رواية ميل اوطاني(الجزء الأول) ....مكتملة الفصل السابع 7 - بقلم laylaabd

بارت6
(ميل اوطاني)

لتنسون التصويت🌹

شفق:ضليت صافنه عليه ردت اضيع السالفه كتله شنو مو راحة ليش شايفتني متحترمين نفسج

رفاه:لا مشايفه شي بس واحد سهران وياج وكاعد من الصبح رايح للدوام وانتي كلبج ماكلج عليه

شفق:لا ماكو هيج حجي هاي صديقتي و وخري من طريقي يله
صعدت الغرفتي وقفلت الباب الخوف اكلني اكيد حتكول ل احمد اي اكيد هاي حقيره اصلا تشتريه شرايه ظليت الوب باوعت ساعه ١١الظهر احمد يجي بلوحدة شسوي يربي نزلت دورت ع امي شفته بلمطبخ صحته كتله يمه بساع تعالي فوك اريدج

ام احمد:شكو ياستار شبيج شفق

شفق:دخلته الغرفتي وقفلت الباب
يمه سمعيني زين تذكرين من كلت اريد اشتغل

ام احمد:اي اذكر شكو شصاير هسه

شفق:وره فتره جتني رساله ع تلفوني واني صار عندي فضول منو يعرف اريد اشتغل ويحجي هيج فرديت

ام احمد:اي

شفق:طلع قيصر

ام احمد:صخام بوجه لج هذه شنو مو رفضتي شيريد بعد

شفق:يمه مو هنا المشكله
المشكله هو حجالي عن نفسه وكلي فكري واني اقتنعت وكتله تعال كال عكب باجر اجي واليوم جنت احجيوياه بلتلفون ورفاه سمعت كل الكلام

ام احمد:صخام عزززه تصخمتي يشفق لج هاي حتكله ل اخوج وهذه ميتفاهم والله هلمره يذبحج اخاف ذاك اليوم مسلم شفعلج وقنعه مصاير شي بينكم هسه شيقنعه وحته اذا يريد يقنع هاي رفاه متخلي
مصيبة مصيبة
خل انزل اكله متحجي

شفق:نزلت امي واني وراهه رفاه بلهول

ام احمد:رفاه بنتي اريدج بشغله

رفاه:كولي خاله

ام احمد:الشي السمعتي من رفاه مااريده يوصل ل احمد

رفاه:والله خاله احمد شاكل ذمتي وحالف عليه بلطلاق كلي تحطين عينج ع شفق من بعد شغله مسلم واني مااغضب رجلي علمود شفق

شفق:عافتنه واكفين بلهول وصعدت

ام احمد:شفق لبسي وروحي يم حرير

شفق:شسوي يم حرير هاي عدهه وليد بعد اطكع

ام احمد:لبسي لعد نروح لبيت خالتج

شفق:وبعدين يمه لابد نرجع ولازم يشوفني خو مااظل مهزومه منه

ام احمد:ميخالف شي اهون من شي

شفق:وترديني انفضح خليني هنا هيه كتله وخلاص شيريد يعني اكثر يذبحني هم مااهتم خلي يذبحني

ام احمد:لا حول الله اني تعبت والله تعبت وحيل مابيه

شفق:شتكولين اكول لقيصر

ام احمد:اصبري لتكولين لغضب خل ننتظر بس انطيني رقمه خل احفظه بجهازي اخاف كلشي يصير اخابر عليه

شفق:حفظت رقمه بجهاز امي واني وياه كاعدين ع نار شلون واحد منتظر شوكت المصيبة تصير قلقل مو طبيعي صارت ١٢ونص وماكو احمد كلنه بعد وكت ع جيته رفاه بعد منزلت ورة وين سمعنه باب الكراج نطبكت

ام احمد:اجاك الموت ياتارك الصلاة

شفق:دخل احمد سلم امي كلتله اصبلك غده كله لا اريد اسبح ورفاه تصب
عافنه وصعد والله يمكن ربع ساعه بلاكثر وسمعت عيطته من فوك شفففققق كلت حسبي الله ونعم الوكيل ربي ونزل يركض علية مخل المخبل غمضت عيني واني اتحسب ع رفاه
محسيت غير شعري نجر وكعت بلكاع واكو ضربه قويه ع بطني صفح عطت من الوجع مهتم ظل يضرب بس اني محاسه بكلشي بس الم هلمنطقه متت وجع مينوصف لزمت صفحتي هو يضرب ويكلي منو هذه كمت ابجي وصرخ لحكولي بطني موتتني وامي تبجي وتصيح عوفه سحلني شمرني بغرفه امي وقفل الباب واني مستمر وجع بطني احس روحي دتطلع
واسمع كال ل امي ابقي رايح العمامي اليوم اذبحة يوميه جايبتلي واحد اريد اتحرك مااكدر لامه روحي وابجي من الم بطني ماانسه هلحظه ابد اخر شي ظليت اصرخ اريد واحد بس ينقذني
ييممه خابري قيصر خل يلحكلي اجتي امي تضرب بلباب

ام احمد:يمه شبيج كولي

شفق:بطني يمه بطني حموووت فدو رحموني

ام احمد:سوده عليه شسوي هسه شسوي

شفق:خاابري قيصر الوجع يموت مدااتحمل
امي مخابره قيصر ومفهمته كوة كمت مااكدر اعدل نفسي جريت شيله مال امي (فوطة)لبسته واني جنت لابسه دشداشه وبقيت اتلوه وره شويه سمعت صوت عرفته قصير ماادري ليش نزل عليه البجي عبالك مثل الوحده الي هضموهه واجه ابوهه يدافعلهه سمعته عاط شنو هيج يسوي وحق الله اكلب الدنيه وصل يم الباب صاح عليه من بين البجي والعياط كتله لحكلي حموت والله ظل يضرب بلباب تفلش والقفل بعده كم ضربه يله نكسر ركض عليه كلي شبيج احجي هزيت راسي ولازمه بطني رفعني من الكاع كالي اشيلج من الوجع كتله اي وصدك شالني وطلع للسياره خلاني وداني للمستشفى اول مشافني الدكتور كال هسه نسويله عمليه مصران اعور كمت ارجف وحدي اهلي ماكو وقيصر غريب ممتعلمه عليه ومابيه اكول لا وجع ملخني وصدك سولي العمليه همزين المستشفى حكومي جانت مدفعلي قيصر ذاك المبلغ فدشي كلش بسيط سويت العمليه فتحت عيني شفت روحي بغرفه وحدي ماكو احد يمي بجيت ع حالي الوجع البكلبي ميجي نقطه بحر يم وجع العمليه وبطني شويه ودخل قيصر شايل علاليك سود باوعت بوجة ابتسم

قيصر:حمدالله ع السلامه ياروح قيصر

شفق:قيصر رحمة ل اهلك بله هلسوالف دشوف وضعي
كلي اهلي وين ليش مجوي

قيصر:ارتاحي هسه اليوم تباتين عود بلليل نحجي

شفق:لا هسه نحجي كلي اهلي وين شنو ميعرفون اني بلمستشفى ليش مجوي

قيصر:شفق انسي اهلج
احمد راجع للبيت وملاكيج وعرف بيه اني اخذت وعرف اني المحاجيج بلتلفون اتصل بيه وكال لخاطر العشره هو كلشي مراح يسوي
كال بس مااريد اشوف لا وجهك ولا وجه تنسى عدهه اهل بيوم الي ترجع كال اتصرف غير تصرف

شفق:شنو
كمت ابجي بدون دموع حسيت الدموع خلصت ليش هيج يسوي وياي

قيصر:باجر نعقد واخذج للبصره بعد هاهيه اني اهلج شفق انسي اعتبري رجعت خطبتج مره ثانيه و وافقتي واني طلعت كلب ابن كلب وحرمتج من اهلج بس لتاذين روحج

شفق:لا حشاك
بس اني مااكدر اتزوج بدون علمهم شلون قيصر شلون ع الاقل خل يرجعني واهلك يجون وتصير خطوبه رسمي

قيصر:كتله مقبل شسويله
بس اني حروح لعمامج وطلبج منهم وشوفهم شيكولون

شفق:اي المهم ماازوج وهمه ميدرون

قيصر:شلون ميدرون اني مو كلت ل احمد رايدهه ع سنه الله ورسوله والي تريده اني حاضر صحيح اني غلطت واعترف غلطت بس والله نيتي صافيه جانت مقتنع قافل واني هم فشلت من كلامة بعد مااكدر اجادله عوفج منه اني اروح لعمامج ونتفق

شفق:هاي شجايب بلعلاليك

قيصر:عبايه اسلاميه خو ماتضلين تمشين بلدشداشه وجبت اكل

شفق:وره ساعه بلمستشفى دخل علينه الطبيب كال ميحتاج تبات نسويله خروج اليوم اني من كال هيج كلبي وجعني التفتت ع قيصر كتله وين حروح اني هسه هو خنزر عليه سكتت حجة ويه الطبيب

قيصر:انتظريني اروح اسوي خروج وجي

شفق:اجتي الممرضه ضربتني ابره يمكن مهدء لان كمت صح اكو الم بس اكدر امشي كمت لبست العبايه الجايبه وكعدت شويه اجة كال يله كومي كتله وين حتوديني

قيصر:وين اوديج يعني لبيت اختي هنا بغداد

شفق:بيت اختك عزه لا عفيه هسه شتكول عليه

قيصر:متكول شي اني افهمهه

شفق:شتفهمهه

قيصر:امشي شفق تره والله طلعت روحي امشي

شفق:اروح لبيت اختي انطيني جهازك اخابرهه

قيصر:لج يااختج اكلج ميقبلون سمعي كلامي يا عيني

شفق:اختي تختلف هسه من تسمع سويت عملية تستقبلني

قيصر:اني عاذرج هسه بلنسبه الج اني رجال غريب باجر اني رايح العمامج هو يوم واحد والله ماابقه يمكم بلبيت اروح عند صاحبي واختي رجله عسكري خفارات يعني بس هيه وجهالهه

شفق:لا انطيني جهازك اخابر حرير

قيصر:ماشي هاج

شفق:اخذته واني حافظه رقمه وحافظه رقم امي واحمد
اول مدك خنكتني العبره كالت

حرير:الووو

شفق:صوتي جان يرجف كتله الوو حرير اني شفق فدوه اريد اجي يمج بس اليوم هستوني طالعه من المستشفى

حرير:طبج مرض طايحة الحظ ترحين ويه ولد غريب تنهزمين عساج متي وخلصنه من عارج من وراج وليد منعني من اهلي عمامي وجهم مسود من عملتج

شفق:ليش امي محجت شي

حرير:امي بس تطم طملج خليه هاي خوش ركبتينه عار

شفق:سدته بوجهي
باوعت ع قيصر كال ها شكالت كتله يله نروح ل اختك

يتتبع.....