وتمرُّ أقدارٌ عليك كئيبةٌ
فيراك ربّ القلب تصبر راضِيا
ولسَوف يُعطي بالرِضا ما تَرتَضِي
مِن بعد أن تُمسي وتُصبحُ دَاعيا
الجَبرُ بعد الكَسرِ عادةُ ربِّنا
لن يترُكَ الرّحمنُ قلبكَ باكِيا .
نهوة الدليم
ايه مراد
.............
كعدت الصبح عيوني ورمانه من البجي البارحه
خايفه من اليوم خايفه يصير كلشي بالعكس
وصارت عصر و اجو كانو كومه ناس وكلها زلم
واني ايدي على كلبي لا يروح يصير شي ويخرب عليه الفرحه
ودينا الهم جاي وتقديمات وبقيت بالمطبخ مكابله ماما
وهي ما حجت باي شي عرفت الي اسوي غلط
واخافت الومها بيوم
بس جنت ساكته ما اكدر احجي اصلا
جان بابا يجي يحجي وياي
اهله ما اجو بس شيوخ من عشيرتهم ويكول هسه
نسوي عقد لان ما يريدها تتاخر
ترددت اوافق بس شي بداخلي حبيت اخذه
واثبت الهم حبنا اقوى من رفضهم وافقت على ساعه
شي بداخلي كال اقهريهم واخذي على عنادهم كلهم
وافقت وجابو سيد عقد النا بنفس اليوم ماما
باركتلي ودعت الله بوفقني بس شي ناقص بكل شي
حتى فرحتي جانت ناقصه
طلعو كل الضيوف وبابا اجى كلي ينتظرج زوجج بالاستقبال
الكلمة جانت غريبه عليه حسيت بخجل زوجي
هسه صرت امراه متزوجه
وحامله اسم زوج
طلعت على الاستقبال كعدت يمه
اول شي مسك ايدي بقوه كانو جان محتاج يستمد مني قوه
حتى يكمل بيها حياته
... احبج ثقي بيه ما راح اخليج بيوم تندمين
على اي شي اعرف كلشي بداخلج وحوليج رافضني
وبس كلبج متمسك بيه
جان يحط ايده على كلبي
... ليش هيج يدك راح يوكف اهدي شيهانتي
صرتي الي هسه
... احبك فدوه لا تخليني بيوم اندم على الي سويته
لا تخليهم بيوم يكولون شفتي اختيارج غلط
.... اوعدج حبيبي اوعدج رايح هسه ما اكدر اطول
بس راح احجي ويه اهلي وهم راح يوافقون
بعد ما يكدرون يرفضون
راح واني الدنيا ما واسعتني من الفرحه
احبه الحمد لله الله جبر خاطري بالاخير وجمعنا
مع العلم على لحضه توقعت يخرب كلشي
مر شهر على عقدنا وفارس لا ولا اجى خفت علي
خفت صار ويا شي شلون هيج يروح فد مره
على الاقل يجي يسال
و اخويه متخيل يكول شلون تنطونها لهيج ناس
اسماء صغيره وينها وين هيج سوالف
بس بابا جان رافض يدخل بيه
وكتب هي ادرى بمصلحتها
جنت نايمه العصر اجت ماما كعدتني كالت كومي
زوجج جاي يشوفج كومي بدلي واطلعي علي
غسلت وطلعت بالاستقبال كاعده هو وماما
ماما طلعت من الاستقبال
واني كعدت بعيده علي جنت زعلانه من اول الطريق
هو ديخليني اتندم انو اخذها ديخليني
اعرف انو اهلي صح
... جثير عليه سلامج على الاقل اسالي ليش
هيج تاخرت
... ليش
... زعلانه اعرف وحقج بس كافي
اني جيت وبعد ما ارجع واخذت هذا البيت الي قريب
من اهلج وراح نسكن بي وبعد ما نطول العرس اكثر من هيج
... واهلك شنو سالفتهم وينهم عن عرسنا
... ما يقبلون شهر كامل كعدت عليهم اتوسل
بابويه ما اريد منه اي شي بس يوافق بس ما قبل
وهسه طلعت منهم وبعد ما عندي اي رجعه عليهم
وقبل ما اجي عليج مريت على عمي
وحجيت ويا هو وافق كال حتى عرس ميحتاج
مدام انتو تردون بعض
.... بس شون مراح تجي عليه انت بيوم وتكلي
بسببج خسرت اهلي مراح اخلي كل اللوم عليه
اهلك ترى هذولي
اني مو اي شي مقابيلهم احسن شي عوفني
هم مراح يقبلون لا تتوقع هسه تكول سنه سنتين
يقبلون اهلك معندي وانت اعند منهم
... مكدرت اسماء رحت كلت ابتعد عنج بس
والله حياتي ولا اشي انتي ما بيها
احبج ليش ما تحسين انتي
كما تقدمت منه مسكت ايدينه ثنينهم بين ايديه
احبك بس اني علمودك ما اريد تخسر ناسك
علمودي
... انتي كل ناسي اهلي معادهم سبب مقنع
مرت فتره وهو موجود بالموصل
كاعد بفندق وحدد العرس رحنا اني وماما تسوكت
العرس
وفارس اخذ بيت يم اهلي وعزم كل المنطقه وهو
بوحده كام يحضر بس اعرف على شباب من منطقتنا
وهم وكفو ويا وخاصه عرفوا محد عنده
جهزنا البيت اني وهو اخذنا اشياء بسيطه
لان وضعه كان مو كلش وهو هسه بوحده ما ردت اصرف
زايد لان كلي راح يفتح شغل هنا بوحده
لان حتى الشغل ويه اهله تركه
قبلها باسبوع طلبت من ماما اروح اشوفه هي رفضت
بالاول بس بعدين وافقت وصلتني على بيتنا الي كمل من كلشي
دكيت الباب
... هلا بشيهانتي فوتي
... شونك فارس
... زين ما طول ابقى اشوف وجهج
... اشتاقيت لاهلك
... اجذب عليج اذا كلت الج لا
... اخذي الهم خلي اتعرف عليهم بلكي يقبلون
... لا حياتي خليج بعيده عنهم انتي
ما تعرفين اهلي
... زين باجر خلي الصبح نمر عليهم بس
خلي يشوفوني هم ليش يرفضوني بدون ما حتى
يلتقون بيه
... لان ابويه رايد بنت عمي الي من وانا
صغير علمود هيج رافض فكرة ازوج غيرها
... فارس فدوه خاف بعد زواجنا ينطوها الك
... شنو هي لعبه ينطوها الي
البنت اني ولا شايفها و ابويه يعرف كلش زين ما اريدها
ولا راح اوافق بيوم
... فدوه خلي نروح باجر ما نخسر شي
... تمام باجر نمر عليهم حضري
روحج من الصبح نطلع
رجعت على البيت وافكار تاخذني وجيبني
صارت بنت عمه بالموضوع اعرف حتى اذا ما تزوجها
هسه الا بيوم يتزوجها رحت لغرفتي قفلتها على نفسي
تندمت لان شفته ولان وافقت شلون خاف بيوم
يسويها وياخذها واني بعدها شنو اسوي وين اروح
بجيت هواي بس ردت اروح لاهله بلكي يشوفوني
يوافقون يغيرون رايهم
طلعنا من الصبح ماما وبابا ما اعترضوا على اي شي
كانو موافقين اروح
لبست عبايه واشار و اول مره البسها بس
كلت ما يصير من اول لقاء اروح بلا اشار
وصلنا جانت محافظه تختلف كلش عن الموصل
اي التطور جان بيها قليل وحتى الناس اشوفها
بسيطه وعلى نياتها وصلنا بيت اهله
جانت مجموعة بيوت قريبه من بعض
كال هاي بيتنا وبيوت عمامي الثانين
نزلنا بالحوش مالتهم كان كم زلمه واكفين
نزلنا اجو سلمو علي
وسلمو عليه هم واستقبلونا
يمكن اخوانه هذولي بس ابتسمت حتى راسهم ما رفعو
عليه كله عيونهم بالارض ويحجون وياي
دخلنا جوى جان الاستقبال جبير بحيث معرف شكد
مشيت حتى نصل بداية بس مبين هذا
للجلسات مثل ما كال فارس
... وين ابويه ليش ماكو
... عنده عزه من الصبح راحو لدفنه مراح يتاخر
جانت تجي مره جبيره عرفت امه اثار الدك
باينه بوجها و لابسه غزام بخشمها وكومة ذهب
انتبهت على محبسها وكبر حجمه
وكلها جانت تشير على هيبتها سمينه بس بخشونه
يمكن جنت نمله مقابيلها على لحظه دبت بروحي الخوف
اني شسويت بنفسي وشنو جابني
هنا اني كلمتين ما اعرف اسفط
باسها فارس من ايدها وراسها وتقربت مني
اني هم بستها من ايدها
بس حتى سلام ما سلمت عليه حزت بنفسي
على الاقل لخاطر ابنها
كعدت مقابيلنا واخوان فارس يمها
... هاي الي فضلتها على بنت عمك
وفوكاها بكل عين قويه جايبها يمنا
... حجيه مو وكتها هاي السوالف
اني جيت اكوللك عرسي قرب انتو ليش هيج
سون وياي تعرفون بنت عمي ولا يوم ما ردتها
ولا راح اريدها
... زين ابوك ما موجوده حتى يسمع منك هذا
الكلام يحط فشكة براسك ويخلصك من الحياة
اني ساكته واللهجه الغريبه زادت الموضوع سوء
اني احجي مصلاوي طوخ وكل صديقاتي
مصلاويات ولا يوم ما حجيت
بهاي اللهجه وفارس لهجته مو نفس اهله
كل هل عمق
اني عود جيت احكي ويه اهله بس شفتهم
ضيعت كل الكلام جنت خايفه وبس احد يحجي
وياي ابجي
ما حسيت الا على صوت اخو يكول اجى بويه
واني من يمي خفت باوعت فارس هم نفس الشي
اكيد خايف من رده فعله
دخل الاستقبال واني وكفت وفارس وكل اخوانه وحتى
امه جان يسلم يمكن ما انتبه علينا
الا امه كالت عندك خطار
التفت باوع اول شي عليه بعدين التفت الفارس
... هذا شنو جابه اني مو تبريت منه امشي
اطلع من بيتي
فوكاها جايب هاي وياك
جنت اريد احجي افهمه غلط الي ديسون بس
شخصيته وصوته جان اقوى من انو اي احد يرد
... بويه انت شون ينطيك كلبك تعوفني هيج علمود
بنت عمي انت ليش هيج معند
... اني كلمة وحده كلتها الك وانت تعرفها
ومدام موافقت اطلع من بيتي وتحرم عليه
فوتت هذا البيت حتى لو متت انت ما تجي على جنازتي
بالطريق كله اني ابجي كلامهم يجرح ما خلونا حتى نحجي
وفارس يسكت بيه مبين يعرف اهله
هيج راح يحجون لان منعني ياريت لو مرايحه الهم
باوعت علي
... طلكني فارس وارجع لحياتك
جان يوكف السياره وراسي نضرب بالجام
.. هاي شنو جديده طلكني حاربت كلهم
علمودج وهسه تكولين طلكني
... ارجع الهم انتي تنتمي الهم مو الي حتى اذا
نحب بعض الحب مو كلشي لزوجها
لبنت عمك سن سنتين وتنساني ويخلص كلشي
.... اسماء بويه لا تزوديها عليه اني احبج
انتي ما اريد غيرج كوني وياي ضدهم لا انتي هم
تزوديها عليه
مشى بالسياره واني صافنه ما حجيت
ولا هو نطق باي كلمة
وصار يوم زواجنا جان بسيط من كلشي
مرت جيرانا هي اجت جهزتني لبست فستان ابيض
ومكياج قليل وسوت شعري بوف جان وقتها موديله
واني خايفه وفرحانه بنفس الوقت
اخذت الي احبه على عناد الكل بس بنفس الوقت
اخاف هذا يكلفني اشياء بالمستقبل لان اني
اضعف من انو اوكف بوجه اهله
هو سوى عزيمه واهل المحله بس اجت وصدقائه كانو بالعزيمه
صارت الدنيا عصر والناس راحت لبيوتها واني ماما اخذتني
على بيتي ودعت بابا بالباب
ماما وصلتني على بيتنا و نبهت فارس يصوني
... ها ماما شنو سكتي كملي خل اسمع
شصار بعدها
... شنو شصار كومي تخار الوقت هسه ياذن
واني ما مكمله الفطور كومي
كمت زين حياة ماما وبابا شصار بيها
وشون بيت جدو قبلو بابا يرجع عليهم بس هم نحن
ما نروح اكيد بعدهم ما يحبون ماما
ديلا خلي لا يحبوها
طلعت على بيت خالو دكيت الباب عدي فتحه
ابتسمت
... رمضان كريم اخ عدي
... رمضان كريم اخت امنه خير شعدج
انتي ما تجين هيج
... اريد اخير بابًا من تلفونكم
... فوتي عيني
دخلت خبرت بابًا من تلفون بيت عمو
سمعت صوت شخص غريب منو هذا
... تفضل منو وياي
... اني امنه منو انت
... اني صكر اي امنه انتي
... اني بس كال اسمه صكر متت ضحك شلت ايد التلفون
من اذني ومتت ضحك وعدي يكول شبيج تخبلتي
جان اكله صكر لو نسر
... شنو تتقشمرين منو انتي ما تستحين
... ديلا عيني نسر معرف صكر اني امنه بنت
ابو امنه نطيني بابا
... منو ابو امنه
... فارس ابن الشيخ وضاح شنو ما تعرفه الشيخ
مال عشيرتكم عيني
... هلا تردين ابو حامد
... منو ابو حامد
جان ينطيني بابا
... هلا بحبيبة ابوها شيخة العشيرة شونج
بويه
... بابا شبي هذا منو يكلك ابو حامد
... لا بويه معليج هيج خربط بيني وبين عمج
اي اخبارج امج اخوج زين شونه
.... بابًا مو زينه ماما و كلت الها اخبر بابا
يجي يشوفج ما قبلت بس اني بدون ما تعرف خبرتك
... خير شنو صاير شبيها مريضه
... كلش مريضه بابا و كالت ابوج واخوج امانه
عندج بابا تعال بساع ماما مريضه
واني بوحدي ما اعرف شنو اسوي فدوه
جان بابا يسده يكول امركم اني متت ضحك ماما كلشي
ما بيها بس كافي اشتاقينا اله شنو ما يجي الا نتمرض
... منو هذا نسر
... هذا نوع من انواع الطيور الجارحه
... اعرف طيور جارحه عالمة الحيوانات امنه خاتون
قصدي منو هو
... شمدريني بالله عليك عدي احد يسمي ابنه صكر
يبووو شهل اسمه
... هههههه تلكين حيوان
... الحيوان صكر شعلينه يمعود هسه يجي
بابا وماما كلشي ما بيها شون راح اترزل بس سهله
تهون على شوفة بابًا
... اكلج لسانج صاير شطوله وتحجين بزود هم
متغيره امنه ها
... لعد شضل امنه الصغيره نكبر عيني نكبر
رجعت على البيت ماما تحضر
بالفطور
كعدت بالاستقبال وزين يمي
حضرت ويه ماما السفره ونحن كاعدين
ننتظر الاذان جان يندك باب البيت عرفت بابا
فزيت راسا
طلعت والله صدك بابا و ويا واحد
سلمت على بابا فات وهذا الي ويا هم بس ما سلمت علي
شمدريني منو هذا
جان يدخله على الاستقبال وهو يكول فوت
ابني صكر
واني سمعت اسمه لو متت ضحك صكر
... اكول بابا هذا نسر جاي وياك
... عيب امنه وينها امج اشوف شونها
اني بابًا كال هيج لو متت يربي هسه يعرف
جان يدخل على الصاله ماما كاعده على السفره ما توقعت يجي
بابًا كامت سلمت علي وثنينهم
مصدومين وزين يحضن بابا
... شون شيهانة روحي والله ردت روحي تطير
وتجي شوفج بيه ولا بيج المرض
... اي مرض فارس اني كلشي ما بيه
... ليش مو جنتي مريضه
.... هدوء خل افهمكم ترى بابا كلشي ما بينا وماما
صاخ سليم بس كلت هيج حتى تجي وما توقعت
بهل ليل ولا تزعل وتكبر السالفه اكعد افطر هيان اذن
وبعد ما كو روحه يلا اجلسو
جان ثنينهم مصدومين بس بابا ضحك وماما
تكرص بيه تكول عفيه صايره سوين بكيفج اني اعلمج
وبابا كان صاح نسر مدري صكر بالاستقبال كاعد
اجى كعد ويانا على الفطور طلع ابن عمي
يربي عندي ابن عم حيوان
اني شبيه قشمرت على اسمه وبابا على الفطور
يحجي ويا وبس يكول صكر لو اني اموت ضحك
وماما تكرص بيه حتى هم انتبهو بس مو بيدي
والله اول مره اسمع هيج اسمع
يعني شنو خلصت اسماء الاوادم حتى يسمون حيوانات
شسالفه
شلت السفره ويه ماما وغسلت المواعين
ورحت كعدت يم بابًا وهو وماما وسكر يحجون سويه
واني ماخذني الوهس بلا اشار لان اصلا
مو محجبه فجنت عادي
جبت صحن فواكه وخليت واحد يم نسر
جان يجون بيت خالو عدنا لان لائما بالليل
نتعلل وخالو هم اجى يشوف بابا
جان اروح اكعد يم عدي ونشاقه
اكله طلع نسر ابن عمي واكشر فواكه وهو ياكل
وياي
بالنسبه الي كل تصرفاتي ويه عدي جانت
احسبه انو هو اخويه ونحن من الطفوله حتى بابا
هواي جان يمنعني من عدي بس ابجي
و ارجع عاد هو بالاخير تفهم نحن اصدقاء
ومن الطفوله سويه مو سهله هيج بكيفهم يقررون
نبتعد عن بعض
جان بيت خالو يروحون. واني عزلت البيت
بابا كال ابن عمو جاي ويا لان
بابا من الخوف على ماما حتى السياره ما كادر
يسوقها فهو جاي حتى يسوقها
وكال باجر ارجع لاهلي
كعدت بالصاله اني لان ما جايني نوم
واصلا اني ما انام انتظر السحور اكل وانام
شفته نسر طلع من الاستقبال يمكن يروح
للحمام واني كاعده مقابيله كمت اريد
اروح لغرفتي كلت خطيه ياخذ راحته
على الاقل
... انتي اوكفي اريد احجي وياج
... تحجي وياي شنو
... شنو ما تستحين عندج هيج احترام الضيف
... ليش شنو سويت الك
.... حسبالج ما شفتج انتي وابو خالج
اسمي صار محط سخريه عدكم
... آسفه مو قصدي بس اسمك غريب
... تعرفين الصكر ياخذ فريسته لو جانت
عند اسد
.... اي وشنو يعني شسويلك اخذ فرايسك بس بعيد عني
اني ما الي علاقه بيك
.... انتي الفريسه
.... شون تحجي وياي هيج او اول مره تجي بيتنا
شنو هل مسميات الي تستخدمها
.... راح تحبيها هل مسميات لا تخافين
يتبع......
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!