رواية نادره الفصل الحادي عشر 11 - بقلم sasso

..(سما)..

ان المشهد يُعاد مره أخرى ، و لكن هذه المره انا من يُغنى لي ، أمي تقف أمامي دامعه الأعين و و هي ترى يدي تتزين بخاتم خطبته ، نظرت له و هو يمد يده لى ، رفعتها بتردد و قلق ، أمسكها برفق و قد سرت في جسدي قشعريره سريعه ، نظرتُ له و هو يدخل خاتم خطبته في يدي اليمني ، ثم نظرتُ يدي التي و لسبب ما قد أصبحت أكثر جمالا مع خاتم خطبته

حمزه: مبروك يا سماسم

ابتسمتُ و عاودتُ النظر لخاتم خطبتي

سما: الله يبارك فيك يا حمزه

وجهتُ نظري للجالسين أمامي " محمد" و خطيبته " سهام" ضحكتُ حين رأيتُ "مها" تهتز بدلال على أنغام الموسيقى ، "محمود" و زوجته " ابتهال" تصفق بيديها مع أنغام الموسيقي و تتحرك بدلال بجانب "محمود" ، "عادل" يداعب ابنه "عُمير" و "أسماء" تضحك مع ضحكاته ، أمي تقف بجانب "طاهر" و هي تضحك ، أخيرا أمي تضحك ، لقد دخل "طاهر" بيننا و لمس فينا أشياءً تكاد تكون قد نُسيت ، حماي "وليد" و حماتي" ماجده" ينظرون لنا بابتسامه ، حماي و حماتي !! الكلمتان تبدوان ثقيلتان و لكنهما جميلان ، عيناي تدور في باقي القاعه صديقاتي و اصدقاء حمزه ، و بالطبع أعمامي ، لقد اصر محمود على دعوتهم حتى نكون قد وصلنا أرحامنا ، اقتربت " ماجده" مني

ماجده: محتاجه حاجه ؟ عطشانه اسقيكي ؟

ابتسمتُ و نفيتُ برأسي

سما: لا يا طنط شكرا ، اقعدي استريحي انت

ماجده: و انا ارتاح كيف و انا فرحانه ، لولا راجلى لكنت رقصتلك

ضحكتُ

سما: لا كدا يا طنط بقا احنا محتاجين نعد لوحدنا ، قعده بنات بس

ماجده: انت تشرفينا الصعيد و تشوفي كيف قعده البنات

ابتسمتُ و أمسكت يديها ، هي حنونه معي كما هي مع " حمزه"

سما: ان شاء الله

إبتعدت عني و أراقب الجميع يقترب يهنئني ، اتحرك بصعوبه مع فستاني الوردي وقد لاحظه "حمزه"

حمزه: كان لازم يعني تمشي زي عروسه المولد ، ماله الفستان الطبيعي

ناظرته من طرف عيني

سما: مش هرد عليك على فكره

ابتسم

حمزه: ليه بقا ان شاء الله

وجهتُ وجههي له

سما: كدا ، براحتي

ابعدتُ وجهي عنه و قد ضايقني تعليقه ، أنا كعروسه المولد !! ، اقترب بجذعه مني

حمزه: انت زعلتي

لم أرد عليه و ابتسمتُ لصديقتي و بدأت تهنئني و تهنأ "حمزه" ، اقترب مني ثانيه

حمزه: سما ، انت زعلتي

ناظرته بهدوء

سما: اه زعلت ، و انا مش عروسه مولد يا حمزه ، و انت منقي معايا الفستان و مقلتش عليه حاجه وقتها بل انك كنت مبسوط منه ، أيه جد بقا

ناظرني بصدمه و قد رفع يده يحركها أمامه بتوتر

حمزه: أيه يا بنتي اهدي ، انا كنت بهزر

ناظرته و لم أرد عليه ، وجهتُ نظري لأعمامي الذين جاءو يهنؤنني ، عمي الأكبر "مصطفى" و عمتي " نفيسه" و عمي الاصغر" عبد الفتاح" ، لم أرهم منذ سنوات و عندما أراهم إما ان يكون بسبب أموال او مشاكل ، وفقتُ و مددتُ يدي لعمي الأكبر

مصطفى: مبروك يا سما

سما: الله يبارك في حضرتك يا عمو

عبد الفتاح: اهلا بيك يا دكتور ، مبروك

حمزه: الله يبارك في حضرتك

نفيسه: كدا يا سما مش كنت تعرفينا ان في عريس كنا نشرفك و نرفع راسك

ناظرتها و ابتسمت ، دائما ما اخاف من عمتي "نفيسه" ، هربت الكلمات من فمي

عبد الفتاح: خلاص يا نفيسه ، هم تقريبا كبرو و نسيونا

مصطفى: عموما يا بنتي لازم تعرفي اننا أولى من الغريب ، و ان كان اخواتك الرجاله وافقو أمك تدخل عليكي براجل غريب احنا مش موافقين

توقفت الكلمات في حلقي و لكن حين ذكر اسم أمي لم أتحمل ، ناظرتُ عمي الأكبر "مصطفى" ثم وزعتُ نظراتي على الباقين

سما: اه احنا كبرنا ، و الحمد لله عندي بدل الأخ اتنين ، رجاله تملى العين ، و معايا جوز اختى راجل يتهزله جبال

كورتُ يدي بجانب جذعي احاول إخفاء خوفي و رهبتي منهم

سما: حضرتك ليك انا و اخواتي ، ماما متخصش حد فيكو ، و انها تتجوز او لا دا ميخصش حد لا قريب و لا غريب

تنفستُ بهدوء

سما: و طالما القريب أولى من الغريب ، كان القريب بياكل فينا ليه و ينهش في لحمنا ، بص يا عمو انكل طاهر في مقام بابا الله يرحمه و انا مش صغيره و محدش يقدر يمشي كلامه عليا

شعرتُ بأرجلى تهتز من التوتر

سما: نورتو خطوبتي ، الضيافه هتعجبكم أوي ، انكل طاهر عاملها هديه ليا ، متنسوش تدوقو منها

ناظروني بنظراتهم المعتاده و ابتعدو ، أغمضتُ عيني و تنفست بعمق ، ارحت يدي و أملت على " حمزه"

حمزه: سما انت كويسه

ساعدني على الجلوس و لاحظ راحه يدي التي قد ظهرت فيها علامات أظافري من قوه قبضتي ، مرر يده على راحه يدي

حمزه: سما اهدي ، هم مشو خلاص

فتحت عيني بهدوء و ناظرت الجميع ،  كما هم لم يتغير شئ ،  ثم ناظرت "حمزه"

حمزه: في أيه

سما: ممكن اخرج من القاعه ، حاسه اني هتخنق

أومأ بسرعه و رأيته يمشي من جانبي يبحث عن اخوتي ، ناظرت راحه يدي و بدأتُ بتدليكها ، دقائق حتى جاء لي و أمسك ذراعي

حمزه: تعالي هيبكرو الضيافه ترتاحي شويه ، واحده واحده يلا

تحركت معه حتى خرجنا من القاعه و جلسنا في غرفه اخرى ، وضعو لنا ضيافتنا و التي كانت مزيج من الحلويات الشرقيه و الغربيه مع بعض المعجنات الصغيره ذات الطعم المميز

حمزه: اهدي خلاص ، عمامك مشو

اومأتُ برأسي و ناظرتُ الطبق بهدوء

حمزه: انت مقصرتيش ، ادتيهم في جنابهم

ضحكتُ و بدأت أمسح دمعاتي المعلقه على رموشي

سما: انا كنت خايفه أوي

حمزه: ينفع تخافى و انا جنبك بردو ، دي حتى تبقى عيبه في حقى

نظرتُ له بهدوء

حمزه: انت خلاص بقيتي بتاعتي

صمت قليلا

حمزه: بعني نص بتاعتي لحد ما نكتب الكتاب

ضحكتُ

حمزه: الي هيقرب منك هقرقشه بسناني ، متخافيش

ابتسمتُ و اومأت له

حمزه: و بعدين ينفع عروسه المولد تدمع بردو ، دا كيلو المكياج يسيح

اختفت ابتسامتي و أمسكت الشوكه

سما: دا انت مستفز ، اعمل فيك أيه

ضحك بصوت عالي

حمزه: حبيني يا ستي ، سهله أهي

وضعتُ الشوكه على الطاوله

سما: هفكر في الموضوع دا
___________________________________

..(محمد)..

أجلس بجانبها رائحتها تخترق أنفي ، الصغيره ترقص مع الصغار و انا بجانبها ، عيناها تتجولان في القاعه و تراقب "مها" كل فتره ، تبتسم لحركاتها ، مرت عيني عليها ، شعرها الاسود القصير تركته منسدلا على ظهرها و رفعت أوله بمشبك صغير مما ظهر رقبتها و أذنيها ، قرطان يلمعان ينسدلا من اذنيها ، يتحركان بعشوائيه حين تتحرك ، فستان أسود بلمعه بسيطه ، عليها شال من الفرو يغطي جزءها العلوي ، رفعت عيني لوجهها حين تكلمت

سهام: سما مبسوطه أوي ، هي بتحب خطيبها صح

ابتسمتُ

محمد: شكلها كدا ، هي مقالتش حاجه بس باين

ابتسمت و ناظرت القاعه مره أخرى ، أنزلت رأسي لأرى يديها ، أظافرها الملونه بالأسود و خاتم فضي في يدها اليسري ، يدها لم تتزين بعد بخاتم خطبتنا ، ظللت أراقبها حتى دخل علىّ "حمزه"

حمزه: سما محتاجه ترتاح شويه ، ممكن نكلم القاعه يبكرو الضيافه

محمد: اه طبعا

تحركتُ معه بعد ان أخبرتها انني لن اتأخر ، تكلمنا مع مدير القاعه و بالفعل فعلنا ما نريده ، رجعت لها و اذا هي تتكلم مع الصغيره ، جلستُ و قد ابتسمت لي

سهام: الدنيا تمام

محمد: اه اه متقلقيش ، الدنيا زي الفل

وجهتُ نظري الصغيره

محمد: قولى يا ميكا بقا ، عملتي أيه

مها: قعدت أرقص مع البنت دي ، بس هي شدت شعري و وقعت التاج

طوقت يديها صدرها و برزت شفتها السفلى بنوع من انواع الحزن

سهام: طب اهدي ، هسرحلك شعرك و اعدلك التاج ماشي

ناظرتُ " سهام"

محمد: اقعدي انت ، انا هعملها

ابتسمت لي

سهام: لا هعملها انا ، هاتلى مشطها بس

أخرجتُ مشطها من حقيبه "مها" الصغيره و ظللت أناظرهم بابتسامه ، نزعت التاج عنها و بدأت بفك عقد شعرها بهدوء ، ناظرتُ "مها" لا تبكي ، دائما ما كانت تبكي حين تمشطه لها "عزه" ، حتى ان "عزه" تمل و تعطيها "لسيده" لتكمل ما كانت تفعله

محمد: شعرك واجعك يا مها

نفت برأسها

مها: لا ، سوسو بتعمله بالراحة

ابتسمت "سهام" و أكملت ما كانت تفعله ، وقفت الطفله التي كانت ترقص مع "مها"  أمامنا

الطفله: انا اسفه ، ماما قالتلى اقولك اسفه

ابتسمتُ و ابتسمت "سهام" ، ناظرت "مها" الطفله

مها: ماشي ، مسامحاكي

ابتسمت الطفله

الطفله: هخلي ماما تسرحلى شعرك زي ما مامتك بتسرحولك

جريت الطفله و ناظرت "سهام " الطفله ثم ناظرت " مها" بعد ان وجهت وجهها لها ، وضعت التاج على رأسها و ثبتته و ابتسمت

سهام: كدا انت زي القمر

ابتسمت "مها" و احتضنتها

مها: شكرا يا سوسو

سهام: العفو

حملتُها و تركتها تلعب مع الفتيات الصغيرات ، وجهتُ نظري للرجل الذي وضع التحيه و راقبت عيني حركاته بهدوء حتى انصرف

سهام: انا مبحبش الشيدر ، تاخدها

ابتسمتُ

محمد: حاضر

أخذتها بشوكتي و أعطيتها واحده اخرى من طبقي ، نظرت لي و ابتسمت

محمد: يلا كلى ، انت من الصبح في الشغل ، متأكد انك مكلتيش

ابتسمت و تناولت اول قطعه من المعجنات ، أغمضت عينيها بابتسامه

سهام: دا حقيقي ، انا كنت جعانه أوي

محمد: طب مقولتيش ليه ، كنت جبتلك اكل

التقطت القطعه الثانيه في فمها و غطته براحه يدها

سهام: انا متعوده على كدا في الشغل ، متشغلش بالك

محمد: لا يا ستي اشعل بالي ، مش خلاص خطيبتي يبقى اشعل بالي

ابتسمت و توردت وجنتيها

محمد: مش كنت جبتي طنط غيرت جو

سهام: حاولت و الله بس هي مكنتش راضيه ، هي من بعد الحادثه و هي مبتحبش تنزل الشارع ، بتضايقها نظرات الناس

محمد: ليه ، هي أول ولا اخر واحده تبقى على كرسي متحرك

تركت الشوكه و تنفست بهدوء

سهام: لا مش كدا ، انت مشفتش ماما زمان ، ماما كانت كلها طاقه و قويه جدا ، كانت بتشتغل بدل الشغلانه اتنين و ترجع تطبخ و تذاكرلى و مكتش بتتعب ، الناس لما بيشوفو ماما كدا نظراتهم كلها شفقه و همساتهم بتجرحها

ظللت اناظرها و فضولى يقتلني لأعرف ما الذي حدث

سهام: اول سنه دي كنت بحاول اخليها تعيش ، كانت ترفض الأكل بالأيام ، و اتطر اركبلها محاليل ، دخلت في اكتئاب حاد و خست النص ، كنت كل يوم انام معيطه من خوفي عليها ، لحد ما الحمد لله تقبلت الموضوع و رجعت كويسه ، بس بردو الشارع عامل لها ازمه

اومأت برأسي و أمسكت شوكتي و غرزتها في معجنه من المعجنات من طبقى و قربتها لفمها

سهام: كل انت انا طبقى أهو

محمد: انت متغدتيش كلى

سهام: يا محمد مينفعش احنا وسط الناس

محمد: انا مبعملش حاجه غلط ، يلا افتحي بقك

فتحت فاهها و التقطت ما بشوكتي و ابتسمت لي

محمد: بألف هنا

قاطع جلستنا صوت أعمامي ، نظرتُ لهم بهدوء و مددتُ يدي أسلم عليهم ، جلسو أمامي و سلمت "سهام" عليهم و هي لا تدري من هم

عبد الفتاح: أومال فين عزه

امتعض وجههي و خطفت نظره سريعه على "سهام" و قد أخفضت عينيها

محمد: مش موجوده ، انا طلقت عزه من ٣ شهور

نظرتُ "لسهام"

محمد: دي خطيبتي سهام ، معيده في كليه طب

نفيسه: فيكم أيه يا ولاد أخويا ، واحده تتخطب و متقولناش ، و التاني يطلق و يخطب و ميقولناش ، و التالته عاوزه اتجوز و تفضحنا ، أيه مالكم

ناظرتها بحاجبين معقدتان

محمد: مالنا يا عمتو ، احنا زي الفل أهو الحمد لله ، كلنا بتشتغل و الحمد لله مبسوطين في حياتنا ، عندك مشكله

مصطفي: مشكلتنا في نفيكم ليا من حياتكم ، أيه كان التماحيك بس عشان تاخدو ورث ابوكو ، خلاص ضمنتو ان سما عدت السن و أخدت فلوسها خلاص رميتونا

محمد: احنا الي رميناكم !! بقا انت الي بتقول كدا يا عمو

ناظرتني "سهام" بهدوء و رأيتها تتحرك لتقف ، أمسكتُ يدها و شددت عليها و ناظرتها حتى لا تبتعد ، نظرت لعمي الأكبر

مصطفى: انت مش كبير على انك تكرر في كلام أمك

محمد: ايوا انا كبير كفايا عشان اعرف مين معايا و مين عليا ، اسمع يا عمو ، امي الي كانت بتجري وراكم لعشرين سنه عشان تصرف علينا ملكش انك تتكلم عليها نص كلمه ، و اخواتي الي مدايق منهم ملكش كلمه عليهم ، احنا كبرنا لوحدنا و اول حد نهش في لحمنا انتم و لما استكفيتم رميتونا رميه الكلاب ، انتم هنا لخاطر بابا الله يرحمه ، و انا بقيت كبير و اعرف ارد كويس أوي

عبد الفتاح: عيب ترد على عمك الكبير كدا

محمد: العيب هو ان عمي الكبير يسرق ورث ابويا و يحرمنا منه و يذلنا عشان كل واحد ياخد نصيبه ، العيب هو انه يجي ببجاحه و يحاسبنا على رد فعله

اقتربت "مها" مني و هي تجري بضحك ، لاحظت نظراتهم لها و هي تحتضن "سهام"

نفيسه: لا بس ما شاء الله يعني عرفت تنقي المرادي

نظرتُ "لسهام" ثم ناظرتها

محمد: اه عارف ، أصلي مأخدتش رأيك المرادي

وقفتُ و أمسكت يد "سهام" لتقف و هي تحتضن "مها"

محمد: نورتونا ، معلش هستأذن

إبتعدتُ دون ان أنتظر ردهم و داخلى يغلي
___________________________________

..(نادره)..

رودينا: و بس كدا ، أيه رأيك يا نونه

ابتسمتُ و انا اسمع خطتها في تغير البيت

نادره: و الله هو جميل و كل حاجه بس انا رأئي نغير الاوض بس ، بلاش باقي الشقه

رودينا: ليه ، دا هيبقى تجديد

نادره: لا يا حبيبتي ، دي شقتكم و ريحه مامتك الله يرحمها فيها ، حرام احرمكم منها

صمتت قبالتي و ابتسمت

رودينا: ممكن اسألك سؤال

نادره: سؤالين مش واحد بس

رودينا: هو احنا لما بنتكلم على ماما الله يرحمها ، أو لما بتيجي سيرتها بتزعلي ؟

ابتسمتُ و انا أعي ما تقصد

نادره: لا طبعا ، ازعل من أيه ، دي مامتكم ، حقكم تتكلمو عنها و تفتخرو بيها كمان ، انا لازم ابقى مبسوطه إنكم فاكرينها ، انتو كدا بتبروها

ابتسمت ، جلس "طاهر" برفقتنا

طاهر: بقولك إيه متهوينا شويه

نظرتُ له بحده ، ضحكت " رودينا"

رودينا: يا سلام دلوقتي هوينا ، مش كان من شويه رودينا اقعدي مع نونه

طاهر: يا بت يا تقيله انت امشي بقا

ضحكت و استقامت تقبل رأسه

رودينا: ماشي يا بوب ، هروح لرحمه ألعب بعلياء شويه

ابتسمنا و راقبتها و هي تجلس بجانب اخيها و زوجته ثم ناظرته مجددا

نادره: ينفع كدا

طاهر: سيبك دلوقتي ، في حاجه أهم

نادره: أيه الأهم

طاهر: خلصت الورق خلاص و المأذون حدد المعاد

شعرتُ بألم في بطني من التوتر

نادره: امتى

طاهر: الخميس الجاي ، ها اتمم

توترت و توردت وجنتاي

نادره: تتمم ايه استني ، اصبر اقول للولاد الأول

ناظرني بهدوء

طاهر: هنقولهم يا نادره ، انت موافقه

نادره: مش عارفه

رفع حاجبه الأيمن لى في تعجب

طاهر: يعني أيه مش عارفه

فركتُ يدي بتوتر و قد لاحظها

طاهر: انت متوتره ليه

نادره: انا خايفه مش متوتره

اغمضتُ عيني ثم فتحتها

نادره: ممكن تستني عليا لبكرا ارد عليك ، محتاجه وقت

نظر لي بهدوء على غير عادته و مط شفتاه

طاهر: ماشي يا نادره ، مع اني مش شايف أي حاجه تخوف ولا توتر

اخرج زفيرا طويلا و قد عقد ذراعيه على صدره و أسند ظهره للكرسي

طاهر: و لا تحتاج وقت لبكرا

انه غاضب ، هذا واضح ، اعرف ان قلقي و ترددي المستمر يزعج من حولى ، للحظه غمرتني مشاعر السعاده و نسيت أهم شئ ، هل سيتحملني !!

نادره: ممكن اسألك سؤال

طاهر: اتفضلي

نادره: أيه اسوء حاجه فيا يا طاهر

ظهرت ملامح الجديه على وجهه و مال بجسده للأمام يستند على الطاوله

طاهر: دا أيه السؤال دا

نادره: جاوبني ، أيه اكتر حاجتك سيئه فيا

طاهر: طب فهميني فجأه كدا هبت في دماغك تسألي

صمتُ قليلا

نادره: جاوبني

طاهر: قلقك يا نادره ، قلقك و خوفك و ترددك ، اكتر حاجه بتغيظني فيك ، مرتاحه كدا

ابتسمتُ و زادت نبضات قلبي بتوتر

نادره: بتغيظك !

طاهر: طيب تاني بهدوء ، في أيه

نادره: استحمالك لقلقي في الأول دا عشان كنت عاوزني و خلاص و لا لانك هتستحمله بجد

عقد حاجبيه

طاهر: نادره  ، انت الي مكبره المواضيع ليه ، في حاجه معينه محتاجه تقوليها

نادره: انا خايفه ، خايفه انك تزهق من قلقي المستمر و ترددي الغير مفهوم ، و خوفي الشديد

أدمعت عيناي

نادره: انا خايفه ادخل في حياه جديده اخاف اكتر من الأول

صمت قليلا و اقترب للكرسي الذي بجانبي

طاهر: هو انا قصرت معاكي في حاجه و انا مش واحد بالي ، دايقتك بحاجه

أخفضتُ عيني بهدوء و انا امسك دمعاتي

طاهر : نادره ردي عليا

نادره: مفيش حاجه يا طاهر

لان صوته قليلا

طاهر: لا في ، في أيه

نادره: انت من ترددي في معاد كتب الكتاب ادايقت ، و هتفضل متضايق كل مره هتردد فيها ، و انا هفضل خايفه

ناظرته و قد فرت من عيني دمعه

نادره: انا عشت طول عمري خايفه و قلقانه ، معنديش استعداد ادخل حياه جديده اخاف و أقلق فيها اكتر

أمسك منديل و ناولني اياه بهدوء

طاهر: انا مش مضايق من ترددك ، ولا من خوف و لا من قلقك ، انا مدايق من انك معلقه حياتك على الي حوليكي ، مستنيه تشوفي اذا ينفع لكل الناس الأول و لا لا و بعد كدا ينفعلك ، مينفعش كدا ، مينفعش نعيش كدا

نادره: لازم اتأكد انهم موافقين يا طاهر ، عيالي لازم اتأكد مره و اتنين و تلاته

طاهر : لا مش لازم ، انت خلاص اتأكدتي مره ، خدي قرارك من غير ما ترجعي لحد ، هو احنا لما نكون في بيت واحد هتشوفيهم بردو

نادره: اكيد لا ، بس بردو هيكونو في الحسبان

طاهر: يا نونتي طبيعي يكونو في الحسبان ، بس الأهم بقا ، انت حياتك واقفه عليهم و لا حياتك ماشيه معاهم

صمتُ قليلا و ناظرته بهدوء

طاهر: انا عارف انك بتحبيهم ، و مبتحبيش حد يزعل منك و لا يتضايق ، بس الأهم دلوقتي هو انت ، خلاص كل واحد بيعيش حياته الي هو عاوزها يا نونتي

صمتُ و نظرتُ حولى أهدئ نفسي حتى لاحظت أعمام ابنائي يتحدثون مع "محمد" ، لفت نظري ما يحدث و ياليتني أسمع ما يحدث ، "محمد" محتد ! يبدو انهم لم يتركوه و شأنه ، راقبته و هو يخرج خارج القاعه ممسك بيد "سهام" و "مها" متعلقه في رقبه "سهام" ، قاطع مراقبتي له صوت "طاهر"

طاهر: خلاص يا نونتي متزعليش بقا ، و انا و الله ما مدايق من ترددك انت فوق راسي ، بس لو ممكن تحشريني في أولوياتك يعني و تفصلي حياتنا عن حياه ولادك

ناظرته و اومأت بهدوء ، أدرتُ وجههي لأراقب هؤلاء العقارب خوفا من ما سيحدث من كلماتهم
___________________________________

..(أسماء)..

اخيرا انتهت فتره نفاسي و بدأت أخرج من البيت ، أواجه صعوبه في التحرك بسبب وزني ، لسبب ما قد قل انتفاخ بطني و لكني ازدت في الوزن جدا ، "عادل" يرافقني دوما يتأكد من قدرتي على انجاز مهامي ، "عُمير" يأخذ كل وقتي لا أستطيع التنفس حتى ، بالكاد أستطيع أن اقضي حاجتي دون صراخه ، أمي كانت تساعدني عندما كنت معها و لكني الآن في شقتي ، مسؤوله مسؤوليه كامله عنه و عن "عادل" ، بالإضافة لتنظيف المنزل و اعداد الطعام ، ينتهي اليوم بالانهاك ، بالكاد أستطيع أن أفتح عيناي من التعب ، و الآن ها أنا أراقب الجميع و الصغير على أرجلى أحاول تنويمه وسط إزعاج الأغاني و الزغاريد ، نظرتُ ليساري فكان "عادل" يحضر طبقا آخر من الضيافه أمامي

عادل: يلا يا مسكر كلي بألف هنا

نظرتُ له بعينان مترجيتان

أسماء: حرام عليك يا عادل ، هفرقع انا أصلا مليت جامد

عادل: لا يا مسكر انت زي الفل ، كلى بس انت عارفه ان الرضاعه بتجوع ، بدل ما تهبطي

ابتسمتُ و أمسكتُ يده أتحسسها بإبهامي

أسماء: تسلم ايدك ، ربنا يخليك ليا يا رب

ابتسم و قبّل يدي

عادل: ولا منك يا مسكر

أمسكت الشوكه أغرسها في الطعام و آكل بهدوء و نتكلم في مواضيع مختلفه ، حتى قاطعنا صوت أعمامي

مصطفى: سلامو عليكو ازيك يا أسماء

نظرتُ لهم و اومأتُ

أسماء: و عليكم السلام يا عمو أتفضل

جلسو و اقترب عمتى مني

نفيسه: الله أكبر ما شاء الله ، مش كنتي تعرفينا معاد ولادتك كنا باركنالك و نقطناكي يا حبيبتي ، كان اسمه أيه عمر ؟ عمار؟

ابتسمتُ مجامله و أنا أكاد أخرج عن طوري ، "محمود" السبب في مجيئهم

أسماء: الولاده جت فجأه يا عمتو و الله ، عُمير اسمه عُمير

نفيسه: عُمير اه ، دا انا توقعت انك هتسميه على اسم باباكي الله يرحمه

عادل: ادعيلنا يا طنط البيبي الجاي ان شاء الله

ضحكت و خطفت "عُمير" من على أرجلى

نفيسه: ان شاء الله

انتفضتُ و قربتُ يدي لظهره لأدعمه

عبد الفتاح: متخافيش يا أسماء ، عمتك مش هتاكله

أسماء: بالراحه يا عمتو دا لسه شهر و نص

نظرت لي بحزم

نفيسه: في أيه يا أسماء ، انت نسيتي لما كنت بغيرلك ، دا انا مربيه عيال العيله كلهم

داخلى يغلي لا أود أن يكون ابني في حضنها ، انها تنفخ السم في كل مكان و في أي شخص ، نظرتُ "لعادل" و قد فهمني ، ضغط على يدي ليهدئني

مصطفى: بصي يا أسماء ، احنا اتكلمنا مع أخواتك و كل واحد طلع فينا عقده و طلعنا من القعده احنا الغلطانين ، بصي يا بنتي بعدكم عننا غلط ، و من حقنا نتأكد إنكم عايشين كويس ، و زي ما أبوكم كان هيعمل هنعمل ، عشان كدا يا بنتي احنا مش موافقين على موضوع جوازه أمك دا ، و ان كان أخواتك قبلو ان أمك تدخل عليكو راجل غريب ، انا مش هسمح ، دا اختك سما لسه بنت بنوت عيب يعني

نظرتُ له بتعجب و عيناي تلتفت كل لحظه لعمتى أتأكد من أنها تحمل صغيري بطريقه صحيحه

أسماء: معلش يا عمو انا اسفه يعني بس انت أيه دخلك بماما

عبد الفتاح: هو انتو كبرتو و بقيتو قلالات الأدب كدا ليه ، اتكلمي مع عمك عدل

انتفضتُ حينما صرخ على و تلقائيا أمسكتُ يد "عادل"

نفيسه: عاوز أيه من تربيه ست نادره ، هي راحت تدور على نفسها و سابت عيالها ، انا قلت لأمك الله يرحمها هي مش نافعه و مايعه كدا ، بس أخوك الله يرحمه كان بيحبها

عادل: بعد إ، ذن حضراتكم يعني ، لو هتتكلمو عن حماتي و مراتي ياريت تتكلمو بطريقه محترمه ، انتو ناس كبيره و عيب لما يطلع منكم كدا

نظرو له بحده ، استقام و سحبني بهدوء من ذراعي ، اقترب من عمتى و حمل "عُمير"

عادل: حماتي هي أمي التانيه ، ان مكنتش الاولى ، و الي بتتكلم عنها دي تبقى مراتي ، يعني حضرتك تتكلم عليهم كويس ، أما بالنسبه لتربيه حماتي فأنا مشفتش أحسن منها ، و لا عمري هشوف ، فحضراتكم تتكلمو كويس عليهم عشان انا مش هسمح بكلمه واحده

عبد الفتاح: هي لحقت تلحس دماغك يا ابني ، طيب احب اقولك ان حماتك لحست دماغ أخويا هي كمان ، و ماشاء الله بنتها طلعالها ، ربنا معاك لتموت ناقص عمر زي أخويا

قاطع صوته صوت أمي

نادره: كتر خيرك يا عبد الفتاح

نظر الجميع لها ثم وجهو نظرهم "لطاهر" الواقف بجانب أمي

نادره: انا شبعت منكم كلام طول العشرين سنه الي فاتو ، و مكنتش بفتح بقي احتراما لأبوهم عشان كان راجل طيب و مخلص للعشره الي ملحقتش حتى اعيشها معاه ، صبرت و استحملت نظارتكم و كلامك بس تيجي لحد عيالي و أكلكم

نفيسه: شوف مين الي بتتكلم ، كنتي خدي بالك يا اختي من عيالك بدل ما انت مدخلالهم راجل غريب

أسماء: انكل طاهر مش غريب ، انكل طاهر وجوده فرق مع الكل مش مع ماما بس ، الغريب هو الي كان بيرمينا وقت ما يشبع و يجلينا وقت ما يجوع ، انت عارفه يا عمتو ان لولا ورث بابا الي سايبهولنا كنتو راميتونا من زمان ، و عارفه كمان ان بسبب طمعكم و خبثكم ماما مقدرتش عليكم لوحدها و انتو استغليتو طيبتها ، انكل طاهر في مقام بابا الي عمركم ما وصلتو لمقامه

نظرتُ لأمي ثم نظرتُ لهم

أسماء: لولا إصرار محمود إنكم تيجو مكنش حد كلمكم اصلا ، احنا عليه بابا خلصت لما جدو و نينيه ماتو

أمسك "عادل" يدي و سحبني نحوه يهدئني ، ناظرونا جميعا بهدوء و اعنيهم تخرج منها الشرار

نفيسه: ماشي يا بنت وائل ، هنشوف وقتها اذا عيلتك خلصت بجد و لا لا

ابتعدو عني و راقبتهم حتى خرجو من القاعه ، امتلأت عيناي بالدموع احتضنني "عادل" و اقتربت مني أمي و "طاهر"

نادره: اهدي حبيبتي ، هم خلاص مشو ، ربنا ميورينا وشهم تاني

___________________________________

..(ابتهال)..

أضع يدي على يد "محمود" المستقره على بطني ، لقد رافقني اليوم لزياره الطبيب الشهريه مع أمي ، اليوم ابدأ شهري الثالت من الحمل ، استطعنا أن نستمع لصوت نبضات صغيرنا في بطني ، لأول مره أرى دموع "محمود" ، لا أعرف كيف أصف ما أشعر و لكن زاد حبي لطفلي منذ أن رأيت "محمود" متعلق به اليوم ، لقد كان مختلفا عن ما قبل ، هو مراعٍ و لين الطباع و حنون ، و لكن اليوم لسبب ما أشعر بشئ غريب ، أنه أكثر حمايه و تملك ، لا يبعد يده عن بطني يتحسسها و كأنه يريد ان يشعر بما أشعر به

ابتهال: محمود

نظر لي بابتسامه

محمود: عيون محمود

ابتهال: انا عارفه انه طلب بايخ بس انا جعانه

ضحك و اقترب مني

محمود: عنيا الاتنين ، نفسك في أيه

ابتهال: بس مش هتضحك عليا

محمود: لا يا ست الكل مقدرش اضحك عليكي

ابتهال: نفسي رايحه على بلح

محمود: بلح !!

نظرتُ له

ابتهال: مش قلتلك متضحكش

ابتسم و هو يحاول ان يحجب ضحكته

محمود: انا اقدر اضحك بردو ، بس هو في مشكله ، أجيبلك بلح منين

ابتهال: مش عارفه بقا ، عاوزه بلح أحمر مسكر

أغمضت عيني و ابتلعت لعابي

ابتهال: يالهوي طعمه في بقي

ضحك و قبّل يدي

محمود: حاضر ، نخلص الخطوبه و أوعدك ادورلك عليه

ابتسمتُ و لكن قاطعنا صوت "أسماء" المرتجف ، نظرتُ لها و قد رأيت أنفها الأحمر و عيناها الدامعتان ، وقفتُ بسرعه و كذلك "محمود"

ابتهال: انت كويسه يا أسماء

تجاهلت كلماتي و نظرت "لمحمود" بحده

أسماء: هاتو اعمامكم هاتو اعمامكم ، جبنا اعمامنا عملولنا أيه ، قلتلك بلاش يا محمود ، جم زودو أيه يا محمود مسابوش حاجه غير لما عابو عليها ، مامتك مسلمتش منهم و انت عارف انهم مش هيسكتو لما يشوفو طاهر معاها ، لأول مره تعمل حاجه غلط يا محمود

توترت قليلا و انا أرى الحده في صوتها ، اقترب منها "محمود"

محمود: طب اهدي ، أيه الي حصل

أسماء: قول أيه الي محصلش ، سمو بدني بكلامهم و سمو بدن مامتك ، حتى سما مسابوهاش في حالها ، أخوك محمد برا مع خطيبته بيحرق في سجاير ، كل دا عشان أيه عشان ناس ميستحقوش يبقو أهلنا اصلا

قالت كلماتها و سقطت دمعه على خذها ، اقترب منها "محمود" و احتضنها

محمود: انا مش قصدي يا أسماء و الله ، لما كلمتهم كانو عاوزين يبدأو صفحه جديده بجد ، و دا الي شجعني اجيبهم ، انا مش قصدي أدايقك و لا أدايق ماما و انت عارفه

أسماء: انت عارف انهم عمرهم ما هيتغيرو يا محمود ، الناس الي شبههم مبيصدقو يتشعبطو في حد محترم و يفضلو يقرفو فيه

محمود: طيب اهدي ، انا اسف ، انا هتصرف خلاص

مسحت دمعاتها و اومأت ، إبتعدت عنا و ناظرت "محمود" الذي قد تحولت ملامحه للجد ، نظر لي

محمود: اقعدي ارتاحي ، هشوف محمد و ارجعلك ، خلاص احنا هنروح هيتصورو بس

اومأتُ و تابعته بعيني و هو يخرج من القاعه
___________________________________

..(محمد)..

سهام: خلاص يا محمد بطل سجاير بقا ، دي خامس سجاره حرام عليك صدرك

أغمضتُ عيني و استنشقتُ سمها و لكن فتحتُ عيني حين شعرت السيجاره تؤخذ مني ، كانت هي "سهام" اخدتها من بين شفتاي و رمتها على الأرض ، نظرت لي بحده

سهام: خلاص كفايه ، اهدى

محمد: سهام ادخلي و سيبيني لو سمحتى

سهام: عشان تخلص العلبه النهارده ، هو دا الي هحاول ابطل يا سهام

أغمضتُ عيني و مسحت وجههي و أنا أتذكر نظراتهم و ما حكته لي "سما" حين اطمئننت عليها

محمد: معلش يا سهام بعد إذنك نتكلم بعدين

سهام: لا ، بصلي كدا

فتحتُ عيني و ناظرتها

سهام: بص انا معرفش أيه الحوارات الي عندك بس باين جدا انهم جايين يبوظو جو الخطوبه ، متبقاش سهل و عادي يتضحك عليك و تبوظ خطوبه اختك

محمد: عارف يا سهام انا مش عيل صغير ، عارف ، المشكله بس ان كل واحد فيهم عارف بيضغط فين عشان يخرجنا عن شعورنا

سهام: متسمحلهمش يا محمد

اقتربت مني و هدأت نبرتها

سهام: أرجوك يا محمد ، مش عاوزه أشوفك كدا ، متسكتش اتكلم ، اتكلم معايا بلاش تكتم في نفسك ، طنط نادره محتاجاك و أخواتك محتاجينك و مها محتاجاك

نظرت في عيناي

سهام: و انا محتاجاك

في لحظه تبددت كل الافكار الشيطانيه داخلى و شردتُ في عينيها ، "سهام" تحتاجني ! عيناها تلمعان بصدق ، لقد اجزمت انها تحتاجني ، أنا في حاجه ماسه لاحتضانها الآن

محمد: انت محتاجاني

سهام: اه محتاجاك ، محتاجاك جنبي ، متعيشنيش في رعب و خوف اني ممكن افقدك في أي لحظه بسبب السم الي بتسفه دا ، عشان خاطري انا اكتر واحده عارفه قرفها أيه

ابتسمتُ و أومأتُ برأسي

محمد: حاضر

قاطع كلماتنا دخول "محمود" بوجه يملؤه الجمود

محمود: ازيك يا سهام ، معلش ممكن تاخدي مها و تدخلى جوا ، عاوز محمد في كلمتين

اومأت برأسها و تحركت مع الصغيره للداخل و عيناي تلاحقهما ، ناظرتُ "محمود"

محمد: جاي تشوف طبعا هم رزعوني كلمتين عاملين ازاي

محمود: انا اسف ، كلامهم معايا كان بينم انهم عاوزين يفتحو صفحه جديده ، و الله ما كنت اعرف انهم هيعكو الدنيا كدا

محمد: انت عارف يا محمود عيبك الوحيد أيه ، انك طيب ساعات بحس انك ساذج ، او بتستقصد تبقى ساذج ، انت يا ابني نسيت هم عملو فينا أيه طول حياتنا ، نسيت القواضي و جري أمك في الشوارع و الاقسام ، نسيت شغلها و كلام عمتك الي زي السم لينا ، نسيت عمامك و هم بيشترو و يبيعو فينا

صمت قليلا و ناظرني بعيناه ثم أخفضها

محمود: كان نفسي أحس ان لينا عزوه يا محمد ، كان نفسي أشوف عيله ابويا جنبي و جنب أخواتي ، كان نفسي في حاجه من ريحه بابا الله يرحمه خصوصا من بعد موت جدك و جدتك

نظرتُ له بهدوء و قد قل غضبي قليلا

محمود: تقول عليا عيل ، تقول عليا عبيط ، تقول عليا ساذج ، قول الي تقوله ، بس انا بجد كان نفسي أحس بريحه أبوك جنبنا ، و بالذات في خطوبه سما ، سما ملحقتش تشوفه و لا عاشت معاه ، قلت أكيد هيحسو بدا و يعوضوها

اقتربتُ منه و احتضنته

محمد: وانا كمان نفسي في حاجه من ريحه أبوك ، بس احنا رجاله البيت يا محمود ، احنا هنحافظ على أمك و أخواتك ، احنا الي هنبعد مراتتنا و عيالنا عن مشاكلنا ، مش احنا الي نرمي المشاكل في حجرهم

ابتعد عن حضني و ناظرني بهدوء

محمود: اختك أسماء منهاره و بتقول انهم كلموك و كلمو سما و ماما و كلموها

مططتُ شفتاي

محمد: مقصروش بصراحه ، سما من كتر خوفها اتطرينا ننزل الضيافه بدرى عشان تهدى ، و اختك لولا جوزها عادل كانت عيطت و مأخدتش حقها ، و انا مقولكش حدث ولا حرج

محمود: طيب سما كويسه ؟

محمد: كويسه ، حمزه قعد معاها يهديها لحد ما هدت ، متقلقش خطيب اختك عارف ازاي يهديها ، بنت الايه جايبه واحد حافظها زي اسمه

قلت كلماتي الاخيره بضحك و قد ضحك "محمود" معي

محمد: احنا كويسين يا محمود ، انا عارف إن بابا واحشك بس ساعات بيكون قرار البعد هو الافضل

اومأ برأسه و ابتسم
___________________________________

..(نفيسه)..

نفيسه: شايف اخرتها يا مصطفى ، ولاد أخوك يكلمونا كدا ، ليه احنا فينا أيه كنا اكلنا حقهم و لا حاجه ، ما فلوسهم متاخده على داير مليم ، و بعدين اديك شايف ست نادره بمجرد ما الفلوس جرت في ايدين عيالها راحت تتجوز ، احنا لو مكنتش قرطنا على ورثهم كانت اتجوزت و سابت العيال

مصطفى: خلاص يا نفيسه انا مش ناقص وجع دماغ ، انا ضغطي مرتفع اصلا ومش قادر

نفيسه: يا سلام يعني انا الي السكر عندي متظبط ، مهو مرتفع هو كمان

قاطع كلماتي دخول ابنتي البكر "ليالي"

نفيسه: نعم يا ليالي عاوزه أيه

ليالي: دي الصور الي كنت عاوزاها يا ماما اتفضلي

مددتُ يدي و فتحتُ الظرف لابتسم و انا أرى الصور واحده تلو الاخرى

مصطفى: صور أيه دي يا نفيسه

نفيسه: ولا حاجه ، حاجه بيني و بين ليالي ، ارتاح و انا هروح مشوار و اجي تاني

ابتعدتُ عنه و دخلتُ غرفتي أرتدي ملابسي و نظرتُ لابنتي

نفيسه: انا فين رحت اشتري طلبات عشان عزومه أخوكي ، اكتر من كدا متتكلمين ، صور أيه دي صور بنت أخوكي ماشي

ليالي: ماشي يا ماما ، بس خدي بالك من نفسك

نفيسه: متخافيش مش أول مره اتعامل معاه ، مارجعيش بيتك غير لما خالك يمشي ماشي ، ادخلى اعمليله لقمه شكله تعبان بدل ما يروح مننا هو كمان

ليالي: حاضر

ابتعدتُ و خرجت الشارع استقل سياره أجره حتى وصلت للمكان المنشود ، بيت صغير في آخر قريتنا بجانب المقابر ، طرقتُ الباب و فتحت لي سيده خمسينيه بكماء ، افسحت لي المجال للدخول و جلستُ انتظر دوري بين السيدات الاتي تجلسن قبلي ، مرت ساعه اثنان حتى جاء دوري ، دخلتُ الغرفه و قد انقبض قلبي ككل مره ادخل فيها تلك الغرفه ، خطفت أنفاسي حتى دخلتُ و جلست و صداع شديد قد تحكم برأسي حتى كدتُ ان أصرخ ، فتحتُ عيني على ذاك الذي يجلس أمامي و ينظر لي بهدوء

نفيسه: ازيك يا عم الشيخ داوود

داوود: اهلا بيكي يا ست نفيسه ، على مين المرادي

نفيسه: ولاد أخويا وائل و امهم

قربتُ له الظرف و قد فتحه ينظر له بهدوء

داوود: دا هيبقى ضعيف يا ست نفيسه ، مفيش لا شعر و لا دم ، اعمله ازاي

نفيسه: ابدأ فيه بس و انا هجيبلك الباقي

داوود: بس دا مش رخيص يا ست نفيسه

نفيسه: متقلقش حقك محفوظ ، انا عاوزه كل واحد فيهم يتعلم الأدب ، عاوزاهم يترعبو ، عاوزاهم يخافو ميعرفوش ينامو

داوود: أيه دا ، دول مزعلينك أوي كدا

نفيسه: أوي ، عاوزه امهم تموت
.

.

.

.