رواية نقطة لقاء الفصل الحادي وثلاثون 31 - بقلم الكاتبة دينا _ الكاتبة نور

سأحُبك حَتى نَلتقِي،وأُحضن يَدك، وأِقبل عينيكَ،رُغم المسافات وقسوة الايام، أَنت بِداخلِي):

>>>>>>>>>>>>>>>>>>>>>>>

بنان
جنه كاعدات جوا يم زوزو ونسولف ونضحك
نزلوا الولد مخبوصين وعياطهم وحتى حسن عيط عليهم محد يفهمنا شي والكل مخبوص

عيط عليهم حسن : شبيكم انتوا ولا واحد يفهمنا شصاير وشكو مخابيللل

عاط ياسر : لكممم فهد متصوب بالبصره

عاطت خالة رحاب : يبووووووووو

وزوزو تبجي وتلطم : يمه وليدي راح يروح ولك فهيدان

حسيت أطرافي انشلت واني اسمع هل خبر
اني ادري شغله خطر وكايلي بس مفكرت بيوم من الايام يتصوب گلبي صار بديه وصرت ارجف باوعت بصدمه وگلت : شنو فهد متصوب انت شدتحجي ياسر

همام : اجانا اتصال من المستشفى

بهل أثناء صار عياط وزياد عيط : شتنتضرون امشوا نروح

جان يوكع متخربط عمو محمد
نزلت دموعي واني اشوفهم مخبوصين وعياط محد انتبه الي ولحالتي اجتي علية ريم تبجي وروان ورزان هم يهدون بيه

ريم : اخويهه متصوب يمههه

عاط ايهم : شبيكم لتخبصونا أن شاء الله ما بي شي
همام بسرعه أخذ عمي وروحو لمستشفى هنا واحنه ناخذ ابوية ونروح بسرعه يلا

عيطت عليهم : اني هم اجي وياكم

ياسر : شعندج جاية محد يجي بس احنه

حجيت واتوسل بيهم ودموعي تنزل وارجف : عليكم الله اخذوني ماكدر ابقى هنا ماكدر اخذوووني

ياسر : شبيج بنان راح نروح شيجيبج ويانه

عاط زياد بعصبية : شبيكم ولكم امشي تعالي بابا واكفين تتعاركون واخوكم بالمستشفى وحده ؟

ركضوا كلهم وضل عمو زياد وياي واني بالكوة لبست شال وصايه علئ السريع ورحت وياهم

همام خطيه أخذ عمو وهو يرجف محد وياه راح بسيارة للمستشفى

صعدت وياهم والطريق كله ابجي وادعيله
كمت اتذكر شصار والمحادثه كلها ومن فتح وياي كاميرا ويضحك عيطت على ياسر وگلت

_سوق بسرعههه عفيه

ياسر : بنان سكتي راح اسوي حادث كاعد على اعصابي

حسن خطيه متوتر وكام يتصل ؏ اصدقائه بالشغل وية فهد ومحد يجاوبه حتى مؤمل كلهم تليفوناتهم مغلقه

كمت اكل بروحي اكل وابجي وعمو كاعد يمي خطيه يهديني

زياد : بابا اسكتي أن شاء الله مابي شي

بنان : عمو شلون اسكت ديكولون متصوب راح اتخبل والله

زياد : هسه نوصل ونشوف كافي عمو

ياسر : لكممم راح اتيه اني مرايح للبصره وماعرف منين افوت

حسن : شدتصخم انت وين راح تودينا لعد

ايهم : لا ديباوع ؏ الموقع

ايهم: انجب وامشي

بجيت وگلت : عفية اريد اوصل هسه ودوني ياربي شودا للبصره راح اموت والله

ياسر : لتخبلوني كافييي

زياد : شبيكم ولكم كافي خل نشوف دربنا راح ادك على همام اشوف عمكم شلون صار

دك همام علئ عمو زياد

همام : ها عمو وين وصلتوا

زياد: شمدريني هذا اخوك وين مودينه

همام :كوله خل يمشي ؏ الموقع ميتيه

زياد : اي ابوك شلونه

همام : والله مادري عمي هسه متخربط هو وشاديله مغذي دانتضر المغذي يخلص

زياد : ما اجوي بيت محمود

- محد يدري اصلا منريدهم يلا عمي حروح يم ابوية من يصير شي دك علية

- أن شاء الله

سد الاتصال واني حسيت نفسي منهارة واريد اوصل بسرعه ضليت ابجي واندعي فتحت تليفوني بي تطبيق مال قران كلت اقرا بين ما نوصل ودموعي عشرة عشرة وادعي مابي شي

________________

روان
اباوع عليهم كلهم يبجون و ريم انتهت بس تبجين وتملخ بروحها ورزان يم بيبي كاعده وخالة رحاب يمهاا مريم

ريم : روان فهد شلون والله اموت اذا صار بي شي

روان : انجبي لتبجين فال الله ولا فالج

ريم : والله شبيج لج روان فهد متعرفين شنو والله ما اتحمل يصير بي شي هذا اخوية وشنو شي اسوي دائما يوكف ويايه

روان : لج اسم الله قابل ميت إن شاء الله مابي شي ادعليه باعي امج خطيه راحت انتهت امشي نروح يمها صيري شوية قوية هسه ندك عود على ياسر نشوفهم وين صاروا

رحنا يمهم كعدنا وخاله رحاب تبجي : ولك يمة وليدييي راح يروح مني

زوزو : يمة فهد يااااا يمهه

وكاعدين على هذا الحال يبجون كالت مريم

مريم : شلون خطيه هيج بس يبجون خالة رحاب انتهت خوب وزوزو هم

ريم " تبجي " : شنسوي هذا هم حظنا ابوية وينه عفيه جيبولي تليفوني اخابر على همام

رحت جبته الها وهي تبجي

دكت عليه وحجوا كال الها ما بي شي

ضلينا كاعدين وريم تلوب والبيت انكلب بس بجي

___________________

بنان
ضلت السيارة تدك بينا وياسر وعياطه اللي ميخلص وكلسع و حسن كافخه مينطي مجال لنفسه
دموعي تنزل عشرة عشرة حتى غوشت على طول الساعات والدقايق ما وكفت بجي

وصلنا للمستشفى بعد طول طريق وساعات وتعب
نزلنا نركض متكسرين الولد راحوا وعمو ضل وياي ما عافني

اشوفهم يركضون بين الردهات وعياطهم ويسأل بالناس واني وعمو نركض وراهم وابجيي

الى أن وصلنا لكينا بهذا القسم مكلوبه الدنيا كلها عسكريين ومؤمل كاعد بباب غرفة فهد ومنزل راسه وملابسه عبارة عن دم

راح عليه ياسر : مؤمل عليك الله فهد بي شي
ما جاوبه

سأل حسن : يمعود صارلنا بالساعات بس ريح كلبنا
حطيت ايدي ؏ حلكي وكمت ارجف واباوع عالولد كلهم دماية وابجي دموعي تصب وعمو زياد يسكت بيه

زياد : اسكتي بنتي مابي شي

بنان : عليكم الله احجوا فهد صار بي شي ؟

حجى مؤمل بتعب : فهد قبل شوية طلع من العمليات استخرجوا الرصاصه كلش بطنه شوية متأذيه

زياد : مؤمل فهمنا شصار وشلون تصوب فهد

ياسر : ولككك شيبتني

ايهم : احجي مؤمل

مؤمل : جنه بمهمه وصار اشتباك هواي بيها مو بس فهد لان همه جانوا أكثر من عدنا

تخبلوا كلهم والعياط احس نفسي غريبه ماكو احس بس ولد و عمي معافني كعد يمي خطيه ابتلى بية محد حار بية بس هو

ضل يسأل بمؤمل ويجاوبه وحالتهم حالة إلى أن اجه الدكتور وسأله ايهم : دكتور فهد شلونها حالته ؟

الدكتور : فهد حالته متدهورة حيل وخطره الرصاصه جانت ببطنه والعمليه كلش صعبه وهسه حطينا بالغرفه وان شاء الله خير

ياسر : لعد زين نكدر نطب نشوفه

- اكيد لا محد يطب اله هسه بس يكعد .. واحمدوا الله طلع سالم من هاي العملية

دموعي تنزل كعدت عالكرسي واني ابجي وارجف ما اكدر اشوف المناظر الي دتجي لو افكر بفهد

شغل بالي هو شنو حالته خطرة
يارب شافيه ما اريد يصير بي ايشي ماكدر بدونه ابد

_______________

همام
ابويه تخربط فأخذته بسرعه للمستشفئ معرفت بيمن احير بأبويه لوو بفهد الي كُل بالي يمه فتت

گبل وديته قاسوا ضغطه طلع نازل ضغطه ومتخربط و شكلوله مغذي بقيت انتظر بره لحد مطلع وچان اشوف هيه نفسه طلعت من الغرفه گمت ورحت عليها

همام : شلونه

الممرضه : هاا

همام : استغفرالله شلونه ابويه ؟

الممرضه : ابوك

همام : لا خالي شبيج بابا انتِ ويايه ؟

اباوع عليها واكفه وتگلب بعيوها ومتوتره ومتجببه گلتلها

_ داحجي هندي اني مجاوبين؟

الممرضه : اي اي

همام : شنو الي اي اي

الممرضه : ابوك زين

همام : واخيرا طخت بعقلج انتِ شنو استيعابج ضعيف شسالفتج شهل فهاوه

الممرضه : مابيه شي وهسه اريد اروح

همام : بس لو تبطلين فهاوه

خزرتني وگالت : اني مو فاهيه

همام : واضح

دتمشي تروح وجان تعثر وتوكع رحتلها اكومها جان تكول

_ ميحتاج وخرر اني اكوم

همام : هوه مو صوجج

كامت وگالت : وانتَ محد كلك تعاي كومني

همام : مو شفتج فاهيه گلت هاي هسه وكعت خلي اتلاحكلها خاف بس تريد تكوم هل مره طير

باوعت وگالت : ترا لحيت اني مو فاهيه خوش وانتَ معليك بيه فاهيه مفاهيه لتدخل

همام : ديلا يلا

_ عوفني عاد

همام : اووويي ضاجت

عافتني وراحتت ورهاا اخذت ابويه ورجعنا للبيت

_____________

ريم
كاعدين ننتظر وبالنه كُله يم فهد اشوف ماما و زوزو منتهيات من البجي كمت رحت حضنت ماما وگلت

_ ماما عفيه كافي لسوين هيج بنفسج

رحاب : يمهه شلون ما اسوي هيج اهخخ اخوج دمرني

ريم : ان شاء الله مابي شي

رحاب : ان شاء الله يمهه ان شاء الله

اباوع علئ روان صافنهه ورزان كاعده تبجي بهدوء رحت يمهن وكلت

_ روان رزان كافي تعالن نامن ارتاحن ليل كله منمتوا

روان : وين انام منعسانه

رزان : اني هم

كعدت يمهن ننتظر بهل اثناء اجه همام هوه وبابا ركضت عليه كعدناه

ريم : بابا شلونك شلون صرت

محمد : زين زين شلونه فهد خابرتوا

همام هسه حخابرهم كدامك طلع تليفونه يريد يخابرهم گال

_ شلون حظ تليفوني مابي شحن

ريم : هسه اني اخابر ياسر

همام : اي خابري

ريم طلعت تليفوني خابرت ياسر رد عليه

ريم : هاي ياسر

ياسر : شكوووو خيركم

ريم : شبيك تصيح بس كللنه شلونه فهد

اشرلي همام انطي الموبايل حتئ يحجي وي ياسر گلت

_ هاك ياسر هذا همام وياك

ياسر : هاا همام شكوو

همام : شنو شكووو شلونه فهد

ياسر : طلعوا من العمليه الطلقه صايره بطنه وهسه دنتتظر ونشوف شيصير بحالته دننتظره يكعد

همام : اذا صار وياكم شي جديد خابرنه

ياسر : اي عمي ابويه شلونه

همام : زين هسه جبته

سد الاتصال من ياسر

رحاب : ها يمهه همام شلونه اخوك

همام : علئ كيفكم لتخافون هسه طلعوا من العمليات دينتظرون يكعد

محمد : زين شبي هوه

همام : طلقه بطنه

زوزو سمعت هيج ولطمت علئ صدره : يمههه فهد حيروح من ايدنهه

ريم : زوزو مابي شيي

زوزو : شنو مابيي شيي وهوهه طلقه بطنه

همام : كافي بدال متدعوله كاعدين تتلاطمون

همام معجبه الوضع راح كوم بابا اخذه للغرفه وراح صعد هوه هم وبقت ماما و زوزو بس يتباجن واحنه كعدات صافنات عليهم

___________________

بنان
كعدت علئ حركة ايد عمي زياد گال

_ عمو متكومين تاكلين شويه

بنان : ها عمو لا ما اشتهي

زياد : لعد كومي نامي بذيج الغرفه مبينه تعبانه انتِ

بنان : لا منعسانه بس ما ادري شلون غفيت

زياد : اي

بنان : عمو ماكو خبر عن فهد مكعد

زياد : لا عمو بعد

اباوع علئ الولد كلهم نايمين واحد علئ جتف الثاني واني كاعده شويه علئ مكان منعزل وعمي معافني اجه يمي كعد لحد ممر وقت وبدوا يكعدون الولد ومحد طبعا يشتهي ياكل كاعدين ننتظر شيصير وي فهد

لحد ما شفنه دكتور فات للغرفه مالته وره شويه طلع

زياد : ها دكتور مكعد شلونه

الدكتور : اول شي الحمدلله على سلامته وهسه كعد الحمدالله وحالته شويه احسن

ايهم : زين دكتور نكدر نشوفه هسه ؟

الدكتور : اي تكدرون بس لطولون هواي

ايهم : تمام شكرا دكتور مقصرت

الدكتور : واجبي هذا

فاتوا الولد مؤمل وحسن و ايهم وياسر يم فهد واني بقيت برا انتظر اباوع علئ عمي زياد بقه يمي گلت

_ فوت عمو انتَ هم روح شوفه

زياد : ما اكدر اعوفج

بنان : لا عمو فوت شوفه

زياد : زين متجين انتِ هم تفوتين

بنان : لا بعدين اني انتظر هنا

راح فات يمهم واني كاعده انتظر يطلعون بس حتئ افوت اشوفه الحمدالله انو طلع سلامات وكُلشي مابي هذا يشي يكفيني

___________________

ياسر : الحمدالله ؏ سلامة اخويه النجر

حسن : انلصم ياسر مو وكتك شلونك فهد

فهد بتعب : زين مؤمل شلونك خما صار بيك شي

مؤمل : هسه عوفني اني مابيه شي

زياد : الحمدالله علئ السلامه بويه خوفتنا عليك وبنان اصرت تجي ويانه

فهد : بنان اجت

زياد : ايي موجوده برا دتنتظر

فهد : شجابها

ياسر : اذا مرتك ثبرتناا وبس تلح ودوني الريلي اريد ريلي يمهه ريليي

فهد : انجب

ايهم : ياسر اكرصها شويه انلصم

ياسر : ابقوا بس لصموا بيه

زياد : يلا كافييي امشوا نطلع

فهد : تعال ياسر احجي وياك الكل طلع بقئ بس ياسر

ياسر : هاا خير

فهد : صيحلي بنان

ياسر : ادلل عمي هسه اصيحلك حُبك

بنان
كاعده انتظر شفتهم الكل طلع وراح نزل ما ادري وين وعمو زياد يمكن راح للحمام بعدين ياسر طلع واجه عليه

ياسر : يالله بنان تعاي

بنان : وين

ياسر : للكبور

بنان : شنو

ياسر : تعاي نشوف حبيب الگلب متريدين تشوفين فهد

بنان : هاا اي اي

فتنا عليه لكيت كاعد وعيونه بالكوه فاتحهن وتعبان نزلن دموعي لا ارادي

بنان وهي تبجي : خوفتني عليك هواي فهد

فهد بتعب : عمري انتِ هاي مابيه شي لتبجين

بنان : الحمدلله

ياسر : يالله يابه اني اخليكم سويه حروح للكافتريا اكل شي ميت جوع

طلع ياسر وفهد گال

_ ليش بعدج تبجين مدشوفيني اني زين وكُلشي مابيه ماحب اشوفج تبچين

بنان : كله من ورايه اني اسفه فهد

فهد : وأنتِ شعليج شنو انتي لصوبتيني

بنان: فهد كُلش خفت عليك حسيت الدنيا صارت سوده بعيني مكمت اشوف شي

فهد : هاي هلكد تحبيني؟

بنان : ها

فهد : صدك شعندج جايه لهنا

بنان : شلون ما اجي غير انتَ متصاوب

فهد : وهيج اجيتي

بنان : ايي

تنهد وگال: ما شاء الله يلا بعدين حسابج

بنان : فهد والله خفت عليك حيل

فهد : تعاي يمي

بنان : فهد انت مضايج مني مو

فهد : اكيد لا ليش داضوج منج

بنان : مادري بس احسك ضايج مني

فهد : غيرر اعرف على شنو

بنان : هيج

فهد : تعاي بنان اريد احجي وياج

بنان : اجيت

تقربت على فهد ونزلت راسي عليه وهوه باسني
محسيت على نفسي الا واني حاضنه فهد وكمت ابجي واگول

_ والله خفت عليك حيل خفت يصير بيك شي واني بعد منو الي

فهد : كافي كافي تبجين هياتني كدامج مابيه شي ما اعوفج اني

فجئه طب ياسر علينه وگال : ها ها هاي شنو يالله اني طالع بس انتِ ست بنان علئ كيفج وي اخويه خطيه ترا متصاوب لا هيج تحضني

فهد : انتَ خوب لازم تخرب اللحظات الجميله

بسرعه وخرت من فهد وجهي صار احمر وما اعرف شنو احجي من الفشله گلت

_ شسمه اني حروح برا

فهد : وين وين هوه هسه يروح

ياسر : عيني اسفين خربنه لحظتكم الرومانسيه

فهد : عساس اول مره تسوي هيج

ياسر : يلا عادي

طلع ياسر وفهد صاحني گال

_ بنان انطيني مي من عندج

بنان : هاك هاك

فهد : شربيني ما اعرف اشرب

بنان : فهدد

فهد : يعني هيج تتعاجزين شربيني يا بنان واني مريض وردت اموت

بنان : فهدد ليش تبجيني شنو تموت

فهد : جذب جذب بس لتكلبيها مناحه

بنان : اووف

اجيت اشرب فهد وصاح : اهخخ علئ كيفج

بنان : اسفه اسفه ما ادري والله تأذيت

فهد : بالريش عاديي

__________________

ياسر : عمي هسه نرجع اخوي عرج ما طخه اجيت ركض من بغداد للبصره وگلبي ردت اتخربط

حسن : منين ركضت مو بالسيارة جيت

ياسر : ايييي قابل شيسموها دخت وحتى ردنا نسوي حادث لتجذبون

ايهم : ايي غير انتم مخبل

زياد : اسكتوا خلي استوعب

ياسر : عمي شتستوعب فهد هياته ينجب ونرجع لبغداد اصلا البصرة مشؤومه من اجه بنان دافعتها الحية ليان و هسه فهد تصاوب

اجه مؤمل علينا : ترى الدكتور كال المفروض ينام مستشفى ؏ الاقل يومين جرحه عميق

ياسر : يا عميق يطلع هسه وين اتحمل ابقى هنا يومين شدتحجي انتَ

زياد : اوكفوا انت ايهم شتكول

ايهم : شوفو مبدئيا اذا يطلع اليوم لازم تتوفر اله عنايه كامله كأنما هو بمستشفى ولازم أحد يداويه أو عادي اني اعرف اداويه درست هل اشياء بعدين اختصيت بالطب النفسي

ياسر : دخت اني ترا من النهاية كول يطلع وهاهيه

حسن : هسه شنو خل نحجي ويا

مؤمل : اي اكيد لازم نحجي وياه نشوفه شلونه شيحس

حسن : امشوا نسأله

ياسر : هيو هيو رجال ومرتهه

زياد : ياسر كافي هسه ندك الباب اني احجي وياهم محد يفوت

ياسر : ليش عيني احنه نبزز

مؤمل : طايح حظ

ايهم : راح اخنكك ياسر حيل دتضوجني تحجي هواي وادوخ

ياسر : اكو احلى من حچييي انييي ؟

حسن : حجيت موسيقى خويه

دك باب زياد وفات على فهد و بنان

زياد : عادي احجي وياك ؟

حجى بتعب وهو يعدل بروحه

بنان : لاا لتتحرك راح تتأذه ضل هيج

فهد : تأمرين ست بنان

زياد : عمو هذا مؤمل صاحبك يكول حاجيت الدكتور كال تقريباً يومين لازم تضل بالمستشفى هنا

فهد : شنو يومين عمي اني ما ابقى هنا لحظه بعد ما احب المستشفى

زياد : بس لازم احد يعتني بيك ينظف جرحك هذا عميق

فهد : ميحتاج اني موجود بنان هم يمي اذا صار شي عود اروح مستشفئ

زياد : متأكد؟

فهد : وشغلي

زياد : يا شغل متصوب ويكول شغلي

فهد : عمي ادري بس اني ضابط وعندي شغل هواي وحاليا هنا كل شغلي

زياد : ماكو انت مدام تصوبت الك اجازه لمدة طويله متروح لشغلك تريد تسوي ببيتك وانطي لمؤمل يودي فضت راحت

بنان : اي عفية لتبقى هنا شوف شصار بيك

ابتسم وكال : هاهيه انتوا متفقين علية

طلع زياد وراحوا ديسوون اجراءات الخروج

بنان
ضليت يم فهد والولد محد طب لان وية عمي
هو ضل كاعد ويتلوي وكلسع يصيح اخخ
اباوع عليه ودموعي تنزل منصدك كل ميتأذه اتأذى وياه ب الازيد

مرت ساعه كامله لحد ما اجوي الولد كلهم طبوا وياهم مؤمل ما قصر خطيه بالكوه سندو لفهد واني عمي أخذني لسيارتهم صعدنا وياسر راح بسيارة مؤمل وية فهد

جنت اباوع عليهم مؤمل يمشي واحنه وراهم والدنيا ليل

دموعي تنزل ما اتحمل كل هاي المده
بعد طول ساعات طويله حتى نمت بالسيارة

كعدت عمو كعدني : كومي بابا بنان وصلنا

بنان : شنو وين

زياد : للبيت مو هياتنه بالكراج

رأسا فتحت الباب ونزلت ركض عليه الولد تجمعوا يكوموه وينزلوه انفتحت الباب جانوا البنات واكفين بالباب يبجون بس خالة رحاب تبجي راحت على فهد زوزو خطيه مكدرت بس تبجي بالباب و عمو محمد اول الناس طلع النا وية همام

بجيت واني اباوع الهم هو انتبه علية ابجي خزرني ، وتعبات صاير مو فهد ابد حتى ضعفان رغم المدة قصيرة من راح للبصرة

بجيت ورحت ركض للبنات حظنوني وضلت ريم تبجي وياي : يمة فهد والله مدا اصدك انو اجه

بنان : مقبل يبقئ هناك بالمستشفئ

ريم : اوففف دباع مؤمل كبر مو كدام عينك شو ميباوعلي

روان : ثوللل يحير بيج ب اخوج

رزان : الحلو تبجي على فهد وتكول مؤمل ميباوعلي

بنان : راح اتخبل شلووون

همزين محد تأخر صعدوا لغرفته رأسا فوك ساعتين يصعد باية باية وعيوني انعمت الا شوية من البجي
مرت ساعتين همه الولد فوك يمه

طبوا البنات سلموا عليه كلهم و طلعوا بقيت بس اني
طبيت اخر شي وابجي

حجه علئ كيفه : لتبجين لخاطر الله

مسحت دموعي وكعدت يمه

فهد : تدرين شنو

بنان : شنو

فهد : اول محسيت حرارة تخترق جسمي .. اول متصوبت .. جان بالي كله يمج انتِ .. مفكرت ب أي احد اجيتي على بالي بس أنتِ .. خفت لا اموت وأنتِ من بعدي اعرفج متدبريها

خنزرت عليه : لتكول اموت عفيه ما أحب طاري الموت

فهد : كلنا راح نموت بيوم من الايام .. بنان اني هذا شغلي لازم تتحملين اي شي يصير الي ترى والله اني تعبت .. حُبج تعبني درابين گلبي

بجيت وكلتله : شسوي والله ما اعرف اني شسوي وانتَ ترتاح

فهد : ما اريد شي منج هسه بس لتبجين وهاهيه .. دموعج يچوَن گلبي

بجيت بالزايد : شلون ماكدر هنه ينزلن من وحدهننن

فهد : شلون وياج اني

مسحت دموعي بسرعه باوعت المغذي بعده مخلصان
رحت جبت فراشه جان ينام بالكاع توني افرشه اشرلي وگال

_هاي ليش بالكاع تعالي يمي

بنان : مو علمود المغذي شلون

فهد : يا مغذي هسه املصه

يحجي بالكوة يجر الكلمه واني كلسع ابجي كلسع اضحك بالكوه يريد يسوي نفسه زين : مو شلون

فهد : لتطلعين حجه بنان تعاي انطمري يمي الا تخليني امسلت

كنت ورحت نمت بصفه

كام يحجي بصوت ناصي بالكوه يحجي : لشوكت راح نضل على هذا وضعنا ؟

سكتت مدري شكول اله وضعي بعد اضرب
ضلينا اثنينا صافنين عالسكف

اخر شي انتبهت عليه يغفي كال الي : احبچ حيل

رجف گلبي من كلمته هاي ..
بهاي الدقائق نزلت دموعي واني اباوع عليه
عرفت نفسي احبه ومو حب عادي ردت اعيط بعلو صوتي واكوله : والله اني هم احبك

بس مدري شبية
باوعت اخر شي ؏ المغذي توه بدا يخلص انتضرته خلص وشلته علئ كيفي علمني عليه ايهم اخر شي

______________

بغرفة الولد
ياسر : بربكم الناس كلها نامت الا أحنه كاعدين مثل البومه شعدنا

ايهم : وربي اني تعبان بس انتوا مدتنامون حتى انام

ياسر : شمدريني عندي ارق صاير

ايهم : انجبوا انجبوا انجبوا

ياسر : ها همام شبيك ضارب صفنه

ايهم : الصفنه مو الك لـ ابو صابر

همام : مادري

ياسر : انت تحب

ايهم : انجبووووووووووا اريد انام ترى اريد انام والله اريد انام باجر وراية صخام هواي بعيني بس خلووني انامممممم

ياسر : شكد قنقينه انتَ لعد

همام : اريد انام وماريد انام

ياسر : انت مدري شوضعك حكوم انزل جوا هسه اجي

همام : دروح روح اكفينه شرك

ياسر : دولي

_________________

غرفة البنات
ريم : كلبي وكع يمههه اخوية حبيبي فهددد همزين مابي شي

روان : اويييي شفتي بنان بجيت وياها من قهرتي

رزان : اي والله خطيه

ريم : وهذا الحقير مؤمل شكد حقير مباوعليييي شكد حقير حقير حقير

روان : دنجبي شخابصتنا بهل مؤمل من حلاته عاد هوا

ريم : عيع معندج ذوق ابد

رزان : لا ترى مؤمل حلو

ريم : انجبوا وحده تتغزل وحده تعيب يلا كافي يمهههه خويه فهوودي

روان : هسه صار فهودي ترا انتِ شورتي بي خيه عينجج

ريم : هاااااا

روان : شورتي برجال لان مقبل علئ حبيب قلبك

ريم : انجبي

روان: اكول باجر عدنا دوام ؟

ريم : لا هو اخر يوم وراها عطله اسبوع يلا نمتحن اخير سنه

روان : يمهههه

اندكت الباب ومد راسه ياسر يضحك : هيهيهيهيهي هاي كيفكون

ريم : ثولللل زينين

ياسر : روان تعاي عيني

رزان : شتسوي ب اختي

ياسر : لتخافين عيني ست رزان مناكلها بس عدنا فد موضوع خاص بخصوص الدراسه

ريم : اذا دراسه خل اجي مو اني وياها نفس الصف

ياسر : انهمدوا اريد بس روان

ريم : عزاااا لتروحين روان اخاف عليج حياتي

ياسر : انجبي لج حيوانه تعاي روان

روان : اخاف على روحي

ياسر : والله تعاي م اسوي شي اصلا ننزل جوا يم امي هم

رزان : اجي وياكم

ياسر : وانتييييي شعللللللليج

رزان : غير اختي و تؤام احنه

ياسر : ضلي هنا يم ريم دتعاي عاد رواااان

طلعت روان

روان : ها يَسوري

ياسر : بعد عمي مشتاقلج هاي اختي واختج فد جلبات

روان : معليك عوفهن اني هم مشتاقتلكك تراا

ياسر : يمهههه شنو هل تطورات هاي

روان : هيهيهيهي شعبالك

ياسر : وهاي هم ضحكتي

روان : اي ضحكتك عمي

ياسر : اوي فديت

روان : لتقلد هيج شكلك يطلع يموت ضحك

ياسر : مو تدلللللينننن صدك باعي شجيت اكلج اني

روان : شنو

حجى بعصبية : شوفي اني مدا اتحمل احتمال ورا متخلصين امتحاناتج اخطبج ونتزوج

روان : يمةةة لا مو هسه نتزوج

ياسر : ليش ؟ يوسف مو دتفكرين بي

روان : عزا بعينك يا يوسف رايح من بالي اصلا ذكرتني ايع المهم اني ما اتزوج الا اتخرج من السادس ترااااا ؟

ياسر : لا لا تزوجيني

روان : انتَ جاي تكولي تزوجيني واخوك متصاوب مدري اضحك مدري ابجي الله كريم

ياسر : اكو شي اسمه مستحى شو أنتِ متخجلين

روان : ضربت الدنيا بعرض الحايط شيصير خلي يصير بعد فلا اهتم

ياسر : ابوسج عمييي احبج والله

روان : اني هم يلا تصبح على خيرررر

شمر بوسه بالهوا : وأنتِ من اهل الخير عمي

رجعت طبيت بغرفة البنات واني مبتسمه

رزان : خيررر شجان موضوعكم

روان : والله هيج موضوع يضحك

ريم : دحجي لو شنو

روان: درووووحو

غطيت راسي واني اضحك الله حنتزوج .. بس ما اتوقع نتزوج مثل الاوادم راح تصير بالنعل

_______________

رزان
كاعده بالغرفه صافنه وجان هم تندك الباب علينه وجان يجينه صوت ايهم گال

_ بنات افتح الباب لو لا

ريم : شسالفه اليوم حلمانين بينه فوت فوت

ايهم : اي هلوو تعاي رزان اريدج بشي

ريم : اليوم شنوو مرا ياسر يريد روان وهسه انتَ شسالفتكم مننهمد

ايهم : انجبي انتِ معليج تعايي رزان

رزان : جايه جايه

طلع ايهم و ريم گالت

_ شووو اني ميندك بابي هم لو بس حظ الصخام كاعدد اني هم اريد بابي يندك ويجي فارسي المقنع لوو شنووو مكروده

رزان : حظ شنو؟

ريم : الصخام عيني الصخام يلا وليي خلي اني احضن مخدتي الجميله وانام اكو احلئ منها

نزلت جوا وجرني ايهم وگال

_رزان رزان وينج يمعوده تعاي شنوو نمتي

رزان: هاا شكو خيرك

ايهم : احم جنتي نايمه

رزان: اي وحضرت جنابك كعدتني شتريد احجي حطير النومه

ايهم: شلونج

رزان: يعني هسه انت مكعدني من النوم وطيرت نومتي علمود تكلي شلونجج؟

ايهم: مو صوجج صوجي اني اجي واسئل عليج ولي يالله

رزان : زينه زينه شردت تحجي

ايهم: رزانتيي مبقه شي ونجتمع حضري روحج

رزان : ها شنو وين نجتمع

ايهم : بغرفتناا الجميله

رزان : واثقق من نفسك

ايهم: اطيح حضج اذا متوافقين

رزان : يمههه

ايهم: اي اي خافي يروحي انتي

رزان : هسهه انت شتريد بالضبط خويه

ايهم : هذا ياهو اخوج؟

رزان: انتَ غير

ايهم: دنجبي نجبي اني ابن عمج وزوجج المستقباي مو اخوجج

رزان : ايهممم شتريدد

ايهم : اريدج

رزان : اممم حروح انام

ايهم : تصبحين علئ خير

رزان : وانتَ بألف خير

____________________

بنان
حسيت بالليل لما كعدت على صوت فهد عبالي ديحجي وياي كلتله واني بين نايمه وكاعده : ها فهد
وماكو ميجاوبني اسمع كلام مخربط

كعدت على حيلي اشوفه ناكع صاير مي ويحجي هو ونايم لزمت راسه مصخن نار

رأسا كمت ركض للحمام وحضرت طاسه وبيها وصله
وجيت يمه كعدت حطيتها على راسه حسيت جسمه كزبر يمكن برد

حجيت واني ابجي : شبيك فهد بية ولا بيك

حجى بهمس بس م افتهمته ابدا
دموعي تنزل مقهورة عليه حيل

شال ايده وكام يتلمس المكان الي بصفه ويهذي : وينج بنان

لزمت ايده : هنا هنا اني يمك يبعدي انتَ زين ؟

محجه وأيده شدت على أيدي
حطيت ايدي الثانيه فوك ايده و دموعي تنزل
من بين الكلام يمكن جان يحجي الكلام اللي بعقله وجان يفكر بي ويكول

_ هسه مو اني احبج شبيج وياي اني شمسويلج كاتلج لا مأذيج هم لا

ضحكت عليه وكلت واني متأكده هو ميفكر بكلامي : احبك اني هم لتضل تفكر

هو سكت مجاوبني ضل يلوب منا ومنا عكد على حواجبه و يون من الوجع

حضنت ايده : لو بية الطلقه ولا بيك

هو يون واني ابجي حرارته مثل ما هي عصرت الخاوليي ورجعت حطيته عليه هاي المرة غُفى محجى شي

ضليت كاعده يم راسه نص ساعه تلمست جبينه اهون شويه خفت الحرارة شلت الغراض وجيت كعدت يمه واباوع عليه منو جان يتوقع كُل هذا راح يصير

انِي متعَلم عَليك هواااي يا سُولة سَكتي
ويا طواريَك من الظلمه تِجيني
چانن ثيابي عَليّ غرب قبل جيتك
مستاحش مِن عيوني
و على المامِش حنيني
شلون اوصفَك وانتَ دفتر وانه چلمه
يلي ما جاسك فِكر بالليل ولا جاسك سَهر
يَلي بين حواجبك ، غَفوة نهر

جنت حافظه هذا الشعر
باوعت عليه ودموعي تنزل وهو كلسع ميعرف بس يتكلب ومتأذي بس يكابر على نفسه هواي

تمددت بصفه واني اشوف الساعه بـ 4 الفجر
عيوني قفلن بس ما اكدر انام ضليت اباوع عليه لحد ما شفته نايم
واني هم ما ادري شلون نمت وراها محسيت ابد

__________________

الصبح
( غرفة البنات )

روان
كمزت علينا ريم تعيط : كعدوا كعدوا كعدوا جوية بيت شرشبيل

طفرنا اني و رزان

رزان : شنو شكو

روان : لج جوي خما ليان وياهم والله اموتهاا

ريم : كلهممم جااااايييينننن

روان : عزا بعين روان امشييييي امشي ننزل والله اني اعلمهم

رزان : تعاي روان عزا بعينج لتسوين مشاكل فهد مريض خطيه

روان : انتي سكتي الفاهيه ما اتعارك بس اشوف شعدهم جايات

نزلنا كلنا جوا لكينا صاير نقاش حاد بين الولد وعمي محمود وعمو زياد و محمد وعيااااط

روان : ها عمو نورتونا خير ؟ انتي شعندج جايه مو طردناج فوك شينها كوات عينها

ريم : فوك ما وكعت بنان وشكت راسها راجعه جايه

نزلت كم دمعه مال دموع تماسيح : والله اني ما وكعتها بقصد والله اني احب بنان بس انتوا تكرهونا

زوزو : دنجبي لج عايقه وديتي بنيتنا للمستشفيات وشكيتي راسها وشحالها جاية ادور راجعه

جمانه : خاله ترى جينا نفهمكم مو بقصد ليان انتوا افتهمتوا كلشي غلط

محمود : دكولو انتوا تكرهونا وخلص

محمد : وليش نكرهكم ؟ بس سواياتكم متعجب محمود الزم بنتك

محمود : ليش شقصدك

روان : بنتك تسوي مشاكل ببيتنا هذا المقصود

زوزو : بعد حلكي افديج روان

روان : حبيبتي بيبي اموت عليج

ريم : عمو م قصدنا شي قصدنا معروف ليان كل متجي تسوي مشكله وحاطه عقلها ويه عقل بنان وفهد ترى اخوية متزوج وبعد أن شاء الله حتصير عنده عائله و اطفال هم راح تضل هيجي تسوي مشاكل

سكت عمو محمود من ريم حجت هيج

جمانه : احترمي نفسج ريم شقصدج

ريم : خاله مقصدي شي بس قصدي حيل واضح وهاي ترا كدام عمي

زياد : يلا شبيكم كافي

حجه ياسر : ها عمي اشوف ايمن ما اجه

محمود : ليش تريد تسويلك مشكله

همام : نحب المشاكل احنه

محمود : واحسن راد يجي ما خليته

حسن : ليش هو جاهل متخلي يجي

ايهم : عمو شبيكم يمعودين اهدأوا كل مرة لازم نتعارك وهل مرة من الصبح

عمو زياد كلبه طيب كاللهم : امشوا نكعد و نتفاهم

حجيت : لا عمو محمود و خاله جمانه على عيني وراسي ليان متدخل

ليان : ليش عيني اني شمسويه سبيت العنب الاسود
اني اجيت اتحمد لفهد بالسلامه واروح

محمد : كافي بابا روان هسه بعدين نتفاهم فهد مريض مو وكت مشاكل

كعدت وسكتت صعدت فوك للغرفة ولحكتني ريم

ريم : يلا روحي كوليله

روان : بس شلون

ريم : عادي كليله اني هيج وبس

روان : يعني هيج اسوي برائيج

ريم : اكيد يلا امشي

كمت رحت داصيح ياسر من جوا بس شفته صعد وراح فات الغرفته لحكته وگلت

_ ياسر ياسر الحك

ياسر : شكوو

روان : ما اعرف شلون افاتحك بالموضوع بس اني خايفه حيل والله

ياسر : كولي روان خوفتيني

روان : ما اعرف شلون افاتحك بالموضوع

ياسر : دحجي روان وكفتي گلبي والله

روان : ياسر ما ادري شلون اكول الك ومنين ابدي

ياسر : اهووو دكوليي

روان : ياسر خايفه اني

ياسر : لتخافين طركاعتي انتِ كولي

روان : ياسر

ياسر : اييي

روان : اني حامل

نهاية البارت
يتبع ..

البارت بال 4000 كلمة

(لاتنسوا التصويت)

أن شاء الله يعجبكم البارت + نشرنه محادثه لحد الابطال علئ قناتنا التلي

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور