رواية نقطة لقاء الفصل الرابع والعشرون 24 - بقلم الكاتبة دينا _ الكاتبة نور

اول مدخلت ضحك وگال : نورتي عيادتي المتواضعة

باوعت عليه واني ساكته : شكراً

راح ايهم وكعد ع كرسي وكعدت كباله اول شي جان عادي ولا كأنما دكتور و مريضة كلش عادي بدأ يسولف وياي شوي شوي يسألني عن حياتي قبل

بديت احجيله كلشي : ما جنا هيج كلش حياتنا حلوة بس اللي جان مخربها جمال .. اني وخواتي ونروح للمدرسة سوية ونرجع سوية وعادي .. دراستي كلش زينه بيها جنت ودرجاتي حلوة .. سنة بقتلي واتخرج من المدرسة واخلص كلشي ..

ردت احجي عن بنان بَس تذكرت انوا محد يعرف بهل سالفة ترددت حيل وماعرفت شكول هذا الموضوع هم أثر علية من راحت ومكانها فُرغ وضلينا وحدنا

هو باوعلي وكال : تمام .. زين عادي اسئلج سؤال

هزيت راسي بقلق يمكن جان وجهي مبين انوا ضامه فد سالفة بكلبي لان ردت احجي بس سكتت

ايهم : اكو فد موقف أثر عليج هواي .. او مو بس موقف مواقف هواي ؟

اول ما تذكرت موقف ماما الهام .. كُلش تأذيت لحد الان هي بالي ميطلع منظر الدم وميطلع منظرها كله من بالي

دمعت عيوني وكمت احجي بغصة كأنما على غفلة وانفجر وابجي : ماما الهام وفاتها أثرت بية هواي يمكن اني اكثر وحده تأذيت من بين اخواتي

ايهم : الله يرحمها .. بَس اريد أوضح فدشي انوا من انتي تكولين اني الوحيدة اللي تأثرت ترى همه هم متأثرين بس يمكن علمودج أو يحاولن انوا يكونون كدامج قويات حتى انتي تصيرين زينه فهمتي قصدي يعني مو معناها هنه مرتاحات بحياتهن هاي ؟

هزيت راسي وهو ضل يباوع علية كأنما يريدني اكمل
كملت وبعدها الغصة بداخلي واحجي والعبرة خانكتني

رزان :شفتها هي جانت مقتولة والدم كله بالكاع حتى من كعدت يمها ماعرفت شسوي ملابسي تلطخت بالدم وأيدي كلها ضليت مصدومة وماعرف شسوي بس اباوع عليها دموعي من الصدمة ضلت واكفه بعيوني معرفت ساعتها ابجي لو اصرخ مثل الحايرة .. جانت هي لامتنا كلنا وابد ما فديوم كالت انتوا مو بناتي ولا اشتكت من عدنا .. ماما الهام أُم متتعوض

نزلت راسي احاول ما أنزل دموعي واتمالك نفسي
ايدي ترجف من الغصة بديت استرجع كلشي ومن انهزمنا اني وروان بنص الليل وكُلشي

اجاني صوته يحجي بهدوء : ليش تضمين بداخلج ابجي .. بالنهاية كلنا نحتاج وقت نبجي بي لتضمين شي بگلبج

باوعت عليه ودموعي بعيوني : ما اريد ابجي

ابتسلمي وكال : تمام ع راحتج

هو كعد يسجل بدفتر وقلم وكلسع ياخذله صفنه ويرجع يكتب

بالاخير گال : تَمام خلصنا جلسة اليوم

باوعتله ب صدمة : شنو خلصنا ؟

ايهم : اي خلصنا حتى ما اضغط عليج اكثر ولان اول جلسة علاج الج ف ميصير نطولها وهاي بدايه

هزيت راسي ب تمام

دك جهازه رأسا طكها بضحكه وفتح خط
هلا عيناي .. صدك لعد خوش اني رح اضل بالعياده للعصر .. تجي تاخذ رزان .. بعدين تفتهم الموضوع معليك بس اسكت لتضل تحجي هواي اصدّع من وراك .. اي ديلا لعد

سد الخط ويضحك باوعلي وكال : ياسر رايح على مدرسة البنات وجايبهم ويا دك علية كتلة عود تعال للعيادة حتى ترجع رزان وياكم

رزان : ليش كلتلة محد يعرف بهل موضوع

ايهم : ليش تحسسيني الطبيب النفسي عيب واحد يزوره

رزان : انت مدتفتهمني ليش كلتله جان اني رحت ورجعت

ايهم : الله وحدها تريد ترجع .. لازم تواجهين كلشي مو ادور تخجلين وتستحين ترى الموضوع كلش طبيعي وانتي مو مريضة انتي ما شايفة الحالات اللي جايتني فما اريدج لا تستحين ولا تضوجين ولا تخافين حاولي توخرين كل هل افكار من دماغج اشغلي نفسج بغير اشياء تعلمي اشياء جديدة هوايات مثل الرسم أو طبخ أو الخياطه .. فكري بكلامي زين

باوعتله وسكتت .. ما اعرف شجاوبه احسه مديفهمني اللي اني بي صعب مو بهيج سهولة اتخطى !

_______________________

روان
طلعنه اني وريم من المدرسه دننتظر استاذ ياسر وچان تجي يمي بنيه گالت

_ اگلج عيني هذا الحليوو دائما يوصلكم شيصير منكم

روان : عفوا !

_ شبيج اوييي اقصد هذا الاشكراني شيصير منكم دائما اشوفكم تصعدون وياه

روان : اخوها وابن عمي شتريدين ؟

_ اهاا هوه مرتبط لو لاا ولوو هوه اذا علئ هل جمال شلون ما مرتبط عفيه كوليلي مرتبط لو لاا لان حبيته حيلل

باوعت عليه من فوك ليجوه بلا هاي شتحجي وياها

ابتسمت بحزن وگلت : حظاً اوفر حبيبة الي دتشوفينه مزوج وعنده خمس اطفال

ريم جانت يمي دتسمع حجينه وجان تشهك وبقت صافنه عليهه واباوع علئ البنيه فاتحه عيونها بصدمه

_ شلون مزوج وعنده خمس جهال لاا شلونن والاحلام الي بنيتهه وياه وميروح من تفكيري بالأخيررر يطلع مزوج

_ الله يعوضج

_ عاد مرته حلوه لو لا

روان : تخبلل صاكههه بس حيتزوج عليها هيه هم حظ ما عدها هيه شنو وحده تحبه وتزوجه حظه يصير تعيس

_ اووف خرب بحظج نونه شلون بيه اني

ريم : اسمج نونه ؟

_ لا لا حبيبي جان يدلعني هيج

ريم : حبيبج؟

روان : ترا حرنه انتِ مادام مرتبطه شكوو حاطه عينجج علئ الاشكرانييي ع كولتج

_ مو اني شنوو بس شفته تركت حبيبي وحبيت هذا بس هسه كسر گلبي هل حليو وطلع مزوج فحرجع الحبيبي

بقيت صافنه عليها مصدومه وگتلها : واذا مقبل يرجعلج ؟

_ عادي خيوليي عندي كومهه غيره

روان : صدك تحجين؟

_ اي شبيج واذا تريدين ادبرلج واحد

روان : ايععععع لا شكرا خليهم الج

_ اووف بس والله حرامات يطلع مزوج هل حلوو ولا فوكاه عنده خمس جهال خرب بحظي

ابتسم وكلتلها : شسوين اذا حظج فكُر يلاا الله يعوضج بواحد تحبيه واحسن منه ويكون هل مره عنده عشر اطفال ومزوج ثلاثه

_ اوييي انتو مو مال واحد يحجي وياكم شو دروحوا

ريم : هاي صدك تحجي

روان : شمدرينيي ولا تكلي ادبرلج واحد

ريم : ختولي وصدك تعاي تعايي شنووو مزوج و راح يزوج ثانيه وعنده خمس اطفال

روان : هااا شنوو اني گلت هيج ؟

ريم : وجعاا لا جدي گال شنوو هيج تكولين

روان : خطيههه زعلت ست ريم طيرت قسمة اخوها

ريم : اكص ايدي اذا مابديتي توكعين بمشبكة ياسر

روان : ايي مو اني سمچه

ريم : اي لوفي السالفه لوفيهاا

روان : اي اي يلا امشيي اجه الاشكرانييي

ريم بضحكه : الحليووو

رحنه السيارته وكبنه و تلكانهه ياسررررر

ياسر : ياهلااا بطركاتي واختي الحيه الصفره

ريم : هلا بخويه الاشكرانيي ابوو الخمس جهال

ياسر : اشكراني فهمنه خمس جهال وينهم وهوه حتئ انيي كلمة حبيبي ممحصلها نوب خمس جهال

ريم : تحصلها تحصلها

ياسر : الله يسمع منج " ويباوع ع روان "

روان : خيرر اكوو بوجهي شي

ياسر : ايي اكوو عيون و حواجب و خدود وخشم وشفه حلووه

وجان تضرب ريم : ولك اثكل عيبب

ياسر : العيب بالجيب عمي

روان : اووووووف

ياسر : اروح فدوات للي تتأففف

روان : اشووو انت ما

قاطعني وگال : قبل متنهدين بيه ترا قابل بس انتِ تتأففين اكوو كومهه غيرج

ريم : شدوا روؤسكم يكرعان هسه شيسكتهم هذا حيغرد وذيجه حتغرد

ياسر : لا عمي سكتنه يلا امشوا نجيب اخت ام كفشه

روان : تروحلي فدوه

ياسر : عشر فدوات اروحلج عمي

__________________

بنان
جانت دنيا ظهر وخالتي ومريم ديحظرون غدا زوزو مقبلت كالت تعاي كعدي يمي نشوف المسلسل وفرح هم تلعب يمنا

جنت كاعد كبالهم والدمعه بطرف عيني واني كل تفكيري هو .. هيج بسهوله يروح ويعوفني حتى بالجذب تليفون ما اتصل علية ولا كال شي

الغصة ببلعومي وماكدر احجي شي بس اباوع عليهم و دموعي تنزل واني اتذكر البارحه شصار .. حتى فراس بعد ما اتصل علية ولا سوى شي جان هدفه يخربنا اني وفهد وفعلاً اللي باله صار كله

حسيت ع زوزو من كالت : يول بنان شبيج هيج وجهج شنهي منو مضوجج

ابتسمت الها : محَد

زوزو : اعرفج تجذبين علية عبالج ماعرف بيج شي واني حاسه بيج من كعدتي الصبح لهسه

بنان : والله بيبي مابية شي مو هياتني كدامج

ابتسمت وگالت : خوش ولو ما اصدك

بنان : مابيه شي
باوعتلها مدري شسوي بيبي زوزو مادري شلون هيج تحس بينا مع العلم اني مبينت ولا شي الها وكاعده وساكته

جتي علية فرح تضحك : بنااان عاتيي نطلع برا

بنان : ولج شسوين برا

فرح : بالمرجوحه و عود خلي نلعب بل لعابات حلوات مالاتي هسه انطيج وحده لونها وردي

ابتسمت وكلت : تمام لعد خلي نلعب بل لعابات برا بعدين نطلع ما اكدر هسه شوية تعبانه

هزت راسها وراحت تركض

باوعت عليها واني اتذكر طفولتي
مجانت هيج جانت جحيم علية بس وية ذكريات امي وخواتي تختلف الها جمال خاص
من جنه نلعب بالشارع لو بالمدرسة والعركات اللي متخلص
لحد الان اتذكر من جتي رزان تبجي على ماما الهام

وكالتلها : يمهه شوفي روان كسرت لعابتي وكطعت شعرها باعييي ماعدها شعر

الهام : يااا لعد شلون وينها روان جيبيها كليلها ماما تريدج

راحت رزان تركض وجابت روان

حجت ماما : روان ليش كسرتي هاي العابه مو اني جايبتلكم اثنينكم سوا ليش كسرتيها

باوعت روان : هي تكول لعابتي احلى من مالتج

الهام : بس ميصير تكسريها بعد ما اجيبلج العاب ترى
هزت راسها

الهام : محد يتدخل ب العاب الثاني يلا روحو العبو كافي ما اريد مشاكل الكافيني ابوكم

انداريت عليها اني وعيوني تلمع .. جنت احن لجمال عبالي ابوية ودائما افكر واكول ليش ميهتم بينا مثل باقي الآباء : شبي بابا هم زعلج مثل رزان

ابتسمت الية وكالت : لا يلا روحي نامي

مواقف بسيطه ويه ماما الهام تشب نار بصدري .. ماتت واني ما شفتها انقهر وانهضم مرات اكول الحمد لله ما شفتها مثل روان و رزان يمكن تخبلت رسمي مرات اكول لو وياهم وشفتها ب اخر لحظات جان ارتاحيت

تعبت واللي زادها علية فراس وچملها والغلط مني اني اللي محجيت لفهد وهسه ما اعرف هو وينه وشلونه

جان على الأقل يتصل بية واني اخابره هسه هو ابد كطع عني كأنما يريد يتخلص مني نهائيا وينهي كُل نقطة وصل بيناتنا

حسيت ع فرح جتي علية وجايبة لعابتها : هاج بنان

التفتت زوزو : هاي شنو بنان رجعتي صغيرة صايرة تلعبين لعاب

بنان : شسوي غير هي جابتهن

زوزو : عزااا هذا بالمسلسل راح يندعم

اباوع على زوزو مدري اضحك مدري ابجي ع ذكرياتي

_________________

روان
وصلنه للعياده خابر ياسرر علئ ايهم ونزل ايهم ورزان وركبت رزان السياره وجان يكول ايهم

_ ما وصيك استاذ ياسر دير بالك عليها هاي صارت صديقتي لضوجها بتفاهتك

ياسر : لتخاف هاي اخت الغاليه بس الغاليه متحس بيه

ايهم : شغلتك اظاهر مليوصه

ياسر : حيلل حيل مليوصه

ايهم : الله يساعدك

ياسر : اووف اي انتَ شوكت ترجع للبيت

ايهم : ليش اظاهر تريد اونسك و" غمز "

ياسر : اياا طايح الحظ واني عبالي فقير والله طلعت اني الفقير

ايهم : سوده عليه انتَ فقير

ياسرر :اي والله فقير ماكو افقر منيي

ايهم : ديلا روح وصلهم واني بس اخلص العندي ارجع

ياسر : حرجعلك

ايهم : تريد اعالجك

ياسر : مو مخبل اني

انتبهت علئ رزان دمعت بس سمعت ياسر ومنكن ايهمم انتبه وگال

ايهم خازر ياسر وگال : لاا ليش قابلل الي يتعالج مخبل طبعا لاا عاديي بس انتَ حالتك خاصه

ياسر : رحمة الله والديك

ايهم : ادلل يلا ولي

رجع ايهم فات للعياده وياسر مشه بسياره وره شويه من الصمت اندار ياسر علينه وگال

ياسر : اي شلونج ست رزان

رزان : زينه وانتَ؟

ياسر : زين بس اخخخ گلبي ملچوم من فد وحده

رزان : الله يساعدك

ياسر : ويساعدج عميي ايي بمناسبه ست رزان منوره سيارتي شتحبون سمعون

ريم : ياسررر رجاء لتبلش امشيي رجعنه للبيت تراا طاحح حضنه

ياسر : اوويي خطيه طاح حضهاا

ريم : ياسرررررر

ياسر : دولي اي ست روان شتحبين سمعين

روان : ماتت روان ماتت

ياسر : يمههه عمري علئ عمرج انچبي لچ

روان : انجب انتَ

ياسر : خوش احترامات هاي مو اجي افرك حلگج

روان : اي تعال افركه وشوف

ياسر : بس خاف اغيرر رائي وبدال ما افركه ابوس..

ديكمل وريم عاطت

_ هيووووووو كافييي ياسررر شبيكك

ياسر : وانتِ منو يمچ منو كرصج

ريم : دخلي نرجعع اله اكول ماي فاذر يشوف شغله وياك انت متستحي

ياسر : لاا ما استحي

ريم : طبعا شفت فهد ماكوو كمت سخت براحتك

ياسر : هسه الي يسمعج يكول مسويها صدك

ريم : ديلا رجعنه رجعنه

روان
رجعنه للبيت اول مفتتت رحتت گبل البنان شفتها جانت كاعده وحدها

روان : شلونج بنان

بنان : زينه وانتِ شلونج بالمدرسه

روان : نفس كل مره صدك فهد خابرج

نزلت راسها وگالت : لا واليوم الصبح جان يحجي وي خاله اول ما اجيت داحجي وياه سد الاتصال

روان : زين اتصلي عليه انتِ

بنان : اذا اتصل محيرد

روان : جربي وشوفي

شلت التليفون دكيت عليه اول مره مرد دكيت مره ثانيه اجاني صوته

_ هاا شتريدين

گلت وغصه بصوتي : فهد

_ نعم شتريدين صاير شي

_ فهد شلونك

_ شتكولين انتِ بعد الي سويتي شلون حيكون حالي

بنان :فهد والله انتَ كلشي مفتهمه غلط گل الي بالك غلط

فهد : الي نكسر ميتصلح بنان مراح تحسين بيه

بنان : عفيه لتكول هيج فهد

فهد : هاهيه شتريدين انتِ هسه ؟

سكتت احس مداكدر احجي بعد مديطلع حجي من حلگي وخاصة من اجاني صوته جان صوته تعبان ومهموم

_ هاهيه روحي بويه
وسد الخط

گمت ابجي بنهياز نفجرت هيج جنت احس بشي بصدريي وخاصة من سمعت من عنده كلمة " بويه " چان دائما يكولها الي بس ما احس بيها احسها عادي بس هل مره غير لما گالها يعني بعد ماكو امل الي. صار يتصلح ..

روان : كافي بنان مو موتي نفسج بس تبجين تبجين شنو هاي صيري قويه لضلين هيج

بنان : مداكدر شكد داحاول اقل كلمة احس تأذيني ودموعي تنزل

روان : هسه مو خابرتي المصخم مالتج شگلج

بنان : گال روحي بويه گلي بويه بويه

روان : يعني علمود گلج بويه دتبجين؟

بنان : لاا بعد حجه حجي بس هاي احس اثرت بيه دائما يكولها الي واني احسها عاديه بس هل مره لا

بقيت صافنه عليها وگلتلها : لأن بديتي تحبي

بنان : ها

روان : باعي خلي انطجياه بالخط العريض هوه قبل مصير هل سالفه جان يهتم بيج

بنان : اي

روان : اممم زين جان يحاول يتقرب منج منا منا

جاوبتني وهيه تمسح دموعها : انجبي اشو انتِ متستحين

روان : مو وكت فلفستچ هسه اي لو لا

بنان : اييييي

روان : زين انتِ چنتي تخلي لو متقبلين ؟

بنان : شهل اسئله مالتج روان شجاب هاي الهاي

روان : انچبي وجاوبي

بنان : لا مجنت اخلي

روان : امداج

بنان : روانن

روان : تعزت روان المهم زين هسه انتي وره هل سالفه ومو بتعد عنج وهايي صرتي تريدي يرجع اهتمامه بيج يعني اشتاقيتي السوالفه الاحم احم ولتكولين روان جاوبي والصمي

بنان : ايي

روان : يعني اشتاقتي الاهتمامه ولسوالفه

بنان : ايي

عطت وگلت : هاهيه يختي گمتي تحبي لان انتِ تموتين ع طيحان حظ فشنو وره ملبسج لبست الچلب كمتي دوري هاهيه واضحه سالفتكم

بنان : ولج صوتج فضحتينه

روان : لأن حجيت الصح

بنان : كافي عاد هسه اني بيا حال

روان : اي غير دانطيها الج من الاخير

بنان : شكرا ما اريد عوفيني

روان : طبج مرض هوه صوجي

بنان : شلون وكت الصغيره صارت تعلم الجبيره

روان : لأن انتي فاهيه فاهيه فاهيه متعرفين تصرفين

بنان : افتهمت والله افتهمت عوفيني بضيمي

_____________________

ريم
كاعده ؏ تليفون اگلب وجان تجيني رساله وطبعاا گبل رحت شفت چان مكتوب بالرسالة

_ شلونها ام شارب اشكر

بقيت صافنه ؏ رساله اباوعلها بعصبيه واتسائل منو هذا وشنو شارب اشكر وشمدري شاربي اشكرر

_ منو انتَ ؟

_ معليج منوو انيي

_ شنو معليه شتريد ؟

_ اريد اتعرف عليج

_ درووح لكك يريد يتعرف وهاك بلوك

_ تعاي تعاي لحظه اشاقه صبري صبري

_ شتريد بسرعه احجي

_ باعي

_ خيررر احجي بسرعه منو انتَ وشتريد ترا طوختها حيل

_ هدي عيوني

_ عيوني شنووو شو بسيطه هسه انطي تليفون لاخويه فهد ضابط ويعرف شلون يصرف وياك

_ هههههه والله لو ما اخوج كدامي جان صدكتج

_ شنووو

_ وسم

_ منو انتَ وشنو اخويه كدامك

_مؤمل اني مؤمل

_ مؤمل؟

_ اي يابه

_ شتريد ومنيلك رقمي وليش تراسلني

_ هيج داسئل عليج

_ شنو تسئل عليه انتَ شنو لا فوكاه فهد معتبرك اكثر من اخ تجي تراسل اخته متستحي انتَ فهد مو بعينك

_ اعصابج اني مو هيج ابد ونيتي مو هيج بس بعدين تعرفين

_ شنو قصدك؟

_ بعدين تعرفين ومره ثانيه بس احد يراسلج گبل تنطي بلوك مو تبقين منو انتَ وشرايوود ومدري شنو

_ عود ديحجي شو هاك بلوووك

انطيته بلوكك وبقيت صافنه مداستوعب الي صار مؤمل راسلني؟ معقوله ؟ لا لا ما اصدك لحظه هوه مو راح يخطب شكو راسلني؟ هسه مفروض افرح احزن اني؟ بس لا لا المفروض افرح بس زين مني ما انطيته مجال خلي ابيع ثكل احسن ميكول عليه خفيفه واكبر راسه

هسه معقوله الجان يحجي ويابه مؤمل لاععع مداصدكك شو انجبييي ريمم انجبي ثكلي ريمه ثكلي طبه طوب راسل مراسل اصلا ما اهتم مو راح يخطب

امده حضيي بسببه كمت حتئ احجي وي نفسي مثل الخبله طاح حضييي

بهل اثناء فات ياسر احس گلبي وكف يارب مسمعني

ياسر : ليش طاح حضج ؟

ريم : هاااا لا ماكو شيي شكو جاي خيرك

ياسر : تعاي نسوي خباثه

ريم : شلون يعني

ياسر : نسوي مقلب بروان

باوعتله صفح وگلت : شكبرك صير انتَ ها ؟

ياسر : انجبي وتعاي نسوي نصخم طلعي افكارج

ريم : ما عندي افكار سوريييي

ياسر : امداج هسه اني افكررر

ريم : ديلا ابهرنه

ياسر : لكيتها لكيتها

ريم : كبررر شلكيت

ياسر : هسه انتي عوفي الكبر واسمعيني

ريم : اييي اسمعك

ياسر : باعي نسوي مقلب بروان على اساس اني انخطبت وهاي

ريم : كبر انخطبت شنو قصدك خطبت

ياسر : اي هو نفس الشي باعي وخلي اشوف شتسوي اذا معدها مشاعر الي هاذهوه الله يوفقها بحياتها حتى اسحب روحي نهائي واذا عدها مشاعر نستمر

ريم : ما ما اسوي

ياسر : انجبي ريم وغصبا عليج

ريم : ما خطيه والله خاف تنقهر

ياسر : يجوز متنقهر قابل انتي عندج علم الغيب هسه بس كوليلها ومعليج

ريم : خوش بس خطيههه والله

ياسر : معليج انتي بس كوليلها وهاهي

ريم : مو تدلل موهنديس ياسر .. لااا والله خطيه

ياسر : رح اطلع ومدري هي وينها خوش بسرعه كوليلها

ريم : تمام يلا هاذهوه

طلع ياسر يتمضحك ويركص وفرحان وضليت اهز بيدي مو صاحي هل انسان

رحت نزلت جوا ادور على روان جانت كاعده تقرا بالصالة وحدها يم زوزو صحتها

ريم : روان تعالي

روان : ها ريم شكو

ريم : اريد احجي وياج بموضوع

روان شنوه تعاي هنا احجي

ريم : احمم شبيييج هناك

زوزو : ها عيني شنو اني مو بعينجن أن شاء الله ؟؟

ريم : انتي الأصل والفصل زوزو بس مواضيع خاصه

زوزو : مال الغسل مواضيع خاصه تهي بهي يلاا ولي روحي

ضحكت روان وكامت جتي وراي : زوزو خرب كاعده ع الوحده

ريم : هههههههَ هي هيج

حجيت ادور بتوتر : شسمه روان ردت اكلج موضوع

روان : اي ولج شو خوفتيني

ريم : لا ليش تخافين موضوع مُفرح

روان : اي ديلا كولي ام المُفرح

ريم : ياسر راح يخطب بنت الحلال واخيرا

روان : شنو ياسر يخطب ؟

ريم : اي قابل دا اضحك عليج

روان : يعني شنو راح يخطب وهاي خالة وعمو يخطبوله ؟

ريم : اي شبيج ههههههَ ولج فرحانه اخلص منه هذااا القرد المخبل

جنت اعرف ياسر يدري وجان واكف ورا الباب خاتل بحيث ممبين ويتمضحك بس لان اني كباله اشوفه بعدين من كلت قرد تخبل وكام ياشرلي عود يصطبرلي

روان مادري شبيها انكلبت كتلها : داده شبيج دلغمتي

روان : لا بس تأخرت حروح اكمل قراية

ريم : خوش اني فد شوية اقرا حصعد فوك

هزت راسها وراحت .. مجنت متوقعه روان هيجي ردة فعلها

اول ما طلعت طلع ياسر ويهز : الحبج ماخسر رواني الحبج ماخسر رواني

ريم : اهمداك جنك جاهل

ياسر : اهمدااججج انتي حيوانه يلااااا كشششش

ريم : انت مصلحجي تدري لو لا

ياسر : روحي يلا روحي هسه ميهمني احد ولييي
ولج روان جايج جايججج

________
روان
طلعت بره بالحديقه كعدت ؏ المرجوحه افكر بحجي ريم معقوله خطب ؟ اوك عادي خلي يخطب مبروك لعد شكو يكول احبج وهايي وجان اسمع صوته ورايه

_ ياهلا عمي شو كاعده وحدج

روان : هيج ضجت وكعدت عندك مانع

ياسر : لا شعليه براحتج

روان : اي شعليك عليك بخطيبتك

ياسر : شنوو شكلتيي

روان : مگلت شي بس احب اكُلك مبروك ؏ الخطبه تتهنون

ياسر : واوو بسرعة انتشر الخبر حلو حلو المهم الله يبارك بيج

روان : اييي تحبها انتَ موو ؟؟

ياسر : اعشگها اتنفسها شعدي غيرها احبل اجيب

روان : ها حلووو الله يديمكم

ياسر : ايي ايي

شويه صار صمت بيناتنه بس اباوع علئ عيونه الگي نظراته عليه وعيونه يلمعن ومبتسم ابتسامه خفيفه

روان : تحبها هواي

ياسر : اموت عليها

روان : زين انتَ مدام تحبها ليش دائما تبين اليه انو انتَ تحبني

ضحك وگال : متوهمه عمي

روان : يعني كُل الي چنت تسوي الي وحركاتك و كلامك وغيرتك كٌلها متوهمتها اني

ياسر : ايي

روان : تمام هاهيه

داكوم اروح افوت جوا وجان يجرني من ايدي

وگام يضحك : تعاي بويه تعاي خلي احجي وياج

روان : هاا خيرر

ياسر : جذب بويه لا احب ولا بطيخ دامقلبج

روان : وهسه شتريد

ياسر : اعترفي تحبيني

روان : شنوو

ياسر : تحبينيي بس متكولين احجي روان وريحي گلبي " كام يأشر علئ گلبه "

روان : ما اعرف شگلك ياسر ليش دتحچي هيچ

ياسر : " طركاتي اني احبچ "

روان : شنووو

ياسر : ايي روان احبچ اني خلي ننطي علاقتنه فرصه ؟

روان : ما اعرف شحچي ياسر

ياسر : لتحچين شي وانتِ اصلاً كُلش زين تدرين اني احبچ

بقيت صافنه مشاعري بهل لحظه متخربطه ما اعرف شنو اجاوبه وعيني بعينه ونظراته اكلت عيني اكل جاوبته وگلت ..

_ ما ادري ياسر ما اعرف افكر

ياسر : لتفكرين انتِ بس كولي اي والله مراح تندمين انطي الي والج فرصه وشوفي

باوعت عليه وگلت : ايي

اشوو هذا سمع جوابي كام يضحك وعيونه كلها فرح وگال

_ رواني اخيرا انطتنه فرصه

ابتسمت اله وگلت : بس منكول لحد ابد

ياسر : ادللي منكول

روان : اكيد ياسر لأي احد منكول

ياسر : تمام تمام

گام يضحك وگمت اضحك ؏ ضحكته

روان : يلا اني افوت

ياسر : روحي طركاتي وگال بهمس " طركاعتي صارت حبيبتي "

روان
فتت جوا ما ادري ليش وافقت بس احس لازم انطي فرصة لأن نظراته بذيج اللحظه صدك حسيته يحبني ..

___________________________

بنان
بعد ما تعشينا والوقت صار ليل جانوا ريم و روان كاعدين يقريهم عمو محمد و عمو زياد هم كاعد يم زوزو ملتهيه رزان بسابع نومه وأيهم يم هُمام .. باوعت منا ومنا مريم بغرفتها وحسن راجع بس ياسر كاعد ع تليفونه كبالي

باوعت عليه كتله : ياسر ياسر

باوعلي : ها عمي

بنان : أكلك تكدر تاخذني للأسواق

باوعلي ب استغراب : وليش تروحين اني اجيب واجي

بنان : ضايجه

ياسر : والله مادري دقيقه افكر

بنان : هسه شكلت هو هنا للأسواق اريد اشتري كم حاجه وهم اطلع

ياسر : خوش لعد ناخذ روان ويانه

بنان : مادري هسه اشوفها

رحت للصالة سألت روان : اكلج ياسر حياخذني اشتري من الأسواق تردين شي

روان : شنو ياسر ياخذج ؟

بنان : اي ماكو اي احد متشوفين الكل ملتهي

روان : انتظري دقيقه ابدل واجي

حجت ريم والدمعه بعينها : اجي وياكم اني هم

باوعت بصدمه : بس هو ميدري عباله بس اني اروح وروان

ابتسمت ريم وكالت : لا ليش اني هم اجي وياكم بس خل ابدل

روان : اي شنو بس ياخذنه لا عيني مو بكيفه انتي اخته اولى يلا روحي كوليله كلهن حيجون واحتمال رزان هم نكعدها تجي ويانه
ضليت صافنه عليهن

رحت لياسر اشرلي : ها بشري وين طمستي عمي

بنان : ها مو هاي شسمه

ياسر : شنو شسمه الله يساعد فهد طلعتي روحي بالفهاوه

بنان : اسمع حيجون ريم وروان ويانه

فتح عيونه : شنوووو

بنان : اسفههه والله شعلية اني يعني ريم سمعتني وكالت اجي

باوعلي وصار اعصاب : كبر متتحمل الا تخرب الطلعه

بنان : لا خطية غير اختك

ياسر : والله انتي انسانه على نياتج الله يحفظج صيحيهن واني انتظركم برا عود طلقه تصيحيهن واذا ميجون جيبي روان وتعاي

بنان : وليش روان بالذات ؟

ياسر : هسه معليج بس شوفيهن وتعاي يلاا

بنان : هسه

رحت ركضت عليهن وطبيت للغرفه ب اعصاب اني جنت لابسة صايه وشال منزمان بس هنه روان دتمشط وهاي ريم تلبس حجابها ورزان صافنه عليهن

بنان : بسرعه ياسر يكول طلقه تنزلون

اندارت علية رزان: وين حتروحون

بنان :مكالن الج ؟

رزان : لا مكالن ملتهيات يبدلن

بنان : تجين ويانه حنروح نشتري من الأسواق

رزان : تروحون جيش للأسواق ؟ خو ياسر يجيب ويجي

بنان : شمدريني بعد رادوا يجون يلا عادي تعاي انتي هم

هي هم مكالت كامت رزان ولبست وطلعت وكلهم نزلو محد لكى ياسر

ريم : عزاااا وينه هذا

روان : والله العظيم اذا راح ما احجي ويا بعد

باوعتلي ريم صفح : هو انتوا يا يوم متحاجين ؟

عاطت بنان : هيوووو كافييي خنشوف الادمي وين راح

بعدين اجاهم من جوا طلع ياسر : هاي شنو شبسرعه خلصتوا

ريم : انجب وليكدام يلا

ياسر : نروح سيارة لو شنو

بنان : بالنسبه الي اريد امشي نفسيتي زفت

ياسر : وين تتمشين عمي عالكورنيش

بنان : هسه انت معليك مو صح بنان

كالن: اي اي

هو سكت ومشى ليكدام واباوع لروان تباوعله ومخنزره وهو يضحك كلت اكو فدشي هذولة شنو شبيهم

رحت يم ياسر : باع ياسر اريد نساتل اربعه و جبوسه 5 و وعصاير 4 و اندومي 5 و ....

ياسر : كاااافي دخت هسه شجيب

بنان : اطب اني اجيب

ياسر : انجبي عمي شنو انتي تطبين اسواق نص الليل والله العظيم انتن عدكم سوالف فديوم منتحر تلكوني

ريم : انجب

ياسر : انتي تنجبين شو شحجي انجب وانجب وين الاحترام بالموضوع هااا ؟؟؟

بنان : يلا خلص كافي جيب 4 من كل حاجه يعني جبس ونستله وعصير واندومي وهاهي

هز ايده وكال : اوكفن هنا وهاي روان خلي توكف هناك بالظلمه

بنان : ليش خطيه

ياسر : هي وكفشتها طالعه ماقبل اني كوليلها ياسر يكول اوكفي هنااااك

بنان : لا خطيه عود احنه نغطيها

باوعلها مخنزر وهي تعيب اله عبالك توم وجيري ميتراهمون ابد مخابيل ..

رزان : الله باع هذا البيت شكد حلو

ريم : لا بيتنا احلى

روان : ثنينهم حلوات

ريم : لا مالتنا

رزان: لا هذا

بنان : اشششش كافي عزه بعينجن

ريم : اوي انتي نفسية فهد علمج اوييي

روان : عزا ريم باجر امتحان انكليزي

ريم : اي والله عزه بعيني نسيت زين هو هواي لو شوية ؟

روان : شمدريني حتى الكتاب مفاتحته

ريم : طاح حظنه من هسه ورايحين نشتري فرحانات اهمدانه

رزان : لا لحد يخاف التفكير يموت بس تقرون تحسون سهل

روان : الله بدت نصائح رزان اللي مسامعتها صارلي 4 اشهر

بنان : يمعودات كافي شبيكم يلا نرجع واحجوا متشوفون ناس وعالم تفوت وانتن صوتكم ديجي

ريم : ترى عادي مجرد نقاش بسيط

رزان : بسيط كلش مو

روان : معليج انتي كيفنا

طلع ياسر وكام يعيط : انعل ابو الجابكم يابو اليخليجن واكفات هنا صوجي كلت لبنان شوفيهن لو جاين وحدنا احسن وهذا صوتج شوي نصي خوش ولسانج خلي بحلكج وكفشتج لميها متشوفين هذولة يباوعون وربي ارتكب بيجن جريمه كدامي يلا كدامي

ريم : اوي عود صار اعصاب موهنديس ياسر لتخليني اغرد

ياسر : انتِ انجبي خوش

روان : انت لتدخل بية بعد ومالك حق علية وبكيفي شلبس وين اوكف شسوي بشعري وشلون احجي خوش اني ما احب احد يتحكم بية

ياسر : اتحكم واكسر راسج

روان ابتسمت وگالت : جرب وشوف

بنان ما اهتم وضل يدردم ويمشي وهذني ميسكتن ولا هو يسكت وكبت

ورا شوية دنمشي لاحظت سيارة تمشي ورانا بس هلكد ما ظلمه ممبين فدشي منها بس الضوه عمه عيوننا

وتمشي خفيف ورانا اني هنا ارتعبت رأسا كلت لياسر : لك ياسر هذولة ديمشون ورانا خاف يخطفونا

هو باوعلي : كولي والله

بنان : والله والله

هو ضل يعيط ع روان والبنات يكولهم : تعالو امشوا كدامي خايف عليهن عود

واني ارجف تذكرت من انخطفت والرهبة والخوفه بعدها بية وبگلبي تذكرت فهد والدمعه بطرف عيني وهذني مخايفات وعادي بس رزان جلبت بية

ياسر : اسمعوا خلي نعد لل 3 ونركض خوش خاف يخطفونا يبيعونا

رأسا باوعت روان : لا ما اتصور علينه جاين خاف بيتهم هنا

ضلي ياسر يباوع بقلق وكلسع يلتفت كلتلهم بعيطه : معلية والله ما اضل هيج امشي والبيت بعد شكد يلا نوصل امشوا نركض اليوم لو بالهدف لو بالنجف

ياسر كال : يلا كل وحده تكود وحده وركضوا واني وراكم حتى خاف يصير شي

ريم : ورانه اسم الله عود يحمينا ياسر لتضحكنييي بنص خوفي

روان : ياسر راح اكفخك

باوع ياسر بضحكه : معليكم خلوها علية ركضوا واني وراكم

صاح .. 1 .. 2 .. 3

ركضنا كلنا واحنه خايفين و رزان بعد شوية تبجي : يمهههه راح يخطفوناااا بنان شلون

بنان : ركضي ومعليج

وليكدام ريم وروان
اخر شي سمعنا ضحك ياسر بحيث ضحك عالي اندارينا شفنا ميت من الضحك

وكفنا وصحناله : لك تعااااال ليخطفوك

ورا شوية انعلك كلوب السيارة ليجوا وصاح همام وصوته مليان ضحك : تعالن خوية تعالن

رجعنا بصدمه منعرف نضحك لو نبجي

مد راسه جان كاعد بصفه ايهم وميت ضحك على حالنا : بربكم هاي سواية

عاطت روان بعصبية : شعلينا احنه بنان وياسر خوفونا

ضل يضحك ياسر ويباوع لهمام واحد يباوع بوجه الثاني يضحك

بنان : والله خفت عبالي راح تخطفونا وحرامية

حجى همام وميت ضحك : صعدي خوية صعدي اذا نخطفكم فهد يلعب بينا كرة القدم

ايهم كال : شبيكم وجهكم مخطوف من كل عقلكم صدكتوا يلا صعدوا يا اخوان وانت ياسر حسابك بعدين بس نوصل

وياسر مثلهم ميت ضحك عبالك ديشوف مقاطع مضحكه وميت ضحك ضلينا من خوفتنا وصدمتنا ساكتين وهمه يقلدون علينا ويضحكون واحنه متفشلين رجعنه للبيت وكل راح الغرفته نهمد ونام

____________________________

بنان
هل ايام ابد مجاي انام زين وراسي قلق واني افكر بفهد وابجي ابد ما عيوني وكفت من البجي .. كل ما اتذكر ارجع ابجي الليل يمُر علية مثل السم .. كلشي يرجع بالي وكل لحظة ويه فهد بحلوها ومُرها كلشي
بحيث ابجي ابجي واحس نار بداخلي

كعدت الفجر مثل كل مرة وصليت قريت قرآن هم بعدها صار الصبح حسيت على هوستهم جوا بعدين راحوا

مادري شلون نمت هيج بس لان جنت سهرانه الليل كله

كعدت الصبح تقريباً الساعه 11 الظهر كمت غسلت ونزلت جوا لكيت بيت عمو محمود والُكل جايين والباقين رايحين دوامهم !
سلمت عليهم وكعدت يم خالة رحاب

حجت جمانه : ها شنو هاي بعدج تكعدي للظهاري

باوعت رحاب : عادي بنان خطيه تكعد الصبح وتساعدنا خطية هم تتعب فخلي تكعد براحتها

كلبت وجهها ليان : اي عشتو

زوزو : فديت بنان وخوات بنان اني هذني من ريحة الغوالي

كالت ليان بتنعوص : اكول خالة وينه فهد شو ماكو ؟

رحاب : بالشغل

ليان : ها مو مرات اشوفه موجود

حجت زوزو : انتي شعليج بفهد ؟؟؟

جمانه : شدعوه يا خالة انتي على كلشي نحجي وتسوين لغوة

زوزو : اسكتي لج سكتي .. شنو وين ابنج ورجلج

جمانه : شمدريني بالصاله يم ابو فهد و ابو ايهم

زوزو : اممممم

همست مريم لبنان : معليج بيهن شيحجن يحجن لتهتمين

بنان : شسوي تعودت عليهن اصلا

مريم : لا ولج رديهن لتصيرين فطيرة حيل لتخليني احطج واكتلج

بنان : ما احب اسوي مشاكل اني

مريم : اوي رقيقة

ضحكتني مريم وهي تقلد : دباعي باعي اللبس شلابسه عود تريد تشوف فهد شلابسه ميدري هي يم بنان ولا شي

ضحكت وكلتلها : اوف يا مريم والله عليج سوالف بس لتباوعين ع ليان خاف يطلع الطفل يشبهها

مريم : اسم الله ولا احلئ شي يطلع نفس اخلاقها علمود انجلط

بنان : والله ضحكتيني بعز ضوجتي

كمت اضحك وي مريم وهذني جمانه و ليان بس يخوزرن مدري ششايفات

...........................................

رزان
كعدت اليوم مرحت وي ايهم لان معندي جلسه وياه فنزلت سلمت علي بيت عمي محمود ورحت للمطبخ اشرب مي وجان اندار والكه ايمن ورايه

رزان : ايمن ؟

_ عادي نحجي

رزان : اي كول

_ شلونج

_ تمام

ايمن : دومج

رزان : شكرا

ايمن : رزان طبعا منكن احنه محاجين هواي فمنكن متعرفيني زين

رزان : شلون يعني ؟

ايمن : يعني من اول ما اجيتي لا اني حجيت وياج ولا انتِ

رزان : عادي وين المشكله

ايمن : شلون ماكو مشكله

رزان : شدتحجي انتَ شبيك

ايمن : اني معجب بيج

رزان : معجب بيه ؟

ايمن : ايي

رزان : وشتريد هسه شنو الي اكوله الك مثلاً ؟

ايمن : يعني متريديني

رزان : لاا

ايمن : غصباً عليج توافقين

رزان : شنو شغلة صارت غصب اني بحال حب مثلا شو روح مني يمي روح

ايمن : نشوف نشوف

رزان : هاي شدتحجي انتَ كلشي مدافهم منك !

بقه يباوعني من فوك ليجوه وعافني وراح ضليت صافنه هذا شبي شديخربط هوه بس كم مره شافني شعجبه بيه عاد عفته ورحت كعدت يمهم ..

_________________________

بنان صعدت فوك لغرفه ضجت من حجيهم فرحت كعدت افكر شوكت تصفئ وشوكت يرجع فهد حتئ افهمه وبلكي يصدكني وچان تنفتح الباب وتفوت ليان

ليان : انتِ شلون بيج مناويه تحلين عن فهد

بنان : اول شي شلون تفوتين هيج الغرفتي بدون مدكين الباب !

تقربت عليه ودفعتني گالت : هل غرفه التحجين عليها المفروض صير غرفتي الي مو الج بس انتِ لعبتيها صح واخذتي فهد من عندي

بنان : شنو دفعيني وخري من يمي ويلا اطلعي برا الغرفه

ليان : شنو طرديني من غرفتي

بنان : بابا شدتحجين انتِ من شوكت صارت غرفتج

ليان : لو ما ماخذه فهد مني جان كلشي صار اليه

ضوجتني حيل بحجيها لأن جان ابد محلو فرديتها و گلت : فهد يحبني الي ولو يحبج جان ازوجج الج بس مرادج وحقه ما اخذج ؏ شنو ياخذج اذا انتِ كُل هل سم والحقد والغيره بيج

ليان : اني تحجين هيج عليه

بنان : لانو محجيت شي غلط هذا الصحيح

شو ما اشوف غير هجمت عليه
گامت جرتني من شعري حيل وكامت تضربني حيل احاول ادفعها بس ماكو جانت اقوئ مني ادفع بيها ماكو بقت تضرب بيه واباوع علئ شعري صار بيدها واريد اعيط اصيح احد مداكدر احس صوتي راح واختفى

لحد ما دفعتني حيل واجه راسي بحافة الميز .. جان الميز زجاجي .. وبعدها محسيت على ايشي ...

نهاية البارت
يتبع ...

أن شاء الله يعجبكم البارت ♡.

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور