رواية نقطة لقاء الفصل الثالث وثلاثون 33 - بقلم الكاتبة دينا _ الكاتبة نور

كُنــت عابــراً ، ما الــذي أبقـاك بقلبــي ؟..

>>>>>>>>>>>>>>>>>>>

همام
بعد ما البيت كُله عرف ليان منتحره اختي في الله الحيه السودا رحت ويه ابوية وعمي للمستشفى عليها لان محد جان موجود غيرهم

ركبنا بالسيارة وطيران للمستشفى من حسن حظك يا همام همزين نفس المستشفى ...

بعد مرور وقت وصلنا للمستشفى والدنيا حااارهه
أبوية وعمي طبوا يدورون عليهم لاكانا ايمن واكف وعصبي ومفكك عيونه يريد ياكلنا

أبوية سأله : ها عمو وينكم وينها ليان

ايمن : ها هسه تذكرتونا هه والله زين

زياد : لك احترم شنو هذا الأسلوب ترا احنه اكبر من عندك وعمامك

ايمن : واني شحجيت

اني رحت وياهم ؏ الواهس سلمت على عمي وخالتي هم جانت موجوده تنوح

كال أبوية بعصبية : شنو تنتحر على شنو منتحره هيه ؟

خالتي بجت وگالت : واحنه شمدرينا فجأه طبيت للغرفه عليها لكيتها مجرحه ايدها والدم بكل مكان

زياد : سوالف جهال وهي بنية جبيرة وأنتِ امها غير تراقبيها تشوفيها تنتبهين عليها

محمود : كافي سدوا الموضوع اني اعلمها بس نطلع

محمد : وشلون تعلمها بلا تكتلها فوك ما هي مصخمه روحها ومجرحه ايدها

زياد ؛ اصلا ميصير بس تطلع ضلوا يمها لحد يعوفها لتسوي بروحها شي ثاني

ضلوا يحجون واني صافن عليهم بديت شوي شوي انسحب ضليت اتمشى بممرات المستشفى واباوع بيهن عسى ولعل اشوفها مرا ثانيه

ضليت اطب بممر واطلع من ثاني وملكيتها حسيت بضوجه بداخلي كلت لابوية حروح بالسيارة

طلعت برا المستشفى جانت اكو مصاطب يكعدون عليها الناس

ضليت اباوع نظرة اخيره بلكت الكاها
وفعلاً لكيتها بس انصدمت منها جاي تبجي وتمسح بدموعها

رحت ركض عليها هي شافتني وكامت

صحت الها : دقيقه اصبري

رجعت ليورا وكالت : ها اتفضل ؟

همام : هاي ليش دتبجين

_ هـاا

همام : واني شمفتهم منج غير الهاا مو دا اكول شبيج تبجين ليش تبجين

_ هـاا

همام : دباع بابا شبيج استيعابج بطيئ لو شسالفتج

_ شنو

همام : لا حشنق روحي

_ شتريد هسه انتَ ؟

باوعت عليها وحجيت كلمة كلمة وكُل كلمة صرت اجر بيها وگلت

_ ليشش كاعدههههه تبجينننن ؟

خنزرت وگالت : ترا اني مو ثوله حتئ تكعد تجر بالحجي لما تحجي ويايه

همام : خوش خويه حقج عليه ليش كاعده تبجين

_ هـاا

همام : لا صدك راح اروح اشنق نفسي ليش كاعده تبجين

_ معليك

همام : تمام تعاي كعدي

- ليش انت بصفتك منو حتى اكعد وياك

ابتسمت الها : بصفتي هُمام وأنتِ ؟

- ما اكول

همام : وليش منو أنتِ أن شاء الله انجلينا جولي ؟

- معليك

همام : هسه مو جيت احجي وياج مثل الاوادم ليش تطلعيني عن طوري

- واني شمسويه ترا عندي شغل اريد افوت للمستشفى

همام : اي عادي مراح اخذج من وقتج اني ترا بس سألت عن اسمج لان اكثر من مرا التقيت بيج

- اسمي مَي

همام : شنو ؟

مَي : اسمي مَي مَي

ضحكت وگلت : مي لو عصير

مَي : مضحك ترا

همام : هيه صح مضحك بس لو ياسر جان ضحك

مَي : ياسر منو ؟

همام : همزين استوعبتي بسرعه مكلتي هـا

مَي : كاعد تضحك عليه حضرتك

همام : لا خويه لا

مَي : تمام

همام : صدك ترا حلو اسمج غريب عجيب

مي : تمام حروح هسه من رخصتك

همام : اصبري دقيقه شنو من رخصتك اني جيت اسألج ليش تبجين

مي : هيج ما ابجي منو كال ابجي ؟

همام : صدكتج كُلش

مي : من رخصتككك مرا ثانيه

همام : على فكره اني محامي اسمي همام وشسمه هاي بطاقتي وبيها رقمي وهاي ف شسمه اذا تحتاجين شي دكي علية

مَي : وليش تنطينياها شسوي بيها

همام : لا بس هيج خليها منظر وياج

مجان عندي وقت اناقشه اخذته وگلت : تمام

راحت وعافتني وبقيت الافكار تاخذني والفضول كتلني ليش جانت تبجي وهيه صح فاهيه وتطلع روح بفهاوتها بس كُلش حلوه هم اسم حلو وهم جميله وهم فاهيه ..

______________________

بنان
ضليت مصدومه من الخبر اللي سمعته .. شنو ليان منتحره ؟ وبالمستشفى هم !!!

اول مسمعت هل شي رحت لغرفتنا رحت على فهد اكوله

طبيت ركض للغرفه واتنفس سريع لكيت فهد كاعد و يلعب بجهازه

فهد : هوب هوب على كيفج

بنان : تدري شنو شصار

فهد : شنو ؟

بنان : ليان عساس منتحره

اباوع عليه ابتسم ومهتم للسالفه

بنان : عزا ليش تبتسم خاف صار بيها شي

فهد : شكد فطيرة أنتِ بابا هاي حركاتها تضحك مال صغار اصلا وكلشي مابيها وبس لواكه يعني اني اعرف حركاتها هاي مو جديده

بنان : خاف انقهرت لان طردتها

فهد : بنان راح اكوم اكتلج شنو طردتها شنو انقهرت أنتِ شفتيها شحجت وشكالت ؟

بنان : اي مادري فهد مادري بس مااااادرييي

فهد : تعاي تعاي

بنان : شنو وين

فهد : بصفي كعدي وانجبي وين دا اريد احجي وياج

رحت كعدت يمه هو ضل يباوعلي ومبتسم : هااا شبيك تضحك

فهد : دافكر

بنان : بشنو

فهد : غير اعترفتي واخيرا بعد مشلعتي درابين گلبي

بنان : اي شمدريني والله مجنت اعرف بشنو احس ومادري لتسألني لان مادري أصلا

ضحك وكال : هسه أنتِ تحبيني يعني

بنان : لا ما احبك .. اييييي شلون ماحبك فهدد

فهد : اوي فهاااد

بنان : لتقلد علية

ضحك وگال : واني شعليهه أنتِ هيج تحجين

بنان : اي اي اني هيج احجي

فهد : زعلتي

بنان : اي زعلت

فهد : اريد يوم واحد بحياتي متزعلين بي

بنان : ماكو للاسف يلا راضيني

ضحك وگال : اي اراضي ليش لا كم بنان عندي

بنان : اي يلا

بسرعه جر وجهي وباسني بشفتي ورها وخر وگال

_ هـاا رضيتي لو لا اذا لا نجرب غير نوع من المراضات

بقيت فاتحه عيونه مصدومه وگلت : فهد هاي شسويت

فهد : بستج شسويت قابل الي يشوف صدمتج يكول سويت ذنيج سوالف وياج

بنان : يا سوالف

فهد : بعدين تعرفين بويه

بنان : زين كافي بعد شسمه لا تبوس عيب

فهد : عيب ؟ چا البارحه منو بادر وصخم ونام بحضني وعن قريب حيسوي غير سوالف

بقيت ما اعرف ابجي اضحك من الفشله وگلت : فهدد كافيي

فهد : خوش

باوع عليه شفت ملامحه انكلبت وعكد حواجبه ب الم وضل لازم بطنه

كلتله بخوف : ها فهد شبيك

فهد : بطني

بنان : شبيها خاف الوجع رجع

فهد : اي بسرعه ركض جيبي المسكن

بنان : اوكف خل أصيح ايهم يشوف شبيك

فهد : يااا صخام جيبيلي المسكن شمعرفه ايهم طبيب نفسي هو لو شنوو

بنان : لا لا خل اصيحه يعرف هو

فهد : لج بنااان جيبي المسكن وتعاي لا ابتلي بيج

بنان : هسه هسه

ركضت بسرعه جبتله الحبوب ومي شربهن وضل كاعد يعصر بالفراش واشوفه يريد يصرخ من الوجع ووجهه يصير احمر من الالم .. نزلت دموعي ورحت حضنته واني ابجي وگلت

_ يمههه والله اخاف عليك خل أصيح ايهم بلكي يفتهم شوي

فهد : كعدي راحه هسه مادام شربت الحبوب اصير زين

بنان : اوفف

فهد : بس تتأففين كافي

________________

ريم
سمعت بخبر ليان رحت للغرفه يمم روان ورزان

ريم : تعالن سمعتوا بالخبرر القنبله

روان : خيررج

ريم : ست ليان ختيه انتحرت

رزان جانت نايمه بسرعه كعدت تربعت وگالت

_ صدك يا خطيه

ريم : اي وهسه بابا وعمو و استاذ همام راحوا للمستشفئ

رزان : خطيه

ريم : يا خطيه عساس هاي اول مره سوي هل حركات

روان : ليش مسويه هيج قبل

ريم : واضرب هم يابه سوي هل سوالف حتئ تتلوك الفهد وبلكي يعني يلين وياها

روان : ما ادري شحجي بس صدك ليان مريضه

ريم : وخبله يعني اوك فهمنه تحبه نحترم مشاعرها الجميله بس بعد زوج شكو تحاولين تخربين بينهم شهل نفس الي عدها وكللها اني ما احبج ليش تلزك

روان : هيه مو بس هيج هيه عدها حقاره تمشي بدمها خبيثه

ريم : اهوو عوفينه منها ومن افلامها الهنديه اي تعاي ست رزون عروستنا الحلوه

رزان : نعم

ريم : اي يابه مضل شي وتعقدون

رزان : عزا منو گال

ريم : ايهم كال هيه موافقه بس تستحي تنطي موافقتها وبعد يومين عود عقدكم

رزان : عزاااا هاي شنو شلحك شصخم

ريم : لا عيني تلحكين تلحكين هسه شايفتلي ويكلولي العقد مالتج بعد ساعه والله اشد وصله واركص

روان : مستعجله الاخت

ريم : اهخخ عوفيني بضيمي عوفيني صدك صدك نسيت اكول الكم

روان : يا ستار كولي عمي

ريم : عمي ؟

روان : انجبي معليج كملي

ريم : صدك شعليه هوه اصلا من عاشر حمير 40 يوم اشبههم

روان : وانتِ اول حماره

ريم : انجبي ديلا خلي احجي

رزان : اييي

ريم : شسمه فهد فاتحني بموضوع مؤمل

روان : جذبب

ريم : والله وهاي بقه يحجي ويايه ومدري شنو من هل سوالف

روان : اي وانتِ شكلتي

ريم : شكول مثلا اكيد سويت نفسي مستحيه وبعت ثكل

روان : انتِ ابقي بيعي ثكل علئ الاوادم وبالاخير راح يطيح حضج

ريم : شوف منو تحجي لعد ياسر المكرود الي علئ اخيته يتمنئ يسمع كلمه من حضرتج

روان : ومنو گال ميسمع

رزان : هاي شنو هاي

ريم : اي ست روان اي بلا شسمعي

روان : شو ولن ولن عنيي

ريم : اي اي انهزمي انهزمي وهاا العصر تراا حنروح وييي المخبل مالتج

روان : احلئ مخبل

ريم : شوف شوف وين جانت وين صارت مو جنتي تحجين عليه

روان : شعليج انتِ احجي ما احجي

ريم : اممم انتو هم حطبكم وي بنان وفهد اسويلكم سحر يم ام عباس ثلاثي الابعاد

روان : لا هاهيه ربحنا

رزان : هوه انتِ ضلي هجمي بالبيوت

ريم : طبعا شنو اشوفكم يم احبائكم واني المكرودهه مالي احد

رزان : اي اي

ريم : شو جنج معاجبج لو تريدين هم اطبكج وياهم

رزان : لا عيني لا علئ بختج هوه اني من دون سحر ولا شي مطيوح حضي

ريم : اي عبالي

____________

روان
عفتهنن ورحت يم ياسر للغرفه ادري مابيها احد لان همام راح للمستشفئ و ايهم ماموجود

فتتت بسرعه للغرفه ولكيت حاضن المخده و نايم ومتغطي والغرفه ثلج

رحت كعدت علئ الجربايه وگلت

_ ياسرر اميري الوسيم اكعد

ياسر : اممم

روان : يَسوري اكعد

ياسر : ولي من يمي

سمعت گال هيج نتلت وعطت بي : ياسرررر اكعددد

بقه نايم ورجع گال : ولي من يميي

اني هنا مو بس نتلت تكهربت هم بسرعه كمت جان اكو بطل مي بارد حيل بسرعه اجيت ودرته علئ وجهه

فز وگال : هاااي شنووو ليش سويتي هيج

روان : تستاهلل شنو اني احجي وياك كلام حلوو تكُلي ولي اني اولي ؟

ياسر : وهيج سوين

روان : اي هيجج اسوييي شتريديني اسوي مثلا

ياسر : هسه متكوليلي شكلت

روان : گلت وليي صارلي ساعه احجي يَسوري و اميري المصخم اكعد وانتَ ولا يمك تكلي ولي

ياسر : واني شمدريني هاي انتِ عبالي ريم

روان : خوش نمشي هاي زين شكو حاضن المخده ونايم هااا

ياسر : لا هاهيه حتئ علئ هاي تحاسبين

روان : طبعا لعد شكو حاضنها هاا يلا كُولي ليش حاضنهااا

ياسر : شبيج عمي اني محاضن المخده اني بس يعني اتخيلها انتِ فحاضنها غير طكني الجفاف

روان : هااا اي زين

اشو ما اشوف غير جرني وگال : يلا لزعلين تعاي احضنج انتِ هم

دفعته وگلت : وخرر مشكور ما اريد

ضحك وگال : يلا عادي عادي

روان : ايي صدكك شوكت تاخذنه

ياسر : وين للكبور ؟

روان : شبيك ياسر غير تاخذنه اليوم نشتري فساتين حبشكلات غير بعد يومين العقد

ياسر : وشعليه اني

روان : يعني متريد تودي روانك

ياسر : لا عمي لا شلون ما اوديج بس اني اقصد شعليه بالباقين

روان : خوب انتَ معليك بحد

ياسر : طبعا معليه اني الي دخل بس بنفسي وبطركاعتي وبس

روان : اممممم

ياسر : صدك شحتلبسين

روان : اممم افكر اشتري فستان احمر

ياسر : العب عميي

روان : احب لون الاحمر اني

ياسر : اني هم احبه والله

روان : ايي

اشو اباوع عليه عگد حواجبه واخذ صفنه بوجهي وگال

_ لا لا لتلبسين احمر

روان : ليش ؟

ياسر : الاحمر ضمي عود بعقدنه لبسي فستان احمر حتئ اشوفج يعني لان اذا تلبسين احمر هسه مراح اكدر اشوفج بي لان ميصير

روان : باع تفكيرك

ياسر : طبعاا لعد شلون غير اتمعن بجمال طركاعتي

روان : امم افكرر

ياسر : لتفكرين كولي اي واذا شفتج اشتريتي فستان احمرر اله اخطفج

روان : الله الله تحمست زايد

ياسر : وانشووويي هم

روان : شكد تافهه

ياسر : احبج عمي

ضحكت وگلت : ديلا اني هم عود احبك

ياسر : اي عفيه عمي يلا حضرن نفسكم انتِ وذنيج المشعوذات

روان : اوك

________________

بنان
نزلت جوا حجيت وي البنات شويه بعد ما شفت فهد نايم شويه بده يتحسن بس بعده عنده الم فلما نام نزلت وكالولي حيرحون اليوم يجيبون فساتين واشياء للعقد وي ياسر فرحت صعدت اكول الفهد
لكيت كاعد وگال

_ ها وين جنتي

بنان : جوا جنت يم البنات

فهد : خوش

بنان : اي شلونك انتَ

فهد : زين احسن

بنان : اي اكول فهد

فهد : كولي

بنان : شسمه

فهد : دحجي

بنان : حروح اشتري فستان للعقد مو بعد يومين

فهد : اي ويامن

بنان : وي البنات ياسر راح ياخذنه

فهد : ايي زين

بنان : اروح ؟

فهد : ايي عادي روحي

بنان : بس اني اكول ما اروح احسن

فهد : ليش

بنان : شلون اعوفك وانتَ هيج

فهد : لا عادي بويه روحي

بنان : لا ما اكدر اعوفك

فهد : اروح فدوه للحنونه اني لا بويه روحي انتِ عادي مابيه شي وقابل شكد حطولون انتو

بنان : بس شلون انتَ

فهد : كدامج مابيه شي لتعاندين روحي

بنان : اممم وانتَ ليش مُصر هيج حتئ اروح

فهد : باعي تعاي كعدي حتئ اكلج ليش مُصر اني

رحت كعدت يمه وگلت

_ اي احجي

فهد : شوفي بويه انتِ بس راح تروحين وهاي واخلص منج كم ساعه فشنو اخابر علئ صديقاتي الصاكات وخليهن يجن هنا يمي ونلعب ختيلان سوه

بقيت مصدومه من حجيهه وگلت : شنو ياصديقات يا الطام شدتحجي انتَ

فهد : شبيج

بنان : تشاقه موو

فهد : لاا

بنان : خوش خلي يفيدنك

فهد : ايي

كمت من يمه ولا كأنوا صار شي لان اعرف ديشاقه بسرعه طلعت بنطلون فوكاه قميص ولبست شالي وخليت شويه مكياج خفيف داطلع جان يكول

_ نسيتي شي

بنان : شنو

فهد : لبسي صايه

محجيت شي وياه رحت طلعت صايه ولبستها ونسيت احط عطر فرحت حطيت جان يكول

_ بعد بعد سبحي بالعطر

بنان : ترا مخليت هواي

فهد : لاا ابد مخليتي وهاا الحمرهه محلوه مسحيهاا

بنان : لا حلوه

فهد :محلوههه مسحيهاا

بنان : اني عاجبتني

فهد : داكلج مسحيهااا

مرديت عليه رحت قللت من الحمره شويه وگلت

_ هاا هسه

ابتسم وگال : لا هسه تمام

طلعت من الغرفه ورحت الغرفة البنات وجان اتفاجئ بالمنظر لكيت ريم لابسه عادي ورزان هم بس روان
جانت لابسه بنطلون اسود وي تشيرت اسود عريض وحاطه حمره سوده وحاطه كحله سوده بارزه عيونها العسليات وشعرها شادته ذيل حصان

شهكت وگلت : ولج هاي شمسويه بنفسج

روان : والله هذا الموجود شنو يكلي استاذ ياسر تعاي انتي والمشعوذات شنو قصده يعني اني مشعوذه دخلي اشوفه شلون يصيرن وهذني ثولات كلتلهن تعالوا اسويلكم حمره سوده مقبلن امداجن

رزان : اي مو تخبلنه مثلج

ريم : والله ياسر بس يشوفج ينتحر

روان : ليش شمسويه اشو بنطلون وفوكاه تشيرت عريض وطويل هم بعد شكوو ينتحر اما بخصوص جمالي فهاي منتهين منها

ريم : الله علئ الثقه الي عندج

بنان : ديلا امشن امشن

___________________

الظهر اجوي عمامي و همام وياهم
عمو محمد جان عصبي ويحجي عليهم ويكول مهملين وماكو احد يهتم

زياد : فعلاً محمود خوب لا يحل ولا يربط

همام ضحك : جهالهم تمشيهم

زوزو : اي والله لا عاب حلكك

همام : اكول اني جوعان ومن الصبح رايحين مستشفى

كالت مريم دقيقه اروح اصبلكم غدا واجي

ضلينا كاعدين وهمام يحشش ويه زوزو : لج مابيها شي فلكك عود منتحره شو ما ماتت

زوزو : اممممم انت شتعرف عن ليان الحيه ام راسين

همام : غيري الموضوع مو لعبت نفسييي من المستشفى ومن بيت عمي كضينا حياتنا وياهم مشاكل

رحاب : شنسوي هاي بعد

محمد : بس غلط من عدهم شنو عايفين بتهم هيج هَدد تنتحر وتجرح بروحها أستغفر الله

ورا دقايق مريم صبت الهم اكل غدا واجتي

بهل أثناء نزل ياسر يضحك ومبدل گال : شنووو وين عريسنااااا

ضحك زياد : بعيادته

ياسر : فكُر حتى بالعقد ماله مموجود

زياد : هو مو بس بعيادته رايح يعزم اصدقائه الموجودين هنا وهاي

ياسر : لكككك العب فلا مصدك .. انت حمام مصدك

غص همام بالاكل واجاه ياسر يدك على ظهره : اسم الله اسم الله شبيك ثووول

دفعه همام وهمس لياسر : حيوان لتكول كدامهم حمام لا اكوملك چلببب

ياسر : بكيفي

همام : لعد اصيحلك يسرى

ياسر : اموتك والله

همام : لعد لتصيح حمام

خزره ياسر : اني اعلمك

وره مخلصوا غده الكل صعد فوك بقه بس ياسر وهمام بهل اثناء نزلنه كلنه وروان اخر شي ياسر اول مشاف روان شهك وگال

_ ها شنو عمي شنوو

روان : خيرر

ياسر : هاي شطالعه

روان : مشعوذه علئ كولتك

ياسر : شنوو شنوو ولج هيج تريدين تروحين

جاوبته بمياعه وگلت : اي شبيه اخبووول مو ؟

ياسر : لتخبليني هيج تروحين دباع الحمره يعني عود حلو هيج

روان : اي حلوه وتخبل

همام ضل بس يضحك جان يكول : الله يساعدك خويه

روان : ليش عيني الله يساعده شبيه اني

همام : لا هل مره صدك الله يساعده محد يكدر علئ السانج انتِ

ياسر : بنان احجي وي اختج شنو تطلع هيج

بنان : والله حجيت وياها بس راسها يابس وترا يعني ياسر لبسها زين مابي شي

ياسر : واني فكيت حلكي وكلت شي علئ لبسها بس شوف الحمره وشعندج كله اسود طالعه سحاره

روان : معليكك والله اني عاجبني

ياسر : دباع الشعرر حتخبلنييي ماكو روحه ما اودي احد

عاطت ريم ورزان : شنوو ماكوو روحه

حجه همام بخباثه وگال : معليكم معليكم اني اوديكم

خزره ياسر وگال : انتَ شعليك

همام : شنو شعليهه غيرر اودي البنات خطيهه منو يوديهن امشن امشن

دنطلع وجان يعيط ياسرر

ياسر : صبروا اني هم راح اجي

روان : هلا بيككك عميي

ياسر لزمها من عكس ايدها وگال : بسيطه بسيطه

روان : اني هم احبك حبيبي

طلعنه كلنه وركبنه بسياره وياسر كعد يسوق وهمام اجه علئ الواهس كعد بالصدر واحنه كلنه ليوره جان يكول همام

همام : اكول ياسر مشغلنه اغاني شويه

ياسر : معاجبني

همام : شبيك مو ضايجين شغل وعندك البنات هم ضايجات وروانك هم ضايجه مو بنات

روان : اي اي ياسرر شغل اغاني وركصلنه شويه

ياسر : هسه كمتي تحبين افتح اغاني

روان : اي شلون لعد

ياسر : شطلع

همام : حلو حبك

ياسر : خووش

طلع ياسر الاغنيه واني گمت اباوع عليه واهز بيدي وهوه خازرني من السياره اباوع علئ ريم صافنه وبنان هم صافنه علئ شباج ورزان تجرجر انزل بيدي وهمام يغني وي الاغنيه ويضحك علينه وصلنه ونزلنه جان ياسر يفتح الباب ويكول

_ يلا نزليي خاتون

روان : نازله نازله عيني

اشو هذا لزم ايدي وكادني باوعت عليه وگلت

_ هاي شنو ليش هيج لازمني

ياسر : عجبني الزم ايد طركاعتي بيها شي

محجيت شي وياه وكمنه نمشي فتنه اني والبنات شفنه البدلات واشترينه مكياج وهل سوالف مال عقد وهاي وكلسع ياسر يجرجر بيه ورها كملنه طلعنه وگال همام

_ مشتهي موطه انيي امشي ولك ناكل موطه

ياسر : وسم اني شعليهه

ريم : اييي امشو ناكل موطه

ياسر : روان تريدين

روان : اييي

ياسر : وانتِ بنان

بنان : لا ما اشتهي

ياسر : تمام

ريم : واني شنو هنا محد يسئلنيي

ياسر : انتِ اعرفج كُلشي تاكلين

نزل ياسر وهمام يجيبون الموطه وهمست ال بنان

_ شبيج

بنان : مابيه شي

روان : شو احسج ضايجه

بنان : لا مابيه شي بس شويه لعبانه نفسي

روان : خاف حامل

بنان : لا محامل

روان : شمدريج

بنان : اني ادري

روان : اييي يصيرر خيررر

ريم : عزااا عزاا بنات

روان : شكوووو

ريم : ذاك مو مؤمل

روان : اي والله

ريم : عزااا شوف شوف شلون يمشيي المصخم

روان : اي ضلي زحفي علئ الاوادم

ريم : انجبي بسس شوف الصدف دائما تجمعنا هذا دليل علئ شنو انو هوه نصيبييي

روان : شوف هاي الي يمهه

ريم : عزاا العزاج ريم هاي منو الي يمه

روان : ولج باعيها دتمشي بصفهه

ريم : هاي شنو ديخونييي

روان : تفوو علئ حضج يا ريم طلع مصاحب يبويي

اباوع علئ ريم كامت تبجي وروان الخبيثه تزيد عليها

بنان : روان كافي انلصمي وانتو شمدريكم حبيبتهه هاي

روان : لا اني متأكده

رزان : انجبي انتِ كافي روان خطيههه البنيه

روان : سكتت سكتت

رزان : كافي ريم عزا حيجون الولد يشفوج هيجج كافي

روان : هاي سوته صدك ريم تعاي اشاقه لتبجين

ريم : لا مو شفته اني جان تمشي يمه وحده

روان : لا يمكن كرايبه شبيج عادي

مسحت دموعي وگلت : هيج تكولين

روان : ايي ايي لتبجين

اجواا الولد جايبين موطه وگال ياسر

_ هاج بنان هاي الج جبتها

بنان : مو ماردت

ياسر : حتئ لو هاج اكلي وهاج ست روان موطه ام ككو مثل متريدين

روان : عمييي بعد ياسررر

ياسر : وانتِ سليمه شنو باجيه

ريم : لا

ياسر : لا هياتها دموعج شبيج

همام : هاي عود صدك شبيج ريم احد ضوجج

ريم : ماكو شي

روان : مابيها شي بس فات بعيونها تراب

ياسر : اكيدد

روان : اي شبيك

ياسر : تمام

ريم
انطتني بنان عسريع كلينس مرطب ومسحت وجهي واني اشوف مؤمل جاي على اخواني وكلسع ادمع

شهكت روان : عزاااااااا هاي تشبهه مو

باوعت بنان وكفختنا : هاي اخته اسيل

ريم : جذذذذذذب

رزان : ثول وصارلكم ساعه وحده ترفع ووحده تكبس على شنو هياته اخته وياه

ريم : أنتِ انجبي انجبييييي اوف راح ابجي

روان : هاج هاج كلينس عيونج حمرا

ريم : صخام تصخمت راح اتفشل فشله بكد صماخج

روان : حقيرة عود دا اساعدها

رزان : هيااااته اجه

نزلت راسي دا اعدل الحجاب رفعته جان الكاه بوجهي صاير يعني يشوفنا و ياسر و همام ديحجون وياه وهو يضحك

اخته اسيل اني وياها صديقات اجتي علية نزلت الجامه وهي ضحكت : هلااا ولج

ريم : تعاي تفضلي خيه تصعدين تجين ويانا

اسيل : لا اجيت غير اشتري ملابس

سلمت وراها على البنات وضلينا نسولف
اخر شي شفته يودع اخواني و اجه من جهتي جهة اسيل يريد ياخذها

ف هي الجامه جانت نازله واني يمها هو فات واباوع علئ الجامه صرت بوجهه

ابتسم الية لو ردت اتخربط بنص السيارة رأسا درت وجهي وصعدت الجامه راحوا وصعدوا ياسر و همام وشغل سيارة دنرجع للبيت

همست الي روان : لج الله شفتي شلون ضحكلج

همست الها : اي اي گلبي راح ينقلع

رزان : اششش لحد يسمعكم

ياسر : ليش شدتحجون حتى محد يسمع

بنان : مدنحجي شي

ياسر : هيهيهيهي عليهه هاي سمعت صوت رزان

رزان : هاا سوالف بنات عيني

همام : دعوفهم سوالف بنات لتحشر خشمك وياهن

ياسر : اي اي

همست لروان : بالبيت نكمل سوالف ليروح هذا يفضحناا

___________________

رزان
اول ما وصلنا للبيت نزلت علاليكي والفستان وكلشي ساعدوني البنات مخلو ايشي ينقصني

دا اطب جوا لكيت ايهم كاعد بالحديقه كمت اسرع بمشيتي لحد مطبيت جوا استقبلتنا زوزو بالهلا والمرحبا

بعدها صعدت ليفوك وية روان

رزان : هاج هاج حبابه روان العلاليك

روان : يمه شلون اشيلهن

رزان : كبر هيانها الغرفه اريد اروح للحمام

شمرتها عليها وهي راحت تسحل بيهن
ضليت امشي سريع ما اشوف غير ايهم كبالي

رجعت ليوره هو كال : صايرة تنهزمين مني ست رزان

رزان : ها لا اني ما انهزم ليش اصلا

ابتسم بوجهي وبدا يتقرب علية : لعد صدك هذا ياهو اللي كل ميشوفني يطكها بركضه

رزان : منو

ايهم : لتنثولين حبيبتي ما احب الثول اني

رزان : عزا قصدك اني ثوله ؟

ايهم : اييييي شلون ثول لا لا دقيقه مو ثول هذا عسل

ضليت مثل الصنم كباله فاكه حلكي رجعت اريد اروح للغرفه من خوفتي حتى مرحت للحمام

ايهم : شبيج بابا دا اريد احجي وياج ليش كلسع تولين

رزان : ها مو روان تريدني

ايهم : يابه دعوفي ام لسان .. ايييي اي لون فستان جبتي ؟

رزان : انت شعليككك

ايهم :دنجبي شنو شعليك غير اعرف

رزان : ماااا ماكول

ايهم ؛ لا اريد اعرف اللون جا غير ننسق

ضحكت وكلت : شنو تلبس وردي قابل

ايهم : هاا لا اكيد بس عبالي غير هل لون .. يجنن عليج الورديييي تطلعين تشگين

ادور بهيج مواقف اكوم ارجف وماعرف اتصرف ضليت امسح بوجهي صار مي

ضحك وكال : خوش خوش ديلا روحي روان تريدج

رزان : اي اي صدك روان تريدني

ايهم : مبين مبين

طكيتها بركضه للغرفه وگلبي يدك سريع اعدل بحجابي ووجهي عركان

طبيت للغرفه سألتني روان بـ استغراب : هاي شبيج رزان

رزان : مابية شي عطشت

ريم : هذا المي موجود وشربي

رزان : ها اي اي صدك

روان : شبيچ جنج شايفه بعبع

رزان : يا بعبع ماكو شي بس حاره الدنيا مو

ريم : لا زينه مو كلش

رزان : لاااا حاره

______________

بنان
اول موصلت طببت العلاليك لكيت فهد كاعد

ضحكت وكلتله : ها ها شلونك شلون الغرفه بغياب بنان ست الحسن والجمال

فهد : هسه نورت

بنان : اوييي

فهد : اي اي تعاي شجبتي ما جبتي

كعدت ؏ الجرباية يمه ونزعت شالي : يمه يمه جبت اشكاااال فلستك اصلا مو تحجي ترا والله الغراض يسون

فهد : اي خليييي اشوف اذا ميسون حتئ احطج واكتلج

دمعت عيوني : شنووو متريد مرتك تطلع احلى وحده بعقد اختهاااااا هااا

فهد : لا والله اريدها تطلع ملكة جمال الكرة الارضيه

بنان : شنوووو بس الكره الارضيه ؟

فهد : لا لا مو بس الكره الارضيه المريخ هم

بنان : هااااا

فهد : ملكة جمال المجره كافي عاد راح تنكفخين

بنان : يلا صدك كافي

فهد : خلي اشوف الفستان

بنان : لا اخلي مفاجئه الك

فهد : شنو مفاجئه ماحب اريد اشوفه؟ خاف يطلع شسمه دلع زايد واني ما احب هيج

بنان : يا دلع يجنن يجنن بس لا اني قررت اسوي مفاجئه الك

فهد : لا والله؟ شو بكيفج ترا كلت اريد اشوفه

بنان : مااااا حباب والله حلو ومن هذا اليعجبك

فهد : أوف منج واذا ميعجبني " ابتسم وكمل " حتى اعرف شسوي

ضليت صافنه عليه : عزاا شوف هذا شنو

ضحك وگال : ديلا اريد اشوف الفستان لتغيرين الموضوع لا عبالج عندي جرح ما اكدر اسوي شي لو ماكدر اكوم

بنان : حباب حباب والله حلو وكتلك من هذا اليعجبك اصلا اني اعرف ذوقك وحتى اني عاجبني

فهد : خوش .. زين يا لون ؟

بنان : مااااكول

فهد : بكيفج اني اعلمج عود بسيطه صبريلي

_____________

رزان
مرت هل يومين واحنه كاعدين نحضر ونسوي ونرتب
واليوم هوه يوم العقد احس متوتره حيل وخايفه وحاسه بشعور محلو بس ما اعرف بضبط مشاعري شنو متخلبطه قاطعة صفنتي ريم وهيه تكول

_ يلا ولجج تعاي امكيجج

رزان : تمام اجيت لحظه

ريم : ميحتاج تروحين صالون وست ريم موجوده

ضحكت وگلت : يلا ابدعي بس ما اريد هواي

ريم : متريد هواي مو هيه بكيفج دتعاي تعاي وكعت بيد ريمه بعد

مكيجتني ريم مكياج قوي ومو قوي حطتلي حمره ترابيه وخلتلي يعني كلشي و يعني طلع شي حلوو ورحت لبست البدله لون وردي فاتح مابيها هواي اشياء وطولها حد الركب وبيها نفشه من يم الصدر يعني لبستها وسويت تسريحه بسيطه وجان تستلمني ريم

_ يمهه يمههه اليوم ايهم ينتحر بس يشوفج

رزان : خوب انتِ خليتي الكُل ينتحر

ريم : والله احجي الحقيقه اني غير طالعه تموتين

رزان : بس مو بجمالج عيني سيندريلا

طبعا ريم رجعت لون شعرها الطبيعي الاشقر واشترت بدله لون ازرك كُلش حلوه طالعه عليه وفلت شعرها وسوته ويفي وهوه قصير

وبهل اثناء طلعت روان ولابسه البدله وجان تكول

_ يلا يلا سولي طريق اخت العروس اجت يلا عيني ست ريم لعبي بخلقتي زين طلعيني صكصوكه بلكي انخطب واروح اغور ياسر

ريم : والله ثنينكم مخابيل دشوف تفكيرها تريد تنخطب حتئ تغور ياسر

روان : يلا يلا مكيجيني بس هاا لتخليلي كومه اشاقه ما احب المكياج اني بس علمودكم ححط علئ الواهس لحظه لحظه هاي شطالعات

ريم : غير نخبل

روان : لا لا موهيج تفقنه تعاي ست ريم سويني احلئ منكم

ريم : ادللي خاتون

المهم جنت لابسه فستان اسود وخليت حمره ماروني ولخبطتلي ريم وجهي وطلعت ماشي حالي انشاف بيه شوفه بيه

ريم : هسه تمام وينك يا ياسر اخوي المكرود المثل اخيته شوف روانك

روان : روانه الحاته عيني

ريم : انجبي يلا خلصت منج ولييي هاهيه بعد منو ماكو احد وبنان مكيجتها اول الناس ومريم هم هاهيه طالبيني طلابه مضل احد يلا ولن خلي اخذلي صور ارفه عن نفسي اتمعن بجمالي الخلاب

روان : اوويي

__________________

ياسر
طبعاً اليوم هو يوم العقد مال اخينا بالله ايهم
تجمعنا كلنا بالغرفه نعدل بروحنا ونلطم

عاط همام : جل الشعر مالتي وينه

ياسر : اهمداك لتسوي تسريحة الديج

همام : لك مووو ديج اصلا ماحبها بس وينه وينههه

ياسر : شمدريني خلصته اني

همام : شلون راح ابتلي بيك يعني لو تخلص الشامبو لو جل بابا غراضي لتتقرب الهم

اجه حسن يفاككنا ويعيط : زعاطيط كافي عاد انجبوا

ضحك ايهم : خوب انتوا حايرين برواحتكم مو عندي ولد عم وهاي شو تعال انتَ ياسر مدام خلصت بس طلعلي جواريب

ياسر : جواريب بعينك ماطلع شعليه اني

ايهم : غير اني العريس عود

حسن : معليك بهل مخلوقات هسه اجيك صبر

همام : هسه شلون اروح لحلاق لو شنو

ياسر : اوكعووود

همام : كله منك كلههه منك

ياسر : اهوووو

كال ايهم بتوتر : اسمعوا شرأيكم طالع حلو اني

اجه حسن : جواريبك وين رحمه للحمزه

ايهم : شمدريني .. هسه اني حلو لو لا

حسن : تخبل تطك بالكاع

ايهم : اهخخخ حطير من الفرحه صدك كلت لابوية يخابر الشيخ انت همام

همام : اي اي خابره

بهاي الأثناء فات فهد وهو بكامل كشخته
جان لابس قاط اسود كلهه من فوك لجوا

صفروا الولد كال حسن : لك هاي شنو سيادة الضابط ما عرفناك

كال : چا شعبالكم انه الفهد

ياسر : ونعم عمي

فهد : اسمعوا تدرون النظام شنوه ؟

ايهم : شنو .. اكول فهد اني حلو

فهد : تلعب ستين نفس مادري المسكينه شلون رضت بيك

ايهم : كول والله

فهد : جذب جذب والله حلو المهم اسمعوني

ياسر : كول كول سيادة الضابط نسمعك احنا

فهد : باع ايهم مو حيجون اصدقائك هم

ايهم : اي

فهد : نسيت شريد احجي

ايهم : استغفر الله صارلك ساعه تريد تحجي

فهد : اييي المهم انت حسن انت الشاهد مال ايهم واني الشاهد مال رزان

ياسر : وليش مو اني شاهد

همام : انت شدخلك

ياسر : غير من جماعة العروس

كفخه فهد وگال : انجب انتَ ويه الكل

ياسر : اي اي وي الكل

فهد : يلا ننزل جوا بالصاله افتحوا الباب حتى يطبون للصاله كبل صحبانك وها خابرت مؤمل ب اعتباره من جماعتنا

ياسر : واني هم خابرت احمد

همام ؛ لك هاي شنوووووو

حسن : لاعبين لعب

ايهم : هسه هم شمسوين هاذهوه يا اخوان خل ننزل وننتضر الشيخ بس دقيقه فهد خما جرحك يوجعك

فهد : يوجع بس مو مثل الاول لتخاف

حسن : ديلا خل ننزل أبوية يصيحنا

همام : اي اي يلااا

ياسر : صبرولي اجيب الديجي مالي لك الله هسه محد راح يحاسبني

ايهم : شنو

همام : لك انت غير مشايف خبالات يسرى بعدك

فهد : يلااا كافي

_______________

بنان
هل فتره بده فهد يتحسن احسن من قبل وكام يوكف ويتحرك وعادي وبدينه نحضر العقد رزان فرحت علئ ريم خلتلي مكياج بس مخليت هواي ولبست البدله لون بنفسي فاتح جانت بيها اكمام من اليد بس شفافه ومن صدر مستور يعني زين وطويله تحت الركبه وخلتلي مكياج وحطيت لون حمره وردي فاتح

طبعا فهد من الصبح مشفته طلع وي الولد وهوستهم وهمه وبهل اثناء فات للغرفه وگال

_ يابويهه هاي شنو ولج

بنان : شنوو

فهد : لا لا هيج هوايي اذا مكسرتي عليهنن ماطلع فهد

بنان : ايي هسه النسوان كلهن يخطبني

فهد : ايي حتئ اجي اهججهن يمه مريتي ما انطيها

ضحكت وگلت : اي بلا شلوني طالعه

فهد : شكينن بويه شكين دتعاي تعاي اني ما اتحمل لا لا

جرني من ايدي وگلت

_ فهدد شبيك

فهد : شنو شبيه اشوف هل جمال گبالي واضل صافن ما اسوي شي لا تحملت هواي اني وصبرت هواي هم مضل بيها مجال

بنان : لا عفيه فهد مو هسه الله كريم

فهد : ابقي اجلي انتِ

بنان : لا لا شبيك شوف هسه انتَ طالع حلوو واني طالعه حلوه وثنينه حلوين ومرتبين ليش نخرب الكشخه فشنو بعدين

فهد : زين تعاي خلي اخذ شمه صخام

بنان : بعدين بعدين

فهد : ايي لحظه هاي شنوو اشو ايدج مصلخه

بنان : يا مصلخ لعد شنو هاي الكمام الشفافه

فهد : لا مسوين فضل لو محاطيها اشرفلهم

بنان : اي المهم فستان حلوو وزين مو مشلح هواي

فهد : ايي يعني المهم متروحين منا ومنا وصخام مطبخ ابقي كاعده يم اختج اعتبري نفسج العروس

بنان : خوش

فهد : اي وها ركص وما ركص يعني ركصي بس لضبين لحم خاف تصير صدكك ويخطبوج وها اي وحده تحجي وياج كليلهم مزوجه

بنان : بعد اكتب بكصدي مزوجه

فهد : سوين فضل

بنان : فهددد

فهد : ديلا لتتنعوصين

بنان : ايي ما اتنعوص خوش

فهد : يلا اني نازل وهاا مثل موصيتج

بنان : خوش خوش

_________________________

نزل ياسر هو والديجي مالته يضحك

ضل يهوس وتجمعوا الولد يمه ويهوسون : جيناك بهايه واهلك وفايه وهمه الحجايه

راح ياسر جر الولد ودك و ركص وهوسات

همام : ايهومي يا جكليته حامض حلو باكيته وكليليليليليش

ياسر : وسممم اني اهلهل كليليليليوووش

فهد : استعراضات هلاهل شبيكم بابا دكو ثكل اهمداكم

حسن : ديلا انتَ شبيك تعال اركص

فهد : اركص اني وبطني ليروح يصير صخام مو عقد

رد ياسر علك اغنيه ثانيه : لعب نلعب لعب بعرسك يلذهب

همام : غير انت النفس معزتك بالكلب

ضحك ايهم : شبيكم هاي الاغنيه مال عرس بالعرس عود طلعوها الي

ياسر : خوش خوش يلا خل نطلع وحده ثانيه

وضلوا على هذا الحال وفهد صافن والردح بفلس
جتي زوزو تضحك وتصفك وتمشي ع العماز ويمها رحاب

زوزو من شافتهم فرحانين ويركصون كامت تبجي : الف الحمد لله والشكر الله نطاني عمر اشوف واحد من احفادي متزوجين

ياسر : اروح فدوه لدميعاتج زوزوايه بس هذا مو عرس

زوزو : چا هو مادام عقد يعني عرّس شبقى للعرس بعد

ايهم. : اي والله يا زوزو صادكه تعاي ابوسج

زوزو : لا لا اني يمههه فديتك تعال اريد احجي وياك على صفحه

ايهم : خير زوزو شنو

فهد : ها زوزو شنو صايرة اسرار من خلف ظهر فهد

زوزو : انتوا سكتوا اريد ايهم تعال للمطبخ اريد احجي وياك

همام طكها بضحكه : ليش احجي كدامنا مراح نسوي شي

زوزو : تعال

ايهم يمشي وراها ويضحك وهي على كيف تمشي على عكازتها

ايهم
وكفت زوزو كبالي وكالت وعيونها مدمعه : ما اريد احجي كدامهم اني ردت احجي وياك اعتبرني امك خالتك بيبيتك عمتك وكلشي .. انت فقدت امك وبعمر صغير حيل واعرف شعورك وانت هسه راح تتزوج وامك ما موجوده وياك

نزلت راسي والدمعه بعيني : الله يرحمها

زوزو : بس تذكر اني وياك

حظنتها وعيوني انملت دموع

ظلت تبجي وتحجي وتوصيني على رزان : يمه هاي بنت خالتك وبنت عمك المرحومين راعي الله بيها تراها يتيمه وتعذبت بحياتها يمكن اكثر منك وشافوا الويل يم الناس الاخذوهم .. حبها و لتنزل دمعها من عيونها رزان وردة لتذبلها هي بأمانتك منا ورايح ما أوصيك انت دكتور وجبير وتفتهم .. دير بالك عليها

ابتسمت الها : تدللين من عيوني رزان احفظها بگلبي لتوصيني عليها

ضلت تحجي وياي اجانه ياسر : شنو وين صرتوا تعال جماعتك بدوا يجون عمي يريدك

ايهم : يلا زوزو راح اروح

ضحكت وشالت عكازتها : وخر لك وخر امشي ولي

_______________________

بنان
نزلت يم البنات جوا لكيت الكُل جاي واخت مؤمل هم ورزان كاعده والدنيا محروكه جوا وطبعا لكيت ريم وروان وحده مكابله ثانيه ويركصن ورزان صافنه بس توزع ابتسامات رحت كعدت قريب يمها وگلت

_ هاي شطالعه يمه تخبلين

رزان : والله ما اوصل الجمالج

بنان : لا عيني لاا ايي صدك محتاجه شي

رزان : لا بس متوتره بنان حيل متوتره

بنان : لتوترين عاديي لتخافين تونسي ترا هاي مو كل يوم تصير هل اچواء عيشيها بلحظتها ترا تتندمين بعدين

رزان : اوفق مدري بس هيج رجفه بيه

بنان : يلا عادي بس شوفين ايهم تروح رجفه

رزان : بناننن

بنان : هاي هسه وهيج بالعرس شسوين

رزان : كافي بنان عفيه

بنان : يلا لتخافين عروستنا الحلوه

رزان : شوفي ذني الخبلات

اباوع علئ ريم وروان علكن الجو الكل صافنن عليهم بركص شكد رادوا يكوموني اني ورزان بس ماكو الخجل عامينه وكم وحده اجت خطبة ريم بس خاله رحاب كالت بعدها صغيره وخطبن روان هم بس جان نفس الجواب بعدهن صغار

طلعوا اغنيه وروان وريم يركصن ويغنن وي الاغنيه ويهزن

ريم : هزي هزي عذبي گلبي تعب عيون الشباب

روان : انتِ بس خصرج قضية وشعرج الاسود عذاب

كامت ريم : يلي نظراتج خناجر اذبحيني يلا غمزي

روان : انتِ موبس حلوه انتِ الكُمر يمج يخزي

وتكابلنن يهزن جتف وشعر ذبن لحم و زوزو صفكلهن ورها نهو الاغنيه بهلوله من ريم

ريم : كليللووووش يلا روان هلهلي انتِ هم

روان : لا يمه لا ركص اني فالحه بي بس مال تهلهل لا عيني فضيحههه

ريم : امداجج بس والله خوش تهزين كون ياسر موجود يشوف روانه

روان : الي يسمعج يكول قصرتي يمه تعاي تعبت خلي اروح الم كفشتي

رزان
كعدنه كلنه وهاي وضحك وركص لحد منسمع صار عياط برا وعلت الاصوات وميزت صوت ايهم من بينهم وهوه يكول

_ ولكك انتَ شلون تحجي هيج اليوم انهيك

نهاية البارت
يتبع ...

( لاتنسوا التصويت)

أن شاء الله يعجبكم البارت وسوينا طويل بال 5000 كلمة 💖💖

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور