رواية متمرد و قاسي الفصل الحادي عشر 11 - بقلم Nasma Aliraq

في المحكمة
كنت اجلس خارجا بانتظار استدعائي للشهادة فلم اجرؤ على الدخول الا بصفتي شاهده فقط ،،، كنت اقضم باظافري من شدة توتري وانا لا اعلم ما يحدث في داخل المحكمة ،،،
كانت هي النهاية فقط
نهاية تلك الاحلام التي رسمناها معا على جدار عشقنا
كان انتقامي منك كبيرا جدا ،،، لم اكن ارى سوى خياتنك لي جرحك لمشاعري ،،،قتلك احلامي بتلك الطريقه وانت تستلقي بين ذراعي فتاة اخرى لتغتال احلامي كلها دفعه واحدة
وضعت يدي على رأسي وانا احاول كتم الاصوات في داخل عقلي ،،، نظرت حولي كانت المحكمه تعج بالكثير من الناس وانا انظر بخووف وقلق شديدين وانا انظر باتجاه باب قاعه المحاكمة
شدتني تلك الكلمات المرسومه فوق الباب
(واذا حكمتم بين الناس فاحكموا بالعدل )
نعم كان العدل بالنسبة لي ان اذقيك مرار ما اجرعتني ،،
ان اسقيك السم الذي قدمته لي بيديك
نعم انا من وضعتك هنا بين تلك القضبان
شردت وانا اتذكر قبل الزواج بيوم كيف سلمت الملف للحجيه
جوري :خاله
الحجيه :جوري تعالي فوتي
دخلت للغرفه واقفلت الباب خلفي
جوري :خاله ليش هسه حجيتيلي كل شي عن زيد ليش محاولتي تنبهيني عنه قبل
الحجيه :بنتي حوري لو حاجيتلج مجان صدكتي بيه بس اني خليتج تشوفين الدليل بعينج
جوري :اريد اعرف شنو الي يعاني منه زيد وكلتيلي بالتلفون عنه
الحجيه :زيد من هو صغير جان يعاني انفصام شخصيه جان بي توحد بعد ماتوفى والده بفترة بدا زيد يسيطر على كل شي البيت والشركة والاملاك الي جانت كلها مسجلها الوالد باسمي باعتباري اني الوصية علي لان حالته جانت موثقه من كادر طبي
وبعد مازيد كبر اخذ الاوراق كلها مال الوصايه.ومن ضمنها الاوراق الي تثبت حالته وضمهم وبده هو يتحكم بكل شي
اني جنت اعرف هو حيبقة يعاني من هذا الخلل بس مبيدي شي لان الاوراق مو بيدي
جوري :يعني اذا الاوراق صارت عندج زيد شنو مصيره
الحجيه :اول شي راح ينحرم من كل شي وترجع الوصايه الي ىثاني شي ينسجن لان يعتبر تزوير باوراق الملكيه الخاصه

فكرت قليلا كان ذلك انتقامي منك نعم سأرمي بك بعيدا عن حياتي وانتقم لنفسي منك ،،،
نهضت بسرعه واتجهت للميتم دخلت غرفتي وانا افتش في حقيبتي اخرجت الملف الذي سبق وسلمه لي زيد
فتحته وكان كما توقعت هي الاوراق التي تثبت كل ما اخبرتني الحجيه وضعت يدي على فمي وانا ابكي بشده
كيف لي ان اكون ضحيه لشخص انتهازي مثلك !!!!
حملت الملف وعدت لمنزل زيد كان الجميع مشغولين بالتحضيرات للحفله دخلت غرفه الحجيه وانا اسلمها الملف
الحجيه :شنو هذا
جوري :هاي الاوراق الي تدورين عليها
نظرت لي بصدمه ودهشه كانها لاتصدق ماسمعت
الحجيه :صدك تحجين
جوري :هاي الاوراق صارت يمج الي تريدي سوي اني باجر مراح اتزوج منه وراح اطلعه من حياتي للابد
خرجت وانا اودع احلامي وذكرياتي بذلك المنزل للابد

كنت لازلت احلس قرب باب قاعه المحاكمه خرج الشرطي لينادي باسمي بأني مطلوبة للشهادة
نهضت وانا اشعر بالتوتر كيف لي ان اراك وانت تجلس خلف تلك القضبان اهو حكمي العادل ام قدري ام انانيتك ام خداعك لي
كان التوتر واضح على وجهي وانا امشي بين الصفوف كان الجميع ينظر لي بمن فيهم زيد وهو يجلس وحيدا بين تلك الاعمده التي تفصله عن الحرية،،
كانت تلك النظرات التي لم اتمنى رؤيتها ابدا كانت عيناه تعاتبني بشده وهو تحدثني بصمت رهيب
كل خطوه مني بالف سنه وانا اختنق لوجودي بين ممرات موتك البطئ ،،،
وصلت الى منصه الشهادة اقسمت بقول الحق
القاضي :جوري حسب ماسمعت من المحامي ان المتهم زيد جان ضام الاوراق الي تثبت صحة كلام المدعيه يمج
جوري : اي حضره القاضي انطاها الي قبل فتره وضميتها هيه بس اني مجنت اعرف شنو محتواها

التفت لاراك كنت ترفع رأسك لتنظر بداخل عيني لاشي حولك سوى ذلك الصمت الرهيب الذي يحاول قتلي في مل نظره منك
بعد انتهاء القاضي من استجوابي جلست على احد المقاعد وانا انظر لك كنت تنظر لي فقط كإنتا لوحدنا في قاعه المحكمة

عتاب ،،،شوووق ،،، عذاب ،،حزن،، انتقام
لم استطع تفسير شعور حينها تجاهك ،،، كم تألمت لخيانتك لي
ولكني في تلك اللحظه شعرت بالالم اضعافا وكإن شعورا بداخلي يخبرني اني ظلمتك ،،
كانت عيناي لاتفارقانك بين تلك القضبان الحديدية وانت تعتصر قلبي بنظراتك ،،،
نعم !!! بيدي انا سلمتك لمصير مجهوول ،،
لم اكن اعلم حينها اني من ظلمتك !!!
كيف لندمي ان يعوضني حيت ساكتشف انك برئ واني من رماك في النار بلا رحمة !!!!
اصدر القاضي الحكم بالسجن سبعة سنوات كنت تستمع للحكم كإنك تعرف مسبقا ان هذه النهايه لم تكترث لحكم القاضي بقدر ما اكترثت لمناداتني لتكلمني
زيد :جورري جوري
التفت اليك كانت دموعي لاتتوقف لا اعلم ان كانت دموعي تلك دموع انتقام ام دموع حززن ،،
اقتربت منك لمسافه قصيره كنت تمظر لي وتلك الدموع المتجمعهً داخل عيناك تخبرني بكل شي
زيد :جوري ليش نهيتيني بيديج شنو الي سويته استحق كل هذا
كان يؤشر بيديه على المحكمه
ثمً اكمل
احجي جوري شنو الي سويته حت تعاقبيني هالعقاب وتبيعيني
كنت انظر له فقط دون ان اتكلم فلم اعد قادره على اخراج الحروف من شفتي
بدأ يشعر بالتوتو من صمتي فتحول صمته لغضبا
زيد :احجي ليش دمرتيني
بدأ يصرخ بشده حتى حضر الشرطي لسحبه ولكنه كلن يمسك بالقضبان بكلتا يديه بقووه
زيد :كولي ليش ليش ليش
ثم عاد للوراء قليلا وهو ينظر لي بنظره شديده الكره
زيد :لو انتي اصلا جنتي مخططه لهالشي وياها
كان يشير بيديه للحجيه التي تجلس بمقربه منا
زيد :لو انتي اصلا جنتي لعبه بس حته توكعيني
بدأ بالضحك بطريقه هستيريه
تدرين اني هسه عرفت بروحي شكد غبي
شكد غبي !!!!
غبي !!!لان حبيتج من كل قلبي
غبي !!! لان عفت كل شي واختاريتج انتي
بدا يصرخ وهو يضرب بالقضبان
غبي !!!! للن وحده مثلج ضحكت عليه
راح يجي يوم ىاخذ حقي منكم كلكم يجي يوم ىاقتلكم بيدي واحد واحد
بدا بالصراخ فقام بسحبه رجال الشرطه بعيدا ليختفي عن انظاري كانت تلك اللحظات الاخيره التي رايتك فيها
كم قسووت عليك ،،، كم كان كبريائي مزيفا لذرجة اني اردت احتظانك الان ونسيان كل شي ،،، كم كانت كرامتي مجرد شمعه انطفأت فور انتهائها فقد اردت ان المسك واحظنك واقبلك بلا وعي كيفما كنت ،،،،
استدرت لاخرج من ذلك المكان الذي اصبح مجرد حطام بالنسبه لي ،،، اوقفتني خوله وكانت تقف بجانبها ام سجى
امسكتني من يدي واقفتني
خوله :جوري
لم تستطع ان اجيب سوى بتلك الدموع التي اصبحت هي الاخرى مزيفه بلا مشاعر
خوله :تدرين احنه شكد حبيناج من جيتي للبيت غيرتي كل شي بس مجنه نتصور انتي هيج استغلاليه مع الاسف جان ظنا بيج غلط وكفتي ويه الظالم على الحق
جوري :اني موكفت ويه احد اني كلت الشهاده وحلفا اكول الصدق
خوله : جوري انتي بعتي لزيد ىبثمن كلش رخيص هو ائمن بيج بس انتي خنتي ثقته
جوري :خوله اترجاج لتحجيلي بالثقه والخيانه لان الي بيه مكفيني والي صار محد بيكم يعرفه والي عانيته اني محد حس بي
خوله :وشنو الي عانيتي مثلا وكعج زيد مثل ماهسه دمرتي مستقبله ،،مع الاسف عليج
التفتت لام سجى
خوله :يلا ام سجى كاعدنه حجي ويه وحده مثلها بعد
رحل الجميع عني هكذا تركوني وسط تلك السحابه السوداء التي تقف فوق رأسي ،،، كانت والدتي فقط تقف قريبه مني
ام جوري :امشي بنتي شفتي عنادج وين وصلنا ياما حجيت وياج كتلج هذا مو مستوانا هذا العالم صعب متكدرين تتعايشين وياه بس انتي عاندتي
جوري :ماما
احتضنت والدتي وانا ابكي بحرقه كانني احاول ان افرغ ذلك الحزن المتربع داخل قلبي كانت هي الوحيده التي ثقف بصفي

عدت الى الميتم ولكني فتاة اخرى لا اشعر بطعم الحياة كأن حياتي وضعت خلف تلك القضبان معك ،،، كم ذلك الاحساس بالندم يؤلمني ويخنقني في الليالي التي اشعر بها لوحدي بدونك

مرت الايام وانا لا اخرج من الميتم مطلقا حتى جاء ذلك اليوم الذي فقدت وعيي فيه دون ان اشعر كنت اقف خلف والدتي وهي تغسل الصحون في المطبخ
جوري :ماما ماعرف شبيه
كان الدوار يلف بي ىسقطت مغشيا علي
بعد افاقتي فتحت عيناي كانت والدتي تجلس بقربي وترتسم تلك الملامح على وجهها تلك الملامح التي اعرفها منذ صغري عندما تكون والدتي حزينه جدا
جوري :ماما شصار بيه
لم تتحدث والدتي بل بدأت بالبكاء وهي تمسح دموعها بشالها
جوري :ماما شبيج ايش دتبجين شصار بيه شي
ام جوري : ليش هيج جوري خنتي ثقتي بيج
جوري :ماما اني !!!
وقبل ان اكمل رمت بورقه في حظني وهي تقول
ام جوري :جاوبيني شنو اكول للناس من راح يشوفون بطنج تكبر ،،، شكوللهم حامل بلا متتزوج
نهضت بسرعه وانا ارى ماهو مكتوب في تلك الورقه
لم استطع لن ابرر موقفي حقا انا اخطات ولكني كنت مع من احب كيف لي ان اخبرك اني كنت يومها في احضان من احب كنت مع خطيبي الذي سيتزوج بي بعد ايام قليله
نهضت والدتي وهي تقول
ام حوري :انتي لازم تنزلين الطفل
نظرت لوالدتي بدهشه
جوري :انزله ؟؟؟
ام جوري :اي تنزلي لعد شتردين تجيبي بلا اب وتشمري هناه بالميتم ويه اليتامى واذا سئلوني الناس شنو اكوول بنتي حامل وين اروح ووجهي صار اسوود
جوري :ماما راح اسوي الي تريدي بس لتقهرين نفسج الله يخليج

مر يومان حجزت لي والدتي عند طبيبه لاجهض تلك الروح التي بقيت منك داخلي ،،، كنت امسك بطني وانا ابتسم بحزن
جوري :يعني اخر شي منك راح اطلعه من حياتي هم
دخلت والدتي وهي تضع امامي ورقه صغيره
ام حوري :هذا العنوان خلي يمج باحر نروح للعياده نسوي تذبين الطفل
نظرت لوالدتي كأن داخلي لايريد ان اتخلى عن روحك التي زرعتها داخلي ،،،نعم اريد التمسك بذلك الخيط الذي بقي منك
ولكن ما باليد حيله ،،لم ارد لوالدتي ان تشعر بالخجل مني

قد نخطط لرسم حياتنا بايدينا ولكن ماهو مقدر لنا مكتوب قبل ان نولد !!!
في ذلك المساء جاء رجل مجهول ليدخل حياتي ويغير كل ماهو مخطط لي ،،،
ام جوري :بس ابو جوري من توفى صار سنين هوايه واحنه عايشين هنا اني وبنته لان محد قبل يلفينه بوكتهه
احمد :خاله اني صار هوايه ادور عليكم عمو ابو جوري اله حق ويانه مثل ما النه حق احنه
ام جوري :ابني بس ابوك من جان عايش طردني اني وبنتي مقبل ينطينه حقنا
احمد :لهذا اني هسه هنا خاله اني عايش بتركيا وماعندي احذ تعرفين جنت وحيد امي وابويه ووالذي قبل ميتوفى حجالي كل شي وطلب مني ارجعلكم حقكم
كان احمد ابن عمي الوحيد الذي يعيش في تركيا مع اهله حتى وفاة والده
جوري :وانت هسه تريد تعوضنا عن ذيج السنين الي عشنه بيها بالضيك ومحد النه كم سنه تريد تعوضنه
اححمد: جوري اني مالي ذنب اني مثلج ماعرف شي لحد قبل سنه ومن توفى والدي دورت عليكم هوايه وبحكم شغلي بتركيا خليت ناس يدورون لحد ما خابروني وانطوني عنوانكم واحيت بنفسي اشوفكم
كان احمد شاب في الثلاثين من العمر لو نظرت له للوهله الاولى لظننته اخي لكونه يشبهني قليلا ببشرته الحنطاويه وعيناه الخضراء الفاتره كلون عيناي ،،
احمد :جوري اني راح اعوضكم كل سنه معشتوهه صدكيني اني عندي محلات بتركيا وخير من الله وهاي المحلات الكم حق بيها انتو هم تردين تبقين هنا ويجيج وارد حصتج كل شهر تريدين تسافرين ويايه اني حاضر بيت خاص الكم
نهض احمد وهو يكمل
احمد : فكروو وباجر الصبح اجي اعرف قراركم اذا تسافرون ويايه اني اكمل كل اموركم
بعد ذهاب احمد جلست وانا افكر بكلامه الذي فرشه امامي كطريق مليئ بالورود
ام جوري :بشنو دتفكرين
جوري : ماما اني اريد اسافر اني تعبت هنا الي شفته مو قليل اريد ابتعد عن كل شي هنا ،، ماما الله يخليج خليني اروح اعرف راح تكولين صعب بس خليني اعيش حياتي الي اني بيدي اختاريتها
ام حوري :والطفل شتكولين كدام بيت عمج ابن حرام
جوري :ماما اني كبرت خليني اعرف اعيش حياتي والقرار الي اخذه اني اتحمل نتائجه

بعد ايام بعد موافقة والدتي ىاقناعها لاعيش حياتي جاء موعد السفر سوف اذهب مع ابن عمي لتركيا اما والدتي رفضت المجي الان لكونها لم تتقبل قكرة ولادتي لذلك الطفل

وصلنا لتركيا ورغم حمال ذلك البلد الذي اسرني بجمال طبيعته فلم ار بحياتي مناظر كهذه ولكني كنت اشعر بالحزن والوحدك لم يكن هناك شيئا ينسيني اياك،،،
بعد مرور شهر كان احمد يتردد لي بين فتره واخرى وهو يلبي كل مطالبي ،،، كان شخصا طيبا استطعت ان اثق به في يوم ما لاخبره عن قصتي التي عشتها منذ ان بدا قلبي يخفق لك
احمد :وهو هسه بالسجن
جوري :اي
احمد :زين مفكرتي بيوم ان تكونين ظلمتي
جوري :مستخيل الي شفته بعيني اكدلي كل ظنوني والاوراق الي جانت يمي هم اكدت كلام امه
احمد :بس الي محيرني شي واحد
جوري :شنو هو
احمد :ليش ام زيد تكره ابنها يعني معقوله اكو ام تكره ابنها وهيج تسوي بس
جوري :ماعرف همه اصلا جانت علاقتهم موزينه
اححمد :اتمنى متندمين على قرارج بييوم من الايام

بعد ولادة زيدون اصبح احمد يعيش معنا هو ووالدته لانه كان وحيدا ايضا كانت والدته تاتي تذهب كثيرا كانت تسافر للسويد لشقيقتها بين فتره واخرى ،،،
اصبح احممد مقربا لي كإنه ذلك الاخ الذي حرمت منه
وبعد ان بدا زيدون النطق كان ينادي لاحمد بابا
كنت انظر لزيدون فاراك فيه تلك العينان والشفتان ،،،كم كان يشبهك كثيرا كل يوم واناً احتظنه اتذكرك واذكر تلك الايام التي عشناها معا كيف لذكرياتنا ان تتخول لاطلال متهرئه متكئة كعجوز انهكته الحياة

عدت من ذكرياتي على صوت الباب وهو يفتح بقوه كنت انت في مخيلتي والان تقف امامي بذلكً الجسد الي عشقته يوما ماً
زيد : كومي اليوم نصفي حسابتنا كلها
اقترب مني وهو يضع مسدسا بيني وبينه
جوري :زيد اترجاك ابني !!!
اقترب اكثر ليصبح قريبا لدرجة ان اتنفسه
زيد : لتخافين مراح اقتلج قبل ما اشبع منج
جوري :تشبع ؟؟؟؟
وضع يديه ليتلمس خدي بخفه بتلك اللمسات التي كنت اعشقها
زيد :اي اشبع ،،، سبع سنين اخذتي من عمري وانتي مو يمي ،،، على كل يوم مر عليه هناك راح اشبع منه هنا منج
بدا ينظر لي يتلك الطريقه التي كنت اعشقها كانه رمى بالماضي كله دفعه واحده
اقترب مني شممت رائحة الشرب القويه التي تفوح منه
جوري :انت انت سكران
زيد :سكران بيج من اول يوم شفتج بي ،،،
جوري :وخر عني انت مداتحس شدتسوي
زيد :احس !!!! اني نسيت الاحساس من شمرتيني مثل الجلب بالسجن
جذبني بقوه من ياخة قميصي وهو يصرخ
زيد : اريد اخذ كل لحظه راحت من عمري بدونج بسببج
دفع بي للوراء لاسقط على الارض ،،، بدأ بفتح ازرار قميصه وهو يقترب مني شعرت بالخوف من تلك النظرات نظرت ،،ترجيته بعيني ان يتراجع
جوري :زيد الله يخليك انت مداتحس شدتسوي زيد زيد لتقترب مني
نزع قميصه ورمى به جانبا
جوري :انت شتريد تسوي
زيد :هسه راح اكلج شنو اريد اسوي
ورمى بجسده الثقيل فوقي حتى اصبحنا جسدا واحدا

الحب والانتقام وجهان لعملة واحدة ،،،
بأي شعور كنا نشعر بتلك اللحظات وانت تغتال عشقي بانتقامكً

يتبع ،،،

يارب عجبكم البارت حبايبي
😘😘😘😘😘😘