رواية نادره الفصل الرابع عشر 14 - بقلم sasso

..(طاهر)..

سما: يلا كلو يقول بطيخ 

ابتسمت وأنا أرى عائلتي الكبيره ، في غضون بضع شهور أصبحت أباً لسبعه أشخاص بأبنائهم ، الجميع يحب بعضهم البعض ، الضحكات تتوالى على مسامعي ، الكل يضحك و لا يحمل بالا لما يحدث ، طفلتي "رودينا" تضحك بلا توقف ، "سامي" يتحدث مع "محمد"و"محمود" و "حمزه" ، "عادل" يعتبرني شخص مهم في حياته ، "أسماء " تضحك لى و كأنني والدها الحقيقي ، "سما" تلك المجنونه التى لا أنفك من الضحك على تصرفاتها و جملها ، لم يملأ بيتنا الدفئ هكذا منذ مده ، هذا المنزل لم يكن مزدحما هكذا من مده ، كنت أود حقا أن يكون "عمر" معي ،ذاك الفتى يتعبني ، بالكاد استطيع ان أراه في المناسبات ، مددت يدي لأستقبل " نادره" في حضني فأضع يدي على خصرها ، لحظات حتى شعرت بجسدها يميل على جسدي 

طاهر: انت كويسه؟ 

رأيتها تغمض عينها في هدوء و أنفاسها تهدأ ، أحكمت يدي على خصرها لأقربها منى أكثر 

محمود: ماما أنت كويسه 

لم ترد عليه ، وجهها شحب فجأه و في لحظه كانت قد ارتخى جسدها على جسدي لأمسكه بسرعه 

طاهر: نادره ، نادره 

تفرق الجمع بسرعه و اقتربو مني ، ارتخى جسدها كليا و وقعت على الأرض ، جلست على ركبتاي و أنا احمل جذعها و أحاول افاقتها ، ارتب على وجنتيها 

طاهر: نادره فوقى 

نظرت "لرودينا" 

طاهر: رودينا هاتي كوبايه ميه 

اقترب الجميع و قد بدأ " محمود" و "محمد" في محاوله افاقتها  ،قاطعتنا " سما" و هي تقترب 

سما: وسعو وسعو خليها تتنفس 

اقتربت منها و أراحت حجابها لتظهر خصلاتها السوداء ، لم أعي إلا و أنا اضع يدي على رأسها لأحجب شعرها ، لاحظت ابتعاد "حمزه" و افساح المجال "لسما" و "سهام" 

سهام: محمد معلش في شنطه عربيتي هتلاقي البالطو و السماعه بتاعتي هاتلى السماعه بسرعه 

نظرت لى 

سهام: رودينا هاتي جهاز الضغط ، انا رجعته مكانه لما طنط رفضت أقيسلها الضغط 

وجدت الجميع يهرول بسرعه و لحظات حى بدأت "سما" في قياس ضغط دمها و "سهام" تستمع لنبضات قلبها ، رأيت "سما" تنظر "لسهام" و هي تشير لجهاز قياس ضغط الدم ولم يتكلما 

طاهر: في ايه ، ضغطها كام 

نظرو لى بهدوء 

سهام: متقلقش يا انكل ، عاوزه بس محلول ملحي هتبقى كويسه 

رودينا: انا هجيب 

قالتها بصوت مهزوز 

طاهر: لا سامي روح انت بسرعه ، مضمنش أختك يحصلها حاجه ، بسرعه بس 

اومأ لى سامي و خرج يهرول بسرعه ، حملتها متجها لغرفتنا و الفتيات ورائي ، وضعت بعض الوسائد تحت قدميها و يدي تدلك يديها 

سهام: هي طنط تعبانه عندها سكر ضغط أى حاجه بتاخد أي دوا 

سما: لا خالص ، ماما صحتها كويسه جدا ، فيتاميناتها بس 

سهام: ممكن أشوف الفيتامينات 

نظرت "سما" لي و أومأت متجها لمكان العلاجات التى قد نظمته ، و أخرجت فيتاميناتها كلها 

طاهر: فيتامينات عاديه ، زنك و فيتامين سي و كالسيوم 

نظرت "سهام" للعلاجات و وضعت يدها على رأسها 

سهام: اومال ضغطها واطي اوي كدا ازاي ؟ طيب هي اجهدت نفسها ولا حاجه زعلانه يمكن ضغطها انفعالى 

طاهر: لا خالص ، هي بقالها كام يوم وشها اصفر مع انها بتنام كويس و بتاكل كويس ، دا حتى الشغل سابته و بقى على قد الشموع الى بتعملها كل شغلها من البيت و من غير اجهاد 

سهام: طيب ان شاء الله خير 

دخل "سامي" يهرول بسرعه و في يده المحلول و مستلزماته ، أخذتها "سهام" من يده و بدأت بتجهيز المحلول و اعطائها لها ، جلست أمامها انظر لوجهها المرهق و الذي لا يزال شاحبا ، وقفت "سهام" و هي تلمس وجهها 

سهام: طنط انت سامعاني ؟ 

اقتربت لأرى جفنيها يتحركان بهدوء 

طاهر: نادره  

فتحت عيناها و قد كانت زائغتان لم أرهمها كذلك أبدا 

سما: ماما .. ماما سامعاني ؟ 

اومأت برأسها و أرى يديها تتحركان بتهب واضح ، أمسكت يدها أدلكها لها و أقبلها متناسيا أن ابنتها أمامي 

سهام: طنط نادره اتكلمي طلعلي صوت لوسمحتى ، حتى لو همهمه 

نادره: أنا كويسه 

تكلمت بصوت متعب لا يكاد يظهر 

نادره: دايخه بس 

طاهر: سلامتك ، انت كويسه متقلقيش ارتاحي نامي 

اقتربت "سهام" تبعد عن رأسها الحجاب و تفتح أزرار قميصها العلويه 

سهام: هعملك شاي و أي حاجه خفيفه جنبه ماشي 

خرجت من الغرفه دون ان تتلقى ردا منها و كذلك "سما" لتطمئن الجميع ، قبلت رأسها و رأيتها تبتسم لى 

نادره: انا كويسه و الله 

طاهر: أنا اتخضيت ، انت مشفتيش وشك كان عامل ازاي أصفر زي اللمونه 

نادره: انا كويسه 

طاهر: كويسه ايه بقا ، لا انا مخدش على كلامك 

ابتسمت و لمست لحيتي 

نادره: انا دخت بس شويه ، مش موضوع كبير يا طاهر 

نظرت ليدها و للمحلول 

نادره: انتو كبرتو الموضوع محلول و حوارات ، ايه مكنتش دوخه 

طاهر: ان مكناش نكبره عشان نونتى هنكبره لمين قوليلي 

ابتسمت و نظرنا للباب حين طرق ، دخل الشباب فردا فردا مع ازواجهم 

محمد: انت كويسه يا ماما ، اوديكي المستشفى 

دخلت "سهام" بكوب الشاي 

سهام: مش محتاج يا محمد هي كويسه متقلقش ، هتاكل حاجه ترفع لها ضغطها و تريح شويه و هتيقى زي الفل 

محمود: ألف سالمه عليكي يا ماما 

ابتهال: انت متأكده انك كويسه يا طنط 

ابتسمت "نادره" و ظهر صوتها المجهد 

نادره: انا كويسه و الله 

اعتدلت لتمسك كوب الشاي بيدها اليمنى و هي تنظر للجميع 

نادره: اعيش و اشوفكو دايما ملمومين مع بعض كدا حبايبي ، انتو الاربعه مع روينا و سامي ، ربنا يخليكو لبعض 

رودينا: وانت بصحه و عافيه يا نونه ان شاء الله نكون ملمومين على زغروطه المره الجايه 

سما: يا رب بقا زغروطي يا رب 

ضحك الجميع و ضرب "محمد" مؤخره رأس "سما" 

محمد: ياخربيت عقلك ، اتهدي بقا و اعقلي الكلام الي بتقوليه 

ضحكنا جميعا و قد لاحظت يدها التي قد وضعت على صدرها، نظرت لملامحها ثابته تضحك مع الجميع ، قد أكون اتهيأ لا أكثر 

___________________________________

..(ابتهال)..

خرجت من دوره المياه و لم أنتبه للماء الذي على الأرض ، لولا يد " محمود" لكنت على الارض الآن 

محمود: بالراحه مستعجله على ايه 

ابتهال: مأخدش بالى من الميه الى على الأرض 

ملت بجسدي لأمسحها 

محمود: بس بس اقعدي انت بتعملى ايه 

ابتهال: همسح الأرض 

محمود: بس يا كتكوته انت ارتاحي هسمحها انا ، ارتاحي انت من الصبح مع ماما 

ابتهال: انا كويسه يا محمود 

قاطعني 

محمود: هشش ، انت بتغلبيني معاكي ليه ، اقعدي ، همسحها و هعملك ساندوتش حلو كدا 

ابتسمت و اومأت برأسي ، تحركت بهدوء للتلفاز و قد بدأت اشاهد ما عليه بهدوء و قد شردت لحظه ، تذكرت أحداث اليوم ، لقد تحقق الحلم ، شحوب وجه حماتي كما رأيته بالحلم ، اصفر بالنقطه دماء واحده ، هل كانت مصادفه ؟ أم أن ما حدث في حلمي سيتحقق حقا ؟ وضعت يدي على بطني بهدوء اتحسسها و ابتسمت ، لقد كانت تدافع عنا جميعا في حلمي فهمي أمنا جميها تحمينا بفطرتها ، هل سأكون أما محبة كما هي ؟ 

محمود: يلا يا حلو الساندوتش اهو ، عملتك جبنه رومي سايحه في التوستر انما ايه تهبل 

نظرت له و ابتسمت 

ابتهال: شكرا يا محمود 

محمود: بألف هنا يا قلب محمود 

اقترب مني و احتضنني 

محمود: ها متابعه ايه ؟ 

ابتهال: مش متابعه انا فتحته و خلاص 

امسك الريموت من جانبي و بدأ يعبث في القنوات الفضايه حتى استقر على فيلم 

محمود: الفيلم دا العيال عندي في الجامعه بتكلمو عنه كتير ، بيقولو حلو نشوفه؟ 

وضعت رأسي على صدره و بدأت في أكل الساندويتش 

ابتهال: ماشي 

مضى الوقت و يده تداعب خصلات شعري و كل فتره و الاخرى نضحك على ما نشاهده ، حتى شعرت بالنوم يغلبني 

ابتهال: انا بنام مش قادره أكمل 

نظر لى و قد لاحظ نبرتي الناعسه و عيناي المغلقتين 

محمود: طيب خلاص نبقى نشوفه على النت فأي وقت 

وقفت بهدوء اتحرك لدوره المياه 

ابتهال: هغسل اسناني و اجي اشيل الحاجه 

محمود: اغسلي اسنانك و انا هشيل الاطباق و اغسلهم انت نايمه على نفسك خالص 

لم اعترض فقد كنت ناعسه بطريقه غير طبيعيه ، مشيت بهدوء و دخلت افرش اسناني بعينان ناعستان ، مشطت شعري و عطرت جسدي و لكني شعرت بهواء ساخن بجانب اذني اليسري ، اقشعر جسدي و نظرت لجانبي الايسر تلقائيا و لكن لا أحد هنا ، زادت نبضات قلبي وضعت يدي على صدري و تنفست بدوء ، اصابني الخوف و نظرت حولى في دوره المياه ، حمقاء أنا قد يكون من تدفق الماء الساخن لا أكثر ، خرجت و قد رأيت الاطباق مغسوله و "محمود" ينتظرني على السرير يعبث في هاتفه ، جسلت بهدوء و جسدي لايزال مترجفا لسبب لا أعرفه 

محمود: اتأخرتي عن كل مره 

ابتهال: اه ، لا عادي كنت بتحرك بالراحه بس 

محمود: انت كويسه يعني 

ابتهال: اه ، انا كويسه 

اقترب مني و احتضنني يده تلمس بطنى المنتفخه 

محمود: المتابعه الجايه هنعرف هو ولد ولا بنت 

اومأت برأسي 

ابتهال: ان شاء الله 

اقتربت منه لأضع رأسي على صدره و استنشق رائحته ، انا خائفه لسبب اجهله ، دقائق حتى شعرت بأنفاسه مستقره و قد غط في نوم عميق ، حاولت النوم لكن دون جدوى لا نوم ، لقد كنت ناعسه منذ لحظات ما الذي حدث ، حراره غريبه قد تملكتني ، جلست امسح حبات العرق من على رقبتي و بدايه صدري ، نحن في الربيع الجو ليس بتلك الحراره 

ابتهال: و بعدين بقا 

تحركت من على السرير لدوره المياه اتحمم قد يكون الأمر بسبب هرمونات الحمل ، اغمضت عيني استمتع بالمياه الفاتره التي بها بعض الدفء لأشعر بتلك الانفاس ثانيه ، فتحت عيني بسرعه و قد غطيت جسدي بيداي ، اشعر ان هناك أحد معي ، هناك أمر ما غير طبيعي ، لم استطع ان ابقى في دوره المياه طويلا ، خرجت و ارتديت ملابسي و قلبي ينبض بعنف ، اقتربت من "محمود" و امسمت ملابسه بشده 

محمود: ايه يا ابتهال؟ 

قالها بصوت ناعس و عينان مغمضتان 

ابتهال: احضني يا محمود 

تنفس و حاوطني بيديه دون وعي و أكمل نومه ، اغمضت عيني و أنا أردد سوره الملك و آيه الكرسي حتى ارتخى جسدي و غطتت في نوم عميق ، استيقظت متعرقه و اشعر بألم في بطنى ، تأوهت بشده حتى استيقظ "محمود"  على صوتى 

محمود: ايه ايه ، مالك 

ابتهال: مش عارفه ، فجأه بطني وجعتني 

محمود: طب مش يمكن تقلتي في الأكل ولا حاجه 

نفيت برأسي و بدأت اتنفس بهدوء 

ابتهال: لا ، محمود شغل سوره البقره في البيت لو سمحت 

نظر لى بتعجب 

ابتهال: افتح التيليفزيون القناه رقم واحد هتلاقيها بتردد سوره البقره عليها ، في حاجه غلط في البيت 

تحرك بهدوء و فعل ما قلته له 

محمود: في ايه 

هدأ الألم قليلا مع سماعي لصوت السوره و بدأت ابكي و انا اتذكر ما حدث في دوره المياه و ما حدث و انا نائمه 

محمود: في ايه يا بنتي مالك 

ابتهال: انا حسيت بحاجه معايا في الحمام ، اكتر من مره 

شهقت و بدأ يمسح على شعري 

ابتهال: حسيت ان في حد كان معايا في الحلم يا محمود ، في حاجه غلط 

اقترب مني يمسح دمعاتي 

محمود: مش فاهم بالراحه بس و فهميني 

ابتهال: حسيت بنفس حد عليا يا محمود نفسه على جسمي 

لم أكمل و بدأت أبكي ، اقترب مني و بدأ يهدئني 

محمود: طب مايكمل يكون حلم يا ابتهال ، احتلام مثلا 

نفيت بشده 

ابتهال: لا ، بقولك انا حسيت بنفس سخن على جسمي ، كأن حد جنبي 

نظر لى بهدوء 

محمود: طب دا ايه دا 

نظرت له 

ابتهال: نرقي نفسنا ، احنا مؤمنين و عارفين ان الجن موجودين يمكن حد فينا عمل حاجه غلط خلتهم يدخلو بيتنا 

نظر لى بهدوء 

ابتهال: يمكن نسين اقول دعائي قبل ما ادخل الحمام ، او وقفت قدام المرايه كثير من غير ما اسمي معرفش ، المهم ان في حاجه غلط ، انا و انت عارفين ان في حاجه غلط ، و دا يفسر الاحلام الي شغاله احلمها طول الشهر الي فات دا ، دي مش احلام طبيعيه 

محمود: طب يا ابتهال يمكن يكون الموضوع ابسط من كدا انت مكبراه 

صرخت في وجهه و انا ابكي 

ابتهال: مكبره ايه ، بقولك حسيت بحد بيلمسني ، انت مش مؤمن و عارف ان الرسول حذر من الجن و المس 

محمود: طب اهدي بس  ، انت عاوزه ايه دلوقتي 

ابتهال: نرقي نفسنا نجيب حد يرقينا معرفش المهم نعمل اي حاجه 

محمود: طيب اهدي ، هعملك الي انت عاوزاه 

___________________________________

..(أسماء)..

لأول مره منذ زواجي أنا و "عادل" نفترق ف نومنا ، طوال اسبوع كان يستيقظ اما بضرب مبرح او بخربشات على جسده او كدمات ، لا اعرف كيف لشخص ان ينام كل يوم يشعر بالألم ، و الغريب في الأمر انني لا اشعر بشئ ما ، هذا أمر غير طبيعي ، لقد اخبرني أن "طاهر" أخبره أن ننام على طهاره ، ولكنه لم يحدد ما السبب ، و لأول مره يبتعد و ينام في غرفه منفصله ، الغريب في الأمر انه استيقظ دون ألم و لا كدمات او خربشات على جسده ، ذهبت عمله كالمعتاد ، لم يتألم عندما ينام معي قي غرفتنا ؟ ، استيقظت كما العاده أرضع "عمير" و اهتم بشؤونه و شؤون المنزل و اطبخ ، لم أشعر بالوقت و لكني و لسبب ما شعرت بالخوف من المنزل ، أشعر دائما بوجود أشخاص خلفى ، اسمع اسمي يتردد في اذني و كأن شخص ما يناديني ، حمل ثقيل على كتفاي و رقبتي ، ألم  جسدي ينتشر في كل مكان ، نظرت للساعه و اذا هي الخامسه عصرا ، انتظر رجوع "عادل" للمنزل ، قاطع انتظاري هاتفي الذي يصدع معلنا عن "ابتهال" 

اسماء: ازيك يا لولو عامله ايه 

ابتهال: الحمد لله يا اسماء ، انت عامله ايه 

اسماء: كويسه الحمد لله 

ابتهال: مش باين على صوتك يعني انت كويسه؟ 

اسماء: مش عارفه يا ابتهال انا تعبانه اوي ، كتفي و ظهري و ركبي تاعبيني كل حاجع تعباني 

ابتهال: يا حبيبتي ألف سلامه هتلاقي من الرضاعه اكيد 

اسماء: عارفه ، بس انا مخنوقه و خايفه بجد ، في حاجه غلط في البيت ، في حد دابب عينه في حياتنا معرفش في ايه 

ابتهال: ليه يا بنتي كدا ، ما انتو كنتو زي الفل امبارح  

اسماء: مش عارفه ، بقولك ايه انا هسألك عن حاجه بس وعداوعي تقولى لحد حاجه 

ابتهال: طبعا يا حبيبتي انت عارفاني يا اسماء 

اسماء: انا حاسه ان في حاجه غلط في البيت 

ابتهال: حاجه غلط ازاي يعني 

اسماء: بصي احنا بنات زي بعض و هنفهم بعض ، انا بقالى فتره طويله حاسه بحد جنبي في السرير يا ابتهال ، و الله بيكون حقيقه ، مش عارفه الي هقوله دا صح ولا غلط بس بحس بحاجه بتلمسني و انا نايمه 

ابتهال: مصدقاكي ، طب قلتي لعادل 

اسماء: قلتله ، المشكله اني كنت نافره منه جدا يا ابتهال ، و لما قربلى بقاله كل يوم باخد كل علقه و التانيه و هو نايم يصحى متكسر ، لقيته امبارح بيقولى حنا هننام على طهاره ، و راح نام في اوضه تانيه ، و على عكس المتوقع قام و كان نشيط جدا على عكس الي كان بيحصب قبل كدا ، عشان كدا بقولك ان الموضوع غريب و في حاجه غلط في البيت 

ابتهال: طيب شغلى سوره البقره في البيت دائما هبعتلك تردد قناه بتشغل سوره البقره بس ، افتحيها علطول مفيش افتحيها على الراديو ، المهم متتقطعش من البيت ، و محمود قالى انه هيجيب شيخ يقرأ على البيت عندنا قولى لعادل يقرأ عندكم انتو كمان 

اسماء: يقرأ عندكم ليه ؟ 

صمتت قليلا و سمعت تنفسها 

ابتهال: انا بحس نفس الي بتحسيه يا اسماء ، دا مش طبيعي ، دا جن و ربنا يعفينا و يصرفهم عنا 

اسماء: يالهوي جن ! انت بتقولى ايه يا ابتهال جن ايه احنا مالنا  ومال الجن 

ابتهال: من نحيه احنا مالنا لا مالنا و نص كمان ، المهم خدي بالك من نفسك و اقرئي اذكارك دائما و طبعا عُمير مش محتاجه اقولك دايما يتحصن هو حبيب قلبي لسه ملاك ابيض هو اكتر واحد ممكن يتأثر 

ضحكت بعدم تصديق 

اسماء: في ايه يا ابتهال ، انت اتفرجتي على فيلم رعب قبل ما تنامي ولا ايه 

ابتهال: اسماء انت مش مؤمنه و عارفه ان الجن موجود ؟ 

اسماء: اه 

ابتهال: يبقى تاخدي بالك من كل حاجه ، و ادعي ربنا العافيه في كل حال 

ظللت اسمعها و انا لا اكاد اصدق ، كنت اعلم ان هناك شيئا غير طبيعي و لكن لم يتخيل عقلي ان هذا مرتبط بالجن ، اغلقت معها الهاتف و شردت قليلا في كلماتها ، بدأت افكر قليلا ثم امسكت هاتفي و بحثت (هل يلمس الجن النساء عند النوم؟) لحظات حتى رأيت مواقع كثيرة تتكلم عن اللمس و الجن العاشق و المس الشيطاني و الذي أصابني للحظه بالخوف ، بدأت اقرأ حتى وجدت وجهتي 

*فتاه تحكي أنها تشعر بأن هناك شخص يلمسها ، في جسدها و عورتها وقد قال المفتي لها ان هذا قد يكون مسا شيطانيا و هو ما يجعل المرأه تشعر باللمس ، و هناك نوعا آخر و هو الجن الطيّار و هو من يأتي و يذهب دون موعد او سبب ، و ان علاجه في الرقيه الشرعيه المكثفه على حسب الحاله و على حسب تحمل الجسد ، ودهن الجسم بالزيوت المقروءعليها و دهن العوره بالمسك الاحمر حتى ينتهي ما يحدث * 

ظللت اقرأ و اقرأ تجارب فتيات و ردود المفتي لهم حتى تيقنت ان هناك شئ ما غير طبيعي ، نزرت حولى للبيت و قد شعرت بالخوف  ، ان تعرف ان هناك من يراك دون ان تراه يجعلك ترتعب ، اغلقت الهاتف و انا استعيذ من الشيطان الرجيم ، اخذت "عُمير" في حضني و بدأت اردد سوره قريش ، حتى جاء "عادل" و دخل المنزل 

عادل: في ايه مالك انت كويسه 

ترغرغت عيناي بالدموع و احتضنته ، لم يفهم ما يحدث ز لكنه رتب على ظهري بحنان 

عادل: طب اهدي بس مالك فهميني 

جلست بجانبه و قصصت له ما حدث و ما قرأت ، نظر لى بهدوء و قد مسح وجهه و تنفس بعمق 

عادل: انت عاوزه ايه ، ايه الي يريحك 

اسماء: مش عارفه يا عادل انا خايفه بالذات مع الى قرأته بقيت خايفه أكتر 

عادل: طيب مش هنخسر حاجه خلى الشيخ يجي البيت ، مرتاحه كدا 

اومأت و اقتربت منه احتضنه ، قبل رأسي و هدأني ، لم يكن على أن استقبله بالبكاء و لكني حقا منهاره لا استطيع ان اهدأ بمفردي 

___________________________________

..(سهام)..

انها السابعه مساءا و انا اطعم أمي الطعام بهدوء 

سهام: اه امبارح تعبت شويه و احنا عندها فناويه اروح لها اتطمن عليها النهارده لو تسمحي يا ماما 

مسحت فمها و انتظرتها تبتلع الطعام 

سلوى: ألف سلامه عليها يا حبيبتي ، لا روحي أكيد ، متروحيش بس و ايدك فاضيه ، اشترى علبه شيكولاته كدا و ادخلى بيها 

اومأت و ناولتها ملعقه أخرى 

سهام: بس امبارح كان يزم حلو أوى يا ماما ، هى العيله جوها كدا ؟ بتبقى جميله كدا ؟ 

مسحت فمها و ابتسمت لى 

سلوى: بتبقى أحلى و أحلى لما تلاقى ناس بتحبك بجد زي ما ربنا رزقك 

نظرت في عيناي و ادمعت عيناها 

سلوى: انا اسفه اني مدكيش احساس العيله الي كنتى عاوزاه ، و الله العظيم كان غصب عنى ، كان نفسى اخليكي اسعد انسانه في الدنيا بس و الله العظيم مقدرتش غصب عني 

تركت الطعام و مسحت عنياها و احتضنتها 

سهام: هشش .. بس سا ماما ايه الي بتقوليه دا ، انا عارفه انه مش بايدك ، كله بسببه ، هو الى رمانا و طلع يجري 

سلوى: لا انا الي غبيه ، انا كنت زيك كدا محرومه من جو البيت و العيله  مع اني كنت في بيت كامل مكون من اب و ام و اخوات بس بمجرد ما ما لقيت طريقه اهرب بيها منهم طلعت ليها ، كنت مفكره اني هعيش حياتي الي معشتهاش ، هيطبطب عليا و يحبني ، هيسأل عليا لما اتعب ، هيقولى تسلم ايدك لما اعمل اي حاجه ، و الله كنت بتنشق على كلمه حلوه ، بس اعمل ايه ، غبيه 

ظللت اسمعها كلماتها لا تتغير ، تحكي ليه تلك القصه مئات المرات و كأنها تخبرني بأن لا أفعل مثلهاحتى و ان كنت احتاج 

سلوى: نار ابويا و امي و لا ناره ، مستحملتش و كنت عاوزه ابعد بس اقول لمين خلاص الفاس وقعت في الراس ، بعد 3 شهور جواز عرفت اني حامل فيكي ، عارفه لما تبقى في نفق ضلمه و فجأه تحسي بالنور قدامك اهو انت النور الي كان في حياتي ، استحملت كل حاجه عشان اشوفك قدامي و ياه يا سهام لما شفتك اول مره بعد ما ولدتك ياه ، كنت بيضا و عيونك واسعه و شفاسفك حمرا ، المستشفى اتقلبت لما شافتك ، و انا اكبر في عيونهم و اخبيكي من عيونهم ، عشت ليكي بس ، اتعلمت اعيش ليكي و انسى كل حاجه ، لحد ما سابنا و مشى و لا تعرف عنه حاجه 

ظللت اسمعها و ادمعت عيناي ، ابتسمت و مسحت على وجنتها 

سهام: دا انا من يومي واكله الجو 

ضحكت بصوت عالى و ابتسمت بعدها 

سلوى: انت واكله كل حاجه حبيبتي 

ظللت اناظرها و ابتسم ، حتى قاطعنى صوت هاتفى 

سلوى: يلا يلا روحى انا كدا او كدا شبعت ، سلميلي على محمد و على مها و قوليلها المره الجايه هجيب لها هديه كبيره قد كدا 

ابتسمت و قبلت رأسها 

سهام: مش هتأخر ، طنط ليلي هتطلع تقعد معاكي اوعي تنامي غير لما ارجع 

سلوى: حاضر حاضر ، يلا روحي بقا 

___________________________________

..(رودينا)..

اقف أمام كتبي المهوله و انظر لها بصدمه ، بعد غد اختبار من اسوء الاختبارات التى سأواجهها في حياتي ، اكره هذه الماده ، بدأت انظر للملازم و المذكرات التي قد لونتها بالاصفر و البرتقالى و الكثير من الملاحظات و الرسومات ، و بدأت اقرأ من جديد عسى ان اتذكر شيئا و انتهى من تلك الماده الحقيره ، سمعت الباب يطرق و اذنت له وجدت "نادره" تدخل و بيدها طبق به بعض الفواكه و كوب من الماء ، وقفت بسرعه التقطه منها 

رودينا: ايه يا نونه دا ، انت تعبانه 

ضحكت و ابعدت يدها عن يدي لتصل للمكتب و تضع الطبق و كوب الماء 

نادره: انا زي الفل اهو يا رودينا ، انتو هتتعبوني ليه بس 

رودينا: لا يا نونه بوب موصيني محركيش من مكانك 

ضحكت و احتضنتي 

نادره: انت و البوب بتاعك دا ، انا كويسه متقلقيش ، ذاكري انت بس ، محمد و سهام جايين كمان شويه اكري براحتك انا بقولك عشان تبقى واخده بالك 

رودينا: بجد ، طب ممكن اطلب طلب سخيف 

ضحكت و اومأت لى 

رودينا: الماده دي انا بكرهها بجد ، ممكن سهام تقعد معايا شويه تلمهالى ، ولا هيبقى قله أدب 

نادره: لا انت تطلبي منها بنفسك 

رودينا: لا طبعا ، افرضي احرجتني 

نادره: سهام !! لا طبعا دي سكر ، خلى علاقتك بيهم بسيطه ، انت بنتي و هي خطيبه اخوكي ، و متقلقيش هي مش هتقول لا ، بس خليكي شجاعه شويه 

رودينا: حاضر 

قبلت رأسي و خرجت ، ابتسمت و جلست انظر لطبق الفواكه التي اعددته لي ، لقد علمت انني لا أحب بذور التفاح ، تقطعه لي دون ان يظهر بها بذره واحده ، و كذلك الأناناس تقطعه لى و تضع عليه بعض السكر كما أحب ، لا تكثر من الفراوله فهي تعلم انني اتحسس منها و تعطيني كوب ماء لانها تعلم اني اشعر بالعطش حين اذاكر ، تهتم لأمرى ، لم يهتم لأمرى شخص كما تهتم بي ، أرى في عنيها الحب و الراحه ، ليست حزينه او مغصوبه على فعل هذا انها تفعله بحب و عطاء .

مرت ساعتان و قد قررت ان أخرج لأتمشى في المنزل قليلا سمعت صوتها يسهل ، وقفت على باب غرفتها و سمعتها من داخل دوره المياه تتأوه بصوت خافت ، شعرت بالرعب و لم اتحرك ، كنت اود حقا ان اذهب لها و اطمئن ولكني لم اتحرك ، لحظات على خرجت من الحمام و هي مغمضه العينين تضع يدها على صدرها و تفركه بهدوء سعلت مره أخرى و انا لا ازال واقفه امامها اناظرها بخوف و رعب ، تذكرت امي حينما كانت متعبه ، كانت تتأوه بعيدا عنا حتى لا نسمع ولكنى كنت اسمعها ، كل شئ يعاد للمره الثانيه 

نادره: رودينا 

نظرت له و تجمعت الدموع في عيناي 

نادره: عاوزه حاجه حبيبتي 

اقتربت منها و احتضنتها و بدأت ابكي 

نادره: ايه الي حصل في ايه 

رودينا: انت تعبانه 

نادره: لا يا حبيتي انا كويسه ، انا شرقت بس و انا بتوضى 

اعلم انها تكذب فقط لتطمئنني ، ظللت ابكي و هي تمسح على ظهري بكل هدوء حتى هدأت 

نادره: بس حبيبتي اهدي ، بقا بالذمه أم عيون زي عيون الغزال دي تعيط 

ابتسمت و مسحت عيني براحه يدي 

نادره: تعالى اما نشوف البوب بتاعك دا اتأخر ليه ، بقاله 4 ساعات بجيب في شويه خيار و طماطم 

ضحكت 

رودينا: لتكون واحده خطفته كدا ولا كدا 

نادره: اه ، حلو ألاقى حجه اعضه 

ضحكت بصوت عالى و ابتسمت لي بحنان ، جلست بجانبها و هي تهاتف أبي ، لحظات حتى سمعت صوت هاتفه في المنزل 

رودينا: جه أهو 

وقفت و اقتربت منه آخذ منه الاكياس ، ابتسمت و انا اراه قد اشترى اشياء كثيره خضراوات و فاكهه و بعض الحلويات لنا 

رودينا: بوب حبيبي شكرا ليك و الله 

طاهر: بألف هنا ، شيلي بس بسرعه عشان متشلش اكياس 

رودينا: حاضر حاضر 

حملت الاكياس بسرعه و انطلقت للمطبخ اساعد في وضعها في الثلاجه كما تفعل ، رجعت و أنا أراه يحتضنها امامي ، تملكتني الغيره و اقتربت منه احتضنه انا ايضا 

نادره: ادخل خد شاور سريع عقبال ما اعملك حاجه تشربها ، محمد و سهام خلاص على وصول 

اومأ لها و قبلني و تحرك معها للغرفه ، وقفت لحظه و نظرت لنفسي في المرآه 

رودينا: ايه الي انا عملته دا ، مهى مراته طبيعي يحضنها ، غبيه 

دخلت غرفتي و بدأت أذاكرمن جديد 

__________________________________

..(نادره)..

منذ الصباح و صدري يؤلمنى أسعل بطريقه غريبه و لكني لم أهتم قد يكون جسدي متعب او انني قد اصبت بالبرد ، تناولت علاجات و شربت الليمون الحامض و لكن لا فائده ، بدأت اجهز ضيافه "محمد" و "سهام" ، وقفت أمام حوض المطبخ و بضعت يدي على فمي حين بدأت اسعل من جديد ، يزداد الألم مع الوقت ، ابعدت يدي و اذا انا أرى دماءا !! نظرت ليدي مره اخرى اجل دماء هل أسهل دماءا الآن ؟ لم ابدأ بالسعال سوى اليوم بالتأكيد لم يتفاقم الاتهاب في اقل من اربع و عشرين ساعه لاسعل دما ، غسلت يدي و شفتاي و مضمضت فمي ، افرك صدري بألم و انا اغمض عيني 

طاهر: انت كويسه ؟ 

نظرت له و ابتسمت 

نادره: اه انا تمام ، تقريبا اخدت دور برد 

اقترب مني و ضع يده على جبهتي 

طاهر: مش سخنه ، طب انت حاسه بايه 

نادره: صدرى واجعني و بكح 

طاهر: هتلاقيكي من اجهاد العزومه بس 

نادره: يا طاهر هي اول مره اعمل عزومه ، و بعدين هو انا عجرت عشان تقولى تعبتي 

نظر لى و ابتسم ، سحبني من خصري لألتصق به 

طاهر: عجزت ايه بس ان اقدر بردو 

نظرت حولى ثم نظرت له و ابتعدت عنه 

نادره: بس يا طاهر رودينا في البيت عيب كدا 

طاهر: رودينا بتذاكر واخده غطس في كتبها الي مبتخلصش متقلقيش 

اقترب مني و ابتسم ، وضعت يدي على صدره و ابعدته 

نادره: طاهر وبعدين ، انت شفت بنفسك هي غارت ازاي لما لقتك حاضني ، عشان متزعلش بردو 

طاهر: يا نونتى هي في اوضتها الله يعينها ، و احنا الله يعينا 

ضحكت بخجل و قاطعنا صوت "رودينا" ابتعدت عنه بسرعه و كأنني مراهقه أختلس بعض القبلات من حبيبي دون معرفه أهلى ، نظر لى و ضحك 

رودينا: ايه ؟ في حاجه بتضحك 

طاهر: لا خالص 

رودينا: طيب عموما انا هدخل ألبس و هاجي اساعدك يا نونه ماشي 

اومأت و لم اتكلم ، خردت من المطبخ و نظرت له بحده 

طاهر: يا رب اليوم يخلص على خير بقا عشان انا عاوز الليل يجي 

نادره: ما احنا بليل 

طاهر: لا يا نادره ، البراءه دي متنفعش بصراحه 

ضحك و ابتعد عن المطبخ و ظللت وافقه افهم ما يود قوله حتى فهمته ، غطيت وجههي بيدي و ضحكت ببلاهه 

نادره: يا خبر عليا 

مرت نصف ساعه و قد حضر "محمد" و "سهام" و معهم تلك الصغيره الشقيه ، جلسنا نتحدث و الضحكات تتوالى ، كلما اشعر بحاجتى للسعال ادخل دوره المياه اسعل و أرى الدماء تخرج من فمي ، هذه المره الدماء قاتمه ، حمراء قاتمه ، اغمضت عيني اتنفس بهدوء و صدرى يؤلمنى بشده ، الآن أشعر بخنقه بسيطه ، و كأن شيئا ما يطبق على صدري ، الأمر متعب و مؤلم ، لم أشعر بهذا التعب قبلا ، خرجت من دوره المياه بعد عن غسلت وجههي و وضعت بعض الحمره على وجنتاي ليخبؤ تعبي و اجهادي ، تنفست بعمق و خرجت لهم 

محمد: ماما انت كويسه ، دي المره الخامسه تقريبا الي تقومي فيها لو تعبانه ادخلى ريحي 

نادره: لا يا حبيبي انا كويسه ، انا حاطه حاجه على النار بس كل شويه بتابعها 

نظر لى "طاهر" و قد عقد حاجباه 

رودينا: انا ممكن اطلب طلب سخيف ؟

نظر الجميع لها و ابتسمت عندما علمت انها قد تجرأت كما قلت لها 

رودينا: ممكن لو مش هتعجبك تساعديني يا سهام ، عندي امتحان نسا بعد بكرا و مش عارفه ألم أي حاجه خالص 

سهام: طبعا أكيد 

رودينا: يعني مش هتعبك؟

سهام: ولا تعب ولا حاجه ، يلا تعالي ألحق اقعد معاكي شويه 

نظرت "سهام" لي 

سهام: عن اذنك يا طنط 

نادره: اتفضلي حبيبتي 

دخلتا الغرفه وتبقى كلا من "طاهر" و " محمد" معي و الصغيره نائمه في حضنه ، شعرت بحاجتي للسعال مره أخرى ولكني لم استطع أن أوازن الوقت فبدأت بالسعال أمامهم ، تحركت بسرعه مما لفت انتباه الجميع لى ، هذه المره السعال لا ينتهي ، الدماء تزداد و شعور الاختناق يزداد ، تنفست بتعب و غسلت يدي و فمي ولكن ألم شديد قد حل على صدري لأتأوه بصوت مسموع 

طاهر: انت كويسه 

لم أرد عليه و ظللت أتنفس بتعب و السعال لا ينتهي ، اقترب "طاهر" مني و كذلك "محمد" من خلفه 

محمد: ماما .. انت كويسه 

شاهدو الدماء و هي تخرج من فمي و اكاد اجزم انهم هلعون دون ان أراهم 

محمد: ماما ، انت بتحكي دم ؟ 

طاهر: دا كدا مش برد يا نادره 

لم أرد عليهم و ظللت اسعل بلا توقف ، الآن أنا في أشد فترات التعب ، لا استطيع التنفس ولا استطيع ان أرد على أحد ، مسحت يدي و فمي و تنفست بتعب شديد 

نادره: انا تعبانه 

.

.

.

.