من أي نجَم نُسجت تِلك الفاتنه لتسرقَ قلباً تابَ عن الحُب !
<<<<<<<<<<<<<<<<<<>>
رزان
جنه كاعدين كلنا متجمعين ونسولف بهل أثناء طبوا ريم و روان ووراهم ياسر جوي عليه راسا ريم وروان
روان : ايع خما ليان جاية
رزان : اي جاية
ريم : شنو لعد وينها شعجب مو يم امها اليوم
رزان : والله مادري خاف دتغسل منتبهت عليها
فجأه نزلت ليان تصرخ وتبجي وتعيط : خالة خالة لحكو
كمنا كلنا بخرعه
كالت رحاب : شبيج شكوو
حجت ليان ببچية : خالة صعدت فوك اسولف ويه بنان بس لكيتها واكعه بالكاع وراسها كله دم خالة عفية لحكوا
عاطت زوزو وبدت تبجي : يبووووو عليج بنان يمهه يالمكرووده
كلنا انخبصنا وخالة عيطت : ياااسر صيح ابوك وعمك حضر سيارتك نوديها
صعدنا كلنا فوك على بنان
رحت اركض واشوفها واكعه
تذكرت امي من جانت كلها دم وكل الموقف ونفس الشعور اجه بدماغي .. اباوع لروان وريم يبجون
كمت ماعرف شسوي بس دموعي تنزل واباوع الكل التم عليها لبسوها شلون مجان ونزلوها جوا ياخذها ياسر وبالطرمه صارت خبصه وعمو محمد دك على حسن وهمام
اول مجان ياسر موجود طلعوها
عاطت روان وهي تبجي : اريد اروح ويه اختي
صاح ياسر : ماكو وين ترحين زلم وناس وعالم بالمستشفى
روان : حباب حباب عليك الله اريد اروح وية اختي والله ماكدر اعوفها
ياسر : امي يمها كافي لتبجين
روان : ياسر شبيك اريد اروح وية اختييي
ياسر : صاحلي رزان تعاي حطي شال ع راسها متروح هيج
روان : ما ما ما البس شال
ياسر : لتعاندين لان مستشفى وبيها اشكال والوان
بجت وكالت : ياسر عوف الشال عليك الله خليني اروح
ياسر : امشي صعدي يمعودة بس كافي اسكتي لتبجين
راحت روان ركضت صعدت بصفهم وطلعت وراهم ريم تبجي : اريد اروح ياسر حباب
ياسر : شبيجن انتن شو كلسع وحده هي لعبه يلا كافي ماكو جية
ريم : ياسر عليك الله والله ماكدر اعوف روان وحدها شوف دتبجي
فرك راسه ب عصبية وكال : يلا تمام بسرعههه بس ابوية ميقبل معلية اني
ريم : والله اي بس شوفهم خطيه
أندار علية ياسر اني ومريم : ديربالكم على زوزو خطية دتبجي خوش
رزان " تبجي " : وياسر عود طمنا خابر علينا خوش
مريم : اي عليك الله كلشي يصير
ما جاوبنا طلع يركض كاموا يعيطون عليه ويكولوله يلاا
بهل أثناء وية طلعتهم وراهم طلعوا سيارة ايمن ورجعوا لبيتهم ما بقوا
زوزو كامت تعيط وتبجي : يمة بنيتي شلون بيه اني يمه فهددد وينك تعال شوف وردتك شصار بحالها
كعدنا يمها على بجيها نبجي جانت حاطه شيلتها وتبجي
_______
روان
وصلنا للمستشفى ونتباجى كلنا وخالة رحاب تقرا ايات وتصلي عالنبي بس بنان جان وجهها اصفر كأنما خلص الدم الي بيها مردت اعوفها ابد ورحت وياها اباوع لريم تبجي
صحنا دكتور كال هاي راسها مفتوح ولازم خياط بس ليش هيج وبدا يحقق كلناله واكعه
طبوا ويا ممرض وممرضه يساعدوه
واحنه كعدنا نبجي
حطيت راسي ع جتف ريم وابجي : خاف تروح مثل ماما الهام ريم شلون
ريم : لا لتخافين والله مابيها شي أن شاء الله هوه بس راسها ويخيطوا بس ظاهر الضربه قويه فلهذا هيج حالتها
جتي كعدت يمنا خالة رحاب : يمة لتبجون ميصلح أن شاء الله مابيها شي استهدوا بالله واقروا ايات وادعولها
هزيت راسي واني ابجي
ياسر جان يفتر بالممر
ورا دقايق وصل همام ووراه ايهم
صاح محمد يعيط : شكو كلتله انت غبي عنده شغل هسه شو شيصير بي
همام : لعد شلون مرته بالمستشفى وما ادك عليه
زياد : يلا كافي صار اللي صار وصح كلام همام لازم يعرف لان زوجها
محمد : اوف والله حيرة لك هذني امانتي
ايهم : هسه هي شلونها
محمد : دننتظر
روان : ضلينا نبجي وهمه واكفين يلوبون ويفترون وهمام ضل يحجي علينا شكو جبتوهن وميصير وعشيرة
گالت خالة رحاب : اختهن شلون ميجن
ضلينا تقريب الساعه واكفين ومرعوبين وراها اجه عمو محمود وهم ضل يمهم ويكول شلونها
طلع الدكتور وسألوه : بشر دكتور
گال : الحمد لله تمام خيطنا الجرح ولفيناه وعقمناه وننتظر تكعد من البنج كم ساعه على ما ترتاح وان شاء الله خير
فرحنا شوية وننتظرها تكعد
اجه ياسر يمنا كال : تردون شي اجيبلكم
رحاب : لا منريد
ياسر : مو غير مماكلين شلون يضلن هيج
رحاب : تردون اكل
هزينا راسنا ب لا
ياسر : خوش لعد
همه ضلوا متجمعين كبالنا ويحجون وعمو محمد خايف على بنان واحنه كبال الغرفة كاعدين
فجأة اجتي حالة بالغرفة الثانيه بس جانو ويا شباب 3
ياسر هذا تخبل كام يكمز ويعيط: امشووا كومو نزلوا لحد يضل هنااا صوجي جبتكم والله العظيم محد قبل صوووجي انييي
روان : قابل وين مودينا ترى جيت وية اختي تعرفف شنوو اختييي ؟؟؟
ياسر : اي اعرف هسه هذولة استغفر الله كل واحد جنه خنزير شوووف شلون يباوع رح افكس عيونه والله
رحاب : اسم الله عليك يوم شبيك انصرعت اسكت ترا مو وحدهن اني امهن ويمهن هسه انت شعليك جاي تعيط عليهن
ياسر : لججج يووم
رحاب : شبيك ولك ياسر راح نتخزه كدام العالم صوتكك
ياسر : معلية مالي شغل هسه ...
مكمل كلامه طلع الدكتور كال : تكدرون تشوفوها المريضه بدت تكعد
ما طبينا كلنا بس اني و ريم و خالة رحاب
كعدنا يمها جانت مو صاحية بس تهلوس بس متكدر تحرك راسها وكلسع تفتح عيونها وتغمضها
باوعتلها : بنان شلونج تسمعيني
كالت بصوت هامس: اي
ريم : اوف يا بنان راح ابجي
بدت دموعها تنزل وحاضنه بنان : والله بجيت عليج انقهرت وزوزو هم تخبلت
جنه نحجي وياها بس توها كاعده ولسانها ثكيل متكدر تجاوبنا بعدين رجعت غُفت
ضلينا كاعدين يمها طبوا عمامي شافوها وطلعنا كلنا للدكتور گال عادي هاي بسبب البنج للعصر تكعد
كعدنا برا وياسر عيونه طايرة وكل ميباوع علية يأشرلي بسيطه واني ادير وجهي .. صاير غيور زيادة
ورا كم ساعه للعصر جانت الساعه 5
انرجت المستشفى بالعياط .. وصل فهد وعيونه حمره وشعره مخربط وملابس الدوام ووراه مؤمل
كام يعيط فهد : شلون هيج صااار بيها شلووون ما ضلت عينكم عليها محد جان يمها شلون وكعت هيج لتخبلوني
محمد : شبيك لك لتاخذنا بعصبيتك دنحجي وياك عادي مرتك وكعت شلون متكولي الواحد ميوكع هذا قدر الله
فهد : وهسه شلونها وينهااا بسرعههه
رحاب : هيه بهل غرفة نايمة على أساس بنج هذا فهد هنا تخبل وجهه صار احمر ويعيط وهرج المستشفى هريجه ومؤمل يريد يهدي ميكدر
منحس غير فهد وكع من طوله
التموا عليه الولد كال ايهم : ماكو شي ماكو شي هذا ضغطه صعد
وهم اخذوه لغرفة ثانية وشكلوله مغذي والولد ضلوا يمة
ياسر : شلون اليوم مبين راح نبات بالمستشفى
ايهم : اي عادي نبات لك مدتشوف بت عمنا بهذيج الغرفه وهسه فهد متخربط
مؤمل : شهل وضعيه الطايح حظها هذا خو فهد بدون سابق انذار أخذ سيارتي واني اركض وراه بلكوه لحكت بي صعدت ويا وطار بسياره وكلسع يعيط عيطه راد يشلع الستيرن هلكد ما عيط اعصابه بويييية مينحمل مينجرع وكلسع رايدين نسوي حادث
همام : لو ادري هيج مجان خابرته وگلت اله
ايهم : شبيكم هسه كل واحد يتأفف هذا خطيه صاعد ضغطه وتخربط وانتوا هنا تمسلتون هدوء شوية هدوء
__
روان
اجتي علينا خالة رحاب : يا بنات بنان كعدت
رأساً ركضنا عليها ليجوا جانت كاعده وتبجي
رأساً حظناها اني وريم ونبجي وهي تبجي ويانا
مسحت دموعي وكلتلها : بنان شلون وكعتي ليان كالت لكتج واكعه
اندارت بصدمه وحجت بصوت خفيف : شنو
روان : اي هي ليان لكتج واكعه .. خاف فقدتي الذاكره
رجعت بجت وحجت : راسي يوجعني
رحاب : روحي ريم جيبيلها مي خطية واني حروح ل ابو فهد اكول اله
ضلينا وحدنا كلتلها: لچ بنان فهد اجه من البصرة لهنا علمودج
بنان : عزا
روان : شوف هاي بابا يا عزا لج تخربط علمودج شوفي شلون يحبج
بنان : عززززززا بعيني خطية يمة وينه هسه
روان : شبيج بابا مو داكلج متخربط ف هسه مشكليله مغذي مدري شنو لان ضغطه صاعد .. لج بعده يحبج
بجت بنان : رااااسييي اريد اروحله
روان : انجبي وكعدي تريد تروحله والولد كلها هناك يمه
طبت ريم تضحك : هاي منية تريد تروحله
روان : ايييي تريد تروح الفهد
بنان : اخخخ يمههه راسيي
روان : اي اي إذا ما بي شي خل يجي تريد تحجي ويا غير رجلها وحبيبها
ضحكت ريم : ماكدر اروح كلهم الولد هناك بس ماما تكدر
طبت رحاب : شبيكم تعيطون
ريم : لا ماما مجاي نعيط جاي نتناقش
رحاب : بشنو
ريم : جنتنه تريد تشوف زوجها العزيز
بنان خنزرت ع روان وبچت
رحاب : يا يا ليش تبجين حبيبة هسه اصيحه واجي
راحت رحاب وريم وروان يضحكن
باوعت روان لبنان : فدوة مشتاقتله
شالت أيدها تريد تضربني : اوك اوك ع كيفج ست بنان شكلنااا احنه
خنزرت علية واني وريم بس نضحك منشوف غير انفتحت الباب وگالت رحاب : يلا عيني فوت شوف مرتك سيادة الضابط
ضحكت ريم : ها يمة لازم بكتي اللقب من عدنا
دخل فهد للغرفه وهو يباوع بنظرات عتب لـ بنان
وبنان تباوع عليه ودموعها تنزل
رحاب : يلا عيني اطلعوا بعد انتن شعدجن
روان : يم اختي خالة
رحاب : هههههه حتى لو يلا امي اطلعوا
طلعوا كلهم وبقوا وحدهم
______
بنان
دخل وب ايده كانونه ووجها تعبان .. مو فهد شفت كبالي شخص ثاني .. عصرني گلبي واني اشوفه ودموعي تنزل تذكرت هذاك اليوم
اجه يمشي ؏ كيفه وكعد بصفي ع الكُرسي
نزل راسه وهو يحجي ابد ما باوعلي : جيت من البصرة لهنا عليج .. خفت ليصير بيچ شي
تنزل دموعي واني اباوع عليه ضعفان ووجهه اصفر
بنان : واني هم خفت ليصير بيك شي كالو جيت سريع همزين ما سويت حادث .. منو الي من بعدك
رفع راسه ويباوعلي : ليش بنان بس كوليلي ليش هيج سويتي
بجيت وكتله : ليش ممصدكني والله العظيم حلفتلك وكلتلك كُلشي .. ليش ما صدكتني فهد والله تريد اثبتلك كلشي بتلفوني موجود وروح شوفه الرسايل والتهديدات واذا متصدكني اسأل روان هي تعرف كلشي وراح هددها
فهد : زين ليش مكلتيلي ؟ ليش محجيتيلي من البداية هيج مستصغرتني ؟؟؟
بنان : والله ممستصغرتك فهد ليش متصدكني حرام عليك هيج عفتني آكل بروحي و منمت ليله من بعدك
فهد : اذا هيج اهمچ اني ليش سويتي بية كل هذا
بجيت وكتله : والله ما خنتك هو أخذني بس ضربني وهاك شوف ايدي حتى الجرح بعده .. هو جان مخطط حتئ يخليك تعوفني
بهل أثناء طبت روان بس شكلها متوتر حيل وضلت تباوعلنا اثنينا وساكته
التفت فهد باوعلها بحيرة : ها روان
سكتت ثواني وهي تباوع علينا : شوفو اني اريد احجي وياكم انتوا الاثنين سوا
فرك وجهه وكام: مو بالمستشفى عود بعدين
روان : لا هسه ولازم هسه بالبيت هوسه بس اسمعني فهد هي كلمتين اني مو بنت عمك
باوعلي فهد ورجع كال لروان : تمام الخاطرج
كعدت روان وهو رجع كعد
روان : شوف فهد لازم احجيلك كُلشي جان من البداية المفروض بنان تحجيلك واني كلتلها احجيلة بس كالت احجيله وانت ثاني يوم رحت للشغل وماكدرت .. الله شاهد على كل كلمة اكولها .. فهد احنه جنه نتعرض لتهديد فراس ابن جمال واكيد بنان حجتلك كلشي
فراس نگس مو بشر هذا ومينعد عالزلم اصلاً
فترة طويلة وهاي اختي تتعرض لتهديد وتبجي وتسكت
باوعلي بعصبية وكال : هذيج المرة من جنتي تخابرين جان يحجي وياج ؟؟؟
هزيت راسي واني ابچي
روان : خل اكمل .. وقبلها بكم يوم اجه علية للمدرسة وهددني .. مادري شلون أكلك انوا جان كلام ليان صح بس بلحظتها حسينا دنسوي شي غلط والله العظيم رحت لبنان وكلتلها لازم نحجي لفهد كلشي يصير بس هي جانت خايفة علينا خوفها هذا اللي وداها بداهية وهذا كله موقف واحد
ضل يباوع وعيونه صارت بكصته مكال شي : وبعد ؟
روان : من قررت بنان انوا تحجيلك گالت ثاني يوم لكتك طالع
التفت إلي : ليش ما حجيتيلي بالليل أو قبل يوم اوو قبللل سنههه شبيج متكوليلي وين عقلج شلون تخليني هيج انتِ
روان : ومن طلعت اجاها تهديد انوا فراس كبال مدرستي وراح ياخذني واذا مياخذني ياخذ رزان
هو من هددها بينا بعد انت ماكو وهي جبانه محجتلك ومن راحت هي كالت مسوالي شي بس ضربني وجرح ايدي وانت جيت وصار كُلشي .. والله مجذبت ب ولا حرف كلته يا فهد وهاي كُل السالفه وحلفتلك وانتَ افتهمت بنان غلط شوف حالها من بعدك شصار بيها
سكت وهو يباوعلي وروان تعصبت وبالاخير كالت : اني طالعه اخليكم براحتكم
باوعت عليه ونزلت دموعي : هاي روان حچت كُلشي والله العظيم كُل الي صار مو بأرادتي
فهد : كافي لتحلفين .. اني مصدكج
بجيت وغطيت ايدي واني احجي : ليش فهد هيج سويت بية والله ظلمتني وظلمت روحك وما افتهمت مني وذبيتها براسي
باوعلي بحزن وگال : من شفتج بهذاك المنظر فكرت غير شي
بنان : لو تدري من رحت شصار بية .. محسيت بية ؟ مكلت شلونها من بعدي وشصار بيها
لزم وجهي بكفوف أيديه گال : وانتِ المفروض تكلولين الي من البداية مو تضمين عليه سدي سالفه هسه ارتاحي ولتبچين كافي
هزيت راسي وكتله: انت شلونك هَسهه ؟
كال بتعب : شوفة عينج
بنان : شوكت اطلع اني
فهد : اليوم بالليل
بنان : لعد شبية كلسع انعس
فهد : مو تنعسين هاي دوخه بسبب الدم اللي خسرتيه
طبت ريم بعصبية : صارلك ساعه يمها عيني احنه هم نريد نشوفهاااا
فهد : تعاي شوفيها اني رايح
ريم : عزا عزا فهودي وين اتشاقه وياك
فهد : لا مو علمود الكلام بس راح اروح اشيل هاي البيدي
ريم : شنو هاي كانونه
فهد : اي لعد شنو يلا حروح ضلوا يم بنان خوش
هزت راسها ريم وجوي خالة رحاب و روان ضلوا يمي بعدها نمت ..
____
ريم
من طب فهد يم بنان وطلعنا اني وروان
اجه ياسر علينا
ياسر : امشن ارجعكم فهد ميقبل تضلون
ريم : جذاب
ياسر : جذاب بعينج روحي سألي مقبل كال شلون تجيبوهم
روان : ما اطلع منا الا بنان تطلع خووش ؟ وهذا فهد هسه اروح اكوله
باوع علينا وهز ايده وهاي روان من كل عقلها راحت تكول لفهد ماطلع منا
ياسر ضايج وكالب خلقته والولد كلهم موجودين
ضليت كاعده يم امي كبال غرفة بنان وامي كلسع تكول : ليش اجيتي عيب باعي الناس والعالم
ريم : لا يوم ليش عيب قابل اعوف روان خطيه صديقتي وبنت عمي هيج وحدها هنا
رحاب : ديلا عيني كافي اخذتينا بلسانج
ريم : يوم عفية هنا ماكو اكل ؟
رحاب : ادز ياسر يجيبلج اكل لو تروحين ويا
ريم : اي اي يوم والله مماكله ولا متغديه والدنيا راح تصير ليل
صاحت امي ياسر واجه : نعم ؟
رحاب : نعم الله عليك .. عيني أخذ ريم اشتريلها ايشي وكلها البنية مماكله
ياسر : هو على أساس اني الماكل .. اني هنا اضل خل ياخذها همام
ريم : ماهوا همام مدري وينه حباب بس انت سريع امشي وديني مطعم ايشي بس اريد اكل
عيط بوجهي : امشيييي خلصيني الله ياخذك ياسر
كمت بخوف امشي ورا وطلعنا بالسيارة واشترالي اكل وكعدت اكل بالسيارة وكلسع يعيط : مااا خلصتي
عيطت عليه : وانت شبيك اليوم من ثول ترا كاعده اتزقنب بسرعه حتى حضرة جنابك ترجع شتريدني اخلص الاكل بثانية
ياسر : اهووو شلون شغلههه هاي كله صوجي جبتكم كلههه صوجي
طخت بعقلي من تذكرته شلون يعيط ويكول اكو ولد يمكم بس جان غيران على روان أكثر لانو ما لابسه حجاب وطالعه بكفشتها وتبجي باوعت عليه معطب من العصبية كتله : ماريد بعد يلا نرجع
شو هذا رأسا حرك السيارة ورجعنا للمستشفى نزلت ورا مالحك بي اركض ورا وهو بس يريد يطب للمستشفى راح يتخبل وكلسع يكول صوجي جبتها
عرفت جان قصده على روان و شكله يضحك اول مطبينا جانوا الولد وعمامي متجمعين يم فهد بباب الغرفه ويحجون ويه الدكتور و امي وروان عرفتهم يم بنان
اول مباوعت اجتي عيونه بعيوني " مؤمل "
رأساً درت وجهي وطبيت يم بنان
حسيت كلبي يدك سريع وماعرف شسوي
امي كلتلي : راح اجيب ياسر حتى يرجعكم يمه وراكم دوام ومدرسة وواجبات وميصير تضلون هنا الدنيا راح تضلم شتلحكون وهذيجن المسكينات وحدهن بالبيت منو يكول ميخافون
روان اقتنعت لان فهد كال راح تطلع بنان بالليل ويرجعون شفت روان مقتنعه ف قررت ارجع وياها
رجعنا للبيت وياسر كلسع يتناكر وية روان وتكب العيطه كلسع مدري شيكول وهي تتنرفز وهو يتنرفز والعياط ماله ومالتها
________
بنان
راسي جان ميوجعني حيل بس كل ما احركه يوجعني
جتي علية خالة رحاب : يمة هسه شلون صرتي
بنان : خالة احسن بس شوية اكو وجع
رحاب : الدكتور كال اذا يوجعها انطوها مسكن تردين
هزيت راسي : اي خالة
طب فهد وسد الباب شاف امه وضل يباوع علينا : شسمه يمه اريد احجي وية بنان شوية
ضحكت وكالت : اي يمه شلون لعد بدون متكولي اصلا
طلعت وهو اجه كعد يمي : راسج بعده يوجعج
بنان : اي بس اذا احركه
فهد : اسمعي بنان رقم فراس بعده بجهازج
بنان : اي محفوظ
فهد : خوش
بنان : فهد
أندار علية : ها
بنان : اسفه لان محجيتلك
فهد : غصباً عليج تتأسفين تدرين انتي شسويتي بينا من محجيتي ؟؟؟
بجيت معرف شسوي : هو هددني بخواتي
فهد : لو كايلتلي جان عرفت شسوي بهل ك*** بس محجيتي شي انتِ كله بسببج ضيعتينا بنان لو حاجية من البداية مَصار كُل ههذا .. جان يتحرش بيج من قبل ؟؟
فتح جروحي .. شكد احاول انسى ذيج الايام بس لحد الان عايشه بخوف فراس بجيت من قهر وغطيت وجهي : اي
فهد : لج راح اتخبل اني ليش ما اعرف بكل هذا
بنان : جنت خايفة احجي ليسوي بينا شي
فهد : خوفج ضيعنا
بنان : اعرف كلشي اعرف اريد اموت روحي اني اصلا لو ميتة
فهد : لا اله الا الله شلون بيج انجبيي
بنان : تعبت كلش يعني منصدك مدا اتحمل
فهد : شوفي مادام اني وياج نتحمل كلشي سوا
نزلت راسي وكلتله: شوكت اطلع
فهد : نطلع هسه ؟ اذا تحسين نفسج زينه
هزيت راسي : اي اريد اطلع
فهد : خوش راح اروح احجي وية الدكتور ونطلع
طبت علية خالة رحاب وهم ضلت تحجي وياي واسئلها على رزان والباقين كالت زينين
طب فهد كال : يلا راح نطلع هسه اجه حسن بسيارته لان سيارة وحده متكفينه كلنا وعمي محمود راح يرجع
رأساً هو لزمني من ايدي ويمشيني .. جانت تجيني دوخات بسبب الوجع القوي .. صعدنا بالسيارة هو وخالة رحاب وياي وياسر منزمان رجع حتى يودي ريم وروان
ف اجه ويانه عمو محمد وبسيارة حسن راحو عمو زياد وايهم و همام
رجعنا للبيت ووصلنا نزلت اول مطبيت جتي رزان ركض علية حضنتني وتبجي
رزان : خفت عليج هواي بنان شلونج
ضحكت حتى لا اخوفها : زينه مو هياتني كدامج
ادور زوزو تبجي علية كامت تبوس بية وتبجي وريم وروان يضحكون فد تافهات
ياسر : راح تبجوني شنو هاي كافي عمي سكتو
ايهم : انت منو يمك
ياسر : كلهم يمي
همام ههيهيهيهي داشوف الدمعه بعينج
ياسر : حمام انجب
همام : يسرى سكتي
ياسر : شحجي عليك ايهم
ايهم : اني شعليه
ياسر : كل البله بيك ويكول شعلية تهي بهي
فهد : هيووو شنو هل صوت كافي سكتو
ياسر : عساس رح اسكت .. انت روح روح
فهد : هسه رح اصعدها فوك وانزلك اصبر
صعدني فوك وهو وياي وكلسع تجيني نغزه براسي وابجي
اول مدخلت للغرفة كمت ابجي بالزايد احس كرهتها
راح كعدني ع الجرباية وجابلي مي
فهد : تردين فدشي بعد
هزيت راسي بلا
هو راح كبل ع تليفوني وضل يكلب بي وكلسع يباوع عليه ويعيط عياط هرج الغرفة بس محد يسمع لأن بوقتها جانوا كلهم جوا بالصاله
أخذ رقمه ودك عليه طلع مغلق
رأسا راد يطلع
رأسا بجيت وكتله : فهد عادي سؤال قبل لتروح
فهد : اي سألي
بنان : انت تحب ليان
فهد : احب ليان ؟ ليش تضحكيني بويه
بنان : هي كلتلي انتي اخذتي كلشي من عندي واخذتي فهد
فهد : شوكت هذا الحجي
بجيت وكتله : اليوم
فهد : وشلون تسكتين
بنان : م سكتت اني كلتلها لو يحبج جان اخذج الج
باوعت عليه مبتسم بس گال : ما احبها لو تبقى اخر وحده بالكرة الأرضية .. هي اختي الصغيرة وبس
باوعت عليه وبجيت متحملت بوقتها مفكرت شراح يسوي بس جنت مقهورة من كتلتني ومعندي احد اشكيله : هي دفعتني وكعتي ع هذا الميز وراسي تعور
فتح عيونه وعيط : هي دفعتج ؟
بنان : اي
هو مناك جان عصبي حسيت زودتها عليه حيل وصار اعصاب أكثر وكام يعيط : شلون بيها هاي شلووون
راح يريد ينزل گلت : لا فهد لتروح عليك الله
ولا اهتم الي وطلع نزل واني ما اكدر اركض وراه ضليت ابجي واكول ليش كلتيله ليش
_______
روان
نزل فهد يركض من فوك كمنا كلنا بصدمه
كمنه نعيط عليه نريد نعرف شبي ماكو مينطي جواب
اخر شي لح عليه ايهم عاط : شبيك فهد فهمنا
عاط بحركة دم : بت عمكم التحفه هي دافعه مرتي عالميز وهيج مسوية بيها
كامت رحاب : يمة شلون هي .. مو غير هي نفسها جتي كالت لكيت بنان واكعه
فهد : رادت تلوف السالفه الجلبه بسيطه
كام محمد : انتظر اني اجي وياك
وكام زياد : اني هم وياكم
طلع فهد ممهتم وركض وراهم ايهم هم
ياسر : اكول حمام بقت علينا امشي عمي
همام : اركض خويه عامر اركض
اباوع عليهم راحوا كلهم يعني لليان
رأسا ركضت وراهم : اريد اجي وياكم
ياسر : خوب انتي بكل عزا والطام لازم تتواجدين انچبي وكعدي ماكو جية
همام : لا خل تجي حتى تنتف عطوب ليان
ياسر : هم صدك .. اهوووو امشي صعدي
جنت حيل شايطه ومحروك دمي ومثل الصدمه بية ادري ب ليان حقيرة بس متوصل بيها مواصيل هيج درجة تسوي بـ بنان
فهد طول الطريق يعيط ويصيح هجم السيارة علينا
اني جنت كاعده بخانة الشواذي وحدي وهمه كلهم كدام واريد بس اوصل حتى اكوم لهاي الحيوانه ليان والله مابقي بيها عظم صاحي
بعد طول الطريق وصلنا
نزل أول واحد فهد يركض وصاير اعصاب ووراه كلهم وعمامي هم
كسروا الباب وطبعا هاي سوالف ياسر مال هجم البيبان الساعة ب 10 بليل واحنه رايحين الي يشوفنه يكول رايحين هداده ولو هم صدك قابل رايحين نطك صبعتين
فتح الباب ايمن ضل يباوعلنا مصدوم : هلا تفضلوا تفضلوا
فتنه للطرمه گال ايمن
_ فوتوا جوا تفضلوا
عاط بي فهد : ما اطب جوا صيحلي ابوك واختك بسرعه امشييييي
رأسا طب جوا وصاحهم طلع محمود مصدوم : خيركم خوية شبيكم جنكم تردون تهدون علينا بهذا شكلكم
محمد : هذي ممقبولة منك محمود ولا من بنتك
تقبلها بنتك هي دفعت البنيه ووكعتها وشكت راسها
محمود : شنو منيلكم هذا الحجي مستحيل بنتي هيج تسوي ؟؟؟
محمد : لا تسوي صيحها بسرعه
طلعت وراه ليان بكل عين صلفه : هلو عمو شلونكم شلون بنان صارت
عاط بيها فهد وراح لزمها حيل من ايدها وعصرها : انتِ حية واكبر حية حذرتج متتقربين من عندي بعد ولا توصلين لا الي ولا بنان ليش رحتي دفعتيهاا
بهل اثناء اجه ايمن عود يريد يسوي بطولات ويصير اخو خيته ويدافع للحيه
ايمن : فهد وخر ايدك من اختي شنوو تلزمها هيج وععت بيها انتبه الحجيك
فهد : دنجب لك لتعيط لا اشوفك شي ميعجبك بيك خير بدال متجي تحجي هيج روح ضب اختك وشوف شسوي مسوي
ليان هيه وتبجي : فهدد ءايي عفيه وخرر ايدي
متحملتت تنعوصها وحركاتها كبل رحت جريتها من شعرها
_ ولج انتِ شلون بيج هااا شلونن اني مو كايلتلج اذا تتقربين وحده من خواتيي اخلص عليج انتي ميفيد بيج الحجي لو شنو
جمانه كامت دفع بيه تريد اوخر بس ماكوو فقدت عليها لهل حيه
جمانه : ولج انتِ شنو يوميه كاتله بنتي ولج وخري الله ليوفقج
روان : لتضحكيني شنو الله ليوفقني لج بنتج دافعه اختي وشكت راسها ترى اكدر اشتكي عليها والله العظيم وهذا فهد موجود وراي
فهد : عمي الزم بنتك زين .. وهاي كدام الكُل بيتنا بنتك هاي متطبله لو تموت بعد خوش ؟
ايمن : احترم نفسك شنو تطردنا من بيت عمي
عاط محمد : ما طردناكم بس بنتكم على هاي سوايتها بعد متطب بيت تعاي روان عمو
جرها محمد ورجعها
فهد : هاي بنتكم اذا توصل باب بيتنا اكسر رجلها وحق الله
ليان : انييي معلية مدفعتهاا
محمود : من طردت بنتي معناها طردتنا
فهد : ها لازم صدكت بنتك
ايمن : يصدكها وغصبا عليك جاي تتبلون على اختي ملكيتو مشكله جيتو تتمشكلون
ياسر : انت انجب كافي تمسلت
فهد : لا والله تحب اشوفك المشكله ع أصولها ؟
ايمن : ياريت
صاح ايهم : يا اخوان شبيكم رحمه لله جينه نتفاهم مو نتعارك
همام : انت شبيك ما شفته شلون يحجي
ايمن : اي احجي وغصبا عليكم وانت بوخه بس اسم ضابط وجاي تتفيك براسي روح روح احسلك
فهد كبل طفر عليه وضربه والولد هم كاموا يضربون هالمره محد تحمل كلهم وكعوا دك على ايمن هل وفهد يكتل بي ويغلط عليه وياسر متخبل وعلكت
رحت صاعدت بالسياره اباوع ليان تبجي وامها حاضنتها والدماية تجري دموه ل ايمن وعمو محمد يفاكك و جمانه ولا يفيد ومحمود يعيط
اباوع ع ليان تخنزر علية واني اضحك حيل طلعت قهري بيها وكفشتها ونتفتها تنتيف يلا عمي جرني منها
بالاخير عمو محمود كام يعيط وفهد كام ومادري شحجى بالاخير بس يمكن هددهم واجوي كلهم دمايه ويعيطون عياط وعمو زياد عصبي ما تحمل كال : مجان المفروض هيج تسوون شوفو كسرتو
فهد : همه هذوله يمشون بالاهاين
محمد : يلا بس كافي ارتاحيت هسه انت
فهد : لا ما ارتاحيت
ايهم : دمه حامي هذا
ياسر : طالع عليه
همام : خاب انجب طالع عليك شنو كول طلعت عليه تكلب السوالف انت
ياسر : عمي بكيفي انت شعليك
فهد : لخاطر الله سكتوا كافي عاد
اني جنت بالاخير وبس اسمعهم وفرحانه ملخت ليان وعطوبها طيرتهن
رجعنا للبيت وهذولة شكلهم يضحك وكله دم لعبوا بي طوبه
اول ما طبينا ركضت لغرفة بنان لكيت يمها رزان تحجي وياها وهاي بنان الفطيرة تبجي
عيطت عليها : ليش مكلتي ليان انتي وتالي وياج بنان تضلين بهاي الفهاوة هيج احسن برأيج بهذلتي نفسج بسالفة فراس وهسه همزين اشتغل دماغج وحجيتي لفهد اويليييييي ملختها ملختها
رزان : فوختييي گلبي هل حقيرة الحيه
روان : صلوات صايرة تحجين خاف اطكج بعين
رزان : اكول امشي نطلع هاي اختج خاف يجي فهد وهاي عيب
بنان : دقيقه لا لتروحون
روان : ليش عيني
بنان : مو هاي
روان : انجبي وكعدي يلا رزان
اخذتها وطلعت من الغرفة لاكاني فهد طب للغرفة رزان فلتت راحت لغرفة ريم اني دا انزل جوا ع زوزو
جان الكى ياسر توه يصعد
رأسا ابتسمت لشكله وهو عصبي يضحك : واو خوش بطولات عندك استاذ ياسر
ياسر : وانتي هم خوش لعبتي طوبة بـصخله ست روان
ضحكت عليه من كال هيج : اي اي شعبالك خما تأذيت
ياسر : خايفه علية عمي
روان : بكيفك
ياسر : اهخخخخ يمه گلبي
روان : دروح روح صدكت
ياسر : تففففو عليج حيوانه يلا انتي هم روحي لمي عطوبج
روان : وانت هم شوف وجهك جنه مهرج هيهيهي واطلبك خمسمية لتنسى خوش
ياسر : خمسمية روحي ام كفشه
روان : انت اكبر متعجرف بالدنيا
ياسر : ها گلبتي فصحى
روان : ياخي روح روح
ياسر : ليش مترديني
روان : لا حتى تروح ترتاح
ياسر : خايفه علية
روان : راح تموتني روح روووح
ياسر : رايح عمي رايح
ضحكت عليه ورحت طبيت للغرفه لكيت ريم كاعده تقرا ورزان يمها متمدده
________
بنان
طب فهد وحالته حالة
رأسا من خوفتي كمت بسرعه بس دخت جيت اوكع ع وجهي
هو اجه كبل علية : الله الله شبيج بوية ليش كمتي
بنان : مو غير جيت عليك ليش رحت ها مو كلتلك لتروح
فهد : لعد اخليها هيج تتمادى أكثر برأيج ؟
بنان : مو شغلة تتمادى بس شنو هاي ليش مترب
فهد : غير ادبت هذا ايمن الجلب
بنان : عزاا فهد خطيهه
فهد : اسكتي انتي كضيتيها خايفه و خطيه اذا تضلين هيج متعيشين
بجيت وكلتله : زين شلون عوف هل موضوع أنت مو صار عندك شغل بالبصره شلون يعني باجر ترجع تروح
فهد : لا اخذت اجازه وأشوف شيصير وراها الله كريم اخذتها حتى ابقى هنا اني ومؤمل نشوف هالكو* الثاني فراس وها صدك ردت اكلج لكينا جمال وهسه مشمور بالسجن وانحكم مؤبد
بجيت وكلتله : فهد حباب الكي فراس هم والله تعذبت بسببه هواي كرهني بعيشتي
حط ايده ع ايدي : الكاه وربج وشوفي بس الكاه شسوي بي
هزيت راسي واني ابجي : هسه يعني انت مصدكني
ابتسم بوجهي : " مصدكج درابين كلبي "
مسحت دموعي : تدري شنو
فهد : شنو
بنان : صارلك هواي مكايلي شليتيني شل هههههههَ
فهد : لا هذيج وحد بغير اوقات اكولها وحسب الطقس والجو
ضحكت عليه
بنان : راح اجيبلك معقم هذا خشمك دينزف واحنه دنسولف
كمت جان يلزمني ويكعدني : كعدي بابا انتي مريضه
بنان: اوووف
_________
ياسر
همام : بويااااايي طلعت ضيم گلبي بهذا النذل ايمن ولا توقعته هيج
ياسر : عربانه هيهيهيهي مثل ابو
ايهم : عركات الالمانيين مجرد بوكس خفيف وراجدي
ياسر : لا عمي احنه هنا عركاتنه ما تسولف
ايهم : اي طلعت المكبوت بي
همام : راسي ديوجعني خرب
ياسر : انهمد احسلك
همام : ماكدر انهمد
ياسر : اشرب دوا
همام : حكوملك اكول صدك تعال تعال شو انت مداشوفك تقرا لا شي ولا محاظرات
ياسر : اقرا اقرا
ايهم : شوكت مو اني يمك شو ماشوفك
ياسر : بالجامعه
همام : صلوااات
ياسر : انجب يعني مدتشوف شلون عندي وقت حلو ودا اقرا بي
همام : ديلا كافي كافي وانت الطبيب مو علساس عندك عياده ديلا نام
ايهم : ميجيني نوم
ياسر : شتريدون احطكم ع رجلي واهزكم
ايهم : انت لسانك فالت
ياسر : الله انت لسانك ينكط عسل خليني ساكت ايهم
همام : راااااااسي
ياسر : وجع وسم شده بعُصبة وفضها
همام : لك ياااااسر رح اكوملك
______________
بنان
بنص الليل جنت غافية انداريت ملكيت فهد موجود يمي
شوي استغربت لأن اعرف هو هالفتره يبقى هنا ينام
كمت داشوفه بالكاع لو لا
لزمت راسي بوجع : اهخخ راسي ديوجعني هسه
هذا ..
مكدرت اكمل كلامي همس من وراي : دتدورين علية ؟
التفتت عليه : انت وينك
فهد : تردين انام يمج
بنان : ترى داكول انت وينك مدا اكول تعال نام يمي
فهد : اي عادي اجي انام يمج اني بدون متكوليلي
بنان : لا لا
فهد : شنوة لا لا
بنان : مو هاي مادري
فهد : خيه لتستحين رجلج اني رجلج مو رجال غريب
مادري وين جان عقلي بنص الليل كتله : فهد انت تحبني يعني
فهد : نامي
بنان : هسه شبيك شكلت حنام اصلا
فهد : لا لتنامين
بنان : ليش أن شاء الله
فهد : مادري لتنامين شبيج خليني اباوع ؏ وجهج
غطيت ايدي بوچهي واني اضحك : ماخليك تشوفه غاديه شحالني مصوفرة چني ليمون
وخر ايدي وباوعلي مبتسم : معليج بكيفي اني اموت على الليمون .. اريد اباوع على هالعيون اوف يا عيونج بنان
بنان : يلا يلا كافي انت وراك دوام نام
فهد : خربتي ام اللحظه .. هم صدك هو اني اخلص من شغل البصرة ارجع هنا اشتغل ادور على هذا الثاني اخلص من واحد يطلعلي ابنه
غطيت راسي ورحت نمت مدري محسيت شجان يحجي بس يدردم ويغلط عليهم
______
روان
كعدت الصبح عيوني مطفية وهاي ريم كاعده تراجع
روان : ثولل ذبي الكتاب صارلج شكد تقرين
ريم : ولج انتي لازم هم تقرين هيج حتى تعدلين درجاتج
اكول خل اروح ابدل .. باوعت ع رزان نايمه
اللههه هسه شصار لو اني نايمه هسه
روان : ريمممم ماداوم اليوم
ريم : ليش
روان : ماكدر اعوف فراشي الدافي واطلع لا عيني لا
ريم : انجبي مو هاي اني هم كمت دكوووومي
ريم كومتني غصب وبالكوة نزلت جوا وهذا ياسر لكيته گاعد
لزمتني الضحكه عليه هذا بيش ساعه كاعد حتى كاشخ هيج كشخه
رحاب : صباح الخير تعالن اكلن
روان : خاله ما أشتهي بالكوة كعدت
رحاب : عادي حتى لو شوية
روان : مادري ما أشتهي اني
ياسر : يلا يلا بسرعه اكلن حتئ نولي
ريم : منريد منشتهي يلا امشي
ياسر : تمام لعد يلا لحكوا راعيكم يطليان
ركبنه بسياره ونطلق استاذ ياسر
ياسر : اكلج ست روان
روان : نعم
ياسر : شنو رايحه عرس فاله شعرج شني ميحسابوكم بالمدرسه
روان : عود بس اوصل اشده
ياسر : ها يعني انتِ فالته حتئ سوين استعراض
روان : استعراض ؟ ؏ شنوو هوه منو يباوعلي هوه شعري كفشه
ياسر : اي لعد ضمي شعرج مادام كفشه لأن محلو
روان : هااا شنوووو يعني شعريي محلووووو
ياسر : لا لاا مو هيج يخبل وين اكو بجمالهه اصلا
روان : لا لا هذا قصدك شعري محلووو
ياسر : ولج شلون محلو غيرر يخبلل اويلييي
روان : اممم عبالي
ياسر : شعندي غيرج رواني حبيبتي
خزرته انو يسكت لأن ريم موجده اباوع علئ ريم دتباوع من الجامه
روان : شو صافنه
ريم : دوختونيي انتو غيرر بمشاكلكم
روان بهمس : دوخناج لو دتفكرين بالحب
ريم عاطت : روانننن كافيييي
ياسر : اش شبيج صوتجج منو كرصج
ريم : هوه اكو غير هاي البكايه اليمي
روان : انجبي لج حيه
ياسر : تروحيلها فدوات لج
روان : هاي عليمن الفدوه ؟!
ياسر : عليج عليج
ريم : هيج صارت ياسر هاي عود اني اختك
ياسر : اني مكلت فدوه كلت فدوات عود تقاسموهن بنص بس لتبچين
ريم : ايي عفيه بأخو خيته
وصلنه كدام المدرسه دننزل وعاط ياسر
ياسر : عود لمي الكفشهه لتفلين شعرج بعد
جاوبته وگلت : عود بس تقلل عطرك الي تسبح بي سبح
ياسر : دمشي لچ
روان : لعبالك بعطرك هذا عود حتغري البنات ومدري شنوو ترا مطيب
كام يشمشم بنفسه وگال : يخبل عطري بس انتِ تغارين
روان : اي حموت من الغيره يمههه
ياسر : ديلا يلا
_____________________
رزان
كعدت مثل هذيج المرة عرفت الوقت الي نروح بي للعياده بدلت وكملت ونزلت جوا هم لكيت ايهم كاعد ينتضرني ويلعب بتلفونه طلعنا ورحنا للعياده
بالسيارة چان يگول : يمكن راح نأجر شقه بين منرتب امورنا ميصير نضل طول الوقت هنا
التفتت اله : شنو ليش بالعكس عادي هو انتوا نفرين قابل شكد عشيرة
ابتسم باوعلي : تردينا نبقى
رزان : اي اكيد حتى عمو زياد خطيه ليش تروحون ايجار والبيت مفتوح الكم بأي وقت وبالعكس وجودكم ممضوجنه ولا شي
ايهم : بس لازم قابل نضل هيج
سكتت ماعرف شجاوبه
ورا ساعه وصلنا للعياده ودخلت جانت هالمرة مختلفه عادي اول مدخلت ضليت كاعده وصافنه
بدا هو يسولف وياي عادي واجاوبه بس بعدين اسئلته كامت تزيد
ايهم : تذكرين من سئلتج هذيج الجلسه وكتلج " شنو اكثر موقف أثر بيج ؟ "
هزيت راسي : اي
ايهم : تتذكرين بعد موقف أثر بيج أكثر من ذاك ؟
نزلت راسي بحزن : هنه هواي
ايهم : شوفي رزان لتعتبريني شي ولا دكتور اعتبري نفسج تحجين للحايط هذا ولا تهتمين ل اي شي تمام
هزيت راسي وعيوني مدمعه : مادري شلون احجي
ضحك وكال : جا لعد متعرفين الحروف
هنا صدك متحملت ضحكت حيل وعيوني كامت تصب دموع : شنو جا لعد شلون صار هيج
هو باوعلي ميعرف شنو ويضحك وياي : شنو كلت فدشي غلط ؟
رزان : لاا هو مو جا لعد لانو هي الچا نفسه معناها لعد فميصير ينجمعون سوية فهمتني
ايهم : تمام تمام فهمتج شكراً ع المعلومه
سكتت شوي وبديت احجي : فراس ابن اهلنا اللي ربونا
ايهم : شبي ؟
رزان : جان يحاول يعتدي ع اختي بنان
ايهم : نعم نعم؟؟؟؟؟
رزان : بس مرة كتلته وكفشته حيل من شعره هلسته تهلس وفضحته بس جمال اللي هو زوج ماما الهام هذا ما اعترف بي اصلا هذا نفسه الي قتلها مصدكنه وصدك فراس لان حلف ع القران
سكتت وانداريت متفشله اباوع عليه هو مجان اصلا يباوع علية ديكتب كأنما ما سمعني شكلت
اني سكتت وهو باوع علية : سوالج شي ؟
رزان : لا لان فضحته وكتلته
هو رأسا طكها بضحكه : كتلتيه ؟
رزان : اي والله وجتي روان وياي هم لتستغرب بس اذا اي احد يتقرب لوحده من خواتنا حتى حط بمكاني بنان أو روان راح يسون اكثر من هيج
ايهم : كفو منكم .. اييي شنو ناوية مخططاتج للمستقبل
رزان : احب اصير دكتورة اسنان
ايهم : كُلش حلو
رزان : اي حيل احب هيج اصير بس راحت علية هاي السنه بسبب هاي الظروف اللي صارت
ايهم : لا ليش أن شاء الله ترجعين السنه الجاية وتكملين
هي سنتين وبس واللي اعرفه انتي شاطره راح تطلعين منها أن شاء الله وبمعدلات عالية
هزيت راسي .. تخيلت انوا اصير دكتورة ويتحقق حلمي بهيج سهولة ومرات اخاف واكول مراح اكدر اصير لان لازم معدل عالي يلا
كال : يلا انتهت جلسة اليوم
هزيت راسي ردت اطلع
ايهم : انتضري اوصلج اني وارجع هنا
رزان : لا اني ارجع
ايهم : تؤ معليج امشي كدامي يلا
______
ياسر
كاعدين اني وأحمد بالقاعه اخر شي ونضحك عالبنات
احمد : شوف هاي خدودها جنها نفاخه
ياسر : هيهيهيهي والله اي لعد شوف هاي الايناينر مدري شيصيحوله وين واصل للمريخ
احمد : انجب كافي ياسر هذا صار تنمر
ياسر : استغفر الله استغفر الله ما نتنمر احنه دنحجي الصدك ترى
صاح الاستاذ : اللي بالاخير !
باوعت ع احمد وهو يباوع علية
عاد الاستاذ : ياسر و احمد مو صح ؟؟؟
بعد ما بيها مجال كمنا من الفشله وكفنا
الاستاذ : برا بسرعه
ياسر : استاذ ترى مسوينه شي خارق لقوانين الطبيعه
الاستاذ : بسرعهههه اطلعوا برااا القاعه سببتوا توتر فضيع
احمد : استاذ جنه نتناقش بخصوص المحاضره
الاستاذ : لا محاضره ولا شي امشوا برا
طلعنا برا لا احساس ولا مشاعر وكعدنا بمكانه كليوم نكعد بي
ياسر : اهووو هذا شبي غثه هيج
احمد : أني ادري ؟
ياسر : خاف لان تنمرنا ؏ البنات
احمد : يشورن
ياسر : هيهيهيهي دباع هذيج القراصه راح توصل للسما
احمد : خربيك لتضحكني اني عود ضايج اليوم
ياسر : امداك ليش ضايج ؟
احمد : مادري هاي مجاية
ياسر : منية .. هاااا حبيبتك
احمد.: وسممم شنو حبيبتي هو اني حجاية محجيت وياها
ياسر : لان جبان
احمد : انجب لا راح اتشجع واحجي وياها
ياسر : اكول صدك انت شكد غبي
احمد : رحم الله والديك
ياسر: لان احنه مطرودين مدتشوف ماكو احد طالعععع فشنو هي بالمحاضره عمي هسه
احمد : تدري شنو
ياسر : شنو
احمد : ماعرف شنو
ياسر : شلون راح تنكتل
_______________
بنان
كعدت راسي ثكيل وبالكوة احرك روحي ولكيت فهد طالع رايح للشغل
نزلت جوا لكيت زوزو ومريم وخاله كاعدين ونفس كل يوم تريكت بالمطبخ ؏ سريع ورحت يمهم
زوزو : ولج ملعوووونه شلون تنزلين وانتي مريضه
بنان : اني ملعونه ليش
زوزو : كلمه هيج بس ليش نزلتي شيخلصنه من فهيدان ترى كال متنزل خلوها فوك راسها يوجعها
باوعت عليهم مريم تضحك تكول : اي يخاف عليها شلون لعد
وخاله رحاب تضحك هي وزوزو ويتهامسن
كلتلهم : خالة ترى اني ما احب اضل وحدي غير أنزل احجي وياكم اني خما اضل وحدي
رحاب : لا يمة هلا بيج
جتي يمي مريم كلتلها : اي ولج شلون النونو الجديد
مريم : لج عيني هاي فرح تغاررر حيل وحسن ميت وجامد عليهم
بنان : خطية شغله شلون
مريم : على أساس يريد ينقل هيج شي لانو كلش ديتعب
بنان : أن شاء الله خير
ضليت يمهم شوية للظهر وزوزو تعد وتصف ع خالة جمانه و على ليان ومحمود وكلهم مخلت ولا واحد
وخالة رحاب ساكتين وهي تعيط ع ليان
انقهرت حيل وتذكرت من كالت هاي الغرفه المفروض الي .. كمت صعدت للغرفة دكيت علئ فهد
هو بقى ببغداد ورا هل 3 ايام احتمال يرجع للبصره
فتح خط
- هلو فهد شلونك
- يا هلا ومية هلا تمام زين وانتي شلونج
- مادري شلوني
- ليش .. ضايجه من شي ؟
- مادري
- لعد شبيج ليش هيج
- فهد شوكت ترجع
- ها اشتاقيتيلي
- هسه دكول لتحجي هيج
- ارجع العصر
- خوش
- شتسوين بية واذا رجعت
- مادري هو يعني هيج سؤال
- شربتي دواج
- لا نسيته
- كبل روحي شربي
- تمام .. فهد لكيت فراس
- أن شاء الله الكاه لتهتمين القضية صارت يمي بعد .. الدوا عود مو تنسي ونامي خاف راسج يوجعج
ابتسمت وكلتله : يلا اوك
- خوششش
- اووووك
- خوش ويلا روحي
- فوك ما ادك عليك واسأل
- هههههههَ يلا بوية روحي شربي دواج
- يلا باي
- في امان الله
نزلت تليفون گلبي يدك يمه ضحكته .. مدري شتسوي بية احس اريد اتخربط من اسمعها
______
روان
واكفين اني وريم كالعاده بالشارع ننتضر استاذ ياسر الحلو يشرفنا
وانشتلنا وصافنين : ريم ضجت اني حيل هذا اخوج وينه
ريم : شمدريني يمعوده اني اعلمه بس يجي
كاعدين وصافنين جان يفوت ولد يغمز ويسوي حركات
باوعت عليه بعصبية اني بهيج مواقف ما اسكت : خيررر تريد تزيدها علينه فوك ما هي زايده
- ليش هههههه شكو
روان : دمشي ولي ولي
شو ماشوف غير شمر ورقتين علينه بيها ارقام
التفتت ريم بصدمه : يا متستحي يا حقير الا اكول لبابا عليك
هو هنا الولد ضحك : اي خل نشوف كولي لبابا علية
روان : روح منا لا الم الدنيا عليك لكك
شو ماشوف غير هذا وكع بالكاع ونزل بس ياسر ضرب
ويعيط عليه : حيوان والله اذا اشوفك متقرب الهن مرة ثانية اموتك وحق ربك
الولد هذا الثاني فد مرة وهم ياسر اخذله كم ضربة واحنه نضحك عليهم مجان اكو احد والمدرسة عزلت وبس احنه باقيات وكلسع نشجع ياسر : اي اي يلا ياسر كتله اااااايييي
وهو يتخبل أكثر ويكتل بي شسوه لعب جوله
اخر شي الولد كام يصيح وياسر وخر وراح يركض انهزم واحنه نضحك
كال ياسر : انتننن من شوكت هنا ؟
ريم.: والله من زمان ننتضر حضرة جنابك الحلو تجي
ياسر : دنجبي انجبي وانتي كفشتج فديوم من وراها راح يصير بية انهيار عصبي
ريم راحت قبل صعدت واني وراها فتت اضحك ولازم خصل شعري وگلت بمياعه ..
_ اسم الله على اعصابك عمي
ضحك علية وگال : متلوكلج المياعه يلوكلج المكافش صعدي صعدي
ريم : شبيكم تسولفون وانت تعال اصعد
اجه ياسر وصعد وهو يمسح بوجهه : خرب شكد فاهي اكتل بي وارجع ليورة
روان : بعد ايدي .. هاك هذا رقمه خاف تريده
أخذهم من ايدي وشككهن : خلي يفيده رقمه هسه زين
ريم : اكول صاير بينكم حوارات وكذا هااا موهنديس ياسر شكو !
ياسر: اكرمينا بسكوتج
______
بنان
كاعده اني وزوزو نشوف المسلسل و رزان ضلت فوك اول مرجعت بعد منزلت وخالة ومريم تساعدها
طب همام ضايج مدري شبي
زوزو: هلو عيني هلو شرفت محامي العائله
همام : هلا بيج زوزوايه
زوزو : عزاااااا يدلعني المعقد
همام : زوزتي زوزايه زويزه زوزوتي
زوزو : طيح الله حظك يا ممتربي مال الغسل الا اتوبكم واحد ورا اللاخ من ورا هل سوالف هاي
ضحك همام وراح صعد
همام : ضليتي عمرج تكولين اتوبكم اتوبكم ولحد الان محد تاب
زوزو : انجب انجب
ورا بكم دقيقة طبوا ياسر وريم وروان طايرة هي وكفشتها
فات ياسر : هلو زوزو شلونج شعجب العكازه اليوم مو يمج
زوزو : حظي حتى ما اكدر اكتلك يالجلب بسيطه اني اعلمك خلي يجي فهد والله بس اكوله اكتله يخلص عليك ويأدبك زين
ياسر : كلشي ولا كتلة فهد مو ايد لج زوزو اصيحلها حديده تموتتتت
جتي علية روان : ها بنان شلونج
جتي وراها ريم : ها عيني ست الحسن شلونج
ابتسمت : تمام بشوفتكم وانتوا
روان : زينه اني لعد رزان وينها
بنان : بقت فوك ما نزلت من رجعت من الجلسه
ريم : خطية ترى لازم احنه نعذرها ونعذر موقفها
بنان : اوفف ايي يلا روحو بدلو حتى تتغدون
راحوا صعدوا واني ضليت افكر بـ فهد
هل ايام هاي تفكيري عبارة عن فهد ابد ما طلع من بالي عكس كل مرة يمكن اعتبره فدشي عادي بس هل مرة مادري شبية وشصار كلسع احس اشتاقيتله وادك عليه بحيث بزعته واخر شي كال عندي شغل بس اخلص ادك عليج .. خاف اني زعجته هم صوجي صوجج بنان المخبلة واني داكه عليه تقريباً 10 مكالمات
اوفففف احس حبجي اباوع لزوزو تضحك وتباوع مسلسلها وكلسع تندار تكول شلونج وخالة رحاب هم خطية
وراها صبو غدا ونزلوا الولد وروان وريم نزلوا بالكوة جابوا رزان سحل وهي تكول ما أشتهي
واضحك عليهم وهذا ياسر مخله شي ما صنف عليه
ورا الغدا خلصنا وجنه كاعدين وخالة رحاب مسوية جاي وزوزو هم رجعت تعد وتصف
زوزو : هذولة بيت محمود والله متحلفتلهم بالذات محمود وبنته الحية دخلي يجون واني أعلمهم
ياسر : زوزو ترى طردنا ليان وهمه اخذوها ع روحهم مراح يجون لهنا بعد ما اعتقد
زوزو : لا يجون ومحمود يجي غصبا عليه مو مرته شتكوله يسوي ميصير هيج
رحاب : اوف ادور هاي المشكله منا
زوزو : اوفففف هذني ياربي كون اكضهن واني اعرف شسوي بيهن الحياية حتى هذا ابنهن ايمن مثلهن راح اتخبل ياربي
سكتت خالة رحاب وبهاي الأثناء اندكت الباب راح هُمام يفتحها
فتحها و اجه كالي : بنان هذولة ولد خالتكم احلام اجوي
رأسا كالت روان : منو قصدك يوسف ومهدي ؟
همام : اي همه
ياسر شرك بالجاي وضل يكح واختنك وريم تدك ؏ ظهره وراها كال : شنو يوسف اجه ؟
نهاية البارت
يتبع ..
(لاتنسوا التصويت)
7.nldn حسابنا الأنستا
إلى اللقاء يا أعز العابرين في قلبي ♡.
الكاتبات دينا & نور
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!