رواية مزهق للإقتصاص الفصل الثاني عشر 12 - بقلم رمش عقيل

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

꧁ـــــــــــــــــــ꧂

تكلي اهواك ما ابدل بشر بيك
وتالي الكاك تعشك غير وادم
شسولفلك على السويته وياي
ما سواه فرج بـ اولاد هاشم .

꧁ـــــــــــــــــــ꧂

چنت على الخط ويه اديان كملت ورفعت عيني وصارت على الملف الـ بيدها من الأمام مكتوب بخط واضح

قضية تيمور إبراهيم شدهان - جناية قتل - رقم 1357حسيت الصاعقة ضربت گلبي وجسمي كله رجف بدون سابق إنذار

طفيت الجهاز وأخذت الملف اراجعة وياها فاتحه اعيوني على وسعها رفعت راسي انطي الها واني مبتسمة

::-ههههه معروفين بالقتل بيت شدهان

::-شنو؟

::-ماكو شي

طلعنا أنا وميراڤ من باب القاعة هي بخطوات سريعة وأنا وراها نزعت الروب لأن هالمرة داخله كزائر مو محامية دخلنا الكراسي مملية بالناس والوجوه كلها متوترة.

كعدت بمكاني ميراڤ عاينت علية ابتسمت ابتسامة صغيرة حتى تهدي نفسها

الجلسة بدت تبلش دخل الكل للجلسه وشفت من بينهم اثنين گعدوا وراي يسولفون حسيت بحركتهم من گعدوا وراي التفتت شويه اعرفهم بس ما أذكر أصوات الأوراق، وهمسات بينهم همست بداخلي

::-شسويتو هالمرة باطل لو حق بعدني ما مستوعبة

وبين ما أغوص بأفكاري دخل سديم بلحظتها نزلت راسي بسرعة كل همي لا يلتقي نظره بنظري گعد سديم بهدوء يم الولد الثنين وراي ملامحهم مألوفة شايفتهم قبل بس وين ما أذكر وهاي الفكرة ضلت ترن براسي تحفر وتخليني أزيد.

::-شعيب وينه

::-مو گال ما اجي من البارحه

::-ما گال

شويه ودخل القاضي الكل وگف بدون ما يحچي حتى النفس صار ثگيل خطواته وهو يتجه للمنصة تبث رهبة بالقاعه رفع راسه بكبرياء وأشر بيده يرجعنه نكعد.

كعدنه، والهدوء غطى المكان كل واحد ينتظر يسمع شنو راح ينفتح اليوم الأوراق تنگلب گدامه وصوته الجدي فتح الجلسة بلشوا بالقضية…

القاضي::- المتهم تيمور إبراهيم شدهان متهم بجناية قتل وفق المادة 406 من قانون العقوبات تفضل وكيل الدفاع عرف عن نفسك.

ميراڤ::-المحامية ميراف  وكيلة الدفاع عن المتهم تيمور

::-تفضلي قدمي دفاعچ.

ميراڤ وگفت وبدت ترتب أوراقها بسرعة سحبت الملفات من الجنطة ونطتها للحاجب حتى يوصلها للقاضي

::-سيدي الرئيس هاي المستندات بيها تسلسل الأحداث الحقيقي لليلة الحادث أضافة لشهادات موقعة ومثبتة.

القاضي گلب بالأوراق رفع نظراته ونظر إلها باهتمام

ميراڤ::-وأهم شي تسجيل صوتي مدته 8 دقايق يوضح بشكل صريح شنو صار من بداية المشكلة لحد لحظة سقوط المجني عليه.

هنا ارتبك الكل، همهمة صارت بالقاعة حتى تيمور  رفع راسه بسرعة وكأنه عرف شنو تحچي

القاضي ضرب المطرقة

::-هدوء بالقاعة نسمع التسجيل

وكيل النيابه::-سيدي القاضي التسجيل  مو واضح كفاية والشهود أكدوا رؤية تيمور يهرب من مكان الحادث

::-الشهود تناقضوا بأنفسهم وأنا أطلب من المحكمة استدعاء الشاهد الجديد اللي راح يدلي بشهادته الآن

القاضي::-دعوة يدخل

ميراڤ::-أريدك تحچي ألنا شلون چان يوم الحادث

::-چان موجود بالگهوه وشفت واحد يلبس جاكيت مشابه جاكيت المتهم بس مو تيمور

القاضي::-تعرف هذا الشخص؟

::-لا بس شكله چان عصبي وچان يهدد الضحية هاذا كل الشفته اني

القاضي::- راح أجل الجلسة إلى الأسبوع الجاي للتحقيق أكثر في هذا التسجيل

طلع القاضي وهيه راحت تحجي ويه تيمور وهو يهز براسه والولد وراه واني گمت وهيه دارت عليه تضحك

::-فرحاااانه امشي ريوگج على احسابي

::- لا وليرحم والديج تريگيني انوب باجه وخريي

::-بربج والله جوعانه تعالي اريد اسولف الج من تجيج اختج اصخمج عليه حتى اتصال ماكو

::-ههههههه هيه غير زعلت من وراج اني شغلي مأجلته علمودها

::-أمشي أمشي نشفو ريگي انوب هاذا العمود ما يتحاجه وبس يخوزر

::-صوجج المن أستلمتيها

::-غير علمود هذوله الطيفين العفيفين الحلوين

ابتسمت الها شلون تشرح  وبنفس الوقت اريد اعرف اسمهم

::-شنو اسمهم

::-اوكفي اذكر

رحنه نتمشى نطلع اخذنه غراضنه وطلعنه گالت

::-ها الطيفين دياب وبعدد واحدد ها سدير سفير سدين

::-هههههه لا سديم

::-كفووو تعرفيهم

::-لا بس سديم

ما جذبت عليها لأن بس هوه عرفته من فات، توترت من قابلنه دياب وذكرت ملامحه من الصورة اللي شفتها قبل الصورة اللي هيف صممتها

::-ميراڤ

همس::-اني اترخص

ميراڤ::-لا تروحين انتضري اجي وياج

انتضرت بجانبها وهيه تسولف شوية انتبهت بسوالفهم

::-يعني القضية بعدها ماشيه بس مو بمصلحتنه.

::-والجلسة الجاية شراح يصير كل الأدلة قدمتيها

::-استاذ دياب عوف الموضوع علية وطمأن

اجه سديم وراه راد يحچي بس من شافني فجأة سكت

::-الأستاذة همس اهنا نورتي

أبتسمت أبتسامة خفيفه وگلت

::-شكراً

عاين علة دياب وباوع على سديم

::-ميراڤ انتضرج برا

سديم::-تتكهررب من عدنه

تقدمت بخطوات سريعة أمشي گدامها قلبي يخفق من التوتر وأذكر إديان وعلاج هيف ما چانت راضية تاخذة من إيدي چان صاگرها  أمير هناك مشيت وعيني بالتلفون وردمت بواحد گدامي من قوتها رجعت ليورا وهو يصيح بصوت عالي چفلني

::-عاااااينييي ارفعيي راسج وعايني تلفون ما طايررر تراا

رفعت راسي وأنا أتحسس شعور المستحة

::-اسفه اعتذر مچان قصدي

بس ويه رفعه راسي وصفنتي بس عيونه مركزة علي يباوع بوجهي ساكت

::-اسفه

::-مصار شي

ميراڤ::-همسمس

التفتت عليها هيه والولد

دياب::- ابو الجود شيث يلا

وهاذا الي اسمه ابو الجود بعده صافن اله من سحبه شيث وياه يلا مشه وگال سديم

::-نشرف اذا تكونين المحاميه الثانيه ويه ميراڤ طبعاً من بعد اذنج

::-بس اني ما اشرف

دياب::-الف تحيه لخوتج

::-تروحلهم فدوه

ابتسموا ثنينهم وشيث وأبو الجود مشوا بعيد وبقوا واگفين بس سديم ودياب عيونهم تتبادل النظرات،

ميراڤ::- متت من الجووع يلا

سديم::-اي احنه وين العطلان انجيبه يحل قضايانا

ميراڤ::-ياا هوه اخوك خلاني اكل اجاني من الصبح يصيح ومعصب

همست

::- من قله المحامين العدهم جايبينج خليهم يطيرون الف قضيه عندج اله هم

ميراڤ::- لا خوش ناس

::-امشي

ميراڤ::-معه سلامه

::-انوصلج ويانه

::-لا تسلم ويه هموسه

طلعنه واني بالگوه عليه بودي الزمها واشمرها اخذنه السيارة من الكراج وطلعنه للمطعم گعدنه وهيه اله تريد تشريب والمطعم ما بي تشريب اخر شي طلبت كباب واني ما اشتهي مسدوده نفسي گالت وهيه تاكل

ميراڤ::-اكلج شغله

::-گولي

::-امم ليش جذبتي علية

::-بخصوص شنو؟

::-ولد عم اخوانج

صفنت بوجها وستوعبت هيه تعرفهم

::-ما جذبت بس اني صدك ما اعرفهم ومن مره رحت لخالتي عرفت سديم وذولاك بس اسم اعرفهم

::-تمام عادي بس للعلم اخوج خابر علية ودزاها الي

::-ياهو منهم

::-شبيج ابن خالي حمزة

::-شعجب وليش

::-الله اعلم ما اعرف بعد عود انتِ گليله

طلعت تليفونها فتحته بسرعة وصاحت يمه وطفرت تمسح بحلكها

::-شكوو

::-ولج من اجيت ما گلت لأمي وهاذا مكالمات فائته من امي يبوووو

::-عزاا بعينج ابوي كم مرة گالج لا طلعين بدون امج ما تدري

::-ما اذكر انسه اگول اله

::-اكليها لعد تلگين خالج بالباب

أخذت جنطتها وقوطية الببسي بيدها تشرب منها ودردم طلعنا من وصلنة شفت سيارة خالي واگفة بالباب وهية گامت تاكل بضافرها وأنا نزلت قبلها ودگيت الباب طلع خالي شايط

::-ميراااڤ

أول ما شافها صرخ عليها بصوت قوي لزمت إيدي بسرعة تحاول تثبت نفسها بين يدي ودخلنا أمها چانت گاعدة على القنفه عيونها على ابنتها مليانة دهشة وقلق من الخوف ردت روحها وبلشت برزايل  گال خالي

::-اني مو گلت ماكو طلعهه بدوون أذن حضرتج ماا محترمه لو تگولين العب بكيفي ما ادام وحدي

::-لا والله خالي مو هيج

::-شنووو لااا والله خالي خابرتني مفرفحه وتگول البت ماكو من الفجر انتِ بعقلجج شعندجج من الفجر

::-شغليي خالو اني ما طالعه سياحه

::-واذااا طلبي اذنن خابريني اني گعدي امج كوليها اكتبي رساله وتلفون المن شايلته

منزله راسها وايدها ترجف

::-بابا اعذرها تنسى

::-لا ما تنسى بس هاذا اهمال شافت انطيتها مجال زايد من چنت مو اهناا وين رحتي ساعه بال 1والمن

::-ما طالعه

::-لااا تچذبين

::-صديقتي چان عيد ميلادها

::-ليش ما گلتي لأمج؟

::-ماا ادري

خازرهاا وعيونه تريد تطلع من مكانها وهاي ثاني مرة يطلع عصبيته علينه مرة اني ومرة هاي وعلى ميراڤ صارت دار على اخته وهو يگول

::-حضراً غراضچن تعالن يمي

::-بس

::-ماكو چنتي تخافين على ميراڤ لأن حمزة وهسه حمزة مستقر بيته ومحد بس اني وهمس

::-ياا خويه بيتي اهنا ما اگدر

::-واني ما اعوفجن بعد وحدجن العصر اجي اخذجن لمن بس غراضجن واني اجيب عمال للباقي

راح يطلع والتفت عليه

::-تجين

::-اي

عاينت على ميراڤ رفعت راسها بأي وهي دموعها على وجها بستها

::-والله علمودج

هزت راسها بأي وراحت دخلت للغرفه واني سلمت على امها وطلعت

::-خالو اني جايه بهاي

::-غفليها وتعاي وياي

غفلتها ورحت صعددت بصفه وهو ساكت خليت المفتاح گدام يم الكلنس وهو يسوق بعصبيه

::-اختج وحدها بالبيت

::-لا اجت يمها اديان

رحنه للبيت ولگيت أديان وهيف يتعاركن كل وحدة تحاول تسيطر أديان تحاول تخليها تشرب علاجها وهيف تصيح وتحلف بألف نبي ما تحطه بحلگها
سلمت على خالي اديان وبعدها تحجي ويه هيف

اديان::-والنبي هسه اخابرة اخلي يفرج فر ويجي ياخذج

هيف::خاااب طيرييي انتِ وياه

::-والله

::-اي

خالي حط غراضه على الميز وهو مبتسم لهيف شلون تحچي حاطه رجل على رجل وتباوع بالتلفون وحاطه يمها الحلويات ودخل للمطبخ يغسل واني اخذت العلاج منها واديان کالت

::-أتأخرت اني راح اروح

صاح عليها خالي

::-ابقي تغدوا اهنا

::-لا مو حمزة بالبيت نايم عفت الريوك على الميز واجيت اضنه بعده ما گاعد اروح اگعده

::-اوصلج

غسل واجه وصلها بعد عنه شارع بيتها چانوا شقه بس هسه اشتروا ببت يمنه واني افلت دبايس شالي گلت الها

::-يلا حبابه گومي اشربي

::-ما

::-گوومي فدوه اروحلج لا شلعين گلبي

::-والله مو طيب

::-وين اكو دوه طيب يلا يا عيني

دخلت اسبح وطلعت ابدل ساعه بعدها بال1 صليت وطلعت الها وهيه بعدها لحد ما عاندت وتعاركت وياها رحت منها اتصلت علية اديان گالت

::-خابري امير بس هوه دواها لا تستكنفين من مخابرته ترا اخوج

::-ترا ما گايله شي

::-لا انتِ شايفه من ما سلمتي عليه ذاك اليوم شصار بي

::-خوش خوش

::-اي خوش خوش

سديته منها ورحت لـ هيف وسحبت التلفون منها دخلت على الاسماء چان كومه وكلهن مكتوب بدلع رحت بالي نبض اله گلبي وعلى احساسي مكتوب "حبيبي وسندي" ضغطت اتصال وهيه تعاين علية

::-لووو مووو تتصلينن مااا اخذه

رد وهو يحچي

::-هاا هفهف روحي شلونج

حچت بتوتر

::-الحمدلله بخير انتَ شلونك

باوعت علية بتوتر وهيع تتوسل بعيونها گال

::-بأحسن حال م...

بعده ما مكمل واحد گاله

::-استاذ خلصن اوراق الطلاق وكلشي صار رسمي

كمزت من مكانها وهيه تسحب تليفون من ايدي

::-ليش شكو اصاير طلاق منو أمير

::-ماكو شي محتاجه شي

::-احچي

همس::-اني دگيت مو هيف

ما ادري ليش صمت

الأمير::-اي احچي يحيلي

حسيت بگلبي فراشات ودمعن اعيوني من ذكرها وكأني بأيام زمان من چانوا يخلوني أغار لأن يلقبها  غمضت اعيوني وگتله

::-اختك ما تشرب علاجها

الأمير::-لمي غراضج جاي

هيف::-وين

::-مو كتلج اني بس تخربطين بشي تجين هاي هيه جايج

هيف::-لا والله راح اشرب بس مو طيب والله

::-شبيدي عليج يلا حبابة لا تشلعين گلبها كم يوم وجايج

::-ما ماارجع

::-أعيش يمج

صرخت بحمااس

::-والله

::-والله

::-يمنه اهنا

::-اذا تقبل عزيزة اخوها تجي يمنه؟

باوعت علية تضحك عيني مغمضة وگلبي يدگ أنطيتها التلفون وهيه تحچي وياه عفتها وشربت العلاج بدون أي تعب مني بس من بعد المكالمة الوياه العصر أول ما دخلت للبيت  أم ميراڤ عبالك بعدها بالعشرين على اهتمامها بنفسها اول ما دخلت للبيت اشرت على هيف

::-يا ويلج اصيحيلي عمه لو خاله اله اعميج

غمزت الها وگالت

هيف::-تدلل روني

روان::-استلم

هيف::-ياا چا انتِ شنو اسمج

سلمن وگعدن وميراڤ باين عليها ضايجه وما عرفت شبيها بس للليل گمنه انسولف وندمجنه حتى أم ميراڤ روان أسولف عادي بالليل طلع خالو وبقينه احنه وروان وسوت احلى گعده الجو كله صارت جننن ضحك وراحة وكلام ويه أجواء هادئة

هيف::-روني اذا احد تقدم الميراڤ تنطيها

روان::-شحصلت من ابوها علمود انطيها خليها شو شهادتها بيدها وما مخليتها محتاجه شي شجاب هاذا السؤال على بالج

هيف::-مو هيه بكيفج بالله هيه تحب شنو أنسوي

دارت روان على ميراڤ خازرتها

ميراڤ::-والله مالي دخل اني بس كملي شو حبيت

::-أنچبن

ميراڤ::- انتِ مو ما تحبين مرة حمزة هاي بت عمها

روان::-لا هاي اخت بت الغالي

ابتسمت الها لأن تقصدني

همس::-ابوسجج اني

هيف::-زعلت

روان::-شلون غثه گومن مني كلچن باجر عندي دوام يلا بناتي

همس::-بعد وكت

::-غير ساعه بال12 يا بعد وكت يلا

گمنه رتبنه الصالة ودخلنه ميراڤ ويه أمها بالغرفة الچبيرة واحنه بغرفتي كل وحدة تمددت بمكانها وغفينه لليوم الثاني گعدت على دكة الباب روان اصيح من برا باوعت على چرباية هيف ماكو ولا ميراڤ گمت طلعت لگيت ميراڤ مبدلة وگاعدة ويه هيف وروان وخالي بالمطبخ يتريگون

::-صباح الخيرات

::-صباح الورد بنيتي

روان::-صباح النور بعدج ما مبدله

::-ثواني واجيكم طيارة

حچيتها واني أشر الها مثل الطيارة

لبست ملابسي قميص مخطط باللون الأزرگ الفاتح بي خطوط بيض جاكيت قصير وبنطلون جينز واسع لفيت شعري ولبست شال رمادي وأخذت حذاء رياضي مريح يناسب الجو طلعت ويه روان وصلتنه للعمارة وهيه راحت للعيادة مالتها دخلنا للمكتب اللي أخذناه إحنا الاثنين اني وميراڤ قبل الصالة چبيرة بيها أكثر من أربع محامين بس من غيرنا العمارة وچان كلشي اقتراح خالي گال انتِ وميراڤ بنفس المكتب وچان اقتراح يجنن

ميراڤ::-اخذي هذول الملفات وياج خليهم على مكتبي اني رايحه للكوفي اجيب شي انشربه

::-جيبيلي عصير بالزبيب او نومي غيرهن لا جيبين

::-من اعيوني

راحت واني اتجهت للمكتب خليت الملفات على الرف ومسحتهن لأن البارحه ما جاين صاير تراب عليهن نضفتهن ورجعت كلشي وخرت الملفات من الرفوف وگفت امسح اجت ميراڤ دخلت اسولف التفتت من گال

::-السلام عليكم

::-وعليكم السلام

التفتت شفته سديم ووراه دياب هم سلم ودخلو گعدوا گدام المكتب مالها وهيه تشرب بالگهوة وسولف حطت العصير مالتي على المكتب

::-همس وين الملفات االعندج

::-هذولي كلهم

التفتت اشر عليهن اخذتهن وگعدت هيه وياهم يسولفون واني رجعتهن كلهن على الرف والباقي مالات ميراڤ حطيتهن الها على المكتب اسوي بيهن بدون صوت لأن يسولفون ويخططون علمود تيمور وميراڤ قاطه راسها بالملف وتشرح الهم واني گعدت اشتغل مكاني مرت ساعة وهمه على كلامهم رفعت راسي على كلمتها الاخيرة

::-اني جعت بعد ما بيه اكمل

سديم::-هاي تاليتك من تحط شغلتك بيد ام بطن

ميراڤ::-ترا مكملين كلشي والقضيه اجايه طالع طالع على ويش بعد گوموا ناكل

نهضت من مكانها تريد تطلع

دياب::-ابقي اني اجيبلج واحنه هم روح

::-لا اني اريد اطلع مليت

اني عيني بالملف وحسيت انسحب من گدامي

::-يلا حبابه

::-وين

::-اروح ناكل ونجي

::-ما اشتهي بس جايه

گمت وياها وهمه راحوا واحنه بوجهنا للمطعم اخذت اكل واني گاعده اتصفح بتلفوني كملت گامت تغسل دفعت فلوس الاكل وطلعنه نرجع وشفناها عركه شكبرها بالباب سحبت ميراڤ علمود نرجع بس ماقبلت

::-بربج خل اشوف

::-ششوفين

بنص العركه واجوا ثنين يركضون دخلوا بدون ما يدرون وصار طيح طاح

::-عزاا هاي سديم ودياب

::-شنو

باوعت زين وصدك هو نفس الولد اللي انردمت بيه ذاك اليوم لازمله واحد ويضرب بي وورا لحظة اثنين غيرهم طفروا وياه كتل وصياح والناس فزعت تركض يمهم بعد عركة طويلة يلا گدروا يفرقوهم

الولد خشمه ينزف وجهه كله شخوط وكدمات وهذوله الباقين يتنفضون ملابسهم ميراڤ ما طولت طلعت تتمشى للشارع عليهم بخطوات سريعة وأنا بقيت باب المطعم عيوني عليهم منتضرة شراح يصير بعد

دياب::-ماي اركض جيب ماي بارد

همس::-اخذ

التفت علية واني شمرت البطل لگفه وفتحه بسرعه يغسل اله

ميراڤ::-امشوا ادخلوا انروح للمكتب اهنا حارة

وبعد ملحه منها يلا دخلوا گعدوا على القنفه واحنه بعيد عنهم همست الها

همس::-بت روان ما تگعد بت روان

::-ما تشوفينه خطيه بس يستاهلها شايل خشمه

ابتسمت وهو يتحلف

::-ولحسن الزمهم الزمهم وأگضي بيهم التوبه

دياب::-انچب ترا بأي لحضه توصل الشرطه كاتلك محاميي بعقلكك

الحسن::-مدامه باطل يستاهلها

سديم::-بعد اخوجن تعبناجن بس ما عدچن منشفه وصلة

گعدت بالكرسي مالي وميراڤ گامت دور

همس::-بالرف الي على يمين ايدج

اخذتها انطتها اله واني باقيه صافنه شويه ودگ تلفون ميراڤ اخذته ترد

::-لا والله ماكو شي تمام

سدته وگالت

::-ماما طالعة من العيادة وجايه النه لأن عرفت بالعركه

::-خوش

لملمت وهمه گاموا يريدون يروحون وهيه تگول خليكم بودي الزمها واكتلها بس بلعت الكلام وبقيت ساكته بقوا گاعدين طلعت وگتلها يلا صرنه بالباب وامها لاگتنه تعاين علينه وتعاين ورانه رفعت حاجبها ما راضيه بس ما بينت وگالت

::-يلا ماما كملتن

همس::-اي ميراڤ غفلي المكان

طلعوا همه بدون ما يعاينون النه وميراڤ غفلت المكان طلعنه نمشي كلنه سويه

ميراڤ::-ماما همه الي صارت وياهم العركه

::-وانتن بنات أصول ودخلتنهم

::-لا ماما بس

::-اشش ماما اشش

طلعنه للبيت والطريق كله احنه ساكتين لحد ما وصلنه وياريت والله ياريت ما وصلنه ياريت الطريق يطول أكثر دخلنه ومن أول خطوة حسيت روحي تنسحب ياريت ما شفت ولا سمعت ما عرفت ياريتني ميته قبل ما توصل عيني على اختي بهالشوفة ذاك المنظر كطع بيه كل قوتي خلاني أرتجف وأتمنى الزمن يرجع بي لورا وما اعوفها وحدها وما عوفها ثانية …

"مُنتهى"

مر يوم فارغ من كلشي ومر الثاني كعدنه نتريك وبعده لا امير ومرته نازلين ولا الولد نصهم كملنه وگمنه على البيت أنضفه نزلت سرور هستوها كاعده گعدت على الكرسي واجه هارون هم سحب كرسي وكعد كدامها واثنينهم مطفين گالت امها

::-گومي سوي ريوك الج واله كومي

عاينت رافعه حاجبها

::-ماا ولا اگوم ما بيه حيل

::-شوو گومي لا افزع ابوج وجدتج بالغرفه تريدج بسرعه يلا

گامت بالگوة اخذت الطاوه وحطتها عالنار وبكل برود نزلت قوري الجاي بنصها إحنا بس شفنا المنظر ظلينه نبحلق ثواني صمت اني وفجر وهارون نفجرنه ضحك نريد نسكت ماكو وهارون طاح على حيلة ميت.

ام هيثم::-گومن بدل هل ضحك يلا گعدن الولد وكعدي بيت امير

هارون::-لاا اهواي سوت ريوك

سرور دارت علينا مطنگره ضوجانها من ضحكنا سحبت القوري من الطاوه وحطته عالطباخ بعدين طلعت بطل الزيت وگامت تصب كلنه سكتنة نباوع وطكت البيضه بصف الطاوه مو بيها

هنا امها ما صبرت گامت جرت الخيزرانه عيونها عليها متعصبة وهارون وگف كدامها وهو فاطس من الضحك

::-عمه صدك جذب

::-وخرر ولكك مو راحح تزوج اضل ثوله لا شغلتها مثل البشر ولا اسوي شي

طلعت من المطبخ راحت الجده واحنه شويه ونموت من الضحك طلعنه نروح نگعدهم لأن راح اصير بال9ونص دگيت الباب على غرفه امير ومشيت وگعدت الباقي ونزلنه انسوي ريوك لسررور وهارون والباقي ...

"سما"

سألني وهو يضغط على كل كلمة

::-شنو رايدته سما

سكتت ما چنت أگدر أنطق دموعي خنگتني شهگت

::-طلگني وانسى انسى الاتفاق فدوه

هنا حسيت سكون ثگيل وگع بينه وبيني كأنو الدنيا كلها وگفت بس أنفاسي المتقطعة وصوته المبحوح يخليني اموت وتگطع

::-اخوج؟

ضربت الميز بقوه وصرخت

::-ليش انانييي انتَ ليششش مااا غزررر بيك هوه هم صاحبك

::-لااا مالي شغل بي تكملين اتفاقچ أكمل ما بيه حيل وجع راس أني مخليچ لخاطر أكمل شغلي ما أتحمل حچي اعمامي ويغثون هيف مثل ما انتِ ما متحملتيني أني هم ما متحملچ ثقي بالله انتِ علمود أخوج وأنه علمود أختي لا يصير بيها شي، وهيه مريضة قلب.

::-اسكتتت اسكتت كاافي

::-سما ما ترديني

::-اي

::-خوش بس كم يوم ادبر بيت بغداد اخذ اختي واروح وانتِ اطلگج.

همست

::-وأخوي؟

::-نبقه على تفاقنه

سديت التليفون من يمه شهگتي طلعت وياها صرخت بس الصوت اندفن بجوفي ما اعرف على منو أصرخ على نفسي لو عليه لو على الدنيا اللي خلتني أكون ورقه بيده

ما اعرف أفرح لأن راح أتحرر وأرجع أعيش حياتي لو أضوج لأن العاشگته راح يطلگني جسمي كله يرجف ودموعي تفيض مثل ما أريدها توگف كافي يحبها بعده يحبها شتريدين بعد؟ ما عندج كرامة إنتِ ليش تبچين ليش؟

گعدت على الچربايه حاضنة نفسي مثل طفلة تايهة أبچي وأشهگ الباب انفتح بهدوء دخلت حوراء شافت وجهي متغير عيوني متورمة، تقدمت بخطوات حذرة وعيونها تتفحص ملامحي

چانت واگفة تره تحاول تلمح الحقيقة من نظراتي من رجفة ايدي وگفت گدامي مدت إيدها تمسح على وجهي

::-يمه اسم الله ولجج سماا

شهگت ابجي حاطه اديه على وجهي

::-رااح يطلگني

::-اسم الله زهرة برد شكوو ليش شمسويه

::-ما اريدة خابرته اني..

دخلت بحضنها مثل طفلة مكسورة حسيت بلعومي يابس يتجرح من الشهگة جابتلي ماي بيدها ترجف شربت منه ورجعت غسلت وجهي مسحته بشالها وهي تتأملني بعين تدمع

::-اهدي واحچيلي عايني بوجهي

غمضت عيوني وصارت بعيوني صور وذكريات تذكرت هاجر  تذكرت كلماتها غدراته وكل لحظة حسيت نفسي انطعنت بيها  بس ما هتميت كأني أريد أفرغ الجرح كله دفعة

حچيت حچيت مثل المخنوگة اللي تدور نفس گلتلها كلشي كل شي چان معلگ بلعومي نزل بكلمات مريرة حچيت شلون انجرحت شلون انكسرت شلون ما مصدگه ولا مأمنة بعد

كلشي فضفضته إلها بس الاتفاق ما جبت طاريه خليته مثل سر مدفون ما أريد يطلع من حلكي حتى ويه أقرب وحدة إلي

همست

::-اذا ما مأمنه عادي

گامت تريد تطلع سحبتها واني ابچي باستني

::-اني سمعت حچيج انتِ وزوجج

راحت يم الميز محطوط علي القرآن سحبته وحطت ايدها علي وگالت

::-وحق كتاب الله ما چنت قاصده كلشي بس من سمعت اصياحج بقيت واكفه

هزيت راسي اي امسح بوجهي اجت يمي نزلت وگالت

::-شلوون تحملتي شلون عشتي ويااه شلون؟

رفعت اكتافي

::-چنت رايدته وعاشگته ومن اجه خطبني كل فكري يريدني طلع علمود اخته گالي بشرط گتله شنو گال اخوج اقنعه يتعالج وازواج يبقه بس شكلي

::-شنوو وليش حتى هوه يقنعه

::-لأن العزيز اركان عاشگ اخته هيف

::-ياا وهوه يدري؟

::-وگال اركان اذا ما ينطينياها اني شلي بالحياة وهو احسبي سنة المرض ياكل بروحه ما يقبل يتعالج وامير يسودن عليهم چان صديقهم يموت عليهم مرة گمت اصرخ رحت اتصلت بي من تلفون طاهر واني ابچي واتوسل بي ثاني يوم اجت خالته وعمته خطبني اله وهو وراها بكم يوم گالي

::- وهو لحد هسه ما شفتي اتغير وياج

::-هههههه شبيج هوه من چنه بيته ذاك كل واحد بغرفه بس من شهرين من اجينه اهنا بيت جده علمود اخته تكول ما اعرف ابقه اهنا وحدي ولا تقبل تعوف بنات عمها رجعنه وعشنه اهنا وصرنه بغرفه وحده بس هوه على الچربايه واني بالگاع وهاي هوه عاشك هاجر ما يعرف شنو ومنو هاجر هيه اخذته اني الحچيت الها عنه وهيه اخذته ولج عينك عينك گدامه تخابرني لأن اني زعلانه

نزلت راسها وصرخت بيه

::-وهاااي انتِ ماا مسويهه شي وگاعده گدامي وتردينن تطلگين

::-اي

::-والله لو اني منج وهيج حابته لوو اموتت لو على نحري طار من ايدي مرة شنو اعوفه المرة الثانيه.

::-اتفااق

::-اكسبه

::-يلهوس بأسمها

::-أنسياها

::-يحبها

::-انتِ شنو ناقصج؟

::-ما يريدني

::-اهتميله

::-اتعارك وياه على ابسط شي

::-خااب انجبي غثيتيني

خذت التلفون وشمرته عليه تگلي اتصلي

::-لا والله

::-ما تردين تعيشين حياة هادئه ما تردين تعيشين احلامج الي مخططتها

هزيت راسي لا وهيه حست وجهي وگالت

::-والله العظيم انتِ تستاهلينه وأمير يستاهلج لا اضيعي واني بعد يوميه اجيج وهاذا الحچي غيري من يجي

هزيت راسي بأي سلمت عليه وطلعت تريد ترجع البيتها جايه علمود سرور وراحت نمت وگعدت على صوتة واني عرگانة

::-سما

::-هممم

::-شبيج تونين

تقرب يتحسس خدي شوي سحبت نفسي منه وبعدت إيده وگمت بردانة ومصخنة مطفي السبلت وأتحرك بالگوة أحاول أدفي نفسي سندت إيدي على الچرباية ولفيت نفسي بالبطانية وأرجف حاولت أگوم بس ما گدرت جاب خافض حرارة حطه يمي

::-گومي اشربي علاج ونامي

أخذته منه أحاولت أشرب بس إيدي ترجف هوه ساعدني وشربني وبعدين تحسس وجهي وأنا بالگوة فاتحة عيوني أخذ الدوا وطلع رجعت أنام شوي حسيت شي على گصتي فتحت عيوني لگيته يسويلي كمادات رجعت غمضت مرت دقايق وگال

::- ليش هيچ مصخنة

غلست عنه وما حچيت ما بيه حيل

::-سما

::-بردانة

::-ولج مرتفعة حيل کومي

غمضت الف روحي بالبطانية أريد أدفي نفسي بس هو لزمني واخذني وياه للحمام دفعني ودخل وياي شغل الماي وأنا بردانة حاولت أتحرك بس دفعني بملابسي جواه شهگت غاصة وردت أطلع بس ثبتني بأيدة واني كل جسمي يرجف من البرد

::-أمير

سد الماي وطلع يجيب ملابس جابلي انطاني وطلع لبستهم بس چانن بدون شال

::-حجاب أمير

شوية رجع وجابلي شال وحطيته طلعت واني ارجف سن يطك بسن أول ما دخلت الغرفة طفيت البنكه هو وراي جاب المنشفة ونشف شعري عاينت الساعة 3 گمت من يمه لفيت نفسي بالبطانية وانا ارجف ونمت ثاني يوم الصبح حسيت بي وهو يتحسس خدي وگصتي سحب نفس فتحت اعيوني  عافني ورجع يكمل تبديل أنا گمت الملم الغرفة والتفت الي

::-بعدج على حچيج مال البارجة

درت وجهي علي وهو يباوع بالمرايه يحط عطر صارت عينه بعيني هزيت راسي بأي

::-صارحيني وحسبي اخر لقاء بينه تنقهرين من تصرفاتي مو

هزيت راسي بأي

::-احچي

::-كلش

::-رايح اكمل كلشي العصر

طلعنه اني وياه نزلنه نتريك واني اعيوني الدمعه بنصهن احس گلبي راح ينفطر كملت شغلي وردتت بس اصعد سديت الغرفه علية وگعدتت منهارة بالگاع احس روحي راح اموت

::-ردتك الي بأي طريقه شصار وهيج حچيت حتى ما كملت التخيلته بقيت بالغرفه

مسحت وجهي وگمت طلعت ويا البنات هوه جان موجود بس ما حجى بيها للعصر گال يلا مننتظرج بالمضيف طلعت بدلت وانی جسمي كله يرتجف ودموعي تنزل كل دقيقه والثانية مسحت وجهي ولاگتني عمتي أم جلال وأم هيثم گاعدات برا فارشات أفراش وگاعدات بالحديقة رجعت للمطبخ وراسلته "خالتك ومرة عمك بالحوش شنو گول الهن؟" شفته شويه شافها بس ما رد طفيته واگفة يم باب المطبخ اللي يطلع على بيت عمي دفار شويه وطك باب الحوش ودخل يصيح يلا طلعنه وگلبي يتمنى لو ما نطلع ويطلع حلم …

يـتـبـع …

"سما"

ومزاجيتك الخربت بينك وبيني روح براحتڪ
بس مثلي تلكه منين؟ وبعد ما عاتبڪ تندل عناويني..

꧁ـــــــــــــــــــ꧂

بنات أتمنى تحذفون الرواية لأن بيها كمية اخطاء كلش اهواية.