رواية نقطة لقاء الفصل الخامس وثلاثون 35 - بقلم الكاتبة دينا _ الكاتبة نور

من مِنا البحر ..ومن مِنا أغرق الآخر؟

>>>>>>>>>>>>>>>>>>>

( قبل اسبوع )

بنان
كاعده صافنه وضايجه گلت خلي اكلب بتليفوني جان تجيني رساله من رقم غريب دخلت راسلت جان مكتوب

_ هلوو

الفضول كتلني فكتبت : منو ؟

_ اني زينه وانتِ

بقيت صافنه علئ الرساله ورديت : شرايده ومنو انتِ ؟

زينه : اني اريد اصير وياج صديقات

بنان : اسفه بس ما اكدر

زينه : ليش؟

بنان : انتِ اول شي منين تعرفيني ومنين جبتي حسابي وليش اله اني

زينه : حبيت اتعرف عليج وما ادري طلعلي حسابج كدامي كلت اراسلج

بقيت صافنه احس سالفه ما فاتت عقلي گلت : اسفه ما اكدر

زينه : عفيه والله ما عندي صديقات واتمنئ اتعرف عليج

بنان : اسفه ما اكدر والله

زينه : شبيج يعني حتئ لو مو اله اصير صديقتج بس مجرد اجي افضفصلج لان حيل احس مخنوكه

بنان : وانتِ تفضفضين لشخص متعرفي ؟

زينه : افضفض الشخص ما اعرفه احسن من ما افضفض شخص قريب الي

احس نكسر خاطري عليها وانقهرت حسيتها مهمومه هواي فكتبت الها

_ تمام

زينه : يعني موافقه نصير صديقات

بنان : ايي

زينه : متدرين شكد فرحت والله اول مره وحده تقبل صير صديقتي لأن دائما اني منبوذه

بس كتبت هيج دمعت لان اني هم بس جنت صغيره وحتئ بس كبرت جنت منبوذه يعني صديقاتي محدودات و مو حيل علاقتنه فحاسه بحساسها فكتبت الها

_ يعمريي لتحجين هيج اني هم ما عندي صديقات فعادي

ومن هل لحظه بدينه نحجي ونحجي وسوالف جر سوالف ومجنت امل ابد من احجي وياها احس تفهمني وافهمها بس بنفس الوقت جنت خايفه اكول الفهد خاف ميقبل ويمنعني منها بس صح مده قصيره بس حيل احسها تشبهني بهواي صفات ..

مره من المرات اجتي وكتبتلي

_ بنان عادي احجي وياج

بنان : اي عادي احجي

زينه : اني منكن محاجيتلج حيل علئ حياتي بس احس لازم احجيلج

بنان :اي احجي

زينه : اني يتيمة الاب والام واني عايشه يم بيت خوالي بس حيل مضلومه دائما خوالي يضربوني بدون سبب ودائما يأذوني ويسمعوني كلام محلو ابد وحاطيني خدامه يمهم

نزلن دموعي واني اقره رسالتها لان احس حياتها تقريبا مثل حياتي ..

بنان : الله يرحم اهلج ويصبرج ويساعدج علئ بيت خالج وانتي تقريبا نفس حياتي الجنت عايشتها

شافت الرساله وره تقريبا 10 دقايق ردتني وكتبت

_ اسفه لان رحت خالي صاحني كال جيبيلي جاي ورحت صبيتله بس علمود نسيت اخوطه اله ضربني وهسه اجيتج

_ ما اعرف شكلج والله حاسه بكلشي دتحجي زين انتِ ما عندج اخوان اخوات

زينه : لا ماعندي

بنان : الله يساعدج ويفرجها عليج يارب

زينه : بنان اسفه لتدخلي بس ليش حاسه بالحياة العايشتها اني شنو قصدج ؟

بقيت اباوع علئ رساله وافكر احجي لو لا عن حياتي بس شفتها هيه هم حجت فرتاحيت شويه وبديت احجيلها كلشي عن تحرشات فراس عن جمال لما جان يضربنا اني واخواتي عن جمال لما باعني ولكاني فهد عن كُلشي عن عائلة فهد احنه طلعنا بنت عمهم وخالتهم منكن تصرفي غلط ومتسرع بس ما ادري ليش ارتاحيتلها وكمت احجيلها كُلشي منكن جنت احتاج صديقه تشاركني همومها واني هم ..

ردت عليه وكتبت : جنت عبالي حياتي اصعب حياة طلعت حياتج اصعب بصعب بس شلون صدفه متدخل العقل بعد كُل هل سنين وهاي تلتقون بيت عمكم الله شكد حلوو

بنان : اي والله ربج ميقطع بحد

زينه : اي والله بلكي اني هم تصير ويايه كُل هل صدف

بنان : ان شاء الله زين زينه تريدين احجي الفهد عن قصتج

زينه : لا لا عفيه ديري بالج اني ما اريد مشاكل

بنان : بس محصير مشاكل اني بس اريد اساعدج

زينه : بنان كتلج لا ديري بالج تكولين الفهد

بنان : بس ليش

زينه : مصدكت صارت عندي صديقه وهسه راح تكولين الزوجج اكيد راح يمنعني منج

بنان : شبيج اكيد ححاول اقنعه واحجيله عن حالتج

زينه : شبيج بنان انتِ غبيه ثوله شنو بعقلج شهل غباء داكلج لتحجين الفهد شي اذا تحبيني لتحجينن ما اريد مساعده من احد

انهضمت من حجيها وكتبتلها : تمام براحتج

ورها تقريبا بنص ساعه كتبتلي

_ اسفه مو قصدي احجي وياج بس عفيه لسببيلي مشاكل ولتكولين لحد

بنان : تمام مراح اكول لحد

_ زين بنان شلونه فهد وياج علاقتكم زوجيه

بنان : زينه

زينه : اممم زين هم صير مشاكل بيناتكم

بنان : لا بس اخر مره بس من رحت شقة فراس ورها صافينه

زينه : اوك زين فهد يحبج

تفاجئت من اسئلتها الدائما تسئلها فهد شلونه وياج يحبج يتقربلج وحجي كومه ودائما تسئلني هيج بس اني احس عادي بين صديقات هيج اسئل فاجاوبها

_ اي يحبني

زينه : جذاب محد صار يحب بهل وكت

بنان : شلون يعني

زينه : جذاب يعني كلهم جذابين وخاينين تلكين مزوج عليج بسر لوو شوفي وي كم بنيه مصادق

بنان : بس فهد مو هيج

زينه : اووي ثقتج العمياء شوفي وين حتوديج

بنان : مدافهمج وضحي

زينه : ماكو شي ماكو شي

بنان : لا احجي

زينه : باعي لتثقين حيل بي لان الكل جذابين يخدعوج بهل مال احبج وعمري وحياتي ورها يخونج وهاي كلهم حيالين

اتنرفزت من كلامها وگلت : مو الكُل هيج ترا وفهد ميسويها

زينه : اي اي ضلي هيج ضلي

ورها بس حستني ضايجهه سكتت محجت شي بسرعه غيرت الموضوع تقريبا مر كم يوم وعلاقتنا قوت ولحد الان مكلت لحد عليها ورها كتبت

زينه : بنان ادزلج صورتي ؟

بنان : ما ادري براحتج

زينه : تمام هاي اني

دزتلي صوره جانت حلوه عيونها جانن جوزيات وشعرها بني وجانت بشرتها حنطاويه بس ملامحها جانت حاده حيل احس الي يشوفها يكول عليها شريره بس هيه مو هيج كتبتلها

_ تجننين ملامحج حلوه

زينه : عمريي يلا دورج

بنان : دوري؟

زينه : اي دزيلي صورتج اشوف جمالج

بقيت متردده ادزلها او لا بس ما ادري ارتاحيتلها فدزيتلها صوره الي بالحجاب ومو حيل مبينه جان تكتبلي

زينه : لو مدازه اشرفلج شو كلشي ممبين هسه اني مو دزيتلج اذا متثقين بيه عادي

بنان : لا لا اثق

زينه : يلا لعد

دزيتلها صور الي بدون حجاب جان واضحه ومن احلئ صور عندي بس جان مبين بس وجهي وشعري

زينه : اي يعني حلوه زين عندج صورة فهد

بنان : اي عندي

زينه : شو شوفينه الي الشخص الي كاتله نفسج عليه

دزيتلها صوره الفهد جان تكتب

_ يخبش صدقه لله حلوو بس شلون قبل بيج وانتِ جمالج اقل من عادي بس لزعلين مني بس يعني انتِ حلوه بس ابد ملايكه الفهد

استهضمت حيل من حجيها لان صايره مو مثل قبل متغيره احسها ودائما تحاول سمعني حجي اول تنقص مني واني اضل ساكته وللعلم دائما امدحها

بنان : حلوه محلوه ما اهتم خلقة الله هاي وهم شغله ثانيه الي يهمني فهد بعينه اني احلئ بنيه

جان دزلي ضحكه طويله وكاتبه

_ اي اي احلئ بنيه والله ضحكين انتِ كاعده اكلج جمالج عادي وتكلي احلئ بنيه بنظره

بنان : ليش دتحجين هيج

زينه : لا محاجيه شي يلا مع السلامه ديصيحني خالي

بنان : تمام

مرت تقريبا اسبوع نحجي ومضل شي محجينه بي كل ميصير عندي وقت اراسلهاا حتئ بالعقد وبكل وقت اراسلها بس مكلت لحد عليها لحد ما فد يوم وهوه هذا اليوم المشؤوم يوم اجه فهد فات للغرفه عصبي وصاح بصوت عالي

_ بناااااانننن

بنان : ها فهد شكووو شصاير ليش تعيط

سد الباب بقوهه وعيونه حمر صايره واعصاب

بنان: شبيك فهد شكوو

اجه جرني حيلل من ايدي وكلي بصوت عالي يبسني : كعدييي هنااا

رحت كعدت ولحد الان ما فهمت شكو وشصاير جان يكول

_ ليش سويتي هيج ؟

بنان : فهد شبيك شسويت

فهد : لتنثولينن بنانن لصيرين ثولههه ليش هيج سويتي

اباوع عليهه كام دفر القنفه حيل وصار اعصاب لا ارادي كمت ابجي وكتله

_ فهد حباب فهمني شبيك شصاير

رجع لزمني من ايدي قوي حسيتها نكسرت جان يكول

_ شستفاديتي هسه هااا غيرر حركتي گلبييي شمسويلجج انيي بشنو مقصرر وياج جنت اكول كل البنات نفس الشي بس لما اجيتي تغيرت نظرتيي كلهاا وعرفت مو الكُل نفس اللطام

كمت ابجي وگلت : فهد عفيه بس ايديي حتنكسر شبيك غير اعرف شمسويه والله ممسويه شي

هد ايدي حيلل وكام رجع للقنفه يضربهاا برجله حيلل وجان اكو غراض علئ الميز راح عليها وذبهن هوه يكول

_ ليش حتئ ايديي ما اكدر امدها عليه حتئ الزمج قويي ما اكدرر گلبي مينطيني

اباوع عليه راح كعد وحاط ايده علئ وجههه كمت ابجيي لان ما اعرف شنو بي واول مره اشوفه هيج رحت يمه گلت

_ فهد عفيه فهمني بس كُولي شبيك

باوع عليه بنظره كلها عتب وگال : المن دازه صورج ؟

ما اجه بالي زينه وانو اني دازتلها صوري لان حسيت عادي فكلت

_ والله مدازتها لحد

عاط بيه وگال : لجذبين بنان احجيلي ما اسويلج شي بس لجذبين لجذبين ما احب الي يجذبون

كمت ابجي حيل واكول : والله فهد شبيك مدازه لحد والله

تنهد وگال : ما اريد اضلمج واستعجل لان اعرف مسويها انتِ ولان اثق بيج ثقه قويه

بنان : والله فهد مسويت شي اني

فهد : خوش لعد شنوو تفسريليي يجيني حساب غريب يكلي عمدي صور مرتك

شهكت وگلت : شنوو

فهد : اييي وانييي مصدكت وتوقعت لو ليان لو احد ثانيي بعدينن كام يدزليي صورتجج وانتِ مفرعه "حجاها بعياط وعصبيه "

بقيت صافنه وساكته وبس دموعي تنزل جان يكلي

_ شكو تبجين ؟

بنان : والله فهد اني مدزيت لحد

فهد : جيبي تليفونج

بنان : هـاا

فهد : وجعااا روحي جيبي تليفونج

بنان : ليش

عاط علية وگال : شنو ليش جيبيلي تليفونج بسرعههه

رحت واني ارجف جبت التليفون وانطيته اله .. جره حيل من ايدي وفتحه وضل مدري شيسوي بي

ضليت ابجي كدامه واشهك وهو ديسوف بالتليفون ايده تتحرك بسرعه عجيبه بالتليفون وهو يدور اخر شي فات للمحادثات

بعد ما جان مركز بالجهاز رفعلي عيونه وصغرها
دارلي التليفون جان مفتوح على المحادثه وية زينه

فهد : هاي شنو ؟

من شفتها كمت ابجي بالزايد : والله البنية صديقتي وحبابه حيل

عاط علية وعيونه حمر : لج بابا أنتِ شمدريج حبابه مو حبابه مو صخام بعيني لج بنان فديوم راح اتخبل بسببج شلون تدزين صورج

رجع التليفون وضل يكلب بي وعاط عيطه أعلى من الي قبلها : هاي هيه هيه

حجيت واني أشهك : منية

فهد : زينه .. زينه الي حجيتلج عنها

بنان : فهد شبيك حتى لو زينه قابل كل وحده زينه هي هذيج ؟

فهد : شبيج أنتِ افتحي مخج وعقلج راح اكسرج هسه بالكوة لازم نفسي شلون تحجين ويه وحده غريبه ولا حاجيتلها قصة حياتج شلون تعرفتي عليها شلون صخمتن وصارت بالصور شلون تثقين من شوكت وأنتِ تضمين علية بناان !

بجيت وكلتله : انتَ ليش عايش بشك ليش لحد الان تذكرها مو كُل زينه هي زينه الي تعرفها انت

نزل راسه ورا ثانيه شوفني صورتها وكال : شنو مثلا ما اعرفها من صورتهاا ؟

بجيت وكلتله : لا مستحيل مو هي اكيد

كعد علئ القنفه بتعب : ياربي دخيلك شوكت ارتاح

ضليت اباوع عليه وابجي واحجي : شلون هي شلون طلعت هي والله هي جانت حبابه من تحجي وياي

فهد : كافي بنان لتحجين

طلع وهو عصبي وعيونه حُمر ووياه تليفوني
اول مطلع دخلن ريم و روان بسرعه علية

روان : شبيج بنان شصاير

ريم : ولج لتبجين احجي شكوو

بنان : تعاركنا

ضحكت روان : امداج عبالي صاير شي قوي على شكل فهد هذا الي ميطمن وهذا بچيج

ريم : وكعتي گلبييييي

بنان : وشنوووو عادي يعني عدكم تعاركنا

حجت روان : اي يمعوده عادي تصير بالدنيا عركات جا اني وياسر شابعين عركات

ريم : كضيتو حياتكم عراك بس والله ياسر فقير

روان : انجبي

باوعتلهم وبجيت : شبييييكم داكول متعاركه وانتوا تضحكون يمييي امشن اطلعننن

روان : هاي شبيج ولج مو قصدي شي دا اغير من مودج لان عادي هسه بس يجي تصالحون لتخافين

ريم : جا شسوينا احنه وهذا فهيدان على شنو هيج عصبي هو على شنو العركه صدك حجيت ودموعي تنزل گلت : مادرييييي امشوا طلعوا

ريم : شوف شوف تطردنااا

روان : اممممم يجيج يوم ونطردج بسيطه هههههههَ

بنان : تحشش ودمي محروككك !

طلعن وهنه يضحكن علية .. عبالهم مثل أي عركه تافهه تصير بس هي غير حيل .. زينه شلون طلعت هي زينه هاي راح اتخبل عقلي وشلون سوي هيج وره مثقيت بيها ..

__________________

روان
كاعدين وجان يرجعون رزان وايهم اجيتي عليه رزان گالت

_ هااا اجينه

روان : هلا بالعروس ايي سويتو

رزان : ركصنه

روان : اووي شبيج

رزان : انتِ اسئلتج مدري شلون

ريم : اكول هاي بنان وفهد خاف صدك متعاركين

روان : والله اتوقع هيج لان هذاكك صاير بركان وذيج بس تتبجبج

رزان : ليش شكوو

روان : فهد وبنان متعاركين

رزان : يااا ليش خلي اروح اشوف بنان

روان : عوفيها وحدها احسن

رزان : تمام

روان : ايي شسويتوا

رزان : يعني شسوينه هوه كملنه ذني السوالف بالمحكمه وو حددنه العرس وره امتحاناتكم

جان اشهك اني وريم : شنووو

رزان : شبيجن

ريم : عزااا شتلحكيننن شنلحكك

رزان : ليش منلحك هوه احنه مراح نسوي شيي يعني عرس جبيرر اني مردت علمود ماما الهام فلهذا واصلا ميحتاج

ريم : مو احنه منلحك امتحانات وحتجي ونحضر للعرس

رزان : عاديي هوه يعنيي قابل شنريد نحضر و العرس وره متحاناتكم

روان : اي عادي اووي شسون بالعرس اهمشي تنجمعون علئ مخده وحده وجوا البطانه وسون وو

جان تكرصني ريم وتكول

_ ولج كافي كافي لتروحين زايدد

روان : ايي عيني سكتت سكتت

رزان : ليشش كملي كملي شيصير بعدين

روان : ليش متدرين

رزان : لاا هوه غير نام وبس

ريم : عزااااا شنوو متدرين شيصيرر بين زوج والزوجه

رزان : انجبيي اعرف اعرفف ادبسزيات بس اقصد يعني احنه محنسوي هيج

رفعتلها حاجبني وضحكت وگلت : ليش عيني انتو وحد مسون هل سوالف

ريم : عوفيهم روان عوفيهم خطيه ذوله مؤدبينن ميسون سوالف سرسروغيه

روان : اييي نشوف نشوف بعدين منو الي حتزركك تؤمم

رزان : هوه مو صوجكم صوجي اني كاعده احجي وياكم

روان : وليي وليي

ريم : اكلج روان احنه ليش منعرس اني وياج نفس الوكت ها بأعتبار احنه صديقات وهيج من هل لواكه

روان : لا عيني لاا اني عرسي وحدي اريد

ريم : لا والله حلو نعرس اني وياج

روان : اذا انتظرج تعرسين شغلتج طويله يبعد روحي

ريم : لا عيني هسه يجيني مؤملي ونزوج ونعيش عيشه سعيده واله ازوج قبلج

روان : مفرفحات علئ الزواج شو ولي واني اصلا ما ازوج بطلت هسه يجي ياسر واكُله اني بحالي زواجج ايعع

ريم : اي خلي ينجلط

روان : وجلطتهم

__________________

رزان
رجعت تعبانه البنات جوا بقن بسرعه رحت سبحت طلعت لافه الخاولي علئ جسمي داوخر الخاولي اريد ابدل جان بسرعه ينفتح الباب واعيط

ايهم : هذا اني شبيج

كمت اغطي بنفسي واكول : اطلع ايهم اطلع حباب

ايهم : هاي شنو مجنت ادري تتبدلين وشفت البنات جوا كلت خلي اجيج

رزان : ايي جوا بس خلي ابدل

اشو هذا تقرب عليه واني ارجع ليوره لحد ما جرني من خصري وقربني عليه وعينه بعيني جان يكول

_ ترا عادي انتِ هسه زوجتي شرعاً وقانوناً بعد شكو

رزان : شنو بعد شكو غيرر ماكو عرس وهاي

ايهم : هاا هاي بسيطه ست رزان ننتظر العرس معندي مشكله

دفعته علئ كيف واني وجهي صار طمامه واتهرب من نظراته وگلت : اي تمام يلا اطلع حباب خلي ابدل

ايهم : اي عادي بدلي علئ راحتج مراح ازعجج ست رزان

رزان : لا اطلع احسن

ايهم : لا كاعد اهناه اني واذا تريدين اساعدج

اني صارت دمعه بعيني من الاحراج والفشله گلت : ايهم شلون ابدل كدامك عيب

ايهم : عيب ؟ ليش عيب غير اني زوجج

رزان : بعد مو هسه مصار العرس

ايهم : چا لعد عادي ننتظر للعرس يصير خير

رزان : هم چا لعد

ايهم : معليج كيفي

جان يرجع وهم يلزمني من خصري وگال

_ انتظر العرس اني بس مو معناها ميصير اخذ بوسه شمه حضنه

رزان : شلون يعني

ايهم : يعني هيج

حضني حيلل واني ارجف وخر عني ونزل الركبتيي باسها وخر الخاولي من شعريي وگام يتلمس بخصل شعري ويشمهم واني كُل هاي واني واكفهه وخانسه

ورها جان يريد يبوسني من شفتي جان تفوت روان هوه بسرعه وخر عني موقف لانحسد عليه

روان : ها اسفه معبالي انتو هنا هسه اطلع

ايهم : بعد صخمتيها يـ بنت العم فوتي فوتي

طلع ايهم بسرعه واني متفشله وروان تباوع عليه من فوك ليجوه وجان طكها بضحكه وتقلد عليه

روان : احنه بليلة عرسنا بس نام احنه منسوي شي احنه مؤدبين وهوه بعدهاا ما اجت هل ليلة الكشره وكمتوا تلعبون بذيلكم

رزان : انجبي افتهمتي غلط

روان : مفتهمه غلط لعد وهاي لبسج وبالخاولي وو جان قريب من يمج صدك هوه شجان يريد يسوي واول مفتحت الباب وخر هااا

رزان : كُلشي مراد يسوي بس وخري خلي ابدل

روان : اي عيني طالعه طالعه هاي لو ايهومي مالتج جان بقتيي

بسرعه طلعت روان وسديت الباب وگلبي دكاته موكفن وروان الحقيره بس تضحك عليه ..

_______________

ريم
طلعت المكاني المعتاد بالحديقه وكعدت بالمرجوحه وافكرر افتح الحضر لو لا ..

بس اكول اذا افتح هسه ياخذ خاف نظره عليه مو زينه ويكول فتحت الحضر وتريد تحاجيني من ظهر اهلها بس لا ليش هوه كلي فتحي شعليه اني اوووف ما اعرف شسويي اخذتلي صفنه وگلت هيه خربانه خربانه خلي افتح الحضر

راسلته وكتبت

_ فتحت الحضر

تقريبا ربع ساعة مرت وهوه لا شاف الرساله ولاا رد عليه ضجت حيل واكره ما اكره رد المتأخر فرحت اريد امسح الرساله وچان يدز

_ هلا بـ ريمتي

ابتسمت بس كتب هيج بس رديته : اني مو ريمة احد

صح اني فرحانهه بس لازم ابيع ثكل براسه جان يرد ويكول

_ انتِ صح مو ريمة احد بس ريمتي الي واشلع اذانات كُل واحد ياخذج مني

اقره والابتسامه شاكهه حلكي وشويه واريد اروح اشد وصله واركص بسسس نرجع ونكول لازم ابيع ثكل فكتبت

_ والله اني مو ملكك حتئ تشلع وتكتل بالاوادم

_ عن قريب صيرين

جان اكتبله

_ ترا لعبالك اني ميته حتئ اراسلك او هاي يعني بس انتَ كلتلي وجبرتني افتح الحضر ولا اني اصلاً مردت لان ما اقبلها علئ نفسي اراسل احد من وره ظهر اهلي وانتَ غريب عليه اوك بس حبيتت اوضحلك وهسه مع السلامه

شاف الرساله وبقيت صافنه انتظره يكتب شي وره دقيقتين كتب

_ اروح فدوه للمؤدبه اني

_ مع السلامه

_ تعاي وين خلي نسولف شويه

ريم : شنو تريديني احجي وياك لو شنو استحي شويه عندك اخت احنه لا مخطوبين ولا عاقدين ولا مزوجين شكوو تريد تحجي ويايه

تقصدت اكتب لا مخطوبين لا عاقدين ولا مزوجين حتئ بلكي يحس ويستعجل جان يكتب

_ بدت رحمة الله هوه غير اخوج العار ينطقها ويريح گلبي

ريم : لتحجي علئ اخويه

_ دخلي يطير اخوج العار الكو** الجلب الي شلع گلبي شلع

ريم : اشووو انتَ شنوو هاك بلوووك

داريد انطي وجان يدز رساله

_ والله يـ ريمه يا اخت فهد اذا انطتيني حضر اشوفج شي ميعجبج

بقيت صافنه علئ الرساله بس كُلشي ولا الكبرياء كتبتله

_ شسويي سوي ويلا بلووووك

وجان انطي بلوك والله يالله كاعد يهددني ..

_______________

روان
نزلت يم زوزو كعدت جانت تباوع علئ المسلسل ومنسجمه واني جنت اقره بس مليت ونزلت شويه اباوع وي زوزو شو ما اشوف غير احد احد جر شعري

انداريت وشفتت ياسر گلت

_ اهخخ ياسر شبيك

ياسر : راح اصعد وتعاي وراي عندي سالفه وياج

روان : افكرر

ياسر : تعاي لا هسه اشيلج

روان : متكدرر

ياسر : تتحديني

روان : ايي متكدر

ياسر : نشوف يلا تعاي

روان : جايههه

راح صعدد وشويه شويه لحكته بدون متنتبه زوزو اول مداصعد اشو مااحس غير نشاليت وكمت اعيط بصوت ناصيي

_ ولك ياسرر وخرررر

باوع عليه هوه يضحك : مووو كلتي ما اكدر اشيلج

روان : ايي يلا نزلنييييي

ياسر : يلاا نزلتج بس لتصيرين اعصاب

روان: اييي شتريد استاذ ياسر احجييي بسرعه

ياسر : روانيي شوكت نزوج

روان : هاا صاعد الجفاف عندك اليوم

ياسر : نجبي داحجي صدك والله اريد ازوج ونام على مخده وحده سوه وبعدين نجيب نونو صغير حلو مثلي

روان : لا بالله ليش مو مثلي اني

ياسر وغمز : هاا يعني انتي تريدين يصير هيج

وجهي صار احمر وگلت : عزااا ياسر انتَ شدتحجي شو وخر من يمي ارجع يم زوزو احسلي من هل مسلته هاي

ياسر : جر روان على حضنه رواني مداستحمل شوكت نزوج عاد خل احجي وي ابويه باجر ونزوج

روان: ياسر عزا تحجي من كل عقلك

ياسر : اي والله شبيج

روان: من اخلص دراسه عودد الله كريم

ياسر : نجبي هل سنه وغصبا ما عليج نزوج

روان : اي اي عود نشوف

ياسر : نشوففف رواني احبججج

روان: اوييي خوجلت

ياسر : وليي ولي

روان : عساس اني الي اجيت غير انتَ صحتنيي

ياسر : احبج

روان : اني هم

ياسر : مو بكديي

روان : ولا بكدي

ياسر : احبج

روان : كافيي ايعع ما احب هيج انيي احب طيحان الحظ هاي سوالف الحب وماحب والكوبلات لا لجيبيهن الي اريد مكافش من شعر

ياسر : اي والله صحح اذا ما اتعارك وياج ما ارتاح

روان : اني هم

ياسر : احبج

روان : اكرهكك

ياسر : اموت منجج

روان : عوذهه

ياسر : منجج

___________________

بنان
كاعده بالغرفه طول الوقت وما مفتهمه الي ديصير ولا ديدخل بالي معقوله كُل هذا تطلع زينه وشجابها علينه هسه وين جانت كُل هل وقت وليش راسلتني وهيج سوت يعني ثقيت بيها سولفتلها ودزيتلها صوري وهيج سويي كمت ابجي وكُل هذا وفهد لحد الان مراجع

رحت تمددت وكمت ابجي وداذكر ردت فعله اول معرف وهم اغم نفسي علئ ثولي وشلون وثقت بيها بسرعهه ..

بهل لحظه اجه فات للغرفه اخذله نظره عليه وتنهد راح طلع ملابس وراح للحمام يسبح طلع وكف علئ مرايه ديمشط كمت عليه اريد احجي ويا كتله

_ فهد

فهد : كولي

بنان : اني اسفهه لان مكلتلك عليها ولان دزيتلها صوري بس لان شفتها دزت

فهد : يعني اذا شفتيها دزت انتِ هم دزين و تحجيلها قصة حياتج وانتِ مصارلج اسبوع واحد بس من عرفتيها واني منبهج قبل شيصير تكليلي وانتِ مكلتيلي عليها

بنان : فهد والله اسفه

فهد : الي سويتي غلط بنان

شفته بارد ويايه وهاي رجعت للجربايه ودرت ظهري وكمت ابجي واشهك مو علمود شي بس صح الي سويته غلط وكُل هذا صار من وره غبائي هاي للمره ثانيه يصير شي وما اكول الفهد وما المفروض اثق بسرعه بيها

متحملت كمت ابجي بقوه واذكر شلون حجيتلها كلشي وبالاخيرر تغدرنيي واني متوقعتها ابد زينه الي حجالي عليها فهد الي جان يحبها ولا اجت بالي لان شنو بس هيه اسمها زينه ..

شو ما اشوف غير اجه تمدد فهد بصفي واجه حضني من وره وخله راسه بركبتي وگال

_ كافي لتبجين

هوه حجه هيج وبجيت بزايد وكمت اشهك
جاب ايده وكام يمسح بدموعي وگال

_مو كافيي دموع

انداريت عليه وخليت راسي بصدره وحضنته حيل وكمت ابجي واكول

_ فهد والله ردت اكُلك بس خفت متخليني احجي بعد وياها

كام يمسح علئ شعري وگال : تتوقعين اذا خوش صديقه راح امنعج منها لا بس شفتي هسه مو ضميتي عليه بالاخير شطلعت خوش صديقه ؟ لا طلعت زينه وعبالها لما تفوتلي من غير حساب مراح اعرفها بس لما دزتلي صورتج مضل عقلي براسي ولا فوكها بشعرج

بنان : معبالي حيصير كُل هذا بس اني فرحت ومصدكت صارت عندي صديقه فلهذا انطيته كُل هل ثقه

فهد : وهذا شي غلط شنو تنطين ثقه لوحده حتئ مصار اسبوع مصادقتها تحجيليها كُلشي ومحاطتلها شي محاجيتلها حتئ الي بيناتنه ميصير هيج بنان

بنان : اني غبيه وثوله لان بسرعه اثق معبالي اسوي هيج

فهد : انتِ مو غبيه لتحجين هيج علئ نفسج وتقللين من نفسج كدام احد حتئ لو جنت اني .. و شفت محادثتكم وشفت شلون تحجي عليج المفروض ترديها مو ضلين ساكته و هيه لما حجت علئ شكلج لان تغار وهيه بس شافتني زوجت ولان كدرت اتخطاها وحبيتج اكثر من محبيتها حليت بعينها بس عرفت شلون اتصرف وياهااا

سكتت مجاوبته وهوه هم محجه شي بقيت حاضنته حيل وهوه هم وكُلسع يبوسني براسي ورها گال

_ بنان هاي ثاني مره ضمين عليه وشوفي شصار

بنان : والله بعد شيصير اكُلك

فهد : نشوف عود

بنان : والله

فهد : خوش

بنان : فهد

فهد : كولي

بنان : شصار وشسويت وياها وليش هيج سوت

فهد : الاخت اصلا كُل الي حجته الج وقصتها الحزينه كلها جذب بجذب اصلا مزوجه بس لما سمعت بيه مزوج تعرفين متغرف تكرص الدوده الي بيها فحليت بعينهاا و جابت حسابج ورادت تفرقنه وشكد حجت براسج بس لما شافتج مصرة علئ رائيج فطلبت صورتج حتئ دزلياها وصير مشاكل بيناتنه

بنان : وشصار بعدين

فهد :عرفت شلون اتصرف وياهاا وزوجها بس دره بكل الي سوته وعمايلها تخبل

بنان : وشصار بعد

فهد : معليج ناميي

بنان : اسويلك اكل جوعان

فهد : انتِ اكلتي

بنان : ها

فهد : اكلتي لو لا

بنان : لا

فهد : لعد كومي بدلي خلي نطلع ناكل

بنان : وين

فهد : روحي بدليي هسه

بنان : تمام

بسرعه رحت لبست بسرعه بنطلون ولبست فوكاه صايه ورتبت وجهي شويه ولكيته هوه هم مبدل گال

_ يلا تعاي

رحت وياه نزلنا وركبنا بالسيارة ورحنا لمطعم هو يندله

باوعت عليه : شو انتَ طالع حلو

فهد : اني بكل وقت حلو

بنان : اييييي وبعد لتلبس اسود مرا ثانيه تطلع حلو

فهد : اوي فهااااد لتلبس اسود دروحي لج

اخذها بشقه هو وكام يضحك أما اني تعصبت عليه : لتضحك ترا بعد مااا اطلع وياك

فهد : لا على بختج ههههههههَ

عيوني دمعت ودرت وجهي

تحركت ايده وفتح اغنيه " بس انتَ "

ضليت دايرة وجهي واباوعله بطرف عيني طالع حلو شلووون هسه ياهي التشوفه يضلن يباوعن

جان يغني بهدوء وهو مبتسم

" بس انت وحدك الية
تغمرني بالحنيه
ضمني حبيبي لصدرك
واضمك بين ايديا
تداعبني وتغازلني وأبد متزعلني
تغنيلي وتفرحني ، وأسهر اني وياك"

درت وجهي عليه وكلتله : انت شمدريك اني احب هاي الاغنيه ؟

فهد : أنتِ تحبيها ؟ فلا أدري

ضحكت وكلت : الله اذواقنا تتشابه .. هيثم يجمعنا

هو هم ضحك وگال : اهخخ اني انتمي لهيثم وكاظم احب اغانيهم حيل

بنان : يااااا مثليييي

فهد : اي اكيد غصبا عليج تصيرين مثلي

بنان : شنو شوكت نوصل للمطعم
فهد: هسه دقايق هو قريب

ورا ربع ساعه وصلنا للمطعم ونزلنا تعشينا واكلنا
ومن حُسن حظي اجوي مجموعه بنات كعدوا كبالنا

ضليت ضايجه وروحي طلعت وكلسع اكول لفهد : امشي نرجع امشييييي

فهد : شبيج بويه صبر

بنان : هاا تريد تبااوع عليهنن

فهد : شنو عليهن شتقصدين

بنان : تعرف قصدي كلت امشي

فهد : انجبي لج بكيفي تراا

بنان : لعد شلون والله حكوم اكتلهن لو اتعارك

انداريت شفت وحده تباوعله وتضحك وتحجي وية البصفها كلت لفهد بعصبية : كوم كوم والله راح اموتهن هذني الحقيرات

فهد : حتنصرعين على كيفج هسه احاسب واجيج

بنان : عزاا لتضحكككك ديباوعن فهد فهد فهد

همس بضحكه : اوي فهاااد

بنان : افففف كوم نرووووح

هو كام راح يدفع واباوع لهذني واخنزر عليهن ولا يفيد بيهن

اجه هو اباوع عليهن .. لزمت ايده واضحك وياه
هو كال : صلوووووات على محمد انتي بنان لو لا

بنان : بنان بس امشيييي

ركبنا السيارة واني مطنكرة عليه وهو يضحك : بويه شوووف الغيره لعد بعد كل يوم اجيبج هناا

بنان : اي اي جيبني .. اصلا المطعم اول مشفته كلت مادري شلونه

فهد : اييييي مبين

اني درت وجهي بعصبية وهو حسيته عرف بية احب الاغنيه رجع علكها ويغني وياها .. اغاني هيثم كلش احبها و شي حلو اذواقنا تتشابه كلتله

_ترا الاغنيه حلوه بس كلمات الاغنيه متنطبق علينا

فهد : معندج ذوق

بنان : اييييي ماعندي

فهد : وجعاا شبيج بويه مطنكره علكتلج هيثم وما فاد جا شسوي بعد

بنان : اي اي طنكرت شعندك تأخرت حتى تباوعلهن مووو

فهد : رح ابتلي بيج سكتي خل نوصل طلعتيها من خشمييي من البدايه لحد هسه

بنان : اييييييييي

فهد : بس اعصابج

________________

روان
چنه كاعدات بالليل دنقرا بالصاله وعمو يمنا ورزان حابسه روحها متطلع لان ايهم موجود وهو الولد طالع ماهو بس هي متقبل

كاعدين نقرا .. باچر اول ايام الامتحانات و رياضيات
واني وريم نحل

روان : اكلج هاي صح

ريم : لعد شوفي حلي صح ؟

روان : بخت حلج كله صحيح تعاي حليلي حبابه بس اخر شي

ريم : جيبي

اخذت الدفتر وحلته كله

روان : حبيبتييييي شكرا شكرا الحيه الصفره

ريم : اوييي حبجي عزا أبوية اجه

اجه عمو محمد كال : حليتو الكلتلكم عليه

ياسر : جذب يابه وحده تغش من الثانيه

أندار علينا وگال : هااا صدك ؟

همام : يابه معليك بياسر حاروكه

ياسر : يابه انت متعرف تلزمهم خلي اجي اني اقريهن وشوف شلون اخليهن يجيبن درجات

ريم : ولي ماريدك انتَ تحبسنااا

روان : اي عمو والله بعد منغش ابد ابد

ضحك وكال : ها ها يعني صحيح حجي ياسر

ياسر : والله اني ما اجذب احجي العلية والمو علية

كفخه همام : دنننننجب واكعد انتَ هم حية دقيقه انتَ ثعباااان

ياسر : شو ولي وخر

خل اكعد
كعد عمو محمد يقرينا والهوسه والعياط اليمنا والعركات مال ياسر وهمام اللي متخلص طبوا فهد و بنان وصعدوا فرحت لان تصالحو ولو هذوله ميطولون سلموا علينا وصعدوا وراها كملنا اخر موضوع وشلنا كتبنا وصعدنا

لحكنا ياسر : ها رايدين شي

ريم : سلامتك

ياسر : لا خاف تريدون

روان : صحيح نريد ننام

ياسر : اقصد تردون شي مني ؟

روان : منريددد

ياسر : فكوره وأنتِ هم فكر

ريم : ولي لك

ياسر : مو اكوملج حيوانه

ريم : مثلك

روان: قصفتك

ياسر : خربتوا مزاجي خل اروح انام باجر اروح ل احمد على عناد اليمتحنون واهمداجن

روان: اي اي عينييي هسه يجيك الدور لتخاف

ياسر : يجيني يجيني يلاا روحو نامو مو تريدون تنامون

ريم : كافي ياسر دخنه راح ننسى كلشي

ياسر : اي انسوا يلا حروح تففففو عليجن

روان : اوي شكد عنيف

ياسر : مو اجي اكسر صماخج ام كفشه

روان : امشي ريم امشي

ريم : تعاي حياتي

__________________

بنان
مر على البنات و امتحاناتهن اسبوع كامل وكلش تعبوا خلص بصعوبه وبدت عطلتهم وبدينا نجهز لعرس رزان وايهم اخذ غرفه هوه ورزان ورتبناها الهم صارت تجننن

و رزان خايفه وكل ما اشوفها تبجي بوجهي وتكول خايفه اتزوج

فهد أخذ اجازه مرة ثانيه لحد ما يخلص العرس ويرجع يباشر يداوم

بدوا الكل يجهزون واشترينا فساتين وغراضنا ومكياجات والعرس باجرر تقررر فصارت نقص بعض الامورر فرحنه هم نشتريها بس هل مره فهد اخذنه احنه والبنات

رزان : يمهه ما استحي اشتري هيج

روان : عزاا اتخيلل رزان تلبس هيج يبووييي

ريم : امداجن واذا يعني اهخخ لو بس نعرس اني ومؤمل احيرر شلبس اله وانتن ضلن هاج هذا السيت الاحمر رزان حلووو

رزان : بنان احجي وياهن استحيي البس هيج ما اريد

ريم : شوف المن تسئل بنان الفطيره دتعاي تعاي اني اختارلج سيتات

رزان : عزا ما اريد

ريم : انجبيي معليج ابن عمي وصاني عليجج فسكتي

روان : اتخيل نفسي ازوج والبس هيج لا عزاا

ريم : ومنو كال اصلا انتو تزوجون مثل الاوادم اصلا اول متفوتون الغرفه صير بنعل

روان : انجبييييي ريممم لضوجيني

ريم : اكلج بنان انتِ هم اشتري

بنان : لا ميحتاج

ريم : شو دروحي يلا اختارييي بساعع

ريم خلتلي امام الامر الواقع فكعدت اختاريت ورها اخذنه بعد مكياج و اشياء عطور كُلشي ومن هل امورر

طلعنه لكينه فهد ينتظرته گال

_ يلا امشن صعدن

صعدنهه رجعنهه هلكانات حيلل فرتبنه الغراض وكُلشي وما راح نسوي حنه او هاي قررنا عود نسوي كعدت بنات بيناتنه بسيطه نطلع اغاني وهيج

وصلت للغرفه دارتب الغراض وجان فهد يحضني من وره ويده تحاوط خصري

فهد : هاي شدسوين

بنان : دارتب بالغراض وهاي واليوم حنام بغرفته البنات

فهد : صدكك

بنان : اي مو مسويات كعده وهيج وتعرف مراح نسوي حنه

فهد : تمام بس اني مو خطيه تعوفيني

بنان : انتَ حتروح يم الولد

فهد : صح بس قابل حنام يمهم كلت اكمل من عدهم واجي انام واتسودن بحضنج

بنان : عود غير مرهه هسه خلي اروح

فهد : روحي بويه روحي

بنان : اذا تريد ابقئ يمك عادي

فهد : بعد احسن

بنان : لا لا اروح يم البنات

فهد : شو وليي مني يمي

بنان : هسه حوليي

فهد : عفيهه
_____________________

ياسر : اليوم حنه الغالي اليوم نلعب جوله

همام : وفايه لولا التالي اليوم نلعب جوله

فهد : والفرح عدنا الليله اليوم نلعب جوله

ياسر : لك اسمع اسمع هاي منو ديغنييي الضابط فهد يابويي

فهد : خليني محترمك شويه

ياسر : ديلا عيني شحجينه عيني

ايهم : كافي لتتعاركون اليوم حنتي

ياسر : يارب الفرحهه الجايه الي

همام : اسوي لتريده بس نفتك منك وتصير الغرفه الي

ياسر : اهمشي رواني تصير يمي

فهد : ايهم باجر عرسك شد حيلك عود مو علكيفك ومتعرف شسوي

همام : كامو يحجون بالثكيل

ايهم : هههههه باجر اعلكها علك

ياسر : يابوييي هايشنوو حسوو اكو سناكل هنا

همام : الاحساس لاغي

فهد : ايهم تريد اعلمك لو تعرف شسوي وغمز

ياسر : علمه وعلمنا وياه هيهيهيهيي

فهد : شكدد طايحين حظ انتو

ايهم: خرب يومكم اييي اعرف اعرف ميحتاج

همام
جنه متونسين وسوالف واغاني بهل اثناء ندك موبايلي فـ عفتهم ونزلت اشوف منو وجان اشوف رقم غريب فـ كلت خلي ارد رديت وجان يجيني صوت بنيه

_ عفيه همام ساعدنيي

نهاية البارت
يتبع ...

(لاتنسوا التصويت)

أن شاء الله يعجبكم البارت 💖💖 .

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور