رواية نادره الفصل الثالث 3 - بقلم sasso

..(نادره)..

امنيه: ألبسي دا يا نادره احسن

نادره: لا يا امنيه ، مبهرج أوي

امنيه: يا بت ألبسي و انت ساكته ، دي أول مره هتقابليه هو و عياله ، خلي انطباعك عندهم حلو

نادره: انا متوتره جدا يا امنيه ، حاسه اني لسه  بنت بنوت اول مره تتجوز

ابتسمت لي و اقتربت مني لتأخذني في احضانها لتهدئ أفكاري العاصفه

امنيه: انت احلى من بنت البنوت يا نادره ، حبيبتي انت دلوقتي بتعيشي لنفسك شويه ، طول عمرك عايشه لغيرك ، لوائل الله يرحمه و عيالك ، طنط و عمو لاخر لحظه لحد ما ماتو ، عاوزه أيه تاني ، احلمي شويه

ابتسمت و قد بدأت أتخيل حياتي بعد الزواج ، بيت هادئ زوج يونسني ، أضحك معه و أبكي معه ، قاطعني صوت هاتفي

نادره: ايوا يا محمود

محمود: ايوا يا ماما ، اخبارك أيه يا حبيبتي

نادره: كويسه الحمد لله

محمود: علطول يا رب ، جهزي نفسك هنقعد مع العريس و اهله بكرا

ناظرت أمنيه و ابتسمت و أنا اشعر بالخوف
يتملكني

نادره: اخواتك وافقو

محمود: انا قلتلك سيبي اخواتي عليا ، سما هتجيلك النهارده بليل و هتبات لبكرا معاكي ، طبعا منمن معاكي مش كدا

ضحكت و ناظرت امنيه

نادره: اكيد معايا ، انت عارف مبتسبنيش لحظه

محمود: خلاص زي الفل ، انا وصلت البيت هريح شويه و اجيلك انا و ابتهال بعد العشا ، أريح شويه بس و نجيلك

نادره: تسلم يا محمود ، ربنا يخليك ليا يا رب
___________________________________

..(محمد)..

أمامي كومه أوراق كلها بالخطوط الحمراء تدل على مشاكل الشركه ، أنا أخسر لا محاله ، الأحوال الإقتصادية في البلاد لا تساعدني على الإطلاق ، أسهمي في البورصه تخسر ، أكاد أجن ، شركتي التي استثمرت بها جميع أموالي تنتهي بالإفلاس ، أنا أُدمر ، أشهر قليله و قد أشهر إفلاسي ، الموظفون يتركون العمل واحدا تلو الآخر ، زوجتي عمياء لا تهتم لي قيد أنمله ، ابنتي مريضه علاجها ثمين ، قلبي ممزق منذ أن رأيتها مره أخرى ، تبا لم رأيتها كانت ذكرى ، لم أرجعت لي ذكريات قد مر عليها ٧ سنوات ، أحقا اشتاق لها ، أم اشتاق لاهتمامها ، أم أنني أهرب من حياتي البائسه ، نظرت للسقف و انا أشعل سيجاره و أغمض عيني أنسى قليلا من همومي ، لقد تغيرت بالكامل ، أصبحت فتاةً بالغةً كاملة الأنوثه ، قويه لم تهتز عندما رأتني ، لقد نجحت و حققت حلمها ، أتذكر حينما كانت في بدايه سنتها الأولى و هي تبكي من صعوبه المواد ، ظننت للحظه أنها لم تكمل

محمد: الدكتوره سهام على التميمي ، يا ترى انت دكتوره أيه ؟ يا تري كام واحد ملكتي قلبه زي ما ملكتي قلبي ، اه يا سهام ، جيتيلي في وقت صعب أوي ، كل حاجه صعبه ، ليه يا رب كل المشاكل دي ، هو انا أيه الي عملته في حياتي غلط ، مراتي في حالها ، امي عاوزه تتجوز ، شركتي بتخسر ، و البنت الي فكرت اني بطلت احبها ظهرتلى من العدم تاني ، يا رب انا تعبان ، تعبان بجد

فتحت عيني على صوت هاتفي

محمد: نعم

محمود: بكرا هنقعد مع العريس و عياله جهز نفسك

استشطت غضبا و بدأت بالصراخ

محمد: انت بردو عملت الي في دماغك ، انت يا ابني طالع دلدول لمين كدا

محمود: محمد ، لسانك بيطول عليا و انا ساكت عشان انت اخويا ، أمك من حقها تتجوز و تعيش حياتها ، بطل العبط الي بتتكلمه دا

محمد: هي أمك مالها ، أيه دي مراهقه متأخره مثلا ؟ من امتى و هي بتفكر في الجواز

محمود: من ساعه ما بدأت تتعب و متلاقيش حد معاها ، من ساعه لما تتصل بكل حد فيكو يسمعها كلام يسم بدنها ، من ساعه ما حست بالوحده ، انا اكتر حد حاسس بماما ، عارف ليه ، عشان ياما شفتك انت و مراتك بتتهربو من تجمعاتها ، او اسمع مراتك و هي بتزعق مش عاوزه أمك في بيتها حتى لو ساعه ، أمك الي سمعت بودانها ابنها الي من لحمها و دمها بيهزقها وسط اخواته و على صوته عليها و نزلت ايديها ممدتهاش عليك احتراما ليك قدام مراتك و بنتك ، أمك شايله كتير

ظللت أسمعه و قد تملكني الشعور بالذنب

محمد: بس انا مش موافق

محمود: عنك ما وافقت ، أمك مش بنت بنوت هي تقدر تتجوز من غير ولى ، أمك مكبرانا عشان احنا رجالتها ، كبرها انت كمان و تعالى اقف جنبها و أسند ضهرها

صمت قليلا و مسحت على وجههي بعصبيه

محمود: بكرا الساعه ٧ في نادي الاطباء ، متتأخرش

أغلقت الهاتف و أنا أناظره بهدوء ، وضعته على الطاوله و نظرت للأوراق ثم نظرت للسقف مره اخرى

محمد: انا تعبت
___________________________________

..(سامي)..

سامي: يلا يا عم اتكل على الله ، خلينا نخلص شغلنا

خرج العسكري من مكتبي و معه هذه الكائنات الضاله ، أرحت رأسي على الكرسي خاصتي و أغمضت عيني ، لحظات حتي سمعت الباب يُطرق من جديد ، فتحت عيني و أنا أحاول الهدوء ، دخل العسكري و أدي تحيته العسكرية لي

سامي: نعم

العسكري: البنت بتاعه قضيه الاغتصاب جت يا باشا ، ادخلها

اعتدلت في جلستي

سامي: دخلها

لحظات حتى دخلت امامي تلك الصغيره ، فتاه بشعر اسود ذا اطراف حمراء ، عينان سوداوتان سواد الليل ، شفتان كبيرتان لا تبدوان طبيعيتان على الاطلاق ، ملامح باهته ، وجه اصفر ، رقبه مليئه بالجروح و الكدمات الناتجه عما اصابها ، تذكرني برودينا ، أخشى عليها حقا فالعالم صعب المراس ، وقفت لأواجهها هي و والدها

سامي: اتفضلي ارتاحي

جلست بهدوء و قد أغمضت عينها بألم ، أكاد أجزم ان كل شبر فيها يؤلمها ، اتذكر "رحمه" زوجتي في اول ليله لنا كانت متعبه ، فكيف بها و قد أُجبرت و عُنفت

سامي: تقرير الطب الشرعي وصلني النهارده الصبح ، متقلقيش حقك هيتاخد

نظرت لي بعيون ذابله و قد لمعت نتيجه تجمع الدموع بها

يارا: هتعرفو تجيبوه

سامي: ايوا طبعا ، انا بس محتاج منك تحكيلي كل حاجه ، انا عارف ان الموضوع مش سهل انك تفتكريه ، بس كل تفصيله مهمه ، الهايف بالنسبالك مهم جدا بالنسبالي

أومأت برأسها و أشبكت ايديها معا تستجمع قوتها ، نظرت لوالدها و الذي أجزم بأنه سيسمع من ابنته ولأول مره ، كيف ان يرزقه الله بفتاه يهملها حتى تُغتصب ، تبا للمال الذي يجعلنا نرمي أعراضنا و شرفنا بلا مبالاه

يارا: كان في حفله عملتها في بيتي من شهر و جبت كل زمايلي في الجامعه ، وقتها كان في مشاكل كدا بيني و بين حد من الدفعات الي اكبر مني

سامي: مشاكل ازاي

يارا: هو الاكس بتاعي ، فركش معايا و كنت عاوزه اثبتله اني مش مهزوزه بعد ما سابني

ناظرتها بهدوء ، إنها من ضمن الاجيال الضائعه ، تواعد و تتواعد ، مند متى و نحن نقبل بتلك التفاهات في مجتمعنا

سامي: طيب بعد كدا

يارا: في الحفله دي انا قصدت ادايقه و احسسه انه مش فارق معايا ، فبدأت اقرب من صاحبه كنوع من انواع انه هيندم و كدا

فتاة حمقاء بلهاء ، أكملي أبهريني بحماقاتك

يارا: دايقته فعلا و عدى الموضوع لحد ما كان في حفله في بيت واحده صحبتي

سامي: صاحبتك مين

يارا: ولاء ، دي من شلتنا مننا يعني

سامي: ماشي كملي

يارا: دخلت البيت لقيته قاعد و صاحبه جنبه ، المهم بدأت اعدي اليوم لحد ما طلبت عصير ، شربته و في لحظه حسيت بدوخه ، قربت من ولاء لقيتها مسكتني و دخلتني اوضه و اطمنت عليا ، محستش بنفسي غير و انا على السرير بفتح عيني و جسمي كله متدشتش ، رفعت ايدي لقيتها كلها كدمات و زرقا ، و متغطيه بعسوائيه ،  قمت من على السرير بالعافية لقيتي عريانه ، و السرير كله دم ، قمت بالعافية لقيت الباب بيتفتح و ولاء داخله عليا اتخضت من منظري ، مقدرتش اقف على رجلى و الدنيا اسودت في وشي ، موعتش غير و ولاء جيباني المستشفى و حضرتك واقف مع باقي الظباط

مسحت دموعها و قد بدأ قلبي يلين لها ، ولكنها حمقاء ، أي فتاه تذهب لمثل هذه الأماكن ، ناظرت والدها و على ملامحه الصدمه ، أجل كما توقعت ، أخذت الأموال عقله لدرجه أنه لم ينتبه لابنته ، فتاة حمقاء و أب مستهتر

سامي: يعني ممكن يكون الي اغتصبك الاكس بتاعك دا او صاحبه

يارا: ممكن معرفش ، انا مشفتوش

سامي: طيب هنحلها ، وقعي هنا بس تحت أقوالك و ابصمي

اخذت الأوراق و بدأت توقع تحت أقوالها و والدها يناظرها بهدوء قاتل ، نظرت لي بضعف أثار شفقتي

سامي: انت في مقام اختى يا يارا ، اختى في نفس سنك ، متقلقيش هتاخدي حقك ، عاوز  اسماء كل شلتك كلهم هيتاخد اقوالهم ، و اعملى حسابك لو هسيب كل الي ورايا ومش هيبقى ليا غير قضيتك هعملها

نظرت لي و عيونها تلمع ، ابتسمتُ بهدوء و أومأت برأسها ، خرجَتْ بهدوء و نظراتي متعلقه بها ، لم اشعر بنفسي إلا و أنا أهاتف رودينا

سامي: انت فين يا رودينا

رودينا: في الجامعه

سامي: هتخلصي امتى

رودينا: على الساعه ٥ كدا

سامي: متتحركيش من عندك انا هاجي أخدك

رودينا: هو في حاجه يا سامي ؟

سامي: لا ، و اعملى حسابك انا هوصلك و احيبك من الجامعه بعد كدا

رودينا: هو في أيه يا سامي ، مش اول مره اروح الجامعه لوحدي

سامي: اسمعي كلامي ، خدي بالك من نفسك و اوعي تشربي اي حاجه من حد حتى لو صاحبتك ، أي حاجه من الكافيتيريا لا

رودينا: في أيه يا سامي ، أيه الي حصل

أغمضت عيني و أنا أبعد الأفكار السوداويه من على ناظري

سامي: هقولك في البيت ، خدي بالك من نفسك يا حبيبتي

رودينا: حاضر ، باي
___________________________________

..(اسماء)..

عادل: عامله أيه النهارده يا مسكره

ابتسمت و أنا أضع الطعام على الطاوله

اسماء: زي الفل ، اخبار الشغل أيه

عادل: فل الفل ، كله تمام

اسماء: طب كويس الحمد لله

عادل: صحيح الدكتور قال المتابعه امتى ؟

اسماء: لسه كمان اسبوع

أومأ برأسه و بدأ في تناول الطعام ، ناظرني بهدوء و على ملامحه الجديه

عادل: ممكن اتكلم معاكي في موضوع

اسماء: اه يا عمري طبعا

عادل: انا عارف ان دا ميخصنيش ، بس انت عارفه غلاوتك و غلاوه طنط عندي

صمت و أدركت أنه يتكلم عن زواج أمي ، تبا زوجي يناقشني عن زواج أمي ، هل إنتهت كل المواضيع ليتكلم معي بزواج أمي ؟ ، كيف أناظر وجهه الآن !

عادل: طنط من حقها تتجوز يا اسماء ، انت ليه معارضه

اسماء: مش معارضه يا عادل بس عيب يعني ، انت عارف ماما عندها كام سنه

عادل: جاويني بصراحه ، انت مدايقه من فكره جوازها بسبب سنها فعلا و لا بسبب كلام الناس

اسماء: كلام الناس طبعا ، انا مصدقت اخلص من كلام انت يتيمه و ياعيني و ربنا يعوضك ، ادخل لمبروك جوازه أمك ؟

عقد حاجباه أمامي

عادل: بس انا افتكر انك مكنش بيهمك رأي الناس قبل كدا ؟ أيه الي حصل

اسماء: بقى بيهمني دلوقتي ، عادل دي حاجه تخصني انا و انا مش عاوزه اتكلم فيها خلاص

صمت قليلا و قد أكمل طعامه في هدوء ، استقام و تكلم بحده و هو يطرق على الطاوله بأصبع اشارته

عادل: انا واقف مع طنط ، احنا بقالنا سنتين متجوزين و لحد الواقتي مقدمتليش غير كل خير ، طنط في مقام امي و يمكن الي قدمته ليا في سنتين جواز و سنتين خطوبه كان اكبر بكتير من دورها و أمي نفسها معملتوش  ، انت معارضه دا يرجعلك ، بس لو طنط احتاجتني في أي وقت انا هروح لها من غير تفكير

ابتعد عني بهدوء و مسحت على وجههي بهدوء ، أصبحت الآن الابنه العاقه
___________________________________

..(سما)..

حمزه: ربنا يتمم بخير يا سما

سما: يا رب يا حمزه ان شاء الله ، المهم انا هسافر على المغرب كدا اخلص الشيفت و اطلع على المنصوره علطول

حمزه: طنط جميله بصراحه ، متعاملتش معاها  بس باين عليها انها طيبه

سما: طيبه جدا يا حمزه ، ماما تعبت أوي لحد ما وصلتنا الي احنا فيه دلوقتي ، انا شفت بنفسي وقت ما كانت بتجهز محمد و اسماء ، طلع عينيها

حمزه: اذا بنتها قويه اكيد تبقى قويه

سما: جدا يا حمزه ، جدا

ابتسمت و انا أراه يبتسم لي بهدوء ، مددت يدي حتى أرتب له قميصه

حمزه: بتعملى أيه

سما: ياقه قميصك مش مظبوطه ، استني اعدلها

وقف أمامي بهدوء يبتسم في وجهي

بندر: دكتوره سما

وجهت نظري لمصدر الصوت و قد شعرت شعور من سُكب عليه ماء مثلج ، أزحت يدي بهدوء و استقمت

سما: نعم

بندر: أحتاجك لحظات

ناظرتُ حمزه بهدوء ثم ناظرته و اومأت برأسي ، و بدأت اخطو بهدوء له ، اقتربت منه و هو يمشي أمامي حتى وصلنا لبدايه الاسطبل ، وقفت باستقامه لا تدل عن مدى الخوف الذي يسكن قلبي

سما: نعم حضرتك

بندر: دريت انك بتسافرين اليوم ، لعله خير

سما: اه ، لا خير البيت محتاجني بس شويه

بندر: الوالد و الوالده بخير

سما: ماما كويسه الحمد لله ، شكرا لسؤالك

اخرج من جيبه علبه حمراء صغيره ، ناظرتها ثم ناظرته مره اخرى و قد عقد حاجباي

سما : دا أيه دا ؟

بندر: هذي هديه

سما: بمناسبه أيه

بندر: على اجتهادك بالشغل

رفعها لناظري و فتحها لأجد خاتم ذهب كبير بفص ألماس واضح ، عقدت حاجباي و ناظرته مره أخرى

سما: اجتهادي في الشغل باخد عليه مرتب آخر الشهر ، مش محتاجه هدايا

بندر: كيف ، انت بتتعبي ، اقل شي الخاتم يزين يدينك الحلوين هذولا

أمسك يدي و لكني في لحظه إبتعدت عنه و ضممت يدي إلي صدرى ، ابتسم لي

بندر: ايش المشكله يعني ، انا مو اول رجال يلمسك

عقدت حاجباي و الكلمات تبخرت من على شفتاي

بندر: ليش حمزه و انا لا ، طيب انا على الاقل بعطيك ثمن الي تساويه ما بخليك كذا ببلاش

اقترب مني حتى شعرت بهالته تلامس هالتي ، انفاسه على وجنتي

بندر: اعطيني بس الضوء الاخضر ، ادري انك تبغي بس تخافي ، ما تخافي بكون لطيف معك

امتلأت عيناي بالدموع و قد سيطر الخوف على جوارحي ، شعرت بيده تحاوط خصري ، أغمضت عيني ، ثم فتحتها على صوته

بندر: ما تخافي يا صغيره ، انا ما اكل الحلوين

بدأت يده تتجول علي جسدي على وصلت لآخر ضهري ، لم أشعر إلا بيدي وهي ترتفع في الهواء و تصفعه ، وقف أمامي بهدوء و وجه ناظريه لي ، بدأت يدي تهتز بخوف مستميت ، ابعتدت عنه بخطوات مهزوزه ، أكاد أجزم انني كنت على وشك الوقوع ، ناظرته و اذا هو يناظرني بهدوء دون حراك ، وجهت نظري للأمام أسعي بسرعه للهواء ، اشعر بالإختناق أنا على وشك البكاء ، وقفت بعيد عن  الإسطبل و أنا اضع يدي على صدري أحاول ألتقاط أنفاسي ، فتحت أزرار قميصي العلويه ، أغمضت عيني ، وضعت يدي على فمي لأهدأ ، شعرت بيد تمسكني فصرخت و ناظرته برعب

حمزه: دا انا حمزه ، اهدي في أيه

حاوط وجهي بين كفيه و ناظرني بقلق

حمزه: في أيه ، كان عاوز منك أيه

أنزلت دمعه سريعه و أغمضت عيني مستسلمه للبكاء

حمزه: في أيه متجننيش ، عمل فيكي أيه

واصلت البكاء و قد اقترب مني حتى حاوطني بين ذراعيه

حمزه: طب اهدي ، تعالي اقعدي

مشيت معه بضع خطوات حتى جلس أمامي ، مسح دموعي بإصبع الإبهام و رفع وجههي لوجهه

حمزه: في أيه

سما: انا هسيب الشغل

صمت قليلا ثم اكمل

حمزه: ليه

سما: انا خايفه ، هلم حاجاتي و ارجع البيت مش هكمل

حمزه: لمسك

بدأت في البكاء مره اخرى

حمزه: يا بنتي ردي عليا ، و الله اقوم دلوقتي افرمه و لا يهمني شغل ولا زفت

سما: ممكن توصلني السكن

حمزه: ردي عليا الاول

ناظرته بهدوء و مسحت دموعي

سما: هو انا سهله يا حمزه

عقد حاجبيه و ناظرني بهدوء

سما: يعني عادي أسمع لأي راجل يلمسني

حمزه: لا طبعا ، هو لمسك

سما: انا مشيت ورا دماغي و كل الي ماما حذرتني منه عملت عكسه

حمزه: في أيه يا سما

سما: انا غلطانه ، انا استاهل

اقترب مني و لمس وجههي ثم امسك ذراعي ، ابعدت يديه عني بهدوء

سما: متلمسنيش

عقد حاجبيه بهدوء

سما: معنتش تلمسني ، انا مش سهله و لا رخيصه

استقمت و بدأت أمشي بخطوات متعرجه ، حتى وصلت للسكن ، لملمت اشيائي و خرجت بها لسيارتي ، جلست على مقعدي و احاول الهدوء ، سمعت طرقات على زجاج سيارتي ، أنزلته لأرى حمزه يناظرني بهدوء

حمزه: طيب انا هوصلك ، مش هتعرفي تسوقي بالمنظر دا

سما: انا كويسه

حمزه: اوعدك اني مش هتكلم طول الطريق ، بس اطمن انك وصلتي بيتك بهدوء

صمت قليلا و أومأت برأسي ، لست بمقدره على التركيز بالقياده الآن ، خرجت من السياره و اتجهت الكرسي المجاور و جلست بهدوء ، استقل المقود و بدأ بالتحرك

حمزه: معاكي لوكيشن لبيتك

مددت له هاتفي ليبدأ باتباع المسار المرسوم أمامه ، ناظرت الطريق بهدوء و أنا أشعر به يسترق النظر لي كل فتره ، احترم حمزه طلبي و لم يلمسني ، في الأحوال العاديه لا ينفك عن لمسي عندما أكون حزينه ، هل حقا أنا رخيصه سهله ؟ ، أعلم انني اخطئ ، حمزه ليس بزوجي او بأخي حتى يلمسني ، ولكن هناك شئ ما يجعلني اطمئن بجانبه ، هل يظن الجميع بي حقا هذا الامر ، أأصبحت فتاه سهله لهذه الدرجه ، أيظن حمزه بي كذلك أيضا ؟ ، توقف على الطريق و ناظرني

حمزه: هصلي و اجيب قهوه ، اجيبلك معايا

ناظرته بهدوء و أومأت له برأسي ، بعد دقائق جلس بجانبي و بدأ بشرب كوب القهوه و هو صامت ، صامت للغايه لم أعهده صامت بذاك الشكل

حمزه: خلاص هتسيبي الشغل

سما: اه مش هكمل

حمزه: مش هسأل عن حاجه لانها باينه زي الشمس ، بس هسأل عن حاجه واحده بس ممكن

ناظرني و انا أومأت بهدوء

حمزه: انت خايفه مني ؟

صمتُ قليلا لا أعرف ماذا أجيب ، أأقول له لا فيظن أنني سهله المراس ، أم أقول له نعم ، ماذا يجب على أن أفعل

حمزه: أنا معرفش هو قالك أيه ، بس المنظر الي انا شفتك فيه النهارده مكنش مجرد كلام طبيعي ، ما علينا المهم ، انت عارفه انت غاليه عندي قد أيه ، ولو اني كنت شايفك سهله زي ما بتقولى كنت عملت حاجات كتير أوي يا سما

ناظرته بهدوء و لم أتكلم

حمزه: يمكن في تجاوزات و دا حرام انا عارف ، بس الغلط عليا زي ما هو عليكي ، انا أتربيت أن الراجل راجل و اسمه راجل عشان هو اقوى من أي حاجه حتى من شهوته يا سما

ظللت أناظره بهدوء و أنا أنصت باهتمام

حمزه: سما طول الخمس سنين الي اشتغلت معاكي فيهم مشفتش منك غير جدعنتك و طيبتك ، اه هبله و عبيطه و غبيه و عنيده و دماغك جزمه ، بس في نفس الوقت قويه و محترمه و بنت ناس و جدعه

ناظر كوب قهوته ثم ناظرني مره أخرى بإصرار في عيناي

حمزه: أنا وعدتك اني هحافظ عليكي و هحميكي أيا كان التمن ،و انا لسه عند وعدي ليكي ، الي بندر عمله مش هسكت عليه ، و اوعدك اني هاخد حقك تالت و متلت ، ارتاحي شويه و انا هجيبلك شغل في مكان احسن ، و بردو نكون مع بعض

سما: انت مش مجبر تعمل دا كله يا حمزه ، خلاص انا سبت الشغل

حمزه: مبعملش كدا عشان انا مجبر يا سما ، دا اقل حاجه اعملها

سما: اذا صحوبيتنا هتكون سبب في خساره شغلك بلاش ، انت بتشتغل هناك من قبلي ، حرام تهد كل الي عملته

حمزه: ملكيش دعوه ، انا هتصرف

سما: لأ ، ملكش دعوه بحاجه ، و بعدين انت بجد هتخاطر بشغلك و مستقبلك عشان صحوبيه ؟

صمت و نظر للأمام تاركني أتكلم بدون جدوى ، و فجأه رأيته يصفع المقوعد بكفيه و ينظر لي في عيناي

حمزه: هو انت بجد لحد دلوقتي مش عارفه انت أيه بالنسبالي ؟

ناظرته بترقب و قلبي يكاد يخرج من بين أضلعي ، أهذا الأدرينالين أم أنني أشعر بالتوتر

حمزه: للدراجادي انت غبيه

ناظرت عيناه الحادتان ، أنها نظرة جديده ، هذي النظرة ليست كسابقتها ، انها مزيج من المشاعر الغريبة ، مشاعر ! أيكن لي ذاك الأحمق مشاعر

حمزه: انا بحبك يا سما ، بحبك من زمان مش من قريب ، بحب ضحكتك و جنانك و عنادك ، بحب صوتك و زعيقك و ملامحك

حرك يداه لتقترب من يدي و أنا أراه يتردد في القرب مني

حمزه: انا عاوز أكمل معاكي لآخر يوم في عمرى يا سما ، فكري و ردي عليا و خدي وقتك ، و غلاوتك عندي لأكون واخدلك حقك من بندر الكلب دا

ناظرته و هو يتكلم ، إن الأحمق يحبني بحق ، لم تكن مجرد تهيؤات ، ما شعرت به كان حقيقه ، انه يحبني ، أكاد أصرخ من الفرحه ، إنه يحبني !

حمزه: غيري جو مع اخواتك و مامتك و ربنا يتمم لمامتك ، هسيبك كام يوم تفكري و مش هكلمك ، مستني ردك على أحر من الجمر يا سما

___________________________________

..(رودينا)..

وقفت أمام السياره و ركبت فيها بهدوء ، نظرت لسامي و اقتربت منه قبلت وجنتيه و ابتسمت

رودينا: ممكن اعرف أيه لازمه الطريحه الي سمعتها النهارده

سامي: سيبك دلوقتي ، بابا هيقابل العروسه بكرا

انتفضت من مكاني بحماس و بدأت بالتصفيق

رودينا: معقوله ، طب انا ناقصني حاجات عاوزه اشتريها ، و أروح الكوافير و اعمل ضوافري

سامي: بس بس اهدي في أيه ، هو انت العروسه ؟

رودينا: لا ، بس لما تشوف ان ولاد العريس واخدين بالهم من نفسهم و واخدين بالهم من باباهم هتعرف اننا مش أي حد ، بلا بس اطلع خليني اشتري كام حاجه

سامي: يا بت اتهدي ، انا ورايا شغل

رودينا: و حياتي يا سيمو

ناظرني بجمود

سامي: سيمو

رودينا: يلا و حياه ماما الله يرحمها

سامي: الله يرحمها ، بس أيه سيمو دي

رودينا: دلع سامي

سامي: دي مراتي مقالتهاليش ، ضيعتي هيبه وكيل النيابه

رودينا: يلا يا سامي و حياتي

ناظرني بهدوء و بدأ بتحريك السياره ، اتجاهنا لبعض المحلات التي اخترتها و بدأت في التبضع ، وضعت مشترياتي بهدوء و ابتسمت في وجهه

رودينا: شكرا يا سامي

سامي: العفو يا ست رودينا ، ها أي طلبات تانيه

ابتسمت و اقتربت منه و قد طوقت ذراعاي عليه لأغمض عيني مبتسمه بحضنه ، وضع يده على ضهري يترب عليها

سامي: مبسوطه ؟

رودينا: أوي يا سامي ، تسلم ايدك

فتحت عيني حين سمعت شابا يطرق على السياره و يناظرنا بهدوء

الشاب: الكلام دا في البيت مش في الشارع اختشو شويه

ابتعدت عن سامي ، ناظره سامي بحده

الشاب: يعني بيعمل الغلط و بيبجح

خرج سامي من السياره و وقف أمامه و أخذه بعيد عن السياره و بدأ يتكلم معه ، رأيت الشاب يبتعد بسرعه و يبدو على وجهه الخوف ، عاد سامي للسياره و جلس بجانبي

رودينا: طبعا طلعت الكارنيه و خوفته بيه

ضحك و بدأ يقود السياره و هو يتكلم معي بهدوء

سامي: رودينا ، انت ليك صحاب غير الي انا أعرفهم

رودينا: لا

سامي: طب هسألك سؤال بس تحاوبيني
بصراحه

رودينا: قول

سامي: انت بتحبي حد او كدا

ناظرته بهدوء

رودينا: لا

سامي: انا بتكلم بجد ، مش هعلق لك حبل المشنقه

رودينا: لا و الله ، انا معنديش وقت للكلام دا اديك شايف طول اليوم على الكتاب او في المطبخ

سامي: طب مبيجلكيش وقت و نفسك تحبي

ضحكت

رودينا: انت عاوز تجوزني و لا أيه

سامي: يا بنتي ردي عليا و متتعبنيش

رودينا: طبعا نفسي ، بس انا عارفه انه حرام ، غير ان كل الي بيعمل حاجه شبه كدا بيكونو عيال صغيرين

سامي: النهارده سمعت من بنت اتعرضت للاغتصاب كل الي حصل معاها

تبدلت ملامحي للاهتمام و ناظرته بهدوء

سامي: الي متوقعه انه مقلب من صاحبتها او الولد الي كانت بتحبه بتسميه الاكس ، او الولد الي مشت معاه تغيظ حبيبها الاولاني ، هي عبيطه و مخها على قدها ، بس غلبانه

ناظرني و وجدني مهتمه

سامي: البنت قطعت قلبي من منظرها ، قدك في السن ، بس مختلفه عنك نهائي ، عارفه البنات الي بنشوفهم و نضرب كف على كف ، أهي منهم

رودينا: و أيه الي حصل

سامي: لسه بنحقق ، رودينا انا كل يوم بشوف حاجات تشيب الراس ، تخليني أخاف على كل واحد فيكو واحد واحد ، لو طولت أقفل عليكو بأقفال كنت عملتها

رودينا: عشان كدا كلمتني النهارده

سامي: تخيلتك مكانها ، كنت هموت من مجرد التخيل

رودينا: بس انا مش كدا و انت عارف

سامي: انت مش كدا بس الي حوليكي ممكن يكونو كدا

رودينا: سامي ، مش كل الي بتشوفه لازم يتحقق ، حياتي و صحابي و مجتمعي مختلف عنها

سامي: عندك حق ، و لكن بردو دا يخلينا ناخد بالنا اكتر

ابتسمت

رودينا: حاضر يا سياده النائب ، أي اوامر تانيه ؟

سامي: لا يا أم عشرين سنه ، يلا خلينا نطلع للعريس
___________________________________

..(محمد)..

لا أصدق أنني أتجهز للغد ، سألاقي زوج أمي المستقبلي ، أقسم أنني أكاد أكسر كل شئ أمامي ، مددت يدي لأجهز بذتي الرماديه ، أمي تحبها علىّ ، أخرجت القميص الأبيض ، نظرت "لعزه" التي كانت تتجهز أيضا ، يبدو أنها غير راضية عن ملابسها ، أعرف هذي النظره

محمد: عزه ، ممكن تكويلي القميص دا

ناظرتني بسرعه ثم أشاحت نظرها عني و مدت يدها لتمسك القميص و تضعه على حافه السرير بعدم اكتراث

عزه: طيب ربنا يسهل ، المعاد لسه بكرا هبقى اشوفه

ناظرتها بهدوء ثم ناظرت القميص

محمد: متعرفيش فين الجزمه الرصاصي

لم تنظر لي و ردت بعدم اكتراث

عزه: و انا أيه عرفني يا محمد ، هو انا الي بلبسها و لا انت

عقدت حاجباي بتعجب واضح

محمد: اومال مين الي يعرف يا عزه

جاوبتني بعدم اكتراث للمره الثانيه

عزه: اسأل سيده ، اكيد عارفه

اقتربت منها و قد بدأ صبري ينفذ

محمد: هو أيه الي اسأل سيده ، هو انا متجوزك و لا متجوز سيده ، كل حاجه قول لسيده عرف سيده اسأل سيده في أيه

ناظرتني بهدوء و نظراتها تعلوها التعجب

عزه: في أيه يا محمد ، انت هتتخانق و خلاص  ، مش قادر تمشي كلامك على أخوك فبتتشطر عليا انا

حسنا إنها الضربه القاضيه ، ارتفع صوتي معلنا عن اعتراضي عن ما تقوله ، أمسكت معصم يدها بقوه و سحبتها نحوى بعنف متجاهلا تأوهاتها من يدي

محمد: أيه مش كفايه بقا ، انت شخصيه مستفزه ، مستحمل أهمالك فيا و في البنت و قلت خلاص هي جهدها كدا على قدها ، مستحمل قله أدبك عشان خاطر الغلبانه الي ربنا بلاها بيكي ، أما تيجي و تجرحي في رجولتي مش هسمحلك فاهمه

حاولت أن تبعد يدها عني و لكنني كنت في أقصى مراحل غضبي

محمد: أقسم بالله انا ماسك نفسي اني أكسرك تحت ايدي بالعافية ، خلاص انا تعبت ، معنتش باقي على حاجه ، تتحرقي انت و الجوازه و كل الي يجي منك

نفضت يدها كمن ينفض شيئا متسخا و كالعاده خرجت أتجول بالسياره هائما لا أعرف أين أذهب ، فجأه وقفت عند ذاك الكافيه ، لم أعي ما أفعل فقد كنت مغيبا ، دخلت بهدوء و عيني تتجول في المكان باحثا عنها ، حتى قاطعني النادل ، نظرت له بشرود

النادل: أتفضل يا استاذ الترابيزات كتير

نظرت للطاولات مره أخرى ثم ناظرته

محمد: أه ، تمام

دخلت بهدوء و جلست على طاوله تكشف لي مداخل و مخارج الكافيه ، أريد أن أراها بأي شكل كان ، أحتاجها الآن ، اقترب النادل مني ليأخذ طلبي ، ناظرته و هو يكتب ما أمليته عليه ، نظر لي مبتسماً عندما وجهت كلامي له

محمد: انتو عندكو هنا زباين دايمين ؟

النادل: اه اكيد ، الكافيه هنا قريب من الجامعه و معظم الي بيجي يا طلاب يا موظفين

محمد: يعني انت عارف كل الزباين

النادل: يعتبر اه ، انا شفتي هنا ١٢ ساعه فبشوف معظم الناس

محمد: طيب متعرفش بنت كدا شعرها اسود و دائما تيجي باللابتوب بتاعها تشتغل هنا

النادل: دا وصف صعب جدا ، مقدرش أحدد

محمد: هي معيده في كليه طب

النادل: معيده ، و شعرها اسود ، لا مش فاكر بصراحه

محمد: ركز عشان خاطري ، افتكر اسمها سهام

تغير وجه النادل و ابتسم

النادل: اه انت قصدك دكتور سهام ، اه طبعا دي زبونه دايمه هنا بقالها سنتين ، و المكان مكانها

ابتسمت و قد تأكدت انها ستأتي لا محاله

محمد: طيب متعرفش هي مواعيدها امتى

النادل: معلش انا اسف على التدخل يعني ، بس حضرتك بتسأل ليه ؟

محمد: ممكن تقول انه موضوع شخصي شويه

ناظرني النادل بهدوء

النادل: انا اسف يا استاذ ، بس دكتور سهام في مقام اختى و انا مرضلهاش كدا

محمد: ترضالها أيه ، انا مش هعمل حاجه غلط ، انا بس محتاج أعرف مواعيدها هنا أيه ، اعتبرني معجب

ناظرني النادل بهدوء و صمت بعض الوقت

محمد: انا اعرفها من ٧ سنين ، بس بعدنا عن بعض لظروف الحياه و الشغل و انت عارف

قاطع كلماتي صوت صاحب الكافيه و هو ينادي النادل حتى يهتم بباقي العملاء ، أغمضت عيني و أنا أشعر بها تقترب مني ، فتحتها حين سمعت صوتها

النادل: اهلا بحضرتك يا دكتور ، اتفضلي طلبك هيكون جاهز حالا

سهام: لا يا حكيم ، معلش اعملى المرادي قهوه ، و ياريت بسرعه

انها هي ، تجلس على الطاوله الي أمامي ، مهلا تبدو متعبه ، وجهها اصفر و عيناها مجهدتان ، تحاول ان تكون بخير و لكن يبدو عليها التعب ، بعد لحظات اقترب منها النادل و اعطاها كوب القهوه و قد بدأت بفتح حاسوبها النقال إلا أن تبرد القهوه ، عيناي مثبتتان عليها لا أستطيع إنزالها من عليها ، لم تنتبه لي للآن ، أمسكت هاتفها لتجيب عليه باجهاد واضح ، أعلم أن ما افعله خاطئ و لكن فضولى غلبني اريد ان أستمع لما تقول

سهام: يا دكتور حضرتك عارف ان شغل المستشفى مع المحاضرات مجهد جدا ، و محدش بياخد الاتنين مع بعض ، مش معقول ابقى بشتغل طول النهار شغل اتنين و لما أطلب أجازه تترفض

ناظرت وجهها الممتعض ، تأكل شفتيها كلما تضايقت ، ابتسمت لا تزال تلك العاده السيئه فيها ، ناظرت ارجلها التي تهتز بوتيره شديده ، انها الآن متضايقه حقا

سهام: معلش يا دكتور انا مش هقدر اشيل كل دا ، حضرتك ملزم توفر دكاتره تانين يساعدونا ، انا مش لاحقه أخلص رساله الماجيستير من كتر الشغل الي عليا ، حضرتك تكلم بقا دكتور على تكلم دكتور وائل مش بتاعتي ، انا طالبه أجازه من بكرا و مقدماها من اسبوع ، بعد إذن حضرتك مشيهالي ، انا مأخدش أجازه خالص طول السنه

ناظرتها و هي تتكلم ، لقد تغيرت تلك الخجوله اني تخاف من ظلها ، أصبحت امرأه عامله تدافع عن حقها بكل هدوء ، بدأت ملامحها في الهدوء و أغلقت الهاتف ، وضعت رأسها بين كفيها و انا أرها تأخذ شقيها كبيرا و تخرج زفيرا تحاول ان تتحسن ، أبعدت يديها عن وجها و بدأت بشرب القهوه ، بدأت بارتشاف قهوتي أيضا و أنا أناظرها بكل تركيز ، تعمل بتركيز كبير على حاسوبها النقال ، قررت أن أتشجع و أقترب من طاولتها ، وقفت أمامها و هي غير منتبهة لي ، حمحمت فرفعت ناظرها لي ، ابتسمت ابتسامه بسيطه مجهده

سهام: أه ، ازيك يا محمد

اقتربت منها و ابتسمت ابتسامه واسعه

محمد: انا كويس الحمد لله ، انت اخبارك أيه

سهام: كويسه الحمد لله

محمد: انت بتيجي هنا كل يوم ولا أيه ؟

سهام: اه تقريبا

محمد: انا بردو باجي هنا كتير

سهام: أه ، طيب تمام

ابتسمت و أشاحت نظرها عني لتكمل كتاباتها على الحاسوب النقال ، حمحمت فنظرت لي

محمد: ممكن أقعد معاكي

عقدت حاجبيها

سهام: انت مش معاك مراتك

قالت كلمتها و قد نظرت لخاتم زواجي ، تبا لقد نسيت أن أضعه في بنطالي ، دائما تذكرني بتلك المجنونه ، ابتسمت لأخفف من توتري

محمد: لا انا لوحدي

سهام: طلبك ميتعزش طبعا يا محمد بس حاليا انا بكتب الرساله و محتاجه تركيز ، فمعلش

ابتسمت

محمد: لا لا مفيش معلش براحتك خالص ، انا كنت عاوز أخد رأيك في حاله بنتي

ناظرتني باهتمام

سهام: هي بنتك تعبانه

محمد: اه ، بنتي مها عندها القلب ، و لفينا على الدكاتره و بنعمل عمليات بس لسه تعبانه

تغيرت ملامحها و أغلقت حاسوبها النقال ، أجل لقت حظيت باهتمامها

سهام: أتفضل يا محمد

ابتسمت و جلست أمهامها

سهام: اولا ألف سلامه على بنوتك ، ثانيا انا بحضر الماجيستير بتاعي في البطانه و القلب ، إن شاء الله هفيدك ، و لو مش هفيدك على الأقل هدلك على أساتذتي

ابتسمت و ارتاحت ملامحي ، لاتزال كما هي لم تتغير ، فتاه معطاءه تعشق الاهتمام بالاشخاص ، إشتقت لاهتمامها بي

محمد: تسلمي يا سهام تعبتك معايا

سهام: ولا تعب ولا حاجه ، قول بنوتك مالها

محمد: عندها ٥ سنين و اتشخصت بعد ولادتها بشهرين ان عندها قلب مفتوح

سهام: عرفتو ازاي

محمد: شفايفها بتزرق مكنتش بترضع كويس نفسها يروح و يجي ، دا انا شفت أيام تشيب الراس

سهام: طب و عالجتوها

محمد: كل ما نحدد العمليه حد من الدكاتره يطلع يقول لا اصلها صغيره في السن ، حد يطلع يقول لا دي ضغيفه محتاجه تشد حيلها شويه ، و هكذا سنه ورا التانيه و احنا معتمدين الادويه عشان تمشي الدنيا لحد ما البنت تشد حيلها ، لحد من ٤ شهور تقريبا عملت عمليه  و البنت بقت كويسه فعلا و لكن فجأه رجعت تتعبت تاني ، و انا مش عارف اعمل أيه

ظلت تسمعني باهتمام بالغ ، ملامحها الجاده تدل على مدى تركيزها بكلماتي

سهام: طيب ان شاء الله خير ، هاتها بكرا المستشفى عندي و انا هخلي دكتور بدير يبص عليها بنفسه

محمد: انا سمعت الاسم دا قبل كدا

ابتسمت بهدوء

سهام: طبعا سمعته ، دكتور بدير نار على علم و هو استاذي ، لولا انشغاله كان زمانه شاف كل العيانين ، متقلقش دكتور بدير هيعتبرها زي بنته بالظبط

ابتسمت و انا أرى ابتسامتها ، انا اسف "مها" سأستفيد منك ، ستكونين سببا في تقربي من تلك العذراء الفاتنه

___________________________________

..(نادره)..

وقفت أمام المرآه أنظر لنفسي بذاك الفستان الوردي ، ناظرته بتوتر شديد و أنا أمرر يداي عليه متأملة النقشات الصغيره التي على أطرافه ، رفعت عيني على حجابي اتأمله بهدوء ، يناسب نفشات فستاني البيضاء ، اقتربت مني أمنيه و هي تمرر يدها على ذراعاي بحب ، ناظرت ابتسامتها

أمنيه: زي القمر يا نادره

نادره: بجد ؟

أمنيه: فلقه قمر ، دا هيتهبل عليكي لما يشوفك

نادره: بس يا أمنيه عيب كدا

أمنيه: عيب أيه ، دا من ساعه ما شاف صورتك و هو هيموت و يقعد معاكي

نادره: بس يا أمنيه مينفعش كدا

أمنيه: أيه الي مينفعش ، لو الموضوع مشي كويس هيبقى جوزك و على رأي ماما الله يرحمها بكرا نقعد جنب الحيط و نسمع الزيط

ضحكت و وضعت يدي على فمي لأخفف من خجلي

نادره: ماشي يا ست أمنيه ، بقولك يا أمنيه عاوزاكي تخفي كلام قدام العيال

عقدت حاجبيها

أمنيه: ليه ، هو انت بتعملى حاجه حرام ؟

نادره: لا عشان نفسيتهم بردو

ضربت كفيها ببعض بطريقه توحى بالتعجب

أمنيه: لا حول ولا قوه الا بالله ، نادره كل واحد مع مراته ، نفسيه أيه ، هم لسه متجوزوش و خايفه عليهم من الصدمه

نادره: لا مش قصدي ، مهما حصل أنا أمهم بردو ، و حتى لو كانو موافقين ظاهريا ، دا ميلغيش انهم اكيد غيرانين و في قلبهم حاجه

أمنيه: بتتعاملى مع عيالك أكنهم لسه في أعدادي ، فوقي يا نادره ، أكبر عيالك ٣٠ سنه

ابتسمت و اقتربت منها ممسكة يدها بين كفيّ

نادره: حتى لو بيجوزو عيالهم ، هم لسه عيالي شايفاهم قد كدا ، شوفي كل واحد شنبه على وشه قد أيه ، بس بردو بيجي في حضني أكني والداه امبارح

لمحت بريق عينها بسبب تراكم الدموع

نادره: ربنا يرحمهم حبيبتي ، راحو عند الي أرحم مني و منك

ابتسمتْ و مسحت عيناها بهدوء

أمنيه: انا ربنا عوضني بيكي و بعيالك يا نادره ، في الوقت الي كنت بتقطع فيه بسبب موت عيالي ، كان نفس الوقت الي ربنا عوضني بيه

ابتسمتُ و مسحت على شعرها ، قاطعنا صوت جرس الباب معلنا عن وصول أحد ، ذهبت أمنيه لتفتح الباب بعد أن ارتدت رداء الصلاه الخاص بي ، سمعت صوته عزيزي " محمود" ، خرجت بلهفه و ناظرته بابتسامه عريضه ، وقف أمامي و ناظرني بابتسامه ، نظر لزوجته " ابتهال" و ابتسم لها ، مال عليها

محمود: أما مين المزه دي يا ابتهال

سمعت ضحكات "ابتهال"

ابتهال: بصراحه يا محمود انا لو عندي أخ مكنتش سبتها و جوزتهاله

ضحكت في حرج و ابتسمتُ في سعاده

نادره: بس يا واد اسكت ، تعالو انتو واحشيني

اقترب مني عزيزي الصغير " محمود"  و احتضنته ، ثم ناظرت تلك الشقيه و احتضنتها

نادره: وحشتوني أوي

ابتهال: و انت كمان يا طنط ، وحشتينا أوي ، أما ايه الشياكه دي

ابتسمتُ و مررت يدي على فستاني

نادره: اشتريته من كام يوم

محمود: جميل أوي يا ماما ، لا خفى عليا كدا مش هستحمل كل يوم و التاني حد يخبط على الباب يطلب ايدك

ضحكتُ في خجل و لاحظت أمنيه تناظرني بتأكيد بمعني " شفتي"

نادره: تعالى حبيبي تعالى ، انا عاملالكو كيكه هتعجبكو أوي

ابتهال: تعبتي نفسك يا طنط

نادره: معقوله ، دا انا أعملكو الحلو كله

محمود: تعيشي و تعملي لنا كل الحلو يا ماما ، ادخلى غيري و انا هغير انا كمان

أومأت برأسي ، أمسك " محمود" يد "ابتهال" و مشو بخطوات هادئه لغرفته القديمه ، نظرت لأمنيه و أمسكت بيدها لأدخل غرفتي

أمنيه: بطلى حساسيتك الزياده دي ، الولاد متقبلين الموضوع و عادي أهو

ابتسمتُ و بدأت في فك حجابي

نادره: ربنا يستر ، انا قلقانه من محمد و أسماء

___________________________________

..(سامي)..

سامي: يالهوي على الحلو لما تبهدله الأيام

ناظرتني "رودينا" و ضحكت

رودينا: بقا أنا الي بوظت هيبه وكيل النيابه ، مهي بايظه لوحدها

سامي: لا برا البيت انا سامي و سامي اوي كمان

خرج أبي من غرفته و هو يرتدي بذته ذات اللون الكحلى و تحته قميص وردي ، توقفتُ عن الكلام و سقفتُ بكلتا يداي على الطاوله مصدرا صوت التشجيع

سامي: ايوا يا بوب يا أُبهه ، أيه العظمه دي كلها

وقفت رودينا تتجه لأبي و احتضنته بحنان

رودينا: حلو أوي يا بابا

طاهر: انا مش مقتنع بالقميص الوردي دا ، هو انا مراهق يا رودينا

رودينا: لا يا بابا والله حلو أوي ، دا حتى لايق على البدله

ناظرني أبي برجاء

طاهر: ما تقول حاجه يا عم سامي

وقفتُ أمامه و ابتسمتُ رافعاً كتفاي للأعلى ، كالذي لا يقوى على فعل شئ

سامي: خلاص يا بوب ، رودينا حطتك في دماغها ، ألبس بقا

ناظرني بشده و بدأتُ بالضحك ، ناظر رودينا برجاء

طاهر: أرجوكي يا رودينا ، مش معقول أبوكي يتهزأ في آخر عمره

وضعت يديها على خصرها و نظرت له بتعجب

رودينا: نعم ؟ مين الي يقدر يهزقك ، دا انا أفرمه يا بوب

مسح على وجهه باستسلام

طاهر: يعني مفيش فايده

سامي: فايده و لا قرض

ناظروني الإثنان بوجه ممتعض ، أمسكتْ رودينا وساده الكرسي و رمتها على وجههي لأتفاداها بسرعه

سامي: أيه و الله حلوه

رودينا: انت قعدتك مع المجرمين خلت زوقك في النكت بايخ يا بايخ

سامي: بس يا بت يا أم عشرين سنه انت

رمت علىّ وسادة أخرى و سمعت ضحكات أبي ، وقفنا ننظر له بهدوء حتى قطع سكوتنا صوت هاتفي

طاهر: ايوا روح يا عم المهم روح

ابتسمتُ

سامي: لا دا انا هسافر مش هروح بس ، دي ست الكل بتتصل

ابتسم أبي

طاهر: ربنا يخليكو لبعض ، يلا انا هغير انا كمان

___________________________________

..(سما)..

وقفت السياره أمام بيتي و جلست ثوانٍ صامته حتى قطع صمتى صوته

حمزه: عندكو اسانسير ؟

ناظرته بتعجب

سما: أيه ؟ ليه؟

حمزه: مش بقولك غبيه ، عشان الشنطه ، هطلعها في الانسانسير و لا هتدبس في شيلها

تداركت ما قاله

سما: لا لا مش محتاج ، عم عبدو البواب هيساعدني

حمزه: ليه يعنى هو عم عبدو البواب دا يفرق عني بإيه

سما: مش لازم يا حمزه ، الانسانسير اصلا موجود هو بس هيشيلهالي الكام سلمه دول

حمزه: لا يا ستي اشيلهم انا

سما: يا حمزه ما البواب موجود

اقترب مني و واجه وجهه وجههي

حمزه: ريحه برفانك كلها في الشنطه ، ليه حد غيري يشمها

صمتُ قليلا و قد صدمت من رده ، أيغار ؟

حمزه: يلا يا سماسم

خرج من السياره و أنا لا أزال في صدمه مما سمعت ، خرجت بهدوء و بدأت بلملمة أشيائي ، وقف أمامي و هو ممسك بحقيبتي مبتسم

حمزه: يلا يا ست الكل

خطوت خطوات قليله حتى وصلت لباب المصعد ، فتحته و ناظرته بهدوء

سما: شكرا تعبتك معايا

ابتسم و دخل المصعد و بجانبه الحقيبه ، عقد حاجباي بتعجب

سما: انت بتعمل أيه

حمزه: عاوز أبارك لطنط بنفسي

سما: أيه ؟ أقصد لأ ليه

ضحك على توتري و أمسك معصمي ليسحبني له و يغلق باب المصعد

حمزه: انا معنتش عاوز أعمل حاجه في الدِرا

نظرت له بهدوء و قد أرتفعت نبضات قلبي و أختلت أنفاسي ، ترك معصم يدي و اعتدلتُ أناظر لوحه الأرقام التي تدل على الأدوار ، أدعو أن لا أصل الآن ، أمي لا تعرف شيئا عن "حمزه" ، لحظه "محمود" قد يصل بأي لحظه ، كيف له أن يضعني تحت الأمر الواقع ! ، توقف المصعد عند الدور الخامس ، فتح " حمزه" الباب و أخرج الحقيبه يناظرني بهدوء ، تقدمت خطوات متردده و إذا بعيني أرى حذاء رجالي ، تبا إن " محمود" في الداخل ، سيقتلني

حمزه: انهي شقه ، الي على اليمين و لا الي على الشمال

أشرت بيدي الي الباب الذي على اليمين ، باب أسود عليه فراشات مصنوعه من الفوم الملون ، قد صنعتها منذ سنوات و أصررت على أمي أن تعلقها على باب الشقه ، تقدم معي الي أن وقف أمام الشقه و أخذ شقيها طويلا ، وضع يده على الجرس و قلبي يكاد يخرج من مكانه ، ثوانٍ حتى سمعت صوت " محمود" من الداخل

محمود: انا هفتح ادخلى انت يا منمن

فُتح الباب و وقف ينظر "لحمزه" و ينظر لي بتعجب

محمود: ازيك يا سما

أعاد النظر " لحمزه"

محمود: انت معاكي ضيوف ؟

مد "حمزه" يده "لمحمود" يصافحه بثقه

حمزه: دكتور حمزه الرشيد ، زميل دكتور سما في الإسطبل ، بصراحه كنت جاي أتعرف على حضرتك

ناظرني " محمود" بتعجب ثم أعاد نظره "لحمزه" ، نظرتُ "لحمزه" بتعجب ، يتعرف عليه ؟ ألم يقل أنه يود أن يهنأ أمي ؟ ما الذي يحدث ؟

محمود: أهلا بحضرتك يا دكتور ، أتفضل متقفش كدا على الباب

أدار وجهه للداخل

محمود: معايا ضيوف يا جماعه

دخلتُ و عينا " محمود" تراقبني و تراقب " حمزه" ، جسلو في الصالون و وقفت أناظرهم بتوتر ملحوظ

محمود: نادي ماما من جوا ، و أدخلى هاتي حاجه للدكتور يشربها

نظر "لحمزه" و ابتسم

محمود: تشرب إيه يا دكتور

ابتسم "حمزه" و ناظرني ثم ناظر " محمود"

حمزه: شَرْبات ، عاوز أشرب الشَرْبات
.

.

.

.