انا موطنك حينما تغترب بك كُل الاشياء .
<<<<<<<<<<<<<<<<<<<<<<<<<
روان : اني حامل
ياسر : هاا
روان : شبيك اني حااامل
كفخني علئ كيف وگال : دنجبي لچ شنو حامل
روان : شبييييك مدا اشاقه انييي حامل
ياسر : ولج شلون حامل واحنه بعدنه ما مزوجين ولا صار بيناتنه شي ولج شبيج تخبلتي
روان : ياسررر شبيك حامل انيي
تغيرت ملامحه للصدمه وتعصب : شنو حامل انتي شدتمسلتين
روان : اي اني حامل
ياسر : انجبي لج تحجيها عينك عينك حيوانه
سحبني من ايدي حيل عصرها واحس عيونه تطلع منها شرار : من منو ؟
روان : اويييي شبيك وخر عوف ايدي ياسرررر
ياسر : تحجين لا بالنعال من منوووو
روان : هيهيهي اقوى شي عندك النعال
ياسر : اكلي نعل اسكتي لججج من منووو
روان : وخرررر عوفنيييي
ياسر : تحجين من منو لا اكسر راسج جلبه
روان : شبيك شبيكك ياسر وخر مو من أحد
ياسر : شنو مو من أحد منين اجه الحمل من الحايط
دفعته وگلت بضحكه : شبيك صدكت ما عبالي تصدك
ياسر : شنووو ما تصدك شبيج روان لتدوخيني احجي حامل من منووو ؟
ضحكت وگلت : شو صدكت انتَ ترا مقلب
طبت ريم تضحك وميته ضحك لازمه بطنها وتضحك على شكل ياسر المصدوم : اخخخ يمهههه بطنيييي
ياسر : انجبي حيوانه ولو من كدااااامي بسرعه
روان : ها شنو ؟ اني اروح ؟ اووووولي ؟؟؟؟
ريم : متوقعتك عصبي هيج مووهندووس ياسر
عاط علينا بعصبية : امشوا وخروا بسرعه لا احرككم حرك وحده ورا اللخ
ريم : ماااا ما اروح
اخر شي شافنا معاندات وياه باوعلنا وشال نعاله علينا
ركضنا وهو يركض ورانا وشايل نعاله ويعيط : اللي تعيدها اجرم بيجن يكرم طاري الله
وكفنا واندارينا عليه ونضحك
روان : سوووووريييييي
ياسر : سوري لو لبناني
ريم : رجع رجع ياسررررر الاصلي موهندووس ياسر ندري بيك متطول زعلك
ياسر : لا شو الا اطوله
رجع يركض ورانا بس هل مره يضحك ويانه وكلنا نضحك ؏ الواهس
_______________
بنان
كعدت على صوت الباب يندك ...
فز فهد يباوع همس : عوفيها اكيد ياسر .. خلي ننام معليج رجعي نامي
بنان : لا لا خطيه خل اشوف منو
مكال شي كمت اني لبست شالي وفتحت الباب صارت بوجهي ليان
رأسا ملحكت احجي كلمه دفعتني وطبت ؏ فهد وتحجي وتبجي : الحمد لله على سلامتك فهد والله من سمعت بيك متصوب تخبلت
فهد تعصب وبالكوه يريد يعدل روحه هي توها تريد تعدله
ضليت مصدومه حسيت نار بگلبي طكيتها بركضه عليه ودفعتها وعيطت
_ عوفي فهد واطلعي من غرفتنا شعندج جايه واحنه نايمين مكفاج الي سويتي بية
حجى فهد بتعب : ليان اطلعي احسن اني منبه من قبل انتي متفوتين للبيت شعندج اجيتي واذا تصوبت شنو ماعندج كرامه
كامت تبجي وتحجي : والله اني احبك انتَ ليش هيج تسوي وياي
فتحت عيوني بصدمه شو هاي تحجي كدامي
لزمت ايدها وعصرتها : و شنو هل حجي هذا امشي اطلعي برااا
دفعتني : وخرييييي انتي لتدخلين خربتي كُلشي كُله بسببج حقيره اخذتي مني
فهد ميكدر يجي تعبان كُلش بسبب العمليه وجرحه يأذيه گال
_ لتخلوني اعيط ما اكدر احجي بالكوه ليان اطلعي برا اني ما احبج مااااا احبج انتي مثل اختي شوكت تستوعبين بنان زوجتي اني ما اريدج لو اريدج جان من البدايه ردتج تفضلي برا
ليان : تطردني !
فهد : ومن قبل هم طردتج؟
باوعتلي بحقد وكالت : الله ياخذج
فهد : شهل حجي هذا ليان اطلعي براا لا والله حتئ لو حالتي هيج اكوملج وتعرفين شسوي
ليان : متكدررر
جريتها حيل من ايدها وگلت : امشي اطلعي برا يلا
فهد : ليان تطلعين لو أصيح ابوج والله العظيم لو مو بهذا وضعي اعلمج منو فهد
سكتت محجت وضلت بس تبجي
ليان : الله ياخذج يا حقيره
بنان : اطلعي برا
باوعت علينا اثنينا وطلعت ركض من الغرفه
سديت الباب وكمت ابجي : شوف شلون تحجي شكد لا وكدامي تكول احبك وتدعي علية
ابتسم الي واشرلي اروح يمه كعدن يمه ودموعي ننزل
فهد : وأنتِ ليش تحركين دمج اعتبريها طفله ودتحجي ترا ليان طايشه ودتسوي هل اشياء هاي متفكر شراح يصير بعدها هي كل همها انوا شلون تزوجتج وبس
بنان : بسس شفتهاا شلون تحجي
فهد : ما اهتم اني ختولي بس لتقهرين نفسج
بنان : اكرهها كمت اموت منها من اشوفها اريد بس هيج اهلس شعرهاا
فهد : هاي الغيره بويه
بنان : ها
فهد : وجعاا
بنان : لا بس والله صرت ما احبها علئ حقارتها هاي
فهد : اني ادري بيها من زمان ما انطيها اكبر من قيمتها وهسه طردتها هي مدتعرف شتتصرف اصلا
بنان : اوف لشوكت حتضل هيج وياي
فهد : معليج بيها عوفيها .. اني احبج الج ما اهتم الها
باوعت عليه بصدمه كأنما يعرف اني احبه وكلامه هذا كله يريد يخليني احجي واكول اني احبك
باوعلي وگال : شنو هاي الطاسه والخاولي
بنان : يااا مو نسيت اكول البارحه انتَ بالليل صخنت وهاي وكعدت يمك اسويلك كمادات للصبح يلا خفت حرارتك شويه
فهد : صدك ؟ شو ما ادري
بنان : اي طبعاً متدري الحراره مرتفعه جانت قويهه حيل بحيث لزمت كصتك انجويت
فهد : لزمتي كصتي
بنان : اي غير حتى اشوف حرارتك
ضحك وگال : مجنت حلمان يعني اني
بنان : ليش شنو حلمان
فهد : هيج
بنان : لا كول
فهد : مو كلت هيج
بنان : اوك براحتك
فهد : خووش
بنان : خوشش
فهد : عفيه صايرة متعانديني
بنان : غير مريض شلون اعاندك
فهد : لا والله
_________________
روان
جنه اني وريم نضحك ونمشي انتبهت على ليان طالعه من غرفة فهد وبنان وتبجي ركضما عليها
لزمتها وگلت : ها ارتاحيتي نزلتي دموع تماسيح أنتِ
و شجابج هسه من صباحيات وجايه فايته الغرفتهم متستحين انتِ
دفعتني وكالت : وخري لج بنات الشوارع دتحجي عود كله بسببكم اجيتو كله بسبب بنااان الله ياخذكم
ريم عيطت عليها : انجبي ليان احترمي نفسج خلي قدر لروحج ليش تخلينا نهينج عوفي فهدد عووفي
ليان : مو بكيفجن
روان : هو شنو مو بكيفنا لج أنتِ شنووو
عافتنا ونزلت تبجي جوا
نزلنا وراها جان تروح كبل لعمو محمود : باباا شوف ميقبلون اسلم على بنان وفهد ويطردوني
فتحنا عيوننا : عزاااا والله احنه شفناها طلعت من غرفتهم
ليان : جذابات بابا محد فتحلي الباب ولا خلوني اسلم عليهم حتى رادوا يكتلوني وجيت نزلت
ريم : عزاا عمو والله جذابه هاي شنو مو شفناج طلعتي من غرفتهم
عاط محمود : شنو هاي فوك ما مقدريكم وجايين عليكم هيج تسوون بينا
جمانه : لا هاي ابد ممقبوله منكم
زوزو : شنو ممقبوله هاي حلوة والله شوفي بنتج شسوت وحجن وياها بنياتنا وكلبت الدنيا وهولت السالفه
جمانه : ها بنتي هيج صارت ؟
زوزو : اي هيج من زمان حية
محمود : يمة ما اقبل تحجين على بنتي
زوزو. : دروح لك روح ميقبل على بنته هي حية و ام راسين هم
زعل محمود واخذهم ورادوا يطلعون صاحوهم عمو محمد وعمو زياد مردوا وطلعوا
حجى اخر شي عمو محمد بتعب : هذولة اني شلون وياهم يضلون كل ميجون تصير مشكله
رحاب : والله اني كمت اشيل هم كل ميجون
ريم : هي حجت على البنات ورديناها وهي كبرت السالفه ولافتها طلعتنا احنه الغلطانات
زوزو : معليكم بيها تولي ام المصايب تفتر تفتر وترجع على بنان وفهد
رحاب : ليان هي دتخرب كلشي بيناتنا وتدور مشاكل من جوا الكيعان
محمد : يلا كافي سدوا الموضوع همه بعد راحوا هاهيه
______________
روان
صعدنا فوك وندردم على ليان : لج فد وحده ليان كُل ما اشوفها اريد اموتها كتل
ريم : اي اهلس عطوبهاا للجلبه شلون تطلعنا موزينات
روان : اوفففففف
دخلنا للغرفه احلى شي رزان ضاربة الدنيا وراجعه نايمه هاي الفترة متحسنه اكثر من قبل
كعدناهاا : كومي لج تعاي نحجيلج شصار
ريم : اي غير انتي متدرين بالدنيا شكو
روان : دسمعي ليان قبل شوية سوت لغوة جوا وعركه بس هل مرة مو جبيره بس حية لافت الموضوع علينة شكد حقيرة
رزان : اوي عوفوها شكو مهتميلها
روان : لجج لااا مو شفناها طالعه من غرفة فهد وبنان اكيد ذبت سم وطلعت
ضحكت ريم : دعوفوها اويييي اريد اسولف المقلب
روان : هههههه اخوج فدشييي
رزان : يا مقلب ؟
روان : سوينا مقلب بياسر عساس اني حامل وهاي
رزان : عزاااا غبيات
ريم : يا غبيات انتِ فاهيه
رزان : يا فاهيه صخام شكد عيب شنو هل عقول العدكم
ريم : دسكتي اسمعي راحت روان كلتله اني حامل هو انصدم وضل يعيط ويصرخ عليها بس بعدين لا وهنا كان لازم نتدخل
هو ضل يركض ورانا بنعاله واحنه نضحك عليه
روان : افففف ضوجههه ليان عكرت مزاجي الحلو
ريم : امشوا ننزل جوا يم موهنديس ياسر نغير مودنا لعد
رزان : اني مابية حيل
روان : مبين علمود ايهم اصلا عبالج ما ادري
ريم : حظووووظ
روان : طفي عينج
رزان : هسه دنزلوا بعدين اشوف شلون طريقه وهاي وانزل .. عود هاي اذا يروح تعالوا كولولي حتى أنزل تمام ؟
روان وريم باوعو بوجه بعض وابتسموا
ريم : خوش خوش تدللين هيهيهي
_______________
بنان
جنت ضايجه وكاعده بسبب ليان بالغرفه و منزلت
كال فهد : شبيج بابا لتضوجين تولي هاي شنية تضوجج ركعيها ١٠٠ نعال
بنان : مشفت انتَ هي شحجت
فهد : استغفر الله لتلحين بويه سدي الموضوع مدام طردناها مراح تجي
بنان : لك هي تكول احبك وبنان خربت كلشي هسه اني شعليه ها شنو ذنبي
ابتسم وكال : بنان شوفي ترا مو بكيفها تحدد احبها واتزوجها وتتخيل اني احبج الج أنتِ أنتِ مرتي وقريباً ام جهالي
باوعت عليه هذا شبي كلسع يحرجني
شو على غفله كامت بطنه توجعه و يون من وجعها .. خلص مفعول المسكن .. واني من اشوفه هيج اكوم ابجي من خوفتي رأساً وما اعرف شسويله لحد منام
اني لبست شالي ونزلت جوا لكيتهم كُلهم كاعدين وديحضرون بـ الغدا
سلمت عليهم ورحت وياهم للمطبخ ما احس غير روان و ريم وراي
كالت ريم بهمس : امشي امشي تعاي بسرعه نريدج
بنان : شنو وين
روان : انجبي وتعالي بسرعه
اخذوني يمهم بالغرفه فوك يم رزان : لج متدررررين شصار
بنان : شصاااار دحجو
روان : عركه ليان وبس تألف الجذابه
حجولي كلشي احس انهضمت من كايله لروان بنات الشوارع علينا
بنان : هسه اني شمسويتلها وهيج وياي بس لان تزوجت فهد هيج دتسوي
روان : ايعععع لج بابا انتي بالعكس لتكعدين تتبججين يمها بالاكثر غوريها اذا تجي بعد وكعدي يم فهد هاي اذا مو بشغله وغوريها وكلام مال حب وحبيبتي وحياتي وعيني و اغاتي خليها تشوط شيطه
ريم : تصحيح شوطه* هاي انفعلتي زايد
رزان : اي والله بنان يعني لتضلين هيج لتسوي شي صخام سحر مو بعيده على ليان تسويها ترى
بنان : زين هسه شسوي
روان : لج بابا شجاي نمسلت احنه لعد هسه
ريم : عزا الغباء
بنان : لتحجووون هيج والله يعني شسوي ماعرف
رزان : بنان تدرين شتسوين
بنان : شنو
رزان : لفي راسج ونامي افضل شي
بنان : حيوانههه شوفو تقلد
روان : حقها تقلدد
ريم : هيهيهيهي
طبت مريم تضحك : هاي شنو متجمعات وعايفيني
ريم : وين عيني أنتِ نايمه .. كيف حال البيبي
مريم : زين وين يسلم عليج
بنان : وين فرح
مريم : يم ياسر جوا امشوا ننزل صبوا غدا اجيت اصيحكم
بنان : تمام
البنات نزلوا يتغدون رزان متقبل تنزل علمود ايهم مادري ليش ولو احسن
اني نزلت حضرت اكل لفهد وصعدته فوك يمه رحت عليه اكعده حتئ يتغدا
بنان : فهد فهد اكعد جبتلك غدا .. فهدددد
فهد : شبي فهد شبي اريد انام
بنان : يا تنام كوم اكل ممتريك ولا شي تعال حتى هاي أكل وياك هم اذا تريد
هو كلت أكل وياك كام يعدل بنفسه بس بصعوبه يلا يكدر يثبت ف كمت اساعده
فهد : شعرج بنان
بنان : شبي
فهد : يجنن
بنان : ادري ادري
فهد : دباع الثقهه
بنان : عوف الثقه وعوف شعري بس اكل
فهد : اعصابج عيني
ورا شوية اندكت الباب
فهد : اكعدددددي اليوم شلون وياهم هذوله فديوم اهج منا
بنان : وين تهج
فهد : لا اهج اني وياج
بنان : الباب انهجمت حفتحها
فهد : شلون منرتتاااح
كمت فتحت الباب لكيتهم كلهم جايين هاي شنو حتى عمامي ما عدا خاله رحاب و زوزو لان زوزو متكدر تصعد درج
ارتبكت كتلهم : تفضلوا تفضلوا
عمو محمد كام يضحك : ادري اجينه وقت غلط بس ردنا نشوف فهيدان
فهد ضحك : شكراً شكراً خجلت
باوعت عليه بالكوه لزمت ضحكتي اخر شي شفت ريم و روان فاتن يضحكن
انترست الغرفه نص كعد ؏ القنفه ونص بالكاع وضلوا يسولفون
ياسر : هياته ما بي شي وجايين تشوفو مو هياااته كلشي مابي
همام : بس لو تنجب
محمد : فهد خما تتأذه بعدك
فهد : لا
بنان : اي عمو يتأذه واصلا ؏ المسكن كاعد ترا بطنه حيل تاذيه
باوعت عليه صاير عصبي يريد ياكلني نزلت راسي
فهد : مابية شي
محد جاوبه ضلوا عمو زياد و عمو محمد يحجون وياه
كال ايهم بضحكه : احمم عادي اتكلم
ياسر : كول عمي
ايهم : احممم
همام : احمممممم احس بلاعيمك تجرحت
ايهم : انجبوا يلا راح احجي ما دام بحضور الجميع
ياسر : ما عدا حسن طامس دقيقه يمكن نايم اصيحه تردون ؟
محمد : لا خطيه تعبان اكعد
ياسر : لا دخلي اصيحه لان يجوز موضوع مهم
محمد : كلت اكعد
فهد : ديلا هسه اني وحسن واحد عود اني اكوله اذا موضوع مهم
ياسر : يلااااااا ايهم اني فضولي قاتل قاتل قااااتل
ايهم : احم بسم الله .. شوفو بما انوا الكل موجود .. ماكدر احجي يابه انت احجي
همام : فديت خجول
ايهم خزر همام : اسكت
حجى زياد وهو مبتسم : نطلب ايد رزان لـ ايهم
ياسر : شنوووووو ؟
ايهم : وجع شبيك
بنان همست للبنات : حبجي خبلتنا راح تزوج
ريم : اوف حظج يا ريم اوي شكد كيوت شكلهم
روان : يااا كيوت حبجي رزان شنو تزوج قبلي واني شنو هنا مزهريه ؟
بنان : انجبي لج شنو تردين تزوجين ؟
روان : اي اكيد لعد شنو رزان تزوج
ضحكت ريم : كبر واذا رزان تزوج اني وياج نضل مو تعوفينيييييي
روان : ما اعوفج صديقتي العزيزه وبنت عمي وخالتي بس هاي رزان تؤامي خانتني
بنان : اشششش سكتن
فهد : اي مابيهاا شيي بس بعد القرار يم البنيه
محمد : اي لازم ننطيها وقت تفكر
زياد : اكيد على راحتكم
حجى ياسر : شنوووو هاي عمي كلكم حتزوجون واني شنو ما اتزوج شنو وحد انييي
فهد : انجب اسكت انتَ
ياسر : بالطلاكك ميصير شنو اسكت ماا اني هم اريد ازوج
فهد : بلا هاي ياتعيسة الحظ الي تريد تزوجها
محمد : ياسرر بعديننن
خنزرر ايهم علئ ياسر وگال : انتَ بكل عزا الطام لازم تنبص نفسك ويايه
ياسر : بالعباس ماااا اله اني هم اخطب وازوج
همام : دكمل جامعه اول
ياسر : لتلزكولي بالجامعه مضل شي واخلصها وعادي اصلااا
ريم بهمس الروان : رحتي بيها ياست روان راح تنفضحين
روان : لا لااا اصلا مستحيل يحجي ياسر هسه
ريم : تفلي بوجهي عود اذا محجه هسه وانتِ مو صارلج ساعه مفرفحه علئ زواج وغرتي
روان : عزاا اني جذب اشاقه اصلا ما اريد ازوج وجهه زواج اني
ريم : ديلا يلا بس صارت صدك انلصمتي
ياسر : بويه اني هم اريد اعرس شسالفه شنو وحد
فهد : ومنو هاي
ياسر : يعني منو قابل غير روان
اباوع علئ روان فتحت حلكها بصدمهه وريم كامت تضحك لحد ما عمو محمد عاط بريم وگال
_ ريم كافي
فهد باوعله بمكر وگال : ومنو گال توافق غير ناخذ رائيها لو انتَ بكيفك تقرر
ياسر : لا موافقه هيه ميحتاج واني هم موافق والكل موافق واصلا كلشي جاهز بس بقه نعرس ها اها
كفخه همام وگال : ولك انجب استحييي
اباوع علئ روان صارت حمرههه ومخنزره علئ ياسر وريم تضحك بصمت همست الها وگلت
_ روان اطلعي براا
جاوبتني وصوتها بي بجيه : مااا عزا شلون اطلع فشله بزايد هسه عبالهم استحيت وطلعت
بنان : يعني انتِ هسه ما مستحيه بس علمود اذا طلعين حيكولون عليج استحيتي موو
روان : هوه صح بس ياسر الحقير مگال الي واني مردت هيج
بنان : انجبي انجبي
ايهم : هسه انتَ انجب بعدين عود عرس المهم معليكم بياسر يعني انتو اخذوا رائي البنيه وهاي وردولنه خبر يعني واذا وافقت نعقد بعد يومين يعني ورها عود الله كريم نشوف شوكت نعرس
همام : ليش متنجب وتبطل رسمياتك هاي عود مسوي ثكيل
فهد : كافيي اصلا ميحتاج ناخذ شور احد لان اني هسه فكرت وبنات عمي عزيزات عليه وما انطيهن لا الك ولا الك
ايهم : شنوو هايي
فهد : هذا الموجد البنيات ما انطيهن
ياسر : ليش عيني ليش ما تنطيهم
فهد : والله انطيهم اني بس مو الكم
ايهم : ليش عيني شبينه احنه
فهد : والله عاد بكيفي
همست ريم النه وگالت : فيهدان مكفئ گطع قسمة اخيته المكروده هسه اجه الدور الذوله الشواذي
بنان : اسكتي لتحجين علئ زوجي
ريم : ايععع
بنان : ديلا روحي كولي الفهد ايععع
ريم : عزا اني احجي علئ اخويه هذا الروح والريه
صارت مكافش ومعارك وهاي وي فهد لحد ما ياسر گام وكف وگال بصوت عالي وهوه يباوع علئ روان
_ رواني معليج بيهم ذوله بكيفهم يحجون اخذج اخذج
وكام طلع ولط الباب قوي ورها .. الكُل گام يضحك علئ خبالاته وروان بس احد يطخها يمكن تنفجر بسرعه طلعت من الغرفه بدون متباوع علئ احد وريم اريدها بس تسكت من الضحك ماكوو
فهد : هذا تخبل رسمي
ايهم : اذا انتَ خبلتنه
فهد : شعليه اني معليه بيكم بس اريد اخبل ياسر شويه
همام : شويهه ؟
ايهم : خبله هوه اني شعليهه
فهد : زيادة الخير خيرين
محمد : يلا اطلعوا خلصت زيارة المريض
الكُل طلع واني رحت غطيت فهد وتمددت يمه
____________________
روان
ضلبت گاعدَههه واكل بروحي
جتي كعدت ريم يمي : شبيج يول احس حتبجين
روان : مشفتي اخوج شسوا كدام الكل بسيطه حروح اله بس خاف احد يشوفني منا منا
رزان : عزااا وين رايحه ابقييي فشله
ريم : هو ماكو احد كلهم بالصاله يم زوزو
كمت بعصبية : والله الا اروحله شلون يفشلني هيج
طلعت ركض واسمع ضحك رزان و ريم علية
رحت على غرفتهم دفرت الباب وفتت : يااااسر شلون هيجي تسوي
هو اخترع وكع تليفونه كال : شبيج فوك متفرحين ؟
روان : دسكت يا فرح انتَ لصت الدنيا شلون هيج تحجي كدامهم ياااسررر
ياسر : والله اني مدا اجذب دا احجي الصدك واني اريد نتزوج بالعطله اذا ما اتزوج ما اطلع اني ياسر
روان : شنو متطلع ياسر عزا بعينك بعينك بعينك
ضحك وگال : شبيج بابا خايفه ترا الزواج شي حلو وبعدين شبيج اعصاب بعد شوية تحطيني وتكتليني
روان : حتبجيني مدتفتهمني اني ما اريد اتزوج هاي السنه انييي وراي مدرسه
ياسر : والله والله اتزوج هل سنه وحلفتتت
روان : ماااا معلية عود روح صوم 3 ايام احسنلك
كمت اريد اطلع جان يسحبني من ايدي : وين وين طركاعتي مو دنخطط ودنتناقش
روان : هذا نقاش ليش تقرر هيج عني هاا
ياسر : دنجبي لج لتاخذيني بصوتج كيفي اني ترا
روان : ترا اكتلك
ياسر : وين الانوثه بالموضوع؟
روان : خليتها الك
ياسر : انجبي لچ
روان : مااا ازوج هسه ماااااااا
ياسر : اي عمي هاذهوه بس نصي صوتج لننفضح وروحي ليجي حمام لو الدكتور
روان : اي رايحه بس اني أعلمك بعدين
ياسر : روحي عمري روحي
روان : لكككك لتستفزنيييي
ضحك وگال : روحي عمي روحي
___________________
رزان
كاعدين والدنيا صارت مغرب صلينا وبعدها ضلينا كاعدين و روان وجهها احمررر وبس تتبسم
ريم صافنه وكلسع تكول مؤمل هم يفكر بية لو لا
ضجت وكلت إلى متى اضل حابسه نفسي علمود ايهم لبست شالي وعفتهن ونزلت
لكيت زوزو تشوف مسلسلها وحدها ماكو احد
كعدت يمها اضحك : ها بيبي شو وحدج اليوم كاعده
زوزو : هذولة الملكوفين قبل شوية صعدوا وعافوني تعاركوا
رزان : معليج جيت يمج اني لعد
زوزو : يمه فديت بنيتي .. لج ايهم صدك خطبج والله عرفته عيونه عليج هذا اووففف مفضوح من شوفه عرفته عينه عليج
ضحكت بفشله : هههههه
زوزو : ولج شبيج تضحكين هسه شنو أنتِ موافقه لو لا اعتبريني امج اني ولو رحاب كالت اني اصعد اسألها بس خلي اسألج اني
بهل أثناء اجتي خاله رحاب : هاي منو اليوم نزل نورتينا عيني رزونه
رزان : بنورج خاله
زوزو : اي هسه يمه شكلتي ؟
رزان : ها شكول
رحاب : على شنو ؟
زوزو : شبيج موضوعها وية ايهم
رحاب : اي صدك ردنا نحجي بي وياج
زوزو : ديلاا كولي هسه شنو موافقه لا
بلعت ريكي بفشله كمت ازخزخ عرك : ها مادري
ضحكت خاله رحاب : ولج يمه خليها تفكر چم يوم
زوزو : هم صدك ديلا سوولنا عشا اوف هذا بس لا يموت بعد روحي روحه شكد حلو
ضحكت على بيبي : ها بيبي هااا شو بعد روحي روحه وشكد حلو
رفعتلي عكازتها : كومي لج كومي
رزان : يمه يمه كلشي ولا العكاز
كمت كلت لخاله رحاب : خاله محتاجه شي
رحاب : لا خاله سلامتج
من ضوجتي طلعت برا للحديقه كعدت بالمرجوحه وصافنه يعني شنو حتزوج اني
اول مرة رح يكون القرار قراري اني .. جمال جان يقرر عنا
تذكرت سالفة امير شاغله بالي و ايهم ميعرف بيها
كمت ارجف .. خاف يعرف بيها و يبطل ميريدني
زين واذا ميريدني اني احبه
احس كلبي صار يخفك وخرت الأفكار هاي من بالي وكعدت افكر اقبل .. اكيد اقبل اني من قبل ناطيه موافقه شبيج رزان شنو نسيتييي
سمعت صوت الباب التفتت لكيته جاي ب اتجاهي ومبتسم
عزا بعينج رزان انتِ مهزومه من عنده طول اليوم وهسه اجه بوجهج الله على هذا الحظ الحلو
ردت اكوم صاح : كعدي كعدي رح اجي يمج
ضليت كاعده اجه يمي : مشفتج اليوم هواي
رزان : اي
ايهم : ليش احسج ضايجه
رزان : لا مو ضايجه
ايهم : اها صدكت اني
رزان : ها
ايهم : ها ها
رزان : شنو
ايهم : وها وها وها جيناك بهاية
ابتسمت عليه وگلت : اني حطب جوا
ايهم : لا ماكو كعدي خل نسولف
رزان : لا ماريد
ايهم : هااااا متردين تسولفين وياي
رزان : لا والله مو هيج اقصد
ايهم : لعد
رزان : مو هاي والله يعني خاف احد يشوفنا
ايهم : بس محد اكو جواا
رزان: هسه بس اريد اروح
ايهم : يعني متريديني
رزان : لا والله مو هيج
ايهم : صدكت
رزان : شبيك لتزعل حروح ؏ البنات جوا
ايهم : ها متريديني ازعل
رزان : اي والله ماريدك تزعل
ايهم : فديتتتتتج
ضليت صافنه عليه تفشلت عود دا اركض جوا انجبحت على وجهي
اجه علية يركض ويضحك : على كيفج عيني على كيفج ماريد تتكسرين قبل العقد
دفعته ومن فشلتي كمت ابجي : اني اكوم اروح
ايهم : لا لا اني اكومج
رزان : كلتتتت اني اكوم
وخر هو يضحك علية وگال : وين تروحين مني
هزيت ايدي ومسحت دموعي الفشله متتسولف
________________
بنان
كعدت من النوم لكيت الغرفه بارده وشفت فهد الغطئ متوخر منه فأجيت وغطيته بقيت شويه صافنه بملامحه اتمعن بوجهه ما ادري شجاني
وما ادري منين اجتني الجرئه و بسته بخدهه بهل اثناء فتح عيونه ويباوع عليه ويضحك جان يكول
_ هاي شسويتي ولچ
بنان : شسويت
فهد : احجيي شسويتي
بنان : مسويت شي
فهد : چا منو باسني الجني
بنان : ما ادريي دتحلم منكن
فهد : الله اذا هيج احلامي خلي ارجع انام بلكي ينعاد الحلم
اباوع عليه غمض عينه ويبتسم بعدين فتحه وگال
_ اشوو هذا الحلم مدينعاد ليش
بنان : فهد شمدرينيي
فهد : زين تعاي انتِ سوي هل حلم واقع
بنان : لا فهد شلون ابوسك من خدك
ضحك بصوت عالي وگال : ها ولج شلون عرفتي لعد البوسه جانت من الخد
باوعت عليه بتوتر وگلت : فهد كافيي
فهد : بنان تحبيني
بنان : هاا
فهد : تحبيني لو لاا
بنان : ما ادري
باوع عليه بنظره معرفت افسرها دار وجهه عني
بهل لحظه اذكرت ميمونه وزنوبه وخرت منه وگلت
_ لحظه لحظه اني منسيت ميمونه وزنوبه منو ذني
ندار عليه وگال : شعليج انتِ ليش هامج هل موضوع قابل ؟
بنان : وليش ما اهتم اكيد اهتم اني مو زوجتك
فهد : الجذبيه
عطت وگلت : لا مو الجذبيه انتَ كلتلي اني احبج
فهد : شنو الفايده اذا اني احبج وانتِ لا
بنان : لا اني هم ..
فهد : كملي بويه
بنان : معليه جذبيه مو جذبيه منوو ميمونه و زنوبه
فهد : صديقاتي ارتاحيتي ؟
بنان : صديقاتك ؟
فهد : اي عندج مانع ؟
بنان : لا طبعا ما عندي مانع عادي واذا هنه مجرد صديقات
فهد : ايي
بنان : زين انتَ شكو مصادق انيي شنو موقعي
فهد : انتِ زوجتي
بنان : مادام زوجتك شكو بعد
فهد : هيج عجبنييي
بنان : خوش لعد روح عدهن احسن
فهد : دتعاي تعاي اشاقه لاا صخام ولا الطام عندي
بنان : لعدد ذاك اليوم شنو
فهد : والله حبيت اشاقه وياج بس انتِ شويه الله يسلمج مو مال شقهه
ابتسمت بفرح وگلت : صدك
فهد : ايي والله المهم يلا روحي عني هسه لتحجين ويايه
دار وجهه عني واني بهل لحظه حسيت شي بداخلي يكول اعترفي وفضيها طخيته وگلت
_ فهد
اندار عليه وگال : خيرر
بنان : شوف فهد
فهد : ايي شبي فهد
غمضت عيني حيل وما اعرف شلون طلعت مني وگلت : احبك فهد
فهد : شنوو
فتحت عيوني وگلت : اتوقع سمعت
ابتسم وگال : لا مسمعت عيدي
بنان : فهددد
فهد : او اكلج لا لتعيدين هيه هل كلمة وبلكوه كلتيها اسحبها سحب منج
ابتسم وگال : شو قربي عليه بنان
قربت عليه وگلت : هـاا
فهد : اني هم احبج
ابتسمت وگلت : واني هم
باوع علئ وجهي لحظات وجر وقرب وجهي اكثر واخذ شفتي بين شفته علئ كيف حسيت بشعور حلو وبادرته بس شويه وخر عني وگال
_ تدرين شكد فرحت لما گلتي هيج
بنان : ما ادري بس شكد جنت اريد احجيها بس مجان عندي هل جرئه هسه ما ادري منين اجتني
ضحك وگال : ابوس جرئتج
جرني حيل وخلاني بحضنه بس محضنته حيل علئ كيف علمود الجرح مالته وكام يمسح علئ شعري وحسيت براحه لما اعترفت اله وانو عرف اني هم ابادره نفس الشعور الي يبادره الي
_____________________
روان
ورا مخلصنا عشا ضلينا اني و ريم كاعدين نقرا بعد كم يوم الامتحانات
اجه ياسر كعد يمنا : هاي شدتقرون
ريم : انكليزي
ياسر : جيبي اقريكم
روان : شتقرينا انت تعرف بس رياضيات
ياسر : كبر فوك ما اسوي زين ميغزر
ريم : حطلنا ملح
ياسر : تحشش ام الكمل دقروا اقروا
روان : ايييي وانت شبيك ضايج دنقرا ورانه امتحان وها ترا اني اريد اعدل الدرجات لان زفت درجاتي
ريم : اخينا في الله لو شايف درجات روان تكوم تصيح
ياسر : دنجبي .. شو جيبو اقريكم
روان : كلنااااا لاااا وخررر
ريم : علكت
ياسر : شكد صلفات
شو هذا كام بسرعه
ريم : عزا زعل هذا يريدج تراضيه جاي يتدلل موهنديس ياسر
روان : دنجبي خطيه صدك خل اروحله ما اتحمل اني فراك يسورتي
ريم : كبرر ايععع الحمد لله اني و مؤمل مو هيج اوييي واني اتحسر ع الكلمه منه يم اخوي لسانه لسان دلال ويمي اخرس اطرش اعمى
روان : قل اعوذ برب الفلق لا تطكينا بعين اخاف على حبنا الاسطوري
ريم : ولي لج لتنركعين .. صدك وين رزان
روان : شمدريني
طلعت ركض ورا ياسر توه وصل لغرفته : اوكف لككك
ياسر : انجبي لك بعينج
روان : وانتَ هم انجب .. اسفههه لانو هاي ع قبل شوي
ابتسم : منو كال اصالحج
روان : يمههه واني شسويت
ياسر : تعرفين شسويتي
روان : لتبجيني ممسويه شي صاير ع أقل شي تتعارك وياي شبييييك
ياسر : بيّة أنتِ
روان : لا صدك احجي حباب بعد لتزعل خوش
ياسر : شوفي تردين صراحه
روان : اييييي
ياسر : احبج من تجين تصالحيني هههيهيهي
روان : ها تحب تذلني
تقرب علية انفاسه لفحت وجهي : ليش هاي تعتبريها مذلّة
روان : يمهههه شو صاير تخوف
ياسر : ايييي بكيفي اخوف ماخوف
دفعته وگلت : روح روح عبالي زعلان صدك هسه بعد كل متزعل ما اجي اصالحك
ياسر : لا راح تجين تدرين ليش
روان : وليش عيني
ياسر : لان تحبيني عمي وين تكدرين بدوني
روان : واثقققق
ياسر : ليش لا .. احبج ام كفشه
روان : رح ابجيييي احبكك يسورتي
ياسر : يسورتي شنوو
روان : دلعك عمي
ياسر : عمي مخصصه الي وبس
روان : واني وياك واحد موو ؟
ياسر : ايييي فديتج عمي
روان : اوي نزول عليك يلا بايييي حروح اقرا
ياسر : اذا تردين شي كوليلي يسورتج بالخدمه
روان : ميخالف
___________________
ريم
جنت كاعده واجت عليه بنان وگالت
_ تعالي فهد يريدج
روان : ها اجي اني هم
بنان : انتي شعليج زوجي يريد اخته
روان : اين انتَ يا زوجي زوجي زوجيييي
ريم : انجبي الله بلكي موضوع حلو
بنان : دكومي بسرعه عاد
كمت ركض ويه بنان رحنا لفهد جان كاعد وينتضرني شكله
كعدت واني متوترة : ها فهد خما صاير شي
فهد : اريد احجي وياج بموضوع
ريم : اي شنوة
فهد : شوفي مؤمل تقدم الج وطلب ايدج مني
ريم : هاا
فهد : وجعاا طلع الغباء وراثه
ريم : لا مو هيج بس شنو ليش طلبني اني عود
صغر عيونه وكال : شمدريني طايح بحبج
ريم : هااااا
فهد : وجعاااا
بنان : على كيفك
فهد : واني شمصخم هسه اني حاجيت اخوتج الباقيين وكلتلهم وابوية وعمي يدرون بس ردت احجي وياج أنتِ خصيصاً
ريم : تمَام هسه شنو يعني
فهد : شبيج باباتي تعرفين اني شداكول
ريم : اي اعرف
فهد : اي يعني انتي شتكولين
ريم : شكول
فهد : استغفر الله ياربي
باوعت على بنان كاتمه الضحكه وتباوع هي وساكته
ريم : مادري انت شتكول اني شمدريني
فهد : والله اني عن رأيي مؤمل ويا عشرة عمر احنه وقررت اكلج وية خبر خطوبة رزان حلو اليوم هذا كله خطوبه " ضحك وكمل " اي المهم يعني مؤمل شاب كامل مكمل ما ينعاب اخوي وحزام ظهري ويا سنين بالشغل ف ماعندي اي اعتراض عليه بس اكو شغله مضوجتني
ردت اكوله ليش بس استحيت حسيت عيب وهو اصلا ميدري بية اني موافقه قبل ليكولي
فهد : انوا انتي بعدج طالبه ووراج وزاري ودراسه ف مادري أبوية والولد يكولون بالنهايه القرار الها
ريم : والله مادري شمدريني اني بكيفك
فهد : هو كلي اوفر الها كلشي تحتاجه وحتى الدراسه ميحتاج اني ادرسها اعرف
بلعت ريكيييي من هلكد حبجي من الفرحه : مادري اني ماعرف
فهد : دروحي روحي بعدين نشوف شغلنا وياج أنتِ
طلعت ركض وكلبي يدك سريع كمت ابجي ممصدكه السالفه
___________
رزان
كعدت بالليل حسيت روحي مخنوكه ماما الهام جتني بالحلم
اباوع على ريم و روان نايمين خطيه قروا وتعبوا
رأسا طلعت برا نفسي ضاق علية ودموعي تنزل البيت اضلم اباوع عالساعه 2 بالليل
بجيت بدون صوت ودموعي تنزل اريد اروح جوا حتى اغسل وجهي
ما احس غير احد كدامي م انتبهت لشكل بس اخترعت خرعه وجسمي رجف من الخوفه ردت اعيط بس انسد حلكي
انسحب شوي ليورا سمعته همس ب اذني : شبيج رزان اني ايهم
وخرت شوية ومسحت دموعي : خرعتني ما عبالي انت
ايهم : لا اني سلامتج روحي شربي مي
تقرب شوي ضوا غرفة ياسر والولد ضرب علينا
كال ب استغراب : شبيج ليش تبجين
رزان : مابية يلا حنزل اني
ايهم : دحجي شبيج
نزلت دموعي كمت ابجي واحجي : شفت ماما الهام بالحلم واشتاقيتلها حيل محتاجتها
حضني هو وضل يطبطب علية ويكول : عمري انتِ رزانتي شوفي هلكد ممتعلقه بيها انتي تجيج هواي بالاحلام ف لازم تدرين شنو
رزان : شنو
ايهم : امشي نزلي غسلي وجهج الجميل هذا وارجعي اقري ايات ونامي لتسوين هيج بنفسج وان شاء الله وعد من عندي بس نعقد اوديج نروح للنجف عليها
هزيت راسي ودموعي تنزل : والله
ايهم : اي والله
ابتسمت ورحت دا اغسل هو حجى بصوت ناصي : تدرين انتي ناسية شي
رزان : شنو ؟
ايهم : الحجاب .. بس ابوس شعراتج شعره شعره
انصدمت من روحي من خوفتي طلعت بدون حجاب نزلت ركض ليجوا واسمعه يضحك هو
يعني مادري ليش لازم اتفشل وية هذا الإنسان
غسلت وجهي ورجعت نمت
_______________
بنان
كعدت الصبح شفت فهد نايم نزلت جوا ويه خالة رحاب وكاعدين كلنا وية البنات ودنسولف
منحس غير اجه عمو محمد طاير علينا : ما دريتو ؟
رحاب : يا ستار بشنو ؟
صار عصبي واجه وراه عمو زياد : على أساس ليان منتحره بس هسه بالمستشفى متخربطه مدري شلون راح نروح الها
نط همام : اجي وياكم
نهاية البارت
يتبع ...
(لاتنسوا التصويت)
أن شاء الله يعجبكم البارت + بال 4000 كلمة البارت 💖
7.nldn حسابنا الأنستا
إلى اللقاء يا أعز العابرين في قلبي ♡.
الكاتبات دينا & نور
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!