أيها البعيد عني ، البعيد كثيراً كشيء لا يرى ، والقريب مني ، القريب جداً كملمس يدي أيها العالق في منتصف الطريق بيني وبين الأشياء ، لا أنت ترحل وأنساك
ولا أنت تأتي فأجدك...
نهوة الدليم
ايه مراد
.............
كعدت الصبح اليوم بيت عمو نمنا البارحه
عدهم باوعت الشمس طالعه بعد شكد لان هذا الاسبوع
كله جان مطر
تذكرت كلام صكر البارحه شنو اني اهمه يربي
صايره هواي افكر بي والموضوع كبر بداخلي
اول شي جنت اضحك على اسمه
وهسه كل وقتي افكر بي وحتى استحي منه و بس
اشوفه احس الدنيا ما بيها هوى
كعدت ماما كالت لان اليوم نرجع على البيت بس
جده ما قبلت تكول الا نتغدى ونروح
نزلنا جوى لان بغرفة البنات حطو فراش النا
الكل جان كاعد تريكنا وكلنا نرجع لبيت بابًا نحضر ملابسنا
بس مقبول الا نبقى عدهم
ساعدت البنات بشغل البيت
جنا بالمطبخ اجى صكر صاح سميه راحت ويا
رجعت كالت احضر ملابس صكر لان
راح يروح وياكم
استغربت شون يروح ويانا شعنده
ديلا خل يجي نشوف شعنده بالموصل
طلعنا ورى الغدى على البيت طلعت من بيت بابا حطيت
ملابسي بالسياره
وصكر جان واكف ويه بابا و حامد يمهم يحجون
سلمنا عليهم صكر كعد كدام يم بابا
واني وماما ورى
جنت ورى بابًا اكدر اشوفه جنت كل شويه
اباوع علي
وهو يحجي ويه بابا
درت وجهي على الشباك واني اباوع على الطريق
الي سمعته هو مخلص الكليه مالته ويريد يقدم
كليه عسكريه فاجى عدنا حتى من الموصل يروح لبغداد
يكمل اوراقه واذا يقبلونه او لا
وصلنا على الموصل نزلت من السياره شكدد تعبانه
والطريق جان يموت بعيد وما متعوده اروح هيج طرق
بعيده
دخلنا للبيت واني مشتاقه للبيت يربي
اول مره نحن نعوف بيتنا هيج ما متعلمين ابد
شويه و اجى عدي
سلمت علي وهو واكف بالباب ما يقبل يدخل يكول
رايح للبيت بالليل امركم
.... عمي هم رجع وياكم
... اي ونسر هم هههه
... هذا نسر شعجب كثرانه زيارته عدكم شنو سالفته
.... لا يريد يروح لبغداد فكال اطلع
من الموصل
.... اها ديلا رايح اني عود اشوفج
مدام عدكم اني ما اجي عود انتي تعالي علينا
... تمام بالليل اجي
دخلت جوى حضرنا العشى اني وماما
كالت حتى نتعشى ونام من التعب
صارت الدنيا ليل خالو ومرته اجو علينا وجده هم
بس عدي ما اجى ما يحب صكر وما يحب
يكعد ويا
جانت الدنيا ليل ومطر طلعت للمطبخ
لان احب المطر كلت اباوع من الشباك وارجع انام كهرباء جانت مكطوعه
بقيت واكفه لحضات بدون حتى جاكيت ورجلي بالارض
البروده جانت تدخل بجسمي بس كلش استمتع
واصوات الكلاب جانت ماليه الفرع
حسيت خيال وراي
التفت ميته خوف
شفت وجه من الفانوس الي بالصاله صكر
درت وجهي اريد ارجع على غرفتي
... شنو تحبين المطر والبرد
... التفت علي واني ابتسم اي الجو كلشش حلو
وقطرات المطر تخليني انتعش وخاصه
ريحه المطر
... كلش حلو حتى اني احب هاي الاجراء
... حلو اكو اشياء متشابه بينا
... وشنو المهم اذا اكو اشياء متشابه بينا او لا
... بالنسبه الي كلش مهم
... شنو هو المهم بالنسبه الج
... انت
رجعت على غرفتي واني اكل بنفسي
شنو سويت يربي شون فشلت نفسي اني ردت ارد علي
من كال اهتم بيج بس ما كان المفروض هيج احجي
غطيت راسي جوى البطانيه واني ارجف الي سويته غلط
اصلا والله ما كان المفروض احجي ويا
مرت شهر على العيد
جانت الدنيا عصر كاعدين اني وماما وبابا
طالع عنده شغل بالموصل قبل يومين اجى من الانبار
روحته والجيه مالته تغيرت صار يرجع بوقت
وما يبقى اكثر من اسبوع
اندك باب الحوش طلع بابا
... افتح الباب بابا دخل السياره
... لا بويه راح نطلع الانبار حضرو روحكم
... دخلت جوى وماما هم استغربت شعدنا بالانبار
.... ام زين صكر راح يجي هنا فكلت نروح هناك
كم يوم وهم نرجع هو يرجع ويانا
لان راح يطلع لبغداد فلازم نروح هم اشوفه قبل
لا يروح بعد ما نشوفه
... بس على الاقل باجر من الصبح نطلع
راح الوقت هسه
.... لا بعد باجر نرجع ما نطول لان عنده روحه
صكر
حضرنا ملابسنا على السريع وطلعنا علًى الانبار
واني كلبي يدك ويدك شبيه ما اريد اشوفه
ولا اقترب منه
وصلنا على بيت بابًا نزلنا وخاله استقبلتنا
كعدنا عدهم الجو جان بي برد بس المطر قل
ما بقى شي ويخلص الشتاء
هديه هم جانت موجوده بابا راح على بيت عمو
وخفت لا ياخذنا وياهم لان ما اريد اروح عدهم ولا اشوف
صكر وهسه راح يجي ويانا شون
اباوع بوجه على الي سويته اني اخير مره
يربي والله استحي من نفسي دوم افشل نفسي
واحط نفسي بهيج مواقف
خبرتنا سميه بالليل على تلفون الارضي كالت تعالي عدنا
بس ما ردت اروح لان اذا شفته يمكن اكع من طولي
جنا كلنا كاعدين بالصاله
واني كاعده يم بابًا وحاضنته و اباؤع عليهم كلهم
ماما وخاله بغير عالم يحجون وهديه تحوك
صوف عرفت هي كلش عدها موهبه بالصوف
وحامد وبابا يتناقشون
وبس اني صافنه باجر بيت عمو ابو سلام
عازمينا شون اروح عدهم وصكر هناك
سمعنا صوت الباب راح حامد فتحه
جانت سميه و اخلاص صكر جايبهم
اني بس سمعت صوته كلبي يدك سريع
دخلو هو اول شي سلم على بابًا وماما والتفت الي
... شونج بنتي عمي عساج بخير
... الحمد لله زينه
دخلو سميه واخلاص سلمت عليهم
... ليش ما اجيتي علينا والله زعلت منج شكد
نتظرتج تالي كلت لصكر الا يوديني عليج
... والله طريق جان تعب وما كدرت اطلع حتى اسفه
والله اخبارج كلش اشتاقيت الج
.... اي مبين لو صدك مشتاقه جان جيتي علينا
... هياتني اجيت خلاص بعد كل فتره امر عليكم
اخبار صبر
... الحمد لله كلنا زينين وجده جانت تسال عليج
مكدرت تجي والا جان مرت
... باجر امر اشوفها
باوعت على صكر هو هم يباوع عليه نزلت عيوني
يربي خاف حسباله اني مهتمه بي
سمعت صوته يكول لبابا ليش ما تنقل العائله هنا
لان انتي هم متكدر تروح وتجي
اعرفه هو علمود عدي ويريد هنا نكون مقابيلهم
... والله امنه ما يعجبها شكد ردت اقنعها متقبل
متعوده هناك على بيت خالها هم
... بس صعبه عليك الطريق رايح جاي
... الله كريم هي هم متعوده على جدتها وابن خالها عدي
وما عدها احد غيرهم ما اكدر احرمها منهم
....بس بابا نطق اسم عدي باوعلي
والله نظرته حسيتها اخترقتني متت خوف هذا شبي
كانه عرف عدي يبوو امنه بس لا يسويلج ياها سالفه
شيكدر يسوي خلي يسوي
... هذا كل ما يسمع اسم عدي يجي عليه
ويكلي شعدج ويا
كعدو شويه و راحو كالو غداكم باجر عدنا
مرت بابًا حضرت الفراش مالتنا
اني ويه الولاد بالغرفه وماما وبابا بالصاله
جنت بفراشي اريد انام دخت من الطريق
جان هديه تكول سميه على التلفون تريد تحجي وياج
طلعت مستغربه شتريد بهل ليل سميه
وهسه هي جانت عدنا
... هلا سميه
... ليش تردين تبقين هناك مو كلتي معندج شي ويه
عدي شنو تضحكين عليه
.... صكر
... اي صكر احجيلي موضوعج ويه عدي
وبدون جذب فهميني شنو علاقتكم
.... انت شنو علاقتك بالموضوع وليش كل ما سمعت باسم
عدي جيت سالتني ترى ما اسمح الك ادخل بحياتي
... ميه مره كتلج كلمه شنو علاقتك لا تكوليها
وثاني شي جاوبي على السوال احسن الج
... ليش شنو تكدر اسوي ترى ما تخوفني فهمت
وما الك اي علاقه بعدي
... شنو اكدر اسوي لا تنسين اني ابن عمج فهمتي
لا حسبالج رحتي على الموصل صرتي منهم
ترى بالاخير مرجعج النا
... شنو هاي الالفاض مرجعي الكم شنو
بكيفك امشي اني ترى اكول لبابا عليك
... كولي كلشي لعمي وخلي يفهمج بنت العم لابن العم
ومن يمتى ابوج منطيج الي
... شنو قصدك منطيني الك شنو بكيفك
وبعد ما احجي وياك فهمت وحتى بعد لا اسلم عليه
ولا اسلم عليك
واذا على عدي اني احبه وهو يحبني
ومثل ما ماما كالت نحن لبعض وانت ما الك اي علاقه
سديت التلفون بوجه وما خليته حتى يرد على كلامي
سحبت الواير مال التلفون لا يروح يخبر
ورجعت على الغرفه خلي شنو يسوي يسوي
حتى بعد لا يدخل بيه وبعدي
ويشوف نفسه عود
ياريت هسه يعوفني اوف اني شنو جابني على الانبار
مو جنت مرتاحه قبل لا اعرف صكر ولا غيره
فوكاها يكول بنت العم لابن عمها
شنو بكيفه امشي اني اصلا ولا احبه
وحتى بعد ما افكر بي
كعدت الصبح على صوت الديك هو كل ما اجي هنا
لازم الديك يكعدني
تذكرت كلام البارحه واليوم نحن معزومين عدهم هسه
شون اشوفه واباؤع بوجه
الله يمشي هل يومين بخير يا ربي كون يروح على بغداد
حتى بعد ولا اشوفه واخلص منه
طلعنا تريكنا بيت عمو جايبين النا خبز حار وكيمر
وكلهم يتريكون غسلت وكعدت يم ماما ما اشتهي اكل
بس شربت حليب نفسيتي كلش تعبت اريد
ارجع للبيت
ساعدت هديه بشغل البيت ماما كلتلي بدلي دنروح على بيت
عمج يلا لان بابًا والكل راحو بس نحن النسوان بقينا
... ماما ما اريد اجي خليني هنا حبابه
انتو روحو معليكم مني
... شون اخليج هنا بوحدج من يصير ترى
عيب البنات هسه ينتضرون و جدتج شنو تكول علينا
امشي يلا ما اريد اسمع شي
نتغدى ونرجع وباجر من الصبح طالعين على البيت بس
مشي هل يوم ما اريد اسمع كلام يلا ماما
بدلت وطلعت لان ما ناقصني احد يحجي
وصلنا بيت عمو سلمنا وكعدت يم ماما ما اريد اطلع
خاف اشوف صكر ويحجي وياي
البنات صاحوني بس مرحت خليني هنا احسن
حطو الاكل وكل هذا الوقت اني ولا شفته لصكر
وكل الوقت متوتره اخاف لا يشوفني
و يكعد يرزلني هو ما يصدك وهسه حجبت على عدي
وكلت احبه دائما اتصرف غلط
اصلا المفروض من عرفت صكر اسد التلفون
بس ضوجه هو يكول بنت العم لابن عمها
ويكول بابا منطيني اله
اسال بابا معقوله يعرف لهيج موضوع
اخاف اكول لماما وتخليها براسي لان رديت على صكر
جان المفروض من الاول اكول لماما
على تصرفات صكر وياي وحتى ما اجي عليهم
رحت على المطبخ اخذت الصحون مال اكل حتى
اؤديها على الصاله هناك النسوان تاكل
والزام بالاستقبال
جنت شايله صينيه كلش جبيره رفعتها من الميز
اريد اشوف تكدر اشيلها جان
راح توكع من ايدي
... هيييييي انتي اوكفي وين راح تخلينا
خطارنا بلى غدى وخري
.... اكدر اشيلها ترى وعندي اسم شنو هيييي
.... ديلا هو هاي الصينيه مرتين بكدج
امنه خاتون ها يعجبج هذا الاسم لو هم نغيره
.... لا يعجبني
جان يضحك ويحجي وياي ولا كانو صكر البارحه
الي يرزل بيه وكلشي بامنه ما يعجبه شعجب هيج
متغير
الله يجعله دوم هيج متغير
كملنا الغدى ورجعنا على بيت بابًا اخلاص
هم اجت ويانا هي وهديه كلش قريبات من بعض
وكل ما اشوفهم سويه بس الي لاحظته ما هواي
هديه تجي على بيت عمو لان رادت ابقى ويه
اخلاص بس بابا ما قبل كال لا كلنا نرجع فاخلاص اجت ويانا
وصلنا بيت بابًا رحنا الغرفه نحن البنات
هديه واخلاص كاعدين بصفحه ويحجون شفتهم يباوعون عليه
ويحجون
معقوله اكو شي مسويته اني ليش هيج بارعون
.... اكول امنه انتي وصكر البارحه شنو حجيتو
... يمتى ما حجيت ويه صكر
.... شنو تضحكين عليه جنت يمه ترى من حجى وياج
... واذا جنتي يمه اخلاص لعد ما سمعتي شنو يكول
ليش اني اكلج
.... هو سوال جاوبي قابل راح تموتين
لو اكو اسرار بينكم
.... شنو من اسرار اني وين وصكر وين
ترى ولا متقربه منه
.... اي حسبالي ترى صكر وهديه لبعض
... شون يعني صكر وهديه ما فهمت
.... يعني من قبل بابا طلبها لصكر وعمي
قبل بس بعد مو هسه الزواج
... اي يتهنون اني شعليه ها
كمت من يمهم معقوله صدك يردون بعض
لعد ليش هيج بس يباوع عليه معقوله اني فاهمته غلط
وهو ولا يمه اني
رحت يم ماما وخاله كاعدين يحجون
يربي كومه نسوان يعرفون واني بس فاكه
حلكي واباوع عليهم
طلعت على الطارمه محمد و احمد وزين يلعبون
... تعالو اكول ماكو هنا محل حلويات
... بلى اكو واحد قريب هينا يبيع
كلشي اجيبلج حلويات
... اوكفو راح انطيكم جيبو الي قمر الدين
وعصير يلا وانتو اخذو الي تردونه تمام
بقيت كاعده بالحديقه انتظرهم يجون
جان حامد وصكر يجون
... ها امنه شو هينا بوحدج
... انتظر الولاد راحو وما اجو
... وين راحو
... على المحل دزيتهم
.... ها صكر تروح وياي اشوفهم لو لا
... لا اني اشوف عمي مستعجل عندي شغل عنده
.... جان حامد يروح يشوفهم واني بقيت كاعده
اباوع على اظافري شويه مطولتهم وماما بزور يلا قبلت
وبابا اخبي ايدي منه يكول شنو هاي
... عمي موجود بالبيت
... اي اصيحه الك اذا تريد
... امنه
... باوعت علي هواي كلام بحلكه
رجف كلبي حسيت راح يحجي شي انداريت بابًا يصيحه
جان يعوفني ويدخل عنده
يتبع ......
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!