رواية نقطة لقاء الفصل الثاني والعشرون 22 - بقلم الكاتبة دينا _ الكاتبة نور

سيارة فهد /

محمد و زياد كاعدين ويسولفون عَ الأوضاع وكل واحد يحجي شصار ويا

گال فهد : عمي اليوم انت باقي يمنا أن شاء الله

زياد : لا والله خاف نقلقكم عيب بنص هالليل هذا

ياسر : بطلاككك الا تبقون يمنا شنييي هاي عيب ما عيب عمنا يجي من السفر ما نبقي بيتنا ؟؟ وين صايرة هاي يا عمي لتخليني عاد هاي شسمه انطلق بالكلام

محمد : هااا زياد اجاك الرد من ياسر

زياد : هاذهوه لعد

كال ياسر بهمس ل ايهم : اكول عود انت طبيب نفسي وهيج موو

ايهم : ليش جنك ما عاجبك

ياسر : لا عمي يعجبني ليش لا

همام : ايهم خويه اطلب منك تعالج النا ياسر لان راح نتخبل من ورا

ايهم : مو تدللون

ياسر : انجب لك ايهم لا عبالك جاي من السفر احترمك وهاي لا عمي ما عندي هيج اني بقاموسي

حسن : ايهم معليك بي هذا مخبل مثل ما كال همام

ياسر : لا والله

حسن : عبدالله

ضحك ايهم وكال : شبيكم تعاركتو يا اخوان ياسر ما كال شي غلط طك ميانه من الاول

ياسر : تدري شغلة ايهم اول ما شفتك كلت هذا يحجي اجنبي وراح يضل يتفيك براسنا وحركات وهاي بس والله طلعت حباب

عاط فهد : ياسر كافي تلغي مو دوختنا لخاطر ربك كافي لغوه

ياسر : صدككككك تذكرت يلا اشعل اغاني لا اشعل و..

مد ايده فهد وهو ويسوق وكفخه : اصبرلي اني أعلمك

همام : اي والله يا خوية هذا الادمي زودها مو صح حسن

حسن : اي هو دوا فهد

عاط محمد : هسهههه شلون دنطونا مجال نسولف شبيكم

التفت ياسر وهو ضايج : شفت يا ايهم شفت شديسون ب ابن عمك ترضاها ؟

ايهم : لا لا معليك غلس

ورا ساعه كاملة من كلامي الحلوو الي يسطر والكل متخبلين وصلنا للبيت

جانوا الكل مجتمع بالحديقة واكفين ينتظروهم

حجت زوزو بقلق : يمه ريم خابري ع اخوانج شوفيهم وين وصلوا

ريم : زوزو ترى خابرتهم قبل دقيقه وكالوا وصلنا

زوزو : يا الله يمهه ابني راح اشوفه

بجت زوزو : رحاب وج عيني مدا اصدك .. صدك ابني حيرجع هنا ويجيني اهخخخ يا يمه بعد هالسنين والفراك كله ويرجع

رحاب : كافي خاله حبيبتي لتبجين هسه راح يوصلون وتشوفيهم .. محمود و ايمن هم اجوي ترى يعني راح تشوفين ولدج كلهم ليش تبجين المفروض تفرحين وانتي تستقبليهم

زوزو : اوففف

بنان
باوعت عليهم واني ابجي وياهم بچتني زوزو دموعها غالية علينا كلنا عيونه دمعت وبجينه ويه بجيها واحنه نشوفها شلون متلهفه حتى تشوف ابنها الي جان غايب سنين عنها ومشايفته !

سمعنا هورنات متتالية وحده ورا الثانيه
فزينا كلنا بفرحه واحنه نشوف همام نزل فتح الباب ودخلت السيارة للكراج وهمه بيها وراها دخلت سيارة بيت عمو محمود ويا ابنه

بجت زوزو وكامت تهلهل وهي تبجي : يمه وليدي رجع كللليليليليش

بجيت واني اشوفها تبجي نزلوا كل الولد يضحكون عليها وشلون مشتاقه لعمو زياد .. حقها ابنها وصارله سنين بغير دولة وبعيد عنها ومتسمع غير بس صوته
نزل زياد وحضن زوزو وهو مدمع باس راسها وهي تهلي وترحب بي وتبجي وهو يمسح دموعها

بعدها سلمت ريم عليه وهو ضل يتعرف عليها ويسأل عنها بالسره
سلم ع مريم وباس فروحه
واجه علينا وعيونه مدمعه

باوع بوجهي وعيونه مدمعه وكال : عيونج تشبه عيون ابوج ونفس اللون .. انتي بنان جبيرة مو محمد حجالي عنكم

هزيت راسي وبدت دموعي تنزل : اي عمو الحمد لله على سلامتكم

نزلت دموعه وحضني وباس راسي : عمو انتوا من ريحة الغالي اياد .. وخر وباوع لعمو محمد وكال محمد هذولة بأمانتك

هز راسه عمو محمد : لتوصي زياد هذني بعيوني
وراح لروان ورزان وهم نفس الشي ضل يبجي وهو يباوع لخواتي لحد ما هدأ وكعد وطبعا وراه اجه ايهم سلم علينا

صاح ياسر : عمي كافي عاد شنو هاي الدراما الحزينه مو راح تبجونا والحمزه

فهد : انلصم كافي

التفتت اريد اروح اجيب الهم مي وعصاير وهمه كعدوا يم زوزو بالهول

انتبهت لفهد واكف ويباوعلي ويبتسم
رديتله الابتسامه واني امسح بدموعي

شفته اجاني واني رأسا دخلت للمطبخ اجيبلهم مي
ف من جيت اطلع كلي

_ جيبي اني انطيهم

بنان : ليش انت مو اني بعد

فهد : لا انيي اقدم احسن

ضحكت على كلامه : عادي ترى هو مي بس هاك بكيفك

فهد : أكلج لتضحكين عود كدامهم

بنان : ليش

فهد : انسطرت ليش وليش .. ضحكتج ماريد أحد يسمعها

بنان : حتئ ضحكتييي لازمم تعلق عليها

فهد : بويه ضحكي ركصي محد لازمج شسوين سوي

بنان : مممم

فهد : تفضلي بويه كدامي يلا إلى الأمام

بنان : اووووف

فهد : اشششش ولا كلمة

________________________________

رزان
اول ما سلم علينا عمو فات ابنه وراه
شكله ممبين اجنبي يعني عادي ويشبه ولد عمي
اني جنت واكفه بالمقدمه ف اول مسلم علية اني

ضحك ومادري شحجى خرطلي بالإنكليزي يمكن
توقعت كالي شلونج أو هيج شي

رديتله بالإنكليزي : l am fine

شو ماشوف غير ضحك ضحكة شعلواتها .. هذا شبي مخبل

هزيت راسي : شكلت حتى تضحك ؟

ايهم : ترى حجيت وياج بال الماني مو انكليزي

درت وجهي : عادي نفس الشي .. الحمد لله ع سلامتكم

رد - الله يسلمج .. انتِ منية

- اني رزان

- شبيج مدام رزان هيج كالبة خلقتج ابتسمي الحياة حلوه ترى

- يمكن حلوة بالنسبة الك

درت وجهي ورجعت كعدت يم ريم .. هو مبين اجتماعي وياخذ وينطي محبيت اطوخ الكلام ويا
بس هو ضل كل ميباوع علية يضحك بسبب الكلمة يمكن

ريم : اكلج رزان

رزان : هاا

ريم : تدرين والله صاك ابن عمنه

رزان : باع تفكيرج

ريم : والله شبيج حلوو

رزان : اي زين شكله مرتب

روان : ها ست ريم شو داشوفج تتغزلين شنو استاذ مؤمل نسيتي بساع

ريم : لاا يبقه مؤمل الروح والريه

رزان : وتت تحبين مؤمل

ريم : ولج انجبي صوتج هسه يسمعونه

روان : ليش هسه دريتي ست رزان ولو حقج متدرين اذا انتي نهار كله حابسه نفسج بالغرفه و مغطيه راسج

رزان : معليكم عوفونيي شو وخروا خلي اروح انام احسلي

روان : ايي نهزمي نهزمي المشكله حتئ البومه مو مثلج علئ اقل البومه تنام الصبح وتكعد بليل انتي لا اليل ونهار نوم نوم

ريم : عوفيها روان كافييي

روان : انچبت روان انچبت وتعاي شنو الاستاذ مؤمل شنو سوتيله سكب لو شنو

ريم : يعني هسه اذا اكول علئ افلان وعلان حلوو يعني كمت احبهم طبعا لا بس اني لازم انطي رائي فگلت حلو شكله

روان : يعنييي مو هلكد

ريم : حقج تكولين عليه هيچ اذا انتي متشوفين كبالج غير ياسر

روان : انچبي ما أحب احد اني وياسر مثل اخويه

ريم : خلي يسمعج ياسر حتئ گبل يضرب نفسه طلقه والله يرحمه

روان : ليش

ريم : انتِ لو غبية لو تغبين نفسچ ترا واضح كُلش ياسر يحبج

روان : عادي الكل يحبني اني اصلا

ريم : سؤال بلا سؤال

روان : كولي

ريم : يعني اذا هسه ياسر اجه وكال اريد اخطب وراح يخطب وحده مراح تغارين مراح تحسين بغيره

بقيت صافنه ع سؤالها

ريم : هاا شو سكتي

روان : شو ولييي شهل الاسئله السخيفه

ريم : ايي غيري الموضوع غيري بس يصير صدك عود كعدي تبچبچي

روان : اي وتالي عمري ابجي علمود شخص

ريم : نشوف نشوف

روان : اي اي

محمد : اي كوموا ارتاحوا اكيد تعبانين من السفر

زياد : اي والله

محمد : رحاب حضرتوا الغرف موو

رحاب : ايي محضريهن

زياد : والله مزحمين نفسكم هواي

فهد : يا زحمه هاي عمي البيت بيتكم

بنان
الكل راح الغرفته بس ايهم جرجروا همام وياسر واخذوا الغرفتهم كالوا تعال نام يمنه

صعدت للغرفه رحت سبحت عسريع ولبست تراكسود مثل الاوادم عادي بس جانت البجامه طويله مالته وعريضه فرفعتها لأن حاره اني هاي سوله بس اي شي لازم ارفعه ورحت تغطيت بالبطانيه لأن خاف فهد يجي بقيت اتكلب اريد انام ماكو مديجيني نوم اجه فهد راح سبح وطلع شافني متغطايه گال

_ اشو متغطيه بهل حر

بنان : لعد شتريدني اتصلخ

فتح عيونه بصدمه وگال : اي تصلخي عادي خلي نشوف الكيك

حسيت بفشله لما گلت هيج بس بعد طلعت من حلگي وهوه ميصدك يلكه زله عليه

بنان : فهدد شبيك

فهد : خطيه شنو استحيتي هسه مستحيتي من گلتي هيج

بنان : يعني شنو حتئ اتغطئ حرام هاك ما اريد اتغطئ .. وخرت الغطئ مني

طبعا اجيت اكحلها عميتها بزايد اباوع عليه بقه يباوع عليه كصني كص بعيونه وگام يستغفر

_ استغفر الله ربي صبرني

بنان : هاا مو تريد ما اتغطئ هياتني وخرت الغطه

فهد : لوو باقيه متغطيه مو احسن هسه اني شلون بيه هاا شلون بيه

بنان : شكو فهد

فهد : سلامتج بويه شعليچ انتِ هوه اني الواكع بيها

بقيت صافنه عليه ما مفتهمه شي هوه باقي واكف صافن عليه بعدين طخت براسي وعرفت وصلت الشغله الدماغي وغطيت رجلي بسرعة

فهد : هاي ليش غطيتي

بنان : ترا حرت والله مرا تكلي ليش وخرتي الغطه ومرا تكلي ليش غطيتي شسوي هسه اني

فهد : انهمدي احسن اريدج تنهمدين والله ميصير هيج والله يعني كدامييي وحلالي وما اكدر اسوي شي حضرت جنابها گلبها بعدد محجر

بنان : هااا

فهد : وجعاا وسم انهمدي

بنان : شبيك فهد

فهد : يابويهه شكد اموت ع ثول اني نامي بويه ناميي وعوفيني بضيمي

بنان : منو ضيمك ؟

فهد : انتِ انتِ ضيمي

بنان : اني شعليه

فهد : بنان اذا هسه متنامين حشوفين شي ميعجبج بالكوه كاظ روحي انهمديي

بنان : انهمدت انهمدت

.....................................................

ياسر : تفضل استاذ ايهم اليوم شرفتنا بغرفتنا المتواضعه ام جربايتين

همام : بس شوف ياسر من هسه ترى اني ما انطي جربايتي لان متعود عليها فشنو انت خلي ايهم ينام ع جربايتك وانت نام بالكاع

ياسر : انجب لك والله لو اموت ما انطي جربايتي

ايهم : اهدوا اهدوا عادي انام عالارض مصار شي

ياسر : ايععععععع يكول عالارض كول الكاااااع

همام : اي والله وعونج يا كاع

ايهم : نفس الشي ارض كاع هسه اني انام عالكاع

ياسر : لا لا شنو وين الضيافه بالموضوع اذا تنام بالكاع راح انطيك جربايتي بس دير بالك عليها خوش بعد ماوصيك ايهمممم

ايهم : هههههههَ ياخي والله انت مصيبة ترى عادي هسه نجيب فراش وانام بالكاااع ونفض الشغله لا جرباية ولا شي

ياسر : انجب لك ابن عمي الزود وحزام ظهري وأخوي ينام بالكاع لا هاهيه لا عمي تفضل هاي جربايتي بس لاتنسى وصيتك عليها بعدين حتى لو ترى اليوم عندي سهره وياكم انتوا الاثنين

همام : خيرك

ياسر : لحد يخاف مو اغاني بس اريد اسولفله يعني ع العراق العظيم واللي صار وهاي

ايهم : تاج وباج يسوري الورد

ياسر :هيهيهيهي يلا عمي هسه دقايق واجيكم لازم يعني أنزل جوا واشوفهم وينهم ناموا لو لا يعني هاي اكيد من اطباعي الحلوه

ايهم : تمام

باوع همام ل ايهم : معليك بي هذا ترى مخبل يعني اصلا عقله طاير

ياسر : سمعتتتتت ترى

همام : اسمع بعد اخوووووك يلا ايهم خل ندك حنج ونكعد نسولف خوما تعبان وهاي ترى احنه بقاموسنه ع كولت ياسر ماعدنا تعب ولا نوم خوش

ايهم : والله الي يشوفكم من فرحته ينسى النوم والتعب سولف سولف اخي العزيز

همام : خاف يجي ياسر ويسمعنا نسولف ويكلبها عزا علينا

ايهم : يا ياسر دسولف سولف اريد اعرف شصار مصار
كعد همام ويسولف ل ايهم ع كلشي وكل شوية واحد صافك رجله لو يعيطون صوتهم واصل لسابع جار ولا عبالك سوالف

همام : اي والطبيب النفسي مثلك هنا يحتاجوه الناس هواي لان ما شاء الله العراق كله متخبل

ايهم: بويه هاي شنو

همام : انت تكول بوية

ضحك ايهم : اكووول ترى طوختوها يا ولد عمي يعني تمام اني رجعت من الخارج بس اني ماخذ من حجي ابوية هواي واعرف احجي عراقي لان جان عندي صديقي عراقي وهاهيه

غمز همام : هم يعني شسمه تعرفت ع وحده المانية وهاي

ايهم : اكيد بس گ صداقة أو شراكة بشغل معين غير هذا لا

همام : طاحضك نعمة الله مطشرة يمك ويكول غير هذا لا

اندفرت الباب ودخل ياسر : ها ها ها هاااااااا

همام : وجعععع

ايهم : خيرج يسرى

ياسر : ايهم شلون راح اجفص بطنك شنو يسرى لك مو كدااااام حمام

ضحك ايهم : ليش ترى نتشاقه

باوع همام لياسر : ها يسرى شلونج

ياسر : والله والله والله اذا نعاد هذا الاسم يا ويلك مني ايهم اسود عيشتك وربي وحق الله لا اخلي ليلك ليل ولا نهارك نهار

ايهم : خفت خفت يمهه يمهه

ياسر : ولكممم هذاااا يستفززنيي

همام : خوش خوش طاحضك ياسر دباع وجهك احمر راح يطكلك عرج صاير اعصاب هالفتره الله يعينك

ياسر : انجب حمام

همام : ها احجي

ياسر : انچب ارعن

ايهم : راح اتخبل

همام : تعود بعد اخوك

ياسر : عمي احنه هيج ترى

_____________________________

غرفة ريم
متمدده ريم وصافنه

روان : هيووو وين سرحانه

ريم : بالهوش يعني وين

روان : تحشش صدك تعاي عندي اقتراح

ريم : شنو

روان : باجر منداوم

ريم : هو اكيد مراح نداوم أولها بيت عمي محمود راح يجون ويجيب الحياية ويا وبيت عمي جايين من السفر ف اكيد هالشي

رزان : بنات ترى اني ما أنزل جوا ولا اشوف اي احد

روان : شوف حجت الاخت وليش عيني

رزان : مابيةة احجي

غطت راسها وتريد تنام

روان : لج انتي شلون ترفعيلي السكر والضغط والصداع وتخبليني وبعد شوية راح انجلط ربي دخيلك

ريم : عوفيها على راحتها هي هيجي تريد

روان : اوفففف ريمممم

ريم : شكووو تتأففين

روان : مادري

ريم : شكلج عبالك وحده مخيونه

روان : مخيونه شنو

ريم : وحده حبيبها خاينها

روان : طاحضج اي والله شوف اني وين وانتي وين

ريم : والله شكلج يضحك

روان : لتخليني اتعارك بنص الليل

ريم : عوفي العركه احس راح ابجي

روان : خيرر

ريم : مؤمل

روان : اهوووو شبي

ريم : خاف راح يخطب

روان : شلون راح اكتلج

ريم : انتي شنو كلشي عندج كتل كتل حتى مشاعر الحب والاشتياق مال البارحه جيتي تكتلين بية وتكولين مشتاقتلج

روان : انجبي لج يعني شنسوي اذا يخطب هاذهوه يطبه مرض

ريم : بعدوه أن شاء الله

روان : ثوللللل عوعع اذا هيج مشاعر الحب فما اريد احب لو اموت

ريم : هيهيههيهي احس راح تحبين

روان: نامي نامي

ريم : لج راح ابجي مؤمل شلون

روان : راح اغلط انهمديي

___________________________

بنان
كعدت من النوم بليل اريد اشرب مي بس لگيت بصفي فهد ومحاوطني بيده وحاضني وحاط راسه بركبتي ونايم بقيت مجمده ومتفاجئ من تصرفه متغير صاير هل فتره .. واريد اكوم بس ما اكدر وهوه نايم حاصرني حيل

فطبطبت علئ ايد علئ كيف وگلت بصوت ناصي

_ فهد فهد اكعد

وماكو رد عليت صوتي اكثر

_ فهد اكعد اريد اكوم خنكتنييي

وهم نايم ماكوو رد عليت صوتي اكثررر وگلت هيج حتئ يكعد

_ فهدد حموت خنكتنيي وخررر

هوه فز وخر منيمي

فهد : شكوو شكوو شبيج

بنان : ماكووو شي بس جنت حاضنييي وحاط راسك بركبتييي

فهد : وشنو يعني

بنان : يعني هذا شي عادي بعد بوسني وفضها

قرب وجهه مني وگال : اي ابوسج ليش لاا

توترت واستوعبت شجفصت وگلت : لاا مو هيچ قصدي

فهد : لا لا هيج قصدج

بنان : والله لا

فهد : لا مو لا انييي فهمتها هيج تعاي ابوسج ما اخليها بخاطرج

بنان : لا مو هيج اقصد والله

فهد : اي فهمتج انتي متقصدين من الخد تقصدين من غير مكان

بنان : حتخبلني

فهد : شعليههه اني انتِ طلبتيي واني الي يطلب مني ما ارده هذا طبعي وتعرفيني و" غمز "

بنان : يعني هسه انت مُصرر

فهد : عل بوسه اي اكيد

بنان : لااا مو هيجج اقصد مُصر تخبلنيي

فهد : لا ميحتاج لأن انتِ مخبلة من يوم يومچ صدك وانتِ شكوو كعدتينا من النوم مو جنت منهمد ونايم احلئ نومه لو اله تخربيها

بنان : هسه اني الغلطانهه

فهد : اي بويه

بنان : عطشت اريد اشرب مي وكعدت لكيت نفسي بحض ..

فهد : بحضني

بنان : ايي

فهد : بعد شتريدين نايمه بحضني مو بلا احلئ نومه

بنان : يا احلئ نومه جنت خانكني

فهد : شو دروحي انتي مو مال هل سوالف هوه صوجي

دار وجهه وراح نام ونزلت شربت مي وصعدت اني هم نمت

_______________________________

بنان
كعدت الصبح باوعت ليجوه فهد نايم
كمت رحت غسلت ولفيت شالي ونزلت ع خاله رحاب اكيد هسه هي خطيه دتحضر ريوك الهم
اول منزلت صادفتني مريم هم نازله

بنان : هاي شنو عيني خية روحي ارتاحي وج انتي حامل

مريم : يا داده واذا حامل شنو ما اساعدكم هاي وين صايره

بنان : اوييي روحي نامي عيني احسن الج اني هسه عسريع ويه خاله نحضر كلشي والدرج شطوله ساعتين اني انزل مو ادور انتي حامل

ضحكت مريم : اكول اسكتي اني اريد انزل

بنان : يمه ليروح حسن يعرف شيسوي بينا هسه يكول تتعبون مرتي ومن هل سوالف

مريم : لا معليه شيحجي يحجي اني ردت اساعدكم

رحاب : شنوو محد كعد من عدهم

بنان : لا والله كلهم نايمين

زوزو : اكيد من سفرر

رحاب : نروح نكعدهم عل ريوك

زوزو : لا عوفيهم نايمين تعبانين خليها عل غده فد مره

رحاب : خوش لعد حبدي بالغده

زوزو : هوه اصلا راح وكت الريوك

رحاب : يلا تعاي ماما بنان خلي نسوي قبل ميكعدون وقبل ميجون بيت عمج محمود

كعدنه نحضر الغده وهمه بعدهم نايمين

______________________________

روان
كعدت لكيت ريم نايمه ورزان المكتئبه هم نايمه فكمت سبحت وطلعت انزل جوه كعدت بالصاله ولازمه تليفون دالعب بيي وجان يجي ذاك الشخص كعد يمي

ياسر : صباح الخير يا كل الخير شلونها طركاعتي اليوم

روان مجاوبته بقيت العب بتليفون

ياسر : روان داحجي وياج

طنشته ومجاوبته لحد مجر مني تليفونييي اباوع عليه شكله عصبي

روان : هاي شنو شبيك ياسر

ياسر : هاي شنو دتحجين وي يوسف حتئ هيجج مطنشتني

روان : ياسر شبيك جيب تليفون مداحجي وي احد

ياسر : ما اجيبه اريد اشوف شدتحجون شنو هل علاقه قويه الي بينكم لدرجه نهار كله تتراسلون وتتخابرون

روان : شبيك ياسر شنو هل تصرفات جيب التليفون داكلك مداحجي وي احد ولا وي يوسف وحتئ لو احجي معليك

ياسر : شنو معليه هاا تحجين بكيفج وفوكاها تكلي مداحجي وي احد يعني الي افهمه مو بس وي يوسف تحجين

داجر من عنده تليفون وهوه مديقبل ينطيني وجان يدفعني واوكع علئ ظهري منكن الوكعه متأذي ومو قويه بس اني عندي جروح بظهري

من وره جمال ودائما ظهري يوجعني فلما دفعني حيل تأذيت من الآلم كمت ابچي شكد حاولت ما انزل دموعي بس الضربه اذتني وبنفس الوقت حجيهه الي حجاه ويايه .. لما شافني هيج كبل اجه ركض عليه

ياسر : روان والله ما ادري مو قصدي ادفعج

جاوبته واني دموعي تنزل : وخرر ياسر عوفني

ياسر : عفيه روان لتخبليني والله بالغلط تعرفين كُلش زين اني مستحيل اذيج

روان : عفيه ياسر عوفني اهخخ ظهري

ياسر : روان بس گليلي شبيج بس لتبجينن شنو يوجعج والله الوكعه مو قويه جانت

هنا نفجرت بي وگلت : هوه شنوو مو قويه حتئ مو قويه هنا كله يوجعنيي ظهري كله يصل عليهه وبعد حتئ الآثار مال ضرب من وره جمال الله ليوفقه مراحت وهسه زاد الآلم ولا احلئ شي تكليي ما اذيج لعد شسويت هسه ها شسويت ولا انت شفت حجيك شلون جنت تحجي ويايه شفرقك عنهم هاااا شفرقك

بهل لحظه فاتت بنان علينه للصاله

بنان : هاي شكو شبيكم شصاير شبيج روان

مسحت دموعي وگلت : ماكو شي بس زحلكت وكعت

بنان : غير تنتبهين يا روان

روان : مصار شيي عاديي

اجه ياسر ديريد يكومنيي دفعته كلتله ميحتاج وخرر

بنان : عوفها ياسر اني هسه اكومها

كومتني بنان وظهريي الوجع مديتوقف من عنده كمت جان موبايلي علئ القفنه جريته وطلعت من الصاله رحتت للمطبخ كعدت يمهمم واجت بنان لحكتني طلعتلي حبايه وكلاص مي

بنان : هاج شربي هذا مسكن

روان : ميحتاج ما اريد

بنان : لا يحتاج هاج شربي

شربت الحبايه وكعدت

لحد ما الكل كعد والتم بالصاله وبقوا يسولفون سوه كلسع يباوع عليه بنظرات اعتذار بس اني ادير وجهي منكن مو علمود دفعه عادي بالغلط مجان قصده منكن بس علئ حجيه الي حجاه ويايه ابد مجان حلوو ..

همام : عيونك عيونك ولكك كصيت البنيه كص كافييي اكعد راحههه عيب هسه ينتبهون عليك

ياسر : انچب همام والله مالي خلكك عوفني

همام : شكوو شبيك

ياسر : اووف سويت شي ابد محلووو ما اعرف شلون اصلحه

همام : شكوو شسويت ولك احجي

ياسر : روان

همام : شبيها

ياسر : اذيتها حيل

همام : انتَ شنو سالفتك اكعد اجر كلمه كلمه من حلكك دحجي

ياسر : جانت كاعده بأمان الله البنيه اجيت عليها جريت التليفون منها وعاركتها وكتلها ايي احجي وي يوسف وهايي وجان تگلي مداحجي وي احد بس اني شسويت بقيت مُصر كتلها شنوو اظاهر مو بس وي يوسف تحجين

همام : طاحضك ولكك لصتها امداك

ياسر : باع هذاا هوه اني بس لصتهاا چا خلي اكمل ورهاا شسوت كاعد اجر مني تليفونها وجان ادفعها بالغلط وكعت وظهرها كام يوجعها

همام : اهمداك اي والله غير تنتبه بس تبقئ زمال طول عمرك متلام بيك زوزو مو تحجي وتكول عليك اثول

ياسر : هاي بدال ما داسولفلك حتئ ترفع معنوياتييي

همام : شتريدني اسويلك اصفكلك

ياسر : هسه شلون

همام : والله انجب واكعد لأن سالفتك مليوصه ولو هيه اصلا من قبل مليوصه

ياسر : هيه صح من قبل مليوصه سالفتنه بس علئ الاقل قبل جانت تباوع بوجهي هسه حتئ بوجهي مكاعد تباوع

همام : والله زين تسوي عفيه عليها

ياسر : هوه مو صوجك صوج الي يحچي وياك

...................................................

( بالصاله )

زوزو : شنو هاي عيني وين بيت محمود ما اجوي لازم حتى وية جية بيت عمكم ميجون بالفاتحه غلسنه بس هسه ترى ما اسكت

رحاب : هسه بالطريق راح يجون

زوزو : يجونننن

ريم : يا حية يم راسين طبي بجدرهمم

زوزو : سميلييي أهل البيت واطيني ابنهم

ريم : ههههههههههههَ

زوزو : اشششش كافي يلا شكد عيب من عمج .. بنان بيبي تعاي هنا يمنا شكو انتي وخواتج على صفحة تعالو يمنا

رحت كعدت يم زوزو وريم وضلوا يسولفون ومريم هم جتي يمهم

ريم : روان شبيج شعجب ساكته

روان : ماكو شي

ريم : صدكت

روان : ايييي ماكو شي

رادت تكوم بس ريم جلبت بيها تكعد

ريم : والله انتي بيج شي احجي شبيج ؟؟

روان : وكعت وهاهيه

ريم : صدكتتتتتت

روان : ما جابرتج تصدكيننن

ريم : يمههه شبيج هيج كبيتي

روان : روحي طالعهه

ريم : اوييي شبيج رواننن ترى ضوجتيني ومنا راح يجن الحياية شوي رفعي من معنوياتي حتى يطلع لساني عليهن

روان : مابية حيلهن يولون

مريم : يمهه دخت

ريم : اويييييييييييييي

ضحكت مريم : شخبصتيني اوي اوي

ريم : اويييييي

روان : صوتتتج ريم

حجت بنان : يا بنات كافي شنو هالكلام التافه هذا هاا ترى مو وكتها أبدا

روان : اي وكتج

رزان : مو كافي ترى اصعد فوك

روان : انتي حايرة بس تهددين بينا اصعد فوك اصعد فوك

رزان : اي لان ما اتحمل هيج هوسه وانتي ما شاء الله عليج

ريم : اشششش كافي يمعودين كعده لو عركة

بنان : يابة كافي

حجت رزان بعصبية : بنان احجي وياها ترى والله اصعد ولا انزل بعد

بنان : يلا خلص سكتت كافي عاد عيب من عمو وايهم

________________________________

فهد
فهد : ايهم ردت انوا احاجيك بموضوع على انفراد بالحديقة اذا تكدر

ايهم : تدلل اخي العزيز

ياسر : شنو وين وين

حسن : اي صاير خصوصي فهد

فهد : يابة عندي موضوع وية ايهم الا تنبصون خشومكم بالموضوع

همام : معليكم بي

ياسر : لا عمي شنو معلينة بي بسيطه

هز ايده فهد وأخذ ايهم وطلعوا برا

فهد : ردت احاجيك بخصوص موضوع مهم

ايهم : اكيد تفضل

فهد : بنت عمي اياد .. رزان اذا تعرفها

ضحك ايهم وكال : اي اي شلون ماعرفها

فهد : شو تضحك

ايهم : هيج تذكرت موقف يضحك

فهد : خوش شوف .. اني اعرفك ما شاء الله عليك دكتور ناجح هناك وعالجت هواي حالات وشاطر

ايهم : ياستار شكو

فهد : رزان .. شوف يعني ما اعرف شلون اشرحلك حالتها بس هي صارت عدها صدمة قوية من وفاة أمها

ايهم : شلون يعني ؟

فهد : اني شرحتلك سالفتهم البارحه .. شوف هي امهم الي ربتهم توفت كدامهم بطلق نار .. هي صارت عدها صدمة من هذاك اليوم وهي تبقى فوك وكله تكضيها تنام ومتاكل الا احد يجبرها على الاكل فد مرة

ايهم : تمام .. حسيت بيها فد شيء من البداية

فهد : اي .. شوكت راح تبدي حتى تتعالج ؟

ايهم : أن شاء الله من افتح عيادتي هنا اني راح ابلش من اليوم ادورلي على مكان

فهد : لا ليش انت تدور اني اعرف مكان تكدر تفتح بي من اليوم

ايهم : تمام لعد تسلملي والله .. من باجر نبلش بالعلاج

فهد : اليوم بالليل أو العصر اخذك حتى تشوف المكان

ايهم : تمام بيها الخير

ما حس فهد الا ع أحد حظنه من ورا : الله بالخير عمي

فهد : طيح الله حظك اني أعلمك والله العظيم حيوان تفتر وراي مثل الطنطل

ايهم : سلامات سلامات شبيكم هههههههَ ما صار شي يا اخوان

ياسر : شوف ايهم شوف سيادة الضابط ابن عمك شمسوي بيه تقبل

ايهم : اي اقبل

ياسر : يا خاين

ايهم : اشكرك

فهد : مرة ثانية بطل هاي سالفتك لا ابتلي بيك .. انت جنت تسنط ؟؟

ياسر : لا والله بالله جيت ولد فقير على نياتي حتى اسولف وياكم وانت اخذتني حاصل فاصل شنو هالعيشة هاي .. " عاط ياسر" اجوووييييي بيت الحياية والثعابين

ضحك فهد : هالمرة من صدك طاحضك

____________________________

دخلوا بيت محمود وسلموا عليهم زياد و ايهم ورحبوا بيهم واستقبلوهم

اول ما دخلت ليان ابتسمت بوجه فهد : شلونك فهد مشتاقتلك

دار وجهه وكال : تفضلي جوا

ما اهتمت ودارت وجهها وطبت وهي تضحك !

دخلت ليان وسلمت : شلونج بنان

بنان : تمام

باوعت ليان لروان بضحكة وتجاهلتها هي و رزان و سلمت ع ريم

روان : بنان هاي شبيها ليان ؟؟

بنان : شعلينه بيها كل واحد عليه بنفسه من هسه ما اريد عراك خوش .. سمعتيييي ؟

روان : اي اي بس انتي تدرين بية اني ما اتحمل
بنان : دسكتي عيني .. تعاي رزان كعدي يم ريم اني حروح ويه خالة نصب غدا مدام جوي

روان : اكلج هذا شبي ايمن ايععع شوفي شلون يباوع لرزان

بنان : عوفو لتهتمون هي اذا اخته ليان هو شيطلع !!

رحت ويه خاله رحاب ومريم وصبينه الغدا وتغدينه ورها اجتمعوا كلهم بالصالة كعدوا ويسولفون

زوزو : اي لج جمانه ولا شفناج من يوم العركه ضميتي راسج واخذتي ابني بعد لا اجاني ولا شفته

جمانه : والله يا خالة اني شعلية ابنج ميقبل يجي شسويله اني

زوزو : يا عيني ابني ميقبل لو اكو احد محشي براسه حجي

جمانه : هاي شنو خالة تقصديني

زوزو : لا اقصد الحايط

حجت ليان وهي تضحك : دعوفو هل موضوع اوي .. تدرون اني المن شفت البارحه ؟

ياسر : المن عيوني ؟؟؟

ضحكت وكالت : شفت روان وية واحد بشارع وبتكسي جانت بعدين نزلت وضلوا يحجون

اتجهت نظرات ياسر والكل بصدمه لروان

ياسر : شنو ؟

ليان : اي اني شفتها بعيوني بس ماعرف منو كلت يمكن كرايبها لو شي

روان
سمعت حجي ليان بصدمه وشلون شافتني وبقيت افكر شنو اكللهم اعرف سويته منكن غلط بس قررت انزل الحقارته واجرب اصير حقيره مثلها واجذبها

روان : شنو هل جذب ليان ترى وصلت حدها وياج لتخليني اكوملج هسه انعنع ضلوعج مثل ذيج المره

محمود : عمو استهدوا بالرحمن خلينا نفتهم

ياسر : بس اني ماعندي تكسي

روان : شنو لازم صدكتها ؟

ياسر : اكيد لاا

بنان
باوعت بقهر وتردد لروان مردت اجذب بس ما اكدر اشوف اختي تشوه سمعتها كدام الكل فطريت اجذب وبنفس الوقت ما اكدر اكللهم وي فراس فگلت

_ كلام روان صح الكل يعرف روان شنو

وبقيت استغفر بگلبي

ريم : روان كلنا نعرف هي شنو ف اسكتي ليان احسنلج

فهد : بوية شبيكم وحده تريد تملخ الثانيه.. اولا يا ليان كلنا نعرف روان شنو وماعدها من هل سوالف ثانيا مو من حقج تتهميها يجوز بنية تشبهها ؟؟

ياسر : مو من حقج تتهميها هيج اتهام جان استحيتي اني بيدي اوصلها واجيبهاا

انقهرت واني اشوف الكل ديدافعلي بس مطره اسوي هل شي

ليان : شبيكم داكلكم اني شفته طالعه من المدرسه وي واحد عنده سيارة مال تكسي شنوو قابل ما اعرفها

روان : لا صدك هيج طوختيها حيللل

كمت اريد اهجمم بس بنان لزمتني حيلل

جمانه : اني شكتلكم مو كتلكم انتو ملفين كحاب

زياد : شنو هل الفاظ مو عيب وشنو هيج تحجين علئ بنات اختج ذني تراا وانت محمود عاجبك شلون مرتك وبنتك شنو ديحجونه علئ بنات اخوك

محمود : كافي جمانه ليان

فهد : كافي سدوا موضوع وانتي ست ليان مره ثانيه انتبهي علئ الشي الي تكوليه مو تجين تهمين بالاوادم

ياسر : اتفق وياك سيادة الضابط

محمد : يلا كافي سدوا سالفه وانتي بويه عيب تتهمين هيج بالبنيه

ليان : بس عمو

محمد : لا بس ولا غير كافي سدوا سالفه

روان
اباوع علئ ليان تباوعلي بغيظ لان منجح الي مخطط اله هيه واني اباوعلها وابتسم منكن سويته غلط بس حتئ تبطل كلشي تحشر نفسها

بقوا يسولفون ليل يالله راحوا البيتهم بعدين كل واحد صعد الغرفته ينام لأن باجر دوام داصعد للغرفه وجرتني بنان واخذتني الغرفتهم وسد باب

بنان : ميصير هيج روان لازم نلكه حل

روان : عساس اني عاجبني الي ديصير

بنان : شنو الحل لعد

روان : كولي ال فهد

بنان : فراس هددني بيكم شلونن

روان : ترا طوختيها فراس وفراس خيولي بوخه كلشي ميسوي روحي كولي ال فهد يحلها

بنان : ما ادري خايفه

روان : من شنو خايفهه بابا روحي احجيله كلشي من البدايه للنهايه واذا متروحين اروح اني

بنان : ميصدكني خاف

روان : تحجين صدكك اكيد يصدكج شبيج بنان روحي كليله كافي عاد وترا اكيد فهد يصدكج لان يحبج

بنان : شنو لا ميحبني

روان : ابقي بهاي عقليتج بس نظراته الج فاضحته المهم كليله وفضيهااا

بنان : هيج رائيج

روان : ايي كافي احسن منضل نسمع تهديدات فراس شفتي شصار اليوم طريت اجذب من وره هل حيه

بنان : قابل عاجبني اني هم جذبت

روان : اي كولي الفهد وكافي تلحين علمود بعد منجذب

بنان : تمام راح اكول اله الصبح

روان : بكيفج بس اهمشي تكولين اله

بنان : تمام

طلعت روان من الغرفة واني كبل رحت نمت لان نعسانه حيلل واجه فهد هم نام وقررت باجو الصبح احجيله

_______________________________

روان
كعدنه الصبح اني وريم بدلنه وطلعنه ولكينه ياسر ينتظرنه طول طريق يباوع عليه واني اصلا ما اباوع بوجهه فجئه وكف السياره بنص الطريق

ريم : شكو ياسر شصار شو وكفت سياره

ياسر : ريم بس لحظه روان

روان : نعم

ياسر : ظهرج بعده يوجعج

روان : شعليك

ياسر : روان ترا مو قصديي اسويلج هيج وانتِ تعرفين مستحيل اذيج

روان : متكدر تأذيني بس تكدر تجرحني بحجيك

ياسر : تعرفين ما اقصد

روان : تقصد متقصد صار الي صار وانت اصلا شكو بارحه كعدت ادافعلي بس ليان حجت هيج

ياسر : لان اعرف انتي مو هيج

روان : والله ضحكتني هوه شفرقك عن ليان ترا انتي هم تهمتني

ياسر : تعرفين من العصبيه

روان : وهسه عصبيتك فادتك بشي لاا

ياسر : روان

روان : لا روان ولا شيي

ريم : كافي ياسر تأخرنه بعدين اني احجي وياها

تتأفف ياسرر وكمل وصلنه للمدرسة نزلنه اني وريم وهوه راح للجامعة

_______________________________

بنان
كعدت الصبح لكيت فهد ما موجود ضجت لأن ردت احجيله بعد ما اتحمل الي ديصير لازم اكول اله علئ فراس فكلت عادي بس يرجع

فكاعده وجان توصنلي رساله من فراس فتحتها وجان مكتوب بيها

"هسه اني كدام مدرسة اختج اذا متجين هسه ال هذا العنوان ** اروح اخذها من المدرسه وتعرفين شسوي وخلي الندم ياكلج اكل ولتفكرين تكولين لحد ما انصحج "

قريتها وجسمي كام يرجف مفكرت بشي غير بروان گبل لبست جبه وشال نزلت لكيت الكل رايح الشغله بس خاله كاعده

رحاب : يمه وين رايحه

بنان : خاله شويه وارجع

رحاب : يمه فهد ميقبل قابل متعرفي

بنان : خاله ما اطول هسه ارجع

رحاب : غير تكوليلي وين رايحه

بنان : خاله صديقتي مريضه حيل وبيتها مو بعيد قريب بس اشوف عسريع وارجع مسويه عملية خطيه

رحاب : يمه فهد ياكل راسي ميقبل وشعندج هيج وقت رايحتلها

بنان : لا خاله كتله وهسه ما اطول هيه بيتها هياته

رحاب : اكيد

بنان : اي خاله

رحاب : عود اتصلي بيه

بنان : تمام

طلعت من البيت واني اقرا ايات وادعيه يارب يعدي هل يوم علئ خير ركبت تكسي وطلعت رحت للشقه مفكرت بحد حطيت بس روان بالي اسوي كلشي علمود خواتي وبس

وصلت للعنوان دخلت للشقه جان الشارع مابي هواي ناس لان صبح وكلسع اتردد اريد ارجع بس اتذكر روان فدعيت وفتتت وصلت دكيت الباب وجان يطلعلي الشخص الي صارلتلي مده مشايفته

الشخص الي كرهت نفسي بسببه
الشخص الي بسببه صار عندي حاله نفسيه
الشخص الي بسببه نضربت ونهانيت
الشخص الي هوه سبب بدمار حياتي " فراس "

فراس : يا هلا بالحلوه شلونج بنانو

واكفه مجمده بمكانيي حتئ دموع متتنزل من عيني وجان يجرني حيل من ايدي ودخلني

فراس : شبيج يروحي بنون مشتاقلج ومشتاق الوجهج الحلوو وگال بهمس والجسمج هم

جاوبته بالكوه ودكات گلبي سريعه : فراس شتريد

فراس : اريدج يحلوه

بنان : عوفني فراس عوفني بحالي عوف خواتي كافي ما بزعت متخاف الله انت كافي مليت والله مكفاك كل الي سويته بيه طول هل سنين

تقرب من حيل وگال : لا مكفانيي واني بعدني اصلا كلشي ممسوي بس هسه حيبدي العب تمام

_ شتقصد

فراس : هسه اكلج شقصد

جر الحجاب مني حيل وذبه بالكاع وكمشني من شعري حيل احس شعري نشلع من جرته

بنان نزلن دموعي : عفيهه فراس عوفني عليك الله

فراس : شلون اعوفج هاا شلون شنو اخلي بس استاذ فهد يتهنئ بيج لا لا

جرني حيل من شعري وبده يعت بيي ودموعي تنزل وبس داعيط

فراس : عيطي براحتج محد حيسمعج

بنان : اهخ شعري عفيه عوفني لسوي شي عفيه

_ شمتوقعه لما تجين حكعد اتفاهم وياج لو شنو بس احيج علئ حبج لخواتج شلون تحميهنن لو ما اجيتي اليوم جان صار بروان هيج واكثر

كام يضرب بيه حيل وكسر كلاص وجرح ايدي بيها وحط راسه بركبتي وكلسع يكول " مثل متهنئ بيج فهد اني هم اتهنئ "

ادفع بي ميندفععععع لحد ما وخر من عندي وگال

_ العب الي كتلج عليه حيبلش هسه صح مسويتلج شي بس مضل وكت

ورها كبل طلع من شقه وعافني بيها

كمت ابجي بنهيار وادور ع حجابي اريد بس اطلع ما اتحمل

لحد ما اندك باب الشقه بقوه حيل

سحسلت روحيي حتئ اكوم اريد اطلع وجان افتح الباب والكه " فهد " كدامي

نهاية البارت
يتبع ..

ان شاء الله يعجبكم البارت و سويناه طويل لعيونكم واسفين ع القفله التجلط + موعد النشر حيكون بين يوم ويوم ..♡

إلى اللقاء يا أعز العابرين في قلبي ♡.

7.nldn حسابنا الانستا

الكاتبات دينا & نور