رواية نقطة لقاء الفصل السابع وثلاثون 37 - بقلم الكاتبة دينا _ الكاتبة نور

ولازال حُبكِ يعلو ولا يُعلى علْيه .

>>>>>>>>>>>>>>>>>>

شلت ايدي اريد اوخرها من عنده بعصبية ، سمعت صوت ياسر يكول : شديصير هنا !

وخر يوسف مني وگال بأبتسامه : داشم ريحة مرتي المستقبليه

هوه گال هيج واشوف ياسر تخبل صار بركان بسرعه لزم يوسف وكاموا يتعاركون مدد يوسف وصار ياسر يضرب بي

ياسر : چلب شلون تحجي هيج حيوان اني شكايلك مو بعدد متتقرب روان ولا تجي يمهاا

كل هل ضرب الي دينضربه يوسف وباقي مبتسم ويكول : واني مسويت شي غلط وبنهايه كُل الي ديصير برضات روان

انصدمتتت وگلت بصوتت شبه اعياط : جذاب ياسر والله جذاب

ياسر كام يضرب بي اكثررر ويكول : كو** لجيب سيرة روان علئ السانك

اباوع عليهم صافنه واكفه متحركت ما منقهره علئ يوسف لان دينكتل طبه مرض بس مصدومه ياسر اكيد افتهم غلط واباوع علئ يوسف مدمه خفت ليصير شي اجيت ودفعت ياسر جان يخزرني حيلل
وگال

_ وخريي انتِ شنو خايفه عليهه

روان : لا ياسر والله بس

داكمل الحجي وجان يضحك يوسف وگال

_ فديت الي يخاف عليهه روانوو

هوه گال هيج لووو ياسرر اتخبل بزايدد وگام يرجع يضرب بي اباوع علئ يوسف شلون عين صلفه شكد منضرب وبعدهه مُصره كل هل اعياط والضرب ولحد الان ولا واحد سمعنه واجئ يشوف شكوو

لحد مشفت همام طالع رحت ركض عليه

روان : عفيه همام تعال

همام : شكوو شبيج روان شصاير

روان : بس تعال ياسر خلص علئ يوسف

بسرعه اجه وكام يفاككهم ودفع ياسر جان يكول

_ خلي يطلع ما اريد اشوف جهرته زفرهه

همام : شبيك ياسر علئ كيفك

ياسر : امشي اطلع برا وليي مناا

شفت ياسر صاير نارر رحتت اني هم گلت

_ روح يوسف منا

عاط ياسرر : روان تعاي هيجج

روان : شبيك يوسفف اطلع روح

ابتسم يوسف الي وگال : من عيوني ادللي حبيبتي

ياسر : ولكك هدنيي عليههه شنو يكللها حبيبتي تعال بيك خير تعال يمييي

يوسف : حروح بس علمود روان طلبت منيي

عاط همام وگال : وليي اطلع مناا عاد

ياسر : هدنيي عليهه هدنييي

همام جر ياسر علئ صفحه ويوسف ديطلع جان اروح اكُول اله

_ هسه ارتاحيت جنت احجي علئ مهدي طلع احسن منك علئ اقل مسوه سوايتك شهل نفس العندك شهل حقاره كُل الضرب الي اكلته وبعدك علئ صلافتك شكد كرهتك

يوسف : كُل هذا لان احبج

روان : الي يحب ميسوي هيج يا اخي اني ما اريدك بس شوف اذا جنت قبل اعتبرك ابن خالتي واخويه هسه اذا اشوفك بعد سلام ما اسلم عليك بوجهك ما اباوع

يوسف : هيج صارت روان

روان : ايي هيج

جان اشوف ياسر جايي وره همام ياسر عاط

_ هذا شنو بعده موله

همام : كافيي ياسر راحح

ياسر : وانتِ ودعتي زين موو

روان : شبيك ياسر عفيه خلي افهك مفتهم غلط انتَ

خنزر وگال : هوه اني دومي غلط وانتو الصح

يحجي واني دمعه لازمتها مخليتها تنزل ورها عافني وراحح جان همام يكول

_ هذوله شبيهم ليش

حجيت وغصه بصوتي : ما ادرييي ما ادري

همام : كافي خويه لتنقهرين هذا ياسر بس هيج يعيط وره شويه يهدء

هزيت راسيي وفتت جوا طلعت بوجهي ريم

ريم : ها وين صرتيي

روان : ماكو شي ريم

ريم : لا اكوو

حجيت بصوت بي بجيه وگلت : يعني كل هل اعياط وهاي مسمعتوا وكلتوا خلي نطلع نشوف شديصير

ريم : لا والله كلشي مسمعنه ليش شصار وليش احسج بيج بجيه احجي روان

گلت بقهر : عوفي ريم عوفيني

بهل اثناء اجت رزان وگالت

_ خاله احلام تريد تروح تكول يوسف وين

روان : الله ياخذ يوسف برا طلع

رزان : شبيج روان

نترت بيهم وگلت : مابيه شي عرج ميطبني عوفوني

رحت صعدت فوك بالغرفه وگلبتها مناحه وحديي لان جنت كاتمه البجيه لان ما احب ابجي كدام احد او انزل دموعيي واذا ما ابجي اختنك فبعد متحملت صعدت فوك بالغرفه وانفجرت وجان تجي ريم وتشوفني بهل حاله سدت الباب وكعدت بصفي حضنتني وگالت

_ روان عفيه خوفتيني شصاير

كمت ابجي واكول : كُلشي روان كل الضيم واكع براسي شوكت ارتاح اني شوكتت اريد افهمم ما اخلص من جمال وفراس وضيمهم اجيت هنا كلت بلكي يتغير كلشي وجان يجي يوسف يجملها عليه اووف

ريم : شبي يوسف شبي شيريد

ابجي واحجي : العارر جنت طالعع واجه يكلي احبج صخام بعينه واجه تقرب لزم شعريي يريد يشمه واجه ياسر شافنه

ريم : عزااا وشصار

روان : وياسر لزم يوسف وخلص عليهه ورها مفتهم غلط وعباله اني قابله وهذاك الحقير يستفز ياسر بكلامهه والسالفه نلاصت

ريم : ياسر شحجه وياج ؟

روان : المشكله لو حاجي احسن راح خزرني وعافني وخلاني اكل بنفسي وهاي حالتي ما احب ابجي كدام احد بس شسويي طلعت بجيتي بيج

ريم : كبر لتحجين هيج يابه ابجيي اني صديقتج قابل غريبه تستحين مني وهذا ياسر اني اعلمه

روان : عوفي لتحجين وياه شيي

ريم : اهوووو لتقهرين نفسج خيولييي

روان : اووف ريم اوفف گلبي خلصان اني وطلعتلي هاي صفح

ريم : معليج مسحي دموعج ولتقهرين نفسج وياسر شيفكر خلي يفكرر خيولي طبه مرض هوه هم

ضحكت وگلت : لا خطيهه لتكولي طبه مرض

ريم : اويي اي صح خطيهه بسس الي يقهر صديقتييي ما اريدهه بعدد اني هم حسوي حزعل منه

روان : وانتِ شعليج زعلين منه

ريم : غير زعلج

مسحت دموعي وگلت : صح بس كله بسبب يوسف فياسر افتهم غلط

ريم : اووي خيولون انتِ مو جنتي تكولينن لا تبجين علمود واحدد اشووو كلامج تغيرر

روان : باع هايي مباجيه

ريم : لعد هل الـ دموع الي يخرخرن شنو

روان : اوفف ريم بس انقهر احد يفهمني غلط وخاصة ياسررر اني احبه

ريم : عوفينه من حبج وامشي نروح نشوف عروستناا ناخذ منها نصائح عن ليلتها تفيدنا مستقبلياً

روان : شكد ادبسزز

ريم : هسه اني طلعت ادبسزز منو ذاك اليوم تكول هيه بس جكت ابره

ضحكت وگلت : اهووووو بس صدك همه يكولون هيج

ريم : امم واللهي مدريي بس ظاهر اني مراح احس ولا حعرف لان مبينه انيي حعنس

روان : اويي ايعع ما ازوج بطلت اني اعنس هم علئ الواهس منزوج احسن

ريم : اي والله بس اهخخ مؤمل

روان : اهخخ ياسررررر

ريم : امشي يلا امشي

روان : اي امشي بس هاا متكولين لحد جنت ابجي

ريم : عزاا العزاج روان دمشي لجج باع تفكيرها

روان : اكرهج ريمووو

ريم : ايعع اني هم اكرهج يلا امشي عاد

________________

رزان
فتت الغرفتنه الجديده مالتي اني وايهم جانت مرتبه وكُلشي تمددت شويه حتئ ورها انزل جوا يم البنات
بهل اثناء دخل ايهم وگال

_ هـاا عروستي تعبانه

رزان : لا بس شويه ارتاح وانزل جوه

ايهم : اي اذا هيج اني هم اجي اتمدد يم رزونتي

اجه يمي وحضني وگال

_ شنو رائيج نسوي مثل البارحه قبل مننزل

رزان : شنووو لا ايهم

ايهم : هسه صار لا مو بارحه جان عاجبج الوضع

رزان : ايهم ليش دائما تخجلني

ايهم : فديت الي يخجلل

خله راسهه بركبتي وكام يحرك راسه بركبتيي يضحكنيي ورهاا صعد كام يبوس بخدي ويعظهم واني اضحك

ضحكت وگلت : ايهم وخرر عاد

ايهم : شبيج خلي اكل خدود شويه ترا مماكل قبل

رزان : بس مو هيج حسوي حتئ اثرر بخدي كافي وعندك ريم وروان ينتظرن بس زلهه عليهه

ايهم : دخيروحن حتئ وره مزوجنا لاحكينه معليج بيهن واني عوفنييي اتهنه بيج انتِ مو كلتيلي بس نزوج هاهيه زوجنه بعد شنو طالبتني طلابه

سكتت اني وبس اوزع ابتسامات وهوه يكلي

_ عفيه ابقي هيج حبابه ضلي ابتسمي واني خليني براحتي

رزان : اييي

ورجع هم يعظعظ بيه وكلسع يجي يبوسني من شفتي ورها نزل ركبتي ورها راد ياخذه الواهس كلت

_ كافيي ايهم

ايهم : شبيج

رزان : كافيي دكتوري الحلوو كافيي اريد انزل عيب اروح اساعدهم جوه

ايهم : مو انتِ عروس كعدي

رزان : ايهم تدري شنو

ايهم : شنو

رزان : متوقعت ولا مره انو اني وياكك حنزوج

ايهم : ولا اني

رزان : اني جنت مقرره ما افوت بعلاقه وره ام..

بدون ما اقصد گلت هيج ورها نزلت راسي

باوع عليه وگال : قصدج علاقتج انتِ و امير

نزلن دموعي وگلت : اييي شلون عرفت

ايهم : ادري فهد گال الي

رزان : ايي زعلان مني ؟

ايهم : ليش ازعل

رزان : لان جنت عاقدين اني وياه ومكلت الك ؟

ايهم : لا ما ازعل وثاني شي انتِ جنتي مجبورة عليه بس اي زعلان شويه لان مكلتيلي

رزان : والله ردت احجيلك بس مجنت اعرف شلون افتح موضوع وياك

ايهم : اني جنت ادري من البداية بس ردت تحجيلي انتِ فلهذا مكلتلج اعرف

رزان : اسفه

ايهم : عادي ميهم اني كلتلج انسي الماضي وخلي نبدي صفحه جديده اني وياج بس ما اريد تضمين عليه شي بعد ولا اني تمام

رزان : تمام

باسني من راسي وگال

_ يلا نزلي قبل لا افترسج

ضحكت وگلت : لا لا نازله

ايهم : ايي عفيهه

_________________

بنان
جنت بالمطبخ يم خاله والبنات دنحضر الغده واني جنت علئ صفحه اسوي زلاطه جان يجي فهد شرب مي ورها اجه وكف يمي ويحجي ويايه بهمس

_ يالنادره شدسوين

بنان : زلاطه

فهد : هوه انتِ بس هاي فالحه بيها

بنان : شبيك فهد مو داسوي

فهد : اي كملي كملي

بنان : شوف شوف شلون داسويي زلاطه تعلم

فهد : شلون تريديني اكفخه وهيه زلاطه متكليلي شمسويه

بنان : تراا اني فنانه بالاكل

فهد : مدام هيج فنانه مسوين الرجلج مجوعته

شهكت وگلت : تراا اني اريد اسوي بس خاله متقبل تحب هيه سويي

فهد : عود مره ثانيهه انتِ سويي

بنان : اوك

فهد : خوش

بنان : اوك

فهد : كولي خوش

بنان : اوك

جان ما اشوف غير كرصني بيدي احس هاجت روحيي كمت لازمه ايدي واكول : اههخخ ايدي اهخخ

اجت ريم علينه وگالت

_ هاي شكووو

بنان : ايدي ايدي

ريم : انتَ شعندك بالمطبخ

فهد : عطشت اشرب مي لو ميصير

ريم : وهيج الـ مي يطول

فهد : لا وتحاسب مو اجيج ولج

بنان : ايدي يمههه

فهد : بنان شبيج ترا ما اذيتج

بنان : ايديي ايدي

رحاب : فهد ليش هيج ويه البنيه

فهد : ترا ما اذيتج بنانننن

ريم : تعاي بنان كليلي شسوالج

اباوع عليه وعيوني دموع واكول : هاج شوفي كرصني

اجتي خاله رحاب وحضنتني وضربت فهد خفيف علئ جتفه وگالت

رحاب : ولك ليش ضوج بنتي

ضحك وگال : مو بنتج تعاند

رحاب : اي متكرصها

فهد : تراا ماذيتها بس عيني جنتج نازكه

بنان : والله خاله اذاني هاج شوفي ايدي شلون حمره

اباوع علئ خاله شالت الجفجير وگالت

_ والله يفهد اذا تأذيها بعد بهاي اضربك

فهد : هاي هيج يمهه نسيتي ابنج

رحاب : ايي انساك كُلشي ولا بنان

اباوع علئ فهد واضحك وخاله حاضنتني وهم تضحك جان يكول

_ شو ها مو جنتي تبجين شو هسه ضحكين

بنان : هااا

رحاب : تضحك تبجي معليك انتَ

ريم : الله يساعدك اخي العزيز

فهد : لا هاهيه كملت

راح يهز بيده وطلع من المطبخ ورها رحنه كملنه واجت رزان ساعدنه وروان وفرشنه الاكل وكعدنه ناكل

_________________

روان
كعدنه ناكل وياسر هم نزل طول الكعده هوه ساكت ومحجه شيي وحتئ ميباوع بوجهيي احس صارت غصه بداخلي وهوه ولا يمه بعدين شو ما اشوف غير گال

ياسر : ريم جيبيلي مي

باوعت ريم عليه ورها باوعت عليه ورفعت حاجبها وگالت

_ عندك رجل وايد روح جيب النفسك معليه اني

خنزر عليها وگال : هاي شبيج

زوزو : مجيبين مي الاخوج شبيج

ريم : والله اني معليه مابيه حيل اكوم هوه خلي يروح يجيب " لو يعرف بس يسوي مشاكل "

گالت اخر جمله بصوت ناصي

باوع عليه وعلئ ريم وگال

_ يعني مجيبلي ريم مي موو

ريم : ايي معليهه بيك

ياسر : اوك

باوعت علئ ياسر بخباثه وگلت الـ ريم

روان : ريم عادي جيبيلي مي

ضحكت ريم وگالت : ادلليي صديقتي العزيزه هسه اجيبلج

كامت ريم راحت للمطبخ جيب مي وهوه خازرني واني اكلب بعيوني وهمام يضحك والباقين محد مفتهم شي

اجت ريم وجابت الـ مي وگالت

_ هاج تفضليي روانه

روان : ثانكيووو رمروم

ريم : كم روان عندي انيي هيه وحده تدلل

زوزو : لعد ما جبتي الاخوج مي هم

ياسر : عوفيها زوزو براحتها

ريم : والله روان غير تدلل بس ياسر معليه بي خلي هوه يروح يجيب مي الـ نفسه

همست ريم الي وگالت

_ والله اني الي يضوجج يضوجني هم

ضحكت علئ كيف وگلت : فديتج

ريم : انجبيي

جان زوزو تباوعلنه وگالت

_ يمهه يمهه منجن

روان : شبينه احنه

زوزو : الله يستر منجن ومن شرجن

گلبت عيوني گلت : والله احنه حبابات

زوزو : مسمومات مو حبابات

ريم : شوو زوزو اشوف دافعين الـ ياسر

زوزو : اذا الولد كاعد وانتن شادات وياه

جان بهل اثناء يكوم ياسرر

رحاب : وين كمت

ياسر : هاهيه كملت

رحاب : شو ما اكلت شي

ياسر : ما اشتهي

راح صعد اباوع علئ ماعونه مماكل منه شي جان زوزو تكول

_ اريدجن ترتاحن كومتن الوليد

ريم : احنه شعلينه

زوزو : كُل البلا منجن

رزان همست الي وگالت : شكوو

روان : ماكو شي

رزان : اكيد

روان : اي عروستنه

رزان : تمام

_____________________

همام
وره مخلصنه رحت للمكتب كعدت وجان يجون ابو مَي و مَي و اختها كعدوا وبدوا يحجولي القضيه شنو

ابو مَي : وهاي كُل القصه بنتي زوجها يعنفها ويشرب وعنده سوالف مو حلوه وهسه نريد نطلكها بس هوه مديقبل

نار ( اخت مَي ) : واصلا حتئ ميدري اني اجيت اليوم كتلها حروح بيت اهلي وبالكوه يلا رضئ واني ما اريد غير بس اخلص واطلك منه

همام : ان شاء الله وهيه اريدج سوين كم شغله وبنفس وقت القضيه شغلتها بسيطه لان ماكو اطفال بالموضوع

نار : اي ماكو اطفال

همام : بس اريد جايبه وياج مستمسكاتج

نار : اي اي

ابو مَي : مَي انطي المستمسكات مال اختج مو يمج

مَي : هـاا

ابو مَي : المستمسكات بابا

مَي : هـاا بابا شنو

همام : المستمسكاتت مال اختج

مَي : هـاا

اباوع عليها وعلئ فهاوتها هاي شبيها جان ابتسم جان ابوها يكوم وياخذ منها المستمسكات وينطينها ويكول

_ شويه عدها فهاوه هل بنيه

ابتسمت وگلت : عادي

مَي : منو؟

ابو مَي : ماكو شي بابا مو عليج

اباوع عليها خازرتني واني ابتسم ورهاا حجيت وياهم وفهمتهم شيسون وشراح يصير جان ابوها يكول

_ مَي اني حنزل وي اختج وانتِ لمي غراضنه وتعاي

مَي : شلم ؟

ابو مَي : غراضنا

مَي : اي غراض

نار : شبيج مَي

مَي : هـاا هـاا اي هسه

راحوا نزلوا وهيه بقت صافنه كلتله

_ اكو شي

مَي : هـاا مو شسمه اي غراض الم يعني مداعرف

همام : ابوج مو كلج وانتِ كلتي ايي هسه

مَي : صحح بس تريد صراحه مفتهمت قصده

ضحكت واشرتلها علئ الغراض الي تلمهن جان تكول

مَي : شنو ليش تأشر

همام : ربي صبرني خويه ذني لميهن ذني فهمتي لو لاا

مَي : هـا اي اي شكرا

همام : ها وصلت

مَي : شنوو

همام : عرفتي يعني وصلت

ابتسمت وگالت : اي اي

همام : الف الحمدالله

لمت شغلاتهم وقبل متطلع گالت : شكرا همام علئ كُلشي

همام : تدلل الفاهيه

مَي : هـاا ترا اني مو فاهيه

همام : لا خويه لا اني الفاهي

مَي : هـاا

همام : حشنققق نفسييييييي

مَي : يلا حروح

همام : روحيييي لا اذا تبقين اكثر حصيبني جلطه

مَي : هـاا شيصيبك

همام : حموتت ربييي صبرنيي

____________________

ريم
كاعده اني وروان بعد مصارت الغرفه

روان : اووف رزان افتقدتها بالغرفه

ريم : والله هاي بس انتِ تلكيها هسه بحضن المسعد

روان : اي والله وشابعه بوس الجذابه

ريم : يمهه عزا العزاج روان شكد ادبسزز

روان : هاي الحقيقه

ريم : هسه شفايتلي وتجيني رساله من البالي وكاتب بيها احبج

روان : منو الي بالج

ريم : يعني منو غيره

روان : حكوم اكتلج شنو طكج جفاف

ريم : اهخخ اي والله بس مديحس ميحس

روان : شلون تريدين يحس واذا انتي يحجي وياج كلمه وتكليله بلوووك وبس تبعين ثكل

ريم : اووف اووف ما اعرف

روان : وثاني شي احنه مو تفقنه منزوج شنو تخونين العقد

ريم : لا لا يابه لا

روان : نشوف

ريم : اييي

روان : اكلجج هسه ياسر شديسوي

ريم : ديخونج

روان : عزااا غير اموته

ريم : شبيج ديخونج اذا انتِ عايفته هيج تريدين شيسوي قابل

روان : معقوله يسويها

ريم : اييي يابه ايي

روان : لا لا ميسويها

ريم : اكول هسه ليش متجيني رساله منه مكتوبه احبج ليشش ليشش

روان : اهووو ضوجتينييي

بهل اثناء دنحجي وجان يجي اشعار التليفون ريم

روان : هذا شنو الاشعار شو شوفيي خاف تحقق الي بالج

ريم : يمههه يمهه بلكي وين الله

فتحت تليفونها وجان تلكئ رساله من رقم غريب جان كاتبلها

_ هلووو

ريم : هذا منوو

روان : ردي ردي

رديت وكتبت : منو؟

جان يكتب ويكول : اول شي اني شكايلج مو اذا شفتي رقم غريب متردين عليه هاي وحده ثاني شي اني مؤمل

ريم : يمههه هذا مؤمل روان

روان : تحقق الي بالج شوفيي اني هسه اجيي وانتي راسلي خوش

ريم : روان لتعوفيني

روان : شو وخري من يمي

ريم داحصر جواب ارده وجان يكتبب

_ اني مو احجي وياج بسرعه تردين خوش

ريم : شتريد

_ اريد احجي وياج

ريم : اي شنوو

_ شبيج مستعجلة

ريم : ما مستعجله بس يلا احجي بسرعه

_ اريد اجي اخطبج

ريم : وشسويلك

_ شنو شسويلي احجيي زين

ريم : كيفيي

_ بسيطهه

ريم : خوش يلا بلوووك

_ هسه شبيج دنحجي مثل الاوادم شبيج

ريم : فهد يدري انتَ دتحجي ويايه ؟

_ لاا

ريم : زينن عندك عادي تحاجي اخت صديقك

_ اني داحاجي مرتي مستقبليه

ريم : زين تقبل اختك يحاجيها احد

_ ليش دخلين هاي بهاي

ريم : اي لو لا

_ لا

ريم : زين لعد بس تخطبني عود تعال احجي ويايه

_ هيج يعني

ريم : اييي

_ يصير خير

ريم : ايي

سديت الجهاز بس هل مره ما انطيته بلوك بهل اثناء اجت بنان فاتت هجوم للغرفه فززتني

ريم : شكو شكووو

بنان : فهد وين

ريم : بجيبي شمدريني واكو واحد هيج يفوت

بنان : هسه عوفينه فهيدان وين

ريم : مدري طالع منكن وشو مبدله انتِ

بنان : مو اريد اروح للاسواق ودسئل يصير اروح لو لا

ريم : لا ميقبل

بنان : عفيهه مو اريد شي

ريم : شتريدين

بنان : هااا

ريم : احجي حتئ اصيح احد من الولد يجيب

بنان : لا لا ما اريد شي

ريم : دتعايي

بنان : ما اريد شي ريم

ريم : كيفج

ورهه شويه بقيت اكلب بالتليفون لحد ملفيت راسي ونمت وكعدت علئ عياط فهد يكعدني فزيت وگلت

_ شكوو شصاير فهد

اباوع عليه صاير نار وگال : وين بنان

ريم : ها ليش وينها

فهد : هسه اجيت دورت البيت بس كُل واحد بغرفته واخابر عليها مترد وين راحتت راح تخبلنييي هايي

ريم : بس اصبر

عدلت كعدتي اني وكفشتي اباوع علئ روان رايحه بسابعه نومه وكل هل اعياط مالته ونايمه

ريم : باوع هيه اجت عليه وگال فهد وين بس بعدين كتلها طالع منكن وكالت اريد اروح للاسواق كلتلها ميقبل

فهد : وراحت

ريم : ما ادري

فهد : وشلوننن تطلع بدون متكلييي راح اتخبلل

ريم : هسه تجي وين تروح

فهد : لا هيه اروح اشوفها

ريم : بس علئ كيفك

طلع وسد الباب قوي اباوع علئ روان بعدها نايمه غميتها ورجعت نمت

_________________

بنان
ردت شي اجيب من الاسواق بس داكول الـ فهد ملكيته سئلت ريم كالت طلع خابرت عليه مرد فطريت اطلع انيي والكل حان بغرفته فكلت هياته ما اطول بس اجيب بساع الشغله وارجع

طلعت رحت اجيبها فدارجع شو ما اشوف غير جاي عليه فهد وصاير عصبي وخازرني ولزمني مني ايدي حيل

بنان : فهدد اسمعنييي

فهد : صارن هواي بنان هواي

بنان : بس خلي احجي

فهد : بالبيت الله كريم

رجعنه للبيت وهوه طول وقت لازم ايدي حيل وخازرنييي واني دمعه مغلغله بعيني فتنه للغرفه ودفعني بس علئ كيفه وكعدت علئ الجربايه

وهوه بقئ يفتر بالغرفه ويكول

_ شلون بيج اني شلون حتخبليني والله راح اتخبلل

كمت ابجي وگلت : فهد دخلي احجي

فهد : اني شكايلج قبل كم يوم شجنت اغرد مو كايلجج شيصير تكليلي وكلتيلي اوك فهد الاوك مالتج شووو ماكووو

بنان : فهد والله اطريت اروح

فهد : كوليلي فهد انيي حوليي واذا اني ما موجود اكو شي اسمه تليفون واذا اني الله اخذني تكدرين تكولينن الاحد من ذولاك المهاجيم تروحين وحدج ليش

بنان : موو شوف فهد والله مكدرت اكول

فهد : ليش هوه شنو

بنان : استحي اكول

فهد : لا فوكاها تستحي مني بنان انتِ ناويه تموتيني

بنان : اسفه فهد بس اعصابك

فهد : اعصابيي انتِ خليتي بيها اعصاب زين شعندج رايحه اريد اعرف شنو هل شي المهم

بنان : استحي احجي

فهد : ليش هوه شنو

كمت ابجي واكول : شبيك فهد ما اكدر

اجه مني يريد بسوف شنو بالعلاكه هوه يجر واني اجر لحد منشكت العلاكه وطلع فوط باوع عليه وگال

_ يعني هاي الي سويتي سالفه من ورها واستحي استحي ومدري شنو

كمت ابجي بالزايد ومستحيه واكول : فهد ليش شفت

فهد : هيه متكليلي علئ شنو تبجين ومرهه ثانيه بس تريدين شي تكليلي مو طلعين وحدج خوش

ابجي واكول : خوش

فهد : دخلي اشوف تنعاد

بنان : اممم

فهد : تنعاد

باوعت عليه واني ابجي : لا لا

فهد : اكيددد

بنان : ايي

فهد : ايي عفيه خلي اشوف

طلع زعلان من الغرفه واني ما ادري ابجي علئ نفسي علئ الفشله ..

وره شويه قررت انزل وجان تطلع بوجهي مريم تبجي

بنان : هاي شكوو شبيج مريم تعاي

فوتتها جوه وگالت وهيه تبجي

_ سقطت

بنان : شنو ليش

مريم : ما ادري اليوم طلع دم تخبلت واجه حسن ورحنه وكالت راح الطفل

اباوع عليها كمت ابجي وياها

بنان : عفيه كافي لتبجين ربي يعوضج

مريم : لو شوفين حسن شلون حزنان جان شحد رابده

بنان : اووف خطيه وما ادري شكلج والله انقهرت بس الله يعوضكم يالله الحمدالله لتقهرين نفسج

مريم : اووف بنان

بنان : كافي لتنقهرين روحي ارتاحي ليش واكفه

مريم : مو الولد يم حسن ديحجون وياه ولشوفين شكد انقهرت زوزو وخاله

بنان : شسون هذا حكم ربج

مريم : الحمدالله

راحت طلعت واني كمت ابجي بالزايد عليهاا انقهرت شكدد وجان يفوت فهد

فهد : هاي شبيج مو كافي دموع

بنان : راح الطفل

فهد : اي والله فد انقهرت وهذا حسن لو شوفي

بنان : اوووف گلبي

فهد : شبي شبي

بنان : مابي شي عوفني فهد اريد انام

فهد : خوش نامي بويه نامي

______________________

روان
مر يومين ومرت علئ سلام بس اني وياسر منتحاجه ولا اني احجي وياه ولا هوه وبس يشوفني يكوم ومريم خطيه سقطت فد انعصر گلبي عليها و بنان وفهد احس علاقتهم شبه متزاعلين علئ اساس فهد زعلان بعده لان بنان مكالتله لما طلعت .. الحسنه الوحيدة بالبيت همه رزان وايهم علاقتهم ماشيه تمام وحلوه الحمدالله ..

فـ كاعدين كلنه بليل ونسولف وجان يجون بيت عمي محمود بس ما عدا ايمن ما اجه محجينه شي سلمنه عليهم بس من وره خشمهم يسلمون وعمي محمود والولد راحوا وحد واحنه كعدنه وحد

زوزو : خيركم شعدكم جابين

جمانه : شنو متريدونه

زوزو : بعد كُل مصايبكم شي اكيد منريدكم لان كُل متجون سون مشاكل

جمانه : والله احنه نحبكم ومعدنه شي وياكم حتئ هاي ليان جايه تعتذر من البنات مو ليان بنتي

ليان : ايي ماما ايي

همست للبنات وگلت : منها من الشيطان

ريم : هاي متأكده ورها شي

ليان : اي بنات اني اسفه اذا ضوجتكم فد يوم وخاصة انتِ بنان

بنان : اييي

ليان : مسامحتني بنان

بنان : اني معندي شي وياج بس انتِ تصرفاتج ما ادري شلونها

ليان : ليش عيني شبيها تصرفاتي

جمانه : ليان كافي

بنان : تصرفاتج محلوه

ليان : ليش عيني محلوه فوك مجايه اعتذر

روان : غصباً معليج تعتذرين

رزان : كافي روان

ليان : دولن

بنان : احجي عدل ويه خواتي ليان

اباوع علئ مريم فوك كُل الي صار وياها گالت بتعب

_كافي ليان عيب دسوي

ليان : دنجبي لج اصلا اني شلون اجي اكعد يم بنات مشئومات يبجلي شؤوم اذا انتِ سقطتي من وره هاي الفكر رزان عرسها فكر عليكم وهاي الثوله بنان الي بصفج عقيم لو بيها خير جان جابتلها جاهل

رزان : ليان شهل حجي

ليان : انتِ سكتي اصلا ما اعرف شلون اخويه جان حاط عينه عليج ولا فوك كل هذاا رفضته فوك ما اجه يريد يسترر عليج وره منهزمتيي وي واحد وشوفي شخبصتي انتِ وياه طبعا تطلعين علئ امج الي ربتج

انيي اسمع كلماتها وشلون تحاجي خواتي ومريم واشوف رزان تبجي وبنان دمعه بعينه تخبلت اتهسترت كمت عليها گلتلها

روان : انتِ شلون تحجين هيج وياهم روحي شوفي نفسج اول هنه اشرف منج حيوانه

جمانه : احترمي نفسج واحجي عدل وياه بنتي

روان : من دنعل ابو بنتج

لطمت علئ صدرها وگالت : ولك محمود شوف هاي شلون تحجي ولكم لحكووا

ليان : احترمي نفسج لج كح** الله يعلم شنو مسويه انتِ هم

متحملت هجمت عليها هيج احس مو بوعي جنت كمت ملختهااااا خلصت عليها شعرها نتفته وجها خرمشته اكتل بيها وابجي واعيط احس جنت كاتمهه بگلبي بعد متحملت

روان : انتِ شلون لج شلون مكافي مكافي مكافييي مبزعتييي عادددد

جمانه : هدي بنتي ولكممم راح تموت بنتي

ريم : روان عفيه هديها كافيي

بنان ورزان يفاككون بيه ويبجن وخاله رحاب واني ماكوو خلصت عليها

روان : انتِ شلون بيج ها شلون مكافييي تجين ذبين سمج وطلعين

بهل اثناء الولد كلهم طلعوا من الصاله وعمامي واني ولا يمهه باقيه مستمرههه ياهو الي يجي اهيج عليه يريدون بس يوخروها مني احس فقدت ابجي واضرب واعيط وافشرر

عمي محمود : هاي شنوو ولج وخري

راد يدخل يجي يضربني بس فهد مقبل گال

_ عمي شدسوي

محمود : مدشوفهاا شلونن حاطه بنتي ولج وخري عنها

البنات بس يريدون يفككوني واني اضربها وادفع بيهن ..

البيت نهرج هرج لحد ما اجه ياسر وشالنيي

كمت ادفع بي وابجيي واكول : وخررر عفيهه خليني اعلمهاا شلون تحجي علينه علئ خواتي وامييي ولج روحي شوفي نفسج شوفي تربيتج حقيرههه

ياسر : روان علئ كيفج بس هدي روان

روان : هدني ياسر هدنيي

عاط عليه وگال : بس علئ كافي حتموتين نفسج روان

جمانه : الله ليوفقجج يا روان كون سرطان بكلبج انتي وخواتج وكون تنحرمن من اظفر طفل الله ليوفقجن الله ينتقم منجن

هنا تخبلت بالزايد كمت اعيط وادفر بياسر اريد بس يوخر

_ وخررر ياسرر وخرررر عفيهه اريد اشوف المن وعليمن تدعيي روحي شوفي بنتج ضبي بنتج لو مو بعينه نشوفها وهيه كاتله نفسها علئ فهد وتروح تعرض بنفسها ولكم هدونيييي عليهااا

ياسر : روان عفيه علئ كيفج مو راح تموتين شبيج روان بس هدي سمعيني سمعيني

روان : شسمع ياسرر وخر عفيه بس هدنيي مدتشوفه شدتحجي

محمود : ولج شلون تحجين هيج علئ بنتي دخلي الزمج

فهد : وين عمي شنو تريد تضربها وبنتك اكيد هيه البدت شوف شلون خبلت البنيه

محمود : كومي كومي ليان جمانه امشي اروح ما اريد اسوي عركة بنص اليل بس يصير خير باجر

زوزو : بعد لتجون

وليان تبجي وتكول : مسويتلهن سي والله

ريم : كل هذا وتكولين مسويتي

جمانه : الله ليوفقجن

روان : والله ليوفقج ان شاء الله و ادعيتج كون تنرد عليج انتِ وبنتج يا حقيرات وخرر ياسررر هدنيييييي

ياسر : ولج شنو الي اهده بيج

روان : مااا ماااا هدنيييي وخررر

وكمت اضرب بييي وادفع هوه بس يريدني اهدئ وياهو الي يجي يمي اضربه اباوع علئ بنان كامت تبجي ورزان هم لان اول مرا يشوفوني هيج

احجي واني فحطانه : كافيي هدنيي

ياسر : كافي روان ولججج حتموتين نفسج هدي واعوفج

روان : الله ياخذ روان الله ياخذها ربي اخذنيي وخلصني

شو ما احس غير نضربت راجدي من ياسر

نهاية البارت
يتبع ..

(لاتنسوا التصويت)

أن شاء الله يعجبكم البارت 💖 + بال 4000 كلمة

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور