رواية مزهق للإقتصاص الفصل الثالث عشر 13 - بقلم رمش عقيل

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

꧁ـــــــــــــــــــ꧂

‏ولونَك مو دمع ماضمتك عيني ..
ولونك مو ڪحل ماشالتك عيني!
يلوموني واحسك تكبࢪ بࢪوحي ويلوموني
وانه بلا شوفتك شينفعن عيوني؟؟
يشوفي ورجوتي ودنياي...
ودنياتي ولوني وعذابي!
وبسمتي وشكواي وضنوني

꧁ـــــــــــــــــــ꧂

"ميراڤ"

دخلنه للبيت وهمس اصيح على هيف امي صاحت

::-ولجج المهفهفه وينج

ميراڤ::-اضن راحت لـ حمزة

دخلت همس للغرفة اشوفها وأمي راحت للمطبخ وما نحس اله على صرختها الي فززت گلوبنه ركضنه اني وهمس نفس الركضه واشوفها طايحه ومشمرة اديها وجها شاحب فتحت اعيوني على وسعها أخذتني الرجفه همس طاحت بالگاع ما تگدر حتى تتحرك صاحت بينه امي

::-ولچنن تعالن وياي راح تموت

وصلتها وگلبها نبضه ضعيف صرخت صرخة طالعة من أعماق روحي وخوف ورعب حسيت روحي انفصلت عن جسمي كل جسمي يرجف اني مو اختها ولا اقربها متت شحال همس ما أدري

اجت يمها همس وصلتها تريد أتلمها بس بس حطت ايدها على گلبها تتحسسها ونفسها صرخت صرخه طلعت من كل گلبها حسيت روحي راحت شلناها اني وامي وركضنه لاگانه خالي بالباب اخذها مصدوم ما يعرف شيحچي واني رجعت لـ همس

اگوم بيها اريد اخذها بس بعد متحس

::-اخذها خالي عايشه عايشه والله لاگانا بالباب واخذها عايشة والله

::-مااتتت ما لحگتها ماتت

گومتها بالگوه تتحرك صعدنه ثنينه بالسيارة وامي ساقت كل اللي أريده إنها تهدأ راح تموت بين ايدي شعور غريب يملي صدري بين الخوف والارتباك وكأن گلبي وعقلي انفطر من التفكير أتذكر هاي مو نفس الجنت اللي أسولف وياها قبل شوية حضنتها وهيه تشهك طاحت بين يدي وصرخت مفزوعة أبچي

::-يممههه همس يممه

انطتني ماي وكل شويه تتلفت علينه حسيت بالتوتر
وگلت راح انسوي حادث من وره التفاتها علمود همس اخذت الماي ورشيت عليها الماي حاولت أهدأها بس گامت تصرخ وتلطم وكأن كل شي حوالينها اختفى وماكو غير وجعها اللي يملي المكان

همس::-يمهه خربتهم وما حميتهم ضيعتهمم يمههه

گمت ابچي على صوتها وهيه احسها فقدت عقلها

::-مهايف يروح اختج عايشه ماتموت يارب دخيلك

حمدت ربي من وصلنه بسلامه دخلنه نركض ما قبلوا يدخلونه صرخت تلطم لحد ما شفنه خالي اجه من بعيد شوفهم التقرير والاسم يلا رحنه للطابق الثالث وهاي شمرت روحها تبچي بصريخ من گال

::- انفجار بالأوعية القلبية لأن ما تاخذ العلاج بشكل منتضم

وهنا گامت تصرخ صريخ ركض الها خالي

::-وينهاا وينهاا

::-بالعمليات

رحت الها حاضنتها أبچي ومن وصل حمزة نهد حيلة اكثر منها گمت أحس روحي راح تنفجر من الخوف الدكاترة ساعه كاملة ضاعت بلا أي أثر منهم بعدين وصلوا دياب وشيث ووراهم بساعتين وصل أمير الي من حچوله طاح على حيله نهد وهمس من بچيها ما گام يطلع الها صوت ولأنهم يعرفون الي يصير عنده هيج ما يعيش اجوا يموتون.

گعدت ساندة راسي على أمي وشفت اثنين اجوا يركضون سديم والحسن لابسين الكيس يلبسون بالكمامات دخلوا همه وبقينه على هالگعده لحد ما شفت همس بعد ما تتنفس ركض الها أمير وهيه ما تگدر تتنفس ركضت الها ادفع بيهم

::-شويههههه مجاال خل تتنفس

الأمير::-لا تكسراً ضهري بروح اهلچن مالي بالدنيا غيرجن

حطولها تنفس اصطناعي يلا صارت شويه زينه حضنت اخوها تبچي

همس::-مالي حيل اخسر احد والله اموت

حاضنها ومغمض اعيونه طلعوا ممرضين يركضون طفروا هوة وحمزة مفزوعين يصيحون وهمه جابوا جهاز القلب ورجعوا يتراكضون ركض يصيح

::-والكاافل اذا اختي صارلها شي يااويلكم سدييمم

لزموا دياب وشيث وهوه صوته يفطر الگلب وحمزة گعد بالگاع لازم وجها

ومن وصلوا باقي ولد عمه وعمامه وهمس گبت عدها واكفين مسافه عن غرفة العمليات وهيه تحچي بصوت عالي بس من گد ما مبحوح ما يطلع

::-أطلعوااااا رووحوااا هاذا چاان البالكم من الأول صار كلشي راح نموت واحد ورا الاخرر طلعوااا

اخذتها امي تريد أطلعها

::-عوفينييي خلل احچي ليش انيي مو عفتها كلشي ما بيها اختي مو چانت زينه شسويتووا الها اختيييي من چااانتت صغيرة بقت يمكم شلون هيج صار بيها شلوون

أمير سحبها بأيدين يرجفن صوته مخنوگ وهو يگعدها ويحچي وياها وحمزة ما ظل بيه صبر حضنها ويبوس براسها يريد يرجع بيها الروح وهيه بالگوه تتنفس وكل تنهيدة أقوى من الثانية متگطعة عبالك تموت وترجع تعيش.

واحد من الولد أجه بسرعة ووياه بطل ماي ما عرفته منو بس انطاها لأمير أخذها غسل وجها بيده عيونها اللي جانت تلمع ببياضها قبل شويه هسه أحمر

حمزة گعد على صفحة حط راسه بين إيديه رجله تهتز من القهر والعجز صوته مكتوم ما أعرف شكثر مر وقت واحنه بهل حالة بهاللحظة طلع الدكتور وكل الوجوه التفتت إله دفعة وحدة أخوانها غمضوا عيونهم كأنهم عارفين وشاردين من الحقيقة والوقع كله أو يمكن يذكرون يتوسلون الله ما ينعاد اللي صار قبل

::-الحمدلله على سلامتها

اهناا من صرختي وفرحتي احسها كلها عاينت عليه بس اني ما اهتميت رحت اركض الـ همس الي گعدت منهارة تبچي بصوت عالي حضنتها بقوة والفرحة والخوف اثنينهن سوه أبتعدت عنها وأمير وحمزة بعدهم مكانهم ما مصدگين

شوية وطلعو الحسن وسديم وكم دكتور وياهم بعد وهما تعبانين وينزعون الكمامات والكفوف الحسن صارت عيونه على همس وبعدها على أمير والتفت طالع يمشي هوه والوياه بدون ما يحچي سديم راح نزع ملابسه ورجع يمهم صار يضبط القيود ويبسِط ما يصير واحد يدخل إلها خلال الـ24 ساعة همس بعدها تلوب دارت على سديم وصوتها يرجف

::-انتَ چنت ويه الكادر مالتهم تگدر تگدر خليني ادخل

::-ما أگدر

عضيت شفتي شگد تكرهم شلون طلبت منه دنگت بأنفاذ صبر گام أمير وگالها

::-تعالي وياي

حطت ايدها بيده وراحوا بالگوه تمشي من اطشر الكل رجع دياب شفته جاي من بعيد گالت امي

::-يلا ماما نمشي

::-وهمس

::-يمها اهلها

::-ماما فدوه خلينه اهنا

::-ابوها واهلها اهنا امشي

مشينه اني وياها ومن وصلنه البوابه اجه واحد يحچي ويه خالي شوية وأجه خالي يحچي ويانه

::-مرة أمير يم بيت حمزة روحي يمهن

اشرت براسها اي وطلعنه وهيه فد تعبت اليوم

::-اسوق بدل عنج

::-علمود فد مرة للنجف نطلع

::-لا ترا اعرف

::-ماما حبيبتي اكعدي ...

"سما"

خابروا حسيته بعد ما يشوف دربه فرها ورجع منين ما اجه بس عبر على غير شوارع ومن گد السرعه

::-أميرر هدي

حسيت روحي تموت وهوه يدوس البنزين بكل سرعه حتى الصوت مالي ما يسمعه احس حتى شريان اعيونة طك كأن الدنيا صارت سدة بينا كل مرة أصور المشهد براسي هسه أدي تفلت گلبي يتگطع من الخوف فجأة شفت شاحنة تطلع گدامنه قريبة صرخت بصوت أبجي

::-أمييييرررر رااح نمووت أمير بس گلي شكو

::-اخواتي وحده منهن بالمستشفى ما اعرف ياهي ما اعرف

گالها وهو يمسح بوجها سديت حلكي أبجي وهو طاير الطريق الي نوصل اله بأربع او خمس ساعات وصلنه بثلاث ساعات نزل يركض وعافني بالسيارة بقيت بيها واني ارجف وأبجي اتصل عليه وما يشيله مرت ساعتين وصارت عيني على غفار

::-غفااار

التفت علية گلت

::-شكو شصاير

::-شعندج اهنا

::-اجيت ويه أمير بس ما خلاني انزل

::-شعندج نازله كلها ولد اوگفي اوديلج واحد يرجعج

::-لاا ما ارجع منو الجوه ياهي منهن

::-هيف

شهگت واني اعاين بوجه

::-شبيها

::-انفجار بلأوعية القلبية

::-أسم الله وشلونها

::-ما أدري والله

راح وصدك دزالي شيث سلم وصعد ردت انزل اصعد ورة وگال

::-أكسر رجلج اذا نفتح الباب

درت عليه اعاين بصدمه

::-ماا أريد ارجع

::-اوديج لجهنم

ساق واني بعد ما حچيت شلون اخلاق شويه وطبگ باب بيت نزل وگال انزلي لا افلشها

::-فلشها

يدگ بالباب وتلفونه على اذنه لحد ما  أديان صاحت بصوت مبحوح

::-منوو

::-خرياان

فتحت الباب مستغربه باوعت عليه وعلي بدون ما يسلم اصلاً دخلنه ورجع سد الباب وراح وهيه اعيونها مورمه

::-شعجب اجيتي

::-چنه طالعين اني وأمير وفجئه اتصال خردلنه تخردل هيف بالمستشفى ...

"همس"

بعد حچي اهواي من أمير ومن سديم وحمزة وخالي يلا قبلوا گالت الممرضه

::-تگدرين تشوفين المريضة بس لازم تتعقمين وتلبسين ملابس خاصة لأن هي بالعناية المركزة

گمت بسرعة گلبي يدگ بقوة الممرضة أخذتني لغرفة صغيرة على صفحة أنطتني روب أزرگ طويل وغطاء للراس وكمامة وواقي للأحذية أيدي ترجف بالگوة ألبسهم واحد واحد كل ما ألف الرباط أو أعدل الكمامة أحس الوقت يركض وعيوني ما تفارگ الباب اللي راح أدخل منه بعد ما خلصت الممرضة فتحت باب الممر المؤدي للعناية المركزة ريحة المعقم قوية وأصوات الأجهزة من بعيد صابتني رجفه دخلت وأحس روحي راحت

ممددة لابسة ثوب المستشفى الأزرگ وجهها شاحب بس هادئ وعلى صدرها أسلاك المراقبة متصلة بجهاز مقياس ضربات القلب و أنبوب أوكسجين صغير مثبت بأنفها وإبرة بيدها والأجهزة تطلع أصوات خفيفة منتظمة.

وگفت يم الچرباية لزمت أيدها ارجف ايدها باردة بس دافية دموعي نزلت وبصوت شبه همس گلت

::-شلون عفتج ولچ شلون ما راقبت وقت علاجج هاذا أمير الي عنده شغل وهاي شلون دار باله عليج واني اسبوع ما گدرت اكمله دايرة بالي عليج شلوون

الممرضه::-لا تحاولين تحركينها أو تحجين وياها هواي هي بعد تحت تأثير التخدير وتحتاج راحة

مسحت وجهي بست وجها اشتمها مو ريحتها متروسه ريحه المعقمات صافنه بوجها شويه وطلعت ارجف نزعت كلشي ورجعت بالگوه امشي لاگاني حمزة ضميت روحي بحضنه اريد اشرد من كلشي لحضنهم اريدها ترجع واني أصير بمكانها همست بصوت مبحوح

::-أريد أموت

::-اسم الله عليچن

التفتنه على صوت أمير گال

::-اخذ همس للبيت

هزيت راسي بـ لا

::-ما اروح

لزمني من وجهي باسني بين اعيوني وگال

::-تتأخر يلا تفك من البنج أول ما تگعد اجي اخذج وهم روحي جيبي الها ملابس

::-لا باقيه اهنا خلي ميراڤ اجيب الها

مسحت وجهي واني اريد امشي گعدت باب غرفتها امسح بعيوني اجوا گعدوا يمي أمير يمي وحمزه گدامي

أمير::-گومي غسلي

هزيت راسي بأي وچانت هاي اول مرة اسوي الي يردونه بدون ما اعاند رحت اتمشى باخر الممر وأحس گمت ما ركز والدنيا گامت تفتر افتح وأسد بعيوني لزمت بالحايط وأحس واحد صاح

::-الله الله

وهو يلزمني من معصم ايدي وأخواني اجوا يركضون الي بالكوه أركز ما اگدر افتح اعيوني من صرت بين اديهم استسلمت لفقدان الوعي ...

"سما"

للمغرب واحنه نفتر ما نعرف شنو انسوي وكلهم ما يردون كلهم شويه وأندگ الباب راحت تركض بدون حتى ما تگول منو فتحت الباب صارت گدامها مرة وبنيه سلمت عليهن وگالت تفضلن وضلت تسأل بيهن

::-الحمدلله طلعت من العملية بالعناية المركزة

أديان::-الحمدلله والشكر اكو خطر عليها بعد لو لا

::-ما أدري بعدها

دخلتهن سلمت عليهن وأديان انطتهن ماي الحمدلله والشكر يارب رحنه گعدنه يمهن والبنيه گالت

::-اديان انطيني ملابس اريد اسبح

گامت ويه اديان والمره بقت سمعت تلفوني يرن گمت اشوفه "أمير روحي "

::-الو

تنهد تنهيده طويله گلت

::-الحمدلله على سلامتها

::-يسلمج الله عذريني وعلي نسيت

::-حقك

::-ابقي يم اديان على ما يجي واحد من الولد يرجعج

::-ارجع وياكم ما أرجع وحدي

::-لا بس يجي واحد رجعي وياه

::-ويامن اجيت ارجع غير هاذا الحچي ما عندي

::-اخوتج اهنا

::-مالي شغل

سده بوجهي وبعد ما خابر سوينه عشاء لـ روان وبتها بس ما كلن لليل گامت روان وهيه تگول

::-راح اسوي شوربه اني حطي ملابس لـ همس واختها وحطي اكل لأهلها وعمج

هزت راسها بأي

گامت واني رحت وراها اغسل العدس وهيه غسلت الجدر وحطته على الطباخ وميراڤ تفتر وراها

::-اروح وياچ

::-اگعدي وين ما شفتي متروسه ولد

::-مااا فدوه

دارت عليها خازرتها

::-اگعدي

::-رونه روني

::-بس انتِ فهميني شسوين ها شسوين

::-اشوف همس وهيف

::-هيف ما گاعده بعدها وهمس حال ضيم حالها ششوفين منها

::-اساعدها

::-مو چني طولت خلك وياج امشي لا بالمس على وجهج

وكفت ضايجه على صفحه كملت امها وخابرت على اخوها يجي ياخذها لأن ايدها توجعها شويه واجه ما دخل من الباب وطلعوا واحنه بقينه ...

"همس"

گعدت وبثگل فتحت عيوني راسي مصدع عاينت بصفي لگيت أمير گاعد عالكرسي لازم أيدي بخفه مغمض عيونه ملامحه شاحبة بس واضح التعب مرسوم على بوجهه.

رفة بسيطة صارت بأصابعي هوه حس بيها فتح عيونه بسرعة عاين علية عيونه مليانة دمع وحمر بس بعده يحاول يبين بالقوة علمودنة مد أيده الثانية ومسح وجهي يريد يطمن نفسه قبل لا يطمني.

وحسيت حركة خفيفة من بعيد عاينت الگيت حمزة واگف يم الشباك ضهره إلنا بس من حركتي التفت بسرعة

::-شلونج

هزيت راسي بمعنى زينه باوع على المغذي بعده ما مخلص

الأمير::-تاكلين؟

::-لا

هز راسه بـ لا دمعن اعيوني والغصه صارت بالعومي

حمزة::-هاي عمتي جابت اكل

جابه انطاه الـ أمير فتح العلاگه يطلع الأكل وهو يسولف

::-هاي تاكلين علمود من تگعد هيف تبقين يمها وتوكليها اذا گعدت ولگتج انتِ هم متخربطه ما يصير يبعد اخوج هسه لازم تهتمين بـ هيف مو وقتج

يحجي ويريد يوكلني اشر عليها اكلت الگمه من ايدة واني أگله والغصة خانگتني

::-أسبوع اسبوع ما حميتها ما گدرت

::-مو صوجج والله هيه تعاند وحتى اهناك لو ما تخاف ما تشرب علاجها أبد هاي احنه كم واحد بالبيت كلنه نركض وراها

أبتسم وگال

::-طولها شبر وعمرها ما واصل العشرين وساحلتنا

أكلت ثلاث لگم وهو باقي يريد يوكلني هزيت راسي وگلت

::-هاي هيه

::-بعد شويه

::-انتم اكلتوا

::-اي

اعاين بوجه بعده ذاك الحنين الي ما يجي بعده احن منه ولو عصب يجن علينه غمضت أعيوني وذكرت زعلنه فتحت أعيوني اعاين عليه صافن على أيدي وجه باهت وعيونه حمر مسحت على أيده شال راسه يعاين علية حط الثانيه على وجهي اعيوني مدمعه سحبتها أبوسها

::-كله مني

::-مالج دخل والله لا ضلين تلومين

حمزة::-مرتك راح الها اخوها ويه ابوي وما قابلة ترجع

حس وجه وطلع تلفونه وهو يخابر واني اسئل بي

::-شعجب جبتها اذا تريد ترجعها

::-حضي الفگر من گالولي چانت وياي

همست

::-قصدك رايح أطلگها

رفع راسه يعاين علية

::-هاي مو صدفه ممكن صار علمود ما تتهور ولا ترجع تحاول ممكن المرة الجايه يصير شيء اقوه لا سامح الله

سد تلفونه وهو يذكر هز راسه بلا

::-مو مناسبين

ابتسمت واني اگله

::-المرة الجايه سويلها سبرايز بنجف

::-شبيج اليوم ويه الموت

دار وجها وگام يريد يطلع ما عاجبه

::-اي اشرد اشرد

غمضت اعيوني شويه ودخل حمزة يلملم بالعلاليك باوع على المغذي باقي بي شويه گلت اله

::-كافي اشلعه

::-ما بقه شي ويخلص

::-ما صحت

هز راسه لا شويه وبعدين خلص أجت ممرضه سديم شالته من أيدي خالي أنطاني علاكه مال ملابس أخذته من إيده على أساس أبدل بس ما أبدلت طلعنه بصالة الانتظار وگعدنا ساعات طويلة من التعب واليأس رحت غسلت وبدلت ملابسي ورجعت لهم رحنه بغرفة منعزلة چانوا هناك ناس وما سمحوا لنا ندخل الها يوم مر والليلة ثانية وهيه ما صحت واحنه الخوف احتلنه بس الدكتور يگول مستقرة حالتها بس احنه الخوف صيطر علينة وبعد ساعات صحت بس ما سمحولنه ندخل.

كم ساعة دخلونة يمها أول بس أني وأخواني وهيه بالگوه عليها وتبچي من الألم حاولت أهديها ورددت كلمات تهون عليها وبالأخر گمت أبچي وياها دخلوا الدكاترة أنطوها مسكن وإحنه بعدنا گاعدين يمها وما أدري شنو طلب الدكتور بالضبط لأنّي ما چنت مركزة وياه وكل تركيزي عليها گمت أبوس براسها وهيه تباوع علي بعيونها المليانة دموع وكل شعور الخوف مختلط بيه.

::-حلوين كلكم سوه خل نبقه هيچ

أمير::-نبقه مدام ريتي تريد شعدنه غريها

أبتسمت وگالت

::-يلا طلعوني

::-لا مو اليوم هسه بعدج مريضه

بقينا يمها شويه وكلناها من الشوربة الي جابتھا روان وچنت أُوكل بيها وأتابع حركتها بعدين دخلوا ولد عمها يسلمون عليها ويضحكون ويسولفون وياها شوية وطلعوا وبعدها طلعوا أخواني أحس بعدين دخل واحد بدون ما أنتبه منو گلت

::-الكلنس يم الجنطه انطيني

كل ضني واحد من أخواني بس من شفت هيف صافنه التفتت وشفت واحد داير ضهره حتى يجيب الكلنس ولمن التفت چان دياب انطاني الكلنس وگال

::-شلونه هيوفه صارت

أبتسمت وعيونها مدمعة هزت راسها بمعنى زينة مسحت حلكها وشربتها قطرات من الماي وهو باقي يحچي وياها دخلت الممرضة حمدت ربي لأنها أجت وطلعتنه علمود تنطيها العلاج.

طلعت أمشي بالممر وماكو أحد بس أنا وياه أحس بودي التفت أخنگه بأيدي ومن دخلت بالممر الثاني لاگاني خالي واگف.

::-يلا بابا للبيت

::-لا اهنا

::-لا حبيبتي انتِ واخوانج اني باقي

من شاف دياب وكف يحجي وياه

::-تفضل ويانه

::-الله يخليك الله يحفضك تسلم ياطيب

فريت حلگي وعيبت عليه ومن رفعت راسي لگيته منتبهلي نزلت راسي وفتحت التلفون چني ما مسوية شي مشيت شويه عنهم شفت ميراڤ مراسلة كاتبة.

::-ادري مو وكتها بس گولي لـ دياب تأجلت الجلسه من قبل الخصم

::-دولي اني بيا حال

شويه واحنه طالعين دگت رديت

::-الله عليج والله ما يرد چان گتله ماكو كلهم

::-لخاطرج والله

أنداريت لخالي احچي

::-خالو بس عندي شغله هسه اجي

::-منتضرج اهنا

رجعت للمكان اللي چنت بيه درت وجهي أحاول أدوره أتلف حواليني وما شفت أثر اله ورجعت على خالي بس بعدني بمسافة عنه.

عاينت عليهم من بعيد شفتهم بالحديقة مال المستشفى هوه وشيث يسولفون ويضحكون رحت بتجائهم بخطوات سريعة بدون حتى ما أسلم ولا أسولف كلمة زيادة گلت

::-ميراڤ تگول الجلسه تأجلت من قبل الخصم

شيث ذب الچاي ونتر بية

::-هيههه يوميهه همه مااعدهم دليل بالگوه يردون يلبسونه التهمه

::-هييي حضرتكك عليمن اصيحح هااا عليمن شوو أنتَ مدري شلونكك

شيث::-بالله عليجج تعالي اخذي راشدي فد مره

::-اي اخذ راشدي ليشش لاا والله العظيم اسحولك بالمحاكم لو عليت صوتك علية والله العظيم

أحترك گلبي التفتت امشي وهو غلط اهناا اشتعلت وجن أجنوني

::-الغسل الج ولخوتج على هالأسلوب

::-انيي موو اگول لاا تغلطط هاا هااي عليمن تروح فدوه لتراب حذاتهم

::-ولچجج

دياب::-بعد اخوج امسحيها بشاربي

::-خرا على شاربككك وخررر

اهنااا استوعبت شگلت لطمت على وجهي

وهو يريد بالگوة لازمه ساعتها من ورة كلمتي صفنوا اثنينهم

::-اسفه بس انتَ والله حضر نفسك

ودار راسه عود ما عاجبه وأجته كفخه من ابو الجود أنا من ورة الفشلة بعد ما حچيت درت ضهري ورجعنة للبيت دخلت سبحت وبدلت جسمِي كله منهك ميتة من التعب بس ما كدرت اعوفها لحظة وحدة جمعتلها جنطة صغيرة عطرها اللي تحبه تراكين مرطب شفايف ومرطب للوجه واليدين هيه بيا حال بس هاي سوالفي أحاول أخفي خوفي واظهر أمور طبيعية بس كل نفس وياها يحسسني إنّي مالگادرة اعيش اني الي ما گادة اعاين الها.

طلعت ويه خالي ملامحه مبينة كلش تعبان بس هو ما يريد يبين ولا يعوفنه وحدنه رجعنه للمستشفى وشفتهم بعدهم واگفين بنفس المكان ينتضرون.

الأيام كلها ملازمين ريفان حتى خالتي اجت مرتين ورجعت البنات ماقبلوا اعمامهن بس على اتصال وياها مرة أربع أيام وهيه بالعناية المركزة وضعها ما مستقر كل دقيقة بيها تصير سنين باليوم السادس العصر نقلوها لقسم جراحة القلب بلش دوامها صار أسبوع كامل واحنه كاتلنه التعب. أمير قرر يأجر شقة قريبة من المستشفى كلشي بيها مرتب وگال بس تطلع هيف نجي أهنا  بس هوة بنفس الوقت يريد يرجعها لبيتهم وأنا ما قبلت كلش ما گدرت أجرع فكرة أبقه بعيدة عنها وقرر ياخذني وياه بس هم ما قبلت

مرت أسبوعين حتى خالتي رجعت اجت ورجعت  لبيتها وجدها هم اجه بس اعمامها من يوم الحادث بالمستشفى وبعد محد اجه من گمت اصيح بعد هالفترة كلها طلعنه للشقة فتحت الباب النة مرة أمير لابسة صاية وحجاب ابتسمتلي ابتسامة هادئة نزلت ويه العربانة مال هيف حتى اسلم عليها سلمت عليها ورجعت سلمت على أمير وخالي وحمزة من بعيد واني حضنتني همه ردوا السلام ودنگت راجعة ليورا گالها أمير

::-رتبتي الغرفه

::-اي كملت هاي

دخلناها للغرفة چانت كلش مرتبة وريحة المعقم خفيفة واني اعاين على غرفة جهاز نبض جهاز ضغط دم جهاز الأوكسجين وكلشي جاهز حسيت الغرفة صار بيها نص أمل ونص خوف اجه سديم ركبلها الاچهزة وانطاها العلاج وراح وأمير گعد يمها وهوه يطمنا وهي عيونها نص مفتوحة بعد لحظات سدت جفونها وغفت طلعنة وخليناها تنام طلعنة أنسولف وأحس ارتاحيت شوية من طلعناها اهناك چنت لازمه گلبي بيدي خاف اصير عدها مضاعفات او نزيف بس الحمدلله.

رحت يم سما تصب اكل النه غسلت وگفت يمها

::-اساعدج

أبتسمت وگالت

::- تسلمين اذا تردين اسبحين ملابسج خليتهم بالغرفه

باوعت عليها

::-يا ملابس

ونفس الأبتسامه حقهم يحبوج عمت عين گلبة أمير اي والله.

::-ميراڤ جابت الج ولـ هيف وگالت غرفتج صارت الي بعد مالچ غرفه

بدون اي كلام خابرت على ميراڤ

::-الوو

::-وسمييي وعمي ان شاءلله ولجج جايه غرفتي شايفه اذا يتحرك منها شي اكص راسج دير بالچ

::-لا والله دولي

::-أنشوف

::-المهم شوفي اگلج أي قضية تجي ألج گاعدة ارفضهن بنائاً على طلبج واني ضجت وحدي فراح أي واحد يراجع المكتب رح أبلغهم تستلم

::-لا مالي خلك والله

::-يلا حبيبة

::-خاب ولي

::-ايي ايي وافقتي مو المهم جايكم بليل

::-هلا بروان بس مو هلا بيج

::-فگر

سديته منها صبت الأكل على الطاوله سما واني واكفه بس ديكور

::-امم اريد احچي شغله

::-اي گولي

وهيه تحط الزلاطه على الطاولة گلت

::-ليش تردون تنفصلون بقى بالي وياكم

دارت مصدومه رحت اخذت خيارة واني أگول

::-ترا ما گال چنت اتصل من فتح بالغلط اجه واحد وحجه

هزت راسها بأي

::-ما نتناسب

هزيت راسي بأي

::-والله هوه هم صحيح اني لو عندي أمير من زمان مو بس طلگته لا خلعته هوه ينحمل لعد علويش اني زعلانه

عضت شفتها وهيه تأشر بعيونها وراي

::-لا على أيش تگولين الها سمعت احچي بعد اخوج حشي بيه هاي گدام مرتي وتحچين علية گدام الغريب شسوين

::-جذبب هيه صار ساعه تحچي عليك وتگول ما منه فايده وبس معصب وكلشي ما شايفه منه وحتى گالت هيه تحبك بس انتَ ذالها ف گلت خطيه احچي وياها اراعي مشاعرها

البنيه من الصدمه ومن حچيي فتحت اعيونها على
وسعها وشهگت

::-اسفه بس اني ما أمن بنفسي مو نوب تجين تخلين عندي اسرار اني بيري بي نفق تذكرين شلون باب الحارة چانوا يعبرون المونه بالحصار اني هاذا بيري

لحضه صمت ثنينهم صفنوا ...

"سما"

همس بهاي الشغله حچت الي بگلبي سنين أبلع بريگي وهو باقي على صفنته من صاح اخو يلا طلع وهيه غمزتلي وطلعت شويه ورجع گال

::-كملتي

::-اي

دخلوا غسلوا وگعدوا واني جبت البن وگعدت بالكرسي الي بين همس وبين أمير واني ما أتخطى كلامها وهيه مبتسمه عادي وتسولف

::-ما تونسون انتم اروح اگعد هيف احسن

صاح بيهاا

حمزة::-اگعدي

خزرته تعيب عليه وتباوع بينهم عاضه شفتها تريد تگول شغله صافنه عليها وعايفه اكلي افكر بالگالته ضحكت وگالت

::-فرش ونار

رفعوا راسهم ثنينهم وهيه غصت بالضحك وأبو حمزة مبتسم الها

أمير::- يجمر عيني ودم وريدي ياويلج

وره كلمته سكتت وگامت

::-الحمدلله شبعت

گالتها وهيه تگوم

::-همس

گام وراها هوه وحمزة وأبو حمزة هم گام لميت المواعين أعزل بيهن وهو طلع گعد يمي بالمطبخ
أخو وأبو راحوا غسلتهن اجه يمي يريد يشغل الطباخ بس ما عرف شغلته اني حط ماي بالقوري وحطه على الطباخ وراح گعد بالصالة.

كملت مسحت الميز وخليت چاي وهو باقي كاعد بودي اگولة يسوي روحه الچاي بس ما حچيت ضميتها بگلبي فار طفيته وصبيت ألة ولأخته أنطيته ورحت فتحت الباب على كيف.

شفتها كاعد بالصفحة الثانية للچرباية عيونها مركزه على اختها واليدين تتحرك بخفة عليها التفت علية تمسح بوجها وگالت.

::-تفضلي

انطيتها الچاي

::-تعلمتي للدوه علمود المسكن خاف تگعد بليل

::-اي مو گال سديم يجي

::-ما ادري هسه اگله

::-تسلمين

طلعت منها ورحت للغرفة صار الأذان گمت أصلي.
دخل هوه فرش مصلايته بالصفحة الثانية گدامي كملت صلاتي بعدين رحت عليهن لگيت همس أصلي طلعت منهن أفتر ورجعت لگيته مكمل صلاة ومتمدد على الچرباية.

::-يجي سديم؟

::-لا إجر بالشقه اليمنه نخابرة

::-العلاج

::-اعرفه

جاوبني بهدوء هزيت راسي بأي وطلعت گلت الها ورجعت اخذت التلفون لگيت مُنتهى وسرور وزهرة مراسلات كلهن يسألن سويت أكروب وگلت الهن "الحمدلله والشكر احسن من قبل تگول اختها اليوم طلعوها قبل شويه"

لليل اجت ميراڤ وأمها وراحن باليل عزلنه الشقه اني وهمس وسديم اجه تفقد حالتها وانطه العلاج لـ هيف  اجينه أنام واني عاينت ماكو لا غطه ولا حتى فراش ثاني وهو من شافني گال

::-تعالي اهنا

::-وانتَ

::-يمج

هزيت براسي لا

::-ما أريد رايحه يم اخواتك

::-أطلعي خاطر اكسر رجليج

::-لااا اصيحح بكيفك هيه

گمت أريد اطلع گام بسرعه ولزمني من ايدي ورجعني عليه

::-تعبان هيدي

::-علمود اختك والله

::-يصير خير

::-ما اريد انام يمك

::-ما تتحملين

رفعت راسي اعاين بعيونه وگلت

::-انتَ ما تاخذ راحتك

::-عادي نامي

گمت ذبيت الصايه والحجاب وتمددت يمه يباوع بالتلفون واني غطيت نفسي كل واحد بصفحة شويه وغفيت گعدت الفجر نايمه وجه عليه وجهي صاير بنحرة خليت راسي واني أستنشق ريحته.

يا بعد كل روحي انتَ اعاين عليه شوية وگمت توضيت ورجعت أريد أطلع من المطبخ شفته گاعد بقيت متجمدة بمكاني

گام راح لخواته فتح الباب على كيفه واني أباوع عليه دخل وخلى الباب مفتوح شافهن باسهن ثنينهن.

اني التفتت دخلت لبست حجابي والصايه لأن ماكو چادر أخذت التربة

وهو هم دخل متوضي بس بقى گاعد على الچرباية. كملت صلاتي سلمت وتسبيح فاطمة الزهراء وهو بعده على گعدته.

كملت گمت ذبيتهم وتمددت الجو كله هدوء وسكينة بس كل حركة وكل نظرة تحمل إحساس الطمأنينة وهو واگف يصلي بقيت صافنه بي من كمل بقى گاعد على المصلاية يدعي كل ضني يطلع بقيت منتضرتة.

علمود إذا يطلع اگوم أسويله ريوك وقتت التلفون بـ8 ونمت من شفته طول كعدت على صوت سوالفهم.

گمت لبست وطلعت خاف أحد يمهم طلعت لگيت هيف وأمير يسولفون بالغرفة وهمس أسوي ريوك وهو يساعد بيها واحد ما يحچي ويه الثاني.

التفتت لهمس اساعدها اخذنا ورحنه يمهم للغرفة گالت هيف

::-هلا ومية هلا بمرة اخوي الحيه كلا للحيه قنديل على گولت سديم

همس::-طاح حضج على حض ولد عمج كلهم

دارت خازرتها وهيه ما تعاين الهم دگ تليفون همس ردت عليها تحچي

::-لا ما اجي مو گلت البارحة ديلا خوش

وصدك محد داوم وبقوا شوية واجوا أديان وحمزة بقوا للعصر سوالف وضحك ويه هيف وراحوا وهمس مطنگرة على أخوانها اثنينهم على گد السؤال.

حمزة حاضن هيف ويسولف وياها وطاكهم هيه وأمير اثنينهم بعرض الحايط وحس بعدها بينهم أو ما متقبلين بعض هم حمزة وهم أمير.

قبل المغرب بشوية هوه گاعد مسافة عنها على القنفه وهيه على القنفه الثانية هيف نايمه واني بالمطبخ أسوي العشاء ترفع راسها تعاين اله، وترجع تنزل عيونها على تليفونها.

آخر شي خابرت على ميراڤ ودت بيد واحد ملفات إلها گامت تريد تطلع وهو صاح عليها

::-وين؟

::-مالك دخل

گام يمها ورجع گال

::-وين تردين غير تگولين

::-نازله ميراڤ دزتلي ملفات اريدهم

::-اني اجيبهن

رجعت، وهيه معبسه وجها عليه انطاهاً بقت تدرس بيهن وتگلب نوب سدتهن بعدين خابرت ميراڤ سدته ورجعت لنفس هوستها.

أمير::-سؤال وحسب ذكائج جاوبي

::-ما اريد

::- أسمعي

::-خووش

::-إذا موكلچ أجاج يگول هوه اعترف بجريمة قبل بس هو هسه گال إنو چان مهدد شنو أول خطوة قانونية تسوينها؟

بقت صافنه بوجه

أمير::-يلا يلشاطرة

گامت وهيه بيدها كوب اخذت من البراد ماي وگالت

::-أول خطوة أطلب نسخة من محضر التحقيق وأتأكد إذا الاعتراف اتوثق بحضور محامي أو لا

أبتسم ابتسامه خفيفه وهز راسه وهيه شربت ماي ورجعت يما تكمل

::-إذا لا أقدم طلب بأبطال الاعتراف استناداً للمادة اللي تمنع الأخذ باعتراف تم تحت الإكراه

::-خوش بس إذا القاضي گال ماكو دليل على الإكراه

::-هسه هاي منو يسألها وشستفاد

::-غير اقيس معلوماتج

::-افتهم

::-جاوبي واني اقرر

رفعت حاجبها

::-هوه انتَ كلك متخرج قبلي بأ5 سنوات

::-7

::- ماكو فرغ

::-اكو سنتين وين طارن

::-جاوبي

::-عيده

::-إذا القاضي گال ماكو دليل على الإكراه

صفنت وهيه تخمن وبلشت أسولف

::-أقدم شهادات أو قرائن تثبت التهديد أو أضغط على جهة التحقيق تكشف الكاميرات وإذا انسدت كل الطرق أشتغل على ثغرات القضية وأحول التركيز على ضعف باقي الأدلة لأن القضية إذا اعتمدت بس على اعتراف مشكوك بيه تنهار.

::-أبوس عقلج

::-أريد هديه

::-أنطيج أعيوني

::-خليهن المرتك بطلت

چنت على الطاوله اثرم الخس بس من سمعتها گلت

سما::-انتِ بس گوليي ليش ادخلين مرته

رفعت حاجبها وضحكت لأن عدهم رفعت الحاجب وراثه گامت للمطبخ باوع عليه وعليها تزلت عيني وگمت أغسل الطماطة.

سكتوا شويه گامت يما بتسمت عليها شلون ساعة تطنگر وتزعل ساعة ترجع طبيعية ومبتسمه گامت تسأل بي وهوه يجاوبها وتراوي بالملفات ويرجع يدرسها وياها مرت اربعة ايام وخرنه الأجهزة من هيف.

بيوم أذن گمنه نصلي وهيه من كملت رحت لگيتها هيه اصب گالت

::-اجيت

::-كملت بس طلعي البن اروح اگعد هيف

هزيت براسي أي غسلت وطلعت البن وهيه جابت اختها گعدوا وأجه أمير هم گعد يم هيف ويسألها شنو اليوجعج

أمير::-اي حبيبات هيف بالله مريضه وما اداوم انتن شنو موضوعچن

همس::-أسئل مرتك اني باجر اداوم

أمير::-باچر جاي اخوج ترجعين وياه راح تنفصلين حتى اجازة ما ماخذيلج

هزيت راسي بأي

::-ان شاءلله

همس::-اي علمود يفضالك الجو

رفع راسه يعاين عليها عاين علية ونزل راسه

::-شوفي مو گتلج اي اسكت اسكت

أبتسمت واني احط الگمه بحلگي اجيت اگول هوه اني ما متقبلني مو نوب يصاحب علية

همس::-شوف الفطيرة تضحك

باوعت عليها وهمه كلهم رفعوا راسهم عليه ويباوعون كملنه گمنه نگعد بالصالة همس راحت للغرفة وأمير مدري منو خابرة وطلع.

::-اني جوه اذا اجه أحد خابراً عليه

::-تمام

راح واحنه دخلنه للغرفة شويه گمنه كل وحده لمكانها رحت اسبح كملت وتأخر رحت فتحت غرفة البنات لگيت همس گاعده والملفات گدامها وهيف تخابر بالبنات.

::-اني راح انام اذا اجه أحد أمير جوه خابراً عليه

همس::-خوش تصبحين على خير سماوي

::-وأنتِ من اهله

رحت مشطت ونمت بدون إنذار الشقه لأن مو چبيرة أحس مو حلو وأضوج أحس أهناك راحة أكثر لأن متعودين

حطيت راسي وغفيت گعدت على صوته وهو يضرب على خدي بخفة جريت الحاف علية

::-همم

::-أبوج على الخط.

::-بعدين

::-گومي هوه شنو لـ بعدين

گومني بالگوه علية وحط التلفون على أذني گعدت بس ما بيه حيل هستوني نايمه دفعت التلفون ورجعت غطيت راسي وهو گال

::-نومتج اهم من أبوج

::-لا

::-گومي چا

غمضت اعيوني وسمعه من فتح مكبر الصوت

::-هاي بتك ما ترضه تگعد

::-بعد روح ابوها خلها نايمه

من سمعت صوته ما گدرت ما اگوم اخذت التلفون منه وهو بعده فاتح مكبر الصوت مفتوح

::-هلا شلونك بابا

::-هلا وميه هلا بيج يبعد عافيتي وصحتي

أبتسمت وبقيت أسولف وأمير طلع سبح ورجع يبدل واني مستمرة بالسوالف بس چانت كلها سوالف عادية.

شويه وطفيته حطيته على الميز ورجعت أتمدد ونمت ومن گعدت الفجر شميته شمة أقوى من الثانية وهمست

::-لو أعيش على هاي الشمه العمر كله ولا بعدك الي

بسته من صدره فوك الغميص وگمت على كيفي هوه بعده بسابع نومه صليت وكملت يلا گعدته يباوع علي بالگوة مفتح عيونه صلى وراح هوا يشوف خواته من تمددت گلت اله.

::-ياهو اليجي اليوم من اخواني

::-شعدهم جاين

::-مو گلت ياخذوج

::-اي بس مو هسه نامي ...

"همس"

طلعت الصبح ويه حمزة والجو كلش حلو ميراڤ طالعة قبلي بس ابتسامتي ما فارگت وجهي حسيت گلبي خفيف ومرتاحة كأنه أكو شي يطيرني والسبب ما أعرفه شنو بس يمكن لأن هيف گامت تتحسن وأخواني رجعت علاقتهم تتلملم مثل قبل ولأن البيت بدا يصير دافي بعد ما چان بارد مستعدة انطي عمري فداء الهم اخرب كلشي وأرضيهم عادي اشتري سعادتهم بعمري المهم همه عندي حسيت اليوم مو مثل باقي الأيام اليوم بيه أمل وهاذا كله چانت سببه هيف.

وصلني سحبته بسته من خده حتى هوه انصدم للحظة أني نزلت بسرعة وهو وباقي واگف بالباب يباوع علي بصمت كأنه يحاول يستوعب اللي صار وما يعرف شنو يكول أزعل وأرجع عادي هسه يفكروني عندي أنفصام

دخلت العمارة صعدت بالمصعد للطابق البي مكتبنه لگيت باب مكتبنه مفتوحه تدنيت عليه بخفه اعاين لگيت ميراڤ هيه تنضف مكتبي ضحكت

::-ميراااڤييي

التفتت علية واني حضنتها بقوه

ميراڤ::-هلا يبعد هلي هلا يبعد ضوه عيني هلا يبعد روحي وچفني وحياتي وعيوني

ضحكت بقوه

همس::- مشتاقتلجج خيراات الله

ميراڤ::-والله العظيم انيي كومهه كومهه

همس::-هسه اروح اجيب عصير وارجع لأن عطشت

::-من الچذب

::-لا من وراچ

::-تجين

::-لا بس أطلع اريد اكل واني اريد اسوي دايت

::-اگص ايدي اذا التزمتي بربج عليمن هوه ميبين عليج

::-حتى لو وأذا اكو عصير بالخضروات جيبيلي

حطيت الملفات والأوراق على المكتب وگلت

::-والله مكتبي ما چان يلمع هيچ حتى من جان جديد

رحت گبل طلعت من العمارة ورحت للكوفي شو هاي دكت علية

::-ها

::-شو بالله اشوف شنو موجود

رحت يمهم اشوف فتح البراد واني گتله

::-انطيني عصير زبيب

::-ها شنو عدهم

::- شنو عدكم عصاير

::-الي يعجبج

::-عصاير نعناع ماي خيار كابتشينو عصير برتقال أناناس رمان مانگه مارشميلو

::-سمعتي

::-بطلت ما أريد عصاير جيبي گهوة حارة مو باردة ما اريد

گتله ينطيني وبعدني أسولف وياها حطيت إيدي على الميز يم الجهاز التفت الولد يسولف ومد إيده علمود أ ...

"مقتطف من بارت 13"

صفط باب المحكمة حسيت گلبي نخمش غمضت عيوني وأعيد كلامي بالي گلت هايه هيه يا گلبي انتهت وما منها رجعة بلحضه فكرت أتراجع أحس گلبي ينفطر أريد أحچي أنطق أگول بس نبلع الساني وما گدرت احچي كلمة.

نزلنه غفل السيارة دار إلي يمشي لزمني من إيدي واني ما أنطيت أي ردة فعل اتجاها مشيت وياه بهدوء گلبي يدك بسرعة

ساكته وأحس ماخذني أوقع على ورقة موتي بس بالنهاية أني الي ارتاح أگول لنفسي أهدي كلشي راح يكون تمام ما يصير غير البي خير دخلنة سلم واني وراه گعدت بصفه طلع الأوراق المحامي اخذهن قراهن أمير هز راسة بأي گال المحامي

المحامي::-تريدون اضيفون بعد شي؟
الأمير::-لا كلشي واضح
المحامي::-وأنتِ
سما::-لا

مارضه الأمير نوقع اله يجون شهود شويه ودخلوا شيث ودياب وهوه  وقع وأنطاني أيدي رجفت ودموعي گامت تنزل بدون سابق أنذار ما أگدر أسيطر عليها.

أحس گلبي راح ينفجر كلشي داخلي صار مشوش وأيدي ترجف من شدة التوتر والخوف لزم أيدي عاينت عليه وهز راسة بـ لا ينتضرني أتراجع

هزيت راسي بـ لا ونهيتها بتوقيعي ...

يتبع...

"احبكم" Sizi seviyorum