رواية نقطة لقاء الفصل الثالث 3 - بقلم الكاتبة دينا _ الكاتبة نور

روان : كاعدين علئ اعصابنه منعرف وين بنان هذا جمال الحقير ما ادري وين اخذها

رزان شفنه اجه بابا كمنه كلنه عليه

روان : هي انت يالحقير وين وديت اختنه

جمال : انجبي انتي لتخليني اخليكم تلحكون اختكم كافي ما اريد حجي زايد

رزان : عليك الله بس كللنه وين وديته عفيه رجعها عفيه

جمال كمت وضربت رزان : انجبي احسن ما اطيح حضج

روان : شفته ضرب رزان وكعها بالكاع اجيت جريت رزان منه انت شنو من بشر متكلي حرام جنه معتبريك ابونه والحمد الله مو انت ابونا افضل ابويه يكون ميت ولا انت لان منشرف بواحد مثلك حقير يكون اب النه كسر بيدك ان شاء الله

جمال لزمتها من شعرها وكلتلها : هاي عليمن حقير وكسر بيده اليوم اكسر ضلوعج لج كح.. لو مو اني جان انتو هسه سايبات بشارع

روان ضحكت : صدك والله لا مسوي فضل لعد اختي وين وديتها بنص الليل بلا

جمال : انجبي واشوف تفكين حلكج بسيطه اني الكم اله اخليكم تتندمون ديلا ولن دفر روان بالكاع وصعد فوك

الهام : اجه ابوكم

رزان : عفوا ابونا هذا هم تسميه اب

روان : يلا رزان امشي فوك

.........................................

بنان طول طريق ساكتين واني بس تنزل دموعي محد حجه واني ما ادري شنو نهايتي وين حيوديني بس معندي حل ثاني لازم ابقه وياه ولو اصلا كمت ما اثق لان هوه قريب باعج بقه علئ البعيد

أنا مُتعبه يا الله أينما
رَميتُ، روحُي اتأذى .

مؤمل اباوع علئ فهد صاير اعصاب ويعونه حمر وعروكه مبينه بس هوه يحسس الي حوليه ممهتم بس من داخل مهتم وميدري انو يبين عليه واني طبعا طول الطريق بالي اسئله واريد اجوبه

فهد : يا الله كومي نزلي باوعت عليها لكيتها غفايه

فهد : بنان يلا كومي

بنان بفزع : هاا اي هسه وين احنه

فهد : بيتي مشتريه للاحتياط مكان امن تعاي فوتي

بنان : تمام

فهد : لحظه بنان انتظري

رحت نزلت جان اكو شال واكع اذكر مره مو اخذت ريم فشترت شالات وبقه شال بسياره

فهد : هاج لبسي هذا

بنان انتبهت اني محاطه علئ راسي شي : اخذته ولبسته

فهد : يلا نزلي

مؤمل : وين

فهد : انتظر هسه اجي وافهمك انت ضل بسياره

مؤمل : تمام

بنان نزلت وجان اشوف بيت صغير يعني فتنه بي جان مترب شويه بس مرتب مبين صارله فتره متروك

فهد : فوتي كعدي اخذي راحتج

بنان : هاا

فهد : داكلج فوتي كعدي داحجي هندي اذا متفهمين عربي احجي هندي

بنان بگلبي : عود ينكت الاخ دمه خفيف

فهد : شبيج بويه صافنه فوتي والله ما اسويلج شي

بنان : فتت كعدت

فهد : شوفي يابه انتي حضلين هنا فتره بين متهده الامور وبس تحتاجين شي كولي وهسه انتي اخذي راحتج اليوم و باجر اني اجي الصبح اوك اخذي راحتج هسه واعتبري بيت بيتج

بنان : شكرا

فهد : عفتها وطلعت

بنان : شكد شايف نفسه

.........................................

جمانه : شوفي ولج باجر بين عمج مسوين عزيمه ولازم نروح وباعي اريدج تتقربين من فهد فهد لازم يكوم يحبج لازم فاهمه لو لا

ليان : ماما والله داسوي كلشي بس هوه ماكو ميشوفني

جمانه : ماكو شي يصعب عليج حياتي طلعي ابدعاتج

ليان : حتئ لو ميريدني اني اريده واحبه والله لجيبه للدرب

......................................

مؤمل : ها فهد شديصير رحمه الدينك فهمني

فهد : تعالي نكعد بمكان وافهمك بس هل حجي ميطلع ولا بشر يدري ما اريد اي واحد يدري

مؤمل : لتوصي حريص

فهد : قصدك لو توصي ببغاء لان انت منا احجيلك كلمه الكيهاا شارهرني ومحاط واحد مكايله

مؤمل : رحمه الله والديك

فهد : والديك يا مطي

مؤمل : هسه حرت اني مطي لو ببغاء

فهد : انت كلب ابن كلب

مؤمل : اشكرك يلا غرد شنو قصتها

فهد حجيتله القصه

مؤمل : وهسه شحسوي

فهد : ما ادري بس اني مو حيل واثق بيها صراحه عندي شك قوي بيها

مؤمل : هوه انت شنو وحده من جنس حوا تشك بيها

فهد : لان جذابات

مؤمل : ما اريد افتح الدفاتر القديمه بس مو الكل مثل زينه

فهد : لا الكل يشابهن

مؤمل : هاا يعني حتئ اختك

فهد : انجب اختي تاج راسك بس معدا اختي

مؤمل : بس يوصل موضوع لختك متقبل

فهد : اكيد

مؤمل : هيه شسمها

فهد : ياهيه

مؤمل : البنيه

فهد : بنان

مؤمل : اها اسمها بنان بس تدري حلوه

فهد : انجب ولك عينك

مؤمل : بعدنه بسم الله وكمت تغار

فهد : مو شغلة اغار بس حتئ لو ميصير نباوع علئ اعراض الناس

مؤمل : بارك الله فيك يا اخي في الاسلام

فهد : لتلح انجب

......................................

في الصباح

رحاب : يمه فهد وين جنت بارحه

ياسر : يم الحب

فهد : انجب ويوم بارحه جنت يم مؤمل

ريم جنت واكفه ما ادري شصار بيه لما سمعت اسم مؤمل وكع الكلاص مني

محمد : الله الله انتبهي بنتي

ياسر : ثول

ريم : يثولك

زوزو : شوفي بالها وين حتئ الكلاص مي متعرف شيله اني هل بنيه ما مرتاحتلها

ريم : مفتهمت قصدج زوزو احجي بالقلم العريض احسن

زوزو : يعني عشكانه

حسن : ولج زوزو شنو هل كلام لتحجين هيج وياها

زوزو : انجبو انجبو وشمدريكم متروح للمدرسه تروح تتواعد

ريم بضحكه عاليه : اي صح اروح اتواعد وي رجلج

زوزو : عزاا يا حية فلگ يفلگج شهل الكلام

محمد : ريم عيب سكتي

ريم : هسه متكلولي شحجيت هيه كالت تروح تتواعدين كتلها اي وي رجلج محجيت شي اني

زوزو : صدك انتي المستحه عندج زايحه بس هوه العتب مو عليج اذا هذوله اخوانج شطلعين انتي

ريم : رقاصه

همام : ونعم منه

فهد : ديلا كافي كوم ياسر وصل ريمه

ياسر بهمس وي ريم : ولج ريم طلعتي خوش تقصفين

ريم : شعبالك لعد بويه اني ريم موش اي وحده

ياسر : انجبي انجبي حميتي يلا امشي

فهد : زوزو باعي ميصير تحجين هيج وي ريم وتفتحين عينها

زوزو : وليش عيني عساس اختك فقيره يمه يمه بابا كلشي تعرف بنات بهل عمر ماكو شي ميعرفنه

فهد : ادري بس محلو شنو عشكانه شنو تتواعدين وين كاعدين احنه

زوزو : انجب انجب ذاك اليوم طلعتله لحيه وشوارب وكام صار رجال براسي خاب لتخليني اكوملك وامطك النعال علئ ضلوعك بس شترجه منك تربية رحاب بعد

فهد : وشبيها تربية امي

رحاب : فدوه الگلبك فهودي حبيبي

زوزو : لوكين دوخروا من يمي خلي اروح اتمدد احسلي

همام : درب يسد ميرد

زوزو : شنو شكلت ولك

همام : كلت الله وياج عيوني

زوزو : عبالي

.......................................

رزان : يلا روان امشي كملت اني

روان : اي يلا بس اخلي قراصه بشعري آلجميل

رزان : شنو انتي مناويه تتحجبين ترئ كبرتي يعني گلنه محجبين

روان : اهوو هم رجعنه موضوع حجاب يا اخي معليكم اني وربي اني الي حتحاسب اني ما اريد البسه هيه كوه

رزان : اهوو كافي ثبرتينه امشي امشي نروح احسللنه واحد يبتلي يحجي وياج

روان : ديلا امشنا

دنمشي اني و روان تقريبا وصلنه يم المدرسه اشو وكفت سيارت ونزلوا منهہآ ثلاث ولد وكاموا يذبون كلام

روان بهمس : حبتلي بيهم

رزان : عفيه روان بدون مشاكل مابيه حيل عوفيهم تجاهليهم عفيه آلخاطري خنكمل مضل شي

ريم ديوصلني ياسر شو منشوف غير 3 ولد ديعاكسون روان ورزان

ياسر : ذني مو صديقاتج

ريم : ايي

ياسر : وشعدهن واكفات يم الولد

ريم : ما ادري بس اعتقد همه ديضوجوهم

ضرغام : امج نحله منكن لان جابت عسل مثلكم

روان بهمس : اييع شـگد قديم هسه اتغزل محد لازمك بس مو غزل من زمن جدي

مرتضئ : ولك دشوف جمال وطول فديت فداوي

مهند : ولج انتي ام كفشه شنو هل جمال شهل حلاوه

رزان اباوع وما اشوف غير هذا الولد لزم شعر روان وبده يتلمس بي بثواني من لمسه الها شو ما اشوف غير روان جابته براجدي

روان تخبلت لما لزم شعري فكمت افشر عليه واضرب بيهم وصلخت واحد راجدي بردت گلبي بي

روآن : حيوان نعال باوع لشوفني ساكتتلك كلب ابن كلب وكامت ادفر بيهم

شو ما اشوف واحد منهم دفع روان حيل وكعها

ريم : هاي شنو صارت عركه امشي ياسر

ياسر : اي يلا امشي

ريم شفنه روان كاعده تتعارك و احد منهم دفعها حيل شو ما اشوف غير ياسر كمز علئ هذا دفعها وكام يضرب بي

ياسر : ولك انت شنو متستحي تبارع علئ اعراض الناس لك كلب حيوان وكام يضرب

شو منشوف غير روان كامت وكامت تضرب بيهم وي ياسر

ريم : اني صافنه عليهم شلون ديكتلون بيهم ادري مو وكته بس شكلهم جان يضحك

ياسر : حيوان متستحي انت

مهند : ولك عوفنيي حروح والله توبه توبه

روان شفت واحد كمشفته من شعره وكمت اجر بي (مرتضئ) لان شعره جان طويل

وذاك ( ضرغام ) مشفناه نهزم ورها هديناهم وراحوا

ياسر هوه ويلهث : اكيد حيتحارشون بيج اذا انتي مطلعه كفشتج

روان خنزرت عليه : شي ميخصك

وعفته وجريت رزان ورحنه

ريم شفت ياسر يحجي وي نفسه يكول

ياسر : حقه واحد يتحارش اذا هيه مطلعه كفشتها وتفتر بيهاا والله شكد شايف كفشات مثل كفشة هاي مشايفه تجيت" تايه '' اهو شبيك ياسر تخبلت ختولي ..

ريم اباوع عليه شلون ديحجي وي نفسه وميته ضحك

ياسر خزرني : متروحين شكوو واكفه

ريم : اي رايحه رايحه

.................................

بليل عند بنان

بنان كمت اتفحص البيت وجان حلو مرتب فكمت نظفته خليته يلمع وبنفس الوقت احاول انسه الي صار البارحه فوره مكملت رحت نمت

طبعا بدت كوابيس مخلتني اليل انامه لو احلم بفراس هوه يريد يحاول يعتدي عليه لو احلم بابا لما باعني اووف يربي شوكت اخلص من هل قهر

كعدت صبح رحت للحمام اسبح حتئ اخلص نفسي من لمساتهم الي واحاول انسه الي صار بس دموعي مديسكتن دينزلن بدون ما احس

.....................................

فهد طلعت من البيت ورحت اتجاهل علئ" البلوه " الي وكعت فوك راسي ..

وصلت طبعا مدكيت الباب نسيت فتحته بالمفتاح لان عندي نسخه

اول مفتت لكيت بيت هدوء بقيت ادور عليها لحد ما وصلت الغرفه يصير بابها بس شباك

شو ما اشوف غير وحده كاعده تبدل وشعرها طويل اسود وبيضه ثلج بقيت صافن عليها من هلكد محلوه متكدر توخر نظرك عنها فجئ حسيت علئ نفسي

وكلت شبيك فهد ميصير هيه مأمنه بيك ميصير تباوع عليها

رحت كعدت بالصاله انتظرهاا

هيه فاتت ومتدري بيه اني موجود

بنان : ءااا انت هناه

فهد : تعاي كعدي عندي حجي وياج

بنان حسيت علئ روحي ملابسه حجاب فرحت بسرعه لبست حجاب واجيت

فهد عجبني تصرفها لما راحت لبست حجاب

فهد : تعاي بويه اريد احجي وياج ..

بنان : اي تفضل

فهد : اول شي شلونج يال شالتني شل

بنان : شنو

فهد : شلونج شلونج

بنان : الحمدالله وانت

فهد : علئ الله المهم اني جايه اليوم اريد اسمع قصتج. " بويه "

بنان : هاا

فهد : مثل مسمعتي احجيلي

بنان بقيت صافنه ثواني وافكر اكول اله لو لا ؟ شنو الي اكول اله فرضا مصدكني لا همه اهلي مصدكوني هوه يصدك اكيد لا ..

بنان : معندي قصه هيه بارحه اني كتلك هيه هاي قصتي

فهد : متأكده

بنان : اي اي متأكده

فهد عرفت بيه كاعده اجذب ورها قصة طويله عريضه ...

فهد : مرتاحه هناه محتاجه شي اذا محتاجه كولي بويه

بنان : لا شكرا ما محتاجه شي و اني تعبتك هواي و يايه شكرا

فهد : هذا واجبي ادللي ها صدك خاف انسه جبتلج هذا تليفون خلي يمج

بنان : لا شكرا ما اكدر اخذ هواي كاعده اكلفك

فهد : لا بويه اخذي خلي يمج كلشي يصير خاف تحتاجين شي هاي اتصلي بيه

بنان : ها لا شكرا والله ما يحتاج كلفت نفسك ما اريد

فهد تنهدت : اخذي يابه لتعاندين

بنان بتردد

فهد : اخذي اخذي ترا ميعض ..

بنان تنهدت واخذته : شكرا

دك تليفون فهد

رحاب : ها يمه وينك وحيجون بيت عمك

فهد : اي تمام يمـه جاي وها حيجي مـؤمـل هم

رحاب : اي هلا بي

ريم رجعت من المدرسه

ريم : منو حيجي

رحاب : حيجي بيت عمج محمود و حيجي صديق اخوج مؤمل

ريم عيوني لمعت وكلت : مؤمل ؟

رحاب : اي مؤمل شبيج

ريم : لا هيج ماكو شي

رحاب : اي يلا روحي بدلي علمود تجين ساعديني

ريم : اوك

.....................................

روان رجعنه للبيت اني ورزان وكعدنه ودنحجي بسالفة بنان الي من البارحه كلشي مندري عنها .

رزان تبجي : بنان وين راح اتخبل

روان : يعني مشفتيني شسويت بجمال وما حجى شي عنها

رزان : بالي يمها شلون روان

روان : كافي عاد اكيد هي قويه .. يارب احميها

رزان مسحت دموعها وحجت : شفتي

روان : منو

رزان : اخو ريم .. دافعلج

تغيرت تعابير وجه روان : المتعجرف اي غصباً عليه يدافعلي اصلا اي واحد بمكانه راح يدافعلي

رزان : متأكده اي واحد ؟

روان : اييي اي واحددد يلا سدي الموضوع

@@@
بنان

كاعده وحدي ابجي زين شسوي هسه اني وحدي ماكو احد
علكت التلفزيون ماكو بي مسلسلات حلوه ولا برامج بيها خير ضليت اكلب اخر شي مليت ملل من كلشي
تلفون مابي نت ومحفوظ بي بس اسمه ومسجله كاتب عليه فهد اسمه اخر شي نمت

@@@@@

ريم

رحت بدلت وتعطرت وشعري دائماً احب اشيله ماحبه ابد نازل مادري بس يضوجني
وآخر شي نزلت بوقتها جانت الساعه 5 العصر لكيت اهلي كلهم كاعدين وبعدهم بيت عمي وخالتي مجايين صراحه احسن لان اني اتنرفز من هاي ليان وشلون تلزك لفهد

لكيت ياسر كاعد وحده بالزاويه وحسن خابرناه كال اني بالطريق جان ديجيب مريم و فرح و همام كاعد يلعب بتلفونه وابويه ديسولف وية زوزو وامي بالمطبخ

رحت يم ياسر وكتله : لك ها اليوم ساكت

ياسر : شعليج

ريم : انجب واحجي

ياسر : سلامتج

ريم : ايبااااخ هاي من شوكت سلامتي شو هسه تحجيلي شبيك

ياسر : والله كلشي ماكو بس ماكو شي يعني شسوي

ابتسمت : بس لا تحب

ياسر : شحب ههههههه حضرتج تحششين

ريم : تحب روان

كمز من سمع اسمها : ايعععع اني احب هاي ام كفشهه والله بطرانه

ريم : اهااا صدكتك
ياسر : مجابرج تصدكين تمام

ريم : اووي انت كل يوم مود شكل ساعه تضحك وفرحان وتهوس ساعه تطرب وتركص ساعه كالب خلقتك وكاعد حيرتني وياك يلا هسه تغير جو من الاشكال الي حتجي

ياسر : منو قصدج هااااا وطكها بضحكه

ضحكت على ضحكه : لك اي بس شوف ليان شلون راح تلزك واسمع صوتها شحتسوي تضل تتموع عبالها بهاي السوالف فهد راح يحبها

وياسر مستمر يسمع ويضحك اندارتله زوزو

زوزو : شبيك ولك شنو هالضحك ضحكني وياك

ياسر : مواضيع خاصه زوزو
زوزو : انجب لك شني مواضيع خاصه اني زهره تضم علية سالفه احجي لك وانتي ريمه هم احجي

محمد : عوفيهم يوم هذوله صغار تعاي نكمل سالفتنه اي وهذا ابو باسم مات وورثوا ولده الخمسه

التهت زوزو ويه ابنها وسكتت

ريم : هالمره سكتت بس اصبرلها هسه لليل تذكر وترجع تكول شجنتو تحجون

ياسر : اي اي عيني اعرفها

اجه همام كعد يمنا وكال : خير اكو مواضيع من ورا ظهري

ياسر بالكوه لازم ضحكه : فهددد تحتاج شي اصبلك تمن ؟ (ديقلد ليان)

ريم تقلد فهد : شكراً اذا تردين صبي لنفسج

همام وجه صار احمر بالكوه لازم نفسه حتى ليضحك

همام : طاحظكم عبالي مواضيع بيها خير

@@@@

ورا ساعه تقريبا

اجوي جمانه ومحمود وليان و ابنهم ايمن

ليان : هلو حبيبتي ريم هلو عيني ياسر وانت همام شلونكم

ردوا : تمام

رحاب : اي شلونكم

جمانه : تمام شنو وين بيت حسن

زوزو : رايح يجيبهم من بيت اهلها

جمانه : هااا

ليان شاورت ريم : اكلج فهد وين

ريم : طالع هسه جاي

ليان فرحت وكامت تضحك

محمد : يابه فرغوا الصاله حتى مؤمل اذا يجي نروح هناك وانتوا قليلين ابقوا بالهول يم امي هم تضوج
ورا ربع ساعه دخلت سيارة فهد ويمه مؤمل لكراج البيت

صاح همام : يابه احنه راح نروح هناك وصلوا الجماعه

ريم

الكل انخبص بيهم والتهوا حتى ليان يم فهد مدري شكلتله

جنت بحلم حرفياً
رحت ركض حتى اشوفه من شباك الهول
نزل من سيارة فهد بشكله المعهود جان لابس الملابس العسكريه وفهد هم

نزل يمشي ويضحك ويه فهد شكله من اشوفه تدهور احوالي بس بالتالي اتذكر الحب مو من الطرفين
قبل ليطب رفع راسه حسيته شافني بس اني سبقته وسديت البرده بسرعه حطيت ايدي على كلبي من الخوف ورحت للمطبخ دا اشرب مي شفت فهد واكف ويمه ليان

ليان : شلونك فهودي

فهد ببرود : زين

ليان : اممممم محتاج شي ؟

فهد : سلامتج

ليان : زين تريد مي اجيبلك مي

فهد : لا شكراً هاي جتي ريمه .. ريمه جيبيلي كلاص مي من يمج

ابتسمت اله وكتله : بعيني تدلل

ضاجت ليان وطلعت عود زعلانه

@@@

روان : معرفتي وين بنان

الهام : شلون اعرف ماقبل يحجي اي شي

رزان : اختي وين يربي وين وداها

الهام : تردون الصدك

روان : اي ؟

الهام : خابرني ضابط

رزان : شكااال

الهام : الكل ليعلي صوته خاف يسمع فراس لو يجي ابوكم

نصت صوتها : خابرني ضابط اسمه فهد بس مكال وين لكيتها بس كال راح اخليها امانه يمي لحد ما تهدأ الأمور وارجعها الكم

روان : وانتي شكلتيله ؟؟؟

الهام : والله يمه يعني شكوله هذا فضل جبير سوا النه

رزان : ليش قبلتي يمه خاف يسويلها شي

الهام : والله حطيتها بأمانته وهو كلي اني اخابر عليج

روان : يمهه مهما يكون شلون تقبلين زين ما انطاج عنوان لو شي ؟

الهام : ما نطاني

روان : شلوننن لعدددد

رزان : خاف سوالها شي

الهام : لا يمه أن شاء الله خير

روان : وين تلفونج؟

الهام : هذا

روان : جيبي ادك عليه وين رقمه

الهام : هذا بس هو كلي اني اخابرج
روان : نفس الشي

رزان : اي عفيه دكي عليه

روان دكيت عليه مره مرتين ميرد يطلعلي مشغول

الهام : يمه عوفي هوه عود يدك علينه

@@@

محمد : شلون ماشي شغلكم

مؤمل : والله زين بزود سيادة الضابط فهد

فهد : اي انت بس لو متدوخني اني بخير

همام : هذا فهد ترى ما خلى احد ياهو اليحجي وياه يكوله دوختني حتى ياسر المكرود

ياسر : لا عاب حلكك فعلا اني مكرود

محمود : هذاك اليوم صدك قبضتوا على تجار مخدرا** ببيت دعار** ؟

فهد تذكر بنان : اي صح ويه مؤمل جنه نفس المهمه

مؤمل : عمي كض ابنك شسوى بية هناك بالبيت بس يباوع للحلوات اكوله لتباوع ويباوع يكول ليش افوت الحاتات هاي

ماحس الا بضربة على ركبتي

فهد : ه‍اي اني لو انت

مؤمل : ههههه لا اني ولا انت

@@@

كاعده بالهول واني اباوع ليان ضايجه لان فهد كالعاده يفشلها ومينطيها وجه و امها مندمجه تسولف ويه زوزو

واني كلسع اباوع للصاله مثلا شنو حيغترق الباب ويشوفني اصلا اني وجودي زي عدمو هو ماشايفني اصلا اني حتى شفته بالصوره وكم مرة يعزمه فهد يربي احس داخلي يتكطع محسيت غير على امي تنغزني

رحاب : ها ريم شنو ليش ضايجه اليوم

ريم : تعبانه من المدرسه

رحاب : اي باجر جمعه ارتاحي

ريم : اي

صاح فهد من الصاله : چاي چاي

امي كلتلي كومي سويلهم جاي عيب واني اضل يم خالتج

اوفف هسه اني شوكت اخلص

@@@

ياسر

ضلت أبالي من الموقف الاول
صح جانوا بنات وياي شكد بالكليه بس اني ما اهتم لأي وحده ولا اصادق صح احب الجنس اللطيف بس مستحيل اصادق ..
من شفتها هي وكفشتها تخربط وضعي صارت متروح من بالي انام واكعد هي أبالي دخلت مزاجي كلش حسيتها مختلفه عن باقي البنات نوع مميز بيها شي حلو شي حبيته شخصيتها حبيتها نعم نعم هذا الحب من اول عركه ومن شفت اليوم الولد ديلزم شعرها بويهه مدري شصار بيه حسيت شياطين الجن والانس صارن كبالي لكم اني ياسر الي ما اعبر اي وحده من الجامعه ادور احب هاي ام كفشه .. زين منو يكول هذا حب يجوز مثلا غير شي

استغفر الله ربي صارلي على هاي الحاله اسبوع .. ادور هذوله ملتهين حجه النقيب فلان كال الركن فلان اني مو كلش ويه العسكريه ولازم تلفوني وساكت اخر شي جابوا جاي وكعك جتي منيمي عاد خل اشرب چاي احسن من هذا الوضع

@@@

ورا مخلصت العزيمه

بسيارة بيت ليان

جمانه تشاور ليان : ها ولج بشري شسويتي

ليان : لج يمه هو نفسه شكد احجي ويا شكد احاول مينطي لو نظره وكله داير وجه من احاجيه

جمانه : شوفي لج بأي طريقه لازم تكسبين فهد ولا ترى ليروح من ايدج واني حذرتج

ليان : اني زعلت منه واكيد راح يجي يصالحني اني متأكده وهسه تشوفين

جمانه : خل اشوف

@@@

مؤمل : يلا حبايب اني اترخص تأخر الوكت حيل والأهل ضل بالهم

فهد : يمعود شنو دخابرهم واحجي وياهم كوللهم

مؤمل : لا والله هاي اني من تشوفني يلا ترتاح متكدر
محمد : حبيبي مؤمل مرخوص وان شاء الله انتوا معزومين عزيمه ثانيه انت والأهل

مؤمل : لا والله عمي بالعكس أن شاء الله انتوا معزومين ونريدكم تنورونا الجمعه الجايه واني من زمان جنت مقرر اعزمكم

محمد : حبيبي أن شاء الله

سلم مؤمل على همام

وعلى ياسر بطلعتهم طبوا حسن ومريم وفرح
حسن كال لمريم طبي

حسن : يا هلا هاي منو منورنا اليوم

مؤمل : لك انت وين جنت مكانك خالي والحمزه

حسن : والله جنت طالع .. شخبارك

مؤمل : والله اني زين بس اريد اشوف فروحه
راح حسن جاب فرح واجه

حسن : هاي فرح سلمي على عمو مؤمل

فرح : سونك عمو

مؤمل : يا هلا بالكيك نورتنا

فرح : عمو سالك هوايه مداي ( ما جاي )

مؤمل : اي يا حلوه غير اني بالشغل

فرح : عود تعال بعد

مؤمل : تجين انتي وبابا وماما كلكم معزومين حتى تشوفين ابن اخويه ريان بلكي تصير قسمه

حسن أخذ فرح وكام يضحك : عيني عيني ما اتفقنا هيج روحي بابا لماما جوا خوش ..
اصلا بالنهايه ما انطيك بنتي هاي ماخليها تزوج اصلا اخليها يمي

مؤمل : لتخاف تنطيها تنطيها ..يلا يا جماعه اني اترخص

فهد : يلا تعال اوصلك

مؤمل : فهد دتكلف على نفسك هواي صراحه .. خلي اروح تكسي احسن هياته كومه تكسيات

فهد : امشي لك شنو تكسي فهد موجود
مؤمل : تكسي فهد

فهد : اركب حبيب

@@@
بنان
نمت من الساعه 5 العصر كعدت ساعه ب 7 سويت اكل جنت جوعانه وكعدت رحت صليت وراها ما جان عندي شي بس الواحد يضل وحده ميكدر فتحت تلفزيون بي مسلسل حلو ضليت اشوفه واني ساكته
مرت الساعات إلى أن اشوف الساعه صارت 1 واني اخاف اضل وحدي بالليل

شويه ف بلشت اخاف ورا شويه سمعت طكطكه بالباب مال الطرمه كلت خاف اني اتخيل من خوفتي غلست ضليت اشوف تلفزيون وراها زادت الحركه وحسيت شي مو طبيعي كمت حتى اشوف وخرت شويه من البرده من الشباك الا اشوف واحد ملثم ديحاول يفتح الباب ومدينفتح

مسوين اي حركه خفت حيل وبديت ابجي اني وساكته دكيت على فهد جان الرقم الوحيد محفوظ بالجهاز الي جابه الي

دكيت مره مشاله مره ثانيه مشاله بثالثه فتح خط رأسا حجيت بصوت ناصي وبي بجيه

بنان : الحك عفيه تعال اكو حرامي بسرعه تعال هياته ديفتح الباب ومداينفتح

عاط بالتلفون : وين

بنان : هناا وين يعني

فهد : اهدي تمام اني اصلا قريب من يمج حيل لان أجيت اوصل صديقي .. جاي جاي

نهاية البارت
يتبع

لا تنسوا تصويت حبايبي

إلى اللقاء يا أعز العابرين في قلبي ♡.

الكاتبات دينا & نور