كُنتُ دائمًا خارج السِرب،
لا أحد يعرف ما يدور في ذهني، لا أتعمقُ مع أحد،
كأنما لي قضيّة أُخرى وأرضٌ أُخرى
وحربٌ لا تعني الجميع
نهوة الدليم
ايه مراد
..............
ثاني يوم العيد كعدت من الصبح لان نمت البارحه من وقت
باوعت ماما هم نايمه يمي وزين
بقيت بفرشتي الجو ما يسوي وهس واحد يكوم
الجو ثلج عدنا بالموصل بارده بس مو لهل درجه احس
هنا برد اكثر
جان ماما ترفع راسها
... ها امونتي كاعده
... اي ماما كعدت من زمان لان شبعت نوم
.... ماما شصار وياج البارحه ما حجيتيلي
... ماما هاي بنت عمو جانت تحجي علينا
تكول بابًا ما يريدنا وحتى اهله ما يريدونا
اصلا نحن المفروض ما نجي هنا ياريت لو باقين بيت خالو
اصلا ولا حبيتهم
.... ماما عيب هذا الكلام وانتي ما عليج من احد
هذولي بنات عمج ليش سميه والله ورده مال الله
وصبر هم بنت تخبل حبيبتي تعرفي عليهم ما يصير هيج
بوحدج وهديه اختج والله تحطيها على الجرح تطيب
شبيج ما عليج من اخلاص
... ماما اني مشتاقه لعدي والله بس هو صديقي
ما اريد غير صديق
.... ههههه من كل هل ناس رحتي على عدي
شسويلج اليوم بلكي بيت عمج نخبرهم
والله اني هم مشتاقه الهم
.... ما متعودين على وجوه جديده نحن
خلي نرجع حبابه ماما
... لا اليوم بيت عمج ابو حارث عازمينا
تعرفي اليوم على البنات ولا تردين على اخلاص معليج منها
.... تمام ماما اصلا و لا رديت عليها البارحه
كمنا اني وماما ومرت بابا كاعده تحضر الريوك
كعدنا يمها بالمطبخ وهديه
هم تساعدها هي وماما يحجون على كرابت بابا
ويضحكون على عمه منيره لان البارحه صدك
جانت كارثه هي وعبايتها ما يروحون من بالي
بدلنا وطلعنا على بيت عمو ابو سلام حتى من هناك نروح
سويه لبيت عمو ابو حارث
فتنا جوى كالو تعالو كعدو شويه ونروح دخلت على الصاله
جان بابًا و يمه واحد شايب و واحد ثاني اكبر من بابا
وصكر وسلام كانو كاعدين
اني بقيت ورى ماما استحي
جان بابًا يكول ام زين سلمي على ابويه لعد هذا جدي
ماما تقربت منه باست ايده وراسه واني هم سويت مثلها
جان يوكف يبوسني ويحضني ستغربت من طريقتة
ابتعدت عنه وسلمت على عمو هم وكعدت يم ماما
وزين كعده جدي يمه
بقيت يم ماما رفعت راسي صكر يباوع عليه
واخلاص اول ما جينا جانت بالمطبخ ما تقربت منها
جدو طلع وكلهم راحو ويا
ردت اروح اخبر بيت خالو بس استحيت
كلت العصر امر هنا اني وسميه حتى اخبرهم
طلعنا على بيت عمو ابو حارث وجده هم ويانا وبيت عمو
ابو سلام كلهم اجو بس اخلاص بقت وهديه بقت وياها
خافو لا خطار شي يجون
جنت ويه سميه هي كلش حبيتها عكس اخلاص كلش
و مرت عمو هم مثل اخلاص كلامها يجرح
اول مشافت ماما كالت الها شصاير بيج عجوز
واصلا ماما والله صغيره منو يشوفني وياها
حسباله اختها وهاي مرت عمو تحجي عليها
مبين اخلاص طالعه عليها
وصلنا بيت عمو ابو حارث سلمنا عليهم و صبر هناك
كعدنا وهم البنات بالمطبخ وكانو خوات خاله مرت
عمو ابو حارث هم جايبن فهم نسوان هواي
طلعت يم البنات كلت اتعرف عليهم شويه
كافي كاعده بوحدي
.... امنه اسفه على الي اخلاص سوته البارحه
وياج معليج منها ترى عقلها مال اطفال
ما عليها عتب
... هههه لا يمعوده ما يحتاج تعتذرين ما تسوى اصلا
نسيت
شنو اسون
... والله ماكو شي الاكل برى النسوان تحضره خالات
صبر ونحن بس للتحضيرات
... هههه مخليكم بس تحضير
مر الوقت ويه البنات وكالو راح يصبون الغدى
رحت ويه سميه كالت اروح اشوف خاف يحتاجون شي
طلعنا على الكراج يطبخون بي
جان وحده يمكن من خالات صبر تعرف سميه
كالت الها روحي جيبي من عدكم هم مواعين لان
ما يكفون وهواي خطار
سميه كالت اروح واني هم رحت وياها لان معندي شي
وصلنا بيت عمو جان هدوء كلهم بيت عمو ابو حارث
سميه راحت جيب المواعين من المخزن الفوك
واني رحت وياها
... سميه وين اخلاص وهديه مشفتهم
... يبو صدك وينهم
جان تفتح باب الغرفه مالتهم ما موجودين
باوعت الي واحسها خجلانه
كالت ... اكيد بهاي الغرفه هسه اشوفهم
رحت وياها سالتها ... ليش غرفة منو هاي
... غرفة صكر. يجوز كاعدين هنا
وصدك والله ثنينهم بالغرفه باوعت هديه فاتحه الكنتور
وتباوع بالملابس وابيدها ساعه لابستها
استغربت شتسوي هديه بغرفة صكر
واخلاص جانت كاعده على كرسي خشبي
موجود بزاويه من الغرفه
سمية باوعت الي ورجعت رزلت اخلاص وكالت
الها اطلعي من الغرفه وهديه
وجها صار اصفر شبيهم هذولي هدية نزعت الساعه وخلتها
على التخت وطلعو ثنينهم
ما حسينا غير صكر فوك راسنا
... خيركم مسوين هجوم على غرفتي
جان اخلاص تحجي و هي تاشر عليه
... مو نحن هاي امنه اجيت شفتها بالغرفه
نصدمت هي شون تحطها براسي واني هسه يلا
اجيت من بيت عمو
... جذابه انتي وهديه بالغرفه اني هسه يلا اجيت
ويه سميه شنو ما تستحين انتي تكذبين وتحطيها براسي
... كافي مصار شي خويه هديه انتي و سميه
انزلو جوى بلا زحمه وانتي امنه واخلاص
كدامي اكفن اريد احجي وياكم
جان ينزلون واني واكفه اريد اعرف شيكول
هسه يحطها براسي قابل احسن من اخته
... اخلاص اعتذري من امنه يلا
والي سويتي البارحه بعد حسابج عندي هيجً نحن نحجي
ويه اهلنا
... ما اعتذر والله صكر ما سويت شي هي جذابه
... جان يصيح واني فزيت من صوته
.... اخلاص اعتذري يلا كدامي
اعتذرت مني ونزلت ركض جوه
ردت اروح جان يكول
... ابتعدي عن اخلاص هي طفله ما تفتهم ترى
... شنو عبالك اني حجيت عليها ترى
حتى ما رديت اني واذا طفله شنو تروح وتجي تحجي
وياي
.... اعرف بالي صار كله اني بس
كلت الج وياريت احتراما النا وللمكان الي انتي موجوده
بس تحطين شي على شعرج مو رايحه جايه هيج
... اني مو محجبه اصلا
... كلت احتراما للمكان الي موجوده بي
نزلت جوى سميه تنتظرني اخذنا المواعين وطلعنا واخلاص
وهديه اجو ورانا
ما توقعت هيج يدافع عليه
كلت هسه يصدكها لاخته انداريت هديه واخلاص
يحجون عرفت هاي اخلاص تحجي عليه
زين ليش مو مثل اختها سميه والله حبابه وكلامها يخبل
عكس اخلاص كلشش تكرهني
وصلنا بيت عمو ديصبون الاكل
اكلنا وساعدتهم بالمواعين لان نحن البنات نغسلهم
النسوان الكبار يكولون طبخنا نحن
تونست كلش وياهم اجواء حلوه ضحك وشقى وخاصه انتصار
اخت صكر سوالفها كلش حلوه
وتحجي علينا تكول غسلو زين شغلكم مو نضيف
رجعنا العصر على بيت عمو ابو سلام ردنا نروح
لبيت بابًا بس جدتي مقبلت كالت الا تبقون عدنا
واليوم تنامون هنا
ماما ما رفضت رحنا هناك كعدنا جانت عصر
ومحد موجود بالبيت
... ماما كولي الهم خلي نخبر بيت خالو يلا حبابه
ماما كامت خبرتهم وحجت ويه بيت خالو
التلفون الارضي مالهم جان بالاستقبال لان محد
موجود كدرنا نحجي
نطته الي ماما حجيت ويه جده ومرت خالو
... حبابه خاله نطيني عدي خل احجي ويا
... هلا عيني الراح ونسانا
.... ههههه كلش اشتاقيت الك شونك اخبارك
كلي شًونه العيد بدون امنه
هسه اكيد فرحان
... طبعا فرحان غير امنه الي تخرب عليه
العيد ما موجوده والله كعدت ساعه ١٢ عرفت انتي
رايحه لان لو موجوده من الصبح كوم عدي جيبلي
حلويات
... ديلا. عيني لو ما اني منو يونسك بالعيد
ما عاجبه
... اتشاقه وياج اشتاقيت الج يمتى تجون
... يووو بعد والله ما اعرف ميكولون
... اي وشخباركم هناك طيبه هسه
شبعوج دليميه
... صرت دبه هسه اجي مراح تعرفني
... ديلا كصيره وسمينه قنينة غاز
... شنو انت بس تتقشمر صدك نسيت اعايدك ان
شاء الله عريس واخلص منك يا رب
وكون زوجة وجه البومه حتى ابقى اضحك عليكم
لان دوم تقشمرني انت
... ديلا عيني لو شكد ما بشعه تبقى احلى منج
قنينة غاز
... راح اروح هسه سلملي على خالو هم
... الله وياج ديري بالج على نفسج
سديته من عدي التفت صكر بوجهي نطخيت
بصدره لان سمعت صوت حسبالي اجو زلم وطلعت سريع
صار بوجهي
ابتعدت عنه وريحة عطر دخلت بخشمي
وكلبي يدك سريع شبيه توترت منه
... اسفه مشفتك
... ويا منو جنتي تحجين
... هذا عدي ابن خالو شفته من جيت علينا
... وشون كل هل ضحك ويا ما عندكم
مستحه
... عادي هو صديقي اصلا
كلشي نحجي سويه ماكو بينا مثلكم حتى ما تباوعون
بوجه بعض
... وين عايشين وتكولين صديقي باوربا
... اي صديقي قابل شنو وانت ما عليك وخر
جان يمسك زندي ويقربني اله
حسيت وجهي على سانتيم ويطخ وجه
... شوفي احترمي روحج وطريقة كلامج وياي وهاي الكلمة
مال انت ما عليك اياج تكوليها
مره ثانيه فهمتي واني مو طفل كدامج تتامرين
بيه وثالث شي عدنا بنات بالبيت مو سرحيات مثلج
فلا تعلميهم على سوالف انتي تسويها لان نحن مو مثلكم
تمام وهسه يلا ولي من وجهي
.... اي عيني انتو ما مثلنا اخلاق ما شاء الله
واذا معاجبك بكيفك لان مو مهم تمام واني رايحه هو
بس كم يوم لا تخاف بعد ما اجي واخرب بناتكم
طلعت من الاستقبال الصاله ليش بكلشي
يحب ينتقص مني يعني شنو نحن اني وعدي
اصدقاء واذا حجيت ويا شنو قصده اني سيئه لهل درجه
ويخاف على خواته مني ديلا اذا هو منطيهم خوش
تربيه ما يتاثرون بيه
بيت بابًا راحو واني لزكت لماما الا اروح
وياهم وجدتي تكول الا تبقين عدنا وعمه منيره هم
تالي كلت الهم بالليل ارجع بس خلوني اروح
رحت ويه مره بابًا وهديه هم رجعت
دخلت بغرفتنا
وحطيت راسي تعبت كلششش من التفكير هناك
بالبيت ولا افكر هنا شنو البس شنو تحجي
شون اكل شون اكعد الفف سالفه وسالفه
لازم اطبقها حتى لا احد يحجي عليه
مر هواي وقت غفيت لان متعوده
الظهر انام
اجت مرت بابا كعدتني كالت كومي تعشي
تعشيت وياهم بابًا هم جان راجع اكلنا وساعدت
هديه بالمواعين
... شعجب حاطه الاشار على راسج
... استحي من بابا واخوي حامد فدوم ابقى لابسته
.... بس مو حرام كدامهم تلبسينه عادي ابوج و اخوج
وشعرج بالغرفه شفتج فتحتي كلش حلو واحمر
... اي احني دوم و ماما تخلي زيوت
... اي ما شاء الله
باوعت على نفسي بلا اشار وهديه كدام بابًا تستحي
معقوله يحبها اكثر لان ملتزمه وحتى
ملابسها تلبس كله فساتين واني كله بنطلون
مره بابا جابلي فستان نطيته لبنت جيرانه كلت ما احب البس
وهنا نطتني هديه وحده حتى اروح بيها لان
جدو مثل ما بابا يكول اذا شافني بالبطلون يكص راسي
ميعجبه هو من ولاد عمو ابو سلام صكر وسلام
يلبسون سمعت بابا يكول يرزلهم يكول شون الدشداشه
حلوه وراهمه ليش هل بنطلون
رجعت يم بابًا بالاستقبال هو و حامد كاعدين
جان يكول كومي دنروح لبيت جدج
اني ما عجبني بس ما ردت اعوف ماما هناك بوحدها
واصلا ما متعوده انام بمكان ماما ما موجوده بي
رحنا اني وبابا
جنت ماسكة ايده وهو حاضني بايدي الثانيه
... بابا هم انت تشوف الا البس حجاب
... اكيد بابا كل البنات بالاخير لازم لان حرام
وما يجوز بس انتي لان بعدج ناعمه ما يبين عليج العمر
فمخليج على راحتج
... زين بابا اذا ما قبلت بيوم البس اشار خما
مراح تحبني
.... اكيد لا بابا اني احبج مثل ما انتي مو لان
محجبه اني احبج لان امونتي و المدلله مال ابوها
... بابا اني كلش احبك
.... ههه واني احبج بعد روح ابوج
وصلنا باب الحوش مال بيت عمو
جان صكر واكف بالباب بابًا سلم علي بابا عاد كال
لبابا جدي يريدك بالمضيف
هو راح وبقيت اني وصكر جنت امشي حتى اصل البيت
ما اريد اسمع منه اي شي هسه يرزلني
... انتي اوكفي وين ماشيه هيج
... التفت اله شنو عدكم ممنوع البنت تمشي
الا انت تقرر
... مو هيج قصدي عندي كلام واياج
... بس اني ما اريد احجي وياك
.... اعرف حقج من الكلام الي سمعتي العصر
اعتذر منج مو بقصدي
... هههه حلو تعرف تعتذر
.... شنو تتقشمرين ترى مو بايدي عصبت لان
معدنا هيج نحن
... اذا انتو معدكم نحن عدنا ولازم تحترمني واني
ما اسمح الك تنتقص مني مره ثانيه
... وداعت عيونج بعد ما انتقص منج
اول مره واحد يكلي وداعت عيونج كل جسمي كزبر
كلماته غريبه عليه
اول مره واحد احسه يقصدني كبنت
اسمع هًواي مدح من عدي بس لان صديقي ما يًوم
حسيت بهذا الشعور
تركت ورحت على البيت يربي شبيه قابل
كعدم يتغزل بيه يجوز
اصلا ما قصد شي لان يجوز يستخدمها هاي الكلمة عادي
بس شي بداخلي رجف ابد ما توقعت الكلمه عاديه بالنسبه الي
دخلت على المطبخ سميه جانت تغسل مواعين
... مساء الخير
... هلا بامنه والله كلت مراح تجين
.... ههههه جنت مراح اجي بس غيرت راي
تعالي اساعدج ليش هيج بوحدج
... اخلاص دزيتها تودي الزباله وما رجعت
جانت تساعدي
... ديلا خل اني اساعدج ما عندي شي
شنو بعد عدكم خطار لو ماكو احد
.... لا كلها راحت بس نحن بالبيت وخالتي هم موجوده
ساعدت سميه بالمواعين واخلاص رجعت
شافتني تغيرت ملامحها مع العلم اول مدخلت تضحك
وجانت حابه تحجي شي بس شافتني سكتت ولا سلمت عليه
رحنا يم النسوان كعدت يم ماما ما متعلمه بدونها
جانت عمه منيره تكول ما تزوجون امنه
... هههه لا بعد ما اكدر بدونها اني ما ازوجها
... بس البنت تاليها تروح لبيت زوجها
... والله مرت اخويه تريدها لابنها وهو الولد ورده
مال الله بس بعد اذا ما تخلص مدرستها ماكو زواج
باوعت ماما تحجي و صكر طلع من باب الاستقبال. عزا
بس لا سمع هو اليوم يكلي
شعدج ويه عدي جان يباوع عليه
يربي بس لا سمع اصلا خلي يسمع شنو بكيفه
بس ماما شعجب هيج كالت هي دوم تسالني اذا عدي
خطبج توافقين واني اكول الها ما اكدر عدي
صديقي و اخويه شون اتزوجه
سميه كالت خلي نطلع فوك نحجي
طلعنا على غرفتهم و شوفتني غرفه سلام يريدون يزوجونه
هو و صبر ماسكين عقد هم بس باقي الزواج
يكولون بالربيع يزوجوهم
وشفت غرفه صكر هم عاد رجعنا لغرفة البنات
كعدنا نحجي اني و سميه وسالتني على عدي صدك
نتزوج ابتسمت
.... لا اكيد ترى اني وعدي اصدقاء ماكو بينا
هيج سوالف وبعد وكت اصلا ما مفكره بشي اسمه زواج
طلعت سميه جان صكر يصيحها
واني كلبي يدك يربي شبيه اخاف منه هو لا ابويه ولا امي
واني اسمع صوته اكول شنو سويت مصيبه
جان ترجع سميه كالت صكر يريد يحجي وياج
... حبابه سميه شنو يريد كليله نايمه ما احجي ويا
.... هههه شبيج هيج خايفه ترى ما ياكلج بس
موضوع. بسيط
طلعت واني اعرف راح يحجي على عدي
وهسه هم نتعارك ويروح
طلعت واني اريد اقوي نفسه ولو بس اوكف كدامه انسى كلشي
ولا اكدر احجي
طلعت واكف باب الغرفه
اتذكر كلش زين جان لابس دشداشه سوده
ولاف على شعره يشمر لونه رمادي وايده جانت بجيوبه
كل تفاصيله اتذكرها
تقربت منه واني يمكن هلكدوتني يمه
حجيت بصوت يرجف
.... رايد مني شي
... شنو الموضوع الي سمعته انتي وعدي
شو عمي ما كال النا اي شي عن هل موضوع
... انت شعليك تدخل وصلا بابا ليش يكلك يعني
... استغفر الله. مو كلت هاي الكلمة ما اريد اسمعها
ليش ما تجاوبين على السوال كلت بينكم شي او لا
... شنو يعني بينا شي شقصدك ها
... يعني تحبون بعض
... استغربت من طريقه كلامه شنو قصده هذا
جاوبته
اي اكيد احبه غير ابن خالي وصديقي
ليش ما احبه
جان يباوع عليه وهو معصب مني
.... ياربي صبرك يعني انتي وعدي صدك بينكم
مشروع زواج مثل ما سمعت
... لا اصلا نحن بس اصدقاء وعدي مثل اخويه للان معندي
احد هناك فنبقى سويه
.... ان شاء الله يكون مثل ما تكولين
... وانتي ليش هيج هامك الموضوع وجيت
تسال
... ما هامني الموضوع بس هامني انتي
يتبع ......
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!