رواية متمرد و قاسي الفصل الثامن 8 - بقلم Nasma Aliraq

جوري
لو قرصني احدهم لقلت اني سأصحو من هذا الحلم الجميل ،،، كيف للامنيات ان تتحقق دفعة واحدة ،،،كيف يمكن للسعاده ان تملئ حياتي برشقه واحده ،،
مر اسبوع كامل منذ ان استعدنا حياتنا ،،، عاد زيد للشركه التي اهملها لايام في غيابي وانا عدت لعملي المؤقت حتى يتقدم لي زيد.
كان من المفترض ان يتقدم لخطبتي لولا مرض والدته المفاجئ ،،
دخل زيد للبيت وهو ينظر لي اجلس على طاوله المطبخ
كانت ام سجى تجهز العشاء وانا اساعدها في عمل السلطة نظر لي بزاويه عينيه يشير لي ان الحقه
جوري :ام سجاوي شويه واحي رايحه لغرقتي
ابتسمت لي
ام سجى :روحي حبيبتي
ذهبت بسرعه وفتحت الباب دون ان اطرقها كان يرتدي البنطال فقط ويرمي بقميصه على السرير
زيد :اشتاقيتله للكبد تعالي
جوري :البس هدومك اول حباب
زيد :هههه راح ننخطب وبعدج تستحين
جوري :ميخالف تره اطلع
حملً ملابسه وااجه للحمام وهو ينظر لي بخبث مع ابتسامه ماكره
ناديته بعد ان دخل الحمام
جوري : البس زين تره مانطيك البوسه مال اليوم ولتزاغل
خرج من الحمام وهو يرتدي شورت وفانيلا كان يبتسم بلا توقف
اقترب مني واعاد خصلة من شعري خلف اذني وقبلني من شفتي قبله هادئه
رفع راسه وهو ينظر لي ولازلت انا بين ذراعيه
زيد : احجيلي كتيلها لوالدتج علينه
جوري : اي حبيبي كتلها وتنتظرك
سرحت بعيدا واناً اتذكر ذلك اليوم الذي اخبرت فيه والدتي عن زيد
ام جوري :بنتي اني اريدلج الخير واتمنى تصيرين وتعيشين حياه حلوه بس انتي واثقه منه
جوري :ماما زيد يحبني ولوما هو يحبني ميخطبني ويربط نفسه بيه
ام حوري :ماما اكو هوايه زلم يسوون كل شي علمود رغباتهم حت لو زواج ووراها من يشبعون يشمروهه للبنيه وراهم ويرحون
جوري :ماما راح تشوفي وتصدكين بكلامي زيد يختلف
ام حوري :ان شاء الله ماما ربي يكتبلج الخير ر

عدت من افكاري وانت تحتظني بين ذراعيك
زيد :وين شردتي
جوري :ولا شي بس اكو شي مهم انت لازم تعرفه قبل متخطبني
نظر لي زيد يغرابه وسحبني من يدي وجلسنا على السرير
اختظن يداي بين راحتيه
زيد :كولي عمري
اغمضت عيناي وانا اتنفس كي استطيع التحدث بسهوله
جوري :انت تعرف اني ما الي احد بالدنيا بس امي هيه الربتني وكبرتني واني جنت عايشه وياها بس احنه ماعدنه بيت خاص النه نعيش بي
زيد :مفهمت يعني عايشين يم كرايب الكم
جوري :لا مو هيج بس ماما تشتغل بميتم ومن اني صغيره اني وياها نعيش هناك بالميتم
نظر لي زيد مطولا ثم وضع يديه على خدي
زيد :وهالشي بنظرج راح يغير حبي الج
جوري :لا حبيبي اعرف انت تحبني اني بس المجتمع ميرحمنا يمكن انت ميهمك هالشي بس امك كرايبك المجتمع شون حيتقبل
زيد :وشتعرفين بيه اني اهتم لاحد ،،،جوري سمعيني زين اني بهاي الدنيا ميهمني احد بس انتي
جوري :بس امك
وضع يده على فمي بسرعه
زيد :امي !!!! اصلا هاي مالها حق عليه بكل شي
جوري :بس هيه امك حرام
اسكتني مره اخرى باصبعه
زيد :اششش لتكلبين مزاجي واني فرحان بيج ومدام ذكرتيني صدوووك اكو اوراق مهمه اريدج تضميها يمج
نظرت له بصدمه اوراق وعندي لما يخفيها عندي
جوري :زين لليش مفهمت
زيد :جوري هاي اوراق مهمه تخص حياتي واملاكي ماريد اي احد يعرف مكانها وخصوصا الحجيه توديها يمج يم امج المهم بعيد عن البيت يصراحه ما ائمن اخبيها بالبيت او الشركة
ماريد اخجيلج هسه بس يجي يوم افهمج ليش اتصرفت هيج اني
جوري :مفهمت شي بس ميخالف اضمها ومحد حيعرف شي

احتظنني مجددا واكمل ربي ميحرمني منج جوريتي

احضر ملف الاوراق ووضعه بيدي
زيد :خلي بجنطتج وديري بالج علي ماىصيج بعد
جوري :بعيوني الاثنين اتطمن
زيد :باجر راح اجي اخطبج واخيرا راح نصير سوه رسمي حته بعد متكوليلي شكو جاي لغرفتي
جوري :شنو يعني تخطبني حتبات يمي ههههه
زيد : مممم افكر بهذا العرض
جوري :وجع
ضربته على راسه ميفكر بس بسوالفه التعبانه
يلا وصلني اروح ماما كالت ميصير تجون خطابه واني اجي وياكم هههه
زيد : شكو بيها تره احنه ب ٢٠١٦ 😃😃
جوري :يلا حبيبي فديتك
حملت حقيبتي ونزلنا للمطبخ كنت امشي خلفه كانت خوله وام سجى وبعض الخدم يعملون في المطبخ
نهضو فور رؤيتهم زيد
زيد :كملو اشغالكم تره باجر ورانه تعب عدنه حفله
خوله : حاضر استاذ وشكد المدعوين
زيد :اثنين بس
نظرت خوله باستغراب فليس من عادته اقامة حفلات قليله الاشخاص
استدار نحوي وامسك يدي وقربني منه
زيد :اي اثنين اني وخطيبتي جوري
استدار الجميع نحونا بصمت وذهول
زيد : باجر تجهزوون كل شي راح اسوي حفله خطوبه صغيره بيناتنه
التفت الي واكمل
اروح اجيب المفاتيح فوك تركتها وارجعلج
اصبحت تحت نظرات الجميع كانت خوله وام سجى يبتسمان بصمت التفتت ام سجى لخوله
ام سجى :مو كتلج يعني اخساسنا جان صح
خوله :الف مبروك حياتي تستاهلين الخير
شعرت بالخجل حقا هل كانو يعرفون بعلاقتي مع زيد
جوري :شنو هاي انتو تعرفون
ام سجى :هههه تره غرفتج بصف غرفتي ويوميه اسمع دكات الباب ولعب الجهال هههه
وضعت يدي على خدي
جوري :عزززه جنتي تسمعين
ابتسمت ام سجى واكملت : لتستحين عيني تره الحب احلى شي بالدنيا اتمنالج كل الخير حبيبتي
اقتربت مني واحتظنتني ثم اقتربت خوله بعدها
خوله : اما اني فميحتاج اكلج شون عرفت ههههه للن شفتكم بعيني
جوري :شفتينه !!!!!
خوله : اي بغرفه الاستاذ جنتي حاظنته ونايمه
جوري :خررررب شنو هالفضيحه كلها طلعت تعرف
خوله :حبيبتي انتي من اليوم الي اجيتي الاستاذ هوايه تغييير بتعامله حتى ويه الخدم وهالشي بفضلج انتي اتمنى تعيشون للابد سووه ومحد يفرقكم
احتظنتهم بقوه شعرت بانهم عائلتي التي حرمت منها

اوصلني زيد للميتم قبل يدي قبل نزولي
زيد :اليوم نسهر عالفايبر ؟؟؟
جوري : لا ميصير تشتاقلي شويه
زيد :لا ماكدر تره اجيج لهنا
جوري :لالالا خلص نسهر عالفايبر

قضينا تلك الليلة قبل الخطوبه ونحن نتحدث للصباح نمنا والهاتف ياحظانناً
يدأت بتحضير نفسي للمساء فقد يصل زيد في اي لحظه ارتديت فستان ازرق ذو شريط اسوود جميل جدا كان زيد قد اشتراه لي مع حذاء اسوود سرحت شعري وفتحته لينسدل على طوله ليغطي نصف جسمي نظرت للمراه كم اصبحت جميله كإنني اميره وسيدة قصر ،،،
وصل زيد ووالدته ومعهم رجل كبير في السن لم اره مسبقا وشاب اخر اضن اني رأيته من مكان ما نعم تذكرت انه الطبيب صديق زيد ،،،
هيئنا غرفه خاصه لاستقبال الضيوف في الميتم كانت والدتي تحلس مع مديره الميتم واحدى المربيات
تكلم الرجل الكبير وبدأو يتحدثون عن الخطبه كنت انظر لهم من بعيد اما والدة زيد كانت لاتتكلم مطلقا كانها ليست راضيه عن خطبتنا،،،
جاءت والدتي وطلبت مني ان اقذم العصير ارتبكت حقا فلم اعرف كيف ساتصرف عدلت فستاني ودخلت كان زيد ينظر لي وهو يبتسم تلك الايتسامه الجذابه التي اعشقها

قدمت العصير للجميع عدا الحجيه التي رفضت العصير
طلب زيد ان نرتدي الخواتم الان التي كنا قد اشتريناها سابقا
البسني الحلقه وانا فعلت المثل وقبلني من جبيني
زيد :طالع تجننين الفستان خرافي عله جسمج
جوري :مو احله منك حبيبي
وطلب من والدتي ان ياخذني بسهره خاصه ووافقت
عدت معهم الى البيت كانت الحجيه صامته طوال الطريق ما اثار خوفي واندهاشي ربما تكون غير راضيه عن خطبتنا
وصلنه للمنزل وودعنا الطبيب وقريب زيد ،،،
دخلنا البيت كان الجميع بانتظارنا وهم يضعون قالب حلوى امامهم ىيصفقون
الف مبرررررررروك
وقفنا انا وزيد مبتسمين لتلك الخطوه التي قامت بها ام سجى وخوله احتظنتهم بشده ،،،نظرت للحجيه وهي تصعد لغرقتها دون ان تتفوه بكلمه
زيد :حبيبتي نكعد بالحديقه شويه لو بردانه
جوري :لا يلا نطلع
جلسنا كان سحتظنني بين ذراعيه وانا اضع راسي على صدره استمع لنبضات قلبه
جوري : زيودي الحجيه بيها شي
زيد :لا ليش هالسؤال
جوري :حسيت بيها مراضيه عن خطوبتنا
زيد :رضت او مرضت ميهمني
جوري :حبيبي بس هيه هم
زيد :جوري اني اليوم فرحان كلش خليني عايش هاللحظه
جوري :تمام ياعمري
اختظنته وانا افكر بالحجيه التي اقلقني تصرفها كثيرا

الحجيه
دخلت غرفتي بعد عودتي من تلك الخطبه اللعينه ضربت الباب بقوه خلفي وجلست على السرير
تتصورون اخليكم تتهنون لا اني هسه ساكته بس يجي يوم انفجر مثل البركان واحرك كلشي ،،، جايبلي الخدامه حتى تاخذ كل شي اني ذا اخطط اخذه
بحثت عن هاتفي واخرجته من حقيبتي وانصلت بصوفيا
الحجيه :ها ارتاحيتي هسه راح خطب الخدامه وانتي مابيج خير معرفتي شون توكعي
كلنت صوفيا تبكي عبر الهاتف
صوفيا :خاله مجنت متوقعه هالشي مصدومه لهسه اني شون هيج تخله عني زيد
الحجيه :اووووف متعرفين بس تعوين انتي كتلج هالشي ميصير
صوفيا :وشنو الي بيدينه بعد وهمه لبسو حلقات
الحجيه :راح افهمج كل شي بوكته خلي يستمتع هالكم يوم بيها وراها راح يتعاقب على كل شي صدكيني ،،، اني صار اسبوع سويت نفسي مريضه اخرتهم عبالي الكه الاوراق بسً ماكو ماعرف وين دافنها
صوفيا :خاله كل شي اسوي بس ميتزوجها حت لو مصار اليه المهم ميصير لغيري
الحجيه :كل شي راح يمشي مثل منريد اااااااخ لو بس الكه الاوراق المهمه وين ضامها جان كل شي انحل،،،روحي هسه اخابرج عن قريب بس اظبط كم شغله براسي

لازم الكه الاوراق وين راح اخليك هسه راحتك زيد بس يجي يوم واسلبك كل شي حته حياتك اخذها منك ،،،!!!

جوري
مرت الايام اما انا فقد اصبحت فتاة اخرى بعد ان اجبرني زيد على شراء الكثير من الملابس والاحذيه وعلب المكياج والخقائب
جوري :كافي زيد ماريد وين اوديهم
زيد :اريد حبيبتي مينقصها شي وتطلع احلى بنيه بالدنيا
كان زيد ياخذني معه للشركه كل يوم ثم للبيت معه ويعود بي في الليل للميتم لكون والدتي اصرت ان بقائي هناك ليس بالامر الجيد لحين زواجنا
في احد الايام طلب مني زيد ان احضر نفسي بلنه سياخذني بسهره انا وهو فقط
ارتديت فستان زهري ضيق عن الصدر والخصر يصل الى ركبتي رفعت شعري كله جانبا ووضعت ماشه كبيره على شكل ورده كبيره كنت ابدو جميله حقا
وصل زيد وركبت معه وذهبنا الى احد المطاعم الراقيه كان يرتدي بدله رسميه كان ييدوو كاحد الشخصيات الوسيمه في المسلسلات التركية
جلسنا على احد الطاولات التي كانت مزينه بالورد والشمووع
امسك يدي وبدا ينظر لي بحب كبير
زيد :حبيبتي هاي الليله الي وعدتج ابيها اعوضج بيها من طلعتي للحديقه وتمرضتي
جوري : حبيبي تخبل الكعده بحياتي كلها مشايفه بعيني بس بالمسلسلات جنت اشوفها
زيد :حبيبتي ربي ينطيني عمر واعوضج عن كل شي بحياتج معشتي
جوري :فديتك ربي يخليك الي
رقصنا على انغام الموسيقى الهادئه كانت ليلة ولا اروع ولا في الاحلام كما يقولون
عدنا الى الطاوله فجلب النادل زجاجة شراب كبيره ومعها كأسين
جوري :شنو راح نشرررب ويسكي !!!
ابتسم زيد وهو ينظر لي بمكر
زيد : يعني احله ليله بحياتي وويه الكبد مالتي منكدر شويه نشررب ونعيش اللحظه وثاني شي لتخافين مو ويسكي هذا نبيذ يعني شي راقي ومو كلش راح يخلينه ندووخ
جوري : عزززه اني اذا اشرب هسه اعزل المطعم على ايدي هههه انوب اول مره شراح اسوي
زيد :لتخافين هو كاس واحد ميضر بشي خلينه نحتفل ببدايه حياتنا الجديده
ملئ زيد لي الكأس وبدأت بارتشافه وانا اعتصر فمي لطعمه الغريب
جوري :وع شنو هذا طعمه
زيد : اوكفي لتشربين خل نسوي جيرررررررس
ضربنا كؤوسنا ببعض بخفة وبدأنا بالشرب كنا نضحك باستمرار ونهمس ليعضنا بكلمات عشق
اصبح الكأس اثنان وثلاثة لم نشعر الا ونحن نترنح ونشعر بالسعاده الكبيره
خرجنا من المطعم ونحن نركض ونضحك كان يقتح يديه بقوه ويقف امامي ىيصرخ بي
زيد :تعالي بحظني اريد اخذج واطيرررر منا
ذهبت مسرعه باحظانه فوقعنا سويا على الارض
كنا لا نتوقف عن الضحك ابدا كان النبيذ قد اثر بنا حقا
وصلنا للسياره وركبنا
جوري :متاكد راح نوصل للبيت ههههه لو نطلع للشمال كبل
زيد :لا تره اني بعدني مسيطر شويه مو اول مره مثلج
قاد السياره واتجهنا لمنزله كانت الساعه قد تعدت الثانيه عشر ليلا ،،،
جوري :هاي وين وديني يم امي اريد انام بحظنها مشتاقتلتها اهئ اهئ
زيد :حلووو بده الشرب هسه يبين صدك اشششش لتكعدين العالم وين اوديج هيج لامج غير تذبحني
نزلنا من السياره ونحن نترنح كان يمسك بي كيً لا اسقط ،،،
كان المنزل خاليا فالكل نيام
اتجه بي الى غرفته واستلقينا على السسرير من شدة التعب
زيد : احلى يوم جان اليوم بحياتي ههههه شفتي شون وكعنا بالشارع
جوري :هههه اسكت لتسمعنه ماما وتبسطنه اثنينه
زيد :خرررب ولج يا ماما كم كلاص شربتي هههههه
نهضت من على السرير وانا احاول ان انزع حذائي
جوري :افففف رجليه تعبت من الكعب
وشمرت به بعيدا وانا اضحك
جوري :اريد ابدل ملابسي هذا الفستان ضيق حيل اروح اجيب من فوك شي البس
زيد :اششششش وين طالعه انتي وضحكج هسه تفضحينه تعالي انطيج تشيرت مني البسي
جوري :ههههه اني البس هدومك
زيد : اي وشنو يعني احنه مو واحد
بدات اشعر بالضيق حقا من الفستان كنا نضحك انا وزيد بلا وعي ونترنح
اخذت التشرت ودخلت للحمام نزعت الفستان ورميته بعيدا كان يضايقني حقا
اففففف روح موتتني عبالك لابسه حديد
قبل ان ارتد التشرت غسلت وجهي قليلا لعلي استفيق
لبست التشرت لوحده كان طويل قليلا ولكنه يظهر جزءا كبيرا من ساقيي
خرجت دون ان انظر لنفسي حتى لو كنت صاحيه ماكنت قد خرجت بهذه الملابس لوحدها لو شنقنوني ولكني كنت تحت تاثير ذلك الذي جعلني سعيده اليوووم
نظر لي زيد نظره مطولا كان قد ارتدى الشورت فقط تحولت تلك الابتسامه فوق شفتيه الى نظره عميقه جدا احسست بقشعريره في جسدي من تلك النظره ،،،
اقترب مني وهو ينظر لي مطولا ،،، مد يديه لشعري وفتح ذلك الدبوس الذي يحمل شعري وانزله كله على جسدي
بدأ يشم بشعري ورقبتي ،،، كنت اشعر بشي كلما حاول لمسي بشفاهه وكانني اريده وبشده ان لا يتوقف
همس باذني : احبج
رفعت راسي باتجاهه كانت نظرته تلك تذيب الحجر في مكانه
كان يهمس لي وهو ينظر بعيني
زيد :كافي تباوعيلي هيج تره بعد ماتحمل وراح !!!
جوري :راااااح شنو
نظرت له مجددا ورفعت راسي باتجاهه وقبلته بطريقه هستيريه كأننا نقبل بعضنا للمره الاولى ،،،
كنا تحت تاثير الشراب حملني زيد وانزلني على السرير كان ينظر لساقي بعد ان تمددت وظهر جزء اكبر منهاً
زيد :جوري اني
وبدات استمع لانفاسه القويه وهو يقترب مني
زيد :بعد ماكدر
واقترب مني اكثر حتى اصبحنا جسدا واحدا

غريبة هي السعاده حين تاتي بغير موعد لتجلب لنا موعدا اخرا مع الحزززن ،،،
يقولون قبل ان ترسم ثقتك على جدار شخص ما تاكد من صلابة ذلك الجدار فقد يسقط عليك يوم ما،،،
من كان يعلم ان تلك الضحكات التي عشناها ستمضي مجرد اطلال على عتبة ذكرياتنا المتهرئه

يتبع ،،،،،،،،،،،
،،،،،،،،،
ان شاء الله هالبارت عجبكم صديقاتي
منا وهيج راح تبدي تتغير الاوضاع اكثر بالقصه
شكرا عالمتابعه حبيباتي

نسمه