رواية نادره الفصل السابع عشر 17 - بقلم sasso

ملحوظه : كل الأحداث حقيقيه ١٠٠٪ مع اختلاف الأشخاص و الاسماء
.

.

.

..(نفيسه)..

ها أنا أخرج من بيت "الشيخ داوود" لا أصدق انني انصعت لطلبات هذا الرجل ، لكن لا بأس سأتوب الله غفور رحيم ، المهم ان اطمئن انها ماتت هذا ما أريده ، رجعت الي منزلى و دخلت انظف نفسي حتى جاءني صوت هاتفي ، أمسكته و اذا هي ابنتي "جميله"

نفيسه: ايوا يا جميله

جميله: ماما ، الحقيني

نفيسه: في أيه انطقي

سمعت هلعها من على الهاتف

جميله: محمد واقف تحت البيت عندي و قاعد بيزعق بيقول كلام غريب جدا

نفيسه: محمد ؟ محمد مين

جميله: محمد ابن خالي وائل الله يرحمه يا ماما ، محمد ابن أخوكي

تداركت ما تقوله "محمد" ماذا يفعل عند "جميله"

نفيسه: بيعمل أيه عندك ؟

جميله: شغال يزعق و يجيب سيرتك ، الناس كلها ملمومه ، الحقيني لو حسن جوزي جه و شاف الي بيحصل دا مش هقوم من تحت ليده سليمه

أغلقت معها و تحركت بسرعه لبيتها ، بيتها على مقربه من بيتي لذا لم استغرق الكثير من الوقت لأصل لها ، تحركت بسرعه و وجدته يقف يصرخ و حوله الكثير من الأشخاص

نفيسه: أيه أيه ، خدوهم بالصوت و لا أيه

نظر لى و قد لمحت في عينه الغضب

محمد: أهلا ، أهلا الخراب كله نورتي يا عمتى

نفيسه: احترم نفسك يا محمد انا عمتك ، صحيح أمك مربتكش

هنا تحول في لحظه واحده من رجل يصرخ الي رجل يكاد ان يقتلني ، تقدم لي خطوتين

محمد: متجيبيش سيرتها على لسانك ، حسبي الله و نعم الوكيل فيكي ، و الله ما هسيبك

ابعده الرجال عني حينما شعره بانه قد ينقض علىّ ، إبتعدتُ خطوتين

نفيسه: أيه هتمد ايدك على عمتك

محمد: متقوليش عمتك بس

نظر للجميع و صرخ

محمد: هتعرفو أصلها أيه ، و الله لتعرفو ، ست كافره

بدأ رجال الحي يتهافتون عليه ليوقفوه و قد أدركت انه قد يذبحني ان امسكني ، بدأت أصرخ و أضرب على صدري و استعملت سلاحي الوحيد (البكاء)

نفيسه: يا اخره صبري ، تعالي يا وائل شوف ابنك الكبير بيعمل فيا أيه ، بيعمل في اختك أيه

تجمعت السيدات حولى يواسينني و الرجال يبعدونه عني و قد تعالت الأصوات

محمد: مش هعديها ، و الله ما هعديها ، هاخد حقي و حق امي و اخواتي منك ، دنيا قبل آخره يا كافره

ابتعد بعد ان دفعه بعض الرجال و استقل سيارته و خرج ، نظرتُ حولى و الجميع يواسيني ، لحظات حتى وجدت "جميله" تخرج من بيتها و تحتضنني في فزع

جميله: هو عاوز أيه دا ، بيقول كدا ليه

نفيسه: معرفش معرفش ، العيال اتجننت

احتضنتني و ادخلتني المنزل ، وجدتُ احفادي الصغار يجتمعون حولى ، نظرتُ لها

نفيسه: جميله ، اوعي تقولى لاخوكي او اختك الكبيره ، احنا مش عاوزين فضايح

جميله: حاضر ، بس المشكله مش اني اقول ، الجيران الشارع كله شاف هيقولو هيقولو

نظرتُ لها و صمتُ قليلا استوعب ان "محمد" سينشر عني سمعه احاول ان لا تنتشر منذ أن بدأت اتعامل مع "الشيخ داوود" لا أحد يعلم عن "الشيخ داوود " سوى ابنتي الكبيره "ليالي" ، يجب ان اتحرك ، بالتأكيد  علم شيئا من الناس حولى  ولكن من ؟ من سيقول انني أمارس السحر ؟ حتى و إن علم لماذا يهاجمني هل علم أنني استعنت بالجان عليهم ؟ ولكن كيف علم ؟ هل اخبره "الشيخ داوود"؟ لا ، لا يمكن لقد وهبت له جسدي بالتأكيد لن يفعل ؟ مهلا هل يمكن انه أعطاه أموالا ليتكلم ؟ قد يفعل هذا ، أجل "محمد" معه من الأموال ما يستطيع ان يرشيه ، يجب ان اتصرف ، ليس بعد هذا العمر أُفضح بين الناس !!

___________________________________

..(محمد)..

أقسم أنني سأفضحها ، سأعلم الجميع عنها ، أقسم أنني سأجعلها تندم كل الندم ، كل ما حدث مع أمي و "أسماء" أقسم أنني سأذيقها كل ما جعلتنا نذيقه ، كافره سأجعلها تندم ، الدم يغلى في عروقي ، الطريق مزدحم ، أطرق  بوق السياره

محمد: متخلص يا عم

خرج لي صاحب سياره الأجره و نظر لي بعصبيه و بدأ يصرخ

السائق: أيه يا عم ما بالراحه ، شايف الطريق واقف أطير

أكاد أغلى أقسم أنني سأتهور

محمد: ادخل عربيتك و اسكت يا عم

اقترب مني و بدأ يضرب بيده على مقدمه السياره

السائق: أيه يا عم هو خدوهم بالصوت

خرجتُ من السياره و اقتربت منه بغضب

محمد: انت راجل قليل الأدب و عاوز تتربي ، انت بتخبط على العربيه ليه

السائق: مين دا الي عاوز يتربي

محمد: لا انت مش عارف انا مين

في لحظات وجدت الرجل يقترب مني و أمسك ياقه قميصي

السائق: مين يعني ابن رئيس الجمهوريه

في لحظات كنت ألكمه و انهارت قوه تحكمي ، اسمع صرخات في الشارع و الرجل ينهال على بالكلمات ايضا ، كل الضغط الذي أشعر به أفرغته فيه ، سمعت من يصرخ باسمي ، اقترب الرجال يبعدوننا عن بعضنا ، السائق يسبني و شعرت بيد على صدري و صوت انثوي يبكي ، نظرت لذلك الصوت انها " سهام" كيف وصلت الي هنا

سهام: بس كفايه كفايه

صرخت بصوت مهزوز باكي ، تداركت ما يحدث و وضعت يدي على ظهرها اقربها لي ابعدها عن تجمع الرجال ، إبتعدت ولكن وجدت يد السائق تسحبني له

سهام: لا لا ، محمد

يجب ان اتوقف انها بجانبي

محمد: خلاص في حريم هنا خلاص

صرخ بي السائق

السائق: ايوا اتدارى ورا الحريم

بدأ الرجال يهدؤونه ، احتضنت "سهام" و اراها ترتجف في حضني

محمد: ادخلى العربيه و اقفلي عليكي ، هجيلك

سهام: لا

محمد: اسمعي الكلام

فتحت باب السياره و أدخلتها ، اطمئننت انها أغلقت من الداخل ، و أقف مع الرجال حتى جاءت الشرطه ، كل شئ انقلب على رأسه ، خرجت من مشكله لأوقع نفسي في مشكله اكبر ، و معي "سهام" ، جلست في السياره بجانبها و هي تبكي بشده ، أمسكت يدها

محمد: اهدي انا كويس متقلقيش

صرخت بي منفعله

سهام: هو أيه الي كويس انت اتهبلت ، انا خارجه بالصدفه من الجامعه لقيتكو بتموتو بعض ، ليه كدا يا محمد

أغمضت عيني اسمع لكلامتها و صمت

سهام: هو انت عيل صغير ، أيه الفرق بينك و بين العيال بقا ، دا انت و انت في الجامعه مكنتش بتعمل كدا ، ليه كدا

أسندت رأسي على الكرسي

سهام: انت ساكت ليه ، متتكلم

فتحت عيني و نظرت لها

محمد: مستنيكي تخلصي المحاضره بتاعتك

سهام: محاضره ؟ هو انت سبت كل الي حصل و مسكت في رد فعلى ؟

محمد: سهام انا مش قادر اتكلم لو سمحتي

أمسكت علبه السجائر أخرج منها سيجاره ، انتشلتها من فمي و رمتها خارج السياره و بدأت بالصراخ

سهام: بطل تشرب السم دا بقا

رميت علبه السجائر و نظرت لها بغضب

محمد: انت متعرفيش انا فيا أيه ، خلاص اسكتي بقا اسكتي ، سبيني عرفت اني غلطت و اتهورت و فقدت اعصابي ، خلاص خلاص اسكتي ، الناس كلها تهون على بعض و انت تضغطي و تصرخي

نظرت لى و صمتت و قد رأيت الدموع في عينها

محمد: خلاص سبيني

سهام: انا سيباك خالص

فتحت باب السياره و خرجت مغلقه الباب بشده و تحركت بعيدا ، أغمضت عيني و تنفست بغضب شديد ، فتحت عيني و ضربت مقود السياره في عنف حتى آلمتني يدي
___________________________________

..(سما)..

مر يومان على جلسه أمي الغريبه ، لا أصدق حتى الآن انها مسحوره ، كل ما اتذكره انها بدأت تبكي و همهماتها تعلو ، هذا الرجل بالتأكيد يفعل شيئا لأمي ، انه يلقي عليها امرا ما

حمزه: سما

أخرجني صوت "حمزه" من عزلتي ، صحيح نحن نختار أثاث المنزل ، انا في محافظه دمياط اشتري أثاث المنزل ، انظر لما انا أمامه و "ماجده" حماتي بجانبي

حمزه: سرحانه في أيه ؟

سما: مفيش ، انا معاك أهو

اقتربت حماتي

ماجده: انت زينه يا سما ؟

سما: اه يا طنط ، يلا يلا

وقفتُ انظر بمحتويات المحل ، ألاحظ الخيارات المختلفة ، حماي و حماتي ذوى علاقات كثيره ، استطاعو بهاتف واحد ان يعرفو افضل المصانع التي تصنع الأثاث "محمود" معي و هو كذلك يبدو عليه الهم ، منذ أن انتهت جلسه أمي و هو منعزل على نفسه لا يتكلم مع أحد ، بالكاد يهاتفنا او يرسل رساله لنا عبر تطبيق الواتساب

محمود: اخترتي يا سما

سما: لسه مش عارفه

عامل المصنع: في عندنا مودرن لو مش عاجبك الكلاسيك ، اوضه النوم و اوضه الاطفال ، الانتريه و الصالون ، شوفو تحبو أيه

حمزه: طيب ورينا المودرن

نظر لى

حمزه: ولا أيه رأيك

سما: اه ، ماشي عادي

مشينا معهم و قد اقتربت من "محمود" اهمس له

سما: كلمت ماما النهارده؟

محمود: اه ، هي كويسه

سما: كان نفسي تكون معايا أوي يا محمود

أخفض رأسه و صمت ، عضتتُ على شفتاي و قد علمت انه قد انزعج

سما: هتبقى كويسه ان شاء الله ، صح ولا أيه

محمود: ان شاء الله

ظل صامتا و لم يتكلم ، هذه المره الأولى التي أرى "محمود" فيها بهذه الحاله ، صامت لا يتكلم ، منعزل بالكاد يسمعه أحد ، هل يعقل ان كلمات "محمد" لا تزال تؤثر فيه ؟ لقد جعلتنا أمي نقبل رأسه حتى نعتذر منه ، اقترب مني " حمزه"

حمزه: في أيه ، انتو ساكتين ليه كدا

سما: مفيش محمود باله مشغول بس

حمزه: و انت ؟ دا انا توقعتك هتفضلي اضحكي و تهزري زي كل مره ، ماما و بابا ملاحظين انك متغيره

سما: مفيش يا حمزه ، بالي مشغول بحاجه بس

حمزه: انت مكنتيش عاوزه ننزل النهارده ؟

سما: لا لا ، مش كدا و الله

حمزه: اومال مالك

أغمضتُ عيني و تنفست بهدوء

سما: ماما تعبانه بس ، بالنا مشغول عليها

حمزه: هي لسه تعبانه ؟ مش قلتي انها بتتحسن

سما: اه بس كل شويه بتتعب كدا

وقفنا نتكلم و قد إبتعد "محمود" ، لحظات حتى جاء "محمود" مره أخرى

محمود: يلا ، مينفعش تقفو كدا

اومأ "حمزه" و تحرك ، أمسك "محمود" يدي و سحبني له مما جعلني في الجهه المقابله له بعيدا عن "حمزه" ، نظر لى

محمود: طول ما انت معايا تمشي معايا ، متقفيش في مكان لوحدك

سما: انا مكنتش لوحدي ، انا كنت مع حمزه

احتد معي

محمود: راجل غريب ، لسه مش جوزك ، تكلميه قدام عيني

سما: حاضر خلاص اهدي

تقدم أمامي و لا أزال اجهل حدته معى ، لكنى استطيع ان اتوقع انها بسبب ما حدث مع أمي، نحن جميعا في حال غير الحال منذ الجلسه التي فعلتها 

__________________________________

..(طاهر)..

مضى على جلسه "نادره" يومان ، هي نائمه او تصلى لا تتكلم او تحدث احد ، بالكاد تأكل و كأنها لا تصدق ما يحدث معها ، حسنا لقد كنت فضوليا و انا شاب و حضرت الكثير من جلسات خروج الجان من جسد الانسان و لكن لم يكن لى معرفه مسبقه بهم ، فقط اتأثر بصراخهم او بحركاتهم العشوائيه حين يخرج الجان منهم ، هذه المره الاولى التي احضر جلسه علاج بالقرآن و يكون المريض من أهلى ، شعور غريب ، شعور بالخوف و الترقب ، انا أعلم انها لن تتأذى ، لم يتأذي أحد من الجلسات إلا ان كان سحرا سفليا ، ولكني خائف ، اعترف انا خائف ، هي و اولادها يمرون بهذا و يشاهدونه لأول مره في حياتهم ، و انا اتأكد ان هذه الذكرى لن تُمحى من ذاكرتهم ابدا ، يجب ان اكون داعمهم ، قاطعني صوت هاتفي 

طاهر: ألو 

سامي:ايوا يا بوب  اخبارك ايه 

طاهر: كويس يا سامي انت اخبارك ايه 

سامي: اه ، طالما قلت سامي مش سمسم يبقى انت مش كويس ، مالك انت تعبان ؟ نونه تعبانه ؟

طاهر: انا كويس ، و نادره زي ما هي مفيش جديد 

سامي: اومال مالك ، انت فين و اجيلك 

طاهر: في الشركه يا سامي ، متشغلش بالك يا سامي انا كويس 

سامي: لا مش كويس ، انا هعدي عليك تمام 

طاهر: ماشي

سامي: صحيح بكرا انا واخد اجازه هطلع مع رحمه و علياء كام يوم اسكندريه كدا لحسن مخرجتش من ساعه ما ولدت و داوشه دماغي 

ضحكتُ 

طاهر: حقها يا سامي ، البنت فعلا مخرجتش معاك من ساعه الولاده شوف علياء بقت كام شهر دلوقتي ، خدها كدا و غيرلها جو 

سامي: ماشي ، حابي على حبيبتك ، انا عارف انت ميال للبنات ، انا عارف 

ضحكتُ 

طاهر: يا سامي مش حكايه ميال ، بس انت اخدتها من بيت ابوها عشان تشيلها في عنيك زي ما ابوها كان شايلها صح ؟ يبقى اقل حاجه متسيبهاش تتدوش دماغك بسبب انك مسقع و مش فاضيلها 

سامي: يعني هو بايدي ؟ ما انت شايف الشغل 

طاهر: عارف ، بس القوامه يا سامي مش في الصوت العالى و الشخيط و لا العضلات ، القوامه يا حبيبي انك تريح الست الي انت مسؤول عنها ، و في رسولنا قدوه ولا ايه 

سامي: عليه الصلاه و السلام ، لا بقولك ايه كلام التيليفونات دا مينفعش انا جايلك جايلك 

ضحكتُ و اغلقتُ الهاتف معه ، ساعه و قد رأيته يدخل مكتبي دون ان يطرق الباب 

طاهر: ايه يا عم دخله المخبرين دي ؟ 

جلس امامي 

سامي: ما انا وكيل نيابه مفرقتش كتير كلنا عرق واحد 

طاهر: يا سلام ، افرض كان معايا ناس 

سامي: مش معاك انا كلمت السكرتير و قالي انك فاضي ، ها هتشربني ايه يا بوب 

ضحكتُ و نظرتُ له لا اصدق ان هذا المشاغب رب منزل 

طاهر: شربت كام قهوه النهارده ؟ 

سامي: 3 مش كتير يعني 

طاهر:يا عيني ، هجيبلك لمون يهديك شويه 

ضحك "سامي" و بدأ يعبث في أوراقي بفضول كالطفل الصغير 

طاهر: بس يا ولا ، الي يشوفك يفكرك عيل صغير 

ضحك و نظر لى بهدوء 

سامي: بابا ، انت مش كويس مالك 

لا يقول لي "سامي" بابا إلا اذا كان هناك أمر مهم ، هل يبدو على الهم هكذا ؟ 

سامي: بص متزعلش مني يعني ، هي نونه طيبه و كل حاجه بس المفروض اننا جوزاك عشان تهدى و تنبسط متبقاش كدا في ايه ؟ هي مزعلاك في حاجه 

طاهر: لا يا سامي ، نادره مش مزعلاني ، انا بس دماغي فيها اكتر من حاجه 

سامي: طب قول لو اقدر احلها معاك 

نظرت له و صمت قليلا 

طاهر: انا خايف 

نظر لى و قد رأيت حاجباه ينعقدان 

طاهر: المفروض اني ابقى قوى و اشيل الناس كلها بس انا خايف ، مش عارف اعمل كدا ازاي ؟ 

سامي: في ايه يا بابا ؟ 

استنشقت شهيقا طويلا ثم اخرجته ، بدأت احكي له كل ما حدث ، استطيع ان اخبر "سامي" ما يحدث فهو لن يتصرف بتهور و عشوائيه كـ"رودينا" ، لاحظت ملامحه التى تصبح جديه اكثر و اكثر 

طاهر: المفروض اقويهم عشان انا عارف الي هيحصل و الي بيحصل ، بس انا خايف 

سامي: هو انت لحقت تحب نادره بسرعه كدا ؟ 

ابتسمتُ و مسحتُ على وجههي 

طاهر: مش عارف دا حب و لا تعلق و لا ايه بالظبط ، بس كل الي اعرفه اني خايف 

سامي: متقلقش ، انا معاك ، لو عاوزني اكون معاك وقت الجلسات هكون معاك 

طاهر: يا حبيبي انا عارف انك علطول في ضهري ، بس انت مش هتستحمل 

سامي: جربني يا بوب اومال ، هو انا وكيل نيابه على الفاضي ولا ايه 

ابتسمت و ظللت صامتا 

سامي: الجلسه الجايه امتى ؟ 

طاهر: النهارده بليل 

سامي: حلو ، هجيلك على العشا و متقلقش انا معاك 

اومأت و ظللت صامتا ، لا أعرف ما سيحدث "سامي" سيرى هذا الامر لأول مره في حياته ، لا أعرف هل ستقبل "نادره " ان يكون معها ام لا ؟ هل سيقبل اولادها ؟ 

________________________________

..(اسماء)..

امسك "عُمير" أحاول تهدئته ، قررت حماتي ان تكون لطيفه و ان تعزمنا على الغداء اليوم و انا اشك في هذا ، منذ ان وقف "عادل" في وجهها و منعها عن إلقاء الكلمات السامه على مسامعي من بعد ولادتى و قد تغيرت، حسنا على الاقل امامي ، لا اتطر ان اسمع كلامات سامعه عن امي و عني ، افكر فيما حدث مع أمي و الوضع القائم و وضعنا انا و "عادل" لا يزال مبتعدا عني كما هو خشيه ان يصيبه ما اصابه ، اليوم نكمل اسبوعان لا يقترب مني و لا ينام بجانبي 

ساميه: تعالى يلا الاكل جاهز 

نظرت لها و اومأت 

أسماء: حاضر ، لحظه واحده بس 

ظلت تنظر لى و انا اهدئه

ساميه: العيال مبيهدوش كدا ، انت لسه متعلمتيش ؟ ولا الست الوالده معلمتكيش 

نظرتُ لها و ها هي من جديد ، انها لا تتغير ، وجدتها تغمض عينها و تتنفس 

ساميه: قصدي يعني تعالى اما اقولك ازاي 

نظرت لها بتعجب ، مهلا يبدو ان "عادل" قد صنع معجزه ، اقتربت مني و اخذت "عُمير" من يدي و بدأت تهدئه 

ساميه: مينفعش تهدي العيل و انت منيماه في وضع الرضاعه ، هيفضل يعيط مفكر انك هترضيعه ومش هينام ، اسندي ضهره و صوت خفيف جنبه و طبطي عليه بالراحه ، و ياريت طبعا لو جلدك لمس وشه في ثانيه هتلاقيه نام 

اومأت و انا استمع لها 

ساميه: انت مغيراله ؟

أسماء: اه ، هو بيغلبني بقاله كام يوم في النوم 

ساميه: لتكون بطنه وجعاه ، فيها غازات 

جلست و وضعت بطنه على فخذها الايمن و بدأت ترتب على ظهره ، جلست بجانبها و ارى ملامجه تهدأ و صراخه يقل 

ساميه: أهو هدي خالص ، العيل بيعيط عشان 3 حاجات يا جعان يا عاوز يغير يا بطنه وجعاه غير كدا لا 

أومأت و أخذته منها ، وقفت و نظرت لى بهدوء 

ساميه: اتعلمي انا مش هفضل اعلم كثير 

نظرت لها في لحظه تبدلت ، هل تعاني من انفصام في الشخصيه ؟ ، ابتعدت عني و بدأت تحضر الطاوله ، اسمع اسمي من الجميع حتى احضر ، لم ينم "عُمير" لذا اطررت أن اجلس على الطاوله به ، أمامي أخوات "عادل" و امه و ابوه 

عادل: هتعرفي تاكلى و هو في حضنك ؟ 

أسماء: اه هتصرف 

مددت يدي حتى أأكل ولكن يد "عادل" سبقتني و بدأ يفتت لى اللحم في الطبق ، يستخدم كلتا يديه في تفتيت اللحم و احضار البعيد عن متناول يدي الحره ، رأيت وجه حماتي يتغير و هي تنظر له تأكل و هي تنظر له ثم لى وانا اعرف انها تكاد تسبني في اعماقها ، اخوات "عادل" يتهامسن و هن ينظرن لاهتمام "عادل" بي ، حسنا "عادل" دائما ما يهتم بي ولكن هذه المره الاولى التي يظهرها أمامهم 

ساميه: خلاص يا حبيبي كل انت اكلك برد ، هي مش صغيره تفصص لنفسها عادي 

نظر لها "عادل" و ابتسم 

عادل: متشغليش بالك بيا يا ماما ، المكيروويف جوا اذا برد هسخنه ، كلى انت من الصبح واقفه في المطبخ 

ساميه: و انت يا حبيبي على رجلك في الشغل من الصبح زمانك جعان ، خلاص سيبها تتصرف ، تتعود عشان لما يجيلها عيل تاني تعرف تتصرف 

عادل: حاضر يا ماما 

ظل يفتت لى الطعام و لم يهتم بكلمات أمه ، انتهى و اقترب مني يهمس 

عادل: كلى كويس عشان وحشتيني يا مسكر ، ومش مشكله علقه بعلقه بقا 

نظرت له و ابتسمت ، نظرت حولى و الفتيات و امه ينظرن لى ، تمالكت نفسي و بدأت أأكل ، انتهينا من الطعام و لحسن الحظ نام "عُمير" أخيرا ، جلسنا نحتسي الشاي و انا اسمع لحكايات اخواته 

عبير: المهم بقا يا أسماء ان الولد  دا عمل كل حاجه و مذاكرش و في الاخر المستر عاقبنا بسببه 

شيرين: بسببه احنا ذاكرنا الدرس التاني و الاول مع بعض لا و كمان عملنا امتحان 

صمتو حين سمعو صوت "عادل" و قد تغيرت ملامحه ، اقترب مني و بدأ في وضع محتويات حقيبه "عُمير" في الحقيبه 

عادل: يلا هنمشي 

أسماء: في حاجه ؟ انت كويس ؟ 

عادل: اه يلا 

جتء صوت حماتي من الداخل 

ساميه: انت هتمشي ؟ هو انا كلامي ميتسمعش ابدا 

نظر لها بهدوء 

عادل: ماما لو سمحتى كفايا كدا خليني اروح بيتي اهدى 

نظرت لى و صرخت 

ساميه: انا مش فاهمه انت عملاله ايه ، كانت جوازه هباب 

انتفضت من صوتها و لم أعرف ما حدث ، لقد كانت الأمور مستقره منذ ثوان ، امسكنى "عادل" من ذراعي و سحبني بهدوء لأقف بجانبه 

عادل: يلا ، البسي حجابك و ظبطي لبسك ، انا هشيل عُمير و الشنطه 

اومأت بهدوء ، نظرات حماتي لى سيئه و كأنني سرقت منها شيئا ، لا اعر ما الذي حدث و لكني اتجهت بسرعه للغرفه ارتدي حجابي و اهندم ملابسي ، خرجت و انا أراه على الباب صامت و حماتي تقف أمامه تنهره ، اقتربت منه و امسكت ذراعه ، تكلم بهدوء و حزم 

عادل: خدو بالكم من مذاكرتكم يا بنات لو محتاجين حاجه كلموني ، بلغو بابا اني مشيت لما يصحى 

نظر لحماتي 

عادل: شكرا يا ماما ، كتير خيرك مع السلامه 

امسك يدي و سحبني بهدوء للسياره ، جلس يتنفس و اعطاني "عُمير" ، مررت يدي على ذراعه حتى نظر لى 

عادل: انا كويس 

أسماء: ايه الي حصل ؟ الدنيا كانت كويسه 

عادل: متشغليش بالك 

تنفس بهدوء 

عادل: ممكن متروحيش جلسه طنط النهارده ، خلينا نقضي اليوم مع بعض 

اومأت و ابتسمت 

أسماء: عنيا 

___________________________________

..(محمد)..

لقد فعلت كل شئ أحمق اليوم ، تعديت على سائق اجره ، فقدت سيطرتي على نفسي بجانب "سهام" طردت المحامي ، صرخت في " عزه" بسبب ما تفعله مع "مها" ، انا في السياره الان انتظر اسفل بيتها لآخذ "مها" ، كل شئ سئ ، ، لقد خرج الامر عن سيطرتي ، ان ظللت هكذا سأخسر الجميع و اولهم " سهام" و لن اسمح ان يحدث هذا ، لحظات حتى سمعت طرق عنيف على شبك باب السياره الملاصق لي ، انها هي ، خرجت من السياره و ملامحها المعتاده كما هي ، ظننت لوهله انها ستندم او تحاول اصلاح نفسها لنفسها على الاقل 

عزه: شكل المزه الجديده مضايقاك 

محمد: لمي لسانك احسن لك 

عزه: ايه هتعمل ايه يعني ، انت معنتش حاكم عليا و لا ليك كلمه عليا ، و بعدين انا اقول الي اقوله ، مش حقي 

محمد: لمي الدور يا عزه و خلى الدقائق الي واقفينها قدام البنت تعدي على خير 

عزه: و الله دا بايدك انت مش بايدي 

اغمضت عيني احاول ان لا أُسحب لما تريدني أن اسحب له ، احاول الهدوء و لكن لا فائده كل شئ الان يضغط على 

محمد: يلا يا ميكا اطلعي العربيه 

فتحت لها باب السياره الخلفيه و ساعدتها للخول ، اغلقت الباب و نظرت لها بهدوء 

محمد: مع السلامه 

عزه: انا مش هعرف اخد مها الفتره الجايه 

نظرت لها 

عزه: انا قلت اقولك يعني عشان لو حبيت تقضي يوم مع ست الحسن و الجمال بتاعتك 

محمد: و الله ؟ طيب كتر خيرك ، انا اصلا بجيبهالك غصب 

عزه: انا هتجوز 

نظرت لها بهدوء 

عزه: ايه مش هتقول حاجه 

محمد: اقولك ايه ، الف مبروك يا ستي لو دي الي مستنياها 

كانت تناظرني بغضب 

عزه: عارف هتجوز مين ؟ 

محمد: مش عاوز اعرف ، ربنا يهنيكي ، بس اعملى حسابك بعد جوازك البنت مش هتروح البيت عندك هتيجي تشوفيها قدام عيني 

عزه: يا سلام ليه ان شاء الله ؟ 

محمد: بنتي مش هتقعد في بيت معراجل غريب 

عزه: راجل غريب ايه ، دا هيبقى جوز امها 

محمد: ولو ، بنتي و اعمل فيها الي عاوزه 

تحركت افتح الباب لأدخل 

عزه: انا ممكن اخدها منك بالقانون على فكره 

نظرت لها و ابتسمت 

محمد: اعملى الي انت عاوزاه ، البنت هتبقى معايا غصب عن اتخن تخين 

جلست في السياره و بدأت اتحرك دون وجهه محدده ، احداث اليوم تتكرر في  ذاكرتي و تنتهى بعصبيتي على " سهام" ، تقدمت " مها" للمقعد الامامي و انا اقود السياره ، دعمتها بيدي 

محمد: ميكا ، مش قلنا كدا غلط عشان منقعش ، قوليلي اقف و تطلعي قدام 

مها: اسفه 

وقفت في مكان الارجل في الكرسي الامامي و بدأت تلتقط اشياءا من على الارض لم انتبه لها ، لاحظت عيني ما التقطته ، توقفت على جانب الطريق 

محمد: وريني كدا يا ميكا 

امسكت الكارت الذي اتقطته ، انها بطاقه "سهام" التعريفيه ، و كذلك بطاقتها التعريفيه الخاصه بالجامعه ، بالتأكيد اوقتها حينما كانت تبكي ، ستحتاجها بالتأكيد ، اغمضت عيني و اسندت رأسي على الكرسي 

مها: دي سهام صح ؟ 

فتحت عيني و نظرت للصغيره 

محمد: اه 

امسكت هاتفي و هاتفت " سلوى" حماتي حتى اخبرها انني سأمر عليها لأعطيهم ما نسته "سهام" معي ، بدأت اتحرك حتى وصلت و طرقت جرس الباب ، فتحت لي " سهام" و هي صامته ، اومأت بدون ابتسامه 

سهام: اتفضل 

فتحت الباب و استقبلت"مها" بالكثير من الاحضان و القبلات ، ادخلتني الي الصاله و حماتي "سلوى" تستقبلني ، لحظات حتى حضرت "سهام" ببعض المعجنات البيتيه و الشاي 

سلوى: سهام ، اقعدي مع خطيبك شويه و طلعيني البلكونه هقعد مع ليلي 

اومأت و رأيتها تتحرك ثم رجعت مره اخرى ، جلست امامي و هي صامته 

محمد: انت نسيتى دول في عربيتي 

مددت لها الكروت التعريفيه و امسكتها و اومأت 

سهام: شكرا 

ظلت صامته قليلا ، عيني تنظر لملامحها الهادئه تمرر يدها في شعر "مها" تراقبها و هي تأكل المعجنات و تشاهد الكارتون 

محمد: هتفضلي ساكته كدا ؟ 

نظرت لى 

سهام: مش انت قلتلى النهارده اسكتى ، اديني ساكته اهو 

تنفست بهدوء و نظرت لها 

محمد: انا كنت متعصب يا سهام ، مكنش قصدي 

سهام: ماشي 

ابعدت ناظريها عني و شاهدت التلفاز 

محمد: انا بمر بفتره صعبه يا سهام بجد غصب عني ، الدنيا كلها ضاغطه عليا 

نظرت لى 

 سهام: الفتره الصعبه تخليك تضرب في الي رايح و الي جاي و تزعق و تنطر صح ، مش فاهمه دا نظامك يعني لما تتعصب تضرب ، عرفني بردو عشان ابقى عارفه انا داخله على ايه 

محمد: انا لايمكن امد ايدي عليكي يا سهام ، انت بتقولى ايه 

سهام: بس ممكن تمد ايدك على راجل عادي صح ؟ ممكن ترجعلي البيت متعور ولا مضروب صح ؟

محمد: لا يا سهام اكيد لا 

سهام: متبررش ، معلش ما انا مش هسيب نفسي في ايد راجل ممكن يجيلي بمصيبه عشان متعصب 

نظرت لها و انا اعلم انها على حق 

محمد: طيب يا ستي انا غلطان و مكنش ينفع اعمل كدا 

سهام: و على فكره انا مبقولش محاضرات ، و لما رميت السيجاره رميتها عشان خايفه على صحتك 

محمد: عارف 

سهام: طلما عارف بتزعق ليه 

صمت قليلا ، دائما ما كانت "عزه" هي اساس المشاكل لذا كنت اسمع منها الاعتذارات و اصمت ، انها مرتي الاولى التي اعتذر من فتاه لا اعرف ما افعله و لا اخاف ان اقول شيئا ينقلب على 

سهام: انت ساكت ليه 

محمد: مش ساكت انا بس مش عارف اصالحك ازاي 

صمتت و نظرت لى و ابتسمت بتهكم 

سهام: الي يسمعك يقول ان عمرك ما صالحت مراتك 

نظرت لها و صمت قليلا ، قد لا تصدق انني لم اعتذر قبلا ، او على الاقل لم اتسبب في مشكله احتاج ان اعتذر بهذه الطريقه 

محمد: طيب متزعليش مني انا اسف ، حقك فوق راسي انا اسف 

نظرت لى بهدوء 

محمد: هجيبلك ورد و شيكولاته اوعدك متزعليش 

سهام: هو انت كدا صالحتني ؟ 

وضعت يدي على وجههي و شعرت بالاحباط 

محمد: طيب عاوزه ايه خاتم دهب ؟  

سهام: عاوزاك تعرفني مالك ؟ 

محمد: بس كدا؟ 

سهام: اه ، ايه الحاجه الي مضايقاك لدرجه انك تفقد اعصابك ؟ 

نظرت لها لحظه ، هي مختلفه كل الاختلاف عن "عزه" ، صحيح لم اكن اعتذر لها و لكني كنت اسكتها بالاموال و الهدايا و الرحلات 

سهام: ايه مش هتتكلم ؟ 

محمد: مش هكدب عليكي يا سهام ، انا مش قادر اتكلم 

ابتسمت و اومأت لى 

سهام: ماشي ، بس وعد هتقولى 

اومأت 

محمد: هقولك و الله بس مش دلوقتي 

ابتسمت و قدمت لي الشاي قبل ان يبرد 

سهام: يلا اشرب ، و مستنيه شيكولاتي و الورد بتاعي 

ضحكت و أشرت لعيناي 

محمد: من العين دي قبل العين دي 

__________________________________

..(نادره)..

ها انا من جديد ، يد " طاهر" على عيناي و انفي ، اسمع القرآن في اذني ، لحظات حتى تحركت يدي اليمنى هذه المره ، لم يأخذ الأمر الكثير من الوقت كما هو المره الماضيه ، بمجرد ان بدأ بما يقوله بدأت يداي تتحركان ، اتمنى ان ينتهي هذا الكابوس بحق ، منذ الجلسه الاولى و جسدي يتعبني ، صحيح الألم في صدري اصبح اقل قليلا ولكني لا أزال متعبه 

على: اسمك ايه 

ما الذي يفعله الشيخ ؟ كيف سيرد عليه ؟ بالتأكيد لن يفعل ، صحيح لا استطيع تحريك لساني و لكني واعيه و اسمع ما يحدث 

على: رد عليا اسمك ايه 

صرخ في أذني فانتفضت ، تنفست بسرعه و فجأه خرجت مني صرخه مدويه جعلت حلقى يؤلمني 

سامي: في ايه في ايه ، بالراحه 

طاهر: بس يا سامي اسكت 

سامي: اسكت ايه ، دي بتصرخ 

طاهر: بقولك اسكت ، هتحضر هتسكت 

كان يتكلم بحده و صوته يدخل في اذني يقتحمها 

على: رد عليا مين انت 

تنفست بسرعه و حلقي يؤلمني بشده ، اشعر و كأنه قد جُرح بالسكين ، لحظات حتى شعرت بموجه داخلى 

نادره: مش هقولك 

لقد تكلمت ! لا لم اكن أنا ، شعرت و كأن موجه في اعماقي ، تتحرك داخلي و تخرج الكلمات في رأسي اسمعها ثم تخرج على لساني 

محمود: ايه دا ، مين دا ؟ 

طاهر: اسكت يا محمود ، سيبه يركز 

شعرت بأنفاسه على وجنتي و هو يرتل القرآن مره اخرى و صرخ في اذني 

على: انطق مين الي باعتك 

يدي تتحرك بمفردها و تبدأ تهتز لليمين و اليسار بوتيره أعلى ، شعرتُ بيد تمسكها لتوقفها 

على: مش هي الي بتتحرك ، هتسيب ايدها هتلاقيها رجعت تتحرك تاني 

لحظات حتى شعرت بتلك اليد تبتعد عن يدي ، و قد رجعت تتحرك من جديد ، ظل صامتا "الشيخ على" و انا انتظر ما سيحدث ، ما الذي سيحدث الان ؟ 

على: انا عندي اتفاق ، يا هحرقك يا هتتكلم و اخليك عايش 

تحركت رأسي بمفردها نافيه 

نادره: لا ، لا ، مش هسمحلك 

شعرت بشئ صلب على وجههي ، اسمعه يُفتح و سخونه على طفيفه على وجهي ، انه يستعمل نارا هل سيحرقني ؟ سيحرقني حتى يحرقه ؟ 

محمد: بالراحه بس لتحرق وشها 

طاهر: متقلقش يا محمد 

على: انا مهما عملت فيها مش هتحس ، الي بيحس دلوقتي هو مش هي 

ابعدها عني ثم فعلها ثانيه و شهرت بالسخونه على وجهي صرخت بشده 

نادره: خلاص خلاص ، اسف ، اسف 

على: اسمك ايه 

نبضات قلبي شديده ، اكاد اشعر انه سيخرج من مكانه 

نادره: فيراكيل  

على: مين الي باعتك 

نادره: اخت جوزها الاولاني 

اتنفس بصعوبه اشعر بالاختناق الآن ، اشعر و كأنني أموت 

محمود: ماما ، خلاص كفايا مش عارفه تتنفس 

اتنفس بصعوبه و بدأت اشهق 

طاهر: على ، خلاص يا على خلاص فوقها 

على: ميه بسكر بسرعه ، شهقتين كمان و ممكن تموت ، هو بيموتها 

ادمعت عيناي و بالكاد اتنفس ، سمعت تحركات عشوائيه و اشياء تُكسر ، اتوقع انهم يتحركون بسرعه دون ان يدركو ما يحدث ، شعرت بيد يترفع جذعي ، يد اخرى تمسح على وجهي ، يد اخرى تدلك يداي و قدماي 

على: مدام نادره افتحي عينك 

احاول ، احاول لا استطيع 

على: مدام نادره ، متستسلميش ، انت اقوى منه ، دا جن حقير و الله لاحرقهولك بس متستسلميش له 

تنفست و حاولت فتح عيني حتى تسلل الضوء داخلها 

على: اسمك ايه 

احاول ان اتكلم 

نادره: نـ..ــادره 

الرؤيه مشوشه ، الدموع تسقط على وجهي دون وعي ، قلبي يؤلمني بحق و صدري كذلك ، وضع طاهر يده موضع قلبي 

طاهر: هو قلبها طبيعي يبقى كدا ؟ 

على: اه ، نفسها يهدى بس و هتبقى كويسه 

اسندت رأسي على ظهر "طاهر" و اغمضت عيني احاول التنفس بهدوء 

على: مدام نادره ، متقلقيش ربنا الشافي هتبقى كويسه ، و حسبي الله و نعم الوكيل فيها 

اومأت دون كلمات ، الآن اتمنى حقا الموت ، لا أريد ان أكمل ، يكفى ، لا أريد أن أعيش أكثر ، يكفي ، اعطاني "سامي" كوب الماء بالسكر و شربته بهدوء 

على: هجيلكم ان شاء الله كمان 3 ايام 

طاهر: تنور يا شيخ على 

خرج "الشيخ على" من المنزل ، استجمعت قوتي و دخلت الغرفه أنام كالجثه من التعب ، لم أهتم بمن معي ، أرى الحياه سوداء الآن لا أريد غير الموت 
.

.

اجلس على السرير و اتذكر انني لم اتمم طلبيتي الأخيره من الشموع ، أهاتف صاحب الطلبيه 

نادره: اهلا بيك استاذ ابراهيم 

ابراهيم: اهلا بيكي يا نادره 

نادره: معلش انا اسفه الطلبيه اتأخرت انا كنت تعبانه بس شويه 

ابراهيم: لا عادي 

في لحظه رأيت وجهه وكأنه أمامي لا أهاتفه ، وجه اسود عينان مسحوبتان حمراوتان كالدماء ، قرنان طويلان 

ابراهيم: انا عارف انك تعبانه ، سيبيلى نفسك و انت هترتاحي 

شعرت بالخوف و نفيت برأسي 

نادره: لا لا مينفعش 

اغلقت الهاتف و رأيت "طاهر" أمامي لأحكي له ما حدث 

طاهر: اوعي يا نادره ، اوعي ، اوعي تسيبي نفسك 
.

.

شهقت و فتحت عيني ، تداركت انه كان فقط حلما ، نظرت حولى و يدي ترتجف ، ذلك الوجه القبيح لا يبتعد عن ناظري ، فتحت نور و رأيت "طاهر" ينظر لى 

طاهر: انت كويسه؟ 

قال بصوت ناعس ، نظرت له و أومأت ، لا أزال غير مدركه لما يحدث ، لكن كل ما اريده الان هو الموت ، اريد الموت فقط 

.

.

.

.