رواية متمرد و قاسي الفصل التاسع 9 - بقلم Nasma Aliraq

زيد

صحوت وكأنني في حلم جميل وانا اشعر بالسعاده فتحت عيناي بتثاقل وانا امد يداي للاعلى شعرت بابتسامتي وانا اتذكر ليله امس ،،، كانت اجمل ليلة في حياتي وجوري قذ اصبحت لي
لاول مره اشعر بانني رجل عاشق اهدر سنوات حياته قبل الان بلا طعم
جلست على السرير كانت جوري تجلس بجانبي وهي تغطي جسمها بالشرشفً فقط وكانتً علامات الحزن مرسومه على وجهها
التفت اليها لاصبح امامها مباشره
زيد :حبيبتي شبيج صافنه هيج وعيونج مدمعه
جوري :شسوينه البارحه احنه ،،، اني شون هيج سويت
زيد :حبيبتي البارحه اجمل ليله بحياتنا جانت راح تبقى احلى ذكرى بحياتنا ليش هالخوف حياتي
جوري :مجان المفروض هسه يصير هالشي
احنظنتها لاقلل من توترها
زيد :حياتي اصلا اني طاير من الفرح انتي صرتي الي واخيرا
ولتضوجين اذا تردين هالاسبوع نسوي الزواج ماشي
ورفعت ذقنها باتجاهي
زيد : جوريتي كلها كم يوم ونصير لبعض رسمي ماريد اشوف هاي نبره الحزن بعيونج اوعديني منخلي الحزن يذخل حياتنا
جوري : حبيبي خل نقدم الزواج احسن راح ابقه عايشه بخوووف منا ليوم العرس
زيد : صار هالاسبوع العرس بس اني فرحان كلش البارحه انني بدعتي ههههه
جوري :شسويت اني خرررب كله من وره الشرب
ريد : ماحجيلج جنتي رومانسيه بشكل يجنن
شعرت بالخجل واومأت براسها
زيد :حياتي لتخجلين مني انتي هسه مرتي رسميا بعد الي صار البارحه بس حسبي حسابج كل يوم نسهر للصبح وره منتزوج
جوري :هههه متشبع
زيد :اوووف ماشبع منج واحتظنتها بشده
بدأت التحضيرات لاقامه عرسنا نهاية الاسبوع بعد الذي حصل بيننا ،،،كنت سعيدا جدا فلم يتبق شيئا لارتباطنا سوى ايام قليله
لنحتظن السعاده الى الابد ،،،
من كان يعلم بتلك العاصفه التي ستنهي كل مابنيناه !!!!
وذلك الاتصال المشئوم الذي قلب حياتي راسا على عقب !!!

جوري
طوال الايام الماضيه وانا اشعر بالقلق فلم يتبق شئ على زواجي قربت موعد الزفاف بعد تلك الليله التي قضيناها معا وامتلك فيها جسدي ،،، كان الجميع منشغل بالتحضيرات اصبح البيت كالقصر بانارته والورود التي فرشت حوله ،،،
يومان فقط وسادخل عروسا لهذا المنزل ،، كنت ادعو بقلبي ان يمر كل شي بسلام وتنقضي هذه الايام وينتهي كل شي بسعاده وفرح كبيرين ،،،
كنت لا التقي بزيد الا قليلا جدا لانشغالنا بالتحضيرات
اشتقت له كثيرا فلم اره يوما كاملا
زيد :حياتوووش
جوري : قلبي وينك مشتاقتلك موووت
زيد : مدالحك احك راسي من مكان لمكان وحجز وفندق وترتيبات حبيبي مبقه شي ونكون سوه
حوري :ياربي الله يسهللنه ،،حبيبي مشتاقتلك تعال اشوفك اليووم اني بالميتم وضايجه وحدي ماما هم طلعت تحضرلي كم شغله للحننه
زيد :حبيبتي هسه ماكدر عندي شغل ضروري بالمكتب لازم اكمله اليوم لان ماذاوم وراها بعد والوقت هم تاخر باجر الصبح اجيج واتفرغ الج من الصبح لليل هو بس باجر عدنه وراها الحنه والعرس ممنوع نتشاوف
جوري : اوك حبيبي انتظرك باجر احبك
زيد :امووت عليج

زيد
بعد اتصال جوري قدت سيارتي بسرعه وانا اذهب لبيت صوفيا بعد ذلك الاتصال المشىوم الذي جاء منهاً عندما كنت في المكتب
صوفيا :الوو زيد تعال اريد اشوفك
زيد :صوفيا كتلج اني خطبت واحب خطيبتي وبعد يومين زواجي كافي تتصلين بيه
صوفيا :زيد اسمعني اذا ما اجيت هسه اجي لعرسك اكلب الدنيا واكول كدام المعازيم كلهم اني حامل
زيد : شنوووووو ؟؟؟؟؟؟ حامل !!!!صوفيا رجاءا بلا هالتصرفات والا اتصرف وياج تصرف ثاني وانسى العشره الي بيناتنه
صوفيا : زيد تعالي وراح اثبتلك هالشي مو لعبه مني اني حامل وحامل منك بعد ،،،اختار تجي هسه لو اجيك اني للعرس
زيد :خلص نص ساعه واجيج
ضربت على المكتب بقووه وانا اصرخ كان الغضب يجتاح جسدي فلم اكن اتوقع ان يحصل لي هذا قبل يومين من زفافي
زيد :لازم اروحلها اخلص من هالموضوع

وصلت الى شقه صوفيا فتحت لي وهي تنظر لي بحززن ىعيناها متورمتان من البكاء
دفعت الباب بقوه ودخلت
زيد :هاي اللعبه مالتج متمشي عليها هسه مال انتي حامل
كانت تمسك باوراق بيدها فرمتها بوجهي
صوفيا :هااااك شوف بعينك اني حامل لو لا
زيد :حتى لو منو يكول حامل مني
اقتربت مني صوفيا وعيناها تجدحان غضبا
صوفيا :كل شي اسمحلك الا تهيني هاي الاهانه فهمت ،،، انت تعرف كلش زين اني ماعندي غيرك ومع هذا انت رحت وبعتني ميهمني هالشي ولا انت تهمني بعد مابعتني بس اني حامل منك هذا الي يهمني هسه
زيد :خلاص نزلي للطفل
صوفيا : انزله !!!!!  اي وحياتي ؟؟؟ انسه مانزل الطفل
بدات اصرخ واهدد
زيد :صوفيا لتخليني اتصرف وياج تصرف محلووو
بدات صوفيا بضربي على صدري وهي تصرخ لم اشعر الا وهي مغمى عليها على الارض
زيد :صوفيا صوفيا
كنت اضرب وجهها لتستفيق ولكن دون جدوى حملتها للغرفه ووضعتها على السرير احضرت ماءا وبدات ارش على وجهها
بدات تصحو قليلا
زيد :صوفيا كومي صوفيا
صوفيا :زيد انطيني ذيج الريحه وهي تشير الى احدى العطور الموضوعه على المنضدهً بلكي شىيه اصحصح من اشمها
احضرت لها ماطللبت وقبل ان تشمه حدث شي ما كان العطر قد وش باتجاه وجهي فقد كنت احلس بجانبها
لم اشعر بعدها بشي الا والسواد قد انتشر في عيناي

الحجيه

بعد انتظار طويل من التفكير ىالتخطيط اتفقت من صوفيا ان نتمم الليله الخطه التي هيئتها لزيد هدية لزفافه
الحجيه :مثل ماوصيتج صوفيا نفذي كل شي صح حت يصير الي نريده
صوفيا :تمام حجيه بس لتنسين هالمره المبلغ خيالي
الحجيه :حبيبتي بس احصل الاوراق اغركج بالفلوس
كانت خطتي ان تستدرج صوفيا زيد لاخباره بحملها وبعدها سترش عليه المخدر لتنفيذ باقي الخطه كما خططناً
كنت انتظر اتصال من صوفيا وانا امشي في الغرفه ذهابا وايابا منتظره الشراره لاشعال الحريق في ذلك الحب
بعد انتظار طويل اتصلت صوفيا
صوفيا :خاله كل شي تمام زيد نايم بغرفتي هسه خدران
الحجيه :عفيه عليج سوي الي كتلج علي علما توصل ضيفتج
بعد اقفال الاتصال مع صوفيا اتصلت بجوري وقد جعلت صوتي قريبا للبكاء
جوري :الووو هلو حجيه شونج
الحجيه :بنتي جوري اني اسفه اتصلت بيج بهالوكت بس لازم احجي وياج بشي ضروري
جوري :كولي خاله
الحجيه :جوري بنتي اكو شي مهم لازم تعرفي  عن زيد
جوري : شنو خاله
الحجيه :يمكن شفتيني طول ذيج الفتره ساكتة ومحجيت من خطوبتكم لهسه مو لان مراضيه بيج لا بنتي انتي خوش بنيه وحبابه وفقيره بس الي بي خلل هو زيد
جوري :مفهمت خاله
الحجيه :بنتي زيد يعاني من انفصام شخصيه هو ميبين هالشي كدام احد بس من هو صغير جان يعاني من هالشي واني عندي اوراق تثبت هالشي بس الاوراق زيد اخذها مني وماعرف وين وداها المهم بنتي تره زيد يضحك على نفسه وعليج تره هاي مو اول مره يخطب وينهزم يوم عرسه هو ميكدرعالارتباط
حوري :خاله شدتحجين انتي اني عمري محسيت بي شي غلط وثاني شي زواجنه بعد يومين خاله انتي تردين تفريقنا متعرفين شون لهذا اخترعتي هالكلام حرام عليج انتي مريه جبيره
حرام عليج تفرقين بيناتنه
الحجيه :جنت اعرف مراح تصدكيني بس راح انطيج اثبات على كلامي ،،بنتي اني داخجي هالشي بمصلحتج
جوري :ماريد اسمع خاله ماصدك كل كلمه تكوليها عن زيد ً
الحجيه :خلاص روحي لهذا العنوان وشوفي بعينج اذا هو يريد يتزوجج ليش هسه راح لخطيبته السابقه بهاليل
جوري :خطيبته شنو
الخحيه :اي خطيبته صوفيا هم خطبها وعافها وبعدين بقو بس علاقه للن هيه تحبه متركته ،،، روحي ىشىفي اذا جان هناك لو اني دا اتبله علي
واقفلت الهاتف في وجهها
كانت الابتسامه تعلو فوق شفاهي وانا اشعر بالنصر واخيرا ساصل الى مبتغاي ،،،

جوري

كيف لسعادتي ان تتحول رمادا ،،تلك الحلام المزيفه والامنيات المنكسره  ستجثو فوق ارصفه جراحي ،،،
لم اتمالك نفسي وسقطت منهاره ودموعي لا تتوقف ،،
ايعقل ان ماسمعته صحيحا ،،، ايمكن لاحلامي ان تغتالني هكذا بلا رحمه
بقيت على الارض افكر بتلك الكلمات المسمومه التي حولت سعادتي جحيما ،،،
جوري :لا مستحيل اني ما اصدك هيه تريد تفرقني عن زيد لان متريدني من خطبني لهسه هيه مراضيه كذابه تريد تفرقني عن حبيبي ،،، ولكن تبا لعقلي كيف سيصدق تلك الاكاذيب
قرار واحد قد يغير حياتنا للابد ،،،
مسحت دموعي ونهضت مسرعه وانا اسحب حقيبتي واتجه للشارع كان من الصعوبه ان اجد سيارة اجرة في ذلك الليل مشيت كثيرا ىانا امشي كتائهه لا اعرف اين نهايتي
توقفت سياره اجره امامي فصعدت فورا واعطيته العنوان الذي ذكرته لي والدة زيد
وصلت الى المكان كان عباره عن بنايه فيها العديد من الشقق كلنت الشقه رقم ٤ لصديقة زيد السابقه نظرت للعنوان مره اخرى وصلت الى باب الشقه ويداي ترتجفان من الخووف ،،،
قبل ان اطرق الباب انتبهت لها مفتوحه قليلا فتحتها بهدوء لادخل الى صاله صغيره كانت هناك اوراق مبعثره على الارض كان عراك قد نشب هنا نظرت لاحدى الاوراق المرميه كانت عباره عن سونار لجنين في رحم والدته ،،، حملت الورقه الاخرى بسرعه كانت عباره من تحليل حمل ايجابي
لم افهم ان مافسره عقاي لي صحيحا ،،، لم يكن هناك احد بالشقه رميت الاوراق وانا ارتعب من تفكيري اذا كان صحيحا
كانت هناك اضاءه قادمه من احدى الغرف اتجهت نحوها كانت الباب مفتوحه تقريبا
كان المنظر الذي رايته كالصدمه ،،، كان الموت اهون لي من ذلك المنظر الذي رأيته خرجت يسرعه وانا اصطدم بكل شي امامي ولا اعلم الى اين ساذهب ولكني بم اعد قادره على تحمل ذلك الالم المشتعل في صدري ،،،

بعد خمس سنوات من تلك الصدمه
(في تركيا )
جوري
كنت اجلس في الحديقه الاماميه من منزلي الصغير وانا انظر لتلك الورود المزروعه حديثا رن هاتفي برقم غريب
جوري :الووووو الووووو اففف هم ميحجون بتركيا ىيتحارشون
اغلقت الهاتف وانا استند على الكرسي الهزاز رن هاتفي مره اخرى
جوري :الوووووو الوووو
اقفل الهاتف بوجهي هذه المره
زيدووون : ماما ماما ماما خل نروح لل اكوا بارك
جوري :ماما مابيه حيل اليوم اني روح ويه بابا هسه يجي وياخذك وياه
زيدووون : ماما انتي متقبلين تطلعيني زعلان منج
جوري :حبيبي اني ماحب المسابح تعرف راح يوصل بابا وهو يروح وياك باعيون ماما انته
ىبعد دقائق قليله ىقفت سياره زرقاء مكشوفه
زيدووون :هااااااا اجه بابا راح ياخذني للمسبح
ركض زيدون باتجاه احمد واحتظنه وهو يدور به في الهواء
احمد : حبيب بابا زيدوووني
زيدون :بابا اريد اروح للمسبح ماما متقبل توديني
احمد :اني اوديك ياعيون بابا انته بس ارتاح واتغذه اوعدك اوصلك للمسبح
اقترب مني احمد وهو يحتظن زيدون قبلني من خدي
احمد : شو كاعده برا
جوري :بس شويه كلت اشم هوا مخنوكه
احمد :يلا نفووت ميت من الجوع
ابتسمت له ودخلت المطبخ احضر الغذاء
رن هاتفي للمره العشرين اليوم
حوري :اذا متحجون شكو تخابرون
الطرف الاخر : على كل لحظة راحت من حياتي راح تدفعين ثمنها
كان صوت اعرفه كان ذلك الصوت ااذي اجتاح وتربع وسط قلبي لسنين طوال .،،،ذلك الصوت الذي حطم احلامي وذكرياتي وامنياتي في يوم ما ،،، ذلك الصوت الذي جعلني اسيره لنفسي  كسراب في وسط الظلمة ،،،
ارتجفت يداي وانا اقفل الهاتف حتى كادت انفاسي ان تتوقف
نظر لي احمد نظره طويله وهو يضع يديه على كتفي
اححمد :شبيج جوري خيررج شو وجهج صار اصفر
لم استطع ان اخبره كأن لساني قد انقعد عن سماع صوته
تنفست بسرعه ونزلت دموعي ،،،جلست على الكرسي ونظرت لاحمد
احمد :خوفتيني جوري منو دك عليج
جوري : زيد !!!!!!
احمد :زيد ،،،،؟؟؟؟؟. شلووون
جوري : احمد زيد طلع من السجن !!!!!!!!!!!

هنا تقف تلك الذكريات معصبة العينين ،،، كيف استطعنا ان نعيش تلك السنوات دون بعض ماذا فعلنا ببعضنا كيف وصلنا لهذا اليوم ونحن نكره بعضنا بشده
كيف للحب ان يتحول كرها !!!!!
يتبع
،،،،،،
هلو صديقاتي بشروو شونه البارت بي غرابه شويه وغموض
شنو برأيكم صار قبل خمس سنوات من شافته جوري بالغرفه ىيه صوفيا ،،،
وشكرا على متابعتكم