!! دي اول مره من اتزوجنا تقدم ملحوظ

قالت ليهو انت بتسخر خليتو زاتو ما دايره اطلب منك اي حاجه

مشى قعد جمبها وقال ليها والنبي اطلبي انا بقدر ارفض ليك طلب ولا ازعلك...

قالت ليهو ممكن امشي معاك ؟!

عرف انو هي خايفه من عمها قدر يقرأ افكارها قال ليها طيب خمسه دقائق سريع امشي البسي وتعالي والا بفوتك

جرت لبست سريع وجات

طلعو سوا ماسكين ايدين بعض مشى طلع العربيه من الكراج وجا وقف ليها ركبت واتحركو مشو... لمن وصلوا ونزلوا سواا المستشفى كلها جات سلمت على مزن وكيف ما بسلمو عليها اشهر اعلاميه في بريطانيا

مشت مع عهد المكتب حقو كان رهيب بالجد يعني كان كبيير مقسوم على اتنين جزو فيهو مكتبه كدا وكنبه طويله وشاشه وحمام داخلي والجزو التاني عامل زي غرفة انتظار فيها كم كنبه كدا وشاشه وحلاوه في شياله كبيره وصور ولوحات في كل مكان

مزن كانت واقفه وفاتحه خشمها من شدة الصدمه المكان كان حلو بمعنى الكلمه...

قالت ليهو واو مكتبك حلو

قال ليها حلوات عيونك مدى ليها القدامه شالت حلاوه قاطعهم دخول السكرتيره

قالت لي: يادكتور محمد المريض جا

قال ليها طيب خلي يدخل

طلعت تكلم المريض

اتلفت علي مزن قال ليها انتظريني هنا تماام ما بتأخر عليك

قالت ليهو عهد!! انا نسيت انو دي عياده نفسيه!!!

قال ليها مالك خايفه كدا؟ المرضى ما بياكلو على فكره

قالت ليهو انت اهبل اكيد انا ما خايفه من المرضى اول مره ما تفهمني..

قال ليها منو القال ليك ما فاهمك.. خايفه على مستقبلك يقولو الاعلاميه المشهوره مزن فارس في مستشفى الامراض العقليه!! بس حاب اطمنك نحن ما في السودان هنا المرض النفسي زيو زي اي مرض عادي زي ما انتي لمن تمرضي بتحتاجي لي دكتور كمان النفس بتحتاج لي دكتور هنا الناس ما بتفكر التفكير العقيم داك وماخدين الموضوع بي بساطه

قاطع حديثهم دخول المريض عهد مشى عليهو وسلم عليهو بي بشاشه وكأنو بعرفو من زمان ودخل معاهو الغرفه التانيه اشر لي مزن وقال ليها ما ح اتأخر ساعه بالكتير لو زهجتي شغلي الشاشه وفي كتب في الرف جمبك حلوه لو دايره تقري

ومشى خلاها واقفه

عاينت لي الكتب في الرف شالت منهم كتاب وقعدت في الارض وجابت قدامت الحلاوه ختتا جمبها وبدت تقرأ كان الكتاب عباره عن روايه

🌺🌺🌺

🇸🇩

في السودان❤ كان قاعد مع صحبو في مطعم ويتونسو كان فرحان شديد صحبو قال ليهو يعني في النهاية ابوك وافق على زواجكم حاجه تحير والله يا حازم

قال ليهو تحير بالجد يا مصطفى بس المهم انو وافق يمكن يا داب حسه بالعطف تجاه بت اخوهو

مصطفى ضحك وقال ليهو اليشوفك الليله ما يشوفك قبل ايام كنت عابس وبائس وحزين

الاتنين ضحكو سواا وكملوا باقي ونستهم وبعدها كلو زول مشى بي اتجاه

🌺🌺🌺

التلفون كان برن شالو من فوق الطاوله راجل عجوز (والد حازم) ردا بعد سلم قال لي المتصل اها في اخبار جديده....كويس...انا دايرها في اسرع وقت تجيني هنا فاهم...تماام وقفل الخط ابتسم ابتسامه كبيره وقال تعالي يا حبيبة عمو لي عمو لانو عمو محضر ليك مفاجأه حلوه وقعد يضحك

🌺🌺🌺

عهد طلع من المقابله ومعاهو المريض والاتنين انصدمو من الشافوهو مزن كانت قاعده في الارض وتبكي وحوليها ورق الحلاوه وماسكه الكتاب في يدها

المريض قعد يضحك وطلع خلاهم

عهد مشى قعد جمبها قال ليها دا الجن ولا النفسيات مالك هسي؟!

قالت ليهو انت بتعالج المرضى ولا تمرضهم زياده؟!

قال ليها كيف يعني؟

قالت ليهو شوف رفعت ليهو الكتاب الكانت بتقرأ فيهو وقالت ليهو الروايه دي ما حلوه تقطع القلب وفي النهايه البطله تموت حرااام😭😭

عاين ليها مسافه وانفجر بالضحك واي بطني ما قادر هههها يابت انتي مجنونه🤣🤣🤣 انا اقول ياربي تبكي مالا وانتي مع الروايه🤣🤣 ما معقوله...

قعدت تبكي بي اعلى صوت عندها قفل ليها خشمها وقال ليها يابت خلاص اسكتي موش الروايه دي شالا رماها في السله اها ارتحتي

جا تاني قعد جمبها وشال حلاوه من القدامه قالت ليهو بس دا ما بغير حقيقة انو البطله ماتت💔

قال ليها لا ياخ كتلتها انا وما عارف خلاص يامزن

مسحت دموعها وقالت ليهو انت خلصت صاح يلا ارح البيت

قال ليها طيب دقيقه اقفل المكتب ونمشي مشى رتب الحاجات وقفل المكتب وجا لقاها رفعت القدامه ولمت ورق الحلاوه قال ليها يلا نمشي

طلعوا سواا ركبو العربيه ومشو البيت...

🌺🌺🌺

مرت الايام بي روتينا المعتاد وفي يوم مزن صحت بدري اتجهزت وطلعت كان عندها تصوير مشت مكان التصوير....

اما عهد صحى لقى مزن مافي عرف انو عندها تصوير مشى اتجهز وطلع على الشغل...

🌺🌺🌺

عند مزن طلعت من مكان التصوير ومشت على البيت دخلت وقفلت باب الحديقه فجأه يجي زول من وراها ويخت ليها منديل مخدر حاولت تقاومو بس ما قدرت وفي الاخير استسلمت لي مفعول المخدر

🌺🌺🌺

🇸🇩

في السودان كان قاعد منتظر تلفون وكل شويه يعاين لي التلفون لحدي ما جاهو اتصال ردا وقال الوو بشر في اخبار... بقت عندك!!؟... طيب تمااام اسمع حا تعمل شنو...................... فاهم؟!... تماام يلا سلام

ابتسم ابتسامه كبيره وقال واخيرا يابت الغالي حا نتلاقى

🌺🌺🌺

عند عهد طلع من الشغل بعد خلص دوامو ركب عربيتو ومشى على البيت....

وصل لقى باب الحديقه فاتح دخل اتلفت يمين شمال ما لقاها دخل البيت ونده عليها بس مافي رد قال يمكن دخلت نامت فتح غرفتها برضو ما لقاها فتش البيت كلو ما لقاها استغرب تكون مشت وين وخلت باب الحديقه فاتح

🌺🌺🌺

الوقت مره ولسه مزن ما جات وعهد بدأ القلق يظهر عليهو ما حصل اتأخرت كدا اتصل على ديفد مديرها في الشغل

Ahd: Hi Dived How are you?.... am good thanks... I wont to ask you about mozan.... what?... No!! she didnt come!!... ok thanks...

هنا توتر عهد زاد وقلقو... دور عربيتو وبقى يفتش فيها شارع شارع محطه محطه لحدي ما الوقت اتأخر شديد وقف العربيه وضرب الدركسون بكل قوتو

وين مشيتي بس يا مزن وين؟!!

🌺🌺🌺

بعد مرور تلاته يوم...

في 🇸🇩

عمر: اهلا اهلا كيفك يا سعيد اخبارك شنو

سعيد: والله تمام الحمدلله

سعيد كان واقف في الباب يتكلم مع عمر

عمر: وين امانتنا يا سعيد؟!

سعيد: اهي اتفضلي ي حلوه

دخلت مزن!! ودخل معاها سعيد

عمر: ياهلا بيتنا نور يابت اخوي...كيفك عساك بخير

مزن ردت ليهو بمضض وين القى الخير انا بس يا عمي

عمر حمر ليها وعاين لي سعيد وابتسم قال ليهو هه بت اخوي بتحب الهظار... اآاتفضل يا سعيد...

سعيد: معليش يا عمر مره تانيه انا هسي مستعجل والله

عمر: معقوله يا سعيد لازم على الاقل تتغدى معانا... دا اقل حاجه ممكن نعمل ليك بالنسبة للعملتو لينا...

سعيد: معقوله يا آخ دا الواجب

عمر: شكرا ليك يا سعيد ما قصرت والله معانا الله يديك العافيه

سعيد طلع وعمر طلع معاهو يودعو بينما كانت مزن غارقه في زكرياتها اتذكرت كل لحظه مؤلمه ليها في البيت دا اتذكرت زوجة عمها وكيف كانت بتعاملا وبناتا التلاته تبيان وتالين وتوسل وولدا حازم

اكتر اتنين كانو قريبين ليها في البيت دا توسل كبيرة البنات وحازم كانو بقيفو معاها دائما

توسل اتزوجت ومشت مع راجلا قطر اما تبيان بعدها طوالي عمرها25 سنه وتالين الصغيره عمرها19 سنه

وحازم كبيرهم عمرو30 سنه

..

خلوني اعرفكم على مزن وعهد كمان اكتر مزن خريجة اعلام زوله طموحه امها وابوها اتوفوا وهي بعمر صغير عمرها تقريباً كان 14 سنه عاشت مع عمها قريب8 سنه وعانت ما عانت واتزوجت من محمد سليمان(عهد) وكان عمرها 23 سنه كملت تعليمها الجامعي واتخرجت وزي ما تابعنا كانت شغاله اعلاميه طبعا ابوها فارس اخو عمر يعني عمر عمها

عمرها حاليا26سنه

نجي لي عهد

اساسا هو اسمو محمد اصبروا حاتعرفو سبب التسميه بس ما هسي😁

ابوهو اسمو سليمان وامو رجاء ابوهو مهندس بترول وامو صيدلانيه عندو اخت وحده اسمها موده يلا اوصف ليكم محمد عمرو29سنه طويل حبه حلبي وزنو متوسط لاسمين لا ضعيف زول وجيه بمعنى الكلمه ابوهو وابو مزن اولاد عم..

الباقي حا تعرفوهو من الروايه تابعواا

عمر: اتفضلي يابت الغالي اتفضلي اكيد تعبانه لازم ترتاحي اتفضلي

مزن مشت وراهو وكانت ما مطمنه نهائي من تصرفو اللطيف دا فتح ليها باب غرفه قال ليها دي مخصوص نضفناها وبخرناها عشانك ي حلوه ارتاحي

وطلع خلاها بعد مسافه جات مرت عمها سلمت عليها سلام حلو جابت ليها شاي واكل ختتهم ليها ومشت

الغرفه كانت كبيره وواسعه ولونا كلها بالوردي ومرفق معاها حمام داخلي فتحت الدولاب لقت ملابس طلعت لبسه ومشت الحمام استحمت وطلعت رقدت في السرير تفكر في الحصل

فلاش باك

بعد ما الزول خدر مزن بعد مسافه مزن صحصحت وعاينت حولها كانت في مكان شبه القبو...

بدت تكورك بأعلى صوت عندها كان جسمها مكسر من مفعول المنوم لسه ما زال بالكامل

دخلت مره كبيره لكن ملامحها تدل على انها قاسيه

طلعت تلفونا واتصلت مكالمة فيديو..

بعد مسافه ردا الطرف التاني المره قالت ليهو بصوت غليظ: صحت بت اخوك!!

ووجهت التلفون جهة مزن اما مزن اتسعت عينيها من الصدمه لمن شافت عمها وزاكرتها رجعتا لي زمان لمن كانت عايشه معاهو والمعامله حقتو قدر ما اتخيلت بشاعتو نهائي ما اتخيلت انو تصل بيهو الخباثه لي الدرجه انو يخطفها!!

عمر: معليش يابت اخوي ما كنت داير اصل معاك لي درجة الخطف بس انتي راسك قوي سبحان الله زي ابوك تماما

مزن: اياك تجيب سيرة ابوي في لسانك انا مستعره من انك عمي اساسا

عمر: ليه كدا بس والله انا طيب..

مزن: هه اكيد انت طيب لي درجة انك تخطف بت اخوك وقبلها كنت بتعزبها دي الطيبه في قاموسك صح؟!

عمر: مزن احسن تتكلمي معاي زي الناس والا والله العظيم تشوفي مني شي ما بعجبك

مزن: انت داير شنو مني؟!

عمر: لمن تصلي السودان كل حاجه بي اوانها تمااام يلا يا حلوه مع السلامه...

وقفل الخط

المره فكت الرباط لي مزن وطلعتا بره القبو وفتحت ليها باب عربيه كانت قدام الباب وقالت ليها اركبي كانت دايره تعترض لكن قبل تدي اي ردة فعل المره خدرتها تاني ولمن صحت لقت نفسها في الطياره متوجه لي السودان!!

واثناء ما هي بتسترجع في الزكريات دي شالتها نومه اخزتها الى عالم الاحلام...

🌺🌺🌺

صباح اليوم التاني

صحت مزن من النوم على صوت ضرب في باب غرفتها

فتحت الباب لقتها دي توسل طوالي نطت فيها وحضنتها: والله يامزونتي مشتاقين معقوله نحنا لينا اربعه سنه ما شفنا بعض حرام عليك وين مشيتي بس والله قلبي اتقطع وراكي...

مزن: والله انا زاتي مشتاقه ليك شديد يا روحي

توسل: طيب احكي لي الحصل معاك شنو؟ وانتي ليه هربتي ابوي عمل ليك شنو؟!

مزن ماردت ليها كل العملتو انها قعدت تبكي

توسل ضمتا عليها وبقت تهدي فيها

توسل: مزن عليك الله ماتبكي واحكي لي الحصل معاك ماتقطعي قلبي

قبل ما مزن تحكي ليها جاتهم تبيان قالت لي مزن ابوي بناديك

مزن وتوسل طلعوا ليهو بره

عمر قال لي توسل: اطلعي ياتوسل غرفتك!

توسل: بس يا ابوي...

عمر: توسل😡

مزن: امشي ياتوسل!

توسل: بس يا مزن...

مزن: ما عندي حاجه اخسرها بعد اليوم يا توسل.. امشي

توسل مشت

عمر لي مزن: دايرك تتصلي على محمد وتطلبي منو الطلاق..

عمر لي مزن: دايرك تتصلي على محمد وتطلبي منو الطلاق..

مزن: نعم!! ليه يعني ؟!

عمر: لانو حا تتزوجي حازم ولدي!

مزن: نعم!! حازم!! كيف يعني اتزوج حازم وليه اصلا؟! انا ما فهمت انت داير مني شنو؟!

عمر: حا تتكلمي مع محمد ولا اتصرف بي طريقتي..

مزن: لا ما حا اتكلم معاهو ومستحيل اتزوج حازم ودا اخر كلام عندي

عمر: طيب انتي المعانده وفي النهايه انتي الخسرانه... ممكن تمشي بعد دا لمن احتاجك بناديك

مزن طلعت غرفتها وكانت ما مطمنه نهائي من هدوء عمها دا

جاتها توسل وقعدت جمبها

توسل: مزن! انتي كويسه

مزن بصوت باكي: لأ ما كويسه ياخ انا كرهت حياتي ياريت لو مت ولحقت امي وابوي انا ماعايزه اي حاجه غير انو ربنا ياخد روحي واتفكى من الحياة العايشاها دي...

توسل ضمتها شديد: بس ما تقولي كدا انتي لو متِي انا بموت وراك والله... بعدين لازم تصبري انا عارفه ابوي ازاك قدر شنو بس نحنا مافي يدنا حاجه دا حكم القوي على الضعيف وان شاء الله ربنا هيعوضك...

🌺🌺🌺

_شوف ياعمر حركاتك دي ما بتنفع معاي البت دي جايبها لي شنو بعد ما اتفكينا منها ومن خلقته دي تاني تجيبا تقعد لينا في نص البيت

عمر: يا هيام يامرتي ياحبيبتي افهميني انا جبتها هنا عشان اقدر اضمن اوراق الاراضي في يدي

هيام: كيف يعني هي لمن كانت هنا وعزبناها وعملنا ليها السبعه وزمتا ما اتدنا ليهم تفتكر انها تاني ممكن تديك ليهم

عمر: ايواا بس انتي اصبري.. وصحي مزن وحازم ح يتزوجو!!

هيام: نعم!! يتزوجو؟! انت جنيت ياراجل بري ما بعرس ولدي للبت دي لو شنو داك

عمر: يامره فكري شويه لو هي بقت مرت حازم وهم اصلا زمان كانو بحبو بعض ف لمن يتزوجو ح تبقى مزن زي الخاتم في يدنا وفي نفس الوقت هي ما ح ترفض طلب لزوجها... ها فهمتي؟!

هيام: 😐😐 فهمت😁

🌺🌺🌺

توسل: يلا افردي وشك عندي ليك خبر حلو ح يفرحك

مزن: شنو؟!

توسل: عازماك بكره على محل وخليهو يكون مفاجأه بس انتي قولي موافقه

مزن: بس...

توسل: مابس ولا اي شي وافقي ياخ يا مزن

مزن: طيب لي بكره ان شاء الله

توسل: يعني موافقه يسس

توسل مشت وخلت مزن غارقه في احزانها

مزن: ياربي هسي كيفك ي عهد اكيد ح تكون فرحان لانك اتخلصت من اعظم هم في حياتك... بس خلاص من بعد اليوم ما عايزه ابقى عبئ على زول وح اتقبل حياتي زي ما هي لحدي ما امشي لي امي وابوي

🌺🌺🌺

في بريطانيا

قلب مكسور عيونٌ حزينه هذا كان حال بطلنا،،، كان قاعد جمب البحر وسارح لبعيد وفي يدو سجاره

فجأه

_احم احم

are you speak Arabic?!

عهد اتلفت لقى بت واقفه ابتسم ليها ابتسامه منكسره

قعدت جمبو

عهد: ميمي!! 🥺

_حبيبي ياروحي مالك منكسر وعيونك مليانه دموع كدا

عهد: مابعرف انتي رايك شنو اكيد انتي بتعرفي اخوكي

_اكيد واكتر من روحي كمان... اكيد زعلان من مزن

عهد عاين ليها وابتسم ابتسامه منكسره

عهد: ما قلتي لي متين جيتي

_جيت هسي ياداب الطياره نزلتني وصلت بيتك لقيتك طالع طوالي تبعتك كنت دايره اعملها ليك مفاجأه بس انت فاجأتني قول يا محمد مالك ياخ؟!

عهد: مزن...

_كنت متأكده البت دي تكون ورا الموضوع

عهد: مزن مشت خلتني يا ميمي ليه عملت كدا انا بحبها شديد

_يا اخوي...

عهد: خلتني بعد ما اتعلقت بيها هي كسرتني ياموده!

موده: ما عاش من يكسرك يا اخوي يلا قوم خلينا نمشي هسي وبكره نشوف حل للموضوع دا.....

🌺🌺🌺

حازم: كيف يعني مزن معانا هنا يا ابوي؟! معقوله ليها يومين وانا ما عارف؟!

عمر: يا ولد اصبر قبل كل شي عندي كلام داير اقولوا ليك.....

🌺🌺🌺

صباح اليوم التاني

توسل: يلا يامزن يلا حا نتأخر البسي سريع

مزن من داخل الحمام: دقيقه يابت قاعده البس دقيقه

بعد مسافه مزن طلعت كانت لابسه طنكه باللحمي واسكيرت اسود مع لونها الابيض كانت طالعه قمر اربعتاشر

توسل: واو ناقصك لمسه بسيطه دقيقه طلعت روج من شنطت يدها وعملت ليها

توسل: كدا تمام

توسل كانت لابسه طونكه بالاصفر منقطه بالابيض واسكيرت اسود

مزن:نحن ما شين وين؟!

توسل: قولت ليك مفاجأه يلا

طلعن بره الفيلا وركبن عربيه واتحركن

بعد ربع ساعه وصلن جمب مطعم تسنيم غمضت لي مزن عيونها وقالت ليها يلا المفاجأه جواا

دخلن ولسه توسل مغمضه لي مزن عيونها

توسل: مستعده واحد اتنين تلااااته

فتحت مزن عيونها ولقت المطعم مزين بشكل رهيب وكان في بالونات بالون الاحمر اكتر لون بتحبو وكان في ورود برضو بالاحمر وكان مزين المكان بشكل حلو شديد

مزن: واو يا توسل المكان حلو

توسل: عجبك حجزتو خصيصا ليك

مزن حضنتها وقالت ليها: بجد شكرا انت احلى اخت لقيتها في حياتي🥺...

توسل: حبيبتي🥺

وحضنوا بعض تاني

توسل: يلا تعالي اقعدي هنا لحدي الاكل ما يجي وبعدين في زول دايراك تقابلي

مزن: منو🤨

توسل: مفاجأه

مزن: طيب نشوف

بعد مسافه جا الاكل

بدوا ياكلوا

جات لي توسل رساله ف التلفون

توسل: ها وصل دقيقه ارسل ليهو يدخل

مزن: منو هو

توسل: اصبري

بعد مسافه حازم جا داخل!!

مزن من شافتو وقفت على حيلها مصدومه وفجأه رجعت بيها زاكرتها للموقف داك

كان عمها بيضرب فيها بقسوه وكان غاضب شديد لانو شافها واقفه مع حازم وبتكلموا كلام عادي

مزن:ح حازم عليك الله قول حاجه والله ما قادره....عليك الله قول حاجه

عمر:حااااازم بس ما تكون مربّط مع البت دي من وراي

حازم:يا ابوي....

عمر:جااااوب على سؤالي

حازم:لأ

عمر رجع تاني يضرب فيها

مزن: عليك الله يا حازم خليهو يخليني... حاااازم

عمر: انتي اسكتي وهو كان راجل يجي يوقفني..

مزن: حازم💔

حازم: اسف يا مزن

وطلع طوالي

مزن: حاااازم😭😭

عمر: انتي اسكتي ولا كلمه

وجراها من شعرها دخلها المخزن وقفلها بالمفتاح

لحدي صباح اليوم التاني ومزن لا اكل لا شراب

عمر نادى حازم قال ليهو تعال

عمر: اقعد دايرك في موضوع... بكره الصباح ح تسافر برسودان عندي صحبي شغال في شركه وانا كلمتو بيك وانك قريت اداره قال لي خلي يجي ووظيفتو موجوده

حازم: بس يا ابوي...

عمر: ما بس انا ما بستشير فيك دا امر!!...

حازم: حاضر يا ابوي..

وبالفعل حازم صباح اليوم التاني سافر من دون ما يقول لي مزن حاجه ومن اليوم داك علاقتهم بي بعض اتأثرت وما بقت زي اول....

عوده لي الحاضر

حازم: مزن❤

مزن: اهلين

حازم: مزن انا عارف انك ز...

مزن: معليش انا ما بعرفك!!

حازم: مزن💔

ختت يدها قدام وشو نظام اسكت وشالت تلفونها من فوق الطاوله ومشت

توسل نظرت لي حازم نظره حزينه كدا وطلعت لحقت مزن

لقتها واقفه متصمغه تعاين لي التلفزيون كانت فاتحه قناة الحدث

المزيعه: وردنا اليوم هذا الخبر المؤسف عن انفجار هذا المنزل في بريطانيا وتحديدا في مدينة.... وقال شاهدوا عيان بأن الانفجار لم يكن طبيعي ولكن السؤال الذي يطرح نفسه هل هناك ضحايا لهذا الانفجار تحدثنا مراسلتنا من هناك

_نعم سلمى وجدت الشرطه جثه واحده بالقرب من المنزل وهذه الجثه مشوه بالكامل نحاول معرفة هويتها ولازالة الشرطه تبحث في ركام المنزل لتأكد ما اذا كان هناك ضحايا اخرين

المزيعه: الاء اخبرينا لمن ينتمي هذا المنزل...الاء هل تسمعيني بوضوح..

_نعم سلمى اسمعك هذا المنزل ينتمي للطبيب النفسي المشهور....

وقبل ان تكمل المراسله حديثها صرخت مزن باعلى صوت مستحيييييل عههههههد!!!!

واغمي عليها

توسل:مزن!!!مزن!!!حازم الحقني مزن

حازم جا جاري من جوه

حازم:توسل في ش...

وقبل ان يكمل كلامو شاف مزن مغمى عليها

حازم:مزن!!!

حازم وتوسل نقلوا مزن لي المستشفى وهناك استلموها الدكاترة دخلوها غرفة الكشف

بعد مسافه طلع الدكتور...

حازم: دكتور مزن فيها حاجه هي كويسه صح؟!

_والله ياولدي ما اكزب عليك بس المريضه دخلت في حالة صدمه والمريضه ضعيفه جدا ف....

حازم: شنو يا دكتور ح يحصل ليها شنو؟!

_بالنسبه لي حالتها الحاليه هي ح تتصاب بي مشاكل عصبيه ف الجهاز العصبي!!

حازم: كيف يعني يا دكتور😰

_شوف يا ولدي اغلب الحالات بتتصاب بي مشاكل ف الحركه او احيانا بتحصل لي الحاله فقدان للنطق او فقدان جزئي في الزاكره وفي بعض الاحيان بكون في تدهور في الصحه وممكن وا عدد من الامراض.... نتوقع الاحسن ان شاء الله عن اذنكم

توسل: لاحولا ولا قوة الابالله... ياربي

قطع حديثهم صوت عمر

عمر: حازم!! مزن وين وحصل ليها شنو...

توسل بصوت متقطع من البكاء ه. هنااا

واشرت على الغرفه...

عمر عاين لقى دي غرفة العنايه المركزه

عمر(بصدمه) : مزن هنا!!!..... انا بتكلم مع حيطه مزن هنا

توسل: اي ي ابوي اي 😭😭

عمر: دخل وانصدم لمن شاف مزن مركبين ليها كميه من الاجهزه

بعد مرور ساعتيييين ونص

مزن فتحت عيونها لقت حازم و توسل ومرت عمها وعمها كلهم جمبها

حازم: مزن! مزن انتي كويسه صح... مزن😟

مزن ما كانت بترد بس بتعاين بي عيونها

توسل جرت نادت الدكتور

الدكتور جا كشف على مزن

حازم: يا دكتور مزن كيف؟!

الدكتور: لأسف المريضه حصل ليها فقدان جزئي في الزاكره

عمر: نعممم! كيف يعني فقدت الزاكره!!؟

الدكتور: ذي ما بقول ليكم ح اكتب ليها على ادويه وان شاء الله ربنا يكتب ليها السلامه

كانت في حالة توتر حاصله وتوسل كل شويه تقول لي مزن معقوله يا مزن ما متزكراني معقوله!!

ومزن كانت تعاين ليها بس وتحرك في راسها بمعنى لأ

الدكتور كتب الادويه وحازم مشى عمل اجراء الخروج وطلعوا

وصلوا البيت حازم وتوسل وصلوا مزن غرفتها وخلوها ترتاح

حازم: توسل انتي كنتي مع مزن لحظت الحصل هي شافت شنو خلاها تنصدم كدا ويحصل ليها الحصل

توسل: ما عارفه الشي الوحيد بتزكرو انو كانت متابعه المزيعه في التلفزيون وكان في خبر عن انفجار منزل في بريطانيا... وبعدها طوالي مزن بدت تصرخ ووقعت من طولها

حازم: غريب هي علاقتها شنو بالمنزل دا

توسل: يمكن الانفجار دا زكرها بي حاجه؟!

حازم: ما عارف بس في إن في الموضوع...

في غرفة عمر و زوجتو سلمى

عمر ماشي وجاي في الغرفه وسلمى تعاين ليهو

سلمى: عمر ياخ دوشتني معاك مالك؟!

عمر:نحن خسرنا كل شي

سلمى: كيف يعني؟!

عمر: انتي اتهبلتي يا مره ولا شنو اقول ليك البت فقدت الزاكره!! يعني تاني ما بتتزكر اي حاجه...

سلمى: بس الدكتور قال انو فقدان الزاكره دا موقت... عارف يا عمر انا اكتر شي محيرني كيف حصل ليها الانهيار العصبي دا؟!

عمر: ما عارف والله...

شال تلفونو وبقى يتصفح

عمر (بصدمه): معقوله!!

سلمى:مالك يا راجل؟!

عمر: عرفت مزن جاها انهيار عصبي من شنو؟!

سلمى:من شنو!!؟....ما تتكلم يا راجل!!

عمر:محمد سليمان مات!!!؟

سلمى(بصدمه): نعممممم!! كيف يعني مات انت جنيت يا راجل

عمر: شوفي

سلمى مسكت التلفون وبقت تقرأ في المنشور

سلمى: اليوم ننعي ببالغ الاسى والحزن.... الطبيب النفسي... المشهور م.. محمد.. محمد سليمان😭😭!! ياربي واي انا الليله ياود اختي واااي كلو بي سببها كلو بي سببها البت دي من دخلت في حياتنا دي ما اتهنينا لاحولا ولاقوة إلا بالله العلي العظيم

عمر:خلاص ي سلمى خلينا نعرف نتصرف

سلمى:تتصرف!!؟ عمر انت القتلتو!!

عمر:انتي جنيتي ياوليه!!...

سلمى:أقسم بالله العظيم يكون ليك يد في الحصل لي محمد والله ما برحمك وخططك القذره كلها ح افضحها ليك وح امشي بزات نفسي لي الشرطه واحكي ليهم انو انت بتستغل بت اخوك المسكينه عشان تشيل قروشها واملاكها وتسجلها بي اسمك

_شنو؟!!

الاتنين اتلفتو على مصدر الصوت ...

حازم: شنو؟!!

سلمى: ح حازم ماتفهمنا غلط!!

حازم:ابوي!! انا عارف انك بتكره مزن ومن زمان بتعامله بي طريقه كعبه بس تصل بيك درجة الكره انك تستغلها وتشيل قروشها💔 دي ما اتوقعتها

عمر: يا ولد احترم نفسك وانت بتتكلم معاي ثم ثانيا دي حاجه ما بتخصك فاهم ولا لأ اكرهها ولا لأ استغلها ولا لأ دي حاجه ماليك دخل فيها

حازم: لالا يا ابوي انا اتغيرت انا ما حازم الزمان وكون متأكد انا ح اقيف مع مزن في كل خطوه ومستحيل اخليك تصل لي الانت عايزو

عمر(بغضب): وكتها بس تكون لا ولدي ولا بعرفك متبري منك فاهم!!

سلمى: عمر!!!

حازم: يبقى تتبرأ مني من هسي!! يا ابوي (قال كلامو وطلع)

سلمى: حازم دا كلام شنو ياولدي!! حاااازم اقيف!!

🌺🌺🌺🌺

صباح اليوم التاني

توسل: مزن قومي اكلي

مزن: توسل انا حاسه نفسي ضايعه!! ما عارفه انا وين انا منو ما عارفه اي حاجه عن نفسي توسل الشعور دا صعب وربي💔😭

توسل: حبيبتي 😭😭💔مزن عليك الله ما تبكي انتي ان شاء الله ح تتعالجي وبأذن الله ح تتزكري كل شي بس انتي اصبري

مزن: توسل ممكن اطلب منك طلب؟!!

توسل: اطلبي من عيوني حبيبتي

مزن: عايزه اطلع من هنا!! عايزه اشم هواء ممكن،، انا وانتي بس ممكن🥺

توسل: اكيد حبيبتي اكيد❤

بس انتي تتحسني حبه وطلباتك كلها اوامر حبيبتي

مزن: لأ يا توسل انا عايزه اطلع هسي يعني هسي عايزه اغير من نفسيتي حاسه نفسي مخنوقه😭💔

توسل: بس...

حازم قاطع حديثهم وقال لي توسل: اللي تأمر بيهو ست الكل يتنفذ❤

مزن: 🥺🥺🥺

حازم: عايزه تطلعي طيب رايك شنو نمشي مكان حلو ح يعجبك

مزن: بجد🥺

حازم: اكيد😁

مزن: طيب اجهز ونمشي😁

توسل: معاقييين😒

🌺🌺🌺🌺

مزن:يلا ي حازم اتأخرنا

حازم:دقيقه جاي يلا ي توسل اطلعي الزمن😤

توسل:دقيقه اظبط روجي💄

حازم:دا شنو دا والله بي وجه المهرج دا من هنا ما تباريني

توسل:حازم بلييز🥺

حازم:لأ😒

توسل:🥺🥺🥺

مزن:يلا بتعملوا في شن...واو تسنيم ممكن اعمل من الروج

توسل:هاكي 😁

مزن:شكرا😁

حازم:😒 اقول ليكم حاجه خليت الطلعه زاتو

مزن:ليه ي حزومي🥺 انت وعدتني🥺

حازم:طيب طيب يلا😁

توسل:والله انت المعاق😒

ركبوا العربيه واتحركوا نزلوا في حديقه رهيبه

مزن:واو🤩

توسل:انه الحلم ي صديقتي يتحقق🤩

حازم:وتقولي لي معاق😒🤣

مزن:ارح نركب السفينه🤩

توسل:يلا🤩

حازم:انتظروا اقطع التزاكر واجي😒

حازم مشى قطع التزاكر وجا مشوا انتظروا في الصف لحدي جا دورهم وركبوا🤩🤩

🌺🌺🌺

وتمر الايام الجميلهٌ سريعا ي عزيزي كانها تخبرنا على عجل انها لن تدوم

🌺🌺🌺

سلمى: عمر بالجد كلامك دا

عمر: والله العظيم جد انا ما قتلت محمد انا بس رسلت واحد على اساس انو يهددوا عشان يطلق مزن وهو اتفق معاي على كدا بس انا ما فاهم هو عمل شنو وهدفوا من العملوا شنو حتى حاولت اتواصل معاهو بس تلفونو مغلق!!

سلمى: وليه هو يعمل كدا طيب وانت لمن قلت ليهو يهددوا كنت دايروا يهددوا كيف يعني😒

عمر: انتي هبله كيف يعني يهددوا كيف اكيد يهددوا بي اهلوا يقول ليهو لو ماعملت كدا ح اعمل واعمل😒

سلمى: لازم نبلغ عنو

عمر: انتي هبله كيف يعني نبلغ عنو حتى لو بلغنا ح نقول شنو يعني نقول انو انا طلبت منو يهددوا وهو قتلوا انت هبله دايراني ادخل السجن؛!

سلمى: ما كدا لكن ود اختي معقوله اخلي حقو يا عمر هسي اختي حالتها ح تكون كيف

عمر: سلمى سلمى سلمى نحن اكيد ح نلقى حل وانا بوعدك انو ح القاهو وح يتحاسب على عملتو دي وح يتحكم عليهو قصاص كمان بوعدك

سلمى: عمر انا عايزه اسافر البلد ماشه اشوف اختي ليها كم يوم بتتصل لي لكن انا ما قادره اتكلم معاها بالتلفون لازم امشي ليها واقابلها عديل

عمر: طيب بحجز ليك في بص طالع بكره

سلمي: اي عليك الله

🌺🌺🌺

حازم: امممم الحلو مالو قاعد براهو

مزن: ساي😢

حازم: مزن مالك؟!

مزن: حازم اشتقت لي امي وابوي اي صح انا ما متزكراهم بس متمنيه اشوف امي وابوي ياريت لو كانوا عايشين ياريت

حازم: ربنا يرحمهم ويغفر ليهم يارب مزن ما تفتكري انو انتي وحيده نحن كلنا معاك نحن عائلتك

مزن:اكيد مافي شك من كدا بس.....

حازم :مافي بس وبعدين انا وانتي ح نتزوج ويبقى البيت دا بيتك

مزن:نتزوج؟! كيف يعني

حازم:كيف يعني شنو الزواج الواحد دا انتي قبل تفقدي الزاكره كنا عايزين نعمل خطوبتنا بس هسي....

مزن: .....

حازم :مامهم اهم حاجه صحتك وكلو بتعوض ان شاء الله

توسل:جوز اللوز!! بتعملوا في شنو...

مزن.....

حازم:ولا شي قاعدين نتونس انتي جيتي ناطه من وين

توسل: من السماء😄😀

تبيان:هي ارح نطلع نغير جو لينا زمن ما طلعنا

تالين :فكره حلوه

مزن:انتوا بالجد قاعدين تجوا من وين🤣

حازم:طيب ارح انا ح اوديكم محل ح يعجبكم يلا امشوا اجهزوا بس ما تتاخروا

توسل وتبيان وتالين:حاضر

حازم: وانتي يا زوجتي ما ماشه المشوار عشانك اصلا...

توسل: واو قلبي الصغير لا يتحمل🙂

مزن: ماشه اكيد م ح افوت فرصه زي دي😀

حازم:طيب يلا...امشوا اجهزوا منتظركم

كلهن مشن اتجهزن وجن وطلعوا لي حازم وهو كان مجهز العربيه كل وحده كانت احلى من التانيه ومزن الاحلى طبعا تعالوا اوصفهم ليكم توسل كانت قصيره وسمراء وسمينه اما تبيان كانت طويله وحلبيه وتالين كانت وسط في الطول والحجم وحلبيه اما مزن كانت اقصرهم حلبيه طبعا ما سمينه وما ضعيفه ووشيها مدور

وحازم كان طويل واسمراني الحجم وسط

المهم كلهم ركبوا ومشوا محل اسكريم وبعدها مشوا مطعم ولفوا بالعربيه كم محل واشتروا كم حاجه كدا وجو راجعين كان يومهم خرافي جو تعبانين كل زول لزم غرفتوا وسريروا🤣

🌺🌺🌺🌺🌺

كانت بتجري وهي خايفه كان في ناس وراها ملاحقنها كتار قدرت تهرب منهم لكن صوتهم لسه مسموع بالنسبه ليها ...وهي بتجري اتعترت ووقعت ..وهنا زاد خوفها كل ما تحاول تقوم يغلبها لحدي ما جا زول من قدامها خافت شديد وقالت ليهو بصوت متحشرج عليك الله خليني... قال ليها: انا ما عايز أازيك انا عايز احميك ما تخافي مسكها من يدها وقومها وسندها عليهو ومشوا لحدي ما وصلها جمب بيت قال ليها دا بيتك انا ماشي

قالت ليهو ماشي وين؟!! وانت منو وليه ساعتني

قال ليها ماشي مكان بعيدد يا مزن!!! انا عهد عهد يا مزن عهد.....

مزن:اقيف اقيف ما تمشي اقيف عهد!!!

توسل:بسم الله مزن انتي كويسه بتصرخي مالك يابت

تالين:الحاصل شنو يا جماعه

توسل:تالين اسرعي جيبي كمادات مزن محمومه شديد

تالين:بسم الله الرحمن الرحيم مالا

توسل:اسرعي وخلي الكلام الكتير

....

وفعلا تالين مشت جابت المكمدات وتوسل كانت بتعمل لي مزن مكمدات اما مزن كانت في عالم تاني وكل شويه تتكلم براها وتردد في اسم عهد عهد عهد

توسل وتالين قعدوا معاها لحدي حرارتها ما نزلت تالين مشت غرفتها وتوسل نامت مع مزن....

🌺🌺🌺🌺

صباح اليوم التاني

مزن وتوسل صحوا بصوت جوطه شديده الصوت كان جاي من الطابق التحت

مزن:في شنو بسم الله

تسنيم:ما عارفه ارح نشوف الحاصل

نزلوا تحت كانت دي اخت سلمى ام محمد سليمان كانت بتكورك بطول حسها واول ما شافت مزن مشت عليها كلو بي سببك انتي بي سببك خسرت ولدي وبتي!! الله ياخدك انا مستحيل اخليك انا ح اكتلك انتي سبب المشاكل كلها الله لا يوفقك ....

_رجاء!!!

اتلفتت على مصدر الصوت كان دا عمر

يلا اشتغلت ليك فيهو شغل صاح قالت ليهو انت تسكت بس تتكلم كلمه افضحك هسي واجيب الشرطه تعتقلك ولا ناسي العملتوا في اخوك وهسي بت اخوك طلعت زيك الاتنين مجرمين ربنا ياخدكم وينتقم منكم زي ما حرمتوني من اولادي 😭 وااااي انا يا ولادي واي واي واي ياقلبي الاتحرق ...

سلمى:رجاء استهدي بالله اذكري الله بعدين انتي جايه تتهمي ساي نحن والله برضو انصدمنا من الخبر وما عارفين حاجه وانتي عارفه انو محمد مننا وفين نحن مستحيل نأذيهو

رجاء: واي ياسلمى واي ولادي انا ما قادره ولادي دا الكتلهم راجلك كتل ولادي يا سلمى موده ومحمد ماتو بي سب....

قبل تكمل كلامها اغمي عليها

سلمى: رجااااء!!

حازم:خالتي!!

سلمى :حازم دور العربيه نوديها المستشفى اسرع

سلمى وتوسل رفعوها والباقين ساعدوهم ركبوها العربيه ومشوا المستشفى ما عدا عمر كان واقف وبتكلم مع نفسو:ياربي دي شنو المصايب دي كلو من اسماعيل الكلب لكن اليصبر لي كان مفترض يقتلو بي هدوء لكن هو اهبل وانا زاتي اهبل لمن وكلت زول زيو لي حاجه زي دي ..كان لازم اقوم بيها براي بس ما مشكله ح تتحلى واتمنى دي كمان تكون لحقتهم لانو لو ما لحقتم انا ح الحقا ليهم!!!!

🌺🌺🌺

ترن رررن رن

عمر:الووو....اسماعيل انت وين يازول؟ ودا شنو العملتو دا القصه بقى فيها صحفيين وشرطه وقانون انت جنيت؟!....نعم!!...كيف يعني!!!...طيب شوف ليك حل سريع اتصرف...

🌺🌺🌺🌺🌺

وفي المستشفى رجاء دخلوها غرفة العنايه المركزه الدكتور قال ليهم انو جاها انهيار عصبي وسكريها مرتفع لو ما إداركوا الموضوع ممكن تدخل في غيبوبه

انتظروا ساعه وساعتين في الوقت دا سليمان جا وعمر جا بعديهو بي مسافه لقاهو سلم عليهو ووقف معاهم الموضوع طول والساعتين بقو تلاته واربعه وهنا كلهم بقت تسيطر عليهم افكار كعبه ...

الدكتور طلع كلهم مشوا عليهو وسلمى كانت بس تبكي سالوهو من حالتها قال ليهم حالتها شويه صعبه وبنحاول ننزل ليها في السكري لكن هي اتعدت مرحلة الخطر ادعو ليها...

مزن:لا حولا ولا قوة الا بالله ربنا يشفيها ان شاء الله

توسل:اميين يارب

سليمان كان مركز مع مزن شديد قال لي عمر :ما شاء الله دي بتك

عمر قال ليهو معقوله يا سليمان مطولين مننا حتى بناتي ما بتعرفهم ..دي ما بتي دي بت اخوي لكن ياهو دمنا بجري فيها ياها بتنا مننا وفينا

سليمان انصدم من كلام عمر وقال ليهو دي مزن!! دي مرت محمد ولدي!!

هنا كلهم انصدموا حتى سلمى وعمر ما كانوا متوقعين انو يقول كدا

حازم: معليش يا عمي شكلك ملخبط مزن ما متزوجه

سليمان: لا مزن كانت متزوجه بس لا حولا ولا قوة الا بالله دا حكم ربنا وربنا قادر يشهد الله طول فترة تواصلي مع محمد كان كلامو كلو عنك ربنا يلزمنا الصبر يا بتي...

مزن: ربنا يرحمو يا عمو بس انا ما متزكره لكن ياعمو كلام حازم صح انا ما متزوجه

سليمان :كيف ما متزوجه يابتي دقيقه...

طلع تلفونو وفتح صوره وراها ليها كانت صوره ليها هي وعهد مع بعض كلهم انصدمو لمن شافو الصوره الا سلمى وعمر

مزن كانت بتعاين لي الصوره بس وشويه شويه بتشوف طشاش طشاش قطع تفكيرها صوت حازم وهو بقول كيف؟! كيف تكون مزن متزوجه اكيد في غلط في الموضوع بعدين الصوره دي اصلا ما حقيقيه اكيد مركبه

عمر:لا يا حازم الصوره دي حقيقيه مزن فعلا كانت متزوجه من محمد سليمان وهسي هي ارملتو

توسل:كيف الكلام دا يا جماعه انا ما مصدقه

حازم ما قال حاجه وطلع خلاهم لحقتو تالين وسلمى مشت معاهم برضو الدكتور جا وقال ليهم حالة رجاء مستقره بس ح تقعد في المراقبه كم يوم تاني....

مرت تلاته يوم....

مزن كانت غارقه في افكارها كيف هي متزوجه وما متزكره في حاجات كتيره ما متزكرها وما قادره تتزكر!! بقت محبوسه في غرفتها بس ما بتطلع الا لي الضروره بس وما كانت بتمشي المستشفى لانو هي الان مفترض تكون محبوسه بتقضي في العده حسب الشريعه....

🌺🌺🌺🌺

عمر اتلاقى ليهو مع راجل قدام مطعم ..وكانوا بتكلموا بصوت واطي

عمر:الحاصل شنو يا اسماعيل

اسماعيل:الحاصل انو محمد سليمان ما مات!!!

عمر:كيف يعني!! انت جنيت اتكلم من دون الغاز ومن دون لف ودوران

اسماعيل: انا رسلت كم راجل بتعامل معاهم على اساس يقتلوهو اي نعم طريقتم ما صح بس برضو كان عندهم وجهة نظر بما انو محمد زول مشهور اكيد عندو اعداء ...

عمر:دا ما مهم ادخل في الموضوع الاساسي محمد سليمان وين!!

اسماعيل:ما عارف والله هو وين بالضبط بس الاعلام طلع اخبار كازبه عن موتو لانو نحن لمن مشينا ما لقينا اثر لي جثتو لقينا جثه وحده وكانت لي مرأه تقريبا

عمر: اسمع هنا يا اسماعيل ما بهمني كلامك دا كلو المهم عندي محمد سليمان لو تحت الارض طلعو واقتلو المهم ما يكون عايش فاهم!

اسماعيل: مع انو صعبه زي الابره في كوم القش لكن ما تخاف ح نلقاهو

🌺🌺🌺

نمشي الطريق وايدينا في ايدين بعض

ونزيل الشوك والآم السنين

ونزرع بدالو كمان ورد

_ما عافيه ليكم حسبي الله ونعم الوكيل حسبي الله ونعم الوكيل

سلمى: رجاء قولي بسم الله يا اختي انتي كدا بتأذي في نفسك

رجاء:زحي مني راجلك كتل اولادي واااي ياربي 😭😭💔 انا خسرت اولادي💔 وااي يامحمد تعال شوف امك وينك ياموده مشيتي خليتيني واي ياقلبي احييي ياحرقة قلبي عليكم يا اولادي💔😭 مشيتوا خليتوني بلاكم اعمل شنو انا💔😭

سلمى:استهدي بالله يا رجاء ...

سلمى طلعت نادت الدكتور جا اداها حقنه مهدئه ..

ويمر شهر على الجميع فيهو حاجات كتيره اتغيرت🍁🍁

رجاء اتحسنت ورجعت مع راجلها البلد واصرت انو تجيب حق اولادها من عمر لانو كانت متأكده هو السبب في موت اولادها

حازم سافر السعوديه في منحة عمل

وتوسل سافرت لي راجلها اما مزن من توسل سافرت بقت شبه انطوائيه وما بتتطلع كتير واساسا ما كان في زول مهتمي بيها عمها ومرتو ما بحبوها وعلاقتها بي تبيان وتالين ما قويه كدا

كانت قاعده وبتتصفح في الفيسبوك لقت منشور حق دوره تدريبه تنمي فيها مهارات اللغه الانجليزيه والفرنسيه دخلت الصفحه الرسميه المقدمه الدوره واستفسرت منهم عن الدوره والمكان والزمن

مزن:بجد انا محتاجه انمي لغتي واصلا ماف موضوع احسن استفيد من زمني لكن تبقى المشكله انا ح اطلع من مملكة الظلام دي كيف اووووف...

قعدت تفكر مسافه...

مزن: بتتجازف ما مشكله اهم حاجه انا ح البس شنو🤔

طلعت كم لبسه من الدولاب وختتهم في السرير

مزن:اممم ح البس دا لالالا دا احسن ولا دا ياااربي😥 اي دا احسن خلاص ح البس دا

دخلت باقي الفساتين وكانت منتظره بكره متيين يجي الوقت مره سريع واصلا ما كان في موضوع جاء الليل ومزن استسلمت لي النوم💤

صباح اليوم التاني🌼

صحت بدري واتجهزت وطلعت براحه تتسحب ما كان في زول صاحي طلعت طوالي وقفت عربيه واتحركت اتجاه المكان...

بعد مسافه وصلت المكان دخلت سجلت في الدوره وقعدت منتظره زمن اول محاضره بعد مسافه جات بت سجلت وقعدت جمبها

_السلام عليكم

مزن:وعليكم السلام

_ممكن اقعد جمبك؟

مزن:اكيد اتفضلي!!

_شكرا...بالمناسبه انا نسمه وانتي؟

مزن:انا مزن

_الله اسمك حلو

مزن :والله انتي الاحلى😊 عمرك كم يا نسمه

_خمسه وعشرين وانتي

مزن:سته وعشرين انتي بتدرسي؟

_كنت بدرس علم نفس والحمد لله خلصت دي اخر سنه لي

مزن:حلو ربنا يوفق

_وانتي بتدرسي شنو

مزن:درست اعلام 😥 لكن هسي كل حاجه ضاعت بديت من الصفر

_كيف يعني؟

مزن:اتعرض لفقدان زاكره جزئي ما متزكره نسبة٥٠%من زكرياتي😥

_لاحولا ولا قوة الا بالله ..السبب شنو طيب

مزن:ما متزكره مريت بموقف وحصل لي انهيار عصبي وياهو زي ما انتي شايفه

_شوفي يامزن اي مشكله وليها حل ومادام كان عندك انهيار عصبي معناها كان في موضوع مضايقك او موترك شديد ودايما فقدان الزاكره بجي من التوتر الشديد في هرمونات بتفرز زي الكرتزول وغيرها دي ممكن تكون السبب الرئيسي للفقدان الزاكره عشان كدا لازم تحافظي على نفسك وقدر الامكان ابعدي عن الضغوطات اي حاجه ممكن تخليك متوتره ممكن تزيد ليك المشكله

مزن:اكيد ان شاء الله

_ما عارفه لكن عندي شعور اني شايفاك في محل

مزن:معقوله يكون مشبهاني😄

_يمكن😅

زمن المحاضره جا كان في كميه من الناس جات تحضر الدوره ،،كانت محاضره شيقه وحلوه

المقدم بتاع الدوره كان زول مرح شديد ودي الحاجه الخلت الكل مركز معاهو

بعد خلصوا طلعوا نسمه ومزن طلعوا سوا ويا محاسن الصدف طلع بيت نسمة قريب من بيت عمر عم مزن

نسمه :سبحان الله طلع بيتنا جمبكم بس ولا مره شفتك

مزن:هسي شفتيني😅

نسمه:معاك حق ...طيب يلا نتلاقى بكره

مزن:إن شاء الله

نسمه مشت ومزن دخلت البيت ومشت غرفتها بدلت ملابسها وجات قعدت في الكنبه تلفونها رن

فتحت الخط

مزن:الوو حازم كيفك

حازم:تمااام بعد سمعت صوتك اخبارك شنو

مزن:والله تمااام الحمد لله بس مشتاقه ليك انت وتوسل

حازم: توسل دي خربت الجمله🙂

مزن:طيب..انت ح تجي متين

حازم: ح انزل اجازه قريب عشان نعمل عرسنا

مزن: طيب منتظراك

حازم:لالا ان شاء الله ما بتأخر .. كيف كان يومك

مزن:حلو مشيت سجلت في دوره تقويه للغه الانجليزيه وفي نفس الوقت تعليم لغه فرنسيه

حازم:اوو كويس جدا مرتي المثقفه

مزن: هو متين بقيت مرتك

حازم:من زمان😄

مزن :طيب ح اقفل عشان تعبانه عايزه انوم

حازم:طيب بتصل ليك بعدين

مزن:تماام بنتظرك

🌺🌺🌺

مزن قفلت من حازم ونزلت تحت سمعت تالين وتبيان

متشكلات

تالين:اصبري بس كما كلمت ليك ابوي

مزن:مالكم في شنو تكوركوا

تبيان:ما يخصك

تالين: كم مره نبهتك الزول دا ما يتصل ليك ابسط حاجه لو كان جادي كان جاك بالباب

تبيان: انا عارفه انو هو طريقتوا غلط بس هو جادي وجاي بكره لي ابوي

تالين:طيب نشوف

🌺🌺🌺

في قلب كل شتاء ربيع نابض، ووراء كل ليل فجر باسم.

صباح يوم جديد

صحت مزن على صوت تلفونها وهو يرن فتحت الخط

جاها صوت بت

مزن :الو ..اهليين منو معاي

=يابت لحقتي تنسيني انا نسمه

مزن:لالا ما نسيتك بس نسيت اسييف الرقم😅

=ما مشكله اطلعي انا منتظراك لانو الوقت اتأخر

مزن:ااا طيب خمسه دقائق بس واجيك

مزن الراويه

قفلت الخط من نسمه ولي الصراحه نسيت موضوع الكورس كلو كلو جريت سريع طلعت لي عبايه استحميت وسريع لبست عملت قلوص وطلعت براحه بقيت اتلفت لو زول شافني اقنع من المشوار،، لحدي ما طلعت شكلو ماف زول صاحي غيري😅

جري مشيت لقيت نسمه منتظراني ركبنا مواصلات لحدي المكان وصلنا مع زمن المحاضره حضرناها وطلعنا حازم اتصل علي مارديت 😅 نسمه قالت لي ارح نفطر قلت ليها والله انا مستعجله وناس البيت لو عرفوا اني طلعت ح يعملوا لي قومه وقعده

قالت لي طيب تمام ارح البيت ركبنا المواصلات نزلنا في بداية الشارع نسمه مشت بيتهم وانا مشيت الدكان اشتريت لي كم حاجه كدا ومشيت البيت ، دخلت بس كان تلاقيني سلمى مرت عمي قالت لي كنتي وين؟

قلت ليها مشيت الدكان

قالت لي ما شاء الله عليك وجبتي القروش من وين؟

قلت ليها ديل حولهم لي حازم قبيل

قالت لي انتي اصلك م ح تريحينا وعمرك طويل ما دايره تلحقي امك وابوك

قلت ليها والله انتوا المتمسكين فيني لو ما كدا هسي بمشي وبخلي البيت

قالت لي ياريت ياخ،، امشي رتبي مع البنات ديل في ضيوف جايننا بعدين

تبيان جات قالت ليها اي عليك الله يا امي خليها تشتغل بدل ما قاعده طول اليوم في غرفتها زي الوارثه

،عاينت ليها مسافه وابتسمت ليها وقلت ليها ما اصلا وارثه هي وامها عاينوا لي بي صدمه كدا مشيت خليتهم

تبيان قالت ليها شفتي يا امي البت دي بقت تتمادى كيف، المهم ما اشتغلت بيهم طلعت غرفتي غيرت ملابسي وجيت نازله اشتغلت معاهم حبه لحدي ازان المغرب مشينا صلينا بعد المغرب بي مسافه جات رجاء وراجلها (نسيبتي زمان) وبعد مسافه جو الضيوف كانوا ناس كتار زي عشره رجال ومعاهم حريم والحريم تقريبا كانوا زي حداشر او اطنااشر مره كانوا جايين يتقدموا لي تبيان وكانوا جايبين معاهم حاجات خرافيه قالوا قولت خير جايبين ليها تلاته فساتين ودهب وقروش كتيره وكريمات وبارد المهم جايين يتقدموا عديل المهم اتونسوا كدا وبعد شويه نسمع صوت الطلق عقدوا ليها عديل وحددوا العرس بعد اسبوع والله اول مره اسمع بي عرس بالسرعه دي ناس من اول يوم جايبين قولت خير وعقد طوالي .. ما علينا المهم بعد الناس طلعوا رتبنا البيت وخالتو رجاء كانت ماشه بس سلمى مرت عمي اصرت عليها انو تقعد معانا ليوم العرس ما عارفه ليه بس حسيتها ما طايقاني نهائي المهم بعد إصرار من سلمى مرت عمي خالتو رجاء قعدت هي وراجلها

تالين وتبيان شالوا الحاجات دخلوها في الغرفه حقتهم وقفلوا الباب نظام ما اشوف ولا اهتميت بالموضوع مشيت غرفتي قفلت الباب ورقدت نمت

🌺🌺🌺

صباح اليوم التاني صحيت بدري عشان امشي الكورس نزلت لقيت خالتو رجاء قاعده مشيت اتجاها صبحت عليها بس ماردت علي قلت في نفسي ياربي هي ليه بتعاملني كدا المهم قلبي كان بقول لي احسن اكسر الحاجز البينا على الاقل يمكن اعرف حاجه من الماضي حقي حاسه انو هي الوحيده بتقدر تجاوب على اسئلتي مشيت عملت شاي وكبيت ليها معاي وجبتوا ليها قلت ليها خالتو كبيت ليك شاي عاينت لي بي طرف عينا وقالت لي كتلتي ولدي وهسي دايره تكتليني

قلت ليها والله انا ما عارفه انتي بتتكلمي عن شنو لكن متأكده يا خالتو انا ما لي دخل ..

قالت لي بالله دور المسكينه دا ما تلعبيهو علي عامله نفسك ما متزكره انتي من دخلتي حياتنا خربتيها لينا بي سببك انا اتبريت من ولدي وبي سببك هو طلع خلى لينا البيت وبعد دا كلو عرسك و ما استفاد حاجه غير خسر روحو كل دا عشان كان حاسي بالذنب ياخ انا ما عارفه انتي دايره مننا شنو ولا بتنتقمي مننا لي شنو نحن عملنا ليك شنو بس ؟ ولا انتي طالعه زي عمك نفسب العملوا عمك زمان في اخوهو انتي دايره تعمليهو فينا سبحان الله نفس الدم زمان كنت بشوفك مسكينه وبقول انو انتي ضحيه لكن انا طلعت الضحيه

قلت ليها انا متأكده انو في سوء تفاهم بس انا ما متزكره حاجه حالياً وما بقدر ادافع عن نفسي..

قالت لي ياريت تمشي من جمبي بس حسبي الله ونعم الوكيل فيك وفي عمك

مشيت زي ما قالت لي بس عقلي ما قادر يتجاوز كل كلمه قالتها لي طلعت لاقاني عمو سليمان صبحت عليهو قال لي اوو كيفك يا بتي

قلت ليهو تماام الحمد لله كيف اصبحت

قال لي تماام الحمد لله

قلت ليهو معليش يا عمو ممكن طلب

قال لي عادي يا بتي اطلبي

قلت ليهو ممكن اشوف صورة محمد

قال لي قصدك عهد زمان كنتي بتقولي ليهو عهد

لمن قال كدا اتزكرت الحلم كان حلمت انو في ناس لاحقني كتار وفي زول جا مسكني وقال لي انا عهد ياربي الحلم دا فيهو رؤيه ولا مجرد حلم عابر قطع تفكيري صوت عمو سليمان قال لي دي صورة محمد

عاينتا لي الصوره مسافه على امل اتزكر اي حاجه بس ما كنت قادره اتزكر ،جات مكالمه في تلفون عمو سليمان قال لي معليش لازم ارد مشى بعيد وردا

وانا طلعت مشيت مكان المواصلات وانتظرت نسمه بس راسي كان مصدع شديد شويه كدا وينفجر من شدة التفكير وما قادره استوعب اي حاجه قاطعتن نسمه وقالت لي انتي سرحانه وين من قبيل بتكلم معاك الشاغل بالك يتهنى بيهو

قلت ليها الشاغل بالي مات

اتخلعت وقالت لي بسم الله المات ليكم منو؟ مزن اتكلمي في حاجه حاصله معاك؟

كنت مستغربه من ردة فعلها كانت مصدومه شديد حسيت انو هي بتعرفني من زمن ما من كم يوم بس

قلت ليها كنت بفكر في امي وابوي بس

قالت لي الله يرحمهم!

قلت ليها نسمه انتي بتعرفيني؟

انصدمت من السؤال قالت لي دا سؤال شنو اكيد بعرفك اتلاقينا قبل كم يوم تتزكري

قلت ليها لأ ما كدا انتي بتعرفيني من قبل افقد الزاكره ؟

قالت لي اكيد لأ انا يا داب اتعرفت عليك

قلت ليها طيب كيف عرفتي انو امي وابوي متوفين وانا ما حصل اتكلمت ليك عنهم

قالت لي شكلك نسيتي، اول يوم لمن اتونسنا ونحن في المواصلات حكيتي لي انك فقدتي الزاكره وانو امك وابوك اتوفوا !

قلت ليها مامتزكره شكلي نسيت

قالت لي عادي ماف مشكله ، ارح نركب عشان ما نتأخر

قلت ليها يلا

ركبنا مشينا المركز حضرنا المحاضرات كان عندنا اختبار مفاجئ حلينا وطلعنا نسمه قالت لي تخيلي ولا قريت لكن ما كان صعب قلت ليها حتى انا ما قريت ياهو المتزكراهو من المحاضره لكن بجد كان ساهل

رجعنا البيت بس قلبي ما كان مطمن من نسمه دي انا واثقه انو انا ما جبت ليها سيرة امي وابوي نهائي كيف عرفت بالموضوع دا شاكه انو هي بتعرفني لكن من وين؟

دخلت البيت لقيت تبيان نزلت دخان وشغالين ليها مديده كوريه طالعه وكوريه داخله مشيت قعدت معاهم حبه مع انو ماف زول شغال بي بس من الزوق ..

بعدها مشيت غرفتي نمت حبه قمت مع ازان العصر صليت ومشيت المطبخ عملت غدا حازم اتصل علي بتكلم معاي كدا وانا ما منتبهه رفعت الحله في النار وما قعدت كويس فكيتها قربت تقع مسكتها في اللحظه الاخيره بس تلفوني وقع وانكسر رفعت الحله ومشيت رفعت تلفوني لقيت الشاشه كلها اسود والله بكيت بكى تلفوني هو الوحيد الكان مرفه علي في البيت دا الطبيخ نجض نزلتوا من النار كنت عامله طبيخ بطاطس ومكرونه بالبشمل وسلطة اسود عملت الغدا ووديتو ليهم طبعا قاعدين مع تبيان في الحوش كانت بتدخن ختيتوا ليهم وجيت ماشه عملت صينيه تانيه ولبست توبي وديتها لي ناس عمي في الصالون وجيت حشيت حشوه بي سلطة اسود ومشيت غرفتي ما كان عندي نفس امشي اكل معاهم خصوصا ماف زول كان شغال بي حسيت بالملل اكلت وشربت مويه سمعت صوت باب الغرفه كان في زول بدق فيهو مشيت فتحت الباب لقيت دي تالين مدت لي التلفون عاينت ليها ومسكتوا رديت كان دا حازم قال لي تلفونك مقفول مالك؟

قلت ليهو ماف حاجه شحنو خلص

قال لي طيب ختيهو في الشاحن وافتحيهو ح اتصل ليك فيهو

قلت ليهو حاولت افتحوا بس ابى لي شكلوا الشاحن كعب

قال لي طيب بحول ليك قروش في حسابك امشي اشتري شاحن

قلت ليهو لالا ما تحول انا عندي قروش من الرسلتهم لي واساسا ما عندي حاجه اصرفهم فيها بكره ان شاء الله بمشي اشتري واحد

قال لي لا لا ديل خليهم معاك..

قاطعتو قلت ليهو لو احتجت لي قروش بقول ليك رسل لي بس هسي ما محتاجه

قال لي تمام لي بكره اشتري شاحن وافتحي التلفون تماام

قلت ليهو ان شاء الله قفلت منو

لقيت تالين تسكت وتحمر لي مديت ليها التلفون

قلت ليها خير مالك بتعايني لي كدا

قالت لي اخوي دا حلي عن طريقوا بالله خلي يشوف حياتو انتي اصلك ماشبهو

قلت ليها ما شاء الله بقيت اسمع ليك حس كمان.. احترمي نفسك لمن تتكلمي مع الاكبر منك فاهمه😒.. يلا يا حلوه امشي شوفي اختك يمكن تحتاج لي حاجه وتاني مره اياكي تطاولي علي عشان ما ابلعك لسانك دا شافعه قليلة ادب

حمرت لي مسافه ومشت..

الفصل