رواية مياس قلب الشهم الفصل الثامن 8 - بقلم لبنى الموسوي

#مياس_قلب_الشهم

للكاتبه #لبنى_الموسوي

مياس.. الوو

مهيب.. ها مياس اني مهيب

مياس.. اي عرفتك

مهيب.. شلونچ

مياس.. تمام وانت ؟

مهيب.. الحمد لله

شو هذا سكت ما حچه شي بعد ،، عاينت للشاشه بعده موجود ع الخط

مياس.. مهيب بعدك ويايه

مهيب.. اي وياچ

مياس.. لعد احچي شبيك ساكت شردت مني الصبح ؟؟ .... بعد لحظات من الهدوء سمعته يسألني :

مهيب.. مياس تتزوجيني ؟؟

فتحت عيوني من كلامه ،،، هذا شديحچي !! معقوله مرت شهم يمه مثل هذيچ المره ويريد يبعد الشك عنها

سديت الخط بوجها دا اكتب بالرساله رجع خابر رفضته ودزيتله مسج

مياس.. مهيب مرت شهم يمك ؟!!

ثواني وخابرني مره ثانيه فتحت الخط سمعته خربان ضحك

مياس.. شبيك تضحك ؟!!

مهيب.. هههه عود صدگ تحچين مياس حسبالچ مرت شهم يمي لذالك گتلچ تتزوجيني !!!

مياس.. بتردد ،، ا اا  اي

مهيب.. لا مياس اني گاعد بغرفتي محد يمي واحچي وياچ بكامل قواي العقليه خاف تگوليلي هالدور نايم لو شارب شي هههه

مياس.. صفنت ويا روحي شبي هذا راح اتخبل ،،، مهيب بيك شي ؟!!

مهيب.. ههههه عمي والله ما بيه شي كل هذا لان گتلچ تتزوجيني !!!

مياس.. ما عرفت شحچي ويا واكتفيت بالسكوت

مهيب.. مراح تجاوبين ؟؟

مياس.. على شنو

مهيب.. تتزوجيني ؟؟

مياس.. لا

مهيب.. ليش ؟!!

مياس.. ماكو سبب معين بس ما اريد اتزوج بعدني طفله ويني وين الزواج

مهيب.. مراح اعتبر هذا رد ،، اخذي وقتچ وفكري زين عرضي الچ مستمر وماله نهايه

مياس.. لا مهيب اعتبره رد على سؤالك حتى نسد الموضوع نهائيا

مهيب.. مينسد

مياس.. لا ينسد

مهيب.. گتلچ مينسد يعني مينسد ،، يلا اخذي راحتچ اروح انام

سد الخط مني بلا مينتظر جوابي ،، صفنت ع الموبايل هذا شديسوي معقوله صاحي لو اكو شي مأثر على عقله

مدا اصدگ الشفقه وصلته المرحله يطلب بيها ايدي ... اي لعد شنو اليخلي واحد مثله يتزوج وحده مثلي غير الشفقه

ما گدرت انام من التفكير ولا گدرت افسر الشي الدا احس بي حتى لنفسي .. فزيت على صوت موبايلي شفت شهم يتصل

فز كلشي بيه باتصاله وخفت كلش حسبالك هو حبيبي واني دا اخونه بهل تصرف

چنت گاعد اشتغل طب عليه مهيب بس چان وجها ميتفسر

شهم.. خير صاير شي !!

مهيب.. اريد احچي وياك بموضوع ضروري

شهم.. شكو قلقتني ؟؟ د اگعد اگعد

مهيب..  شفت مياس قبل شويه

شهم.. خفت كلش من جاب طاريها : شنو صارلها شي ؟!!

مهيب.. لا لا

شهم.. مهيب لتروحلها كل شويه البنيه تنحرج عوفها بحالها الله يخليك

مهيب.. هاي شنو شهم صدگ تحچي چنك متعرفني

شهم.. ما گلت هيچ بس دا انبهك بالشي التحس بيه مياس كلما تشوفك گبالها

مهيب.. هسه تسمعني لو لا ؟؟

شهم.. اسمعك احچي

مهيب.. اريد اتزوجها

شهم.. سيطرت عليه الصدمه من گال هيچ رفعتله حاجبي باستغراب : صدگ تحچي !!!

مهيب.. اي

شهم.. ليش ؟؟

مهيب.. وليش لا ،،، بيها شي يمنع زواجي منها !!!

شهم.. لا طبعا اصلا هاي امنيتي ومن عرفتها چان يعجبني ازوجها الك لو لجهاد لان بنيه ذهب شريفه وخلوقه والاهم من كل هذا مظلومه بس ما گدرت افتح وياكم الموضوع لان ادري لا انت ولا هو راح توافقون على هالشي

مهيب.. عوفك من جهاد خليك بيه .... ليش چنت تتصور اني مراح اوافق

شهم.. ما اعرف يجوز لان شباب وتفكريكم بهل عمر يكون سطحي يعني تعاينون للأمور من زاوية المظهر الخارجي بدون متتعمقون بجوهرها

مهيب.. شنو تقصد يعني لان فقيره وتشتغل بالشارع ؟؟

شهم.. بالضبط

مهيب.. بس اني ما افكر هيچ شهم

استغربت كلش من كلام مهيب صح ادري بي يختلف عن جهاد لان ارزن منه بس ما تصورته عاقل لهل درجه

مهيب.. شو ساكت

شهم.. متأكد من قرارك ترى اذا انفتح الموضوع بعد ماكو رجعه

مهيب.. طبعا متأكد اصلا اني اخذت منها رقمها وگلتلها عندي وياچ موضوع ضروري بس ما حبيت احچي وياها بدون ما استشيرك

شهم.. مهيب تدري بنفسك انت شهم ،،،، كلش شهم وروح ابويه

مهيب.. هههه انت شهم مو اني

شهم.. هههه لا صدگ دا احچي

مهيب.. واني هم صدگ احچي ،، الشهامه والرجوله والطيبه كلها تعلمتها منك ... انت ابويه قبل لتكون اخويه لان ربيتني وافتخر بتربيتك الي

شهم.. گمت من مكاني رحت حضنته ... واني افتخر بهيچ ابن رفعت راسي وفرحت گلبي بقرارك هذا

مهيب.. يعني افهم من كلامك انت موافق

شهم.. طبعا موافق ... بس ممكن اسألك سؤال

مهيب.. طبعا اسأل

شهم.. تحبها .... معجب بيها .... لو مجرد شفقه ؟؟؟

مهيب.. هههههه عرفتك راح تسألني هالسؤال
شوف اني احبها نوعا ما ومعجب بيها كلش  بس موضوع الشفقه واگف شويه
صح اريد اخلصها من عذابها وصح انقهر عليها من اتذكر معاملة مرت ابوها الها بس ما اگدر اسمي هالشي شفقه
وان كانت الدنيا قاسيه وياها وان كان الزمن ما نصفها بس هي فخر شهم
ما بيها شي يدعو للشفقه ... رغم كلشي ظلت محافضه على نفسها ورغم كلشي تشوفها قويه وتعادل الف رجال وهي كلها على بعضها طفله

شهم.. عجبتني ولك مچنت ادري بيك عاقل لهل درجه

مهيب.. هههه غير طالع على اخويه

شهم.. زين واهلك ؟؟

مهيب.. اهلي هذوله اخليهم عليك لان اني مو گدهم هههه .... ها بس قبل لا تحچي وياهم لازم اخذ موافقت مياس

شهم.. طبعا ضروري هالشي خابرها الظهر وشوف شتگولك

مهيب.. ان شاء الله ،، يلا اگوم اشوف شغلي

صفنت ورى كلش فرحت بقراره وفرحتي اكبر بشهامته ورجولته الما چنت متوقعها بس الاهم من كل هذا فرحت المياس واخيرا گدرت اطلعها من القوقعه الهي بيها

صار الظهر رجعنه اني ومهيب للبيت تغدينه وصعدت انام بس ما گدرت فكري كله يمها هسه اكيد خابرها يا ترى شجاوبته

اخذت موبايلي من ع الميز وگمت اشوفه لان بعد ما اتحمل انتظر اكثر .... سمعت نهى تصيحني

نهى.. وين رايح حبي ؟؟

شهم.. نازل لمهيب شويه واجي

نهى.. براحتك

نزلت دگيت الباب علي وطبيت لگيت متمدد بس شافني گعد على حيله

شهم.. خليك مرتاح

مهيب.. تفضل خويه

شهم.. خابرتها ؟؟

مهيب.. اي

شهم.. شو اي ام الضوجه ههههه شگالتلك احچي

مهيب.. رفضت

شهم.. تعجبت كلش ،،، ليش رفضتك ؟!!

مهيب.. تگول بعدني طفله ويني وين الزواج .... اني گلتلها عرضي يظل قائم مراح اعتبر هذا رد على طلبي

شهم.. صدگ تحچي هاي ؟!!! انتظر خلي اخابرها اشوف شسالفتها

مهيب.. هسه

شهم.. لعد باچر

شلت موبايلي وخابرتها قريب ميفصل الخط يلا ردت

مياس.. الو

شهم.. ها مياس شلونچ

مياس.. زينه وانت ؟

شهم.. الحمد لله ،، مياس ليش رفضتي مهيب

مياس.. استغربت من كلامه يا ربي يعني يعرف

شهم.. وينچ شو ساكته

مياس.. ما اريد اتزوج

شهم.. ليش

مياس.. بعدني صغيره

شهم.. صح كلامچ بس فكري بيها مياس ،،، لا سميحه ولا ابوچ راح يخلونچ بحالچ
مهيب احسن لو عماد او واحد متعرفين اصله من فصله ؟؟؟

مياس.. شلون يعني ؟!!

شهم.. يعني انت متطولين كلها سنه يجوز اقل يجوز اكثر ويزوجچ ابوچ ما دام سميحه ورى

صفنت على كلامه ،،، صح بس شلون اتزوجه وشهم !!!

شهم.. راح تظلين ساكته

مياس.. ما ادري خليني افكر اذا ممكن

شهم.. اي طبعا فكري زين ومتأكد مراح تلگين فرصه انسب الچ من مهيب على الاقل تضمنين حمايتي الچ طول العمر لان لو اذاچ املص اذاناته هههه

مياس.. ههههه الاذيه متجي لا منك ولا من اي احد يخصك

شهم.. هههه هذا اللسان كله وتگولين بعدني طفله عمي اني بهل عمر وما اعرف احچي مثل هالحچي

مياس.. هاي الحقيقه ما جبت هالكلام مني 

شهم.. رحم الله والديچ يا طيبه .. هسه اني اروح بس انتظر ردچ لتتأخرين علينه

مياس.. ان شاء الله

شهم.. مع السلامه

مياس.. الله وياك

سديت الخط منها وعاينت المهيب وجها مگلوب

شهم.. هههه شبيك ولك چنك تحبها من صدگ

مهيب.. هههه يجوز والله ما ادري

شهم.. لا مو يجوز اكيد گوم شوف وجهك بالمرايه حتى تصدگني

مهيب.. هسه شنو اكو امل

شهم.. اي گالت افكر خليها على راحتها ... ترى حقها مهيب صدگ طفله ومو مال زواج بس اااخ شريد احچي على ابوها ومرته الله ينتقم منهم

مهيب.. ليش هي شگد عمرها ؟؟

شهم.. ١٤ سنه

مهيب.. صدگ تحچي !!!

شهم.. اي شنو ممبين عليها

مهيب.. هي مبين صغيره بس جسمها مو مال ١٤

شهم.. ههههههه ولك عينك لا افگسها والله

مهيب.. هههه هاي شبيك هسه اني شگتلك

شهم.. لا يابه كلشي ما گلت ... المهم مهيب لتضغط عليها ابد يعني بين قوسين لا تروحلها بعد ولا تخابرها خلي تاخذ وقتها حتى تعرف تفكر زين

مهيب.. صار بس انت لتعوفها روح يوميه حتى تساعدها وتطمأن عليها

شهم.. طبعا بدون متوصيني احساسي اتجاها احساس اب لبنته .... خليها ببالك مهيب مياس مثل بنتي

مهيب.. والنعم منك حبيبي

شهم.. يلا صاعد انام تعبت اخذ راحتك

مهيب.. نوم العافيه

شهم.. الله يعافيك

خليت وصعدت فوگ لگيت نهى صافنه ع الباب مثل التنتظرتني

شهم.. ها شو صافنه

نهى.. شعندك ويا مهيب

شهم.. هههه وانتي شعليچ

نهى.. لا صدگ احچي

شهم.. شغل

نهى.. متأكد ؟؟

شهم.. طبعا ،،، يلا تعالي حضنيني اريد انام

نهى.. هههه شوكت تكبر حبيبي يعني متنام إلا بالحضن

شهم.. رفعتلها حاجبي ،،، ليش عندچ اعتراض ست نهى ؟!!

نهى.. هههه اكيد لا اصلا اني الممنونه

ابتسمت وتقربت منها خليت راسي على صدرها ظلت تمشي اصابعها بين شعري لحد ما غفيت

طول اليوم افكر بكلام مهيب ما اعرف شلون افسر احساسي بوقتها

ما اريد اتزوج بس بنفس الوقت مجبوره على هالشي ما دام سميحه بحياتي

زين مهيب اخو شهم والمصيبه كلشي بيه يرجف بمجرد اذكر اسمه على لساني فشلون اگدر اتزوج اخو واني گلبي ينبض بحبه

اصلا هو مو من حقي ميصير افكر بي ،،،، يا ربي والله اني مو من هالنوع يعني خلي نفرض مشاعري مشاعر مراهقه ليش هو دون غيره مثلا اخو صغير وطيب وحتى يشبهه ليش ما تحركت مشاعري اله مثل شهم

ظلت الافكار براسي تروح وتجي وهيج خلص اليوم بلا ما اوصل النتيجه

گعدت الصبح كالعاده رحت لشغلي هستوني واصله اجه شهم

وگف يمي ونزل الجامه بس چان لابس مناظر لان الشمس كلش قويه

شهم.. صباح الخير

مياس.. صباح النور

شهم.. شلونچ اليوم

مياس.. زينه الحمد لله

شهم.. خو ما صار شي جديد

مياس.. لا اطمأن كلشي ماكو

شهم.. زين لعد انطيني باكيت خلي اروح

مياس.. اي تفضل

انطيته الباكيت طلع محفضته صفنت علي وما انتبهتله من انطاني الفلوس ... نزع مناظره وعاينلي باستغراب

شهم.. وين صافنه مياس ؟؟!

مياس.. ها لا ما صافنه

شهم.. لا صافنه احچي صار شي

مياس.. لا شيصير يعني والله العظيم كلشي ماكو

شهم.. هههه خلص بابا صدگتچ ميحتاج تحلفين ... هاچ الفلوس عطلتيني

مياس.. شكرا

سلم وراح رجعت للرصيف گعدت حسيت نفسي اختنگت كلش ،،،، شويه شويه بدت دموعي تنزل

مياس.. كافي ثوله شيلي من بالچ رجال متزوج ويعتبرچ مثل بنته حرام الدتسوي بروحچ وگلبچ
اي بس مع ذالك ما اگدر اتزوج اخو خلص لازم انهي هالموضوع

مسحت دموعي وگمت ابيع الكلنس ... كالعاده ولد الشوارع ما رحموني اليذبله حچايه واليلزم ايدي من انطي الباكيت واليغلط عليه هيچ لما خلصت واخيرا

رجعت امشي بالطريق وافكر ويا نفسي لحد ما وصلت للبيت

سميحه.. شو تأخرتي ولچ

مياس.. شسوي يعني غير هستوني يلا بعتهن كلهن

سميحه.. ديلا ولي من وجهي ... فوتي بدلي ملابسچ وتعالي للشغل

رحت للغرفه غيرت ملابسي .... طلعت خليت الاكل ع النار وبلشت بشغل البيت

مشت الايام مثل ما هي بين الشغل وبين ضيم سميحه والشارع بلا اي جديد بس عماد سافر لأربيل الحمد لله لذالك ارتاحيت من الخوف نوعاً ما

شهم ظل يوميه يجيني مثل العاده يسلم ويشتري مني ويروح ولا مره فتح ويايه الموضوع واني هم فرحت بهل وضع حتى لا انحرج واحرجه ويايه

اما مهيب ما شفته من يوم الاخذ رقمي وحتى ما اتصل بيه بعد وبتصرفه هذا كبر بعيني كلش لان اثبتلي هو خوش ولد مثل اخو بالضبط

وبعد شهرين بالضبط گعدت العصر من النوم طلعت من الغرفه حتى اغسل سمعت ابويه يحچي ويا سميحه

اشرف.. سميحه لتلحين تراچ علعلتي گلبي الف مره گتلچ سدي الموضوع

سميحه.. ليش بس فهمني هذا احسن لو عماد

اشرف.. طبعا هذا شجابه على عماد الساقط

سميحه.. ليش تحچي على گدامي ترى والله عيب عليك

اشرف.. هسه شرايده لتدوخيني

سميحه.. الولد شرايها على شنو تنطيها الرجال متزوج وفوگاها اكبر منها ب١٥ سنه

اشرف.. يبت الناس فهميني هو صح متزوج واكبر منها بهواي بس الرجال والنعم منه ومن اصله وفوگ كل هذا مرتاح ماديا يعني يعوضها عن الحرمان العاشته يمي ... اما عن زواجه فعنده عذر يتزوج لان مرته متخلف لعد المن الشرع حلل التعدد غير لهل اسباب

سميحه.. وعماد والله يتخبل ولك صارله سنتين يدگ عليها

اشرف.. خلي ينساها لان لو يظل اخير رجال ع الكره الارضيه هم ما ازوجها اله

سميحه.. ليش بس فهمني

اشرف.. لا اله إلا الله يا مره ابن اختچ صايع و ×××× إلا احچي هيچ يلا ترتاحين
شلون ترديني ازوج بنتي الواحد مهتلف مثله

سميحه.. ترى زودتها كلش بعدين هو شاب وطايش يكبر ويعقل ميظل هيچ

اشرف.. واني انتظره يكبر ويعقل وما اشوف إلا موكلها ××××

سميحه.. وعاد مراح تاكل ××× من تاخذلها واحد چبير ومتزوج والله مرته تشوفها النجوم بعز الظهر

اشرف.. لا مالها علاقه بيها لان بيتها وحد ميگعدهن سوه

تخبلت من الكلام السمعته ورجعت اركض للغرفه

مياس.. يا ربي شنو هالحچي يعني ابويه يريد يزوجني لرجال چبير ومتزوج فوگاها
زين ليش هيچ اني ثگيله علي ميگول بعدها طفله شلون ينطي گلبه يشمرني هالشمره

ظليت اروح واجي بالغرفه ما اعرف شلون اتصرف بس لازم اتصرف مستحيل اسكت على هالشي هاي حياتي مو كافي طفولتي انسلبت مني هالدور حتى مستقبلي يضيعوا

شويه وسمعت سميحه تصيحني علمود الشغل ،، طلعت اشتغلت والتهيت بالعشه لحد ما صارت التسعه نيمت اخواني وظليت افكر بالموضوع

عاينت لموبايلي خلص صار الوقت لازم اختار بين گلبي وعقلي ... گلبي يوديني للتهلكه وعقلي للخلاص لذالك لازم اختار عقلي

شلت الموبايل ورحت طلعت رقم شهم من جوه الحصيره ونقلته بالجهاز لان مهيب مسحت رقمه حتى لتشوفه سميحه

دزيتله رساله للاحتياط حتى لتصيرله مشكله بسببي

مياس.. گاعد ؟؟ اذا گاعد وعندك مجال اريد احچي وياك ضروري

ما جاوب انتظرت دقيقتين تقريبا وخابرني

چنت گاعد ويا اهلي جوه اسمع للاخبار اجتني رساله من مياس تريد تحچي ويايه

ظل بالي يمها انسحبت من الصاله بهدوء حتى لتنتبه عليه نهى ورحت لغرفة مهيب اخابرها

شهم.. ها مياس خو ماكو شي

مياس.. اسفه اذا ازعجتك

شهم.. بويه عوفي هالمقدمات المالها داعي واحچيلي بالمهم

مياس.. اني موافقه

شهم.. صفنت ع كلامها ،،، شنو يعني ؟؟

مياس.. موافقه اتزوج اخوك

شهم.. صدگ تحچين ؟

مياس.. اي بس اريدك تساعدني

شهم.. خير يا ستار شكو من جديد

مياس.. ابويه يريد يزوجني لواحد متزوج واكبر مني بهواي
ما اعرف شلون راح تقنعه انت حتى يقبل بمهيب بس لازم تقنعه الله يخليك
ما اريد اتزوج واحد متزوج اريد اخلص من الضيم الاني بي مو ادخل بضيم اتعس منه

شهم.. سهله مياس خليها عليه ولا يهمچ غمضي عينچ وانتي مرتاحه

مياس.. يعني راح تجي تحچي ويا

شهم.. اي باچر العصر اني يمكم

مياس.. والله

شهم.. ههههه والله

مياس.. شكرا الك الله يريح بالك

شهم.. اني الاشكرچ لان وافقتي بمهيب
صدگيني هيچ راح ترتاحين فعلا لانه رجال ابن رجال وماكو منه مو لان اخويه

مياس.. هو لان اخوك ماكو منه ،، عموما اخذ راحتك اسفه اذا ازعجتك

شهم.. بطلي هالكلام ترى دقيتيني

مياس.. هههه صار يلا اشوفك بخير

شهم.. تصبحين ع خير

مياس.. وانت كذالك

سديت الخط منها واني فرحان كلش لان قبلت بمهيب هيچ راح اطمأن عليها طول العمر

طلعت للصاله كلهم گاعدين ومندمجين ويا الاخبار ... فتحت وياهم الموضوع حتى استغل جمعتهم

شهم.. يمه

الحجيه.. ها يبعد امك

شهم.. عندي وياكم موضوع مهم

الحجيه.. گول يمه خيرك

شهم.. شلت الريمونت طفيت التلفزيون ودرت وجهي على مهيب : اريدچ بهلاسبوع ترحين البيت فد جماعه حتى تخطبين المهيب

عاينتله فتح عيونه عليه منصدم واشرلي براسه باستغراب

الحجيه.. هههه ها ولك مهيب صدگ تريد تتزوج

مهيب.. شنو السالفه شهم ؟!!!

شهم.. وافقت

مهيب.. گمز من مكانه وهو يصيح : گول والله

شهم.. هههه وداعة الخوه

مهيب.. وانت شلون عرفت ؟؟

شهم.. بعدين اسولفلك ،، ها يمه شگلتي هسه

الحجيه.. منو هي ومنين اهلها غير اعرف بلاول بعدين انطيك رأيي

شهم.. منو هي متعرفيها اما اهلها اصلهم مو منا من الرمادي بس ساكنين هي وابوها ومرته ببغداد

الحجيه.. يا يمه شجاكم چا ما لگيتو غيرها

شهم.. حجيه المهم ابنچ رايدها عوفي هالسوالف بعد

الحجيه.. واهلها شلونهم يعني شنو يتيمه

شهم.. اي يتيمه وللعلم حالتهم الماديه كلش ضعيفه

الحجيه.. يا يمه لعد اجيبلكياها من الاخير اني ما قابله

مهيب.. ليش يوم الخاطر ربچ مو وكت طناگيرچ

سمر.. حقها خالو هم مو منا وهم حالتهم الماديه تعبانه ششفت منها متگولي

شهم.. كرمينه بسكوتچ سمر لغوه زايده ما اريد الفقر لا هو عيب ولا هو حرام رسول الله چان افقر الناس

ايهاب.. ترى حقها امي شهم هم فقره وهم من الرمادي اصلهم ،،، بعدين تعال مهيب افندي اني مو فتحت وياك موضوع نورا اخت مرتي قبل مده شو گلت الله كريم وهسه جاي فجأه تريد تخطب

مهيب.. يا اخي ما هاويها هي گوه

رنا.. ليش مهيب شبيها اختي حتى متهواها

مهيب.. كلشي ما بيها على عيني وراسي انتي واختچ بس الامر مو بيدي

شهم.. انهو النقاش كافي اني جاي ابلغكم لا اقل والا اكثر حتى يصير عدكم علم وتستعدون

الحجيه.. لا يمه على بختك دا اگولك اني ما قابله تگلي ابلغكم وسفه والله

مهيب.. يمه ان احبها افتهمي السالفه ولتشلعين گلبي

الحجيه.. وانت وين شفتها حتى تحبها

مهيب.. شفتها بالصدفه وحبيتها من اول نضره

الحجيه.. هذا غير حب ع الطاير وين صايره يمهيب

مهيب.. حبيتها وخلص يمه ومن هسه اگولچ اذا رفضتي وركبتي راسچ والله ما اتزوج لحد ما اموت

الحجيه.. شنو هي السالفه عناد صارت

مهيب.. لا مو عناد بس گتلچ احبها ،،، لو هي لو ما اريد غيرها

الحجيه.. يطبك طوب روح اخذها بس تتحمل طگاتي وياها

مهيب.. هههه انتي هم راح تحبيها وهسه تشوفين

شهم.. بالخير لعد باچر احچي ويا ابوها واذا اخذت الموافقه منه استعدوا حتى ترحون لاهل البنيه

منال.. الف مبروك خويه شايف كل الخير

مهيب.. الله يبارك بيچ خيتي

شهم.. مهيب خابر جهاد شوفه وين صار ،،، خلي يرجع بسرعه لا يشوف مني شي ميعجبه

مهيب.. گاعد بالگهوه ويا جماعتنه خابرني قبل ساعه رادني اطلع ويا بس ما رحت

شهم.. دخابره بسرعه قبل ال١٢ اريده بالبيت

الحجيه.. يمه شمالك ويا الولد ليش هيچ شاد راسك ويا

شهم.. اسكتي يمه كلشي متدرين انتي

عفتهم وصعدت فوگ بس طبيت للغرفه اجت نهى ورايه

نهى.. شهم

شهم.. ها حياتي

نهى.. منو هاي اليريد يتزوجها مهيب هي نفسها البنيه الچانت ترمشلك

شهم.. هههه اي نفسها شفتي شلون چنتي تشكين بيه ع الفارغ

نهى.. هههه انت ما حچيتلي والله لو گايلي ومختصر السالفه عليه وعليك ،، شلونها حلوه

شهم.. ههههه خرب عقلچ والله سؤال

نهى.. جاوب حباب حلوه

شهم.. اي حلوه

نهى.. يمه فدوه متشوقه اشوفها والله

شهم.. ههههه تعالي يروحي اكو بهالدنيا گلب اطيب من گلبچ

نهى.. اي گلبك

شهم.. احبچ ولچ

نهى.. واني اموت عليك

بعد ما خابرت شهم نمت بسرعه ،، بس اريد باچر يجي حتى ارتاح واخذ نفس .... خوفي لا ابويه يعاند ويركب راسه ساعتها صدگ انتهي وينتهي عمري ويايه

صار الصبح تريگت ورحت لمكان شغلي ،،، گعدت ع الرصيف بملل اعاين للعالم رايحه جايه يا ترى شنو قصة كل واحد بيكم هم مثلي كاتلكم الهم لو مرتاحين ؟؟

نزلت دموعي من الخنگه مسحتها واستغفرت ربي اكيد تفرج مراح تبقى هيچ لان رب العالمين حاشى يقبل بالظلم

دقايق وشفت سيارة شهم وگفت يمي ... نزل منها والابتسامه على وجها

شهم.. صباح الخير بابا

مياس.. صباح النور

شهم.. شبيچ شكلچ ضايجه صاير شي ؟!!

مياس.. فدوه شلون يحس بيه .... انتبهت لنفسي يا شدا اسوي اني !!!
نفضت الافكار من راسي وجاوبته : لا كلشي ما صاير

شهم.. اذا على موضوع البارحه خليها عليه لتخافين

مياس.. بس هذا صديق ابويه يعني ما اتصور يرفضه علمود مهيب

شهم.. ريحي بالچ وعوفي الشغله عليه .. يلا انطيني هذا الكلنس وگومي رجعي للبيت

مياس.. ياااا ليش ؟!!

شهم.. اليوم راح اجيكم اريد تسويلي كيكه تعرفين لو لا

مياس.. اي طبعا اعرف بس ....

ردت اگوله وين تخليني سميحه اسوي بس ما خلاني اكمل كلامي قاطعني وهو يگول

شهم.. هاچ هاي فلوس الكلنس وهذني الفلوس اشتري بيهن مقادير الكيك ،،، تدرين يمكن اني هم راح ابيع كلنس تالي لان المعارض انترست الله وكيلچ هههههه

مياس.. ههههه شجابرك

شهم.. يلا ما ظل شي كلها كم يوم وبعد ما اشتري كلنس منا لسنه كامله هههه

مياس.. ليش شيصير بعد كم يوم ؟؟

شهم.. مو البنيه الاشتري منها كلنس راح تبطل من هالشغله

اخذتلي صفنه على وجها لحد ما انتبهت على نفسي من صاحني

شهم.. مياس وين صفنتي

مياس.. ولا شي ،، يلا روح تأخرت

شهم.. ماشي بس الزمي الفلوس صارلي ساعه مادلچ ايدي

مياس.. هههه العفو ما انتبهت

اخذت منه الفلوس ... ابتسم دار وجها وراح ،،، ظليت اعاين علي لحد ما ابتعد كلش

رجعت امشي بنص الطريق شفت هذا الولد اليتحارش بيه دائما .... صار بوجهي

مياس.. هم انت

- هههه ترى والله مجرد صدفه ممتقصد اجيچ والدليل دنمشي ثنينه وتلاگت خطواتنه

مياس.. يلا وخر من گدامي خلي افوت

- شلون صرتي

مياس.. وانت شعليك !!!

- والله بالي يمچ شبيچ تعامليني بهالطريقه

مياس.. تدري اني تشمأز نفسي من صوتك .. شكلك .. اسلوبك .. كلشي بيك .. لذالك اترجاك اذا عندك ذرة غيره تعوفني بحالي ولتخليني اشوفك بعد

- احبچ

صفنت بوجها واني فاتحه عيوني ،، مدا اعرف شبي وليش هيچ ديتصرف ،،،
احسه مو هو اكو شي بي متغير حتى اسلوبه
ومو بس هيچ الاحبچ طلعت منه بشكل غريب مو مثل كل مره يگولها من يتحارش

- شبيچ صافنه عليه

مياس.. الله يخليك عوفني بحالي ليش دتسوي هالشكل ويايه

- والله احبچ ليش متصدگيني

مشيت من يمه وتجاوزته بلا ما اجاوبه ،، خطوات قليله درت وجهي علي شفته يعاينلي بابتسامه

كملت طريقي واني افكر شبي هذا شاف القوه ما جابت نتيجه يريد يجيبني للطريق بالعين واغاتي .. هه بطران حسباله اني من هالنوع الله يشافي بس

وگفت يم العطار اشتريت مقادير الكيك ورجعت للبيت ،، طبيت بس شافت سميحه الغراض بيدي استلمتني

سميحه.. شنو هذا بيدچ

مياس.. غراض

سميحه.. اي ادري غراض بس شنو هنا

مياس.. مالت كيك

سميحه.. منيلچ ولچ

مياس.. مره بالشارع انطتهن الي

سميحه.. وليش راجعه من الصباحيات شبسرعه بعتي الكلنس

مياس.. نفس المره اشترته مني كله گلتلي حاره مو مال توگفين بالشارع ،،، الله ينطيها العافيه

سميحه.. هاااااا والمفروض مني اصدگچ

مياس.. انتي حره

بس گلتلها هيچ بدت تغلط عليه شمرتلها الفلوس ع الميز ورحت للغرفه بلا ما ارد عليها لان مالي خلگها

غيرت ملابسي وطلعت لشغل البيت للظهر يلا كملته

صحت الاخويه حتى ادبر السالفه مالت الكيك بلا متشك بيه غراب البين

مياس.. مصطفى

مصطفى.. ها ميوسه

مياس.. تحب الكيك حبيبي

مصطفى اي كلش

مياس.. زين لعد شنو رأيك اسويلك كيك

مصطفى.. والله

مياس.. اي بس اريد منك شي بس كون توعدني متگول لامك

مصطفى.. اوعدچ

مياس.. زين لعد اريد ورى الغده توگف گدام امك وابويه تگول لسميحه اريد كيكه

مصطفى.. اخاف ،، مو تصيح عليه

مياس.. عادي خلي تصيح اهم شي تاكل الكيك انت

مصطفى.. وشسوي بعد

مياس.. كلشي لتسوي بس گول اريد كيكه واسكت لتتنفس بولا حرف بعد

مصطفى.. اي ميخالف بس اريد كيكه

مياس.. هههه مو تتدلل يروح اختك ،، يلا روح العب ويا مياده بس ها هذا سر بيني وبينك متحچي لأي احد

مصطفى.. اي اي سر

مياس.. عفيه بصفاوي البطل

رحت كملت الغده وانتظرنه ابويه لان گال ارجع من وكت اليوم لذالك ما تغدينه لحد ما اجه من شغله

خلصت هوسة الغده ورحت اوديلهم الچاي اشرت المصطفى بعيوني فهم قصدي

مصطفى.. ماما اريد كيكه

سميحه.. انچب ولك

اشرف.. ليش تغلطين ع الطفل شطلب قابل هي كيكه

سميحه.. اي مو فلوسك هواي حتى تريد ابذرهن على هالسوالف

اشرف.. اهم شي الجهال المن اشتغل اني من الصبح لليل غير علمودهم

مياس.. تعال صفاوي اني اسويلك

سميحه.. ومنين تسويله عيني

مياس.. نسيتي اليوم المره انطتني مقادير كيكه سبحان الله مراد البطن الله ينطي

سميحه.. الله يلزمك يا لساني

اخذت مصطفى من ايدي ورحت للمطبخ بس وصلت دنگت بسته حيل من خده

مصطفى.. ها ميوسه اني زين

مياس.. اي حياتي زين وكلش زين ،، انتظرني ساعه واسويلك اطيب كيكه

مصطفى.. شكرا

وگفت اسوي الكيكه چانت الساعه تلاثه ونص للاربعه ونص يلا كملتها طلعتها من الفرن شويه وقطعتها بشكل مرتب سمعت الجرس اندگ

لزمت گلبي بأيدي شنو معقوله اجه ... ركضت عاينت من الشباك شهم ومهيب واگفين بالباب رجعت للمطبخ اركض قبل لا يجي ابويه

سمعته فتح الباب شويه وصاح يا الله سوو طريق

ظليت واگفه بالمطبخ لحد ما اجه ابويه گال : بابا حضري شي نقدمه للخطار بسرعه

مياس.. اي بابا همزين سويت كيك هسه احل عصير ويا شويه وتعال اخذهن

حليت العصير ع السريع ورتبت التقديم بالصينيه اجه ابويه اخذهن مني

وگفت يم الكاونتر اكل باظافري من التوتر ربع ساعه ونزيت من مكاني لمن سمعت ابويه ديغلط على احد بصوت عالي كلش ....

يتبع..