رواية نقطة لقاء الفصل الرابع وثلاثون 34 - بقلم الكاتبة دينا _ الكاتبة نور

"ويأتي عوض الله ولو بعد حين"

>>>>>>>>>>>>>>>>>>>>>>
ايهم
كاعدين كلنا والناس والعالم والدنيا مكلوبه وياسر ذب لحم هو وهمام لا ثكل ولا شي بهل اثناء سمعنا واحد يعيط برا

ايهم بعصبيه : هذا ايمن مو

ياسر : اي يمكن هو

حسن : لتطلع هسه نشوف شغلنا وياه وهاي الناس والعالم كلها كاعده

ايهم : شو وخر خل اطلع

اجه فهد وراية هو ومؤمل : شصاير ؟

همام : چنه ابن عمك راح يعلكها

فهد : فوتو اني اتصرف ويا

ايهم : شو وخرو خل اطلع اشوف شبي ديعيط

طلعت برا والكل طلع وراي الولد

رأسا اول ما شافني ركض علية وسحبني من هدومي

_ متاخذها والله متاخذها رزان اليه اني

دفعته حيل رجع ليورا مسافه : انجب واحترم نفسك

فهد : شصاير انتَ شبيك مخبل راح تخزينا بنص العالم هاي شبيك

ايمن : رززززان الييي اني

ياسر : عمي هي بكيفك انجب واكل حصو ويلا مناا

شو ماشوف غير تقرب علية حيل وضل يهدد : وحق ربك يا ايهم اذا اخذتها متلوم الا نفسك

ايهم : اخذها وغصبا عليك چلب شنو لازم انتَ تحدد البنية قابله بية انتَ شكوو ها ؟

اجه أبوية وصيح : شبيكم مخابيل وانتَ شبيك هيج تعيط

ايمن : محد ديسمع شنو انتوا طرشان ؟ داكول ايهم مياخذ رزان لا اهجم بيتكم هجم

محمد : احترم نفسك لك ارعن شنو هل اسلوب رزان قبلت ب ايهم محد جابرها شنو تجي انتَ تحدد الي ما إلي ليش هي شنو حتى تحدد

فهد : اول شي هي مو سلعه حتى تهجم وتقرر الي و مو الي اسلوبك هذا ويه الأكبر منك رايد تعدله وتتعب عليه لأن همجي مثلك رزان هي قبلت وهي انطت الموافقه بنفسها شكو دتدخل نفسك

ايهم : معليكم لحد يتدخل شغلي وياه

ايمن : واني هم شغلي وياك يا نذل

جيت اضربه بس فهد لزمني : لتخرب العقد مالتك ايهم هسه نشوف شغلنا وياه عوفهه

وخرت ايد فهد وعيطت عليه : شعوووووفه للجلب مدتشوف شلون ديحجي

ايمن : هه ليش شحجيت ؟

قرب ايمن عليه وهمس الي

_ اصلا انتَ شتسوي بيها هي مخطوفه ومتدري شمسوين بيها ممسوين بعد شكو كاتل نفسك عليها

فارت اعصابي لزمته وركعته بوكس : اشرف منك يا نگس يا كو.. ولك انتَ شلون تحجي هيج اليوم انهيك !

اجوي الولد سحبوني ضل يعيط عليه بس ماسمعت شحجه جنت مقهور حيل من ورا هاي كلمته اللي كالها واريد بس الزمه حتئ اكسرهه

راح أبوية وعمي يطلعون بيه وهو يتوعد اخر شي گال

_ اصبرولي عبالك اخليك تتهنئ بيها !

لزمني فهد وضل يحجي : هذا شكالك

ايهم : كلام فارغ مثله

فهد : امشي نطب لتضوج نفسك الدنيا مكلوبه جوا عوفه هو والنعال

ايهم. : لا فوكاها يتوعد

ياسر : ينجب شني يتوعد چا غير ميعرفنا احنه ولد محمد

ضحك همام يغير الوضع حط ايديه علئ كتف ياسر : اي والله احنه ولد محمد خل يجرب يسوي شي ونشوفه منو احنه زين

ايهم : چا لعد اني مو ابن محمد اني ابن زياد

ياسر : جا لعد هيهيهيهيهي شبيك بابا هي چا نفسها لعد

ضحكت على روحي تذكرت مره كلتها لرزان بالغلط وهسه هم عدتها : نسيت من ورا هذا النعال

فهد : دعوفه مو كتلك لتضوج نفسك

ياسر : امشونا عيني امشوا

تونا جاي نطب جوا جان نشوف السيد طب رحبنا بيه وطب للصاله حتى يعقد النا

_________________

رزان
بچيت من خوفتي تجمعوا يمي البنات يهدون بية بس اني جنت خايفه حيل واني اسمع العياط صارت عندي عقده نفسيه من كُل شي فرحتي متكمل ابد لازم يصير شي ويخربها

جتي يمي بنان : هذا ايمن جاي

نزلت دموعي : شعنده جاي هذا

روان : بابا ليش تبجين يولي

رحاب : هو علساس يريد رزان وديتعارك ويه ايهم

ريم : شنو يريدها مو بكيفه

رزان : وهسه شلون شلون عفيه اصواتهم عاليه خاف صار شي

بجيت بقهر وخرب المكياج

عاطت ريم : ثولههههه راح يخرب المكياج

رزان : دعوفي يا مكياج خاف صار شي

روان : استغفر الله

راحت بنان جابتلي كلينس و اجتي واجتي ريم جايبه مكياج وياها رادت تعدله الي اخذتني ؏ صفحهه

ريم : لج بابا لتبجين انتِ انطيتي الموافقه لـ ايهم بعد شعليه ايمن ينبص نفسه

رزان : هذا مخبل مخبل مثل اخته نفس الصنف هو من قبل حاول يحجي وياي بس مجنت اقبل وما انطي وجه واتهزم من اشوفه يعني حتى يفتهم ما اريده بس ماكو

بنان : ينجب مشكلته تضل هاي

روان : ايعععع لا ومنو يريدها ايمن اخو الحيه

اجتي مريم تركض : انتوا حايرات بالمكياج والعركه اصلا فضت واجه السيد

كلت بخوف : كولي والله

مريم : اي والله هسه حسن اجه كلي خلي تجي حتئ يعقدون

انخبصنا كلنا وخاله رحاب ويانه معافتني جابو كرسي حطوه ورا الباب

كعدت وجسمي يرجف واني اسمع صوت الزلم وصوت الشيخ لحد ما ايهم نطى الموافقه
وراها بدا يحجي واحجي وراه

الى أن كال : اذا قبلتِ قولي نعم وانتَ وكيلي

غمضت عيوني والدموع متجمعه بيها ثواني معدوده محسيت غير اني نطيت الموافقه هم : نعم وانتَ وكيلي

رأسا النسوان طكوها هلاهل وخاله رحاب اولتهم وروان وريم يصنفن علية ويضحكن

گالت بنان بضحكه : مبروك عروستنا

روان : شلون هاي راح تعرس قبلي شفتي ريم شلون خانت العهد

ريم : لج اي بلا انتوا عدكم احباء وازواج محجوزين واني حظي حظ ميتسولف مكرود اصلا أمشي نركص بلكي انسى

لزمتني الضحكه على اشكالهن شغلوا الاغانيي وكعدت وكعدت ؏ الكوشه و ريم يمي تعدل بالمكياج
جان تكول

_ خربتي مكياجج حرامات ليش بجيتي امداك ايمن الحقير

رزان : اوفف لتذكريني راح ابجي

بنان : ولج شذكرج اسمعي هو ورا العقد بعد لازم شسمه يجي يمج يكعد يحجي وياج وهاي

رزان : ما احجي ويا انهزم والله

بنان : ليييييش

رزان : ماكدر ماكدر احجي ويا

بنان : هسه غير اعرف ليش

رزان : مااا فستاني قصير لا واحجي ويا اصلا اني مقرره هاي الفقره اكول لخاله رحاب ليجي ولا يشوفني والله ابجي

بنان : عادييي

رزان : شبيج اخجلللل

ريم : ثوووله تخجل اهخخ لو عقدي اله العب لعب بس انتِ الله يسلمج مدري شلون عقليتج بابا فستانج اصلا طويل لو عقدي جان لبس اقصر

جرت ريم روان وراحن يركصن

رزان : عوفي الطول باعي هذني اليوم خوش ركصن .. اني شو ماعرف لعد بس هاي الحقيرة روان

بنان : اليوم النسوان كلها رح يخطبن ريم و روان

ضحكت على ضحكة بنان .. شفنا زوزو كاعده داكه ميانه ويه غير مرة و تسولف

جتي خاله رحاب علينا : يلا رزان تحضري راح يطب ايهم

وانتوا يا بنات لبسن حجابات

اباوع ؏ البنات لبسوا حجابات ضليت ارجف اباوع لايدي ترجففف لزمت فستاني من جوا وعصرته حيل

اجتي علية روان : لتخافين يمعوده لتنجلطين من الخجل

ريم : امداج بابا لتخجلين

دقايق فات ايهم واسمع الهلاهل من كل اتجاه كمت وكفت واني منزله راسي واسمع تصنيف ريم و روان علية الحقيرات اني اعلمهن

شفته وكف كبالي شطووووله وبس ابلع بريكي من الخوف رفع راسي بيدي وباس جيبيني وهمس يم اذني : مبروك النه

باوعت عليه اتهرب من نظراته وكدام البنات ادور يباوعن عليه فكلت بصوت ناصي : ويبارك بيك

كعد بصفي والضحكه تارسه وجهه

همس الي : لج هاي شطالعه

رزان : شطالعه

ايهم : يا صبر ايوب

نزلت راسي بفشلهه لج يوووم حبجي من الخجل احس نقطة دم مضلت بية

كالت زوزو وهي تضحك : شبيكم جامدين دوكلها كيكه شربها عصيررر

لا هناا ردت اتخربط زوزو زودتهاااا

هو مكال لا : مو تدللين

شال قطعه كيكه وكلني وراها شربني العصير وهذني ريم وروان يصفكن ويضحكن الوحيده بنان اللي كل ما اباوعلها متوترني

هو كال بضحكه : ديلا هسه اجه دورج وكليني شربيني

رزان : ها اي

ضلت ايدي ترجف واني أوكل بي بالكوة وهو حابس الضحكه على شكلي

اوف رززززان العوبههه اوف
وراها هذني علكن اغاني والجو اشتعل وهذا بس يضحك

كالت خاله رحاب : يلا نخليهم على راحتهم تعالو بهذيج الغرفه

فككت عيوني بصدمه : شنو وين لا خلينا هنا

باوعتلي زوزو : دمشي لج شنو هنا

ايهم : عفيه عفيه ام الزوز على كلب حفيدها الدكتور

شو ماشوف غير روان تضحك وتهمسلي : ديروا بالكم مو تروحون زايد

كتلها بهمس بدون ميسمع ايهم : نعالات اني الجن بسيطه ولج بنان لحكيلي

بنان : شبيج

رزان : وين عايفيني

بنان : لتخافين ميسوي شي شحدههه

شو هذا سحبني من ايدي وهيج صارت ايدينا متشابكه طببتنا خاله رحاب وطلعت

رحت كعدت ومنزله راسي احس هاهيه انتهيت اصلا
الدمعه بعيني هو اجه كعد بصفي

گال : خفتي ؟

رزان : من شنو

ايهم : من الي صار

رزان : اكيد شوف اني ما احب ايمن اكرهه حيل حيل وهو لازك

شفته سكت وضل صافن علية ويباوع كلتله

_ ليش هيج تباوع اكو شي محلو بية ؟

ايهم : لا ماكو محلو اكو حلووو هواي هم

ضليت فاكه حلكي يمهه شديكول

ايهم : سدي حلكج لتطب بي ذبانه

من كال هل جمله ردت اركع راسي بالحايط من فشلتي

هو رأسا ضحك وحضني : اهخخ رزان متدرين شكد احبج

نزلت دموعي : واني هم

ايهم : ها ؟

رزان : اني هم

ايهم : أنتِ هم تحبيني ؟

متحملت ونزلت دموعي وكمت ابجي : اي مادري يعني انتَ أكثر شخص من بعد خواتي ارتاح اله وافتح اله گلبي وكلشي احجي اله وتعرف كلشي عن حياتي هم وتصدكني من احجي الك

ابتسم الي وگال : راح اعوضج عن الفات كل ثانيه وعدتج اني

نزلت راسي

ايهم : اي والله معلية اليوم ب أي احد اريد اتمعن بـ الجمال الكاعد يمي .. صدك رزان أنتِ ليش حلوة

حسيت السؤال يضحك رأساً ضحكت : شمدريني منيلي حلوه اني بس انتَ تمدح بية هواييي

ايهم : أنتِ احلى بنية بنظري .. و الوردي مطلعج بعد احلى بعد

يمهههه حسيت گلبي حيطلع من مكانه

رأسا هو كال : تدرين شنووو

رزان : شنو

ايهم : أبوية حجى ويه عمي محمد ؏ سالفة البيت بس ما قبل نطلع من هنا .. احس حلو هيج مراح اشتاقلج أنتِ يمي وبنفس البيت شوكت ما اريد اشوفج اجي عليج

رزان : اها تمام

اي صدك تعاي شو اشوف عوفينه من هل موضوع شو كومي اوكفي

رزان : ليش

ايهم : غير اشوفج زين

كمت وكفت جان يكُلي

_ شو افتري

افتريت واني دمعه بعيني جان يكول تعاي كعديي

رزان : هسه اوكف اكعد؟

ايهم : كعدي كعدي

كعدت جان يتقرب علئ وجهي اكثرر وانفاسه ضربتني واني صافنه بوجهه جان يبوسني من خدي ورها وخر وضل صافن بوجهي وعيني بعينه

ورها دك تليفونه ب اسم ياسر

رأسا كام وگال : صارلنا هواي هسه هذوله ينتضروني .. اريد اضل يمج طول هل ساعات والثواني والدقايق .. بس يلاا عادي بالليل اجي احجي وياج خوش مو تضلين تتهزمين

هو طلع واني طلعت وراه جتي روان تضحك : هااا ها شسويتو عزا بعينننننج المكياج سايح بس لا بجيتي

ريم : اشك هدووومي صار كم مرة اعدل بي

بنان : ديلا عادي هسه شصار

مريم : لا والله معليج بيهن حلو بس شوي متخربط

رزان : اوففف يا مكياااج هو راح اني شعندي بعد اريد اروح للغرفه

روان : انجب امشي تعاي كعدي نريد نركص

رزان : متعبتي من الركص ولج روان

ريم : مو بس روان عينيييي اني هم ركصت

بنان : لا هاهيه ربحنا

________________

روان
من راحت رزان حسيت نفسي عطشت لان ركصت هواي والدنيا حارة رفعت كفشتي سويتها كبه

ركضت للمطبخ اشرب مي والدنيا هوسه والجهال والناس والعالم دخت حيلل

توني دا اشرب مي ما احس غير على صوت ياسر وهو يكول : ولك عمي الحكلي

انداريت عليه بصدمه : يمه انت شجابك

هو جان مصدوم يباوعلي من فوك ليجوا : أنتِ رواني لو اني غلطان

روان : لا مغلطان روانك بس عيب شجابك للمطبخ بلا وحده من البنات جتييي

ياسر : يابه يا بنات .. بعدين تعاي وين الكفشه مالتج ؟

روان : يا كفشه راحت عيني

ياسر : بس ما احب شعرج سرح

روان : وانت شمدريك اني مسرحته ترااا مسويته كبهه

ياسر : لااااااا والحمره حمرهههه والفستان اسوووود اويلي عليك عميييي

روان : لك صوتك اسكت اسكت

ياسر : يا اسكت تهي بهي ولج شهل جمال أنتِ طركاعتي لا لا ما اصدك

روان : اي اي شعباااالك .. بس والله حرامات لو مشترية فستان احمر

ياسر : احمر حتى يشعلني شعل استري على روحج بعدين تعاي تعاي خما من فات ايهم ضليتي بدون حجاب ؟

روان : هاا

ياسر : بدون حجااااب ؟

روان : لا لا

ياسر : لتجذذذذبين ترا اعرفج من تجذبين

روان : اي ملبست بس لتخاف وكفت على صفحه مشافني

ياسر : الحچايه بطرف حلكي روان بطرررف حلكي شسوي بيج هاا

روان : هاي شبيك مو قبل شوية جنت تتغزل شو انكلبت طنطل

ياسر : طالعه كدام ابن عمي هيج واني المطي ولا فكرت بيها شلووون راحت من بالي

روان : مشافنيي شبيك

ياسر : ايي مشافجج مشافج جذبي بعد

روان : لتخليني اتعارك وياك ياسرررر هسه

ياسر : لا عمي ماريد نتعارك لان إذا نتعارك كل البيت راح يعرف من اصواتنا الرنانه

روان : يلاا روح لعد

ياسر : تعاي تعاي

روان : نعممم

ياسر : نعم بعينج .. شسمه الحُمره

روان : شبيها ؟

ياسر: مسحيها

روان : شنو شنو تراااا هي محلية الستايل

ياسر : ستايل بعينج ولي من كدامي وامسحيها لا احد يشوفج

روان : ما امسحححها

ياسر : لعد بسيطه اني اعلمج .. جيت أخذ العصاير وينهن

روان : هياتهن كبال عيونك

ياسر : سطرتني الحُمره .. بسيطه رواني بسيطه

شال صندوك العصاير وهو يتوعد واني مبتسمه اله
شو هذا طالع صاك قبل ليطلع رحت ركض عليه : تعال تعال شو انتَ اليوم طالع حلو

ياسر : غضبا عليج بكل وقت حلو اني

روان : لك عزاااا هسه هذني يشوفنك ديربالك تكعد تباوع افكس عيونك فكسسس

ياسر : راح اكتلج

خنزرت عليه وگلت : اشوف شلون تكتلنيي ديربالك وابتعد كل متشوف وحده وخر اياني اياك تحجي ويه وحده تعرفها غريبه معلية انييي

هو باوعلي وطكها بضحكه

عيطت عليه : لتضضحككك يلااا روحححح

استغفر الله يستفزني هذا الإنسان رجعت رحت وكفت يم ريم

ريم : وينج أنتِ اختفيتي

روان : ويني بالمطبخ

ريم : هاا تمام .. اكلج شكلي حلوو ؟

روان : اي والله تخبلين تموتين

ريم : يروووحي انتِ

روان : روحج مؤمل عيني

ريم : هم صدك .. صدك هو جاي ؟

روان : وين عايشه أنتِ باباا مو كال فهد

ريم : هاا اييي والله مادري .. يعني جاي مو

روان : لا كهوه .. شبيج اييي جاي

ريم : اوفففففف وينه لعد استغفر الله

__________________

ريم
مرت كم ساعه على الحفله بدت الناس تروح إلى أن فرغ البيت والدنيا صارت ليل

بدينا نشتغل روان بدلت كالت مااحب اضل هيجي

صاحت امي : ريم اكو غراض برا صناديك جيبيهن وتعاي

ريم : هسههه يوم هسه خما اكو احد

رحاب : لا لا ماكو كلهم برا بالشارع ركض جيبيهن وتعالي

طلعت الفستان مالي شطوله واسحل بي شلته صار شكلي يضحك وشعري كله نازلي علية

باوعت شفت شكد صناديك : عزاااا بعينج ريم هاي شنو

اباوع الصناديك شكدددد واحد فوك الثاني
ادري عقد لو عرس لعد شراح يصير بية بالعرس اخخ بس

طلعت اركض عليهم ماحس غير ايد نمدت عليه وسحبتني حيل

رأسا عيطت بصوت ناصي من الخوف : يمههه

ضهري انلزك بالحايط حيل ، رفعت راسي شفته مؤمل

ردت الطم : عزا بعينك انت شجابك وخر وخر وخر هسه يجون اخواني وملابسه حجاب شدتسوي انت هناااا

خرطتهن كلهن بثانيه وهو صاير اعصاب شكله

كام يحجي وهو صاك على أسنانه : ولا حرف تطلعين هيج شلون هااا

ريم : هاا

مؤمل : انجبي أنتِ كلت ولاا حرففف بلا لو شايفج أحد غيريييي

اني من حركة دمي هو يباوع علية ويحجي واني مافكر غير انوا شافني بدون حجاب

لزمت راسه وغمضت عينه وكمت اعيط عليه : لتباوع لتبااااوع

وخررر ايدي حيل ولواها ورا ظهري : لا اباوع عادي اصلااا أنتِ زوجتي بالمستقبل بسسس شلون تطلعين هيجج

ريم : لك حرام انت متفتهمممم دير وجهك

سمعت امي تعيط : لج رييييم وين صرتي

ريم : هسهههه يمه

عيطت عليه: روووح هسه تجي امي روح

مؤمل : راح اروح بس فتحي البلوك لا اموتج

ريم : مااا

مؤمل : لا تفتحي لا اكسر راسج

ريم : اي اي بس روووح

شو هذا رأسا طب للصاله شبييي شاخط .. ضليت الم بالصناديك وشلتهن واحس الدمعه بعيني وكلسع اشيل شغله توكع شغله ثانيه هو طلع شايل مدري شنو وباوعلي ابتسم

درت ظهري بسرعه واسمعه يهمس وراي : حرام حرام حبيبتي المتدينه طالعه حلوة وداعت الغوالي واحد واحد

احس كال هيج رجليه مكامت تشيلني ولا بية اندار تجمدت بمكاني موقفنا حيل غلط صار

نركعت بالحايط طلعت امي تعيط : لج انتِ وينج وين صرتي

شمرت الصناديك وابجي : ماكدر اشيلهننننن هواااااي

رحاب : تعاي اساعدج بيهن لتتنعوصين فوك راسي وراج البيت دينضفن بي البنات ومريم هم

ريم : اي اي والله اعرفف

_________________

بنان
الناس طلعوا بقينه بس احنه نرتب بالبيت نعزل ورهاا خلصنهه الكل راحح صعدت فوك للغرفه احس متكسرهه وكفت كدام المرايا احس ركبت متشنجه

جان يجي فهد يفوت بسرعه ويجرني ويبوسني بشفتي قوي حيل غير عن كُل مره بقه لحد مختنكت وخر وگال

_ شنو من شفه عندج انتِ اذب كل تعبي بيهن

گلبي رجف وگلت : شبيك فهد

فهد : بيه انتِ تعاي بنان

جرني من ايدي وذبني علئ الجربايه وخله راسه بركبتي وگام يطبع قبلات علئ ركبتي وصدري وكلسع يبوسني من شفتي

فهد : تدرين انتِ حيل حلوه

بنان : اممم

كام يتلمس وجهي ويكول : كُلشي بيج حلوو شعرج عيونج خشمج خدودج شفتج والشامتج الي سودنتني

اسمعه بس مالي حس شلون دايخه وما اعرف شسوي

لحد ما شفت ايده راحت علئ سحاب فستاني اني هنا گلبي صار يدك بسرعه واحس ما عندي قوه احجي او اسوي شي گلت بصوت هادئ

_ فهد شدسوي

فهد : متحسين صار الوقت

بنان : شنوو

فهد : لتنثولين اروحلج فدوه

كمت ابلعم وما اعرف شرده لحد ما گال

_ بنان انتِ تثقين بيه

بنان : ايي

فهد : وعد ما اذيج

بنان : هاا

فهد : اذا متريدين عادي ما اجبرج اني براحتج

وره مكال هيج خله راسه بركبتي يتنفس بسرعه ويكول كلماته الحلوه الي احس تاكلني اكل جان يكول

_ هـاا بنان شكلتي ؟

گلت بصوت يرجف : ما ادري

فهد : اي لو لا

هزيت راسي ورها جرني مره ثانيه ورجع طبع قبلات علئ وجهي وشفتي ونزل الركبتي ورها فتح سحابي و ...

ومنا بدت ليلتنا الي جانت ما اعرف اوصفها بس جانت كُلش حلوه وفهد كُل تعامله ويايه بحب ولطف وعلئ كيفه وكلسع يسئلني داذيج ضوجتج بشي وما انسئ كلماته الحلوه توديني بغير عالم ..

ونهئ ليلتنه لما گال : مبروك مرتي ودرابين گلبي

ابتسمت اله وحطني بحضنه وصار يمسح علئ شعري ..

_______________

غرفة الولد / بالليل

ياسر متمدد ؏ الجربايه : اكول شسمك ايهم

ايهم : خير

ياسر : اريد اتزوج

ايهم : منو لازمك تزوج

ياسر : دنجب شسمه انتظر اتخرج .. يلا مضل شيي

همام : وانتَ قاري ؟

ياسر : ماعرف اصلا شكو ما شكو

همام : لعد شلون متكلي شلون شنو هل اهمال العندك ولا واثق ينجح

ياسر : يلا عادي ايهم يقريني

ايهم : دنجب احير بيك احير بعرسي

ياسر : لا انتَ مو دكتور ودارس

ايهم : والله معلية أني

ياسر : لعد انتَ همام تقريني

همام : واني شعليه

ياسر : اي عادي واذا تقريني انتَ شكو بيها مو واصل ومحامي

همام : بس اني مو مهندس

ياسر: احسن شي اروح يم احمد هو م اشوف وجهه انجح بدون ما اقرا

همام : انصحك اي

ياسر : باع هذا ايهم صافن بغير عالم

همام : هيهيهيهي جا غير عقد

ايهم : شنو حجيتو علية ؟

ياسر : اي جا عليمن

ايهم : شكد جلب لعد

ياسر : بيش تفكر بالحب الله يساعدك

همام : الله بالخيرر

ياسر : الله بالنور

ايهم : كافييي شبيكم

ياسر : صدك شوكت ترحون تعقدون محكمه

ايهم : باجر نروح للمحكمه تتواجد هناك استاذ همام

همام : اي اجي وياكم عادي

ياسر : شو وخرو خل اروح اخذ فرة واجيكم اشوف شكو ماكو

همام : هو انتَ هاي الفالح بيها معندك غير الفره

ايهم : اني هم حروح وياه نفتر ترا ضوجه حيل

همام : لا والله وتعوفوني

ايهم : امشي خويههه

ياسر
نزلنا جوا ماكو احد شنيهاي معقوله ناموا

همام : شبيهم هذول دجاج

ايهم : تعبانين

ياسر : اكول اني جعت

همام : قبل شوية تزقنبت

ياسر : كيفي جعت شلووون

ايهم : رحمه لابوكم لحد يتعارك ترا جيت عود اهدي بالي وهاي

همام : يا تهدي بال هو هذا مشايف

ياسر : انجب انتَ شنو مشايف

همام : اي مشايف كلسع جوعان جوعان

ياسر : يااااخي متعشيت زيننن

همام : مو شفتك مسحت المواعين

ياسر : حماااام تنجب احسنلك

همام : وانتَ تنجب لا اموتك

ياسر : لا والله خل اشوف

ايهم : كااااافي مزعطههه انتوا لو شنو ؟

ياسر : متشوف هذا

ايهم : عوفههه وانتَ همام لتبدي

ياسر : هو يكول انتَ مشايف

همام : هو يصيح حمام واني منبه محد يصيحلي بهذا الاسم

ايهم : بابا اني احجي ويه جهال شبيكم لتخبلوني .. امشوا اخذكم اشتريلكم بلكي تسكتون

ياسر : لا عيني ماريد حروح اشوف الحب نايم كاعد

ايهم : لعد امشي اني هم اريد اشوف اخت الحب

همام : تهي بهي اوف همام مكرود طول عمررررك

ياسر : محد لازمك روح حب

ايهم : دمشي تعال نرووووح

همام : اركض اركض خويه ما اوصيك متطير العزيزه

ياسر : على عنادك ابو الوصخ

همام : امشي لك
___________________

غرفة ريم
ريم : اوييييي حبجي جيبولي كلينس

روان : والله اي حتى اني ولج يووووووم رجلي متت من الكعب توبههه

رزان : اني الوحيده مرتاحه ولا اشتغلت

ريم : امداااااج

رزان : امداج الج

روان : يمه يمه رجلي وراسي وعقلي ومخي وكلشي راح ابجي

ريم : اني منزمان حبجي

رزان : تدرون بعدنا مماسحين المكياج من التعب

روان : نسيت المكياج اصلا احس ظهري انكسر

ريم : واني هم وهاي امي ام الصناديك بسيطه

اندكت الباب بهل اثناء

ريم : يمههه بس هذا الناقص

صاحت : منوووو

ياسر : اني

ايهم : والعريس

روان : عزا عزا عزا تعزينا هذا ياسر مو

رزان : صخااام وين شالي هذا ايهم هم

ريم : راح اغطي راسي بالبطانيه وانتوا دبروا اموركم

روان : يمه ياسر جان متحلفلي

رزان : عوفي ياسر لج الشااااال وينه

روان : مادري هذا هذا

ركضت رزان جابت الشال

عاط ياسر : ديلا عاد مصارت فتحن الباب اميرات ديزني

عاطت ريم من جوا البطانيه : وانتَ شعلييييك بكيفنااا لحد يضايقنا بنص الليل

شهك ياسر : مضايقج الحيههه الصفره شو ولي

رزان : روان انتِ فتحي الباب

ريم : فتحوا الباب وطلعوا لا ابتلي بيكم كل واحد جاي عليه حبيبه اني شكو

روان : مااا افتح اني استحي

ريم : انجبي فتحيها يلا راح اغطي راسي

روان : كلت استحي بعدني بالحمره الحمره

ريم : يابه عادي

رزان : حبجي فتحيها انتي روان

فتحتها روان والكفشه ناطه مترين ليبرا : نعم شرايدين ؟

ياسر صفن بصدمه بعد كم ثانيه عاط : ويننننن ريييييم

گال ايهم : احمم اريد رزان كوليلها ايهم يريد يحجي وياج بموضوع

ياسر : ايييي موضوع مثل حظييي

ايهم : عين الحاسود بيها عود يلا بعد عيني روان صيحيلي اخيتج

اندرت وطبكت الباب بوجهم وصحت لرزان : تعاي رجلج يريدج يكول اريدها بموضوع

رزان : كوليله نايمه

روان : الغباااااء لج مو سمع صوتي اصيحلج

رزان : جيت جيتتتت اوف ياربي ساعدني لا اجفص

روان : اهمداج خايفه لتجفص لعد اني شكول

ريم : تطلعن لا كل وحده انطيها دفره

روان : مو انتي ساسوكي ولي

طلعت رزان بتردد شافها ايهم وضلوا واحد صافن بوجه الثاني

كال ايهم : يلا تعاي رزان احنه نازلين بالحديقه

روان : ايي تمام

راحوا نزلوا انداريت على ريم بسابع نومه شبسرعه نامت الحيه

ماحس غير طلعت من الغرفه وكف كبالي ينافخ

ياسر : أنتِ مخبله لو تتخبلين علية بس ؟

روان : بكيفك

ياسر : الحمره شكلت اني ها مو كلت تنمسح وتتصخم

روان : يابه هي حمره شبيك كلبت الدنيا

ياسر : شوفي صح كلبت الدنيا بس نفس الوقت اكدر اسوي شي امسحها بسرعه بس اني انسان حباب ومتدين

روان : ههههاي شتسوي تجيبلي كلينس مرطب وتمسحها

ياسر : هيهيهيهي مشايفه عمي تردين اجربها ؟

روان : ادبسزز وخر

ياسر : لا لا تعاي

روان : روح ياسر زعلت

ياسر : دنجبي زعلت واني شصخمتتتتتت صخام بعينك يوسف

روان : يووووسف شعليه ما اقبل تحجي عليه

ياسر : من دنعل ابو يوسف

روان و هسه انتَ شبيك متعصب وكالب الدنيا دقيقه وهسه اجيك

طبيت ركض للغرفه وطلعت كلينس وكتله : هااااك شوف هاي شنوو

ياسر : كلينس عمي

مسحتها كباله كلها بس بقى طبع هواي

روان : هاااا راحت؟

ياسر : لا

رجعت امسح بيها : هااا هسه

ياسر : اكول أنتِ شنو جاي تسويلي هل حركات لان صايرة عصبية لو دتسوين اغرائات

روان : يا حقير وخر هل مرة صدك زعلت

ياسر : ديلا واني شكلت قابل وتزعلين صدك داحجي

دفعته حيل وگلت : يلا لعد روح منا

ياسر : لا والله تطردني من بيتي

روان : يا بيتك داطردك من المكان هذا لا صخام بعيونا يجي احد ويشوفك

ياسر : هاا خوش .. اكول خما زعلانه

روان : اكيد زعلانه

ياسر : وهسه المطلوب حتى نتصالح شنو

روان : روح لف راسك ونام

ياسر : يا حيههه

روان : يااااا مستهتر ولا متوقعتكككك هيج

ياسر : ديلا شكلت انييييي وهيج كبيتي اني اعلمج هم اصبريلي لباجر هسه تعبان من الركص الركصته وهاي والهوسه الصارت

روان : اي تصبح على خير

ياسر : وأنتِ من..

ملحك يكمل طبكت الباب واني اضحك واسمعه يدردم برا على شنو مادري

_________________

رزان
اول منزلنا جوا جان ساكت وبس مبتسم

رحت كبل كعدت عالمرجوحه وهو كعد بصفي وگال

_ شلونج

رزان : زينه

ايهم : رزان جيت احجي وياج بخوص باجر تحضري الصبح راح نروح للمحكمه نعقد هناك

رزان : باجر !

ايهم : اي باجر

رزان : تمام عادي

ايهم : رزان بعدج تجيج كوابيس واللي حجيتيلي عنه

رزان : الكوابيس اي بس مو مثل قبل بس بعدها

ايهم : زين أنتِ شنو شعورج واحنه مخطوبين معرف اوصلج الفكره بس هم يجيج تفكير قبل وتنعزلين وتضلين وحدج أو متنسين القديم ودائما يجي على بالج

دمعت عيوني : اي ماما الهام دوم مو بس اني كلنا على بالنا حتى بنان وحتى روان

هز راسه وسكت وهو يباوعلي

سألته بغباء وگلت : انتَ شلون حبيتني واني بهاي الحاله

ايهم : الحب ميعرف حالات رزان اني احبج بكل حالاتج مو كلتلج واصلا انتِ كُلشي مابيج

ابتسمت وحاولت اغير الجو : زين عوف هل موضوع سؤالي غبي .. تذكر اول مرجعت من السفر وسلمت علية ورديتلك بالإنكليزي

ايهم : اويلي متت ضحك بوكتهاا .. حرفيا احب لقائنا حيل

رزان : جنت ضايجه منك لان ضليت كل متشوفني تضحك علية بسبب جوابي .. اصلا شمدريني الماني روسي معرفت شدتحجي ف كلت ارد انكليزي

ايهم : عادي كلشي منج حلو حبيبتي

رزان : وضجت منك اكثر لما كلتلي اعالجج حسيت روحي مخبله

ايهم : أنتِ اصلا ما بيج شي رزان الجلسات جان مجرد جلسات تفضفضيلي بيها وما نطيتج علاج اذا راقبتي ؟ أنتِ جنتي محتاجه احد يسمعج بس مجان اكو احد يفهمج منهم

رزان : يعني شنو

ايهم : مابيج شي وحتى مدا اشوف بيج شي هسه

ضليت صافنه عليه وملامح القلق ملت وجهي : واذا رجعتلي هاي الحالات

ايهم : لا مترجع مدام ايهم وياج عيوني

رزان : شكراً ايهم

باوعلي مستغرب : على ؟

رزان : على كلشي سويته وياي

ايهم : انجبي احسنلج

رزان : لا ما انجب

ضلينا كاعدين نسولف محسينا على الوقت ابدا طبينا جوا ورحت كبل نمت من التعب

_______________

بنان
كعدت الصبح توني بديت افتح عيوني باوعت علئ
انداريت لكيت فهد واكف علئ المرايا يعدل بروحه
بعدين تذكرت شصار البارحه .. صخاااااام بوجهج بنان

بغبائي سويت حركه خلاه ينتبه علية ورا مغطيت راسي طلع صوت هو حس عليه الظاهر

سمعته يضحك وگال : عشتو استحت

هو يحجي هيج واني أعصر بالبطانيه والدمعه بعيني

_ يمههههه حموت هسه هذا شوكت يطلع من الغرفه

وضل يضحك ويحجي : لتستحين عيوني تعرفين البارحه شصار ماكو داعي تستحين طلعينا وجهج الحلو خلينا نشوفه

حجيت وكلامي بس بچية : اطلع برا

فهد : شنو

بنان : مو قصدي مو قصدي لبالك بس اطلع حباب

فهد : ما اطلع

ضليت ابجي وعيوني مليانه دموع

فهد : بابا شبيج تبجين صغيره أنتِ صغيره ؟ طالع بويه

حسيته ضاج : لاااا ابقى

ضحك وكال : اذا ابقى راح تضلين مغطيه راسج هيج خلي اطلع وبعدين شنو قابل ما اشوفج وداعتج بعد ما افاركج لحظه بس صبر

سمعت طكة الباب يلا ارتاحيت وخرت البطانيه واني مختنكه : يمه احسه خطيه ونفس الوقت اني هم خطيه استغفر الله

كمت غسلت وجهي وبدلت كعدت امشط شعري ساعتين يلا اخلصه

ماحس الا فهد طب واجه علية وكفت مصدومه ووكع المشط مني

فهد : بويه شبيج مصدومه

بنان : ها

فهد : وجعا شبيييج

بنان : مابيه شي

تقرب عليه وصار جسمي يطخ بالميز تواليت وهوه صار كدامي وانفاسه بوجهي جان يكول

_ شلونج اليوم

توترت وگلت : زينه

فهد : خما يوجعج شي

گال هيج وياكاع نشكي وبلعيني گلت : ها لا مابيها شي

فهد : باعي بنان لتستحين مني ترا اني زوجج المفروض ابد متستحين مني

هزيت براسي وگلت : لا ما استحي

فهد : ايي عفيه

گال هل كلمه وجان يبوسني من راسي

دمعت عيوني وگلت : فهد اكُلك

فهد : كولي

بنان : مادري انتَ مو كلت اوديج لأمج

فهد : بنان ما احب اللي يلحون زايد اني قررت من زمان شكلت اوديج ويا يوم وكلشي محدد اصلا بس ملحتج خففيها بس شويه خلي تفض هسه حاليا دتشوفين مخبوصين ومضل شي لعرس ايهم بس تفض اوديج

بنان : شنو اني الح ؟

فهد : لا أبوية

بنان : واني شكلت

فهد : مكلتي شي

بنان : اي يلا هاهيه

درت وجهي وضليت احجي : ايييي اييي اصلا اني الح شكو تحبنيييي اذا الح

فهد : شسوي هي بيدي چا غير الحل والربط كله يم كلبي

باوعت عليه بعصبية : بنااان تلحح مووو

فهد : اييي

بنان : يعني اني الح

فهد : ابد

بنان : فهدددد

فهد : شبي فهاااااد

بنان : لتقلددد شبيك

فهد : شليتيني شل " درابين گلبي "

بنان : امممم

فهد : شنو ال امممممم ترا اتنرفز من تسوين هاي الحركات

بنان : اممممممممم

فهد : ابد متلحين

باوعت عليه وضحكت : شسووووي انتَ هم تنرفزني

فهد : ها انرفزج سوده عليه .. اي واضح .. صدك البارحه نرفزتج اني

وجهي صار اصفر ودرت ظهري داريد اطلع

ابتسم وگال : مبين نرفزتج هواي

دافتح الباب وجان يعيط فهد وگال

_ وين وين

بنان : انزل

فهد : والشال

بنان : ها اي والله نسيت

فهد : من النرفزه

اخذت شالي وطكيتها بركضه ليجواا ابد ميتحمل لازم يذب كم حچايه ويخجلني

______________

ياسر
اول مكعدت الصبح بدلت ردت اروح لـ احمد
ضليت واكف على المرايه واغني واعدل بشعري : تورط گلبي في حبك تورططط

اي والله تورطت بيج روانيييييي تورطت بيج شنو لا خاف تجيني .. تورطت بحبج وداعت زوزو

نزلت ركض ليجوا لكيتهن مفرشات وصينيه بالنص وديتريكن هي و ريم

ياسر : عمي صباح الخير

ريم : صباح النور موهنديس ياسر نشيط اليوم

روان باوعتلي وكالت : شعجب شنو وين طالع انت وكتبك

ريم : وأنتِ شعليج

روان : لا غير نعرف شو كاشخ وهاي

ياسر : ل احمد حروح

روان : سلملي عليه بدربك

ياسر : انطي قنادر بدربي

روان : عفيهه

ابتسمت الها : اودعناكم عيوني

ريم : الله وياك موهنديس المستقبل

طلعت ركض شغلت السيارة وكبل رحت لبيت احمد
نص ساعه وصلتله

طلع ابوه وگال : ها ياسر عمو شلونك

ياسر : هلا عمي وين ابنك

- جوا نايم فوت فوت كعده نايملي للظهاري

ياسر : لعبتي عمي

طبيت ركض شمرت الكتب عالقنفه وهو جان فارش ونايم عالسبلت هلو هلو اني اعلمك

عيطت عليه : هيووووو اكعد احمد ابن فلااان صار انفجار يووول اكعد شبيك راح اموتك اكعد اكعد

هذا شو كعد وهو مغمض وبلكوه يفتح عيونه وگال : اهمداك حيوان نعال زمال متخلي الواحد يتهنى بنومته شجابك من صباحيات الله علية مو منهمد ومرتاح لازم تخرب اللحظات انتَ

ياسر : عوفك يا لحظات شسمه شوف عود جيت اقرا وياك وجايب كتبي وهاي تعال نسولف بعدين نقرا مابية حيل

احمد : دقيقه اغسل ويهي

ياسر : انت مو تكول اني صاك بدون ماغسل تعال انجب لتغسل خل نستغل الوقت

احمد : بالسوالف

ياسر : شعدنا غيرها

احمد : ايييي اكول اريد أكلك شي

ياسر : شنو

احمد : شوف تدري شنو

ياسر : شنوووو

احمد : شفتتتتت اسيللل وحجيت وياهااا البارحه هذا ايهم مال ابوسه من كصته هلكد ما العقد ماله فرحني بالعباس

ياسر : كول والله

احمد : والله العظيم

ياسر : ايييي وشكلت انتَ وهي شكالت

احمد : مادري يعني حتى نسيت اللحظه من الفرحه

ياسر : ثووووول

احمد : يثولك .. بس ماخذت رقمها شو هاي نحسه متنطي

ياسر : دنجب نحسه مو لو نسيت اخوها منو خل اذكرك

احمد : اييي مؤمل لتخاف مناسيه وهو صديق فهد ابو الوكفات

ياسر : تاج وباججج .. ضل انتَ لوكي هيج

احمد : انت هم لوكي ترا

ياسر : اي اي ديلا

احمد : هسه شنو شنسوي

ياسر : شمدريني أن اريد اسألك

احمد : شكو جاي علية بابا خليني اروح اكمل احلامي السعيده

ياسر : كملها بس أوكف تدري وين نكملها

احمد : وين ؟.

ياسر : تعال نقرا حتى نكملها

_______________

بنان
جنت كاعده يم البنات ونسولف ونضحك
بالنسبه لمريم خطيه كلش تعبانه من الحمل وتنام هواي

رزان من الصبح عمو محمد وعمو زياد راحوا ويه ايهم ورزان للمحكمه وهمام يمكن هم جان وياهم
جانت يمنا فرح تلعب وروان كلسع تذبلها حجايه ويتعاركن وعركتهن تضحك حيل

روان : باع هاي ضفايرج جنها ضفاير زوزو

عاطت زوزو : وشبيها ضفايري عيني

روان : احمم حلوه بيبي

جتي فرح على روان تريد تكتلها : وانتي ضفايرج متل ضفاير بيبي رحاب

روان : ههههاي عيني ضفايري مثل مال باربي

فرح : لا لا لا مو باربي اني الباربي

بنان : لج روان كافي خطيه

ريم : عوفيها فرح معليج تعاي انطيج حلويات

فرح : شوفيييي حروح أخذ من ريمه كيكههه

روان : روحي اني ريم كلها حاطتهن يمي اصلا

ريم : جذب جذب كلهن يمي تعاي

فرح : بسيطه بس يجي بابا اكوله روان تغور بية

روان : اي اي عادييييي اصلا

بنان : ولججج كاااافي .. صدك رزان شو تأخروا مو طلعوا من صبح

روان : ريم خابرتهم بالطريق همه ومن كعدت الصبح مغمضه وتبدل من النعاس لج لنص الليل جانت تحجي ويه ايهم برا بالطرمه

بنان : عادي عيني ..

ورا شويه رحت اجيب تليفوني من فوك بغرفتنا
طبيت رحت شلت تليفوني اريد انزل جوا ارجع يمهم ما احس غير فهد طب للغرفه وهو يعيط ويكول

_ بناااااننن

نهاية البارت
يتبع ..

(لاتنسوا التصويت)

أن شاء الله يعجبكم البارت 💖 +مفروض انزله قبل ال 12 بس نت جان ضعيف حيل

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور