كيف اسَقطَّني عن صهيلي
كيف غاب ضوئك في الزحام؟
كيف انتهى الزمان في جزء من ثانية
نفترق ودمنا يَجًر خطانا
نمضي كيوم الايقاع فيه صفر
أصبحنا شظايا..
أصبحنا خطايا..
مازلنا ع جرس الوقت.. معلقان
نهوة الدليم
بقلمي ايه مراد
.............
رجعت لغرفتي واني كلام ابن عمي
صكر يدور بالي شنو فريسته هذا يمكن ماخذ دور
الحيوان باتقان شبي هيج عصب صح اسمه كلش غريب
نحن شنو دخلنا
كعدت ماما وبابا على السحور وصكر هم كعد تسحر ويانا
جان يكول لبابا اني باجر راجع بس محتاج السياره
.... اني اجي وياك ابني اوصلك واخلص شغل وارجع هنا
... شنو تروح بابا ما صدكنا جيت ماكو روحه والله
... بابا امنه عندي شغل
... شنو عندك شغل صاير شهرين انت عايف عائلتك
هنا شعندك تروح شهرين
يعني لو ما مخبرتك يمكن جان سويتها سنه
بابا ليش ما تحس شوف ماما وجها شون ذبلان
وتعبانه عليك
.... امنه عيب اعتذري من ابوج وكومي
بوسي راسه يلا كدامي
... اني ما حجيت شي غلط حتى اعتذر
هذا الشي الي ديصير ما من حقه يسوي هيج ماما
شبيج ليش ما ترفضين يعني دموعج كل ليله
وحزنج وبابا هناك يا اما مثل ما كالت جده
متزوج الثانيه هناك ونحن ما نعرف ها يلا فهموني
... امنه بنتي هذا الكلام ميصير كدام الضيوف
وبعدين نحجي بالموضوع
... ليش اكو بعدين نحجي حتى هذا البعدين انت ما موجود بي
تركت السحور كمت كلش عصبت بابا
مدا يحس بمعاناتنا وهو بعيد عنه ديروح بالاشهر وما يرجع
وماما هنا تعاني من غيابه
مسحت دموعي خاف صدك متزوج وماما شون اذا عرفت
البارحه جانت تحجيلي شون نبهته ما يتزوج
لفيت راسي ونمت
كعدت الصبح بابًا وماما صوتهم بالحديقه
ما طلعت يمهم بقيت كاعده بالصاله توضيت وكلت اقرا
قران شويه
استغربت مو على الاساس يروح ويه نسر معرف صكر
البارحه لازم عرف غلط الي ديسوي
صدقت وبابا اجى كعد يمي
... امنه بابا اريد احجي وياج بموضوع بس
اريد تكبرين عقلج لان السالفه مو قليله
تمام بابا
... كولي بابا اكيد اني اسمعك
... بابا اني مزوج غير امج وهي تعرف
ولا تزعلين خليني اشرح الج الموضوع
نصدمت بابا شون متزوج وكفت على حيلي
اي اصلا مبين متزوج وين واحد يكدر
بدون زوجته واطفاله اشهر اذا هو ما عنده غيرنا
وماما شون تعرف وقبلت
... اكعدي بابا لا تزوديها عليه
... لا ما ازودها اصلا سوي الي انت تريده
وماما انت مو وعدتها ما تزوج عليها ليش هيج
ليش شنو سوت الك حتى تتزوج عليها
والله فلا ابقى عدكم هسه اروح لبيت خالو واذا ماما
تريد خلي تبقى عندك
... بويه امنه على كيفج خلي افهمج السالفه
يا بنتي لا تزوديها عليه
... ما افهم اصلا ولا اريد افهم منك اي شي
اي كول كم طفل كم بنت عندك غيرنا والله
ولا ابقى عندك اصلا ما احبك انت مو ابويه اكو احد
يعوف اطفاله هيج
.... امنه كافي اعرف الموضوع جبير
بس اهدي شويه خلي افهمج
.... بدون قصد جنت احجي بصياح
هو شون هيج يسوي ماما اباوع عليها واكفه
والحزن على وجها مبين
حجيت انت مو ابويه والله ولا اكعد عدكم
ما حسيت غير بابا يضربني راشدي اول مره يسويها
ويمد ايده عليه
بجيت بقهر رحت لغرفتي
وماما اجت وراي
.... امنه هدي بنتي شبيج تخبلتي على ابوج خلي يفهمج
... ما يفهمني ولا اكعد عدكم هسه اروح
لبيت خالو وانتي اكيد جنتي تعرفين مو كلكم
جنتو تعرفون وحتى بيبي اي بعد كليلي كم اخ واخت عندي حتى
اعرف ليش اضل هيج بجذب واي
واني اكول منو ابو حامد غبيه ليش كلكم قشمرتوني
... زودتيها السالفه ما تستاهل وصاير عليها
سنين مو وقت هسه دفاتر قديمه
.... فهميني ماما شون قبلتي انتي يعني
كل هل ايام يروح انتي تعرفين عند غير مراه
شون راضيه فهميني انتي مو هيج انتي مو البارحه
حجيتيلي هو وعدج ما عنده غيرج
.... اي وعدني بس الظروف جانت اصعب
... اي ظروف فهميني شنو الي صار وخله بابا يتزوج ترى
ما من حقه
..... ابوج اجى على اهلي وكمل زواجنه و الحمد لله فتح
شغل خاص بس هو و واحد ويانا جانو شراكة
بس معرف شنو صار وختلفو هو وابوج و الرجال
عرف ابوج ما عنده اي احد استغل هذا الشي
وجاب اهله ويكول ابوج ما عنده اي فلوس يمي
ابوج ما قبل بهذا الشي وراح اشتكى علي بس بعد
سوالف عشاير وماكو شهود على الفلوس انو ابوج عنده ويا
وراحت فلوس كل ابوج
حاولت اقنعه يعوفه هو وحيد واهله ما يقبلون
الرجال ما سكت على ابوج لان كل فتره ابوج
يروح علي
تالي اخذو واني بقيت الوب الى نص الليل ما رجع ابوج رحت
لاهلي لا هم يكدرون يسون شي ولا اني بايدي شي
يوم كامل ماكو خبرنا الشرطه بس اعرف محد
يكدر يحلها غير ابو لان السالفه صارت عشاير
طلبت من بابا
يوديني لاهله رحت عليهم توسلت بابو بس مقبل
يكول انتي اخذتي طلعي من المشكله
جنت صغيره مًو كد هيج حمل توسلت حتى يقبل
بس جان عنده شرط يزوج ابوج من بنت عمه
اني وافقت كلت خلي يتزوجها ويعيش حياته واني ارجع لاهلي
لان الطريق بكلشي مسدود بوجهنا
وصدك ما صار اسبوع ابوج رجع وحتى فلوسه رجعوها
بلغت بطلب ابو بس هو موافق بس اعرف بالنهايه
لازم يوافق شهر شهرين سنه مرو وعمامج وجدج
كل اسبوع يم ابوج بالمحل بس ميجون على بيتنا
بالاخير وصلت بجدج ايده واصله كال اشتكي عليك
وافقت وهو راح القريه عند اهله تزوجها
وقتها عرفت غلط الي سويته ما كان المفروض من الاول
اقبل جنت حاسه الا بيوم يتزوج بس ما توقعت
بنفس السنه بعد مصار على عرسنا سنتين
تزوج واني رجعت لاهلي بنفس اليوم رجع
واجى على اهلي يدورني ما طلعت ولا ردت
اشوف وجه ما اريده خلاص خلي كلشي ينتهي بينا
ماما كالت متقبل تشوفك راح
وبقى اسبوع يوميه يجي يتوسل بس يشوفني
بس مكدرت شون هيج كدر يتزوج عليه
المفروض يواجه الكل
صار اسبوعين هو ما اجى حسبته راح لاهله
كلت اروح اجيب ملابسي بعد ما تصير الي روحه
عدهم دخلت البيت ابوج
بالغرفه مال النوم تعبان كلش ومريض
كعدت على حافة التخت ابجي ما اكدر اعوفه ولا
اكدر اتحمل حياته
.... ميت بدونج والله لا تعوفيني ودعاتج ما شفتها
بس عقدت ورجعت
... فارس طلكني لا اسوي هيج فدوه اني
ما اتحمل هل حياة
.... وداعتج اموت بدونج شيهانتي غلطت اني بس
مجبور والله وكعت بنارين لا تعوفيني
.... اي ماما شنو الي صار بعدها
.... وافقت وقبلت وابوج صار يروح ويجي
ورجعت علاقته ويه اهله واجا بنفس السنه ولد
اسمه حامد
واني مكدرت اجيب الا بعد ٨ سنين ومرت ابوج
هم بنفس السنه جابت اختج هديه
وعدها طفلين توم احمد ومحمد
.... يعني عندي ٣ اخوان واخت انتي شايفتهم
... لا ما كدرت اروح من يوم الي جدج
جبرني اختار انو يزوجونه بنت عمه
بس اجت مره علينا هي واطفالها مراة كلش حبابه
متاكده بس شوفيها راح تحبيها لا تزعلين
ماما انتي خليج احسن من امج واختاري عدل
خلي تجربتي درس الج
... ماما بعدج تحبين بابًا بعد كل
الي سوا بيج
... احبه لو ما احبه ما جان بقيت عنده
راحت ماما واني بقيت بغرفتي نقهرت
بابا استغل ماما هو من الاول جان يعرف انو جدي
الا يخلي يتزوج بنت عمه
طلعت على الفطور كعدت وبابا هم كاعد
جان الهدوء سيد السفره محد يحجي
بس بابا كال
ما يروح الى العيد يعني كل هل شهر راح يبقى عدنا
طلعت ورى الفطور على الحديقه يم عدي
جان كاعد بالحديقه
... عرفتي بسالفه
.... اي عرفت والمضحك طلع عندي اخوان هم
شفت شون جانو يضحكون عليه
... ميخالف هاي السوالف صارت عليهع سنين
وهسه كبرتو بعد ما يتغير شي
... تعرف جان بابا فارس احلامي جنت اكعد
ساعات اتامل وجه اكول شكد احبه لابويه
وجنت فرحانه حسبالي اني بنته الوحيده وما عنده غيرنا
بس حتى بابا ما طلع نفسه حتى هو
عنده جانب مظلم
... لا تقهرين بروحج الحياة طويله بعد
وحلو الموضوع هسه عندج غير عدي
وعندج اخت راح تكون صديقتج و اخ جبير هم
... ما اريد اي احد جنت اريد بابا بوحده
بس غيري طلعو يشاركوني بي
.... شراح تسون هسه
... منسوي شي نبقى كاعدين وبابا كالعاده
هم يروح كلشي ما تغير بس بابا
تغيرت نظرتي اله
.... الله كريم كلشي ينحل بالوقت بس
خلي عندج صبر
... تعرف شكد كرهت عمامي وخاصه جدي الله
لا يوفقه ان شاء الله سمعت بابا يكول مريض
بلكي يموت
... استغفر الله شنو هل كلام امنه من يمتى هيج تحجين
سدي هذا الموضوع
رجعت من يم عدي الغرفتي ولا اكعد يم
ماما وبابا عود ماخذه دور الزعلانه وحتى اكل ما اكلت
على الفطور وهم ولا احد اهتم
طلعت بالليل نايمين كلت اكل حتى بالسحور ما اكعد وياهم
طلعت الاكل مال فطور كعدت احمي بي جان بابا
يجي للمطبخ
.... هااا امنه بعدج زعلانه
... لا ما ازعل بعد انت بكيفك وماما راضيه
اني شعليه بيكم
... من يمتى تحجين بهذا الاسلوب انتي
جان يتقرب مني وباس خدي الي ضربني بي
اسف بابا حبيبي سامحيني مو قصدي والله
بس انتي انفعلتي زايد بويه مو قصدي امد ايدي
عليج
... بابا انت كل هل سنين مجنت تكلي لو ما اني طفله
جان وافقت بس انتو ولا اهتميتو الي
و انت فوكاها تروح عدهم ولا تجي وبس كم يوم
تبقى عدنا اكيد تحبهم اكثر
... بابا امنه اعرف انتي غير عن كل اخوانج تغارين عندج
الاشخاص الي تحبيهم بس الج يبقون
بس بابا بنفس الوقت انتي لو شكد ما عندي
اطفال معزتج بكلبي تختلف عن كلهم
... يعني ما تحب ابنك حامد اكثر مني
ولا حتى بنتك
... بابا اول شي هذولي اخوانج احبهم
بس انتي الشيخة مال العشيرة شيخة ابوها والمدلله مالته
والله بويه ما كدرت انام بالي يمج
... اي شون بالك يمي اصلا ولا اهتميت شو اني متت
جوع وانتو ابد ولا تهتمون
... ههههه واني اكول لامج خلي اروح عليها
لا تموت جوع
كالت معليك منها هي تاكل بس ماخذه دور الزعلانه
.... متت جوع والله خل احضر الصينيه
وانت بابا اذا تريد روح نام روح اني خلاص رضيت
... لا جيبي الصينيه وامشي الصاله نحجي شويه
اريد الشريط الاسبوع مال اخبار من زمان مسامعه
... ههههه لا بابا بطلت جده تكول فساده انتي
وبعد ميحجون شي كدامي
.... لا يابه مو خوش سمعة الشيخة لازم تحفظ اسرار
الرعيه مالها
... ديلا بابا عود جده وماما شون اخبار عدهم
كلها على الاكل وجده تحمد ماما و ماما تحمد بيها
واني وعدي صافنين عليهم
... امنه بابا ابتعدي على ابن خالج انتي كبرتي
ما يصير بابا
... ها بابا ازعل ترى نرجع على نفس السالفه عدي
وصداقتنا
... وانتي ما عندج غير عدي صديق
الناس دور بنات مو شباب
... ههههه معندي والله بابا شسوي حتى صديقاتي
بالمدرسه مو يمنا
.... اخذج الانبار تتعرفين على اختج
وبنات عمج عدهم هواي
... اكول بابا اختي شنو اسمها نسيته
.... هديه
... اكول بابا هذا نسر ليش هيج اسمه
خطيه معقوله ماكو غير اسم
.... هههههه يا نسر صكر اسمه
... اي اخربط بين نسر وصكر المهم ثنينهم اسم حيوان
ليش عمو هيج مسمي
... هذا مو عمج جدج هيج مسمي
... و شعجب هيج اسم اكول بابًا بس
لا صكر نفس جدو هيج خبيث
... احترمي بابا وجودي على الاقل شنو خبيث
جددج هذا
... بابا اني ترى اعرف كلشي ماما حجتلي
وهذا ابوك كله صوجه انت تزوجت على ماما
و اعرف اصلا ولا يحبها لماما
... ميخالف بابا بس ميصير هاي المسميات
احترمي عمره وترى لا شوفينه هيج بعده على حيله
وشيخ العشيره مشيها مسطره
... مممم وامك بابا
... زينه كل مره تسال عليج
... وليش تسال عليه مو اني بنت الغريبه خل تسال
على اختي
... ههههه شبي لسانج طولان ها صايره كلشي
بالوجه تنطيها ميصير هيج عيب
وازني كلامج
... آسفه بابًا حبيبي مو قصدي خلاص خل
تسال عليه شسويلها
... بالعيد راح نمر عليهم
... لا بابا شيوديني حباب اني عود ابقى بيت خالو
وانت روح وارجع مو سويها شهرين
.... بابا ما يصير لازم نحل السالف
الي بين امج و اهلي وخلاص اصلا هم عازمينا
بالعيد بيت عمج ابو سلام
... ليش بابا كم عم عندي
... ثنين عمج ابو سلام وعمج ابو حارث
خلصت السحور ورحت نمت صحيح
بعدني زعلانه من بابا بس بنفس الوقت احبه
مثل ماما طبعي ما اكدر ازعل منه
و لو ازعل ما يطول يوم بالاخير مثل ما كال عدي مرت
سنوات على زواج بابًا زعلي هسه شنو راح يغير
عندي اخوان هسه
خلي مثل ما يكول بابا اروح اشوفهم
واتعرف عليهم بلكي يطلعون حبابين واخلص من هاي
عزلتي
بس هذا الخبيث ابو بابا والله ولا يستاهل اصيحله جدو
هو او مرته كله صوجهم لو قابلين لماما جان
شنو صار
الا زوجو
يتبع ......
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!