رواية نقطة لقاء الفصل الأربعون 40 - بقلم الكاتبة دينا _ الكاتبة نور

"وضعتُ. عمري كله في نظرة واحدة ورميتها نحوك "

>>>>>>>>>>>>>>>>>>>

دمعت عيوني واني اقره الرسالتيم عفت الموبايل وكعدت مصدومه منو هاي معقوله فهد ديخوني !

بهاي الأثناء طلع فهد من الحمام

گال وهو يجي بـ اتجاهي : ليش باقية سهرانه لحد هسه منمتي

باوعت عليه بخذلان .. يعني يريد ياخذ راحته حتى يحجي بالتليفون ، بالبدايه جنت مصدومه منو الي ممكن فهد يحجي وياها واني اعرف فهد ماعنده هل سوالف ، بس سؤاله كأنما خنجر بگلبي

دمعت عيوني وكلتله والغصه مبينة بحچيي : ما اجاني نوم .. تريدني انام ؟

فهد : اكيد غير اخاف على عيونج بويه

جيت ابجي بس تمالكت نفسي وگلت : حنام هسه

حجى بـ استغراب وگال : شبيج ؟ اكو شي مضوجج قبل شوية مہَ جنتِ هيج

بنان : لا مابية شي

تقرب علية يريد يبوسني وگال : تؤ بيچ شي

درت وجهي عنه بقهر وكلت : فهدد وخر

خنزر وگال : ليش بلا ، شبيج بنان احجي شصاير ؟

بنان : فهددد كلت ماكو شي هيج بس نعسانه اريد انام وهاهيهه

هز راسه بعصبية وگال : والله حيل مبين نعسانهه

بنان : اي نعسانه وين الغريب بالموضوع

فهد : كلشي واضح مترديني براحتچ

رحت ؏ الجربايه تغطيت اريد انام حسيت بي هم اجه بصفي وحضني

دحست راسي بالغطاا ابجيي دموعي تنزل بهدوء ما اريده يحس علية .. جنت فرحانه حيل حتى اكوله اني حامل والفرحه مسايعتني بس متوقعت كل هذا رح يصير ويخرب كلشي علية

حضني حيل وگال : بنان صاير شي؟

دفعته علئ كيف وگلت : وخرر فهد اريد انام

فهد : هاي شبيج شنو هل تصرفات بنان؟

بنان : عوفني فهد اريد انام

فهد : متأكد بيج شي احجي بنان ؟

باوعت عليه ودموع بعيوني وگلت : گلتلك ماكو شي عوفني اريد انام

فهد : ماكو شي شكو لعد شنو هل دموع بعيونج

بنان : مابيه شي متوهم اريد انام

ضاج مني ودار وجهه وگال : خوش براحتج

غطيت راسي ودموعي تنزل اكتم شهكاتي حتى لا يسمعهن ...

______________

رزان
اجه ايهم و ملابسه نصها دم ومترب

كمت بخوف سألته : عزااا ايهم شبيك شنو هذا الدم !

ابتسم وگال : ماكو شي

رزان : يا عيني خطيه ماكو شي هسه تكلي هذا الدم منين اجه شمسوي وين متعارك

ايهم : ما اتعارك اني بس تعاركت ويه فد واحد مو بس اني ترا ولد عمي كلهم هم

رزان : صخااام ويامن احجييي .. شو باوع علية خما وجهك بي شي

ايهم : يابه مابية شي ..

رزان : رحت على ايمن موو

ايهم : ايباااه شمدريج

رزان : اي لو لا

ايهم : اي رحت .. لعبت بي طوبه الكو** ، مو كلت الا اتوبه

رزان : هسه شلون اكيد بيت عمي مراح يسكتون

ايهم : شنو ميسكتون شبيج هيج ضعيفه ترا هو الي بدأ مو هو الي دزلج الرسايل .. اذا نسكت بهيج حالة راح ننطي مجال يتمادى فـ وكفناه عند حده وخليه ينجب اشوف شلون بعد يحجي عليج

رزان : هو اكيد يستاهل بس اني اضوج من المشاكل ، كضيت حياتي عايشه ببيت كله مشاكل ما فد يوم مصارت مشكله

ايهم : الماضي ننساه ونعيش حياتنا .. اهخخ فد ارتاحيتت لما ضربته

درت وجهي متغاضيه عن الدم عندي فوبيا من الدم واخاف منه حيل گلت

_ غير ملابسك اضوج من الدم اني

ايهم : تدللين أنتِ

راح شوية غير ملابسه وسبح ورجع يمي حضنيي حيل ويكول بهمس : احبچ رزان حيل ، والله جان موته صار على أيدي لو ما فهد وخرني اتخبل اذا احد مسج بكلمة

بادلته الحضن وجاوبته : عوفه بعد هاهيه راح مو كتلته خليه بعد والله ما اهتم شيحجي علية خليه يحجي اهمشي عندي انتَ

ايهم : مبين متهتمين منو البارحه جان يبجي

ضحكت وگلت : اني

ابتسم وگال : كُلشي يهون رزان اهمشي عيونج الحلوات ميذبلن ما اريد تبجين بعد تمام تفاحتي؟

رزان : تمام تدري اني احبك هواي ايهمي ودكتوري

ايهم : لا هيج ترا ما استحمل اني حكعد اعضعض بالتفاحة مالتي

________________

روان
كعدنا اني وريم الصبح ورحنا نزلنا جوا يم زوزو
لكيناها كاعده تتريك كعدنا يمها

روان : ها بيبي شلونج

زوزو : هلا حبيبه تعاي تعاي

ريم : ها بس روان تجي تاكل واني

زوزو : اثنينجن تعالن

ريم : لا بس أنتِ كلتي بس روان مكلتي ريم

زوزو : انجبي وتعاي لتفرين عقلي

كعدنا نضحك يمها وهي تباوع ؏ المسلسل كالت : ولج ريم صدك تذكرت .. اكلج انتي تقبلين بمؤمل

زوزو حجتها بدون سابق إنذار وريم جانت تاكل رأساً غصت بالاكل وكامت تكح

طبطبت على ظهرها حيل وگلت : اسم الله اسم الله شبيج عيني هسه شكالت بيبي

وهي مستمره تكح بس بچذب كالت : حروح اشرب مي

راحت طيران للمطبخ واني كعدت اضحك يم زوزو

زوزو : شبيها البنت

روان : مابيها شي بيبي يجوز خطية استحت اوييي

زوزو : اي وأنتِ وينه تگج الثاني

روان : منو

زوزو : ياسر المخبل وينه

روان : مادري عنه يمكن نايم

زوزو : امممم هو بس يسمح حسج تلكي يكمز هنا

ضحكت وجاوبته بخجل وگلت : شنو الي بيدي اني

زوزو : اهخخ منج انتِ اهخخ

اجتي ريم شايله كلاص ألـ مي وتباوع لزوزو صفح

زوزو : اي ريم شكلتي

ريم : هـا على شنو

زوزو : على مؤمل

ريم : مادري

زوزو : شنو متدرين يردون خبر أهله

ريم : شمدريني بيبي

كلت بسرعه : بيبي ترا ريم موافقه هي كلتلي بس تستحي تكول

زوزو : عرفت عرفت

كالت ريم بصدمه : جذابه زوزو هاي روان اكبر جذابه

زوزو : ديلا هسه واذا وافقتي

ريم : جذابه روان بعدني ما ادري

زوزو : وهسه شبيج تخبلتي شكالت روونه

روان : اي والله يا بيبي شفتي

دفرتني ريم وگال : چذبببب لتصدكيهااا زوزو

زوزو : اصدكها جا روان مثلج هاي بنيتي الوردهه

ريم : عزااا واني

زوزو : دمشي ولي انتِ

حضنتني وكمت اغور بريم والعب بأعصابها : حبيبتي بيبي لتجذب عليج ترا موافقه وراح تخون العهد وتتزوج اعرفها

زوزو : مو بعيده والله

باوعت لريم من فشلتها عيونها دمعت وتحاول تبرر واحنه ناصبين عليها

جتي خالة رحاب يمنا وهم كعدنا نسولف لحد ما نزلوا كلهم الا ياسر ما اكو ، وينه هذا شو تأخر مو من عوايده

نزلت بنان ومن شكلها ضايجه اجتي كعدت يمي

كلتلها بهمس : ها ولج بشري حصير خاله لو لا

مجاوبتني باوعت عليها عيونها تلمع

روان : بنان بيج شي ؟

بنان : لا

روان : لا والله بيج شي

ضحكت وگالت : مابية شي لتلحين

عرفتها تضحك تسلكلي فـ سكتت وضلينا نشاقه ونضحك

رزان كالت : اييي وهسه ريم راح تزوج

ضحكت مريم : من مؤمل

كالت ريم بقهر : شو انتوا واثقين اقبل

بنان : ها ريمم عليناا

زوزو : يعني هسه ننطيهم رفض

ريم : هـا لا اا لا

روان : شوفييي اعترفت تريده

زوزو : واضح اصلا

ريم : كافي عاد

نصبنا عليها وهي تبرر وتريد تبجي بحيث زوزو شهرتها تكول ريم وافقت ريم وافقت

من بين الكل جنت مفتقده ياسر ما موجود
كمت من يمهم مدام ماكو احد اكيد هسه هو بغرفته
رحت عليه فوك وفتحت الباب فتت

الغرفه ثلججج مدري شلون ينام هذا
ونايم چان هو

ابتسمت وصحت عليه : هيااا انهضض ايها الكسول
يلااا لكك اليوم ماكو راح يصير الغدا وانت نايممم كوووم يلا

وخر البطانيه وباوعلي توه كاعد : هاي شجابج عمي

روان : اوي شجابني اشتاقيتلك عمي

ياسر : اهخخ احلى كعده هاي تعاي تعاي بحضنيي

روان : ماااااا

ياسر : ما آسويلج شي لتخافين اعرف شوكت اسوي

روان : عزا بعينك هذا انتَ ياسر ؟

ياسر : ديلا عيني يلا شكلت دتعاي

روان : مااا اشوو متستحي انتَ

ياسر : صارت متدينه براسيي

روان : شو خلي اروح احسن هوه هم صوجي اجيت اتفقدك

ياسر : تعاي تعاي اشاقه بطلت ما احضنج تعاي ابوسج

روان : سرسري ما احبك

ياسر : اني هم احبج رواني

روان : اوووف

ياسر : شسمه شنو بيش ساعه هسه

روان : 12 الظهر

غطا راسه وگال : بعد وكت لعد

روان : يااا بعد وكت كومم اصلا ضوجهه لان انتَ ماكوو

وخر البطانيه يضحك وگال : ضوجه بدوني هيهيهييهيهي ايبااااخ عمييي متطورة رواني

روان : اي اي متطورة ممتطورة هسه امشي اني حنزل وتعال انتَ خوش بعدين تعال شنو سهران خاف جنت تخوني ما اتحمل خيانتين ترااا منك ومن اختك

ياسر : دقيقه استوعب مو لسان رشاش .. ترا البارحه رجعت متأخر وية هذولة المخابيل و تعاركنا

روان : اي اي اضحك علية بسيطه اني اعلمك

ياسر : دروحي لج تعلمني واني بحجاية اخليج ترجفين هيهيهييهي اذكررررج

خنزرت عليه وگلت : حطلعععع

ضحك وگال : اجيتج عمي

___________

همام
خلصت شغل واجه علئ بالي مَي احس ميكمل يومي اذا ما اروح واحجي وياها رغم فهاوتها الي تجلط الواحد .. قررت اروح اشوفها بحجة احجي عن قضية اختها واكللها خلي ابوج يجيني ...

وضلت و مثل كُل مرة ضليت ادور عليها وهي ماكو
ضليت افتر وادور عليها

رحت للمكان الي هي تكعد بي كل مرة وهم لكيتها تبجي

رحت عليها ركض واني قلق عليها گلت : يابويه دورت عليج المستشفى طلعتي أنتِ هنا ، هاي شبيج دتبجين

وهي تباوعلي وتمسح بدموعها : اني هنا كل مرة ، عادي مدابجي الشمس صارت بعيوني

همام : شبيج دتبجين ترا اني مو غشيم حتى ما اعرف

مَي : هـاا

همام : اهوووو رجعنااا

مَي : على شنو تقصد ؟

همام : استغفر الله ، شبيج تبجيننن

بچت وكالت : كلهم يكولون علية فاهيه والدكتور رزلني ويكلي شبيج متستوعبين بس تكولين هـا و هـا والموجودين كاموا يضحكون علية

همام : يا دكتور منهم

تحجي وتمسح بدموعها : هـاا

مسحت على وجهي وگلت : يا دكتور شسمه وين بيا قسم

مَي : دكتور* هو بقسم ***

همام : راح اروح احجي ويا

مَي : هـاا

همام : راح ارووووح احجييي وياه

مَي : لا لا عليك الله لتروح هي عادي كل مرة هو هيجي وياي شاد شسويله

همام : شوفي هو أنتِ صح تشلعين الگلب بس ماقبل يحجي عليج ويضحك الكل هم لو محاجي كدام أحد احسن بس هسه اشوف رح اروح احجي ويا حتى متصير مرة ثانيه

مَي : لتروح عفيه

همام : تمام على راحتج

طلعت كلينس وانطيتها الها : هاج امسحي دموعج

مَي : هـاا

همام : امسحيييي دموعجج

نزلت دموعها بالزايد : شبيك انتَ جيت زيدتها علية بس تعيط شو خل اروح

همام : وين وين

- هـا

همام : هاك وتكلي ليش تعيط علية

مَي : متكلي انتَ شبيك خلي اروح احسن

همام : الكلينس هاج امسحي دموعج

مَي : هـاا شكراً

اخذتهن وراحت تمشي على كيفها
بعدين تذكرت ردت اكوللها ابوها يجي للمكتب العصر

رحت وراها وگلت : اوكفي دقيقه دقيقه نسيتيني الموضوع جيت اكلج كولي لابوج خليه يجيني العصر خوش

مَي : هـاا

همام : راح اموت .. كولي لابوج خلي يجيني العصر للمكتب علمود قضية اختج

مَي : هاااا اييي ميخالف

راحت تمشي بعدين التفتت وگالت : صدك ليش مخابرته انتَ؟

همام : هـاا

مَي : ليش مخابرت ابوي

همام : هـاا
مَي : شبييييك ليش مخابرت ابويه انتَ وگلت اله

همام : هااااااا ؟

مَي : شبيك متسمعنيييي داكول ليش مخابرتهه

همام : هيج احسن

مَي : بيك شي شجاك

همام : شلون اشرحلج أنتِ هيج وضعج

مَي : وخر انتَ هم شنو تعيب عليه

همام : ممعيب

كامت تبجي مره ثانيه وتكول : لا معيب كلكم هيج تعيبون زين اني شنو ذنبي

همام : بابا شبيج ممعيب اني

مَي : هـاا

تنهدت وگلت : روحي مَي روحي

دتروح جان ترجع وتكول

_ عادي اكُلك شي

همام : كولي

مَي : اذا اخابرك او اراسلك تضوج ؟

همام : هـا

مَي : شبيك

تفاجئت من كلامها وگلت : اي عادي براحتج اذا تحتاجين شي او هاي خابريني

مَي : ايي تمام هوه لان اني اريد اعرف اكثر عن قضية اختيي وبابا ميقبل يكُلي

همام : تمام خابري

مَي : هـاا

همام : خابرييي خابريي راسلييي براحتج

مَي : هـاا تمام تمام فهمت

_______________

بنان
صعدت للغرفه واني مقهورة من البارحه لليوم واني بَس ابجي

نزلت دموعي واني اتذكر الي صار البارحه .. ابد مجنت متوقعتها من فهد

رجعت ابجي وامسح بدموعي .. اصلا ليش ابجي عليه وهو يخوني

لزمت بطني واني مبتسمه من بين دموعي .. لو مصار كل هذا البارحه وخرب كلشي علية وخربت فرحتي كلها

دك جهازي لما شفت الاسم هو فهد
شلته وفتحت المكالمه
اجاني صوته بهدوء

- هلو بنان شلونج

جاوبته والغصه بكلامي : زينه

- متسألين علية متكولين شلونك وين صفيت .. مو أنتِ البارحه دكيتي تتعاركين لان مسويتيلي ريوك

حاول يغير المود ويتشاقه بس جان الوضع نفسه گلت

- شلونك

ضحك باستهزاء : سويتي فضل سألتي

كلبي عصرني وهو هيج يحجي .. يحجي علية لان ما اسال عليه وهو يخوني

_ شبيج بنان ليش متغيره

- اني ؟ ابد ممتغيره

- لا بيج شي من البارحه وأنتِ مو طبيعيه احجي كولي خلي اعرف ليش

- مابية شي ترا

- على راحتج .. محتاجه شي

- لا

- مو مثل كل مرة من تكوليلي سلامتك

- نفس الشي عادي

- بالنسبه الج .. مع السلامه

سد الخط هو واحس گلبي انعصر
كمت ابجي واشهك واحجي بيني وبين نفسي
ليش كل هذا يصير بية مو قوية لهيج درجه اني
وكل ما افرح يصير شي يخرب علية فرحتي ...

مو هو نفسه الي جان يكول : انتن النسوان كلجن نفس الشي

ورجع كالي : أنتِ غيرتي نظرتي بهل شي لما شفتج عرفت مو الكل نفس الشي ... ليش هسه يخوني لحد الان اتذكر الكلام مال الرسايل الي قريتهن

رح اتخبل راسي كام يوجعني هلكد ما بجيت حسيت راسي رح ينفجر رجعت نزلت جوا ردت الهي نفسي بأي طريقة

___________________

روان
كاعد كبالي ياسر وهو يبتسم ويباوع بجهازه
هذا شعنده

حجيت وگلت : ياسر

- شكو

كالها بدون ما يلتفت الي

روان : ياسرر شبيك باووع مو داحجي وياك

ياسر : اي وياج

روان : واضح اصلا وياي

ياسر : شبيج تدورين مشاكل

روان : ترا مدادور مشاكل مدتشوف نفسك انتَ كالب علية اصلا

ياسر : متوهمه طركاعتي

هو يحجي ومو يمي وبس يضحك
كمت بعصبية عليه وداريد اجر منه التليفون رأسا سده

ياسر : ها ها شبيج جنج ثور جيتي

روان : عزااااا اني ثور ؟

ياسر : اي لعد منو اجه يريد ياخذ تليفوني

گلت بعصبية : انتَ دتخونيي

اول مكلت هيج هو كام يضحك وميسكت بس يضحك

روان : لتضحك انت تخوني موو .. خل تفيدك

داريد اطلع وهو يضحك ماحس غير سحبني من ايدي حيل وگال

_ تعاي تعاي عمي شبيج ترا داحجي وية صديقي

روان : عوفني ياسر قصدك صديقتك وخر وخر

ياسر : شبيج وي صديقي

روان : واضح وي صديقك واني اول ما اجيت سديته دتخونييي كُل كلامك جذب احبج طركاعتي ومدري صخاميي كله جذب جذب هوه انتَ خاينن هاي تاليتها ياسرررر تخونيييي اني تخونيييي

ياسر : وحده وحده صبريي بابا يا اخونجج شبيج وي صديقي والله اني خبل اخون وعندي رواني

ابتسمت بس رجعت دلغمت عليه وگلت : لا دتخونيي

ياسر : اهووو تعاي اشوفج هاج

فتح تليفونه وگال : هاج شوفي ويامن داصخم اقري الاسم

قريته جان احمد فـ گلت

_ منو يكول مو غيره

ياسر : شوفي الدقايق

روان : يجوز جنت تحجي وية البنية ولما جيت غيرت عليه

ياسر : شبيج عمي راح ابتلي بيج شنو تشكين بية

روان : لا اكيد وخر خل اروحح

ياسر : ماكو تعاي ابوسج

روان : شتبوس وخرر

ياسر : لعد لتكولين اخونج بعد شعندي خيرج اني احبل اجيب

روان : اممم

طبت ريم لابسه صايه ومستعجله كالت : ياسر تاخذني للاسواق هسه ؏ سريع حباب عندي نقص اشياء وهسه امي هم وصتني

ياسر : خوش يلا

باوعت بصدمه وگلت : اني هم اروح وياكم مو بس انتوا

ياسر كال يستفزني گال : لا بس اني وريم

روان : والله الا اجي اصبرولي

ريم : يلا انتضرج

ياسر : لا حروح هسه اني

روان : اوووكفو عليكم الله هسه اجي

ريم وياسر يضحكون علية رحت عسريع بدلت ونزلت رحت طيران عليهم برا وركبت سيارة ورحناا

لما وصلت للأسواق ياسر گال : روان شتردين اشتري تمام

روان : شكراً يسوري اكيد بدون متكلي

ريم تباوعلنا وتهز بيدها : والله يا الله

ياسر : اوي ديلا نزلن بسرعه ركض تشترن تمام

نزلنا للأسواق وريم گالت

_شوفو انتوا اشتروا وانتضروني يم الرجال خوش اني اريد اشتري وحدي ماريد ازعاجات

ياسر : روحي بكيفج تعاي رواني

رحت ويا ياسر اشتري غراض وهاي وريم راحت تشتري
______
ريم
رحت ادور على غراض امي تريدهن واني شفت الحلويات كمت من كل نوع اشتري شكددد حرفياً نقطة ضعفي واجيب واشتري مفكرت ابدا بياسر ولا الحساب

لميت الغراض كلهن ورحت على ياسر وروان

لكيتهم واكفين وينتضروني رحت لياسر : هاك جبت هذني

ياوع علية وفتح عيونه بصدمه : هاي شنو شجايبه المحل كله ؟

ريم : شنو

روان گالت : بعد بعد .. خلصتي المحل لو لا

ياسر : ما ادفع امشي هسه ترجعين نصهنن بسررعه

ريم : لا ياسر حباب هذني كلهن احبهن ماكدر ارجعهن

ياسر اعناد بيها گال : كلتت ماا ادفع

ريم : مااا والله اريدهن كلهن

- مو مشكله ادفعهن اني

التفتت بصدمه للصوت الي وراية .. مؤمل !

ياسر سلم عليه وگال : لا شنو تدفع

باوعت على روان بالكوة كاتمه الضحكه واني مقهورة هسه من شافني شكال مشايفه ؟ بس والله انقهرت

باوعت بحقد لياسر ورحت دا ارجعهن

مؤمل : لا والله الا ادفعهن

ياسر :لا ميحتاج شني ماعدها اخوان اني ادفع

مؤمل : مو هيج اقصد اني

ياسر : وصلت عمي هسه اني ادفع وخلص تعاي جيبيهن

كلت بقهر : ماريد هسه حرجعهن كلهن

رحت داريد ارجعهن ياسر كال : تعاي خل ندفع تأخرنا

ريم : راح ارجعهن مو كلت رجعيهن

مؤمل : ترا اني اريد ادفع تعاي

ياسر : انت شعليك اني اخوها يلا اشتري انتَ واطلع

مؤمل : محلك لازم ؟

ياسر : اي بكيفي

مؤمل : اني ادفععع

ياسر : متدفع هسه شكو لزكت اني اخوها اني المسؤول عنها وجنت اشاقه وياها

كلت بصوت ناصي اهوووو هسه شلووون وية ذولة
وهاي روان الحقيرة بس تضحك علية

رحت حطيتهن وياسر دفع غصبا عليه ، و مؤمل ضاج
طلع ياسر واني وروان طلعنا

التفتت اباوع لمؤمل اشرلي علئ شعري عود طالع
اشرت اله عود ما مفتهمه شيريد .. جان يخزرني ويرجع يأشر عود ضمي شعرج طالع من الحجاب

عدلت حجابي ودرت وجهي وروان كرصتني وگالت

_ فطست ضحك عليهم خبااال وهذا مؤمل عنده عناد

ريم : نسخة فهد الثانيه

روان : همزين " اميري الوسيم " مو هيج

ريم : اضرب منهم

صعدنا بالسيارة
طلعت من العلاليك نساتل وانطيت لروان

ريم : هاج اكلي

روان : شكراً صديقتي الصدوقه

كال ياسر بعصبية : واني فوك ما دفعت لحلكج متنطيني

ريم : لا هاك

ياسر : لا والله انطيني بعد

روان : هاك هاك اني انطيك هاي انانيه اصلا مشتريتهن لروحها مو الك

ياسر : عفية بـ مرتي المستقبليه

روان : يسورييي انتَ

ريم : اهمداكم كدامي يتغزلون بسيطهههه انتِ روان الا اكول لبنان

روان : خبيثه حية صفرة

ريم : اي اي

ياسر : كعدن راحه

_________________

بالليل / بالصاله
همام و ايهم و حسن كاعدين بالصاله
نزل ياسر وية الديجي مالته والمايك

حجى ياسر وهو يطب للصاله : هاااا خوتي هاا

- هاااا

علك الديجي بأعلى صوت وهو يركص : احنه البيكيسي المايسكت والبهبهاني يلوك النا

كام همام يهوس ويا : ثكال وطارينه يموت ربك من كلشي مكملنا

ياسر : ما ننفات وميعبرونا والموت مكحلين عيونه لحد يتصور من دونه راح نموتتت

حسن : هذوله شبيهم تخبلوا

ايهم يهز ايده : رسمي

عاط ياسر بالمايككك : دقيقه دقيقه وين كايمين كعدووا

تردون اغير الاغنيه شبيييكم كالبين چهركم

همام : اني اني خل اغيرها خل اطلعلكم نانسي

ياسر : اييععع

ايهم : الله شنو هل أذواق ابدعونا

حسن : خل اكوم احسن

ايهم : بداعتي اكعد اريد من يجي فهد يشوف المخابيل ووضعهم هذا

همام طلع نانسي وكعد يغني وياها وهو صوته مزنجر _ انا عم بلششش حبككك أنا لماااا بشوووفككك بتلبككك مع انكك بتضلككك ساااكت ئلبيي عم يسمعككككككك

حسن : وسم حتى سم دباع الصوت دخيلك ربي

همام : انجب انطيني تحفيز عالاقل شكد عكره

ايهم : اول مرة اشوفك ويه ياسر متصافي

همام : نغير مودنا قابل كل مرة نتعارك

ياسر : لعد شسمههه عوفك هاي نانسي تتنعوص باععع حطلع شلون أغنية

ايهم : عفية عفية يريد يتزوج هذا عود

سمعنا صوت سيارة برا يعني فهد اجه

كال ياسر : باعو باعو ميكتلني حشغل هيثم ندلل سيادة الضابط

حسن : واذا كفخك

ياسر : يابه ميكفخنيي اتحداه

همام : اهمداااك جيب اطلع ماجد

ياسر : انجب نطلع هيثم

همام : لك بابا اغاني هيثم مو مال ركص

ياسر : لعد ماجد اغاني تركص

همام : هسه معليييك بس جيب

ياسر : معلية والله

فات فهد بهل أثناء وضل صافن على ياسر وهمام
جان منظرهم يضحك اثنينهم يجرون بالديجي وكل واحد يريده اله

خزرهم وگال : شنو هل مسلته الصايرة وانتوا مخابيل وين أبوية وعمي

ياسر : راحوا لصديقهم

فهد : وانت حسن المفروض الجبير وراية تكعد تخليهم هيج متخبلين ويدكون ويركصون والاغاني بنص الليل

همام : ترا مو بنص الليل بعد الساعه 9

فهد : انجب عود انت المحامي هم عندك طكات
يلاا كل واحد لغرفته

ايهم : افااا اني انطرد وياهم ؟

فهد : لا انتَ وحد يلااا

حسن : واني شنو هنا ؟

فهد : انتَ هم اكعد ما اقصد عليكم اقصد على ثنين مخابيل راح اوديهم للشماعيه واخلص

ياسر : اي والله تسوي فضل .. والله الشماعيه تونس مو صح همام

همام : اي ونلبس هاي الدشاديش مالتهم

ياسر : هيهيهيهيهي يلا ودينا اريد اروح

فهد : امشوا ولوو تستهزؤون مهاجيم

همام : من رخصتكم سيوو جيب ياسر اني اشيل الديجي

ياسر : ولي ترا مالتي

همام : انجب " همس لياسر " شبيك بالغرفه نطلع اغاني وننصي عود

ياسر : لا لا اخاف فهد يسمعنا

همام : هسه واذا يسمع شنسويله نضل هيج

ياسر : عمي ترا اني الي انكتل أما انت يكول جبير وميكتلك ليش لان محامي وهاي اهمداااك اي والله

همام : ولك والله بطرانين احنه عبالك مراهقين معبالك زلم مشوربهه امده حضنه

ياسر : هسه درووح والله لو اصير 80 سنه هم اتمركص

همام : اييي بعد راقصة يسرئ شلون متتمركص

ياسر : شحجي شكول عليك ايهممم خليت هل كلمه بحلكهه

_______________

بنان
كاعده بالغرفه وبيدي تليفوني اكلب بيه
حتى ما الي واهس انزل جوا يم البنات
حسيت روحي دايخه ونفسي تلعب وكضيتها الوب حتى متعشيت زين كمت اريد انزل اشري مي
انفتحت الباب وفات فهد

رفعت راسي اباوع عليه بقهر
ابتسم الي واجه بـ اتجاهي

فهد : ها يحلوه شلونج

بنان : زينه

فهد : بس ؟

بنان : عفية فهد شوية وخر خلي انزل جوا

اشو بحركه سريعه سحبني من خصري قويه وگال

_ مسويلج شي اني كُليلي بنان ليش هيج تصرفاتج

بقيت مباوعه بعيونه محجيت شي جان قرب يريد يبوسني وجان ادير وجهي ودفعته بخفيه وگلت

_ وخرر فهد عني

فهد : شبيج ليش تتهربين مني اني شمسويلج

بنان : ما اتهرب منك اني

فهد : والله كلشي واضح ترا لعد شنو هاي تصرفاتج

بنان : فهدد كلت وخرر اريد انزل تراا ماكو داعي لهاي المواضيع تمام

وخر عني وحجى ببرود : نزلي

نزلت والغصه بگلبي كُل ما اريد اعاتبه اكو شي يوقفني .. لكيتهم كلهم متجمعين بالهول وديسولفون
رحت كبل للمطبخ شربت مي كلت بلكي شوي اصحصح

رجعت كعدت يم البنات ديسولفون بخصوص موضوع ريم ومؤمل

ضليت صافنه واحس بدوخه فضيعه ونفسي تلعب

لحد ما كالت ريم : بنانن شبيج

بنان : مابية شي

روان : انتي اليوم خلصتيها علية مابية شي ومابية شي بنان كولي شبيج

رزان : نوديج للمستشفى ؟

كمت بعصبية : شبيكم مابية شي

هي كومه وهي دوخت رأسا تقيأت بالكاع

اجتي خاله رحاب وزوزو من عياطها حتى فهد سمعه واجه علية

جتي وياي روان غسلت وجهي وفهد وراي واكف وهو يكول

_ متكليلي شبيچ أنتِ راح اتخبل

لزمتني وبالكوه اصعد الدرج واحس روحي مايعه وراسي يوجعني

كالت روان بخوف : اكلج خاف أنتِ حامل شطلع بالاختبار شو متحجين

بنان : بعدين اكلج هسه اريد انام حيل تعبت روان مو وكت الموضوع هذا

كعدت عالجربايه وهي كالت لـ فهد : عفية فهد اني حروح ديربالك عليها خاف بيها شي

فهد : ترا اني زوجها كاعده توصيني شنو

روان : شمدريني من خوفتي عليها

طلعت وهو دك تليفونه وراح يخابر يحجي .. بس صوته ليش ناصي .. كمت احس روحي اتوهم هو كل مرة هيج يحجي بس الرسايل الي شفتها كفيله تخليني اصدك فهد ديخوني ..

من خلص المكالمه ضل يباوعلي وصافن علية بهدوء اجه كعد يمي راد يبوس راسي .. درت وجهي

جان يعيط عليه وگال : ترا سكتت بما فيه الكفايه أنتِ شبيج هاا كولي شبيج ؟؟ بلحظه انكلبتي علية واني ممسوي شي !

بنان : وانتَ لتلح علية كلت مابية شي يعني مابية شي

فهد : لا والله مابيج شي وشنو تفسريلي كل هاي تصرفاتج ترا بزعتيني بنان مدتشرحيلي شبيج لتخليني اتخبل عليج هسه

بنان : مااااا بية شيييي بس عوفنيي .

فهد : اعوفج ؟

نزلت دموعي واني احجي ويا بقهر : اي عوفني

عيونه صارت حُمر وهو يباوعلي : خوش

راح للميز وسحب سويج سيارة وطلع
بجيت بقوه وكمت اشهك يربي راح اموت من قهري
هو يعرف بروحه شمسوي ويجي يكلي شبيج !

_______________

غرفة البنات
ريم : اكلج روان اوافق لو لا

روان : ها تردين تخونيني ريم

ريم : يابه دعوفي هل سالفه أنتِ هسه شتنصحيني

روان : شوفي تردين الصدك يعنييي

ريم : ايي

روان : مدام هو طلع يحبج وأنتِ من زمان تحبيه فـ اقبلي

ريم : بس بعدني صغيرة احس انوا مو مال مسؤولية وزواج وراي دراسه وطموح

روان : اكيد شوفي هاي اذا تقبلين لازم تشرطينننن عليه شرط تداومين خوش ؟ ترا اني لازم اداوم وياج وهاي ماكدر بدونج

ريم : عفية شلون اني احبه بس ماريد اتزوج هسه واعوفج

روان : ها يعني متزوجين علمودي والله أنتِ كفو

ريم : اكلج شتكولين افتح الحضر وأشوف مؤملي شمسوي ممسوي

روان : ها ريم مو كلنه تصيرين ثكيله

ريم : مو احسه خطيه وهاي

روان : انجبي

ريم : اكلج روان

روان : نعم

ريم : اني حلوة

روان : لا

ريم : اقصد مو هسه يعني من شافني سيادة الضابط مؤمل

روان : لما شافت شوفي احجي العلية والي مو علية
هو يعني حلوة بس شنو شالج شوي مخربط

ريم : اهخخ زين سؤال

روان : خير خير

ريم : شعري لونه حلو لو اصبغه

روان : عزااااا لا يحبه اصفر مؤملج

ريم : هم صح بس عاجبني اصبغه

روان : صبغي بليلة عرسج حتئ يتخبل

ريم : والله فكرة

روان : شعبالج اني ام الافكار

____________

رزان
نزلت بالليل الكل نايم حتى ايهم جان نايم
روحي مقبوضه والدمعه بعيني

نزلت طلعت بالطرمه وكعدت بالمرجوحه وتنزل دموعي

تذكرت ماما الهام .. دائما هي على بالي ومنظرها بآخر لحظات ما اكدر انساه

غطيت وجهي وكمت ابجي حيل لحد ما سمعت صوت ايهم وراي : رزان شبيچ تبجين

التفتت بصدمه وبعدها دموعي تنزل
اجه كعد بصفي وحظني ويهمس : شبيج رزان لتخوفيني

رزان : ايهم كلش وضعي مو تمام احس رجعت مثل قبل

ايهم : شلون يعني

رزان : احلم احلام بـ ماما الهام و احس روحي تريد تطلع واريد اضل بس وحدي

باوع علية وصفن : تمام ليش تبجين هسه ماكو شي .. هي مجرد احلام وهسه تتغير نفسيتج نطلع وين تردين نطلع باجر

بجيت وكلت : ليش ماكو شي اريد اروح لماما الهام والله مو بس اني كلنا نريد نروحلها .. هي لما تجيني بالحلم يعني تريدنا نروحلها مو صح

ايهم : لتبجين روحي أنتِ كافي اخذج أو لا أحاجي فهد نروح كلنا ونشوف شوكت نحدد يوم

رزان : اي عفية حباب

ايهم : انتهينا من هاي السالفه زين نفسيتج شبيها

رزان : مثل قبل مو كلتلك اريد بس اضل وحدي

ايهم : تراكمات داخلية .. فضفضي ؟

باوعت عليه ودموعي تنزل : مادري شلون

ايهم : تمام على راحتج .. شو باوعي علية

مسح دموعيه بـ أيديه ومبتسم الي : دموعج ما اريد اشوفهن مو كلتلج

هزيت راسي ب أي

ايهم : تمام يلا نطب ننام تأخر الوقت

رزان : اوك
__________________

غرفة الولد
همام : ياسر .. ياسر كاعد ؟

ياسر : نعممم شتريد

همام : نعم الله عليك .. والله ماريد بس ضوجه

ياسر : اي صح ضوجه حيل .. صدك تعال انتَ شبيك هل ايام صاير رومانسي جداً

همام : ها ؟

ياسر : شبيك شبيك هل ايام

همام : شمدريني شبية

ياسر : دحجي وانه اخوك

همام : انتَ مخبل شوف اني ماعندي ثقه بيك فلهذا ما احجي كدامك اني صريح ترااا لتزعل ؟

ياسر : دنجب يلا كافي تمسلت احجي ماكول شتعرفني

همام : هسه بس أكلك الكاه يم ابوية وزوزو عبالك مادري بيك اني

ياسر : والله ما اكول

همام : ديلا عادي تكول متكول هو بالنهايه مدري شحيصير بس انا عاشق ولهان

ياسر : احللللللف

همام : والله

ياسر : والله عرفت وراك فدشي انتَ تعال منية هاي التحبها

همام : شوف ماريد اكلك منية

ياسر : دكوووول هي ضلت منية عمي هيهيهيهيهي

همام : انجب بس احلف متكول لأحد

ياسر : والله

همام : تدري منية

ياسر : لك كول منية الحبت وحده مثلك

همام : بطلت .. بس هو يمكن حب من طرف

ياسر : لااااااا

همام : شبيك قندره لتجوعر كلنا بيناتنا لحد يسمع من ورا عياطك

ياسر : ديلا يلا كول حتى لو من طرف منية تعيسة الحظ

همام : الممرضه

ياسر : يا ممرضه

همام : شبيك متذكر

ياسر : هااا

همام : خرببب لتصير مثلهاا

ياسر : شبيك مدافتهم يا ممرضه

همام : مخبل باع تذكر من تخربطت وهاي

فتح عيونه بصدمه : والله عرفت عينك عليهااا عرفتك من عيونك هيهيهيهي

همام : اي اهخخخ مدري احس حللت مشاعري وطلعت صدك احبها

ياسر : شلون حللتها

همام : انجب لتدوخني بس يعني لازم تعرف حتى اشكيلك واحجيلك كل جديد ونتشارك الأحداث الجديده يعني خما اضل هيج

ياسر : كفو كفو عميييي

همام : ديلا كافي احس هاهيه لتلح علية

ياسر : هي شسمها

همام : معليك

ياسر : دكول هسه شنو هو اسم

همام : ماريد اكوله شنية كوه

ياسر : طاحضك هو اسم شنوة قابل رمز تليفونك دروح خل انام احسن بلكي احلم احلام سعيده

همام : واحلملي بدربك لان احلامي تعيسه

ياسر : حتى بأحلامي لاحكنيييييي

_________________

بنان
طول فهد حيل صارت الساعه 1 بالليل وهو ماكو
مردت ابقى بالغرفه عيوني ورمت بسبب البجي ومنا نفسي لعبانه

رحت لغرفة ريم دكيت الباب .. طلعت بوجهي روان

روان : يا ستارر شبيج خيتي فوتي فوتي

كعدت ريم : يااا بنان تعاي تعاي

كعدت يمهن واني ساكته وهمه يحجون

روان : راح انتحر اليوم اني اذا متكولين شبيج ترا أنزل واعيط والم البيت

ريم : اي والله واكول لفهد همم حتى يعرف يتصرفف
باوعت لريم بحزن وهذني يريدن يعرفن شبية

گلت بهدوء : اني حامل

عاطن بفرحه ويضحكن

روان : اللههه وأخيراً حصير خاله اوي اوي حبجيييي اريد اسعافات اولية

ريم تكمز : للاااا ماصدك حصير عمة بسن الزهور

ابتسمت الهن : اي اي افرحووا باعن وحده منجن تجيبلي برتقال من جوا خوش وبسرعه

روان : حروح اني يدلل ابن اختيييي الحلووو

ريم : لاااا اروح اني اجيب لابن اخويه الصاكك

بنان : ديلا عفية بسرعه مو هاي شسمه اشتهيت بوقت غلط

روان : يلا حنزل اني اجيب

ضلت ريم يمي وتحجي : اكلج بنان دحجي شبيج احسج مفرحانه لان حامل

ابتسمت : لا يمعوده شلون مفرحانه والله حيل فرحانه هم

ريم : اوي شكد كيوت اتخيله يشبهكم انتي وفهد صكوكك

بنان : اي الله كريم

اندكت الباب وريم كالت : منوو

- منو يعني ؟

ضحكت وكالت : فوت فوت سيادة الضابط جاي على زوجتك

انكلبت ملامحي بصدمه

هو ما طب بس مد راسه وباوعلنا شوية وكال : شنو حتبقين هنا ؟

هزيتله راسي بمعنى اي

طلع وسد الباب حيل

كمزت ريم : شبيكم شبيكم متعااركين ؟

بنان : لا بس ضجت وجيت يمجن

ريم : عليةةة بنان علية

بنان : اي والله شبيج بس هيج

ريم : اوك رح اغلس

طبت روان والماعون مال برتقال ب أيدها وتضحك

ريم : خيرج تضحكين

روان : شمدريني اتخيل بنان يصير عدها طفل .. اذا يبجي يمكن تكعد تبجي وياه

ريم ؛ اكثر شي صح

بنان : انجبن جيبي البرتقال .. اكلج من جيتي شفتي فهد

روان : اي شافني اني والبرتقال مالج

بنان : باعن اريد اكول شي اوك

ريم : كولي

بنان : لحد تجفص وتكول بنان حامل هالشي بيناتنا احنه ال 3 وبس

روان : ليش شنو متردون تكولون ؟

بنان : حتى فهد ميدري

ريم : العبببببب ليش ليش

بنان : دوكفي ديربالكم اوك لحد يحجي ويلا اريد فراش حتى انام

روان : والبرتقال

بنان : احس لعبت نفسي خلي بعدين تمام

رجعت حطيت راسي عالمخده سألتهم : باجر جمعه مو

ريم : اي جمعه

بنان : فهد باجر ماعنده دوام

روان : اي لتخافين مكابلج

بنان : اممم

ورا دقايق محسيت غير نمت

_______________

روان
كعدت الصبح واني اتكلب بصفي ريم نايمه بسابع نومه

باوعت شفت مكان بنان فارغ
شنو وينها هاي
كمت واني بالكوه افتح عيوني
بالغلط دست على رجل ريم

وهي فزت : اهخخخ رجليييي هاي منو داس

روان : اني اني انهمدي

رجعت نامت تعد وتصف واني حايرة وين بنان من فضولي طلعت من الغرفه افتر بالبيت ادور عليها
افتريت غرفه غرفه ونزلت جوا لكيتهم كلهم كاعدين ويسولفون حتى عمامي وفهد يمهم وياسر وهمام كلهم موجودين شنو ليش بنان ماكو لعد
لكيت رزان جتي علية

سألتها : اكلج رزان مشفتي بنان

رزان : لا هي غير نايمه

روان : لج عيني لا مدري وينها افتريت البيت كله وماكو

رزان : عزا هسه شلون خل نكول لفهد

روان : اوكفي صبر خلي ادك عليها

دكيت عليها يطلعلي مغلق وين ولت هاي الادميه
انتبه علينا ياسر واجه مستغرب : شبيجن وجوهجن متتفسر

حجيت وبالكوه الكلمه تطلع من حلكي ودمعه بعيني گلت : ياسر بنان ماموجوده

هو من صدمته عاط : شنو بنان ماموجوده وينها

التفتوا كلهم وباوعوا النا

كام فهد وعاط : شنو بنان ماكو !

نهاية البارت
يتبع ..

أن شاء الله يعجبكم البارت وترا بال 5000 كلمة 💖

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور