رواية نقطة لقاء الفصل السادس وثلاثون 36 - بقلم الكاتبة دينا _ الكاتبة نور

"بعض التنازلات تأتي حُباً وليس ضعفاً "

>>>>>>>>>>>>>>>>>>>>>>
- همام عفيه ساعدنيي

هذا الصوت اني سامعه من قبل !

رديت عليها : منو انتِ ؟

- اني مَي تذكرني

فتحت عيوني بصدمه : مي الي بالمستشفى

حجت وهي تبجي : اي هي اني

همام : تمام بيش اساعدج ؟ وليش دتبجين

مَي : تكدر تجي باجر للمستشفى الصبح؟

همام : يا ستار شبيج احچي يمعوده گلبي طاح

مَي : ماكدر همام شوف ادري اتصلت بوقت غلط بس اذا تكدر تعال باجر تمام

همام : للمستشفى مو

مي : ايي

همام : تمام

سدت الاتصال ولحد الان صوتها وبچيها ببالي شبيها هاي البنية كُلشي غريب بيها وكف عقلي واني افكر بمية سالفه

رجعت يم الولد هذوله سهرانين ويركصون

من بينهم اجه علية ياسر مبتسم : شبيك عمي ليش مو على بعضك دكوم خل نركص

همام : مالي خلكك ولي من يمي

ياسر : وين تلكى مثلي اهمداك يا نفسيه

همام : مو اكوملك

ياسر : ديلا كوم

شو هذا سواها صدك ياسر ومن بين الكل كال : تحضروووووا راح تصير بنص الغرفه حلبة مصاارعه

جان يعيط فهد عليه ويكول

_مصارعه بعينك حيوان اكعد راحه حتى بونستنا هم تتعاركون لعد يا يوم تنچبون ؟

ياسر : متشوفه يكولي اكوملك يتحداني اني ياسر يتحدانيي

ايهم : خربيكم دتخربون احلى اوقاتي راح اهج

همام : ايبااااااهه دنخرب احلى اوقاته سمعت ياسر سمعت

ياسر : لك اي سمعت سمعت

فهد : تنچبون لا كل واحد انطي راجدي وتنهمدون مو مال كعده ولا صخام بعينكم عود بيناتنا وهاي كبوووور لعقولكم عقول الصخول حتى الجهال ميسوون سواياتكم

ايهم : علئ كيفك وياهم خويه عوفهم خيولون

فهد : لا صدكك وهذوله هسه اشوف شغلي وياهم

حسن : اي فهد بيك و ما بيك بيهم

فهد : يلاااا تحضرواااا حتصير حلبة مصاااارعه من صدكككك

ياسر : لا على بختك عمي نشاقه همام همام مو دنشاقه

همام : بس اني مداشاقه

ياسر : ولكك حننكتل

همام : شو روحوا من يمي

صفنت عليهم وهمه يشاقون ويضحكون الا اني السالفه شغلت عقلي كله .. مَي شبيها ؟

_______________

غرفة ريم
رزان تبجي وحاضنه روان : ماصدك شلون شلووون بطلت خلينا نتطلك باجر

روان : لتضحكيني رزان راح اكتلج

بنان : تردين تطلكين ؟

ريم : شوف هاي تريد تطلك بابا هاهيه متكدرين بعدددد وكع الفاس بالراس

حجت رزان وهي تبجي : شلون والله احس راح اتخربط من الخوفه

بنان : شربي مي

رزان : والله راح ابجي

روان : عساس هسه مدتبجين

بنان : اوف رزان لتبجين راح ابجي وياج ترا بالكوه لازمه نفسي

ريم : لعد اني هم راح ابجي

مسحت دموعها رزان وضحكت : يلا كافي بجي .. بس اني خايفه حيل حتى دا ارجف

روان : ديلاا عادي لتخافين هيه جكت ابره

جان تعيط بنان : عزاااا روانن شكد طايحة حظ انتِ وشمعرفج بهل سوالف

ضحكت ريم وگالت : طلعتي خبرة ست روان

روان : شبيكم غير هيه تكول خايفه وخايفه كلت احجيها بالقلم العريض وخليها تنجب

بنان : وانتِ شمدريج انو هيه هيج؟

روان : واللهي اني ما ادري بس هذا الي اعرفه والي سامعته بعد ست بنان انتِ اعلم منه شتكولين " وغمزت "

بنان : كافي روان شهل السوالف انجبي عاد عيب

رزان : يمهه راح اتخربط

بنان : ماكو شي رزان لتخافين وانتِ سدي حلكج روان

ريم :اهووو كافيي اريد انام اني بس ما اريد انام

روان : اني مدايجيني نوم

ريم : هو منو يجيه نوم

روان : شمدريني

رزان : شلون

ريم : ترا اقلقتينا شلون وشلون هو عرس وهاهيه على شنو الخوف

روان : لعد اني شعري باجر يم الصالون اسرحه لو اخليه هيج

بنان : مادري أنتِ شيعجبج

رزان : اشوف تخليه هيج احلى

ريم : خلي هيج وشدي سوي تسريحه بسيطهه احس يلوكلج اكثر من السرح

ابتسمت وگلت : واني هم احب شعري حيل

ريم غمزت وگالت : انتِ تحبي هيج لوو ياسر

روان : انجبي اني اكيد

ريم : اي اي

رزان : زين تعالو اختاروا وياي المكياج طلعولي صور صخام اريد مكياج خفيف

روان : اني ماعرف بالمكياج يمج ريم خبرة

بنان : بنات نعست اني حيل

روان : روحي انطمري يم فهودج منو كاضج

رزان : ولكم تعوفففف اختها

بنان : عزا شبيكم ترا نعست

رزان : مو كلتي تبقين عنا تنامين

بنان : هـا

روان : دعوفيهاا بطلت تريد تروح يم فهودها

ريم : روحي روحي يابه

بنان : يلا تصبحون على خير عرايس المستقبل

روان : ما ازووج انيي

ريم : اي نرجع لموضوعنا بنان راحت اني اكيد اعرف بس مابية حيل اروح صالون واتفيك

روان : لعد البس كعب احس الكعب ميلوك لشخصيتي

رزان : لعد شتلبسين وية الفستان حذاء رياضي مثلا ؟

روان : ماعرف امشي بالكعب ممتعوده

ريم : اوي راح اروح احضر غراضي حتى اكعد من الصبح

روان : اي وكعدينا وياج

رزان : اني لحد يكعدني

ريم : لا حبيبتي أنتِ اول وحده تكعدين امي راح تسوي هجوم علينا

رزان : اوفففف

روان : لتضلين تتأففين غيرج كاعده تتمركص

__________________

بنان
فتت للغرفه لكيت فهد متمدد ونايم رحت يمه اباوع عليه ..

ورها رحت غطيته ودحست نفسي بحضنه وحضنته حيل وراسي صار علئ صدره جان احس باسني علئ شعري وجان يكول

_ هاا يحلوو شو اجيت مو گلت ما اجي

ضحكت وگلت : تريدني اروح ؟

جان يحضني بقوه وگال : لا بويه ابقي ابقي واني خليني اشتم هل ريحه الحلوه

بنان : اممممم

فهد : بنان ليش منجيب نونو

بنان : هاا

فهد : وجعاا شنو متريدين نونو يجيج حلو مثلج

بنان : اممم اريد اكيد

فهد : اي زين

بنان : بس هوه مديصير

فهد : يصير يصير

بنان : شلون يصير

كام يمسح علئ شعري وگال : حبيبي اني شلون وي فهاوتج لعد احنه شنسوي يوميه

بنان : شنسويي ؟

فهد : نطك صبعتين

بنان : فهدد

فهد : تستحين؟

بنان : اييي

فهد : خوش

اشو لحظه صفن بوجهي ورها كام عدل كعدته وگال

_ لحظه لحظه ما اريد طفل اني ميحتاج

استغربت وگلت : ليش ؟

فهد : معليج ميحتاج

بنان : بس انتَ تحب الجهال؟

فهد : لا صح احبهم بس ما اريد

بنان : خاف متريد مني لو شنو ؟

فهد : مو ما اريد منج بالعكس بس مو هسه عوفي سالفة الجهال انسيها لتخليها بالج

بنان : بس اني اريد شبيك فهد مو هسه جنت تحجي تكلي خلي نجيب

فهد : ايي بس مو صدك بس داشوف شتكولين

بنان : اعرف متريد اصلا اطفال منيي كول متريد مني وفضها

فهد : بنان شبيج ليش ما اريد منج بس اكول ميحتاج

درت وجهي بزعل عنه واجه حضني گال

_ مو اله نجيب انتِ موجوده احلئ طفله عندي

بنان : اني مو طفله

فهد : لا طفله

بنان : لعد لو طفله ليش زوجتني؟

گام يضحك حيلل وگال : انتِ مو مال واحد لطف الجو وياج شو تعايي

گام يدغدغني واني اضحك ويبطع قبلات علئ وجهي وركبتيي ورها گال

_ احبج بنان

بنان : واني هم

___________________

همام
كعدت الصبح على صوت الديجي معلوك وياسر يركص رأسا تذكرت مَي طكيتها بركضة ورحت ابدل

ياسر لزمني : وين شبيك مخبوص ومبدل وين رايح

همام : راح اروح لاصدقائي

ايهم : چذاب

همام : هاي شنو ممقبوله منك يلا حروح

ياسر : روح عمي رووووح بس مو اليوم عرسس

همام : قابل العرس الصبح شو ولي

ركضت شغلت السيارة وكبل رحت للمستشفى ...
دخلت للمستشفى واني ادور عليها وافتر بالمستشفى وهي ماكو حسيت بشعور قلق مو طبيعي إلى أن دكت علية

رديت عليها : اهلا مَي

- اهلا بيك انتَ اجيت للمستشفى ؟

همام : اي دا ادور عليج هسه اني بالطابق الثاني

- هـاا

همام : بالطاااابق الثاني اني

_ هـاا

همام : بالطايق الثانييي انيي

- مداا اسمعك زين

همام : لج اني فووووك بالصخام الثاااني

- ياااا أنزل اني برا

سديت المكالمه منه واني معصب فهاوتها تشوط الواحد .. ورجعت بسرعه طلعت ليبرا لكيتها كاعده بنفس هذاك المكان

هي أول مشافتني اجتي علية بسرعه

مَي : احمم هلو شلونك

همام : تمام وأنتِ

مَي : زينه

همام : شنو الموضوع

مَي : موضوع حيل چبير .. انتَ محامي مكتوب بالكارت الي انطيته الي هذيج المره

همام : اي ؟

مَي : شوف مادري شلون اشرح الموضوع اني

همام : اول شي خل اكعد ترا رجلية تعبت واني اركض ادور عليج فوكاها ساعتين تحجين بالمكالمه

مي : غير ما سمعتك

همام
رحنا كعدنا وهي بدت تسولف وعيونها مدمعه : اختي متزوجه ورجلها بس يضربها ابد ممرتاحه وياه وتريد تتطلك منه

همام : يعني تريدون توكلوني هالقضية ؟

مَي : بالضبط .. بس رجلها ميقبل يطلكها

همام : شنو ميطلكها بكيفه ؟

مَي : صارلها سنين على هذا الحال .. البارحه لما دكيت عليك واني ابجي جنت رايحتلها وشفتها فاقده الوعي من الضرب حتى وجهها مينشاف

همام : زين عدهم اطفال همه؟

مَي : لا

همام : تمام تكدرون تجوني باجر لمكتبي نتفاهم ؟

مي : اني ماكدر اجي احتمال أبوية يجي لان كلتله اني سمعت من صديقتي هذا المحامي هذا زين

همام : من صديقتج ؟

مَي : هـا

همام : بس منية صديقتج يعني هي موكلتني قضية ؟

مَي : لا كرايبهم موكلتك بس بما انوا مدحوا بيك فـ اتمنى تنجح بهاي القضية لان اختي هواي دتتعذب متصور شكد اريدها ترتاح

همام : تمام مثل مكلت تعالو باجر لمكتبي وان شاء الله خير

مَي : تمام شكراً .. نعتمد عليك

همام : ما دام القضية يمي فـ سهله

هي باوعتلي وكالت : هـاا

ابتسمت الها ابتسامه مصطنعه : أنتِ هيج فاهيه لو تنصبين علية ؟

مَي : انتَ ليش تشوفني فاهيه هـااا ؟؟؟

همام : لان صدك فاهيه

مَي : مو هسه جنه نحجي

همام : اي وهسه هم دنحجي

مي : هـاا

همام : رحمتك ربي

______________

ياسر
رحت اشوف ايهم لكيت نايمه وكمت اصيح بي

_ لكك كومم شوفو لازم من هسه اخذك للحلاق يصخم وجهك

ايهم : يصخمممم وجهي

ياسر : اي شبيك يطلعك حلو

ايهم : بس اني حلو ترا

حجى ياسر وهو ممقتنع : اممممم اي اي تمشي

ايهم : دنجب من حلاتك وتحجي علية

دخلو فهد و حسن : لك هاي شنو بعدكم

ايهم : ترا دنيا الصبح

فهد ؛ شوف هذا واذا دنيا الصبح امشي كومو تجهزوا بعد شوية تلكي البيت مليان ناس وعالم

ياسر : والله كلتله

حسن : امشوا اخذكم اني

ايهم : دقيقه خل ابدل

ياسر : عليكم الله احجوا الصدك اني القاط مالي حلوو

فهد : حلو لتخاف انتَ الحبايب كاتلات نفسهن عليك .. لا وشوف حيلبس اسود ولك اني لبست اسود ابتليت على عمري صار حرام البسه

ايهم : ليش اني حلبس اسود

حسن : واني هم جايب اسود

ياسر : واني اسود شنو هاي عصابة شطلعتتت

فهد : اني هم جبت اسود والله فلا استغني عنه

ياسر : لك شلون شو مادري انتوا غير تحجون شمشترين شنو كلنا اسود لعد حمام شجايب يا لون

فهد : همام جايب نيلي يمكن

ياسر : همزين مو مثلي

حسن : ترا كلنا نفس اللون شمعنى مضجت من عدنا الا حمامك ترا لعبتوا روحنا بعراكم

ياسر : ديلا كافي احس فشله لابسين نفس اللون .. اصلا اني لبست الاسود علمود فد واحد

ايهم : منو منو

فهد : اي منووو

ياسر : هيج ميخصكم

فهد : هسه شنو كلنا نلبس اسود

حسن : لا اني راح اغير عندي غير لون

فهد : راح تنكفخون واحد واحد امشوا بدلو خلي نروح للحلاق اهمداااااكم باع العريس نايم ولا يمه

ياسر : هذا كلسع اكعد بي ويرجع ينام

ايهم ؛ شمدريني شو بس انعس مدري شجاني يلا كايم

فهد : اي يلا كوموا لا كل واحد انطي راجدي

حسن : كفو منك سيادة الضابط

فهد : وانتَ هم انچب

حسن : اني ؟

فهد : اي عادي اكُلك انچب لان اني اخيّك الجبير

ياسر : قصدك البعير

فهد : ياسر دير بالك تتلاعب ب اعصابي اليوم

ياسر : اوي عيني شبيك نازوكي

فهد : هاي عليمن

ياسر : علية هيهيهيهيهي

فهد : اي عبالي .. لككككك ايهم اكعد يلااا

ايهم : كمت كمت

_________________

روان
طبت علينا خاله رحاب تعيط وتكول كومو حضروا نفسكم تروحون للصالون

ورزان كامت تبجي وخايفه وترجف وبنان جتي تهدي بيها جفصت بالموضوع وكامت تبجي وياها

وريم ملتهيه تحضر فستانها وغراضها وبدينا نحضر الغراض والبچي ملا الغرفه

عيطت عليهم والدمعه بعيني : كافي لتبجون يلا هو عرس ورزان يمنا متروح

بنان : شنو عرس هي هيج كلمه تنكال

من بين كل هذا الوضع كالت رزان وهي تبجي : تمنيت ماما الهام موجوده .. هل ايام مدتفارق بالي

بچينا كلنا وياها ما تحملنا وضلينا نتذكر لحد ما بدلنا ولبسنا فساتين

اني لبست فستان بيجي جان طويل ومنفوش ومستور

بنان لبست فستان اسود مال محجبات كالت اني وفهد نريد نفس اللون

روان : شنو لازم فاتحه ؟

بنان : لج بابا شبيج مثل ما الاسود يعاندني ويلبسه اني عاندته لان اكيد يطلعني حلوة مثل ميطلعه حلو خل يصبرلي

روان : عفية عليج بدأ مخيخج يشتغل عدل

بنان : اي اوووففف

بالنسبه لرزان اخذت بدلتها وياها تكمل كلشي بالصالون وريم لبست فستان وردي بس شوية طوخ مال محجبات

كالت خاله رحاب : فهد أخذ ايهم وحسن وهمام وبقى ياسر راح يوصلنا للصالون ويرجع يروح هناك يمهم

اوييي يَسورتي موجوده احس گلبي كام يدك وابتسمت

ريم انتبهت : شكي حلكج شكي

روان : اي شبيجججج وياي امشي خنروح

نزلنا بالسرة ومريم طلعت : لك هاي شطالعات عيني تخبلون صلوات

جتي فرح لابسه بدله حمره : شوفيييي لابسه بدله حمره احلى منج اني طالعه

روان : لا اني ياحلئ

فرح : لا اني

رحاب : يلا يمه ياسر ينتضرنا بره
طلعنا نضحك كلنا وتحشيش عالاخير

زوزو ضلوا يمها عمو محمد وعمو زياد

اول مطلعنا من البيت شفت ياسر منتچي عالسيارة وهوه كاشخ ومناظره طالعه صاك

أندار علينا بدون انتباه : يلا عاد شنو نمتوا جوا

رحاب : جينا جينا

كالت ريم : اني حكعد بالصدر

روان : لااااا اني

ريم ؛ والله اني يعني انيييي روحي صعدي ليورا يم الجامه بس اني هنا

فرح : ماااا مااا اريد اني هنا بالصدر

هو التفت من شافنا نتعارك وفكك عيونه من شافني عاط

_ شنووو تضلين هيج بدون صخام على شعرج ؟

روان : عوف شعري يمعود اني اريد اصعد ليكدام

كالت بنان : يمعودات فضوها

رزان : مااااريد ارووووح لصالووون

رحاب : سكتي ولج

مريم : اني حلوة طالعه .. خما بطني مبينه

بنان : تجننين عمري

كال ياسر : محد يصعد ليكدام

روان : عزاااا معلية

ريم : والله اني هم اريد اصعددد

ياسر انجبن هاي هي وكفشتها تريد تصعد وانتي هم احسن شي تعاي يمه صعدي صارت قصة عنتر

صعدت خاله رحاب ويمها فرح ليكدام وكلنا اندحسنا ليورا وروان تصيح : اووووي شبيكم اختنكت

ريم : كله صوجج

روان : واني شعلية

رزان : عفيه ماريد اروح رجعوني

مريم : وين نرجعج بعد

بنان : يلا كافي

روان
وصلنا بعد ساعه للصالون وبدوا يمكيجون بينه وحان مكياجنه كُلش خفيف وشعري سويت تسريحه بسيطه

وريم مكياجها يجنن التفتت الي وكالت : عليج الله اني طالعه حلوة

روان : والله اي اي اي اي

ريم : شدعووواج

أما رزان بنان وخاله رحاب ما عافوها وضلوا يمها
بنان صارت تجنن ويه المكياج الخفيف الي فهد وصه توصياته الها

روان : لج اليوم شطالعهه

بنان : حياتي وانتي تجننين

روان : اني ضجت هذا ياسر يحجي على شعري

بنان : عادي يمعوده هو هذا ياسر

روان : كل مرة هيج يسوي وية الحجاب حاط دوبه ويه شعري

بنان : يغاررر

جتي ريم كالت : لج رزان هاي شطالعه وية البدله لاااا تجننين والله

رزان : كافي خجلتونييي

كملنا كُلشي وعدلنا نفسنا

جبنا البركع ولبسناه الرزان ولفيناها لف وهي العبره بصوتها : احس راح ابجي بس اخاف المكياج لا يخرب كله

بنان : لتبچين اضحكي شو باعي علية اضحكيييي

رزان : ماكدر احس الذكريات كلها جتي على بالي دا اتذكر كلشييي هسه صار

بجيت واني اباوع الهم : عفية راح ابجي

ريم : لتبجون يمعودات

رحاب : يلا ماما كافي بجي بالعكس اضحكوا افرحوا ركصوا عرس اختكم هذا ليش تكلبوه مناحه

دك تليفون خاله رحاب وكامت تحجي وهي تضحك بعدين سدته وكالت : ولكم عيني راح يجي ياسر يرجعنا للبيت لان بعدين ايهم وجماعته يجون حتى ياخذون رزونه

بنان : بس خاله ميكفي المكان

رحاب : رح يجي وياه فهد

_________________

بنان
لما كالت فهد احس فرحت حتى يشوفني بسيطه فهددد
مرت دقايق وفعلاً رزان طلعناها وروان تشيل ببدلتها من ورا وخاله رحاب وياها وريم كله بسيارة ياسر
واني رحت صعدت بسيارة فهد

فتحت الباب وردت اصعدت

سمعته كال : قل اعوذ برب الفلق شطالعه درابين گلبي

بنان : هاااا لايكلي الاسود ؟

فهد : اممم يجنن عليج

بنان : ها يعني ما غرت

بس كلت هيج هو ضحك : ليش اغار اذا أنتِ ويه النسوان واذا عالزفه ف أنتِ وياي بسيارتي يعني محد راح يشوفج غيري .. افكس واقلع عيون اليباوعلج

ابتسمت اله وهو يباوعلي ويبتسم مشغل معزوفات كلتله

_ ايهم وهاي شصار عليهم

فهد : حضرناله سيارة تطك بالكاع زيناها وجماعته اصدقائه شكد اجوي

ابتسمت واني اتذكر رزان شلون خايفه .. لان عرسها بس أن شاء الله ترتاح وايهم يعوضها خير عن اللي فات

_______________

روان
وصلنا للبيت ونزلنا كلنا والنسوان الي بالبيت شكد ما عدا الجيران ومعارف خاله رحاب وزوزو محطت واحد ما عازمته دانزل علاليك غراضنا

جرني ياسر على صفحه : ولج عمي شطالعه اليوم أنتِ

ابتسمت وكلت : شطالعه مو معاجبتك كفشتي ؟

ياسر : اموت عليها .. بس ماريد أحد يشوفها افكر احطج بقوطيه ومحد يشوفج غيري اني

روان : يا يا

ياسر : اييييي

روان : تعال شو انتَ طالع حلووو شنو هاي كل مرة تطلع حلو انت ديربالك لحد تشوفك من هذني المعزومات اخاف يسوولك سحر وتعوفنييي

ياسر : لتخافين حتى سحر ام عباس ميفيد عمي اني متخبل بحبج طركاعتيييي

روان : احبك

ياسر : لك شلون لحظات هاي

ضحكت وگلت : حروح اطب كلهم طبوا ترا

ياسر : اي طبي

ضحكت وطبيت وهو واكف واسمعه يغني : تخربط نومي في ليلي تخربط .. خربطتييييي نومتي شحجي شكول

ابتسمت اله وطبيت ركض ليجوا

________________

بنان
اول مطبيت وية رزان للبيت النسوان كامن يهلهلون
وريم ركضت شعلت اغاني خاله رحاب التهت تروح منا تجي منا روان جانت تجيب غراض من السيارة واجتي

كالت رزان بخوف : اني خايفه حيل راح انجلط

بنان : شبيج لتخافين من صدك خاف يصير بيچ شي

رزان : بنان راح تنزل دموعي

بنان : ريم تجيج هداده

منشوف غير ريم وروان وكفن بالنص ويركصن متنا ضحك بعدها لما زوزو كامت تهوس وياهن هي وعكازتها

مرت ساعتين هيج دك علية فهد : اجينا ترا

بنان : وين وصلتوا يعني

- ماكو بعد شوية نطب المنطقه

سمعت صوت من يمه وهوسات

بنان : تمام راح اكوللهم

سديت الاتصال ورحت كلت لخاله رحاب وبلغنا الكل

جتي ريم : ترا اجوي يمكن وصلوا بداية الفرع صوت هورنات والدنيا احتركت

دمعت رزان وكامت حضنتنا وبچت ماتحملت

حضناها كلنا وصرنا نبجي وياها وريم عاطت : ولجن المكياااااج

ماكو خلال دقايق وصلوا يم الباب صاحوا العريس حيجي ياخذها

رزان : الله ياخذني ماريد اروووح

بنان : شنو هل حجي رزان كافي خوف

رزان : مادري بنان مادريي

روان : يلا كافي حچي ايهم حيفوت

ثواني وسمعنا هلهولة زوزو وخاله رحاب والجكليت يتطافر علينا مثل المطر

ضحكت ريم : انفشخت بالجكليته

فات ايهم وهو يضحك وكفت رزان وهي ترجف وتباوعلنا بطرف عينها : ياربي صارت صدك
طكيناها بضحكه كلنا

اجه وراه عمو محمد وضل يحجي وية ايهم ويوصيه عليها وزوزو يمهم تمسح بدموعها

عمو زياد كال : رزان بنتي مثل ما ايهم ابني لحد يوصي عليها

وراها دمعنا عالمنظر الي صاير والمزيقه والصوت والولد ذبوا لحم يركصون

انتبهت فهد جان واكف يم عمو محمد وصافن علية ابتسمت اله بضحكه

روان كالت بعصبية : شوف هذني شلون يباوعن

بنان : عليمن ؟

روان : شسمه عالولد

بنان : اها ع الولد

اجتي خالة رحاب تركض : ريم بسرعه جيبيلي العلاليك صايرة يم الكليدور بسرعههه

راحت ريم وضلينا واكفين والهلاهل والجكليت لحد الان

وروان تضحك : شنو هاي ميخلص الجكليت

بنان : دسكتي زفو اختج زفة تجنن يارب تتوفق بحياتها

روان : أن شاء الله

___________________

ريم
رحت اركض اجيب العلاليك مدري امي شحاطه بيهن طابوك يمكن

شلتهن كلهن ورجعت طلعتهن لامي
رزان وأيهم صعدوا بالسيارة

بعدها بدت السيارت والشباب يخفون كل عائله تصعد بسيارتهم

اجه علية همام يضحك : ولج هاي شطالعه

ريم : شلوووني

همام : والله تخبلين

ضحكت وحضنته : يعمري والله انتَ هم حلو اخويه العزيز

همام : كبت الحنيه ههههههَ باعي كلهم صعدوا فهد و بنان راحوا وحسن ومريم هم بقت سيارتنا بيها أبوية وعمي وياسر يسوق بس ما اتوقع المكان يكفي .. تروحين وياهم؟

شهكت : وروان وينها وانتَ وين تروح ماكو ميكفينا

همام : نروح بسيارة مؤمل هسه احجي ويا

ريم : شنووو

همام : اي شبيج

راح همام وجتي روان : عفية هستوهم ديطلعون خلينا نلحك ونروح وياهم خالة رحاب وزوزو راحوا مدري بيا سيارة وعافوني عبالي اروح وياهن

ريم : صبري عساس بسيارة مؤمل نروح

روان : يمههه صدك

ريم : اي والله

دقايق و اجانه همام كال : يلا تعالن حنروح بسيارة مؤمل

فرحنا ورحنا ركض ويه همام
اول مصعدنا بالسيارة صارت بوجهنا اسيل اخت مؤمل كعدنا نطك سوالف وياها و مؤمل ما قصر ويه الاغاني علكها علك

روان اباوع عليها وية التصوير وتصور السيارات لحد ما مدري وين نزلت للمصور طكوا صور ورجعوا صعدوا

مرت ساعتين هيج وصلنا للفندق

كال همام بضحكه : تنزلن لو خاف تضيعن

مؤمل : لا خليهن هنا خاف يضيعن

كلت بعصبية : لا ليش نضيع امشي روان ننزل

روان : اي منضيع اريد اروح لأختي

نزلنا من السيارة واجه همام يمنا گال : لحد تجي كلها ولد وصخام وين البنات متشوفوهن كل وحده وية امها وخالتها وامي مادري وين هسه تلكنها وياها راحت بعد شكو بقيتن

روان : يمههه اختيييي

ريم : بت عمييي وخالتيييي

همام : انچبن وروحن صعدن بالسيارة بسرعه

ريم : مااا مااا حروح اني

روان : اكيد اني هم حروح لان اختي

همام : امشوا اوديكم يم بنان وفهد

رحنا ودانه همام وكفنا يم بنان وضلينا نسولف شوية لحد ما شفناها وياها امي نزلت من السيارة

ريم : اني عطشت

روان : وقت محرج

ريم : همزين عندي فلوس ماكو هنا اشتري مي

روان : هناك محل

رحت دا امشي اني وفستاني اريد اشتري مي فتت من ورا السيارات ماحس غير احد صار بوجهي

سمعت صوته كال : اي اي خوش تحضنين

رفعت راسي بصدمه هذا شجابه : شنو شقصدك ؟

مؤمل : هيج

ريم : وخر خليني اروح بكل موقف لازم تطلع بوجهي

مؤمل : تعودي علية يبعد روحي

ريم : عزا وخر

مؤمل : وين تردين ترا سيارتي مو منا ؟

ريم : ترا اريد اشرب مي بعدين شقصدك اعرف احضن شايفني المن احضن ولد غريب مثلا وهيج واكف تحاسب والله يا الله

مؤمل : همام

ريم : بس ترا اخويه انتَ شنو تحاسبني ترا ما الك اي صلة بية ؟

مؤمل : لا اكو

ريم : ماااااكو

مؤمل : هسه تشوفين .. هاج هذا عندي مي

ريم : ما اريد شكراً

مؤمل : كلت هاااج

اخذته منه وباوعتله لان جنت عطشانه ومابية حيل امشي واروح اشتري تعاجزت : خما شارب من عنده

مؤمل : لا جديد شنو تتنگسين مني ؟

ريم : ايي اكيد

مؤمل : بسيطه ريم دا اجمعهن واعرف شوكت اطلعهن

ريم : اي اي شوكت متطلعهن طلعهن

فتحت المي وشربته وكلتله: هاك حتى ألمي مالك موطيب حار

مؤمل : شتريدينه ثلج والدنيا جهنم من الحر

ريم : وخر خل اروح ارجع يم روان احسن انتَ تضيعلي وقتي

ابتسم بوجهي : اي اي اني اعلمج

درت وجهي بغرور ورحت يم روان وبنان وبعدين ورا ما طبوا كل واحد صعد بسيارته

اجه همام كال : نروح بسيارة فهد مؤمل طريقه غير شي حيرجع لبيتهم

روان همست الي : وين ياسر

ضحكت وگلت : تلكين هسه أبوية وعمو زياد حابسيه بالسيارة ومنازلين ما شفتهم

روان : خطيههههه اوي امشي حصعد مدام هو ماكو ما أنزل اني

ريم : الحب يبويا

اجه فهد وگال : يلا منو يجي ويانه هسه

ريم : اني وهمام و روان

فهد : مؤمل وينه

اجه همام : مؤمل راح هسه جنت يمه

فهد : خوش يلا تعالو

________________

روان
من صعدنا نريد نرجع احس انهظمت ما شفت ياسر موجود خطيه منزل

ضليت اباوع من الشباك تذكرت رزان ابتسمت
اباوع لريم وبنان يصورون ماشوف غير اجتي سيارة بصفنا وكلها ولد اباوع لفهد وهمام محد منتبه وهمه صاروا قريبين يمنا بحيث نسمع حجيهم بس محد انتبه من الولد وضلوا يشمرون حجي بالذات يمكن علية لان جنت يم الجامه

درت وجهي بضحكه على بنان وريم و همست : اني شلون ويه ذوله

ريم : وج اسكتي هههههههَ اتخيل ياسر هنا يتخبلللل

روان : اوف مادري وينه

ريم : هسه يجي موجود .. هسه اريد اوصل بسرعه اسولفلكم موقفي

بنان : ها ها يا موقف

ريم : لج صوتج لحد يسمع

انداريت هذوله بعدهم لحد ما وصلت سيارة بصفنا من الجهه الثانيه ونشوف ياسر بيها وهو يضحك ومشغل اغاني ابتسمت وهو باوعلي وغمز صرت مثل المخبله بس اوزع ابتسامات اله

نزل جامته وحجى : تتسابقون

عاط فهد : شغل مخك يا سباق اكعد راحههه

ياسر : ضل ضل نفسييييه

بعدها منشوف غير تراب بوجها وضحك ماله والي رجعنا كضيناها ضحك وتصوير

وصلنا للبيت بعد تعب طويل وكفت سياراتنا بالباب ونزلنا بتعب كل واحد حاير بروحه

نزعت الكعب مالي واني اشوف رجلية حمره : اويييي يمه باع رجليناتي

ماحس غير ياسر من وراي كال : اويييييي عمي شبيهن رجليج

روان : الكعب ما اتوالم وياه

ياسر " غمز " : اشيلج

روان : ادبسزز سرسري

ياسر : ايييي مشفتج شو

روان : ولا اني شفتك وتريد الصدك ضجت واني ادور عليك

ياسر : لتخافين عالجايات سوة

روان : امممم اييييي .. اكلك اني طالعه حلوة اليوم

ياسر : تخبليننننن بس شعرج اخخخ ربالي علّة بگلبي

لزمت شعري والعب بي وامشي كدامه : اي مو شفت تغزلو بية

مشى بسرعه وصار كدامي : منو ؟ منو متغزل بيج ؟

روان : من جنت بالسيارة اكو سيارة يمنا جتي وشسمه يعني تغزلو بالجمال الكدامك

ياسر : منووو نعرفهم لو غربه ؟

روان : اكعد راحه " اميري الوسيم " غربه

شفت عيونه نطن من مكانهن وجهه صار احمر : وانتي شصخمتي

روان : مادري درت وجهي اسولف ويه البنات وهمه راحوا لان مانطيتهم وجه

ضل يباوعلي وهو عصبي : استغفر الله يا الله وفرحانه تحجي كدامي طبييييي لج طبي راح تنكفخين شلون عين صلفه

روان : اوي لك عيني اوي انتَ شرايود

ياسر : دمشيييييي لج

روان : على كيفك

ياسر : روان امشي

________________

رزان
وصلنه للفندق الخوف والرعب والتوتر والبجي وكُلشي اجاني بهل لحظه وگلبي احس حيوكف اجت خاله رحاب حجت ويايه شويه فهمتنيي وانيي احس طامسه روحي من الفشله والاحراج ..

كاعده واطكطك بصابيع ايدي وجان يفوت ايهم هوه فات واني احس اريد اتخربط جان يجي عليه بأبتسامه ويشيل بركع ويبوسني من راسي وگال

_ ها شلونها مرتيي الطالعه تخبل

ابتسمت ابتسامه وي رجفه جان يحضني ويكُلي

_ فرحان حيل اني واخيرا اجتمعنه بغرفة وحده اني وياج

جاوبته وگلت : ايي

ايهم : شنو الي ايي

رزان : اني فرحانه

ايهم : ممبين اشو

دمعت وكعدت علئ الجربايه وگلت : ايهم خايفه

ايهم : من شنو

رزان : ما ادري ما ادري متوتره حيل واحس حتخربط

ايهم : شنو خايفه مني

رزان : ما ادريي

اجه حضني وگال

_ لتخافين رزان اني ما اريدج تخافين مني ومراح اجبرج علئ اي شي ومن اليوم انتِ مرتي وعلئ ذمتي وراح احطج بنص عيوني

ابتسمت واحس ارتاحيت من حجه هيج جان يكول

_ ابتسمي ابتسمي يروح ايهم

رزان : احبك

ضحك وگال : شنو شكلتي لا ولج هيج راح تجنين علئ نفسج

رزان : ايهم

ايهم : جوعانه انتِ

رزان : لا

ايهم : اني هم

رزان :ايي

ايهم : هسه شنو

رزان : ما ادري

ايهم : نفوت نسبح ؟

رزان : اي فوت اسبح

ايهم : تؤؤ وياج

رزان : شنو لا صدك راح اتخربط هسه

ايهم : يلا لتتخربطين بهل ليله باجر عكبه شنكول الزعاطيطنه نكللهم امكم تخربطت بليلة العرس

رزان : مو انتَ تحجي حجي " ونزلت راسي "

ايهم : يلا الايام كدامنه عادي

اخذله صفنه علئ وجهي وگال

ايهم : احبج رزون احبج ام باچه

ابتسمت وگلت : احبك دكتوري

ايهم : يمهه اروح فدوه الج ودكتورج

اشو اشوف عيونه صارت علئ شفايفي لزمهن بصبع ايده گلبي كام يدك بقوه احس راح يوكف گام جرني وصار فوكايه وباسني علئ كيف بشفتي وگال

_ اريد من اليوم اي شي يصير تحجيلي واني هم احجيلج كُلشي واريد نتشارك بكلشي رزون

اباوع عليه صار يلهث وگال

_ هاا شو صفنتي

شو ما اشوف غير رجع علئ كيف يبوسني بشفتي و نزل الركبتي يبطع قبلات وبده ينزعني بدلتيي ورها نزع قميصه ووو منا بدت ليلتنا

واني مشاعري متخربطه وما اعرف شسوي بس بداخلي راضيه علئ الي ديصير واحس اختاريت الشخص الصح والي اكدر اثق بي و الي يكدر يعوضني عن كُلشي محلو صار بحياتي وجانت هل ليله من احلئ ليالي وجان خوفي كله بدون سبب ..

____________________

ريم
بالليل تجمعنا بالغرفه كلنا حتى بنان يمنا وكعدت اسولف الهم

ريم : مؤمل مؤمللللللل

بنان : شبي

روان : شبي يا ستار

ريم : شافنيييييي

بنان : وشكال المحروس

ريم : لج من فرحتي مادري شداحجي هو غيران علية من همام

ما احس غير روان ضحكتها ملت الغرفه : هيو شبيچ

وبنان هم ضحكت : ليش ؟

ريم : يكولي خوش تحضنين

وروان تزيد بضحكتها : يربي شبيجن تضحكننن ترا غيراااان

بنان : تعاي تعاي شلون شافج وانتي جنتي يمنا

ريم : رحت عساس اشتري مي بس مخلاني لان يغار سوده عليهه

روان : اوي عشتو

ريم : وانطاني مي منه شربته

بنان : هاي شنوووو عينيييي

ريم : لا لا جديد البطل

روان : هسه ارتاحي شفتي مؤمل واني ما شفتتتت يَسورتي

ريم : بسم الله بسم الله لتحسديني

روان : شحسد ترا شفته وسولفنا من اجيت

بنان : شوف هاي راح تنصفك راجدي تحجي عينك عينك كدامي اصلا واضح وعرفت من نضراتج تحبينههه وانتِ ريم تعرفين موو

ريم : ها

بنان : بسيطه روان

روان : هسه شنو شمسويه مصيبة شو كاضيها نتعارك .. اصلا حلو الحب هيج مو مثل هاي كاعده وتكتب بدفترها عبارات رومانسيه لج بابا تعلمي مني يكولي احبج اكوله انجب

بنان : عزاااا عزا

روان : اكول شلون متعرفين يعني ما انتبهتي علية من احجي وهاي

بنان : بسيطه روان اني الج هسه نعسانه حروح انام باجر حيجون الصبح رزان وأيهم

ريم : وانتِ من اهلو دادا زائد ترا ياسر مو غريب يعني حتى تخافين على اخيتج

بنان : من شنو اخاف ياسر اعرفه والله اخ وصديق بس يعني ميصير

روان : امممم

بنان : يلا ولن

طلعت بنات وباوعت لروان : اكلج هي متدري ؟

روان : شمدريني بعد چفصت كدامها

ريم : الچفصه في كل وقت

_________________

غرفة ياسر

متمدد بعصبية : هسه اني جوعان

همام : اني هم

ياسر : نوصي من الانترنيت

همام : دنيا الليل يا مطعم يفتح

ياسر : شمدريني بس جعت من عصبيتي

همام : على كيفك خويه

همام : متحس مكان ايهم خالي هو و رزايله

ياسر : يجيك ميعوفك .. بس والله اني هم تعلمت عليه

همام : اي هسه شنو نوصي

ياسر : لا ليش حروح لريم تسويلي لو روان

همام : هذني اذا يعرفن اكص ايدي

ياسر : اسأل واجي

همام : تمام

كمت رحت لغرفة ريم ودكيت الباب : افتحن لا اكسرها على روسجن ادري منايماااااات

انفتحت الباب شوي شوي وريم تفرك بعيونها : انتَ شنو متخلي الواحد يرتاح

ياسر : جوعان

ريم : وشسويلك اني

ياسر : اريد اكل

ريم : شو دروح خل انام

ماشوف غير انمدت كفشة طركاعتي وكدامي ومبينه كاعده من النوم : هاي شكو شبيكم شصاير

ياسر : سلامتج عمي بس جوعان والله شنو ماكو گلب حنين ويكول ياسر جوعان يريد ياكل ويسويلي اوف

ريم : ماكدر ياسر والله نعسانههه

روان : اني هم

ياسر : وامي نايمه حلوها بينكم اريد اكل منية تعرف .. ها مو بس اني همام هم

روان : ياسر الساعه 3 بالليل

ياسر : هسه عادي سوي ايشي

ريم : ها تريد روان تسوي يلا حنام اني

روان : لا والله اني ماعرف انتي يريدج

ريم: لا هو كلج عادي سوي ايشي

روان : ياسررررر

ياسر : اي وحده شبيجن يلا منية بسرعه ترا ميت جوع

طلعت روان كدامي وريم سدت الباب

روان : اني ماعرف شلون حتى منايمه زين

ياسر : حتى لو سوي جبن وجاي

روان : الجبن شلون اسوي موجود حسوي بس جاي وهاهيه لان ماعرف

ياسر : لو موصي احسلي

روان : على فكرة اذا اطبخ ترا اكلي طيب اني بس ماعرف

حجيت : عوفيج من الاكل .. خاف كطعت نومتج

روان : ابد ما كطعتها بس يلا مدام اكل لياسر كلشي يهون حتى النومه

ياسر : تعاي ابوسج

روان : سرسري صاير وخرررر

ياسر : هاي شنو وأنتِ تستحين معرفتج

روان : ما استحي

دنمشي ونحجي طلع بوجهنا همام : ها روان حتسوي ؟

روان : اسوي جاي

ضحك همام : والله مسوية فضل ست روان

روان : ترا ارجع اكمل نومتي

ياسر : شبيك انتَ عمي قصدها جبن ناكل وتسويلنا جاي

همام : شنو لعد شبقى للريوك

روان : هاااا ترا ازعل

ياسر : بس امشي مو والله متت جوع

راحت للمطبخ وضلت تطركع وتسوي جاي وطلعت جبن

كعد همام كبالي وهو دايخ : شبيك

همام : مادري ياسر

ياسر : هاي شنو دحجي

همام : بعدين

ياسر : انت هم صاير تستحي

همام : دنجب لك

جتي وجابت الاكل خلته وكالت : يلا باي

ياسر : هاي شنو وين

روان : انهمد لتنسى ترا منايمه وكعدتني انتَ

ياسر : مشكورة عمي

همام : مشكورة خويه

همام : احس ما أشتهي حروح انام

ياسر : وين وين تعال على واهسي

همام : مو ما اشتهي

ياسر : عليكككك الله اكتلك اذا متاكل

همام : والله هاي حلوهه

ياسر : غصبا عليك يلا اكلل

__________________

بنان
من رحت اريد انام جنت كلش نعسانه
فهد جان كاعد على اللابتوب ويبحث رحت اريد انام وغطيت راسي

حسيت ورا شوية بحركته وراها اجه نام يمي

حجى بأذني وهو يهمس : كاعده ؟

التفيت عليه بتعب : اي كاعده

ابتسم الية واني حضنته : جنتي حيل حلوة اليوم بس الاسود ضارب عليج وأنتِ بيضه تنكرطين بويه

بنان : ايييي مثل ما انتَ لبست الاسود مالتك

فهد : اني متعود عليه من زمان بس ما اقبل تلبسين اسود بعد ترا تجيبين العين عليج

بنان : اممم وانتَ هم تجيب العينننن

فهد : لا اني وحد

بنان : فهد ردت اسألك سؤال

فهد : اسألي

بنان : شوكت نعقد محكمه؟

فهد : عن قريب

بنان : تمام لعد شوكت يعني الموعد

فهد : عكب باجر ان شاء الله

ابتسمت اله وعيوني دمعت يعني عكب باجر : لعد أخذني لماما الهام ما رحتلها

فهد : بعيني يلا هسه نامي أنتِ هم تعبتي اليوم

ابتسمت وحضنته أكثر : احبك ترا

فهد : احبچ اكثر درابين گلبي

بنان : شنو معناها درابين گلبي شكد اريد اسألك وشمعنى درابييييين گلبي شلون رهمتها الي ؟

ضحك وجاوبني : درابييييين گلبي اوف مادري شكول مينشرح معناها .. بس اريد اكلج فدشي اني هم

بنان : اي كول

فهد : أنتِ الوحيده تتمشين بداربين گلبي دربونه دربونه

دمعت عيوني واني اسمعه يحجي هيج : احبك هوااااي

فهد : اكثرررررر

________________

روان
كعدت الصبح وبدلنا اني وريم لبسنا نفس الفساتين مال بيت حلوات حتى نغور رزان من تجي ونضحك وبنان جانت موجوده جوا

نزلنا نضحك لاكونا ياسر و همام

روان : هاااا شلونه اكلي

ياسر : يا اكل ؟

روان : شنو يا اكل مال البارحه

ضحك همام : ليش هذا يسموه اكل ؟ ترا جاي سويتي

روان : ايييييي بس ترا الجاي هم يعتبر اكل

اندارلي ياسر : اروحن فدوه لليسوي چاي عميي

ريم : نحنُ هنا !

ياسر : احممم

نزلوا كدامنا واحنه نزلنا جوا وكعدنا نسولف لحد ما اجوي ايهم ورزان بسيارة

استقبلناهم وزوزو هل مرة تطش جكليت عليهم وتهلهل

همست ريم : شوفن كل هذا والعرس الي صار وبيت عمي محمود ما اجوي

روان : اوي اصلا نسيتهم اني

ريم : لا اصلا عيب وهو عم البنيه وعم الولد شنيهاي فوك ما بنته هي العايله

بنان : سكتننن

طبت رزان وهي مبتسمه والكل تجمع يم ايهم وضحك وسوالف وياسر لازم الديجي مالته بكل عزا لطّام

وضحك عالاخير

كعدت رزان وضلينا نسولف وياها : هاااا لج شلوونج

رزان : زينه

بنان : شلونج ويه الخوفه

رزان : يعني احسن

ضحكت ريم : اييييي شكو ماكو شصار مصار

بلعت ريكها وكالت : شبيكم شنو تحقيق ؟

روان : لج هااااا صايرة متقبلين تحجين

بنان : ولجن كعدن راحه

رزان : شبيكم يعني عشنو تحجون

روان : ها

رزان : على شنو

شهكت وكالت : يا يا انتن شنو متخجلن

ريم : حياتي ماكو شي اسمه خجل عدنا

بنان : اي اي مبين البارحه منية جانت أحوالها متدهورة وتحجي على

ريم : صووووتج بنان

روان : لا ليش هو بقى عالاسم كولوه وفضوها

رزان : مؤمل

ريم : صوتج عزا لحد يسمع

نطت فرح : شبي عمو مؤمل حبااب

روان : عزا أنتِ منين طلعتي

ريم : تخزينا بسببج رزان

رزان : ها اني شعلية

فرح : شنو شبيكم ؟

بنان : ههههههَ هيجي حبيبتي وين جنتي

فرح : واكفه ورا ريمه

روان : وشعندججج

فرح : بكييييفي

روان : ولييي

اندكت الباب كالت ريم : روان صيحي اخد من الولد يفتحون الباب

روان : وليش مو أنتِ

ريم : مابية حيل

رزان : هسه اي وحده عادي

روان : ماااا

ريم : حباااابه

روان : كمممممت

روان
كمت اصيح احد فشفت رجلينات مال مره كلت اني افتح فتحت الباب طلعت بوجهي خاله احلام فتحت عيوني بصدمه : خاله احلام !

احلام : هلو حبيبتي شلونكم

فاتت تبوسني درت وجهي اريد اسد الباب طلع وراها يوسفف تعصبت حيل واشرتله انو : تفضل

ابتسم بوجهي وفات راح للصاله بكل جرأه
طببتها خاله احلام جوا يم البنات وضلت تسلم عليهن

وتسأل عنهن وكالت : البارحه ما كدرت اجي واليوم اجيت

بنان : هلا بيج خاله بكل وقت

كعدت يمهم شوية وكمت رحت طلعت برا بضوجه وضليت امشي بالحديقه شفت علاليك مال رزان ممطببتهن شلتهن و دا اريد اطب طلع بوجهي يوسف

حجى وهو مبتسم : شلونج روان

خنزرت عليه : زينه .. شوية وخر من رخصتك خليني افوت !

يوسف : لا دقيقه خلي نحجي مادام ماكو احد

روان : ما احب احجي وية احد غريب

يوسف : اني صرت غريب ؟

روان : بعد سوايتك اكيد غريب

يوسف : من حُبي الج بس أنتِ متحسين بية

روان : شنو ما احس بيك انتَ متفهم اني احب ياسر وراح نتزوج اني ما اريدك ولا احبك كأخ لا اكثر

حجى بعصبية : لتكولين اخ اني مو اخوج

روان : لا اخويه انتَ ليش مُصر علية ياخي عوفني عفت مليارات البنات أجيت علية اني شعجبك بية مثلا هااا ؟ ما اريدك يوسف افهم اني ما اريدك ورفضتك ما اعتقد اكدر اسوي أكثر من هل شي حتى تفهم

صار يتقرب علية واني ارجع ليورا : شبيك وخر مني خليني اروح

ظهري انطخ بالحايط واني اكول : شبيك وخر ترا والله اعيط عيطه اخلي الكل يجي يشوفك شدتسوي وخر يوسف ذبيت العلاليك وكمت ادفع بي وهو مبتسم

تقرب عليه حيل شال خصله من شعري وهو يشتمها

شلت ايدي اريد اوخرها من عنده بعصبية ، سمعت صوت ياسر يكول : هاي شديصير هنا !

نهاية البارت
يتبع ..

(لاتنسوا التصويت)

أن شاء الله يعجبكم البارت وترا بال 5000 كلمة 💖

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور